ന്യൂഡൽഹി: ശീത കാലാവസ്ഥയിൽ ആരോഗ്യം ഏറെ ശ്രദ്ധിക്കണമെന്നും യുവാക്കളിൽ നിരവധി അസുഖങ്ങൾക്കൊപ്പം ഹൃദയാഘാതവും ഇക്കാലത്ത് വർധിക്കുമെന്ന് റിപ്പോർട്ട്. കാലവസ്ഥയും മോശം ജീവിതശൈലിയും കാരണം കഴിഞ്ഞ മാസത്തെ അപേക്ഷിച്ച് ഹൃദയാഘാത കേസുകൾ ഇരട്ടിച്ചെന്ന് മാക്സ് ആശുപത്രി മേധാവി ഡോ. ബൽബീർ സിങ് പറയുന്നു. ഇക്കാലയളവിൽ പകർച്ചപ്പനിയും ജലദോഷവും, സന്ധി വേദന, തൊണ്ട വേദന, ആസ്ത്മ, കോവിഡ്-19 , ഹൃദയ സംബന്ധമായ അസുഖങ്ങൾ തുടങ്ങിയവ വ്യാപകമാകുന്നു. വായു മലിനീകരണം വർധിച്ചതും ഇതിന് കാരണമാണ്.
ഹൃദ്രോഗവുമായി ബന്ധപ്പെട്ട് ശൈത്യകാലം വെല്ലുവിളിയായിരിക്കുകയാണ്. ആശുപത്രിയിൽ ദിനേനെ വരുന്ന കേസുകൾ വർദ്ധിച്ചു. ദിവസം ശരാശരി രണ്ട് കേസുകളാണ് റിപ്പോർട്ട് ചെയ്യുന്നത്. ജനുവരിയിൽ ഇത് കൂടിയേക്കാമെന്ന് ഡോക്ടർ പറയുന്നു. യുവാക്കളിലാണ് അപകടസാധ്യത കൂടുതൽ കാണുന്നത്. 'രണ്ട് മാസം മുമ്പ് 26 വയസ്സുകാരിയെ ഹൃദയാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചു. അവർ പുകവലിക്കില്ല, ടെൻഷനല്ലാതെ മറ്റൊരു ശാരീരിക പ്രശ്നങ്ങളും അവർക്കില്ല. ഈ പ്രായത്തിൽ ഒരു യുവതിയെ ഹൃദയാഘാതത്തിന് ചികിത്സിക്കുന്നത് സ്വപ്നത്തിൽ പോലും ചിന്തിച്ചിട്ടില്ല' -ഡോ. ബൽബീർ സിങ്ങ് പറഞ്ഞു.
അതിനാൽ യുവാക്കളും ജാഗ്രത പാലിക്കേണ്ടതുണ്ട്. ഇപ്പോൾ പ്രതിരോധ ശേഷിയുള്ള പ്രായപരിധി എന്നൊന്നില്ല. ശൈത്യകാലമാവും അതീവ അപകടകാരിയാണ്. രക്തക്കുഴലിലുള്ള കോശങ്ങൾ ചുരുങ്ങുകയും അത് ശരീരത്തിൽ ചൂട് പിടിച്ചുവെക്കാൻ ശ്രമിക്കുകയും ചെയ്യുന്നു. ഇത് ഹൃദയമിടിപ്പും രക്തസമ്മർദ്ദവും ഉയർത്തുന്നു. ഹൃദയമിടിപ്പും രക്തസമ്മർദ്ദവും ചെറിയ തോതിൽ ഉയരുന്നത് പോലും അപകടകരമാണ്. പുകവലി, വ്യായാമത്തിന്‍റെ അഭാവം, അമിത മദ്യപാനം, തെറ്റായ ഭക്ഷണരീതി എന്നിവയും ഹൃദയാഘാതത്തിലേക്ക് നയിക്കുന്ന കാരണങ്ങളാണെന്നും ഡോക്ടർ കൂട്ടിച്ചേർത്തു.

ഹൃദ്രോഗവുമായി ബന്ധപ്പെട്ട് ശൈത്യകാലം വെല്ലുവിളിയായിരിക്കുകയാണ്

Health

ശൈത്യകാലത്ത് ഹൃദയാഘാത സാധ്യത കൂടുതൽ

ജയ്പൂർ: 14കാരൻ സ്കൂളിൽവച്ച് ഹൃദയാഘാതത്തെ തുടർന്ന് മരിച്ചു. രാജസ്ഥാൻ തലസ്ഥാനമായ ജയ്പൂരിലെ കാർധനിയിലെ ഒരു സ്വകാര്യ സ്കൂളിലാണ് സംഭവം. യോഗേഷ് സിങ് എന്ന വിദ്യാർഥിയാണ് മരിച്ചത്. ഒമ്പതാംക്ലാസിൽ പഠിക്കുകയായിരുന്നു കുട്ടി. രാവിലെ സ്കൂളിലെത്തിയതും കുഴഞ്ഞുവീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും മരിച്ചിരുന്നു. ഹൃദയാഘാതമാണ് മരണകാരണമായതെന്ന് പോലീസ് പറഞ്ഞു.
ജ്യേഷ്ഠനാണ് കുട്ടിയെ രാവിലെ സ്കൂളിൽ വിട്ടത്. ക്ലാസ് മുറിക്ക് പുറത്ത് അധ്യാപിക നിൽപ്പുണ്ടായിരുന്നു. ക്ലാസ് മുറിക്ക് മുന്നിലെത്തിയതും കുട്ടി കുഴഞ്ഞുവീഴുകയായിരുന്നുവെന്ന് സ്കൂൾ അധികൃതർ പറഞ്ഞു. പോസ്റ്റ്മോർട്ടത്തിൽ മരണത്തിന് മറ്റ് കാരണങ്ങളൊന്നും കണ്ടെത്താനായിട്ടില്ല. മൃതദേഹം ബന്ധുക്കൾക്ക് കൈമാറി.

ജയ്പൂരിലെ കാർധനിയിലെ ഒരു സ്വകാര്യ സ്കൂളിലാണ് സംഭവം

National

14കാരൻ ഹൃദയാഘാതത്തെ തുടർന്ന് മരിച്ചു

ബെംഗളൂരു: ചിക്കമംഗളൂരുവിൽ ഏഴാം ക്ലാസ് വിദ്യാർഥി ഹൃദയാഘാതം മൂലം മരിച്ചു. രാവിലെ സ്‌കൂളിലേക്ക് പോകുന്നതിനിടെ വിദ്യാർത്ഥി കുഴഞ്ഞുവീണ് മരിച്ചതായാണ് റിപ്പോർട്ടുകൾ.13 വയസ്സുള്ള സൃഷ്ടിയാണ് മരിച്ചത്. മുടിഗെരെ താലൂക്കിലെ കേശവല്ലു ജോഗന്നകെരെ ഗ്രാമത്തിലാണ് സംഭവം. ദാരദഹള്ളി പ്രൈമറി സ്‌കൂളിൽ പഠിക്കുകയായിരുന്ന സൃഷ്ടി സ്‌കൂളിലേക്ക് പോകുന്നതിനിടെ പെട്ടെന്ന് കുഴഞ്ഞു വീഴുകയായിരുന്നു.
ആശുപത്രിയിലെത്തിക്കുന്നതിനിടെ സൃഷ്ടി മരിച്ചു. പരിശോധനയ്ക്ക് ശേഷം മുടിഗെരെ എംജിഎം സർക്കാർ ആശുപത്രിയിലെ ഡോക്ടർ ഹൃദയാഘാതമാണെന്ന് സ്ഥിരീകരിച്ചു. ദാരദഹള്ളി പ്രാഥമികാരോഗ്യ കേന്ദ്രത്തിൽ ഡോക്ടർ ഇല്ലായിരുന്നു. കൂടാതെ ആശുപത്രിയിൽ അടിസ്ഥാന സൗകര്യങ്ങൾ ഇല്ല. ഇതേതുടർന്നാണ് പെൺകുട്ടി മരിച്ചതെന്ന് ജില്ലാ ഭരണകൂടത്തിനും ഉദ്യോഗസ്ഥർക്കും എതിരെ ഗ്രാമവാസികൾ രോഷം പ്രകടിപ്പിച്ചു.&nbsp;

13 വയസ്സുള്ള സൃഷ്ടിയാണ് മരിച്ചത്

ഏഴാം ക്ലാസ് വിദ്യാർഥി ഹൃദയാഘാതത്തെ തുടർന്ന് മരിച്ചു

നല്ല ആരോഗ്യവാന്മാരായ യുവാക്കളില്‍ പലരും ഹൃദയാഘാതം മൂലം പെട്ടെന്നു കുഴഞ്ഞ്‌ വീണ്‌ മരിക്കുന്ന ദാരുണ സംഭവങ്ങള്‍ കഴിഞ്ഞ കുറച്ച്‌ വര്‍ഷങ്ങളായി വ്യാപകമായി റിപ്പോര്‍ട്ട്‌ ചെയ്യപ്പെടുന്നുണ്ട്‌. ഇതില്‍ സാധാരണക്കാര്‍ തൊട്ട്‌ ഫിറ്റ്‌നസ്‌ ട്രെയ്‌നറുള്ള, നിത്യേന ജിമ്മും വര്‍ക്ക്‌ഔട്ടുമൊക്കെ ചെയ്യുന്ന സെലിബ്രിറ്റികളും സിനിമ താരങ്ങളും വരെ ഉള്‍പ്പെടുന്നു. മലയാള സിനിമ നടി ലക്ഷ്‌മിക സജീവന്റെ മരണമാണ്‌ ഇത്തരത്തില്‍ ഏറ്റവും അടുത്ത്‌ നമ്മെ നടുക്കിയ ഒരു ഹൃദയാഘാത മരണം. വെറും 27 വയസ്സായിരുന്നു ലക്ഷ്‌മികയുടെ പ്രായം. പുനീത്‌ രാജ്‌കുമാര്‍, ചിരഞ്‌ജീവി സര്‍ജ. സിദ്ധാര്‍ത്ഥ ശുക്ല തുടങ്ങിയ പല സിനിമ, ടിവി താരങ്ങളുടെ അകാല മരണങ്ങളും ഹൃദയാഘാതം മൂലമായിരുന്നു. പല കാരണങ്ങള്‍ കൊണ്ട്‌ യുവാക്കളില്‍ ഹൃദയാഘാത മരണം സംഭവിക്കാറുണ്ടെന്ന്‌ സ്‌പര്‍ഷ്‌ ഹോസ്‌പിറ്റലിലെ അഡ്വാന്‍സ്‌ഡ്‌ ഹാര്‍ട്ട്‌ ഫെയിലര്‍ മാനേജ്‌മെന്റ്‌ ആന്‍ഡ്‌ ട്രാന്‍സ്‌പ്ലാന്റ്‌ കാര്‍ഡിയോളജിസ്‌റ്റ്‌ ഡോ. പി. അശോക്‌ കുമാര്‍ എച്ച്‌ടി ലൈഫ്‌സ്റ്റൈലിന്‌ നല്‍കിയ അഭിമുഖത്തില്‍ പറയുന്നു. ഹൃദയത്തിലെ രക്തധമനികള്‍ ബ്ലോക്കാകുന്ന കൊറോണറി ആര്‍ട്ടറി രോഗമാണ്‌ സര്‍വസാധാരണമായ കാരണങ്ങളില്‍ ഒന്ന്‌. രക്തധമനികളുടെ ഭിത്തികളില്‍ കൊഴുപ്പും കൊളസ്‌ട്രോളും മറ്റ്‌ വസ്‌തുക്കളും അടിയുന്ന അതെറോസ്‌ക്ലിറോസിസ്‌ ആണ്‌ മറ്റൊരു കാരണം.&nbsp;
ഹൃദയതാളത്തിന്‌ വരുന്ന പ്രശ്‌നങ്ങളും ജനിതക കാരണങ്ങളും പെട്ടെന്നുണ്ടാകുന്ന ഹൃദയാഘാതത്തിനു പിന്നിലുണ്ടാകാം. ജന്മനാലുള്ള ഹൃദയതകരാറുകളാകാം മറ്റൊരു കാരണം. ഹൃദയപേശികളെ കട്ടിയാക്കുന്ന കാര്‍ഡിയോമയോപതിയും ചിലപ്പോള്‍ ഹൃദയാഘാതത്തിന്‌ കാരണമാകാം. പുകവലി, മദ്യപാനം, സംസ്‌കരിച്ചതും കൊഴുപ്പുള്ളതുമായ ഭക്ഷണങ്ങളുടെ അമിതഉപയോഗം, അലസ ജീവിതശൈലി എന്നിവയും ഹൃദ്രോഗപ്രശ്‌നങ്ങള്‍ക്ക്‌ കാരണമാകാം. അമിത വണ്ണവും ഹൃദയാഘാത സാധ്യത വര്‍ദ്ധിപ്പിക്കുന്ന ഒരു ഘടകമാണ്‌. വിദേശികളെ അപേക്ഷിച്ച്‌ ഇന്ത്യക്കാര്‍ക്ക്‌ ഹൃദ്രോഗം നേരത്തെ തന്നെ വരാനുള്ള സാധ്യത അധികമാണെന്നും ഡോ. അശോക്‌ ചൂണ്ടിക്കാട്ടി. നെഞ്ച്‌ വേദന, നെഞ്ചിന്‌ അസ്വസ്ഥത പോലുള്ള ലക്ഷണങ്ങളെ കരുതിയിരിക്കേണ്ടതുണ്ട്‌. പലരും വയറിന്റെ പ്രശ്‌നമായി കണ്ട്‌ നെഞ്ച്‌ വേദനയെ അവഗണിക്കാറുണ്ട്‌. നെഞ്ചെരിച്ചില്‍, കഴുത്ത്‌ വേദന, ഇടത്‌ കൈയ്‌ക്ക്‌ വേദന തുടങ്ങിയ ലക്ഷണങ്ങള്‍ അവഗണിക്കരുതെന്ന്‌ ഡോക്ടര്‍മാര്‍ പറയുന്നു. ക്രമം തെറ്റിയ ശ്വാസവും കിതപ്പും ഹൃദയാഘാതം വരാന്‍ പോകുന്നതിന്റെ ലക്ഷണമാകാം. തലകറക്കം, ബോധം കെടല്‍ , ഓക്കാനം, ഛര്‍ദ്ദി പോലുള്ള ലക്ഷണങ്ങളും ഹൃദയാഘാതത്തോട്‌ അനുബന്ധിച്ച്‌ വരാറുണ്ട്‌. ഇത്തരം ലക്ഷണങ്ങളെ കരുതിയിരുന്ന്‌ അടിയന്തിരമായി വൈദ്യസഹായം തേടുന്നത്‌ വിലപ്പെട്ട ജീവനുകള്‍ രക്ഷിക്കാന്‍ സഹായിക്കും.&nbsp;

ഹൃദയതാളത്തിന്‌ വരുന്ന പ്രശ്‌നങ്ങളും ജനിതക കാരണങ്ങളും പെട്ടെന്നുണ്ടാകുന്ന ഹൃദയാഘാതത്തിനു പിന്നിലുണ്ടാകാം

യുവാക്കളിൽ ഹൃദയാഘാത മരണം കൂടുന്നു; ശ്രദ്ധിക്കാം ഈ ലക്ഷണങ്ങൾ

മുംബൈ: ബോളിവുഡ്, മറാഠി സിനിമാതാരം ശ്രേയസ് തല്‍പാഡെയ്ക്ക് ഹൃദയാഘാതം. വെല്‍കം ടു ദി ജംഗിള്‍ എന്ന സിനിമയുടെ ചിത്രീകരണത്തില്‍ പങ്കെടുത്ത് വീട്ടിലെത്തിയ അദ്ദേഹം കുഴഞ്ഞുവീഴുകയായിരുന്നു. കഴിഞ്ഞ ദിവസം രാത്രിയാണ് സംഭവം. അന്ധേരിയിലെ ഒരു ആശുപത്രിയിലേക്ക് വൈകാതെ എത്തിച്ച അദ്ദേഹത്തിന് ആഞ്ജിയോപ്ലാസ്റ്റി ചെയ്തു. 47 വയസ് ആണ്. വെല്‍കം ടു ദി ജംഗിള്‍ സിനിമയുടെ ചിത്രീകരണത്തില്‍ ഇന്നലെ പകല്‍ മുഴുവനും ശ്രേയസ് പങ്കെടുത്തിരുന്നു. ചെറിയ ആക്ഷന്‍ സീക്വന്‍സുകളും ഇക്കൂട്ടത്തില്‍ ഉണ്ടായിരുന്നു. ചിത്രീകരണസമയത്ത് ഉടനീളം ശ്രേയസ് സന്തോഷവാനായാണ് കാണപ്പെട്ടതെന്നും തമാശ പറയുകയും ചിരിക്കുകയുമൊക്കെ ചെയ്തിരുന്നുവെന്നും സിനിമയുടെ അണിയറക്കാരെ ഉദ്ധരിച്ച് മാധ്യമങ്ങൾ റിപ്പോര്‍ട്ട് ചെയ്തു. എന്നാല്‍ വീട്ടിലെത്തിയ അദ്ദേഹം തനിക്ക് സുഖം തോന്നുന്നില്ലെന്ന് ഭാര്യ ദീപ്തിയോട് പറയുകയായിരുന്നു. പിന്നാലെ കുഴഞ്ഞുവീഴുകയും ചെയ്തു.&nbsp;
മറാഠി സീരിയലുകളിലും സ്റ്റേജ് ഷോകളിലും ഏറെക്കാലം പ്രവര്‍ത്തിച്ചതിന് ശേഷമാണ് സ്പോര്‍ട്സ് ഡ്രാമ ചിത്രം ഇഖ്ബാലിലൂടെ (2005) ശ്രേയസിന് ഒരു കരിയര്‍ ബ്രേക്ക് ലഭിക്കുന്നത്. ക്രിക്കറ്റ് താരമാവാന്‍ ആഗ്രഹിക്കുന്ന, സംസാരശേഷിയും കേള്‍വിശക്തിയുമില്ലാത്ത ഇഖ്ബാല്‍ സയീദ് ഖാന്‍ എന്ന നായക കഥാപാത്രത്തെയാണ് അദ്ദേഹം അവതരിപ്പിച്ചത്. മറാഠിയിലും ഹിന്ദിയിലുമുള്‍പ്പെടെ നാല്‍പതിലധികം ചിത്രങ്ങളില്‍ അഭിനയിച്ചിട്ടുണ്ട്. ഡോര്‍, അപ്ന സപ്ന മണി മണി, ഓം ശാന്തി ഓം, വെല്‍കം ടു സജ്ജന്‍പൂര്‍, ഗോല്‍മാല്‍ റിട്ടേണ്‍സ് തുടങ്ങിയവയാണ് ശ്രദ്ധേയ ചിത്രങ്ങള്‍.

വെല്‍കം ടു ദി ജംഗിള്‍ എന്ന സിനിമയുടെ ചിത്രീകരണത്തില്‍ പങ്കെടുത്ത് വീട്ടിലെത്തിയ അദ്ദേഹം കുഴഞ്ഞുവീഴുകയായിരുന്നു

ബോളിവുഡ് താരം ശ്രേയസ് തല്‍പാഡെയ്ക്ക് ഹൃദയാഘാതം

കോഴിക്കോട്: സ്വർണവിലയിൽ ഇന്ന് വൻ ഇടിവ്. പവന് 800 രൂപ കുറഞ്ഞ് 46,280 രൂപയാണ് ഇന്നത്തെ വില. ഗ്രാമിന് 100 രൂപ കുറഞ്ഞ് 5785 രൂപയായി. ഇന്നലെ ഈ മാസത്ത ഏറ്റവുമുയർന്ന വിലയായ 47,080 രൂപയായിരുന്നു പവൻ വില. തുടർച്ചയായി വില കയറിയ ശേഷമാണ് ഇന്ന് പവന് 800 രൂപ കുറഞ്ഞത്.
രാജ്യാന്തര ഓഹരിവിപണികളിലുൾപ്പടെ വൻ നേട്ടമുണ്ടായ പശ്ചാത്തലത്തിലാണ് സ്വർണത്തിന് വില കുറഞ്ഞത്. നിക്ഷേപകർ ഓഹരികളിലേക്ക് തിരിയുന്നതായാണ് അനുമാനം. നവംബർ 13ന് 44,360 രൂപയായിരുന്നു സ്വർണവില. മൂന്നാഴ്ചകൊണ്ട് ഇത് 47,080 വരെ വർധിച്ചു. 2720 രൂപയുടെ വർധനവാണ് പവനുണ്ടായത്.

പവന് 800 രൂപ കുറഞ്ഞ് 46,280 രൂപയാണ് ഇന്നത്തെ വില

Search Results for: vatakara