പാലക്കാട്: മൂന്നു വയസ്സുള്ള പെൺകുട്ടിയെ പീഡിപ്പിച്ച വയോധികനെ പോലീസ് കസ്റ്റഡിയിലെടുത്തു. കല്ലുകൊത്തുന്ന പണിക്കായി വന്ന കർണാടക സ്വദേശികളായ ദമ്പതികളുടെ മൂന്നു വയസ്സുള്ള മകളെ പീഡിപ്പിച്ച എരുത്തേമ്പതി വില്ലൂന്നി സ്വദേശി കന്തസ്വാമി (77) ആണ് കൊഴിഞ്ഞാമ്പാറ പോലീസിന്റെ പിടിയിലായത്.

ഇന്നു രാവിലെ അഞ്ചരയോടെ നടുപ്പുണിയിലാണ് സംഭവം. റോഡരികിൽ ഉറങ്ങിക്കിടക്കുകയായിരുന്ന ദമ്പതികൾക്ക് സമീപത്തുനിന്നും കുട്ടിയെ എടുത്തുകൊണ്ടുപോയി 50 മീറ്റർ അകലെ വച്ച് പീഡിപ്പിക്കുകയായിരുന്നു. കുട്ടിയുടെ കരച്ചിൽ കേട്ട് എത്തിയപ്പോഴാണ് സംഭവം കണ്ടത്. കുട്ടിയെ ജില്ലാ ആശുപത്രിയിൽ പ്രവേശിപ്പിച്ചു.