വടകര : മടപ്പള്ളി ഗവ. കോളേജ് അസി. പ്രൊഫസറും പ്രഭാഷകനും സാഹിത്യനിരൂപകനുമായ സജയ്‌ കെ.വി.യെ മണിയൂരിൽ തടഞ്ഞുനിർത്തി വധഭീഷണി മുഴക്കിയ സംഭവത്തിൽ പയ്യോളി പോലീസ് കേസെടുത്തു. മണിയൂർ സ്വദേശി ഡോ. ജയകൃഷ്ണന്റെ പേരിൽ അന്യായമായി തടഞ്ഞുവെക്കൽ, ഭീഷണിപ്പെടുത്തൽ എന്നീ വകുപ്പുകൾ പ്രകാരമാണ് കേസെടുത്തത്. ഞായറാഴ്ച വൈകീട്ട് മണിയൂർ യു.പി. സ്കൂളിൽ നടന്ന പുസ്തകപ്രകാശനച്ചടങ്ങിൽ സംസാരിച്ച് മടങ്ങുമ്പോൾ ജയകൃഷ്ണൻ തടയുകയും കൊല്ലുമെന്ന് ഭീഷണിപ്പെടുത്തുകയും ചെയ്തെന്നാണ് പരാതി.