നാദാപുരം : മാഹിയിൽ നിന്ന് അനധികൃതമായി കടത്തുകയായിരുന്ന വിദേശമദ്യവുമായി ഇതര സംസ്ഥാന തൊഴിലാളി അറസ്റ്റിൽ. വെസ്റ്റ് ബംഗാൾ സ്വദേശി മുഹ്റം അലി ( 43 ) നെയാണ് നാദാപുരം എസ് ഐ അനീഷ് വടക്കേടത്ത് അറസ്റ്റ് ചെയ്തത്. പ്രതിയിൽ നിന്ന് 500 എം എൽ ൻ്റെ 17 കുപ്പി മാഹി മദ്യം പോലീസ് പിടികൂടി.

ഞായറാഴ്ച്ച ഉച്ചയ്ക്ക് 12 മണിയോടെ നാദാപുരം - തലശ്ശേരി സംസ്ഥാന പാതയിൽ നടത്തിയ പരിശോധനയിലാണ് പ്രതി പിടിയിലായത്. ബാഗിൽ സൂക്ഷിച്ച നിലയിലായിരുന്നു മദ്യം. വാണിമേലിൽ ഇതര സംസ്ഥാന തൊഴിലാളികൾ താമസിക്കുന്ന വാടക ക്വാട്ടേഴ്സിലും മറ്റും വിൽപ്പനക്കായി കൊണ്ട് പോവുകയായിരുന്നു മദ്യം.