കൊയിലാണ്ടി: ഭക്ഷണം തൊണ്ടയില്‍ കുടുങ്ങി ചികില്‍സയിലായിരുന്ന പിഞ്ചുകുഞ്ഞ് മരിച്ചു. കുവൈത്തില്‍ ജോലി ചെയ്യുന്ന കൊയിലാണ്ടി സ്വദേശി ജവാദിന്റെയും ജംഷിനയുടെയും മകന്‍ എസ്രാന്‍ ജവാദ് (ഒമ്പതു മാസം) ആണ് മരിച്ചത്. ഭക്ഷണം കഴിക്കുന്നതിനിടെ തൊണ്ടയില്‍ കുടുങ്ങി രണ്ടു ദിവസമായി കുവൈത്തിലെ അദാന്‍ ആശുപത്രിയില്‍ ചികില്‍സയിലായിരുന്നു.

കൊയിലാണ്ടി നഗരസഭ പ്രതിപക്ഷ നേതാവും മുസ്ലിം ലീഗ് മണ്ഡലം പ്രസിഡന്റുമായ വി.പി ഇബ്രാഹിം കുട്ടിയുടെ മകന്റെ മകനാണ് എസ്രാന്‍ ജവാദ്. ഖബറടക്കം കുവൈത്തില്‍.