വടകര: ചെന്നൈയില്‍ നിന്നു നാട്ടിലേക്ക് പുറപ്പെട്ട ഓര്‍ക്കാട്ടേരി പുതിയോട്ടില്‍ ഗംഗാധരന്‍ (കുഞ്ഞൂണ്ടന്‍-70) ട്രെയിനിലെ ശുചി മുറിയില്‍ കുഴഞ്ഞുവീണ് മരിച്ചു. മൃതശരീരം പോസ്റ്റ്‌മോര്‍ട്ടത്തിനുശേഷം ഓര്‍ക്കാട്ടേരിയിലെ സംസ്‌കരിച്ചു. ഭാര്യ: ഗീത വില്യാപ്പള്ളി. മകള്‍: ഗോപിക (മാളു). സഹോദരങ്ങള്‍: ബാലന്‍, മീനാക്ഷി, പരേതരായ കുഞ്ഞികൃഷ്ണന്‍ നമ്പ്യാര്‍, ജാനകിയമ്മ. സഞ്ചയനം ചൊവ്വാഴ്ച.

ഓര്‍ക്കാട്ടേരി സ്വദേശി ട്രെയിനിൽ കുഴഞ്ഞുവീണ് മരിച്ചു

Vadakara

വടകര: മാരക മയക്കുമരുന്നായ മെത്താംഫിറ്റമിനുമായി ചോറോട് സ്വദേശി പിടിയില്‍. ചോറോട് കുരിക്കിലാട് കൊറ്റിയോത്ത് താഴെകുനിയില്‍ കാസിമിനെയാണ് (47) വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ വി.ആര്‍.ഹിരോഷും പാര്‍ട്ടിയും പിടികൂടിയത്.&nbsp;
പുതിയ ബസ് സ്റ്റാന്റില്‍ നിന്ന് തിരുവളളൂരിലേക്ക് പോകുന്ന റോഡില്‍ കെ.എല്‍.18.എ.1396 സ്‌കൂട്ടറില്‍ സഞ്ചരിക്കുമ്പോഴാണ് 10.315 ഗ്രാം മെത്താംഫിറ്റമിനുമായി ഇയാള്‍ പിടിയിലായത്. പ്രിവന്റീവ് ഓഫീസര്‍മാരായ എന്‍.എം.ഉനൈസ്, കെ.ഷിരാജ്, സിവില്‍ എക്‌സൈസ് ഓഫീസര്‍മാരായ എ.ശ്യാംരാജ്, ഇ.എം.മുസ്ബിന്‍ എന്നിവര്‍ പരിശോധനയില്‍ പങ്കെടുത്തു.

മാരക മയക്കുമരുന്നായ മെത്താംഫിറ്റമിനുമായി ചോറോട് സ്വദേശി പിടിയില്‍

ചങ്ങരംകുളം (മലപ്പുറം) : നവവധുവിനെ വീട്ടിൽ മരിച്ചനിലയിൽ കണ്ടെത്തി. ചിയാനൂർ അരുവായിൽ അസറിന്റെ ഭാര്യ അസ്ന (20) ആണു മരിച്ചത്. ചങ്ങരംകുളം ടിപ്പു നഗർ കുറ്റിപ്പുള്ളിയിൽ ഷംസുദ്ദീന്റെയും നദീറയുടെയും മകളാണ്. രണ്ടുദിവസം മുൻപു സ്വന്തം വീട്ടിലേക്കു വന്നതായിരുന്നു. മുകളിലെ കിടപ്പുമുറിയിൽ തൂങ്ങിയ നിലയിൽകണ്ട അസ്നയെ നാട്ടുകാരും ബന്ധുക്കളും ചങ്ങരംകുളം സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു.

ഭർത്താവ് അസർ എടപ്പാളിലെ ഇലക്ട്രിക്കൽ കടയിലെ ജീവനക്കാരനാണ്. ആറുമാസം മുൻപായിരുന്നു വിവാഹം.അസ്വാഭാവിക മരണത്തിനു പൊലീസ് കേസെടുത്തു.

നവവധുവിനെ വീട്ടിൽ മരിച്ചനിലയിൽ കണ്ടെത്തി

Kerala

തൊട്ടിൽപ്പാലം : തൊട്ടിൽപ്പാലം കുണ്ട്‌തോട്ടിലെ കുഞ്ഞിപ്പറമ്പത്ത് പ്ലസ്ടു വിദ്യാർഥിയെ സ്‌കൂൾ കെട്ടിടത്തിന്‍റെ വരാന്തയിൽ തൂങ്ങിമരിച്ച നിലയിൽ കണ്ടെത്തി. മുള്ളൻകുന്നിലെ പ്രൈവറ്റ് കോളേജിൽ പ്ലസ്ടു വിദ്യാർഥിയായ അനുരഞ്ജ് (17) ആണ് മരിച്ചത്. വീടിനടുത്തുള്ള കുണ്ടുതോട് യു.പി സ്‌കൂളിന്റെ പഴയ കെട്ടിടത്തിന്റെ വരാന്തയിൽ തൂങ്ങിമരിച്ച നിലയിൽ കണ്ടെത്തുകയായിരുന്നു.
വെള്ളിയാഴ്ച രാവിലെയാണ് നാട്ടുകാർ മൃതദേഹം കണ്ടത്. തൊട്ടിൽപ്പാലം പോലീസും കോഴിക്കോട് റൂറൽ ഫോറൻസിക്ക് യൂണിറ്റും ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹം പോസ്റ്റ്‌മോർട്ടത്തിനായി കോഴിക്കോട് മെഡിക്കൽ കോളേജിലേക്ക് മാറ്റി.

തൊട്ടിൽപ്പാലത്ത് പ്ലസ്ടു വിദ്യാർഥിയെ സ്കൂൾ വരാന്തയിൽ തൂങ്ങിമരിച്ച നിലയിൽ കണ്ടെത്തി

കൊയിലാണ്ടി : ദേശീയപാതയിൽ നന്തി ഇരുപതാം മൈൽസിന് സമീപം ലോറിക്കടിയിൽപ്പെട്ട് ബൈക്ക് യാത്രികന് ദാരുണാന്ത്യം. കോഴിക്കോട് വള്ളിക്കുന്ന് പന്തീരാങ്കാവ് മക്കാൻ താഴത്ത് വീട്ടിൽ ഹാഫിസ് താജുദ്ദീനാണ് (22) മരണപ്പെട്ടത്. ബുധനാഴ്ച രാത്രി കോഴിക്കോട് ഭാഗത്തേക്കുള്ള സർവീസ് റോഡിലാണ് അപകടം നടന്നത്.

ഇരുവാഹനങ്ങളും കോഴിക്കോട് ഭാഗത്തേക്ക് സഞ്ചരിക്കവേ വീതി കുറഞ്ഞ സർവീസ് റോഡിൽനിന്നും തെന്നിവീണ ഹാഫിസ് സഞ്ചരിച്ച ബുള്ളറ്റ് ബൈക്ക് പുറകിലുള്ള ടോറസ് ലോറിക്കടിയിൽപ്പെടുകയായിരുന്നു. കരാറുകാരായ വഗാഡ് കമ്പനിയുടേതാണ് അപകടം വരുത്തിയ ലോറി. താജുദ്ദീനെ ഉടൻ നന്തിയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.&nbsp;
വിദ്യാർഥിയും കെ.എസ്.യു പെരുമണ്ണ മണ്ഡലം കമ്മിറ്റി പ്രസിഡന്‍റും എം.എസ്.എം പ്രവർത്തകനുമാണ് മരണപ്പെട്ട ഹാഫിസ്. പിതാവ്: താജുദ്ദീന്‍. മാതാവ്: ഷംസാദ് ബീഗം. സഹോദരങ്ങള്‍: ഹാഫില്‍ താജുദ്ദീന്‍, ഹാഫിദ.

നന്തിയിൽ ദേശീയപാത സർവീസ് റോഡിൽ തെന്നിവീണ ബൈക്ക് ലോറിക്കടിയിൽപ്പെട്ട് യുവാവ് മരിച്ചു

Koyilandy

കല്ലാച്ചി : കുറ്റ്യാടിയിൽ ആൾതാമസമില്ലാത്ത വീട്ടിൽ നിന്ന് കഞ്ചാവ് ശേഖരം പിടികൂടിയ കേസിൽ പ്രധാന പ്രതി പിടിയിൽ. കുറ്റ്യാടി പുത്തൻ പുരയിൽ പി.പി. സുബൈർ ( 44 ) നെയാണ് നാദാപുരം സബ് ഡിവിഷണൽ ഡി വൈ എസ് പി എ.കുട്ടികൃഷ്ണൻ്റെ നേതൃത്വത്തിലുള്ള സംഘം പിടി കൂടിയത്. ഡി വൈ എസ് പി ക്ക് ലഭിച്ച രഹസ്യ വിവരത്തെ തുടർന്ന് മാഹിയിലെ ഒളി സങ്കേതത്തിൽ നിന്നാണ് ഡി വൈ എസ് പി യും സ്ക്വാഡ് അംഗങ്ങളും ചേർന്ന് പിടികൂടിയത്.&nbsp;
രണ്ടാഴ്ച്ച മുമ്പാണ് കുറ്റ്യാടി ഊരത്ത് കമ്മനത്താഴയിൽ സുബൈറിൻ്റെ വീടിനകത്ത് സൂക്ഷിച്ച 34.186 കിലോ കഞ്ചാവ് സ്പെഷൽ സ്ക്വാഡ് പിടികൂടിയത്. സംഭവത്തിന് പിന്നാലെ പ്രതി ഒളിവിൽ പോവുകയായിരുന്നു. കുറ്റ്യാടിയിലും പരിസരപ്രദേശങ്ങളിലും വിൽപ്പനക്കാണ് ലക്ഷങ്ങൾ മുടക്കി കഞ്ചാവ് എത്തിച്ചതെന്ന് പ്രതി പോലീസിൽ മൊഴി നൽകിയിട്ടുണ്ട്. അറസ്റ്റ് രേഖപ്പെടുത്തിയ പ്രതിയെ നാദാപുരം കോടതിയിൽ ഹാജരാക്കി റിമാൻഡ് ചെയ്തു.

കുറ്റ്യാടിയിലെ കഞ്ചാവ് വേട്ട; ഒളിവിലായിരുന്ന പ്രതി പിടിയിൽ

Kuttiadi

തൊട്ടിൽപ്പാലം: മരുതോങ്കര പഞ്ചായത്തിലെ സെൻ്റർ മുക്കിൽ കടന്തറപുഴയിൽ ഒരാളെ മരിച്ച നിലയിൽ കണ്ടെത്തി. പ്രദേശവാസിയായ ഫ്രാൻസിസ് (62) കാപ്പിയിൽ എന്നയാളാണ് മരണപ്പെട്ടത്. പുഴയിലെ പാറയിൽ വീണ് കിടന്ന നിലയിൽ ആയിരുന്നു. തൊട്ടിൽപ്പാലം പോലീസ് സ്ഥലത്തെത്തി മൃതദേഹം നടപടികൾക്കായി കുറ്റ്യാടി താലൂക്ക് ആശുപത്രി മോർച്ചറിയിലേക്ക് മാറ്റി. ഇൻക്വസ്റ്റിന് ശേഷം മൃതദേഹം കോഴിക്കോട് മെഡിക്കൽ കോളേജിൽ പോസ്റ്റുമോർട്ടം നടത്തും.

തൊട്ടിൽപ്പാലം കടന്തറ പുഴയിൽ ഒരാളെ മരിച്ച നിലയിൽ കണ്ടെത്തി

വടകര : വ്യത്യസ്ത സംഭവങ്ങളിൽ കഞ്ചാവ് പിടികൂടിയ കേസ്സിൽ പ്രതികൾക്ക് കഠിന തടവും പിഴയും ശിക്ഷ. കല്ലാച്ചി വിഷ്ണുമംഗലം തെരുവംപറമ്പ് ചെറിയ ചെമ്പോട്ടുമ്മൽ അരുൺ (34), കോഴിക്കോട് ചേവായൂർ നെയ്ത്ത് കുളങ്ങര നമ്പാടി പറമ്പത്ത് പി കെ ഹാരിസ് (50) എന്നിവരെയാണ് വടകര എൻ ഡി പി എസ് കോടതി ജഡ്ജ് വി ജി ബിജു ശിക്ഷിച്ചത്. ഇരുവർക്കും രണ്ടു വർഷം കഠിന തടവും ഇരുപതിനായിരം രൂപ പിഴയുമാണ് ശിക്ഷ. പിഴ അടച്ചില്ലെങ്കിൽ ഇരുവരും രണ്ടു മാസം കൂടി കഠിന തടവ് അനുഭവിക്കണം.&nbsp;
2018 നവംബർ 24 നാണ് കോഴിക്കോട് വയനാട് റോഡിലെ താമരശ്ശേരി ചുങ്കം റോഡിൽ വെച്ച് അരുണിനെ താമരശ്ശേരി എക്സ്സൈസ് ഇൻസ്പെക്റ്റർ ഒരു കിലോ 200 ഗ്രാം കഞ്ചാവുമായി അറസ്റ്റ് ചെയ്തത്. 2021 ഒക്ടോബർ 18നാണ് ഹാരിസിനെ ഒരു കിലോ 600 ഗ്രാം കഞ്ചാവുമായി ചേളന്നൂർ പട്ടർപാലം റോഡിലെ ശ്രീനാരായണ മന്ദിരത്തിന് മുൻവശം വെച്ച് കോഴിക്കോട് എക്സ് സൈസ് സർക്കിൾ ഇൻസ്പെക്റ്റർ പിടികൂടിയത്. പ്രോസിക്യൂഷന് വേണ്ടി അഡീഷണൽ ഗവ.പ്ലീഡർ ഇ വി ലിജീഷ് ഹാജരായി.

വ്യത്യസ്ത കഞ്ചാവ് കേസുകളിൽ കല്ലാച്ചി സ്വദേശിക്ക് ഉൾപ്പടെ കഠിന തടവും പിഴയും ശിക്ഷ

പേരാമ്പ്ര: കടിയങ്ങാട് മുതുവണ്ണാച്ചയിൽ സി.പി.എം. പ്രവർത്തകന് വെട്ടേറ്റു. കുനീമ്മൽ ദിനേശനാണ് (50) വെട്ടേറ്റത്. പരിക്കേറ്റ ദിനേശനെ ആദ്യം ഇ.എം.എസ്. സഹകരണ ആശുപത്രിയിലും പിന്നീട് കോഴിക്കോട് മെഡിക്കൽ കോളേജിലും പ്രവേശിപ്പിച്ചു.
തിങ്കളാഴ്ച രാത്രി 7.30-ഓടെ മുതുവണ്ണാച്ച ആറങ്ങാട്ട് ഭാഗത്ത് വെച്ചാണ് സംഭവം. ബൈക്കിൽ വെളുത്തപറമ്പത്ത് നിന്ന്‌ മുതുവണ്ണാച്ചക്കുള്ള റോഡിലൂടെ പാറക്കെട്ടിലെ വീട്ടിലേക്ക് പോകുമ്പോൾ വഴിയിൽവെച്ച് പരിക്കേൽപ്പിക്കുകയായിരുന്നു. സമീപത്തെ വീട്ടിലേക്ക് ഓടിക്കയറിയാണ് ദിനേശൻ രക്ഷപ്പെട്ടത്.പേരാമ്പ്ര പോലീസ് സ്ഥലത്തെത്തി. സംഭവത്തിന് പിന്നിൽ ആർ.എസ്.എസ്. സംഘമാണെന്ന് സി.പി.എം. ആരോപിച്ചു.&nbsp;

പേരാമ്പ്രയിൽ സി.പി.എം. പ്രവർത്തകന് വെട്ടേറ്റു.