പാലക്കാട് : നിയമസഭാ ഉപതിരഞ്ഞെടുപ്പിൽ സ്ഥാനാർഥികളെ പ്രഖ്യാപിച്ച് സി.പി.എം. പാലക്കാട് ഇടത് സ്വതന്ത്രനായി ഡോ.പി.സരിനും ചേലക്കരയില്‍ സിപിഎം സ്ഥാനാര്‍ഥിയായി യു.ആര്‍ പ്രദീപും മത്സരിക്കും. സിപിഎം സംസ്ഥാന സെക്രട്ടറി എം.വി ഗോവിന്ദന്‍ നടത്തിയ വാര്‍ത്താ സമ്മേളനത്തിലാണ് സ്ഥാനാര്‍ഥികളെ പ്രഖ്യാപിച്ചത്.

പാലക്കാട് പി.സരിന്‍, ചേലക്കര യു.ആര്‍ പ്രദീപ്; സ്ഥാനാര്‍ഥികളെ പ്രഖ്യാപിച്ച് സി.പി.എം

പത്തനംതിട്ട : അനുശോചനം അറിയിച്ച് കണ്ണൂർ ജില്ലാ കളക്ടർ അരുൺ കെ. ജയൻ അയച്ച കത്ത് സ്വീകരിക്കാൻ കഴിയില്ലെന്ന് എ.ഡി.എം നവീൻ ബാബുവിന്റെ കുടുംബം.നവീൻ ബാബുവിന്റെ ഭാര്യ മഞ്ജുഷ ഇക്കാര്യം തങ്ങളെ അറിയിച്ചതായി സി.പി.ഐ അനുകൂല സംഘടനയായ ജോയിന്റ് കൗൺസിൽ പത്തനംതിട്ട ജില്ലാ സെക്രട്ടറി ജി. അഖിൽ പറഞ്ഞു.
കത്തിൽ വിഷയങ്ങളൊന്നും സൂചിപ്പിച്ചിട്ടില്ല. കളക്ടറുടെ വ്യക്തിപരമായ അനുഭവങ്ങൾ സൂചിപ്പിച്ചു എന്നല്ലാതെ മറ്റൊന്നുമില്ല.ഓൺലൈൻ ചാനലിനെ വിളിച്ച് ഇത്തരത്തിൽ പരിപാടി നടത്തിയതിൽ കളക്ടർ ഇടപെട്ടില്ല. ഇടപെടാമായിരുന്നിട്ടും ഇടപെട്ടില്ലെന്നും കത്തിനെ ഗൗരവമായി കാണുന്നില്ലെന്നും മഞ്ജുഷ അറിയിച്ചതായി അഖിൽ വ്യക്തമാക്കി. കേസിൽ നിയമസഹായം ആവശ്യമാണെന്ന് നവീന്റെ കുടുംബം ആവശ്യപ്പെട്ടതായും അഖിൽ പറഞ്ഞു.
നവീന്‍ ബാബുവിന്റെ സംസ്‌കാരച്ചടങ്ങില്‍ പങ്കെടുക്കാന്‍ കണ്ണൂര്‍ കളക്ടര്‍ താത്പര്യമറിയിച്ചിരുന്നു. പക്ഷേ, കുടുംബം അതിനോട് വിയോജിച്ചു. ഇതേത്തുടര്‍ന്നാണ് പത്തനംതിട്ട സബ് കളക്ടർ വഴി കുടുംബത്തിന് കത്ത് കൈമാറിയത്.
 &nbsp;

കണ്ണൂർ കളക്ടറുടെ അനുശോചന കത്ത് സ്വീകരിക്കാൻ കഴിയില്ലെന്ന് നവീൻ ബാബുവിന്റെ കുടുംബം

Kerala

കോഴിക്കോട് : നഷ്ടപ്പെട്ട മൊബൈൽ ഫോണുകൾ സെന്റർ എക്യുപ്മെന്റ് ഐഡന്റിറ്റി രജിസ്റ്റർ (സിഐഇആർ) മുഖാന്തരം കണ്ടെത്തി നൽകി മികവുകാട്ടുകയാണ് കോഴിക്കോട്‌ ടൗൺ പൊലീസ്. ഒരുവർഷത്തിനിടെ ഡിവിഷൻ പരിധിയിലെ വിവിധ സ്റ്റേഷനുകൾക്ക് കീഴിൽ മോഷണം പോയതും നഷ്ടപ്പെട്ടതുമായ 250 ഓളം ഫോണുകളാണ് ഇത്തരത്തിൽ കണ്ടെത്തിത്. 26 ഫോണുകൾ കഴി‍ഞ്ഞ ദിവസം ടൗൺ എസിപി ടി കെ അഷ്റഫ് ഉടമകൾക്ക് കൈമാറി.&nbsp;
സിഐഇആറിൽ രജിസ്റ്റർചെയ്താൽ നഷ്ടപ്പെട്ട മൊബൈൽഫോണുകൾ ഏതുതരത്തിൽ ഉപയോഗിച്ചാലും കണ്ടുപിടിക്കാൻ സാധിക്കും. റിപ്പോർട്ടുചെയ്യുന്നതിന് നഷ്‌ടപ്പെട്ടതോ മോഷ്‌ടിക്കപ്പെട്ടതോ ആയ സ്മാർട്ട് ഫോണിൽ ഇൻസ്‌റ്റാൾ ചെയ്‌തിരിക്കുന്ന സിം കാർഡുകളുടെ മൊബൈൽ നമ്പർ, 15 അക്ക ഐഎംഇഐ നമ്പർ നമ്പർ, ഇൻവോയ്‌സ് തുടങ്ങിയവ ആവശ്യമാണ്. ഫോൺ ബ്ലോക്ക് ചെയ്യുന്നതിന് പൊലീസ് പരാതിയുടെ ഡിജിറ്റൽ പകർപ്പും വേണം.അതുകൊണ്ട് പൊലീസ് സ്റ്റേഷനിൽ പരാതി നൽകിയാൽ കണ്ടെത്തൽ വേ​ഗത്തിലാകും. അപേക്ഷ നൽകിയാൽ റിക്വസ്റ്റ് ഐഡി ലഭിക്കും. ഇതുപയോഗിച്ച് ഐഎംഇഐ നമ്പർ ബ്ലോക്ക് ചെയ്യുന്നതിനുള്ള അപേക്ഷ നടപ്പായോ എന്ന് പരിശോധിക്കാം.&nbsp;
പൊലീസ് ഫോൺ പിന്തുടർന്ന്‌ കണ്ടെത്തി നിലവിൽ ഉപയോഗിക്കുന്ന ആളെയാണ് വിവരം അറിയിക്കുക. വിളി സ്റ്റേഷനിൽനിന്നാകുന്നതോടെ ഭൂരിപക്ഷം പേരും ഫോൺ പൊലീസിനു തിരിച്ചുനൽകും. പലതും മോഷ്ടാക്കൾ തന്നെ സ്‌റ്റേഷനിൽ അയച്ചുനൽകുന്നുമുണ്ട്. കഴിഞ്ഞ വർഷം ജില്ലയിൽ 3527 പരാതിയാണ് രജിസ്റ്റർചെയ്തത്‌. ഇതിൽ 926 ഫോണുകൾ പൊലീസ് പിന്തുടരുന്നുണ്ട്. 600 ഫോണുകൾ കണ്ടെത്തി ഉടമകൾക്ക്‌ കൈമാറി.






.&nbsp;

ഇനി മൊബൈല്‍ ഫോണ്‍ നഷ്ടപ്പെട്ടാൽ പേടിക്കേണ്ട; സിഐഇആര്‍ കണ്ടെത്തും

Kozhikode

പേ​രാ​മ്പ്ര: വ്യാ​ജ സ്വ​ർ​ണം വി​റ്റ് പ​ണം ത​ട്ടി​യ പ്ര​തിയെ പേ​രാ​മ്പ്ര പോലീസ് പിടികൂടി. ബാ​ലു​ശ്ശേ​രി എ​ര​മം​ഗ​ലം ചെ​റു​വ​ക്കാ​ട്ട് കൈ​ലാ​സാ​ണ് (22) പി​ടി​യി​ലാ​യ​ത്. മു​ഖ്യ സൂ​ത്ര​ധാ​ര​നാ​യ പാ​ലേ​രി സ്വ​ദേ​ശി ആ​കാ​ശി​നെ (22) പി​ടി​കൂ​ടാ​നു​ണ്ടെ​ന്ന് പൊ​ലീ​സ് പ​റ​ഞ്ഞു. പേ​രാ​മ്പ്ര​യി​ലെ സ്വ​ർ​ണ വ്യാ​പാ​ര സ്ഥാ​പ​ന​ത്തി​ൽ ര​ണ്ടു പ​വ​ൻ തൂ​ക്കം വ​രു​ന്ന വ്യാ​ജ സ്വ​ർ​ണ വ​ള ന​ൽ​കി​യാ​ണ് പ്ര​തി​ക​ൾ ഒ​രു ല​ക്ഷ​ത്തി​ൽ കൂ​ടു​ത​ൽ രൂ​പ ത​ട്ടി​യ​ത്. ക​ഴി​ഞ്ഞ 27നാ​യി​രു​ന്നു സം​ഭ​വം. സ്വ​ർ​ണം ക​ണ്ട​പ്പോ​ൾ ത​ന്നെ സ്ഥാ​പ​ന​ത്തി​ലു​ള്ള​വ​ർ​ക്ക് സം​ശ​യം തോ​ന്നി​യെ​ങ്കി​ലും ഉ​ര​ച്ചു​നോ​ക്കി​യ​പ്പോ​ഴും കാ​ര​റ്റ് അ​ന​ലൈ​സ​റി​ൽ പ​രി​ശോ​ധി​ച്ച​പ്പോ​ഴും സ്വ​ർ​ണം ത​ന്നെ​യെ​ന്ന് കാ​ണി​ച്ച​തും 916 സീ​ൽ ഉ​ള്ള​തും കാ​ര​ണ​മാ​ണ് പ​ണം ന​ൽ​കി​യ​ത്.&nbsp;
പി​ന്നീ​ട് ഉ​രു​ക്കി നോ​ക്കി​യ​പ്പോ​ഴാ​ണ് സാ​ധ​നം വ്യാ​ജ​മാ​ണെ​ന്ന് മ​ന​സ്സി​ലാ​യ​ത്. തു​ട​ർ​ന്ന് പേ​രാ​മ്പ്ര പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. പേ​രാ​മ്പ്ര എ​സ്‌.​ഐ കെ.​ജി. അ​ഗ​സ്‌​റ്റി​ന്റെ നേ​തൃ​ത്വ​ത്തി​ൽ ബാ​ലു​ശ്ശേ​രി​യി​ൽ എ​ത്തി​യ പ്ര​തി​യെ വി​ദ​ഗ്‌​ധ​മാ​യി പി​ടി​കൂ​ടു​ക​യാ​യി​രു​ന്നു. പേ​രാ​മ്പ്ര കോ​ട​തി​യി​ൽ ഹാ​ജ​രാ​ക്കി​യ ഇ​യാ​ളെ റി​മാ​ൻ​ഡ് ചെ​യ്തു. നാ​ട്ടി​ൽ ഇ​ത്ത​രം വ്യാ​ജ സ്വ​ർ​ണം കൂ​ടു​ത​ലാ​യി എ​ത്തി​യി​ട്ടു​ണ്ടെ​ന്നും ജ​ന​ങ്ങ​ൾ ശ്ര​ദ്ധി​ക്ക​ണ​മെ​ന്നും പൊ​ലീ​സ് അ​റി​യി​ച്ചു.

വ്യാജ സ്വർണം വിറ്റ് പണം തട്ടിയ കേസിൽ ഒരാൾ പേരാമ്പ്ര പോലീസ് പിടിയിൽ

Perambra

വളയം : വാണിമേലിൽ യുവാക്കളെ മർദിച്ച് പരിക്കേൽപ്പിച്ച സംഭവത്തിൽ നാലുപേർ അറസ്റ്റിൽ. നിടുംപറമ്പ് കുനിയിൽ ഷിബു (26), പടിഞ്ഞാറെക്കണ്ടി അനുരാഗ് (27), പള്ളിയറപ്പൊയിൽ അശ്വന്ത് (29), നുച്ചിക്കാട്ട് നബിൽരാജ് (27) എന്നിവരെയാണ് വളയം പോലീസ് അറസ്റ്റുചെയ്തത്. കഴിഞ്ഞ ശനിയാഴ്ച രാത്രിയിലാണ് അക്രമം. വാണിമേൽ കൂളിക്കുന്ന് സ്വദേശികളായ ഏച്ചിപ്പതേമ്മൽ അവിനാഷ് (30), പൊടിപ്പിൽ വിപിൻലാൽ (24) എന്നിവർക്കാണ് മർദ്ദനമേറ്റത്.&nbsp;
ഭൂമിവാതുക്കൽ നിന്ന് ബൈക്കിൽ വീട്ടിലേക്കു പോകുന്ന വഴിയിൽ കന്നുകുളം മണികണ്ഠമഠത്തിനു സമീപത്ത് അക്രമിസംഘം ബൈക്ക് തടഞ്ഞുനിർത്തി കണ്ണിൽ മുളക് സ്പ്രേ അടിച്ചതിനുശേഷം മാരകായുധങ്ങളുപയോഗിച്ച് ആക്രമിക്കുകയായിരുന്നെന്നാണ് പരാതി. കാലിനും കൈയ്ക്കും പൊട്ടലേൽക്കുകയും മുറിവേൽക്കുകയും ചെയ്തു. സംഭവത്തിൽ വധശ്രമം ഉൾപ്പെടെയുള്ള വകുപ്പുകൾ ചേർത്താണ് പോലീസ് കേസ് രജിസ്റ്റർ ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

വാണിമേലിൽ യുവാക്കളെ മർദിച്ച സംഭവത്തിൽ നാലുപേർ അറസ്റ്റിൽ

Nadapuram

വടകര: കുരിക്കിലാട് മുള്ളത്തിൽ മീത്തൽ (പാറേമ്മൽ ) നാരായണി (81) നിര്യാതയായി. ഭർത്താവ്; പരേതനായ നാവല്ലൂർ പൊയിൽ നാണു. മക്കൾ; ഹൈമാവതി, രാജൻ, രമേശൻ, ബിന്ദു. മരുമക്കൾ; ശ്രീജ, ധന്യ, പരേതരായ രാജൻ മേമുണ്ട , അശോകൻ ഒഞ്ചിയം. സഹോദരങ്ങൾ; ശാരദ, ഗോപാലൻ , പരേതരായ കണാരൻ, കേളപ്പൻ, കുമാരൻ, ബാലൻ.

കുരിക്കിലാട് മുള്ളത്തിൽ മീത്തൽ നാരായണി നിര്യാതയായി

Obituary

തലശ്ശേരി: നവീന്‍ ബാബുവിന്റെ യാത്രയയപ്പ് പരിപാടിയില്‍ താന്‍ ക്ഷണിക്കാതെ കയറിച്ചെന്നതാണെന്ന വാദം തളളി പി.പി ദിവ്യ. കണ്ണൂര്‍ കളക്ടര്‍ മറ്റൊരു പരിപാടിയില്‍ വെച്ചാണ് യോഗ വിവരം പറഞ്ഞതെന്നും തന്നെ പരിപാടിയിലേക്ക് ക്ഷണിച്ചതെന്നും ദിവ്യ പറഞ്ഞു. സംസാരം സദുദ്ദേശപരമായിരുന്നുവെന്നും അവര്‍ പറയുന്നു. ആത്മഹത്യാ പ്രേരണാ കുറ്റം ചുമത്തിയതിന് പിന്നാലെ മുന്‍കൂര്‍ ജാമ്യത്തിന് തലശ്ശേരി പ്രിന്‍സിപ്പല്‍ സെഷന്‍സ് കോടതിയില്‍ പി.പി ദിവ്യ അപേക്ഷ നല്‍കിയിട്ടുണ്ട്.
മുന്‍കൂട്ടി സംസാരിക്കാന്‍ ഉദ്ദേശിച്ചിരുന്നില്ല. ഡെപ്യൂട്ടി കളക്ടര്‍ ശ്രുതി ക്ഷണിച്ചപ്രകാരം ആണ് സംസാരിച്ചത്. ഉത്തരവാദിത്തപ്പെട്ട വ്യക്തികള്‍ ഇരിക്കുന്ന പരിപാടി എന്ന നിലയിലാണ് അഴിമതിക്കാര്യം സംസാരിച്ചതെന്നും ദിവ്യ പറഞ്ഞു.മുന്‍കൂര്‍ ജാമ്യാപേക്ഷയില്‍ നല്‍കിയ വിവരപ്രകാരം കണ്ണൂര്‍ ജില്ലാകളക്ടറും സംശയത്തിന്റെ നിഴലിലാണ്.

യാത്രയയപ്പിലേക്ക് ക്ഷണിച്ചത് കളക്ടർ എന്ന് പി. പി ദിവ്യ; മുൻകൂർ ജാമ്യാപേക്ഷ നൽകി

എടച്ചേരി: വടകര മാഹി കനാലിന്റെ ഒന്നാം റീച്ചിലെ മൂഴിക്കൽ ലോക്ക് കം ബ്രിഡ്ജ് 96% പൂർത്തിയായതായും, മൂഴിക്കൽ ലോക്കം ബ്രിഡ്ജിന്റെ അപ്പ്രോച്ച് റോഡ് നിർമ്മാണ പ്രവർത്തി 88 ശതമാനം പൂർത്തിയായതായും, ബാക്കിയുള്ള 4 കിലോമീറ്റർ ഭാഗത്തുള്ള നിർമ്മാണ പ്രവർത്തികൾ പുരോഗമിച്ചു വരുന്നതായും മുഖ്യമന്ത്രി പിണറായി വിജയൻ നിയമസഭയിൽ അറിയിച്ചു. വടകര മാഹി കനാൽ പ്രവർത്തി പുരോഗതി സംബന്ധിച്ച് കെ പി കുഞ്ഞമ്മദ് കുട്ടി എം എൽ എയുടെ ചോദ്യത്തിന് മറുപടി നൽകുകയായിരുന്നു അദ്ദേഹം.&nbsp;
മൂന്നാം റീച്ചിലെ 3.24 കിലോമീറ്റർ ഭാഗത്തുള്ള നിർമ്മാണ പ്രവർത്തികൾ 52 ശതമാനം പൂർത്തിയായി. നാലാം റീച്ചിലെ പ്രവർത്തി 93 ശതമാനം പൂർത്തിയായി. അഞ്ചാം റീച്ചിലെ പ്രവൃത്തി 90% പൂർത്തിയായി. അഞ്ചാം റീച്ചിലെ കരിങ്ങാലിമുക്കിലെ ലോക്ക് കം ബ്രിഡ്ജ് ബ്രിഡ്ജ് നിർമ്മാണ പ്രവർത്തി 71 ശതമാനം പൂർത്തിയായി.
കോട്ടപ്പള്ളി പാലത്തിൻറെ വിദഗ്ധ പരിശോധനയ്ക്കായി പിഡബ്ല്യുഡിയുടെ കേരള ഹൈവേ റിസർച്ച് ഇൻസ്റ്റിറ്റ്യൂട്ടിന് നൽകിയിരിക്കുകയാണ്. അത് ലഭ്യമായ ശേഷം സാങ്കേതിക അനുമതി കൂടി ലഭിക്കുന്ന മുറയ്ക്ക് പ്രവൃത്തി ആരംഭിക്കുമെന്നും മുഖ്യമന്ത്രി അറിയിച്ചു. 2026 മാർച്ച് മാസത്തോടുകൂടി വടകര മാഹി കനാല്‍ ദേശീയ ജലപാത നിലവാരത്തിലേക്ക് ഉയർത്താനാണ് ലക്ഷ്യമിടുന്നത് എന്നും മുഖ്യമന്ത്രി കൂട്ടിച്ചേർത്തു.

വടകര-മാഹി കനാൽ ദേശീയ ജലപാത നിലവാരത്തിലേക്ക് ഉയർത്തുക ലക്ഷ്യം; മുഖ്യമന്ത്രി

Vadakara

കൊച്ചി: യൂട്യൂബിലൂടെ സ്ത്രീത്വത്തെ അപമാനിച്ചെന്ന പരാതിയിൽ മറുനാടൻ മലയാളി എഡിറ്റർ ഷാജൻ സ്കറിയക്കെതിരെ കേസ്. ആലുവ സ്വദേശിയായ സിനിമ നടി നൽകിയ പരാതിയിലാണ് നെടുമ്പാശ്ശേരി പൊലീസ് കേസ് എടുത്തത്.
സ്ത്രീത്വത്തെ അപമാനിക്കുന്ന രീതിയിൽ ഓൺ ലൈൻ പോർട്ടലിലൂടെ വാർത്ത നൽകിയെന്നാണ് കേസ്. കൂടാതെ രണ്ട് യുട്യൂബർമാർക്കെതിരേയും കേസുണ്ട്. സിനിമ താരങ്ങൾക്കെതിരെ ​ലൈംഗിക പീഡന പരാതി ഉന്നയിച്ച് കഴിഞ്ഞ മാസമാണ് നടി രംഗത്തുവന്നത്

യൂട്യൂബിലൂടെ സ്ത്രീത്വത്തെ അപമാനിച്ചു ;നടിയുടെ പരാതിയിൽ ഷാജൻ സ്കറിയക്കെതിരെ കേസ്

കുറ്റ്യാടി: ഗോൾഡ് പാലസ് ജ്വല്ലറി നിക്ഷേപതട്ടിപ്പ് കേസിന്റെ അന്വേഷണം സംബന്ധിച്ച് നിയമസഭയിൽ ചോദ്യം ന്നയിച്ച് കെ പി കുഞ്ഞമ്മദ് കുട്ടി എം എൽ എ. കുറ്റ്യാടി കേന്ദ്രീകരിച്ച് നടന്ന ഗോൾഡ് പാലസ് ജ്വല്ലറി നിക്ഷേപ തട്ടിപ്പുമായി ബന്ധപ്പെട്ട് കോഴിക്കോട് റൂറൽ പോലീസ്, ജില്ലയിലെ നാദാപുരം, കുറ്റ്യാടി , പയ്യോളി എന്നീ പോലീസ് സ്റ്റേഷനുകളിലായി 19 കേസുകൾ രജിസ്റ്റർ ചെയ്തിട്ടുണ്ട് . (നാദാപുരം -7 കുറ്റ്യാടി - 7 പയ്യോളി -5). നാദാപുരം , കുറ്റ്യാടി പോലീസ് സ്റ്റേഷനുകളിൽ രജിസ്റ്റർ ചെയ്ത കേസുകളുടെ അന്വേഷണം നടത്തി നാദാപുരം ജെ എഫ് സി എംൽ കുറ്റപത്രം നൽകിയിട്ടുണ്ട്. കേസുകളിൽ ബഡ്സ് ആക്ട് പ്രകാരം തുടർന്വേഷണം നടത്തുന്നതിനുള്ള റിപ്പോർട്ട് കോടതി മുൻപാകെ സമർപ്പിച്ചിട്ടുണ്ട്. പയ്യോളി പോലീസ് സ്റ്റേഷനിൽ രജിസ്റ്റർ ചെയ്ത കേസുകളിൽ അന്വേഷണം നടന്നുവരികയാണെന്നും ബഡ്സ് ആക്ട് ചേർത്തിട്ടുള്ള കേസുകളിൽ പ്രതികളുടെ സ്വത്ത് കണ്ടുകെട്ടുന്നതിന് കോടതി മുൻപാകെ റിപ്പോർട്ട് സമർപ്പിച്ചിട്ടുള്ളതാണെന്നും മുഖ്യമന്ത്രി നിയമസഭയിൽ ചോദ്യത്തിന് മറുപടിയായി അറിയിച്ചു.

ഗോൾഡ് പാലസ് ജ്വല്ലറി നിക്ഷേപതട്ടിപ്പ്; അന്വേഷണം സംബന്ധിച്ച് നിയമസഭയിൽ ചോദ്യം ഉന്നയിച്ച് കെ പി കുഞ്ഞമ്മദ് കുട്ടി എം എൽ എ

Kuttiadi

വടകര: ഒരു മാസത്തിനുള്ളിൽ ലഭിച്ച നാളികേരത്തിൻ്റെ വില അതേപടി നിലനിർത്തണമെന്ന് സ്വതന്ത്ര കർഷക സംഘം വടകര മണ്ഡലം കമ്മിറ്റി ആവശ്യപ്പെട്ടു. നാളികേരത്തിൻ്റെ വിലയിൽ താൽക്കാലിക ഉയർച്ച വന്നതോടെ വെളിച്ചെണ്ണക്ക് വൻ വർദ്ധനവാണ് വരുത്തിയതെന്നും കമ്മിറ്റി കുറ്റപ്പെടുത്തി. കാർഷിക ഉൽപ്പനങ്ങൾക്ക് താങ്ങു വില ഉയർത്തി കർഷകരെ രക്ഷിക്കണമെന്നും കമ്മിറ്റി അധികാരികളോട് ആവശ്യപ്പെട്ടു.&nbsp;
കോഴിക്കോട് ഈ മാസം 30, 31 തീയ്യതികളിൽ നടക്കുന്ന സുവർണ്ണജൂബില സമ്മേളനം വിജയിപ്പിക്കാനും തീരുമാനിച്ചു. സി.എച്ച്. റസാഖ് ഹാജി അദ്യക്ഷതവഹിച്ചു. ജില്ലാ പ്രസിഡണ്ട് ഒ.പി. മൊയ്തു, ടി.കെ. അബ്ദുള്ള, പ്രൊ:എം.കെ. മമ്മു, പി.കെ.കുഞ്ഞമ്മദ്, എം.കെ. കാസിം ഹാജി, വി. നൂറുദ്ദീൻ, പി. മുസ്തഫ ഹാജി കല്ലേരി കരീം ഹാജി, ഇല്യാസ് എം സംസാരിച്ചു. ഹാരിസ് മുക്കാളി സ്വാഗതവും, എൻ.കെ. അബൂബക്കർ ഹാജി നന്ദിയും പറഞ്ഞു.

നാളികേര വില ഉയർത്തുക; സ്വതന്ത്ര കർഷക സംഘം

വടകര: സോഷ്യലിസ്റ്റ് നേതാവും നിയമസഭ സാമാജികനുമായിരുന്ന അഡ്വ എം. കെ. പ്രേംനാഥ് അനുസ്മരണ സമ്മേളനം 'കനൽ സ്മരണ' രാഷ്ട്രീയ ജനതാദൾ കുറ്റ്യാടി നിയോജക മണ്ഡലം കമ്മിറ്റിയുടെ നേതൃത്വത്തിൽ ഒക്ടോബർ 20 ന് വൈകുന്നേരം 3.30 ന് വില്ല്യാപ്പള്ളിയിൽ നടത്തുവാൻ സ്വാഗത സംഘം ഭാരവാഹികളുടേയും പഞ്ചായത്ത് കമ്മിറ്റി പ്രസിഡണ്ടുമാരുടേയും യോഗം തീരുമാനിച്ചു. മുൻ എം.പിയും രാഷ്ട്രീയ നിരീക്ഷകനുമായ ഡോ: സെബാസ്റ്റ്യൻ പോൾ അനുസ്മരണ സമ്മേളനം ഉദ്ഘാടനം ചെയ്യും.&nbsp;
ആർ. ജെ. ഡി സംസ്ഥാന ജനറൽ സെക്രട്ടറി സബാഹ് പുൽപ്പറ്റ അനുസ്മരണ പ്രഭാഷണം നടത്തും. തുടർന്ന്‌പ്രമുഖ സോഷ്യലിസ്റ്റും അടിയന്തരാവസ്ഥ വിരുദ്ധ പോരാളിയുമായ അബ്രഹാം മാനുവൽ പ്രസംഗിക്കും. യോഗത്തിൽ സ്വാഗതസംഘം ചെയർമാൻ ആയാടത്തിൽ രവീന്ദ്രൻ അധ്യക്ഷത വഹിച്ചു. നിയോജക മണ്ഡലം പ്രസിഡണ്ട് വി. പി. വാസു , കെ.പി. കുഞ്ഞിരാമൻ , നീലിയോട്ട് നാണു , വിനോദ് ചെറിയത്ത് , കെ. എം. ബാബു , ടി.എൻ. മനോജ് , കോവുക്കൽ നാരായണൻ ,കെ.കെ. ബാബു ,എ.പി. അമർനാഥ് , ഒ.എം. സിന്ധു , സച്ചിൻ ലാൽ , കൊടക്കലാണ്ടി കൃഷ്ണൻ ,മലയിൽ ബാലകൃഷ്ണൻ ,മുണ്ടോ ളി രവി ,എം.ടി.കെ. സുരേഷ് തുടങ്ങിയവർ സംസാരിച്ചു.

അഡ്വ എം. കെ. പ്രേംനാഥ് അനുസ്മരണ സമ്മേളനം 'കനൽ സ്മരണ' ഞായറാഴ്ച

മഹാദേവ് ബെറ്റിങ് ആപ്പുമായി ബന്ധപ്പെട്ട കേസില്‍ നടി തമന്ന ഭാട്ടിയ ചോദ്യംചെയ്യലിനായി എൻഫോഴ്സ്മെന്റ് ഡയറക്ടറേറ്റിനു (ഇഡി) മുന്നിൽ ഹാജരായി. ഗുവാഹാത്തിയിലെ ഇ.ഡി ഓഫീസിൽ വ്യാഴാഴ്ച ഉച്ചയ്ക്ക് അമ്മയോടൊപ്പമാണ് തമന്ന എത്തിയത്. മണിക്കൂറുകളോളം ചോദ്യം ചെയ്യൽ തുടർന്നു.
മഹാദേവ് വാതുവെപ്പ് ആപ്പിന്റെ അനുബന്ധ ആപ്ലിക്കേഷനായ ഫെയര്‍പ്ലേ ആപ്പ് വഴി ഐ.പി.എല്‍. മത്സരങ്ങള്‍ കാണാന്‍ പ്രൊമോഷന്‍ നടത്തിയെന്നാണ് നടി തമന്ന ഭാട്ടിയക്കെതിരേയുള്ള ആരോപണം. ഫെയര്‍പ്ലേ ബെറ്റിങ് ആപ്പിലൂടെ ഐ.പി.എല്‍. മത്സരങ്ങള്‍ അനധികൃതമായി തത്സമയം സംപ്രേഷണം ചെയ്തതായി നേരത്തെ പരാതിയുണ്ടായിരുന്നു.ഛത്തീസ്​ഗഢ് ഭിലായ് സ്വദേശികളായ സൗരഭ് ചന്ദ്രകർ, രവി ഉപ്പൽ എന്നിവർ ചേർന്ന് ദുബായിൽനിന്ന് പ്രവർത്തിപ്പിക്കുന്ന ആപ്പാണ് മഹാദേവ്. യു.എ.ഇയിൽനിന്നാണ് ആപ്പിന്റെ പ്രവർത്തനങ്ങൾ നടക്കുന്നതെന്ന് ഇഡി അന്വേഷണസംഘം നേരത്തേ കണ്ടെത്തിയിരുന്നു

മഹാദേവ് ബെറ്റിങ് ആപ്പ് കേസിൽ നടി തമന്നയെ ഇഡി ചോദ്യം ചെയ്തു

കൊയിലാണ്ടി: പൊയിൽക്കാവിൽ മധ്യവയസ്കൻ കുളത്തിൽ മരിച്ച നിലയിൽ. ലക്ഷംവീട് കോളനിയിലെ മണന്തല ഹൗസിൽ ചന്ദ്രനെയാണ് (69) കുളത്തിൽ മരിച്ച നിലയിൽ കണ്ടെത്തിയത്. ഇന്ന് രാവിലെ 10.30 ഓടെയാണ് സംഭവം. മൃതദേഹം കൊയിലാണ്ടി ആശുപത്രി മോർച്ചറിയിലേക്ക് മാറ്റി. തുടർനടപടികൾക്കായി പൊലീസ് അന്വേഷണം ആരംഭിച്ചിട്ടുണ്ട്.

പൊയിൽക്കാവ് ക്ഷേത്ര കുളത്തിൽ മധ്യവയസ്‌കന്‍ മരിച്ച നിലയിൽ

Koyilandy

പത്തനംതിട്ട: ആത്മഹത്യ ചെയ്ത കണ്ണൂര്‍ എഡിഎം നവീന്‍ ബാബുവിന്റെ കുടുംബത്തോട് മാപ്പ് ചോദിച്ച് കണ്ണൂര്‍ ജില്ലാ കളക്ടര്‍ അരുണ്‍ കെ. വിജയന്‍. യാത്രയയപ്പ് യോഗവുമായി ബന്ധപ്പെട്ടുണ്ടായ സംഭവങ്ങളില്‍ ഖേദം രേഖപ്പെടുത്തി കളക്ടര്‍ കത്തുനല്‍കി. പത്തനംതിട്ട സബ് കളക്ടര്‍വഴിയാണ് നവീന്‍ ബാബുവിന്റെ കുടുംബത്തിന് കളക്ടര്‍ കത്ത് കൈമാറിയത്. സബ് കളക്ടര്‍ നേരിട്ടെത്തി കുടുംബത്തിന് കത്ത് കൈമാറുകയായിരുന്നു. നവീൻ ബാബുവിന്റെ സംസ്‌കാരച്ചടങ്ങളിൽ അരുൺ വിജയൻ പങ്കെടുത്തിരുന്നില്ല.
നവീന്റെ അന്ത്യകര്‍മങ്ങള്‍ കഴിയുന്നതു വരെ താന്‍ പത്തനംതിട്ടയിലുണ്ടായിരുന്നുവെന്നും നേരില്‍ വന്നു ചേര്‍ന്നു നില്‍ക്കണമെന്നു കരുതിയെങ്കിലും സാധിച്ചില്ലെന്നും കത്തില്‍ പറയുന്നു. നവീന്റെ മരണം നല്‍കിയ നടുക്കം ഇപ്പോഴും വിട്ടുമാറിയിട്ടില്ല. ഇന്നലെ വരെ തന്റെ തോളോടു തോള്‍ നിന്ന് പ്രവര്‍ത്തിച്ചയാളാണ് നവീന്‍. കാര്യക്ഷമതയോടും സഹാനുഭൂതിയോടും തന്റെ ഉത്തരവാദിത്തം നിര്‍വഹിച്ച വ്യക്തിയായിരുന്നു എട്ടു മാസത്തോളമായി തനിക്കറിയാവുന്ന നവീന്‍ എന്നും കുടുംബത്തിന് നല്‍കിയ കത്തില്‍ കളക്ടര്‍ അരുണ്‍ കെ. വിജയന്‍ പറയുന്നു.

എ.ഡി.എം നവീൻ ബാബുവിന്റെ കുടുംബത്തോട് മാപ്പ് ചോദിച്ച് കണ്ണൂർ കളക്‌ടർ

വില്യാപ്പള്ളി: മൂന്ന്ദിവസങ്ങളിലായി മണിയൂർ നവോദയ ഹൈ സ്കൂളിൽ നടന്ന തോടന്നൂർ സബ്ജില്ലാ കായിക മേളയിൽ 304 പോയിന്റ് നേടി വില്യാപ്പള്ളി എം.ജെ വൊക്കേഷണൽ ഹയർ സെക്കണ്ടറി സ്ക്കൂൾ ഓവറോൾ ചാമ്പ്യൻഷിപ്പ് കരസ്ഥമാക്കി. 279 പോയിന്റോടെ മേമുണ്ട രണ്ടാംസ്ഥാനവും 193 പോയിന്റ് നേടി ആർ.എ.സി. കടമേരി മൂന്നാം സ്ഥാനവും നേടി. യു.പി. വിഭാഗത്തിൽ 31 പോയിന്റ് നേടി വില്യാപ്പള്ളി യു.പി. ഒന്നാംസ്ഥാനവും 24 പോയിന്റോടെ കാർത്തികപ്പള്ളി നമ്പർ വൺ രണ്ടാംസ്ഥാനവും നേടി. എൽ.പി. മിനിവിഭാഗത്തിൽ തോടന്നൂർ എൽ.പി 25 പോയിന്റോടെ ഒന്നാംസ്ഥാനവും കാർത്തികപ്പള്ളി എൽ.പി. 14 പോയിന്റോടെ രണ്ടാംസ്ഥാനവും നേടി.

തോടന്നൂർ സബ്ജില്ലാ കായികമേള; വില്യാപ്പള്ളി എം ജെയ്ക്ക് ഓവറോൾ ചാമ്പ്യൻഷിപ്പ്

കാലാവസ്ഥ മാറുന്നതിനനുസരിച്ച് നാം നേരിടുന്ന ഒരു പ്രശ്നമാണ് ചുണ്ട് വരണ്ടുപൊട്ടുന്നത്. ചുണ്ടിലെ ചർമ്മം മറ്റ് ചർമ്മത്തെക്കാൾ നേർത്തതാണ് എന്നതാണ് ഇതിന് കാരണം. അതുകൊണ്ടുതന്നെ ചുണ്ടുകളുടെ സംരക്ഷണം പ്രധാനപ്പെട്ടതാണ്. ചുണ്ടുകളുടെ ആരോഗ്യത്തിന് ചില വഴികൾ പരീക്ഷിച്ചാലോ?
<ul>
<li>വെളിച്ചെണ്ണ ചുണ്ടില് പുരട്ടി മസാജ് ചെയ്യുന്നത് ചുണ്ടുകളുടെ വരൾച്ച മാറാന് ഏറെ സഹായിക്കും.</li>
<li>ചുണ്ടില് ദിവസവും നെയ്യ് പുരട്ടി മസാജ് ചെയ്യുന്നത് വരൾച്ച മാറാന് സഹായിക്കും.</li>
<li>ദിവസവും ചുണ്ടിൽ റോസ് വാട്ടർ പുരട്ടുന്നത് വരൾച്ച അകറ്റാൻ സഹായിക്കും.</li>
<li>പഞ്ചസാര നല്ലൊരു സ്ക്രബറാണ്. ഇതിനായി ഒരു സ്പൂൺ പഞ്ചസാരയെടുത്ത് അതിൽ മൂന്നോ നാലോ തുള്ളി ഒലിവ് ഓയിലൊഴിച്ച് അരസ്പൂൺ തേനും ചേർത്ത് ചുണ്ടിൽ പുരട്ടാം. ശേഷം വിരലുകൾ കൊണ്ട് ചുണ്ടിൽ മൃദുവായി മസാജ് ചെയ്യൂ. പത്ത് മിനിറ്റിന് ശേഷം കഴുകി കളയാം.</li>
<li>ചുണ്ട് വരണ്ടുപൊട്ടുന്നത് തടയാന് തേന് സഹായിക്കും. ഇതിനായി തേന് നേരിട്ട് ചുണ്ടില് തേച്ച് മസാജ് ചെയ്യാം.</li>
<li>ദിവസവും ചുണ്ടിൽ ഗ്ലിസറിന് പുരട്ടുന്നതും ചുണ്ടുകള് വരണ്ടുപൊട്ടുന്നത് തടയാന് സഹായിക്കും. നാരങ്ങാനീരില് വിറ്റാമിന് സി ധാരാളമായി അടങ്ങിയിട്ടുണ്ട്. നാരാങ്ങാ നീര് ഗ്ലിസറിനുമായി കലര്ത്തി ചുണ്ടില് പുരട്ടുന്നതും നല്ലതാണ്.</li>
</ul>

ചുണ്ടുകൾ വരണ്ടുപൊട്ടുന്നുവോ..? പരിഹാരമുണ്ട്

Health

പാലക്കാട്: സ്ഥാനാര്‍ത്ഥിത്വത്തില്‍ അന്തിമ തീരുമാനമായതോടെ സിപിഐഎം ജില്ലാ കമ്മിറ്റി ഓഫീസില്‍ എത്തി പി സരിന്‍. വന്‍ സ്വീകരണമാണ് സരിന് സിപിഐഎം നല്‍കിയത്. മുതിര്‍ന്ന നേതാക്കളും യുവജനനേതാക്കളും ഓഫീസിലെത്തി സരിന് അഭിവാദ്യം അര്‍പ്പിച്ചു.
പാലക്കാട് എല്‍ഡിഎഫ് സ്ഥാനാര്‍ത്ഥിയായി സരിനായിരിക്കും ജനവിധി തേടുക. സരിന്റെ പേര് ജില്ലാ സെക്രട്ടറിയേറ്റ് ഐക്യകണ്‌ഠേന നിര്‍ദേശിക്കുകയായിരുന്നു. സിപിഐഎം സ്വതന്ത്രനായിട്ടായിരിക്കും വോട്ട് തേടുകയെന്നാണ് വിവരം. ഔദ്യോഗിക പ്രഖ്യാപനം വൈകിട്ടുണ്ടാവും

'സഖാവ് സരിന് അഭിവാദ്യങ്ങള്‍'; സിപിഐഎം ജില്ലാകമ്മിറ്റി ഓഫീസില്‍ വൻ വരവേൽപ്പ്

വടകര : അതിരൂക്ഷമായ റെയിൽവേ യാത്രാദുരിതത്തിന് പരിഹാരം കാണണമെന്ന് ആവശ്യപ്പെട്ട് വെൽഫെയർ പാർട്ടി സംസ്ഥാന പ്രസിഡൻ്റ് റസാഖ് പാലേരിയുടെ നേതൃത്വത്തിൽ കാസർകോഡ് മുതൽ പാലക്കാട് വരെ നടത്തുന്ന റെയിൽ പ്രക്ഷോഭ യാത്രക്ക് വടകര റെയിൽവേ സ്റ്റേഷനിൽ സ്വീകരണം നൽകി. വെൽഫെയർ പാർട്ടി ജില്ലാ പ്രസിഡൻ്റ് ടി.കെ.മാധവൻ ഷാൾ അണിയിച്ച് സ്വീകരിച്ചു.&nbsp;
നാദാപുരം, കുറ്റ്യാടി മണ്ഡലം പ്രസിഡന്റ്മാരായ കളത്തിൽ ഹമീദ്, ബഷീർ കുറ്റേരി, വടകര മണ്ഡലം സിക്രട്ടറി മൂസ്സ ഓർക്കാട്ടേരി, എഫ്.ഐ.ടി.യു ജില്ലാ പ്രസിഡൻ്റ് എം.എ.ഖയ്യൂം എന്നിവർ ഹാരാർപ്പണം നടത്തി. കേന്ദ്ര റെയിൽവേ മന്ത്രിക്കുള്ള നിവേദന സമർപ്പണം വടകര മേഖല കൺവീനറും ജില്ലാ കമ്മിറ്റി അംഗവുമായ ഷുഹൈബ് അഴിയൂർ നിർവ്വഹിച്ചു. വടകര റെയിൽവേസ്റ്റേഷൻ പരിസരത്ത് നടന്ന ഒപ്പ് ശേഖരണത്തിന് നദീറ അഹമ്മദ്, ആയിശ നാദാപുരം, എഫ്.എം.അബ്ദുള, ഷാദുലി, സുബേർ കോറോത്ത് എന്നിവർ നേതൃത്വം നൽകി.&nbsp;

വെൽഫെയർ പാർട്ടിയുടെ റെയിൽ പ്രക്ഷോഭ യാത്രക്ക് വടകരയിൽ സ്വീകരണം

ക​ൽ​പ​റ്റ: പ്രി​യ​ങ്ക ഗാ​ന്ധി​ക്കെ​തി​രെ വ​യ​നാ​ട് എ​ൽ.​ഡി.​എ​ഫി​ന് ദേ​ശീ​യ നേ​താ​വി​ല്ല, പ​ക​രം വ​യ​നാ​ട​ൻ പോ​രി​ട​ത്തി​ലെ ശ​ക്ത​ൻ സി.​പി.​ഐ​യു​ടെ സ​ത്യ​ൻ മൊ​കേ​രി. വ​യ​നാ​ടെ​ന്ന യു.​ഡി.​എ​ഫി​ന്റെ പെ​രു​ങ്കോ​ട്ട​യി​ൽ 2014ൽ ​കോ​ൺ​ഗ്ര​സി​ന്റെ എം.​ഐ. ഷാ​ന​വാ​സി​ന്റെ ഭൂ​രി​പ​ക്ഷം കു​ത്ത​നെ കു​റ​ച്ച​യാ​ൾ. മ​ണ്ഡ​ലം നി​ല​വി​ൽ​വ​ന്ന​തി​നു ശേ​ഷം 2009ൽ ​ന​ട​ന്ന തെ​ര​ഞ്ഞെ​ടു​പ്പി​ൽ ഷാ​ന​വാ​സി​​ന്റെ ഭൂ​രി​പ​ക്ഷം 1,53,439 ആ​യി​രു​ന്നു. അ​ന്ന് സി.​പി.​ഐ​യു​ടെ എം. ​റ​ഹ്മ​ത്തു​ല്ല​ക്ക് 2,57,264 വോ​ട്ട് കി​ട്ടി​യ​പ്പോ​ൾ 4,10,703 വോ​ട്ടും​ നേ​ടി​യാ​ണ് ഷാ​ന​വാ​സ് വിജയിച്ചത്. 2014ൽ സ​ത്യ​ൻ മൊ​കേ​രി ക​രു​ത്തു​തെ​ളി​യി​ച്ച് 3,56,165 (28.51 ശ​ത​മാ​നം) വോ​ട്ടു​ക​ൾ നേ​ടി. അ​തോ​ടെ, ഷാ​ന​വാ​സി​ന്റെ ഭൂ​രി​പ​ക്ഷം ഒ​ന്ന​ര​ല​ക്ഷ​ത്തി​ൽ​നി​ന്ന് 20,870ലേ​ക്ക് കൂ​പ്പു​കു​ത്തി. ഷാ​ന​വാ​സി​ന് കി​ട്ടി​യ​ത് 3,77,035 (30.18 ശ​ത​മാ​നം) വോ​ട്ട്.
​സത്യ​ൻ മൊ​കേ​രി നി​ല​വി​ൽ സി.​പി.​ഐ കേ​ന്ദ്ര ക​ൺ​ട്രോ​ൾ ക​മീ​ഷ​ൻ സെ​ക്ര​ട്ട​റി​യാ​ണ്. നാ​ദാ​പു​രം എം.​എ​ൽ.​എ, സി.​പി.​ഐ സം​സ്ഥാ​ന അ​സി. സെ​ക്ര​ട്ട​റി, കി​സാ​ൻ സ​ഭ സം​സ്ഥാ​ന സെ​ക്ര​ട്ട​റി, ക​ടാ​ശ്വാ​സ ക​മീ​ഷ​ൻ ചെ​യ​ർ​മാ​ൻ തു​ട​ങ്ങി​യ സ്ഥാ​ന​ങ്ങ​ൾ വ​ഹി​ച്ചു. മു​ൻ ഭ​ക്ഷ്യ​ഭ​ദ്ര​ത ക​മീ​ഷ​ൻ ചെ​യ​ർ​മാ​നും കേ​ര​ള മ​ഹി​ള സം​ഘം സം​സ്ഥാ​ന പ്ര​സി​ഡ​ന്റു​മാ​യ അ​ഡ്വ. പി. ​വ​സ​ന്ത​മാ​ണ് ഭാ​ര്യ. കു​വൈ​ത്തി​ൽ മെ​ക്കാ​നി​ക്ക​ൽ എ​ൻ​ജി​നീ​യ​റാ​യ അ​ച്യു​ത് മ​ക​നും കാ​ര്യ​വ​ട്ടം കാ​മ്പ​സി​ൽ ഗ​വേ​ഷ​ക​യാ​യ ആ​ർ​ഷ മ​ക​ളു​മാ​ണ്.&nbsp;

പ്രി​യ​ങ്ക ഗാ​ന്ധി​യെ നേരിടാൻ സത്യൻ മൊകേരി; വയനാടൻ പോരിടത്തിലെ ശക്തൻ

വടകര: വടകര പോലീസ് സ്റ്റേഷന്‍ പരിധിയില്‍ ചോറോട് പുഞ്ചിരിമില്ലില്‍ യാത്രക്കാരിയെ ട്രെയിനില്‍ നിന്ന് വീണു മരിച്ച നിലയില്‍ കണ്ടെത്തി. കഴിഞ്ഞ ദിവസം ഇന്റര്‍സിറ്റിയില്‍ നിന്നും തെറിച്ചു വീണ ഇവരെ തിരിച്ചറിഞ്ഞിട്ടില്ല. 50 വയസ് തോന്നിക്കുന്നു. വലതുകൈത്തണ്ടയില്‍ പച്ചകുത്തിയിട്ടുണ്ട്. വടകര പോലീസ് ഇന്‍ക്വസ്റ്റ് ചെയ്ത മൃതദേഹം പോസ്റ്റ്‌മോര്‍ട്ടത്തിനു ശേഷം കോഴിക്കോട് മെഡിക്കല്‍ കോളജ് മോര്‍ച്ചറിയില്‍ സൂക്ഷിച്ചിരിക്കുകയാണ്.

വടകര ചോറോട് യാത്രക്കാരി ട്രെയിനില്‍ നിന്ന് വീണ് മരിച്ച നിലയില്‍

വയനാട് : ലോക്സഭ മണ്ഡലത്തിലെ യു.ഡി.എഫ് സ്ഥാനാർഥി പ്രിയങ്ക ഗാന്ധി 23ന് നാമനിര്‍ദേശ പത്രിക സമര്‍പ്പിക്കും. ലോക്‌സഭാ പ്രതിപക്ഷ നേതാവും സഹോദരനുമായ രാഹുല്‍ ഗാന്ധിയും കേരളത്തിലെ നേതാക്കളും പ്രിയങ്കക്കൊപ്പമുണ്ടാകും.
തുടര്‍ന്ന് വയനാട്ടില്‍ റോഡ് ഷോയുമുണ്ടായിരിക്കും. ഏഴ് ദിവസം വയനാട്ടില്‍ പ്രിയങ്കയുടെ പര്യടനമുണ്ടായിരിക്കുമെന്ന് കോൺഗ്രസ് വൃത്തങ്ങൾ അറിയിച്ചു.യു.ഡി.എഫ് നേതൃയോഗത്തില്‍ പ്രാഥമിക പ്ലാന്‍ തയാറായിട്ടുണ്ട്. എല്ലാ പഞ്ചായത്തുകളിലും അയൽക്കൂട്ട യോഗങ്ങൾ സംഘടിപ്പിക്കും. അടുത്ത മാസം 13നാണ് ഉപ തെരഞ്ഞെടുപ്പ് നടക്കുന്നത്.

വയനാടിന്റെ പ്രിയങ്കരിയാവാൻ ഇന്ദിരയുടെ കൊച്ചുമകൾ;23ന് നാമനിര്‍ദേശ പത്രിക സമര്‍പ്പിക്കും

പാലക്കാട്: നിയമസഭ ഉപതിരഞ്ഞെടുപ്പില്‍ കോണ്‍ഗ്രസ് പുറത്താക്കിയ പി. സരിന്‍ എല്‍.ഡി.എഫ് സ്ഥാനാര്‍ഥിയാകും. സി.പി.എം ജില്ലാ സെക്രട്ടേറിയേറ്റ് സരിന്റെ പേര് ഐകകണ്‌ഠ്യേന പാസാക്കി. സരിന്‍ മത്സരിച്ചാല്‍ കോണ്‍ഗ്രസ് വോട്ടുകള്‍ വരെ ചോര്‍ത്താന്‍ കഴിയുമെന്ന വിലയിരുത്തലും സെക്രട്ടേറിയേറ്റിലുണ്ടായി. ജില്ലാ കമ്മറ്റിയിലും അവതരിപ്പിച്ച ശേഷമാകും ഔദ്യോഗിക പ്രഖ്യാപനം. പാര്‍ട്ടി ചിഹ്നമില്ലാതെ ഇടത് സ്വതതന്ത്രനായാകും മത്സരിക്കുക.
പാലക്കാട് ബി.ജെ.പിയെ ജയിപ്പിക്കാന്‍ വേണ്ടുന്ന സകല ഡീലും ഉറപ്പിച്ച് വച്ചിരിക്കുന്നവരോടുള്ള മറുപടിയാണ് തന്റെ സ്ഥാനാര്‍ഥിത്വമെന്ന് സരിന്‍ പറഞ്ഞു. "ഇടത് സ്ഥാനാര്‍ഥിയാകാനുള്ള ലക്ഷ്യം വിദൂരതയില്‍ പോലുമില്ലായിരുന്നു. രാഷ്ട്രീയ സാഹചര്യങ്ങള്‍ അതിലേക്ക് നയിച്ചതാണ്. മൂന്നാം സ്ഥാനത്ത് നിന്ന് എല്‍.ഡി.എഫിനെ ഒന്നാം സ്ഥാനത്തെത്തിക്കും. കോണ്‍ഗ്രസിന്റെ രാഷ്ട്രീയ അധഃപതനത്തെ അടയാളപ്പെടുത്തുന്ന തിരഞ്ഞെടുപ്പായിരിക്കും ഇതെന്നും സരിൻ പറഞ്ഞു.

പാലക്കാട് സരിന്‍ തന്നെ എല്‍.ഡി.എഫ് സ്ഥാനാര്‍ഥിയെന്ന് ജില്ലാ സെക്രട്ടറിയേറ്റ്

വടകര: ദേശീയപാതയില്‍ പുതുപ്പണം കോട്ടക്കടവില്‍ ബൈക്കിൽ ലോറിയിടിച്ച് ഒരു മരണം. മണിയൂര്‍ കരുവഞ്ചേരിയിലെ കെ.എസ്.അബ്ദുള്ളയാണ് (58) മരിച്ചത്. രാവിലെ ചോമ്പാലില്‍ നിന്ന് മത്സ്യവുമായി മണിയൂരിലേക്ക് പോകുമ്പോള്‍ എതിരെ വന്ന ലോറി ബൈക്കിൽ ഇടിക്കുകയായിരുന്നു. വര്‍ഷങ്ങളായി മേഖലയിൽ മത്സ്യവില്‍പന നടത്തുന്നയാളാണ്. മൃതദേഹം ജില്ലാ ആശുപത്രി മോര്‍ച്ചറിയിലേക്ക് മാറ്റി.
&nbsp;

വടകര കോട്ടക്കടവില്‍ ബൈക്കിൽ ലോറിയിടിച്ച് മണിയൂർ സ്വദേശി മരിച്ചു

പാലക്കാട് : പാലക്കാട് മണ്ഡലത്തിൽ വീണ്ടും ട്വിസ്റ്റ്. ബി.ജെ.പി സംസ്ഥാന പ്രസിഡന്റ് കെ. സുരേന്ദ്രനെ തന്നെ സ്ഥാനാര്‍ഥിയാക്കാനുള്ള സാധ്യതയാണ് ഇപ്പോള്‍ തെളിയുന്നത്. സംസ്ഥാന ജനറല്‍ സെക്രട്ടറി സി. കൃഷ്ണകുമാറിന്റെയും ശോഭ സുരേന്ദ്രന്റെയും പേരുകള്‍ സജീവമായി തന്നെയുണ്ടെങ്കിലും നിലവില്‍ സുരേന്ദ്രന്റെ പേരിനാണ് മുന്‍തൂക്കമെന്നാണ് ബി.ജെ.പി വൃത്തങ്ങള്‍ നല്‍കുന്ന സൂചന.
ബിജെപിയുടെ രീതി അനുസരിച്ച് പാര്‍ലമെന്ററി ബോര്‍ഡാണ് സ്ഥാനാര്‍ത്ഥികളെ പ്രഖ്യാപിക്കുക. സംസ്ഥാന ജനറല്‍ സെക്രട്ടറി സി. കൃഷ്ണകുമാറിന്റെ പേരിനായിരുന്നു തുടക്കത്തില്‍ മുന്‍തൂക്കമുണ്ടായിരുന്നത്. എന്നാല്‍ നഗരത്തില്‍ പാര്‍ട്ടിയുമായി ഇടഞ്ഞുനില്‍ക്കുന്ന ചില സമുദായങ്ങളെ അനുനയിപ്പിക്കാന്‍ പൊതുസമ്മതനായ സ്ഥാനാര്‍ഥി വേണമെന്ന ആവിശ്യം ശക്തമാണ്. ഇതാണ് സംസ്ഥാന പ്രസിഡന്റായ കെ. സുരേന്ദ്രനിലേക്ക് സ്ഥാനാര്‍തി ചര്‍ച്ചകള്‍ എത്താനുള്ള കാരണം.സംസ്ഥാന തലത്തില്‍ ഉറ്റുനോക്കുന്ന തിരഞ്ഞെടുപ്പായതിനാല്‍ സംസ്ഥാന പ്രസിഡന്റിനെ തന്നെ മത്സരിപ്പിക്കട്ടെ എന്ന നിലപാടാണ് കേന്ദ്ര നേതൃത്വത്തിനുമുള്ളത്.&nbsp;

പാലക്കാട് വീണ്ടും ട്വിസ്റ്റ്;കെ.സുരേന്ദ്രന്‍ ബിജെപി സ്ഥാനാര്‍ഥിയായേക്കും

പട്ന: ബിഹാറിലെ സിവാൻ, സരൺ ജില്ലകളിലുണ്ടായ വ്യാജമദ്യദുരന്തത്തിൽ 25 പേർ മരിച്ചു. 49 പേർ ചികിത്സയിൽ. മദ്യത്തിൽ മീഥൈയിൽ ആൽക്കഹോൾ കലർത്തിയതാണ് ദുരന്തത്തിലേക്ക് നയിച്ചതെന്നാണ് പ്രാഥമിക വിവരം.
സംഭവത്തിൽ, ബിഹാർ‌ മുഖ്യമന്ത്രി നിതീഷ് കുമാർ ഉന്നതതല അവലോകന യോ​ഗം നടത്തി. ഉന്നത ഉദ്യോ​ഗസ്ഥരോട് സ്ഥലം സന്ദർശിക്കാൻ മുഖ്യമന്ത്രി ആവശ്യപ്പെട്ടിട്ടുണ്ട്. സംഭവത്തിൽ 25 പേരെ അറസ്റ്റ് ചെയ്തു. രണ്ട് അന്വേഷണ സംഘങ്ങളായാണ് അന്വേഷണം പുരോ​ഗമിക്കുന്നത്. അടുത്ത കാലത്തുണ്ടായ ഇത്തരം ദുരന്തങ്ങളെക്കുറിച്ച് പരിശോധിക്കുമെന്നും അദ്ദേഹം കൂട്ടിച്ചേർത്തു.
ദുരന്തത്തിന് പിന്നാലെ സർക്കാരിനെതിരേ രൂക്ഷവിമർശനവുമായി പ്രതിപക്ഷം രം​ഗത്തെത്തി. മദ്യപാനവുമായി ബന്ധപ്പെട്ട് സംസ്ഥാനത്ത് മരണങ്ങൾ വർധിക്കുന്നതായി പ്രതിപക്ഷം ചൂണ്ടിക്കാട്ടി.സംഭവത്തിൽ അനുശോചനം രേഖപ്പെടുത്താൻ പോലും നിതീഷ് കുമാർ തയ്യാറായില്ലെന്ന് പ്രതിപക്ഷനേതാവ് തേജസ്വി യാദവ് പറഞ്ഞു.&nbsp;

മദ്യനിരോധനം നടപ്പാക്കിയ ബിഹാറിൽ വ്യാജമദ്യദുരന്തം: 25 മരണം,നിരവധിപേർ ചികിത്സയിൽ

ബിഹാറിലെ സിവാൻ ജില്ലയിൽനിന്ന് |

National

നാദാപുരം: എയിഡഡ് മേഖലയിലെ പ്രധാനാധ്യാപകരുടെ സെൽഫ് ഡ്രോയിംഗ് പദവി എടുത്തു മാറ്റിയതിൽ പ്രതിഷേധിച്ച് ഹെഡ്മാസ്റ്റർമാർ പ്രത്യക്ഷ സമരം ആരംഭിച്ചു. ആദ്യഘട്ടം എന്ന നിലയിൽ ഉപജില്ലാ ഓഫീസിന് സമീപം ധർണ്ണ സമരം നടത്തി. നാദാപുരത്ത് കെ.എ ടി.എഫ് സംസ്ഥാന ജനറൽ സെക്രട്ടറി എം.എ ലത്തീഫ് ഉദ്ഘാടനം ചെയ്തു.&nbsp;
ഉപജില്ലാ പ്രസിഡണ്ട് എ.റഹിo അധ്യക്ഷത വഹിച്ചു. വിവിധ അധ്യാപക സംഘടനാ പ്രതിനിധികളായ പി.രഞ്ജിത് കുമാർ, മണ്ടോടി ബഷീർ, ലിഗേഷ്, പി.അബ്ദുൾ ബഷീർ, കെ.കെ.സാബു, ജമീല എന്നിവർ പ്രസംഗിച്ചു. സെക്രട്ടറി പി.പ്രശാന്ത് കുമാർ സ്വാഗതവും പി കെ ഷെർലി നന്ദിയും പറഞ്ഞു.

സെൽഫ് ഡ്രോയിംഗ് പദവി എടുത്തു മാറ്റിയതിൽ പ്രതിഷേധവുമായി പ്രധാനാധ്യാപകർ

കക്കട്ടിൽ: കുന്നുമ്മൽ ഗ്രാമ പഞ്ചായത്ത് മുൻ വൈസ് പ്രസിഡൻ്റും മാതൃഭൂമി ലേഖകനും കോൺഗ്രസ് നേതാവുമായിരുന്ന എം. എം നാരായണൻ നമ്പ്യാരുടെ സ്മരണക്കായി സ്കൂളിന് പഠനോപകരണങ്ങൾ നൽകി. നമ്പ്യാരുടെ 27-ാം ചരമവാർഷികത്തോടുനുബന്ധിച്ച് കൂടുംബ ട്രസ്റ്റാണ് ചേലക്കാട് എൽ.പി. സ്കൂളിന് പഠനോപകരണങ്ങൾ നൽകിയത്. ട്രസ്റ്റ് ചെയർമാൻ എം.എം. ശ്രീനിവാസനിൽ നിന്ന് പ്രധാനാദ്ധ്യാപിക ലില്ലി കോച്ചേരി പഠനോപകരണങ്ങൾ ഏറ്റുവാങ്ങി.&nbsp;
പി.ടി.എ. പ്രസിഡൻ്റ് വി. കെ. സജു അധ്യക്ഷത വഹിച്ചു. വാർഡ് മെമ്പർ എ.കെ. ബിജിത്ത്, മദർ പി.ടി.എ പ്രസി രഹിന, മാനേജ്മെൻ്റ് പ്രതിനിധി കെ. കുമാരൻ, അധ്യാപിക ടി.കെ. ഫൗസ്യ എന്നിവർ പ്രസംഗിച്ചു. കു ടുംബാംഗങ്ങളായ ഏലിയാറ ആനന്ദൻ, ഇ പ്രകാശൻ എന്നിവർ സംബന്ധിച്ചു.

എം എം നമ്പ്യാരുടെ സ്മരണ; സ്കൂളിന് പഠനോപകരണങ്ങൾ നൽകി

മണിയൂർ : പ്രായപൂർത്തിയാകാത്ത പെൺകുട്ടിക്കെതിരെ ലൈംഗികാതിക്രമം നടത്തിയ വയോധികൻ റിമാൻ്റിൽ. മണിയൂർ കുന്നത്തുകര മീത്തലെ പൊട്ടൻ കണ്ടി രാജൻ (61) നെയാണ് കോടതി റിമാൻ്റ് ചെയ്തത്. വ്യാഴാഴ്ചയാണ് ഇയാളെ പയ്യോളി പോലീസ് അറസ്റ്റ് ചെയ്തത്.
ചൊവ്വാഴ്ചയാണ് ഇയാൾ പെൺകുട്ടിക്കെതിരെ ലൈംഗികാതിക്രമം നടത്തിയത്. ബന്ധുക്കളുടെ പരാതിയിൽ പോലീസ് കേസെടുത്തിരുന്നു. ഇതേ തുടർന്ന് രാജൻ അറസ്റ്റിലാവുകയായിരുന്നു. ഇയാൾക്കെതിരെ നേരത്തേയും പോക്സോ കേസ് ചുമത്തപ്പെട്ടിട്ടുണ്ട്. ബുദ്ധിമാന്ദ്യമുള്ള പെൺകുട്ടിക്കെതിരെ ലൈംഗികാതിക്രമം നടത്തിയതിനാണ് നേരത്തേ അറസ്റ്റിലായത്. ഈ കേസിൽ ശിക്ഷിക്കപ്പെട്ട ഇയാൾ ഹൈക്കോടതിയിൽ അപ്പീൽ നൽകിയിരുന്നു.

പ്രായപൂർത്തിയാകാത്ത പെൺകുട്ടിക്കെതിരെ ലൈംഗികാതിക്രമം; മണിയൂർ സ്വദേശി റിമാന്റിൽ

പാലക്കാട് : പാലക്കാട് ഉപതിരഞ്ഞെടുപ്പില്‍ സ്ഥാനാര്‍ത്ഥിയെ ഔദ്യോഗികമായി പ്രഖ്യാപിക്കുമെന്ന് സി.പി.എം. നേതാവ് എ.കെ.ബാലന്‍.ഔപചാരിക പ്രഖ്യാപനം പാര്‍ട്ടിയുടെ സംസ്ഥാന സെക്രട്ടറി പ്രഖ്യാപിക്കും. നേതൃയോഗങ്ങള്‍ക്ക് ശേഷമായിരുക്കും പ്രഖ്യാപനം. നിരവധി സ്വതന്ത്ര സ്ഥാനാര്‍ത്ഥികളും പാര്‍ട്ടി സ്ഥാനാര്‍ത്ഥികളും മുന്നിലുണ്ട്. അതിനെക്കുറിച്ച് വിവിധതട്ടുകളില്‍ പരിശോധിച്ച് ഉചിതമായ തീരുമാനമെടുക്കും. അതാണ് പാര്‍ട്ടിയുടെ ഘടനയുടെ നടപടിക്രമമെന്നും അദ്ദേഹം പറഞ്ഞു.
സ്ഥാനാര്‍ഥിയെ സ്വീകരിക്കുന്നതില്‍ നടപടിക്രമമുണ്ട്. അതിനെക്കുറിച്ച് സെക്രട്ടറിയേറ്റ് ചര്‍ച്ച ചെയ്യും.അതിനുശേഷം സംസ്ഥാനകമ്മിറ്റിയ്ക്ക് അയക്കും. സംസ്ഥാനകമ്മിറ്റി പരിശോധിച്ച് ആവശ്യമായ മാറ്റങ്ങള്‍ നിര്‍ദ്ദേശിക്കും. വീണ്ടും കമ്മിറ്റി ചേര്‍ന്ന് പ്രപ്പോസല്‍ അയക്കും.
ഞെട്ടിപ്പിക്കുന്ന വാര്‍ത്തയാണ് സരിന്റെ ഭാഗത്ത് നിന്നുണ്ടായിട്ടുള്ളത്. അത് ഗൗരവമായി സമൂഹം ചര്‍ച്ച ചെയ്യണം.എങ്ങനെയാണ് വടകര ഡീല്‍ നടന്നതെന്ന് വ്യക്തമല്ല. വടകരയില്‍ ലോക്‌സഭതിരഞ്ഞെടുപ്പുമായി ബന്ധപ്പെട്ട് ബി.ജെ.പി.ക്കാരുടെ വീട്ടില്‍ പോയിക്കഴിഞ്ഞാല്‍ ഞങ്ങള്‍ ഷാഫിയ്ക്കാണ് വോട്ട് ചെയ്യുന്നതെന്ന് പറയും. അതിന് പ്രത്യുപകാരമായി പാലക്കാട് ജില്ലയില്‍ ഞങ്ങള്‍ക്ക് ഗുണം കിട്ടുമെന്ന് ബി.ജെ.പിക്കാരുടെ വീട്ടില്‍ സ്ത്രീകള്‍ വരെ അടക്കം പറഞ്ഞിട്ടുണ്ട്.
സരിന്റെ വെളിപ്പെടുത്തല്‍ ഗുരുതരമായ പ്രശ്‌നമാണ്. എങ്ങനെയാണ് എല്‍.ഡി.എഫിനേയും ഗവണ്‍മെന്റിനേയും പിണറായി വിജയനേയും ഒറ്റപ്പെടുത്താന്‍ ആര്‍.എസ്.എസും ബി.ജെ.പിയുമായി ഇവര്‍ ഡീല്‍ നടത്തിയതിനുള്ള ഏറ്റവും വലിയ തെളിവാണ് സരിന്റെ ഭാഗത്ത് നിന്നുണ്ടായത്.സംഘടനാപരമായും രാഷ്ടീയപരമായും യു.ഡി.എഫില്‍ നിന്ന് മാറാന്‍ സരിൻ നിര്‍ബന്ധിക്കപ്പെട്ടത് എങ്ങനെയാണെന്നുള്ളതിന്റെ ഞെട്ടിപ്പിക്കുന്ന വാര്‍ത്തയാണ് ഇന്നലെ വന്നിട്ടുള്ളത്. വടകരയിലെ കാര്യം ഞങ്ങള്‍ക്ക് നേരെത്തെയറിയാമായിരുന്നു. സരിന്‍ പറയാതെ തന്നെയറിയാമായിരുന്നു. വടകരയിലെ ബി.ജെ.പിക്കാരന്റെ വീട്ടില്‍ വിളിച്ചുചോദിച്ചാല്‍ ആര്‍ക്കാണ് വോട്ട് ചോദിച്ചതെന്ന് അറിയാന്‍ കഴിയും. വലിയൊരു ഗൂഡാലോചന നടന്നതായി ഞങ്ങള്‍ പറഞ്ഞിരുന്നു". ഇപ്പോള്‍ അതിന്റെ രഹസ്യത്തിന്റെ ഉള്ളറകളിലെ കാവല്‍ഭടന്‍ ആണ് സരിനെന്നും അദ്ദേഹം പറഞ്ഞു.

രഹസ്യത്തിന്റെ കാവല്‍ഭടനാണ് സരിന്‍; സ്ഥാനാര്‍ത്ഥിയെ ഔദ്യോഗികമായി പ്രഖ്യാപിക്കുമെന്ന് എ.കെ.ബാലന്‍

അരൂർ: തയ്യുള്ളതിൽ കുമാരൻ ( 76) അന്തരിച്ചു. ഭാര്യ : മൈഥിലി. മക്കൾ: ഷൈജു, ഷാജി, ഷൈമ. മരുമക്കൾ: രമ്യ (അഴിയൂർ), ജിൻഷി (തോടന്നൂർ) , പരേതനായ ബാബു (ഒളവിലം). സഹോദരങ്ങൾ: ലീല, (വളയം). ജാനു (തിരുവള്ളൂർ).

അരൂർ തയ്യുള്ളതിൽ കുമാരൻ അന്തരിച്ചു

സ്വര്‍ണ വിലയില്‍ വീണ്ടും കുതിപ്പ്. വെള്ളിയാഴ്ച രേഖപ്പെടുത്തിയത് സമീപ കാലത്തെ ഏറ്റവും വലിയ വര്‍ധന. പവന്റെ വില 640 രൂപ ഉയര്‍ന്ന് 57,920 രൂപയായി. 80 രൂപ കൂടി വര്‍ധിച്ചാല്‍ 58,000 രൂപയിലെത്തും. കഴിഞ്ഞ ദിവസം 57,280 രൂപയായിരുന്നു വില. 1720 രൂപയാണ് എട്ട് ദിവസത്തിനിടെ വര്‍ധിച്ചത്. ഗ്രാമിന്റെ വിലയാകട്ടെ 7240 രൂപയുമായി.
രാജ്യത്തെ കമ്മോഡിറ്റി വിപണിയായ എംസിഎക്‌സിലും സമാനമായ വിലവര്‍ധനവുണ്ടായി. 10 ഗ്രാം 24 കാരറ്റ് സ്വര്‍ണത്തിന്റെ വില റെക്കോഡ് നിലവാരമായ 77,641 രൂപയിലെത്തി.ആഗോള വിപണിയില്‍ സ്‌പോട് ഗോള്‍ഡ് വിലയാകട്ടെ ട്രോയ് ഔണ്‍സിന് 2,696.59 ഡോളറിലാണ്. യുഎസ് പ്രസിഡന്റ് തിരഞ്ഞെടുപ്പ് ഫലം സംബന്ധിച്ച ഊഹോപോഹങ്ങളാണ് ആഗോള വിപണിയിലെ പെട്ടെന്നുള്ള വില വര്‍ധനവിന് കാരണം.

എന്നാലുമെന്റെ പൊന്നേ...! സ്വർണവിലയിൽ വൻ വർധന;പവന് 640 രൂപ കൂടി 57,920 രൂപയായി

ആലുവ: ജിം ട്രെയിനറെ വാടക വീട്ടിൽ മരിച്ച നിലയിൽ കണ്ടെത്തി. ആലുവ ചുണങ്ങംവേലിയിലാണ് സംഭവം. കണ്ണൂർ സ്വദേശിയായ സാബിത്തിനെയാണ് വീട്ടുമുറ്റത്ത് മരിച്ച നിലയിൽ കണ്ടെത്തിയത്. കൊലപാതകമാണെന്ന സംശയത്തിൽ നടത്തിയ അന്വേഷണത്തിൽ മണിക്കൂറുകൾക്കുള്ളിൽ പ്രതിയെ പൊലീസ് പിടിക്കൂടി.&nbsp;
ചുണങ്ങുംവേലിയിൽ ഫിറ്റ്‌നെസ് സെന്റർ നടത്തുന്ന കൃഷ്ണ പ്രതാപാണ് പിടിയിലായത്. സാബിത്തിനെ കൊന്നശേഷം ബന്ധുവീട്ടിൽ ഒളിവിൽ കഴിയുകയായിരുന്നു കൃഷ്ണ പ്രതാപ്.ജിം നടത്തിപ്പുക്കാരനായ കൃഷ്ണ പ്രതാപിന്റെ കൂടെയാണ് സാബിത്ത് ജോലി ചെയ്തിരുന്നത്. സാമ്പത്തിക ഇടപാടുകളെ ചൊല്ലി ഇരുവരും തമ്മിൽ തർക്കമുണ്ടായിരുന്നുവെന്നും ഇതാണ് കൊലപാതകത്തിൽ കലാശിച്ചതെന്നും പൊലീസ് പറയുന്നു. എടത്തല പൊലീസാണ് അന്വേഷണം നടത്തുന്നത്. സംഭവത്തിന്റെ കൂടുതൽ വിവരങ്ങൾ പുറത്തുവന്നിട്ടില്ല.

ജിം ട്രെയിനറെ വാടക വീട്ടിൽ മരിച്ച നിലയിൽ കണ്ടെത്തി

വടകര: വടകരയില്‍ ട്രെയിനിറങ്ങിയ ഇതര സംസ്ഥാനക്കാരില്‍ നിന്ന് 10.3 കിലോ കഞ്ചാവ് പിടികൂടി. സംഭവവത്തിൽ രണ്ടു പേര്‍ അറസ്റ്റില്‍. ഒറീസ ബാരപുഡ്ഗിയ സ്വദേശി റോഷന്‍ മെഹര്‍ (27), ജാര്‍ഖണ്ഡ് ജംഷഡ്പൂര്‍ സ്വദേശി ജയ സറഫ് (33) എന്നിവരാണ് പിടിയിലായത്. രാവിലെ ചെന്നൈയില്‍ നിന്നെത്തിയ ട്രെയിനില്‍ വടകരയിലിറങ്ങിയ ഇവരെ പോലീസ് കഞ്ചാവുമായി പിടികൂടുകയായിരുന്നു. വടകര പോലീസും ഡാന്‍സാഫും ചേര്‍ന്നാണ് ഇവരെ അറസ്റ്റ് ചെയ്തത്.
റൂറല്‍ എസ്പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പ്രതികളെ പിടികൂടിയത്. വടകര ഖേലയില്‍ വിതരണം ചെയ്യുന്നതിനു വേണ്ടിയാണ് ഇവര്‍ എത്തിയത്. ഇത്രയേറെ കഞ്ചാവ് ഒന്നിച്ച് പിടികൂടുന്നത് അപൂര്‍വമാണ്. എസ്‌ഐമാരായ രഞ്ജിത്ത്, എസ്‌ഐ ബിജു വിജയന്‍, ഡാന്‍സാഫ് എസ്‌ഐ മനോജ് രാമത്ത്, എഎസ്‌ഐമാരായ ഷാജി, ബിനീഷ്, സിപിഒമാരായ ശോഭിത്, അഖിലേഷ് എന്നിവരടങ്ങിയ സംഘമാണ് പ്രതികളെ പിടികൂടാനുണ്ടായിരുന്നത്.

വടകരയില്‍ ട്രെയിന്‍ യാത്രക്കാരിൽ നിന്ന് 10 കിലോ കഞ്ചാവ് പിടികൂടി

പത്തനംതിട്ട: കണ്ണൂർ ജില്ലാ പഞ്ചായത്ത് പ്രസിഡന്റ് സ്ഥാനത്തുനിന്ന് പി പി ദിവ്യയെ നീക്കിയതിൽ ഭാഗികമായ ആശ്വാസമുണ്ടെന്ന് ആത്മഹത്യ ചെയ്ത കെ നവീൻ ബാബുവിന്റെ സഹോദരൻ പ്രവീൺ ബാബു. അന്വേഷണം മുന്നോട്ട് പോകണമെന്നും ജില്ലാ പഞ്ചായത്ത് പ്രസിഡന്റ് സ്ഥാനത്തുനിന്ന് ദിവ്യ മാറിയപ്പോൾ സ്വാധീനത്തിൽ ചെറിയ കുറവുണ്ടാകുമെന്ന ആശ്വാസം മാത്രമേയുള്ളൂവെന്നും അദ്ദേഹം പറഞ്ഞു.
അതേസമയം, പെട്രോൾ പമ്പിന് എൻ ഒ സി നൽകിയതിൽ എ ഡി എം നവീൻ ബാബുവിന് വീഴ്ചയുണ്ടായിട്ടില്ലെന്ന് കണ്ണൂർ ജില്ലാ കളക്ടറുടെ കണ്ടെത്തൽ. ഒരാഴ്ച കൊണ്ടാണ് എൻ ഒ സി ഫയൽ തീർപ്പാക്കിയത്. ടൗൺ പ്ലാനർ റിപ്പോർട്ട് നൽകി ആറ് പ്രവൃത്തി ദിവസത്തിനുള്ളിൽ എൻ ഒ സി ഫയൽ നൽകി

പി പി ദിവ്യയെ നീക്കിയതിൽ ഭാഗികമായ ആശ്വാസം ;അന്വേഷണം മുന്നോട്ട് പോകണമെന്നും നവീനിന്റെ സഹോദരൻ

പാലക്കാട്: മൂന്നാം പിണറായി സർക്കാരിന് സാധ്യതയുണ്ടെന്ന് ഡോ. പി സരിൻ. രാഷ്ട്രീയ കാഴ്ചപ്പാടിലാണ് മുമ്പ് സി പി എമ്മിനെ വിമർശിച്ചതെന്നും താൻ പാർട്ടി മാറിയത് ശരിയായ തീരുമാനമാണെന്ന് ജനങ്ങൾ മനസിലാക്കുമെന്നും അദ്ദേഹം ഒരു മാധ്യമത്തോട് പറഞ്ഞു.
'ആർക്ക് ആരോടാണ് ഡീലെന്ന് ജനങ്ങൾ തീരുമാനിക്കും. എന്റെ പ്രതികരണം ചില ഇരിപ്പിടങ്ങളെ ഇളക്കിയിട്ടുണ്ട്. എന്റെ രാഷ്ട്രീയ ദൗത്യം അന്തസോടെ നിർവഹിക്കാൻ കിട്ടുന്ന ഒരവസരമായിട്ടാണ് ഇതിനെ കാണുന്നത്. ഇടതുപക്ഷത്തോട് ചേർന്ന് നിന്ന് എങ്ങനെയാണ് മൂന്നാം എൽ ഡി എഫ് സർക്കാർ അവതരിപ്പിക്കേണ്ടതെന്ന വലിയ രാഷ്ട്രീയ ദൗത്യത്തിന്റെ ഭാഗമാകാനാണ് ഞാൻ പോകുന്നത്. അതൊരു ചലഞ്ചിംഗ് റോളായിട്ടാണ് കാണുന്നത്.&nbsp;
കോൺഗ്രസ് എന്ത് പറഞ്ഞ് വോട്ട് ചോദിക്കും. സി പി എം മോശമാണെന്ന് മാത്രമല്ലേ അവർക്ക് പറയാനുള്ളൂ. ഈ പറച്ചിലിന് എന്താണ് മാനദണ്ഡമായി നൽകാനുള്ളത്.'- സരിൻ ചോദിച്ചു.സഖാവ് എന്ന വിളി കേട്ടുതുടങ്ങിയെന്നും അതിൽ സന്തോഷമുണ്ടെന്നും സരിൻ പറഞ്ഞു.ഭാര്യ സൗമ്യയ്‌ക്കെതിരായ സൈബർ ആക്രമണം ദൗർഭാഗ്യകരമാണെന്നും അദ്ദേഹം കൂട്ടിച്ചേർത്തു.

സഖാവ് എന്ന വിളി കേൾക്കുമ്പോൾ സന്തോഷം ;മൂന്നാം പിണറായി സർക്കാരിന് സാധ്യതയുണ്ടെന്നും പി സരിൻ

സി.പി.എമ്മിന്റെ കണ്ണൂരിലെ ഭാവി മുഖങ്ങളിലൊന്നായിരുന്നു ഇന്നലെ രാജിവെച്ച ജില്ലാ പഞ്ചായത്ത് പ്രസിഡന്റ്റ് പി.പി ദിവ്യ.വലിയ രാഷ്ട്രീയ ഭാവിയായിരുന്നു ദിവ്യയെ കാത്തിരുന്നത്.എ.ഡി.എം നവീന്‍ ബാബുവിന്റെ യാത്രയയപ്പ് യോഗത്തില്‍ ക്ഷണിക്കപ്പെടാതെയെത്തിയത് മൂലം പി.പി ദിവ്യയുടെ രാഷ്ട്രീയ ഭാവി തന്നെയാണ് ഇല്ലാതായിരിക്കുന്നത്.
ജനിച്ച നാടിന്റെ സ്വാധീനമാണ് ദിവ്യയെ കമ്മ്യൂണിസത്തിലേക്ക് അടുപ്പിച്ചത്. പാര്‍ട്ടി ഗ്രാമത്തിലെ നിരന്തര രാഷ്ട്രീയ ഇടപെടലുകളും നാടകപ്രവര്‍ത്തനായ അച്ഛന്റെ സ്വാധീനവും സഖാക്കളുമായുള്ള ആത്മബന്ധങ്ങളുമെല്ലാം ചെറിയ പ്രായത്തില്‍ തന്നെ ദിവ്യയെ രാഷ്ട്രീയ പ്രവര്‍ത്തനത്തിലേക്ക് എത്തിച്ചു. ഇരിണാവ് എല്‍.പി സ്‌കൂള്‍, കുഞ്ഞിക്കണ്ണന്‍ വൈദ്യര്‍ സ്മാരക മുസ്ലിം യു.പി സ്‌കൂള്‍, ചെറുകുന്ന് ഗേള്‍സ് ഹൈസ്‌കൂള്‍ എന്നിവിടങ്ങളിലായിരുന്നു പ്രാഥമിക വിദ്യാഭ്യാസം.
കണ്ണൂര്‍ കൃഷ്ണമോഹന്‍ സ്മാരക ഗവ. കോളേജില്‍ പ്രീഡിഗ്രിക്ക് ചേര്‍ന്നതോടെയാണ് സജീവ എസ്.എഫ്.ഐ സംഘടനപ്രവര്‍ത്തകയായി ദിവ്യ മാറുന്നത്. പിന്നീട് ബിരുദ പഠനത്തിന് ചേരുമ്പോഴേക്കും കോളേജിന് പുറത്തേക്കും സംഘടനാ പ്രവര്‍ത്തനം വളര്‍ന്നു. എസ്.എഫ്.ഐ കേന്ദ്ര കമ്മറ്റി അംഗവും ഡി.വൈ.എഫ്.ഐ സംസ്ഥാന ഉപഭാരവാഹിയുമായി. ഇപ്പോള്‍ സി.പി.എം കണ്ണൂര്‍ ജില്ല കമ്മറ്റി അംഗവും ജനാധിപത്യ മഹിള അസോസിയേഷന്‍ സംസ്ഥാന നിര്‍വാഹക സമിതി അംഗവുമാണ്. 2005 മുതല്‍ 2010 വരെ ദിവ്യ ചെറുകുന്ന് ഡിവിഷനില്‍ നിന്ന് ജില്ലാ പഞ്ചായത്തംഗമായിരുന്നു. 2010-15 ല്‍ കല്യാശേരി ഡിവിഷനില്‍ നിന്ന് ജയിച്ച് വൈസ് പ്രസിഡന്റായി.
പി.കെ ശ്രീമതിക്കും കെ.കെ ശൈലജയ്ക്കും പി. സതീദേവിക്കും പിന്നാലെ സി.പി.എം വളര്‍ത്തിക്കൊണ്ടുവന്ന നേതാവാണ് ദിവ്യ. ഇവരൊക്കെ എത്തിയ പോലെ തന്നെ എം.എല്‍.എ സ്ഥാനവും മന്ത്രി സ്ഥാനവും പാര്‍ട്ടി സംസ്ഥാന നേതൃത്വവുമെല്ലാം ദിവ്യക്കും പ്രതീക്ഷിച്ചവര്‍ ഏറെയാണ്. ഒരു നിമിഷത്തിന്റെ അപക്വമായൊരു നടപടിയില്‍ ദിവ്യ കാലിടറി വീണിരിക്കുകയാണ്.

നവീന്‍ ബാബുവിന്റെ ആത്മഹത്യാ വാര്‍ത്തയെ തുടര്‍ന്ന് പുറത്ത് വന്ന സി.പി.എം ജില്ലാ സെക്രട്ടേറിയേറ്റിന്റെ പ്രതികരണത്തില്‍ തന്നെ ദിവ്യയെ കൈവിടുകയാണെന്ന സൂചനകള്‍ വ്യക്തമായിരുന്നു. അഴിമതിക്കെതിരായ സദുദ്ദേശ്യ വിമര്‍ശനമാണ് ജില്ലാ പഞ്ചായത്ത് പ്രസിഡന്റ് നടത്തിയതെങ്കിലും യാത്രയയപ്പ് യോഗത്തിലെ നടപടികള്‍ ഒഴിവാക്കാമായിരുന്നുവെന്ന നിലപാടാണ് പാര്‍ട്ടി സ്വീകരിച്ചത്.&nbsp;

സി.പി.എമ്മിന്റെ ഭാവി മുഖങ്ങളിലൊന്നാന്ന് ;പടിയിറങ്ങുന്നത് പാര്‍ട്ടി വളര്‍ത്തികൊണ്ടുവന്ന യുവനേതാവ്

പാലക്കാട് : ഡോ.പി സരിന്റെ ഭാര്യയും ശിശുരോഗ വിദഗ്ധയുമായ ഡോ. സൗമ്യക്കു നേരെ സൈബര്‍ ആക്രമണം.ഉപതിരഞ്ഞെടുപ്പില്‍ സ്ഥാനാര്‍ഥി നിര്‍ണയത്തെച്ചൊല്ലിയുണ്ടായ തര്‍ക്കത്തെത്തുടര്‍ന്ന് കോണ്‍ഗ്രസ്സില്‍ നിന്നും അച്ചടക്ക നടപടിക്ക് വിധേയനാവുകയും പാര്‍ട്ടി വിടുകയും ചെയ്ത സരിന്റെ രാഷ്ട്രീയ നിലപാടുകളുമായി കോര്‍ത്തിണക്കിക്കൊണ്ടാണ് ഡോ. സൗമ്യ സരിന്റെ ഫേസ്ബുക് പേജില്‍ ആളുകള്‍ കമന്റിടുന്നത്. സൈബർ ആക്രമണത്തിനെതിരേ കുറിപ്പുമായി സൗമ്യ രം​ഗത്തെത്തുകയും ചെയ്തു.
ഫേസ്ബുക് പോസ്റ്റിന്റെ പൂര്‍ണരൂപം വായിക്കാം
ഞങ്ങള്‍ ഡോക്ടര്‍മാര്‍ ഈ കോട്ട് ഇടുന്നത് ഒരു സംരക്ഷണത്തിനാണ്. അതായത് പുറത്തുനിന്നുള്ള അണുക്കള്‍ നമ്മുടെ ശരീരത്തിലേക്ക് കയറുന്നത് തടയാനുള്ള ഒരു കവചം!
ഇങ്ങനെ ഒരു കവചം ഞാനും എനിക്ക് ചുറ്റും തീര്‍ത്തിട്ടുണ്ട്. പുറത്തുനിന്നുള്ള പുച്ഛവും പരിഹാസവും കുത്തുവാക്കുകളും തെറിവിളികളും ഒന്നും ഉള്ളിലേക്ക് കയറാതിരിക്കാന്‍.
അങ്ങനെ ഒരു കവചം കുറെ കാലം കൊണ്ട് മനഃപൂര്‍വം തന്നെ ഉണ്ടാക്കി എടുത്തതാണ്. പ്രത്യേകിച്ച് രണ്ടു കാരണങ്ങള്‍ കൊണ്ട്.
1. ഞാന്‍ സോഷ്യല്‍ മീഡിയയില്‍ ആക്റ്റീവ് ആയി ഇടപെടുന്ന ഒരാള്‍ ആണ്. പല വിഷയങ്ങളും സംസാരിക്കാനുണ്ട്. അതില്‍ ഇപ്പോള്‍ വേണമെങ്കിലും ഒരു വിവാദം ഉയര്‍ന്നു വരാം. വന്നിട്ടുണ്ട് പലതവണ. അതുകൊണ്ട് തന്നെ ഈ പ്ലാറ്റ്ഫോമിൽ നില്‍ക്കുന്നിടത്തോളം നല്ലൊരു തൊലിക്കട്ടി ആവശ്യമാണ് എന്ന ബോധ്യം കാലക്രമേണ വന്നുചേര്‍ന്നതാണ്.
2. എന്റെ പാര്‍ട്ണര്‍ അദ്ദേഹത്തിന്റെ വഴിയായി തിരഞ്ഞെടുത്തത് രാഷ്ട്രീയമാണ്. അവിടെയും എന്തും എപ്പോഴും സംഭവിക്കാം. അതെന്റെ കയ്യില്‍ അല്ല. അങ്ങിനെ സംഭവിക്കുമ്പോള്‍ ഭാര്യ എന്ന നിലയില്‍ എനിക്ക് നേരെയും ആക്രമണം ഉണ്ടാകും. സ്വാഭാവികം.
ഇനി ഇപ്പോള്‍ തെറി വിളിക്കുന്നവരോടാണ്. ഞാന്‍ ഇവിടെ തന്നെയുണ്ട്. കമന്റ് ബോക്‌സ് ഓഫ് ചെയ്യാന്‍ പലരും ഉപദേശിച്ചു. ഒരിക്കലും ചെയ്യില്ല. നിങ്ങള്‍ക്ക് എന്ത് വേണമെങ്കിലും പറയാം.
പക്ഷെ എനിക്ക് എന്റേതായ ബോധ്യങ്ങള്‍ ഉണ്ട്. അത് എന്റെ ഭര്‍ത്താവ് എവിടെ നില്‍കുന്നു എന്ത് ചെയ്യുന്നു എന്ന് നോക്കിയല്ല. കാരണം ഞങ്ങള്‍ രണ്ടു വ്യത്യസ്ത വ്യക്തികള്‍ ആണ്. കാഴ്ചപ്പാടുകളും നിലപാടുകളും ആഗ്രഹങ്ങളും ഒക്കെ വ്യത്യസ്തമായ രണ്ടു പേര്‍. ഞങ്ങളെ ഒരുമിച്ചു നിര്‍ത്തുന്നത് വ്യക്തിപരമായി ഞങ്ങള്‍ക്കിടയിലുള്ള മറ്റു പലതുമാണ്. അത് ഞങ്ങളുടെ വീടിന്റെ വാതിലിന്റെ ഇപ്പുറത്താണ്. അല്ലാതെ അപ്പുറത്തുള്ള രാഷ്ട്രീയമോ നിലപാടുകളോ ഒന്നുമല്ല. പക്ഷെ സ്ത്രീകളെ വെറും ഭാര്യമാര്‍ മാത്രമായി കാണുന്ന ബഹുഭൂരിപക്ഷത്തിന് അത് മനസ്സിലാവില്ല എന്നും എനിക്കറിയാം. അവരുടെ മേല്‍ ഭര്‍ത്താക്കന്മാരുടെ ലേബല്‍ പതിപ്പിക്കപ്പെടുന്നതും സ്വാഭാവികം.
ഞാന്‍ നിങ്ങളോട് എപ്പോഴാണ് രാഷ്ട്രീയം പറഞ്ഞത്? എന്റെ രാഷ്ട്രീയ നിലപാടുകള്‍ എന്താണെന്നു എപ്പോഴെങ്കിലും ഞാന്‍ ചര്‍ച്ച ചെയ്തിട്ടുണ്ടോ? ഇല്ലാ. കാരണം എന്റെ വഴി രാഷ്ട്രീയമല്ല.
ഞാന്‍ സമൂഹത്തില്‍ എന്റെ റോള്‍ എന്താണെന്നു കൃത്യമായി മനസ്സിലാക്കി അത് ചെയ്തു മുന്നോട്ട് പോകുന്ന ഒരാള്‍ ആണ്. വ്യക്തിപരമായി എനിക്കും മകള്‍ക്കും എതിരെ അധിക്ഷേപങ്ങള്‍ വന്നപ്പോള്‍ പ്രതികരിച്ചിട്ടുണ്ട്. അപ്പോഴും ഞാന്‍ വ്യക്തമായി പറഞ്ഞത് ഒന്ന് മാത്രം. എന്റെ ആത്മാഭിമാനവും നിലപാടുകളും സംരക്ഷിക്കാനുള്ള ആര്‍ജവം എനിക്ക് തനിച്ചുണ്ട്. എനിക്ക് ഒരു കൊടിയുടെയും സൈബര്‍ പോരാളികളുടെയും സഹായം വേണ്ട.
ഒരു കാലത്ത് എന്നെ സപ്പോര്‍ട്ട് ചെയ്ത് സംസാരിച്ചിരുന്നവര്‍ ഇന്ന് എതിര്‍പക്ഷത് നിന്നും ചീത്ത വിളിക്കുന്നു. തിരിച്ചും. ഇതൊക്കെ ഞാന്‍ ആ സ്പിരിറ്റില്‍ മാത്രമേ കാണുന്നുള്ളൂ. കാരണം നിങ്ങള്‍ ആരും എന്നേ 'സൗമ്യ' ആയി കണ്ടു ഞാന്‍ എന്താണെന്നു മനസ്സിലാക്കി സ്‌നേഹിച്ചവരല്ല. അതുകൊണ്ട് തന്നെ അതിനൊക്കെ അത്ര ആയുസ്സ് മാത്രമേ ഉണ്ടാകൂ എന്ന തിരിച്ചറിവ് എനിക്കുണ്ട്. അതുകൊണ്ട് തന്നെ തന്ന സ്‌നേഹത്തിലും ഇപ്പോഴത്തെ വെറുപ്പിലും ഒന്നും ഞാന്‍ പതറില്ല.
ഞാന്‍ ഡോ.സൗമ്യ സരിന്‍, ഈ പേര് ഈ സമൂഹത്തില്‍ കുറച്ചുപേര്‍ക്കെങ്കിലും അറിയുമെങ്കില്‍ അതിനു പുറകില്‍ എന്റെ വിയര്‍പ്പാണ്. എന്റെ അധ്വാനമാണ്. എന്റെ മേല്‍വിലാസം ഞാന്‍ ഉണ്ടാക്കിയതാണ്. ഒരു ഡോക്ടര്‍ എന്ന നിലയില്‍ എന്നാല്‍ കഴിയുന്ന വിധം ആളുകളിലേക്ക് ഇറങ്ങി ചെല്ലാന്‍ ഞാന്‍ ശ്രമിച്ചിട്ടുണ്ട്. ഈ പേജു പോലും അതിനുവേണ്ടി മാത്രമേ ഉപയോഗിച്ചിട്ടുള്ളൂ.
ഇന്ന് കുഞ്ഞുകുട്ടികളുടെ സൗജന്യ ഹൃദയ ശാസ്ത്രക്രിയയെ കുറിച്ച് ഇട്ട പോസ്റ്റിന്റെ താഴെ വന്നുപോലും വെറുപ്പ് വിളമ്പുന്ന ആളുകള്‍ക്ക് ഞാന്‍ പറയുന്നത് എത്ര മനസ്സിലാവും എന്നെനിക്കറിയില്ല.
എങ്കിലും പറയുകയാണ്.
എന്റെ മേലുള്ള ഈ വെള്ള കോട്ട്, അത് അധ്വാനത്തിന്റെ വെളുപ്പാണ്.
അതില്‍ ചെളി പറ്റിക്കാന്‍ ഉള്ള കെല്‍പ് തത്കാലം എന്റെ കമന്റ് ബോക്‌സിനില്ല!

കുഞ്ഞുകുട്ടികളുടെ ഹൃദയശസ്ത്രക്രിയ പോസ്റ്റിനുകീഴെ പോലും വെറുപ്പ് വിളമ്പുന്നു;ഡോ. സൗമ്യ സരിനുനേരെ സൈബര്‍ ആക്രമണം

പാലക്കാട്: വടകരയിൽ ഷാഫി പറമ്പിലിനെ സ്ഥാനാര്‍ഥിയാക്കിയതുമായി ബന്ധപ്പെട്ട പി.സരിന്റെ ആരോപണങ്ങള്‍ തള്ളി ഷാഫി പറമ്പില്‍ എംപി. വടകരയിലെ നീക്കം ശരിയായിരുന്നുവെന്നും വടകരയിലെ ഡീല്‍ സിപിഎമ്മിനേയും ബിജെപിയെയും തോല്‍പിക്കുക എന്നതായിരുന്നുവെന്നും ഷാഫി പറഞ്ഞു. പാലക്കാടും അതുതന്നെയാണ് ലക്ഷ്യമെന്നും ഷാഫി വ്യക്തമാക്കി.
പാലക്കാട് യുഡിഎഫ് ഒറ്റക്കെട്ടായി പ്രവര്‍ത്തിക്കുമെന്നും മണ്ഡലത്തില്‍ ആത്മവിശ്വാസത്തിന് ഒട്ടും കുറവില്ലെന്നും ഷാഫി പറഞ്ഞു. തനിക്ക് കിട്ടിയതിനേക്കാള്‍ പതിനായിരം വോട്ടിന്റെ ഭൂരിപക്ഷം രാഹുലിന് ലഭിക്കുമെന്നും ഷാഫി കൂട്ടിച്ചേർത്തു.

വടകരയിലെ ഡീല്‍ സിപിഎമ്മിനേയും ബിജെപിയെയും തോല്‍പിക്കുക എന്നതായിരുന്നു ;പാലക്കാടും അതാവർത്തിക്കുമെന്ന് ഷാഫി പറമ്പില്‍

കണ്ണൂർ : എ ഡി എം നവീൻ ബാബു ജീവനൊടുക്കിയ സംഭവത്തിൽ മുൻകൂർ ജാമ്യാപേക്ഷത്തിന് നീക്കവുമായി ജി​ല്ലാ​ ​പ​ഞ്ചാ​യ​ത്ത് മുൻ ​പ്ര​സി​ഡ​ന്റ് ​പി പി​ ​ദി​വ്യ. ഹൈക്കോടതിയിൽ മുൻകൂർ ജാമ്യാപേക്ഷ നൽകിയേക്കും. ജാമ്യമില്ലാ വകുപ്പ് പ്രകാരം കേസെടുത്ത സാഹചര്യത്തിലാണ് നീക്കം.നവീൻ ബാബുവിന്റെ സഹോദരൻ നൽകിയ പരാതിയിൽ ആത്മഹത്യാ പ്രേരണ കുറ്റം ചുമത്തിയാണ് ദിവ്യയ്‌ക്കെതിരെ കേസെടുത്തത്.&nbsp;
കേസിൽ ദിവ്യയെ ഇന്ന് പൊലീസ് ചോദ്യം ചെയ്‌തേക്കും. കൂടാതെ പ്രശാന്തന്റെ മൊഴിയും രേഖപ്പെടുത്തും. പെട്രോൾ പമ്പ് കോഴയാരോപണത്തെ സംബന്ധിച്ചുള്ള അന്വേഷണം വിജിലൻസ് ഇന്ന് ആരംഭിക്കും. മുസ്ലീംലീഗ് നേതാവിന്റെയടക്കം രണ്ട് പരാതികളിലാണ് വിജിലൻസ് അന്വേഷണം.ദിവ്യയെ ഇന്നലെ രാത്രിയോടെ ജില്ലാ പഞ്ചായത്ത് പ്രസിഡന്റ് സ്ഥാനത്തുനിന്ന് സി പി എം നീക്കിയിരുന്നു.&nbsp;

നവീൻ ബാബുവിന്റെ മരണം; പി.പി ദിവ്യയെ ഇന്ന് ചോദ്യം ചെയ്തേക്കും

Kannur

നാദാപുരം : സാധനം വാങ്ങാനെത്തിയ അമ്മയ്ക്കൊപ്പമുണ്ടായിരുന്ന കൈക്കുഞ്ഞിന്റെ സ്വർണ്ണമാല കവർന്നു. ഒരു പവൻ വരുന്ന മാലയാണ് കടയിലെത്തിയ യുവതി കവർന്നെടുത്തത്. സംഭവത്തിൽ പൊലീസ് കേസെടുത്ത് അന്വേഷണം തുടങ്ങി.
സാധനം വാങ്ങാൻ അമ്മയ്ക്കൊപ്പം എത്തിയ പെൺകുഞ്ഞിന്റെ കഴുത്തിലെ മാല മോഷ്ടിക്കുന്ന സിസിടിവി ദൃശ്യങ്ങൾ അടിസ്ഥാനമാക്കിയാണ് അന്വേഷണം. കുഞ്ഞിനെ എടുത്ത അമ്മയുടെ പിന്നാലെ നീല കളർ ചുരിദാറും വെള്ള ഷാളും ധരിച്ച യുവതി നടക്കുന്നതും ഇരുവശത്തേക്കും നോക്കിയ ശേഷം മാല മോഷ്ടിക്കുന്നതും സിസിടിവിയിൽ കാണാം. വൈകിട്ട് അഞ്ചു മണിയോടെ കടയിൽ തിരക്കേറിയ സമയത്താണ് മോഷണം നടന്നത്.

നാദാപുരത്ത്  അമ്മയ്ക്കൊപ്പമുണ്ടായിരുന്ന കൈക്കുഞ്ഞിന്റെ സ്വർണ്ണമാല കവർന്നതായി പരാതി;അന്വേഷണം തുടങ്ങി

നാദാപുരം : പുറമേരിയില്‍ വീട്ടില്‍നിന്ന് 18 പവന്റെ സ്വര്‍ണാഭരണങ്ങള്‍ കവർന്നതായി പരാതി . ടൗണ്‍ പരിസരത്തെ കുന്നുമ്മല്‍ അബ്ദുള്ളയുടെ വീട്ടിലാണ് മോഷണം നടന്നത്. വീട്ടമ്മയുടെ കാലില്‍ ധരിച്ചിരുന്ന സ്വര്‍ണാഭരണം ഉള്‍പ്പെടെ കവര്‍ന്നതായാണ് പരാതി.
മുന്‍വശത്തെ ജനവാതില്‍ കുത്തിത്തുറന്ന് താക്കോല്‍ കൈവശപ്പെടുത്തിയാണ് കള്ളന്‍ വീടിനകത്ത് കടന്നത്. വീട്ടിലെ സിസിടിവി ക്യാമറ തുണികൊണ്ട് മറച്ചിരുന്നു. ക്യാമറ മറയ്ക്കുന്ന ദൃശ്യങ്ങള്‍ സിസിടിവിയില്‍ പതിഞ്ഞിട്ടുണ്ട്.പുറത്തുപോയിരുന്ന അബ്ദുള്ളയുടെ മകന്‍ പുലര്‍ച്ചെ വീട്ടില്‍ തിരിച്ചെത്തിയപ്പോള്‍ വാതില്‍ തുറന്നുകിടക്കുന്നതാണ് കണ്ടത്. ഇതോടെയാണ് മോഷണം നടന്നത് തിരിച്ചറിഞ്ഞത്. നാദാപുരം ഇന്‍സ്‌പെക്ടര്‍ ശ്യാംരാജ് നായരുടെ നേതൃത്വത്തില്‍ പോലീസ് സ്ഥലത്തെത്തി പരിശോധന നടത്തി. സംഭവത്തില്‍ പോലീസ് അന്വേഷണം ആരംഭിച്ചു.

സിസിടിവി ക്യാമറ തുണികൊണ്ട് മൂടി; പുറമേരിയില്‍ വീട്ടില്‍നിന്ന് 18 പവന്റെ സ്വര്‍ണാഭരണങ്ങള്‍ കവർന്നതായി പരാതി

ചെന്നൈ: പ്രണയാഭ്യർത്ഥന നിരസിച്ച മലയാളി വിദ്യാർത്ഥിനിയെ തമിഴ്‌നാട് സ്വദേശിയായ യുവാവ് വീട്ടിൽക്കയറി കുത്തികൊലപ്പെടുത്തി. പൊള്ളാച്ചി വടുകപാളയത്ത് ഇന്നലെ രാവിലെ ആണ് സംഭവം. പൊൻമുത്തു നഗറിൽ താമസിക്കുന്ന കണ്ണന്റെ മകൾ അഷ്‌വിക (19) ആണ് കൊല്ലപ്പെട്ടത്. കൊലയ്ക്ക് പിന്നാലെ പ്രതി ഉദുമൽപേട്ട റോഡ് അണ്ണാ നഗർ സ്വദേശി പ്രവീൺ കുമാർ പൊലീസിൽ കീഴടങ്ങി. അണ്ണാ മലയാർ നഗറിലെ സ്വകാര്യ പണമിടപാട് സ്ഥാപനത്തിലെ ജീവനക്കാരനാണ് പ്രവീൺ.&nbsp;
കോയമ്പത്തൂരിലുള്ള സ്വകാര്യ കോളേജിലെ രണ്ടാംവർഷ ബിഎസ്‌‌സി കമ്പ്യൂട്ടർ സയൻസ് വിദ്യാർത്ഥിനിയായിരുന്നു അഷ്‌വിക. മാതാപിതാക്കൾ വീട്ടിലില്ലാതിരുന്ന സമയത്താണ് പ്രതി അതിക്രമിച്ച് കടന്ന് കൊല നടത്തിയത്. സഹോദരി സ്‌കൂളിലും പോയിരുന്നു. കഴുത്തിലും നെഞ്ചിലും ഗുരുതരമായി പരിക്കേറ്റ പെൺകുട്ടിയുടെ നിലവിളി കേട്ട് അയൽക്കാരെത്തി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പെൺകുട്ടിയുടെ വീടിന് സമീപത്ത് പ്രതിയും കുടുംബവും അഞ്ച് വർഷത്തോളം താമസിച്ചിരുന്നു. ഈ സമയത്ത് പ്രവീൺ കുട്ടിയുമായി പരിചയത്തിലായി. ഒരുവർഷം മുൻപ് ഇയാളും കുടുംബവും അണ്ണാ നഗറിലേയ്ക്ക് താമസം മാറിയിരുന്നു. പ്രവീൺ അഷ്‌വികയെ ഫോണിൽ വിളിച്ച് ശല്യപ്പെടുത്തുമായിരുന്നുവെന്ന് ബന്ധുക്കൾ പറയുന്നു.&nbsp;
ഇയാൾ പ്രണയാഭ്യർത്ഥന നടത്തിയിരുന്നുവെന്നും എന്നാൽ വിദ്യാർത്ഥിനി ഇത് നിരസിച്ചുവെന്നും പൊലീസ് പറഞ്ഞു.കൊലയ്ക്ക് തലേദിവസം പെൺകുട്ടി സുഹൃത്തുക്കളുമൊത്തുള്ള ചിത്രങ്ങൾ സമൂഹമാധ്യമങ്ങളിൽ പങ്കുവച്ചിരുന്നു. ഇതുകണ്ട പ്രതി പെൺകുട്ടിയുടെ വീട്ടിലെത്തുകയും വാക്കേറ്റമുണ്ടാവുകയും ചെയ്തു. പിന്നാലെ ഇയാൾ കയ്യിലുണ്ടായിരുന്ന പേനാക്കത്തികൊണ്ട് അഷ്‌വികയെ ആക്രമിക്കുകയും അടുക്കളയിൽ കടന്ന് കത്തിയെടുത്ത് കഴുത്തിലും നെഞ്ചിലുമായി കുത്തിപ്പരിക്കേൽപ്പിക്കുകയുമായിരുന്നു.

പ്രണയാഭ്യർത്ഥന നിരസിച്ചതിന് മലയാളി വിദ്യാർത്ഥിനിയെ തമിഴ്‌നാട്ടിൽ കുത്തിക്കൊന്നു

കൽപറ്റ: വയനാട്ടിൽ കനത്ത മഴയെ തുടർന്ന് അടച്ചിട്ട വിനോദ സഞ്ചാര കേന്ദ്രങ്ങൾ തുറന്നു. മേയ് 23ന് കേന്ദ്ര കലാവസ്ഥ വകുപ്പ് ജാഗ്രതാ നിർദേശം നൽകിയതിനെ തുടർന്നാണ് ടൂറിസം കേന്ദ്രങ്ങൾ അടച്ചത്. ക്വാറികളും തുറന്ന് പ്രവർത്തിക്കാൻ ജില്ല കലക്ടർ ഡി.ആർ. മേഘശ്രീ അനുമതി നൽകി.
ജില്ലയിൽ മഴക്ക് ശമനമുള്ളതിനാലും വരും ദിവസങ്ങളിൽ ഗ്രീൻ അലർട്ട് പ്രഖ്യാപിച്ച സാഹചര്യത്തിലാണ് ഉത്തരവ്. യന്ത്ര സഹായത്തോടെ മണ്ണ് നീക്കം ചെയ്യാമെന്നും ജില്ലാ ദുരന്ത നിവാരണ അതോറിറ്റി ചെയർപേഴ്സൺ അറിയിച്ചു.

വയനാട്ടിലെ വിനോദ സഞ്ചാര കേന്ദ്രങ്ങൾ തുറന്നു

ചവറ (കൊല്ലം): അപ്പൂപ്പന്റെ വീട്ടില്‍ അവധിക്കാലം ആഘോഷിക്കാന്‍ വന്ന വിദ്യാര്‍ഥി വീടിനു സമീപത്തെ ഓടയിലെ ഒഴുക്കില്‍പ്പെട്ട് മരിച്ചു. കൊട്ടാരക്കര പള്ളിക്കല്‍ പാലവിളയില്‍വീട്ടില്‍ അനീഷിന്റെയും രശ്മിയുടെയും നാലരവയസ്സുള്ള മകള്‍ അക്ഷിക(കല്യാണി)യാണ് മരിച്ചത്.
പള്ളിക്കല്‍ എന്‍എസ്എസ് എല്‍പിഎസില്‍ എല്‍കെജി പ്രവേശനം ലഭിച്ച അക്ഷിക, തിങ്കളാഴ്ച ആദ്യമായി സ്‌കൂളില്‍ പോകാനിരിക്കെയാണ് ദുരന്തം.ചവറ പന്മന വടുതല തളിയാഴ്ചവീട്ടില്‍ അപ്പൂപ്പന്റെയും അമ്മൂമ്മയുടെയും അടുത്ത് ഒന്നരമാസംമുന്‍പാണ് അക്ഷിക എത്തിയത്. ഞായറാഴ്ച വൈകീട്ട് വീടിനു സമീപത്തെ ഓടയുടെ സ്ലാബില്‍ക്കൂടി കൂട്ടുകാരുമൊത്ത് സൈക്കിള്‍ ഉരുട്ടിവരുന്നതിനിടെയാണ് അപകടം.സ്ലാബില്ലാത്ത ഭാഗത്തുവെച്ച് കാല്‍വഴുതി ഓടയില്‍വീണ് ഒഴുകിപ്പോകുകയായിരുന്നു. ഉടന്‍തന്നെ ഓടയിലിറങ്ങി തിരച്ചില്‍ നടത്തിയ നാട്ടുകാര്‍ മൂന്നൂറുമീറ്റര്‍ അകലെ കുട്ടിയെ അബോധാവസ്ഥയില്‍ കണ്ടെത്തി. ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.&nbsp;

ഒഴുക്കില്‍പ്പെട്ട് നാലരവയസ്സുകാരിക്ക് ദാരുണാന്ത്യം; ദുരന്തം ഇന്ന് ആദ്യമായി സ്‌കൂളില്‍ പോകാനിരിക്കെ

വടകര: പുതുപ്പണം വെളുത്ത മലയിലുണ്ടായ സംഘര്‍ഷത്തില്‍ മൂന്നു സിപിഎം പ്രവര്‍ത്തകര്‍ക്ക് പരിക്കേറ്റു. സിപിഎം പുതുപ്പണം സൗത്ത് ലോക്കല്‍ കമ്മിറ്റി അംഗവും നഗരസഭ കൗണ്‍സിലറുമായ കെ.എം.ഹരിദാസന്‍, സിപിഎം വെളുത്തമല സൗത്ത് ബ്രാഞ്ച് സെക്രട്ടറി പ്രവീണ്‍, കല്ലായിന്റവിട ബിബേഷ് എന്നിവര്‍ക്കാണ് പരിക്ക്.സാരമായി പരിക്കേറ്റ പ്രവീണിനെ കോഴിക്കോട് മിംസ് ഹോസ്പിറ്റലിലും ഹരിദാസനെയും ബിബേഷിനെയും വടകര സഹകരണ ആശുപത്രിയിലുംപ്രവേശിപ്പിച്ചു.
വായനശാലയുമായി ബന്ധപ്പെട്ട തര്‍ക്കമാണ് സംഘര്‍ഷത്തില്‍ കലാശിച്ചത്. ഇന്നലെ രാത്രി വായനശാലയുടെ ഷെല്‍ട്ടര്‍ പൊളിക്കുന്നത് തടഞ്ഞപ്പോള്‍ കോണ്‍ഗ്രസ്, ബിജെപി പ്രവര്‍ത്തകരായ ഒരു സംഘമാളുകള്‍ അക്രമിക്കുകയായിരുന്നുവെന്നാണ് പറയുന്നത്. സംഭവത്തില്‍ പ്രതിഷേധിച്ച് സിപിഎം ഹര്‍ത്താലിന് ആഹ്വാനംചെയ്തു. ഇന്ന് വൈകുന്നേരം അഞ്ചുവരെ പുതുപ്പണത്ത് ഹര്‍ത്താല്‍ ആചരിക്കാനാണ് പുതുപ്പണം സൗത്ത് ലോക്കല്‍ കമ്മിറ്റിയുടെ ആഹ്വാനം. വെളുത്തമലയില്‍ രാവിലെ സിപിഎം നേതൃത്വത്തില്‍ പ്രതിഷേധ പ്രകടനം നടന്നു. സ്ഥലത്ത് പോലീസ് കാവലേര്‍പെടുത്തി.&nbsp;

വെളുത്തമലയില്‍ സംഘര്‍ഷം; മൂന്നു സിപിഎം പ്രവര്‍ത്തകര്‍ക്ക് പരിക്ക്, ഇന്ന് ഹര്‍ത്താല്‍

വടകര: അഴിയൂര്‍ കുഞ്ഞിപ്പള്ളിയില്‍ ദേശീയപാതയുടെ സര്‍വീസ് റോഡിലെ കുഴിയില്‍ വീണ് ഓട്ടോ ഡ്രൈവര്‍ മരിച്ചു. മാഹി ചാലക്കര മൈദ കമ്പനി റോഡിലെ സികെ ഹൗസില്‍ റഫീഖ് (49) ആണ് മരിച്ചത്. ശനിയാഴ്ച രാത്രി ഏഴരയോടെയാണ് അപകടം. സര്‍വീസ് റോഡില്‍ നിന്ന് ദേശീയ പാതയിലേക്ക് കയറുന്നതിനിടെ മഴയില്‍ തകര്‍ന്ന റോഡിലെ കുഴിയില്‍ വീണ് ഓട്ടോ മറിയുകയായിരുന്നു.&nbsp;
വാഹനത്തിനടിയില്‍പെട്ട റഫീഖിനെ ഉടന്‍ മാഹി ഗവ: ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മാഹിപ്പാലം സ്റ്റാന്റിലെ ഓട്ടോ ഡ്രൈവറാണ്. പിതാവ്: പരേതനായ അഹമ്മദ്. ഉമ്മ: പാത്തുട്ടി. ഭാര്യ: സബീന. മക്കള്‍: ഷാഹിദ്, അഫ്രീദ്, നേഹ. സഹോദരങ്ങള്‍: നസീര്‍, ജുനൈസ്, ജസീല, സലീല.

അഴിയൂരിൽ സര്‍വീസ് റോഡിലെ കുഴിയിൽ വീണ ഓട്ടോ ഡ്രൈവർക്ക് ദാരുണാന്ത്യം

വടകര : പ്രായപൂർത്തിയാകാത്ത കുട്ടിക്ക് നിരോധിത പുകയിലോത്പന്നം വിറ്റയാൾ എക്സൈസ് പിടിയിൽ. മുടപ്പിലാവിൽ തെക്കെ തൂണൂറ ബാലകൃഷ്ണനെയാണ് വടകര റെയ്‌ഞ്ച് എക്‌സൈസ് കസ്റ്റഡിയിലെടുത്തത്. കീഴൽ കടത്തനാട് കോളേജ് റോഡിൽനിന്നാണ് ഇയാളെ പിടികൂടിയത്. പ്രായപൂർത്തിയാകാത്ത കുട്ടിക്ക് നിരോധിത പുകയിലോത്പന്നം വിറ്റത് ജുവനൈൽ ജസ്റ്റിസ് ആക്ട് പ്രകാരം കുറ്റമായതിനാൽ ഇയാളെ വടകര പോലീസിന് കൈമാറി.
തുടർന്ന് വടകര പോലീസ് ഇയാളുടെപേരിൽ ജെജെ ആക്ട് പ്രകാരം കേസെടുത്ത് അറസ്റ്റ് രേഖപ്പെടുത്തി. വടകര ഒന്നാംക്ലാസ് ജുഡീഷ്യൽ മജിസ്‌ട്രേറ്റ് കോടതിയിൽ ഹാജരാക്കിയ ഇയാളെ കോടതി 14 ദിവസത്തേക്ക് റിമാൻഡ് ചെയ്തു.

കുട്ടിക്ക് പുകയില ഉത്‌പന്നം വിറ്റയാൾ എക്സൈസ് പിടിയിൽ

നാദാപുരം: പോത്ത് കച്ചവടത്തിൻ്റെ മറവിൽ വാണിമേൽ മേഖലയിൽ കാറിൽ വില്പനക്കായി കൊണ്ടുവന്ന എം.ഡി എം.എയുമായി യുവാവ് പിടിയിലായി. വാണിമേൽ കോടിയൂറ സ്വദേശി മാലോക്കുന്നത്ത് സുബൈർ (46) ആണ് വളയം പൊലീസിൻ്റെ പിടിയിലായത്.&nbsp;
വളയം എസ്.ഐ മനീഷ് വി കെ , നാദാപുരം ഡി വൈ എസ് പി എ. പി. ചന്ദ്രൻ്റെ നേതൃത്വത്തിലുള്ള സ്ക്വാഡും വാണിമേൽ കോടിയൂറ റോഡിൽ വാഹന പരിശോധന നടത്തുന്നതിനിടയിലാണ് കെ.എൽ.56 എച്ച് 2175 നമ്പർ സ്വിഫ്റ്റ് കാറിൽ എത്തിയ പ്രതി കുടുങ്ങിയത്. ഇയാളിൽ നിന്ന് O.65 ഗ്രാം എം.ഡി.എം.എ. കണ്ടെടുത്തു. ഇയാൾ സഞ്ചരിച്ച കെ എൽ 56 എച്ച് 2175 നമ്പർ സ്വിഫ്റ്റ് കാറും പൊലീസ് കസ്റ്റഡിയിൽ എടുത്തു.

കാറിൽ വില്പനക്കായി കൊണ്ടുവന്ന എം.ഡി എം.എയുമായി വാണിമേൽ സ്വദേശി പിടിയിൽ

Search Results for: veluthamala