ആലപ്പുഴ : മാന്നാറിലെ കൊലപാതകത്തില്‍ വീണ്ടും ട്വിസ്റ്റ്. ദൃശ്യം മോഡലില്‍ അനില്‍കുമാര്‍ കൊല്ലപ്പെട്ട കലയുടെ മൃതദേഹം മറ്റൊരിടത്തേക്ക് മാറ്റിയതായാണ് പോലീസ് സംശയിക്കുന്നത്.മൃതദേഹം ആദ്യം സെപ്റ്റിക് ടാങ്കില്‍ തള്ളിയ ഒന്നാം പ്രതി 'ദൃശ്യം' മോഡലിൽ കൂട്ടുപ്രതികളറിയാതെ മൃതദേഹം ഇവിടെനിന്ന് മാറ്റിയോ എന്നതാണ് സംശയം.അതിനാല്‍ തന്നെ ഒന്നാംപ്രതിയായ അനില്‍കുമാറിനെ എത്രയും വേഗം കസ്റ്റഡിയിലെടുത്തേക്കും.നിലവില്‍ ഇയാള്‍ ഇസ്രയേലിലാണ്.
കലയെ കൊലപ്പെടുത്തി മൃതദേഹം സെപ്റ്റിക് ടാങ്കില്‍ തള്ളിയതായി അറസ്റ്റിലായ പ്രതികളിലൊരാളാണ് മൊഴി നല്‍കിയത്.ഇതനുസരിച്ചാണ് പോലീസ് സംഘം അനില്‍കുമാറിന്റെ വീട്ടുവളപ്പിലെ സെപ്റ്റിക് ടാങ്ക് തുറന്ന് പരിശോധന നടത്തിയത്. എന്നാല്‍, ഈ പരിശോധനയില്‍ മൃതദേഹാവശിഷ്ടങ്ങളൊന്നും കിട്ടിയില്ലെന്നാണ് സൂചന. ഇതോടെയാണ് അനില്‍കുമാര്‍ മൃതദേഹം മാറ്റിയോ എന്ന സംശയമുയരുന്നത്.
സംഭവസമയത്ത് അനില്‍കുമാര്‍ നാട്ടിലെ കെട്ടിടനിര്‍മാണ തൊഴിലാളിയായിരുന്നു. അതിനാല്‍ തന്നെ മറ്റുസഹായമില്ലാതെ സെപ്റ്റിക് ടാങ്ക് തുറന്ന് മൃതദേഹം മാറ്റാന്‍ ഇയാള്‍ക്ക് കഴിഞ്ഞേക്കുമെന്നാണ് നിഗമനം.
കലയെ കൊലപ്പെടുത്തി മൃതദേഹം മറവുചെയ്‌തെന്നാണ് പോലീസിന്റെ എഫ്.ഐ.ആറിലും റിമാന്‍ഡ് റിപ്പോര്‍ട്ടിലും പറഞ്ഞിരുന്നത്. മൃതദേഹം എവിടെയാണ് ഉപേക്ഷിച്ചതെന്ന് വ്യക്തമാക്കിയിരുന്നില്ല. കേസില്‍ അറസ്റ്റിലായ പ്രതികളിലൊരാള്‍ മാത്രമാണ് മൃതദേഹം സെപ്റ്റിക് ടാങ്കിലാണ് ഉപേക്ഷിച്ചതെന്ന മൊഴി നല്‍കിയത്. ഇതനുസരിച്ചാണ് പോലീസ് സംഘം കഴിഞ്ഞദിവസം പരിശോധന നടത്തിയത്.&nbsp;

മാന്നാർ കൊലപാതകത്തിൽ വൻ ട്വിസ്റ്റ് ;കലയുടെ മൃതദേഹം മറ്റൊരിടത്തേക്ക് മാറ്റിയതായി സംശയം

Kerala

ആലപ്പുഴ: 15 വർഷം മുമ്പ് കാണാതായ കല നാടുവിട്ടുപോയതാണ് എന്ന വിശ്വാസത്തിലാണ് ഇത്രയും കാലം കഴിഞ്ഞതെന്ന് ബന്ധുക്കൾ. പഠിച്ചുകൊണ്ടിരുന്ന കാലത്ത് അനിൽ കുമാറുമായി പ്രണയത്തിലാകുകയും വീട്ടിൽ നിന്നിറങ്ങി അയാൾക്കൊപ്പം ജീവിതം ആരംഭിക്കുകയും ചെയ്‌തു.
പിന്നീട് അനിൽ കുമാർ ദക്ഷിണാഫ്രിക്കയിൽ പോയപ്പോൾ പാലക്കാട്ടുകാരനായ സൂരജ് എന്നയാൾക്കൊപ്പം കല പോയി. രണ്ട് തവണ വീട്ടിലേക്ക് വിളിച്ചിരുന്നതായി കലയുടെ സഹോദരന്റെ ഭാര്യ ശോഭനകുമാരി പറഞ്ഞു. പിന്നീട് യാതൊരു വിവരവുമില്ലായിരുന്നു. നാട് വിട്ടതാണെന്ന നിഗമനത്തിലായിരുന്നു. കഴിഞ്ഞ വെള്ളിയാഴ്‌ച പൊലീസ് എത്തിയപ്പോഴാണ് കല കൊല്ലപ്പെട്ടു എന്ന വിവരം ബന്ധുക്കളറിയുന്നത്.

പഠനകാലത്തെ പ്രണയം,അനിലിനൊപ്പം ജീവിക്കാൻ വീടുവിട്ടിറങ്ങി ;ബന്ധുക്കൾ കരുതിയത് കല നാടുവിട്ട് പോയതെന്ന്

കൊച്ചി: നടൻ ഷൈൻ ടോം ചാക്കോ സിനിമ സെറ്റിൽവച്ച് മോശമായി പെരുമാറിയ സംഭവത്തിൽ നിയമപരമായി മുന്നോട്ടുപോകാൻ തയ്യാറല്ലെന്ന് ആവർത്തിച്ച് നടി വിൻസി അലോഷ്യസ്. എന്നാൽ അന്വേഷണങ്ങൾ വന്നാൽ സഹകരിക്കുമെന്നും നിയമപരമായി മുന്നോട്ടുപോകില്ലെന്ന നിലപാടിൽ ഉറച്ചുനിൽക്കുകയാണെന്നും വിൻസി അലോഷ്യസ് പറഞ്ഞു. ഭീമ ജുവലറിയുടെ പുതിയ ഷോറൂം ഉദ്ഘാടനത്തിന് ശേഷം മാധ്യമങ്ങളോട് സംസാരിക്കുകയായിരുന്നു വിൻസി.
വരുന്ന അന്വേഷണങ്ങളിൽ ഞാൻ സഹകരിക്കും. ഇതുമായി ബന്ധപ്പെട്ട് നിയമപരമായി മുന്നോട്ടുപോകാൻ താൽപര്യമില്ല. സിനിമയിൽ നിന്ന് തന്നെ അതിനുവേണ്ട നടപടികൾ സ്വീകരിക്കും. സിനിമയിൽ ഇങ്ങനെയുള്ള കാര്യങ്ങൾ ആവർത്തിക്കരുത്. അതാണ് എനിക്ക് വേണ്ടത്'- വിൻസി പറഞ്ഞു. വിഷയത്തിൽ മാലാ പാർവ്വതി നടത്തിയ അഭിപ്രായത്തോട് പ്രതികരിക്കാനില്ലെന്നും വിൻസി വ്യക്തമാക്കി.സൂത്രവാക്യം സിനിമയുടെ ഐസി കമ്മിറ്റി യോഗത്തിൽ താൻ പങ്കെടുക്കുമെന്നും അവിടെ വച്ച് ഞാൻ കൊടുത്ത പരാതിയുടെ സത്യസന്ധത അവർ പരിശോധിക്കുമെന്നും വിൻസി പറഞ്ഞു. അതിന് ശേഷം അവർ നടപടി സ്വീകരിക്കുമെന്നേ എനിക്ക് പറയാൻ സാധിക്കുകയുള്ളൂ. എനിക്ക് സിനിമയിൽ ആണ് മാറ്റം വരേണ്ടത്. അതുകൊണ്ട് ഞാൻ ആ നിലപാടിൽ തുടരുകയാണെന്നും വിൻസി കൂട്ടിച്ചേർത്തു.

'ഷൈനിനെതിരെ നിയമനടപടിയുമായി മുന്നോട്ടില്ല; അന്വേഷണവുമായി സഹകരിക്കുമെന്നും വിൻസി

തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ വൻകുതിപ്പ്. ഒരു പവൻ സ്വർണത്തിന് 760 രൂപ വർദ്ധിച്ച് 72,120 രൂപയായി. ഈ വർഷം രേഖപ്പെടുത്തിയ ഏ​റ്റവും ഉയർന്ന നിരക്കാണിത്. ഒരു ഗ്രാം 22 കാര​റ്റ് സ്വർണത്തിന് 9,051 രൂപയും ഒരു ഗ്രാം 24 കാര​റ്റ് സ്വർണത്തിന് 9,835 രൂപയുമാണ്.
ഈ മാസം ഏറ്റവും കുറവ് സ്വർണനിരക്ക് രേഖപ്പെടുത്തിയിരുന്നത് ഏപ്രിൽ എട്ടിനായിരുന്ന. അന്ന് പവന് 65,800 രൂപയും ഗ്രാമിന് 8,225 രൂപയുമായിരുന്നു. സ്വർണത്തിന് ഡിമാൻഡ് കൂടിയതാണ് വിലയിലെ കുതിപ്പിന് പ്രധാന കാരണം. വിവിധ രാജ്യങ്ങൾ ചുമത്തിയ തീരുവ താൽക്കാലികമായി നിർത്തിവച്ചിരുന്നു.അമേരിക്കയും ചൈനയുമായുള്ള വ്യാപാര യുദ്ധം ശക്തിയാർജിച്ചതിനാൽ നിക്ഷേപകർ സുരക്ഷിതത്വം തേടി സ്വർണം വാങ്ങിക്കൂട്ടിയതോടെ രാജ്യാന്തര വിപണിയിൽ വില ഉയർന്നു.&nbsp;

സ്വർണവിലയിൽ പുതിയ റെക്കോർഡ് ; ഗ്രാമിന് ചരിത്രത്തിൽ ആദ്യമായി 9000 രൂപ കടന്നു

തിരുവനന്തപുരം: സി എം ആർ എൽ - എക്‌സാലോജിക് ഇടപാട് കേസിൽ പ്രതിചേർത്ത മുഖ്യമന്ത്രി പിണറായി വിജയന്റെ മകൾ വീണാ വിജയൻ അടക്കമുള്ളവരുടെ മൊഴിയെടുക്കുന്നതിൽ അനുമതി തേടി ഇ ഡി അപേക്ഷ നൽകി. എറണാകുളം അഡീഷണൽ സെഷൻസ് കോടതിയിലാണ് അപേക്ഷ നൽകിയത്.
മാസപ്പടി കേസിൽ സീരിയസ് ഫ്രോഡ് ഇൻവെസ്റ്റിഗേഷൻ ഓഫീസ് (എസ് എഫ് ഐ ഒ) സമർപ്പിച്ച കുറ്റപത്രം കൊച്ചിയിലെ വിചാരണ കോടതി അടുത്തിടെ അംഗീകരിച്ചിരുന്നു. ഇതിനുപിന്നാലെ കോടതിയിൽ അപേക്ഷ നൽകി ഇ ഡി കുറ്റപത്രം വാങ്ങിയിരുന്നു. ഈ കുറ്റപത്രം പഠിച്ച ശേഷമാണ് വീണാ വിജയൻ അടക്കമുള്ളവരുടെ മൊഴി ആവശ്യപ്പെട്ട് ഇ ഡി അപേക്ഷ നൽകിയത്.യാതൊരു സേവനവും നൽകാതെ വീണയുടെ കമ്പനിയായ എക്‌സാലോജിക് സി എം ആർ എല്ലിൽ നിന്ന് 2.70 കോടി രൂപ കൈപ്പറ്റിയെന്നാണ് എസ്‌ എഫ്‌ ഐ ഒ അന്വേഷണത്തിൽ കണ്ടെത്തിയത്. വീണ അടക്കമുള്ളവർക്കെതിരെ പ്രഥമദൃഷ്ട്യാ കുറ്റം നിലനിൽക്കുമെന്നാണ് കുറ്റപത്രത്തിലുള്ളത്. വീണയും സി എം ആർ എൽ മാനേജിംഗ് ഡയറക്ടർ കർത്തയും ഉൾപ്പെടെ 13 പേരാണ് കേസിലെ പ്രതികൾ.&nbsp;

വീണാ വിജയൻ അടക്കമുള്ളവരുടെ മൊഴിയെടുക്കണം; കോടതിയിൽ അപേക്ഷ നൽകി ഇഡി

ചെന്നൈ: നാഷണൽ ഹെറാൾഡ് കേസിൽ ഇഡി നടപടി നേരിടുന്ന കോൺഗ്രസ് നേതാക്കൾക്ക് പിന്തുണ പ്രഖ്യാപിച്ച് ഇന്ത്യസഖ്യത്തിലെ പ്രധാനകക്ഷിയായ ഡിഎംകെ. അന്വേഷണ ഏജൻസികളെ ഉപയോഗിച്ച് പ്രതിപക്ഷകക്ഷികളെ വേട്ടയാടുന്ന കേന്ദ്രനടപടിയെ എതിർക്കുകയെന്നതാണ് സിപിഎമ്മിന്റെ നിലപാടെന്ന് പാർട്ടി ജനറൽ സെക്രട്ടറി എം.എ. ബേബിയും വ്യക്തമാക്കി.
പ്രതിപക്ഷത്തെ വിവിധകക്ഷികളുടെ നേതാക്കൾക്കും കുടുംബാംഗങ്ങൾക്കുമെതിരേ ഇഡിയും മറ്റു കേന്ദ്ര അന്വേഷണ ഏജൻസികളും നടപടികളെടുത്തപ്പോൾ ഭിന്നനിലപാടുകളാണ് കോൺഗ്രസ് നേതൃത്വം സ്വീകരിച്ചിരുന്നത്. എന്നാൽ, കോൺഗ്രസ് നേതാക്കളായ സോണിയാഗാന്ധിക്കും രാഹുൽഗാന്ധിക്കുമെതിരായ ഇഡി നടപടിക്കെതിരേ ബിജെപി ഇതരകക്ഷികൾ ഭിന്നത വെടിഞ്ഞ് പ്രതിരോധം തീർക്കുമെന്ന സൂചനയാണ് ഡിഎംകെയും സിപിഎമ്മും നൽകുന്നത്.
സോണിയക്കും രാഹുലിനുമെതിരായ ഇഡി കുറ്റപത്രം ലജ്ജാകരമായ രാഷ്ട്രീയ പകപോക്കലാണെന്നും അത് അനുവദിക്കാനാകില്ലെന്നും ഡിഎംകെ ട്രഷററും പാർലമെന്ററി പാർട്ടിനേതാവുമായ ടി.ആർ. ബാലു എംപി പ്രസ്താവനയിൽ പറഞ്ഞു. സിപിഎം കോൺഗ്രസിനെ പിന്തുണയ്ക്കുമോ എന്നുള്ള മട്ടിലാണ് ഈ വിഷയത്തെ പലരും അവതരിപ്പിക്കുന്നതെന്ന് ഞായറാഴ്ച ചെന്നൈയിൽ മുഖ്യമന്ത്രി എം.കെ. സ്റ്റാലിനെ സന്ദർശിച്ചശേഷം മാധ്യമപ്രവർത്തകരോട് സംസാരിക്കവേ എം.എ. ബേബി പറഞ്ഞു.&nbsp;

കോൺഗ്രസിനൊപ്പം; നാഷണൽ ഹെറാൾഡ്കേസിൽ പിന്തുണയുമായി ഡിഎംകെയും സിപിഎമ്മും

കൊച്ചി: ദിവ്യ എസ് അയ്യർ ഐഎഎസിനെതിരെ സമൂഹമാധ്യമത്തിൽ അശ്ലീല കമന്റിട്ട ദലിത് കോൺഗ്രസ് നേതാവിനെതിരെ നടപടി. ദലിത് കോൺഗ്രസ് എറണാകുളം ജില്ലാ സെക്രട്ടറി ടി.കെ പ്രഭാകരനെ സസ്പെൻഡ് ചെയ്തു. ഇത്തരം പ്രവർത്തികൾ അംഗീകരിക്കാനാവില്ലെന്ന് ഡിസിസി പ്രസിഡന്റ് മുഹമ്മദ് ഷിയാസ് വ്യക്തമാക്കി.
ദിവ്യ എസ്. അയ്യരുടെ സോഷ്യൽമീഡിയ പോസ്റ്റിന് താഴെയായിരുന്നു പ്രഭാകരന്റെ അശ്ലീല കമന്റ്. ഇതിന്റെ സ്‌ക്രീൻഷോട്ടുകൾ വ്യാപകമായി പ്രചരിക്കുകയും ജില്ലാ കമ്മിറ്റിക്ക് പരാതി ലഭിക്കുകയും ചെയ്തിരുന്നു. ഇതിൽ അന്വേഷണം നടത്തിയ ശേഷമാണ് നടപടി.

ദിവ്യ എസ് അയ്യർക്കെതിരെ അശ്ലീല പരാമർശം; ദലിത് കോൺഗ്രസ് നേതാവിന് സസ്പെൻഷൻ

Search Results for: youth dies