തിരുവനന്തപുരം: മന്ത്രി കെ.എം. ഷാജി സ്വകാര്യ വ്യക്തിയുടെ ഉടമസ്ഥതയിലുള്ള റേഞ്ച് റോവർ വാഹനം ഔദ്യോഗിക ആവശ്യത്തിന് ഉപയോഗിച്ചതിനെതിരെ മോട്ടോർ വാഹന കമ്മിഷണർക്ക് പരാതി. സെപ്റ്റംബർ 23ന് നൽകിയ പരാതിയിൽ ഇതുവരെ നടപടി ഉണ്ടായിട്ടില്ലെന്നാണ് ആരോപണം. സർക്കാർ ബോർഡും ചിഹ്നങ്ങളും പതിച്ച സ്വകാര്യ ആഡംബര വാഹനം ഔദ്യോഗിക ആവശ്യത്തിന് ഉപയോഗിച്ചത് മോട്ടോർ വാഹന നിയമങ്ങളുടെ ലംഘനമാണെന്ന് പരാതിയിൽ ചൂണ്ടിക്കാട്ടുന്നു.
1988ലെ മോട്ടോർ വെഹിക്കിൾ ആക്ടിലെ 39, 40, 41, 43, 52, 66 വകുപ്പുകളും 1989ലെ മോട്ടോർ വെഹിക്കിൾ റൂൾസിലെ 92 എ വകുപ്പും ലംഘിച്ചതിന് നടപടി സ്വീകരിക്കണമെന്നാണ് ആവശ്യം. ദേശീയ ചിഹ്നങ്ങളും പേരും ദുരുപയോഗം ചെയ്തതുമായി ബന്ധപ്പെട്ട നിയമപ്രകാരവും നടപടിയെടുക്കണമെന്നും പരാതിയിൽ ആവശ്യപ്പെടുന്നു.
ഭാരതീയ ന്യായ സംഹിതയിലെ 204, 205 വകുപ്പുകൾ പ്രകാരവും കുറ്റം ചെയ്തതായി പരാതിയിൽ ആരോപിക്കുന്നുണ്ട്. പരിശോധന നടത്തി നിയമലംഘനം കണ്ടെത്തിയാൽ വാഹനം പിടിച്ചെടുക്കണമെന്നും പരാതിക്കാരൻ ആവശ്യപ്പെട്ടു. ഹൈക്കോടതി അഭിഭാഷകനായ അതുൽ ടോമാണ് പരാതി നൽകിയത്. പരാതിയുടെ പകർപ്പ് കണ്ണൂർ ഇരിട്ടി ജോയിന്റ് ആർ.ടി.ഒയ്ക്കും കൈമാറിയിട്ടുണ്ട്.

കെ.എം. ഷാജിയുടെ റേഞ്ച് റോവർ ഉപയോഗം; മോട്ടോർ വാഹന കമ്മിഷണർക്ക് പരാതി

തിരുവനന്തപുരം : പഞ്ചാബിലെ ലവ്‌ലി പ്രൊഫഷണൽ യൂണിവേഴ്സിറ്റിയിൽ ഉണ്ടായ സംഭവങ്ങൾ അതീവ ഗൗരവത്തോടെ കാണണമെന്ന് പ്രതിപക്ഷ നേതാവ് പിണറായി വിജയൻ. ഒരു പെൺകുട്ടിക്ക് നേരെ ലൈംഗിക അതിക്രമം നടന്നുവെന്ന ആരോപണത്തെ തുടർന്നാണ് വിദ്യാർഥികൾ പ്രതിഷേധവുമായി രംഗത്തെത്തിയത്. എന്നാൽ സർവകലാശാലാ സ്ഥാപകനും ചാൻസലറുമായ ബിജെപി എംപി അശോക് കുമാർ മിത്തലും മാനേജ്മെന്റും പൊലീസിനെയും സംഘപരിവാർ പ്രവർത്തകരെയും ഉപയോഗിച്ച് പ്രതിഷേധം അടിച്ചമർത്താനാണ് ശ്രമിച്ചതെന്ന് പിണറായി വിജയൻ ആരോപിച്ചു.
സംഭവത്തിൽ ശക്തമായ പ്രതിഷേധം ഉയർന്നുവരണമെന്നും സമഗ്രവും സുതാര്യവുമായ അന്വേഷണത്തിലൂടെ നീതി ഉറപ്പാക്കണമെന്നും അദ്ദേഹം ആവശ്യപ്പെട്ടു. വിദ്യാർഥികൾ ഉന്നയിക്കുന്ന വിവിധ വിഷയങ്ങളിലും മാനേജ്മെന്റിന്റെ പങ്ക് സംബന്ധിച്ചും വിട്ടുവീഴ്ചയില്ലാത്ത അന്വേഷണം നടത്തണം. സംഘർഷത്തെ തുടർന്ന് 10 ദിവസത്തേക്ക് ക്ലാസുകൾ നിർത്തിവച്ച സാഹചര്യത്തിൽ സർവകലാശാലയിലെ 1500-ലധികം മലയാളി വിദ്യാർഥികളുടെ സുരക്ഷയും യാത്രാസൗകര്യവും ഉറപ്പാക്കണമെന്നും അദ്ദേഹം ആവശ്യപ്പെട്ടു.
ജലന്ധറിൽ നിന്ന് ഡൽഹിയിലേക്കും തുടർന്ന് കേരളത്തിലേക്കും വിദ്യാർഥികൾക്ക് സുരക്ഷിതമായി യാത്ര ചെയ്യാൻ കേന്ദ്ര-സംസ്ഥാന സർക്കാരുകൾ അടിയന്തരമായി ഇടപെടണം. ടിക്കറ്റ് ക്ഷാമം ഉണ്ടാകാൻ സാധ്യതയുള്ളതിനാൽ റെയിൽവേയുമായി ബന്ധപ്പെട്ട് പ്രത്യേക ട്രെയിനുകളോ അധിക കോച്ചുകളോ അനുവദിക്കുന്നതിന് നടപടി സ്വീകരിക്കണമെന്നും പിണറായി വിജയൻ ആവശ്യപ്പെട്ടു. വിദ്യാർഥികളുടെയും രക്ഷിതാക്കളുടെയും ആശങ്കകൾ അടിയന്തരമായി പരിഹരിക്കണമെന്നും അദ്ദേഹം പറഞ്ഞു

ലവ്‌ലി സർവകലാശാലയിലെ സംഘർഷം; മലയാളി വിദ്യാർഥികളുടെ സുരക്ഷ ഉറപ്പാക്കണമെന്ന് പ്രതിപക്ഷ നേതാവ് പിണറായി വിജയൻ

തിരുവനന്തപുരം: വലിയ രാഷ്ട്രീയ വിവാദങ്ങൾക്ക് വഴിവെച്ച നിയമസഭാ കയ്യാങ്കളി കേസിൽ 11 വർഷത്തിന് ശേഷം വിചാരണ നടപടികൾക്ക് തുടക്കമാകുന്നു. നവംബർ മൂന്നിന് തിരുവനന്തപുരം ചീഫ് ജുഡീഷ്യൽ മജിസ്‌ട്രേറ്റ് കോടതിയിലാണ് വിചാരണ ആരംഭിക്കുക. പ്രതികൾ നടത്തിയ നിയമപോരാട്ടങ്ങൾക്കൊടുവിലാണ് കേസ് ഇപ്പോൾ വിചാരണ ഘട്ടത്തിലെത്തുന്നത്.
2015 മാർച്ച് 13നാണ് കേസിനാസ്പദമായ സംഭവം നടന്നത്. അന്നത്തെ ധനമന്ത്രി കെ.എം. മാണി ബജറ്റ് അവതരിപ്പിക്കുന്നതിനിടെ പ്രതിപക്ഷ എംഎൽഎമാർ പ്രതിഷേധിച്ചതാണ് കേസിനിടയാക്കിയത്. നിയമസഭയിലെ പൊതുമുതൽ നശിപ്പിച്ചെന്നാരോപിച്ചാണ് പൊലീസ് കേസ് രജിസ്റ്റർ ചെയ്തത്.
ആദ്യഘട്ടത്തിൽ രണ്ട് സാക്ഷികളെയാണ് വിസ്തരിക്കുക. അന്നത്തെ നിയമസഭാ സെക്രട്ടറിയായിരുന്ന ശാരംഗധരനും സഭയിലെ ദൃശ്യങ്ങൾ പകർത്തിയ ഡിവിആർ കോപ്പി ചെയ്ത എൻജിനീയറുമാണ് ആദ്യ സാക്ഷികൾ. കേസിലെ പ്രധാന പ്രതികളിൽ വി. ശിവൻകുട്ടി, ഇ.പി. ജയരാജൻ, കെ.ടി. ജലീൽ, കെ. അജിത്, കെ. കുഞ്ഞഹമ്മദ്, സി.കെ. സദാശിവൻ എന്നിവരുണ്ട്.
കേസിൽ അഡ്വ. കെ. സന്തോഷ് കുമാറിനെ സ്പെഷ്യൽ പബ്ലിക് പ്രോസിക്യൂട്ടറായി നിയമിച്ചിട്ടുണ്ട്. വിചാരണ നടപടികൾ ആരംഭിക്കുന്നതോടെ വർഷങ്ങളായി തുടരുന്ന കേസിൽ കോടതി നടപടികൾ നിർണായക ഘട്ടത്തിലേക്ക് കടക്കുകയാണ്.

11 വർഷത്തിന് ശേഷം നിയമസഭാ കയ്യാങ്കളി കേസ് വിചാരണയിലേക്ക്; ആദ്യഘട്ടത്തിൽ രണ്ട് സാക്ഷികൾ

ഡൽഹി: ഡൽഹിയിൽ സ്ത്രീകൾക്കും പെൺകുട്ടികൾക്കും നേരെയുള്ള ലൈംഗികാതിക്രമ സംഭവങ്ങൾ വർധിക്കുന്നതിൽ ആശങ്ക രേഖപ്പെടുത്തി സുപ്രീംകോടതി സ്വമേധയാ കേസെടുത്തു. ജസ്റ്റിസുമാരായ ജെ.ബി. പർദിവാല, കെ. വിനോദ് ചന്ദ്രൻ എന്നിവരടങ്ങിയ ബെഞ്ചാണ് വിഷയം പരിഗണിച്ചത്. സ്ത്രീകളുടെ സുരക്ഷ ഉറപ്പാക്കുന്നതിൽ നിയമപാലന സംവിധാനത്തിന്റെയും ഭരണകൂടത്തിന്റെയും വീഴ്ചകളാണ് ഇത്തരം സംഭവങ്ങൾ ചൂണ്ടിക്കാട്ടുന്നതെന്ന് കോടതി നിരീക്ഷിച്ചു.
ആസ്ഥ കുഞ്ജ് പാർക്കിൽ 17 വയസുകാരി കൂട്ടബലാത്സംഗത്തിനിരയായ സംഭവം, സ്വരൂപ് നഗറിൽ പ്രായപൂർത്തിയാകാത്ത പെൺകുട്ടി കൂട്ടബലാത്സംഗത്തിനിരയായ സംഭവം, ഗ്രേറ്റർ നോയിഡയിൽ നിന്ന് ഡൽഹിയിലേക്ക് സർവീസ് നടത്തിയ ബസിനുള്ളിൽ പെൺകുട്ടി ലൈംഗികാതിക്രമത്തിനിരയായ സംഭവം തുടങ്ങിയവ കോടതി പരിഗണിച്ചു. പാർക്കുകൾ, ബസുകൾ, മെട്രോ സ്റ്റേഷനുകൾ ഉൾപ്പെടെയുള്ള പൊതുസ്ഥലങ്ങൾ ഉയർന്ന അപകടസാധ്യതയുള്ള മേഖലകളായി മാറാൻ അനുവദിക്കാനാകില്ലെന്നും കോടതി വ്യക്തമാക്കി.
ഗ്രേറ്റർ നോയിഡയിൽ നിന്ന് ഡൽഹിയിലെ കാശ്മീരി ഗേറ്റിലേക്ക് ഏകദേശം 47 കിലോമീറ്റർ സഞ്ചരിച്ച ബസിനുള്ളിൽ പ്രായപൂർത്തിയാകാത്ത പെൺകുട്ടി ലൈംഗികാതിക്രമത്തിനിരയായ സംഭവത്തിലും കോടതി ആശങ്ക രേഖപ്പെടുത്തി. ബസ് നിരവധി പൊലീസ് ചെക്ക്‌പോസ്റ്റുകൾ കടന്നുപോയിട്ടും പരിശോധനയ്ക്ക് വിധേയമായില്ലെന്ന റിപ്പോർട്ടും കോടതി ചൂണ്ടിക്കാട്ടി. സംഭവം 2012ലെ നിർഭയ കേസിന്റെ ഓർമപ്പെടുത്തലാണെന്നും നിയമപാലന സംവിധാനത്തിൽ കാര്യമായ പുരോഗതി ഉണ്ടായിട്ടുണ്ടോ എന്ന് പരിശോധിക്കേണ്ട സമയമാണെന്നും കോടതി നിരീക്ഷിച്ചു.
കുറ്റകൃത്യങ്ങൾക്ക് ശേഷം ജനപ്രതിനിധികളും അധികാരികളും അനുശോചനവും പ്രസ്താവനകളും നടത്തുന്നത് മാത്രം മതിയാകില്ലെന്നും കോടതി വ്യക്തമാക്കി. കുറ്റകൃത്യങ്ങൾ തടയാനും പൊതുക്രമസമാധാനം ഉറപ്പാക്കാനും ദുർബല വിഭാഗങ്ങളെ സംരക്ഷിക്കാനും ഫലപ്രദമായ നടപടികൾ സ്വീകരിക്കണമെന്നും കോടതി നിർദേശിച്ചു.

ഡൽഹിയിൽ സ്ത്രീകൾക്കും പെൺകുട്ടികൾക്കും നേരെ അതിക്രമം; സ്വമേധയാ കേസെടുത്ത് സുപ്രീംകോടതി

National

ന്യൂഡൽഹി : 2,000 രൂപയ്ക്ക് മുകളിലുള്ള യുപിഐ ഇടപാടുകൾക്ക് മർച്ചന്റ് ഡിസ്കൗണ്ട് റേറ്റ് (എംഡിആർ) ഏർപ്പെടുത്താനുള്ള കേന്ദ്ര തീരുമാനത്തിനെതിരായ ഹർജിയിൽ ഇടക്കാല സ്റ്റേ നൽകാതെ സുപ്രീംകോടതി. അതേസമയം, ചാർജ് ഏർപ്പെടുത്തുന്നതിനുള്ള നിയമപരവും ഭരണപരവുമായ അടിസ്ഥാനമെന്തെന്ന് കേന്ദ്രസർക്കാരിനോടും റിസർവ് ബാങ്കിനോടും എൻപിസിഐയോടും കോടതി വിശദീകരണം തേടി. നാല് ആഴ്ചയ്ക്കകം മറുപടി നൽകാനും നിർദേശിച്ചു.
എംഡിആർ നികുതിയോ ഫീസോ അല്ലെന്ന കേന്ദ്രത്തിന്റെ വാദത്തോട് പ്രതികരിച്ച ജസ്റ്റിസ് ജോയ്മല്യ ബാഗ്ചി, വ്യാപാരിക്ക് ലഭിക്കുന്ന തുകയിൽ നിന്ന് തുക ഈടാക്കുന്നതിനുള്ള നിയമപരവും ഭരണപരവുമായ അടിസ്ഥാനമെന്തെന്നും ഏത് സേവനത്തിനാണ് തുക ഈടാക്കുന്നതെന്നും ചോദിച്ചു.
2,000 രൂപയ്ക്ക് മുകളിലുള്ള പേയ്മെന്റുകൾക്ക് എംഡിആർ ഏർപ്പെടുത്താനാണ് കേന്ദ്രത്തിന്റെ പുതിയ നീക്കം. നിലവിലെ നിർദേശപ്രകാരം വ്യക്തിയിൽ നിന്ന് വ്യക്തിയിലേക്കുള്ള യുപിഐ ഇടപാടുകൾ തുകയെത്രയായാലും സൗജന്യമായി തുടരും. വ്യാപാരികൾക്കുള്ള 2,000 രൂപ വരെയുള്ള യുപിഐ പേയ്മെന്റുകളും ചെറുകിട വ്യാപാരികൾക്ക് ലഭിക്കുന്ന ചില ഇടപാടുകളും സീറോ എംഡിആർ പരിധിയിൽ തുടരും.2,000 രൂപയ്ക്ക് മുകളിലുള്ള വ്യാപാരി ഇടപാടുകൾക്ക് സാധാരണ 0.4 ശതമാനമാണ് എംഡിആർ. പുതിയ നിരക്ക് ഒക്ടോബർ 15 മുതൽ പ്രാബല്യത്തിൽ വരുമെന്ന് കേന്ദ്രം കോടതിയെ അറിയിച്ചു.
ചീഫ് ജസ്റ്റിസ് സൂര്യകാന്ത്, ജസ്റ്റിസുമാരായ ജോയ്മല്യ ബാഗ്ചി, വി. മോഹന എന്നിവരടങ്ങിയ ബെഞ്ചാണ് ഹർജി പരിഗണിച്ചത്.

യുപിഐ ഇടപാടുകൾക്ക് എംഡിആർ; കേന്ദ്ര തീരുമാനത്തിൽ സുപ്രീംകോടതി സ്റ്റേ ഇല്ല

തിരുവനന്തപുരം : വിവാഹ വിപണിക്ക് നേരിയ ആശ്വാസമായി സംസ്ഥാനത്ത് സ്വർണവിലയിൽ വീണ്ടും ഇടിവ്. ഇന്ന് പവന് 1840 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 1,11,960 രൂപയിൽ നിന്ന് 1,10,120 രൂപയായി. തുടർച്ചയായ രണ്ടാം ദിവസമാണ് സ്വർണവില കുറയുന്നത്. ഗ്രാമിന് 230 രൂപ കുറഞ്ഞ് 13,765 രൂപയായി.
ആഗസ്ത് ഏഴിനാണ് അവസാനമായി സ്വർണവില 1,10,000 രൂപയ്ക്ക് താഴെയെത്തിയത്. സെപ്റ്റംബറിൽ രേഖപ്പെടുത്തിയ ഏറ്റവും കുറഞ്ഞ വിലയും ഇതുതന്നെയാണ്. 24 കാരറ്റ് സ്വർണത്തിന് പവന് 1,20,136 രൂപയും ഗ്രാമിന് 15,017 രൂപയുമാണ് വില. 18 കാരറ്റിന് പവന് 90,104 രൂപയും ഗ്രാമിന് 11,263 രൂപയുമാണ്.
അന്താരാഷ്ട്ര വിപണിയിലെ ചലനങ്ങളാണ് സംസ്ഥാനത്തെ സ്വർണവിലയിലും ഏറ്റക്കുറച്ചിലുകൾക്ക് പ്രധാന കാരണം. ഡോളർ-രൂപ വിനിമയ നിരക്ക്, ഇറക്കുമതി തീരുവ, ക്രൂഡ് ഓയിൽ വില, ആഭ്യന്തര ഓഹരി വിപണിയിലെ മാറ്റങ്ങൾ തുടങ്ങിയ ഘടകങ്ങളും സ്വർണവിലയെ സ്വാധീനിക്കും.
പ്രാദേശികമായി പ്രവർത്തിക്കുന്ന ഗോൾഡ് അസോസിയേഷനുകളാണ് സംസ്ഥാനത്ത് സ്വർണവില നിശ്ചയിക്കുന്നത്. എന്നാൽ ആഗോള വിപണിയിലെ ചെറിയ മാറ്റങ്ങൾ പോലും ആഭ്യന്തര സ്വർണവിലയിൽ പ്രതിഫലിക്കാറുണ്ട്.

സ്വർണവിലയിൽ വീണ്ടും ഇടിവ്; പവന് 1840 രൂപ കുറഞ്ഞു

അമ്പലപ്പുഴ: കള്ളക്കടൽ പ്രതിഭാസത്തെ തുടർന്ന് അപ്രതീക്ഷിതമായി കടൽ കയറിയതോടെ ആലപ്പുഴ ജില്ലയിലെ തീരപ്രദേശങ്ങളിൽ ആശങ്ക. ഇന്നലെ വൈകിട്ടോടെ പുറക്കാട് മേഖലയിൽ ശക്തമായ തിരമാലകളാണ് അനുഭവപ്പെട്ടത്. കടൽക്ഷോഭത്തിൽപ്പെട്ട മത്സ്യത്തൊഴിലാളികൾ വള്ളങ്ങൾ സുരക്ഷിതമായി കരയ്ക്കടുപ്പിച്ച് രക്ഷപ്പെട്ടു.
തോട്ടപ്പള്ളി, പുറക്കാട്, ആനന്ദേശ്വരം, പറവൂർ, ഗലീലിയ, തുമ്പോളി തുടങ്ങിയ തീരപ്രദേശങ്ങളിൽ നിന്ന് മത്സ്യബന്ധനത്തിന് പോയ വള്ളങ്ങളാണ് അപ്രതീക്ഷിതമായി ഉയർന്ന ശക്തമായ തിരമാലകളിൽപ്പെട്ടത്. കൂറ്റൻ തിരമാലകൾ ഉയരുന്നത് ശ്രദ്ധയിൽപ്പെട്ടതോടെ വള്ളങ്ങൾ ഉടൻ കരയ്ക്കടുപ്പിക്കുകയായിരുന്നുവെന്ന് മത്സ്യത്തൊഴിലാളികൾ പറഞ്ഞു.
കള്ളക്കടൽ പ്രതിഭാസം സംബന്ധിച്ച് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകിയിരുന്നെങ്കിലും ഇത് അവഗണിച്ചാണ് ചിലർ മത്സ്യബന്ധനത്തിന് പോയതെന്നാണ് വിവരം.
അതേസമയം, മുന്നറിയിപ്പ് നിലനിന്നിട്ടും തോട്ടപ്പള്ളി തീരദേശ പൊലീസ് ആവശ്യമായ സുരക്ഷാ നടപടികൾ സ്വീകരിച്ചില്ലെന്ന് മത്സ്യത്തൊഴിലാളി സംഘടനകൾ ആരോപിച്ചു. തീരദേശ മേഖലയെക്കുറിച്ച് മതിയായ പരിചയമില്ലാത്ത ചില ഉദ്യോഗസ്ഥർ ചുമതലയേറ്റതോടെ കടലിൽ പോകുന്ന തൊഴിലാളികൾക്ക് അടിയന്തര സാഹചര്യങ്ങളിൽ ആവശ്യമായ സഹായം ലഭിക്കുന്നില്ലെന്നും സംഘടനകൾ പരാതിപ്പെട്ടു.

കള്ളക്കടൽ പ്രതിഭാസം; ആലപ്പുഴ തീരത്ത് കൂറ്റൻ തിരമാലകൾ, മത്സ്യത്തൊഴിലാളികൾ വള്ളങ്ങൾ കരയ്ക്കടുപ്പിച്ചു

കൊച്ചി: താരസംഘടനയായ ‘അമ്മ’യിലെ തർക്കങ്ങളുമായി ബന്ധപ്പെട്ട പരാതികളിൽ പരിഹാസവുമായി ഹൈക്കോടതി. സംഘടനയുമായി ബന്ധപ്പെട്ട കേസുകൾ പരിഗണിക്കാൻ പ്രത്യേക കോടതി തന്നെ വേണ്ടിവരുമല്ലോ എന്നായിരുന്നു കോടതിയുടെ ചോദ്യം. സാധാരണക്കാരുടെ നിരവധി പ്രശ്‌നങ്ങൾ പരിഗണിക്കാനുള്ളപ്പോഴാണ് ഇത്തരം വിഷയങ്ങൾ തീർക്കാൻ സമയം ചെലവഴിക്കേണ്ടിവരുന്നതെന്നും കോടതി നിരീക്ഷിച്ചു.
തനിക്കെതിരായ കേസ് റദ്ദാക്കണമെന്നാവശ്യപ്പെട്ട് നടി ലക്ഷ്മിപ്രിയ നൽകിയ ഹർജി പരിഗണിക്കവെയാണ് ഹൈക്കോടതിയുടെ പരാമർശം. ഹർജിയിൽ സർക്കാരിന് കോടതി നോട്ടീസ് അയച്ചു. മൂന്നാഴ്ചയ്ക്ക് ശേഷം കേസ് വീണ്ടും പരിഗണിക്കും. കോടതി നിർദേശപ്രകാരം പൊലീസ് രജിസ്റ്റർ ചെയ്ത എഫ്.ഐ.ആർ റദ്ദാക്കണമെന്നാണ് ലക്ഷ്മിപ്രിയയുടെ ആവശ്യം.
സാമൂഹികമാധ്യമത്തിലൂടെ അപമാനിച്ചെന്ന പരാതിയിൽ പാലാരിവട്ടം പൊലീസ് കഴിഞ്ഞ ദിവസമാണ് ലക്ഷ്മിപ്രിയക്കെതിരെ കേസെടുത്തത്.
നടി അൻസിബ നൽകിയ സ്വകാര്യ അന്യായത്തെ തുടർന്നായിരുന്നു കോടതി നടപടി. ലക്ഷ്മിപ്രിയ വ്യക്തിഹത്യ നടത്തിയെന്നും സ്ത്രീത്വത്തെ അപമാനിക്കുന്ന തരത്തിലുള്ള പരാമർശങ്ങൾ നടത്തിയെന്നും ആരോപിച്ചാണ് അൻസിബ പൊലീസിനെ സമീപിച്ചത്. പരാതിയിൽ പൊലീസ് കേസെടുക്കാതിരുന്നതിനെ തുടർന്ന് അൻസിബ മജിസ്‌ട്രേറ്റ് കോടതിയെയും പിന്നീട് ഹൈക്കോടതിയെയും സമീപിക്കുകയായിരുന്നു.
പരാതി വീണ്ടും പരിശോധിക്കാൻ ഹൈക്കോടതി കീഴ്‌ക്കോടതിക്ക് നിർദേശം നൽകി. താരസംഘടനയായ ‘അമ്മ’യിലെ തർക്കങ്ങൾക്കിടെയാണ് അൻസിബയും ലക്ഷ്മിപ്രിയയും തമ്മിലുള്ള പ്രശ്‌നം പുറത്തുവന്നത്.

‘അമ്മ’യിലെ തർക്കങ്ങൾ; പരാതികളിൽ ഹൈക്കോടതിയുടെ പരിഹാസ പരാമർശം

മേപ്പയ്യൂർ: ഇരിങ്ങത്ത് നരക്കോട് ബൈക്ക് നിയന്ത്രണംവിട്ട് മതിലിലിടിച്ച് പ്ലസ് വൺ വിദ്യാർഥി മരിച്ചു. ഇരിങ്ങത്ത് കുളങ്ങര നടുക്കണ്ടി കൃഷ്ണനിലയം അജൽ പ്രവീൺ (16) ആണ് മരിച്ചത്.
ചൊവ്വാഴ്ച രാത്രി ഒമ്പതരയോടെ നരക്കോടാണ് അപകടമുണ്ടായത്. ജിമ്മിൽ പരിശീലനം കഴിഞ്ഞ് വീട്ടിലേക്ക് വരുമ്പോൾ തെരുവുനായ കുറുകെ ചാടിയതാണ് ബൈക്ക് നിയന്ത്രണം വിടാനിടയാക്കിയത്.
കൊയിലാണ്ടി ഗവ. താലൂക്ക് ആശുപത്രിയിലെ പ്രാഥമിക ചികിത്സയ്ക്കുശേഷം കോഴിക്കോട് സ്വകാര്യ ആശുപത്രിയിൽ എത്തിച്ചെങ്കിലും രക്ഷപ്പെടുത്താനായില്ല. അവിടെവെച്ച് മരിക്കുകയായിരുന്നു. പിതാവ്: പ്രവീൺ കുമാർ. മാതാവ്: മഞ്ജുഷ. സഹോദരൻ: അർജുൻ പ്രവീൺ

നരക്കോട് ബൈക്ക് നിയന്ത്രണംവിട്ട് മതിലിലിടിച്ച് പ്ലസ് വൺ വിദ്യാർഥിക്ക്  ദാരുണാന്ത്യം

Perambra

&nbsp;മഞ്ചേശ്വരം: കാസർകോട് സ്റ്റേഷനിൽ സൂക്ഷിച്ചിരുന്ന മൊബൈൽ ഫോൺ കവർന്ന സംഭവത്തിൽ ചന്തേര പൊലീസ് സ്റ്റേഷനിലെ സീനിയർ സിവിൽ പൊലീസ് ഓഫീസർ അറസ്റ്റിൽ. ബദിയടുക്ക നീർച്ചാൽ സ്വദേശി വൈ. ബൈജുവാണ് അറസ്റ്റിലായത്.ഈ മാസം 16ന് മൊബൈൽ ഫോൺ കവർന്ന ശേഷം മറ്റൊരാൾക്ക് വിൽക്കുകയായിരുന്നുവെന്നാണ് കേസ്.

സ്റ്റേഷനിൽ സൂക്ഷിച്ച ഫോൺ കവർന്നു; ചന്തേരയിലെ സീനിയർ സിവിൽ പൊലീസ് ഓഫീസർ അറസ്റ്റിൽ

മേപ്പയ്യൂർ: സ്കൂട്ടർ ഓടിച്ച 16കാരൻ അപകടത്തിൽ ദാരുണമായി മരിച്ച സംഭവത്തിൽ പിതാവിനെതിരെ കേസ്. കൊയിലാണ്ടി ഇരിങ്ങത്ത് കുളങ്ങര സ്വദേശി അജൽ പ്രവീൺ (16) ആണ് അപകടത്തിൽ മരിച്ചത്. പ്രായപൂർത്തിയാകാത്ത മകന് വാഹനം ഓടിക്കാൻ കൊടുത്തതിനാണ് പിതാവ് പ്രവീണിനെതിരെ കൊയിലാണ്ടി പൊലീസ് കേസെടുത്തത്.
ഇന്നലെ രാത്രി ഒമ്പതരയോടെയായയിരുന്നു അപകടം. ഡ്രൈവിങ് ലൈസൻസില്ലാത്ത അജൽ ഓടിച്ച സ്കൂട്ടർ മതിലിലിടിക്കുകയായിരുന്നു. സുഹൃത്തുക്കളായ രണ്ടുപേർക്കൊപ്പം ജിമ്മിൽ പോയി മടങ്ങുന്നതിനിടെയാണ് സംഭവം. നരക്കോട് ഇരിങ്ങത്തുവെച്ച് സ്കൂട്ടർ നിയന്ത്രണം വിട്ട് മതിലിൽ ഇടിക്കുകയായിരുന്നു. ഗുരുതര പരിക്കേറ്റ അജലിനെ ഉടൻതന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം ബന്ധുക്കൾക്ക് വിട്ടുനൽകും.
പ്രായപൂർത്തിയാകാത്ത കുട്ടികൾക്ക് വാഹനം നൽകുന്നതിനെതിരെ നിരന്തരം മുന്നറിയിപ്പുകൾ നൽകിയിട്ടും രക്ഷിതാക്കൾ വീഴ്ചകൾ വരുത്തുന്നതായി പൊലീസ് ചൂണ്ടിക്കാട്ടി.

നരിക്കോട് സ്കൂട്ടർ ഓടിച്ച 16കാരൻ മരിച്ച സംഭവം; അച്ഛനെതിരെ കേസ്

Kerala

കൊല്ലം: പ്രായപൂർത്തിയാകാത്ത പെൺകുട്ടിക്ക് നേരെ നഗ്നതാ പ്രദർശനം നടത്തിയ യുവാവ് അറസ്റ്റിൽ. വടക്കേ മൈലക്കാട് കല്ലുവെട്ടാംകുഴി സന്തോഷ്(41) നെയാണ് കൊട്ടിയം പൊലീസ് അറസ്റ്റ് ചെയ്യ്തത്. ട്യൂഷൻ കഴിഞ്ഞ് വീട്ടിലേക്ക് മടങ്ങുകയായിരുന്ന പെൺകുട്ടിയെ ഇയാൾ പിന്തുടരുകയും ആളൊഴിഞ്ഞ സ്ഥലത്ത് എത്തിയപ്പോൾ നഗ്നതാ പ്രദർശനം നടത്തുകയും ചെയ്തു എന്നാണ് കേസ്.&nbsp;

പെൺകുട്ടി നൽകിയ പരാതിയിൽ ഇയാൾക്കെതിരെ പോക്‌സോ ആക്ടിലെ വിവിധ വകുപ്പുകൾ പ്രകാരം കൊട്ടിയം പോലീസ് കേസ് റജിസ്റ്റർ ചെയ്യുകയും അറസ്റ്റ് രേഖപ്പെടുത്തുകയുമായിരുന്നു.

ട്യൂഷൻ കഴിഞ്ഞ് മടങ്ങിയ പെൺകുട്ടിക്ക് നേരെ നഗ്നതാ പ്രദർശനം; യുവാവ് അറസ്റ്റിൽ

കണ്ണൂർ: സാമൂഹ മാധ്യമങ്ങളിലൂടെ വര്‍ഗീയ വിദ്വേഷവും ബാലികക്കെതിരേ ലൈംഗിക അധിക്ഷേപവും നടത്തിയ ആർ.എസ്.എസ് പ്രവർത്തകൻ അറസ്റ്റിൽ. കണ്ണൂര്‍ അഴിയൂര്‍ സ്വദേശിയായ വിമല്‍ ശിവശക്തി മുഴക്കുന്ന് പൊലീസാണ് അറസ്റ്റ് ചെയ്തത്. ഇയാളെ പിന്നീട് കോടതി റിമാൻഡ് ചെയ്തു.
എസ്.ഡി.പി.ഐ മുഴക്കുന്ന് പഞ്ചായത്ത് ജോയിന്‍റ് സെക്രട്ടറി യൂനുസ് വിളക്കോട് നല്‍കിയ പരാതിയിലാണ് അറസ്റ്റ്. സമൂഹമാധ്യമങ്ങളിൽ പോസ്റ്റ് ചെയ്ത പെണ്‍കുട്ടിയുടെ ഫോട്ടോക്കു താഴെയാണ് ഇയാള്‍ വര്‍ഗീയപരവും ലൈംഗിക അധിക്ഷേപകരവുമായ കമന്റിട്ടത്.അബാക്കസ് പരീക്ഷയിൽ ഉന്നത വിജയം നേടിയ ബാലികയെ എസ്.ഡി.പി.ഐ അനുമോദിക്കുന്നതിന്‍റെ ഭാഗമായുള്ള ചിത്രം ഫേസ്ബുക്കിൽ പോസ്റ്റ് ചെയ്തിരുന്നു. ഇതിനു താഴെയാണ് വിദ്വേഷ പോസ്റ്റിട്ടത്.

സാമൂഹ മാധ്യമങ്ങളിലൂടെ ബാലികക്കെതിരെ ലൈംഗിക അധിക്ഷേപം; ആർഎസ്എസ് പ്രവർത്തകൻ അറസ്റ്റിൽ

Kannur

പയ്യോളി: മണിയൂർ പോക്സോ കേസിലെ പ്രതിയെ അറസ്റ്റ് ചെയ്യുന്നതിൽ വീഴ്ച വരുത്തിയതിന് പയ്യോളി പോലീസ് സ്റ്റേഷൻ സർക്കിൾ ഇൻസ്പെക്ടറായിരുന്ന പി. ബാബുമോൻ, റൈറ്റർ കെ. ഹമീദ് എന്നിവരെ അന്വേഷണ വിധേയമായി കോഴിക്കോട് നോർത്ത് ഐ.ജി. സസ്‌പെൻഡ് ചെയ്തു.

&nbsp;പരാതി നൽകിയ സമയത്തുള്ള സി.ഐ. യാണ് ബാബുമോൻ. നടപടി ക്രമങ്ങളിൽ വീഴ്ച വന്നതായാണ് കണ്ടെത്തൽ.വടകര കീഴൽ ബാങ്ക് റോഡിൽ ചങ്ങരോത്ത് അബ്ദുൽറഫീഖാണ് (48) പ്രതി.

മണിയൂർ പോക്സോ കേസ് ;രണ്ട് പോലീസ് ഉദ്യോഗസ്ഥർക്ക് സസ്പെൻഷൻ