പയ്യോളി : തുറയൂരിലെ സിവില്‍ സപ്ലൈസ് ഷോപ്പില്‍ നിന്നും ജീവനക്കാര്‍ സാധനങ്ങള്‍ കടത്തിക്കൊണ്ടുപോകുന്നെന്ന് ആരോപിച്ച് നാട്ടുകാര്‍ മാനേജരുടെ കാര്‍ തടഞ്ഞു. ഷോപ്പ് മാനേജരുടെ കാറില്‍ സാധനങ്ങള്‍ കയറ്റിക്കൊണ്ടുപോകുന്നുണ്ടെന്നാണ് നാട്ടുകാരുടെ ആരോപണം. കഴിഞ്ഞ ദിവസം രാത്രിയായിരുന്നു സംഭവം.
പയ്യോളി പൊലീസ് സ്ഥലത്തെത്തി കാര്‍ പരിശോധിക്കുകയും കാറില്‍ നിന്നും മൂന്ന് ചാക്ക് അരി കണ്ടെത്തുകയും ചെയ്തിട്ടുണ്ട്. ഇതോടെ പൊലീസ് സിവില്‍ സപ്ലൈസ് ഓഫീസറെ വിവരം അറിയിച്ചു. ഓഫീസറെത്തി കാറില്‍ നിന്നും കണ്ടെത്തിയ സാധനങ്ങള്‍ അളന്നു തിട്ടപ്പെടുത്തി. ഷോപ്പിലെ നിലവിലെ സാധനങ്ങളുടെ സ്റ്റോക്കെടുത്താലേ സാധനങ്ങള്‍ കടത്തിയിട്ടുണ്ടോയെന്ന് വ്യക്തത വരൂവെന്നാണ് സിവില്‍ സപ്ലൈസ് ഓഫീസര്‍ അറിയിച്ചത്. കണക്കെടുപ്പും സാഹചര്യവും മനസ്സിലാക്കിയ ശേഷമേ നിജസ്ഥിതി അറിയാനാകൂവെന്നും തുടർന്ന് ഇതുസംബന്ധിച്ച റിപ്പോർട്ട് കോഴിക്കോട് റീജണൽ മാനേജർക്ക് കൈമാറുമെന്നും ഉദ്യോഗസ്ഥർ പറഞ്ഞു. കണക്കെടുപ്പ് അടുത്തദിവസങ്ങളിലും തുടരും. വിൽപ്പന നിർത്തിവെച്ചിരിക്കയാണ്.&nbsp;
മുമ്പും ഇതേ രീതിയില്‍ കാറില്‍ സപ്ലൈക്കോയിലെ സാധനങ്ങള്‍ കൊണ്ടുപോകുന്നത് ശ്രദ്ധയില്‍പ്പെട്ടിരുന്നെന്നാണ് നാട്ടുകാര്‍ പ്രതികരിച്ചത്. ഇതോടെ ഇവരുടെ പ്രവര്‍ത്തനങ്ങള്‍ നിരീക്ഷിച്ചു വരികയായിരുന്നെന്നും നാട്ടുകാർ പറയുന്നു. കുറ്റകാർക്കെതിരേ നടപടിയെടുക്കണമെന്നാവശ്യപ്പെട്ട് ഡി.വൈ.എഫ്.ഐ. പ്രവർത്തകർ ഷോപ്പിലേക്ക് മാർച്ച് നടത്തി.

തുറയൂരിലെ സപ്ലൈക്കോ സ്റ്റോറിൽ നിന്നും ജീവനക്കാര്‍ സാധനങ്ങള്‍ കടത്തുന്നെന്ന് ആരോപണം; മാനേജറുടെ കാര്‍ തടഞ്ഞ് നാട്ടുകാര്‍

Vadakara

കൊ​ച്ചി: ഓ​ണ​ക്കാ​ല​ത്ത് സം​സ്ഥാ​​ത്തെ സ​പ്ലൈ​കോ വി​ൽ​പ​ന​ശാ​ല​ക​ളി​ൽ 123.56 കോ​ടി രൂ​പ​യു​ടെ വി​റ്റു​വ​ര​വ്. ഇ​തി​ൽ 66.83 കോ​ടി സ​ബ്സി​ഡി ഇ​ന​ങ്ങ​ളു​ടെ​യും 56.73 കോ​ടി ഇ​ത​ര ഇ​ന​ങ്ങ​ളു​ടെ​യും വി​റ്റു​വ​ര​വാ​ണ്. സെ​പ്​​റ്റം​ബ​ർ ഒ​ന്നു​മു​ത​ൽ ഉ​ത്രാ​ട ദി​വ​സം (സെ​പ്​​റ്റം​ബ​ർ 14) വ​രെ​യു​ള്ള ക​ണ​ക്കാ​ണി​ത്. സ​പ്ലൈ​കോ പെ​ട്രോ​ൾ ബ​ങ്കു​ക​ളി​ലെ​യും എ​ൽ.​പി.​ജി ഔ​ട്ട്​​ല​റ്റു​ക​ളി​ലെ​യും വി​റ്റു​വ​ര​വ് ഇ​തി​ൽ ഉ​ൾ​പ്പെ​ടു​ത്തി​യി​ട്ടി​ല്ല.
സെ​പ്​​റ്റം​ബ​റി​ൽ 26.24 ല​ക്ഷം പേ​ർ അ​വ​ശ്യ​സാ​ധ​ന​ങ്ങ​ൾ വാ​ങ്ങാ​ൻ സ​പ്ലൈ​കോ വി​ൽ​പ​ന​ശാ​ല​ക​ളെ ആ​ശ്ര​യി​ച്ചു. ഇ​തി​ൽ 21.06 ല​ക്ഷം പേ​രാ​ണ് അ​ത്തം മു​ത​ൽ ഉ​ത്രാ​ടം വ​രെ വി​ൽ​പ​ന​ശാ​ല​ക​ളി​ൽ എ​ത്തി​യ​ത്. 14 ജി​ല്ല ഫെ​യ​റു​ക​ളി​ൽ മാ​ത്രം 4.03 കോ​ടി​യു​ടെ വി​റ്റു​വ​ര​വു​ണ്ടാ​യി. സ​ബ്സി​ഡി ഇ​ന​ത്തി​ൽ 2.36 കോ​ടി​യും ഇ​ത​ര ഇ​ന​ത്തി​ൽ 1.67 കോ​ടി​യു​മാ​ണ്​ ജി​ല്ല ഫെ​യ​റു​ക​ളി​ലെ വി​റ്റു​വ​ര​വ്. കൂ​ടു​ത​ൽ വി​ൽ​പ​ന തി​രു​വ​ന​ന്ത​പു​ര​ത്താ​ണ്: 68.01 ല​ക്ഷം. സ​ബ്സി​ഡി ഇ​ന​ത്തി​ൽ 39.12 ല​ക്ഷ​ത്തി​ന്‍റെ​യും ഇ​ത​ര ഇ​ന​ത്തി​ൽ 28.89 ല​ക്ഷ​ത്തി​ന്‍റെ​യും വി​റ്റു​വ​ര​വാ​ണ് തി​രു​വ​ന​ന്ത​പു​രം ജി​ല്ല ഫെ​യ​റി​ലു​ണ്ടാ​യ​ത്. തൃ​ശൂ​ർ (42.29 ല​ക്ഷം), കൊ​ല്ലം (40.95), ക​ണ്ണൂ​ർ (39.17) എ​ന്നി​വ​യാ​ണ് യ​ഥാ​ക്ര​മം ര​ണ്ടും മൂ​ന്നും നാ​ലും സ്ഥാ​ന​ങ്ങ​ളി​ല്‍. പാ​ല​ക്കാ​ട് 34.10 ല​ക്ഷ​ം, കോ​ഴി​ക്കോ​ട് 28.68 ല​ക്ഷം വി​റ്റു​വ​ര​വു​ണ്ടാ​യി.
ഓ​ണം മേ​ള​ക​ളി​ലും സൂ​പ്പ​ർ​മാ​ർ​ക്ക​റ്റു​ക​ളി​ലും സെ​പ്​​റ്റം​ബ​ർ ആ​റ്​ മു​ത​ൽ 14 വ​രെ, ദി​വ​സ​വും ര​ണ്ടു​മ​ണി​ക്കൂ​ർ വീ​തം ഒ​രു​ക്കി​യ ഡീ​പ് ഡി​സ്കൗ​ണ്ട് സെ​യി​ലി​ന് മി​ക​ച്ച പ്ര​തി​ക​ര​ണ​മാ​ണ് ല​ഭി​ച്ച​തെ​ന്നും ഈ ​സ​മ​യ​ത്ത് മാ​ത്രം 1.57 ല​ക്ഷം ഉ​പ​ഭോ​ക്താ​ക്ക​ൾ സാ​ധ​ന​ങ്ങ​ൾ വാ​ങ്ങി​യ​താ​യും സ​പ്ലൈ​കോ അ​ധി​കൃ​ത​ർ അ​റി​യി​ച്ചു.

ഓണക്കാലത്ത് സപ്ലൈകോക്ക്​ 123.56 കോടി വിറ്റുവരവ്

കോട്ടയം: സപ്ലൈകോ രണ്ടിനങ്ങളുടെ വിലകൂട്ടും. മൂന്നിനങ്ങളുടെ വിലകുറയ്കും. ഓണച്ചന്ത വ്യാഴാഴ്ച തുടങ്ങുമ്പോൾ പുതിയവില നിലവിൽവരും. രാവിലെ പുതിയവില ജില്ലാകേന്ദ്രങ്ങളിലെത്തും. പഞ്ചസാര, മട്ടയരി എന്നിവയുടെ വിലയാണ് കൂടുക. പഞ്ചസാര കിലോഗ്രാമിന് 27-ൽനിന്ന് 33 രൂപയാകും.
മട്ടയരി 30-ൽനിന്ന് 33 രൂപയും. ചെറുപയർ 93-ൽനിന്ന് 90 ആയും ഉഴുന്ന് 95-ൽനിന്ന് 90 ആയും വറ്റൽമുളക് 82-ൽനിന്ന് 78 ആയും കുറയ്ക്കും. പൊതുവിപണിയിലെ വിലമാറ്റത്തിന് ആനുപാതികമായിട്ടാണ് മാറ്റമെന്നാണ് സപ്ലൈകോ വിശദീകരണം. മാറ്റത്തിന് ഭക്ഷ്യവകുപ്പ് അംഗീകാരംനൽകി.പഞ്ചസാരയ്ക്ക് പൊതുവിപണിയിൽ 44 രൂപയാണ് ചില്ലറവില. സപ്ലൈകോയ്ക്ക്‌ ഏജൻസികൾ നൽകുന്ന വിലയും അതുതന്നെ. അരിക്ക് 36 രൂപവരെയാണ് ഏജൻസികൾ ഈടാക്കുന്നത്. ഇൗ സാഹചര്യത്തിൽ വർധനകൂടാതെ മുന്നോട്ടുപോകാനാകില്ലെന്ന് സപ്ലൈകോ റിപ്പോർട്ടുനൽകി.വിലവ്യത്യാസത്തിന് അനുമതിനൽകേണ്ട സാഹചര്യമാണെന്ന് മന്ത്രി ജി.ആർ. അനിൽ പ്രതികരിച്ചു.

സപ്ലൈകോ ഓണച്ചന്ത ഇന്നുമുതൽ ;പഞ്ചസാര, മട്ടയരി എന്നിവയുടെ വില കൂടും

തിരുവനന്തപുരം: മുളകിന്റെയും വെളിച്ചണ്ണയുടെയും വിലകുറച്ച് സപ്ലൈകോ. വെളിച്ചണ്ണയ്ക്ക് ഒന്‍പത് രൂപയും മുളകിന് ഏഴു രൂപയുമാണ് കുറച്ചു. പൊതുവിപണിയില്‍ വിലകുറഞ്ഞതാണ് സപ്ലൈകോയും കുറയ്ക്കാന്‍ കാരണം.
അരക്കിലോ മുളക് 77 രൂപ നിരക്കിലും ഒരു ലിറ്റര്‍ വെളിച്ചണ്ണ 136 രൂപ നിരക്കിലും ഇനി സപ്ലൈകോ ഔട്ട്‌ലെറ്റുകളില്‍ ലഭ്യമാകും. കമ്പനി ഉല്‍പന്നങ്ങള്‍ക്കും വില കുറഞ്ഞിട്ടുണ്ട്. കമ്പനി ഉല്‍പന്നങ്ങള്‍ക്കും വിലകുറഞ്ഞതായി സപ്ലൈകോ അറിയിച്ചു. വിലക്കുറവ് ഇന്നുമുതല്‍ പ്രാബല്യത്തില്‍ വന്നിട്ടുണ്ട്.

സപ്ലൈകോയില്‍ മുളകിന്റെയും വെളിച്ചണ്ണയുടെയും വില കുറച്ചു

തിരുവനന്തപുരം: സപ്ലൈകോയിലെ സബ്സിഡി സാധനങ്ങളുടെ വില വർധനവ് ഉടനുണ്ടാകും. വില കൂട്ടുന്നത് പഠിക്കാൻ നിയോഗിച്ച സമിതി കഴിഞ്ഞ ദിവസം ഭക്ഷ്യമന്ത്രിക്ക് റിപ്പോർട്ട് സമർപ്പിച്ചിരുന്നു. വിപണി വിലയെക്കാൾ കുറവായിരിക്കും സപ്ലൈകോ സാധനങ്ങൾക്കെന്ന് ഭക്ഷ്യമന്ത്രി ജി.ആർ അനിൽ പറഞ്ഞു. ജനങ്ങളുടെമേൽ അമിതഭാരം ഏൽപ്പിക്കില്ലെന്നും ഭക്ഷ്യമന്ത്രി ഉറപ്പ് നൽകുന്നു. 2016 ൽ വിലകൂട്ടിയതിന് ശേഷം സപ്ലൈകോയിൽ വില വർധനവ് ഉണ്ടായിട്ടില്ലെന്നാണ് സർക്കാർവാദം. അന്ന് വിലകൂട്ടിയപ്പോൾ വിപണി വിലയുടെ ഇരുപത്തിയഞ്ച് ശതമാനം മാത്രമായിരുന്നു സപ്ലൈകോയിലെ സാധനങ്ങളുടെ വില. ഇക്കുറി വില കൂട്ടുമ്പോളും വിപണി വിലയുടെ 25 ശതമാനം മാത്രമായിരിക്കും സപ്ലൈകോയിലെ നിരക്കെന്നാണ് ഭക്ഷ്യ വകുപ്പ് പറയുന്നത്. വില കൂട്ടുന്നത് സംബന്ധിച്ച് സപ്ലൈകോയിലെ സാഹചര്യം പഠിക്കാൻ നിയോഗിച്ച സമിതി ഇക്കാര്യങ്ങളടക്കം സർക്കാരിനെ ചൂണ്ടിക്കാട്ടിയിട്ടുണ്ട്. നിലവിൽ പതിമൂന്നിന സാധനങ്ങളാണ് സബ്സിഡി നിരക്കിൽ സപ്ലൈകോയിലൂടെ നൽകുന്നത്.
സബ്‍സിഡി സാധനങ്ങളുടെ എണ്ണം കൂട്ടുന്നതും ഭക്ഷ്യ വകുപ്പിന്‍റെ പരിഗണനയിലുണ്ട്. വിലകൂട്ടാനുള്ള തീരുമാനം മന്ത്രിസഭ യോഗം അംഗീകരിച്ചാൽ ഉടൻ പ്രാബല്യത്തിൽ വരും. അതിനിടെ വിതരണക്കാർക്ക് നൽകാനുള്ള കുടിശികയുടെ കാര്യത്തിൽ അന്തിമ തീരുമാനമായിട്ടില്ല. കുടിശിക തീർക്കാത്തതിനാൽ സാധനങ്ങളുടെ ടെൻഡർ എടുക്കാൻ ആളില്ലാത്തതും സപ്ലൈകോയ്ക്ക് തിരിച്ചടിയാകുന്നു. സംസ്ഥാനത്തെ ഒട്ടുമിക്ക ഔട്ട്ലെറ്റുകളിലും സബ്സിഡി സാധനങ്ങൾ മാസങ്ങളായി എത്തിയിട്ടില്ല. വില കൂട്ടുന്നതിനൊപ്പം സാധനങ്ങളുടെ ലഭ്യത കൂടി ഉറപ്പാക്കിയാലെ സപ്ലൈകോയുടെ പ്രവർത്തനം സുഗമമാകൂ.

വില കൂട്ടുന്നത് പഠിക്കാൻ നിയോഗിച്ച സമിതി കഴിഞ്ഞ ദിവസം ഭക്ഷ്യമന്ത്രിക്ക് റിപ്പോർട്ട് സമർപ്പിച്ചിരുന്നു

Kerala

സപ്ലൈകോയിലെ സബ്സിഡി സാധനങ്ങളുടെ വില വർധനവ് ഉടൻ

തൃശൂര്‍: തൃശൂരിലെ സപ്ലൈക്കോയില്‍ സബ്‌സിഡി സാധനങ്ങളില്ലാത്തതിനെ തുടര്‍ന്ന് ക്രിസ്മസ് - ന്യൂ ഇയര്‍ ചന്ത ഉദ്ഘാടനച്ചടങ്ങ് ഒഴിവാക്കി മേയറും എംഎല്‍എയും മടങ്ങി. ഉദ്ഘാടകനായ മേയര്‍ എംകെ വര്‍ഗീസും എംഎല്‍എ പി ബാലചന്ദ്രനുമാണ് ജനങ്ങളുടെ പ്രതിഷേധത്തെ തുടര്‍ന്ന് സ്ഥലത്ത് നിന്ന് മടങ്ങിയത്. ഇന്ന് രാവിലെയാണ് ഉദ്ഘാടനം നിശ്ചയിച്ചിരുന്നത്. തിരുവനന്തപുരം. കൊല്ലം, പത്തനംതിട്ട, കോട്ടയം, എറണാകുളം, തൃശൂര്‍ എന്നീ ജില്ലകളിലാണ് ക്രിസ്മസ് ന്യൂഇയര്‍ ഫെയറുകള്‍ സംഘടിപ്പിക്കുന്നത്. പതിമൂന്ന് സാധനങ്ങള്‍ സബ്‌സിഡിയിയായി നല്‍കുമെന്നായിരുന്നു സപ്ലൈക്കോ അറിയിച്ചിരുന്നത്. അതിന് പുറമെ നോണ്‍ സബ്‌സിഡി സാധനങ്ങള്‍ അഞ്ച് ശതമാനം മുതല്‍ 30 ശതമാനം വരെ വിലക്കുറവില്‍ ലഭ്യമാകുമെന്നും അറിയിച്ചിരുന്നു.&nbsp;
രാവിലെ മുതല്‍ സാധനങ്ങള്‍ വാങ്ങാനായി നിരവധി പേര്‍ എത്തിയിരുന്നു. എന്നാല്‍ സബ്‌സിഡി സാധനങ്ങള്‍ ഇല്ലാത്ത കാര്യം നാട്ടുകാര്‍ ജനപ്രതിനിധികളെ അറിയിച്ചു. നാട്ടുകാരുടെ പ്രതിഷേധം കണക്കിലെടുത്ത് ഉദ്ഘാടനചടങ്ങ് ഒഴിവാക്കുകയാണെന്ന് മേയറും എംഎല്‍എയും അറിയിക്കുകയായിരുന്നു.സബ്‌സിഡി സാധനങ്ങളായി ചെറുപയറും വെളിച്ചെണ്ണയും മാത്രമാണ് ഉള്ളതെന്ന് നാട്ടുകാര്‍ പറഞ്ഞു. ഇവരോട് ചോദിക്കുമ്പോള്‍ മറ്റുള്ള സാധനങ്ങള്‍ രണ്ട് ദിവസം കഴിഞ്ഞിട്ട് എത്തുമെന്നാണ് പറയുന്നത്. ക്രിസ്മസ് കഴിഞ്ഞിട്ട് ഇത് കിട്ടിയാല്‍ ക്രിസ്മസ് ആഘോഷിക്കാന്‍ കഴിയുമോയെന്നും നാട്ടുകാര്‍ ചോദിക്കുന്നു. ഈ വര്‍ഷത്തെ ഫെയറുകള്‍ ഡിസംബര്‍ 21 മുതല്‍ മുപ്പത് വരെയയായിരിക്കും നടക്കുക. രാവിലെ പത്തുമണി മുതല്‍ രാത്രി എട്ടുമണിവരെയാണ് ഫെയറുകള്‍ പ്രവര്‍ത്തിക്കുക. ഡിസംബര്‍ 25ന് ഫെയര്‍ അവധിയായിരിക്കും.

നാട്ടുകാരുടെ പ്രതിഷേധം കണക്കിലെടുത്ത് ഉദ്ഘാടനചടങ്ങ് ഒഴിവാക്കുകയാണെന്ന് മേയറും എംഎല്‍എയും അറിയിക്കുകയായിരുന്നു

സബ്‌സിഡി സാധനങ്ങളില്ല; ക്രിസ്മസ് - ന്യൂ ഇയര്‍ ചന്ത ഉദ്ഘാടനം ചെയ്യാതെ മടങ്ങി മേയറും എംഎല്‍എയും

തിരുവനന്തപുരം: റേഷൻ വിതരണവുമായി ബന്ധപ്പെട്ട് സിവിൽ സപ്ലൈസ് കോർപറേഷന് സംസ്ഥാന സർക്കാർ 185.64 കോടി രൂപ അനുവദിച്ചു. റേഷൻ സാധനങ്ങൾ വിതരണത്തിന്‌ എത്തിക്കുന്നതിനുള്ള വാഹന വാടക, കൈകാര്യ ചെലവ് എന്നിവയുടെ വിതരണത്തിനായാണ് തുക. ഇവ വിതരണം ചെയ്യുന്നതിന് ആവശ്യമായ തുകയുടെ കേന്ദ്ര സർക്കാർ വിഹിതം ഒമ്പത് മാസമായിട്ടും ലഭ്യമാക്കിയിട്ടില്ല. ദേശീയ ഭക്ഷ്യ സുരക്ഷ നിയമ പ്രകാരവും അല്ലാതെയുമുള്ള റേഷൻ വിതരണവുമായി ബന്ധപ്പെട്ട് കേന്ദ്ര സർക്കാർ അനുവദിക്കേണ്ട തുക മുഴുവൻ കുടിശികയാക്കുന്ന സാഹചര്യത്തിലാണിത്. ഈ ഇനത്തിൽ ഒരു വർഷത്തേയ്ക്ക് ബജറ്റിൽ നീക്കിവെച്ച തുക മുഴുവനുമാണ് കോർപറേഷന് നൽകാൻ തീരുമാനിച്ചത്.

ഒരു വർഷത്തേയ്ക്ക് ബജറ്റിൽ നീക്കിവെച്ച തുക മുഴുവനുമാണ് കോർപറേഷന് നൽകാൻ തീരുമാനിച്ചത്

റേഷൻ വിതരണത്തിന് സപ്ലൈകോയ്ക്ക് 186 കോടി അനുവദിച്ചു

തിരുവനന്തപുരം: സപ്ലൈകോ ക്രിസ്മസ് ചന്ത 21ന് ആരംഭിക്കും. തിരുവനന്തപുരം പുത്തരിക്കണ്ടത്താണ് സംസ്ഥാന ഉദ്ഘാടനം. വിലക്കുറവില്‍ സാധനങ്ങള്‍ ലഭ്യമാക്കാന്‍ ലക്ഷ്യമിട്ടുള്ള ക്രിസ്മസ് ചന്തയില്‍ 13 ഇന സബ്സിഡി സാധനങ്ങള്‍ ലഭിക്കും. തിരുവനന്തപുരത്തിന് പുറമേ കൊല്ലം, പത്തനംതിട്ട, കോട്ടയം, എറണാകുളം, തൃശൂര്‍ ജില്ലാചന്തകളുമുണ്ടാകും.&nbsp;
1600 ഓളം ഔട്ട്ലറ്റുകളിലും വില്‍പ്പനയുണ്ടാകും. സാധനങ്ങള്‍ ലഭ്യമാക്കാനുള്ള ടെന്‍ഡര്‍ നടപടി ശനിയാഴ്ച പൂര്‍ത്തിയായി. ജില്ലാചന്തകളില്‍ ഹോര്‍ട്ടികോര്‍പ്പിന്റെയും മില്‍മയുടെയും സ്റ്റാളുകളുമുണ്ടാകും. ഓണച്ചന്തകള്‍ക്കു സമാനമായി സബ്സിഡി ഇതര സാധനങ്ങള്‍ക്ക് ഓഫറുകള്‍ നല്‍കാനും ആലോചിക്കുന്നുണ്ട്. 30ന് ചന്തകള്‍ അവസാനിക്കും.&nbsp;

1600 ഓളം ഔട്ട്ലറ്റുകളിലും വില്‍പ്പനയുണ്ടാകും

സപ്ലൈകോ ക്രിസ്മസ് ചന്ത 21ന് ആരംഭിക്കും; 13 ഇന സബ്സിഡി സാധനങ്ങള്‍ ലഭിക്കും

തിരുവനന്തപുരം: സപ്ലൈക്കോയുടെ ക്രിസ്മസ്- പുതുവത്സര വിപണന മേള ഉണ്ടാകില്ലെന്ന മാധ്യമ വാര്‍ത്തകള്‍ തള്ളി ഭക്ഷ്യമന്ത്രി ജി.ആർ അനിൽ.കഴിഞ്ഞ തവണ മേള നടത്തിയ ജില്ലകളിൽ ഇത്തവണയും ക്രിസ്മസ് ചന്തയുണ്ടാകുമെന്ന് മന്ത്രി അറിയിച്ചു. സബ്‍സിഡിയുള്ള സാധനങ്ങളടക്കം വിപണിയിലുണ്ടാകും. ടെൻഡർ നടപടികൾ വേഗത്തിൽ പൂർത്തിയാക്കുമെന്നും മന്ത്രി വ്യക്തമാക്കി.

ടെൻഡർ നടപടികൾ വേഗത്തിൽ പൂർത്തിയാക്കുമെന്നും മന്ത്രി വ്യക്തമാക്കി

ഇത്തവണയും സപ്ലൈക്കോയുടെ ക്രിസ്മസ്-പുതുവത്സര ചന്തയുണ്ടാകുമെന്ന് ഭക്ഷ്യമന്ത്രി

തി​രു​വ​ന​ന്ത​പു​രം: രൂ​ക്ഷ​മാ​യ സാ​മ്പ​ത്തി​ക പ്ര​തി​സ​ന്ധി പ​രി​ഹ​രി​ക്കാ​ൻ മ​ദ്യ​വി​ൽ​പ​ന​ക്കൊ​രു​ങ്ങി സ​പ്ലൈ​കോ. ഇ​തി​നാ​യി സ​ർ​ക്കാ​റി​ന്‍റെ അ​നു​മ​തി തേ​ടി സ​പ്ലൈ​കോ സി.​എം.​ഡി ശ്രീ​റാം വെ​ങ്കി​ട്ട​രാ​മ​ൻ ഭ​ക്ഷ്യ​വ​കു​പ്പി​നെ സ​മീ​പി​ച്ചു. ക​ൺ​സ്യൂ​മ​ർ​ഫെ​ഡി​ന് സ​മാ​ന​മാ​യി മ​ദ്യ വി​ല്പ​ന തു​ട​ങ്ങി​യാ​ൽ സാ​മ്പ​ത്തി​ക പ്ര​തി​സ​ന്ധി​ക്ക്‌ പ​രി​ഹാ​ര​മാ​കു​മെ​ന്നാ​ണ് മാ​നേ​ജ്‌​മെ​ന്‍റി​ന്‍റെ വി​ല​യി​രു​ത്ത​ൽ. സ​പ്ലൈ​കോ​യു​ടെ ആ​വ​ശ്യ​ത്തെ ഭ​ക്ഷ്യ​വ​കു​പ്പും പി​ന്തു​ണ​ക്കു​ന്നു​ണ്ട്. ഈ ​വി​ഷ​യ​ത്തി​ൽ വ​രും ആ​ഴ്ച​ക​ളി​ൽ എ​ക്സൈ​സ് വ​കു​പ്പു​മാ​യി ഭ​ക്ഷ്യ​വ​കു​പ്പ് ച​ർ​ച്ച ന​ട​ത്തു​മെ​ന്നാ​ണ് വി​വ​രം. ക്രി​സ്​​മ​സ് പു​തു​വ​ത്സ​ര വി​പ​ണി​യി​ല്‍ ഇ​ട​പെ​ടാ​നാ​കാ​ത്ത വി​ധം സ​പ്ലൈ​കോ​യെ സാ​മ്പ​ത്തി​ക പ്ര​തി​സ​ന്ധി രൂ​ക്ഷ​മാ​യി ബാ​ധി​ച്ചി​രി​ക്കു​ക​യാ​ണ്. ഈ ​സാ​ഹ​ച​ര്യ​ത്തി​ൽ ക്രി​സ്​​മ​സ് ഫെ​യ​ര്‍ ന​ട​ത്താ​നാ​കി​ല്ലെ​ന്ന് ഭ​ക്ഷ്യ​മ​ന്ത്രി ജി.​ആ​ർ. അ​നി​ൽ ക​ഴി​ഞ്ഞ മ​ന്ത്രി​സ​ഭ യോ​ഗ​ത്തി​ൽ അ​റി​യി​ച്ചു.
ഓ​ണ​ക്കാ​ല​ത്ത് തു​ട​ങ്ങി​യ പ്ര​തി​സ​ന്ധി ക്രി​സ്​​മ​സ് അ​ടു​ത്തി​ട്ടും തീ​രാ​ത്ത സാ​ഹ​ച​ര്യ​മാ​ണ്. സം​സ്ഥാ​ന​ത്തെ എ​ല്ലാ സ​പ്ലൈ​കോ ഔ​ട്ട്‌​ലെ​റ്റു​ക​ളി​ലെ​യും റാ​ക്കു​ക​ള്‍ കാ​ലി​യാ​ണ്. 800 കോ​ടി​യോ​ളം രൂ​പ ന​ൽ​കാ​നു​ള്ള​തി​നാ​ൽ സാ​ധ​ന​ങ്ങ​ളു​ടെ ടെ​ന്‍ഡ​ര്‍ എ​ടു​ക്കാ​ന്‍പോ​ലും വി​ത​ര​ണ​ക്കാ​ര്‍ ത​യാ​റാ​കു​ന്നി​ല്ലെ​ന്നും മ​ന്ത്രി അ​റി​യി​ച്ചു. എ​ന്നാ​ൽ, ക്രി​സ്​​മ​സ് ഫെ​യ​ര്‍ മു​ട​ങ്ങ​രു​തെ​ന്നു പ​റ​ഞ്ഞ മു​ഖ്യ​മ​ന്ത്രി പ​ണം അ​നു​വ​ദി​ക്കു​ന്ന​ത് സം​ബ​ന്ധി​ച്ച് പ​രി​ശോ​ധി​ക്കാ​ൻ ധ​ന​വ​കു​പ്പി​നോ​ട് നി​ർ​ദേ​ശം ന​ൽ​കി. അ​തേ​സ​മ​യം സി​വി​ൽ സ​പ്ലൈ​സ് കോ​ർ​പ​റേ​ഷ​ന് സ​ബ്സി​ഡി ഭ​ക്ഷ്യ​വ​സ്തു​ക്ക​ൾ ന​ൽ​കു​ന്ന വി​ത​ര​ണ​ക്കാ​ർ ടെ​ൻ​ഡ​റു​ക​ൾ പാ​ടേ ബ​ഹി​ഷ്‌​ക​രി​ച്ച​ത് ക്രി​സ്‌​മ​സ്, പു​തു​ത്സ​ര വി​വ​പ​ണി​യെ പ്ര​തി​സ​ന്ധി​യി​ലാ​ക്കി​യി​ട്ടു​ണ്ട്. ആ​റു​മാ​സ​ത്തെ കു​ടി​ശ്ശി​ക​യാ​യ 800 കോ​ടി ന​ൽ​കാ​ത്ത​തി​ൽ പ്ര​തി​ഷേ​ധി​ച്ചാ​ണ് ഇ ​ടെ​ൻ​ഡ​റു​ക​ൾ ഫു​ഡ് ഗ്രെ​യി​ൻ​സ് പ​ൾ​സ​സ് ആ​ൻ​ഡ് സ്പൈ​സ​സ് സ​പ്ലൈ​യേ​ഴ്സ് അ​സോ​സി​യേ​ഷ​ൻ (എ​ഫ്.​ജി.​പി.​എ​സ്.​എ​സ്.​എ) ബ​ഹി​ഷ്‌​ക​രി​ച്ച​ത്. വി​ത​ര​ണം ന​ട​ത്തി​യ ഉ​ൽ​പ​ന്ന​ങ്ങ​ളു​ടെ ബി​ൽ തു​ക​ക​ൾ കൃ​ത്യ​സ​മ​യ​ത്ത് ല​ഭി​ക്കാ​ത്ത​തി​നാ​ൽ ബാ​ങ്കി​ൽ നി​ന്നു​ള്ള പ​ണ​മെ​ടു​പ്പ് പ​രി​ധി കു​റ​യു​ക​യും പ​ലി​ശ വ​ർ​ധി​ക്കു​ക​യും ചെ​യ്തു. സ്വ​കാ​ര്യ പ​ണ​മി​ട​പാ​ട് സ്ഥാ​പ​ന​ങ്ങ​ളി​ൽ നി​ന്നു​ള്ള ഭീ​ഷ​ണി​യി​ലാ​ണ് പ​ല വി​ത​ര​ണ​ക്കാ​രും. ബി​ൽ​തു​ക ല​ഭി​ക്കാ​ത്ത​തി​ൽ പ്ര​തി​ഷേ​ധി​ച്ച് സ​പ്ലൈ​കോ ആ​സ്ഥാ​ന​ത്ത് 18 മു​ത​ൽ അ​നി​ശ്ചി​ത​കാ​ല​സ​മ​രം ആ​രം​ഭി​ക്കാ​നും എ​ഫ്.​ജി.​പി.​എ​സ്.​എ​സ്.​എ ആ​ലോ​ചി​ക്കു​ന്നു​ണ്ട്. സാ​മ്പ​ത്തി​ക പ്ര​തി​സ​ന്ധി​യെ തു​ട​ർ​ന്ന് സ​പ്ലൈ​കോ​യി​ൽ ക​ഴി​ഞ്ഞ മാ​സ​ത്തെ ശ​മ്പ​ള​വി​ത​ര​ണം പോ​ലും പൂ​ർ​ത്തി​യാ​ക്കാ​നാ​യി​ട്ടി​ല്ല. പ്ര​തി​വ​ർ​ഷം 56 കോ​ടി രൂ​പ​യും പ്ര​തി​മാ​സം 4.6 കോ​ടി രൂ​പ​യു​മാ​ണ് ശ​മ്പ​ള​ത്തി​നു​​വേ​ണ്ട​ത്.

മ​ദ്യ വി​ല്പ​ന തു​ട​ങ്ങി​യാ​ൽ സാ​മ്പ​ത്തി​ക പ്ര​തി​സ​ന്ധി​ക്ക്‌ പ​രി​ഹാ​ര​മാ​കു​മെ​ന്നാ​ണ് മാ​നേ​ജ്‌​മെ​ന്‍റി​ന്‍റെ വി​ല​യി​രു​ത്ത​ൽ

സാമ്പത്തിക പ്രതിസന്ധി; മ​ദ്യ​വി​ൽ​പ​ന​ക്കൊ​രു​ങ്ങി സ​പ്ലൈ​കോ

കൊച്ചി: അധ്യാപകരില്‍ നിന്ന് ഒന്നരലക്ഷം രൂപ കൈക്കൂലി വാങ്ങുന്നതിനിടെ റിട്ടയേര്‍ഡ് ഹെഡ്മാസ്റ്റർ വിജിലന്‍സ് പിടിയില്‍. കീഴല്‍ സ്വദേശി കെ.പി വിജയനെയാണ് വിജിലന്‍സ് ശനിയാഴ്ച കയ്യോടെ പിടികൂടിയത്. കോട്ടയം പാലായിലെ സ്വകാര്യ സ്‌കൂളിലെ അധ്യാപകരില്‍ നിന്നാണ് വിജയന്‍ കൈക്കൂലി വാങ്ങിയത്.എറണാകുളത്തുനിന്നാണ് ഇയാള്‍ പിടിയിലായത്. കോട്ടയം ജില്ലയിലെ ഒരു എയ്ഡഡ് ഹയര്‍ സെക്കന്ററി സ്‌കൂളിലെ മൂന്ന് അധ്യാപകരുടെ പുനര്‍നിയമനം ക്രമപ്പെടുത്തി നല്‍കാമെന്ന് വാഗ്ദാനം നല്‍കി സെക്രട്ടേറിയേറ്റിലെ പൊതുവിദ്യാഭ്യാസ വകുപ്പ് ഉദ്യോഗസ്ഥര്‍ക്ക് നല്‍കാനാണെന്നും പറഞ്ഞാണ് വിജയന്‍ കൈക്കൂലി ആവശ്യപ്പെട്ടത്.&nbsp;
ഏപ്രിലില്‍ സെക്രട്ടേറിയേറ്റില്‍ നിന്നാണെന്ന് പറഞ്ഞ് വിജയന്‍ ഒരു അധ്യാപകനെ ഫോണില്‍ വിളിച്ച് മറ്റ് രണ്ട് അധ്യാപകരെയും കൂട്ടി തിരുവനന്തപുരത്തെത്താന്‍ പറയുകയായിരുന്നു. തുടര്‍ന്ന് സെക്രട്ടേറിയേറ്റിന് സമീപം എത്തി വിജയനെ നേരില്‍ കണ്ടപ്പോള്‍ ഫയലില്‍ പ്രശ്‌നങ്ങളുണ്ടെന്നും കാലതാമസമില്ലാതെ ഫയല്‍ ശരിയാക്കുന്നതിന് പണച്ചെലവുണ്ടെന്നും പറഞ്ഞു. സെക്രട്ടേറിയറ്റിലെ ഉദ്യോഗസ്ഥനെ ഫോണില്‍ വിളിച്ച് സംസാരിക്കുകയും ഉദ്യോഗസ്ഥര്‍ക്ക് നല്‍കാന്‍ 1.5 ലക്ഷം രൂപ കൈക്കൂലി നല്‍കണമെന്ന് പറയുകയും ചെയ്തു. മെയ് 31ന് തിരുവനന്തപുരത്തെത്തി 1.5 ലക്ഷം രൂപ കൈക്കൂലി നല്‍കണമെന്നും അറിയിച്ചു. പിന്നീട് ഫയലിന്റെ വിവരം തിരക്കാന്‍ തിരുവനന്തപുരത്തെത്തിയ പരാതിക്കാരനെ തൈക്കാടുള്ള ക്വാര്‍ട്ടേഴ്‌സിന് സമീപം വിളിച്ച് വരുത്തി സെക്രട്ടേറിയറ്റിലെ ഉദ്യോഗസ്ഥനെന്നു പറഞ്ഞയാള്‍ പുനര്‍ നിയമനം ക്രമപ്പെടുത്തിയ ഉത്തരവിന്റെ പകര്‍പ്പ് നല്‍കുകയും നിയമന ഉത്തരവ് കാലതാമസം കൂടാതെ ശരിയാക്കിയതിനുള്ള കൈക്കൂലി ഏജന്റായ വിജയനെ ഏല്‍പ്പിക്കണമെന്നും പറഞ്ഞു. തുടര്‍ന്ന് പല പ്രാവശ്യം വിജയന്‍ പരാതിക്കാരനെ ഫോണില്‍ വിളിക്കുകയും ജൂണ്‍ ഏഴിന് എറണാകുളം എ ജി ഓഫീസിന് സമീപം വെച്ച് പണം നല്‍കണമെന്ന് ആവശ്യപ്പെടുകയും ചെയ്തു. ഇതോടെ അധ്യാപകര്‍ ഈ വിവരം കോട്ടയം വിജിലന്‍സ് ഡെപ്യൂട്ടി പോലീസ് സൂപ്രണ്ടിനെ അറിയിക്കുകയായിരുന്നു.

ഇന്ന് ഉച്ചയ്ക്ക് ഹൈക്കോടതി ജംഗ്ഷനിലെ വാട്ടര്‍ മെട്രോ സ്റ്റേഷന് സമീപം വെച്ച് പരാതിക്കാരനില്‍ നിന്ന് ഒന്നരലക്ഷംരൂപ കൈക്കൂലി വാങ്ങവെ വിജയനെ വിജിലന്‍സ് സംഘം കൈയ്യോടെ പിടികൂടുകയായിരുന്നു. വിജയന്റെ കീഴലിലെ വീട്ടിലും വിജിലന്‍സ് സംഘം റെയ്ഡ് നടത്തി. അറസ്റ്റിലായ പ്രതിയെ കോട്ടയം വിജിലന്‍സ് കോടതിയില്‍ ഹാജരാക്കും.

ഒന്നര ലക്ഷം കൈക്കൂലി; വടകര സ്വദേശി റിട്ടയേർഡ് അധ്യാപകൻ വിജിലൻസ് പിടിയിൽ

തിരുവനന്തപുരം: ഓൺലെെനിൽ വിവാഹപ്പരസ്യം നൽകി വിവിധ ജില്ലകളിലായി പത്തുപേരെ വിവാഹം കഴിച്ചുമുങ്ങിയ യുവതി പിടിയിൽ.കാ‌ഞ്ഞിരമറ്റം സ്വദേശിയും രണ്ടുവയസുള്ള കുട്ടിയുടെ മാതാവുമായ രേഷ്മ ആണ് കുടുങ്ങിയത്. ഇന്നലെ രാവിലെ വിവാഹത്തിനായി ഒരുങ്ങി ഓഡിറ്റോറിയത്തിലേക്ക് പോകാൻ നിന്ന രേഷ്മയെ പ്രതിശ്രുത വരനായ പഞ്ചായത്ത് അംഗത്തിന്റെ പരാതിയിൽ ആര്യനാട് പൊലീസ് അറസ്റ്റ് ചെയ്യുകയായിരുന്നു.
45 ദിവസം മുൻപ് വിവാഹം കഴിച്ചയാളെ കബളിപ്പിച്ചാണ് പഞ്ചായത്ത് അംഗവുമായുള്ള വിവാഹത്തിന് രേഷ്മ എത്തിയതെന്നും അടുത്ത മാസം തിരുവനന്തപുരം സ്വദേശിയായ മറ്റൊരാളുമായി വിവാഹം നിശ്ചയിച്ചിരിക്കുകയായിരുന്നുവെന്നും പൊലീസ് പറഞ്ഞു. രേഷ്മയുടെ പെരുമാറ്റത്തിൽ സംശയം തോന്നിയതിനെ തുടർന്ന് പ്രതിശ്രുത വരനും ബന്ധുവും ചേർന്ന് ഇവരുടെ ബാഗ് പരിശോധിച്ചതോടെയാണ് തട്ടിപ്പ് പുറത്തായത്.വിവാഹത്തിന് ഒരുങ്ങാൻ രേഷ്മ ബ്യൂട്ടിപാ‌ർലറിൽ കയറിയ സമയത്ത് ബാഗ് പരിശോധിച്ചപ്പോൾ മുൻപ് വിവാഹം കഴിച്ചതിന്റെ രേഖകൾ കണ്ടെടുത്തു.&nbsp;
വിവാഹ പരസ്യം നൽകുന്ന ഗ്രൂപ്പിൽ പഞ്ചായത്ത് അംഗം രജിസ്റ്റർ ചെയ്ത നമ്പറിലേക്ക് മേയ് 29നാണ് കോൾ വന്നത്. യുവതിയുടെ അമ്മയാണെന്ന് പരിചയപ്പെടുത്തിയ സ്ത്രീ രേഷ്മയുടെ ഫോൺ നമ്പർ യുവാവിന് കെെമാറി. തുടർന്ന് ഇവർ പരസ്പരം സംസാരിച്ചു. ഇക്കഴിഞ്ഞ നാലിന് കോട്ടയത്ത് മാളിൽ ഇരുവരും പരസ്പരം കണ്ടു.തന്നെ ദത്തെടുത്തതാണെന്നും വിവാഹം നടത്തുന്നതിൽ അമ്മയ്ക്ക് താൽപര്യമില്ലെന്നും ഉപദ്രവിക്കാറുണ്ടെന്നും രേഷ്മ യുവാവിനെ പറഞ്ഞ് വിശ്വസിപ്പിച്ചു. ഇതോടെ വിവാഹം ആറാം തീയതി നടത്താമെന്ന് യുവാവ് ഉറപ്പുനൽകി. വെെകിട്ട് അഞ്ചിന് വെമ്പായത്ത് എത്തിയ യുവതിയെ യുവാവ് കൂട്ടിക്കൊണ്ടുപോയി സുഹൃത്തിന്റെ വീട്ടിൽ താമസിപ്പിച്ചു.&nbsp;

വിവിധ  ജില്ലകളിലായി പത്തുപേരെ വിവാഹം കഴിച്ച് മുങ്ങി; യുവതി പിടിയിൽ

പയ്യോളി: യൂത്ത് കോണ്‍ഗ്രസ് മണ്ഡലം പ്രസിഡന്റിനെ വാറ്റുചാരായവുമായി പിടികൂടി. പയ്യോളി മണ്ഡലം പ്രസിഡന്റ് രഞ്ജിത് ലാലിനെയാണ് പിടികൂടിയത്. മകളുടെ പിറന്നാള്‍ ആഘോഷത്തിനുവേണ്ടി സുഹൃത്തുക്കള്‍ക്കായി ചാരായം വാങ്ങാന്‍പോയ സമയത്ത് എക്‌സൈസ് പിടികൂടുകയായിരുന്നു.
സംഭവത്തിൽ അഭിലാഷ് എന്നയാളും എക്‌സൈസ് സംഘത്തിന്റെ പിടിയിലായി. രഹസ്യവിവരം ലഭിച്ചതിന്റെ അടിസ്ഥാനത്തില്‍ കൊയിലാണ്ടി എക്‌സൈസ് റേഞ്ച് ഓഫീസര്‍ പ്രവീണ്‍ ഐസക്കിന്റെ നേതൃത്വത്തില്‍ നടത്തിയ റെയ്ഡിലാണ് ഇവർ പിടിയിലായത്.മൂന്നരലിറ്റര്‍ ചാരായം, അന്‍പത് ലിറ്റര്‍ വാഷ്, 30 ലിറ്റര്‍ സ്‌പെന്റ് വാഷ് എന്നിവയാണ് പിടികൂടിയത്. ഇരിങ്ങലിലെ വീടിനു സമീപത്തെ ബന്ധുവീട്ടില്‍ വെച്ചാണ് പിടികൂടിയത്.

യൂത്ത് കോണ്‍ഗ്രസ് പയ്യോളി മണ്ഡലം പ്രസിഡന്റ് വാറ്റുചാരായവുമായി പിടിയിൽ

നാദാപുരം: വിൽപ്പനക്കായി കൊണ്ടുവന്ന കഞ്ചാവുമായി തൂണേരിയിൽ യുവാവ് പൊലീസിൻ്റെ പിടിയിലായി. ചെക്യാട് പാറക്കടവ് സ്വദേശിയായ പഴയങ്ങാടിയിൽ മുഹമ്മദ് (37) ആണ് നാദാപുരം പൊലീസിൻ്റെ പിടിയിലായത്. തൂണേരി പട്ടാണി പെട്രോൾ പമ്പ് പരിസരത്ത് നാദാപുരം പൊലീസും ഡി വൈ എസ് പി യുടെ സ്ക്വാഡ് അംഗങ്ങളും നടത്തിയ പരിശോധനക്കിടയിലാണ് പ്രതി പിടിയിലായത്.&nbsp;
സംശയാസ്പദമായ സാഹചര്യത്തിൽ കണ്ട ഇയാളെ കസ്റ്റഡിയിലെടുത്ത് ചോദ്യം ചെയ്യുകയായിരുന്നു. ചെറു പൊതികളിലാക്കി സൂക്ഷിച്ച 31 ഗ്രാം കഞ്ചാവ് ഇയാളിൽ നിന്ന് കണ്ടെടുത്തു. വളയം പോലീസ് സ്റ്റേഷൻ പരിധിയിൽ മോഷണം ഉൾപ്പെടെയുള്ള കേസുകളിൽ പ്രതിയായിരുന്നു മുഹമ്മദ് എന്ന് പോലീസ് പറഞ്ഞു. പ്രതി സഞ്ചരിച്ചിരുന്ന ബൈക്ക് പോലീസ് കസ്റ്റഡിയിൽ എടുത്തു.

വിൽപ്പനക്കായി കൊണ്ടുവന്ന കഞ്ചാവുമായി തൂണേരിയിൽ യുവാവ് പിടിയിൽ

Nadapuram

വടകര: ദേശീയപാതയുടെ പണിനടക്കുന്ന റോഡിലെ കുഴിയില്‍വീണ ബൈക്ക് യാത്രികന് പരിക്ക്. വടകര തോടന്നൂര്‍ സ്വദേശി കിഴക്കെ പയ്യട കെ.പി. ശ്രീജിത്ത് കുമാര്‍ (54)നാണ് പരിക്കേറ്റത്.
ഞായറാഴ്ച ഉച്ചയ്ക്ക് 12.30-ഓടെയാണ് സംഭവം. വടകര പുതിയ ബസ് സ്റ്റാന്‍ഡില്‍നിന്ന് വീട്ടിലേക്കുപോകുമ്പോള്‍ ദേശീയപാതയിലേക്ക് ഇറങ്ങുന്നിടത്തുവെച്ചാണ് ശ്രീജിത്തിന്റെ ബൈക്ക് കുഴിയില്‍വീണത്. വെള്ളക്കെട്ട് കാരണം കുഴി കാണാത്തതിനാല്‍ ബൈക്ക് കുഴിയില്‍ വീഴുകയായിരുന്നു.
ബൈക്ക് കുഴിയില്‍ വീണ് ഉയര്‍ന്നുപൊങ്ങി കാലില്‍വീഴുകയായിരുന്നെന്ന് ശ്രീജിത്ത് പറഞ്ഞു. വലതുകാലിന് രണ്ട് പൊട്ടലുണ്ട്. കാലിന് കമ്പിയിട്ട് ശ്രീജിത്ത് വീട്ടില്‍ വിശ്രമത്തിലാണ്. ഇടതുകാലിനും കൈക്കും മുറിവുമുണ്ട്. രണ്ടാഴ്ചകഴിഞ്ഞ വലതുകാലിന് ഓപ്പറേഷന്‍ വേണമെന്ന് ഡോക്ടര്‍മാര്‍ പറഞ്ഞതായി ശ്രീജിത്ത് പറഞ്ഞു.

വടകരയില്‍ ദേശീയപാതയിലെ കുഴിയില്‍വീണ് തോടന്നൂര്‍ സ്വദേശിയായ ബൈക്ക് യാത്രക്കാരന് പരിക്ക്

കുറ്റ്യാടി: കുട്ടികളെ മയക്കുമരുന്ന് നൽകി ലൈംഗികമായി പീഡിപ്പിച്ച യുവാവിനെതിരെ കേസെടുത്തു.കുറ്റ്യാടി അടുക്കത്ത് സ്വദേശി അജ്നാസിനെതിയാണ് പൊലീസ് കേസെടുത്തത്. ലഹരി നൽകിയ ശേഷം നിരവധി തവണ ഇയാൾ പീഡനത്തിരയാക്കിയെന്നും തന്റെ സുഹൃത്തുക്കൾ ഇരയാക്കപ്പെട്ടുവെന്നും കുട്ടി പറഞ്ഞു.
കുറ്റ്യാടി സ്വദേശിയായ പ്രായപൂർത്തിയാകാത്ത കുട്ടിയുടെ പരാതിയിലാണ് പൊലീസ് കേസെടുത്തത്. വീട്ടുകാർ ഉറങ്ങിയ ശേഷം തന്നെ ഫോണിൽ വിളിച്ച് വീട്ടിൽ നിന്നും പുറത്തിങ്ങാൻ ആവശ്യപ്പെടും. ശേഷം കാറുമായി അജ്നാസിൻറെ വീട്ടിലേക്ക് കൊണ്ടൂ പോകും. അവിടെ വെച്ചാണ് ലഹരി ഉപയോഗിക്കാൻ നിർബന്ധിക്കുന്നത്. ലഹരി നൽകിയ ശേഷമാണ് ലൈംഗികമായി പീഢിപ്പിക്കുന്നതെന്നും കുട്ടി പറയുന്നു.
ബെക്കാം എന്ന പേരിലുള്ള ബാർബർ ഷോപ്പ് നടത്തുന്ന അജ്നാസിൽ നിന്നും സമാന അനുഭവങ്ങൾ ഉണ്ടായതായി മറ്റൊരു പത്തൊമ്പതുകാരനും പറയുന്നു. പ്രതിയെ പിടികൂടാനുള്ള ശ്രമത്തിലാണെന്നും ചോദ്യം ചെയ്യലിന് ശേഷം കൂടുതൽ അന്വേഷണത്തിലേക്ക് കടക്കുമെന്നും പൊലീസ് പറഞ്ഞു.

കുറ്റ്യാടിയിൽ മയക്കുമരുന്ന് നൽകി കുട്ടികളെ പ്രകൃതിവിരുദ്ധ പീഡനത്തിന് ഇരയാക്കിയതായി പരാതി; യുവാവിനെതിരെ കേസ്

Kuttiadi

വെള്ളരിക്കുണ്ട് (കാസര്‍കോട്): നാലാം ക്ലാസിലുണ്ടായ ഒരു അടി, അതിന് പ്രതികാരം അറുപത്തിരണ്ടാം വയസ്സില്‍. മാലോം ടൗണിനടുത്ത് താമസിക്കുന്ന വെട്ടിക്കൊമ്പില്‍ വി.ജെ. ബാബുവാണ് പരാതിക്കാരന്‍. ബാലകൃഷ്ണന്‍, സുഹൃത്ത് മാത്യു വലിയപ്ലാക്കല്‍ എന്നിവരുടെപേരിലാണ് കേസ്. ബാലകൃഷ്ണന്‍ ഷര്‍ട്ടിന്റെ കോളറില്‍ പിടിച്ചുനിര്‍ത്തുകയും മാത്യു കല്ലുകൊണ്ട് കവിളിലും പുറത്തും ഇടിക്കുകയുമായിരുന്നെന്നാണ് റിപ്പോര്‍ട്ട്. നാലാംതരത്തില്‍ ബാബുവും ബാലകൃഷ്ണനും ഒരേ ക്ലാസിലായിരുന്നു. ഇടയ്ക്ക് വഴക്കിടുകയും അടിപിടി കൂടുകയും ചെയ്തിരുന്നതായി ബാലകൃഷ്ണന്‍ വെള്ളരിക്കുണ്ട് പോലീസിന് നല്‍കിയ മൊഴിയില്‍ പറയുന്നു.
അന്ന് ബാബു തന്നെ മര്‍ദിച്ചതിലുള്ള വിരോധമാണ് ഇപ്പോള്‍ അടിപിടിയിലേക്ക് നയിച്ചതെന്നും ബാലകൃഷ്ണന്റെ മൊഴിയിലുണ്ട്. ജൂണ്‍ രണ്ടിന് ഒരുമണിക്ക് മാലോത്ത് ടൗണില്‍ ഹോട്ടലിനുമുന്നിലായിരുന്നു സംഭവം. പഴയ പിണക്കത്തിന്റെപേരില്‍ ഇരുവരും തമ്മില്‍ മുന്‍പും വാക്കേറ്റമുണ്ടായതായി പറയുന്നു.

ഇത് അപൂർവ്വ പ്രതികാരം;നാലാംക്ലാസിൽ കിട്ടിയ തല്ലിന് 62-ാം വയസ്സിൽ തിരിച്ചടി,ഒടുവിൽ കേസ്‌

നാദാപുരം : സാധനം വാങ്ങാനെത്തിയ അമ്മയ്ക്കൊപ്പമുണ്ടായിരുന്ന കൈക്കുഞ്ഞിന്റെ സ്വർണ്ണമാല കവർന്നു. ഒരു പവൻ വരുന്ന മാലയാണ് കടയിലെത്തിയ യുവതി കവർന്നെടുത്തത്. സംഭവത്തിൽ പൊലീസ് കേസെടുത്ത് അന്വേഷണം തുടങ്ങി.
സാധനം വാങ്ങാൻ അമ്മയ്ക്കൊപ്പം എത്തിയ പെൺകുഞ്ഞിന്റെ കഴുത്തിലെ മാല മോഷ്ടിക്കുന്ന സിസിടിവി ദൃശ്യങ്ങൾ അടിസ്ഥാനമാക്കിയാണ് അന്വേഷണം. കുഞ്ഞിനെ എടുത്ത അമ്മയുടെ പിന്നാലെ നീല കളർ ചുരിദാറും വെള്ള ഷാളും ധരിച്ച യുവതി നടക്കുന്നതും ഇരുവശത്തേക്കും നോക്കിയ ശേഷം മാല മോഷ്ടിക്കുന്നതും സിസിടിവിയിൽ കാണാം. വൈകിട്ട് അഞ്ചു മണിയോടെ കടയിൽ തിരക്കേറിയ സമയത്താണ് മോഷണം നടന്നത്.

നാദാപുരത്ത്  അമ്മയ്ക്കൊപ്പമുണ്ടായിരുന്ന കൈക്കുഞ്ഞിന്റെ സ്വർണ്ണമാല കവർന്നതായി പരാതി;അന്വേഷണം തുടങ്ങി

നാദാപുരം : പുറമേരിയില്‍ വീട്ടില്‍നിന്ന് 18 പവന്റെ സ്വര്‍ണാഭരണങ്ങള്‍ കവർന്നതായി പരാതി . ടൗണ്‍ പരിസരത്തെ കുന്നുമ്മല്‍ അബ്ദുള്ളയുടെ വീട്ടിലാണ് മോഷണം നടന്നത്. വീട്ടമ്മയുടെ കാലില്‍ ധരിച്ചിരുന്ന സ്വര്‍ണാഭരണം ഉള്‍പ്പെടെ കവര്‍ന്നതായാണ് പരാതി.
മുന്‍വശത്തെ ജനവാതില്‍ കുത്തിത്തുറന്ന് താക്കോല്‍ കൈവശപ്പെടുത്തിയാണ് കള്ളന്‍ വീടിനകത്ത് കടന്നത്. വീട്ടിലെ സിസിടിവി ക്യാമറ തുണികൊണ്ട് മറച്ചിരുന്നു. ക്യാമറ മറയ്ക്കുന്ന ദൃശ്യങ്ങള്‍ സിസിടിവിയില്‍ പതിഞ്ഞിട്ടുണ്ട്.പുറത്തുപോയിരുന്ന അബ്ദുള്ളയുടെ മകന്‍ പുലര്‍ച്ചെ വീട്ടില്‍ തിരിച്ചെത്തിയപ്പോള്‍ വാതില്‍ തുറന്നുകിടക്കുന്നതാണ് കണ്ടത്. ഇതോടെയാണ് മോഷണം നടന്നത് തിരിച്ചറിഞ്ഞത്. നാദാപുരം ഇന്‍സ്‌പെക്ടര്‍ ശ്യാംരാജ് നായരുടെ നേതൃത്വത്തില്‍ പോലീസ് സ്ഥലത്തെത്തി പരിശോധന നടത്തി. സംഭവത്തില്‍ പോലീസ് അന്വേഷണം ആരംഭിച്ചു.

സിസിടിവി ക്യാമറ തുണികൊണ്ട് മൂടി; പുറമേരിയില്‍ വീട്ടില്‍നിന്ന് 18 പവന്റെ സ്വര്‍ണാഭരണങ്ങള്‍ കവർന്നതായി പരാതി

Search Results for: village officer