MON 13 JUL, 2026, 4:22 AM ISTSun Mar 16, 2025 05:09 PM IST
കുറ്റ്യാടിയില് ബൈക്കില് കാറിടിച്ച് കോളജ് വിദ്യാര്ഥിക്ക് ദാരുണാന്ത്യം
കുറ്റ്യാടി: ബൈക്കില് അമ്മയോടൊപ്പം പോകവെ കാറിടിച്ച് വിദ്യാര്ഥി മരിച്ചു. മൊകേരിഗവ: കോളജ് ബിഎ ഇക്കണോമെട്രിക്സ് രണ്ടാം വര്ഷ ബിരുദ വിദ്യാര്ഥി നരിക്കൂട്ടുംചാല് പുത്തന്പുരയില് രോഹിന് (മോനൂട്ടന്-19) ആണ് മരിച്ചത്. ഇന്നലെ രാത്രി പന്ത്രണ്ട് മണിയോടടുത്താണ് സംഭവം. ലുലു സാരീസില് ജോലി ചെയ്യുന്ന അമ്മ ബിന്ദുവിനെയുംകൂട്ടി വീട്ടിലേക്ക് ബൈക്കില് പോകവെ നരിക്കൂട്ടുംചാലിലെ റേഷന് കടയ്ക്ക് സമീപം നിയന്ത്രണം വിട്ടെത്തിയ കാര് ബൈക്കില് ഇടിക്കുകയായിരുന്നു.
ഓടിയെത്തിയ ലുലു ജീവനക്കാര് രോഹിനെ ഉടനെ കുറ്റ്യാടി ഗവ. ആശുപത്രിയിലും അവിടെ നിന്ന് മൊടക്കല്ലുര് മലബാര് മെഡിക്കല് കോളജ് ആശുപത്രിയിലും എത്തിച്ചെങ്കിലും രക്ഷിക്കാനായില്ല. അമ്മയ്ക്കും പരിക്ക് പറ്റി. ഒഴിവു ദിവസങ്ങളില് രോഹിനും ലുലുവില് ജോലിക്ക് പോകാറുണ്ടായിരുന്നു. അച്ഛന്: ബാലന്. സഹോദരി: സ്വാതി.
COMMENTS
ഇവിടെ പോസ്റ്റു ചെയ്യുന്ന അഭിപ്രായങ്ങൾ നാട്ടുവാർത്തയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Please log in to post comments.
3000
Be the first person to comment
Related News
