നാദാപുരം: വിൽപ്പനക്കായി സൂക്ഷിച്ച മയക്ക് മരുന്നുമായി ബംഗാൾ സ്വദേശി പോലീസ് പിടിയിലായി. വെസ്റ്റ് ബംഗാൾ 24 ഫർഗാന സ്വദേശി അമാനുള്ള ഖയാൽ (29 ) നെയാണ് നാദാപുരം എസ് ഐ എം.പി. വിഷ്ണു അറസ്റ്റ് ചെയ്തത്. പ്രതിയിൽ നിന്ന് O.17 ഗ്രാം നിരോധിത മയക്ക് മരുന്നായ ബ്രൗൺ ഷുഗർ പോലീസ് പിടികൂടി. കഴിഞ്ഞ ദിവസം രാത്രി നാദാപുരം - കല്ലാച്ചി സംസ്ഥാന പാതയിൽ രജിസ്ട്രർ ഓഫിസ് പരിസരത്ത് നിന്നാണ് പ്രതി പിടിയിലായത്.