വടകര : മാഹി പൂഴിത്തലയിലുണ്ടായ വാഹനാപകടത്തില്‍ യുവാവിന് ദാരുണാന്ത്യം. പുതുപ്പണം പാലോളിപ്പാലം കിഴക്കേമാങ്കുഴി അശ്വിനാണ് (26) മരിച്ചത്.പൂഴിത്തല ഫിഷറീസ് ഓഫീസിന് സമീപം ഇന്നലെ രാത്രിയാണ് അപകടം. കര്‍ണാടകത്തില്‍ നിന്ന് ചോമ്പാല ഹാര്‍ബറിലേക്ക് വന്ന ലോറിയും എതിരെ വന്ന ലോറിയും കൂട്ടിയിടിച്ചാണ് അപകടം. ലോറി ഡ്രൈവറാണ് അശ്വിന്‍. മാഹി പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.