വടകര: എക്സൈസ് റേഞ്ച് പാർട്ടി ചെമ്മരത്തൂരിൽ നടത്തിയ പരിശോധനയിൽ 2.5 ലിറ്റർ വാറ്റ് ചാരായവുമായി ഒരാൾ പിടിയിൽ. ചെമ്മരത്തൂർ ചോറോട്ടു മീത്തൽ മഹേഷ് (40) ആണ് പിടിയിലായത്. പ്രതിക്ക് ചാരായം നൽകിയ പാറക്കാട്ട് പറമ്പത്ത് സന്തോഷിനെയും പ്രതി ചേർത്തിട്ടുണ്ട്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. 

പാർട്ടിയിൽ അസിസ്റ്റന്റ് എക്സൈസ് ഇൻസ്പെക്ടർ ഗ്രേഡ് ജയപ്രസാദ് സി കെ , സി ഇ ഒ മാരായ സന്ദീപ്, മുഹമ്മദ് അജ്മൽ , അഖിൽ, രഗിൽരാജ്, സച്ചിൻ, ഡബ്ള്യു സി ഇ ഒ തുഷാര, ഡ്രൈവർ ബബിൻ എന്നിവർ പങ്കെടുത്തു. വാറ്റുചാരായം നിർമ്മിച്ച് ആവശ്യക്കാർക്കായി വിതരണം ചെയ്യുന്നതിനിടയിലാണ് ഇയാളെ പിടികൂടുന്നത്.