പയ്യോളി: ഭര്‍ത്താവിനൊപ്പം സ്‌കൂട്ടറില്‍ സഞ്ചരിക്കുകയായിരുന്ന യുവതി ലോറി ഇടിച്ച് മരിച്ചു. മണിയൂര്‍ കരുവഞ്ചേരി തോട്ടത്തില്‍ സറീനയാണ് (40) മരിച്ചത്. ബുധനാഴ്ച വൈകുന്നേരം പയ്യോളി കോടതിക്കു സമീപമാണ് അപകടം. ഭര്‍ത്താവ് ബഷീറിനൊപ്പം യാത്ര ചെയ്യവെ സ്‌കൂട്ടറിനു പിന്നില്‍ ലോറി ഇടിക്കുകയായിരുന്നു. തെറിച്ചുവീണ യുവതിയുടെ ദേഹത്ത് കൂടെ ലോറി കയറിയിറങ്ങി. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മക്കൾ; മുബഷിർ (ഖത്തർ), മിർഷാദ് (റഹ്മാനിയ വിദ്യാർഥി).