നാദാപുരം :വിൽപ്പനക്കായി മാഹിയിൽ നിന്നെത്തിച്ച വിദേശ മദ്യവുമായി ഓട്ടോ ഡ്രൈവർ അറസ്റ്റിൽ. താനക്കോട്ടൂർ സ്വദേശി മാവിലാംകുന്നുമ്മൽ അഖിലേഷ് ( 38 )നെയാണ് വളയം എസ് ഐ എം.പി.വിഷ്ണു അറസ്റ്റ് ചെയ്തത്. പ്രതിയിൽ നിന്ന് രണ്ട് ലിറ്റർ മാഹി മദ്യം പോലീസ് പിടികൂടി. മദ്യം കടത്തിയ കെ എൽ 58 ജി 2296 നമ്പർ ഓട്ടോയും പോലീസ് കസ്റ്റഡിയിലെടുത്തു. താനക്കോട്ടൂർ, പാറക്കടവ്, കൊയമ്പ്രം പാലം മേഖലകളിൽ മാഹി മദ്യം വിൽപ്പന നടത്തുന്ന പ്രധാന കണ്ണിയാണ് പ്രതിയെന്ന് പോലീസ് പറഞ്ഞു. നേരത്തെയും മദ്യം വിൽപ്പന നടത്തിയതിന് പ്രതിക്കെതിരെ വളയത്ത് കേസ് നിലവിലുണ്ടെന്ന് പോലീസ് പറഞ്ഞു.