കൊയിലാണ്ടി : തീവണ്ടിയിൽനിന്ന് തെറിച്ചുവീണ്‌ യുവാവ് മരിച്ചു. മലപ്പുറം പുത്തനത്താണി സ്വദേശി റിൻഷാദ്‌‌ (24) ആണ് മരിച്ചത്. കൂടെ യാത്രചെയ്ത സുഹൃത്ത് വിനിൽ (29) നും തീവണ്ടിയിൽനിന്നുവീണ്‌ പരിക്കേറ്റിട്ടുണ്ട്. ഇയാളെ മെഡിക്കൽ കോളേജിൽ പ്രവേശിപ്പിച്ചു. ആനക്കുളം റെയിൽവേ ഗേറ്റിനു സമീപം വ്യാഴാഴ്ച രാത്രി ഒൻപതുമണിയോടെയായിരുന്നു അപകടം. മംഗളൂരു-തിരുവനന്തപുരം മാവേലി എക്സ്പ്രസിൽനിന്നാണ് ഇരുവരും വീണത്.

കൊയിലാണ്ടി അഗ്നിരക്ഷാസേനയെത്തിയാണ് റിൻഷാദിന്റെ മൃതദേഹം താലൂക്കാശുപത്രിയിലേക്കെത്തിച്ചത്. മാവേലി എക്സ്പ്രസ് കൊല്ലം ആനക്കുളം റെയിൽവേ ഗേറ്റിനു സമീപമെത്തിയപ്പോഴാണ് റിൻഷാദ് വണ്ടിയിൽനിന്ന് തെറിച്ചുവീണത്. സഹയാത്രക്കാർ അപായച്ചങ്ങല വലിച്ചതിനെത്തുടർന്ന് തീവണ്ടി കൊല്ലം റെയിൽവേ ഗേറ്റിനു സമീപം നിർത്തിയപ്പോൾ പെട്ടെന്ന് ഇറങ്ങുന്നതിനിടയിൽ വിനിലിന് പരിക്കേറ്റെന്നാണ് വിവരം. റിൻഷാദിന്റെ മൃതദേഹം കോഴിക്കോട് മെഡിക്കൽ കോളേജ് മോർച്ചറിയിലേക്കു മാറ്റി.