ഹരിപ്പാട്: ഗൾഫിൽ നിന്നും നാട്ടിലെത്തിയതിന്‍റെ പിറ്റേന്ന് യുവാവ് ബൈക്കപകടത്തിൽ മരിച്ചു. ഹരിപ്പാട് പള്ളിപ്പാട് നടുവട്ടം ഹരി ഭവനത്തിൽ സോമശേഖരപിള്ള-ഗീത ദമ്പതികളുടെ മകൻ കെ.എസ്. ഉണ്ണികൃഷ്ണനാണ് (29) മരിച്ചത്. ഞായറാഴ്ച രാത്രി 11 മണിയോടെ പള്ളിപ്പാട് വലിയവീട് ജങ്ഷന് സമീപമായിരുന്നു അപകടം.

ഉണ്ണികൃഷ്ണൻ സഞ്ചരിച്ച ബൈക്ക് നിയന്ത്രണം തെറ്റി മരത്തിൽ ഇടിക്കുകയായിരുന്നു. ഏറെ നേരം വഴിയരിയിൽ കിടന്നതിനെ തുടർന്ന് രക്തം വാർന്നാണ് മരിച്ചത്. ശനിയാഴ്ചയാണ് ഉണ്ണികൃഷ്ണൻ ഗൾഫിൽ നിന്നും ലീവിന് നാട്ടിലെത്തിയത്. ഭാര്യ: ഐശ്വര്യ. യൂത്ത് കോൺഗ്രസ് സംസ്ഥാന സെക്രട്ടറി കെ.എസ്. ഹരികൃഷ്ണന്റെ സഹോദരനാണ്.