നാദാപുരം: വിനോദ സഞ്ചാര കേന്ദ്രമായഉറിതൂക്കിമല സന്ദർശിച്ച് തിരിച്ചിറങ്ങുന്നതിനിടെ സ്കൂട്ടർ മറിഞ്ഞ് വിദ്യാർത്ഥി മരിച്ചു. രണ്ട് പേർക്ക് പരിക്ക്.പോരാേട് എം.ഐ.എം ഹയർ സെക്കൻ്ററി സ്കൂൾ വിദ്യാർഥി നാദാപുരം പുളിക്കൂലിലെ പള്ളി താഴക്കുനിയിൽ റിഷാലാണ് ( 16) മരണപ്പെട്ടത്.സാരമായി പരിക്കേറ്റകൂടെയുണ്ടായിരുന്ന മാണിക്കോത്ത്മുഹമ്മദ് റിഷാൽ അബ്ദുല്ലയെ മൊടക്കല്ലൂർ മെഡിക്കൽ കോളേജിലും, നെയിറ്റ്യാട്ടിൽ ഫയാസിനെ വടകരയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇന്ന് വൈകിട്ടാണ് അഞ്ചംഗ സംഘം കാഴ്ച കാണാൻ എത്തിയത്. ഉറിതൂക്കി മല സന്ദർശിച്ച് മലയിറങ്ങുകയായിരുന്ന വിദ്യാർഥികൾ സഞ്ചരിച്ച സ്കൂട്ടർ അപകടത്തിൽ പെടുകയായിരുന്നു. സ്ഥലത്തെത്തിയ നാട്ടുകാരാണ് രക്ഷാപ്രവർത്തനം നടത്തിയത്. മൃതദേഹം കുറ്റ്യാടി താലൂക്ക്ആശുപത്രി മോർച്ചറിയിലേക്ക് മാറ്റി.പിതാവ്: റഫീഖ്. മാതാവ്: റസീന.