കൊല്ലം: കരുനാഗപ്പള്ളി ആലപ്പാട് നിന്നും വിദ്യാർഥിനിയെ കാണാതായതായി പരാതി. ആലപ്പാട് കുഴിത്തുറ സ്വദേശി ഐശ്വര്യ അനിലിനെ (20)യാണ് കാണാതായത്. 18ാം തിയതി രാവിലെ മുതലാണ് വിദ്യാർഥിനിയെ കാണാതാകുന്നത്. അന്നേ ദിവസം 11 മണി മുതൽ ഐശ്വര്യയുടെ ഫോൺ സ്വിച്ച് ഓഫ് ആണെന്ന് കുടുംബം പറയുന്നു. സംഭവത്തിൽ കരുനാഗപ്പള്ളി പൊലീസ് അന്വേഷണം തുടരുകയാണ്.&nbsp;&nbsp;
കൊല്ലത്ത് റെയിൽവേ സ്റ്റേഷന് സമീപത്ത് നിന്നാണ് ലൊക്കേഷൻ ലഭിച്ചതെന്ന് പൊലീസ് പറയുന്നു. ഇവയെല്ലാം കേന്ദ്രീകരിച്ചാണ് പൊലീസ് അന്വേഷണം നടത്തുന്നത്. ഐശ്വര്യയുടെ സോഷ്യൽ മീഡിയ അക്കൌണ്ടുകളക്കം പരിശോധിച്ച് അന്വേഷണം നടത്തുന്നതായി പൊലീസ് അറിയിച്ചു.

വിദ്യാർഥിനിയെ കാണാതായതായി പരാതി

Kerala

ഫറോക്ക്: പ്രായപൂർത്തിയാകാത്ത കുട്ടികളെ ഉപയോഗപ്പെടുത്തിയുള്ള ബൈക്ക്‌ മോഷണത്തിൽ വാഹനങ്ങളെല്ലാം കണ്ടെടുത്ത്‌ പൊലീസ്‌. കഴിഞ്ഞ ദിവസം പിടിയിലായ രവിരാജിന്റെ (സെങ്കുട്ടി) നേതൃത്വത്തിലുള്ള മോഷണ സംഘത്തിലുൾപ്പെട്ട പ്രായപൂർത്തിയാകാത്ത രണ്ട്‌ പ്രതികളെക്കൂടി പിടികൂടുകയുംചെയ്‌തു. കോഴിക്കോട് ടൗൺ, ഫറോക്ക്, കുന്നമംഗലം, വടകര തുടങ്ങിയ പൊലീസ് സ്റ്റേഷൻ പരിധിയിൽനിന്ന്‌ കഴിഞ്ഞ ഒരുമാസത്തിനിടെ മോഷ്ടിക്കപ്പെട്ട നാല്‌ ബൈക്കുകളും രണ്ടു സ്കൂട്ടറുകളുമാണ് വിവിധ സ്ഥലങ്ങളിൽനിന്ന്‌ പൊലീസ്‌ കണ്ടെടുത്തത്. ഫറോക്ക് എസിപി എ എം സിദ്ദിഖിന്റെ നേതൃത്വത്തിൽ നടത്തിയ അന്വേഷണത്തിൽ കഴിഞ്ഞ അഞ്ചിന് പിടിയിലായി റിമാൻഡിലായിരുന്ന മുഖ്യപ്രതി രവിരാജിനെ കസ്റ്റഡിയിൽ വാങ്ങി ഫറോക്ക് ഇൻസ്പെക്ടർ ടി എസ് ശ്രീജിത്ത്, എസ്ഐ വിനയൻ എന്നിവരുടെ നേതൃത്വത്തിൽ പൊലീസ് നടത്തിയ തുടരന്വേഷണത്തിലാണ് വാഹനങ്ങൾ പിടിച്ചെടുത്തത്‌.
ഫറോക്ക് നഗരത്തിൽ റെയിൽവേ സ്റ്റേഷൻ പരിസരത്തുനിന്ന്‌ തുടർച്ചയായി ബൈക്കുകൾ മോഷ്ടിക്കപ്പെട്ടതോടെയാണ് അസി. കമീഷണറുടെ നേതൃത്വത്തിൽ പ്രത്യേക അന്വേഷണമാരംഭിച്ചതും കുട്ടിക്കുറ്റവാളികളടങ്ങുന്ന സംഘം വലയിലായതും. ഫറോക്കിന് പുറമെ, കോഴിക്കോട്, വടകര റെയിൽവേ സ്റ്റേഷനുകൾ, കുന്നമംഗലം ടൗൺ എന്നിവിടങ്ങളിൽനിന്നാണ് സംഘം വാഹനങ്ങൾ മോഷ്ടിച്ചത്. പിടിച്ചെടുത്ത വാഹനങ്ങൾ ബന്ധപ്പെട്ട സ്‌റ്റേഷനുകൾക്ക്‌ കൈമാറി. മുഖ്യപ്രതി രവിരാജിനെ വീണ്ടും കോടതിയിൽ ഹാജരാക്കി റിമാൻഡ് ചെയ്തു. പ്രായപൂർത്തിയാകാത്തവരെ ജുവനൈൽ ജസ്റ്റിസ് ബോർഡിന്‌ മുന്നിൽ ഹാജരാക്കി.

വടകരയിൽ ഉൾപ്പടെ കുട്ടികളെ ഉപയോഗിച്ച്‌ മോഷണം; ഇരുചക്രവാഹനങ്ങൾ കണ്ടെടുത്തു

ചൊക്ലി: ചൊക്ലി സബ്ജില്ല കലോത്സവുമായി ബന്ധപ്പെട്ട് ട്രാഫിക്‌ നിയന്ത്രണം ഏറ്റെടുത്ത രാമവിലാസത്തിലെ എൻ സി സി കേഡറ്റുകൾ മുഴുവൻ ആളുകളുടെയും ശ്രദ്ധ പിടിച്ചു പറ്റി. വളരെ തിരക്കേറിയ സ്കൂൾ പരിസരം കേഡറ്റുകൾ കാര്യക്ഷമമായി നിയന്ത്രിച്ചു. ഏകദേശം നാലായിരത്തോളം വിദ്യാർത്ഥികളും രക്ഷിതാക്കളും അധ്യാപകരും പങ്കെടുത്ത കലോത്സവം കേഡറ്റുകളുടെ ഇടപെടൽ കാരണം ഏറ്റവും സുരക്ഷിത മേഖലയായി മാറി. കേഡറ്റുകളുടെ മാതൃകപരമായ പ്രവർത്തനം നിരീക്ഷിച്ച ചൊക്ലി പോലീസ് സബ് ഇൻസ്പെക്ടർ സന്തോഷ് ലാൽ, എ എസ് ഐ സുനിൽ കുമാർ,സിവിൽ പോലീസ് ഓഫീസർ ശ്രീജിത്ത് എന്നിവർ രാമവിലാസം എൻ സി സി ഓഫീസിൽ എത്തി.&nbsp;
പരേഡ് ഗ്രൗണ്ടിൽ വെച്ച് ട്രാഫിക്ക് ഡ്യൂട്ടിക്ക് നേതൃത്വം നൽകിയ കേഡറ്റുകളായ ഈഷാൻ സ്മിതേഷ്, അൻവിത ആർ ബിജു, കിരൺ ബേദി എസ് എന്നിവർക്ക് ഉപഹാരം നൽകി. ചടങ്ങിൽ സ്കൂൾ മാനേജർ പ്രസീത് കുമാർ, പ്രിൻസിപ്പൽ പ്രശാന്തൻ തച്ചരത്ത്, ഹെഡ് മാസ്റ്റർ പ്രദീപ് കിനാത്തി, എൻ സി സി ഓഫീസർ ടി.പി. രാവിദ് എന്നിവർ ആശംസകൾ അർപ്പിച്ചു സംസാരിച്ചു. രാമവിലാസത്തിലെ എൻ സി സി കേഡറ്റുകളുടെ പ്രവർത്തനം മാതൃകാപരവും മറ്റു വിദ്യാർത്ഥികൾക്ക് അനുകരണീയവുമാണെന്ന് പോലീസ് സബ് ഇൻസ്‌പെക്ടർ സന്തോഷ് ലാൽ അഭിപ്രായപ്പെട്ടു.

രാമവിലാസത്തിലെ എൻ സി സി കേഡറ്റുകൾക്ക് ചൊക്ലി പോലീസിന്റെ ആദരവ്

Mahe

നാദാപുരം: കല്ലാച്ചി തെരുവൻ പറമ്പിന് സമീപം ചിയ്യൂരിൽ രണ്ട് മാസം ഗർഭിണിയായ ഭാര്യയെ കുത്തിപ്പരിക്കേൽപ്പിച്ച സംഭവത്തിൽ ഭർത്താവിനെതിരെ വധശ്രമത്തിന് നാദാപുരം പോലീസ് കേസ് എടുത്തു. നരിപ്പറ്റ സ്വദേശിനി ഷംന ( 28 ) യാണ് ഭർത്താവ് കുത്തി പരിക്കേൽപ്പിച്ചത്. കഴിഞ്ഞ ദിവസം വൈകുന്നേരമാണ് കേസിനാസ്പദമായ സംഭവം. ഷംനയുടെ
ഇടത് ചുമലിനും വയറിനുമാണ് കുത്തേറ്റത്. ചിയ്യൂരിലെ ഫൈസലിൻ്റെ വീട്ടിൽ വെച്ചാണ് അക്രമം നടന്നത്. പരിക്കേറ്റ ഷംനയെ കോഴിക്കോട് സ്വകാര്യ ആശുപത്രിയിൽ പ്രവേശിപ്പിച്ചു. പോലീസ് യുവതിയുടെ മൊഴി രേഖപ്പെടുത്തി രാത്രിയോടെ കേസെടുക്കുകയായിരുന്നു. അക്രമത്തിന് ശേഷം വീട്ടിൽ നിന്ന് ഓടി രക്ഷപ്പെട്ട ഫൈസലിന് വേണ്ടി അന്വേഷണം ആരംഭിച്ചതായി പോലീസ് പറഞ്ഞു. കുടുംബ കലഹമാണ് അക്രമത്തിന് പിന്നിലെന്നാണ് സൂചന.

കല്ലാച്ചിയിൽ ഗർഭിണിയായ യുവതിയെ കുത്തിപ്പരിക്കേൽപ്പിച്ച സംഭവത്തിൽ ഭർത്താവിനെതിരെ വധശ്രമത്തിന് കേസ്

Nadapuram

ഭോപ്പാൽ: റെയിൽവേ ട്രാക്കിൽ നിന്ന് രണ്ട് മൃതദേഹം നീക്കം ചെയ്യുന്നതിനിടെ ട്രെയിനിടിച്ച് പൊലീസുകാരന്റെ കൈ അറ്റുപോയി. പൊലീസ് വാഹനത്തിന്‍റെ ഡ്രൈവർക്കും പരിക്കേറ്റു. മധ്യപ്രദേശിലെ ദാമോ ജില്ലയിലാണ് സംഭവം. കരയ്യ ഭദോലി റെയിൽവേ സ്റ്റേഷന് സമീപമാണ് സംഭവം. രണ്ട് പേർ ട്രെയിനിൽ നിന്ന് വീണ് മരിച്ചെന്ന് വിവരം ലഭിച്ചതിനെ തുടർന്നാണ് ബന്ദക്പൂർ പൊലീസ് സ്റ്റേഷനിലെ സബ് ഇൻസ്പെക്ടർ രാജേന്ദ്ര മിശ്ര സംഭവ സ്ഥലത്തേക്ക് തിരിച്ചത്. സംഭവ സ്ഥലത്തെത്തി മൃതദേഹങ്ങൾ മാറ്റുന്നതിനിടെ പെട്ടെന്ന് ഒരു ട്രെയിൻ വന്ന് ഇടിക്കുകയായിരുന്നു. മിശ്രയുടെ വലതുകൈ അറ്റുപോയെന്ന് പൊലീസ് സൂപ്രണ്ട് ശ്രുത് കീർത്തി സോംവൻഷി പറഞ്ഞു. കൂടെയുണ്ടായിരുന്ന പൊലീസ് വാഹനത്തിന്‍റെ ഡ്രൈവർ യാവർ ഖാന് പരിക്കേറ്റു.&nbsp;
മിശ്രയെയും ഖാനെയും വിദഗ്ധ ചികിത്സക്കായി ജബൽപൂരിലെ ആശുപത്രിയിലേക്ക് മാറ്റി. ഡോക്ടർമാരുടെ നിർദേശ പ്രകാരം ആവശ്യമെങ്കിൽ ഇരുവരെയും എയർ ആംബുലൻസിൽ കയറ്റി കൂടുതൽ സൌകര്യങ്ങളുള്ള ആശുപത്രിയിൽ എത്തിക്കുമെന്ന് എസ് പി അറിയിച്ചു.

പാളത്തിൽ നിന്ന് മൃതദേഹങ്ങൾ നീക്കം ചെയ്യുന്നതിനിടെ ട്രെയിനിടിച്ച് പൊലീസുകാരന്‍റെ കൈ അറ്റു

National

പത്തനംതിട്ട : വാഹനഗതാഗതം തടസ്സപ്പെടുത്തിയും പൊതുജനങ്ങൾക്ക് ബുദ്ധിമുട്ടു സൃഷ്ടിച്ചും വാഹനറാലി നടത്തി പൊതുനിരത്തിൽ കേക്ക് മുറിച്ച് ജന്മദിനം ആഘോഷിച്ച യുവാക്കൾക്കെതിരെ കേസ്. പത്തനംതിട്ട വെട്ടിപ്പുറം സ്വദേശി ഷിയാസിന്റെ ജന്മദിനമാണ് കാർ റാലി നടത്തി ആഘോഷിച്ചത്. സെന്റ് പീറ്റേഴ്സ് ജംക്‌ഷനിൽ നടന്ന റാലിയിൽ ഇരുപതോളം കാറുകൾ അണിനിരന്നു. അൻപതോളം യുവാക്കളാണ് ആഘോഷത്തിൽ പങ്കെടുത്തത്. സംഭവവുമായി ബന്ധപ്പെട്ട് ഒന്നാംപ്രതി ഷിയാസിനെ അറസ്റ്റുചെയ്തു.
രാത്രി 9.15 നാണ് യുവാക്കളുടെ സംഘം പിറന്നാളാഘോഷം സംഘടിപ്പിച്ചത്. പൊതുഗതാഗതം തടസ്സപ്പെടുത്തിയതിന് പത്തനംതിട്ട പൊലീസ് കേസെടുത്ത് അന്വേഷണം ആരംഭിച്ചിരുന്നു. തുടർന്നാണ് ഒന്നാംപ്രതി വെട്ടിപ്പുറം പുവൻപാറ ഓലികൂടെക്കൽ ഷിയാസ് അറസ്റ്റിലായത്. എസ്ഐ ജിനുവിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്. ജില്ലാ പൊലീസ് മേധാവിയുടെ നിർദേശത്തെ തുടർന്ന് അജിൻ, ശ്യാം തുടങ്ങി ബാക്കിയുള്ള ഇരുപതോളം പ്രതികൾക്കായി അന്വേഷണം പോലീസ് വ്യാപിപ്പിച്ചു.

വാഹനറാലി, കേക്ക് മുറിക്കൽ; റോഡിലെ പിറന്നാൾ ആഘോഷം അതിരുവിട്ടു, അറസ്റ്റ്

പാലക്കാട്: പാലക്കാട്ടെ ഹോട്ടലിൽ നടന്ന പൊലീസ് റെയ്ഡിനെതിരെ കെ.പി.സി.സി രാഷ്ട്രീയകാര്യ സമിതി അംഗം ബിന്ദു കൃഷ്ണ ഡി.ജി.പിക്ക് പരാതി നൽകി. സംഘത്തോടൊപ്പം ചില സി.പി.എം, ബി.ജെ.പി രാഷ്ട്രീയ പ്രവർത്തകരുണ്ടായിരുന്നു. നേതാക്കളുടെ നിർദേശപ്രകാരമാണ് പൊലീസ് സംഘം പ്രവർത്തിച്ചത്. ഉത്തരവാദികളായവർക്കെതിരെ അടിയന്തര നിയമനടപടികളും വകുപ്പുതല നടപടിയും സ്വീകരിക്കണമെന്ന് പരാതിയിൽ പറയുന്നു.
അതേസമയം, പാ​ല​ക്കാ​ട്ടെ പാ​തി​രാ റെ​യ്​​ഡി​ൽ തെ​ര​ഞ്ഞെ​ടു​പ്പ് ക​മീ​ഷ​നെ നോ​ക്കു​കു​ത്തി​ക​ളാ​ക്കി പൊ​ലീ​സി​നെ സി.​പി.​എം രാ​ഷ്ട്രീ​യ​മാ​യി ദു​രു​പ​യോ​ഗം ചെ​യ്യു​ന്നെ​ന്നാ​രോ​പി​ച്ച്​ പ്ര​തി​പ​ക്ഷ ​നേ​താ​വ് കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​ന് പ​രാ​തി ന​ൽ​കിയിട്ടുണ്ട്.

പാലക്കാട്ടെ പാതിരാ റെയ്ഡ്;ഡി.ജി.പിക്ക് പരാതി നൽകി ബിന്ദു കൃഷ്ണ

കോ​ഴി​ക്കോ​ട്: വാ​ഹ​നാ​പ​ക​ട​ത്തി​ൽ ഗു​രു​ത​ര​മാ​യി പ​രി​ക്കേ​റ്റ​യാ​ളെ ആ​ശു​പ​ത്രി​യി​ലേ​ക്കെ​ന്ന് പ​റ​ഞ്ഞ് ഓ​ട്ടോ​യി​ൽ ക​യ​റ്റി റെ​യി​ൽ​വേ ട്രാ​ക്കി​ന​ടു​ത്ത് ഉ​പേ​ക്ഷി​ച്ച​യാ​ൾ ക​സ​ബ പൊ​ലീ​സ് പി​ടി​യി​ൽ. കൊ​ല്ലം ആ​ലും​മൂ​ട് ചാ​രു​വി​ള പു​ത്ത​ൻ​വീ​ട് ബി​ജു​കു​മാ​റാ​ണ് (42) പി​ടി​യി​ലാ​യ​ത്. ആ​ഗ​സ്റ്റ് എ​ട്ടി​ന് മാ​വൂ​ർ റോ​ഡ് കെ.​എ​സ്.​ആ​ർ.​ടി.​സി​ക്ക് എ​തി​ർ​വ​ശം ബി​ജു​കു​മാ​ർ ഓ​ടി​ച്ച ടൂ​വീ​ല​റി​ടി​ച്ച് മാ​ളി​ക്ക​ട​വ് സ്വ​ദേ​ശി ര​വി​ക്ക് (58) ഗു​രു​ത​ര​മാ​യി പ​രി​ക്കേ​റ്റി​രു​ന്നു. ര​വി​യെ നാ​ട്ടു​കാ​രു​ടെ സ​ഹാ​യ​ത്തോ​ടെ ആ​ശു​പ​ത്രി​യി​ലേ​ക്കെ​ന്നു പ​റ​ഞ്ഞ് കൊ​ണ്ടു​പോ​യി റെ​യി​ൽ​വേ ട്രാ​ക്കി​ന് സ​മീ​പം ഉ​പേ​ക്ഷി​ച്ച് മു​ങ്ങു​ക​യാ​യി​രു​ന്നു​വെ​ന്നാ​ണ് പ​രാ​തി.
വാ​ഹ​ന​ത്തി​ന്റെ ന​മ്പ​ർ വ​ഴി പൊ​ലീ​സ് ഉ​ട​മ​യെ ക​ണ്ടെ​ത്തി. വാ​ഹ​നം തി​രൂ​ര​ങ്ങാ​ടി​യി​ൽ​നി​ന്ന് ആ​റു​വ​ർ​ഷം മു​മ്പ് മ​റ്റൊ​രാ​ൾ വാ​ങ്ങി​യ​താ​ണെ​ന്ന വി​വ​ര​വും കി​ട്ടി. വാ​ഹ​നം വാ​ങ്ങി​യ​യാ​ളെ​ക്കു​റി​ച്ച് വി​വ​രം ല​ഭ്യ​മ​ല്ലാ​ത്ത​തി​നാ​ൽ പ്ര​തി​യെ തി​രി​ച്ച​റി​യാ​ൻ കെ.​എ​ൽ 65 ര​ജി​സ്ട്രേ​ഷ​ൻ ന​മ്പ​റി​ൽ സ​മാ​ന​മാ​യ വെ​ള്ള സ്കൂ​ട്ട​ർ ഉ​പ​യോ​ഗി​ക്കു​ന്ന ആ​ളെ​പ്പ​റ്റി നി​ര​ന്ത​ര അ​ന്വേ​ഷ​ണ​ത്തി​നി​ട​യി​ൽ പ്ര​തി​യെ പി​ടി​കൂ​ടു​ക​യാ​യി​രു​ന്നു. പ​രി​ക്കേ​റ്റ​യാ​ളെ വ​ഴി​യി​ൽ ഉ​പേ​ക്ഷി​ച്ച് ക​ട​ന്നു​ക​ള​ഞ്ഞ​തി​നും ലൈ​സ​ൻ​സി​ല്ലാ​തെ വാ​ഹ​നം ഓ​ടി​ച്ച​തി​നു​മാ​ണ് കേ​സ്. ക​സ​ബ ഇ​ൻ​സ്പെ​ക്ട​ർ ജി. ​ഗോ​പ​കു​മാ​റി​ന്റെ നേ​തൃ​ത്വ​ത്തി​ൽ എ​സ്.​ഐ പി. ​സ​ജേ​ഷ് കു​മാ​ർ, സി.​പി.​ഒ മു​ഹ​മ്മ​ദ് അ​ബ്ദു​റ​ഹി​മാ​ൻ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്.

കോഴിക്കോട് വാഹനാപകടത്തിൽ പരിക്കേറ്റയാളെ വഴിയിൽ ഉപേക്ഷിച്ച് കടന്നയാൾ പിടിയിൽ

Kozhikode

നാദാപുരം: കാറില്‍ കഞ്ചാവുമായി പോക്‌സോ കേസ് പ്രതി ഉള്‍പെടെ രണ്ട് പേര്‍ പോലീസ് പിടിയിൽ. പുളിയാവ് മാന്താറ്റില്‍ അജ്മല്‍ (29), വളയം ചെറുമോത്ത് പുലപ്പാടി പി.പി.അഫ്‌സല്‍ (27) എന്നിവരെയാണ് നാദാപുരം പോലീസ് അറസ്റ്റ് ചെയ്തത്. അഫ്‌സല്‍ വളയം പോലിസ് രജിസ്റ്റര്‍ ചെയ്ത പോക്‌സോ കേസില്‍ പ്രതിയാണെന്ന് പോലീസ് പറഞ്ഞു. പ്രതികള്‍ സഞ്ചരിച്ച കെ എല്‍ 71 ഇ 4849 കാറില്‍ നിന്ന് 31.05 ഗ്രാം കഞ്ചാവ് പോലീസ് പിടികൂടി. കഴിഞ്ഞ ദിവസം രാത്രി നാദാപുരം എസ്‌ഐ അനീഷ് വടക്കേടത്തും സംഘവും പട്രോളിംഗ് ഡ്യൂട്ടിക്കിടെ നാദാപുരം ടൗണില്‍ പാര്‍ക്ക് ചെയ്ത നിലയിലായിരുന്നു കാര്‍. തുടര്‍ന്ന് പോലിസ് കാറില്‍ നടത്തിയ പരിശോധനയിലാണ് കഞ്ചാവ് കണ്ടെത്തിയത്. കാര്‍ പോലിസ് കസ്റ്റഡിയിലെടുത്തു.

നാദാപുരത്ത് കാറില്‍ കഞ്ചാവുമായി പോക്‌സോ കേസ് പ്രതി ഉള്‍പെടെ അറസ്റ്റില്‍

പി.പി.അഫ്‌സല്‍, അജ്മല്‍

ആലപ്പുഴ: 'വീട്ടിലിരുന്ന് പണം സമ്പാദിക്കാം' എന്ന സന്ദേശം ഫോണില്‍ കണ്ടാല്‍ എടുത്തുചാടി പണമുണ്ടാക്കാന്‍ പുറപ്പെടേണ്ട. വ്യാജന്‍മാര്‍ ഇറങ്ങിയിട്ടുണ്ട്, സൂക്ഷിച്ചില്ലേല്‍ പണവും മാനവും പോകും. വര്‍ക്ക് ഫ്രം ഹോം തട്ടിപ്പ് കേസുകള്‍ ഏറിയതോടെ ജാഗ്രതാ നിര്‍ദേശം നല്‍കിയിരിക്കുകയാണ് പോലീസ്.
വര്‍ക്ക് ഫ്രം ഹോം ജോലിയുടെ ഭാഗമായി വീട്ടിലിരുന്ന് മൊബൈല്‍ ആപ്പുകള്‍ ഇന്‍സ്റ്റാള്‍ ചെയ്ത് പൈസ സമ്പാദിക്കാം എന്ന പരസ്യത്തോടുകൂടിയുള്ള ലിങ്കുകള്‍ ഉള്‍ക്കൊള്ളുന്ന സന്ദേശം അയച്ചുനല്‍കുകയാണ് തട്ടിപ്പുകാര്‍ ആദ്യം ചെയ്യുന്നത്. ഇതു തുറന്ന് അക്കൗണ്ട് തുടങ്ങാന്‍ ആവശ്യപ്പെടും. അക്കൗണ്ട് ആരംഭിച്ചുകഴിഞ്ഞാല്‍ ചില മൊബൈല്‍ ആപ്പുകള്‍ ഇന്‍സ്റ്റാള്‍ ചെയ്യണമെന്നു പറയും. വരുമാനം നേടുന്നതിനായി പല ഘട്ടങ്ങളിലായി തുകകള്‍ നിക്ഷേപിക്കേണ്ടിവരും. കൂടുതല്‍ വരുമാനം നേടുന്നതിന് ബന്ധുക്കള്‍ക്കും സുഹൃത്തുക്കള്‍ക്കും ലിങ്ക് അയയ്ക്കാനും ആവശ്യപ്പെടും.
ഒടുവില്‍ കൊടുത്ത പണവും നേടിയ പണവും പിന്‍വലിക്കാന്‍ കഴിയാതെവരുമ്പോഴാണ് തട്ടിപ്പിന് ഇരയായെന്നു മനസ്സിലാവുക. ഇത്തരത്തില്‍ ലഭിക്കുന്ന സന്ദേശങ്ങളിലൂടെയുള്ള ഓണ്‍ലൈന്‍ ജോലികള്‍ക്ക് ഒരിക്കലും ശ്രമിക്കരുതെന്ന് പോലീസ് നിര്‍ദേശിച്ചു. തട്ടിപ്പിനിരയായാല്‍ ഉടന്‍ 1930 എന്ന നമ്പരിലോ www.cybercrime.gov.in എന്ന വെബ്‌സൈറ്റ് മുഖേനയോ സൈബര്‍ പോലീസ് ഹെല്‍പ്പ് ലൈനില്‍ വിവരം അറിയിക്കുക.

വീട്ടിലിരുന്ന് പണം സമ്പാദിക്കാം, സന്ദേശങ്ങളിൽ വീഴല്ലേ; മുന്നറിയിപ്പുമായി പോലീസ്

നാദാപുരം: ഉത്തര മേഖലാ വിജിലൻസ് എസ്.പി പ്രജീഷ് തോട്ടത്തിലിന് ബാഡ്ജ് ഓഫ് ഓണർ ഫോർ എക്സലന്റ് ഇൻവസ്റ്റിഗേഷൻ ബഹുമതി ലഭിച്ചു. 2023 ൽ റിക്കാർഡ് ട്രാപ്പ് കേസ്സുകൾ പിടിക്കുകയും നിരവധി സുപ്രധാന കേസ്സുകൾ മികച്ച രീതിയിൽ അന്വേഷണം നടത്തി കോടതി മുമ്പാകെ ഫയൽ ചെയ്യുകയും സംസ്ഥാന വിജിലൻസ് ആൻ്റ് ആൻ്റി കറപ്ഷൻ ബ്യൂറോയിൽ സംസ്ഥാന തലത്തിൽ മികച്ച രീതിയിൽ പ്രവർത്തിച്ചതിനുമാണ് ബഹുമതി. വിശിഷ്ട സേവനത്തിന് രാഷ്ട്രപതിയുടേയും മുഖ്യമന്തിയുടേയും മെഡലുകൾക്കും അർഹമായിട്ടുണ്ട്.&nbsp;
സോഷ്യൽ പോലീസിങ്ങിനുള്ള ആദ്യത്തെ ബാഡ്ജ് ഓഫ് ഓണർ 2016 ൽ ലഭിച്ചിട്ടുണ്ട്. 150 ഓളം ഗുഡ് സർവ്വീസ് എൻട്രിയും നിരവധി സർട്ടിഫിക്കറ്റുകളും മറ്റും ലഭിച്ചിട്ടുണ്ട്. കണ്ണൂർ പിണറായി സ്വദേശിയാണ്. കുറ്റ്യാടി എസ്. ഐ, നാദാപുരം സി. ഐ , ഡി.വൈ.എസ്.പി, വടകര ഡി.വൈ.എസ്.പി, കോഴിക്കോട് റൂറൽ, കല്പറ്റ ഇരിട്ടി എസ്.എസ് ബി, ഡി വൈ. എസ്. പി ,ക്രൈംബ്രാഞ്ച് കണ്ണൂർ കാസർഗോഡ് , വിജിലൻസ് ആൻ്റ്റി കറപ്ഷൻബ്യൂറോ ഡി.വൈ.എസ്.പി, ഉത്തര മേഖല എസ്.പിയായും കാസർഗോഡ്, കണ്ണൂർ അഡിഷണൽ എസ്.പിയായും, കാസർഗോഡ്, മലപ്പുറം, തിരുവനന്തപുരം ജില്ലകളിലും ജോലി ചെയ്തിട്ടുണ്ട്. ഭാര്യ ബിജി, മകൾ ലക്ഷ്യ ബി. തോട്ടത്തിൽ.

പ്രജീഷ് തോട്ടത്തിലിന് ബാഡ്ജ് ഓഫ് ഓണർ ഫോർ എക്സലന്റ് ഇൻവസ്റ്റിഗേഷൻ ബഹുമതി

കരുനാഗപ്പള്ളി: അഞ്ചുവയസ്സുകാരനെയും രണ്ടുമാസംമാത്രം പ്രായമുള്ള കുഞ്ഞിനെയും ഉപേക്ഷിച്ച് സുഹൃത്തിനൊപ്പം പോയ യുവതി പോലീസിന്റെ പിടിയിലായി. തഴവ കടത്തൂര്‍ സ്വദേശിയായ 25-കാരിയാണ് കരുനാഗപ്പള്ളി പോലീസിന്റെ പിടിയിലായത്. പുനലൂര്‍ പിറവന്തൂര്‍ സ്വദേശിയായ സുഹൃത്തിനെയും പോലീസ് കസ്റ്റഡിയിലെടുത്തിട്ടുണ്ട്.
&nbsp;സംഭവത്തെക്കുറിച്ച് പോലീസ് പറയുന്നത്: കഴിഞ്ഞ 13-നാണ് യുവതി കുഞ്ഞുങ്ങളെ ഉപേക്ഷിച്ച് സുഹൃത്തിനൊപ്പം പോയത്. മകളെ കാണാനില്ലെന്നു കാണിച്ച് അമ്മ നല്‍കിയ പരാതിയുടെ അടിസ്ഥാനത്തില്‍ കരുനാഗപ്പള്ളി പോലീസ് കേസെടുത്തു. തുടര്‍ന്നു നടത്തിയ അന്വേഷണത്തിലാണ് യുവതിയെയും സുഹൃത്തിനെയും കണ്ടെത്തി അറസ്റ്റ് ചെയ്തത്.
കുഞ്ഞുങ്ങളെ സംരക്ഷിക്കാന്‍ ബാധ്യസ്ഥയായ യുവതി അവരെ ഉപേക്ഷിച്ചു പോയതിന് ബാലനീതി നിയമപ്രകാരമാണ് കേസെടുത്തത്. കരുനാഗപ്പള്ളി പോലീസ് ഇന്‍സ്‌പെക്ടര്‍ വി.ബിജുവിന്റെ നേതൃത്വത്തില്‍ എസ്.ഐ.മാരായ കുരുവിള, റഹിം, എസ്.സി.പി.ഒ. ഗ്രീഷ്മ എന്നിവരടങ്ങിയ സംഘമാണ് ഇവരെ പിടികൂടിയത്.

രണ്ടുമാസംപ്രായമുള്ള കുഞ്ഞിനെയും അഞ്ചുവയസ്സുള്ള മകനെയും ഉപേക്ഷിച്ച് സുഹൃത്തിനൊപ്പം പോയ യുവതി പിടിയിൽ

കൊയിലാണ്ടി : കാറിൽ സഞ്ചരിക്കവേ കണ്ണിൽ മുളകുപൊടി വിതറി ബന്ദിയാക്കി പണം കവർന്നുവെന്ന പരാതിയിൽ പ്രതികളെ തുടരന്വേഷണത്തിനായി കൊയിലാണ്ടി പോലീസ് കസ്റ്റഡിയിൽ വാങ്ങി. തിക്കോടി ആവിക്കൽ റോഡ് സുഹാന മൻസിൽ സുഹൈൽ(25), തിക്കോടി ആവിക്കൽ ഉമ്മർവളപ്പിൽ മുഹമ്മദ് താഹ(27), പുതിയവളപ്പിൽ മുഹമ്മദ് യാസർ(21) എന്നിവരെ കൊയിലാണ്ടി ഫസ്റ്റ് ക്ലാസ് മജിസ്ട്രേറ്റ് മൂന്നുദിവസത്തേക്കാണ് കസ്റ്റഡി അനുവദിച്ചത്.&nbsp;
&nbsp;താഹയിൽനിന്ന്‌ 37 ലക്ഷം രൂപ നേരത്തേ കണ്ടെത്തിയിരുന്നു. 72,40,000 രൂപ നഷ്ടപ്പെട്ടുവെന്നായിരുന്നു പരാതി. എ.ടി.എം. കൗണ്ടറുകളിൽ പണംനിറയ്ക്കാൻ പോകുന്നതിനിടെ കുരുടിമുക്കിൽവെച്ചാണ് യുവാവിന്റെ കണ്ണിൽ മുളകുപൊടി വിതറി ബന്ദിയാക്കിയശേഷം പണം കവർന്നതെന്നായിരുന്നു പരാതി. സുഹൈലിനെ കാറിൽ ബന്ദിയാക്കിയനിലയിലും ശരീരമാകെ മുളകുപൊടി വിതറിയനിലയിലുമാണ് കണ്ടെത്തിയത്. ആദ്യം നഷ്ടമായത് 25 ലക്ഷം രൂപയെന്ന് പറഞ്ഞിരുന്നു. എന്നാൽ, 72,40,000 രൂപ നഷ്ടപ്പെട്ടുവെന്നാണ് എഫ്.ഐ.ആറിൽ രേഖപ്പെടുത്തിയത്. യാത്രയ്ക്കിടെ പർദ ധരിച്ച രണ്ടുപേരിൽ ഒരാൾ വണ്ടിയുടെ മുന്നിലേക്ക് വീണുവെന്നും വാഹനം നിർത്തിയപ്പോൾ മറ്റൊരാൾ ആക്രമിച്ചുവെന്നുമായിരുന്നു മൊഴി.
യുവാവിന്റെ മൊഴിയിലെ വൈരുധ്യത്തെ തുടർന്ന് നടത്തിയ അന്വേഷണത്തിലാണ് പരാതിക്കാരനും സുഹൃത്തും പ്രതികളായത്. പോലീസ് അഞ്ചുദിവസത്തേക്ക് കസ്റ്റഡിയിൽ വിടാനായിരുന്നു കോടതിയോട് അപേക്ഷിച്ചിരുന്നത്. നഷ്ടപ്പെട്ട മുഴുവൻതുകയും അന്വേഷണത്തിലൂടെ കണ്ടെത്തുന്നതിനാണ് പ്രതികളെ കസ്റ്റഡിയിലാവശ്യപ്പെട്ടത്.

കൊയിലാണ്ടിയിലെ കവർച്ചാനാടകം; പ്രതികളെ പോലീസ് കസ്റ്റഡിയിൽ വാങ്ങി

Koyilandy

തൃശൂർ: മണ്ണുത്തി ദേശീയപാതയിൽ വിവാഹസംഘം സഞ്ചരിച്ച ബസിന് മുകളിൽ കയറി യുവാക്കളുടെ അപകട യാത്ര. സംഭവത്തിൽ അഞ്ചു പേർക്കെതിരെ പൊലീസ് കേസെടുത്തു. ഇന്നലെ രാത്രി ചിറക്കോട് നിന്നുള്ള വിവാഹ സം​ഘം സഞ്ചരിച്ച ബസിന് മുകളിൽ കയറിയാണ് യുവാക്കൾ അപകടകരമായ രീതിയിൽ യാത്ര ചെയ്തത്. ചിറക്കോട് നിന്ന് വിവാഹ ചടങ്ങുകൾ കഴിഞ്ഞ് തിരികെ വരുന്നതിനിടെ ബസിലുണ്ടായിരുന്ന മൂന്ന് യുവാക്കൾ ബസിന് മുകളിലേക്ക് കയറുകയായിരുന്നു. ബസിലെ എയർഹോൾ വഴിയാണ് യുവാക്കൾ മുകളിലേക്ക് കയറിയത്. മൂന്ന് യുവാക്കൾക്കെതിരെയും ബസിലെ ഡ്രൈവർ, ക്ലീനർ എന്നിവർക്കെതിരെയുമാണ് പൊലീസ് കേസെടുത്തത്.&nbsp;&nbsp;
മണ്ണുത്തി ദേശീയ പാതയിൽ അപകടകരമായി യാത്ര ചെയ്യുന്നത് ശ്രദ്ധയിൽപ്പെട്ട മറ്റ് യാത്രക്കാരാണ് പൊലീസിൽ വിവരം അറിയിച്ചത്. വിവാഹ സം​ഘം സഞ്ചരിച്ച ബസ് മണ്ണൂത്തി പൊലീസ് കസ്റ്റഡിയിലെടുത്തു. മോട്ടോർ വാഹന ഉദ്യോ​ഗസ്ഥരെത്തി തുടർ നടപടികൾ സ്വീകരിക്കും.

ബസിന് മുകളിൽ കയറി യുവാക്കളുടെ യാത്ര; കേസെടുത്ത് പോലീസ്

കാഞ്ഞങ്ങാട്: ഭീഷണിപ്പെടുത്തിയെന്ന സംവിധായകന്റെ പരാതിയിൽ പൊലീസ് കേസെടുത്തു. ‘രാമനും കദീജയും’ സിനിമയുടെ സംവിധായകൻ കെ.ദിനേശൻ പൂച്ചക്കാടിന്റെ പരാതിയിലാണ് ബേക്കൽ പൊലീസ് കേസെടുത്തത്. കഴിഞ്ഞ 14ന് രാവിലെ 7ന് കീക്കാനത്തെ ഇദ്ദേഹത്തിന്റെ വീട്ടിൽ അതിക്രമിച്ച് കയറി ഭീഷണി ഉളവാക്കുന്ന തരത്തിലുള്ള എഴുത്ത് കൊണ്ടു വയ്ക്കുകയായിരുന്നു.
സിനിമ റിലീസ് ചെയ്യാനുള്ള ഒരുക്കത്തിനിടെയാണ് ഭീഷണി സന്ദേശം ലഭിച്ചത്. ‘നിന്റെ അവസാന ചിത്രമായിരിക്കുമിത്. നിനക്ക് പതിനാറിന്റെ പണി കിട്ടും’ എന്നിങ്ങനെയാണ് കത്തിൽ ഉണ്ടായിരുന്നതെന്ന് ദിനേശൻ പറയുന്നു. രണ്ടു സമുദായത്തെ കുറിച്ചുള്ള കഥ ആയതു കൊണ്ടാണ് ഭീഷണി സന്ദേശം ലഭിക്കാൻ ഇടയായതെന്നും അദ്ദേഹം പറഞ്ഞു.

‘നിന്റെ അവസാന ചിത്രമായിരിക്കുമിത്’: സംവിധായകനെ ഭീഷണിപ്പെടുത്തിയെന്ന് പരാതി

തിരുവനന്തപുരം: പ്രമുഖ ഇലക്ട്രിക് സ്‌കൂട്ടര്‍ നിർമാതാക്കളുടെ പേരില്‍ വ്യാജ വെബ്സൈറ്റ് നിർമിച്ച് തട്ടിപ്പ് നടത്തുന്ന സംഘങ്ങള്‍ക്കെതിരെ മുന്നറിയിപ്പുമായി പൊലീസ്. പ്രമുഖ ഇലക്ട്രിക് സ്‌കൂട്ടര്‍ നിര്‍മാതാക്കളുടേത് എന്ന് ഒറ്റനോട്ടത്തില്‍ തോന്നുന്ന തരത്തിലാണ് തട്ടിപ്പുകാര്‍ വ്യാജ വെബ്‌സൈറ്റുകള്‍ നിര്‍മിക്കുന്നത്. ഈ വെബ്‌സൈറ്റ് വഴിയാണ് കുറഞ്ഞ വിലയ്ക്ക് വാഹനങ്ങള്‍ നല്‍കാമെന്നുള്ള പ്രചാരണം.&nbsp;
കുറഞ്ഞ വിലയ്ക്ക് വാഹന ബുക്കിങ് വാഗ്ദാനം ചെയ്യുന്ന വെബ്‌സൈറ്റുകളുടെ ആധികാരികതയും നിയമസാധുതയും പരിശോധിച്ചുമാത്രമേ ബുക്കിങ് നടപടികളുമായി മുന്നോട്ടു പോകാവൂ എന്നാണ് പൊലീസ് മുന്നറിയിപ്പ്. ഇത്തരം തട്ടിപ്പ് ശ്രദ്ധയിൽപെട്ടാൽ ഉടന്‍ തന്നെ 1930 എന്ന നമ്പറില്‍ സൈബര്‍ പൊലീസിനെ അറിയിക്കണമെന്നും പൊലീസ് അറിയിച്ചു.
വ്യാജ ബുക്കിങ് ഓഫറുകള്‍ അടങ്ങിയ പരസ്യങ്ങള്‍ സമൂഹമാധ്യമങ്ങളിലൂടെ പ്രചരിപ്പിച്ചാണ് തട്ടിപ്പ് സംഘം വല വിരിക്കുന്നത്. ഒറ്റനോട്ടത്തില്‍ യഥാർഥ വെബ്‌സൈറ്റ് പോലെ തോന്നിക്കുന്ന വ്യാജ വെബ്‌സൈറ്റിലൂടെ പണം അടച്ച് വാഹനം ബുക്ക് ചെയ്യുന്നതോടെ തുക നഷ്ടപ്പെടും. ഇത്തരം വ്യാജ വെബ്‌സൈറ്റുകള്‍ തിരിച്ചറിയുന്നതിന് അവയുടെ വിലാസം സൂക്ഷ്മമായി പരിശോധിക്കണം. യഥാര്‍ഥ വെബ്‌സൈറ്റില്‍നിന്ന് ഒന്നോ രണ്ടോ അക്ഷരങ്ങള്‍ തെറ്റിച്ചാകും വ്യാജ വെബ്‌സൈറ്റുകളുടെ വിലാസമെന്നും കേരള പൊലീസിന്റെ ഔദ്യോഗിക ഫെയ്സ്ബുക്ക് പേജിലെ കുറിപ്പിൽ പറയുന്നു.

‘കുറഞ്ഞ വിലയ്ക്ക് വാഹനങ്ങള്‍’; സ്‌കൂട്ടര്‍ നിർമാതാക്കളുടെ പേരില്‍ വ്യാജ വെബ്സൈറ്റ്, മുന്നറിയിപ്പുമായി പൊലീസ്

പേ​രാ​മ്പ്ര: വ്യാ​ജ സ്വ​ർ​ണം വി​റ്റ് പ​ണം ത​ട്ടി​യ പ്ര​തിയെ പേ​രാ​മ്പ്ര പോലീസ് പിടികൂടി. ബാ​ലു​ശ്ശേ​രി എ​ര​മം​ഗ​ലം ചെ​റു​വ​ക്കാ​ട്ട് കൈ​ലാ​സാ​ണ് (22) പി​ടി​യി​ലാ​യ​ത്. മു​ഖ്യ സൂ​ത്ര​ധാ​ര​നാ​യ പാ​ലേ​രി സ്വ​ദേ​ശി ആ​കാ​ശി​നെ (22) പി​ടി​കൂ​ടാ​നു​ണ്ടെ​ന്ന് പൊ​ലീ​സ് പ​റ​ഞ്ഞു. പേ​രാ​മ്പ്ര​യി​ലെ സ്വ​ർ​ണ വ്യാ​പാ​ര സ്ഥാ​പ​ന​ത്തി​ൽ ര​ണ്ടു പ​വ​ൻ തൂ​ക്കം വ​രു​ന്ന വ്യാ​ജ സ്വ​ർ​ണ വ​ള ന​ൽ​കി​യാ​ണ് പ്ര​തി​ക​ൾ ഒ​രു ല​ക്ഷ​ത്തി​ൽ കൂ​ടു​ത​ൽ രൂ​പ ത​ട്ടി​യ​ത്. ക​ഴി​ഞ്ഞ 27നാ​യി​രു​ന്നു സം​ഭ​വം. സ്വ​ർ​ണം ക​ണ്ട​പ്പോ​ൾ ത​ന്നെ സ്ഥാ​പ​ന​ത്തി​ലു​ള്ള​വ​ർ​ക്ക് സം​ശ​യം തോ​ന്നി​യെ​ങ്കി​ലും ഉ​ര​ച്ചു​നോ​ക്കി​യ​പ്പോ​ഴും കാ​ര​റ്റ് അ​ന​ലൈ​സ​റി​ൽ പ​രി​ശോ​ധി​ച്ച​പ്പോ​ഴും സ്വ​ർ​ണം ത​ന്നെ​യെ​ന്ന് കാ​ണി​ച്ച​തും 916 സീ​ൽ ഉ​ള്ള​തും കാ​ര​ണ​മാ​ണ് പ​ണം ന​ൽ​കി​യ​ത്.&nbsp;
പി​ന്നീ​ട് ഉ​രു​ക്കി നോ​ക്കി​യ​പ്പോ​ഴാ​ണ് സാ​ധ​നം വ്യാ​ജ​മാ​ണെ​ന്ന് മ​ന​സ്സി​ലാ​യ​ത്. തു​ട​ർ​ന്ന് പേ​രാ​മ്പ്ര പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. പേ​രാ​മ്പ്ര എ​സ്‌.​ഐ കെ.​ജി. അ​ഗ​സ്‌​റ്റി​ന്റെ നേ​തൃ​ത്വ​ത്തി​ൽ ബാ​ലു​ശ്ശേ​രി​യി​ൽ എ​ത്തി​യ പ്ര​തി​യെ വി​ദ​ഗ്‌​ധ​മാ​യി പി​ടി​കൂ​ടു​ക​യാ​യി​രു​ന്നു. പേ​രാ​മ്പ്ര കോ​ട​തി​യി​ൽ ഹാ​ജ​രാ​ക്കി​യ ഇ​യാ​ളെ റി​മാ​ൻ​ഡ് ചെ​യ്തു. നാ​ട്ടി​ൽ ഇ​ത്ത​രം വ്യാ​ജ സ്വ​ർ​ണം കൂ​ടു​ത​ലാ​യി എ​ത്തി​യി​ട്ടു​ണ്ടെ​ന്നും ജ​ന​ങ്ങ​ൾ ശ്ര​ദ്ധി​ക്ക​ണ​മെ​ന്നും പൊ​ലീ​സ് അ​റി​യി​ച്ചു.

വ്യാജ സ്വർണം വിറ്റ് പണം തട്ടിയ കേസിൽ ഒരാൾ പേരാമ്പ്ര പോലീസ് പിടിയിൽ

Perambra

വടകര : മേപ്പയിൽ സ്വദേശിയുടെ രണ്ടുലക്ഷം രൂപ നഷ്ടപ്പെട്ടതായി പോലീസിൽ പരാതി. ഇല്ലത്ത് ഹൗസിൽ നാരായണനാണ് വടകര പോലീസിൽ പരാതി നൽകിയത്. മേപ്പയിൽനിന്നും ബസിൽ കയറി പണിക്കോട്ടി റോഡിൽ എത്തിയപ്പോഴാണ് പണം നഷ്ടപ്പെട്ടതായി ശ്രദ്ധയിൽപ്പെട്ടത്. തുടർന്ന് വടകര പോലീസിൽ പരാതി നൽകുകയായിരുന്നു. പരാതിയിൽ കേസെടുത്ത് അന്വേഷണം ആരംഭിച്ചതായി പോലീസ് അറിയിച്ചു.

മേപ്പയിൽ സ്വദേശിയുടെ രണ്ടുലക്ഷം രൂപ നഷ്ടപ്പെട്ടതായി പരാതി

Vadakara

നാദാപുരം: വാണിമേൽ കന്നുകുളത്ത് കണ്ണിൽ മുളക് സ്‌പ്രേ അടിച്ച് യുവാക്കൾക്ക് നേരെ വധശ്രമം. കൂളിക്കുന്ന് സ്വദേശികളായ ഏച്ചിപ്പതേമ്മൽ അവിനാഷിനും പൊടിപ്പിൽ വിപിൻലാലിനുമാണ് പരിക്കേറ്റത്. ശനി രാത്രി എട്ടോടെ ഭൂമിവാതുക്കലിൽനിന്ന് ബൈക്കിൽ വീട്ടിലേക്ക് പോകുന്ന വഴിയിൽ കന്നുകുളം മണികണ്ഠമഠത്തിന് സമീപത്താണ്‌ സംഘം തടഞ്ഞു നിർത്തി ആക്രമിച്ചത്.&nbsp;
ഇരുവരുടെയും കൈകാലുകളുടെ എല്ലുകൾ പൊട്ടിയിട്ടുണ്ട്. ആഴത്തിലുള്ള മുറിവുമുണ്ട്. വാഹനങ്ങളിൽ അതുവഴിവന്ന യാത്രക്കാർ ഒച്ചവച്ചതിനെത്തുടർന്നാണ് അക്രമികൾ ഓടിപ്പോയത്. ലഹരി സംഘത്തിൽ പെട്ടവരാണ് ആക്രമിച്ചതെന്ന്‌ നാട്ടുകാർ പറഞ്ഞു. ഇരുവരും നാദാപുരം ഗവ. താലൂക്ക് ആശുപത്രിയിലും കോഴിക്കോട് മെഡിക്കൽ കോളേജ്‌ ആശുപത്രിയിലും ചികിത്സതേടി. വളയം പൊലീസ്‌ കേസെടുത്ത് അന്വേഷണം ആരംഭിച്ചു.

വാണിമേലിൽ കണ്ണിൽ മുളക് സ്‌പ്രേ അടിച്ച് യുവാക്കൾക്ക് നേരെ അക്രമം

നാദാപുരം: സ്വകാര്യ ബസ്സിൽ കോളജ് വിദ്യാർത്ഥിനികൾക്ക് നേരെ ലൈംഗികാതിക്രമം നടത്തിയ പ്രതി അറസ്റ്റിൽ. തൂണേരി മുടവന്തേരി സ്വദേശി കുന്നുംപുറത്ത് കെ.പി.മഹമൂദ് ( 48 ) നെയാണ് എടച്ചേരി പോലീസ് അറസ്റ്റ് ചെയ്തത്. ചൊവ്വാഴ്ച്ച വൈകുന്നേരം അഞ്ചരയോടെ വടകരയിൽ നിന്ന് നാദാപുരം ഭാഗത്തേക്ക് പോവുകയായിരുന്ന സ്വകാര്യ ബസിലാണ് കേസിനാസ്പദമായ സംഭവം. മൂന്ന് വിദ്യാർത്ഥിനികൾക്കെതിരെയാണ് പ്രതി ലൈംഗികാതിക്രമം നടത്തിയത്. ബസ് യാത്രക്കിടെ പ്രതി വിദ്യാർത്ഥിനികളുടെ ശരീരത്തിൽ സ്പർശിക്കുകയായിരുന്നു.&nbsp;
പല തവണ താക്കീത് നൽകിയിട്ടും പ്രതി വീണ്ടും വിദ്യാർത്ഥിനികൾക്ക് നേരെ അതിക്രമം നടത്തുകയായിരുന്നു. ഇതോടെ വിദ്യാർത്ഥിനികൾ ബഹളം വെക്കുകയും യാത്രക്കാർ ഇടപെടുകയും പ്രതിയെ എടച്ചേരി പോലീസ് സ്റ്റേഷനിൽ എത്തിക്കുകയുമായിരുന്നു. തുടർന്ന് വിദ്യാർത്ഥിനി സ്റ്റേഷനിൽ പരാതി നൽകി. പ്രതിയുടെ അറസ്റ്റ് രേഖപ്പെടുത്തി. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു.

സ്വകാര്യ ബസ്സിൽ പീഡനശ്രമം; പ്രതിയെ എടച്ചേരി പോലീസ് അറസ്റ്റ് ചെയ്തു

തിരുവനന്തപുരം: ബലാത്സംഗക്കേസിൽ ചോദ്യം ചെയ്യലിനായി നടൻ സിദ്ദിഖ് ഹാജരായി. തിരുവനന്തപുരം പൊലീസ് കമ്മീഷണർ ഓഫീസിലാണ് നടൻ ആദ്യം എത്തിയത്. തുടർന്ന് കൺട്രോൾ റൂമിലേക്ക് വരാൻ അന്വേഷണ സംഘം ആവശ്യപ്പെടുകയായിരുന്നു. ചോദ്യം ചെയ്യൽ ആരംഭിച്ചു.മകനൊപ്പമാണ് സിദ്ദിഖ് എത്തിയത്. മുൻകൂർ ജാമ്യാപേക്ഷ സുപ്രീം കോടതിയുടെ പരിഗണനയിൽ നിലനിൽക്കുന്നതിനാൽ നോട്ടീസ് നൽകുന്ന കാര്യത്തിൽ അന്വേഷണ സംഘം തീരുമാനമെടുത്തിരുന്നില്ല. ഈ സാഹചര്യത്തിലാണ് ഹാജരാകാൻ തയാറാണെന്ന് സിദ്ദിഖ് തന്നെ അറിയിച്ചത്.&nbsp;
യുവനടിയുടെ പരാതിയിലാണ് സിദ്ദിഖിനെതിരെ ബലാത്സംഗത്തിന് കേസെടുത്തിരിക്കുന്നത്. സിനിമാ ചർച്ചയ്ക്കായി മാസ്‌കോട്ട് ഹോട്ടലിലേക്ക് വിളിച്ചുവരുത്തി പൂട്ടിയിട്ട് പീഡിപ്പിച്ചെന്നാണ് നടിയുടെ പരാതി.&nbsp;

ബലാത്സംഗക്കേസിൽ സിദ്ദിഖ് ചോദ്യം ചെയ്യലിനായി ഹാജരായി

വടകര: സമസ്ത കേരള വാരിയർ സമാജം വടകര യൂണിറ്റിന്റെ ഉപഘടകങ്ങളായ സോപാനം മഹിളാവേദിയും കടത്താനാട് യുവയും സംയുക്‌തമായി ഗാന്ധിജയന്തി ദിനത്തിൽ, വരും തലമുറകളിൽ സേവന മനോഭാവം വളർത്താനായി ലക്ഷ്യം വെച്ച് 'കനിവ് ' എന്ന പേരിൽ വടകര ടൗണിലെ അഗതികൾക്ക് ഒരു നേരത്തെ ഭക്ഷണം പൊതിച്ചോറായി പോലീസ് അക്ഷയപാത്രം വടകര വഴി വിതരണം ചെയ്തു.&nbsp;&nbsp;

ഭക്ഷണം വിതരണം ചെയ്തു

കോ​ഴി​ക്കോ​ട്: ഓ​ൺ​ലൈ​ൻ വ്യാ​പാ​ര​ത്തി​ൽ പ​ങ്കാ​ളി​യാ​ക്കാ​മെ​ന്ന് പ​റ​ഞ്ഞ് അ​ഞ്ചേ മു​ക്കാ​ൽ കോ​ടി രൂ​പ ത​ട്ടി​യെ​ന്ന പ​രാ​തി​യി​ൽ യു​വ​തി അ​റ​സ്റ്റി​ൽ. പ​ന്തീ​ര​ങ്കാ​വ് പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ പ്ര​തി മ​ല​പ്പു​റം വ​ക്ക​ല്ലൂ​ർ പു​ളി​ക്ക​ൽ ഫാ​ത്തി​മ സു​മ​യ്യ (25) യെ​യാ​ണ് ബം​ഗ​ളൂ​രു വി​മാ​ന​ത്താ​വ​ള​ത്തി​ൽ​നി​ന്ന് അ​റ​സ്റ്റ് ചെ​യ്ത​ത്. ത​ട്ടി​പ്പ് ന​ട​ത്തി വി​ദേ​ശ​ത്തേ​ക്ക് പോ​യ പ്ര​തി​ക​ളെ ക​ണ്ടെ​ത്താ​ൻ പൊ​ലീ​സ് ലു​ക്കൗ​ട്ട് സ​ർ​ക്കു​ല​ർ പു​റ​ത്തി​റ​ക്കി​യി​രു​ന്നു.
ബു​ധ​നാ​ഴ്ച ബം​ഗ​ളൂ​രു വി​മാ​ന​ത്താ​വ​ള​ത്തി​ൽ പ്ര​തി ഇ​റ​ങ്ങി​യ​പ്പോ​ൾ വി​മാ​ന​ത്താ​വ​ള അ​ധി​കൃ​ത​ർ ത​ട​ഞ്ഞു​വ​ച്ച് പൊ​ലീ​സി​ൽ വി​വ​ര​മ​റി​യി​ക്കു​ക​യാ​യി​രു​ന്നു. കേ​സി​ൽ മ​റ്റൊ​രു പ്ര​തി ഫാ​ത്തി​മ സു​മ​യ്യ​യു​ടെ ഭ​ർ​ത്താ​വ് ഫൈ​സ​ൽ ബാ​ബു വി​ദേ​ശ​ത്താ​ണ്. ഇ​യാ​ളു​ടെ അ​റ​സ്റ്റി​ന് ന​ട​പ​ടി സ്വീ​ക​രി​ച്ച​താ​യി പൊ​ലീ​സ് പ​റ​ഞ്ഞു.

അ​ഞ്ചേ മു​ക്കാ​ൽ കോ​ടിയുടെ ഓൺലൈൻ തട്ടിപ്പ്; യുവതി അറസ്റ്റിൽ

വടകര: മംഗലാപുരത്ത് യുവാവിനെ കൊലപെടുത്തി ഒളിവിൽ കഴിഞ്ഞ പ്രതിയെ ചോമ്പാല ഹാർബറിൽ നിന്നും മംഗലാപുരം പൊലീസ് അറസ്റ്റ് ചെയ്തു. മംഗലാപുരം തോടബഗാർ സ്വദേശി ധർമ്മപാൽ സുവർണ (48) നെയാണ് മംഗലാപുരം പനമ്പൂർ പൊലീസ് കോഴിക്കോട് റൂറൽ ജില്ല പൊലീസ് മേധാവിയുടെ ഡൻ സാഫ് സ്ക്വാഡിൻ്റ സഹായത്തോടെ അറസ്റ്റ് ചെയ്തത്. 
നാട്ടിൽ നിന്നും മുതുകപ്പയെന്ന ബസവരാജ് (38) നെ കൊല ചെയ്ത് മുങ്ങിയ പ്രതി മത്സ്യബന്ധനതൊഴിലാളികൾക്കൊപ്പം ജോലി ചെയ്ത് വരികയായിരുന്നു. വാക്കേറ്റത്തിനിടെ സുഹൃത്തായ ബസവരാജിനെ കൊലപ്പെടുത്തിയാണ് പ്രതി മുങ്ങിയത്. നാല് ദിവസത്തോളമായി ചോമ്പാലയിലും പരിസരത്തും പ്രതി താമസിച്ച് വരികയായിരുന്നു. മംഗലാപുരത്ത് നിന്നും ഫൈബർ വളളത്തിലാണ് ചോമ്പാലയിലെത്തിയത്. മത്സ്യ ബന്ധനത്തിെടെയാണ് പ്രതി പൊലീസിൻ്റ വലയിലായത്.

&nbsp;&nbsp;

മംഗലാപുരത്ത് യുവാവിനെ കൊലപെടുത്തി ഒളിവിൽ കഴിഞ്ഞ പ്രതി ചോമ്പാല ഹാർബറിൽ പിടിയിൽ

നാദാപുരം: മാരക ലഹരി വസ്തുവായ എം ഡി എം എ യുമായി പിടിയിലായ പ്രതികൾ പോലീസ് കസ്റ്റഡിയിൽ. വയനാട് സ്വദേശികളായ മുഹമ്മദ് ഇജാസ് (26) , സുഹൃത്ത് കുമ്പളക്കാട് സ്വദേശിനി അഖില (24) എന്നിവരെയാണ് നാദാപുരം പോലിസ് കോടതിയിൽ നിന്ന് കസ്റ്റഡിയിൽ വാങ്ങിയത്. കൂടുതൽ തെളിവെടുപ്പിനും, ചോദ്യം ചെയ്യാനുമായാണ് പ്രതികളെ വടകര എൻ ഡി പി എസ് കോടതി ഒരു ദിവസത്തേക്ക് പോലീസ് കസ്റ്റഡിയിൽ വിട്ടത്. കേസന്വേഷണ ഉദ്യോഗസ്ഥനായ നാദാപുരം സി ഐ എം.സി.സാജൻ പ്രതികളെ കസ്റ്റഡിയിൽ ലഭിക്കുന്നതിനായി വടകര എൻ ഡി പി എസ് കോടതിയിൽ അപേക്ഷ നൽകിയിരുന്നു.&nbsp;
ഇതേ തുടർന്നാണ് കോടതി പോലീസ് കസ്റ്റഡിയിൽ വിട്ട് നൽകിയത്. വടകര റൂറൽ ജില്ലാ പോലീസ് മേധാവിയുടെ ഓഫീസിൽ പ്രതികളെ ഉന്നത പോലീസ് ഉദ്യോഗസ്ഥർ ചോദ്യം ചെയ്തു. പ്രതികളിൽ നിന്ന് പിടികൂടിയ മൊബൈൽ ഫോൺ സൈബർ സെൽ പരിശോധന നടത്തി.വാഹന പരിശോധനക്കിടെ സപ്തംബർ ഒമ്പതിന് രാത്രിയാണ് 32.62 ഗ്രാം എം ഡി എം എ യുമായി നാദാപുരം എസ് ഐ അനീഷ് വടക്കേടത്ത് പേരോട് - പാറക്കടവ് റോഡിൽ ഇരുവരെയും അറസ്റ്റ് ചെയ്തത്. കസ്റ്റഡിയിൽ വാങ്ങിയ രണ്ട് പേരെയും കോടതിയിൽ തിരിച്ചേൽപ്പിക്കുമെന്ന് സി ഐ പറഞ്ഞു.

എം ഡി എം എയുമായി പിടിയിലായ പ്രതികൾ നാദാപുരം പോലീസ് കസ്റ്റഡിയിൽ

കണ്ണൂർ: അതിരുവിട്ട വിവാഹാഘോഷം ചോദ്യം ചെയ്തതോടെ വാക്കേറ്റവും സംഘർഷവും. കണ്ണൂർ ഉരുവച്ചാലിലാണ് സംഭവം. വിവാഹാഘോഷം കൈവിട്ടതോടെ മഹല്ല് ഭാരവാഹികളും നാട്ടുകാരും വരൻറെ സംഘത്തെ തടഞ്ഞതോടെയാണ് സംഘർഷാവസ്ഥ ഉടലെടുത്തത്. ഒടുവില്‍ മട്ടന്നൂർ പൊലീസ് സ്ഥലത്തെത്തിയാണ് ഇരുവിഭാഗത്തെയും പിന്തിരിപ്പിച്ച്‌ രംഗം ശാന്തമാക്കിയത്.
വധുവിൻറെ വീട്ടിലെത്തിയ വരനും സംഘവും പടക്കം പൊട്ടിച്ചുള്‍പ്പെടെ ആഘോഷിച്ചതോടെ മഹല്ല് ഭാരവാഹികള്‍ ഇടപെടുകയായിരുന്നു. വിവാഹ ആഭാസം അനുവദിക്കില്ലെന്ന് നിലപാടെടുത്തതോടെ വാക്കേറ്റവും സംഘർഷവുമുണ്ടായി. വിവാഹ ആഭാസങ്ങള്‍ പാടില്ലെന്ന് വീട്ടുകാരെ നേരത്തെ അറിയിച്ചെന്നും പാലിക്കാതിരുന്നപ്പോള്‍ തടഞ്ഞെന്നുമാണ് മഹല്ല് കമ്മിറ്റിയുടെ വിശദീകരണം.

അതിരുവിട്ട വിവാഹാഘോഷം ചോദ്യം ചെയ്തു; കണ്ണൂരിൽ വാക്കേറ്റവും സംഘര്‍ഷവും

Kannur

നാദാപുരം: മയക്ക് മരുന്ന് ഉപയോഗത്തിനിടെ ഉണ്ടായ വാക്ക് തർക്കം കല്ലാച്ചിയിൽ കൂട്ടത്തല്ലിൽ കലാശിച്ചു. മർദ്ദനത്തിൽ വിദ്യാർത്ഥിക്ക് പരിക്ക്. കല്ലാച്ചി വാണിയൂർ റോഡിൽ രാത്രി എട്ട് മണിയോടെയാണ് ഒരു സംഘം വിദ്യാർത്ഥികൾ തമ്മിൽ തല്ല് നടന്നത്. വാണിയൂർ റോഡിൽ ആൾ താമസമില്ലാത്ത കാട് മൂടിക്കിടക്കുന്ന പറമ്പിലെ വീട്ടിൽ നിന്ന് കരച്ചിൽ കേട്ട് എത്തിയ നാട്ടുകാരാണ് സംഘർഷത്തിൽ ആദ്യം ഇടപെട്ടത്. 18 കാരനെ ആറോളം പേർ ചേർന്ന് ക്രൂരമായി മർദ്ദിക്കുകയായിരുന്നു. പ്രദേശവാസികൾ ഇടപെട്ടെങ്കിലും സംഘം അക്രമം തുടർന്നു. നാട്ടുകാർ എത്തിയതോടെ രണ്ട് പേർ ഓടി രക്ഷപ്പെട്ടു.&nbsp;
മറ്റുള്ളവരെ തടഞ്ഞ് വെച്ച് ചോദ്യം ചെയ്തപ്പോഴാണ് ലഹരി ഇടപാടാണെന്ന് വ്യക്തമായത്. നാദാപുരം ,നീലേച്ച് കുന്ന് ,വളയം ,കല്ലാച്ചി , മൊകേരി ,കക്കം വെള്ളി എന്നിവിടങ്ങളിൽ നിന്നുള്ള വിദ്യാർത്ഥികൾ ആൾപ്പാർപ്പില്ലാത്ത വീട്ടിൽ ലഹരി ഉപയോഗിക്കാൻ ഒരുമിച്ച് കൂടിയതാണെന്നും ഇതിനിടയിൽ വാക് തർക്കം ഉണ്ടാവുകയും കല്ലാച്ചി സ്വദേശിയെ മർദ്ദിക്കുകയായിരുന്നെന്നുമാണ് വിവരം. സംഘർഷം നടക്കുന്നതറിഞ്ഞ് പോലീസും സ്ഥലത്ത് എത്തി. ഇതേ സമയം മോട്ടോർ ബൈക്കുകളിൽ വിദ്യാർത്ഥികൾ ഇവിടെ എത്തിയെങ്കിലും പോലീസിനെയും നാട്ടുകാരെയും കണ്ട് മടങ്ങി പോവുകയായിരുന്നു.
മേഖലയിൽ നേരത്തെയും ഈ വിദ്യാർത്ഥികൾ ലഹരി ഉപയോഗിച്ച് അക്രമ പ്രവർത്തനം നടത്തിയ സംഘമാണെന്ന് പോലീസ് പറഞ്ഞു. പ്രായപൂർത്തിയാവാത്ത വിദ്യാർത്ഥികൾ ഉൾപ്പെട്ടതിനാൽ രക്ഷിതാക്കളെ വിളിച്ച് വരുത്തി നിരവധി തവണ താക്കീത് നൽകി വിട്ടയച്ചവരാണെന്നാണ് പോലീസ് മറുപടി. ഇതിനിടെ സംഘർഷത്തിൽ പരിക്കേറ്റ കല്ലാച്ചി സ്വദേശി പോലിസിൽ പരാതി നൽകിയിട്ടുണ്ട്. പരാതിയിൽ അന്വേഷണം നടക്കുകയാണെന്നും ശക്തമായ നടപടി സ്വീകരിക്കുമെന്നും നാദാപുരം എസ് എച്ച് ഒ എം.എസ്.സാജൻ അറിയിച്ചു.

മയക്ക് മരുന്ന് ലഹരിയിൽ കല്ലാച്ചിയിൽ കൂട്ടത്തല്ല്; സംഘർഷം വിദ്യാർത്ഥികൾ തമ്മിൽ

നാദാപുരം: കാറിൽ കഞ്ചാവുമായി യുവാക്കൾ പോലിസ് പിടിയിൽ. പുളിയാവ് സ്വദേശികളായ മൊയ്യേരിച്ചിൻ്റവിട അഖിൽ രാജ് ( 26 ), കല്ലൻ കുന്നത്ത് അസ് രിത്ത് ( 24 ) , അമ്പിടാട്ടിൽ എ.അഭിജിത്ത് ( 23 ) എന്നിവരെയാണ് നാദാപുരം എസ് ഐ അനീഷ് വടക്കേടത്ത് അറസ്റ്റ് ചെയ്തത്.&nbsp;
പ്രതികൾ സഞ്ചരിച്ചിരുന്ന കെ എൽ 13 എ എ 2678 നമ്പർ കാറും സീറ്റിനടിയിൽ സൂക്ഷിച്ച നിലയിൽ 6.58 ഗ്രാം ഉണക്ക കഞ്ചാവും പോലീസ് കസ്റ്റഡിയിലെടുത്തു. വാഹന പരിശോധനക്കിടെ കല്ലാച്ചി വിഷ്ണുമംഗലത്താണ് പ്രതികൾ പിടിയിലായത്.

കല്ലാച്ചിയിൽ കാറിൽ കഞ്ചാവുമായി യുവാക്കൾ അറസ്റ്റിൽ

കു​റ്റ്യാ​ടി: സ്​​കൂ​ട്ട​റി​ൽ ഒ​ളി​പ്പി​ച്ചു ക​ട​ത്തു​ക​യാ​യി​രു​ന്ന ആ​റു​ കി​ലോ ക​ഞ്ചാ​വു​മാ​യി തൊ​ട്ടി​ൽ​പാ​ല​ത്ത്​ ര​ണ്ടു​പേ​ർ പി​ടി​യി​ൽ. കാ​വി​ലും​പാറ ​വ​യ​ലി​ൽ​ വീ​ട്ടി​ൽ ആ​ൽ​ബി​ൻ തോ​മ​സ്​ (22), പൂ​തം​പാ​റ വ​യ​ലി​ൽ ​വീ​ട്ടി​ൽ ജോ​സ​ഫ്​ (24) എ​ന്നി​വ​രെ​യാ​ണ്​ എ​സ്.​പി​യു​ടെ സ്​​പെ​ഷ​ൽ സ്ക്വാ​ഡും തൊ​ട്ടി​ൽ​പാ​ലം പൊ​ലീ​സും ചേ​ർ​ന്ന്​ പി​ടി​കൂ​ടി​യ​ത്. കെ.​എ​ൽ 60 ജെ 191 ​ന​മ്പ​ർ സ്​​കൂ​ട്ട​റും ക​സ്റ്റ​ഡി​യി​ലെ​ടു​ത്തു.
ഒ​ഡി​ഷ​യി​ൽ​നി​ന്ന്​ ​ട്രെ​യി​ൻ മാ​ർ​ഗ​മാ​ണ്​ ക​ഞ്ചാ​വു കൊ​ണ്ടു​വ​ന്ന​ത്. കോ​ഴി​ക്കോ​ട്ട്​ ഇ​റ​ങ്ങി ​ അ​വി​ടെ​നി​ന്ന്​ വ​യ​നാ​ട്​ വ​ഴി തൊ​ട്ടി​ൽ​പാ​ല​ത്തേ​ക്ക്​ വ​രു​ക​യാ​യി​രു​ന്നു. ജി​ല്ല പൊ​ലീ​സ്​ മേ​ധാ​വി​ക്ക്​ ല​ഭി​ച്ച ര​ഹ​സ്യ വി​വ​ര​ത്തി​ന്റെ അ​ടി​സ്ഥാ​ന​ത്തി​ൽ വ​യ​നാ​ട്​ ബ​ദ​ൽ റോ​ഡാ​യ ചൂ​ര​ണി-​പ​ക്ര​ന്ത​ളം റോ​ഡി​ലാ​ണ്​ ഇ​രു​വ​രും പി​ടി​യി​ലാ​യ​ത്. സ്​​പെ​ഷ​ൽ സ്ക്വാ​ഡ്​ എ​സ്.​ഐ മ​നോ​ജ്, തൊ​ട്ടി​ൽ​പാ​ലം എ​സ്.​ഐ അ​ൻ​വ​ർ ഷാ, ​എ.​എ​സ്.​ഐ​മാ​രാ​യ ഷാ​ജി, ബി​നീ​ഷ്, സി.​പി.​ഒ​മാ​രാ​യ സ​ദാ​ന​ന്ദ​ൻ, ബി​നീ​ഷ്, ഗ​ണേ​ശ​ൻ, ബി​ജി​ൽ, ഡ്രൈ​വ​ർ പ്ര​ജീ​ഷ്​ കു​മാ​ർ എ​ന്നി​വ​രും സം​ഘ​ത്തി​ലു​ണ്ടാ​യി​രു​ന്നു.
&nbsp;

തൊട്ടിൽപാലത്ത്​ ആറുകിലോ കഞ്ചാവുമായി യുവാക്കൾ പിടിയിൽ

Kuttiadi

വടകര: ചെമ്മരത്തൂരില്‍ ബി.ജെ.പി പ്രവർത്തകൻ്റെ വീട് കയ്യേറി അക്രമിച്ചതായി പരാതി. മേക്കോത്ത്മുക്കിലെ ചാകേരിമീത്തല്‍ ലിബേഷ് (34), അമ്മ കമല (56), ഭാര്യ രശ്മി (22) മൂന്നു മാസം പ്രായമായ കുഞ്ഞിനുമാണ് പരിക്ക്. ഇവരെ വടകരയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നലെ രാത്രി പതിനൊന്നു മണിയോടെയാണ് അക്രമം. സംഘടിച്ചെത്തിയ സി.പി.എം പ്രവർത്തകരാണ് അക്രമിച്ചതെന്നാണ് പരാതി. വടകര പോലീസ് സ്ഥലത്തുണ്ട്. കണ്ടാലറിയാവുന്ന പതിനഞ്ചോളം പേർക്കെതിരെ കേസെടുത്തു. സംഭവത്തിൽ ബി.ജെ.പി നേതാക്കൾ പ്രതിഷേധിച്ചു.

ചെമ്മരത്തൂരില്‍ വീട് കയ്യേറി അക്രമിച്ചെന്ന് പരാതി; ബിജെപി പ്രവര്‍ത്തകനും കുടുംബവും ആശുപത്രിയിൽ

നാദാപുരം: തൂണേരി പഞ്ചായത്ത് അംഗമായ സിപിഎം കണങ്കൈ ഈസ്റ്റ് ബ്രാഞ്ച് അംഗത്തിനും മകൾക്കും നേരെ അക്രമം നടത്തിയ പ്രതി അറസ്റ്റിൽ. കുമ്മങ്കോട് വരിക്കോളി സ്വദേശി ചാത്തൻ കുളങ്ങര മുഹമ്മദ് ഷാഫി ( 29 ) ആണ് അറസ്റ്റിലായത്. ഓട്ടോ ഡ്രൈവർ കാനന്തേരി കൃഷ്ണൻ ( 49) , മകൾ അശ്വതി (22) എന്നിവർക്ക് നേരെയാണ് യുവാവ് അക്രമം നടത്തിയത്. നാദാപുരം - തലശ്ശേരി സംസ്ഥാന പാതയിൽ തൂണേരിയിൽ പുതുതായി ആരംഭിച്ച സൂപ്പർമാർക്കറ്റിന് സമീപത്താണ് അക്രമം നടന്നത്. ഓട്ടോ ഡ്രൈവറായ കൃഷ്ണൻ ഭാര്യക്കും മകൾക്കുമൊപ്പം യാത്ര ചെയ്യുന്നതിനിടെയാണ് സംഭവം.
കൃഷ്ണനെ മർദ്ദിക്കുന്നത് തടയാൻ ശ്രമിക്കുന്നതിനിടെയാണ് മകളെയും മർദ്ദിച്ചത്. ഗതാഗത തടസ്സം സൃഷ്ടിച്ചത് ചോദ്യം ചെയ്തതിനാണ് മർദ്ദിച്ചതെന്ന് കൃഷ്ണൻ പറഞ്ഞു. മർദ്ദനമേറ്റ കൃഷ്ണനും മകളും നാദാപുരം ഗവ താലൂക്ക് ആശുപത്രിയിൽ ചികിത്സ തേടി. അക്രമത്തിൽ പ്രതിഷേധിച്ച് തൂണേരിയിൽ സംയുക്ത ഓട്ടോ തൊഴിലാളി നേതൃത്വത്തിൽ പണിമുടക്ക് നടത്തി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

തൂണേരിയിൽ പഞ്ചായത്ത് അംഗത്തിനും മകൾക്കും നേരെ അക്രമം; പ്രതി അറസ്റ്റിൽ

തൃശൂർ: കുന്നംകുളം പുതിയ ബസ്റ്റാൻഡിൽ നിന്ന് മോഷണം പോയ ബസ് കണ്ടെത്തി. ഗുരുവായൂർ-കുന്നംകുളം റൂട്ടിൽ സർവീസ് നടത്തുന്ന ഷോണി ബസാണ് മോഷണം പോയത്. ഇന്ന് പുലർച്ചയാണ് സംഭവം. രാവിലെ 4.13 ന് ബസ് കുന്നംകുളം പഴയ ബസ് സ്റ്റാൻഡിന് മുൻപിലെ സിസിടിവി ക്യാമറയിലും 4.19 ന് ചാട്ടുകുളത്തെ സിസിടിവി ക്യാമറയിലും മോഷ്ടാവ് ബസ് ഓടിച്ചു പോകുന്നതിന്റെ ദൃശ്യങ്ങൾ പതിഞ്ഞിട്ടുണ്ട്. ബസിൻറെ പഴയ ഡ്രൈവർ തന്നെയാണ് ബസ് മോഷ്ടിച്ചതെന്ന് പൊലീസ് പറഞ്ഞു. യുവാവ് മദ്യ ലഹരിയിൽ ആയിരുന്നുവെന്നും പൊലീസ് അറിയിച്ചു.&nbsp;
ബസിന്റെ പഴയ ഡ്രൈവർ ഷംനാദ് ആണ് ബസ് കടത്തിക്കൊണ്ടുപോയത്. തുടർന്ന് ബസ് ഗുരുവായൂർ മേൽപ്പാലത്തിന് കീഴിൽ ഉപേക്ഷിക്കുകയായിരുന്നു. അതേസമയം, രാത്രിയിൽ മറ്റ് യാത്രാ മാർഗ്ഗങ്ങൾ ഇല്ലാത്തതിനാലാണ് ബസ് എടുത്തുകൊണ്ടു പോയതെന്ന് ഡ്രൈവർ പൊലീസിന് മൊഴി നൽകി. ബസ് ഉടമ ഷോണി, പുതിയ ബസ്റ്റാൻഡിൽ പാർക്ക് ചെയ്ത ബസ് എടുക്കാൻ എത്തിയപ്പോഴാണ് ബസ് കാണാതായത്. തുടർന്ന് കുന്നംകുളം പൊലീസിൽ പരാതി നൽകി. കുന്നംകുളം സ്റ്റേഷൻ ഹൗസ് ഓഫീസർ യുകെ ഷാജഹാന്റെ നേതൃത്വത്തിൽ മേഖലയിലെ സിസിടിവി ക്യാമറകൾ ഉൾപ്പെടെ കേന്ദ്രീകരിച്ച് മോഷ്ടാവിനായി അന്വേഷണം ആരംഭിച്ചിരുന്നു. ഇതിനിടയിലാണ് പഴയ ഡ്രൈവർ പൊലീസ് പിടിയിലായത്.

വീട്ടിൽ പോകാൻ വണ്ടിയില്ല; നിർത്തിയിട്ട ബസ് മോഷ്ടിച്ച് കൊണ്ട് പോയി പഴയ ഡ്രൈവർ

നാദാപുരം : മാഹിയിൽ നിന്ന് അനധികൃതമായി കടത്തുകയായിരുന്ന വിദേശമദ്യവുമായി ഇതര സംസ്ഥാന തൊഴിലാളി അറസ്റ്റിൽ. വെസ്റ്റ് ബംഗാൾ സ്വദേശി മുഹ്റം അലി ( 43 ) നെയാണ് നാദാപുരം എസ് ഐ അനീഷ് വടക്കേടത്ത് അറസ്റ്റ് ചെയ്തത്. പ്രതിയിൽ നിന്ന് 500 എം എൽ ൻ്റെ 17 കുപ്പി മാഹി മദ്യം പോലീസ് പിടികൂടി.
ഞായറാഴ്ച്ച ഉച്ചയ്ക്ക് 12 മണിയോടെ നാദാപുരം - തലശ്ശേരി സംസ്ഥാന പാതയിൽ നടത്തിയ പരിശോധനയിലാണ് പ്രതി പിടിയിലായത്. ബാഗിൽ സൂക്ഷിച്ച നിലയിലായിരുന്നു മദ്യം. വാണിമേലിൽ ഇതര സംസ്ഥാന തൊഴിലാളികൾ താമസിക്കുന്ന വാടക ക്വാട്ടേഴ്സിലും മറ്റും വിൽപ്പനക്കായി കൊണ്ട് പോവുകയായിരുന്നു മദ്യം.&nbsp;

നാദാപുരത്ത് മാഹി മദ്യവുമായി ഇതര സംസ്ഥാന തൊഴിലാളി പിടിയിൽ

നാദാപുരം :വിൽപ്പനക്കായി മാഹിയിൽ നിന്നെത്തിച്ച വിദേശ മദ്യവുമായി ഓട്ടോ ഡ്രൈവർ അറസ്റ്റിൽ. താനക്കോട്ടൂർ സ്വദേശി മാവിലാംകുന്നുമ്മൽ അഖിലേഷ് ( 38 )നെയാണ് വളയം എസ് ഐ എം.പി.വിഷ്ണു അറസ്റ്റ് ചെയ്തത്. പ്രതിയിൽ നിന്ന് രണ്ട് ലിറ്റർ മാഹി മദ്യം പോലീസ് പിടികൂടി. മദ്യം കടത്തിയ കെ എൽ 58 ജി 2296 നമ്പർ ഓട്ടോയും പോലീസ് കസ്റ്റഡിയിലെടുത്തു. താനക്കോട്ടൂർ, പാറക്കടവ്, കൊയമ്പ്രം പാലം മേഖലകളിൽ മാഹി മദ്യം വിൽപ്പന നടത്തുന്ന പ്രധാന കണ്ണിയാണ് പ്രതിയെന്ന് പോലീസ് പറഞ്ഞു. നേരത്തെയും മദ്യം വിൽപ്പന നടത്തിയതിന് പ്രതിക്കെതിരെ വളയത്ത് കേസ് നിലവിലുണ്ടെന്ന് പോലീസ് പറഞ്ഞു.

വളയത്ത് മാഹി മദ്യവുമായി ഓട്ടോ ഡ്രൈവർ അറസ്റ്റിൽ

നാദാപുരം : വിൽപ്പനക്കായി സൂക്ഷിച്ച കഞ്ചാവുമായി നാല് ഇതര സംസ്ഥാന തൊഴിലാളികൾ അറസ്റ്റിൽ. വെസ്റ്റ് ബംഗാൾ സ്വദേശികളായ ജിയാറുൾ മീർ ( 33 ) ,തഹറപ്പ് ഹൽദാർ ( 44 ) ,അലാവുദീൻ ഷെഖ് ( 26 ) ,മഥാപ്പൂർ സ്വദേശി അബ്ദുറഹീം ഷെഖ് (28 ) എന്നിവരെയാണ് വളയം എസ് ഐ എം.പി.വിഷ്ണു അറസ്റ്റ് ചെയ്തത്. രഹസ്യ വിവരത്തിൻ്റെ അടിസ്ഥാനത്തിൽ വ്യാഴാഴ്ച്ച പുലർച്ചെ ഒന്നര മണിയോടെ എസ്.ഐ യും സംഘവും നടത്തിയ പരിശോധനയിലാണ് 650 ഗ്രാം കഞ്ചാവ് പിടികൂടിയത്. സിപ്പ് ലോക്ക് കവറുകളിലാക്കി വിൽപ്പനക്ക് സൂക്ഷിച്ച നിലയിലായിരുന്നു കഞ്ചാവ് ശേഖരം.

കഞ്ചാവ് വിൽപ്പന; നാല് പേർ വളയം പോലീസ് പിടിയിൽ

കുറ്റ്യാടി: മോഷണത്തിന് പുതിയ രീതി. അമ്പലക്കുളങ്ങരയിൽ വീട്ടമ്മയുടെ മാല പൊട്ടിച്ചു കടക്കാൻ ശ്രമം നടന്നത് വേറിട്ട രീതിയിൽ. പ്രതി രക്ഷപ്പെട്ടു. കുറ്റിയിൽ ചന്ദ്രിയുടെ മാലയാണ് പൊട്ടിച്ചത്. മാല നഷ്ടപ്പെട്ടില്ല. ഇന്നലെ രാത്രി 10 ന് ആണ് സംഭവം. കുറ്റ്യാടി അമ്പലക്കുളങ്ങരയിൽ രാത്രി ബൈക്കിൽ എത്തിയ ദമ്പതികൾ കുറ്റിയിൽ ചന്ദ്രിയുടെ വീട്ടിൽ കയറുകയും ശുചിമുറിയിൽ പോകണമെന്നും പറഞ്ഞു. ശുചിമുറിയിൽ നിന്നും ഇറങ്ങി വന്ന സ്ത്രീ ചന്ദ്രിയുടെ സ്വർണ മാല പൊട്ടിച്ചു. ഇവർ ബഹളം വച്ചതോടെ ദമ്പതികൾ ബൈക്കിൽ രക്ഷപ്പെട്ടു. മാല മുറ്റത്ത് നിന്നും കിട്ടി. പൊലിസ് അന്വേഷണം തുടങ്ങി. സംഭവ സമയത്ത് ചന്ദ്രി മാത്രമേ വീട്ടിൽ ഉണ്ടായിരുന്നുള്ളു.

മോഷണത്തിന്റെ പുതിയ രീതി; അമ്പലക്കുളങ്ങരയിൽ വീട്ടമ്മയുടെ മാല പൊട്ടിക്കാൻ ശ്രമം

വടകര: കേരള പോലീസ് ഓഫീസേഴ്‌സ് അസോസിയേഷൻ മുപ്പത്തി നാലാമത് സംസ്ഥാന സമ്മേളനം 22,23,24 തിയ്യതികളിൽ ഇരിങ്ങൽ സർഗ്ഗാലയയിൽ വെച്ച് നടക്കുമെന്ന് സംഘാടക സമിതി ഭാരവാഹികൾ അറിയിച്ചു. മൂന്ന് ദിവസം നീണ്ടു നിൽക്കുന്ന സമ്മേളനത്തിന്റെ ഭാഗമായി പ്രതിനിധി സമ്മേളനം, യാത്രയയപ്പ്, സെമിനാർ, പൊതുസമ്മേളനം എന്നിവ നടക്കും. കേരള പോലീസിൽ വരേണ്ട അനിവാര്യമായ മാറ്റങ്ങളെ സംബന്ധിച്ച് സമ്മേളനം വിശദമായി ചർച്ച ചെയ്യും. പോലീസ് പൊതു സമൂഹത്തിന് നൽകുന്ന സേവനങ്ങൾ കൂടുതൽ മികവിലെത്തിക്കുക എന്ന ലക്ഷ്യത്തോടൊപ്പം തൊഴിലിടങ്ങളിൽ പോലീസ് ഉദ്യോഗസ്ഥർ അനുഭവിക്കുന്ന ജോലി ഭാരവും മാനസിക സമ്മർദ്ദവും ഉൾപ്പടെ കുറച്ചു കൊണ്ട് വരുന്നതിനും ആവശ്യമായ നടപടികൾ സമ്മേളനം ചർച്ച ചെയ്യും. രാവിലെ 9 മണിക്ക് പതാക ഉയർത്തുന്നതോടെ സമ്മേളന നടപടികൾ ആരംഭിക്കും. തുടർന്ന് രക്തസാക്ഷി അനുസ്മരണം നടക്കും. 10 മണിക്ക് യാത്രയയപ്പ് യോഗവും തുടർന്ന് പ്രതിനിധി സമ്മേളനവും ആരംഭിക്കും.&nbsp;
പ്രതിനിധി സമ്മേളനം റവന്യൂ വകുപ്പ് മന്ത്രി കെ രാജൻ ഉൽഘാടനം ചെയ്യും. എ ഡി ജി പി ലോ ആൻഡ് ഓർഡർ എം ആർ അജിത്ത് കുമാർ ഐ പി എസ്, പയ്യോളി നഗരസഭാ ചെയർമാൻ വി കെ അബ്ദുറഹിമാൻ, ജില്ലാ പോലീസ് മേധാവി പി നിതിൻരാജ് തുടങ്ങിയവർ സംസാരിക്കും. 23 ന് രാവിലെ മുതൽ ഗ്രൂപ്പ് ചർച്ച, വരവ് ചിലവ് കണക്ക് അംഗീകരിക്കൽ, റിപ്പോർട്ട് അംഗീകരിക്കൽ, പ്രമേയങ്ങൾ അംഗീകരിക്കൽ എന്നിവ നടക്കും. 24 ന് രാവിലെ 10 മണിക്ക് "വളരുന്ന കേരളം വളരേണ്ട പോലീസ്"എന്ന വിഷയത്തിൽ നടക്കുന്ന സെമിനാർ വ്യവസായ നിയമ വകുപ്പ് മന്ത്രി പി രാജീവ് ഉൽഘാടനം ചെയ്യും. കേരള മനുഷ്യാവകാശ കമ്മീഷൻ ജുഡീഷ്യൽ മെമ്പർ കെ ബൈജുനാഥ് മുഖ്യ പ്രഭാഷണം നടത്തും. വൈകീട്ട് മൂന്ന് മണിക്ക് നടക്കുന്ന പൊതു സമ്മേളനം മുഖ്യമന്ത്രി പിണറായി വിജയൻ ഉൽഘാടനം ചെയ്യും. മന്ത്രി ഒ ആർ കേളു, സംസ്ഥാന പോലീസ് മേധാവി ഷെയ്ഖ് ദർവേഷ് സാഹെബ്, ഇന്റലിജൻസ് എ ഡി ജി പി മനോജ് എബ്രഹാം, നോർത്ത് സോൺ ഐ ജി കെ സേതുരാമൻ തുടങ്ങിയവർ പങ്കെടുക്കും.&nbsp;

പോലീസ് ഓഫീസ് അസ്സോസിയേഷൻ സംസ്ഥാന സമ്മേളനം വ്യാഴാഴ്ച തുടങ്ങും

നെടുങ്കണ്ടം: വീട്ടിൽ കയറി വീട്ടമ്മയുടെ കണ്ണിൽ മുളകുപൊടി വിതറി യുവാക്കൾ പണം കവർന്നെന്ന പരാതി വ്യാജമെന്ന്‌ തെളിയിച്ച്‌ പൊലീസ്‌. 18 ലക്ഷം രൂപ തട്ടിയെന്ന പരാതിയാണ്‌ മണിക്കൂറുകൾക്കുള്ളിൽ പൊളിഞ്ഞത്‌. ഓണച്ചിട്ടിയില്‍ നിക്ഷേപിച്ച പണം ആളുകള്‍ക്ക് തിരികെ നല്‍കാന്‍ കഴിയാതെ വന്നതോടെയാണ് ഇടുക്കി നെടുങ്കണ്ടം കോമ്പയാര്‍ സ്വദേശിനി കള്ളക്കഥ ഉണ്ടാക്കിയത്‌. ഇന്നലെ വൈകുന്നേരം മൂന്നിനാണ് നാടകീയ സംഭവങ്ങളുടെ തുടക്കം. രണ്ടംഗ സംഘം വീട്ടിൽ അതിക്രമിച്ചു കയറി ഒറ്റയ്ക്കായിരുന്ന തന്റെ മുഖത്തു മുളകുപൊടി വിതറി ലക്ഷങ്ങൾ തട്ടിയെന്നാണു യുവതി ആരോപിച്ചത്. വന്നവർ മുഖംമൂടി ധരിച്ചിരുന്നു. കണ്ണിൽ മുളകുപൊടി വിതറിയശേഷം അലമാരയിൽ നിന്നു പണം എടുത്തുകൊണ്ടു പോയി എന്നാണു വീട്ടമ്മ പൊലീസിനോട്‌ പറഞ്ഞത്‌.
നെടുങ്കണ്ടം എസ്ഐ ടി എസ് ജയകൃഷ്ണൻ, ജില്ലാ പൊലീസ് മേധാവി ടി കെവിഷ്ണു പ്രദീപ്‌, കട്ടപ്പന ഡിവൈഎസ്പി വി എ നിഷാദ്മോൻ എന്നിവരുടെ നേതൃത്വത്തിലായിരുന്നു അന്വേഷണം. എന്നാൽ ചോദ്യം ചെയ്യലിൽ വീട്ടമ്മ കുഴഞ്ഞു വീണു. മോഷണം പോയ തുകയിലും മൊഴികളിലും വൈരുധ്യം വന്നതോടെ പൊലീസ് കൂടുതൽ ചോദ്യങ്ങൾ ചോദിച്ചു. ഫൊറൻസിക് സംഘം ഉൾപ്പെടെയുള്ളവർ വരുമെന്നും കൂടുതൽ പ്രശ്നമാകുമെന്നു മനസ്സിലാക്കിയ വീട്ടമ്മ മോഷണം കെട്ടിച്ചമച്ചതാണെന്നു സമ്മതിക്കുകയായിരുന്നു. പരാതി ഇല്ലാത്തതിനാൽ സംഭവത്തിൽ പൊലീസ് കേസെടുത്തിട്ടില്ല. പ്രദേശത്തു വീട്ടമ്മ ചിട്ടി നടത്തുന്നതായി നാട്ടുകാർ പറഞ്ഞു. സമയബന്ധിതമായി നൽകേണ്ട ചിട്ടിപ്പണം കൈവശം ഇല്ലാതെ വന്നപ്പോൾ സൃഷ്ടിച്ച നാടകമാണെന്നാണ് സൂചന.

കണ്ണിൽ മുളകുപൊടി വിതറി 18 ലക്ഷം രൂപ കവർന്നെന്ന് വീട്ടമ്മ; സംഭവം വ്യാജമെന്ന് തെളിയിച്ച്‌ പൊലീസ്‌

കൊയിലാണ്ടി: പതിനഞ്ചുവയസ്സുകാരിയെ ലൈംഗികമായി ഉപദ്രവിച്ച പ്രതിക്ക് അഞ്ചുവർഷം കഠിനതടവും ഇരുപതിനായിരം രൂപ പിഴയും ശിക്ഷവിധിച്ചു. പെരുവണ്ണാമൂഴി പൂഴിത്തോട് പൊറ്റക്കാട് വീട്ടിൽ അശ്വന്തി(28)നെയാണ് കൊയിലാണ്ടി ഫാസ്റ്റ് ട്രാക്ക് സ്പെഷ്യൽ കോടതി ജഡ്ജി കെ. നൗഷാദലി പോക്‌സോ നിയമപ്രകാരവും ഇന്ത്യൻ ശിക്ഷാനിയമപ്രകാരവും ശിക്ഷിച്ചത്.
2020-ലാണ് കേസിനാസ്പദമായ സംഭവം. പ്രതിയുടെ വീട്ടിൽവെച്ചു കുട്ടിയെ ലൈംഗികമായി ഉപദ്രവിക്കുകയായിരുന്നു. പിന്നീട് കുട്ടി സഹോദരങ്ങളെയും ചൈൽഡ് ലൈൻ പ്രവർത്തകരെയും പീഡനവിവരം അറിയിക്കുകയിരുന്നു. തൊട്ടിൽപ്പാലം പോലീസ് സ്റ്റേഷൻ സബ് ഇൻസ്പെക്ടർ എൻ.കെ. രാധാകൃഷ്ണനാണ് കേസന്വേഷിച്ചത്. പ്രോസിക്യൂഷനുവേണ്ടി അഡ്വ. പി. ജെതിൻ ഹാജരായി.

പതിനഞ്ചുവയസ്സുകാരിക്ക് പീഡനം; പ്രതിക്ക് അഞ്ചുവർഷം തടവും പിഴയും

കോ​ഴി​ക്കോ​ട്: റി​ട്ട​. ഡോ​ക്ട​റെ വി​വാ​ഹ വാ​ഗ്ദാ​നം ന​ൽ​കി ക​ബ​ളി​പ്പി​ച്ച് അ​ഞ്ചു ല​ക്ഷ​ത്തി​ല​ധി​കം രൂ​പ​യും ര​ണ്ടു പ​വ​ന്റെ സ്വ​ർ​ണാ​ഭ​ര​ണ​വും കൈ​ക്ക​ലാ​ക്കി​യ സം​ഘ​ത്തി​ലെ മു​ഖ്യ​പ്ര​തി അ​റ​സ്റ്റി​ൽ. കാ​സ​ർ​കോ​ട് നീ​ലേ​ശ്വ​രം പു​ത്തൂ​ർ സ്വ​ദേ​ശി ഇ​ർ​ഷാ​ന​യെ​യാ​ണ് (34) ന​ട​ക്കാ​വ് പൊ​ലീ​സ് അ​റ​സ്റ്റ് ചെ​യ്ത​ത്.
വിരമിച്ച ​ശേ​ഷം ക​ർ​ണാ​ട​ക​യി​ലെ സ്വ​കാ​ര്യ ആ​ശു​പ​ത്രി​യി​ൽ ജോ​ലി ചെ​യ്തു വ​രു​ക​യാ​യി​രു​ന്ന പ​രാ​തി​ക്കാ​ര​നു​മാ​യി സൗ​ഹൃ​ദം സ്ഥാ​പി​ച്ച പ്ര​തി​ക​ൾ കാ​സ​ർ​കോ​ട് സ്വ​ദേ​ശി​യാ​യ ഇ​ർ​ഷാ​ന​യു​മാ​യി വി​വാ​ഹാ​ലോ​ച​ന ന​ട​ത്തി. തി​രു​വ​ന​ന്ത​പു​രം സ്വ​ദേ​ശി​യാ​യ ഡോ​ക്ട​റോട് ക​ഴി​ഞ്ഞ ഫെ​ബ്രു​വ​രി എ​ട്ടി​ന് പ്ര​തി​ക​ൾ വി​വാ​ഹ​ത്തി​നാ​യി കോ​ഴി​ക്കോ​ട്ടേ​ക്ക് വ​രാ​ൻ ആ​വ​ശ്യ​പ്പെ​ട്ടു. വി​വാ​ഹ​ത്തി​ന് കോ​ഴി​ക്കോ​ട് എ​ത്തി​യപ്പോൾ സ​ഹോ​ദ​ര​നെന്ന് പ​രി​ച​യ​പ്പെ​ടു​ത്തി​യ പ്ര​തി​ക​ളി​ലൊരാ​ൾ ഇ​ർ​ഷാ​ന​യെ നി​ക്കാ​ഹ് ചെ​യ്തു കൊ​ടു​ത്തു.
വി​വാ​ഹ​ശേ​ഷം ഒ​ന്നി​ച്ച് താ​മ​സി​ക്കു​ന്ന​തി​ന് വീ​ട് പ​ണ​യ​ത്തി​ന് എ​ടു​ക്കാ​നെ​ന്നു​പ​റ​ഞ്ഞ് പ്ര​തി​ക​ൾ പ​രാ​തി​ക്കാ​ര​നെ കൊ​ണ്ട് അ​ഞ്ചു​ല​ക്ഷം രൂ​പ ഇ​ർ​ഷാ​ന​യു​ടെ അ​ക്കൗ​ണ്ടി​ലേ​ക്ക് മാ​റ്റി​ച്ചു. അ​ക്കൗ​ണ്ടി​ൽ പ​ണം എ​ത്തി​യ​ശേ​ഷം പ​ണ​യ​ത്തി​ന് എ​ടു​ത്ത വീ​ട് കാ​ണ​ണ​മെ​ന്നു പ​റ​ഞ്ഞ ഡോ​ക്ട​റെയും കൂ​ട്ടി പു​റ​പ്പെ​ട്ട പ്ര​തി​ക​ൾ, ത​ന്ത്ര​പൂ​ർ​വം പ​രാ​തി​ക്കാ​ര​നെ ഒ​ഴി​വാ​ക്കി കാ​റി​ൽ സൂ​ക്ഷി​ച്ചി​രു​ന്ന പ​രാ​തി​ക്കാ​ര​ന്റെ മൊ​ബൈ​ൽ ഫോ​ൺ, ടാ​ബ് എന്നിവ എ​ടു​ത്ത് ക​ട​ന്നുക​ള​യു​ക​യാ​യി​രു​ന്നു. പ​രാ​തി​പ്ര​കാ​രം കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്ത​വെ കാ​സ​ർ​കോ​ട് ജി​ല്ല​യി​ൽ വെ​ച്ച് മു​ഖ്യ​പ്ര​തി​യാ​യ ഇ​ർ​ഷാ​ന​യെ ന​ട​ക്കാ​വ് പൊ​ലീ​സ് ക​സ്റ്റ​ഡി​യി​ലെ​ടു​ക്കു​ക​യാ​യി​രു​ന്നു.
സ​ബ് ഇ​ൻ​സ്പെ​ക്ട​ർ ര​ഘു​പ്ര​സാ​ദ്, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ നി​ഖി​ൽ, ശ്രീ​കാ​ന്ത്, എ.​വി. ര​ശ്മി എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. പ്ര​തി​ക​ൾ സ​മാ​ന രീ​തി​യി​ൽ മ​റ്റു സ്ഥലങ്ങളിൽ തട്ടിപ്പ് നടത്തിയിട്ടു​ണ്ടോ എന്ന് അന്വേഷിക്കുന്നതായും കേസിലെ മറ്റു പ്രതികളെ ഉടൻ പിടികൂടുമെന്നും നടക്കാവ് ഇൻസ്​പെക്ടർ എൻ. പ്രജീഷ് പറഞ്ഞു. കോ​ഴി​ക്കോ​ട് ജു​ഡീ​ഷ്യ​ൽ ഫ​സ്റ്റ് ക്ലാ​സ് കോ​ട​തി നാ​ല് മു​മ്പാ​കെ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.

വിവാഹ വാഗ്ദാനം നൽകി ഡോക്ടറുടെ ലക്ഷങ്ങൾ തട്ടിയ സംഘത്തിലെ മുഖ്യപ്രതി പിടിയിൽ

നാദാപുരം : ലഹരി കേസുകളിലും മറ്റും പ്രതിയായതോടെ കാപ്പ ചുമത്തി നാട് കടത്തിയ പ്രതി എം ഡി എം എ ശേഖരവുമായി പോലീസ് പിടിയിലായി. പാറക്കടവ് ചെക്യാട് സ്വദേശി കുറ്റിയിൽ നംഷീദ്നെയാണ് വളയം പോലീസും, റൂറൽ എസ് പി യുടെ ഡാൻസാഫ് അംഗങ്ങളും ചേർന്ന് പിടികൂടിയത്.പ്രതിയിൽ നിന്ന് മേഖലയിൽ വിൽപ്പനക്കെത്തിച്ച 21.250 ഗ്രാം എം ഡി എം എ യും, 72 ഗ്രാം ഹൈബ്രിഡ് കഞ്ചാവും പിടികൂടി. ശരിരത്തിൽ ഒളിപ്പിച്ച് വെച്ച നിലയിലായിരുന്നു മയക്ക് മരുന്ന് ശേഖരം.
കെ.എൽ 60 സി 96 നമ്പർ വോക്സ് വാഗൺ കാറിൽ മയക്ക് മരുന്ന് കടത്തുന്നുണ്ടെന്ന രഹസ്യ വിവരത്തെ തുടർന്ന് ഡാൻസാഫ് അംഗങ്ങൾ കാറിനെ പിന്തുടരുകയും പാനൂർ - പാറക്കടവ് റോഡിൽ താനിയത്ത് മുക്കിൽ പ്രതി സഞ്ചരിച്ച കാറിന് മുന്നിൽ മറ്റൊരു കാർ നിർത്തി പിടികൂടുകയായിരുന്നു. വളയം, നാദാപുരം സ്‌റ്റേഷനുകളിൽ ലഹരി കേസിൽ പ്രതിയാണ് നംഷീദ്. 2024 നവംബർ വരെ ജില്ലയിൽ പ്രവേശനം നിഷേധിച്ച് ഉത്തരവ് ഇറക്കിയിരുന്നു. എന്നാൽ പ്രതി മേഖലയിൽ പല സ്ഥലങ്ങളിലും വരുന്നുണ്ടെന്ന വിവരത്തെ തുടർന്ന് ദിവസങ്ങളായി നിരീക്ഷണത്തിലായിരുന്നു. ഇതിന് പിന്നാലെയാണ് പിടിയിലായത്. വളയം എസ് ഐ എം.പി.വിഷ്ണു, ഡാൻസാഫ് എ എസ് ഐ മാരായ മനോജ് രാമത്ത്, വി.വി.ഷാജി, വി.സി.ബിനീഷ്, വള്ളിൽ സദാനന്ദൻ, ഇ.കെ.മുനീർ, കെ.ലതീഷ്, സി പി ഒ മാരായ ഇ.കെ.അഖിലേഷ്, ടി.കെ.ശോഭിത്ത് തുടങ്ങിയവർ പരിശോധനക്ക് നേതൃത്വം നൽകി.

കാപ്പ ചുമത്തി നാട് കടത്തിയ ചെക്യാട് സ്വദേശി എം ഡി എം എ യുമായി പോലീസ് പിടിയിൽ

ചൊക്ളി: വിവാഹഘോഷയാത്രയില്‍ വാഹനങ്ങളില്‍ അപകടമുണ്ടാക്കുംവിധം സുരക്ഷിതമല്ലാതെ യാത്രചെയ്തതിന് 18 യുവാക്കളെ ചൊക്‌ളി പോലീസ് സബ് ഇന്‍സ്‌പെക്ടര്‍ ആര്‍.എസ്. രഞ്ജു അറസ്റ്റ് ചെയ്തു. വാഹനമോടിച്ച ആറുപേരുടെ ലൈസന്‍സ് റദ്ദ് ചെയ്യാന്‍ നടപടി തുടങ്ങി. വിവാഹത്തില്‍ വരനെ അനുഗമിച്ച വാഹനങ്ങളുടെ വാതിലില്‍ കയറിനിന്നും ഡിക്കിയില്‍ ഇരുന്നും യാത്ര ചെയ്തവരെയാണ് ഒളവിലം മത്തിപ്പറമ്പില്‍ സ്ഥാപിച്ച സി.സി.ടി.വി. ക്യാമറയുടെ സഹായത്തോടെ പോലീസ് പിടിച്ചത്. ജൂലായ് 24-ന് വൈകീട്ടോടെ നടന്ന സംഭവത്തില്‍ ദിവസങ്ങള്‍ നീണ്ട അന്വേഷണത്തിലാണ് അറസ്റ്റ് രേഖപ്പെടുത്തിയത്.
വിവിധ ആഡംബര കാറുകള്‍ ഓടിച്ച കരിയാട് പുളിയനമ്പ്രത്തെ കുഞ്ഞിപ്പറമ്പത്ത് എം.കെ.മുഹമ്മദ് ഷബിന്‍ ഷാന്‍ (19), ആലോള്ളതില്‍ എ. മുഹമ്മദ് സിനാന്‍ (19), മീത്തല്‍ മഞ്ചീക്കര വീട്ടില്‍ മുഹമ്മദ് ഷഫീന്‍ (19), പോക്കറാട്ടില്‍ ലിഹാന്‍ മുനീര്‍ (20), കാര്യാട്ട് മീത്തല്‍ പി. മുഹമ്മദ് റാസി (19), കണിയാങ്കണ്ടിയില്‍ കെ.കെ. മുഹമ്മദ് അര്‍ഷാദ് (19) തുടങ്ങിയവര്‍ക്കെതിരേയാണ് പോലീസ് വിവിധ വകുപ്പുകള്‍ പ്രകാരം കേസെടുത്തത്. പോലീസ് കസ്റ്റഡിയിലെടുത്ത വാഹനങ്ങള്‍ വിട്ടുകിട്ടുന്നതിന് തലശ്ശേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയെ സമീപിച്ചെങ്കിലും ഓഗസ്റ്റ് 14 വരെ ഹര്‍ജി പരിഗണിക്കില്ലെന്നാണ് മജിസ്‌ട്രേറ്റ് വ്യക്തമാക്കിയതെന്ന് പോലീസ് അറിയിച്ചു. ഹെല്‍മറ്റ് ധരിക്കാതെ പുറംതിരിഞ്ഞ് യാത്ര ചെയ്യുകയായിരുന്ന സ്‌കൂട്ടര്‍ യാത്രക്കാരെ പോലീസ് അന്വേഷിച്ചുവരികയാണ്.
മറ്റൊരു സംഭവത്തില്‍ വിവാഹ പാര്‍ട്ടിയുടെ വീഡിയോ ചിത്രീകരണത്തിനായി കാറിന്റെ ഡിക്കിയിലിരുന്ന് യാത്ര ചെയ്തതിന് ക്യാമറാമാന്‍ കുറ്റ്യാടിയിലെ പറമ്പത്ത് ഹൗസില്‍ മുഹമ്മദ് ആദില്‍ (22), കാറോടിച്ചിരുന്ന ചൊക്‌ളി സി.പി. റോഡിലെ ജാസ് വില്ലയില്‍ ഇര്‍ഫാന്‍ ഹബീബ് (32) എന്നിവര്‍ക്കെതിരെയും പോലീസ് കേസെടുത്തിട്ടുണ്ട്. ഓഗസ്റ്റ് നാലിന് വൈകീട്ട് ആറിന് മേക്കുന്ന് കൊളായിയിലാണ് സംഭവം.
ഹബീബിന്റെ മാതൃസഹോദരിയുടേതാണ് ഈ കാര്‍. റോഡപകടങ്ങള്‍ വര്‍ധിച്ചു വരുന്ന സാഹചര്യത്തില്‍ അപകടകരമായ വാഹനയാത്രയ്‌ക്കെതിരേ കര്‍ശന നടപടിയെടുക്കാന്‍ തലശ്ശേരി അസി. പോലീസ് സൂപ്രണ്ട് നിര്‍ദേശിച്ചതിനെത്തുടര്‍ന്നാണ് ക്യാമറകള്‍ പരിശോധിച്ച് ചൊക്ലി പോലീസ് നടപടി തുടങ്ങിയത്. സീനിയര്‍ പോലീസ് ഓഫീസര്‍ കെ. സനില്‍കുമാര്‍, സി.വി. വിജിന്‍, നിമിഷ നാരായണന്‍, കെ. അനിഷ, ടി.എന്‍. സ രോണ്‍ എന്നിവര്‍ അന്വേഷണ സംഘത്തിലുണ്ടായിരുന്നു.

കല്യാണം ആഘോഷമാക്കാൻ കാറിൽ അഭ്യാസം; ചൊക്ളിയിൽ 6 പേരുടെ ലൈസൻസ് പോയി

നാദാപുരം: മുഖ്യമന്ത്രിക്കും, പോലീസിനും എതിരെ സോഷ്യൽ മീഡിയയിൽ അപകീർത്തികരമായ പരാമർശം നടത്തിയ വാണിമേൽ സ്വദേശിക്കെതിരെ കേസ് എടുത്തു. വാണിമേൽ കോടിയൂറയിലെ സൊന്നുമ്മൽ കൂമുള്ള പറമ്പത്ത് കുഞ്ഞബ്ദുള്ള ( 55 ) ക്കെതിരെയാണ് വളയം പോലീസ് കേസ് എടുത്തത്.
വാണിമേൽ കുറ്റിയിൽ പീടികയിലെ മജീദിൻ്റെ ചായക്കട വാട്സാപ്പ് ഗ്രൂപ്പിലാണ് അപകീർത്തി പരാമർശം നടത്തിയത്. മുഖ്യമന്ത്രിയുടെ ദുരിതാശ്വാസ നിധിയുമായി സഹകരിക്കരുതെന്ന പരാമർശവും നടത്തിയിരുന്നു. ഇതേ തുടർന്ന് പ്രദേശവാസി വളയം പോലീസിൽ പരാതി നൽകുകയായിരുന്നു.
റിപ്പോർട്ടർ; രാധാകൃഷ്ണൻ നാദാപുരം

മുഖ്യമന്ത്രിക്കും പോലീസിനുമെതിരെ പ്രചരണം; വാണിമേൽ സ്വദേശിക്കെതിരെ കേസ്

നാദാപുരം: ബസ് സ്റ്റാൻ്റിന് പിൻവശത്തുള്ള സൂപ്പർ മാർക്കറ്റ് കുത്തി തുറന്ന് മോഷണം നടത്തിയ പ്രതികൾ അറസ്റ്റിൽ. വെള്ളൂർ സ്വദേശി പുത്തലത്ത് വീട്ടിൽ വിഘ്നേശ്വരൻ (20 ) , കൊടുവള്ളി നന്ദകിഷോർ എന്നിവരെയാണ് നാദാപുരം എസ് ഐ എം നൗഷാദ് അറസ്റ്റ് ചെയ്തത്. കഴിഞ്ഞ മാസം 21 നാണ് സൂപ്പർ മാർക്കറ്റിൽ മോഷണം നടന്നത്. ക്യാഷ് കൗണ്ടറിൽ ഉണ്ടായിരുന്ന അമ്പതിനായിരം രൂപയും, ഒന്നര ലക്ഷം രൂപയുടെ സാധന സാമഗ്രികളുമാണ് നഷ്ടപ്പെട്ടത്.
മോഷ്ടാക്കളുടെ ദൃശ്യം കടയിലെ സി സി ടി വി യിലും സമീപത്തെ മറ്റൊരു ക്യാമറയിലും പതിഞ്ഞിരുന്നു. മോഷ്ടാക്കൾ സഞ്ചരിച്ച ബൈക്ക് പിന്തുടർന്നാണ് പോലിസ് മോഷ്ടാക്കളിലെത്തിയത്. അറസ്റ്റിലായ പ്രതികളെ കോടതിയിൽ ഹാജരാക്കി.
റിപ്പോർട്ടർ; രാധാകൃഷ്ണൻ നാദാപുരം

നാദാപുരത്ത് സൂപ്പർമാർക്കറ്റിൽ മോഷണം നടത്തിയ പ്രതികൾ അറസ്റ്റിൽ

വിഘ്നേശ്വരൻ, നന്ദകിഷോർ

മണിയൂർ: കുഴഞ്ഞു വീണ് മരിച്ച മേപ്പയ്യൂര്‍ പോലീസ് സ്റ്റേഷനിലെ സിവിൽ പോലീസ് ഓഫീസർ മണിയൂരിലെ ജിനേഷിന്‍റെ കുടുംബത്തിന് കേരള പോലീസ് സഹകരണ സംഘത്തിന്‍റെ പത്ത് ലക്ഷം രൂപയുടെ സി പി എ എസ് ആനുകൂല്യം കോഴിക്കോട് റൂറല്‍ ജില്ലാ പോലീസ് മേധാവി ഡോ.അര്‍വിന്ദ് സുകുമാര്‍ ഐ പി എസ് ഭാര്യ ലിസ്നയ്ക്ക് കൈമാറി.
സംഘം വൈസ് പ്രസിഡണ്ട് സി.ആര്‍.ബിജു അധ്യക്ഷനായി. കെ.പി.ഒ.എ ഭാരവാഹികളായ പ്രേംജി കെ നായര്‍, വി.ഷാജി ,പി.പി.മഹേഷ്, കെ.എസ്.ഔസേപ്, പി.രമേശന്‍,എം.ആര്‍.ബിജു, സി.കെ.സുജിത്ത്, കെ പി എ ഭാരവാഹികളായ അഭിജിത്ത് ജി പി, സുഖിലേഷ്.പി, എം.ഷനോജ്, പി.ടി.സജിത്ത് എന്നിവര്‍ സന്നിഹിതരായി. ജിനേഷിന്‍റെ വായ്പാബാക്കിയായ 24 ലക്ഷം രൂപ സംഘം എഴുതിത്തള്ളുകയും ചെയ്തിട്ടുണ്ട്.&nbsp;

ജിനേഷിന്‍റെ കുടുംബത്തിന് ആനുകൂല്യം കൈമാറി

മേപ്പാടി: വയനാട്ടിലെ ഉരുള്‍പ്പൊട്ടല്‍ ദുരന്തഭൂമിയില്‍ മനുഷ്യസാധ്യമായ എല്ലാ സന്നാഹങ്ങളുമായി രക്ഷാപ്രവര്‍ത്തനം പുരോഗമിച്ചുകൊണ്ടിരിക്കുകയാണ്. ഇതിനിടെ മനുഷ്യത്വമില്ലാത്ത ചിലരുടെ നടപടികളുമുണ്ടെന്ന് മുന്നറിയിപ്പ് നല്‍കുകയാണ് പോലീസ്.
ദുരന്തം ജീവനെടുത്തവരുടെ അവശേഷിപ്പുകള്‍തേടി മോഷ്ടാക്കള്‍ പ്രദേശത്തെത്തിയതായാണ് വിവരം. ഇതര സംസ്ഥാനക്കാരായ ചിലര്‍ ഇത്തരത്തില്‍ രക്ഷാപ്രവര്‍ത്തനത്തിനെന്ന വ്യാജേന ദുരന്തഭൂമയില്‍ മോഷണത്തിനെത്തിയ സാഹചര്യത്തില്‍ കര്‍ശന നിരീക്ഷണം ഏര്‍പ്പെടുത്തിയിട്ടുണ്ടെന്ന് മേപ്പാടി പോലീസ് അറിയിച്ചു. രക്ഷാപ്രവര്‍ത്തന മേഖലയിലും അടച്ചുപൂട്ടിയ വീടുകള്‍ക്ക് സമീപവും മറ്റും സംശയാസ്പദമായ സാഹചര്യത്തില്‍ കാണുന്നവരെ നിരീക്ഷിക്കാനാണ് നിര്‍ദേശം നല്‍കിയിരിക്കുന്നത്‌.
അതേസമയം മനുഷ്യശരീരങ്ങള്‍ക്കായി നടത്തുന്ന തിരിച്ചിലിനിടെ കണ്ടെത്തുന്ന സ്വര്‍ണവും പണവും മറ്റു അവശേഷിപ്പുകളും രക്ഷാപ്രവര്‍ത്തകര്‍ കൃത്യമായി അധികൃതര്‍ക്ക് കൈമാറുന്നുണ്ട്.

ദുരന്തഭൂമിയില്‍ പൊന്നും പണവും തേടി മോഷ്ടാക്കളും; മുന്നറിയിപ്പുമായി പോലീസ്

പന്തളം: വയനാട് ഉരുള്‍ ദുരന്തത്തില്‍ സര്‍വവും നഷ്ടപ്പെട്ടവര്‍ക്കുള്ള സഹായം മുഖ്യമന്ത്രിയുടെ ദുരിതാശ്വാസ നിധി വഴി നല്‍കരുതെന്ന തരത്തില്‍ സമൂഹമാധ്യമങ്ങളിലൂടെ പ്രചാരണം നടത്തിയ സംഘപരിവാര്‍ പ്രവര്‍ത്തകനും ബി.ജെ.പി. മീഡിയ വിഭാഗം മുൻ കോ -കൺവീനറുമായ കുളനട ഞെട്ടൂർ അവിട്ടം ഹൗസിൽ ശ്രീജിത്ത് പന്തളത്തിനെതിരെ കേസെടുത്തു. ദുരിതാശ്വാസ നിധിയിലേക്ക് അഞ്ച് പൈസ കൊടുക്കരുതെന്നും വ്യാപക അഴിമതി നടക്കുന്നുണ്ടെന്നും ശ്രീജിത്ത് ഫേസ്ബുക്ക് പോസ്റ്റിലൂടെ കുറ്റപ്പെടുത്തിയിരുന്നു.
ദുരന്തബാധിതരെ സഹായിക്കേണ്ടവര്‍ നേരിട്ട് സഹായം കൈമാറുകയോ സേവാഭാരതി ഉള്‍പ്പെടെയുള്ള സംഘടനകളെ സഹായം ഏല്‍പ്പിക്കുകയോ ചെയ്യണമെന്നായിരുന്നു പോസ്റ്റ്. ഇതോടെ പന്തളം പൊലീസ് കേസെടുക്കുകയായിരുന്നു. ദുരിതാശ്വാസനിധിയിലേക്ക് പണം നല്‍കരുതെന്ന് പ്രചാരണം നടത്തിയതുമായി ബന്ധപ്പെട്ട് സംസ്ഥാന വ്യാപകമായി 14 എഫ്.ഐ.ആറുകളാണ് രജിസ്റ്റര്‍ ചെയ്തിരിക്കുന്നത്. 194 പോസ്റ്റുകള്‍ സാമൂഹ്യ മാധ്യമങ്ങളില്‍ കണ്ടെത്തുകയും നീക്കം ചെയ്യുന്നതിന് സാമൂഹ്യമാധ്യമങ്ങള്‍ക്ക് നോട്ടീസ് നല്‍കുകയും ചെയ്തിട്ടുണ്ട്.

മുഖ്യമന്ത്രിയുടെ ദുരിതാശ്വാസ നിധിയിലേക്ക് അഞ്ച് പൈസ കൊടുക്കരുതെന്ന്; ശ്രീജിത്ത് പന്തളത്തിനെതിരെ കേസെടുത്ത് പോലീസ്

കൊയിലാണ്ടി: സര്‍വീസില്‍ നിന്ന് വിരമിക്കുന്ന കൊയിലാണ്ടി പോലീസ് സ്റ്റേഷനിലെ സബ് ഇന്‍സ്പക്ടര്‍ എം രാജീവന് കേരള പോലീസ് അസോസിയേഷന്‍, കേരള പോലീസ് ഓഫീസേഴ്സ് അസോസിയേഷന്‍ കോഴിക്കോട് റൂറല്‍ ജില്ലാ കമ്മറ്റികളുടെ ആഭിമുഖ്യത്തില്‍ യാത്രയയപ്പ് നല്കി. അഡീഷണല്‍ എസ്.പി, ടി.എന്‍.സജീവ് ഉപഹാരം നല്കി.&nbsp;
കെ.പി.ഒ.എ. ജില്ലാ പ്രസിഡണ്ട് എം.ആര്‍.ബിജു അധ്യക്ഷനായി. സ്റ്റേറ്റ് സ്പെഷ്യല്‍ ബ്രാഞ്ച് ഡി.വൈ.എസ്.പി. എം.സജീവ് കുമാര്‍, കെ.പി.ഒ.എ. സംസ്ഥാന നിര്‍വ്വാഹക സമിതി അംഗം സി.കെ.സുജിത്ത്, കെ.പി.എ.ജില്ലാ സെക്രട്ടറി പി.സുഖിലേഷ് എന്നിവര്‍ സംസാരിച്ചു. എം.രാജീവന്‍ മറുപടി പ്രസംഗം നടത്തി. കെ.പി.എ.ജില്ലാ പ്രസിഡണ്ട് എം.ഷനോജ് സ്വാഗതവും ജോയന്‍റ് സെക്രട്ടറി നന്ദിയും പറഞ്ഞു.

സബ് ഇന്‍സ്പക്ടര്‍ക്ക് യാത്രയയപ്പ് നൽകി

വയനാട് : ഉരുള്‍പൊട്ടലിന്റെ സാഹചര്യത്തില്‍ മുന്നറിയിപ്പുമായി കേരള പൊലീസ്. ദുരന്തപ്രദേശത്തേക്കുള്ള യാത്രകള്‍ ഒഴിവാക്കണമെന്ന് സ്റ്റേറ്റ് പൊലീസ് മീഡിയ സെന്റര്‍ അറിയിച്ചു. ഡിസാസ്റ്റര്‍ ടൂറിസം വേണ്ട എന്ന് മുന്നറിയിപ്പ് നല്‍കുന്ന പോസ്റ്റര്‍ ഫേസ്ബുക്കില്‍ പങ്കുവെച്ചു. രക്ഷാപ്രവര്‍ത്തകര്‍ക്ക് തടസ്സം സൃഷ്ടിച്ചാല്‍ കര്‍ശന നടപടിയെന്നും പോലീസ് വ്യക്തമാക്കി.
വയനാട്ടില്‍ അപകടമുണ്ടായ മേഖലകളിലേക്ക് അനാവശ്യമായി യാത്ര നടത്തരുതെന്ന് മുഖ്യമന്ത്രിയും നിര്‍ദേശം നല്‍കിയിരുന്നു.. പറഞ്ഞറിയിക്കാനാവാത്തത്രയും തീവ്രമായ ഒരു ദുരന്തമുഖത്താണ് നാടുള്ളത്. നാടാകെ രക്ഷാപ്രവര്‍ത്തനത്തിലാണ്. ഈ സമയത്ത് രക്ഷാപ്രവര്‍ത്തനത്തിന് തടസ്സമുണ്ടാക്കുന്ന വിധം ദുരന്തമേഖലയില്‍ കാഴ്ചക്കാരായി നില്‍ക്കുന്ന പ്രവണത ഒഴിവാക്കേണ്ടതുണ്ടെന്നുമാണ്‌ മുഖ്യമന്ത്രി നിര്‍ദേശം നല്‍കിയത്.

ദുരന്തപ്രദേശത്തേക്കുള്ള യാത്രകള്‍ ഒഴിവാക്കണം ;രക്ഷാപ്രവര്‍ത്തകര്‍ക്ക് തടസ്സം സൃഷ്ടിച്ചാല്‍ കര്‍ശന നടപടിയെന്ന്  പോലീസ്

നാദാപുരം : സംസ്ഥാന പാതയിൽ സ്ക്കൂട്ടർ ഇടിച്ച് വീഴ്ത്തി നിർത്താതെ ഓടിച്ച് പോയ പിക്കപ്പ് വാൻ പോലീസ് കസ്റ്റഡിയിൽ എടുത്തു. കർണ്ണാടക സ്വദേശിയുടെ ഉടമസ്ഥതയിലുള്ള വാഹനമാണ് പോലീസ് പിടികൂടിയത്. ജൂലായ് ഒന്നിനാണ് നാദാപുരം - തലശ്ശേരി സംസ്ഥാന പാതയിൽ മൊതാക്കരക്ക് സമീപം അധ്യാപിക സഞ്ചരിക്കുകയായിരുന്ന സ്ക്കൂട്ടറിൽ പിക്കപ്പ് വാൻ ഇടിച്ചത്. ഇടിയുടെ ആഘാതത്തിൽ റോഡിലേക്ക് തെറിച്ച് വീണ് അധ്യാപികയ്ക്ക് സാരമായി പരിക്കേറ്റിരുന്നു. അപകട ശേഷം വാൻ നിർത്താതെ ഓടിച്ച് പോവുകയായിരുന്നു.കർണ്ണാടകയിൽ നിന്ന് തലശ്ശേരിയിലെ കടകളിലേക്ക് വാഴക്കുലകളുമായി വരികയായിരുന്നു വാൻ.100 ലേറെ സി സി ടി വി ദൃശ്യങ്ങൾ കേന്ദ്രീകരിച്ച് നടത്തിയ പരിശോധനയിലാണ് വാഹനം കണ്ടെത്തിയത്. വാഹനത്തിലെ ഡ്രൈവർക്ക് നോട്ടീസ് നൽകിയതായി പോലീസ് അറിയിച്ചു.

നാദാപുരത്ത് സ്ക്കൂട്ടർ ഇടിച്ച് വീഴ്ത്തി നിർത്താതെ പോയ വാൻ കസ്റ്റഡിയിൽ

കൊല്ലം: കെ.എസ്.ആർ.ടി.സി. ബസ് മോഷ്ടിച്ച് കടത്താൻ ശ്രമിച്ച യുവാവ് പിടിയിലായി. പുനലൂർ ഡിപ്പോയ്ക്ക് സമീപം ദേശീയപാതയോരത്ത് നിർത്തിയിട്ടിരുന്ന ബസ്സാണ് ഇയാൾ മോഷ്ടിക്കാൻ ശ്രമിച്ചത്. തെന്മല ഒറ്റക്കൽ സ്വദേശി ബിനീഷാണ് പുനലൂർ പോലീസിന്റെ കസ്റ്റഡിയിലായത്. ഇയാളെക്കുറിച്ച് പോലീസ് കൂടുതൽ വിവരങ്ങൾ അന്വേഷിച്ചു വരികയാണ്.
വ്യാഴാഴ്ച അർധരാത്രിയോടെയാണ് സംഭവം. ഡിപ്പോയ്ക്ക് 150 മീറ്റർ കിഴക്ക് മാറി ടി.ബി. ജങ്ഷനിൽ വാഹന പരിശോധന നടത്തുന്നതിനിടെയാണ് ബസ് കടത്താനുള്ള ശ്രമം പോലീസ് തടഞ്ഞത്. ഹെഡ്‍ലൈറ്റുകൾ തെളിക്കാതെ ദേശീയപാതയിലൂടെ ബസ് വരുന്നതുകണ്ട് സംശയം തോന്നിയ പോലീസ് കൈകാണിച്ച് ബസ് നിർത്തിക്കുകയായിരുന്നു. ബസ്സിൽനിന്നിറങ്ങി രക്ഷപ്പെടാൻ ശ്രമിച്ച യുവാവിനെ പോലീസ് പിടികൂടി കസ്റ്റഡിയിലെടുക്കുകയായിരുന്നു.
ദിവസവും പുലർച്ചെ ആറിന് മാത്ര, കോക്കാട് വഴി തിരുവനന്തപുരം മെഡിക്കൽ കോളേജ് ആശുപത്രിയിലേക്ക് സർവീസ് നടത്തുന്ന വേണാട് ബസ്സാണ് കടത്താൻ ശ്രമിച്ചത്. ഡിപ്പോയിലെ സ്ഥലപരിമിതി മൂലം പല ബസ്സുകളും റോഡിലാണ് നിർത്താറുള്ളത്. ഇതാണ് മോഷ്ടാവിന് സൗകര്യമായത്. സംഭവത്തെക്കുറിച്ച് ഡിപ്പോ അധികൃതർ പോലീസിൽ പരാതിനൽകി.

റോഡിൽ നിർത്തിയിട്ട കെ എസ് ആർ ടി സി ബസ് മോഷ്ടിക്കാൻ ശ്രമിച്ച യുവാവ് പിടിയിൽ

പ്രതീകാത്മക ചിത്രം

നാദാപുരം: മോഷ്ടിച്ചതും നഷ്ടപ്പെട്ടതുമായ അമ്പതിലേറെ സ്മാർട്ട് ഫോണുകൾ വീണ്ടെടുത്ത് ഉടമകൾക്ക് തിരികെ നൽകി ശ്രദ്ധയാകുകയാണ് വളയം പോലീസ്. കേന്ദ്ര സർക്കാരിൻ്റെ സെൽട്രൽ എക്വിപ്മെന്റ് ഐഡന്റിറ്റി രജിസ്റ്റർ ആപ്പ് മുഖേനയാണ് നഷ്ടപ്പെട്ട ഫോണുകൾ വീണ്ടെടുക്കുന്നത്. ടെലിമാറ്റിക്സ് ഡിപ്പാർട്ട്മെന്റിന്റെ ടെക്നോളജി ഡെവലപ്മെന്റ് സെന്റർ ഡൽഹി, മഹാരാഷ്ട്ര, കർണാടക, എന്നിവിടങ്ങളിലെ ടെലികോം സർക്കിളുകളിൽ നടപ്പിലാക്കിയ പദ്ധതിയാണ് ഏതാനും മാസം മുമ്പ് രാജ്യത്തെ എല്ലാ സംസ്ഥാനങ്ങളിലും വ്യാപിപ്പിച്ചത്. ബുധനാഴ്ച്ച കൈവേലി കിളിയനാടുമ്മൽ വിഷ്ണുവിൻ്റെ ട്രെയിനിൽ വച്ച് നഷ്ടപ്പെട്ട ഫോൺ തമിഴ്നാട്ടിൽ നിന്ന് നിന്നുമാണ് വീണ്ടെടുത്ത് നൽകിയത്. വളയം പോലീസ് സ്റ്റേഷനിൽ വച്ച് ഇൻസ്പെക്ടർ ഇ.വി. ഫായിസ് അലി ഫോൺ ഉടമസ്ഥന് കൈമാറി. കഴിഞ്ഞ ദിവസം മരണവീട്ടിൽ നിന്ന് നഷ്ടപ്പെട്ട ഫോൺ പന്ത്രണ്ട് വയസ്സ് കാരനിൽ നിന്നാണ് വീണ്ടെടുത്തത്. കഴിഞ്ഞ മാസം ഒരു കേസന്വേഷണവുമായി ബന്ധപ്പെട്ട് ഡൽഹിയിൽ പോയ വളയം പോലീസ് സംഘം ഡൽഹി പോലീസിൻ്റെ മുന്നിൽ വന്ന മൊബൈൽ ഫോൺ കളവ് കേസ് അന്വേഷിച്ച് തുമ്പുണ്ടാക്കിയിരുന്നു.&nbsp;
വളയം സ്റ്റേഷനിൽ ഇരുന്ന് ഫോൺ ട്രേയ്സ് ചെയ്ത് ഡൽഹിയിലുള്ള പരാതിക്കാരനെ ബന്ധപ്പെട്ട് ഡൽഹി പോലീസിൻ്റെ സഹകരണത്തോടെയാണ് വീണ്ടെടുത്ത് നൽകിയത്. ജില്ലയുടെ വിവിധ ഭാഗങ്ങളിൽ നിന്ന് പരാതികൾ വരാറുണ്ടെന്നും ഇത്തരത്തിൽ നിരവധി ഫോണുകൾ വീണ്ടെടുത്ത് നൽകിയതായി വളയം ഇൻസ്പെക്ടർ ഇ.വി. ഫായിസ് അലി പറഞ്ഞു. നേരത്തെ മൊബൈൽ ഫോൺ നഷ്ടപ്പെട്ടാൽ പോലീസിന് കണ്ടെത്താൻ പ്രയാസമായിരുന്നു. എന്നാൽ കേന്ദ്ര സർക്കാരിൻ്റെ സെൽട്രൽ എക്വിപമെന്റ് ഐഡന്റിറ്റി രജിസ്റ്റർ ആപ്പ് മുഖേന മോഷ്ടിക്കപ്പെട്ടതും നഷ്ടപ്പെട്ടതുമായ മൊബൈൽ ഫോണുകൾ ട്രേയ്‌സ് ചെയ്യാനും കണ്ടെത്താനും എളുപ്പം കഴിയുന്നുണ്ട്. ഐ.എം.ഇ. നമ്പർ മറന്ന് പോയാലും ക്ലോൺ ചെയ്താലും നഷ്ടപ്പെട്ട ഫോൺ ട്രേയ്സ് ചെയ്യാൻ സാധിക്കും. ഉടമസ്ഥന് ഫോൺ ബ്ലോക്ക് ചെയ്യാനുള്ള സൗകര്യവും ഉണ്ട്. വളയം ഇൻസ്പെക്ടർ ഇ.വി.ഫായിസ് അലി, സബ് ഇൻസ്പെക്ട് എം.പി. വിഷ്ണു, സി.പി.ഒ.മാരായ എൻ.എം.അനൂപ്, കെ. മനോജ് എന്നിവരടങ്ങിയ അന്വേഷണ സംഘമാണ് നേതൃത്വം നൽകിയത്.

നഷ്ട്ടപ്പെട്ട അമ്പതിലധികം സ്മാർട്ട് ഫോണുകൾ വീണ്ടെടുത്ത് വളയം പോലീസ്

കണ്ണൂര്‍: വനിതാ സുഹൃത്തുമായി കോട്ടയിലെത്തിയ യുവാവിനെ പോലീസുകാരന്‍ ഭീഷണിപ്പെടുത്തി പണം വാങ്ങിയതായി പരാതി. കണ്ണൂരിലെ സെയ്ന്റ് ആഞ്ചലോകോട്ടയില്‍ സുരക്ഷാചുമതലയിലുള്ള പോലീസുകാരനെതിരെയാണ് പള്ളിക്കുന്ന് സ്വദേശിനി പോലീസ് കമ്മിഷണര്‍ക്ക് പരാതി നല്‍കിയത്. സംഭവത്തില്‍ സ്‌പെഷ്യല്‍ ബ്രാഞ്ച് ഡിവൈ.എസ്.പി. അന്വേഷണം ആരംഭിച്ചു.
കമിതാക്കളുടെ വീഡിയോ പകര്‍ത്തിയ പോലീസുകാരന്‍ അത് പുറത്തുവിടാതിരിക്കാന്‍ പണം ആവശ്യപ്പെട്ടെന്നാണ് പരാതി. പള്ളിക്കുന്നിലെ വനിതാ സുഹൃത്തുമായി കോട്ടയിലെത്തിയ കൊല്ലം സ്വദേശിയില്‍നിന്ന് ദൃശ്യം കാണിച്ച് ആദ്യഘട്ടത്തില്‍ 3,000 രൂപ വാങ്ങി. തുടര്‍ന്ന് യുവതിയോട് 25,000 രൂപ ആവശ്യപ്പെടുകയായിരുന്നു. അതിനായി ഗൂഗിള്‍ പേ നമ്പറും നല്‍കി. അതോടെ യുവതി കമ്മിഷണര്‍ക്ക് പരാതി നല്‍കുകയായിരുന്നു. എട്ടുവര്‍ഷമായി ഡെപ്യൂട്ടേഷനില്‍ ടൂറിസം വകുപ്പിലാണ് ഈ പോലീസുകാരന്‍ ജോലിചെയ്യുന്നത്.&nbsp;

കണ്ണൂര്‍ കോട്ടയിൽ കമിതാക്കളുടെ വീഡിയോ പകർത്തി പണം ആവശ്യപ്പെട്ടു; പോലീസുകാരനെതിരെ പരാതി

വടകര: കേരള പോലീസ് അസോസിയേഷൻ കോഴിക്കോട് റൂറൽ ജില്ല സമ്മേളനത്തോട് അനുബന്ധിച്ച് പോലീസ് ഉദ്യോഗസ്ഥർക്കും കുട്ടികൾക്കുമായി എടച്ചേരി പോലീസ് സ്റ്റേഷനിൽ വെച്ച് ചെസ്സ് ടൂർണ്ണമെൻ്റ് സംഘടിപ്പിച്ചു. എടച്ചേരി ഇൻസ്പെക്ടർ ഷീജു ടി കെ ഉദ്ഘാടനം നിർവ്വഹിച്ചു. മത്സരത്തിൽ സിദ്ധാർത്ഥ് മനോജ് ഒന്നാം സ്ഥാനവും ബഷീർ പി വി രണ്ടാം സ്ഥാനവും അൻവിത ആർ പ്രവീൺ മൂന്നാം സ്ഥാനവും അണ്ടർ 15 വിഭാഗത്തിൽ അലൻ ആർ പ്രവീൺ ഒന്നാം സ്ഥാനവും കരസ്ഥമാക്കി. വിജയികൾക്ക് എടച്ചേരി സബ് ഇൻസ്പെകടർ രാജേഷ് ട്രോഫികൾ സമ്മാനിച്ചു. ചടങ്ങളിൽ അസോസിയേഷൻ ജില്ല പ്രസിണ്ടൻ്റ് ഷനോജ് എം, സ്വാഗത സംഘം ചെയർമാൻ ജിതേഷ്, പ്രവീൺ, രാംദാസ്,രാഗേഷ്, ഷിഗിൻ എന്നിവർ പങ്കെടുത്തു.

ചെസ്സ് ടൂർണ്ണമെൻ്റ് സംഘടിപ്പിച്ചു

കോഴിക്കോട്: താമരശ്ശേരിയിൽനിന്ന് അജ്ഞാതസംഘം തട്ടിക്കൊണ്ടുപോയ യുവാവിനെ കണ്ടെത്തി. കോഴിക്കോട് ചെറുവറ്റ സ്വദേശി ഹർഷദിനെ(33) വയനാട് വൈത്തിരിയിൽ നിന്നാണ് കണ്ടെത്തിയത്. തട്ടിക്കൊണ്ടുപോയ സംഘം വൈത്തിരിയിൽ ഒരു ബൈക്ക് കടയ്ക്ക് സമീപം യുവാവിനെ ഇറക്കിവിടുകയായിരുന്നു.
സമീപത്തെ കടയിൽ കയറി ഫോൺ വാങ്ങി ഹർഷാദ് പിതാവിൻ്റെ ഫോണിലേക്ക് വിളിച്ച് സംഘം തന്നെ വൈത്തിരിയിൽ ഇറക്കിവിട്ടതായി അറിയിക്കുകയായിരുന്നു. ബന്ധുക്കൾ വിവരം പോലീസിനെ അറിയിച്ചു. ബസിൽ അടിവാരത്തെത്തിയ യുവാവിനെ പോലീസെത്തി സ്റ്റേഷനിലെത്തിച്ചു.
ശനിയാഴ്ച രാത്രിയാണ് ഹർഷദിനെ അജ്ഞാതസംഘം തട്ടിക്കൊണ്ടുപോയത്. താമരശ്ശേരിയിലെ ഭാര്യവീട്ടിലെത്തിയ ഹർഷദ് ഒരു ഫോൺകോൾ വന്നെന്ന് പറഞ്ഞാണ് അർധരാത്രി 12.30-ഓടെ പുറത്തേക്ക് പോയത്. പിന്നീട് യുവാവ് തിരിച്ചെത്തിയില്ല. പിറ്റേദിവസം ഹർഷദിനെ കാണാനില്ലെന്ന് കാട്ടി ഭാര്യ താമരശ്ശേരി പോലീസിൽ പരാതിയും നൽകി. എന്നാൽ, ഇതേദിവസം തന്നെ ഹർഷദിനെ വിട്ടയക്കണമങ്കിൽ പത്തുലക്ഷം രൂപ മോചനദ്രവ്യം ആവശ്യപ്പെട്ട് വീട്ടുകാർക്ക് ഫോൺകോൾ വന്നു.
തന്നെ തട്ടിക്കൊണ്ടുപോയെന്നും വിട്ടയക്കാൻ പത്തുലക്ഷം രൂപയാണ് ആവശ്യപ്പെടുന്നതെന്നും ഹർഷദ് തന്നെയാണ് ആദ്യം ഫോണിൽ വിളിച്ചറിയിച്ചത്. തൊട്ടുപിന്നാലെ മറ്റൊരാൾകൂടി ഫോണിൽ സംസാരിച്ചു. പത്തുലക്ഷം നൽകണമെന്നായിരുന്നു ഇയാളുടെയും ആവശ്യം. ഈ വിവരവും ബന്ധുക്കൾ താമരശ്ശേരി പോലീസിന് കൈമാറിയിരുന്നു.

താമരശ്ശേരിയിൽ നിന്ന് അജ്ഞാതസംഘം തട്ടിക്കൊണ്ടുപോയ യുവാവിനെ വൈത്തിരിയിൽ കണ്ടെത്തി

നാദാപുരം: പോലീസിനെ ആക്രമിച്ചതടക്കുള്ള കേസിൽ പ്രതിയായ ആളിൽ നിന്ന് സമ്മാനം സ്വീകരിച്ചെന്ന പരാതിയെ തുടർന്ന് നാദാപുരം എസ്.ഐയെ സ്ഥലം മാറ്റി. ഡി.വൈ.എഫ്.ഐ മേഖലാ കമ്മറ്റി സെക്രട്ടേരി കെ.കെ വിജേഷാണ് എസ്.ഐ ശ്രീജിത്തിനെതിരെ സംസ്ഥാന ഇൻ്റലിജൻ്റ്സ് എ ഡി.ജി.പിക്ക് പരാതി നൽകിയത്.&nbsp;
ഇതന്വേഷിക്കാൻ വടകര നാർക്കോട്ടിക്ക് ഡി.വൈ.എസ്.പി കെ. എസ് ഷാജിയെ ചുമതലപ്പെടുത്തുകയായിരുന്നു. വിജേഷിൽ നിന്ന് ഡിജിറ്റൽ തെളിവുകൾ ഉൾപ്പെടെ ശേഖരിച്ചിരുന്നു. തുടർന്നാണ് എസ്.ഐയെ മുക്കം സ്റ്റേഷനിലേക്ക് മാറ്റിയത്. പകരം അനീഷ് വടക്കേടത്തിനെയാണ് നാദാപുരത്ത് നിയമിച്ചത്.

പ്രതിയിൽ നിന്നും സമ്മാനം സ്വീകരിച്ചെന്ന പരാതി; നാദാപുരം എസ് ഐക്ക് സ്ഥലം മാറ്റം

മട്ടന്നൂർ: യൂത്ത് കോൺഗ്രസ് ജില്ലാ വൈസ് പ്രസിഡന്റ് ഫർസീൻ മജീദിന് മട്ടന്നൂർ പോലീസ് നിരീക്ഷണം ഏർപ്പെടുത്തി. അപായപ്പെടുത്താൻ സാധ്യതയുണ്ടെന്ന സ്പെഷ്യൽ ബ്രാഞ്ച് റിപ്പോർട്ടിന്റെ അടിസ്ഥാനത്തിലാണ് നിരീക്ഷണം ഏർപ്പെടുത്തിയത്. ഷുഹൈബ് വധക്കേസ് പ്രതി ആകാശ് തില്ലങ്കേരി നിയമലംഘനം നടത്തി വാഹനം ഓടിച്ചത് ചോദ്യം ചെയ്ത് ഫർസീൻ മജീദ് മോട്ടോർ വാഹന വകുപ്പിന് പരാതി നൽകിയിരുന്നു. മുൻപ് മുഖ്യമന്ത്രിക്ക് നേരെ വിമാനത്തിൽ പ്രതിഷേധിച്ചതിനെ തുടർന്നും ഫർസീന് പോലീസ് സംരക്ഷണം ഏർപ്പെടുത്തിയിരുന്നു.
ഗതാഗത നിയമങ്ങൾ കാറ്റിൽപ്പറത്തി ആകാശ് തില്ലങ്കേരിയുടെ ജീപ്പ് യാത്ര നടത്തിയതിന്റെ ദൃശ്യങ്ങൾ പുറത്തുവന്നത് വലിയ വിവാദമായിരുന്നു. നമ്പർ പ്ലേറ്റില്ലാത്ത വാഹനത്തിൽ സീറ്റ് ബെൽറ്റ് ധരിക്കാതെയുള്ള യാത്രയുടെ ദൃശ്യങ്ങൾ ആകാശ് തന്നെയാണ് സാമൂഹികമാധ്യമങ്ങളിൽ പങ്കുവെച്ചത്. സിനിമാ ഡയലോ​ഗുകളും ബി.ജി.എമ്മും ചേർത്ത് എഡിറ്റ് ചെയ്ത വീഡിയോ ആണ് പങ്കുവെച്ചത്.
വീഡിയോ പുറത്തുവന്നതിന്റെ പശ്ചാത്തലത്തിലാണ് ഫർസീൻ മജീദ് വയനാട് ആർ.ടി.ഒയ്ക്ക് പരാതി നൽകിയത്. വിഷയത്തിൽ ഹൈക്കോടതിയും ഇടപെട്ടതോടെയാണ് മോട്ടോർ വാഹനവകുപ്പ് നടപടികൾ ശക്തമാക്കിയത്. മോട്ടോര്‍വാഹനവകുപ്പ് നടത്തിയ പ്രാഥമികാന്വേഷണത്തില്‍ ആകാശ് തില്ലങ്കേരിക്ക് ഡ്രൈവിങ് ലൈസന്‍സില്ലെന്നാണ് കണ്ടെത്തിയത്.

'അപായപ്പെടുത്താൻ സാധ്യത'; ആകാശ് തില്ലങ്കേരിക്കെതിരെ പരാതി നൽകിയ യൂത്ത് കോൺഗ്രസ് നേതാവിന് പോലീസ് നിരീക്ഷണം

നാദാപുരം: കല്ലാച്ചിയിൽ നിന്ന് വെസ്റ്റ് ബംഗാളിലേക്ക് പോയ അതിഥി തൊഴിലാളിയെ കാണാതായതായി പരാതി. വെസ്റ്റ് ബംഗാൾ മൂർഷിദാബാദ് സ്വദേശി സഞ്ചോയ് ദാസ് ( 24 ) നെയാണ് കാണാതായതായി സഹോദരൻ പോലീസിൽ പരാതി നൽകിയത്. ഏപ്രിൽ 24 ന് കല്ലാച്ചിയിലെ താമസ സ്ഥലത്ത് നിന്ന് നാട്ടിലേക്ക് പോയതാണെന്നും പിന്നീട് വീട്ടിലോ ,ക്വാട്ടേഴ്സിലോ തിരിച്ചെത്തിയില്ലെന്നാണ് പരാതി. നാദാപുരം പോലീസ് കേസെടുത്ത് അന്വേഷണം ആരംഭിച്ചു.
&nbsp;

കല്ലാച്ചിയിൽ ഇതര സംസ്ഥാന തൊഴിലാളിയെ കാണാതായതായി പരാതി

വടകര: പുതിയ ബസ്റ്റാന്റ് മുതൽ അടക്കാത്തെരു വരെയും, വടകര കോടതി ജംഗ്ഷൻ മുതൽ പുതിയ ബസ് സ്റ്റാൻഡ് വരെയുമുള്ള വാഹന ഗതാഗതത്തിന്റെ തടസ്സം നീക്കുന്നതിന് ആവശ്യമായ നടപടികൾ അധികാരികൾ ഉടനെ സ്വീകരിക്കണമെന്ന് യൂത്ത് കോൺഗ്രസ് ആവശ്യപ്പെട്ടു. പുതിയ ബസ്റ്റാൻഡ് മുതൽ അടക്കാത്തെരു വരെയുള്ള ഇരു ഭാഗങ്ങളിലുള്ള വൺവേ ട്രാഫിക് ബ്ലോക്കിൽ ആംബുലൻസുകൾ ഉൾപ്പെടെ കുടുങ്ങുന്നത് സ്ഥിരം കാഴ്ചയാണ്. മാത്രമല്ല അടിയന്തര വൈദ്യ ചികിത്സക്കായി വടകര ഗവൺമെന്റ് ഹോസ്പിറ്റലിലേക്ക് പോകുന്ന വാഹനങ്ങളും ഈ ഗതാഗത കുരുക്കിൽ കിടന്ന് വലയുകയാണ്. രോഗികൾ ഉൾപ്പെടെ കൃത്യസമയത്ത് ചികിത്സ കിട്ടാതെ വരുന്ന സാഹചര്യം നിലവിലുണ്ട്.&nbsp;
ദേശീയപാതയിലേക്ക് നേരിട്ട് വരുന്ന മറ്റു റോഡുകളിലും ഗതാഗതക്കുരുക്ക് രൂക്ഷമാവുകയാണ്. അശാസ്ത്രീയമായ ട്രാഫിക് പരിഷ്കരണവും, റോഡ് വികസനത്തിന്റെ ഭാഗമായി നിലവിൽ വാഹനങ്ങൾ കടത്തി വിടുന്ന റോഡിന്റെ വീതി കുറഞ്ഞതും, മഴമൂലം റോഡിൽ ഉണ്ടായ കുഴികളും ഗതാഗതക്കുരുക്കിന് കാരണമായിട്ടുണ്ടെന്ന് യൂത്ത് കോൺഗ്രസ് വടകര നിയോജകമണ്ഡലം പ്രസിഡണ്ട് സി.നിജിൻ പറഞ്ഞു. ഗതാഗത കുരുക്കിന് പരിഹാരം കാണേണ്ട പോലീസ് ഇത് കണ്ടില്ലെന്ന് നടിക്കുകയാണ്. ഈ യാത്രക്കുരുക്കിന് എത്രയും പെട്ടെന്ന് പരിഹാരം കണ്ടില്ലെങ്കിൽ സമരപരിപാടികളുമായി യൂത്ത് കോൺഗ്രസ് മുന്നോട്ട് പോകുമെന്ന് യൂത്ത് കോൺഗ്രസ് വടകര നിയോജകമണ്ഡലം കമ്മിറ്റി അറിയിച്ചു.

വടകരയിലെ യാത്രാദുരിതം പരിഹരിക്കണം; യൂത്ത് കോൺഗ്രസ്

നാദാപുരം : ക്രിമിനൽപശ്ചാത്തലമുള്ള വ്യക്തികളിൽനിന്ന്‌ നാദാപുരം എസ്.ഐ. എസ്. ശ്രീജിത്ത്‌ സമ്മാനം സ്വീകരിച്ചുവെന്നാരോപിച്ച് ഡി.വൈ.എഫ്.ഐ. നാദാപുരം മേഖലാ സെക്രട്ടറി കെ.കെ. വിജേഷാണ് എ.ഡി.ജി.പി.ക്ക് പരാതിനൽകിയത്. നാദാപുരം സ്റ്റേഷനിലെത്തി ഉപഹാരം നൽകിയ വ്യക്തി ക്രിമിനൽക്കേസിലെ പ്രതിയാണെന്ന് പരാതിയിൽ പറയുന്നു. അതെ സമയം നാദാപുരത്തെ ട്രാഫിക് യൂണിറ്റിന് കുടനൽകിയതായും ഉന്നത പോലീസ് ഉദ്യോഗസ്ഥരിൽനിന്നും ഇത് സ്വീകരിക്കുന്നതിന് അനുമതിവാങ്ങിയതായും നാദാപുരം പോലീസ് അറിയിച്ചു.

നാദാപുരം എസ്.ഐ.യുടെ പേരിൽ ഡി.വൈ.എഫ്.ഐ പരാതി നൽകി

വടകര: കേരള പോലീസ് അസോസിയേഷൻ കോഴിക്കോട് റൂറൽ ജില്ലാ സമ്മേളനത്തിൻ്റെ ഭാഗമായി ജില്ലയിലെ പോലീസ് ഉദ്യോഗസ്ഥർക്കായി പുതിയ നിയമം ഭാരതീയ ന്യായ സംഹിത (ബി എൻ എസ്) പഠന ക്ലാസ് സംഘടിപ്പിച്ചു. വടകര ഏക്ക്സാറ്റ് ഹാളിൽ നടന്ന പരിപാടിയിൽ തൃശ്ശൂർ റെയ്ഞ്ച് ഇക്കണോമിക് ഒഫൻസ് വിംഗ് പോലീസ് സൂപ്രണ്ട് ജോസി ചെറിയാൻ ക്ലാസെടുത്തു. കേരള പോലീസ് അസോസിയേഷൻ സംസ്ഥാന നിർവ്വാഹക സമിതി അംഗം കെ. സുധീഷ് അധ്യക്ഷനായി. പോലീസ് അസോസിയേഷൻ ജില്ലാ സെക്രട്ടറി പി. സുഖിലേഷ്, പ്രസിഡണ്ട് എം.ഷനോജ് എന്നിവർ സംസാരിച്ചു. ജില്ലാ കമ്മിറ്റി അംഗം കെ.ബി. ബിജേഷ് സ്വാഗതവും ആർ.പി. സുനിൽ കുമാർ നന്ദിയും പറഞ്ഞു.

പുതിയ നിയമം; പഠന ക്ലാസ് സംഘടിപ്പിച്ചു

നാദാപുരം: വിൽപ്പനക്കെത്തിച്ച കഞ്ചാവുമായി ഇതര സംസ്ഥാന തൊഴിലാളി അറസ്റ്റിൽ. ബീഹാർ സ്വദേശി സാദ്ദിഖ് ആലം ( 20 ) നെയാണ് എസ് ഐ എസ് ശ്രീജിത്ത് അറസ്റ്റ് ചെയ്തത്. മേഖലയിൽ വിതരണത്തിച്ച 435 ഗ്രാം കഞ്ചാവ് പ്രതിയിൽ നിന്ന് പിടികൂടി. കടമേരിയിൽ ചൊവ്വാഴ്ച്ച ഉച്ചയ്ക്ക് രഹസ്യ വിവരത്തെ തുടർന്ന് ജില്ല പോലീസ് മേധാവിയുടെ ഡാൻസാഫ് അംഗങ്ങൾ നടത്തിയ പരിശോധനയിലാണ് പ്രതി പിടിയിലായത്. എ.എസ് ഐ മാരായ മനോജ് രാമത്ത്, സദാനന്ദൻ വള്ളിൽ, എസ് സി പി ഒ കെ. ലതീഷ് ,സി പി ഒ കെ.പി.അനിൽ കുമാർ എന്നിവരും സംഘത്തിൽ ഉണ്ടായിരുന്നു. പ്രതിയെ കോടതിയിൽ ഹാജരാക്കി.

കടമേരിയിൽ കഞ്ചാവുമായി ഇതര സംസ്ഥാന തൊഴിലാളി അറസ്റ്റിൽ

തിരുവന്തപുരം: പോലീസ് സേനയിലെ ആത്മഹത്യ നിയമസഭയിൽ. അഞ്ചു വർഷത്തിനിടയിൽ 88 പോലീസുകാർ സംസ്ഥാനത്ത് ആത്മഹത്യ ചെയ്തതായും ശരാശരി 44 പോലീസുകാരെ വെച്ചാണ് 118 പോലീസുകാരുടെ ജോലി ഒരു സ്റ്റേഷനിൽ ചെയ്യുന്നതെന്നും പി.സി വിഷ്ണുനാഥ് എംഎൽഎ പറഞ്ഞു.
ആത്മഹത്യചെയ്ത പോലീസ് ഉദ്യോഗസ്ഥൻ ജോബിദാസിന്റെ ആത്മഹത്യാക്കുറിപ്പും എംഎൽഎ നിയമസഭയിൽ വായിച്ചു. 'നന്നായി പഠിക്കണം, പോലീസിലല്ലാതെ ജോലി വാങ്ങണം' എന്ന് മക്കളോട് പറയുന്ന കുറിപ്പാണ് വായിച്ചത്.
പോലീസ് സേനയിൽ എട്ടുമണിക്കൂർ ജോലി എന്നത് പെട്ടെന്ന് നടപ്പിലാക്കാൻ സാധിക്കില്ലെന്ന് മുഖ്യമന്ത്രി മറുപടി നൽകി. എന്നാൽ, ഇത് ലക്ഷ്യമിട്ടുകൊണ്ടുള്ള പ്രവർത്തനമാണ് സർക്കാർ നടത്തിവരുന്നതെന്നും തിരക്കുള്ള 52 സ്റ്റേഷനുകളിൽ നടപ്പിലാക്കിയതായും കൂടുതൽ സ്റ്റേഷനുകളിലേക്ക് ഇത് വ്യാപിപ്പിക്കുമെന്നും മുഖ്യമന്ത്രി വ്യക്തമാക്കി. മാനസിക സമ്മർദം ലഘൂകരിക്കുന്നതിന് മുതിർന്ന പോലീസ് ഉദ്യോ​ഗസ്ഥരെ ഉപയോ​ഗിച്ച് മെന്ററിങ് സംവിധാനം ഏർപ്പെടുത്തിയിട്ടുണ്ടെന്നും മുഖ്യമന്ത്രി പറഞ്ഞു.

പോലീസ് സേനയിലെ ആത്മഹത്യ നിയമസഭയിലുന്നയിച്ച് പ്രതിപക്ഷം

കണ്ണൂർ: സിപിഎമ്മിൽനിന്ന് പുറത്തുപോയ മുൻ ജില്ലാ കമ്മിറ്റി അംഗം മനു തോമസിന് പൊലീസ് സംരക്ഷണം നൽകും. സിപിഎം കണ്ണൂർ ജില്ലാ സെക്രട്ടറി പി.ജയരാജനെതിരെ ആരോപണം ഉന്നയിച്ച മനു തോമസിനു ഭീഷണിയുണ്ടെന്ന സ്പെഷൽ ബ്രാഞ്ച് റിപ്പോർട്ടിനെത്തുടർന്നാണ് നടപടി. മനുവിന്റെ വീടും വ്യാപാര സ്ഥാപനങ്ങളും നിരീക്ഷണത്തിലാണ്. ആരോപണങ്ങളുടെ പശ്ചാത്തലത്തിൽ മനുവിന് സമൂഹമാധ്യമങ്ങളിലൂടെ ഭീഷണി സന്ദേശങ്ങളെത്തുന്നുണ്ട്. പാർട്ടിയെ പലവട്ടം പ്രതിസന്ധിയിലാക്കിയ ആളാണ് ജയരാജനെന്ന് മനു ഫെയ്സ്ബുക്കിൽ ആരോപിച്ചിരുന്നു. ക്വാറി മുതലാളിക്കുവേണ്ടി മലയോരത്ത് പാർട്ടി ഏരിയാ സെക്രട്ടറിമാരെവരെ സൃഷ്ടിക്കാൻ കഴിയുന്ന താങ്കളുടെ പാടവവും വിദേശത്തും സ്വദേശത്തും മകനെയും ക്വട്ടേഷൻകാരെയും ഉപയോഗിച്ച് കെട്ടിപ്പൊക്കിയ 'കോപ്പി' കച്ചവടങ്ങളും എല്ലാം നമുക്ക് പറയാം -കുറിപ്പിലൂടെ പറഞ്ഞിരുന്നു.

ഭീഷണിയെന്ന് റിപ്പോർട്ട്; മനു തോമസിന് പോലീസ് സംരക്ഷണം നൽകും

നാദാപുരം: കേരള പോലീസ് അസോസിയേഷൻ 38ാം ജില്ലാ സമ്മേളനത്തിന്റെ ഭാഗമായുള്ള സ്വാഗതസംഘം ഓഫീസ് നാദാപുരം പോലീസ് ബാരക്കിൽ ഡിവൈഎസ്പി ഷൈജു പി എൽ ഉദ്ഘാടനം നിർവഹിച്ചു. ജൂലൈ 19, 20 തീയ്യതികളായി നാദാപുരത്ത് വെച്ചാണ് ( ഓത്തിയിൽ ഓഡിറ്റോറിയം) ജില്ലാ സമ്മേളനം നടക്കുന്നത്.
സ്വാഗതസംഘം ചെയർമാൻ ജിതേഷ് വി അധ്യക്ഷത വഹിച്ച ചടങ്ങിൽ കൺവീനർ ശരത്ത് കൃഷ്ണ.പി സ്വാഗതവും ജില്ലാ കമ്മിറ്റി അംഗം സുരേഷ് കുമാർ നന്ദിയും പറഞ്ഞു. കേരള പോലീസ് ഓഫീസ് അസോസിയേഷൻ ജില്ലാ കമ്മിറ്റി അംഗം അനിൽ കുമാർ ആശംസകൾ അറിയിച്ചു സംസാരിച്ചു. കെ പി എ ജില്ലാ സെക്രട്ടറി സുഖിലേഷ് , പ്രസിഡൻ്റ് ഷനോജ്, ജില്ലാ ട്രഷറർ സജിത്ത് , സംസ്ഥാന നിർവാഹക സമിതി അംഗം സുധീഷ് കെ എന്നിവർ ഉൾപ്പെടെ സംഘടനയുടെ ജില്ലാ, സംസ്ഥാന ഭാരവാഹികൾ ചടങ്ങിൽ പങ്കെടുത്തു.

കേരള പോലീസ് അസോസിയേഷൻ ജില്ലാ സമ്മേളനം; സ്വാഗതസംഘം ഓഫീസ് തുറന്നു

തിരുവനന്തപുരം: വെള്ളറടയില്‍ എട്ടാംക്ലാസ് വിദ്യാര്‍ഥിയെ വീട്ടിനുള്ളില്‍ മരിച്ചനിലയില്‍ കണ്ടെത്തി. വെള്ളറട അമ്പലം സ്വദേശികളായ അരുളാനന്ദകുമാര്‍-ഷൈനി ദമ്പതിമാരുടെ മകന്‍ അബി എന്ന അഖിലേഷ് കുമാറി(13)നെയാണ് വീട്ടില്‍ തൂങ്ങിമരിച്ച നിലയില്‍ കണ്ടെത്തിയത്.
വീട്ടിലെ ജനലില്‍ തൂങ്ങിനില്‍ക്കുന്ന നിലയിലാണ് മൃതദേഹം കണ്ടത്. ഒരു കൈ തുണികൊണ്ട് കെട്ടിയനിലയിലായിരുന്നു. സംഭവത്തില്‍ ദുരൂഹതയുള്ളതിനാല്‍ ഡിവൈ.എസ്.പി. അടക്കമുള്ള പോലീസ് ഉദ്യോഗസ്ഥര്‍ സ്ഥലത്തെത്തി. മരിച്ച അഖിലേഷ് കുമാര്‍ വാഴിച്ചല്‍ സ്‌കൂളിലെ എട്ടാംക്ലാസ് വിദ്യാര്‍ഥിയാണ്.

എട്ടാംക്ലാസ് വിദ്യാര്‍ഥി തൂങ്ങി മരിച്ചനിലയില്‍; ദുരൂഹത

കൊച്ചി: ഒരു മാസത്തിനിടയിൽ രണ്ടു തവണ സൈക്കിൾ മോഷണം പോവുക, അതും ആദ്യം മോഷണം പോയ സൈക്കിളിനു പകരമായി വിദ്യാഭ്യാസ മന്ത്രി തന്നെ നേരിട്ടു സമ്മാനിച്ച സൈക്കിളും നഷ്ടപ്പെടുക, അവന്തികയുടെ സങ്കടത്തിന് അളവില്ല. ഇത്തവണ ചെറിയൊരു വ്യത്യാസമുണ്ട്, സൈക്കിൾ കള്ളൻ മണിക്കൂറുകൾക്കുള്ളിൽ പൊലീസ് പിടിയിലായി. സൈക്കിൾ കണ്ടുകിട്ടിയതായി പൊലീസ് അറിയിച്ചിട്ടുണ്ടെന്ന് അവന്തികയുടെ അമ്മ നിഷ പറഞ്ഞു. സൈക്കിൾ എപ്പോൾ തിരിച്ചു കിട്ടുമെന്ന് അറിയില്ലെന്നും അവർ വ്യക്തമാക്കി.
സ്കൂൾ പ്രവേശനോത്സവത്തോട് അനുബന്ധിച്ച് വിദ്യാഭ്യാസ മന്ത്രി വി.ശിവൻകുട്ടി പത്താം ക്ലാസുകാരിയായ സി.ജി.അവന്തികയ്ക്ക് സൈക്കിൾ സമ്മാനിച്ച വാർത്ത ഏറെ ശ്രദ്ധിക്കപ്പെട്ടിരുന്നു. അന്ന് മന്ത്രി സമ്മാനിച്ച സൈക്കിളാണ് ഇത്തവണ മോഷണം പോയത്. വെള്ളിയാഴ്ച രാവിലെയാണ് സൈക്കിൾ കാണാനില്ലെന്ന കാര്യം വീട്ടുകാർ മനസിലാക്കുന്നത്. അടുത്ത വീട്ടിലെ സിസി ടിവിയിൽ നോക്കിയപ്പോൾ പുലർച്ചെ 4.30നായിരുന്നു മോഷണം എന്നു മനസ്സിലായി. മഴക്കോട്ട് ധരിച്ചിരുന്ന കള്ളന്റെ ദൃശ്യങ്ങളും ഉണ്ടായിരുന്നെങ്കിലും ആളെ തിരിച്ചറിയാൻ സാധിക്കില്ലായിരുന്നു. അന്വേഷണം തുടർന്ന പാലാരിവട്ടം പൊലീസ് ഒടുവിൽ കള്ളനെ പൊക്കി. വൈറ്റില പാലത്തിനടിയിൽ സ്ഥിരമായി കഴിയുന്ന മദ്യപനാണ് കക്ഷി.&nbsp;&nbsp;
കഴിഞ്ഞ മേയ് 21നാണ് അവന്തികയുടെ സൈക്കിൾ ആദ്യം നഷ്ടപ്പെടുന്നത്. വാടക വീട്ടിലാണ് അവന്തികയും കുടുംബവും താമസിക്കുന്നത്. തമ്മനത്ത് പച്ചക്കറി കട നടത്തുന്ന ഗിരീഷിന്റെയും നിഷയുടെയും മകളായ അവന്തിക എല്ലാ വിഷയങ്ങളും എ പ്ലസോടെയാണ് എറണാകുളം ഗവ. ഗേൾസ് ഹൈസ്കൂളിൽനിന്ന് ഇത്തവണ പാസായത്. അന്നു സൈക്കിൾ കാണാതായതിന്റെ സങ്കടത്തിലായ വിദ്യാർഥിനി പരാതിയുമായി പൊലീസ് സ്റ്റേഷനിലെത്തി.
സങ്കടം സഹിക്കാനാകാതെ പൊലീസ് സ്റ്റേഷനിലിരുന്നു തന്നെ ഇ–മെയിലിൽ മന്ത്രിയെ കാര്യങ്ങൾ അറിയിച്ചു. കുറച്ചു ദിവസങ്ങൾക്കുള്ളിൽ അവന്തികയ്ക്ക് സംസ്ഥാന വിദ്യാഭ്യാസ മന്ത്രിയുടെ ഓഫിസിൽനിന്ന് വിളിയെത്തി. ജൂൺ 2ന് മന്ത്രി പ്രവേശനോത്സവത്തിനായി എളമക്കര സ്കൂളിലെത്തുന്നുണ്ട്, അവിടെ എത്തണം എന്നായിരുന്നു സന്ദേശം. അവിടെ എത്തിയപ്പോൾ അവന്തികയുടെ മുഖത്ത് ചിരി വിരിയിച്ച് മന്ത്രിയുടെ വക പുത്തൻ സൈക്കിള്‍ സമ്മാനം. ആ സൈക്കിളാണ് ഇത്തവണ മോഷണം പോയത്.

മോഷണം പോയ സൈക്കിളിന് പകരം പുതിയത് സമ്മാനിച്ച് മന്ത്രി, അതും മോഷ്ടിച്ചു; ഇത്തവണ കള്ളനെ കണ്ടെത്തി

കണ്ണൂർ: കൂത്തുപ്പറമ്പിൽ ആളൊഴിഞ്ഞ പറമ്പിൽ സ്റ്റീൽ ബോംബുകൾ കണ്ടെത്തി. കൂത്തുപ്പറമ്പ് പോലീസ് നടത്തിയ പരിശോധനയിലാണ് വഴിയരികിലെ പറമ്പിൽനിന്ന് രണ്ടു ബോംബുകൾ കണ്ടെത്തിയത്. ഇവ ഉ​ഗ്രശേഷിയുള്ളവയാണെന്ന് പോലീസ് അറിയിച്ചു. കിണറ്റിന്റവിട ആമ്പിലാട് റോഡിന് സമീപമാണ് സംഭവം. തലശ്ശേരി എരഞ്ഞോളിയിൽ കഴിഞ്ഞദിവസം ബോംബ് പൊട്ടി വേലായുധൻ (80) എന്ന വയോധികൻ കൊല്ലപ്പെട്ടിരുന്നു. വീടിനോട് ചേർന്നുള്ള പറമ്പിൽ തേങ്ങ പെറുക്കാൻ എത്തിയപ്പോഴായിരുന്നു സ്ഫോടനം. പറമ്പിൽനിന്ന് കിട്ടിയ വസ്തു ബോംബ് ആണെന്ന് അറിയാതെ തുറന്നപ്പോൾ പൊട്ടിത്തെറിക്കുകയായിരുന്നു
ഇതുനുപിന്നാലെ ജില്ലയിലെ വിവിധ ഭാ​ഗങ്ങളിൽ പോലീസ് പരിശോധന ശക്തമാക്കിയിരുന്നു. കൂത്തുപ്പറമ്പ്, തലശ്ശേരി, മാഹി, മട്ടന്നൂർ എന്നിവിടങ്ങളിലായിരുന്നു പ്രധാനമായും തിരച്ചിൽ. കോഴിക്കോട്, കണ്ണൂർ, കാസർകോട് ജില്ലകളിൽ നിന്നുൾപ്പെടെ അഞ്ച് ബോംബ് സ്ക്വാഡുകളുടെ നേതൃത്വത്തിലായിരുന്നു പരിശോധന.&nbsp;&nbsp;
&nbsp;

കൂത്തുപ്പറമ്പിൽ ആളൊഴിഞ്ഞ പറമ്പിൽ സ്റ്റീൽ ബോംബുകൾ കണ്ടെത്തി

കോഴിക്കോട്: ഫേസ്‌ബുക്ക്, ഇൻസ്റ്റ​ഗ്രാം ഉൾപ്പെടെയുള്ള സമൂഹമാധ്യമ അക്കൗണ്ടുകളുടെ പ്രൊഫൈൽ ലോക്ക്‌ അല്ലെങ്കിൽ ‘പണി’ കിട്ടിയേക്കുമെന്ന്‌ പൊലീസ്‌ മുന്നറിയിപ്പ്‌. വാട്‌സ്‌ആപ്‌ ഉള്‍പ്പെടെയുള്ള അക്കൗണ്ടുകളിലെ സ്വകാര്യതാ, സുരക്ഷാ സംവിധാനങ്ങൾ മനസ്സിലാക്കി സുരക്ഷിതമാക്കണമെന്ന് സമീപകാല നിർമിതബുദ്ധി ഉപയോഗിച്ചള്ള സാമ്പത്തിക തട്ടിപ്പുകളുടെ വെളിച്ചത്തിൽ പൊലീസ്‌ നിർദേശിക്കുന്നു.&nbsp;&nbsp;
സൈബർ തട്ടിപ്പുകാർ വിവരങ്ങൾ ‘ചൂണ്ടുന്നത്’ സമൂഹമാധ്യമ പ്രൊഫൈലുകളിൽനിന്നാണ്. എഐയും ഡീപ് ഫേക്ക് സാങ്കേതികവിദ്യയും ഉപയോ​ഗിച്ച് കോഴിക്കോട് സ്വദേശിയില്‍നിന്ന് പണം തട്ടിയ സംഘം വിവരങ്ങൾ കവർന്നത്‌ ഇത്തരത്തിലാണെന്ന് പൊലീസ് കണ്ടെത്തി. വ്യക്തിവിവരങ്ങൾ, ജോലി, സുഹൃത്തുകൾ, സാമൂഹിക ഇടപെടലുകൾ, ആഘോഷങ്ങൾ, കുടുംബാംഗങ്ങൾ എന്നിവയെക്കുറിച്ച് തട്ടിപ്പുകാർ വിവരങ്ങൾ ശേഖരിക്കുന്നത്‌ ‘ലോക്ക്’ ചെയ്യാത്ത പ്രൊഫൈലുകളിൽനിന്നാണ്. തട്ടിപ്പിനിരയാക്കാൻ ഉദ്ദേശിക്കുന്ന വ്യക്തിയുടെ ചിത്രങ്ങള്‍ ശേഖരിക്കും. റീൽസിൽനിന്നും മറ്റും യഥാർഥ ശബ്ദം (ഒറിജിനൽ ഓഡിയോ) അടർത്തിയെടുക്കും. അവ വിവിധ സോഫ്റ്റ് വെയറുകളുടെ സഹായത്തോടെ സംയോജിപ്പിച്ചാണ് ഡീപ് ഫേക്ക് സാങ്കേതികവിദ്യയിലൂടെ തട്ടിപ്പ് നടത്തുന്നത്.&nbsp;&nbsp;
സൈബർ കുറ്റകൃത്യങ്ങൾക്ക്‌ തടയിടാൻ പൊലീസ്‌ സൂക്ഷ്‌മ നടപടികളുമായുണ്ട്‌. തിരുവനന്തപുരം, കൊച്ചി, കോഴിക്കോട് എന്നീ സൈബർ ഡിവിഷനുകൾക്ക് കീഴിലാണ് കേസുകൾ കൈകാര്യംചെയ്യുന്നത്.

ഫേസ്‌ബുക്ക് പ്രൊഫൈൽ ലോക്ക്‌ അല്ലേ? ‘പണി’ കിട്ടിയേക്കുമെന്ന്‌ പൊലീസ്‌

ഒഞ്ചിയം : വെള്ളികുളങ്ങര ടൗണിൽ വ്യാഴാഴ്ച രാത്രി നാലുകടകളിൽ മോഷണം. മുസ്തഫയുടെ ചെരിപ്പുകട, ദിനേശന്‍റെ തുണിക്കട, ഉദയന്‍റെ മലഞ്ചരക്കുകട, ആഫ്താഷിന്‍റെ ഹായ് ക്ളിക്ക് എന്നിവിടങ്ങളിലാണ് മോഷണംനടന്നത്. ചോമ്പാല പോലീസ് സ്ഥലത്തെത്തി അന്വേഷണംനടത്തി. വെള്ളികുളങ്ങരയിലെ ഹൈമാസ്റ്റ് ലൈറ്റ് പുനഃസ്ഥാപിക്കണമെന്നും പോലീസ് രാത്രികാല പെട്രോളിങ്‌ ശക്തമാക്കണമെന്നും ടൗൺ വ്യാപാരിവ്യവസായി സമിതി യൂണിറ്റ് ആവശ്യപ്പെട്ടു.

വെള്ളികുളങ്ങരയിൽ കടകളിൽ മോഷണം

വടകര: പ്രിയതമൻ്റ വേർപാടിൽ മരവിച്ച മനസുമായി കഴിയുന്ന യുവതി പൊലീസ് ഉദ്യേഗസ്ഥന് അയച്ച വാട്സ് സന്ദേശം വൈറലായി. വടകര ദേശീയ പാതയിൽ വാഹനാപകടത്തിൽ മരണപെട്ട ഇരിങ്ങൽ കോട്ടക്കുന്നിലെ ബബിലേഷിൻ്റെ ഭാര്യയാണ് പൊലീസിൻ്റ അന്വേഷണ മികവിനെ പ്രശംസിച്ച് ഹൃദയസ്പർശിയായ വാട്സാപ്പ് സന്ദേശം അയച്ചത്. 2023 ഡിസംബർ 19 ന് വടകര ആശ ഹോസ്പിറ്റലിന് മുമ്പിൽ ദേശീയ പാതയിലാണ് അപകടം നടന്നത്. ചോമ്പാലിൽ നിന്ന് വടകര ഭാഗത്തേക്ക് പോവുകയായിരുന്ന ബൈക്കിൽ കാർ ഇടിക്കുകയും ബബിലേഷ് ലോറിക്കടിയിലേക്ക് തെറിച്ച് വീണ് മരിക്കുകയുമുണ്ടായി.
അപകടത്തിനിടയാക്കിയ കാർ നിർത്താതെ മാഹി ഭാഗത്തേക്ക് ഓടിച്ച് പോയി. പൊലീസിൻ്റ അന്വേഷണ മികവിൽ ആറ് മാസം പിന്നിടുമ്പോഴാണ് കാണാമറയത്തുള്ള മനുഷ്യത്വം മരവിച്ച പ്രതികളെ ശാസ്ത്രീയ അന്വേഷണ മികവിൽ വെളിച്ചത്ത് കൊണ്ട് വന്നത്. ദേശീയപാതയുടെ നിർമ്മാണ പ്രവൃത്തി നടക്കുന്നതിനാൽ കടകളുടെ മുൻഭാഗം പൊളിച്ച് നീക്കിയതിനാൽ വടകരയിൽ പലയിടത്തും സി.സി.ടി.വി കൾ പ്രവർത്തിച്ചിരുന്നില്ല. എന്നിരുന്നാലും സമീപ ടൗണുകളിലേതടക്കം 50 ലധികം ദൃശ്യങ്ങൾ വിശകലനം ചെയ്തും അപകടത്തിൽപെട്ട വാഹനത്തിൽ ഫോറൻസിക് പരിശോധന നടത്തിയുമാണ് മലപ്പുറം പെരിന്തൽമണ്ണ സ്വദേശി മൊയ്നുദ്ദീൻ്റ ഉടമസ്ഥതയിലുള്ളതാണ് കാറെന്നും ഓടിച്ചത് ചാലക്കുടി സ്വദേശി ദിനേശ് കൊല്ലപ്പള്ളിയാണെന്ന് തിരിച്ചറിഞ്ഞത്.&nbsp;
"നന്ദി എന്ന വാക്കിൽ ഒതുങ്ങില്ല എന്നാലും നന്ദി, എന്റെ മുത്തേട്ടന് നീതി നേടിക്കൊടുത്തതിന് ഒരിക്കലും മറക്കില്ല, സാറിനെ ഇനിയും എന്നെപ്പോലെയുള്ള പാവങ്ങൾക്ക് വേണ്ടി പ്രവർത്തിക്കാൻ സാറിന്റെ കൈകൾക്ക് കരുത്തുണ്ടാവട്ടെ " എന്നു തുടങ്ങുന്നതാണ് സന്ദേശം. സന്ദേശം ഇതിനകം സോഷ്യൽ മീഡിയ ഏറ്റെടുത്തു കഴിഞ്ഞു. കുറ്റവാളിയെ തേടി എസ്.ഐ.മഹേഷിന്റെ ഒറ്റയാൾ പോരാട്ടമായിരുന്നു ഉദ്യമം വിജയത്തിലെത്തിച്ചത്. സി.സി.ടി.വി ദൃശ്യങ്ങൾ കണ്ടെത്താൻ ഉല്ലാസ്, സൂരജ്, സജീവൻ എന്നിവരടങ്ങിയ പൊലീസ് ഉദ്യേഗസ്ഥരുടെ മികച്ച അന്വേഷണവും പ്രതിയെ തിരിച്ചറിയാൻ സഹായിച്ചു. ഓസ്ട്രേലിയയിലേക്ക് കടന്ന പ്രതിക്കെതിരെ കുറ്റപത്രം തയ്യാറായിട്ടുണ്ട്.

'ഹൃദയ വേദനയിൽ അവൾ എഴുതി ഒരായിരം നന്ദി'; വടകര പോലീസിനയച്ച വാട്സാപ്പ് സന്ദേശം വൈറൽ

കണ്ണൂർ: വിമാനത്താവളം വഴി കടത്താൻ ശ്രമിച്ച സ്വർണം പിടികൂടി. ദോഹയിൽനിന്നു മൂന്നുമണിയോടെ എത്തിയ യാത്രക്കാരനിൽ നിന്നാണ് എയർപോർട്ട് പൊലീസ് സ്വർണം പിടികൂടിയത്. 4 ക്യാപ്സ്യൂളുകളായി 1123 ഗ്രാം സ്വർണമാണു കടത്തിയത്. സംഭവത്തിൽ ബാലുശ്ശേരി ഉണ്ണിക്കുളം സ്വദേശി കാക്കത്തറമ്മൽ ടി.ടി.ജംഷീറിനെ അറസ്റ്റ് ചെയ്തു.
വിമാനത്താവളത്തിലെ പരിശോധനയ്ക്കുശേഷം പുറത്തിറങ്ങിയ ഇയാളെ സംശയം തോന്നി എയർപോർട്ട് പൊലീസും സ്‌ക്വാഡും ചേർന്ന് മട്ടന്നൂർ കൂത്തുപറമ്പ് റോഡിൽ പിടികൂടുകയായിരുന്നു. പരിശോധനയിൽ കാപ്സ്യൂൾ രൂപത്തിൽ ഒളിപ്പിച്ച സ്വർണം കണ്ടെടുത്തു. കണ്ണൂർ സിറ്റി കമ്മിഷണർ അജിത് കുമാറിന്റെ നേതൃത്വത്തിൽ ശക്തമായ നിരീക്ഷണ സംവിധാനത്തിലാണു പ്രതി കുടുങ്ങിയതെന്നു പൊലീസ് പറഞ്ഞു.

കണ്ണൂർ വിമാനത്താവളത്തിൽ ഒരു കിലോയിലേറെ സ്വർണവുമായി ബാലുശേരി സ്വദേശി പിടിയിൽ

വടകര : ദേശീയ പാതയിൽ കാറിടിച്ച് ലോറിക്കടിയിൽപ്പെട്ട് യുവാവ് മരിച്ച സംഭവത്തിന്റെ ചുരുളഴിഞ്ഞു. കാർ പോലീസ് കസ്റ്റഡിയിൽ. മലപ്പുറം പെരിന്തൽമണ്ണ സ്വദേശി മൊയ്നുദ്ദീൻ്റ ഉടമസ്ഥതയിലുള്ള കെ. എൽ. 53 എം 2869 നമ്പർ ഹോണ്ട സിയാസ് കാറാണ് അന്വേഷണ സംഘം കഴിഞ്ഞ ദിവസം കസ്റ്റഡിയിൽ എടുത്തത്. കാർ ഓടിച്ചത് ചാലക്കുടി സ്വദേശി ദിനേശ് കൊല്ലപ്പള്ളിയാണെന്ന് തിരിച്ചറിഞ്ഞിട്ടുണ്ട്. ഇയാളെ കണ്ടെത്താൻ കഴിഞ്ഞിട്ടില്ല. കാർ ഉടമ ബന്ധുവിന് നൽകിയതായിരുന്നു. ബന്ധു സുഹൃത്തായ ദിനേശിന് കാര് ഓടിക്കാൻ നൽകിയതാണെന്ന് ഉടമ പോലീസിന് മൊഴി നൽകിയിട്ടുണ്ട്. മൂരാട് ഇരിങ്ങൽ സ്വദേശി കോട്ടക്കുന്നുമ്മലിലെ ബബിലേഷാണ് അപകടത്തിൽ മരിച്ചത്.&nbsp;
2023 ഡിസംബർ 19 ന് വടകര ആശ ഹോസ്പിറ്റലിന് മുമ്പിൽ ദേശീയ പാതയിലാണ് അപകടം നടന്നത്. ചോമ്പാലിൽ നിന്ന് വടകര ഭാഗത്തേക്ക് പോവുകയായിരുന്ന ബൈക്കിൽ കാർ ഇടിക്കുകയും ബബിലേഷ് ലോറിക്കടിയിലേക്ക് തെറിച്ച് വീഴുകയും മരിക്കുകയുമായിരുന്നു. അപകടത്തിനിടയാക്കിയ കാർ നിർത്താതെ മാഹി ഭാഗത്തേക്ക് ഓടിച്ച് പോയി. ഹോണ്ട സിയാസ് കാർ ആണ് അപകടത്തിന് ഇടയാക്കിയതെന്ന് തട്ട് കടയിലെ തൊഴിലാളിയും ബസ് ഡ്രൈവറും പോലീസിൽ മൊഴി നൽകിയിരുന്നു.
എന്നാൽ കാറിൻ്റെ നമ്പർ ഇവർ ശ്രദ്ധിച്ചിരുന്നില്ല. ഈ മൊഴികൾ കേന്ദ്രീകരിച്ചാണ് അന്വേഷണം മുന്നോട്ട് പോയത്. കൊയിലാണ്ടി മുതൽ മാഹി വരെയുള്ള വ്യാപാര സ്ഥാപനങ്ങളിലെയും മറ്റും 50 ൽ അധികം സി. സി. ടി. വി. ദൃശ്യങ്ങൾ പോലീസ് പരിശോധനക്കായി എടുത്തു. ഈ ദൃശ്യങ്ങളിൽ ദേശീയ പാതയിൽ പല സ്ഥലങ്ങളിൽ കാറിൻ്റെ ദൃശ്യങ്ങൾ പോലീസിന് ലഭിച്ചു. കാറിൻ്റെ നമ്പറിൽ നിന്ന് പോലീസ് സംഘം കാറുടമ മൊയ്നുദ്ദീനെ ബന്ധപ്പെട്ടെങ്കിലും സുഹൃത്തിന് വിവാഹ ആവശ്യാർത്ഥം നൽകിയതെന്നാണ് മറുപടി ലഭിച്ചത്. തുടർന്ന് ഉടമയുടെ സുഹൃത്ത് പോലിസ് വിളിച്ച് വരുത്തി ചോദ്യം ചെയ്തെങ്കിലും അപകട കാര്യം നിഷേധിക്കുകയായിരുന്നു.&nbsp;
മാഹി വരെ സഞ്ചരിച്ചതായും കാർ അപകടത്തിൽ പെട്ടില്ലെന്നുമായിരുന്നു ഇവരുടെ മൊഴി. തുടർന്ന് ഇവർ സഞ്ചരിച്ച കാറിൽ സൈൻ്റിഫിക് വിദഗ്ദരെ കൊണ്ട് പോലീസ് പരിശോധന നടത്തിക്കുകയായിരുന്നു. അപകടത്തിൽ പെട്ട ബൈക്ക് നേരത്തെ തന്നെ സൈൻ്റിഫിക് വിദഗ്ദർ പരിശോധന നടത്തുകയും ബൈക്കിൽ ഇടിച്ച ഭാഗത്തുണ്ടായിരുന്ന പെയിൻ്റ് പരിശോധനക്കായി എടുക്കുകയും ചെയ്തിരുന്നു. ഈ പെയിൻ്റും, കാറിൻ്റെ പെയിൻ്റും കണ്ണൂരിലെ റീജണൽ ഫോറൻസിക് സയൻസ് ലാബിൽ പരിശോധനക്കായി അയച്ചു. ലാബിൽ നടത്തിയ പരിശോധനാ റിപ്പോർട്ടിൽ രണ്ടും ഒരേ പെയിൻ്റാണ് എന്ന് തെളിഞ്ഞു. തുടർന്ന് കാർ കസ്റ്റഡിയിൽ എടുക്കുകയായിരുന്നു. പ്രതിയായ ദിനേശ് കൊല്ലപ്പള്ളിക്കെതിരെ കുറ്റപത്രം നൽകാനുള്ള തയ്യാറെടുപ്പിലാണ് അന്വേഷണ സംഘം. സിനിമാ നിർമ്മാണ മേഖലയിൽ പ്രവർത്തിക്കുന്ന ഇയാൾ വിദേശത്തേക്ക് കടന്നതായാണ് പൊലീസ് നൽകുന്ന സൂചന.

വടകര പൊലീസിന്റെ അന്വേഷണ മികവ്; കാറിടിച്ച്  ലോറിക്കടിയിൽപെട്ട് ഇരിങ്ങൽ സ്വദേശി മരിച്ച സംഭവത്തിൻ്റ ചുരുളഴിഞ്ഞു

വ​ട​ക​ര: ഏ​റാ​മ​ല കു​ന്നു​മ്മ​ക്ക​ര നെ​ല്ലാ​ച്ചേ​രി​യി​ലെ ത​ണ്ടാ​ർ​ക​ണ്ടി​യി​ൽ ഹ​ബീ​ബി​ന്റെ ഭാ​ര്യ ഷ​ബ്ന​യെ മ​രി​ച്ച നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ പൊ​ലീ​സ് കു​റ്റ​പ​ത്രം സ​മ​ർ​പ്പി​ച്ചു. വ​ട​ക​ര ഡി​വൈ.​എ​സ്.​പി കെ. ​വി​നോ​ദ് കു​മാ​ർ വ​ട​ക​ര ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്‌​ട്രേ​റ്റ് കോ​ട​തി​യി​ലാ​ണ് 78 പേ​ജ് വ​രു​ന്ന കു​റ്റ​പ​ത്രം സ​മ​ർ​പ്പി​ച്ച​ത്. ഭ​ർ​തൃ​വീ​ട്ടു​കാ​രു​ടെ പീ​ഡ​ന​മാ​ണ് മ​ര​ണ​ത്തി​ലേ​ക്ക് ന​യി​ച്ച​തെ​ന്ന് കു​റ്റ​പ​ത്ര​ത്തി​ൽ പ​റ​യു​ന്നു. 2023 ഡി​സം​ബ​ർ നാ​ലി​നാ​ണ് ഷ​ബ്‌​ന​യെ നെ​ല്ലാ​ച്ചേ​രി​യി​ലെ ഭ​ർ​തൃ വീ​ട്ടി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. കേ​സി​ൽ ഭ​ർ​തൃ മാ​താ​വ് ഇ​ല്ല​ത്ത് താ​ഴ​കു​നി ന​ബീ​സ (60), ഭ​ർ​തൃ സ​ഹോ​ദ​രി ഓ​ർ​ക്കാ​ട്ടേ​രി ക​ല്ലേ​രി അ​ഫ്സ​ത്ത് (44), ഭ​ർ​ത്താ​വി​ന്റെ അ​മ്മാ​വ​ൻ നെ​ല്ലാ​ച്ചേ​രി താ​ഴെ പു​തി​യോ​ട്ടി​ൽ ഹ​നീ​ഫ (53), ഭ​ർ​തൃ പി​താ​വ് നെ​ല്ലാ​ച്ചേ​രി ഇ​ല്ല​ത്ത്താ​ഴെ മു​ഹ​മ്മ​ദ് (73) എ​ന്നി​വ​രെ ആ​ത്മ​ഹ​ത്യ പ്രേ​ര​ണ കു​റ്റം ചു​മ​ത്തി പൊ​ലീ​സ് അ​റ​സ്റ്റ് ചെ​യ്തി​രു​ന്നു. കേ​സി​ൽ 38 സാ​ക്ഷി​ക​ളു​ണ്ട്. സി.​സി.​ടി.​വി​യു​ടെ ഡി.​വി.​ഡി തെ​ളി​വാ​യി ക​സ്റ്റ​ഡി​യി​ലെ​ടു​ത്തി​ട്ടു​ണ്ട്.
ഷ​ബ്ന​ക്ക് 120 പ​വ​ൻ സ്വ​ർ​ണാ​ഭ​ര​ണം ന​ൽ​കി​യാ​ണ് വി​വാ​ഹം ന​ട​ത്തി​യ​തെ​ന്നും വി​വാ​ഹ​ശേ​ഷം ഭ​ർ​തൃ വീ​ട്ടി​ൽ മാ​ന​സി​ക​മാ​യും ശാ​രീ​രി​ക​മാ​യും പീ​ഡി​പ്പി​ച്ചു​വെ​ന്നും കു​റ്റ​പ​ത്ര​ത്തി​ൽ പ​റ​യു​ന്നു. നി​ര​ന്ത​രം ന​ട​ക്കു​ന്ന പീ​ഡ​നം ക​ണ്ടി​ല്ലെ​ന്ന് ന​ടി​ക്കു​ക​യാ​ണ് നാ​ലാം പ്ര​തി​യാ​യ ഭ​ർ​തൃ പി​താ​വ് മു​ഹ​മ്മ​ദ് ചെ​യ്ത​ത്. ഷ​ബ്‌​ന സ്വ​ന്തം വീ​ട്ടി​ൽ നി​ന്നു വീ​ട് മാ​റേ​ണ്ട ആ​വ​ശ്യ​ത്തി​ന് ത​ന്റെ സ്വ​ർ​ണാ​ഭ​ര​ണം തി​രി​കെ വാ​ങ്ങാ​ൻ വ​ന്ന ദി​വ​സ​മാ​ണ് ആ​ത്മ​ഹ​ത്യ ചെ​യ്ത​ത്. ഈ ​സ​മ​യം വീ​ട്ടു​കാ​രു​മാ​യു​ണ്ടാ​യ ത​ർ​ക്ക​ത്തി​നി​ട​യി​ൽ ഒ​ന്നാം പ്ര​തി ഹ​നീ​ഫ ഷ​ബ്‌​ന​യെ മ​ർ​ദി​ച്ചു. സം​ഭ​വം മൊ​ബൈ​ൽ ഫോ​ണി​ൽ പ​ക​ർ​ത്താ​ൻ ശ്ര​മി​ക്കു​ന്ന​തി​നി​ട​യി​ൽ ഷ​ബ്‌​ന​യു​ടെ മൊ​ബൈ​ൽ ഹ​നീ​ഫ അ​ടി​ച്ച് തെ​റി​പ്പി​ച്ചു. നി​ര​ന്ത​രം ഭ​ർ​തൃ വീ​ട്ടി​ൽ പീ​ഡ​നം ഉ​ണ്ടാ​യി​ട്ടും അ​പ​മാ​നം ഉ​ണ്ടാ​കു​മെ​ന്ന​ത് ക​രു​തി ഷ​ബ്‌​ന പ​ര​മാ​വ​ധി സ​ഹി​ക്കു​ക​യാ​യി​രു​ന്നു​വെ​ന്നും കു​റ്റ​പ​ത്ര​ത്തി​ൽ വ്യ​ക്ത​മാ​ക്കു​ന്നു. തു​ട​ക്ക​ത്തി​ൽ എ​ട​ച്ചേ​രി എ​സ്.​ഐ കി​ര​ൺ അ​ന്വേ​ഷി​ച്ച കേ​സ് പി​ന്നീ​ട് വ​ട​ക​ര ഡി​വൈ.​എ​സ്.​പി ഹ​രി​പ്ര​സാ​ദ് ഏ​റ്റെ​ടു​ത്തു. ഒ​ടു​വി​ൽ ഡി​വൈ.​എ​സ്.​പി സ​ജേ​ഷ് വാ​ഴ​വ​ള​പ്പി​ലാ​ണ് അ​ന്വേ​ഷ​ണം ന​ട​ത്തി​യ​ത്.

കു​ന്നു​മ്മ​ക്ക​രയിലെ ഷബ്നയുടെ മരണം; പൊ​ലീ​സ് കു​റ്റ​പ​ത്രം സ​മ​ർ​പ്പി​ച്ചു

കോട്ടയം: രണ്ടുദിവസമായി കാണാതായ കോട്ടയം വെസ്റ്റ് പോലീസ് സ്റ്റേഷനിലെ ഗ്രേഡ് എസ്.ഐ അയർക്കുന്നം നീറിക്കാട് കീഴാട്ട് കാലായിൽ കെ.രാജേഷ് (53) തിരിച്ചെത്തി. തിങ്കളാഴ്ച രാവിലെ പൊലീസ് സ്റ്റേഷനിലാണ് രാജേഷ് മടങ്ങിയെത്തിയത്. മാനസിക സമ്മർദം മൂലം മാറിനിന്നതാണെന്നാണ് മൊഴി.
വെള്ളിയാഴ്ച രാത്രി ഡ്യൂട്ടിക്കുശേഷം ശനിയാഴ്ച രാവിലെ വീട്ടിലേക്കെന്നുപറഞ്ഞ് സ്റ്റേഷനിൽനിന്ന് മടങ്ങിയതായിരുന്നു. രാത്രി വൈകിയും വീട്ടിൽ എത്താതിരുന്നതോടെ ഇദ്ദേഹത്തെ കാണാനിെല്ലന്നുകാട്ടി ബന്ധുക്കൾ പരാതി നൽകിയിരുന്നു.
ചികിത്സയിലുള്ള അമ്മയെ ആശുപത്രിയിൽ കൊണ്ടുപോകുന്നതിനും മറ്റും ഇടയ്ക്ക് അവധി ആവശ്യമായിരുന്നു. എന്നാൽ, തിരഞ്ഞെടുപ്പ് ജോലികളുമായി ബന്ധപ്പെട്ട് അവധി ലഭിച്ചില്ല. വോട്ടെണ്ണലിനുശേഷം വീണ്ടും അവധി ആവശ്യപ്പെട്ട് മേലധികാരിക്ക് അപേക്ഷ നൽകിയിരുന്നു. അധികൃതർ അവധി അനുവദിച്ചില്ല. ഇതേത്തുടർന്ന് ദിവസങ്ങളായി ഇദ്ദേഹം മാനസിക സംഘർഷത്തിലായിരുന്നുവെന്നാണ് ലഭിക്കുന്ന വിവരം.

കാണാതായ എസ്.ഐ തിരിച്ചെത്തി ;മാറിനിന്നത് മാനസിക സമ്മർദം മൂലമെന്ന് മൊഴി

കണ്ണൂർ: കണ്ണൂരിൽ പോലീസ് കസ്റ്റഡിയിൽ എടുത്ത ഓട്ടോ ഡ്രൈവർ കുഞ്ഞുവീണ് മരിച്ചു. ചിറക്കൽ സ്വദേശി സൂരജ് (47) ആണ് മരിച്ചത്. കഴിഞ്ഞ ദിവസം രാത്രിയിലാണ് സൂരജിനെ കണ്ണൂർ ടൗൺ പോലീസ് കസ്റ്റഡിയിലെടുത്തത്. സ്റ്റേഷനിൽ എത്തിച്ച ഉടൻ സൂരജ് കുഴഞ്ഞു വീഴുകയായിരുന്നുവെന്നാണ് വിവരം.

&nbsp;

പോലീസ് കസ്റ്റഡിയിലെടുത്ത ഓട്ടോ ഡ്രൈവർ മരിച്ചു

വടകര: മേഖലയിൽ പ്രത്യേകിച്ചും കോഴിക്കോട് ജില്ലയിൽ പൊതുവിലും വോട്ട് എണ്ണലിനെ തുടർന്ന് സംഘർഷാവസ്ഥക്ക് സാധ്യത ഉള്ളതിനാൽ മെയ്‌ 27ന് ഡി ഐ ജി നേതൃത്ത്വത്തിൽ വടകര റൂറൽ എസ് പി ഓഫീസിലും തുടർന്ന് മെയ്‌ 30ന് ജില്ലാ കലക്ടറുടെ നേതൃത്വത്തിൽ കോഴിക്കോട് കലക്ട്രേറ്റിലും സർവകക്ഷികളുടെ യോഗം ചേർന്ന് സമാധാനന്തരീക്ഷം സംരക്ഷിക്കുന്നതിന് വേണ്ടി എടുത്ത തീരുമാനങ്ങൾ സർക്കാറും, പോലീസും, സി പി എമ്മും പരസ്യമായി ലംഘിക്കുകയും കാറ്റിൽ പരത്തുകയും ചെയ്യുന്ന നടപടി ഉത്തരവാദിത്ത ലാംഘനവും പ്രതിഷേധാർഹവുമാണെന്ന് യു ഡി എഫ്. സംഘർഷത്തിന് സാഹചര്യം ഒരുക്കരുതെന്നും എന്തെങ്കിലും അക്രമ സംഭവമുണ്ടായാൽ മുഖം നോക്കാതെ നടപടി എടുക്കുമെന്നും കാഫിർ പ്രയോഗം നടത്തി വർഗീയ വിദ്വേഷം പരത്താൻ ശ്രമിച്ചവരെ ഉടൻ പിടികൂടുമെന്നൊക്കെയാണ് സർവകക്ഷി യോഗത്തിലെ പ്രധാന തീരുമാനങ്ങൾ.
എന്നാൽ വോട്ട് എണ്ണലിനെ തുടർന്ന് പാതിരപ്പറ്റയിൽ ആർ എം പി നേതാവിന്റെ വീടിനു നേരെയും മണിയൂരിൽ കോൺഗ്രസ്‌ നേതാവിന്റെ വീടിനു നേരെയും ബോംബ് എറിഞ്ഞ് സർവകക്ഷി യോഗ തീരുമാനം നഗ്നമായി ലംഘിക്കുകയുണ്ടായി. ബോംബ് എറിഞ്ഞ കേസിലെ പ്രതികളെ അറസ്റ്റ് ചെയ്യാൻ ഇതുവരെ പോലീസ് തയ്യാറായിട്ടില്ല. കാഫിർ പ്രയോഗം നടത്തിയവരെ ഒന്നരമാസമായിട്ടും കണ്ട് പിടിക്കാനോ അറസ്റ്റ് ചെയ്യാനൊ പോലീസ് തയ്യാറായിട്ടില്ല. സംഘർഷത്തെ പ്രോത്സാഹിപ്പിക്കാൻ സർക്കാറും പോലീസും സി പി എമ്മും നടത്തുന്ന നീക്കങ്ങളെ ഉൽകണ്ഠയോടെയാണ് സമാധാന കാംഷികളായ പൊതു ജനങ്ങൾ വീക്ഷിക്കുന്നതെന്നും കോഴിക്കോട് ജില്ലാ യു ഡി എഫ് ചെയർമാൻ കെ ബാലനാരായണൻ കൺവീനർ അഹമ്മദ് പുന്നക്കൽ എന്നിവർ പ്രസ്താവനയിൽ വ്യക്തമാക്കി.

വടകരയിൽ സർവകക്ഷി യോഗങ്ങളുടെ തീരുമാനങ്ങൾ ലംഘിക്കുന്നു; യു ഡി എഫ്

വടകര: ഒന്തംറോഡ് ഓവര്‍ ബ്രിഡ്ജിനടുത്ത് വയോധികനെ ട്രെയിന്‍ തട്ടി മരിച്ച നിലയില്‍ കണ്ടെത്തി. 70 വയസ് തോന്നിക്കുന്ന ആളെ തിരിച്ചറിഞ്ഞിട്ടില്ല. ഏകദേശം 170 സെന്റിമീറ്റര്‍ നീളമുണ്ട്. തടിച്ച ശരീരമാണ്. നരച്ച താടിയുണ്ട്. നീലയും കറുപ്പും വെള്ളയും കലര്‍ന്ന കള്ളിമുണ്ടും കറുപ്പും ചാരനിറവുമുള്ള കള്ളിഷര്‍ട്ടുമാണ് വേഷം. ആളെ പറ്റി എന്തെങ്കിലും വിവരം ലഭിക്കുന്നവര്‍ വടകര പോലീസ് സ്റ്റേഷനുമായി ബന്ധപ്പെടേണ്ടതാണ്. 04962524206, 9497987186, 9496975742.

വടകരയിൽ വയോധികന്‍ ട്രെയിന്‍ തട്ടി മരിച്ച നിലയില്‍; ആളെ തിരിച്ചറിഞ്ഞില്ല

തി​രു​വ​ള്ളൂ​ർ: കീ​ഴ​ൽ ചെ​ക്കോ​ട്ടി ബ​സാ​റി​ലെ പ​ടി​ഞ്ഞാ​റെ കു​ന്ന​ത്ത് അ​ബ്ദു​ല്ല​ക്കു​ട്ടി​യു​ടെ മ​ക​ൻ അ​ബ്ദുൽ ജ​മാ​ലി​നെ (50) കാ​ണാ​നി​ല്ലെ​ന്ന് പ​രാ​തി. ഈ ​മാ​സം ഏ​ഴി​ന് രാ​വി​ലെ 8.30ന് ​ഡോ​ക്ട​റെ കാ​ണാ​ൻ ആ​ശു​പ​ത്രി​യി​ൽ പോ​കു​ക​യാ​ണെ​ന്ന് പ​റ​ഞ്ഞു വീ​ട്ടി​ല്‍ നി​ന്നി​റ​ങ്ങി​യ​താ​യി​രു​ന്നു. വെ​ളു​ത്ത നി​റം, ഉ​യ​രം165 സെ.​മി, ന​ര​ച്ച മു​ടി. ക​ണ്ടു കി​ട്ടു​ന്ന​വ​ർ അ​ടു​ത്ത പൊ​ലീ​സ് സ്റ്റേ​ഷ​നി​ലോ 8075553007 ന​മ്പ​റി​ലോ വി​വ​രം ന​ൽ​ക​ണ​മെ​ന്ന് ബ​ന്ധു​ക്ക​ൾ അ​റി​യി​ച്ചു.

&nbsp;

കീ​ഴ​ൽ സ്വദേശിയെ കാ​ണാ​നി​ല്ലെ​ന്ന് പ​രാ​തി

ന്യൂമാഹി: പുന്നോൽ കുറിച്ചിയിലെ രണ്ട് കച്ചവട സ്ഥാപനങ്ങളിൽ മോഷണം. തിങ്കളാഴ്ച പുലർച്ചെ മൂന്നോടെയാണ് തലശ്ശേരി-മാഹി ദേശീയ പാതയോരത്തെ എ.വി.ചന്ദ്രദാസിൻ്റെ ഹോട്ടൽ കോരൻസിൽ മോഷണം നടന്നത്. കാഷ് കൗണ്ടറിലെ മേശവലിപ്പിൽ ഉണ്ടായിരുന്ന അഞ്ച് രൂപയുടെയും പത്ത് രൂപയുടെയും മറ്റും നാണയങ്ങളടക്കം 1000 രൂപയോളമാണ് കവർന്നത്. ഹോട്ടലിൻ്റെ മുൻവശത്തെ ഗ്ലാസ് ഫ്രെയിമിന് ഏറ്റവും മുകളിലെ ഒരടി വീതിയുള്ള ഗ്ലാസ് നീക്കിയാണ് മോഷ്ടാവ് ഹോട്ടലിനകത്ത് കടന്നത്.&nbsp;
ഹോട്ടലിലെ മോഷണത്തിന് ശേഷം സമീപത്തെ എൻ.വി.ദിനേശ് ബാബുവിൻ്റെ സ്റ്റേഷനറിക്കടയിലാണ് മോഷ്ടാവെത്തിയത്. കടയുടെ വലത് വശത്തെ ചെറിയ ഷട്ടറിൻ്റെ പൂട്ട് പൊളിച്ച ശേഷം അലമാരയുടെ ഗ്ലാസ് തകർത്താണ് മോഷ്ടാവ് കടയിൽ കയറിയത്. പത്തു രൂപയുടെയും മറ്റും നാണയങ്ങളും ചില്ലറകളുമായി ആയിരത്തിലേറെ രൂപയാണ് കവർന്നത്. കടയുടെ ഷട്ടർ തുറന്ന് വെച്ച നിലയിലായിരുന്നു. വില പിടിപ്പുള്ള സിഗററ്റുകളോ മറ്റു സാധനങ്ങളോ നഷ്ട്ടമായിട്ടില്ല. ന്യൂമാഹി പോലീസ് സ്ഥലങ്ങൾ പരിശോധിച്ചു. ഹോട്ടലിലെ സി.സി.ടി.വി. ദൃശ്യങ്ങൾ പോലീസ് പരിശോധിച്ചിട്ടുണ്ട്. പൂട്ട് പൊട്ടിക്കാനുപയോഗിച്ച കമ്പിപ്പാര പോലൊരു ഉപകരണം പോലീസ് കണ്ടെടുത്തു

പുന്നോലിൽ ഹോട്ടലിലും കടയിലും മോഷണം

തൃശൂര്‍: പൊലീസ് അക്കാദമിയില്‍ എസ്ഐയെ മരിച്ച നിലയില്‍ കണ്ടെത്തി. പൊലീസ് അക്കാദമിയിലെ ട്രെയിനറായ എസ്‌ഐ ജിമ്മി ജോര്‍ജ് (35) ആണ് മരിച്ചത്.
അക്കാദമിയിലെ പഴയ ആശുപത്രി ബ്ലോക്കില്‍ ആണ് ജിമ്മിയെ മരിച്ച നിലയില്‍ കണ്ടെത്തിയത്. ആത്മഹത്യ ആണെന്നാണ് സംശയം. കേരള പൊലീസ് ഫുട്‌ബോള്‍ ടീമിലെ താരം കൂടിയാണ്.

പൊലീസ് അക്കാദമിയില്‍ എസ്ഐ മരിച്ച നിലയില്‍

വടകര: ഹവിൽദാറിൽ നിന്നും എസ്.ഐ. വേഷത്തിൽ, ഒടുവിൽ ഹവിൽദാറിലേക്ക് മടക്കം. എടച്ചേരി എസ്.ഐ.വി. കെ കിരൺ ആണ് യുവാക്കളുടെ അഭിമാന ജോലിയായ എസ്.ഐ. കുപ്പായം അഴിച്ച് വെച്ച് പഴയ ഹവിൽദാർ കുപ്പായമണിഞ്ഞത്. 2009ലാണ് കിരൺ തിരുവനന്തപുരം എസ്.എ.പി യിൽ ഹവിൽദാറായി ജോലിയിൽ കയറിയത് പിന്നീട് എസ്.ഐ. പരീക്ഷ പാസായി സബ് ഇൻസ്പെക്ടറായി ജോലിയിൽ പ്രവേശിച്ചു. പരിശീലനം പൂർത്തിയാക്കി വിവിധ പൊലീസ് സ്റ്റേഷനുകളിൽ സേവനമനുഷ്ടിച്ച കിരൺ എടച്ചേരി പൊലീസ് സ്റ്റേഷനിൽ സേവനമനുഷ്ടിക്കുന്നതിനിടെയാണ് എസ്.ഐ. കുപ്പായം അഴിച്ച് വെച്ച് പഴയ ഹവിൽദാറിലേക്ക് മടങ്ങുന്നത്. ഇത് സംബന്ധിച്ച് കോഴിക്കോട് ജില്ല പൊലീസ് മേധാവി 308/2024/ DR നമ്പർ ഉത്തരവിറക്കി. 2013 ൽ പരിഷ്ക്കരിച്ച കേരള സർവ്വീസ് റൂളിലെ പ്രത്യേക ചട്ടം അനുസരിച്ചാണ് നടപടി.&nbsp;
നേരത്തെ ഒരു തവണ അപേക്ഷ നൽകിയിരുന്നെങ്കിലും നിരസിച്ചതിനെ തുടർന്ന് വീണ്ടും അപേക്ഷ നൽകുകയായിരുന്നു. വിവിധ പൊലീസ് സ്റ്റേഷനുകളിൽ പേരെടുത്ത ഉദ്യേഗസ്ഥൻ്റ മടക്കം ഏറെ ചർച്ചയായിട്ടുണ്ട്. ഉന്നത ഉദ്യോഗസ്ഥരുടെയും രാഷ്ട്രീയ നേതൃത്വത്തിൻറയും സമ്മർദ്ദമാണ് തിരിച്ച് പോക്കിൽ കലാശിച്ചതെന്നാണ് സംസാരം. സബ് ഇൻസ്പെക്ടറുടെ തിരിച്ച് പോക്ക് സേനയിലും ചർച്ചയായിട്ടുണ്ട്. സ്റ്റേഷൻ ചുമതല സി. ഐ യിലേക്ക് മാറിയതോടെ സബ് ഇൻസ്പെക്ടർമാർ പലവിധത്തിലുള്ള സമ്മർദ്ദങ്ങൾക്കും കീഴ്പെടേണ്ടി വരുന്നതായി നേരത്തെ ആക്ഷേപമുണ്ടായിരുന്നു. ആത്മാഭിമാനമുള്ളവർക്ക് ജോലി ചെയ്യാൻ കഴിയാത്ത തസ്തികയായി സബ്ഇൻസ്പെക്ടർ പദവി മാറിയതായാണ് സർവ്വീസിലുള്ളവർ പറയുന്നത്. ഇത് സംബന്ധിച്ച് പ്രതികരിക്കുന്നില്ലെന്നും തികച്ചും വ്യക്തിപരമാണ് മടക്കമെന്നാണ് കിരണിന്റെ പ്രതികരണം.

എസ് ഐ ജോലി മടുത്തു; എടച്ചേരി സബ് ഇൻസ്പെക്ടർ കിരൺ ഇനി ഹവിൽദാർ

കൊയിലാണ്ടി: പയ്യോളി എസ്.ഐ സഞ്ചരിച്ച ജീപ്പ് ദേശീയപാതയിലെ ഡിവൈഡറിൽ ഇടിച്ച് മറിഞ്ഞു. രാവിലെ പതിനൊന്നരയ്ക്ക് അയനിക്കാട്ടായിരുന്നു അപകടം . വാഹനത്തിലുണ്ടായിരുന്ന പയ്യോളി എസ്.ഐ അൻവർഷ ഷാ, സീനിയർ സിവിൽ പൊലീസ് ഓഫീസർ സുരേഷ് എന്നിവർ നിസാര പരിക്കുകളുടെ രക്ഷപ്പെട്ടു.&nbsp;
പൊലീസ് ജീപ്പ് ബ്രേക്ക് ചവിട്ടിയതിനെ തുടർന്ന് തെന്നി നിയന്ത്രണം വിട്ട് റോഡിന്റെ നടുവിലെ ഡിവൈഡറില്‍ ഇടിച്ചു മറിയുകയായിരുന്നു. പയ്യോളി സ്റ്റേഷനിൽനിന്ന് വടകര ഡി.സി.ആർ.ബിയിലേക്ക് പോവുകയായിരുന്ന കെ.എല്‍ 1 സി.എച്ച് 81 54 ജീപ്പ് ആണ് അപകടത്തിൽപ്പെട്ടത്.

പയ്യോളി എസ്.ഐ സഞ്ചരിച്ച ജീപ്പ് മറിഞ്ഞു

കോഴിക്കോട് : ലോക്‌സഭാ തിരഞ്ഞെടുപ്പ് ഫലപ്രഖ്യാപനത്തെത്തുടർന്ന് അനിഷ്ടസംഭവങ്ങൾ ഒഴിവാക്കാൻ വിജയാഹ്ലാദപ്രകടനങ്ങളുടെ വിവരങ്ങൾ മുൻകൂട്ടി പോലീസിൽ അറിയിക്കാൻ കളക്ടർ വിളിച്ചുചേർത്ത രാഷ്ട്രീയപ്പാർട്ടി പ്രതിനിധികളുടെ യോഗം തീരുമാനിച്ചു. യോഗത്തിൽ കളക്ടർ സ്നേഹിൽകുമാർ സിങ്‌, എ.ഡി.എം. കെ. അജീഷ്, കോഴിക്കോട് സിറ്റി പോലീസ് കമ്മിഷണർ രാജ്പാൽ മീണ, അസിസ്റ്റന്റ് കളക്ടർ ആയുഷ് ഗോയൽ, തിരഞ്ഞെടുപ്പ് ഡെപ്യൂട്ടി കളക്ടർ ഡോ. ശീതൾ ജി മോഹൻ എന്നിവർ പങ്കെടുത്തു.

ആഹ്ലാദപ്രകടനങ്ങളുടെ വിവരം പോലീസിനെ അറിയിക്കാൻ തീരുമാനം

വടകര: ലോക്‌സഭാ തിരഞ്ഞെടുപ്പിന്റെ വോട്ടെണ്ണലിനോടനുബന്ധിച്ച് വടകരയില്‍ പോലീസ് വിളിച്ച സര്‍വ്വകക്ഷി യോഗം സമാപിച്ചു. മണ്ഡലത്തില്‍ വിജയിക്കുന്ന മുന്നണിക്ക് വോട്ടെണ്ണല്‍ദിവസം വൈകീട്ട് ഏഴുമണി വരെ മാത്രമേ വിജയാഹ്ലാദ പ്രകടനം നടത്താന്‍ അനുമതിയുള്ളൂ. ദേശീയ തലത്തില്‍ വിജയിക്കുന്ന മുന്നണിയുടെ പ്രവര്‍ത്തകര്‍ക്ക് തൊട്ടടുത്ത ദിവസം വൈകീട്ട് ഏഴു മണി വരെ ആഹ്ലാദ പ്രകടനം നടത്താമെന്നും തീരുമാനമായി.
വോട്ടെണ്ണല്‍ ദിനത്തലെ ആഹ്ലാദ പ്രകടനത്തിന് ശേഷം ഫ്‌ലക്‌സ് ഉള്‍പ്പടെ അഴിച്ച് മാറ്റും. വാഹന ജാഥകള്‍ അഹ്ലാദ പ്രകടനത്തിന്റെ ഭാഗമായി ഉണ്ടാവില്ലെന്നും നേതാക്കള്‍ അറിയിച്ചു. യുഡിഎഫ് ചെയര്‍മാന്‍ കെ. ബാലനാരായണന്‍, സിപിഎം ജില്ലാ സെക്രട്ടറി പി. മോഹനന്‍, മുസ്ലിം ലീഗ് നേതാവ് അഹമ്മദ് പുന്നക്കല്‍, ആര്‍എംപി നേതാവ് വേണു എന്നിവര്‍ സര്‍വ്വകക്ഷി യോഗത്തില്‍ പങ്കെടുത്തു.
ഉത്തരമേഖല ഐജിയാണ് യോഗം വിളിച്ചത്. തിരഞ്ഞെടുപ്പ് പ്രചാരണത്തിന്റെ ഭാഗമായി 'കാഫിര്‍ പ്രയോഗം' വന്നതിന്റെ ഉറവിടം കണ്ടെത്തണമെന്ന് ഉത്തര മേഖല ഐജിയോട് ആവശ്യപ്പെട്ടുവെന്ന് യുഡിഎഫ് ചെയര്‍മാന്‍ കെ. ബാലനാരായണന്‍ പറഞ്ഞു. ഇത് പ്രചരിപ്പിച്ച ആളെക്കുറിച്ച് സൂചന കിട്ടി എന്നാണ് ഐജി അറിയിച്ചതെന്നും അദ്ദേഹം വ്യക്തമാക്കി.
വടകരയില്‍ തിരഞ്ഞെടുപ്പ് ഘട്ടത്തില്‍ ഏകപക്ഷീയമായ വര്‍ഗീയ ധ്രുവീകരണ പ്രചാരണമാണ് ഉണ്ടായതെന്ന് സിപിഎം ജില്ലാ സെക്രട്ടറി പി. മോഹനന്‍ പറഞ്ഞു. ഒരുപാട് പരാതികളില്‍ ഒന്ന് മാത്രമാണ് കാഫിര്‍ പ്രചാരണമെന്നും മോഹനന്‍ ആരോപിച്ചു. വര്‍ഗീയ ധ്രുവീകരണ പരാതികളില്‍ കര്‍ശന നിലപാട് ഉണ്ടാകേണ്ടതുണ്ടെന്നും നാടിനോടുള്ള ഉത്തരവാദിത്വം സിപിഎം നിറവേറ്റുമെന്നും അദ്ദേഹം കൂട്ടിച്ചേര്‍ത്തു.

വിജയാഹ്ലാദ പ്രകടനം ഏഴുമണി വരെ മാത്രം; വാഹന ജാഥകള്‍ ഉണ്ടാവില്ല, വടകരയിൽ സര്‍വ്വകക്ഷി യോഗം ചേർന്നു

നാദാപുരം: വിൽപ്പനക്കായി സ്കൂട്ടറിൽ കൊണ്ട് പോവുകയായിരുന്ന കഞ്ചാവുമായി യുവാവ് അറസ്റ്റിൽ. പൊൻമേരി പറമ്പിൽ സ്വദേശി അക്കായി താഴെകുനിയിൽ എ. കെ. അമൽ (26) നെയാണ് നാദാപുരം എസ് ഐ എം നൗഷാദ് അറസ്റ്റ് ചെയ്തത്. പ്രതിയിൽ നിന്ന് പ്ലാസ്റ്റിക് കവറിലാക്കി സൂക്ഷിച്ച 45 ഗ്രാം കഞ്ചാവ് പോലീസ് പിടികൂടി.&nbsp;
രഹസ്യ വിവരത്തിന്റെ അടിസ്ഥാനത്തിൽ കുനിങ്ങാട്- തണ്ണീർ പന്തൽ റോഡിൽ ഹയാത്തുൽ ഇസ്ലാം മദ്രസ ബസ്സ് സ്റ്റോപ്പിന് സമീപം വെച്ച് വാഹന പരിശോധനക്കിടെയാണ് പ്രതി പിടിയിലായത്. പ്രതി സഞ്ചരിച്ച കെ എൽ 18 എ ബി 8391 സ്കൂട്ടറും പോലീസ് കസ്റ്റഡിയിൽ എടുത്തു. നാദാപുരം ഡി വൈ എസ് പി.പി എൽ ഷൈജുവിൻ്റെ സ്ക്വാഡ്അംഗങ്ങളായ എ എസ് ഐ മാരായ രാമത്ത് മനോജ്, സദാനന്ദൻ വളളിൽ , സി പി ഒ കെ. ലതീഷ് എന്നിവരും പരിശോധനക്ക് നേതൃത്വം നൽകി.

സ്കൂട്ടറിൽ കഞ്ചാവുമായി പൊന്മേരി സ്വദേശി അറസ്റ്റിൽ

അടൂർ: 11കാരികളായ രണ്ട് പെൺകുട്ടികളെ ലൈംഗികാതിക്രമത്തിനിരയാക്കിയ കേസുകളിൽ റിട്ട. റെയിൽവേ പൊലീസുദ്യോഗസ്ഥന് 75 വർഷം കഠിനതടവ്. തടവിനൊപ്പം 4,50,000 രൂപ പിഴയും. കൊടുമൺ ഐക്കാട് തെങ്ങിനാൽ കാർത്തികയിൽ സുരേന്ദ്രനെ (69) ആണ് അടൂർ അതിവേഗ സ്പെഷ്യൽ കോടതി ജഡ്ജി ഷിബു ഡാനിയേൽ ശിക്ഷിച്ചത്.
തന്‍റെ അയ്ക്കാട്ടുള്ള വീട്ടിൽവെച്ചാണ് പെൺകുട്ടികളെ ഇയാൾ ലൈംഗിക അതിക്രമങ്ങൾക്ക് ഇരയാക്കിയത്. വീട്ടുമുറ്റത്തു കളിക്കാൻ എത്തിയ പെൺകുട്ടികളെയാണ് ലൈംഗികാതിക്രമത്തിനിരയാക്കിയത്.
അന്നത്തെ കൊടുമൺ എസ്.എച്ച്.ഒ മഹേഷ്‌ കുമാർ രജിസ്റ്റർ ചെയ്ത രണ്ട് വ്യത്യസ്ത കേസുകളിൽ അന്വേഷണം നടത്തി കുറ്റപത്രം സമർപ്പിക്കുകയായിരുന്നു.

പെൺകുട്ടികൾക്ക് ലൈംഗികാതിക്രമം; റിട്ട. റെയിൽവേ പൊലീസുദ്യോഗസ്ഥന് 75 വർഷം കഠിനതടവ്

നാദാപുരം: തിരക്കുള്ള റോഡിലൂടെ വിദ്യാർത്ഥികളുടെ അപകടകരമായ കാർ യാത്രയും ഡ്രൈവിംങ്ങും. കല്ലാച്ചി-വളയം റോഡിലാണ് പിന്നിലെ ഡോറിലിരുന്നും പാട്ട് പാടിയും അമിത വേഗതയിൽ അപകടത്തിനിടയാക്കും വിധം കാർ ഓടിച്ചത്. വിദ്യാർത്ഥികളുടെ യാത്രയുടെ ദൃശ്യങ്ങൾ കാറിൻ്റ പിന്നിൽ യാത്ര ചെയ്തവർ മൊബൈൽ ഫോണിൽ പകർത്തി സമൂഹമാധ്യമങ്ങളിൽ പോസ്റ്റ് ചെയ്തത് വൈറലായിട്ടുണ്ട്.
കനത്ത മഴക്ക് പിന്നാലെ ചെറിയ ചാറ്റൽ മഴ പെയ്യുമ്പോഴാണ് റോഡിൽ ഇത്തരത്തിൽ അപകട യാത്ര നടത്തിയത്. ഈ സമയത്ത് നിരവധി വാഹനങ്ങൾ റോഡിലൂടെ പോകുന്നുണ്ടായിരുന്നു. കാറിൻ്റ ഡോറിൽ ഇരുവശത്തുമിരുന്നുള്ള യാത്രയിൽ ഭാഗ്യം കൊണ്ടാണ് അപകടം ഒഴിവായത്. വിദ്യാർത്ഥികൾ ആയഞ്ചേരി സ്വദേശികളാണെന്നാണ് വിവരം. സംഭവത്തിൽ പോലീസും മോട്ടോർ വാഹന വകുപ്പും നടപടി ആരംഭിച്ചിട്ടുണ്ട്. വാഹന ഉടമയെ പോലീസ് കണ്ടെത്തിയെന്നാണ് വിവരം. വടകര രജിസ്ട്രേഷനിലുള്ള കാറിലാണ് വിദ്യാർത്ഥികൾ അഭ്യാസപ്രകടനങ്ങൾ നടത്തിയത്.

<iframe width="auto" height="auto" src="https://www.youtube.com/embed/SfazgpW4Vig?si=4fifZH74MvRw4gBv" title=" frameBorder="0"></iframe>

കല്ലാച്ചിയിൽ കാറിന്റെ ഡോറിലിരുന്ന് അമിതവേഗതയിൽ അപകട യാത്ര; നടപടി തുടങ്ങി

കാസര്‍ഗോഡ്: ഹോസ്ദുര്‍ഗ് പൊലീസ് സ്റ്റേഷന്‍ പരിധിയില്‍ പത്ത് വയസ്സുകാരിയെ തട്ടികൊണ്ടുപോയി പീഡിപ്പിച്ച കേസിലെ പ്രതിയുടെ ചിത്രം പൊലീസ് പുറത്തുവിട്ടു. കുടക് മടിച്ചേരി സ്വദേശിയായ പി എ സലീമിന്റെ ചിത്രമാണ് പൊലീസ് പുറത്തുവിട്ടത്. കര്‍ണ്ണാടക-കേരള അതിര്‍ത്തി പ്രദേശങ്ങളില്‍ പൊലീസിന്റെ ശക്തമായ തിരച്ചില്‍ തുടരുകയാണ്.
പെണ്‍കുട്ടിയുടെ വീടിനടുത്ത് വര്‍ഷങ്ങളായി താമസിക്കുന്ന ഇയാള്‍ സ്ഥിരം കുറ്റവാളിയാണെന്ന് പൊലീസ് പറയുന്നു. സംഭവം നടന്ന് കഴിഞ്ഞ പതിനഞ്ചാം തീയതി മുതല്‍ ഇയാള്‍ ഒളിവിലായിരുന്നു.
രണ്ട് വര്‍ഷം മുന്‍പ് മേല്‍പ്പറമ്പ് സ്റ്റേഷനില്‍ രജിസ്റ്റര്‍ ചെയ്ത മറ്റൊരു പോക്‌സോ കേസിലും ഇയാള്‍ പ്രതിയാണ്. കുടകിലും ഇയാളുടെ പേരില്‍ കേസുകള്‍ ഉണ്ട്. സംഭവം നടന്ന് അഞ്ചാം ദിവസം പിന്നിടുമ്പോഴാണ് പ്രതിയിലേക്ക് പൊലീസിന് എത്താന്‍ കഴിഞ്ഞത്. ഇയാള്‍ക്കെതിരെ ബന്ധു നല്‍കിയ വിവരങ്ങളും കേസന്വേഷണത്തില്‍ നിര്‍ണായകമായി.

പത്ത് വയസ്സുകാരിയെ തട്ടികൊണ്ടുപോയി പീഡിപ്പിച്ച കേസ്; പ്രതിയുടെ ചിത്രം പുറത്തുവിട്ടു

നാദാപുരം: പട്ടാപ്പകൽ വീട്ടമ്മയുടെ സ്വർണമാല കവർന്ന പ്രതി അറസ്റ്റിൽ. പുറമേരി സ്വദേശിയും അയൽവാസിയുമായ നെടുമ്പറക്കണ്ടിയിൽ പ്രജീഷ് (36)നെയാണ് നാദാപുരം ഡി വൈ എസ് പി .പി എൽ ഷൈജുവിൻ്റ നേതൃത്വത്തിലുള്ള സ്ക്വാർഡ് പിടികൂടിയത്. കഴിഞ്ഞ വ്യാഴാഴ്ച്ചയാണ് പുറമേരി മഠത്തിക്കുന്നുമ്മൽ നാരായണിയുടെ രണ്ടേകാൽ പവൻ സ്വർണമാല കവർന്നത്.&nbsp;
വ്യാഴാഴ്ച വൈകിട്ട് നാല് മണിയോടെ വീടിന്റെ അടുക്കള ഭാഗത്ത് നിന്ന് വസ്ത്രം അലക്കുന്നതിനിടെ പിന്നിൽ വന്ന് ചാക്ക് ഉപയോഗിച്ച് മുഖം പൊത്തിപ്പിടിച്ചാണ് കഴുത്തിൽനിന്ന് മാല തട്ടിപ്പറിച്ചത്. കവർച്ച നടത്തിയ സ്വർണാഭരണം നാദാപുരത്തെ ജ്വല്ലറിയിൽ വിൽപ്പന നടത്തിയതായി പ്രതി പൊലീസിന് മൊഴി നൽകി.

പുറമേരിയിൽ പട്ടാപ്പകൽ വീട്ടമ്മയുടെ സ്വർണമാല കവർന്ന അയൽവാസി അറസ്റ്റിൽ

ബെംഗളൂരു: യുവതിയെ മടിയിലിരുത്തി ഇരുചക്രവാഹനം ഓടിച്ച യുവാവ് അറസ്റ്റിൽ. വെള്ളിയാഴ്ച ബെം​ഗളൂരു ഇൻ്റർനാഷണൽ എയർപോർട്ട് റോഡിലായിരുന്നു സംഭവം. ബെം​ഗളൂരു സിറ്റി പോലീസാണ് യുവാവിനെതിരേ നടപടിയെടുത്തത്. യുവതിയെ മടിയിലിരുത്തി യുവാവ് ഇരുചക്രവാഹനം ഓടിക്കുന്നതിന്റെ ദൃശ്യങ്ങൾ സാമൂഹ്യമാധ്യമങ്ങളിൽ പ്രചരിച്ചിരുന്നു. യുവാവിന്റെ തോളിൽ കൈ വെച്ചായിരുന്നു യുവതി ഇരുന്നിരുന്നത്. ഇരുവരും ഹെൽമറ്റും ധരിച്ചിരുന്നില്ല. ഇതിന് പിന്നാലെയാണ് ബെം​ഗളൂരു സിറ്റി പോലീസ് യുവാവിനെതിരേ നടപടിയെടുത്തത്.
സംഭവത്തിന്റെ വീഡിയോ ദൃശ്യങ്ങൾ ബെം​ഗളൂരു ട്രാഫിക് പോലീസും പങ്കുവച്ചിട്ടുണ്ട്. അഭ്യാസത്തിനുള്ള വേദിയല്ല റോഡുകൾ എന്ന് ചൂണ്ടിക്കാട്ടിയാണ് പോലീസ് വീഡിയോ പങ്കുവച്ചിരിക്കുന്നത്. ഉത്തരവാദിത്വത്തോടെ വാഹനമോടിക്കണമെന്നും അധികൃതർ ഓർമിപ്പിച്ചു.
പോലീസും പങ്കുവെച്ചതോടെ വീഡിയോ സാമൂഹ്യമാധ്യമങ്ങളിൽ വൈറലായി. ഇതോടെ, നിരവധി പേർ അഭിപ്രായപ്രകടനവുമായി രം​ഗത്തെത്തി. വാഹനമോടിച്ച യുവാവിനെതിരേ മാത്രം എന്തുകൊണ്ട് നടപടിയെടുത്തുവെന്ന് ചിലർ ചോദിച്ചു. ഇരുവരും ശിക്ഷിക്കപ്പെടണമെന്നും നിരുത്തരവാദപരമായാണ് ഇരുവരും പെരുമാറിയതെന്നും പലരും ചൂണ്ടിക്കാണിക്കുന്നു.

യുവതിയെ മടിയിലിരുത്തി ബൈക്കിൽ അഭ്യാസം; യുവാവ് അറസ്റ്റിൽ

വടകര: ട്രെയിനിൽ യാത്ര ചെയ്യവെ ഡോക്‌ടറെ മർദിച്ച കേസിൽ എഎസ്ഐയ്ക്ക് 5000 രൂപ പിഴയും കോടതി പിരിയും വരെ തടവും. തന്നെ ഡോക്ടർ മർദിച്ചെന്നാരോപിച്ച് എഎസ്ഐ നൽകിയ പരാതിയിൽ ഡോക്‌ടറെ വിട്ടയച്ചും കോടതി വിധി. മലബാർ എക്സ്‌പ്രസിൽ 2018ൽ നടന്ന സംഭവത്തിലാണ് കോഴിക്കോട് ജുഡീഷ്യൽ ഒന്നാം ക്ലാസ് മജിസ്ട്രേട്ട് എസ്.വി.മനേഷ് ഈ ശിക്ഷകൾ വിധിച്ചത്.
അന്ന് വടകര എഎസ്ഐ ആയിരുന്ന ടി. രാമകൃഷ്ണ‌നാണ് പിഴയും ഒരു ദിവസം കോടതിയിൽ തടവും അനുഭവിക്കേണ്ടത്. കാഞ്ഞങ്ങാട്ടെ ശിശു രോഗ വിദഗ്‌ധൻ ഡോ.ടി.വി.പത്മനാഭനെയാണ് കോടതി വിട്ടയച്ചത്. സംഭവം നടന്ന ദിവസം ബർത്തിൽ ഉറങ്ങുകയായിരുന്ന ഡോക്‌ടർ, രാമകൃഷ്‌ണനും കൂടെയുള്ളവരും ഉച്ചത്തിൽ സംസാരിക്കുന്നത് കേട്ട് പതുക്കെ പറയണമെന്ന് ആവശ്യപ്പെട്ടിരുന്നു.
എന്നാൽ വീണ്ടും ശബ്ദം ഉയരുകയും ഇവർ തമ്മിൽ വാക്കു തർക്കമാവുകയും ചെയ്‌തു അടിപിടിയിൽ എത്തിയപ്പോൾ പത്മനാഭൻ മുക്കിന് ഇടിയേറ്റ് ചോര വരികയും പല്ല് ഇളകുകയും ചെയ്‌തു. വടകര സ്‌റ്റേഷനിൽ എത്തിയപ്പോൾ രാമകൃഷ്‌ണൻ ഇറങ്ങിപ്പോയി. ട്രെയിൻ നീങ്ങിയപ്പോൾ ചങ്ങല വലിച്ച് വണ്ടി നിർത്തിച്ച പത്മനാഭൻ വടകര പൊലീസിനെ സമീപിച്ചു.
പത്മനാഭൻ മർദിച്ചെന്ന പരാതി രാമകൃഷ്‌ണൻ ആദ്യം നൽകിയിരുന്നു. അതിനു ശേഷമാണ് പത്മനാഭന്റെ പരാതിയിൽ കേസ് രജിസ്‌റ്റർ ചെയ്‌തത്. പിഴ സംഖ്യ പത്മനാഭന് നൽകണമെന്നാണ് കോടതി ഉത്തരവ്. പത്മനാഭന് വേണ്ടി അഡ്വ. ജിതിൻ കൃഷ്‌ണ ഹാജരായി.

ട്രെയിൻ യാത്രയ്ക്കിടെ ഡോക്ടർക്ക് മർദ്ദനം; വടകരയിലെ മുൻ എഎസ്ഐയ്ക്ക് പിഴയും കോടതി പിരിയും വരെ തടവും

നാ​ദാ​പു​രം: പ​ന്ത്ര​ണ്ടു​കാ​രി​യെ പ്ര​ണ​യം ന​ടി​ച്ച് വീ​ട്ടി​ന​ക​ത്തു​ക​യ​റി ബ​ലാ​ത്സം​ഗം ചെ​യ്ത പ്ര​തി​ക്ക് 58 വ​ർ​ഷം ക​ഠി​ന​ത​ട​വും ഒ​രു ല​ക്ഷം രൂ​പ പി​ഴ​യും. ക​ന്യാ​കു​മാ​രി മാ​ർ​ത്താ​ണ്ഡം സ്വ​ദേ​ശി വ​ള​വി​ലാ​യി ര​ജീ​ഷി​നെ​യാ​ണ് (25) നാ​ദാ​പു​രം ഫാ​സ്റ്റ് ട്രാ​ക്ക് കോ​ട​തി ജ​ഡ്ജി എം. ​ശു​ഹൈ​ബ് ശി​ക്ഷി​ച്ച​ത്. ന​രി​പ്പ​റ്റ ക​മ്പ​നി മു​ക്കി​ൽ വാ​ട​ക വീ​ട്ടി​ൽ താ​മ​സി​ക്കു​ന്ന പ്ര​തി പാ​തി​രി​പ്പ​റ്റ​യി​ലെ വാ​ട​ക​വീ​ട്ടി​ൽ കു​ടും​ബ​ത്തോ​ടൊ​പ്പം താ​മ​സി​ക്കു​ന്ന അ​തി​ജീ​വി​ത​യെ വീ​ട്ടി​ൽ അ​തി​ക്ര​മി​ച്ചു ക​യ​റി പ്ര​ണ​യം ന​ടി​ച്ച് 2020 ഒ​ക്ടോ​ബ​ർ മു​ത​ൽ 2021 ഫെ​ബ്രു​വ​രി വ​രെ പ​ല ദി​വ​സ​ങ്ങ​ളി​ലാ​യി ക്രൂ​ര​മാ​യ ലൈം​ഗി​ക അ​തി​ക്ര​മ​വും ബ​ലാ​ത്സം​ഗ​വും ചെ​യ്യു​ക​യാ​യി​രു​ന്നു​വെ​ന്നാ​ണ് കേ​സ്.
സം​ഭ​വ​മ​റി​ഞ്ഞ നാ​ട്ടു​കാ​രും സാ​മൂ​ഹി​ക പ്ര​വ​ർ​ത്ത​ക​രും ചേ​ർ​ന്ന് കു​ട്ടി​യെ ര​ക്ഷ​പ്പെ​ടു​ത്തി ബാ​ല​സ​ദ​ന​ത്തി​ലും കോ​ഴി​ക്കോ​ട് ചി​ൽ​ഡ്ര​ൻ​സ് ഹോ​മി​ലേ​ക്കും എ​ത്തി​ക്കു​ക​യാ​യി​രു​ന്നു. അ​വി​ടെ വെ​ച്ചാ​ണ് പീ​ഡ​ന​വി​വ​രം പു​റ​ത്ത​റി​യു​ന്ന​ത്. തു​ട​ർ​ന്ന് ചൈ​ൽ​ഡ് ലൈ​ൻ പ്ര​വ​ർ​ത്ത​ക​ർ കു​റ്റ്യാ​ടി പൊ​ലീ​സി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ കേ​സെ​ടു​ക്കു​ക​യാ​യി​രു​ന്നു. ഒ​ളി​വി​ൽ പോ​യ പ്ര​തി​യെ ക​ന്യാ​കു​മാ​രി​യി​ൽ​വെ​ച്ചാ​ണ് അ​റ​സ്റ്റ് ചെ​യ്യു​ന്ന​ത്. കു​റ്റ്യാ​ടി പൊ​ലീ​സ് ഇ​ൻ​സ്പെ​ക്ട​ർ​മാ​രാ​യ കെ. ​രാ​ജീ​വ് കു​മാ​ർ, ടി.​പി. ഫ​ർ​ഷാ​ദ് എ​ന്നി​വ​ർ അ​ന്വേ​ഷ​ണം ന​ട​ത്തി കു​റ്റ​പ​ത്രം സ​മ​ർ​പ്പി​ച്ചു. പ്രോ​സി​ക്യൂ​ഷ​നു​വേ​ണ്ടി അ​ഡ്വ. മ​നോ​ജ് അ​രൂ​ർ ഹാ​ജ​രാ​യി.

പ​ന്ത്ര​ണ്ടു​കാ​രി​യെ ബലാത്സംഗം ചെയ്ത പ്രതിക്ക് 58 വർഷം കഠിന തടവ്

പയ്യോളി: വ്യാജ ലോൺ ആപ്പ് തട്ടിപ്പിൽ യുവാവിന് 82,240 രൂപ നഷ്ടമായി. പയ്യോളി സ്വദേശിയായ സായൂജിനാണ് വ്യാജ ലോൺ ആപ്ലിക്കേഷൻ വഴി വായ്പക്ക് അപേക്ഷിച്ചപ്പോൾ പണം നഷ്ടമായത്. 50,000 രൂപ വായ്പക്ക് അപേക്ഷിച്ച സായൂജിന് ഒടുവിൽ വിവിധ ഘട്ടങ്ങളിലായി 82,240 രൂപയാണ് നഷ്ടപ്പെട്ടത്. സംഭവത്തിൽ പയ്യോളി കറുവക്കണ്ടി മീത്തൽ ശ്രീകാന്തിനെ (38) പയ്യോളി പൊലീസ് അറസ്റ്റ് ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
സായൂജിന് വായ്പ അനുവദിക്കാനായി സിബിൽ സ്കോർ മെച്ചപ്പെടുത്താനും ബിസിനസ് അക്കൗണ്ട് തുടങ്ങാനുമായി വിവിധ സന്ദർഭങ്ങളിലായി ആകെ 82,240 രൂപ ശ്രീകാന്തിന് കൈമാറിതായാണ് പരാതി. പ്രതിയുടെ അക്കൗണ്ടിൽ സായൂജിന്‍റെ തുക കൂടാതെ അഞ്ച് ലക്ഷത്തോളം രൂപ വന്നതായും കമീഷൻ കഴിച്ചുള്ള ബാക്കി തുക പ്രതി മറ്റൊരാൾക്ക് കൈമാറിയതായും പൊലീസ് കണ്ടെത്തി.
ഓൺലൈൻ തട്ടിപ്പ് സംഘങ്ങൾക്ക് അക്കൗണ്ട് എടുത്തു കൊടുത്ത് സഹായിക്കുന്ന നിരവധി പേർ ഒരു മാസത്തിനിടെ ജില്ലയിലെ വിവിധ ഭാഗങ്ങളിൽ അറസ്റ്റിലായിട്ടുണ്ടെന്നും സൈബർ ക്രൈം പൊലീസിന്‍റെ സഹായത്തോടെ ശക്തമായ നടപടിയാണ് സ്വീകരിക്കുന്നതെന്നും പൊലീസ് വ്യക്തമാക്കി.&nbsp;

വ്യാജ ലോൺ ആപ്പിലൂടെ യുവാവിന്റെ പണം തട്ടിയ പ്രതി പയ്യോളി പൊലീസ്  പിടിയിൽ

Search Results for: police