വടകര: ദേശീയ പാത കൈനാട്ടിയിൽ ഓട്ടോ മറിഞ്ഞ് ഡ്രൈവർ മരിച്ചു. കുന്നുമക്കര സ്വദേശി സുരേഷ് ബാബു (60) വാണ് മരിച്ചത്. യാത്രക്കാരിയായ ബന്ധു മയൂഖക്ക് (23) പരിക്കേറ്റു. ഇവരെ വടകരയിലെ സ്വകാര്യ ആശുപത്രിയിൽ പ്രവേശിപ്പിച്ചു.

ഇന്ന് ഉച്ചയോടെ മുക്കാളിയിൽ നിന്നും വടകരയിലേക്ക് വരുമ്പോൾ പൂച്ച കുറുകെ ചാടി ഓട്ടോ മറിയുകയായിരുന്നു. സുരേഷ് ബാബുവിനെ ഉടൻ തന്നെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പരേതരായ ഗോപാലന്‍ നാരായണി ദമ്പതിതളുടെ മകനാണ്. ഭാര്യ ഷീബ. സഹോദരങ്ങള്‍ - അശോകന്‍, സരോഷ്, സന്തോഷ്, മഞ്ചുള, സിന്ധു, ബിന്ദു.