വടകര: കീഴലിൽ തോട്ടിൽ അകപ്പെട്ട പശുവിനെ വടകര അഗ്നിരക്ഷാസേന രക്ഷപ്പെടുത്തി. പാലോളളതിൽ റിനീഷ് എന്നയാളുടെ പശുവാണ് അപകടത്തിൽ പെട്ടത്. അസിസ്റ്റൻ്റ് സ്റ്റേഷൻ ഓഫീസർ. ഷെമേജ കുമാറിൻ്റെ നേതൃത്വത്തിൽ ഫയർ ഓഫീസർമാരായ ടി. പി. പ്രജീഷ്, എ. പി ഷൈജേഷ്, വി. കെ. ബിനീഷ്, പി. എം. സഹീർ, കെ. പി. റഷീദ്, അക്ഷയ് എന്നിവരും രക്ഷാപ്രവർത്തനത്തിൽ പങ്കാളികളായി.

കീഴലിൽ തോട്ടിൽ അകപ്പെട്ട പശുവിനെ രക്ഷപ്പെടുത്തി

Vadakara

പയ്യോളി: എട്ടാം ക്ലാസ് വിദ്യാർത്ഥിനിക്ക് നേരെ ലൈംഗികാതിക്രമം നടത്തിയ പ്രതിയെ പയ്യോളി പോലീസ് അറസ്റ്റ് ചെയ്തു. പയ്യോളി പുളിമുക്ക് ഗ്രൗണ്ടിൽ വച്ച് വടംവലി മത്സരം കാണുകയായിരുന്ന വിദ്യാർത്ഥിനിക്ക് നേരെയാണ് അതിക്രമം നടന്നത്. സംഭവവുമായി ബന്ധപ്പെട്ട് പള്ളിക്കര സ്വദേശിയായ മുഹമ്മദ് റാഫിയെ പോലീസ് പിടികൂടി. അറസ്റ്റ് ചെയ്ത പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.

വിദ്യാർത്ഥിനിക്ക് നേരെ ലൈംഗികാതിക്രമം; പ്രതി പിടിയിൽ

Koyilandy

വിലങ്ങാട് : വായാട് കാട്ടുപോത്തിന്റെ ആക്രമണത്തിൽ ഒരാൾ മരിച്ചു . വടക്കേ വായാട് വേലിയേരി സുനിലിനാണ് മരിച്ചത്. രാവിലെ ഫോറസ്‌റ്റുകാരോടൊപ്പം കൃഷിയിടത്തിൽ ഇറങ്ങിയ കാട്ടുപോത്തിനെ തുരത്തുന്നതിനിടെ ആയിരുന്നു ആക്രമണം ഉണ്ടായത് . പരിക്കേറ്റ ഇയാളെ ആശുപത്രിയിൽ പ്രവേശിപ്പിച്ചെങ്കിലും മരണപെട്ടു. മൃതദേഹം കുറ്റ്യാടി ഗവ. ആശുപത്രിയിൽ സൂക്ഷിച്ചിരിക്കുകയാണ്..
ഇവിടെ ഫെൻസിങ്ങ് നിർമ്മിച്ചിട്ടുണ്ടെങ്കിലും കാട്ടുപോത്തിൻ്റെ ശല്ല്യത്തിന് കുറവില്ല. സോളാർ ഫെൻസിങ്ങിൽ ചാർജ്ജില്ലാത്ത സമയങ്ങളിലാണ് വന്യമൃഗങ്ങൾ കൃഷിയിടത്തിൽ ഇറങ്ങുന്നത്.

വിലങ്ങാട് കാട്ടുപോത്തിന്റെ ആക്രമണത്തിൽ  ആദിവാസി യുവാവിന് ദാരുണാന്ത്യം

Nadapuram

ദേശമംഗലം(തൃശ്ശൂർ): ഇറച്ചി തൊണ്ടയിൽക്കുടുങ്ങി ശ്വാസതടസ്സം മൂലം ഗാനരചയിതാവ് മരിച്ചു. ദേശമംഗലം ഒലിച്ചിയിൽ താമസിക്കുന്ന ചെരുവിൽ വീട്ടിൽ ഭാസ്കരൻ(മണി-67) ആണ് മരിച്ചത്.ചൊവ്വാഴ്ച രാത്രി കുടുംബത്തോടൊപ്പം ഭക്ഷണം കഴിക്കുന്നതിനിടെയാണ് സംഭവം. അസ്വസ്ഥതയോടെ കുഴഞ്ഞുവീണതിനെത്തുടർന്ന് വാണിയംകുളത്തെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. അപ്പോഴൊന്നും മരണകാരണം എന്തെന്ന് വ്യക്തമായിരുന്നില്ല.
ജീവിതശൈലീരോഗങ്ങൾ ഉണ്ടായിരുന്നു. എന്നാൽ അസ്വാഭാവിക മരണമായതിനാൽ ചെറുതുരുത്തി പോലീസ് കേസെടുത്ത് മൃതദേഹം പോസ്റ്റുമോർട്ടം നടത്തിയപ്പോഴാണ് തൊണ്ടയിൽ ഇറച്ചിക്കഷ്ണം കുടുങ്ങിയതായി കണ്ടെത്തിയത്.വിവിധ ക്ഷേത്രങ്ങളെക്കുറിച്ചും മറ്റു ഭക്തിഗാനങ്ങളും രചിച്ചു ചിട്ടപ്പെടുത്തി പുറത്തിറക്കിയിട്ടുണ്ട്. ഭാര്യ: ഇന്ദിര. മക്കൾ: സുമികേഷ്, അഭിലാഷ്.

ഇറച്ചി തൊണ്ടയിൽക്കുടുങ്ങി; ഗാനരചയിതാവിന് ദാരുണാന്ത്യം

Kerala

വടകര: മാടാക്കര പള്ളിയിലെ സംഘർഷത്തിനിടെ ഉണ്ടായ പൊലീസ് നടപടിയിൽ എസ്.ഐ അടക്കമുള്ള ഉദ്യോഗസ്ഥർക്ക് സ്ഥലംമാറ്റം. ചോമ്പാല സ്റ്റേഷനിലെ എസ്.ഐ ഷമീൽ ഉൾപ്പെടെയുള്ള അഞ്ച് പൊലീസുകാരെ സ്ഥലം മാറ്റാൻ ഉത്തരമേഖലാ ഡി.ഐ.ജി നിർദേശം നൽകി.കോഴിക്കോട് റൂറൽ പൊലീസിലെ ജില്ലാ ആസ്ഥാനത്തേക്കാണ് സ്ഥലംമാറ്റിയത്. എ.എസ്.ഐമാരായ മനോജ് കുമാർ, മനോജൻ സി.പി.ഒമാരായ പ്രവീൺകുമാർ, അനിൽകുമാർ എന്നിവർക്കെതിരെയാണ് നടപടി സ്വീകരിച്ചത്. കോഴിക്കോട് റൂറൽ എസ്.പി മെറിൻ ജോസഫ് സ്ഥലംമാറ്റ ഉത്തരവിറക്കി കൊണ്ട് നടപടി പൂർത്തിയാക്കി.
കഴിഞ്ഞ ചൊവ്വാഴ്ചയാണ് മാടാക്കര പള്ളിയിൽ മഹല്ല് കമ്മിറ്റിയെ അനുകൂലിക്കുന്നവും എതിർക്കുന്നവരും തമ്മിലാണ് സംഘർഷമുണ്ടായത്. ബൂട്ട് ധരിച്ച് പള്ളിക്കകത്ത് കയറിയ പൊലീസ് സംഘം ലാത്തി വീശിയാണ് സംഘർഷം പിരിച്ചുവിട്ടത്. വര്‍ഷങ്ങളായി പള്ളിയുമായി ബന്ധപെട്ട് പ്രശ്‌നങ്ങള്‍ നിലനില്‍ക്കുന്നുണ്ടായിരുന്നു.

മാടാക്കര പള്ളിയിലെ പൊലീസ് നടപടി; എസ്.ഐ അടക്കമുള്ള ഉദ്യോഗസ്ഥർക്ക് സ്ഥലംമാറ്റം

തിരുവനന്തപുരം: മന്തിക്കൊപ്പം രണ്ടാമതും റൈസ് ആവശ്യപ്പെട്ടതിനെ തുടർന്നുണ്ടായ തർക്കത്തിൽ പ്രായപൂർത്തിയാകാത്ത വിദ്യാർത്ഥികൾക്ക് മർദനം. തിരുവനന്തപുരം പേട്ടയിലെ കാപ്പിറ്റൽ മന്തി എന്ന ഹോട്ടലിലാണ് സംഭവം. ഇന്ന് ഉച്ചയോടെയായിരുന്നു മന്തി കഴിക്കാനെത്തിയ എട്ടാം ക്ലാസിലും ഒൻപതാം ക്ലാസിലും പഠിക്കുന്ന വിദ്യാർത്ഥികൾക്ക് മർദനമേറ്റത്.&nbsp;
ഹാഫ് മന്തിക്കൊപ്പം അധികം റൈസ് ആവശ്യപ്പെട്ടതോടെ കടയിലെ ജീവനക്കാരുമായി കുട്ടികൾ വാക്കുതർക്കമുണ്ടാകുകയായിരുന്നു.ഫുൾ മന്തി വാങ്ങുന്നവർക്ക് മാത്രമേ അധികം ചോറ് നൽകാൻ കഴിയൂവെന്ന് ജീവനക്കാർ പറഞ്ഞതോടെയാണ് തർക്കം രൂക്ഷമായതെന്നാണ് വിവരം. തുടർന്ന് കടയുടമയും ജീവനക്കാരും ചേർന്ന് കുട്ടികളെ മർദിച്ചെന്നാണ് ബന്ധുക്കളുടെ പരാതി. സംഭവത്തെ തുടർന്ന് കുട്ടികളുടെ ബന്ധുക്കൾ പേട്ട പൊലീസിൽ പരാതി നൽകി. പരാതിയുടെ അടിസ്ഥാനത്തിൽ കടയുടമയടക്കം മൂന്ന് പേരെ പൊലീസ് കസ്റ്റഡിയിലെടുത്തു.&nbsp;

മന്തിക്ക് അധികം റൈസ് ചോദിച്ചതിന് ഹോട്ടലിലെത്തിയ വിദ്യാർത്ഥികൾക്ക് മർദനം, കടയുടമയടക്കം മൂന്ന് പേർ കസ്റ്റഡിയിൽ

വടകര: കണ്ണൂക്കര മാടാക്കര പള്ളിയിൽ ഇരു വിഭാഗങ്ങൾ തമ്മിൽ ഉണ്ടായ സംഘർഷവും, സ്ഥലത്തെത്തിയ പോലീസിന്റെ ഭാഗത്ത് നിന്നുണ്ടായ അതിക്രമവും അങ്ങേയറ്റം ഖേദകരവും അപലപനീയവുമാണെന്ന് എസ്ഡിപിഐ വടകര നിയോജക മണ്ഡലം കമ്മിറ്റി പ്രസിഡന്റ് ഷംസീർ ചോമ്പാലയും സെക്രട്ടറി കെ.കെ. ബഷീറും പ്രസ്താവനയിൽ അറിയിച്ചു. മാടാക്കര പള്ളി മഹല്ല് കമ്മിറ്റിയുടെ ഭരണസാരഥ്യം കയ്യാളുന്നതുമായി ബന്ധപ്പെട്ട് മുസ്ലിം ലീഗിലെ ഇരു വിഭാഗങ്ങൾ തമ്മിൽ ഏറെക്കാലമായി നിലനിൽക്കുന്ന തർക്കമാണ് കഴിഞ്ഞ ദിവസം പള്ളിയിൽ വെച്ച് രൂക്ഷമാവുകയും ബൂട്ടിട്ട പോലീസ് പള്ളിയിൽ കയറി അതിക്രമം നടത്താൻ ഇടയാക്കുകയും ചെയ്തത്.
വർഷങ്ങളായി ഭരണം നടത്തിയിരുന്ന ഒരു വിഭാഗത്തെ മാറ്റി ഒന്നര വർഷം മുൻപ് പുതിയ കമ്മിറ്റി നിലവിൽ വന്നതിന് ശേഷം, പലപ്പോഴായി പഴയ കമ്മിറ്റിയിലെ ചില ഭാരവാഹികൾ ഉൾപ്പെടെയുള്ളവർ മഹല്ലിലും പള്ളിയിലും സംഘർഷങ്ങൾക്ക് ശ്രമിച്ചിട്ടുണ്ട്. തർക്കങ്ങൾ കാരണം മുൻപ് രണ്ട് പ്രാവശ്യമെങ്കിലും പള്ളിയിലെ ജമാഅത്ത് മുടങ്ങിയിട്ടുമുണ്ട്. മാടാക്കരയിലെ എസ്ഡിപിഐ പ്രവർത്തകർ ഇരു പക്ഷത്തും നിൽക്കാതെ അവസരോചിതമായി ഇടപെട്ടതുകൊണ്ടും ജനങ്ങൾ സംയമനത്തോടെ വിഷയം കൈകാര്യം ചെയ്തതുകൊണ്ടുമാണ് പ്രശ്നം രൂക്ഷമാവാതെ പര്യവസാനിക്കാറുള്ളത്.
യാഥാർത്ഥ്യം ഇതായിരിക്കെ, എംഎൽഎയും മുസ്ലിം ലീഗ് സംസ്ഥാന സെക്രട്ടറിയുമായ പാറക്കൽ അബ്ദുള്ളയുടെ പ്രസ്താവന നിരുത്തരവാദപരമാണ് എന്ന് മാത്രമല്ല, മാടാക്കര മഹല്ലിൽ ഒരു വിഭാഗത്തിനൊപ്പം ചേർന്ന് കാര്യങ്ങൾ ഇത്രത്തോളം വഷളാക്കിയതിൽ പാറക്കൽ അബ്ദുള്ളയ്ക്ക് വലിയ പങ്കുണ്ട് എന്ന ആരോപണം ശക്തമാണ്. മുസ്ലിം ലീഗിലെ ഇരു വിഭാഗങ്ങൾ തമ്മിലുള്ള പ്രശ്നം രമ്യമായി പരിഹരിക്കുന്നതിൽ ജാഗ്രത കാണിക്കാതെ, ലീഗ് ഭരണത്തിൽ ബൂട്ടിട്ട പോലീസ് പള്ളിയിൽ കയറി അതിക്രമം കാണിച്ചതിലുള്ള ജാള്യത മറച്ചുവെക്കാൻ വിഷയത്തിൽ എസ്ഡിപിഐയെ വലിച്ചിഴക്കാൻ ശ്രമിക്കുന്നത് എംഎൽഎയുടെ നിലവാരത്തിന് യോജിച്ചതല്ല എന്ന് മാത്രമല്ല, പ്രദേശവാസികൾ പാറക്കലിന്റെ പ്രസ്താവനയെ പുച്ഛിച്ച് തള്ളുമെന്നും പ്രസ്താവനയിൽ പറഞ്ഞു.

മാടാക്കര പള്ളിയിലെ സംഘർഷവും പോലീസ് അതിക്രമവും അപലപനീയം; എസ്ഡിപിഐ

മലപ്പുറം :ജില്ലയിലെ വെട്ടത്തൂരിൽ കോഴിഫാമിൽവെച്ച് വൈദ്യുതാഘാതമേറ്റ് രണ്ട് സഹോദരങ്ങൾ മരണപ്പെട്ടു. വെട്ടത്തൂർ എഴുതല സ്വദേശികളായ പട്ടിക്കുത്തൻ ഹംസയുടെ മക്കളായ ഫാസിൽ (30), സാഹിർ (36) എന്നിവരാണ് മരണപ്പെട്ടത്.
കീഴാറ്റൂർ നിരന്നപറമ്പിൽ പ്രവർത്തിക്കുന്ന കോഴിഫാമിൽവെച്ച് ബുധനാഴ്ച രാവിലെ 11 മണിയോടെയാണ് അപകടം സംഭവിച്ചത്. കോഴിഫാമിൽ ജോലിചെയ്യുന്നതിനിടയിൽ ഇവർക്ക് അപ്രതീക്ഷിതമായി ശക്തമായ വൈദ്യുതാഘാതമേൽക്കുകയായിരുന്നു. സംഭവസ്ഥലത്തുവെച്ചുതന്നെ ഇരുവരുടെയും മരണം സംഭവിച്ചു.

കോഴിഫാമിൽവെച്ച് വൈദ്യുതാഘാതമേറ്റ് സഹോദരങ്ങൾ  മരിച്ചു

കൊയിലാണ്ടി: കടലൂർ ആവിക്കൽ കടപ്പുറത്ത് 15.43 ഗ്രാം എം.ഡി.എം.എയുമായി അരിക്കുളം സ്വദേശി സഞ്ജു (33) അറസ്റ്റിലായി. ജില്ലാ പോലീസ് മേധാവി മെറിൻ ജോസഫ് ഐപിഎസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ, കൊയിലാണ്ടി പോലീസും ജില്ലാ പോലീസ് മേധാവിയുടെ ഡാൻസാഫ് സ്ക്വാഡും സംയുക്തമായി നടത്തിയ പരിശോധനയിലാണ് പ്രതിയെ പിടികൂടിയത്.
പ്രതി ലഹരി വിൽപ്പനയുമായി ബന്ധപ്പെട്ട് പ്രവർത്തിച്ചിരുന്നതായും മുമ്പും ലഹരി കേസിൽ ഉൾപ്പെട്ടിട്ടുള്ളതായും അന്വേഷണത്തിൽ വ്യക്തമായി. ലഹരി ഇടപാടുകൾക്ക് വിവിധ മൊബൈൽ നമ്പറുകളും ഡിജിറ്റൽ പണമിടപാടുകളും ഉപയോഗിച്ചിരുന്നതായും വിവരം ലഭിച്ചിട്ടുണ്ട്. പ്രതിയുടെ ലഹരി ഇടപാടുകൾ, സാമ്പത്തിക സ്രോതസ്സുകൾ, വാഹനവുമായി ബന്ധപ്പെട്ട ഇടപാടുകൾ എന്നിവ സംബന്ധിച്ച് പോലീസ് വിശദമായ അന്വേഷണം തുടരുകയാണ്.

എം.ഡി.എം.എയുമായി യുവാവ് അറസ്റ്റിൽ