തിരൂർ: അഞ്ചു വയസ്സുകാരൻ കുഴഞ്ഞുവീണു മരിച്ചു. കെ.പി. മുഹമ്മദ് സ്മാരക റോഡിൽ താമസിക്കുന്ന കൊടവത്തു വളപ്പിൽ ഷഹദാദ് മുഹമ്മദിന്റെ മകൻ അബാനാണ് മരിച്ചത്.
തിരൂർ ഫാത്തിമ മാതാ സ്കൂൾ യു.കെ.ജി വിദ്യാർഥിയായിരുന്നു. മാതാവ്: ജെഷ്മ റഹ്മാൻ പുതിയങ്ങാടി. സഹോദരങ്ങൾ: ആമിന, ബിലാൽ. മയ്യിത്ത് നമസ്കാരം ഞായറാഴ്ച ഉച്ചക്കുശേഷം മൂന്നുമണിക്ക് നടുവിലങ്ങാടി ജുമുഅ മസ്ജിദിൽ.

അഞ്ചു വയസ്സുകാരൻ കുഴഞ്ഞുവീണു മരിച്ചു

Kerala

കൊച്ചി: നവദമ്പതികൾക്ക് സർപ്രൈസ് കൊടുക്കാൻ കൂട്ടുകാർ പൊട്ടിച്ച ഗുണ്ടാണ് തെക്കുംഭാഗത്ത് കല്യാണ റിസപ്ഷനിൽ വില്ലനായത്. ശബ്ദം കേട്ട് വധു ബോധം കെട്ടുവീണതോടെ ഹാളിൽ ആശങ്കയുമായി. തെക്കുംഭാഗം സരസ്വതീ വിലാസം എൽ.പി സ്കൂൾ ഹാളിൽ ഞായറാഴ്ച്ച വൈകിട്ട് നടന്ന വിവാഹ സൽക്കാരത്തിലായിരുന്നു സംഭവം.
വധൂവരൻമാർ ഇരിക്കുന്ന സ്റ്റേജിനും റോഡിനുമിടയിലുള്ള ഭാഗത്തായിരുന്നു ഗുണ്ട് പൊട്ടിച്ചത്. ശബ്ദം കേട്ട് ഞെട്ടി ബോധം കെട്ടു വീണ വധുവിനെ ഉടൻ തന്നെ ബന്ധുക്കൾ തൃപ്പൂണിത്തുറ താലൂക്ക് ആശുപത്രിയിലെത്തിക്കുകയായിരുന്നു. പ്രഥമ ശുശ്രൂഷയ്ക്ക് ശേഷം വധുവുമായി ബന്ധുക്കൾ മടങ്ങി.

നവദമ്പതികൾക്ക് സർപ്രൈസ് നൽകാൻ കൂട്ടുകാർ ഗുണ്ട് പൊട്ടിച്ചു: വധു ബോധം കെട്ട് വീണു

കൊല്ലം: കരുനാഗപ്പള്ളിയിൽ ജാമ്യത്തിലിറങ്ങിയ ഗുണ്ടാ നേതാവിനെ വെട്ടിക്കൊന്നു. ജിം സന്തോഷ് വധക്കേസ് മുഖ്യ പ്രതി അലുവ അതുലിനെയാണ് ഒരു സംഘം വെട്ടിയത്. കാറിലെത്തിയ സംഘമാണ് കരുനാഗപ്പള്ളിയിൽ വെച്ച് അതുലിനെ ആക്രമിച്ചത്. കൊലപാതകത്തിന് പിന്നിൽ മുൻവൈരാഗ്യമെന്ന് സൂചന. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നു.
 തിരക്കുള്ള റോഡിൽ വെച്ചാണ് അതുലിനെ അക്രമികൾ കാറിൽ നിന്ന് വലിച്ചിറക്കി വെട്ടിക്കൊലപ്പെടുത്തിയത്. ഇന്നോവയിലെത്തിയ സംഘം അതുൽ സഞ്ചരിച്ച കാറിലിടിക്കുകയായിരുന്നു. തുടർന്ന് ദേശീയപാതയുടെ പണി നടക്കുന്ന കുഴിയിലേക്ക് അതുലിന്റെ കാറിനെ വീഴ്ത്തിയ ശേഷം കൂട്ടമായി വടിവാൾ ഉപയോഗിച്ച് ആക്രമിക്കുകയായിരുന്നു. പല കേസുകളിലും മുഖ്യപ്രതിയായിരുന്നു കൊല്ലപ്പെട്ട അതുൽ. &nbsp;

ജാമ്യത്തിലിറങ്ങിയ ജിം സന്തോഷ് കൊലക്കേസ് പ്രതി അലുവ അതുലിനെ പട്ടാപ്പകൽ വെട്ടിക്കൊന്നു,

ജാമ്യത്തിലിറങ്ങിയ ജിം സന്തോഷ് കൊലക്കേസ് പ്രതി അലുവ അതുലിനെ പട്ടാപ്പകൽ വെട്ടിക്കൊന്നു

കോഴിക്കോട്: രണ്ട് വര്ഷം മുമ്പ് കുത്തേറ്റ് കോഴിക്കോട് നഗരത്തില് കൊല്ലപ്പെട്ടയാൾ പൊലിസുകാരനായിരുന്നെന്ന് സ്ഥിരീകരിച്ച്‌ ഡി.എന്.എ പരിശോധനാ ഫലം. കേസിന്റെ ചുരുളഴിച്ച പൊലിസ് സംഘത്തിന് ഡി.ജി.പിയുടെ പുരസ്കാരവും. നേപ്പാള് രുപ്പഡിയ വില്ലേജിലെ തുളസിപ്പുര് സ്വദേശിയായ ആനന്ദ് ബഹാദുര് ബസ്നിത് (65) ആണ് കോഴിക്കോട് ലിങ്ക് റോഡിലെ കടവരാന്തയില് കൊല്ലപ്പെട്ടത്. കൊല്ലപ്പെട്ടയാളും കൊലപ്പെടുത്തിയയാളും 'വ്യാജപേരില്' ആയിരുന്നതിനാൽ കേസന്വേഷണത്തിൽ വലിയ പ്രതിസന്ധികളാണ് പൊലിസ് നേരിട്ടത്.
20 ദിവസത്തിനുള്ളില് പ്രതിയെ തിരിച്ചറിഞ്ഞ പൊലിസ് സംഘം ആറ് മാസത്തെ അന്വേഷണത്തിലൂടെയാണ് മരിച്ചയാള് ആരാണെന്ന് കണ്ടെത്തിയത്. അടുത്തിടെ ഡി.എന്.എ ഫലം കൂടി വന്നതോടെ മരിച്ച അജ്ഞാതന് നേപ്പാള് പൊലിസുകാരാണെന്ന് സ്ഥിരീകരിക്കുകയും ചെയ്തു. യഥാര്ഥ പേരുപോലും എവിടെയും രേഖപ്പെടുത്താതെ 10 വര്ഷം ഡല്ഹിയിലും ബംഗളൂരുവിലും കേരളത്തിലും ജീവിച്ചയാള് നേപ്പാള് സ്വദേശിയാണെന്നും പേര് ആനന്ദ് ബഹാദുര് ബസ്നിത് ആണെന്നും കണ്ടെത്തിയ അന്വേഷണസംഘത്തിന് ഡി.ജി.പിയുടെ ബാഡ്ജ് ഓഫ് ഓണര് പുരസ്കാരവും ലഭിച്ചു. അന്നത്തെ ടൗണ് അസി.കമ്മിഷണര് ടി.കെ അഷ്റഫ്, ഇന്സ്പെക്ടര് പി.ജിതേഷ്, എസ്.ഐമാരായ കെ.ടി ഷബീര്, കെ മുരളീധരൻ, സീനിയര് സിവില് പൊലിസ് ഓഫിസര് ടി.കെ ബിനിൽ എന്നിവര്ക്കാണ് പുരസ്കാരം. വടകര സി ഐ ആയിരുന്ന കെ മുരളീധരൻ കഴിഞ്ഞ ദിവസമാണ് നീലേശ്വരത്തേക്ക് ട്രാൻസ്ഫർ ആയത്.
2024 ജൂലൈ 29 നായിരുന്നു കേസിനാസ്പദ സംഭവം. ലിങ്ക് റോഡിലെ കടയുടെ വരാന്തയിലായിരുന്നു തലയ്ക്ക് പരുക്കേറ്റ് 65 വയസ് പ്രായമുള്ളയാളെ മരിച്ച നിലയില് കണ്ടെത്തിയത്. പേരോ മറ്റു വിവരങ്ങളോ ലഭ്യമായിരുന്നില്ല. അന്വേഷണത്തില് ശങ്കര് എന്ന പേരുള്ളയാളാണ് പ്രതിയെന്ന വിവരം ലഭിച്ചു. അന്വേഷണത്തിനൊടുവില് 20 ാമത്തെ ദിവസം മാഹിയില് നിന്ന് പൊലിസ് പിടികൂടി.
സ്റ്റേഷനിലെത്തിച്ചപ്പോഴാണ് പ്രതി ബംഗാള് സ്വദേശി തൗഫീഖ്(45) ആണെന്ന് വ്യക്തമായത്. എന്നാല് മരിച്ചയാളെ സംബന്ധിച്ച കൂടുതല് വിവരങ്ങള് പ്രതിക്കും അറിയില്ലായിരുന്നു. ഇതിനിടെ കൊവിഡ് കാലത്ത് തെരുവില് താമസിച്ചിരുന്നയാളുകളെ സാമൂഹികനീതി വകുപ്പിന്റെ കീഴിലുള്ള ഉദയംഹോമിലേക്ക് മാറ്റിയ വിവരം പൊലിസ് അറിഞ്ഞു. ഇവിടെ കേന്ദ്രീകരിച്ച്‌ നടത്തിയ അന്വേഷണത്തില് പശ്ചിമബംഗാള്, കമല് പൊഖ്റ സ്വദേശി ആഷിഖ്ഖാന് ആണ് മരിച്ചതെന്ന വിവരം ലഭിച്ചു.
പശ്ചിമബംഗാള് പൊലിസിന്റെ സഹായത്തോടെ അന്വേഷിച്ചെങ്കിലും പൊഖ്റയെന്ന സ്ഥലം നേപ്പാളിലാണെന്ന വിവരമാണ് ലഭിച്ചത്. ഇതോടെ അന്വേഷണം നേപ്പാളിലേക്ക് കേന്ദ്രീകരിച്ചു. വര്ഷങ്ങള്ക്കുമുന്പ് അവിടെ നിന്ന് കാണാതായ ഒരു പൊലിസുകാരനെക്കുറിച്ചുള്ള വിവരം ലഭിച്ചത് അന്വേഷണത്തില് വഴിത്തിരിവായി. നേപ്പാളിലെത്തിയ അന്വേഷണസംഘം കാണാതായ പൊലിസുകാരനായിരുന്ന ആനന്ദ് ബഹാദുറിന്റെ അമ്മ മോഗിയെ ഫോട്ടോ കാണിച്ചു. ഇതോടെ അമ്മ തിരിച്ചറിയുകയായിരുന്നു. തുടര്ന്നാണ് രക്ത സാംപിളുകള് ശേഖരിച്ച്‌ ഡി.എന്.എ പരിശോധനയ്ക്ക് അയച്ചത്. പൊലിസ് ജോലിയിലിരിക്കെ മാനസികാസ്വാസ്ഥ്യത്തെ തുടര്ന്നാണ് ആനന്ദ് നാടുവിടുന്നത്. പിന്നീട് ഇന്ത്യയിലെത്തി പലയിടങ്ങളിലായി ഹോട്ടല് ജോലി ചെയ്തു ജീവിച്ചുവരികയായിരുന്നു. ഒടുവിലാണ് കോഴിക്കോട്ടെത്തിയത്.

കോഴിക്കോട്ട് കൊല്ലപ്പെട്ടയാൾ പോലീസുകാരൻ; അന്വേഷണ സംഘത്തിന് ഡി.ജി.പിയുടെ ബാഡ്ജ് ഓഫ് ഓണര്‍

Kozhikode

നാദാപുരം: മോഷണം , കഞ്ചാവ് ഉൾപ്പെടെ നിരവധി കേസുകളിൽ പ്രതിയായ പിടികിട്ടാപുള്ളി അറസ്റ്റിൽ. കുറ്റ്യാടി നിട്ടൂർ സ്വദേശി തുമ്പക്കുന്നത്ത് കബീർ ( 41) നെയാണ് നാദാപുരം ഡി വൈ എസ് പി യുടെ സ്പെഷൽ സ്ക്വാഡ് പിടികൂടിയത്.&nbsp;
2019 ൽ വടകര റെയിൽവെ സ്‌റ്റേഷൻ പരിസരത്ത് ഒരു കിലോ 320 ഗ്രാം കഞ്ചാവ് പിടികൂടിയ കേസിൽ ഒളിവിൽ കഴിയുകയായിരുന്ന കബീറിനെ ജില്ല പോലീസ് മേധാവിക്ക് ലഭിച്ച രഹസ്യ വിവരത്തെ തുടർന്ന് വേളം പൂമുഖത്ത് നിന്ന് ഡി വൈ എസ് പി യുടെ സ്‌ക്വാഡ് അംഗങ്ങൾ പിടികൂടുകയായിരുന്നു. കേസിൽ ഒളിവിൽ പോയ പ്രതിയെ വടകര എൻ ഡി പി എസ് സ്‌പെഷൽ കോടതി പിടികിട്ടാപ്പുള്ളിയായി പ്രഖ്യാപിക്കുകയായിരുന്നു. സംസ്ഥാനത്തെ 10 പോലീസ് സ്‌റ്റേഷനുകളിൽ മോഷണം , കഞ്ചാവ് കേസുകളിൽ പ്രതിയാണ് കബീർ.

നിരവധി കേസുകളിൽ പ്രതിയായ പിടികിട്ടാപുള്ളി അറസ്റ്റിൽ

Nadapuram

വ​ട​ക​ര: കാ​റി​ൽ ക​ട​ത്തു​ക​യാ​യി​രു​ന്ന ക​ഞ്ചാ​വ് പി​ടി​കൂ​ടി​യ കേ​സി​ൽ പ്ര​തി​ക്ക് ആ​റു വ​ർ​ഷം ക​ഠി​ന​ത​ട​വും 35,000 രൂ​പ പി​ഴ​യും ശി​ക്ഷ. ക​ണ്ണൂ​ർ ത​ളി​പ്പ​റ​മ്പ് ചു​ഴ​ലി ച​പ്പ​ന്റ​ക​ത്ത് ജാ​ഫ​റി​നെ(53)​യാ​ണ് വ​ട​ക​ര എ​ൻ. ഡി.​പി.​എ​സ് കോ​ട​തി ജ​ഡ്ജ് വി.​ജി. ബി​ജു ശി​ക്ഷി​ച്ച​ത്.
പി​ഴ അ​ട​ച്ചി​ല്ലെ​ങ്കി​ൽ മൂ​ന്ന് മാ​സം​കൂ​ടി ക​ഠി​ന​ത​ട​വ് അ​നു​ഭ​വി​ക്ക​ണം. 2020 ജ​നു​വ​രി മൂ​ന്നി​നാ​ണ് കേ​സി​നാ​സ്പ​ദ​മാ​യ സം​ഭ​വം. ത​ളി​പ്പ​റ​മ്പ് -ശ്രീ​ക​ണ്ഠാ​പു​രം റോ​ഡി​ൽ​വെ​ച്ച് കാ​റി​ൽ ക​ട​ത്തു​ക​യാ​യി​രു​ന്ന ആ​റു കി​ലോ ക​ഞ്ചാ​വു​മാ​യി ത​ളി​പ്പ​റ​മ്പ് എ​ക്സൈ​സ് റേ​ഞ്ച് ഇ​ൻ​സ്‌​പെ​ക്ട​ർ പ്ര​തി​യെ പി​ടി​കൂ​ടി​യ കേ​സി​ലാ​ണ് ശി​ക്ഷ. പ്രോ​സി​ക്യൂ​ഷ​ന് വേ​ണ്ടി വി.​കെ. ജോ​ർ​ജ് ഹാ​ജ​രാ​യി.

ക​ഞ്ചാ​വു​മാ​യി അ​റ​സ്റ്റി​ലാ​യ പ്ര​തി​ക്ക് ആ​റു വ​ർ​ഷം ക​ഠി​ന​ത​ട​വും പിഴയും

Vadakara

വടകര: മന്ത്രി വീണ ജോർജിനെതിരെ കരിങ്കൊടി കാണിച്ച കെ.എസ് യു.നേതാവിൻ്റെ വീടിന് നേരെ ബോംബെറിഞ്ഞ കേസിൽ രണ്ട് പേർ അറസ്റ്റിൽ. സി.പി.എം. പ്രവർത്തകരായ തോടന്നൂര്‍ മനക്കൽ മീത്തൽ മിഥുൻ ലാൽ , ആലോള്ളത്തിൽ രൂപേഷ് എന്നിവരെയാണ് വടകര പൊലീസ് അറസ്റ്റ് ചെയ്തത്.
കെ.എസ് യു കോഴിക്കോട് ജില്ലാ സെക്രട്ടറി ബിഥുൻ ബാലൻറ തോടന്നൂരിലെ വീടിന് നേരെ ഇക്കഴിഞ്ഞ 27 ന് പുലർച്ചെ രണ്ടര മണിയോടെ ബോംബെറിഞ്ഞത്. മുഖം മറച്ചെത്തിയ മൂനംഗ സംഘമാണ് അക്രമം നടത്തിയത്. വീടിൻ്റ ഗേറ്റിന് മുന്നിലെത്തി വീടിന് നേരെ ബോംബെറിയുന്ന അക്രമികളുടെ സി.സി.ടി.വി. ദൃശ്യം പുറത്ത് വന്നിരുന്നു. വീടിൻ്റെ മുൻവശത്ത് നിന്നും എറിഞ്ഞ ബോംബ് ജനലിൻ്റ മുകൾ ഭാഗത്ത് തട്ടി പൊട്ടിത്തെറിക്കുകയുണ്ടായി. ജനൽ ചില്ലുകൾ തകരുകയും ചുമരിന് കേട് പാട് സംഭവിക്കുകയുമുണ്ടായി.&nbsp;

ബിതുല്‍ബാലന്റെ വീടിന് ബോംബെറിഞ്ഞ കേസ്; രണ്ട് പേർ അറസ്റ്റിൽ

നാദാപുരം: ബുദ്ധിമാന്ദ്യമുള്ള യുവതിയെ ബലാത്സംഗം ചെയ്തെന്ന കേസിൽ മധ്യവയസ്കന് 13 വർഷം കഠിന തടവും 1,10,000 രൂപ പിഴയും ശിക്ഷ. യുവതിയുടെ വീട്ടിലേക്ക് അതിക്രമിച്ച് കടന്നു ഭീഷണിപ്പെടുത്തി ബലാത്സംഗം ചെയ്തെന്ന കേസിൽ അരൂർ പെരുമുണ്ടച്ചേരി സ്വദേശി മന്നികണ്ടിരാജൻ എന്ന ഒട്ടകരാജനെ (61) യാണ് നാദാപുരം ഫാസ്റ്റ് ട്രാക്ക് സ്പെഷ്യൽ കോടതി ജഡ്ജ് ദേവൻ കെ മേനോൻ ശിക്ഷിച്ചത്. 09 . 09.2026 ന് രാവിലെ അതിജീവിതയുടെ വീട്ടിലേക്ക് അതിക്രമിച്ചു കയറി ബലാത്സംഗത്തിനിരയാക്കിയെന്നാണ് കേസ്.
ബഹളം വെച്ചപ്പോൾ ആളുകൾ ഓടികൂടിയ സമയത്ത് പ്രതി ഓടി രക്ഷപ്പെടുകയായിരുന്നു. അതിജീവിത നൽകിയ മൊഴിയുടെ അടിസ്ഥാനത്തിൽ നാദാപുരം പോലീസ് കേസ് രജിസ്റ്റർ ചെയ്യുകയായിരുന്നു. പോലീസ് ഇൻസ്പെക്ടർ ഇ.വി ഫായിസ് അലിയാണ് കേസ് അന്വേഷിച്ച് കുറ്റപത്രം ഹാജരാക്കിയത്. പ്രോസിക്യൂഷന് വേണ്ടി 18 സാക്ഷികളെ വിസ്തരിക്കുകയും 22 രേഖകൾ ഹാജരാക്കുകയും ചെയ്തു. പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ടർ മനോജ് അരൂർ ഹാജരായി.

ബുദ്ധിമാന്ദ്യമുള്ള യുവതിയെ ബലാത്സംഗം ചെയ്ത കേസ്; പ്രതിക്ക് 13 വർഷം കഠിന തടവും പിഴയും

നെടുമങ്ങാട്: ആര്യനാട് - നെടുമങ്ങാട് റോഡിൽ ഉഴമലയ്ക്കൽ ഗവ. ആശുപത്രിക്ക് മുന്നിൽ ബൈക്കുകൾ കൂട്ടിയിടിച്ചുണ്ടായ അപകടത്തിൽ നാല് യുവാക്കൾക്ക് ദാരുണാന്ത്യം. കുളപ്പട പാതാരിമൂല ശ്രുതി ഭവനിൽ ശ്രീലാൽ (25), ഉഴമലയ്ക്കൽ മൊണ്ടിയോട് മേക്കുംകര വീട്ടിൽ രാജേഷ് (21), ഉഴമലയ്ക്കൽ വാലുക്കോണം പത്തേക്കർ പാലക്കുഴി പുത്തൻ വീട്ടിൽ ബിനോയ് (21), പരുത്തിക്കുഴി എ.ബി.എസ് വില്ലയിൽ അഭിനവ് (21) എന്നിവരാണ് മരിച്ചത്. ഞായറാഴ്ച രാത്രി 11 മണിയോടെയാണ് ദുരന്തമുണ്ടായത്.
അമിത വേഗതയിൽ എത്തിയ ബൈക്കുകൾ കൂട്ടിയിടിച്ചാണ് അപകടം ഉണ്ടായത്. രണ്ട് പേർ സംഭവ സ്ഥലത്തുവെച്ചും ഒരാൾ ആശുപത്രിയിലേക്കുള്ള വഴിമധ്യയുമാണ് മരിച്ചത്. ഗുരുതരമായി പരുക്കേറ്റ അഭിനവിനെ തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചങ്കിലും തിങ്കളാഴ്ച മരണമടഞ്ഞു. രാജേഷും ബിനോയിയും ജോലി കഴിഞ്ഞു ആര്യനാട് ഭാഗത്തുള്ള വീട്ടിലേക്കു മടങ്ങുകയായിരുന്നു. ഇതിനിടയിൽ അമിതവേഗതയിൽ എതിർ ദിശയിൽ ശ്രീലാലും അഭിനവും സഞ്ചരിച്ചിരുന്ന ബൈക്ക് വന്നു ഇടിക്കുകയായിരിന്നു. ഇടിയുടെ ആഘാതത്തിൽ ബൈക്കുകൾ തെറിച്ചു റോഡിൻ്റെ വശങ്ങളിലേക്ക് പോയി. രണ്ട ബൈക്കുകളിലെയും യാത്രക്കാർ റോഡിൽ തെറിച്ചു വീണു. രണ്ട് ബൈക്കുകളും പൂർണമായി തകർന്ന നിലയിലാണ്.

ബൈക്കുകൾ കൂട്ടിയിടിച്ച് നാല് യുവാക്കൾക്ക് ദാരുണാന്ത്യം