മാഹി: റെയിൽവെ സ്റ്റേഷന് സമീപത്ത് തീവണ്ടിയിൽ നിന്ന് വീണ് മരിച്ച നിലയിൽ യുവാവിനെ കണ്ടെത്തി. പേരാവൂർ തുണ്ടിയിൽ ഐക്കാട് ദീപു സുധാകരൻ (31) ആണ് തീവണ്ടിയിൽ നിന്ന് വീണ് മരിച്ചത്. ബുധനാഴ്ച രാത്രി 10.30 ഓടെയാണ് സംഭവം. കണ്ണൂർ ഭാഗത്തേക്കു പോകുന്ന എറണാകുളം-കണ്ണൂർ എക്സിക്യൂട്ടീവ് എക്സ്പ്രസ് തീവണ്ടിയിൽ നിന്നാണ് വീണത്. മൃതദേഹം വ്യാഴാഴ്ച രാവിലെ 5.30 ഓടെയാണ് ശ്രദ്ധയിൽപ്പെട്ടത്.

മൃതദേഹം ചോമ്പാല പോലീസ് ഇൻക്വസ്റ്റ് നടത്തിയ ശേഷം മാഹി ഗവ. ആശുപത്രി മോർച്ചറിയിലേക്ക് മാറ്റി. അച്ഛൻ: സുധാകരൻ, അമ്മ : ഷീല. സഹോദരി :ദിവ്യ.