മാനന്തവാടി: വെള്ളമുണ്ടയിൽ സ്കൂട്ടറും ബസും കൂട്ടിയിടിച്ച് യുവാവ് മരിച്ചു. കക്കട്ടിൽ നരിപ്പറ്റ സ്വദേശി നിപുൻ (25) ആണ് മരിച്ചത്. സഹയാത്രികൻ വിപിന് (27) പരിക്കേറ്റു. ഇന്ന് ഉച്ചയോടെ വെള്ളമുണ്ട പത്താംമൈലിലാണ് സംഭവം. മൃതദേഹം മാനന്തവാടി മെഡിക്കൽ കോളജ് മോർച്ചറിയിലേക്ക് മാറ്റി.

വെള്ളമുണ്ടയിൽ സ്കൂട്ടറും ബസും കൂട്ടിയിടിച്ച് കക്കട്ട് സ്വദേശി മരിച്ചു

Kuttiadi

കൽപറ്റ: പൂ​ക്കോ​ട് വെ​റ്റ​റി​ന​റി സ​ർ​വ​ക​ലാ​ശാ​ല വി​ദ്യാ​ർ​ഥി സിദ്ധാർഥിന്റെ മരണവുമായി ബന്ധപ്പെട്ട് കോളജ് ഡീൻ എം.കെ. നാരായണനെയും അസിസ്റ്റന്റ് വാർഡൻ ഡോ. കാന്തനാഥനെയും സസ്പെൻഡ് ചെയ്തു. കാരണം കാണിക്കൽ നോട്ടീസിന് ഇവർ നൽകിയ മറുപടി തൃപ്തികരമല്ലെന്ന് ചൂണ്ടിക്കാണിച്ച് തള്ളിയതിന് പിന്നാലെയാണ് വി.സി. പി.സി. ശശീന്ദ്രൻ സസ്പെൻഡ് ചെയ്തത്.
സിദ്ധാർഥന്‍റെ മരണം അറിഞ്ഞതിന് പിന്നാലെ വിഷയത്തിൽ ഇടപെട്ടുവെന്നും എല്ലാം നിയമപരമായി ചെയ്തുവെന്നുമാണ് ഡീനും അസിസ്റ്റന്‍റ് വാർഡനും വിശദീകണം നൽകിയത്. സിദ്ധാർഥന്‍റെ പോസ്റ്റ്മോർട്ടം അടക്കമുള്ള നടപടികൾക്ക് നേരിട്ടുപോവുകയും അതിന് ശേഷം ഹോസ്റ്റൽ വിദ്യാർഥികളുമായി സംസാരിക്കുകയും ചെയ്തെന്നും മറുപടിയിൽ സൂചിപ്പിച്ചിരുന്നു.
മറുപടി തൃപ്തികരമല്ലെന്നും ഇവര്‍ സ്ഥാനത്ത് തുടരുന്നത് അന്വേഷണത്തെ ബാധിക്കുമെന്ന് ചൂണ്ടിക്കാട്ടിയാണ് വി.സി സസ്‌പെന്‍ഷന്‍ നൽകിയത്. സിദ്ധാര്‍ഥന്റെ മരണത്തില്‍ വൈസ് ചാന്‍സലര്‍ എം.ആര്‍. ശശീന്ദ്രനാഥിനെ നേരത്തെ ഗവര്‍ണര്‍ സസ്‌പെന്‍ഡ് ചെയ്തിരുന്നു. കഴിഞ്ഞ മാസം 18 നാണു ഹോസ്റ്റലിലെ ശുചിമുറിയിൽ ജീവനൊടുക്കിയ നിലയിൽ സിദ്ധാർഥിനെ കണ്ടെത്തിയത്.

സിദ്ധാർഥന്റെ മരണം: കോളജ് ഡീനിനും അസി.വാർഡനും സസ്പെൻഷൻ

Kerala

ദോ​ഹ: ത​ണു​പ്പ് കാ​ല​ത്തി​ന് വി​രാ​മ​മാ​യി വാ​രാ​ന്ത്യ​ത്തി​ൽ ശ​ക്ത​മാ​യ മ​ഴ​ക്ക് സാ​ധ്യ​ത​യെ​ന്ന് ഖ​ത്ത​ർ കാ​ലാ​വ​സ്ഥാ വി​ഭാ​ഗം മു​ന്ന​റി​യി​പ്പ്. വ്യാ​ഴാ​ഴ്ച മു​ത​ല്‍ വാ​രാ​ന്ത്യം​വ​രെ നേ​രി​യ​തോ മി​ത​മാ​യ​തോ ആ​യ മ​ഴ​ക്ക് സാ​ധ്യ​ത​യു​ണ്ടെ​ന്ന് കാ​ലാ​വ​സ്ഥാ വി​ഭാ​ഗം അ​റി​യി​ച്ചു. മ​ഴ​ക്കൊ​പ്പം ചി​ല​യി​ട​ങ്ങ​ളി​ല്‍ ഇ​ടി​മി​ന്ന​ലി​നും സാ​ധ്യ​ത​യു​ണ്ട്.
ഇ​ടി​മി​ന്ന​ലു​ള്ള സ​മ​യ​ങ്ങ​ളി​ല്‍ സു​ര​ക്ഷാ മാ​ര്‍ഗ​നി​ര്‍ദേ​ശ​ങ്ങ​ള്‍ പാ​ലി​ക്ക​ണ​മെ​ന്നും കാ​ലാ​വ​സ്ഥ വ​കു​പ്പ് പൊ​തു​ജ​ന​ങ്ങ​ളോ​ട് ആ​വ​ശ്യ​പ്പെ​ട്ടു. തീ​ര​ദേ​ശ​ങ്ങ​ളി​ലും മ​ഴ മു​ന്ന​റി​യി​പ്പു​ണ്ട്.

വാ​രാ​ന്ത്യ​ത്തി​ൽ മ​ഴ​ക്ക് സാ​ധ്യ​തയെന്ന് ഖ​ത്ത​ർ കാ​ലാ​വ​സ്ഥാ വി​ഭാ​ഗം

Gulf

കോഴിക്കോട്: ഐ.എന്‍.എല്‍ വഹാബ് പക്ഷം പുതിയ പാർട്ടി രൂപീകരിച്ചു. നാഷണൽ ലീ​ഗ് എന്ന പേരിലാണ് പുതിയ പാർട്ടി. എ.പി അബ്ദുൾ വഹാബിനെ അധ്യക്ഷനായും നാസർ കോയ തങ്ങളെ ജനറൽ സെക്രട്ടറിയായും തിരഞ്ഞെടുത്തു. ഇസ്മയിലിനെ വർക്കിങ് പ്രസിഡന്റായും തിരഞ്ഞെടുത്തു.
ഇബ്രാഹിം സുലൈമാൻ സേട്ട് നേരത്തെ നിർദേശിച്ച പേരാണ് പാർട്ടിക്ക് നൽകിയതെന്ന് വഹാബ് പറഞ്ഞു. സേട്ട് 1994-ൽ പാർട്ടി രൂപികരിച്ചത് നാഷണൽ ലീഗ് എന്ന പേരിലാണ്. ഇടതുപക്ഷത്തിനൊപ്പം ഉറച്ച് നിൽക്കും. പുതിയ പാർട്ടിയെ ഇടതുമുന്നണിയിൽ ഉൾപ്പെടുത്തുമെന്ന ഉറപ്പ് കൺവീനർ നൽകിയിട്ടുണ്ട്. കോടതി വിധിയെ മാനിച്ച് കൊണ്ടു മുന്നോട്ട് പോകും. കേസുമായി മുന്നോട്ട് പോകാനാണ് തീരുമാനമെന്നും വഹാബ് വ്യക്തമാക്കി.
നേരത്തെ, ലോക്‌സഭാ തിരഞ്ഞെടുപ്പ് പ്രചാരണ പ്രവര്‍ത്തനങ്ങളില്‍നിന്ന് വിട്ടുനില്‍ക്കുമെന്ന് വഹാബ് പക്ഷം അറിയിച്ചിരുന്നു. പിളര്‍പ്പിന് ശേഷം ഐഎന്‍എല്‍ കാസിം ഇരിക്കൂര്‍ പക്ഷത്തിന് മുന്നണിയില്‍ കാര്യമായ പരിഗണന കൊടുക്കുന്നുവെന്നും വഹാബ് പക്ഷത്തെ മുന്നണിയോഗത്തിലേക്ക് ക്ഷണിക്കുന്നില്ലെന്നും നേരത്തെ പരാതി ഉയര്‍ന്നിരുന്നു. ഇക്കാര്യം അറിയിച്ച് എല്‍ഡിഎഫ് കണ്‍വീനര്‍ക്ക് കത്തും നല്‍കി. കത്തിന് മറുപടി ലഭിച്ചില്ലെന്നും അവഗണന തുടരുന്നുവെന്നും കാണിച്ചായിരുന്നു തിരഞ്ഞെടുപ്പ് പ്രവര്‍ത്തനങ്ങളില്‍ നിന്ന് വിട്ടുനില്‍ക്കാനുളള തീരുമാനം.

'നാഷണൽ ലീ​ഗ്' പുതിയ പാര്‍ട്ടി രൂപീകരിച്ച് ഐ എൻ എൽ വഹാബ് പക്ഷം

ഗുരുവായൂര്‍: ഗുരുവായൂര്‍ ക്ഷേത്രനടയില്‍ മൂർഖൻ പാമ്പിനെ തോളിലിട്ട് സാഹസത്തിനു മുതിര്‍ന്നയാള്‍ക്ക് കടിയേറ്റു. കൊല്ലം പാരിപ്പിള്ളി അനില്‍ ഭവനില്‍ സുനില്‍കുമാറിനാണ് പാമ്പുകടിയേറ്റത്. പുലര്‍ച്ചെ ഒരു മണിയോടെയായിരുന്നു സംഭവം. വടക്കേ നടയിലെ ഗേറ്റിന് സമീപത്തെ സെക്യൂരിറ്റി ക്യാബിന് സമീപം തിങ്കളാഴ്ച രാത്രി 11 മണിയോടെയാണ് പാമ്പിനെ കണ്ടെത്തിയത്. സെക്യൂരിറ്റി ജീവനക്കാരും പോലീസും ചേര്‍ന്ന് പാമ്പിനെ ആളൊഴിഞ്ഞ ഭാഗത്തേക്ക് വിട്ടു. ഇന്നര്‍ റോഡില്‍നിന്ന് നാരായണാലയം ഭാഗത്തേക്ക് പോയ പാമ്പിനെ അനില്‍കുമാര്‍ പിടികൂടി സെക്യൂരിറ്റി ജീവനക്കാരുടെ സമീപത്തേക്ക് കൊണ്ടുവരികയായിരുന്നു.
പാമ്പിനെ തിരികെ വിടാൻ പോലീസും സെക്യൂരിറ്റി ജീവനക്കാരും ആവശ്യപ്പെട്ടെങ്കിലും ഇയാള്‍ തയ്യാറായില്ല. അരമണിക്കൂറോളം ഇയാൾ പാമ്പുമായി അഭ്യാസം കാട്ടി. ഇതിനിടെയാണ് കടിയേറ്റത്. ഉടനെ പാമ്പിനെ സെക്യൂരിറ്റി ക്യാബിന് നേരെ വലിച്ചെറിഞ്ഞു. ഉടനെ തളര്‍ന്നുവീണ അനില്‍കുമാറിനെ ദേവസ്വം ജീവനക്കാരും നാട്ടുകാരും ചേര്‍ന്ന് ദേവസ്വം മെഡിക്കല്‍ സെന്ററില്ത്തിലെത്തിച്ചു. പ്രാഥമിക ശുശ്രുഷയ്ക്ക് ശേഷം ഇയാളെ തൃശ്ശൂര്‍ മെഡിക്കല്‍ കോളേജിലേക്ക് മാറ്റി.
രാവിലെ ആറുമണിയോടെ പാമ്പുപിടുത്തക്കാരെത്തി പാമ്പിനെ പിടികൂടി കൊണ്ടുപോയി. ആറടിയോളം നീളമുള്ള മൂര്‍ഖനെയാണ് പിടികൂടിയത്. പാമ്പിനെ പിന്നീട് വനംവകുപ്പിന് കൈമാറി.

ഗുരുവായൂര്‍ ക്ഷേത്രനടയില്‍ മൂർഖനെ തോളിലിട്ട് അഭ്യാസപ്രകടനം നടത്തിയ യുവാവിന് കടിയേറ്റു

തൃശൂർ: ആൾക്കൂട്ട വിചാരണയ്ക്കും ക്രൂരമർദനത്തിനും പിന്നാലെ പൂക്കോട് വെറ്ററിനറി സർവകലാശാല ക്യാംപസിലെ വിദ്യാർഥി ജെ.എസ്.സിദ്ധാർഥനെ മരിച്ച നിലയിൽ കണ്ടെത്തിയ സംഭവത്തിൽ പ്രതികരണവുമായി കവിയും ഗാനരചയിതാവുമായ റഫീഖ് അഹമ്മദ്. സാംസ്കാരിക കേരളത്തെ പരിഹസിച്ചുകൊണ്ടുള്ള കാർട്ടൂൺ പങ്കുവച്ചാണ് സമൂഹമാധ്യമത്തിൽ റഫീഖിന്റെ പോസ്റ്റ്. ‘സിദ്ധാർഥ്.. മാപ്പ്’ എന്ന കുറിപ്പ് സഹിതമാണ് കാർട്ടൂൺ പങ്കുവച്ചത്.
കഴിഞ്ഞ മാസം 18 നാണു ഹോസ്റ്റലിലെ ശുചിമുറിയിൽ ജീവനൊടുക്കിയ നിലയിൽ സിദ്ധാർഥിനെ കണ്ടെത്തിയത്. ഫെബ്രുവരി 14ന്, കോളജിലെ പരിപാടിക്കിടെ പെൺകുട്ടിയോട് ഇഷ്ടം തുറന്നുപറഞ്ഞെന്ന പേരിൽ സിദ്ധാർഥനെ ഗ്രൗണ്ടിൽ സീനിയർ വിദ്യാർഥികൾ സംഘം ചേർന്നു ചോദ്യം ചെയ്യുകയും മർദിക്കുകയും ചെയ്തെന്നാണ് വിദ്യാർഥികൾ പറയുന്നത്. 14 മുതൽ 18ന് ഉച്ച വരെ സിദ്ധാർഥൻ ക്രൂര മർദനത്തിനിരയായെന്നു ദൃക്സാക്ഷിയായ വിദ്യാർഥി പറയുന്നു. ഹോസ്റ്റലിലെ 130 വിദ്യാർഥികളുടെ മുന്നിൽ നഗ്നനാക്കിയായിരുന്നു മർദനം.
കേസിൽ പ്രതികളായ 18 പേരെയും അറസ്റ്റ് ചെയ്തിരുന്നു. പ്രതികൾക്കെതിരെ ക്രിമിനൽ ഗൂഢാലോചനക്കുറ്റവും പൊലീസ് ചുമത്തി. വീട്ടിലേക്കു പോയ സിദ്ധാർഥനെ കൃത്യമായ ആസൂത്രണത്തിനൊടുവിൽ പൂക്കോട് ക്യാംപസിലേക്കു വിളിച്ചുവരുത്തിയതിനടക്കം തെളിവു ലഭിച്ചതിന്റെ അടിസ്ഥാനത്തിലാണ് കുറഞ്ഞതു 2 വർഷം വരെ തടവുശിക്ഷ കിട്ടിയേക്കാവുന്ന വകുപ്പു ചുമത്തിയത്. കൊലപാതകമെന്നു തെളിഞ്ഞാൽ പ്രതികൾക്കു ജീവപര്യന്തം വരെ ശിക്ഷ ലഭിക്കാം. ആത്മഹത്യാപ്രേരണ, റാഗിങ്, ഗുരുതരമായി മുറിവേൽപിക്കൽ, ആയുധങ്ങൾ ഉപയോഗിച്ചു മുറിവേൽപിക്കൽ, അന്യായമായി തട‍ഞ്ഞുവയ്ക്കൽ എന്നീ വകുപ്പുകളാണു നേരത്തേ ചുമത്തിയിരുന്നത്.

‘പ്രതികരണശേഷി പണ്ടേ നഷ്ടപ്പെട്ടതാണ്’: ‘സിദ്ധാർഥ്.. മാപ്പ്’ എന്ന കുറിപ്പോടെ കാർട്ടൂൺ പങ്കുവച്ച് റഫീഖ് അഹമ്മദ്

പാപ്പിനിശ്ശേരി: വീട്ടിൽ കളിക്കുന്നതിനിടെ അബദ്ധത്തിൽ ട്രാക്ക് പാന്റിന്റെ ചരട് കഴുത്തിൽ കുരുങ്ങി വിദ്യാർഥി മരിച്ചു. ഇരിണാവ് പുത്തരിപ്പുറത്തെ കെ.വി.ജലീലിന്റെയും ആയിഷയുടെയും മകൻ കെ.വി.ബിലാൽ (10) ആണ് മരിച്ചത്. തിങ്കളാഴ്ച വൈകിട്ട് ഏഴോടെയായിരുന്നു സംഭവം. ഉടനെ തന്നെ കണ്ണൂരിലെ സ്വകാര്യ ആശുപത്രിയിലെത്തിച്ചെങ്കിലും മരണം സ്ഥിരീകരിച്ചിരുന്നു. ഇരിണാവ് ഹിന്ദു എഎൽപി സ്‌കൂളിലെ നാലാം ക്ലാസ് വിദ്യാർഥിയാണ്. കണ്ണപുരം പൊലീസ് സ്ഥലത്തെത്തി പരിശോധന നടത്തി.

കളിക്കുന്നതിനിടെ ട്രാക്ക് പാന്റിന്റെ ചരട് കഴുത്തിൽ കുരുങ്ങി വിദ്യാർത്ഥി മരിച്ചു

Kannur

ഒറ്റപ്പാലം: അവധി കഴിഞ്ഞ് ജോലി സ്ഥലത്തേക്കു മടങ്ങുകയായിരുന്ന സിആർപിഎഫ് ജവാൻ ട്രെയിൻ യാത്രയ്ക്കിടെ മരിച്ചു. ഒറ്റപ്പാലം പാലപ്പുറം ഗ്യാസ് ഗോഡൗൺ റോഡ് അക്ഷരശ്രീയിൽ പ്രസീത് (41) ആണ് മരിച്ചത്. യാത്രയ്ക്കിടെ ഹൃദയാഘാതം സംഭവിച്ചതാകാം മരണകാരണമെന്നാണ് വിവരം. രണ്ടുമാസത്തെ അവധി കഴിഞ്ഞ് കഴിഞ്ഞ ഞായറാഴ്ചയാണ് പ്രസീത് ഡൽഹിയിലേക്കു മടങ്ങിയത്.&nbsp;
&nbsp;

അവധി കഴിഞ്ഞ് മടങ്ങിയ സിആർപിഎഫ് ജവാൻ ട്രെയിനിൽ മരിച്ചു

തലമുടിയുടെ ആരോഗ്യം പലരേയും അലട്ടുന്ന വലിയ പ്രശ്‌നമാണ്. തലമുടി കൊഴിയുന്നതിന് നിരവധി കാരണങ്ങളുണ്ട്.പലപ്പോഴും വിറ്റാമിനുകളുടെ കുറവും പോഷകങ്ങള്‍ അടങ്ങിയ ഭക്ഷണങ്ങളുടെ കുറവുമാണ് തലമുടി കൊഴിച്ചിലിന് പ്രധാന കാരണമാകുന്നത്. തലമുടി വളരാന്‍ ആവശ്യമായ പോഷകങ്ങളും എന്തൊക്കെ ഭക്ഷണങ്ങളാണ് കഴിക്കേണ്ടതെന്നും അറിഞ്ഞിരിക്കാം.
തലമുടി വളരാന്‍ ബയോട്ടിന്‍ അഥവാ വിറ്റാമിന്‍ ബി7 വളരെ ആവശ്യമാണ്. ബയോട്ടിന്റെ കുറവു മൂലം തലമുടി കൊഴിച്ചില്‍ ഉണ്ടാകാനുള്ള സാധ്യത കൂടുതലാണ്. അതിനാല്‍ തലമുടി കൊഴിച്ചില്‍ ഉള്ളവര്‍ ബയോട്ടിന്‍ അടങ്ങിയ ഭക്ഷണങ്ങള്‍ കഴിക്കുന്നത് ഗുണം ചെയ്യും. നട്‌സുകള്‍, വിത്തുകള്‍, മുട്ട, മഷ്‌റൂം, മധുരക്കിഴങ്ങ്, സാല്‍മണ്‍ ഫിഷ്, പയറുവര്‍ഗങ്ങള്‍, പാല്‍, പാലുത്പ്പന്നങ്ങള്‍ തുടങ്ങിയവയിലൊക്കെ ബയോട്ടിന്‍ അടങ്ങിയിട്ടുണ്ട്. അതിനാല്‍ ഇവ ഡയറ്റില്‍ ഉള്‍പ്പെടുത്താന്‍ ശ്രദ്ധിക്കണം.
ഒമേഗ 3 ഫാറ്റി ആസിഡ് തലമുടിയുടെ വളരാന്‍ ആവശ്യമായ ഒന്നാണ്. ഇതിനാല്‍ ഇതടങ്ങിയ ഭക്ഷണങ്ങള്‍ കഴിക്കുന്നതും തലമുടി വളരാന്‍ ഗുണം ചെയ്യും. തലയോട്ടിയിലെ രക്തയോട്ടം കൂട്ടാനും മുടി വളരാനും ഇവ സഹായിക്കിക്കുന്നത്.ഫ്‌ളാക്‌സ്‌സീഡ്, ചിയ സീഡ്, വാള്‍നട്‌സ് തുടങ്ങിയ ഭക്ഷണത്തില്‍ ഒമേഗ 3 ഫാറ്റി ആസിഡ് അടങ്ങിയിട്ടുണ്ട്.
തലമുടി കൊഴിച്ചില്‍ തടയാനും തലമുടിയുടെ വളര്‍ച്ചയ്ക്കും ഏറെ സഹായിക്കുന്ന ഒന്നാണ് സിങ്ക്. മത്തങ്ങ വിത്തുകള്‍, പയറുവര്‍ഗങ്ങള്‍, പാലുല്‍പ്പന്നങ്ങള്‍, മുട്ട, ചീര തുടങ്ങിയവയിലൊക്കെ സിങ്ക് ധാരാളം അടങ്ങിയിട്ടുണ്ട്. തലമുടി കൊഴിയുന്നത് വിറ്റാമിന്‍ ഡി കുറയുന്നതിന്റെയും ഒരു ലക്ഷണമാണ്. ഇത് പരിഹരിക്കാന്‍ വിറ്റാമിന്‍ ഡി അടങ്ങിയ മഷ്‌റൂം, ഓറഞ്ച് ജ്യൂസ്, മുട്ട, ഫാറ്റി ഫിഷ് തുടങ്ങിയ പതിവായി കഴിക്കുക.
ഇരുമ്പിന്റെ കുറവ് തലമുടി കൊഴിച്ചിലും സൃഷ്ടിക്കും. ഇരുമ്പ് തലമുടിയുടെ വളര്‍ച്ചയെ പ്രോത്സാഹിപ്പിക്കുന്ന ഒന്നാണ്. ഇതിനായി ചീര, പയറു വര്‍ഗങ്ങള്‍, മാംസം, നട്‌സ്, സീഡുകള്‍ തുടങ്ങിയവ ഡയറ്റില്‍ ഉള്‍പ്പെടുത്തണം.

മുടി കൊഴിച്ചിൽ തടയാൻ കഴിക്കേണ്ട ഭക്ഷണങ്ങള്‍ അറിഞ്ഞിരിക്കാം

Health

പേരാമ്പ്ര : ബലാത്സംഗ കേസിൽ ജാമ്യത്തിലിറങ്ങി ഒളിവിൽപ്പോയ പ്രതി പത്ത് വർഷത്തിനുശേഷം പോലീസിന്റെ പിടിയിൽ. കാഞ്ഞങ്ങാട് മടിക്കൈ സ്വദേശി അരയിൽകണ്ടം കുട്ടിച്ചാൽ ഷംസുദ്ദീൻ (55) ആണ് പേരാമ്പ്ര പോലീസിന്റെ പിടിയിലായത്. 2008-ൽ പേരാമ്പ്ര പോലീസെടുത്ത കേസിലെ പ്രതിയാണിയാൾ. കോടതിയിൽനിന്ന് ജാമ്യംവാങ്ങിയ പ്രതി പിന്നീട് പലസ്ഥലങ്ങളിലായി ഒളിവിൽ താമസിക്കുകയായിരുന്നു.&nbsp;
കാസർകോട് ഭാഗത്തുണ്ടെന്ന് മനസ്സിലാക്കിയ പോലീസ് ബേക്കലിലെ മൗവ്വൽ എന്ന സ്ഥലത്തുനിന്നാണ് പിടികൂടിയത്. പേരാമ്പ്ര പോലീസ് ഇൻസ്പെക്ടർ എം.എ. സന്തോഷിന്റെ നിർദേശപ്രകാരം എസ്.ഐ. ഒ.ടി. ഫിറോസ്, പ്രൊബേഷൻ എസ്.ഐ. ബിജു വിജയൻ, എസ്.സി.പി.ഒ. സി.എം. സുനിൽകുമാർ സി.പി.ഒ. അനുരാജ് എന്നിവരടങ്ങിയ സംഘമാണ് പ്രതിയെ കസ്റ്റഡിയിലെടുത്തത്.

ബലാത്സംഗക്കേസിൽ ജാമ്യത്തിലിറങ്ങി മുങ്ങിയ പ്രതി പേരാമ്പ്ര പോലീസ് പിടിയിൽ

Perambra

കോഴിക്കോട്: ഡി.ജെ. സംവിധാനങ്ങളുമായി തിങ്കളാഴ്ച കോഴിക്കോട് ബീച്ചിലെത്തിയ ടൂറിസ്റ്റ് ബസ് ആർ.ടി.ഒ. എൻഫോഴ്സമെന്റ് പിടികൂടി. മലപ്പുറം മേലാറ്റൂരിൽ നിന്ന് സർവ്വീസ് നടത്തുന്ന വി വൺ ബസ്സാണ് പിടികൂടിയത്. ലൈറ്റിങ്, മ്യൂസിക് സംവിധാനം, സ്മോക്ക്, എമർജൻസി എക്സിറ്റ് ബ്ലോക്ക് ചെയ്തത് ഉൾപ്പെടെ നിരവധി നിയമലംഘനങ്ങൾ കണ്ടെത്തിയിട്ടുണ്ടെന്ന് ഉദ്യോഗസ്ഥർ അറിയിച്ചു.
നിലമ്പൂരിൽ നിന്ന് ടൂറിസ്റ്റുകളുമായി കോഴിക്കോട് കടപ്പുറത്തെത്തിയ ബസ്സിലാണ് ആർ.ടി.ഒ. എൻഫോഴ്സ്മെന്റ് പരിശോധന നടത്തിയത്. ഹൈക്കോടതി ഉത്തരവിന് വിരുദ്ധമായാണ് ബസ്സിലെ ഓൾടറേഷനുകൾ. ബസ് ആർ.ടി.ഒ. കസ്റ്റഡിയിലെടുത്തു. ഫിറ്റ്നസ് റദ്ദാക്കി. ടൂറിസ്റ്റ് ബസ്സുകൾ വ്യാപകമായി ഓൾടറേഷൻ നടത്തുന്നുവെന്ന പരാതിയുടെ അടിസ്ഥാനത്തിലായിരുന്നു ആർ.ടി.ഒ. ഉദ്യോഗസ്ഥരുടെ പരിശോധന. യാത്രക്കാരുമായി എത്തിയ ബസ് ആയതിനാൽ തിരിച്ചുപോകാൻ ബസ്സിന് അനുമതി നൽകി. ഇന്ന് മുതൽ ബസ്സിന് സർവീസ് നടത്താനാവില്ല.

ലൈറ്റിങ്, മ്യൂസിക്, സ്മോക്ക്; ഡിജെ സംവിധാനങ്ങളുമായി എത്തിയ ടൂറിസ്റ്റ് ബസ് കോഴിക്കോട്ട് പിടികൂടി

Kozhikode

പാലക്കാട്: മരം മുറിക്കുന്നതിനിടെ തൊഴിലാളിയുടെ കാല് മരത്തിനിടയിൽ കുടുങ്ങി. പാലക്കാട് ജില്ലയിലെ കരിമ്പുഴയിലാണ് സംഭവം. പൊമ്പ്ര ക്രിസ്ത്യൻ പള്ളിക്ക് സമീപം സ്വകാര്യ വ്യക്തിയുടെ പറമ്പിൽ മരം മുറിക്കുന്നതിനിടെയാണ് നാവൂരാൻ ഹൗസിൽ അൻസാറിന്റെ (26) കാല് കുടുങ്ങിയത്.
മരം മുറിക്കുമ്പോൾ മുറിഞ്ഞ കൊമ്പ് സമീപത്തുള്ള തെങ്ങിൽ തട്ടി തിരിച്ചു വന്നു കാലിനും മരത്തിനും ഇടയിൽ കുടുങ്ങുകയായിരുന്നു. ഫയർഫോഴ്സും കരിമ്പുഴ ട്രോമ കെയറും നാട്ടുകാരും ചേർന്ന് നടത്തിയ രണ്ട് മണിക്കൂറോളം നീണ്ട സംയുക്ത രക്ഷാപ്രവർത്തനത്തിനൊടുവിലാണ് അൻസാറിനെ മരത്തിൽ നിന്നിറക്കിയത്.
മണ്ണാർക്കാട് സ്റ്റേഷൻ ഓഫീസർ സുൽഫി ഇബ്രാഹിമിന്റെ നേതൃത്വത്തിലെത്തിയ ഫയർഫോഴ്സ് സംഘമാണ് രക്ഷാപ്രവർത്തനത്തിന് നേതൃത്വം നൽകിയത്. പരിക്കേറ്റ അൻസാറിനെ പാലക്കാട്‌ ജില്ലാ ആശുപത്രിയിൽ പ്രവേശിപ്പിച്ചു.

മരം മുറിക്കുന്നതിനിടെ കാൽ കുടുങ്ങി; രണ്ട്മണിക്കൂര്‍ നീണ്ട പരിശ്രമത്തിനൊടുവിൽ യുവാവിനെ താഴെയിറക്കി

വടകര: താലൂക്കിലെ ജനങ്ങളുടെ ഏറെ കാലത്തെ ആവശ്യമായ വടകര റവന്യു ടവറിന്റെ ഫണ്ട് പാസായതായി കെ.കെ രമ എം.എല്‍.എ അറിയിച്ചു. 26.4 കോടി രൂപയാണ് റവന്യു ടവറിനായി അനുവദിച്ചത്. കഴിഞ്ഞ ദിവസം ചേര്‍ന്ന കിഫ്ബി ബോര്‍ഡ് യോഗത്തിലാണ് ഫണ്ട് പാസായത്. 2022 ഏപ്രില്‍ 21നാണ് റവന്യു മന്ത്രി കെ.രാജന്‍ റവന്യു ടവറിന്റെ ശിലാസ്ഥാപനം നടത്തിയത്. തുടര്‍ന്ന് നിരവധി തവണ കിഫ്ബി ഉദ്യോഗസ്ഥരുമായി കൂടിക്കാഴ്ചകള്‍ നടത്തിയിരുന്നു. ശിലാസ്ഥാപന സമയത്ത് 15 കോടിയായിരുന്നു എസ്റ്റിമേറ്റ് തുക പറഞ്ഞിരുന്നത്.&nbsp;
ഇപ്പോള്‍ പുതുക്കിയ എസ്റ്റിമേറ്റ് പ്രകാരമാണ് തുക അനുവദിച്ചിരിക്കുന്നത്. താലൂക്ക് ഓഫിസ് തീപിടുത്തത്തിനുശേഷം സ്വകാര്യ കെട്ടിടത്തില്‍ പ്രവര്‍ത്തിക്കുന്ന താലൂക്ക് ഓഫിസും ട്രഷറിയുമടക്കമുള്ളവയിലേക്ക് ജനങ്ങള്‍ക്ക് എത്തിച്ചേരാന്‍ വലിയ ബുദ്ധിമുട്ടാണ് ഉള്ളത്. ഗ്രീന്‍ പ്രോട്ടോക്കോള്‍ പാലിച്ചുകൊണ്ട് കേരള ഹൗസിങ്ങ് ബോര്‍ഡാണ് പ്രവൃത്തി നടത്തുന്നത്. ഫണ്ട് അനുവദിച്ചതോടെ ടെണ്ടർ നടപടികളുമായി ഹൗസിങ്ങ് ബോർഡ് വേഗത്തിൽ മുന്നോട്ടു പോയി പ്രവൃത്തി ഉടൻ തുടങ്ങുമെന്ന് കരുതുന്നതായി കെ.കെ രമ എം.എല്‍.എ പറഞ്ഞു.

വടകര റവന്യു ടവര്‍ നിർമാണത്തിന് കിഫ് ബിയുടെ അന്തിമാനുമതി ലഭിച്ചെന്ന്  കെ.കെ രമ എം.എല്‍.എ

Vadakara

പാലക്കാട്: കാഞ്ഞിരപ്പുഴ ഉദ്യാനം സന്ദര്‍ശിച്ചു മടങ്ങുന്നതിനിടെ കുഴഞ്ഞു വീണു വിദ്യാര്‍ഥിനി മരിച്ചു. മണ്ണാര്‍ക്കാട് പയ്യനെടം അക്കിപ്പാടത്ത് നടക്കാവില്‍ അഡ്വ. രാജീവിന്റെ മകള്‍ അനാമിക (18) ആണ് മരിച്ചത്. തിങ്കളാഴ്ച ഉച്ചയ്ക്കാണ് സംഭവം. ഉടന്‍ സമീപത്തെ കുടുംബാരോഗ്യ കേന്ദ്രത്തിലും അവിടെ നിന്ന് കാഞ്ഞിരപ്പുഴയിലെ സ്വകാര്യ ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല. ഹൃദയ സംബന്ധമായ അസുഖത്തിന് ചികിത്സ നടത്തിവരുന്നതായി ബന്ധുക്കള്‍ പറഞ്ഞു. അമ്മ: ശാലിനി.

ഉദ്യാനം സന്ദര്‍ശിച്ചു മടങ്ങുന്നതിനിടെ വിദ്യാര്‍ഥിനി കുഴഞ്ഞുവീണ് മരിച്ചു

തിരുവനന്തപുരം: സംസ്ഥാനത്ത് റേഷന്‍ കടകളുടെ സമയം പുനക്രമീകരിച്ചു. ഇന്ന് മുതല്‍ ശനിയാഴ്ച വരേക്കാണ് പുനക്രമീകരണം. ഏഴ് ജില്ലകളില്‍ രാവിലെയും ഏഴ് ജില്ലകളില്‍ വൈകീട്ടുമാണ് അതുവരെ റേഷൻ കടകള്‍ പ്രവര്‍ത്തിക്കുക. തിരുവനന്തപുരം മുതല്‍ എറണാകുളം വരെ ജില്ലകളില്‍ ചൊവ്വ, വ്യാഴം ദിവസങ്ങളില്‍ രാവിലെയും ബുധന്‍, ശനി ദിവസങ്ങളില്‍ ഉച്ചയ്ക്ക് ശേഷവും പ്രവര്‍ത്തിക്കും. തൃശൂര്‍ മുതല്‍ കാസര്‍കോട് വരെ ജില്ലകളില്‍ ബുധന്‍, ശനി ദിവസങ്ങളില്‍ രാവിലെയും ചൊവ്വ, വ്യാഴം ദിവസങ്ങളില്‍ ഉച്ചയ്ക്ക് ശേഷവുമാണ് തുറന്ന് പ്രവര്‍ത്തിക്കുക.
മസ്റ്ററിങ് നടക്കുന്നതിനാല്‍ സര്‍വറില്‍ തിരക്ക് അനുഭവപ്പെടുന്നത് ഒഴിവാക്കാനാണ് ക്രമീകരണം. മസ്റ്ററിങും റേഷന്‍ വിതരണവും ഒരേ സമയം നടക്കുന്നത് സാങ്കേതിക പ്രശ്നമുണ്ടാക്കുമെന്ന വിലയിരുത്തിയിരുന്നു. ശനിയാഴ്ച കഴിയുമ്പോള്‍ പ്രവര്‍ത്തിസമയം പഴയനിലയിലേക്ക് മടങ്ങും.

റേഷൻ കടകളുടെ പ്രവൃത്തി സമയത്തില്‍ മാറ്റം

കക്കട്ടിൽ: വട്ടോളി സംസ്കൃതം ഹൈസ്കൂളിൽ നിന്നും വിരമിച്ച് 25 വർഷം പിന്നിട്ടവരെ സഹപ്രവർത്തകർ ആദരിച്ചു. ഹെഡ്മാസ്റ്ററായിരുന്ന കെ.പി.ചന്ദ്രൻ ,സഹ അധ്യാപികമാരായ പി.രാധ,എൻ ഭാരതി എന്നിവരെയാണ് ആദരിച്ചത്. സംസ്കൃതം ഹൈസ്കൂളിൽ നടന്ന യോഗത്തിൽ മുൻ ഹെഡ്മാസ്റ്ററും സംസ്ഥന അധ്യാപക അവാർഡ് ജേതാവുമായ പി.എം.പത്മനാഭൻ അദ്ധ്യക്ഷത വഹിച്ചു.&nbsp;
മുൻ ഹെഡ്മാസ്റ്റർ പി.പി.വിജയൻ ഉദ്ഘാടനം ചെയ്തു. സ്കൂൾ മാനേജർ കെ.ടി.ജയപാലൻ ,ഹെഡ്മിസ്ട്രസ് വി.പി.ശ്രീജ ,സ്റ്റാഫ് സെക്രട്ടറി നിസാർ ഇടത്തിൽ , പി.കെ.ഗോപാലൻ ,കെ രവീന്ദ്രൻ ,ടി.പി.നാണു ,പി .പി .മാലതി ,പി രത്നവല്ലി , സി.കെ.ജയശ്രി ,ടി.എ.രാധ ,ടി.കെ.സജീവൻ ,കെ .ഉപേന്ദ്രൻ ,കെ.ജയദേവൻ , എൻ.കെ.ശങ്കരൻ , കെ എസ് ചന്ദ്രശേഖരൻ , പി.കെ രാമകൃഷ്ണൻ ,എം.കെ.അബ്ദുൾ റഹ്മാൻ എന്നിവർ ആശംസ അർപ്പിച്ചു. കെ.പി.ചന്ദ്രൻ ,പി .രാധ, എൻ ഭാരതി എന്നിവർ മറുപടി പ്രസംഗം നടത്തി. കരിമ്പിൽ കുഞ്ഞികൃഷ്ണൻ സ്വാഗതവും കെ.കെ.അശോകൻ നന്ദിയും പറഞ്ഞു.

വിരമിച്ചതിൻ്റെ രജത ജൂബിലിയിൽ അധ്യാപകർക്ക് ആദരം

Nadapuram

കുറ്റ്യാടി : ദിവസങ്ങളായി ഭക്ഷണം പോലും നൽകാതെ ഒരു ചെറുപ്പക്കാരനെ ക്രൂരമായി മർദ്ദിച്ച് മരണത്തിലെത്തിച്ച സംഭവത്തിൽ സാംസ്കാരിക പ്രവർത്തകരുടെയും എഴുത്തുക്കാരുടെയും മൗനം ഒരു എഴുത്തുകാരെന്ന നിലയിൽ വല്ലാതെ സങ്കടപ്പെടുത്തുന്നുവെന്ന് എഴുത്തുക്കാരനും നോവലിസ്റ്റുമായ സുഭാഷ് ചന്ദ്രൻ പറഞ്ഞു. അധികാരിവർഗ്ഗം ഹിംസയുടെ നടത്തിപ്പുകാരാകുമ്പോൾ അവരെ തിരുത്താൻ എഴുത്തുകാരാണ് മുന്നോട്ട് വരേണ്ടതെന്നും വാക്കിൻ്റെ ശക്തി അധികാരത്തിന് മുകളിലാണെന്നും അദ്ദേഹം സൂചിപ്പിച്ചു. കുറ്റ്യാടി കൾച്ചറൽ ഫോറത്തിൻ്റെ ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം.
കുറ്റ്യാടി കൾച്ചറൽ ഫോറം ചെയർമാൻ കെ.ടി.സൂപ്പി അദ്ധ്യക്ഷത വഹിച്ചു. ജയചന്ദ്രൻ മൊകേരി, ഡോ: ഡി. സച്ചിത്ത്, ബാലൻ പാറക്കൽ, നവാസ് പാലേരി, സെഡ്. എ.സൽമാൻ, വി.പി. മൊയ്തു, വേണു ചീക്കോന്ന്, സന്ധ്യ കരണ്ടോട്, ലക്ഷ്മി ദാമോദരൻ എന്നിവർ സംസാരിച്ചു. സ്വാഗത സംഘം കൺവീനർ മൊയ്തു കണ്ണങ്കോടൻ സ്വാഗതവും പ്രോഗ്രാം കൺവീനർ സി.കെ. കരുണാകരൻ നന്ദിയും പറഞ്ഞു.

സാംസ്കാരിക നായകൻമാരുടെയും എഴുത്തുകാരുടെയും തന്ത്രപരമായ മൗനം പരിതാപകരം; സുഭാഷ് ചന്ദ്രൻ

വടകര : പുറങ്കര മാപ്പിള ജെ ബി സ്കൂളിൽ പഠനോത്സവം സംഘടിപ്പിച്ചു. വിദ്യാലയത്തിലുണ്ടായ അക്കാദമികമായ മികവിനെ സമൂഹത്തിനു മുമ്പാകെ അവതരിപ്പിക്കുന്ന ജനകീയമായ പരിപാടിയാണ് പഠനോത്സവം. മലയാളം, ഇംഗ്ലീഷ്,അറബി ഗണിതം, ശാസ്ത്രം തുടങ്ങിയ വിഷയങ്ങളിൽ കുട്ടികൾ നേടിയ അറിവിനെ സ്വതന്ത്രമായ ഭാഷയിലും, രീതിയിലും പൊതു സമൂഹത്തിനു മുമ്പാകെ അവതരിപ്പിക്കുന്നു. പഠനപ്രക്രിയകളുടെ ഭാഗമായി ക്ലാസ് മുറികളിൽ രൂപപ്പെട്ട ഉൽപ്പന്നങ്ങളുടെ പ്രദർശനവും സംഘടിപ്പിച്ചു.&nbsp;
എല്ലാ കുട്ടികളെയും പങ്കെടുപ്പിച്ചാണ് പഠനോത്സവം സംഘടിപ്പിച്ചത്. ഹെഡ്മിസ്ട്രസ് ബിന്ദു സ്വാഗതം പറഞ്ഞ ചടങ്ങിൽ പിടിഎ പ്രസിഡണ്ട് സാബിയ അധ്യക്ഷത വഹിച്ചു. ബി ആർ സി ട്രെയ്നർ സിജി വട്ടക്കണ്ടി പരിപാടി ഉദ്ഘാടനം ചെയ്തു. വാർഡ് കൗൺസിലർ ഹാഷിം മുഖ്യാതിഥിയായിരുന്നു. ആശംസകളർപ്പിച്ചുകൊണ്ട് താഹിറ, ലേഖ, ബൈജ ,ജാസ്മിൻ എന്നിവർ സംസാരിച്ചു. സുനിത് ബക്കർ നന്ദി പറഞ്ഞു.

പുറങ്കര മാപ്പിള ജെ ബി സ്കൂളിൽ പഠനോത്സവം സംഘടിപ്പിച്ചു

നാദാപുരം: നാലാം ക്ലാസുകാരിയെ ലൈംഗികമായി പീഡിപ്പിച്ചെന്ന കേസിൽ 54 കാരന് 62 വർഷം കഠിന തടവും, 85000 രൂപ പിഴയടക്കാനും നാദാപുരം ഫാസ്റ്റ് ട്രാക്ക് സ്പെഷൽ കോർട്ട് (പോക്സോ )ജഡ്ജി എം ശുഹൈബ് ശിക്ഷിച്ചു. നന്മണ്ട സ്വദേശി കിണറ്റുമ്പത്ത് ശിവദാസനെയാണ് ശിക്ഷിച്ചത്. 2018ൽ അശ്ലീല വീഡിയോ കാണിച്ച് പലതവണ കുട്ടിയുടെ വീട്ടിലെ വിറക് പുരയിൽ വെച്ചും അയൽവാസിയുടെ പണി തീരാത്ത വീട്ടിൽ വെച്ചും പീഡിപ്പിച്ചതായാണ് കേസ്.&nbsp;
കുട്ടി ബന്ധു വീട്ടിൽ പോയപ്പോൾ അവിടെ വെച്ചാണ് വീട്ടുകാർ പീഡന വിവരം അറിയുന്നത്. തുടർന്ന് ചൈൽഡ് ലൈൻ വിഭാഗത്തെ അറിയിക്കുകയായിരുന്നു. ചൈൽഡ് ലൈൻ അധികൃതർ ബാലുശേരി പോലീസിൽ അറിയിക്കുകയും സി.ഐ സുരേഷ് കുമാറിൻ്റെ നേതൃത്വത്തിലാൽ കേസ് അന്വേഷിച്ച് കുറ്റപത്രം സമർപ്പിക്കുകയുമായിരുന്നു. 17 സാക്ഷികളെ വിസ്തരിക്കുകയും 17 രേഖകൾ ഹാജരാക്കുകയും ചെയ്തു. പ്രോസക്യൂഷന് വേണ്ടി സ്പെഷൽ പ്രോസക്യൂട്ടർ മനോജ് അരൂർ ഹാജരായി.

നാലാം ക്ലാസുകാരിയെ പീഡിപ്പിച്ച പ്രതിക്ക് 62 വർഷം കഠിനതടവും 85000 പിഴയും വിധിച്ച് നാദാപുരം കോടതി

അരൂർ : ആശുപത്രി പരിസരത്തെ മഴുക്കോത്ത് പൊക്കൻ ( 92) അന്തരിച്ചു. ഭാര്യ: നാരായണി. മക്കൾ: ചന്ദ്രി , ഗീത, ശോഭ, റീജ, ഷൈനി, മോളി. മരുമക്കൾ: അശോകൻ (അരൂർ) , കുമാരൻ (പുത്തലത്ത്) , വിനു ( വളയം ), വിനോദൻ (കോട്ടപ്പള്ളി ) , മനോജൻ (അരൂർ ) , രമേശൻ ( നിട്ടൂർ ). സഹോദരങ്ങൾ: മഴുക്കോത്ത് കണ്ണൻ, പൊക്കി, കല്യാണി.

അരൂർ മഴുക്കോത്ത് പൊക്കൻ അന്തരിച്ചു

Obituary

പോത്തന്‍കോട്: സുഹൃത്ത് ദേഹത്ത് പെട്രോള്‍ ഒഴിച്ച് തീകൊളുത്തി ഗുരുതരമായി പരിക്കേറ്റ് ചികിത്സയിലായിരുന്ന യുവതി മരിച്ചു. ചേങ്കോട്ടുകോണം മേലെ കുണ്ടയത്ത് സോമസൗധത്തില്‍ സരിത(46) ആണ് മരിച്ചത്. തിങ്കളാഴ്ചയാണ് പൗഡിക്കോണം ചെല്ലമംഗലം വീട്ടില്‍ എസ്.ബിനു (50) സരിതയുടെ ദേഹത്ത് പെട്രോള്‍ ഒഴിച്ച് തീ കൊളുത്തിയത്.
സ്‌കൂട്ടറില്‍ സരിതയുടെ വീട്ടിലെത്തിയ പ്രതി കന്നാസില്‍ കരുതിയ പെട്രോള്‍ ദേഹത്തൊഴിച്ച് കത്തിക്കുകയായിരുന്നു. നിലവിളികേട്ടെത്തിയ അയല്‍വാസികളാണ് സരിതയുടെ ദേഹത്തെ തീയണച്ചത്. തീകൊളുത്തുന്നതിനിടെ പൊള്ളലേറ്റ ബിനു വീടിനോടുചേര്‍ന്ന കിണറ്റില്‍ ചാടുകയും ചെയ്തു.
അക്രമം നടന്ന ഉടനെ പോലീസും അഗ്നിരക്ഷാസേനയും സരിതയെ മെഡിക്കല്‍ കോളേജ് ആശുപത്രിയിലേക്കു മാറ്റിയിരുന്നുവെങ്കിലും ജീവന്‍ രക്ഷിക്കാനായില്ല. വിനുവിനെ രക്ഷാസേനാംഗങ്ങള്‍ കിണറ്റില്‍നിന്ന് പുറത്തെടുത്ത് മെഡിക്കല്‍ കോളേജ് ആശുപത്രിയിലേക്കു കൊണ്ടുപോയി. വിധവയായ സരിത സമീപത്തെ സ്വകാര്യ സ്‌കൂളിലെ ആയയാണ്. ഡിഗ്രിക്കു പഠിക്കുന്ന മകളുണ്ട്.
വിനുവിന്റെ രണ്ടുമക്കളും ഈ സ്‌കൂളില്‍ പഠിക്കുന്നവരാണ്. ഇയാളുടെ വണ്ടിയില്‍ മണ്ണില്‍ കലര്‍ത്തിയ മുളകുപൊടിയും ഒരു വെട്ടുകത്തിയും ഉണ്ടായിരുന്നു. സംഭവത്തില്‍ പോത്തന്‍കോട് പോലീസ് കേസെടുത്തു.

സുഹൃത്ത് പെട്രോള്‍ ഒഴിച്ച് തീകൊളുത്തിയ യുവതി മരിച്ചു

വടകര: കുറുന്തോടി എം എൽ പി സ്കൂളിൽ പഠിച്ചുകൊണ്ടിരിക്കുന്ന വിദ്യാർത്ഥികളുടെ ഗ്രാൻഡ് പാരൻസിന്റെ സംഗമം വേറിട്ട അനുഭവമായി മാറി. തണലൊരുക്കിയവർക്ക് സ്നേഹപൂർവ്വം (സ്പന്ദനം 2024) എന്ന പേരിൽ കുറുന്തോടി എം എൽ പി സ്കൂൾ സംഘടിപ്പിച്ച പരിപാടി പങ്കാളിത്തവും സംഘാടനവും കൊണ്ട് മികവുറ്റതായിരുന്നു. അസിസ്റ്റൻറ് സബ് ഇൻസ്പെക്ടർ ജമീല റഷീദ് പരിപാടി ഉദ്ഘാടനം ചെയ്തു.&nbsp;
ഗ്രാൻഡ് പാരൻ്റ് എംപി കുഞ്ഞിക്കണ്ണൻ വിദ്യാലയത്തിന് സമർപ്പിച്ച പനയോലയിൽ തീർത്ത ശില്പം വാർഡ് മെമ്പർ കെ ശശിധരൻ ഏറ്റുവാങ്ങി. ഗ്രാൻഡ് പാരൻ്റ്സിനുള്ള ഉപഹാരം പേരക്കുട്ടികൾ നൽകി. ചിരിയും ചിന്തയും എന്ന വിഷയത്തിൽ ലിനീഷ് , കെ സുരേന്ദ്രൻ എന്നിവർ ക്ലാസുകൾ കൈകാര്യം ചെയ്തു. മാനേജർ കെ ചന്ദ്രിക ആശംസ അർപ്പിച്ചു. പിടിഎ പ്രസിഡണ്ട് പി നരേന്ദ്രനാഥ് അധ്യക്ഷം വഹിച്ച ചടങ്ങിൽ ഹെഡ്മിസ്ട്രസ് കെ എം പ്രസീന സ്വാഗതവും രാഹുൽ എസ് എസ് നന്ദിയും പറഞ്ഞു.

ഗ്രാൻഡ് പാരൻസ് സംഗമവുമായി കുറുന്തോടി എം എൽ പി സ്കൂൾ

കോട്ടയം: പാലാ പൂവരണിയില്‍ ഒരുകുടുംബത്തിലെ അഞ്ചുപേരെ മരിച്ചനിലയില്‍ കണ്ടെത്തി. ഉരുളികുന്നം സ്വദേശി കൊച്ചുകൊട്ടാരം കുടലിപ്പറമ്പില്‍ ജെയ്‌സണ്‍ തോമസ്(44) ഭാര്യ മെറീന(29) മക്കളായ ജെറാള്‍ഡ്(4) ജെറീന(2) ജെറില്‍(ഏഴുമാസം) എന്നിവരാണ് മരിച്ചത്. ഭാര്യയെയും മക്കളെയും കൊലപ്പെടുത്തിയശേഷം ജെയ്‌സണ്‍ ജീവനൊടുക്കിയെന്നാണ് പോലീസിന്റെ നിഗമനം.
ചൊവ്വാഴ്ച രാവിലെയാണ് സംഭവം പുറത്തറിയുന്നത്. കുട്ടികളെ ശ്വാസംമുട്ടിച്ചും ഭാര്യയെ തലയ്ക്കടിച്ചും കൊലപ്പെടുത്തിയെന്നാണ് കരുതുന്നത്. ജെയ്സണെ വീട്ടിനുള്ളില്‍ തൂങ്ങിമരിച്ചനിലയിലാണ് കണ്ടെത്തിയത്.
ഉരുളികുന്നം സ്വദേശികളായ ജെയ്‌സണും മെറീനയും നേരത്തെ പ്രണയിച്ച് വിവാഹം കഴിച്ചവരാണ്. ജെയ്‌സണ്‍ ഡ്രൈവറായി ജോലിചെയ്തുവരികയായിരുന്നു. രണ്ടുവര്‍ഷമായി കുടുംബം പൂവരണിയില്‍ വാടകയ്ക്ക് താമസിച്ചുവരികയാണ്.

പാലായില്‍ ഏഴുമാസം പ്രായമുള്ള കുഞ്ഞടക്കം അഞ്ചംഗകുടുംബം മരിച്ചനിലയില്‍

കൊച്ചി: സംസ്ഥാനത്ത് സ്വർണ വില വീണ്ടും റെക്കോഡിൽ. പവന് 560 രൂപ കൂടി 47,560 രൂപയിലെത്തി. ഗ്രാമിന് 70 രൂപ വർധിച്ച് 5,945 രൂപയിലാണ് വ്യാപാരം നടക്കുന്നത്.കൊച്ചി: സംസ്ഥാനത്ത് സ്വർണ വില വീണ്ടും റെക്കോഡിൽ. പവന് 560 രൂപ കൂടി 47,560 രൂപയിലെത്തി. ഗ്രാമിന് 70 രൂപ വർധിച്ച് 5,945 രൂപയിലാണ് വ്യാപാരം നടക്കുന്നത്.
മാർച്ച് മാസത്തിലെ ഏറ്റവും കൂടിയ വിലയാണ് ഇന്ന് രേഖപ്പെടുത്തിയത്. മാർച്ച് ഒന്നിന് 46,320 രൂപയായിരുന്നു ഒരു പവന്‍റെ വില. മാർച്ച് രണ്ടിന് വില 47,000 രൂപയിലേക്ക് ഉയർന്നു. മൂന്നിനും നാലിനും വില മാറ്റമില്ലാതെ തുടർന്നതിന് പിന്നാലെയാണ് ഇന്ന് വർധിച്ചത്.
അമേരിക്ക എക്കാലത്തെയും വലിയ പണപ്പെരുപ്പത്തെ അഭിമുഖീകരിക്കുന്നതാണ് വില വർധനവിനുള്ള പ്രധാന കാരണം. വില വീണ്ടും ഉയരുമെന്നാണ് സൂചന. 2,300 ഡോളർ വരെ വില ഉയരുമെന്നാണ് പ്രവചനമെങ്കിലും 2,200 ഡോളറിന് അടുത്തെത്താനുള്ള സാധ്യതകളും ഇപ്പോൾ കാണുന്നുണ്ട്.

സംസ്ഥാനത്ത് സ്വർണവില വീണ്ടും റെക്കോഡിൽ

നാദാപുരം: മലബാറിലെ അതിപുരാതന ക്ഷേത്രങ്ങളിലൊന്നായ കരുകുളം ചേലാലക്കാവ് തിറ മഹോത്സവം ബുധനാഴ്ച തുടങ്ങും. ഒരുക്കങ്ങൾ പൂർത്തിയായതായി ഭാരവാഹികൾ വാർത്ത സമ്മേളനത്തിൽ പറഞ്ഞു. ബുധൻ ഉച്ചക്ക് ശേഷം ഉത്സവത്തിൻ്റെ ഭാഗമായ കാർണിവൽ തുടങ്ങും. വൈകീട്ട് 6 മണിക്ക് അഡ്വ: എ വി കേശവൻ കണ്ണൂർ നടത്തുന്ന ആദ്ധ്യാത്മിക പ്രഭാഷണം , രാത്രി 9 മണിക്ക് ബ്ലാക്ക്ബറി മ്യൂസിക്ക് കാലിക്കറ്റ് ഒരുക്കുന്ന ഗാനമേളയും അരങ്ങേറും. വ്യാഴം രാവിലെ 8 മണി മുതൽ ക്ഷേത്ര കലവറ നിറക്കൽ വാഹനം വിവിധ പ്രദേശങ്ങളിലൂടെ സഞ്ചരിച്ച് ക്ഷേത്രസന്നിധിയിലെത്തി ചേരും. വൈകുന്നേരം 6 മണിക്ക് ക്ഷേത്ര തന്ത്രി അനിൽ അത്തിക്കാടിൻ്റെ നേതൃത്വത്തിൽ നടക്കുന്ന കൊടിയേറ്റത്തോടു കൂടി ക്ഷേത്ര ഉത്സവ ചടങ്ങുകൾ തുടങ്ങും. രാത്രി 7 മണിയോടെ പ്രാദേശിക കലാപരിപാടികൾ അരങ്ങേറും,
വെള്ളി രാവിലെ 6 ന് ഗണപതിഹോമം, 11 മണിക്ക് കയകം തുറക്കൽ, 12 മണിക്ക് ഉച്ചകലശം, 12-30 ന് അന്നദാനം, 6 മണിക്ക് കുട്ടിച്ചാത്തൻ വെള്ളാട്ട്, 7 മണിക്ക് പച്ചപാലം ശ്രീകൃഷ്ണ്ണ ക്ഷേത്രത്തിൽ നിന്നും, താനിയുള്ള പൊയിൽ പുഴയോരം ശ്രീ ഭദ്രകാളി ക്ഷേത്രത്തിൽ നിന്നും, ക്ഷേത്രാങ്കത്തിലെത്തിചേരുന്നു.
9 മണിക്ക് പൂക്കലശം വരവ് - ഇളനീർ വരവ് എന്നിവ പരേതനായ കുങ്കൻ സ്വാമിയുടെ വീട്ടിൽ നിന്ന് പറപ്പെട്ട് ക്ഷേത്രത്തിലെത്തി ചേരുന്നു. 9 30 ന് ഗുളികൻ വെള്ളാട് 10 30 ന് രക്തചാമുണ്ഡി വെള്ളാട്ട് ,11 മണിക്ക് ഭഗവതി വെള്ളാട്ടം നടക്കും. ശനി കാലത്ത് 6 മണിക്ക് ഗണപതിഹോമം, 6. 30 ന് ഗളികൻ തിറ, 7 മണിക്ക് പൂമാലമുത്തപ്പൻ തിറ, 8 മണിക്ക് കുട്ടിച്ചാത്തൻ തിറ,10 മണിക്ക് ഗുരുകാരണവർ തിറ, 11 മണിക്ക് രക്തചാമുണ്ഡി തിറ, 12 മണിക്ക് ഭഗവതി തിറ, 12-30 ന് അന്നദാനം, 4 മണിക്ക് ഗുരുതി തർപ്പണവും നടക്കും.
വാർത്ത സമ്മേളനത്തിൽ ക്ഷേത്ര പ്രസിഡൻ്റ് പി പൊക്കൻ, സെക്രട്ടറി സുരേഷ് മരുതേരി, ട്രഷറർ ബിനു മണിയാല, പി നിഷാന്ത്, രമേഷ് അയ്യങ്കി, കെ പി ചന്ദ്രൻ എന്നിവർ പങ്കെടുത്തു.

കരുകുളം ചേലാലക്കാവ് തിറ മഹോത്സവം ബുധനാഴ്ച്ച തുടങ്ങും

മലപ്പുറം: സ്വകാര്യബസിൽ സീറ്റിൽ ഇരുന്നതിനെച്ചൊല്ലിയുണ്ടായ തർക്കത്തിനിടെ വിദ്യാർഥിനിയെ കവിളിൽ അടിച്ചുപരിക്കേല്പിച്ചെന്ന പരാതിയിൽ ബസ് കണ്ടക്ടർ അറസ്റ്റിൽ. കോഴിക്കോട് മാങ്കാവ് വളയനാട് നേട്രോൽപറമ്പുവീട്ടിൽ ഷുഹൈബിനെ(26) യാണ് ചങ്ങരംകുളം പോലീസ് അറസ്റ്റുചെയ്തത്. കോഴിക്കോട്-തൃശ്ശൂർ റൂട്ടിലോടുന്ന 'ഹാപ്പി ഡെയ്സ്' ബസിൽ ശനിയാഴ്ചയാണ് സംഭവം. പെരുമ്പിലാവിലെ സ്വകാര്യ കോളേജിലെ മൂന്നാംവർഷ ജേണലിസം ബിരുദ വിദ്യാർഥിനിയാണ് പരാതിക്കാരി.
എടപ്പാളിൽനിന്ന് പെരുമ്പിലാവിലേക്ക് ബസിൽ കയറിയതായിരുന്നു വിദ്യാർഥിനി. സീറ്റിൽ ഇരുന്നത് ജീവനക്കാരനെ പ്രകോപിതനാക്കി.വിദ്യാർഥിനിയുമായി കയർക്കുകയും വാക്കേറ്റത്തിനിടെ കാലിൽ ചവിട്ടുകയും മുഖത്ത് അടിച്ചു പരിക്കേൽപ്പിക്കുകയും ചെയ്തെന്നാണ് പരാതി.
പരിക്കേറ്റ വിദ്യാർഥിനി കുന്നംകുളത്തെ സ്വകാര്യ ആശുപത്രിയിൽ ചികിത്സ തേടിയിരുന്നു. അറസ്റ്റിലായ പ്രതിയെ പൊന്നാനി കോടതിയിൽ ഹാജരാക്കി.

സീറ്റില്‍ ഇരുന്നതിന് വിദ്യാര്‍ഥിനിയുടെ കവിളില്‍ അടിച്ചു; കണ്ടക്ടര്‍ അറസ്റ്റില്‍

ജറുസലം: ഇസ്രയേലില്‍ മിസൈൽ ആക്രമണത്തിൽ മലയാളി കൊല്ലപ്പെട്ടു. കൊല്ലം സ്വദേശി നിബിന്‍ മാക്സ്​വെല്ലാണ് കൊല്ലപ്പെട്ടത്. സംഭവത്തിൽ രണ്ടു മലയാളികടക്കം ഏഴു പേർക്ക് പരുക്കേറ്റിട്ടുണ്ടെന്നാണ് വിവരം. ഇവർ കാർഷിക മേഖലയിലെ ജീവനക്കാരായിരുന്നു. ഗലീലി ഫിംഗറില്‍ മൊഷാവെന്ന സ്ഥലത്തായിരുന്നു ആക്രമണം നടന്നത്. ബുഷ് ജോസഫ്, പോൾ മെൽവിൻ എന്നീ പരുക്കേറ്റ രണ്ടുപേരെ തിരിച്ചറിഞ്ഞിട്ടുണ്ട്. ഇതിൽ പോൾ മെൽവിൻ ഇടുക്കി സ്വദേശിയാണ്. പ്രാദേശിക സമയം തിങ്കഴാഴ്ച രാവിലെ 11 മണിയോടെയായിരുന്നു സംഭവം.
ലെബനനില്‍നിന്നുള്ള ടാങ്ക്‌വേധ മിസൈലാണ് ഇസ്രയേല്‍ ഭാഗത്തെ കൃഷിത്തോട്ടത്തിൽ പതിച്ചത്. നിബിന്‍ മാക്‌സ്‌വെല്ലിന്റെ മൃതദേഹം സിവ് ആശുപത്രിയിലേക്ക് മാറ്റി. മുഖത്തും ശരീരത്തിലും പരുക്കേറ്റ ബുഷ് ജോസഫ് ജോര്‍ജ് ബെയ്‌ലിന്‍സണ്‍ ആശുപത്രയിൽ ശസ്ത്രക്രിയ്ക്ക് വിധേയനായി. ഇയാൾ സുഖംപ്രാപിച്ചു വരികയാണെന്നും നാട്ടിലെ കുടുംബവുമായി സംസാരിച്ചുവെന്നുമാണ് വിവരം.&nbsp;
പോൾ മെൽവിന്റെ പരുക്ക് ഗുരുതരമല്ല. ആക്രമണത്തിനു പിന്നിൽ ഷിയ ഹിസ്ബുള്ള വിഭാഗമാണെന്നാണ് വിവരം. ഒക്‌ടോബർ 8 മുതൽ ഇസ്രയേലിന്റെ വടക്കൻ മേഖലയിലേക്കും സൈനിക പോസ്റ്റുകൾക്കും നേരെ ഹിസ്ബുള്ള ആക്രമണം നടത്തുന്നുണ്ട്. ഇസ്രയേലും ഹിസ്ബുള്ളയും തമ്മിലുള്ള ഏറ്റുമുട്ടലിൽ ഇസ്രയേൽ ഭാഗത്ത് ഏഴ് സാധാരണക്കാരും 10 സൈനികരും കൊല്ലപ്പെട്ടു. അടുത്തിടെ ഇസ്രയേൽ കൊലപ്പെടുത്തിയ 229 പേർ ഹിസ്ബുള്ള വിഭാഗത്തിൽ ഉൾപ്പെട്ടിട്ടുണ്ട്. ഹിസ്ബുള്ളയുടെ ഭാഗത്തുനിന്നുള്ള മരണങ്ങളിൽ ഭൂരിഭാഗവും സംഭവിച്ചത് ലെബനനിലും സിറിയയിലുമായിരുന്നു.&nbsp;

ഇസ്രയേലില്‍ മിസൈൽ ആക്രമണത്തിൽ മലയാളി കൊല്ലപ്പെട്ടു

ദോഹ: കക്കട്ടിൽ കണ്ടോത്ത്കുനി തറവട്ടത്ത് അഷ്‌റഫ് (55) ഖത്തറിൽ നിര്യാതനായി. ഹമദ് മെഡിക്കൽ കോർപ്പറേഷൻ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. ദോഹയിലെ റെസ്റ്റോറെന്റിൽ ജീവനക്കാരനായിരുന്നു.
പിതാവ്: കുഞ്ഞമ്മദ്. മാതാവ്: മറിയം. ഭാര്യ: ഷമീമ, മക്കൾ: ഡോ: തസ്ലിം, നഷാ നസ്റിൻ, നാജിയ അഷറഫ്. മരുമകൻ: അജ്മൽ. മയ്യത്ത് നമസ്കാരം വെള്ളിയാഴ്ച ജുമാ നമസ്കാരത്തിന് ശേഷം അബൂഹമൂർ പള്ളിയിൽ നടക്കുമെന്ന് ബന്ധുക്കൾ അറിയിച്ചു.നടപടി ക്രമങ്ങൾ പൂർത്തിയാക്കിയ ശേഷം മയ്യിത്ത് നാട്ടിലേക്ക്‌ കൊണ്ട് പോകുമെന്ന് കെ.എം.സി.സി ഖത്തർ അൽ ഇഹ്‌സാൻ മയ്യിത്ത് പരിപാലന കമ്മിറ്റി ഭാരവാഹികൾ അറിയിച്ചു

കക്കട്ടിൽ സ്വദേശി ഖത്തറിൽ നിര്യാതനായി

ഉ​മ്മു​ൽ ഖു​വൈ​ൻ: പേ​രാ​മ്പ്ര കൈ​ത​ക്ക​ൽ സ്വ​ദേ​ശി അ​ർ​ജു​ൻ ഉ​മ്മു​ൽ ഖു​വൈ​ൻ ബീ​ച്ചി​ൽ മ​ര​ണ​പ്പെ​ട്ടു. ഇ​ക്ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട് ഏ​ഴോ​ടെ​യാ​യി​രു​ന്നു സം​ഭ​വം. 32 വ​യ​സ്സാ​യി​രു​ന്നു. ഭാ​ര്യ​യും കൂ​ട്ടു​കാ​രു​മൊ​ന്നി​ച്ച് ബീ​ച്ചി​ൽ കു​ളി​ക്കാ​നി​റ​ങ്ങി​യ​പ്പോ​ൾ വെ​ള്ള​ത്തി​ൽ വീ​ഴു​ക​യാ​യി​രു​ന്നു.
ഭാ​ര്യ: ദ​ർ​ശ​ന. പേ​രാ​മ്പ്ര കൈ​ത​ക്ക​ൽ ക​ണി​യാ​ൻ​ക​ണ്ടി പ്രേ​മ​ൻ-​ഗീ​ത ദ​മ്പ​തി​ക​ളു​ടെ മ​ക​നാ​ണ്. ഏ​ക​സ​ഹോ​ദ​രി അ​ഞ്ജ​ന അ​യ​ർ​ല​ൻ​ഡി​ലാ​ണ്. ഉ​മ്മു​ൽ ഖു​വൈ​ൻ ഹോ​സ്പി​റ്റ​ൽ മോ​ർ​ച്ച​റി​യി​ലു​ള്ള മൃ​ത​ദേ​ഹം നാ​ട്ടി​ൽ കൊ​ണ്ടു​പോ​കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്ന​താ​യി ബ​ന്ധു​ക്ക​ൾ അ​റി​യി​ച്ചു.

ഉ​മ്മു​ൽ ഖു​വൈ​ൻ ബീ​ച്ചി​ൽ പേരാമ്പ്ര സ്വദേശിയായ യുവാവ് മുങ്ങിമരിച്ചു

യു.എ.ഇ : മലയാളി യുവതിയെ ദുബൈയിൽ താമസ സ്ഥലത്ത് തൂങ്ങി മരിച്ച നിലയിൽ കണ്ടെത്തി. വളയം സ്വദേശി ടി കെ ധന്യയാണ് മരിച്ചത്. അജ്മാനിലെ താമസ സ്ഥലത്താണ് ധന്യയെ മരിച്ച നിലയിൽ കണ്ടെത്തിയത്. ചൊവ്വാഴ്ചയായിരുന്നു സംഭവം.
ഭർത്താവ് വാണിമേൽ സ്വദേശി ഷാജിക്കും മകൾക്കും ഒപ്പമായിരുന്നു ദുബൈയിൽ താമസം. പിതാവ്: അശോകന്‍. മാതാവ്: രാധ. സഹോദരി: സൗമ്യ.

വളയം സ്വദേശിയായ യുവതിയെ അജ്മാനില്‍ തൂങ്ങി മരിച്ച നിലയിൽ കണ്ടെത്തി

സന: മലയാളി നഴ്‌സ് നിമിഷപ്രിയയുടെ വധശിക്ഷ നടപ്പാക്കാന്‍ യെമന്‍ പ്രസിഡന്റ് റഷാദ് അല്‍ അലീമിയുടെ അനുമതി. നിലവില്‍ യെമന്റെ തലസ്ഥാനമായ സനയിലെ ജയിലിലുള്ള നിമിഷപ്രിയയുടെ വധശിക്ഷ ഒരു മാസത്തിനകം നടപ്പാക്കിയേക്കും. കൊല്ലപ്പെട്ട യെമന്‍ പൗരന്‍ തലാല്‍ അബ്ദു മെഹ്ദിയുടെ കുടുംബമായും അദ്ദേഹമുള്‍പ്പെടുന്ന ഗോത്രത്തിന്റെ തലവന്‍മാരുമായും മാപ്പപേക്ഷയ്ക്കുള്ള ചര്‍ച്ചകള്‍ ഫലം കാണാതെ വന്നതോടെയാണ് ശിക്ഷ നടപ്പാക്കുന്നത്. ഒരു മാസത്തിനകം വധശിക്ഷ നടപ്പാക്കിയേക്കും. 2017 ജൂലൈയിലാണ് സംഭവം നടന്നത്. ഓഗസ്റ്റില്‍ നിമിഷ പ്രിയയെ പോലീസ് അറസ്റ്റും ചെയ്തു.
വധശിക്ഷ കാത്ത് കഴിയുന്ന നിമിഷ പ്രിയയെ കാണാന്‍ അമ്മ പ്രേമകുമാരി യെമനില്‍ പോയിരുന്നു. ഡല്‍ഹി ഹൈക്കോടതി അനുമതി നല്‍കിയതോടെയാണ് പ്രേമകുമാരി യെമനിലെത്തി മകളെ കണ്ടത്.വധശിക്ഷയ്‌ക്കെതിരാ നിമിഷ പ്രിയയുടെ അപ്പീല്‍ യെമന്‍ സുപ്രീം കോടതി തള്ളിയതിനെ തുടര്‍ന്ന് യമന്‍ പ്രസിഡന്റിന് ദയാഹര്‍ജി നല്‍കിയിരുന്നു. എന്നാല്‍ അതും തള്ളുകയായിരുന്നു. ദിയാധനം നല്‍കിയുള്ള ഒത്തുതീര്‍പ്പിന് നീക്കം നടത്തിയെങ്കിലും ഫലം കണ്ടില്ല.

നിമിഷപ്രിയയുടെ വധശിക്ഷ നടപ്പാക്കാന്‍ യെമന്‍ പ്രസിഡന്റ് അനുമതി നൽകി

വടകര: ജില്ലാ ആശുപത്രിക്ക് സമീപം ആച്ചംമണ്ടിയില്‍ വൈശാഖ് എ. എം (32), മിലിറ്ററി 49ാം ബറ്റാലിയന്‍) പഞ്ചാബില്‍ നിര്യാതനായി . അച്ഛന്‍; രാജു (ഓട്ടോ ഡ്രൈവര്‍). അമ്മ; അനിത. ഭാര്യ; ലിബിന. സഹോദരി; രിധു. സംസ്‌കാരം ഞായറാഴ്ച രാവിലെ 11 ന്.

വടകര ആച്ചംമണ്ടിയില്‍ വൈശാഖ് പഞ്ചാബില്‍ നിര്യാതനായി

ഇന്ത്യയിലെ നല്ലൊരു ശതമാനം ആളുകളും ചായ പ്രേമികളാണ്. ചൂട് ചായ ജീവിതത്തിൽ വില്ലനായി മാറും എന്നു എത്ര പേർ വിശ്വസിക്കും? പുതിയ പഠനം പറയുന്നതനുസരിച്ച് ചൂട് ചായ കുടിക്കുന്നത് കാൻസറിന് വരെ കാരണമായേക്കാം.ചൂടുള്ള ചായ കുടിക്കുന്നത് അന്നനാളത്തെ ബാധിക്കുന്ന അപൂർവമായ ഒസോഫൊജിയൽ കാൻസർ വരാനുള്ള സാധ്യത വര്‍ധിപ്പിക്കുമെന്നാണ് പഠനങ്ങൾ പറയുന്നത്. ചായയിലെയോ കാപ്പിയിലേയൊ രാസ വസ്തുക്കളാണ് കാൻസർ ഉണ്ടാക്കുന്നത് എന്ന് വിചാരിച്ചാൽ തെറ്റി. അങ്ങനെയല്ല കാര്യം.ചൂടാണ് കാൻസർ ഉണ്ടാക്കുന്നത്.
ഗവേഷണ പഠനങ്ങളുടെ സമന്വയമായ മെറ്റ-അനാലിസിസുകളുടെ ഗവേഷണമാണ് ഓസോഫോഗൽ സ്‌ക്വമാസ് സെൽ കാർസിനോമ എന്ന കാൻസർ വരാൻ ചൂട് പാനീയങ്ങൾ കുടിക്കുന്നവർക്കുള്ള സാധ്യത കൂടുതലാണെന്ന് കണ്ടെത്തിയത്. ചൂട് ചായ കുടിക്കുന്നത് നാക്കിനെ പൊള്ളിക്കാറുണ്ട്. അതുപോലെ തന്നെ നമ്മുടെ അന്നനാളത്തെയും പൊള്ളിക്കും. അങ്ങനെ സ്ഥിരമായി അന്നനാളത്തിൽ പൊള്ളലേൽക്കുന്നത് കാൻസറിന് കാരണമാവുന്നു.
നമ്മൾ അമിത ചൂടുള്ള ഭക്ഷണം കഴിക്കുകയും കുടിക്കുകയും ചെയ്യുമ്പോൾ അന്നനാളത്തിലെ ആവരണം ചൂടു ആഗിരണം ചെയ്യുന്നു.അമിതമായ ചൂട് അന്നനാളത്തില്‍ പോറലേല്‍പ്പിക്കുന്നു. വീണ്ടും വീണ്ടും ചൂട് പാനീയങ്ങള്‍ കുടിക്കുന്നത് തുടരുമ്പോൾ ഈ പോറല്‍ ഉണങ്ങാതിരിക്കുകയും വീക്കമുണ്ടാക്കാനും അതിലൂടെ കോശങ്ങൾ നശിക്കുന്നതിനും ഒടുവിൽ കാൻസർ ആയി മാറുന്നതിനും കാരണമാകുന്നു.
ലോകാരോഗ്യ സംഘടനയുടെ കാൻസർ ഗവേണഷണ വിഭാഗം 65ഡിഗ്രി സെൽഷ്യസിന് മുകളിലുള്ള പാനീയങ്ങൾ കാൻസറിന് കാരണമായേക്കാം എന്ന് കണ്ടെത്തിയിട്ടുണ്ട്. ചൂടുള്ള പാനീയങ്ങള്‍ക്ക് പുറമെ പുകവലിക്കുകയും കൊഴുപ്പ് കൂടുതലുള്ള മാംസാഹാരം കഴിക്കുന്നതും അന്നനാള കാന്‍സര്‍ വരാനുള്ള സാധ്യത പത്തു മടങ്ങ് വര്‍ധിപ്പിക്കുമെന്നാണ് ഗവേഷകരുടെ കണ്ടെത്തല്‍.&nbsp;

തിളച്ച ചായ ഊതി ഊതി കുടിക്കാൻ ആണോ നിങ്ങൾക്ക് ഇഷ്ടം ;എങ്കിൽ ശ്രദ്ധിക്കണം

ഒരുപാട് നേരം ടോയ്‌ലറ്റ് സീറ്റിൽ ഇരിക്കുന്നവരെ കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങളെന്ന് വിദഗ്ധർ. അർശ്ശസ്, പെൽവിക് മസിലുകളുടെ ദുർബലമാകുക തുടങ്ങിയ പ്രശ്നങ്ങളാണ് ഇത്തരക്കാരെ കാത്തിരിക്കുന്നതെന്നാണ് ആരോഗ്യ വിദഗ്ധർ മുന്നറിയിപ്പ് നൽകുന്നത്. പലരും മൊബൈൽ ഫോണും കൊണ്ടാണ് ടോയ്‌ലറ്റിലേക്ക് പോകുന്നത് തന്നെ. ഇരിക്കുന്ന സമയമത്രയും ഫോണിൽ സ്​​ക്രോൾ ചെയ്തുകൊണ്ടിരിക്കും. അത്രയും രോഗാണുക്കളെയാണ് നാം മൊബൈലിലേക്ക് ആവാഹിക്കുന്നത്.10 മിനിറ്റിലേറെ ടോയ്‍ലറ്റിൽ ചെലവഴിക്കരുതെന്നാണ് ആരോഗ്യ വിദഗ്ധരുടെ മുന്നറിയിപ്പ്.
ടോയ്‌ലറ്റ് സംബന്ധമായ പ്രശ്നങ്ങളുമായി എത്തുന്നവരിൽ കൂടുതലും ബാത്റൂമിൽ ഏറ്റവും കൂടുതൽ സമയം ചെലവഴിക്കുന്നവരാണെന്ന് ടെക്സാസിലെ ഡോ. ലായ് ക്സു പറയുന്നു. ഒരു കസേരയിൽ ഇരിക്കുന്നത് പോലെയല്ല, ടോയ്‌ലറ്റിൽ ഇരിക്കുന്നത്. ശരീരത്തിന്റെ ചില ഭാഗങ്ങൾക്ക് മാത്രമാണ് ഓവൽ ഷേപ്പിലുള്ള ടോയ്‌ലറ്റ് സീറ്റിൽ സപ്പോർട്ട് ലഭിക്കുന്നത്. മറ്റ് ഭാഗം താണുമാണ് ഇരിക്കുക. ഒരു പാട് നേരം ഇങ്ങനെ ഇരിക്കുന്നത് ശരീരത്തിന്റെ ബാലൻസ് നഷ്ടപ്പെടുത്തും. മലാശയത്തിന് സമ്മർദവുമുണ്ടാക്കും.
ടോയ്‌ലറ്റിലിരുന്ന് മൊബൈൽ ഫോൺ സ്ക്രോൾ ചെയ്യുന്നത് സമയത്തെ കുറിച്ച് പോലും ബോധമില്ലാതാക്കുമെന്ന് ന്യൂയോർക്കിലെ സ്റ്റോണി ബ്രൂക്ക് മെഡിസിനിലെ ഡയറക്ടറും അസിസ്റ്റന്റ് പ്രഫസറുമായ ഡോ. ഫറ മൻസൂർ ചൂണ്ടിക്കാട്ടി. പെൽവിക് മസിലുകളിൽ വലിയ സമ്മർദമാണ് ഒരുപാട് നേരം ടോയ്‌ലറ്റിൽ ഇരുന്നാൽ സംഭവിക്കുന്നത്. ബാത്റൂമി​ൽ പോകുന്ന സമയം കുറയ്ക്കുക, ശ്രദ്ധ തിരിക്കുന്ന കാര്യങ്ങൾ ഒഴിവാക്കുക എന്നതാണ് ഇത് തടയാനുള്ള ഒരേയൊരു കാര്യമെന്നും അവർ ചൂണ്ടിക്കാട്ടുന്നു.
ഒരിക്കലും മൊബൈലും പുസ്തകങ്ങളും മാഗസിനുകളുമായി ബാത്റൂമിൽ പോകരുത്. ഒരുപാട് നേരം ടോയ്‌ലറ്റിലിരിക്കാൻ അത് കാരണമാകും. നന്നായി വെള്ളം കുടിക്കുക, നാരുകളടങ്ങിയ ഭക്ഷണം കഴിക്കുക, എന്നിവ മലബന്ധം അകറ്റുമെന്നും ടോയ്‌ലറ്റിൽകൂടുതൽ സമയം ചെലവഴിക്കുന്നത് തടയാമെന്നും അന്താരാഷ്ട്ര ഗ്യാസ്ട്രോ എൻട്രോളജി വിദഗ്ധൻ ഡോ. ലാൻസ് ഉറദോമോ പറയുന്നു. അതുപോലെ ടോയ്‌ലറ്റിൽ കൂടുതൽ നേരം ഇരിക്കാനുള്ള പ്രവണത ആരോഗ്യ പ്രശ്നങ്ങളുടെ സൂചനയാണെന്നും ഡോക്ടർമാർ പറയുന്നു. മലബന്ധം കുടലിന് ബാധിക്കുന്ന അർബുദത്തിന്റെ സൂചനയാണെന്നും മുന്നറിയിപ്പുണ്ട്.

ഏറെ നേരം ടോയ്‌ലറ്റ് സീറ്റിൽ ഇരിക്കാറുണ്ടോ? ശീലം മാറ്റിക്കോ, കാത്തിരിക്കുന്നത് ഗുരുതരമായ ആരോഗ്യ പ്രശ്നങ്ങൾ

മണിയൂർ : എറണാകുളം ഏലൂര്‍ കുറ്റിക്കാട്ടുകരയില്‍ ബൈക്കില്‍ മിനിലോറിയിടിച്ച് മണിയൂർ സ്വദേശി ഉൾപ്പെടെ രണ്ട് പേർ മരിച്ചു. മണിയൂർ തൈവെച്ച പറമ്പത്ത് രമേശന്റെ മകൻ ആദിഷ് (21), ഇടുക്കി സ്വദേശിയായ രാഹുല്‍ രാജ്(22), എന്നിവരാണ് മരിച്ചത്. കളമശ്ശേരിയിലെ സ്വകാര്യ സ്ഥാപനത്തിലെ ജീവനക്കാരാണ് ഇരുവരും.
ഞായറാഴ്ച രാത്രി പതിനൊന്ന് മണിയോടെയാണ് അപകടമുണ്ടായത്. ജോലി കഴിഞ്ഞ് കളമശ്ശേരിയിലെ താമസസ്ഥലത്തേക്ക് പോവുകയായിരുന്ന ഇവര്‍ സഞ്ചരിച്ച ബൈക്കില്‍ മിനി ലോറിയിടിക്കുകയായിരുന്നു. ലോറിയുടെ അമിതവേഗതയാണ് അപകടത്തിനിടയാക്കിയതെന്നാണ് വിവരം. ഇരുവരും സംഭവസ്ഥലത്തുവെച്ചുതന്നെ മരണപ്പെട്ടു. ബീനയാണ് ആദിഷിന്റെ മാതാവ്. സഹോദരൻ :അനന്തു. സംസ്കാരം രാത്രി 9 മണിക്ക് വീട്ടുവളപ്പിൽ.

എറണാകുളത്ത് ബൈക്കിൽ ലോറിയിടിച്ച് മണിയൂർ സ്വദേശി ഉൾപ്പടെ രണ്ട് മരണം

മലയാളികള്‍ക്ക് ഊണിനൊപ്പം ഏറ്റവും പ്രിയപ്പെട്ട വിഭവമേതെന്ന് ചോദിച്ചാല്‍ അതിന് ഒരേയൊരു ഉത്തരമേ ഉള്ളൂ, അത് മത്സ്യമാണ്. ആരോഗ്യത്തിന് വളരെയധികം ഗുണകരമായ ഭക്ഷണമെന്നതാണ് മത്സ്യത്തിന്റെ സവിശേഷത. കൊഴുപ്പ് കുറവാണെങ്കിലും പോഷകങ്ങളും വൈറ്റമിനുകളും ധാതുക്കളും ഉള്‍പ്പെടുന്ന ഒരു കലവറയാണ് മത്സ്യം. ശരീരത്തിന് ആവശ്യമായ പ്രോട്ടീന്‍, സിങ്ക്, കാല്‍ഷ്യം എന്നിവ മത്സ്യങ്ങളില്‍ ധാരാളം അടങ്ങിയിട്ടുണ്ട്.ഭക്ഷണത്തില്‍ പതിവായി മീന്‍ ഉള്‍പ്പെടുത്തുന്നത് നിരവധി ആരോഗ്യ പ്രശ്‌നങ്ങള്‍ക്കുള്ള പരിഹാരം കൂടിയാണ്.&nbsp;
മീനില്‍ അടങ്ങിയിരിക്കുന്ന പോഷകങ്ങള്‍ ക്യാന്‍സറുമായി ബന്ധപ്പെട്ട ഹൈപ്പര്‍ലിപ്പിഡാമിയ എന്ന രോഗലക്ഷണത്തോട് പോരുതുന്നു. അതോടൊപ്പം തന്നെ ഒമേഗ 3യും വൈറ്റമിന്‍ ഡിയും ഉയര്‍ന്ന അളവില്‍ അടങ്ങിയിട്ടുള്ളതിനാല്‍ ശരീരത്തിന്റെ രോഗപ്രതിരോധ ശേഷിയേയും വര്‍ദ്ധിപ്പിക്കാന്‍ മീൻ കഴിക്കുന്നത് സഹായിക്കും.മീന്‍ വിഭവങ്ങള്‍ പതിവായി കഴിക്കുന്നതിലൂടെ അസ്ഥി രോഗങ്ങള്‍ വരാനുള്ള സാധ്യത കുറയുകയും എല്ലുകളുടെ ബലം വര്‍ദ്ധിക്കുക്കയും ചെയ്യും. മീന്‍ പതിവാക്കുന്നതിലൂടെ ജീവിതശൈലി രോഗമായ പ്രമേഹത്തില്‍ നിന്ന് രക്ഷനേടാന്‍ കഴിയും. അതോടൊപ്പം കരളിന്റെ ആരോഗ്യത്തിനും വളരെ നല്ലതാണ്. ആസ്തമ പോലെയുള്ള അസുഖങ്ങള്‍ക്കും വളരെ ഫലപ്രദമാണ്.അല്‍ഷിമേഴ്‌സ് രോഗത്തേയും വിഷാദ രോഗത്തേയും പ്രതിരോധിക്കാനും മത്സ്യം ഭക്ഷണത്തില്‍ പതിവാക്കുന്നത് സഹായിക്കും. എന്നാല്‍ ഏറ്റവും പ്രധാനമായി ശ്രദ്ധിക്കേണ്ട കാര്യം രാസ പദാര്‍ത്ഥങ്ങള്‍ ചേര്‍ക്കാത്ത മത്സ്യമാണ് കഴിക്കുന്നുവെന്ന് ഉറപ്പുവരുത്താനാണ്.&nbsp;

മീന്‍ വിഭവങ്ങള്‍ പതിവായി കഴിച്ചാൽ ഗുണങ്ങൾ ഏറെയാണ്

Search Results for: viral