വടകര:മഞ്ഞപ്പിത്തം ബാധിച്ച് ആരോഗ്യപ്രവർത്തക മരിച്ചു. വേളം പഞ്ചായത്തിലെ തീക്കുനി സ്വദേശിനിയായ മേഘ്ന (24)യാണ് മരിച്ചത്. മൂന്നാഴ്ചയായി കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു മേഘ്ന.&nbsp;
കുറ്റ്യാടി ഗവ. താലൂക്ക് ആശുപത്രിയിലെ അനസ്തേഷ്യ വിഭാഗം ജീവനക്കാരിയാണ്. അച്ഛൻ: വരിക്കോട്ട് നാണു (ബഹ്റൈൻ). അമ്മ: കമല. സഹോദരി: ഷോണിമ.

മഞ്ഞപ്പിത്തം ബാധിച്ച് വേളം സ്വദേശിനിയായ ആരോഗ്യപ്രവർത്തക മരിച്ചു

Kuttiadi

ചെന്നൈ: സ്വയം പ്രഖ്യാപിത ആള്‍ദൈവമായ നിത്യാനന്ദയുടെ മരണവാര്‍ത്ത നിഷേധിച്ച് പ്രസ്താവന പുറത്തിറക്കി അദ്ദേഹവുമായി ബന്ധപ്പെട്ട വൃത്തങ്ങള്‍. നിത്യാനന്ദ പൂര്‍ണ ആരോഗ്യത്തോടെ സുരക്ഷിതനായി ഇരിക്കുന്നുവെന്നാണ് പ്രസ്താവനയില്‍ അറിയിച്ചിരിക്കുന്നത്. നിത്യാനന്ദ ജീവിച്ചിരിക്കുന്നുവെന്ന് തെളിയിക്കുന്നതിനായി മാര്‍ച്ച് 30-ന് അദ്ദേഹം പങ്കെടുത്ത ഒരു പരിപാടിയുടെ ലൈവ് സ്ട്രീമിങ് ലിങ്കും കൈലാസ പ്രതിനിധികള്‍ പുറത്തുവിട്ടിട്ടുണ്ട്.
നിത്യാനന്ദയെ അപകീര്‍ത്തിപ്പെടുത്തുന്നതിനായി നടത്തുന്ന വ്യാജപ്രചാരണങ്ങളെ കൈലാസ ശക്തമായ അപലപിക്കുന്നുവെന്നും പ്രസ്താവനയില്‍ പറയുന്നു. നിത്യാനന്ദയുടെ സഹോദരിയുടെ മകനും ഏറ്റവുമടുത്ത അനുയായിയുമായ സുന്ദരേശ്വരന്റെ വെളിപ്പെടുത്തലിനെ തുടര്‍ന്നാണ് മരണവാര്‍ത്ത വ്യപകമായി പ്രചരിച്ചത്. സനാതനധര്‍മം സ്ഥാപിക്കുന്നതിനുവേണ്ടി പോരാടിയ സ്വാമി ജീവത്യാഗംചെയ്തെന്നാണ് സുന്ദരേശ്വരന്‍ അറിയിച്ചത്.നിത്യാനന്ദയുടെ മറ്റ് അനുയായികളെയും വീഡിയോ കോണ്‍ഫറന്‍സിങ്ങിലൂടെ സുന്ദരേശ്വരന്‍ മരണവിവരം അറിയിച്ചിരുന്നു

'പൂര്‍ണ ആരോഗ്യത്തോടെ സുരക്ഷിതമായിരിക്കുന്നു'; നിത്യാനന്ദയുടെ മരണവാര്‍ത്ത നിഷേധിച്ച് കൈലാസ

National

'അദ്ദേഹം പൂര്‍ണ ആരോഗ്യത്തോടെ സുരക്ഷിതമായിരിക്കുന്നു'; നിത്യാനന്ദയുടെ മരണവാര്‍ത്ത നിഷേധിച്ച് കൈലാസ

കോഴിക്കോട്: ഭൂമി തട്ടിപ്പ് കേസില്‍ സിപിഎം നേതാവും മുന്‍ വ്യവസായമന്ത്രിയുമായ എളമരം കരീമിന് അറസ്റ്റ് വാറണ്ട്.കാരശ്ശേരിയിലെ മുക്കം ക്രഷര്‍ ആന്റ് ഗ്രാനൈറ്റുമായി ബന്ധപ്പെട്ട കേസില്‍ കോടതിയില്‍ ഹാജരാവാത്തതിനെ തുടര്‍ന്നാണ് താമരശ്ശേരി കോടതി അറസ്റ്റ് വാറണ്ട് പുറപ്പെടുവിച്ചത്.
2009 -2011 കാലഘട്ടത്തില്‍ ക്രഷര്‍ നടത്താനെന്ന പേരില്‍ എളമരം കരീമിന്റെ ബന്ധുവായ നൗഷാദ് തട്ടിപ്പ് നടത്തിയെന്നും നൗഷാദിന്റെ പേരിലേക്ക് ഭൂമി എഴുതി നല്‍കുന്നതിന് എളമരം കരീം ഇടനിലക്കാരനായി പ്രവര്‍ത്തിച്ചുവെന്നുമാണ് പരാതി. പിന്നീട് സ്ഥലം സ്വന്തം പേരിലേക്ക് രജിസ്റ്റര്‍ ചെയ്ത് നികുതി അടച്ച് സ്ഥലം നൗഷാദ് കൈക്കലാക്കിയെന്നും ക്വാറി തുടങ്ങുകയോ പണം നല്‍കുകയോ ചെയ്തില്ലെന്നും പരാതിക്കാര്‍ പറയുന്നു.
2013-ല്‍ മുഖ്യമന്ത്രി ഉള്‍പ്പടെയുള്ളവര്‍ക്ക് ഭൂമിനഷ്ടപ്പെട്ടവര്‍ പരാതി നല്‍കുകയും 2015-ല്‍ ക്രൈംബ്രാഞ്ച് പരാതിയില്‍ അന്വേഷണം നടത്തുകയും ചെയ്തിരുന്നു. ഈ അന്വേഷണത്തിന്റെ റിപ്പോര്‍ട്ട് ഹൈക്കോടതിയില്‍ സമര്‍പ്പിക്കുകയും ചെയ്തിരുന്നു. എന്നാല്‍ ഈ കേസ് എഴുതി തള്ളാന്‍ ക്രൈംബ്രാഞ്ച് തീരുമാനം എടുത്തതോടെ ഉന്നതബന്ധം ഉപയോഗിച്ച് കേസ് ഇല്ലാതാക്കാന്‍ ശ്രമിക്കുന്നു എന്ന് കാണിച്ച് ഭൂമി നഷ്ടപ്പെട്ടവര്‍ കോടതിയെ സമീക്കുകയായിരുന്നു. നാല് തവണ ഹാജരാവാന്‍ ആവശ്യപ്പെട്ടിട്ടും എളമരം കരീം ഹാജരാവാതെ ഇരുന്നതോടെയാണ് അറസ്റ്റ് വാറണ്ട്

ഭൂമിതട്ടിപ്പ് കേസില്‍ ഹാജരായില്ല; എളമരം കരീമിന് അറസ്റ്റ് വാറണ്ട്

കൊച്ചി: വാളയാർ പീഡനക്കേസിൽ പെൺകുട്ടികളുടെ മാതാപിതാക്കളുടെ അറസ്റ്റ് തടഞ്ഞ് ഹൈക്കോടതി. സി ബി ഐ കുറ്റപത്രം റദ്ദാക്കണമെന്ന് ആവശ്യപ്പെട്ടുള്ള ഹർജിയിലാണ് ഹൈക്കോടതി സിംഗിൾ ബെഞ്ചിന്റെ നിർദേശം. മാതാപിതാക്കൾ നേരിട്ട് വിചാരണക്കോടതിയിൽ ഹാജരാകുന്നതിലും കോടതി ഇളവ് നൽകിയിട്ടുണ്ട്.
തങ്ങളെ പ്രതിചേർത്ത സി ബി ഐ നടപടി റദ്ദാക്കണമെന്നും കേസിൽ തുടരന്വേഷണം നടത്തണമെന്നുമാണ് പെൺകുട്ടികളുടെ മാതാപിതാക്കളുടെ ആവശ്യം. കുട്ടികളുടേത് ആത്മഹത്യയല്ല,​ കൊലപാതകമാണെന്നും ഇത് സാധൂകരിക്കുന്ന തെളിവുകൾ സി ബി ഐ മുഖവിലയ്ക്കെടുത്തില്ല എന്നുമാണ് ഹർജിയിലെ പ്രധാന വാദം.പ്രായപൂർത്തിയാകാത്ത പെൺകുട്ടികളെ ലൈംഗിക പീഡനത്തിന് ഇരയാക്കാൻ മാതാപിതാക്കൾ കൂട്ടുനിന്നെന്നാണ് സി ബി ഐയുടെ കണ്ടെത്തൽ. ലൈംഗിക പീഡനത്തെ തുടർന്നുണ്ടായ മാനസിക സംഘർഷമാണ് വാളയാർ പെൺകുട്ടികളുടെ ആത്മഹത്യക്ക് കാരണമെന്നുമാണ് സി ബി ഐയുടെ വാദം.
മാതാപിതാക്കളോട് ഈ മാസം 25ന് ഹാജരാകണമെന്ന് കൊച്ചിയിലെ പ്രത്യേക സി ബി ഐ കോടതി നേരത്തെ നിർദേശം നൽകിയിരുന്നു. കേസിൽ ഇവരെ രണ്ടും മൂന്നും പ്രതികളാക്കിയാണ് സി ബി ഐ കുറ്റപത്രം സമർപ്പിച്ചത്.

വാളയാർ പീഡനക്കേസ്; പെൺകുട്ടികളുടെ മാതാപിതാക്കളുടെ അറസ്റ്റ് തടഞ്ഞ് ഹൈക്കോടതി

Kerala

പാലക്കാട്: സഹോദരിയോട് മോശമായി പെരുമാറിയെന്നാരോപിച്ച് ഓങ്ങല്ലൂര്‍ പഞ്ചായത്ത് സെക്രട്ടറിയെ ഫോണില്‍ വിളിച്ച് ഭീഷണിപ്പെടുത്തി പട്ടാമ്പി എംഎല്‍എ മുഹമ്മദ് മുഹ്‌സിന്‍. വീട്ടിലെ സ്ത്രീകളോട് മര്യാദയ്ക്ക് പെരുമാറിയില്ലെങ്കില്‍ അടിച്ച് മോന്ത പൊളിക്കും എന്നാണ് എംഎല്‍എ, പഞ്ചായത്ത് സെക്രട്ടറിയോട് പറയുന്നത്. പഞ്ചായത്ത് സെക്രട്ടറി ജഗദീഷ് തന്നെയാണ് എംഎല്‍എ വിളിച്ച് ഭീഷണിപ്പെടുത്തുന്നതിന്റെ ഫോണ്‍ സംഭാഷണം പുറത്തുവിട്ടിരിക്കുന്നത്.
വിവാഹം രജിസ്റ്റര്‍ ചെയ്യുന്നതിനായി പഞ്ചായത്ത് ഓഫീസിലെത്തിയ സഹോദരിയെ ലേറ്റ് മാരേജിന്റെ കാര്യവും വിദ്യാഭ്യാസ യോഗ്യതയും പറഞ്ഞ് പഞ്ചായത്ത് സെക്രട്ടറി പരിഹസിച്ചെന്നാണ് എംഎല്‍എ ആരോപിക്കുന്നത്. ഇതേതുടര്‍ന്ന് സഹോദരി കരഞ്ഞുകൊണ്ട് ഓഫീസ് വിടേണ്ട സഹചര്യമുണ്ടായെന്നും മുഹ്‌സിന്‍ എംഎല്‍എ പറയുന്നു.ഇത് അറിയുന്നതിന് വേണ്ടിയാണ് പഞ്ചായത്ത് സെക്രട്ടറിയെ ഫോണില്‍ വിളിച്ച് കാര്യങ്ങള്‍ അന്വേഷിച്ചതെന്നുമാണ് അദ്ദേഹം പറയുന്നത്.
ഓങ്ങല്ലൂര്‍ പഞ്ചായത്ത് സെക്രട്ടറി ജഗദീഷിനെതിരേ ഇത്തരത്തിലുള്ള നിരവധി പരാതികള്‍ ഉണ്ടായിട്ടുണ്ട്. ഇത് സംബന്ധിച്ച് അദ്ദേഹത്തിന്റെ വിശദീകരണം ചോദിച്ചറിയുന്നതിനാണ് ഫോണില്‍ വിളിച്ചതെന്നുമാണ് എംഎല്‍എ നല്‍കുന്ന വിശദീകരണം. ജനുവരി 20-ാം തീയതിയാണ് ഈ സംഭവമുണ്ടാകുന്നത്. ഇതിനുപിന്നാലെ തന്നെ പഞ്ചായത്ത് സെക്രട്ടറി ജഗദീഷിനെ ഓങ്ങല്ലൂരില്‍ നിന്നും സ്ഥലം മാറ്റിയെന്നും റിപ്പോര്‍ട്ടുകളുണ്ട്.
തനിക്ക് എന്നോട് എന്തെങ്കിലും പ്രശ്‌നമുണ്ടോയെന്നാണ് എംഎല്‍എ ആദ്യം പഞ്ചായത്ത് സെക്രട്ടറിയോട് ചോദിക്കുന്നത്. ഇല്ല സാര്‍, എന്താണ് കാര്യം എന്ന മറുചോദ്യത്തിന്, വീട്ടിലെ സ്ത്രീകളോട് നിങ്ങള്‍ മോശമായി പെരുമാറിയെന്നാണ് എംഎല്‍എ പറയുന്നത്. വളരെ മോശമായിട്ടാണ് നിങ്ങള്‍ പെരുമാറിയത്, എന്റെ പെങ്ങള്‍ അവിടെ നിന്ന് കരഞ്ഞിട്ടാണ് വന്നതെന്നും മുഹ്‌സിന്‍ പറയുന്നു. അങ്ങനെയല്ല, അവര്‍ ഇന്നുതന്നെ രജിസ്റ്റര്‍ ചെയ്ത് കിട്ടണമെന്ന് പറഞ്ഞപ്പോള്‍, ലേറ്റ് മാര്യേജ് ആയതുകൊണ്ട് കല്ല്യാണം കഴിയുമ്പോള്‍, എന്ന് പഞ്ചായത്ത് സെക്രട്ടറി പറഞ്ഞതോടെ എംഎല്‍എ വീണ്ടും ഇടപെടുകയായിരുന്നു.

'സ്ത്രീകളോട് മര്യാദയ്ക്ക് പെരുമാറിയില്ലെങ്കില്‍ അടിച്ച് മോന്ത പൊളിക്കും';ഭീഷണിയുമായി മുഹമ്മദ് മുഹ്‌സിന്‍ എംഎല്‍എ

മ​ധു​ര (ത​മി​ഴ്‌​നാ​ട്): സി.​പി.​എം 24ാം പാ​ർ​ട്ടി കോ​ൺ​ഗ്ര​സി​ന് ബു​ധ​നാ​ഴ്ച മ​ധു​ര​യി​ൽ ചെ​ങ്കൊ​ടി​യേ​റും. 1972ൽ ​ഒ​മ്പ​താം പാ​ർ​ട്ടി കോ​ൺ​ഗ്ര​സ് ന​ട​ന്ന മ​ധു​ര നീ​ണ്ട 53 വ​ർ​ഷ​ത്തി​നു ശേ​ഷ​മാ​ണ് രാ​ജ്യ​ത്തെ പ്ര​ധാ​ന തൊ​ഴി​ലാ​ളി വ​ർ​ഗ പാ​ർ​ട്ടി​യു​ടെ അ​ഖി​ലേ​ന്ത്യ സ​മ്മേ​ള​ന​ത്തി​ന് വീ​ണ്ടും വേ​ദി​യാ​കു​ന്ന​ത്.
വി​വി​ധ ര​ക്ത​സാ​ക്ഷി കു​ടീ​ര​ങ്ങ​ളി​ൽ നി​ന്നുള്ള ദീ​പ​ശി​ഖ​കൾ സ​മ്മേ​ള​ന ന​ഗ​രി​യി​ൽ സംഗമിച്ചു. കീ​ഴ്‌​വെ​ൺ​മ​ണി ര​ക്ത​സാ​ക്ഷി​ക​ളു​ടെ സ്മൃ​തി മ​ണ്ഡ​പ​ത്തി​ൽ നി​ന്ന് പോ​ളി​റ്റ് ബ്യൂ​റോ അം​ഗം ജി. ​രാ​മ​കൃ​ഷ്ണ​ൻ കൈ​മാ​റി​യ പ​താ​ക, ജാ​ഥ​യാ​യി കേ​ന്ദ്ര ക​മ്മി​റ്റി അം​ഗം യു. ​വാ​സു​കി​യു​ടെ നേ​തൃ​ത്വ​ത്തി​ൽ സ​മ്മേ​ള​ന ന​ഗ​രി​യി​ലെ​ത്തും.
ബു​ധ​നാ​ഴ്ച രാ​വി​ലെ പാ​ർ​ട്ടി ക​ൺ​ട്രോ​ൾ ക​മീ​ഷ​ൻ ചെ​യ​ർ​മാ​ൻ എ.​കെ. പ​ത്മ​നാ​ഭ​ൻ പ​താ​ക ഏ​റ്റു​വാ​ങ്ങും. മു​തി​ർ​ന്ന നേ​താ​വ് ബി​മ​ൻ ബ​സു പ​താ​ക ഉ​യ​ർ​ത്തു​ന്ന​തോ​ടെ സ​മ്മേ​ള​ന ന​ട​പ​ടി​ക​ളാ​രം​ഭി​ക്കും. ര​ക്ത​സാ​ക്ഷി മ​ണ്ഡ​പ​ത്തി​ലെ പു​ഷ്പാ​ർ​ച്ച​ന​ക്കു​ശേ​ഷം പ​ത്ത​ര​ക്ക് കോ​ടി​യേ​രി ബാ​ല​കൃ​ഷ്‌​ണ​ൻ സ്‌​മാ​ര​ക ഹാ​ളി​ൽ പോ​ളി​റ്റ് ബ്യൂ​റോ കോ​ഓ​ഡി​നേ​റ്റ​ർ പ്ര​കാ​ശ് കാ​രാ​ട്ട് പ്ര​തി​നി​ധി സ​മ്മേ​ള​നം ഉ​ദ്ഘാ​ട​നം ചെ​യ്യും. മ​ണി​ക് സ​ർ​ക്കാ​ർ അ​ധ്യ​ക്ഷ​ത വ​ഹി​ക്കു​ന്ന ഉ​ദ്ഘാ​ട​ന സെ​ഷ​നി​ൽ സി.​പി.​ഐ ജ​ന​റ​ൽ സെ​ക്ര​ട്ട​റി ഡി. ​രാ​ജ അ​ട​ക്ക​മു​ള്ള​വ​ർ സം​സാ​രി​ക്കും. ഉ​ച്ച​തി​രി​ഞ്ഞാ​ണ് പ്ര​തി​നി​ധി സ​മ്മേ​ള​നം ആ​രം​ഭി​ക്കു​ക. മൂ​ന്നി​ന് വൈ​കീ​ട്ട് അ​ഞ്ചി​ന് ‘ഫെ​ഡ​റ​ലി​സ​മാ​ണ് ഇ​ന്ത്യ​യു​ടെ ക​രു​ത്ത്’ സെ​മി​നാ​റി​ൽ കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​നും ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​നും പ​ങ്കെ​ടു​ക്കും.കേ​ര​ള​ത്തി​ൽ നി​ന്നു​ള്ള 175 പേ​ര​ട​ക്കം 731 പ്ര​തി​നി​ധി​ക​ളും 80 നി​രീ​ക്ഷ​ക​രും പ​ങ്കെ​ടു​ക്കു​ന്ന പാ​ർ​ട്ടി കോ​ൺ​ഗ്ര​സ് ഏ​പ്രി​ൽ ആ​റി​ന് റി​ങ് റോ​ഡ് ജ​ങ്ഷ​നു​സ​മീ​പം എ​ൻ. ശ​ങ്ക​ര​യ്യ സ്മാ​ര​ക ഗ്രൗ​ണ്ടി​ൽ ന​ട​ക്കു​ന്ന പൊ​തു​സ​മ്മേ​ള​ന​ത്തോ​ടെ സ​മാ​പി​ക്കും.

സി.​പി.​എം 24ാം പാ​ർ​ട്ടി കോ​ൺ​ഗ്ര​സി​ന് ഇന്ന് മധുരയിൽ തുടക്കം