തിരുവനന്തപുരം: കേരള ക്രിക്കറ്റ് അസോസിയേഷന്റെ പരിശീലകൻ മനുവിനെതിരെ കൂടുതൽ ആരോപണങ്ങൾ. ഇയാൾ പീഡിപ്പിച്ച പെൺകുട്ടിയുടെ പിതാവാണ് വെളിപ്പെടുത്തൽ നടത്തിയത്. മനു പെൺകുട്ടിയുടെ നഗ്ന ചിത്രങ്ങൾ പകർത്തിയെന്നും ശുചിമുറിയിൽ വച്ച് പീഡിപ്പിച്ചുവെന്നും പിതാവ് ആരോപിച്ചു.പെൺകുട്ടിയുടെ നഗ്നചിത്രങ്ങളും അർദ്ധ നഗ്നചിത്രങ്ങളും മനു സ്വന്തം ഫോണിൽ പകർത്തുന്നത് പതിവായിരുന്നു.&nbsp;
ബോഡി ഷെയ്‌പ്പ് അറിയാനായി ബിസിസിഐക്കും കെസിഎയ്‌ക്കും അയച്ചുകൊടുക്കാനാണ് എന്ന് പറഞ്ഞാണ് ഇയാൾ നഗ്നചിത്രങ്ങൾ എടുത്തിരുന്നത്. എന്നാൽ, ബിസിസിഐയോ കെസിഎയോ ഇത്തരം ചിത്രങ്ങൾ ആവശ്യപ്പെടാറില്ല.പെൺകുട്ടിയെ ശുചിമുറിയിൽ വച്ച് ക്രൂരമായി പീഡിപ്പിച്ചെന്നും പിതാവ് പറഞ്ഞു. കുട്ടി നിലവിളിച്ചപ്പോൾ ബലമായി പിടിച്ചുനിർത്തി സ്വകാര്യഭാഗങ്ങളിൽ ഉൾപ്പെടെ ഉപദ്രവിച്ചു. പെൺകുട്ടികൾക്ക് മയക്കുമരുന്ന് നൽകി പീഡിപ്പിക്കുന്നതും ഇയാളുടെ രീതിയായിരുന്നു എന്നും പിതാവ് പറഞ്ഞു.&nbsp;
തെങ്കാശിയിൽ കൊണ്ടുപോയാണ് ഇത്തരത്തിൽ കുട്ടികളെ പീഡിപ്പിച്ചത്. ഒരു കുട്ടി രാവിലെ എഴുന്നേറ്റപ്പോഴാണ് മനുവിന്റെ മുറിയിലാണെന്ന് തിരിച്ചറിഞ്ഞത്. തലേദിവസം രാത്രി മയക്കുമരുന്ന് നൽകി കുട്ടിയെ മുറിയിലേക്ക് കൊണ്ടുപോവുകയായിരുന്നു.നിലവിൽ ആറ് പെൺകുട്ടികളാണ് മനുവിനെതിരെ പരാതി നൽകിയിരിക്കുന്നത്. പോക്‌സോ നിയമപ്രകാരമുള്ള ആറ് കേസുകളിലും പൊലീസ് ഇയാളുടെ അറസ്റ്റ് രേഖപ്പെടുത്തി. മനു ഇപ്പോൾ റിമാൻഡിലാണ്.&nbsp;
കേരള ക്രിക്കറ്റ് അസോസിയേഷൻ (കെസിഎ) തിരുവനന്തപുരത്തെ പരിശീലകനായിരുന്നു മനു. പരിശീലനത്തിന്റെ മറവിൽ പ്രായപൂർത്തിയാകാത്ത നിരവധി പെൺകുട്ടികളെ ഇയാൾ ചൂഷണം ചെയ്‌‌തെന്നാണ് വിവരം.തെങ്കാശിയിൽ ക്രിക്കറ്റ് ടൂർണമെന്റിന് കൊണ്ടുപോയി അവിടെയുള്ള ഹോട്ടലിൽ വച്ച് പീഡിപ്പിച്ചതായും നഗ്നചിത്രങ്ങൾ പകർത്തിയതായും പെൺകുട്ടികൾ മൊഴി നൽകിയിട്ടുണ്ട്

നഗ്നചിത്രങ്ങൾ പകർത്തി, ശുചിമുറിയിൽ വച്ച് പീഡിപ്പിച്ചു; ക്രിക്കറ്റ് പരിശീലകനെതിരെ കൂടുതൽ വെളിപ്പെടുത്തൽ

നാദാപുരം : എട്ടാംക്ലാസ് വിദ്യാർഥിനിക്കുനേരേ ലൈംഗികാതിക്രമം നടത്തിയ വ്യാപാരിക്ക് 29 വർഷം കഠിനതടവും 1.25 ലക്ഷം രൂപ പിഴയും വിധിച്ചു. കല്ലാച്ചി പയന്തോങ്ങ് അമ്മുകുട്ടി വീട്ടിലെ രാജീവനെ(62)യാണ് നാദാപുരം ഫാസ്റ്റ് ട്രാക്ക്‌ സ്പെഷ്യൽ ജഡ്ജി എം. സുഹൈബ് ശിക്ഷിച്ചത്. 2023 ഫെബ്രുവരി 19-നാണ് സംഭവം. പയന്തോങ്ങിലെ പ്രതിയുടെ വീട്ടിൽവെച്ച് പെൺകുട്ടിയെ ലൈംഗികാതിക്രമത്തിന് വിധേയമാക്കിയെന്നാണ് പരാതി.&nbsp;
നാദാപുരം പോലീസ് ചാർജ് ചെയ്ത കേസിൽ ഗ്രേഡ് എസ്.ഐ. കെ.പി. സുശീല മൊഴി രേഖപ്പെടുത്തി. നാദാപുരം എസ്.ഐ. എസ്. ശ്രീജിത്ത് കേസിന്റെ തുടരന്വേഷണം നടത്തി. നാദാപുരം ഇൻസ്പെക്ടർ ഇ.വി. ഫായിസ് അലി കുറ്റപത്രം സമർപ്പിച്ചു. പ്രോസിക്യൂഷനുവേണ്ടി സ്പെഷ്യൽ പബ്ലിക് പ്രോസിക്യൂട്ടർ മനോജ് അരൂർ ഹാജറായി. ലെയ്‌സൺ ഓഫീസർ പി.എം. ഷാനി പ്രോസിക്യൂഷൻ നടപടികൾ ഏകോപിപ്പിച്ചു.

വിദ്യാർഥിനിക്കുനേരേ ലൈംഗികാതിക്രമം: കല്ലാച്ചിയിലെ വ്യാപാരിക്ക് 29 വർഷം കഠിനതടവ്

Nadapuram

വടകര: തീവണ്ടി തട്ടി സ്ത്രീ മരിച്ചതിനുപിന്നാലെ വിവരമറിഞ്ഞ് സ്ഥലത്തെത്തിയ സമീപവാസിയായ റിട്ട. അധ്യാപകൻ കുഴഞ്ഞുവീണുമരിച്ചു. പുതുപ്പണം പാലോളിപ്പാലത്താണ് സംഭവം. പാലോളിപ്പാലത്തെ ആക്കൂന്റവിട ഷർമിള (48)യാണ് ബുധനാഴ്ച വൈകീട്ട് തീവണ്ടി തട്ടി മരിച്ചത്.
കുറച്ച് സമയം കഴിഞ്ഞാണ് നാട്ടുകാർ വിവരമറിയുന്നതും ഷർമിളയെ കണ്ടെത്തുന്നതും. ഈ സമയത്ത് ഇവിടെയെത്തിയ കറുകയിൽ കുറ്റിയിൽ രാജൻ മാസ്റ്ററാണ് (73) കുഴഞ്ഞു വീണുമരിച്ചത്. ഇദ്ദേഹത്തിന്റെ ഒരു മകളുടെ പേര് ഷർമ്യയെന്നാണ്. മകളാണോ അപകടത്തിൽപ്പെട്ടതെന്ന ആധിയോടെയാണ് ഇദ്ദേഹം എത്തിയത്. പിന്നാലെ കുഴഞ്ഞുവീഴുകയായിരുന്നു. ഉടൻ സഹകരണ ആശുപത്രിയിലെത്തിച്ചെങ്കിലും രക്ഷിക്കാനായില്ല.
കുടുംബശ്രീ യോഗത്തിനുശേഷം സമീപത്തെ ഒരു മരണവീട്ടിൽ പോയി തിരിച്ചുവരുന്നതിനിടെയാണ് ഷർമിളയെ തീവണ്ടി തട്ടിയത്. എന്നാൽ ആരും ഇത് കണ്ടില്ല. സംഭവത്തിന് സാക്ഷിയായ ലോക്കോ പൈലറ്റ് വിവരം വടകര റെയിൽവേ സ്റ്റേഷനിൽ അറിയിക്കുകയായിരുന്നു. തുടർന്ന് ആർ.പി.എഫ്. സ്ഥലത്തെത്തി നാട്ടുകാരുടെ സഹായത്തോടെ തിരച്ചിൽ നടത്തിയശേഷമാണ് ശർമിളയെ തീവണ്ടിതട്ടിയനിലയിൽ കണ്ടത്. ഈ വിവരമറിഞ്ഞാണ് സമീപത്തുള്ള രാജൻ സ്ഥലത്തെത്തിയത്.
അംഗജനാണ് മരിച്ച ശർമിളയുടെ ഭർത്താവ്. മക്കൾ: കാവ്യ, കൃഷ്ണ. ഇരിങ്ങൽ സ്കൂൾ റിട്ട. അധ്യാപകനാണ് രാജൻ. സി.പി.എം. കറുക ബ്രാഞ്ചംഗമാണ്. ഭാര്യ: ജയ. മക്കൾ: ഷർമ്യ, റിഞ്ചു. മരുമക്കൾ: സോനു (ചോയ്‌സ് ഓട്ടോ പാർട്സ്), രാജേഷ് (യു.എൽ.സി.സി.എസ്.).

പാലോളിപ്പാലത്ത് തീവണ്ടി തട്ടി സ്ത്രീ മരിച്ചു;മകളെന്ന ആധിയിലെത്തിയ സമീപവാസി കുഴഞ്ഞുവീണ്‌ മരിച്ചു

Vadakara

പേരാമ്പ്ര : പേരാമ്പ്രയിൽ സ്വകാര്യ ബസ് ഇടിച്ച് വയോധികൻ മരിച്ചു. സ്റ്റാൻഡിലൂടെ നടന്നു പോകുന്ന ആളുടെ മുകളിലൂടെയാണ് ബസ് കയറിയിറങ്ങിയത്. ബസിൻ്റെ അശ്രദ്ധയാണ് അപകടത്തിന് കാരണമെന്ന് ആരോപിച്ച് സ്ഥലത്ത് യാത്രക്കാരും നാട്ടുകാരും പ്രതിഷേധിക്കുകയാണ്.
വയോധികൻ സംഭവസ്ഥലത്ത് തന്നെ മരിച്ചു. ഇദ്ദേഹത്തിൻ്റെ മൃതദേഹം ആശുപത്രിയിലേക്ക് മാറ്റി. മരിച്ചയാളെ തിരിച്ചറി‌‍ഞ്ഞിട്ടില്ല. അപകടസ്ഥലത്ത് പൊലീസും ഫയർ ഫോഴ്‌സുമെത്തി. ഫയർ ഫോഴ്‌സ് അംഗങ്ങൾ അപകടസ്ഥലം വൃത്തിയാക്കി.

പേരാമ്പ്രയിൽ സ്റ്റാൻ്റിലൂടെ നടന്നുപോവുമ്പോൾ  ബസ് കയറിയിറങ്ങി;വയോധികന് ദാരുണാന്ത്യം

Perambra

വടകര: പൂജക്കായി വീട്ടിലെത്തിയ പതിനൊന്നുകാരനെ ലൈംഗികമായി പീഡിപ്പിച്ച മധ്യ വയസ്‌കന്‍ അറസ്റ്റില്‍. മണിയൂര്‍ മന്തരത്തൂര്‍ പുന്നേരി മീത്തല്‍ രാമദാസനെയാണ് (49) വടകര പോലീസ് അറസ്റ്റ് ചെയ്തത്. തിരുവള്ളൂരിലെ 11 കാരനെയാണ് പീഡിപ്പിച്ചത്. കോഴിക്കോട് കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.

പതിനൊന്നുകാരനെ പീഡിപ്പിച്ച കേസിൽ മണിയൂർ സ്വദേശി അറസ്റ്റില്‍

കോഴിക്കോട്: ജില്ലയിലെ പേരാമ്പ്ര എസ്റ്റേറ്റ്, കൂരാച്ചുണ്ട് എന്നിവിടങ്ങളില്‍ കടുവാ സാന്നിദ്ധ്യം സംശയിക്കുന്നതിനെ തുടര്‍ന്ന് അധികൃതര്‍ ജനങ്ങള്‍ക്ക് ജാഗ്രതാ നിര്‍ദേശം നല്‍കി. കഴിഞ്ഞ ദിവസം റിസര്‍വോയറിനോട് ചേര്‍ന്ന പ്രദേശത്ത് വനം വകുപ്പ് ഉദ്യോഗസ്ഥര്‍ നടത്തിയ പരിശോധനയിലാണ് കടുവയുടേതിന് സമാനമായ കാല്‍പ്പാടുകള്‍ കണ്ടെത്തിയത്. തുടര്‍ന്ന് പെരുവണ്ണാമൂഴി ഫോറസ്റ്റ് ഉദ്യോഗസ്ഥരും ചക്കിട്ടപ്പാറ പഞ്ചായത്ത് അധികൃതരും ജാഗ്രതാ നിര്‍ദേശം നല്‍കുകയായിരുന്നു.
കടുവയെ നേരിട്ട് കാണാന്‍ കഴിഞ്ഞിട്ടില്ലെന്നും എങ്കിലും എല്ലാവരും മുന്‍കരുതല്‍ സ്വീകരിക്കണമെന്നും ഡെപ്യൂട്ടി ഫോറസ്റ്റ് റെയ്ഞ്ച് ഓഫീസര്‍ ഇ ബൈജുനാഥ് പറഞ്ഞു. പേരാമ്പ്ര എസ്റ്റേറ്റില്‍ തൊഴിലാളികള്‍ അതിരാവിലെ തന്നെ ജോലിക്കെത്തുന്നവരാണ്. പുലര്‍കാലങ്ങളില്‍ ജോലിയ്ക്ക് പോകുന്നവരും ജാഗ്രത പുലര്‍ത്തണമെന്ന് ചക്കിട്ടപ്പാറ പഞ്ചായത്ത് പ്രസിഡന്റ് കെ സുനില്‍ സൂചിപ്പിച്ചു.

പേരാമ്പ്ര എസ്റ്റേറ്റ്, കൂരാച്ചുണ്ട് ഭാഗങ്ങളില്‍ കടുവയുടെ സാന്നിദ്ധ്യം

Kozhikode

ബംഗളൂരു: വയനാട് സ്വദേശിയായ ബിരുദ വിദ്യാർത്ഥിയെ താമസസ്ഥലത്ത് മരിച്ച നിലയിൽ കണ്ടെത്തി. മേപ്പാടി തറയിൽ ടിഎം നിഷാദിന്റെ മകൻ മുഹമ്മദ് ഷാമിൽ (23) ആണ് മരിച്ചത്. രാജകുണ്ഡെയിലെ അപ്പാർട്ട്‌മെന്റിലാണ് ഷാമിലിനെ തൂങ്ങി മരിച്ച നിലയിൽ കണ്ടെത്തിയത്. മത്തിക്കര എംഎസ് രാമയ്യ കോളേജിലെ മൂന്നാം വർഷ ബിബിഎ വിദ്യാർത്ഥിയായിരുന്നു.
ഒപ്പം താമസിച്ചിരുന്നവർ വെള്ളിയാഴ്‌ച നാട്ടിലേക്ക് മടങ്ങിയതിനാൽ ഷാമിൽ ഒറ്റയ്‌ക്കാണ് മുറിയിലുണ്ടായിരുന്നത്. ഞായറാഴ്‌ച ഇവർ തിരികെ എത്തിയപ്പോഴാണ് ജീർണിച്ച നിലയിൽ മൃതദേഹം കണ്ടത്. സംഭവത്തിൽ രാജകുണ്ഡെ പൊലീസ് ഇൻക്വസ്റ്റ് നടത്തി. മൃതദേഹം അംബേദ്‌ക്കർ മെഡിക്കൽ കോളേജിൽ പോസ്റ്റ്‌മോർട്ടം നടത്തി. ശേഷം ഓൾ ഇന്ത്യ കേരള മുസ്ലീം കൾച്ചറൽ സെന്ററിന്റെ (എഐകെഎംസിസി) സഹായത്തോടെ നാട്ടിലേക്ക് കൊണ്ടുപോയി.ഷാമിലിന്റെ ബന്ധുക്കൾ നൽകിയ പരാതിയിൽ പൊലീസ് കേസെടുത്തു. മാതാവ് - വഹീദ, സഹോദരങ്ങൾ - അഫ്രിൻ മുഹമ്മദ്, തൻവീർ അഹമ്മദ്.

മലയാളി വിദ്യാർത്ഥി ബംഗളൂരുവിൽ മരിച്ച നിലയിൽ; മൃതദേഹം ജീർണിച്ച അവസ്ഥയിൽ

National

നാദാപുരം: യുവതിയെ തൂങ്ങി മരിച്ചനിലയിൽ കണ്ടെത്തി. ഉണിയമ്പ്രോൽ മനോഹരൻ–സനില ദമ്പതികളുടെ മകൾ ആരതി (21) ആണ് മരിച്ചത്. തിങ്കളാഴ്ച രാവിലെ 9 മണിയോടെയാണ് സംഭവം. അമ്മ സനില പുറമേരി ടൗണിൽ പോയി മടങ്ങി എത്തിയപ്പോഴാണ് ആരതിയെ തൂങ്ങിയ നിലയിൽ കണ്ടത്.&nbsp;
ഉടൻ നാദാപുരം ഗവ.താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കണ്ണൂരിലെ സ്വകാര്യ ആശുപത്രിയിൽ നഴ്സായി ജോലി ചെയ്യുകയായിരുന്നു. അടുത്തിടെയാണ് ആരതിയുടെ വിവാഹം ഉറപ്പിച്ചത്. സംഭവത്തിൽ പൊലീസ് അന്വേഷണം തുടങ്ങി. ആതിരയാണ് സഹോദരി.

നാദാപുരത്ത് നഴ്സായ  യുവതിയെ തൂങ്ങി മരിച്ചനിലയിൽ കണ്ടെത്തി

കൊയിലാണ്ടി: വിദ്യാർഥിയുടെ ആക്രമണത്തിൽ കൊയിലാണ്ടി പൊലീസ് സ്റ്റേഷനിലെ നാല് പൊലീസുകാർക്ക് പരിക്കേറ്റു. എസ്.ഐ ജിതേഷ്, ഗ്രേഡ് എസ്.ഐ അബ്ദുല്ല, സീനിയർ സിവിൽ പൊലീസ് ഓഫിസർമാരായ പ്രവീൺ കുമാർ, സിനു രാജ് എന്നിവർക്കാണ് പരിക്കേറ്റത്. ഇവരെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തിൽ ബിരുദ വിദ്യാർഥി അത്തോളി കൊങ്ങന്നൂർമലയിൽ നോബിൻ(23)നെ അറസ്റ്റ് ചെയ്തു.
ചിത്രാ ടാക്കീസിനു സമീപം തിങ്കളാഴ്ച വൈകീട്ടാണ് സംഭവം. രഹസ്യവിവരം കിട്ടിയതിനെ തുടർന്ന് പോക്സോ കേസിലെ പ്രതിയെ പിടിക്കാൻ പോകവെ സംശയാസ്പദ സാഹചര്യത്തിൽ നോബിൻ ചിത്രാടാക്കീസിന് സമീപം നിൽക്കുന്നത് കണ്ടത് ചോദ്യം ചെയ്യുന്നതിനിടയിൽ ആക്രമിക്കുകയായിരുന്നുവെന്ന് പൊലീസ് പറയുന്നു. കല്ല് കൊണ്ടാണ് ആക്രമിച്ചത്.&nbsp;

കൊയിലാണ്ടിയിൽ വിദ്യാർഥിയുടെ ആക്രമണത്തിൽ നാല് പൊലീസുകാർക്ക് പരിക്കേറ്റു

Koyilandy

ഫറോക്ക്: പ്രായപൂർത്തിയാകാത്ത കുട്ടികളെ ഉപയോഗപ്പെടുത്തിയുള്ള ബൈക്ക്‌ മോഷണത്തിൽ വാഹനങ്ങളെല്ലാം കണ്ടെടുത്ത്‌ പൊലീസ്‌. കഴിഞ്ഞ ദിവസം പിടിയിലായ രവിരാജിന്റെ (സെങ്കുട്ടി) നേതൃത്വത്തിലുള്ള മോഷണ സംഘത്തിലുൾപ്പെട്ട പ്രായപൂർത്തിയാകാത്ത രണ്ട്‌ പ്രതികളെക്കൂടി പിടികൂടുകയുംചെയ്‌തു. കോഴിക്കോട് ടൗൺ, ഫറോക്ക്, കുന്നമംഗലം, വടകര തുടങ്ങിയ പൊലീസ് സ്റ്റേഷൻ പരിധിയിൽനിന്ന്‌ കഴിഞ്ഞ ഒരുമാസത്തിനിടെ മോഷ്ടിക്കപ്പെട്ട നാല്‌ ബൈക്കുകളും രണ്ടു സ്കൂട്ടറുകളുമാണ് വിവിധ സ്ഥലങ്ങളിൽനിന്ന്‌ പൊലീസ്‌ കണ്ടെടുത്തത്. ഫറോക്ക് എസിപി എ എം സിദ്ദിഖിന്റെ നേതൃത്വത്തിൽ നടത്തിയ അന്വേഷണത്തിൽ കഴിഞ്ഞ അഞ്ചിന് പിടിയിലായി റിമാൻഡിലായിരുന്ന മുഖ്യപ്രതി രവിരാജിനെ കസ്റ്റഡിയിൽ വാങ്ങി ഫറോക്ക് ഇൻസ്പെക്ടർ ടി എസ് ശ്രീജിത്ത്, എസ്ഐ വിനയൻ എന്നിവരുടെ നേതൃത്വത്തിൽ പൊലീസ് നടത്തിയ തുടരന്വേഷണത്തിലാണ് വാഹനങ്ങൾ പിടിച്ചെടുത്തത്‌.
ഫറോക്ക് നഗരത്തിൽ റെയിൽവേ സ്റ്റേഷൻ പരിസരത്തുനിന്ന്‌ തുടർച്ചയായി ബൈക്കുകൾ മോഷ്ടിക്കപ്പെട്ടതോടെയാണ് അസി. കമീഷണറുടെ നേതൃത്വത്തിൽ പ്രത്യേക അന്വേഷണമാരംഭിച്ചതും കുട്ടിക്കുറ്റവാളികളടങ്ങുന്ന സംഘം വലയിലായതും. ഫറോക്കിന് പുറമെ, കോഴിക്കോട്, വടകര റെയിൽവേ സ്റ്റേഷനുകൾ, കുന്നമംഗലം ടൗൺ എന്നിവിടങ്ങളിൽനിന്നാണ് സംഘം വാഹനങ്ങൾ മോഷ്ടിച്ചത്. പിടിച്ചെടുത്ത വാഹനങ്ങൾ ബന്ധപ്പെട്ട സ്‌റ്റേഷനുകൾക്ക്‌ കൈമാറി. മുഖ്യപ്രതി രവിരാജിനെ വീണ്ടും കോടതിയിൽ ഹാജരാക്കി റിമാൻഡ് ചെയ്തു. പ്രായപൂർത്തിയാകാത്തവരെ ജുവനൈൽ ജസ്റ്റിസ് ബോർഡിന്‌ മുന്നിൽ ഹാജരാക്കി.

വടകരയിൽ ഉൾപ്പടെ കുട്ടികളെ ഉപയോഗിച്ച്‌ മോഷണം; ഇരുചക്രവാഹനങ്ങൾ കണ്ടെടുത്തു

Search Results for: accident