പയ്യോളി: പ്രായപൂർത്തിയാവാത്ത പെൺകുട്ടിയെ മാതാവിന്റെ ആൺസുഹൃത്ത് ലൈംഗികമായി പീഡിപ്പിച്ച സംഭവത്തിൽ പെൺകുട്ടിയുടെ മാതാവ് പോലീസ് കസ്റ്റഡിയിൽ. ഒളിവിലായിരുന്ന കുട്ടിയുടെ മാതാവിനെ പയ്യോളി പൊലീസ് കോഴിക്കോട് നിന്ന് കസ്റ്റഡിയിലെടുക്കുകയായിരുന്നു. കീഴൽ ബാങ്ക് റോഡിൽ ചങ്ങരോത്ത് അബ്ദുൾ റഫീഖ് (48), പെൺകുട്ടിയുടെ മാതാവ് എന്നിവർക്കെതിരെയാണ് പയ്യോളി പോലീസ് പോക്സോ കേസ് രജിസ്റ്റർ ചെയ്തത്.

അബ്ദുൾ റസാഖ്, തന്റെ പെൺ സുഹൃത്തായ മാതാവിന്റെ സഹായത്തോടെയാണ് 12 വയസ്സ് പ്രായമുള്ള പെൺകുട്ടിയെ പീഡനത്തിനിരയാക്കിയതെന്നാണ് വിവരം. സ്കൂളിൽ നടന്ന കൗൺസിലിങ്ങിൽ പെൺകുട്ടി സംഭവം വെളിപ്പെടുത്തുകയായിരുന്നു. കഴിഞ്ഞ രണ്ടര വർഷത്തോളമായി പെൺകുട്ടി പീഡനത്തിനിരയായെന്നാണ് വിവരം. വിദ്യാർഥിനിയുടെ മൊഴിയുടെ അടിസ്ഥാനത്തിൽ സ്കൂളധികൃതർ ജനുവരി 17 ന് കേസ് പയ്യോളി പോലീസിന് കൈമാറി. തുടർന്ന്, പയ്യോളി പോലീസ് കേസ് രജിസ്റ്റർ ചെയ്ത് അന്വേഷണമാരംഭിച്ചു. വ്യവസായ പ്രമുഖൻ വിദേശത്തേക്ക് കടന്നതായാണ് വിവരം.