പയ്യോളി: ദേശീയ പാതയില്‍ ഇരിങ്ങലില്‍ നിയന്ത്രണംവിട്ട കാര്‍ മറ്റൊരു കാറിന് മുകളില്‍ വീണ് ഒരാള്‍ക്ക് പരിക്ക്. അപകടത്തില്‍ കാര്‍ ഡ്രൈവര്‍ക്കാണ് പരിക്കേറ്റത്. രാവിലെ 8.30 യോടെയാണ് സംഭവം.

കോഴിക്കോട് ഭാഗത്തേക്ക് പോവുകയായിരുന്ന കാര്‍ ഡിവൈഡറില്‍ ഇടിച്ച് നിയന്ത്രണം വിട്ട് താഴെ വടകര ഭാഗത്തേക്ക് ഉള്ള സര്‍വീസ് റോഡിലേക്ക് വീഴുകയായിരുന്നു. ഈ സമയം വടകര ഭാഗത്തേക്ക് പോവുകയായിരുന്ന കാറിന് മുകളിലാണ് ഈ കാർ വീണത്. ഇരു കാറുകളും ഭാഗികമായി തകര്‍ന്നു. അപകടത്തെ തുടർന്ന് ഏറെ സമയം ഇതുവഴിയുള്ള ഗതാഗതം തടസ്സപ്പെട്ടു.