പാലക്കാട്: കൊല്ലങ്കോട്ട് ജോലിക്കിടെ കെ.എസ്.ഇ.ബി. ലൈൻമാൻ വൈദ്യുതാഘാതമേറ്റ് മരിച്ചു. എലവഞ്ചേരി കരിംകുളം കുന്നിൽ വീട്ടിൽ രഞ്ജിത്ത് (35) ആണ് മരിച്ചത്. കൊല്ലങ്കോട് പഴയങ്ങാടി ഭാഗത്തുവെച്ച് വെള്ളിയാഴ്ച ഉച്ചയോടെയായിരുന്നു അപകടം. മൃതദേഹം പാലക്കാട് ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

ജോലിക്കിടെ കെ.എസ്.ഇ.ബി. ലൈൻമാൻ വൈദ്യുതാഘാതമേറ്റ് മരിച്ചു

Kerala

അഴിയൂർ: ജനകീയാസൂത്രണ പദ്ധതിൽ ഉൾപ്പെടുത്തി നവീകരണം നടത്തിയ അഴിയൂർ ഗ്രാമ പഞ്ചായത്ത് ഓഫീസിന്റെ ഉൽഘാടനം പഞ്ചായത്ത് പ്രസിഡണ്ട് ആയിഷ ഉമ്മർ നിർവ്വഹിച്ചു. ചടങ്ങിൽ വൈസ് പ്രസിഡണ്ട് ശശിധരൻ തോട്ടത്തിൽ അദ്ധ്യക്ഷത വഹിച്ചു. പഞ്ചായത്ത് സെക്രട്ടറി ആർ.എസ് ഷാജി സ്വാഗതം പറഞ്ഞു. അനിഷ ആനന്ദസദനം, അബ്ദുൽ റഹീം പുഴക്കൽ പറമ്പത്ത്, രമ്യ കരോടി, ബിന്ദു വിപി , എ.ടി ശ്രീധരൻ , പി.ശ്രീധരൻ , വി.പി.ജയൻ, യു.എ.റഹീം, പി.ബാബു രാജ്, എം.പി. ബാബു, കെ.എ.സുരേന്ദ്രൻ , ശ്രീജേഷ്, ശ്രീധരൻ കൈപ്പാട്ടിൽ, പി.എം.അശോകൻ ,പ്രമോദ് കെ.പി , മുബാസ് കല്ലേരി, ഷംസീർ ചോമ്പാല ,പ്രദീപ് ചോമ്പാല , ബിന്ദു ജയ്സൺ, രാജേഷ് കുമാർ എന്നിവർ സംസാരിച്ചു. പഞ്ചായത്ത് അസിസ്റ്റന്റ് സെക്രട്ടറി സുനീർ കുമാർ നന്ദി പറഞ്ഞു.

നവീകരിച്ച അഴിയൂർ ഗ്രാമ പഞ്ചായത്ത് ഓഫീസ് ഉദ്ഘാടനം ചെയ്തു

Vadakara

കുവൈറ്റിലെ തീപിടിത്തത്തില്‍ മരിച്ച 23 മലയാളികള്‍ക്ക് നാടിന്‍റെ അന്ത്യാഞ്ജലി. ഹൃദയഭേദകമായിരുന്നു നെടുമ്പാശ്ശേരി വിമാന താവളത്തിലെ കാഴ്ചകളെന്ന് ഷാഫി പറമ്പിൽ ഫേസ്ബുക്കിൽ കുറിച്ചു. സ്വപ്നങ്ങള്‍ പേറിയായിരുന്നു അങ്ങോട്ടുള്ള യാത്ര. ചേതനയറ്റ്, കണ്ണീര്‍ക്കടലായി മടങ്ങി. ഇനി അവര്‍ ഓര്‍മ്മകളാണ്. അവരുടെ കുടുംബങ്ങളെ നമ്മള്‍ ചേര്‍ത്തു പിടിക്കുമെന്നും ഷാഫി പറഞ്ഞു. കണ്ണീരോടെ കേരളം നിങ്ങള്‍ക്ക് യാത്രാമൊഴിനല്‍കുന്നുവെന്നും കുറിച്ചു. മുഖ്യമന്ത്രി പിണറായി വിജയന്‍, പ്രതിപക്ഷ നേതാവ് വി.ഡി. സതീശന്‍, കേന്ദ്രസഹമന്ത്രി സുരേഷ് ഗോപി, ആരോഗ്യമന്ത്രി വീണാ ജോര്‍ജ്, മറ്റ് മന്ത്രിമാര്‍ എന്നിവരടക്കം നിരവധി പേരാണ് ആദരാഞ്ജലി അര്‍പ്പിക്കാനെത്തിയത്.

‘സ്വപ്നങ്ങള്‍ പേറിയായിരുന്നു അങ്ങോട്ടുള്ള യാത്ര, ചേതനയറ്റ് മടങ്ങി; അവരുടെ കുടുംബങ്ങളെ ചേര്‍ത്തു പിടിക്കുമെന്ന് ഷാഫി പറമ്പിൽ

മാഹി: ഗുരുതരമായ മൾട്ടിപ്പിൾ സ്ക്ലീറോസിസ് എന്ന രോഗാവസ്ഥയിലും മനസ്സിൻറെ ധൈര്യം ഒന്നുകൊണ്ടുമാത്രം എഴുതി തീർത്ത കുമാരി സ്വാതി പാലോറാൻ്റെ 'ഐ ടൂ ഹാവേ സോൾ' എന്ന പുസ്തകത്തിൻറെ പ്രകാശന ചടങ്ങ് ചൂര്യയി ചന്ദ്രൻന്റെ അദ്ധ്യക്ഷതയിൽ കെ.പി.കെ വേങ്ങര നിർവ്വഹിച്ചു.
ന്യൂമാഹി ഹിറാ സോഷ്യൽ സെന്ററിൽ നടന്ന ചടങ്ങിൽ ചെറു കഥാകൃത്ത് വി.ആർ.സുധീഷ് കുമാരി രമ്യക്ക് നൽകി പ്രകാശനം ചെയ്തു. രാസിത് അശോകൻ പുസ്തകപരിചയം നടത്തി. സി.കെ.രാജലക്ഷ്മി, അജിത് സായി, ബാലൻ അമ്പാടി, സന്ധ്യ കാരങ്ങോട്, പി കൃഷ്ണപ്രസാദ്, ഉണ്ണികൃഷ്ണൻ, എം.എ. കൃഷ്ണൻ , സാലിഹ്, കെ.ഇ.സുലോചന, ജോയി അബ്രഹാം, ജയചന്ദ്രൻ മൊകേരി, അസീസ് മാഹി, പി പി. അസിത എന്നിവർ സംസാരിച്ചു. വിനയൻ പുത്തലം സ്വാഗതവും പി.പി. റിയാസ് നന്ദിയും പറഞ്ഞു.

സ്വാതി പാലോറാന്റെ 'ഐ ടൂ ഹാവേ സോൾ' പ്രകാശനം ചെയ്തു

Mahe

നാദാപുരം: തെരുവൻപറമ്പിൽ വീട്ടുമുറ്റത്ത് നിർത്തിയിട്ട ബൈക്ക് തീവെച്ച് നശിപ്പിച്ചതായി പരാതി. വട്ടക്കണ്ടിയിൽ അഷ്റഫിൻ്റെ കെഎൽ 18 വി 8159 നമ്പർ ബൈക്കിനാണ് തീവെച്ചത്. വ്യാഴാഴ്ച രാത്രിയാണ് സംഭവം. വെള്ളിയാഴ്ച പുലർച്ചയോടെയാണ് വീട്ടുകാർ ബൈക്ക് കത്തിനശിച്ചതായി കാണുന്നത്. ബൈക്ക് പൂർണമായി നശിച്ചിട്ടുണ്ട്. സ്ഥലത്ത് നാദാപുരം പോലീസ് പരിശോധന നടത്തി.

&nbsp;

കല്ലാച്ചിയിൽ വീട്ട്മുറ്റത്ത് നിർത്തിയിട്ട ബൈക്ക് തീവെച്ച് നശിപ്പിച്ചതായി പരാതി

Nadapuram

എടച്ചേരി: ഒലീവ് ഗ്രൂപ്പ് ഓഫ് ഇൻസിറ്റിറ്റ്യൂഷൻ പുതിയ വിദ്യാഭ്യാസ സ്ഥാപനമായ ഓർക്കാട്ടേരി ഒലീവ് പ്രീ സ്ക്കൂൾ പ്രവേശനോത്സവം നടത്തി. പ്രവേശനോത്സവം പ്രശസ്ത കവി വീരാകുട്ടി ഉദ്ഘാടനം ചെയ്തു. സ്മാർട്ട് ക്ലാസ്സ്റും സയ്യിദ് പൂക്കുഞ്ഞ് കോയ തുറാബ് തങ്ങൾ ഉദ്ഘാടനം ചെയ്തു. ഒലീവ് എജുക്കേഷൻ ട്രസ്റ്റ് ചെയർമാൻ ഷുഹൈബ് കുന്നത്ത് അധ്യക്ഷത വഹിച്ചു. ഹാഫിസ് മാതാഞ്ചേരി, കോട്ടയിൽ കുഞ്ഞമ്മദ്, സുലൈമാൻ കെ.ഇ, ആസിഫ് ഒ.കെ, അബ്ദുള്ള തോട്ടോളി, ഓർക്കാട്ടേരി ഒലീവ് ആർട്സ് &amp; സയൻസ് കോളജ് വൈസ് പ്രിൻസിപ്പാൾ കെ ഹിമ, ജഹാന കെ.കെ ,ഷിജിന കെ.കെ, ഷഹല, ലമിയ, റസീന പി.പി തുടങ്ങിയവർ സംസാരിച്ചു. ഒലീവ് പ്രീസ്കൂൾ വൈസ് പ്രിൻസിപ്പാൾ നീമ സ്വാഗതവും ലുബിന ഖാലിദ് നന്ദിയും പറഞ്ഞു.

ഒലീവ് പ്രീ സ്കൂൾ പ്രവേശനോത്സവം

വടകര: കോട്ടയം മെഡിക്കൽ കോളേജിൽ നിന്നും എം ബി ബി എസ് നേടി ഏറാമലയുടെ അഭിമാനമായി മാറിയ ഷാഹിൻ റഷീദിനെ എസ് വൈ എസ്, എസ് എസ് എഫ് ഏറാമല യൂണിറ്റ് അനുമോദിച്ചു. മടപ്പള്ളി കോളേജ് റിട്ടയേർഡ് പ്രൊഫസറും കേരള മുസ്ലിം ജമാഅത് ഏറാമല യൂണിറ്റ് സമുന്നത നേതാവുമായ ഒ പി മൊയ്തു മൊമെന്റോ കൈമാറി. ജാഫർ കോച്ചേരി, ഷമീം കോച്ചേരി, ആഷിദ്, ഷഫീഖ്, ഷബീർ, അനസ് കെ.സി എന്നിവർ പങ്കെടുത്തു.&nbsp;

ഷാഹിൻ റഷീദിനെ അനുമോദിച്ചു

നടൻ ജോജു ജോർജിന് കാലിന് പരിക്കേറ്റ വാർത്ത കഴിഞ്ഞ ദിവസം'പുറത്തു വന്നിരുന്നു. മണിരത്‌നം സംവിധാനം ചെയ്യുന്ന തഗ് ലൈഫ് എന്ന സിനിമയുടെ ചിത്രീകരണത്തിനിടയിലാണ് നടന് പരിക്കേറ്റത് എന്നായിരുന്നു റിപ്പോർട്ടുകൾ. എന്നാൽ സിനിമയുടെ ചിത്രീകരണത്തിനിടയിലല്ല നടന് പരിക്കേറ്റത് എന്ന് വ്യക്തമാക്കിയിരിക്കുകയാണ് അണിയറപ്രവർത്തകർ.
അദ്ദേഹത്തിന് പരിക്കേറ്റു, എന്നാൽ അത് ആക്ഷൻ രംഗം ചിത്രീകരിക്കുന്നതിനിടയിലല്ല. ഏറെ വേദനയെടുത്തിട്ടും അദ്ദേഹം തന്റെ രംഗങ്ങൾ മനോഹരമായി തന്നെ ചെയ്‌തു. അതിൽ തങ്ങൾക്ക് നന്ദിയുണ്ടെന്ന് സിനിമയുടെ നിർമ്മാതാക്കളിൽ ഒരാളായ ശിവ ആനന്ദ് പ്രതികരിച്ചു. സിനിമയുടെ സ്റ്റണ്ട് കൊറിയോഗ്രാഫേഴ്‌സായ അൻപറിവും നടന് പരിക്കേറ്റത് ചിത്രീകരണത്തിനിടയിലല്ലെന്ന് സ്ഥിരീകരിച്ചു.
പോണ്ടിച്ചേരിയിൽ കമൽഹാസനൊപ്പം ഹെലികോപ്റ്ററിലെ രം​ഗങ്ങൾ ഷൂട്ട് ചെയ്യുന്നതിനിടെ ജോജു ജോർജിന് പരിക്കേറ്റതായും തുടർന്ന് ചിത്രീകരണം നിർത്തിവെച്ചതായുമാണ് പുറത്തുവന്ന റിപ്പോർട്ടുകൾ.സിനിമയിൽ സുപ്രധാനമായ കഥാപാത്രത്തെയാണ് ജോജു അവതരിപ്പിക്കുന്നത്.&nbsp;

ജോജു ജോർജിന് പരിക്കേറ്റത് 'തഗ് ലൈഫ്' ചിത്രീകരണത്തിനിടയിലല്ലെന്ന് അണിയറപ്രവർത്തകർ

വാണിമേൽ: വീടിന്റെ ഓട് ശരിയാക്കുന്നതിനിടെ വീണു പരിക്കേറ്റ ഗൃഹനാഥൻ മരിച്ചു. വാണിമേൽ ഭൂമിവാതുക്കലിലെ വെളുത്ത പറമ്പത്ത് കയമക്കണ്ടി മൊയ്തു ഹാജിയാണ് (68)ഇന്ന് പുലർച്ചെ കോഴിക്കോട് മെഡിക്കൽ കോളജ് ആശുപത്രിയിൽ മരിച്ചത്.
രണ്ടാഴ്ചയായി സ്വകാര്യ ആശുപത്രിയിൽ തീവ്ര പരിചരണ വിഭാഗത്തിൽ കഴിയുകയായിരുന്ന ഇദ്ദേഹത്തെ കഴിഞ്ഞ ദിവസം മെഡിക്കൽ കോളജിലേക്ക് മാറ്റുകയായിരുന്നു. ഭാര്യ: റാബിയ. മക്കൾ: റഊഫ്, റഈസ്, റഫീദ. മരുമകൻ: അസീസ് കുറുവന്തേരി. സഹോദരങ്ങൾ: അമ്മദ് ഹാജി ( മുൻ പഞ്ചായത്ത് മെമ്പർ), അബ്ദുല്ല മാസ്റ്റർ( റിട്ട. അധ്യാപകൻ), ആസ്യ, പാത്തു.

വാണിമേലിൽ വീടിന്റെ ഓട് ശരിയാക്കുന്നതിനിടെ വീണുപരിക്കേറ്റ ഗൃഹനാഥൻ മരിച്ചു

Kozhikode

വിഴിഞ്ഞം: കിണറ്റിൽ അകപ്പെട്ട പശുവിനെ അ​ഗ്നിരക്ഷാസേന രക്ഷിച്ചു. വ്യാഴാഴ്ച വൈകിട്ടാണ് സംഭവം. മേയാൻ വിട്ടിരുന്ന പശു പുരയിടത്തിലെ ഉപയോഗ ശൂന്യമായ കിണറിൽ അകപ്പെടുകയായിരുന്നു.വീട്ടുകാർ അറിയിച്ചതിനെ തുടർന്ന് സ്ഥലത്തെത്തിയ വിഴിഞ്ഞംഅഗ്നിരക്ഷാസേനാധികൃതർ ഓക്‌സിജൻ അടക്കമുളള സൗകര്യങ്ങൾ സജ്ജമാക്കി. ഒരു മണിക്കൂറോളം നടത്തിയ പരിശ്രമത്തിലാണ് പശുവിനെ കരയ്‌ക്കെത്തിച്ചത്. വെങ്ങാനൂർ ചരുവിള കുന്താലംവിള വീ്ട്ടിൽ രാജമ്മയുടെ പശുവാണ് കിണറിനുളളിൽ അകപ്പെട്ടത്.
എഴുപതടി താഴ്ചയും 30 അടിയോളം വെളളവുമുണ്ടായിരുന്ന കിണറിലാണ് പശു വീണതെന്ന് അഗ്നിരക്ഷാസേനാധികൃതർ പറഞ്ഞു. സേനാംഗം രാജീവ് കിണറ്റിലിറങ്ങി ഹോസും റോപ്പും ഉപയോഗിച്ച് പശുവിനെ കെട്ടി നിർത്തി. തുടർന്ന് മുകളിൽ നിന്നിരുന്ന മറ്റ് സേനാംഗങ്ങൾ ചേർന്ന് പശുവിനെ വലിച്ച് കരയിലേക്ക് കയറ്റുകയായിരുന്നു.

എഴുപതടി താഴ്ചയുളള കിണറ്റിൽ വീണ പശുവിനെ അഗ്നിരക്ഷാസേന രക്ഷിച്ചു

കുവൈത്ത് സിറ്റി: തീപ്പിടിത്ത ദുരന്തത്തില്‍ മരിച്ച മലയാളികളടക്കമുള്ള ഇന്ത്യക്കാരുടെ മൃതദേഹങ്ങളുമായി വ്യോമസേനയുടെ പ്രത്യേക വിമാനം കൊച്ചിയിലേക്ക് പുറപ്പെട്ടു. അൽപ്പസമയത്തിനകം വിമാനം കൊച്ചിയിലെത്തും.&nbsp;
പ്രാദേശിക സമയം പുലര്‍ച്ചെ 1.15 ഓടെയാണ് വിമാനം കുവൈത്തില്‍ നിന്ന് പറന്നുയര്‍ന്നത്. കേന്ദ്ര വിദേശകാര്യ സഹമന്ത്രി കീര്‍ത്തിവര്‍ധന്‍ സിങും ഉദ്യോഗസ്ഥരും വിമാനത്തിലുണ്ട്. വിമാനം നേരെ കൊച്ചിയിലാണ് ആദ്യം ഇറങ്ങുക. തുടര്‍ന്നായിരിക്കും ഡല്‍ഹിയിലേക്ക് പുറപ്പെടുക. മുഖ്യമന്ത്രി പിണറായി വിജയനും മന്ത്രിമാരും ചേര്‍ന്ന് മൃതദേഹങ്ങള്‍ വിമാനത്താവളത്തില്‍ ഏറ്റുവാങ്ങും. മരിച്ച 23 മലയാളികളുടെയും മൃതദേഹങ്ങള്‍ നെടുമ്പാശ്ശേരിയില്‍ നിന്ന് പ്രത്യേക ആംബുലന്‍സുകളില്‍ അവരവരുടെ വീടുകളില്‍ എത്തിക്കാന്‍ നോര്‍ക്ക ക്രമീകരണങ്ങള്‍ പൂര്‍ത്തിയാക്കി കഴിഞ്ഞു.

ഉറ്റവർക്ക് വിട ചൊല്ലാൻ ജന്മനാട് ;മരിച്ചവരുടെ മൃതദേഹങ്ങളുമായി വ്യോമസേനാ വിമാനം കൊച്ചിയിലേക്ക് പുറപ്പെട്ടു

National

മംഗഫ്: കുവൈത്തിലെ തൊഴിലാളി ക്യാമ്പിലുണ്ടായ തീപ്പിടിത്തത്തിന് കാരണം ഷോർട് സർക്യൂട്ടെന്ന് റിപ്പോർട്ട്. കുവൈത്ത് ഫയർഫോഴ്സ് അന്വേഷണ റിപ്പോർട്ടിലാണ് ഇക്കാര്യം വ്യക്തമാക്കുന്നത്. ഗാർഡ് റൂമിൽ നിന്നാണ് തീപ്പിടിത്തം ഉണ്ടായതെന്നും ഫയർഫോഴ്സ് പുറത്തിറക്കിയ പ്രസ്താവനയിൽ പറയുന്നു
തീപ്പിടിത്തത്തിൽ മരിച്ച മുഴുവൻ പേരെയും തിരിച്ചറിഞ്ഞു. 49 പേരിൽ 45 പേർ ഇന്ത്യക്കാരാണ്. 24 മലയാളികളാണ് മരിച്ചത്. ഏഴുപേർ തമിഴ്നാട്ടിൽ നിന്നുള്ളവരാണ്. മൂന്നുപേർ ആന്ധ്രാപ്രദേശിൽ നിന്നുള്ളവരും.
ഉത്തർപ്രദേശിൽ നിന്ന് നാലുപേർ, ഒഡിഷയിൽ നിന്ന് രണ്ടുപേർ, കർണാടകയിൽ നിന്ന് ഒരാൾ, പഞ്ചാബിൽ നിന്ന് ഒരാൾ, ഹരിയാണയിൽ നിന്ന് ഒരാൾ, ജാർഖണ്ഡിൽ നിന്ന് ഒരാൾ, പശ്ചിമ ബംഗാളിൽ നിന്ന് ഒരാൾ, മഹാരാഷ്ട്രയിൽ നിന്ന് ഒരാൾ, ബിഹാറിൽ നിന്ന് ഒരാൾ എന്നിങ്ങനെയാണ് മരിച്ചവരുടെ എണ്ണം.

കുവൈത്ത് തീപ്പിടിത്തത്തിന് കാരണം ഷോർട് സർക്യുട്ടെന്ന് കണ്ടെത്തൽ

Gulf

പറവൂർ: പന്തീരാങ്കാവ് ഗാർഹിക പീഡനക്കേസിലെ യുവതിയെ വടക്കേക്കര പോലീസ് വ്യാഴാഴ്ച രാത്രി നെടുമ്പാശ്ശേരി വിമാനത്താവളത്തിൽനിന്ന് കസ്റ്റഡിയിലെടുത്തു. രാത്രി 8.30-ഓടെ വിമാനത്താവളത്തിൽ വന്നിറങ്ങിയപ്പോഴാണിത്. യുവതിയെ മജിസ്ട്രേറ്റിനു മുന്നിൽ ഹാജരാക്കി. തനിക്ക് മാതാപിതാക്കളോടൊപ്പം പോകാൻ താത്പര്യമില്ലെന്നും ഡൽഹിക്കു പോകാനാണു താത്പര്യമെന്നും യുവതിപറഞ്ഞു.
മകളെ കാണാനില്ലെന്നു കാട്ടി അച്ഛൻ മാല്യങ്കര നൊച്ചിത്തറ എൻ.എസ്. ഹരിദാസ്, വടക്കേക്കര പോലീസിൽ പരാതി നൽകിയിരുന്നു. മൊബൈൽ ടവർ കേന്ദ്രീകരിച്ചുള്ള പോലീസിന്റെ അന്വേഷണത്തിൽ യുവതി ഡൽഹിയിലുണ്ടെന്ന് നേരത്തേ സൂചന ലഭിച്ചിരുന്നു.
വീട്ടിൽനിന്ന്‌ തിരുവനന്തപുരത്തെ ജോലിസ്ഥലത്തുപോയ യുവതിയുടെ ഫോൺ സ്വിച്ച് ഓഫായതിനെ തുടർന്നാണ് വീട്ടുകാർ അന്വേഷണം ആരംഭിച്ചതും മകളെ കാണാനില്ലെന്ന്‌ പരാതി നൽകിയതും. ഇതിനിടെ താൻ പറഞ്ഞ പരാതി കള്ളമാണെന്നു കാട്ടി യുവതിയുടെ വീഡിയോകൾ പുറത്തുവന്നിരുന്നു.

പന്തീരാങ്കാവ് ഗാർഹിക പീഡനക്കേസ്:യുവതിയെ കസ്റ്റഡിയിലെടുത്തു

പാലക്കാട്: ഉപതിരഞ്ഞെടുപ്പിൽ മൂന്നാം സ്ഥാനത്തെത്തിയ എൽഡിഎഫ് സ്വതന്ത്ര സ്ഥാനാർത്ഥി ഡോ. പി സരിനെ ട്രോളി കോൺഗ്രസ് നേതാവ് ജ്യോതികുമാർ ചാമക്കാല. പാലക്കാട് തിരഞ്ഞെടുപ്പിൽ വിജയിച്ച ശേഷം ആദ്യം യുഡിഎഫ് ഓഫീസിൽ എത്തുമെന്ന് മാധ്യമങ്ങളോട് പ്രതികരിച്ച സംഭവം ചൂണ്ടിക്കാട്ടിയായിരുന്നു ട്രോൾ. 'പാലക്കാട് വിജയിച്ച ശേഷം നേരെ യുഡിഎഫ് കേന്ദ്ര തിരഞ്ഞെടുപ്പ് കമ്മിറ്റി ഓഫീസിൽ എത്തുമെന്നറിയിച്ച പി സരിനെയും കാത്ത്'- എന്നായിരുന്നു ട്രോളിക്കൊണ്ട് ജ്യോതികുമാർ ചാമക്കാല ഫേസ്ബുക്കിൽ കുറിച്ചത്.
പാലക്കാട് വിജയിച്ച ശേഷം ഷാഫി പറമ്പിലിന്റെ ഓഫീസിലേക്കും യു.ഡി.എഫിന്റെ ഓഫീസിലേക്കുമായിരിക്കും ആദ്യം എത്തുകയെന്ന് പി.സരിൻ നേരത്തെ മാധ്യമങ്ങളോട് പറഞ്ഞിരുന്നു. എന്നാൽ, ഫലം വന്നപ്പോൾ പാലക്കാട് മൂന്നാം സ്ഥാനത്തായിരുന്നു സരിൻ.

'വിജയിച്ച ശേഷം യു.ഡി.എഫ് ഓഫീസിൽ എത്തുമെന്നറിയിച്ച പി. സരിനെയും കാത്ത്...'; ട്രോളുമായി ജ്യോതികുമാർ ചാമക്കാല

ചേലക്കര : ഉപതെരഞ്ഞെടുപ്പ് ഫലം ഇടതുപക്ഷ ജനാധിപത്യ മുന്നണി സർക്കാരിനെതിരായ വിധിയെഴുത്താകുമോ എന്നു ചോദിച്ചവർക്കുള്ള മറുപടിയാണ് ഇന്നുണ്ടായതെന്ന് സിപിഐ എം സംസ്ഥാന സെക്രട്ടറി എം വി ​ഗോവിന്ദൻ. തെരഞ്ഞെടുപ്പിൽ ഒരു ഭരണവിരുദ്ധവികാരവും പ്രകടിപ്പിക്കപ്പെട്ടിട്ടില്ലെന്നും‌ മൂന്നാം ടേമിലേക്ക് സർക്കാർ പോകുമെന്നതിന്റെ സൂചനയാണ് ഈ തെരഞ്ഞെടുപ്പ് ഫലമെന്നും അദ്ദേഹം പറഞ്ഞു.&nbsp;
ചേലക്കര എൽഡിഎഫ് സ്ഥാനാർഥി യു ആർ പ്രദീപിന്റേത് ഉജ്വലമായ വിജയമാണ്. 2016ൽ യു ആർ പ്രദീപ് നേടിയതിനേക്കാൾ ഭൂരിപക്ഷത്തിൽ ഇത്തവണ ജയിക്കാനായിട്ടുണ്ട്. പാർലമെന്റ് തെരഞ്ഞെടുപ്പിലേതിനേക്കാൾ ഭൂരിപക്ഷവും ലഭിച്ചു. എല്ലാ പിന്തിരിപ്പൻ ശക്തികളുടെയും വർ​ഗീയ വാദികളുടെയും അതിനെ പിന്തുണക്കുന്ന മാധ്യമ ശൃംഖലകളുടെയും എതിർപ്പുകളെ അതിജീവിച്ചുകൊണ്ടാണ് എൽഡിഎഫ് വിജയം. കേരള രാഷ്ട്രീയം ഏങ്ങോട്ടേക്കാണെന്നതിന് വ്യക്തത നൽകുന്ന തെരഞ്ഞെടുപ്പ് വിജയമാണ് ചേലക്കരയിലേത്. വരാൻ പോകുന്ന തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിലും അതിന് ശേഷം നടക്കുന്ന അസംബ്ലി തെരഞ്ഞെടുപ്പിലും കേരളത്തിന്റെ ഭാവി നിർണയിക്കുന്നതിൽ ഇടതു പക്ഷ ജനാധിപത്യ മുന്നണിക്ക് നിർണായക ചുമതല നിർവഹിക്കാമെന്നു തന്നെയാണ് ചേലക്കര തെരഞ്ഞെടുപ്പ് ഫലം വ്യക്തമാക്കുന്നതെന്നും എം വി ​ഗോവിന്ദൻ പറഞ്ഞു.
പാലക്കാട് യുഡിഎഫ് ജയിച്ചത് എല്ലാ വർ​ഗീയ ശക്തികളെയും ചേർത്തുകൊണ്ടാണ് ഒരു മഴവിൽ സഖ്യം പോലെ പ്രവർത്തിച്ചാണ്. യുഡിഎഫിനു വേണ്ടി പ്രവർത്തിച്ച ഏറ്റവും വലിയ വിഭാ​ഗം ജമാഅത്തെ ഇലസ്ലാമിയും എസ്ഡിപിഐയുമാണ്. തെരഞ്ഞെടുപ്പ് ഫലം പുറത്തു വരും മുൻപ് തന്നെ പാലക്കാട് ആദ്യം ആഹ്ലാദ പ്രകടനം നടത്തിയത് എസ്ഡിപിഐ ആണ്. കോൺ​ഗ്രസിന്റെ വിജയത്തിൽ എസ്ഡിപിഐക്കും ജമാഅത്തെ ഇസ്ലാമിക്കുമുള്ള പങ്ക് അവർ തന്നെ പ്രകടനം നടത്തി പ്രഖ്യാപിക്കുകയായിരുന്നു. വയനാട്ടിലെ യുഡിഎഫ് വിജയം പ്രതീക്ഷിച്ചതാണെന്നും മൂന്ന് മണ്ഡലത്തിലും ബിജെപിയുടെ പരാജയം ആഹ്ലാദം ഉണ്ടാക്കുന്നതാണെന്നും എം വി ​ഗോവിന്ദൻ പറഞ്ഞു.

പാലക്കാട്ടെ യുഡിഎഫ് വർ​ഗീയ ശക്തികളെ ഒപ്പം നിർത്തി ;ചേലക്കരയിലെ വിജയം മൂന്നാം സർക്കാരിന്റെ മുന്നോടിയായെന്നും  എം വി ​ഗോവിന്ദൻ

ഒരു ഉപതിരഞ്ഞെടുപ്പിലെ സ്ഥാനാര്‍ഥിത്വം ഇത്രമാത്രം ചര്‍ച്ചയാവാന്‍ കാരണമെന്താണ്? ആരാണ് രാഹുല്‍ മാങ്കൂട്ടത്തില്‍ ? ചാനല്‍ ചര്‍ച്ചകളിലെ കോണ്‍ഗ്രസ് പ്രതിനിധിയായ രാഹുലിനെ ഷാഫി പറമ്പിലിന് പകരമായി പാലക്കാട്ടേക്കയക്കാന്‍ തീരുമാനിക്കാൻ നേതൃത്വം അധികം സമയമെടുത്തില്ല. ആ തീരുമാനം ഒട്ടും തെറ്റായിപ്പോയില്ല എന്ന് രാഹുല്‍ തെളിയിച്ചു.കരുത്തരായ സ്ഥാനാര്‍ഥികളോട് മത്സരിച്ച് കന്നിയങ്കത്തില്‍ തിളക്കമാര്‍ന്ന വിജയം നേടിയ രാഹുല്‍ മാങ്കുട്ടത്തിലിന്റെ രാഷ്ട്രീയയാത്രയും തെറ്റിയില്ല.&nbsp;
സമീപകാല ചരിത്രത്തില്‍ തിരഞ്ഞെടുപ്പിനുള്ള തീയ്യതി പ്രഖ്യാപിച്ച് മണിക്കൂറുകള്‍ക്കകം ഒരു സ്ഥാനാര്‍ഥിയെ പ്രഖ്യാപിക്കുന്നത് അധികം കണ്ടിട്ടുമില്ല.വിഡി സതീശനും കെ സുധാകരനുമെല്ലാം രാഹുലിനെ പിന്തുണച്ചെത്തി. ആളുകളുടെ ഹൃദയം കീഴടക്കിയ സമരനായകനാണ് രാഹുലെന്ന് സതീശനും പുതിയ തലമുറയുടെ പ്രതീകമാണെന്ന് സുധാകരനും പറഞ്ഞു.&nbsp;
പത്തനംതിട്ട കാതോലിക്കേറ്റ് കോളേജില്‍ പഠിക്കുമ്പോള്‍ 2006-ല്‍ കെ.എസ്.യു വിലൂടെയാണ് രാഹുല്‍ രാഷ്ട്രീയ ജീവിതം ആരംഭിക്കുന്നത്. തൊട്ടടുത്ത വര്‍ഷം കെ.എസ്.യുവിന്റെ അടൂര്‍ നിയോജക മണ്ഡലം പ്രസിഡന്റും യൂത്ത് കോണ്‍ഗ്രസിന്റെ പെരിങ്ങനാട് മണ്ഡലം കമ്മിറ്റി പ്രസിഡന്റുമായി. പിന്നീട് യൂണിവേഴ്‌സിറ്റി കൗണ്‍സിലര്‍, കെ.എസ്.യു, ജില്ലാ പ്രസിഡന്റ്, എന്‍.എസ്.യു.ഐ, ദേശീയ സെക്രട്ടറി, കെ.എസ്.യു, സംസ്ഥാന ജനറല്‍ സെക്രട്ടറി, യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി, കെ.പി.സി.സി, അംഗം, യൂത്ത് കോണ്‍ഗ്രസ് സംസ്ഥാന സെക്രട്ടറി അങ്ങനെ 18 വര്‍ഷം കൊണ്ട് പാര്‍ട്ടിയിലെ വിവിധ ചുമതലകള്‍, പദവികള്‍. ഒടുവില്‍ 2023ല്‍ യൂത്ത് കോണ്‍ഗ്രസിന്റെ സംസ്ഥാന പ്രസിഡന്റായും തിരഞ്ഞെടുക്കപ്പെട്ടു.
അച്ഛനോടുള്ള വൈകാരികമായ അടുപ്പമാണ് തന്നെ കോണ്‍ഗ്രസുകാരനാക്കിയതെന്ന് രാഹുല്‍ ഒരു അഭിമുഖത്തില്‍ പറഞ്ഞിട്ടുണ്ട്. പത്തനംതിട്ട മുണ്ടപ്പള്ളി പാറക്കൂട്ടം ആറ്റിവിളാകത്ത് എസ്. രാജേന്ദ്ര കുറുപ്പ് എന്ന രാഹുലിന്റെ അച്ഛന്‍ ഇന്ത്യന്‍ ആര്‍മി ഓഫീസറും കോണ്‍ഗ്രസുകാരനുമായിരുന്നു. ഖദറിട്ട് നടക്കുന്ന മനുഷ്യന്‍. രാഹുലിന്റെ കുട്ടിക്കാലത്ത് തന്നെ അച്ഛന്‍ മരണപ്പെട്ടതോടെ അമ്മ ബീനയായി പിന്നെയെല്ലാം. ഒരിക്കല്‍ രാഹുല്‍ അച്ഛന്റെ ഖദറിട്ടുനോക്കിയപ്പേള്‍ വൈകാരികമായ ഒരു സുരക്ഷിതത്വം അനുഭവപ്പെട്ടു. അന്ന് വെറുതെയിട്ട് നോക്കിയ ഖദര്‍ മനസിനകത്ത് ഇപ്പോഴും ധരിക്കുന്നുണ്ടെന്നാണ് രാഹുല്‍ പറയുന്നത്.&nbsp;
അടൂര്‍ തപോവന്‍ സ്‌കൂള്‍, പന്തളം സെന്റ് ജോണ്‍സ് പബ്ലിക് സ്‌കൂള്‍ എന്നിവിടങ്ങളില്‍ നിന്ന് പ്രാഥമിക വിദ്യാഭ്യാസം. പത്തനംതിട്ട കാതോലിക്കേറ്റ് കോളേജില്‍ നിന്ന് ബിരുദം. ഡല്‍ഹി സെയ്ന്റ് സ്റ്റീഫന്‍സ് കോളേജില്‍നിന്ന് ചരിത്രത്തില്‍ എം.എ.യും ഇന്ദിരാഗാന്ധി ഓപ്പണ്‍ യൂണിവേഴ്‌സിറ്റിയില്‍നിന്ന് ഇംഗ്ലീഷില്‍ എം.എ.യും നേടി. നിലവില്‍ കോട്ടയം യൂണിവേഴ്‌സിറ്റിയില്‍ പിഎച്ച്ഡി ചെയ്യുകയാണ്. രാഹുല്‍ അധ്യക്ഷനായതുമുതല്‍ നിരവധി സമരപരിപാടികള്‍ക്കാണ് യൂത്ത് കോണ്‍ഗ്രസ് രൂപം കൊടുത്തത്. സര്‍ക്കാര്‍ വിരുദ്ധ സമരങ്ങളിലൂടെ ശ്രദ്ധേയനായി. ഈ വര്‍ഷമാദ്യം സെക്രട്ടറിയേറ്റ് മാര്‍ച്ചിനിടെയുണ്ടായ സംഘര്‍ഷവുമായി ബന്ധപ്പെട്ട് അടൂരിലെ വീട് വളഞ്ഞ് രാഹുലിനെ അറസ്റ്റ് ചെയ്തത് കേരളമൊട്ടാകെ ചര്‍ച്ചയായിരുന്നു.
തൃക്കാക്കരയിലും, പുതുപ്പള്ളിയിലുമുള്‍പ്പെടെ നിരവധി ഉപതെരഞ്ഞെടുപ്പുകളില്‍ കോണ്‍ഗ്രസിന്റെ മുഖ്യപ്രചാരകനായിരുന്നു രാഹുല്‍.2023-ല്‍ യൂത്ത് കോണ്‍ഗ്രസ് സംസ്ഥാന പ്രസിഡന്റായിരുന്ന ഷാഫി പറമ്പില്‍ സ്ഥാനമൊഴിഞ്ഞപ്പോഴാണ് അതേ സ്ഥാനത്തേക്ക് രാഹുല്‍ എത്തുന്നത്. രാഷ്ട്രീയത്തില്‍ മാത്രമല്ല വ്യക്തിജീവിതത്തിലും ഷാഫിയുമായി രാഹുലിന് വളരെയധികം അടുപ്പമുണ്ട്. മൂത്ത സഹോദരനെ പോലെയാണ് ഷാഫിയെന്ന് രാഹുല്‍ പറഞ്ഞിട്ടുമുണ്ട്.&nbsp;
തന്റെ രാഷ്ട്രീയ ജീവിതത്തിലെ കന്നിയങ്കത്തിൽ കരുത്തരായ എതിരാളികളെയാണ് രാഹുല്‍ മലര്‍ത്തിയടിച്ചത്. ബിജെപിയുടെ കോട്ട തകർത്ത് ഇടത് വോട്ടുകള്‍ കുത്തിമറിച്ചാണ് രാഹുലിന്റെ വിജയം. സംസ്ഥാന രാഷ്ട്രീയത്തില്‍ കോണ്‍ഗ്രസിന്റെ യുവനിരയിലേക്കുയര്‍ന്ന രാഹുലിന്റെ രാഷ്ട്രീയഭാവി ശോഭനമാക്കിയ ഉപതിരഞ്ഞെടുപ്പാണിത് എന്ന് നിസംശയം പറയാം.

ഷാഫിയുടെ പിൻഗാമിയായി നിയമസഭയിലേക്ക്;നിയുക്ത എം.എൽ.എ രാഹുൽ മാങ്കൂട്ടത്തിലിനെ അറിയാം

പാലക്കാട്: ഉപതെരഞ്ഞെടുപ്പ് ഫലത്തിന് പിന്നാലെ ഫേസ്ബുക്ക് പോസ്റ്റുമായി പാലക്കാട്ടെ സ്ഥാനാർഥി പി.സരിൻ. നെഞ്ചോട് ചേർത്തുപിടിച്ച ഓരോ സഖാവിനും നന്ദിയുണ്ടെന്നും പി.സരിൻ ഫേസ്ബുക്കിൽ കുറിച്ചു. ജനാധിപത്യ, മതേതര മൂല്യങ്ങൾ ഉയർത്തിപ്പിടിക്കാനും പാലക്കാടിന്റെ വികസന സ്വപ്നങ്ങൾ യാഥാർത്ഥ്യമാക്കാനും ഇടത് പക്ഷത്തിന് വോട്ട് ചെയ്ത ഓരോ വോട്ടറോടുമുള്ള അകമഴിഞ്ഞ നന്ദി രേഖപ്പെടുത്തുന്നുവെന്നും സരിൻ പറഞ്ഞു.
കേരളം ഭരിക്കുന്നത് ഇടത് മുന്നണിയാണ്. പാലക്കാടിന്റെ വികസനം സർക്കാരിന്റെ മുഖ്യ അജണ്ടയായി തന്നെ തുടരും. അതിനായി പ്രവർത്തിക്കാൻ ജനങ്ങളുടെ ഇടയിൽ തന്നെ താനുണ്ടാവുമെന്നും പി.സരിൻ പറഞ്ഞു.
നിയമസഭ ഉപതെരഞ്ഞെടുപ്പിൽ പാലക്കാട് 18724 വോട്ടിന്‍റെ ലീഡിൽ യു.ഡി.എഫ് സ്ഥാനാർഥി രാഹുൽ മാങ്കൂട്ടത്തിൽ വിജയിച്ചിരുന്നു.

നെഞ്ചോട് ചേർത്തുപിടിച്ച ഓരോ സഖാവിനും നന്ദി ;ഫേസ്ബുക്ക് പോസ്റ്റുമായി സരിൻ

കൽപറ്റ: വയനാട് ലോക്സഭ ഉപതെരഞ്ഞെടുപ്പിൽ യു.ഡി.എഫ് സ്ഥാനാർഥി പ്രിയങ്ക ഗാന്ധി വൻ വിജയത്തിലേക്ക്. ലോക്സഭ പ്രതിപക്ഷ നേതാവും സഹോദരനുമായ രാഹുൽ ഗാന്ധി കഴിഞ്ഞ തെരഞ്ഞെടുപ്പിൽ നേടിയ ഭൂരിപക്ഷം ഇതിനകം പ്രിയങ്ക മറികടന്നു.
നിലവിലെ കണക്കുകൾ പ്രകാരം പ്രിയങ്കയുടെ ലീഡ് 3,82,975 കടന്നു. 5,78,526 വോട്ടുകളാണ് പ്രിയങ്ക നേടിയത്. തൊട്ടുപിന്നിലുള്ള എൽ.ഡി.എഫ് സ്ഥാനാർഥി സത്യൻ മൊകേരിക്ക് 1,95,551 വോട്ടുകളും ബി.ജെ.പിയുടെ നവ്യ ഹരിദാസിന് 1,04,947 വോട്ടുകളും ലഭിച്ചു. വോട്ടെണ്ണൽ തുടങ്ങി ആദ്യ മണിക്കൂർ പിന്നിടുമ്പോൾ തന്നെ എതിരാളികളെ ബഹുദൂരം പിന്നിലാക്കി പ്രിയങ്കയുടെ കുതിപ്പായിരുന്നു. കഴിഞ്ഞ തവണ 3,64,111 വോട്ടുകൾക്കാണ് രാഹുൽ ജയിച്ചത്.

ഇന്ദിരയുടെ കൊച്ചുമകൾ പാർലമെന്റിലേക്ക്;വയനാട്ടിൽ പ്രിയങ്കാ ഗാന്ധി വിജയിച്ചു

Search Results for: vaisakh