വടകര: എക്‌സൈസ് സർക്കിൾ ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് പ്രമോദ് പുളിക്കൂലും പാർട്ടിയും അഴിയൂർ ജി.ജെ. ബി സ്കൂൾ പരിസരത്ത് വച്ച് നടത്തിയ പരിശോധനയിൽ 63 ലിറ്റർ മാഹി വിദേശ മദ്യം പിടികൂടി. KL-58-AH-6173 നമ്പർ ഓട്ടോറിക്ഷയിൽ കടത്തുകയായിരുന്ന മദ്യമാണ് പിടികൂടിയത്. പ്രതി ഓടി രക്ഷപ്പെട്ടു. പാർട്ടിയിൽ സിവിൽ എക്സൈസ് ഓഫീസർ അനിരുദ്ധ പി. കെ, സിവിൽ എക്സൈസ് ഓഫീസർ ഡ്രൈവർ പ്രജീഷ് ഇ കെ എന്നിവരും പങ്കെടുത്തു.