ആലപ്പുഴ: 25 കോടിയുടെ ഓണം ബംബർ അടിച്ച ഭാഗ്യവാനെ ഒടുവിൽ തിരിച്ചറിഞ്ഞു. നെട്ടൂരിലെ പെയിന്‍റ് കട ജീവനക്കാരൻ ശരത് എസ്. നായരാണ് കോടിപതി. സമ്മാനാര്‍ഹമായ ടിക്കറ്റ് ഇദ്ദേഹം ബാങ്കില്‍ കൈമാറിയെന്നാണ് വിവരം.

ബംപർ നറുക്കെടുപ്പ് നടന്ന ദിവസം രാവിലെ ജോലിക്കെത്തിയ ശരത്ത് പിന്നീട് ഇവിടെനിന്ന് മടങ്ങുകയായിരുന്നെന്ന് സഹപ്രവർത്തകർ പറയുന്നു. കുടുംബത്തില്‍ കുറച്ച് പ്രശ്‌നങ്ങളുണ്ടെന്നും ആശുപത്രിയല്‍ പോവണമെന്നും പറഞ്ഞ് പോവുകയായിരുന്നെന്ന് അവർ പറഞ്ഞു. ലോട്ടറിയെടുത്ത കാര്യം അറിയാമായിരുന്നെങ്കിലും ബംപറടിച്ചത് മറ്റുള്ളവർ അറിഞ്ഞിരുന്നില്ല. ഇദ്ദേഹം സ്ഥിരമായി ബംബറെടുക്കുന്ന ആളാണെന്ന് സുഹൃത്തുക്കള്‍ പറഞ്ഞു. തൊട്ടടുത്ത ലോട്ടറി ഏജന്‍സിയില്‍ നിന്നാണ് ശരത്ത് ടിക്കറ്റെടുത്തത്.