പേ​രാ​മ്പ്ര: കൂ​ത്താ​ളി​യി​ല്‍ വ​യോ​ധി​ക​നെ വീ​ട്ടി​ല്‍ മ​രി​ച്ച​നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ മ​ക​ൻ അ​റ​സ്റ്റി​ൽ. ചാ​ത്ത​ങ്കോ​ട്ട് ശ്രീ​ലേ​ഷി​നെ​യാ​ണ് (39) പേ​രാ​മ്പ്ര പൊ​ലീ​സ് അ​റ​സ്റ്റ് ചെ​യ്ത​ത്. വ്യാ​ഴാ​ഴ്ച ഉ​ച്ച​യോ​ടെ​യാ​ണ് കൂ​ത്താ​ളി ര​ണ്ടേ​യാ​റി​ലെ വീ​ട്ടി​ൽ ചാ​ത്ത​ങ്കോ​ട്ട് ശ്രീ​ധ​ര​നെ (69) മ​രി​ച്ച​നി​ല​യി​ല്‍ ക​ണ്ടെ​ത്തി​യ​ത്. നാ​ട്ടു​കാ​രു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ മ​ക​ൻ ശ്രീ​ലേ​ഷി​നെ സം​ഭ​വ​സ്ഥ​ല​ത്തു​നി​ന്ന് പൊ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ കൊ​ല​പാ​ത​ക​മാ​ണെ​ന്ന് തെ​ളി​ഞ്ഞ​തി​നെ തു​ട​ർ​ന്ന് പേ​രാ​മ്പ്ര പൊ​ലീ​സ് ഇ​ൻ​സ്​​പെ​ക്ട​ർ പി. ​ജം​ഷീ​ർ പ്ര​തി​യെ അ​റ​സ്റ്റ് ചെ​യ്യു​ക​യാ​യി​രു​ന്നു. 

മൂ​ന്നു വ​ര്‍ഷം മു​മ്പ് മ​ക​ന്‍ ഇ​യാ​ളെ ബൈ​ക്ക് ഇ​ടി​പ്പി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ചി​രു​ന്നു. പ​രി​ക്കേ​റ്റ ശ്രീ​ധ​ര​ൻ കാ​ലൊ​ടി​ഞ്ഞ് ദീ​ര്‍ഘ​കാ​ലം ചി​കി​ത്സ​യി​ലാ​യി​രു​ന്നു. സം​ഭ​വം ന​ട​ക്കു​മ്പോ​ൾ അ​ച്ഛ​നും മ​ക​നും മാ​ത്ര​മാ​യി​രു​ന്നു വീ​ട്ടി​ലു​ണ്ടാ​യി​രു​ന്ന​ത്. ശ്രീ​ധ​ര​ന്റെ മൃ​ത​ദേ​ഹം കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ൽ പോ​സ്റ്റ്മോ​ര്‍ട്ട​ത്തി​നു​ശേ​ഷം വീ​ട്ടു​വ​ള​പ്പി​ൽ സം​സ്ക​രി​ച്ചു.