കൊയിലാണ്ടി: കോരപ്പുഴ പാലത്തില്‍ നിന്ന് വടകര സ്വദേശി പുഴയില്‍ ചാടി മരിച്ചു. കോട്ടപ്പള്ളി ഈനോത്ത് ബിജീഷ്‌കുമാറാണ് (46) മരിച്ചത്. ഇന്ന് വൈകീട്ട് 3.30 ഓടെയാണ് പാലത്തില്‍ നിന്ന് ഒരാള്‍ പുഴയിലേക്ക് ചാടുന്നത് യാത്രക്കാര്‍ കണ്ടത്. പിന്നാലെ എലത്തൂര്‍ പോലീസും ബീച്ച് അഗ്‌നി രക്ഷാ സേനയും തെരച്ചില്‍ നടത്തുന്നതിനിടയില്‍ കണ്ണന്‍ കടവ് കടപ്പുറത്ത് നിന്നാണ് മൃതദേഹം കിട്ടിയത്.

കോരപ്പുഴ പാലത്തില്‍ നിന്ന് കിട്ടിയ ബാഗില്‍ നിന്ന് കിട്ടിയ വിവരങ്ങളനുസരിച്ച് മരിച്ചത് കോട്ടപ്പള്ളി സ്വദേശിയാണെന്ന് സംശയമുണ്ടായിരുന്നു. കോഴിക്കോട് മെഡിക്കല്‍ കോളജ് ആശുപത്രി മോര്‍ച്ചറിയില്‍ സൂക്ഷിച്ച മൃതദേഹം നാട്ടിൽ നിന്നെത്തിയവര്‍ തിരിച്ചറിയുകയായിരുന്നു. റിട്ട.അധ്യാപകന്‍ ഭാസ്‌കരന്റെയും രാധയുടെയും മകനാണ് ബിജീഷ്‌ കുമാർ. ഭാര്യ: നിഷ. മകള്‍: അനാമിക. സഹോദരി: ബിന്ദു.