കണ്ണൂർ: കടബാധ്യതയെ തുടർന്ന് ക്ഷീരകർഷകൻ ജീവനൊടുക്കി. കൊളക്കാട് സ്വദേശി എം.ആർ. ആൽബർട്ടാണ് മരിച്ചത്. ഇന്ന് രാവിലെയാണ് വീട്ടിൽ തൂങ്ങിമരിച്ച നിലയിൽ ​കണ്ടെത്തിയത്.

കഴിഞ്ഞ ദിവസം ഇദ്ദേഹത്തിന് ബാങ്കിൽ നിന്ന് ജംപ്തി നോട്ടീസ് കിട്ടിയിരുന്നു. ഇതാണ് ജീവനൊടുക്കാൻ കാരണമെന്നാണ് പറയുന്നത്. 25 വർഷം കൊളക്കാട് ക്ഷീര സഹകരണ സംഘം പ്രസിഡന്റായിരുന്ന ആൽബർട്ട്, കഴിഞ്ഞ മാസമാണ് സ്ഥാനമൊഴിഞ്ഞത്.