വടകര: ചെമ്മരത്തൂരില്‍ ബി.ജെ.പി പ്രവർത്തകൻ്റെ വീട് കയ്യേറി അക്രമിച്ചതായി പരാതി. മേക്കോത്ത്മുക്കിലെ ചാകേരിമീത്തല്‍ ലിബേഷ് (34), അമ്മ കമല (56), ഭാര്യ രശ്മി (22) മൂന്നു മാസം പ്രായമായ കുഞ്ഞിനുമാണ് പരിക്ക്. ഇവരെ വടകരയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ രാത്രി പതിനൊന്നു മണിയോടെയാണ് അക്രമം. സംഘടിച്ചെത്തിയ സി.പി.എം പ്രവർത്തകരാണ് അക്രമിച്ചതെന്നാണ് പരാതി. വടകര പോലീസ് സ്ഥലത്തുണ്ട്. കണ്ടാലറിയാവുന്ന പതിനഞ്ചോളം പേർക്കെതിരെ കേസെടുത്തു. സംഭവത്തിൽ ബി.ജെ.പി നേതാക്കൾ പ്രതിഷേധിച്ചു.