കൊയിലാണ്ടി: കക്കോടിയിലെ ആർ.എസ്.എസ്. പ്രവർത്തകൻ കമലക്കുന്നുമ്മൽ ഷാജി, വിനോദ് എന്നിവരെ ആക്രമിച്ചകേസിൽ എട്ട് സി.പി.എം. പ്രവർത്തകർക്ക് മൂന്നുമാസം തടവും 10,000 രൂപ പിഴയും വിധിച്ചു. കക്കോടി കമലക്കുന്നുമ്മൽ ഷിബുലാൽ(33), വിഷ്ണുപ്രസാദ്(20), ഷിജു(38), ഷാലു(24), ശരത്(21), അർജുൻ(29), മനോജ്(45), പുരുഷോത്തമൻ(50) എന്നിവരെയാണ് കൊയിലാണ്ടി മജിസ്ട്രേറ്റ് കോടതി ശിക്ഷിച്ചത്. പിഴയടച്ചില്ലെങ്കിൽ രണ്ടാഴ്ച വെറും തടവ് അനുഭവിക്കണം.

പ്രോസിക്യൂഷനുവേണ്ടി കൊയിലാണ്ടി അസിസ്റ്റന്റ് പബ്ലിക് പ്രോസിക്യൂട്ടർ പി.സി. ജവാദ് ഹാജരായി. എലത്തൂർ എസ്.ഐ. എസ്. അനീഷ് ആണ് കേസ് അന്വേഷിച്ചത്.