വടകര: ഗോവിന്ദപുരം സ്വദേശി ദീപക്കിന്റെ ആത്മഹത്യയുമായി ബന്ധപ്പെട്ട് വടകര സ്വദേശി ഷിംജിത പൊലീസ് പിടിയിൽ. വടകരയിലെ ബന്ധുവീട്ടിൽ നിന്നാണ് ഷിംജിതയെ പൊലീസ് കസ്റ്റഡിയിൽ എടുത്തത്. കോഴിക്കോട് മെഡിക്കൽ കോളജ് പൊലീസാണ് ഇവരെ കസ്റ്റഡിയിൽ എടുത്ത്. വൈദ്യപരിശോധനക്ക് ശേഷം ഷിംജിതയെ കോടതിയിൽ ഹാജരാക്കും.

ഷിംജിത പോലീസ് കസ്റ്റഡിയിൽ ;പിടിയിലായത് വടകരയിൽ നിന്ന്

Vadakara

വടകര: തൊട്ടിൽപാലം റൂട്ടിൽ സർവീസ് നടത്തുന്ന 'ഹരിശ്രീ' ബസ്സിലെ കണ്ടക്ടർ പി.പി.ദിവാകരനെ മാരകമായി ആക്രമിച്ച പ്രതിയെ അടിയന്തിരമായി അറസ്റ്റ് ചെയ്ത് നിയമത്തിന് മുന്നിൽ കൊണ്ടുവരണമെന്ന് ആവശ്യപ്പെട്ട് 22- ന് നടത്തുന്ന പണിമുടക്കുമായി ബന്ധപ്പെട്ട് വടകര ഡി വൈ എസ് പി സനൽകുമാർ വിളിച്ചു ചേർത്ത ചർച്ച പരാജയം. 22 ന് വ്യാഴാഴ്ച വടകര താലൂക്കിൽ സ്വകാര്യ ബസ്സ് തൊഴിലാളികൾ പണിമുടക്ക് നടത്തുന്നതാണെന്ന് സംയുക്ത തൊഴിലാളി യൂനിയൻ യോഗം അറിയിച്ചു. അന്നേ ദിവസം തലശ്ശേരി ഭാഗത്ത് നിന്ന് വരുന്ന ബസ്സുകൾ മാഹി പാലം വരെയും കൊയിലാണ്ടി ഭാഗത്ത് നിന്ന് വരുന്ന ബസ്സുകൾ മൂരാട് പാലം വരെയും സർവ്വീസ് അവസാനിപ്പിച്ച് തിരികെ പോകേണ്ടതാണ്.&nbsp;
എന്നാൽ തലശ്ശേരി - കോഴിക്കോട് റൂട്ടിൽ ലിമിറ്റഡ് സ്റ്റോപ്പ് ബസ്സുകൾക്ക് സർവ്വീസ് നടത്താവുന്നതാണ്. ഇക്കഴിഞ്ഞ 31 ന് രാവിലെയാണ് കണ്ടക്ടർ പി.പി. ദിവാകരൻ പുതിയ സ്റ്റാൻ്റിൽക്രൂരമായി അക്രമിക്കപ്പെട്ടത്. ഗുരുതരമായ പരിക്കുകളോടെ അദ്ദേഹം ചികിത്സയിലാണുള്ളത്. സുരക്ഷിതമായി ജോലി ചെയ്യാനുള്ള സാഹചര്യം ഉറപ്പുവരുത്തണമെന്നും, കണ്ടകർ പി.പി.ദിവാകരനെ അക്രമിച്ച പ്രതിയെ അടിയന്തിരമായി അറസ്റ്റുചെയ്യണമെന്നും ആവശ്യപ്പെട്ടു കൊണ്ടു നടത്തുന്ന പണിമുടക്കുമായി മുഴുവൻ തൊഴിലാളികളും നാട്ടുകാരും സഹകരിക്കണമെന്നും യോഗം അഭ്യർത്ഥിച്ചു. ഡി. വൈ.എസ്.പി സ നൽകുമാറുമായി നടത്തിയ ചർച്ചയിൽ തൊഴിലാളിയൂനിയൻ നേതാക്കളായ എ.സതീശൻ ,എം. ബാലകൃഷ്ണൻ , അഡ്വ : ഇ. നാരായണൻ നായർ ,വിനോദ് ചെറിയത്ത് , ടി. സനീഷ് എന്നിവർ പങ്കെടുത്തു.

ചർച്ച പരാജയം; 22 ന് വടകര താലൂക്കിൽ സ്വകാര്യ ബസ് പണിമുടക്ക്

പേരാമ്പ്ര: ചേനോളി റോഡിൽ പ്രവർത്തിക്കുന്ന മലബാർ ഓയിൽ മില്ലിലുണ്ടായ വൻ തീപിടിത്തത്തിൽ വലിയ നാശനഷ്ടം. മില്ലും സംഭരിച്ചുവെച്ചിരുന്ന ഉൽപന്നങ്ങളും പൂർണമായും കത്തിനശിച്ചു.പേരാമ്പ്ര ടൗണിനോട് ചേർന്ന് കിടക്കുന്ന സ്ഥാപനമായതിനാൽ വലിയ പരിഭ്രാന്തിയാണ് പ്രദേശത്ത് ഉണ്ടായത്.
തിങ്കളാഴ്ച വൈകീട്ട് മൂന്ന് മണിക്ക് ഉണ്ടായ അഗ്നിബാധയിൽ മില്ലിലുണ്ടായിരുന്ന കൊപ്രയും വെളിച്ചെണ്ണയും കത്തിനശിച്ചു. മില്ലിനകത്തുനിന്ന് പുക ഉയരുന്നത് കണ്ട നാട്ടുകാരാണ് വിവരം അഗ്നിരക്ഷാ സേനയെ അറിയിച്ചത്.പേരാമ്പ്രയിൽനിന്നും എത്തിയ അഗ്നിരക്ഷാ യൂനിറ്റുകൾ ഏറെ നേരത്തെ പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്.വെളിച്ചെണ്ണയും കൊപ്രയും ആയതിനാൽ തീ അതിവേഗം പടരുകയായിരുന്നു. തീപിടിത്തത്തിന്റെ കാരണം വ്യക്തമല്ല.&nbsp;

പേരാമ്പ്ര മില്ലിൽ വൻ തീപിടിത്തം

Perambra

കണ്ണൂർ: തലശ്ശേരി സ്വദേശിയായ വനിതാ ഡോക്ടറെ 'ഡിജിറ്റൽ അറസ്റ്റ്' ഭീഷണി മുഴക്കി 10.5 ലക്ഷം രൂപ തട്ടിയെടുത്ത കേസിലെ മുഖ്യപ്രതി പിടിയിൽ. പഞ്ചാബ് ലുധിയാന സ്വദേശിയായ ജീവൻ രാമിനെയാണ് സിറ്റി സൈബർ പോലീകൂടിയത്. പഞ്ചാബിലെ ലുധിയാന ജില്ലയിലെ ഒരു ഉൾഗ്രാമത്തിൽ വെച്ച് സാഹസികമായാണ് പ്രതിയെ പിടികൂടിയത്.
കഴിഞ്ഞ നവംബർ 30-നാണ് സംഭവം. മുംബൈ സിബിഐ ഉദ്യോഗസ്ഥർ എന്ന വ്യാജേന വാട്സാപ്പ് വീഡിയോ കോളിലൂടെ ബന്ധപ്പെട്ട തട്ടിപ്പുസംഘം, പരാതിക്കാരിയുടെ പേരിൽ കള്ളപ്പണം വെളുപ്പിക്കൽ കേസ് നിലവിലുണ്ടെന്ന് പറഞ്ഞു ഭീഷണിപ്പെടുത്തുകയായിരുന്നു. കേസ് ഒത്തുതീർപ്പാക്കാനെന്ന പേരിൽ ഡോക്ടറെ ഭയപ്പെടുത്തി വിവിധ അക്കൗണ്ടുകളിലായി 10,50,000 രൂപ നിക്ഷേപിപ്പിച്ചു. തട്ടിപ്പിലൂടെ ലഭിച്ച പണം പ്രതി ജീവൻ രാം ചെക്ക് വഴി അക്കൗണ്ടിൽ നിന്നും പിൻവലിച്ചതായി പൊലീസ് കണ്ടെത്തി.കണ്ണൂർ സിറ്റി സൈബർ പോലീസ് സ്റ്റേഷൻ എസ്ഐ പ്രജീഷ് ടിപിയുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. എസ്ഐ ജ്യോതി.ഇ, സിപിഒ സുനിൽ.കെ എന്നിവരും സംഘത്തിലുണ്ടായിരുന്നു.
പ്രതിയുടെ ലൊക്കേഷൻ തുടർച്ചയായി മാറിക്കൊണ്ടിരുന്നത് അന്വേഷണത്തെ ബാധിച്ചെങ്കിലും, അഞ്ചുദിവസത്തോളം പിന്തുടർന്നാണ് പൊലീസ് പ്രതിയെ പിടികൂടിയത്.

ഡിജിറ്റൽ അറസ്റ്റ് ഭീഷണി; തലശ്ശേരിയിലെ വനിതാ ഡോക്ടറിൽനിന്ന് 10.5 ലക്ഷം രൂപ തട്ടിയെടുത്ത കേസിലെ മുഖ്യപ്രതി പിടിയിൽ

Kerala

കോഴിക്കോട്: സോഷ്യൽമീഡിയയിൽ ദൃശ്യങ്ങൾ പ്രചരിച്ചതിനുപിന്നാലെ യുവാവ് മനംനൊന്ത് ജീവനൊടുക്കിയ സംഭവത്തിൽ പ്രതികരിച്ച് യുവതി രംഗത്ത്. \ഗോവിന്ദപുരം സ്വദേശി ദീപക്കാണ് (41) മരിച്ചത്. ഇന്നുരാവിലെയാണ് യുവാവിനെ വീട്ടിലെ മുറിക്കുള്ളിൽ തൂങ്ങിമരിച്ചനിലയിൽ കണ്ടെത്തിയത്.ബസിൽ തനിക്കെതിരെ ദീപക്ക് ലെെംഗിക അതിക്രമം നടത്തിയെന്ന് യുവതി ആരോപിച്ചിരുന്നു. ഇതിന്റെ ദൃശ്യങ്ങളും പങ്കുവച്ചിരുന്നു. ഇതിന് പിന്നാലെയാണ് യുവാവ് ആത്മഹത്യ ചെയ്തത്.&nbsp;
പയ്യന്നൂരിലെ ബസ് യാത്രയ്ക്കിടെ തനിക്കും മറ്റൊരു പെൺകുട്ടിക്കും ഉണ്ടായ ദുരനുഭവങ്ങൾ വ്യക്തമാക്കിയാണ് യുവതിയുടെ വിശദീകരണം.'പയ്യന്നൂർ റെയിൽവേ സ്റ്റേഷനിൽ നിന്ന് പയ്യന്നൂർ ബസ് സ്റ്റാൻഡിലേക്കുള്ള ബസിലായിരുന്നു ഞാൻ. എന്റെ മുന്നിലായിരുന്നു അയാൾ ഉണ്ടായിരുന്നത്. അയാളുടെ മുന്നിൽ നിൽക്കുന്ന ഒരു പെൺകുട്ടിയുടെ മുഖവും ഭാവവും കണ്ടപ്പോൾ എനിക്ക് മനസിലായി. ഭയങ്കര ഡിസ്‌കംഫർട്ടായിട്ടാണ് നിൽക്കുന്നത്. ഞാൻ അവരോട് ഒന്നും ചോദിച്ചില്ല. ഞാൻ ഫോൺ ക്യാമറ ഓണാക്കി പിടിച്ചു. എന്നാൽ ഞാൻ റെക്കോർഡ് ചെയ്തിരുന്നില്ല. കണ്ട സമയത്ത് കൂളായിട്ട് നിന്നു. പിന്നെ തിരക്കൊഴിഞ്ഞു. അപ്പോഴേക്കും ബസ് സ്റ്റാൻഡിലെക്കെത്തി. അയാൾ തൊട്ടുരുമ്മി നിൽക്കാൻ ശ്രമിക്കുന്നത് കണ്ടപ്പോൾ പിന്നെയും വീഡിയോ ഓൺ ചെയ്തു. ഇറങ്ങുന്ന സമയത്ത് അയാളുടെ പിന്നിൽ ഞാനാണ് ഉണ്ടായിരുന്നത്.എന്റെ ശരീരത്തിലേക്ക് അയാളുടെ കെെ തൊടാൻ ശ്രമിച്ചുകൊണ്ടിരിക്കുതയായിരുന്നു. ഇത് വീഡിയോയിൽ കാണാം. ഞാൻ മാറി നിന്നു. അയാൾ വീണ്ടും അത് ആവർത്തിച്ചു. പിന്നീട് എന്താ ചേട്ടാ കാണിക്കുന്നത് എന്ന് ചോദിച്ചപ്പോൾ അയാൾ വേഗത്തിൽ നടന്നുപോയി.&nbsp;

പിന്നീട് വടകര സ്റ്റേഷനിൽ പരിചയമുള്ള ഒരു പൊലീസുകാരനെ വിളിച്ച് കാര്യം പറഞ്ഞു. അഡ്രസ് പറയാനാണ് പറഞ്ഞത്. അങ്ങനെ വീഡിയോ എഡിറ്റ് ചെയ്ത് പോസ്റ്റ് ചെയ്യുകയായിരുന്നു. ആളെ കുറിച്ച് എന്തെങ്കിലും വിവരം കിട്ടുന്നവർ അറിയിക്കണമെന്നും ഞാൻ വീഡിയോയിൽ കുറിച്ചു. എന്റെ കാര്യത്തിൽ തന്നെ 100ശതമാനം എനിക്ക് ഇഷ്ടമില്ലെന്ന് അറിഞ്ഞിട്ടും എന്നെ തൊടാൻ ശ്രമിക്കുകയാണ് ചെയ്തത്. അയാളുടെ മരണവിവരം അറിഞ്ഞതിൽ സങ്കടമുണ്ട്'- യുവതി പറഞ്ഞു.

യുവാവിന്റെ മരണത്തിൽ സങ്കടമുണ്ട് ;ഇഷ്ടമില്ലെന്ന് അറിഞ്ഞിട്ടും അയാൾ എന്നെ തൊടാൻ ശ്രമിക്കുകയാണ് ചെയ്തത്,പ്രതികരിച്ച് യുവതി

കോഴിക്കോട്: കഞ്ചാവ് ഉണക്കാനിട്ട് സമീപത്തുകിടന്നുറങ്ങിയ യുവാവ് പിടിയിൽ. വെള്ളയിൽ സ്വദേശി മുഹമ്മദ് റാഫിയാണ് പിടിയിലായത്. കോഴിക്കോട് ബീച്ചിലായിരുന്നു സംഭവം. പേപ്പറിൽ കഞ്ചാവിലകളിട്ടതിനുശേഷം സമീപത്ത് പായ വിരിച്ച് ഉറങ്ങുകയായിരുന്നു.&nbsp;
ഇന്ന് രാവിലെ ബീച്ചിൽ നടക്കാനിറങ്ങിയവരാണ് ഇത് കണ്ടത്. ഉടൻപൊലീസിൽ വിവരമറിയിച്ചു.വെള്ളയിൽ പൊലീസ് സ്ഥലത്തെത്തിയിട്ടും യുവാവ് ഉറക്കമെഴുന്നേ​റ്റിരുന്നില്ല. 370 ഗ്രാം കഞ്ചാവാണ് പിടിച്ചെടുത്തത്. മുൻപും ഇയാൾ കഞ്ചാവുക്കേസിൽ പ്രതിയായിരുന്നുവെന്നാണ് പൊലീസ് പറയുന്നത്. കർണാടകയിൽ നിന്നെത്തിച്ച കഞ്ചാവ് പല സ്ഥലങ്ങളിലേക്കും വിതരണം ചെയ്യുന്നതിനുമുന്നോടിയാണ് ഉണക്കാനിട്ടതെന്നാണ് പറഞ്ഞത്.

കോഴിക്കോട് ബീച്ചിൽ ക​ഞ്ചാ​വ് ഉ​ണ​ക്കാ​നി​ട്ട ശേ​ഷം സ​മീ​പ​ത്ത് കി​ട​ന്നു​റ​ങ്ങി; യു​വാ​വ് പി​ടി​യി​ൽ

Kozhikode

വടകര: തൊട്ടിൽപാലം റൂട്ടിൽ സർവീസ് നടത്തുന്ന KL13 5499 "ഹരിശ്രീ" ബസ്സിലെ കണ്ടക്ടർ പി.പി.ദിവാകരനെ മാരകമായി ആക്രമിച്ച പ്രതിയെ അടിയന്തിരമായി അറസ്റ്റ് ചെയ്ത് നിയമത്തിന് മുന്നിൽ കൊണ്ടുവരണമെന്ന് മോട്ടോർ തൊഴിലാളി യൂണിയനുകളുടെ സംയുക്തയോഗം ആവശ്യപ്പെട്ടു. ഇക്കഴിഞ്ഞ 31.12.25.നാണ് ദിവാകര ൻ പുതിയ ബസ്റ്റാൻൻ്റിൽ വെച്ച് അക്രമിക്കപ്പെട്ടത്. എന്നാൽ ഇതുവരെയും പ്രതിയെ കണ്ടെത്താനോ അറസ്റ്റ് ചെയ്യാനോ പോലീസ് തയ്യാറായിട്ടില്ല.
സ്വകാര്യ ബസ് ജീവനക്കാർ നേരിടുന്ന ഈ അരക്ഷിതാവസ്ഥക്ക് അടിയന്തരമായി പരിഹാരം കാണണമെന്നും പ്രതിയെ ഉടൻ അറസ്റ്റ് ചെയ്യണമെന്നും ആവശ്യപ്പെട്ട് 22 ന് വടകര താലൂക്കിൽ സ്വകാര്യ ബസ് പണിമുടക്കം നടത്തുവാൻ യോഗം തീരുമാനിച്ചു.പണിമുടക്കുമായി മുഴുവൻ സ്വകാര്യ ബസ് തൊഴിലാളികളും നാട്ടുകാരും സഹകരിക്കണമെന്നും യോഗം അഭ്യർത്ഥിച്ചു എം.ബാലകൃഷ്ണന്റെ അധ്യക്ഷതയിൽ ചേർന്ന യോഗത്തിൽ എ.സതീശൻ, അഡ്വ.ഇ.നാരായണൻ നായർ, വിനോദ് ചെറിയത്ത്,സജീവ് കുമാർ, മടപ്പള്ളി മോഹനൻ,മജീദ് അറക്കിലാട്, കെ.പ്രകാശൻ,കെ.ടി കുമാരൻ എന്നിവർ സംസാരിച്ചു.

കണ്ടക്ടറെ ആക്രമിച്ചയാളെ പിടികൂടണം; 22ന് വടകര താലൂക്കില്‍ സ്വകാര്യ ബസ് സമരം

വടകര : യാത്രക്കിടെ രണ്ടര വയസ്സുകാരനെ ബസില്‍ മറന്നുവെച്ച് അമ്മ. ബസ് യാത്ര അവസാനിപ്പിക്കുമ്പോഴാണ് കുട്ടി ഒറ്റയ്ക്കിരിക്കുന്നത് ജീവനക്കാരുടെ ശ്രദ്ധയിൽ പെട്ടത്. പിന്നാലെ 'മറന്നുവെച്ച' കുഞ്ഞിനെ തേടി അമ്മയെത്തി.
ഓര്‍ക്കാട്ടേരിക്ക് സമീപത്തെ ബസ് സ്റ്റോപ്പില്‍ നിന്നാണ് വടകര-വളയം റൂട്ടില്‍ സര്‍വീസ് നടത്തുന്ന സ്വകാര്യ ബസിൽ രണ്ട് സ്ത്രീകളും ഒരു കുട്ടിയും കയറിയത്. ബസ് വടകരയില്‍ യാത്ര അവസാനിപ്പിച്ചപ്പോഴാണ് ഗിയര്‍ ബോക്‌സിന് മുകളില്‍ കുട്ടി തനിച്ചിരിക്കുന്നത് ഡ്രൈവറുടെ ശ്രദ്ധയില്‍പ്പെട്ടത്. പോലീസില്‍ വിവരം അറിയിക്കാന്‍ തീരുമാനിച്ചെങ്കിലും അപ്പോഴേക്കും അമ്മയെത്തി. കുഞ്ഞ് കൂടെയുണ്ടായിരുന്ന കാര്യം മറന്നുപോയതായിരുന്നുവെന്നായിരുന്നു പരിഭ്രമിച്ചെത്തിയ അമ്മയുടെ മറുപടി.

വടകരയിലേക്കുള്ള യാത്രക്കിടെ രണ്ടര വയസ്സുകാരനെ ബസില്‍ മറന്നുവെച്ച് അമ്മ

Nadapuram

പാനൂർ: ഓൺലൈൻ സർവിസ് സെന്ററിൽ എത്തിയ 19കാരി കുഴഞ്ഞുവീണുമരിച്ചു. ചമ്പാട് അരയാക്കൂലിലെ നെല്ലിയുള്ളതിൽ തൈപ്പറമ്പത്ത് റഫീഖ് - ഷെമീന ദമ്പതികളുടെ മകൾ ഫാത്തിമ റെന (19)യാണ് മരിച്ചത്.
ഇന്നലെ രാവിലെ പൂക്കോത്തെ ഗ്ലോബൽ ടെക്ക് സെൻററിൽ എത്തിയതായിരുന്നു. ഇവിടെ വെച്ച് കുഴഞ്ഞുവീണ ഉടൻ പാനൂർ ന്യൂക്ലിയസ് ആശുപത്രിയിലും തലശേശരി ഇന്ദിരാഗാന്ധി ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.സന ഫാത്തിമ ഏക സഹോദരിയാണ്. മയ്യിത്ത് പാനൂർ ജുമാമസ്ജിദ് ഖബർസ്ഥാനിൽ ഖബറടക്കി

പാനൂരിൽ 19കാരി കുഴഞ്ഞുവീണ് മരിച്ചു