നാദാപുരം: സ്വകാര്യ ക്ലിനിക്കിൽ ഭർതൃമതിക്ക് നേരെ പീഡന ശ്രമം. അധ്യാപകനെതിരെ വളയം പോലീസ് കേസ് രജിസ്റ്റർ ചെയ്തു. ചിറ്റാരി ഗവ എൽ പി സ്ക്കൂൾ അധ്യാപകൻ കരുണാകരനെതിരെയാണ് വീട്ടമ്മയുടെ പരാതിയിൽ പോലീസ് കേസ് എടുത്തത്. നവംബർ എട്ടിനായിരുന്നു സംഭവം.

സ്വകാര്യ ക്ലിനിക്ക് നടത്തിപ്പ് കാരനായ അധ്യാപകൻ യുവതിയായ ഭർതൃമതിയെ ക്ലിനിക്കിനുള്ളിൽ വെച്ച് കയറി പിടിക്കുകയായിരുന്നു. കഴിഞ്ഞ ദിവസമാണ് യുവതി പോലീസിൽ പരാതി നൽകിയത്. തുടർന്ന് പോലിസ് യുവതിയുടെ മൊഴി രേഖപ്പെടുത്തുകയും കേസ് രജിസ്റ്റർ ചെയ്യുകയുമായിരുന്നു. പ്രതിക്ക് വേണ്ടി അന്വേഷണം ആരംഭിച്ചതായി വളയം പോലിസ് അറിയിച്ചു.