നാദാപുരം : വിൽപ്പനക്കായി സൂക്ഷിച്ച കഞ്ചാവുമായി നാല് ഇതര സംസ്ഥാന തൊഴിലാളികൾ അറസ്റ്റിൽ. വെസ്റ്റ് ബംഗാൾ സ്വദേശികളായ ജിയാറുൾ മീർ ( 33 ) ,തഹറപ്പ് ഹൽദാർ ( 44 ) ,അലാവുദീൻ ഷെഖ് ( 26 ) ,മഥാപ്പൂർ സ്വദേശി അബ്ദുറഹീം ഷെഖ് (28 ) എന്നിവരെയാണ് വളയം എസ് ഐ എം.പി.വിഷ്ണു അറസ്റ്റ് ചെയ്തത്. രഹസ്യ വിവരത്തിൻ്റെ അടിസ്ഥാനത്തിൽ വ്യാഴാഴ്ച്ച പുലർച്ചെ ഒന്നര മണിയോടെ എസ്.ഐ യും സംഘവും നടത്തിയ പരിശോധനയിലാണ് 650 ഗ്രാം കഞ്ചാവ് പിടികൂടിയത്. സിപ്പ് ലോക്ക് കവറുകളിലാക്കി വിൽപ്പനക്ക് സൂക്ഷിച്ച നിലയിലായിരുന്നു കഞ്ചാവ് ശേഖരം.