വടകര : ഓൺലൈനിലൂടെ ജോലി വാഗ്‌ദാനം നൽകി പണം തട്ടിയ കേസിൽ വടകര പോലീസ് ഒരാളെ അറസ്റ്റുചെയ്തു. മലപ്പുറം കോട്ടക്കാട് സ്വദേശി കെ. വിജിത്തിനെയാണ് ഇൻസ്പെക്ടർ സുനിൽകുമാർ അറസ്റ്റുചെയ്തത്‌. വടകര സ്വദേശിനിയുടെ 6.93 ലക്ഷം രൂപ തട്ടിയെടുത്തതായാണ് കേസ്. വടകര ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് ഒന്ന് കോടതിയിൽ ഹാജരാക്കിയ ഇയാളെ റിമാൻഡ്‌ ചെയ്‌തു. എ.എസ്.ഐ. രജീഷ് കുമാർ, എസ്.സി.പി.ഒ. ശ്രീജ എന്നിവരും അന്വേഷണസംഘത്തിലുണ്ടായിരുന്നു.