പേരാമ്പ്ര: വിവാഹവീട്ടിലെ പണപ്പെട്ടിയിൽനിന്ന് വീണ്ടും കവറുകൾ മോഷണംപോയതായി പരാതി. ചങ്ങരോത്ത് പഞ്ചായത്തിലെ കടിയങ്ങാട് വെളുത്തപറമ്പിനുസമീപം മുതുവണ്ണാച്ച റോഡിൽ പിണങ്ങോട്ട് ഫൈസലിന്റെ വീട്ടിലാണ് വിവാഹത്തിനെത്തിയവർ വിവാഹസമ്മാനമായി പണമിട്ടുനൽകിയ കവറുകൾ കാണാതായത്. ഒരാഴ്ചയ്ക്കുള്ളിൽ രണ്ടാമതാണ് ഇത്തരത്തിലുള്ള മോഷണം നടക്കുന്നത്‌.
വീടിനുപുറത്തും അകത്തുമായി രണ്ട് പണപ്പെട്ടിയാണ് വെച്ചിരുന്നത്. ഇതിൽ അകത്തുവെച്ചതിൽനിന്ന് കവറുകൾ മോഷണംപോയതായാണ് സംശയിക്കുന്നത്. പെട്ടിയുടെ ഒരുഭാഗം പൊട്ടിച്ചനിലയിലാണ്. ഇതിൽനിന്ന് 20-ഓളം കവറുകൾമാത്രമാണ് ലഭിച്ചത്. ഒരുവിഭാഗം കവറുകൾ മോഷണംപോയതായാണ് സംശയിക്കുന്നത്. വീട്ടിനകത്തെ മുറിയിലേക്ക് മാറ്റിവെച്ച പെട്ടി തിങ്കളാഴ്ച രാവിലെ നോക്കിയപ്പോഴാണ് കാര്യം മനസ്സിലായത്. പേരാമ്പ്ര പോലീസ് സംഭവസ്ഥലത്തെത്തി പരിശോധന നടത്തി.
കഴിഞ്ഞയാഴ്ച പേരാമ്പ്ര പൈതോത്തും വിവാഹപ്പെട്ടിയിൽനിന്ന് പണം മോഷണംപോയിരുന്നു. ഇതിലെ മോഷ്ടാവിനെ ഇതുവരെ പിടികൂടാനായിട്ടില്ല. പൈതോത്ത് കോറോത്ത് സദാനന്ദന്റെ വീട്ടിലാണ് നേരത്തേ കവർച്ചനടന്നത്. 18-ന് രാത്രിയായിരുന്നു സംഭവം. വീട്ടിലെ ഓഫീസ് മുറിയിൽ സൂക്ഷിച്ച പണപ്പെട്ടി എടുത്തുകൊണ്ടുപോയി പണംകവർന്നശേഷം വീട്ടുപറമ്പിനോടുചേർന്നുള്ള വയൽപ്രദേശത്തെ കുറ്റിക്കാടുകൾക്കിടയിൽ ഉപേക്ഷിച്ചനിലയിൽ കണ്ടെത്തുകയായിരുന്നു.

വീണ്ടും വിവാഹവീട്ടിലെ പണപ്പെട്ടിയിൽ നിന്ന്‌ പണം കവർന്നു

Perambra

കോഴിക്കോട്: പൂവാട്ടുപറമ്പിൽ നിർത്തിയിട്ട കാറിൽനിന്നും 40ലക്ഷം രൂപ കവർന്നതായി പരാതി. സ്വകാര്യ ആശുപത്രിയുടെ പാർക്കിങ് ഏരിയയിൽ നിർത്തിയിട്ട കാറിന്റെ ഗ്ലാസ് തകർത്താണ് കവർച്ച. ആനക്കുഴിക്കര സ്വദേശി റഹീസിന്റെ പണമാണ് നഷ്ടമായത്. പണം ചാക്കിലാക്കിയാണ് സൂക്ഷിച്ചതെന്നാണ് റഹീസ് പറയുന്നത്. ബൈക്കിലെത്തിയ രണ്ടുപേർ ചാക്കുമായി പോകുന്ന സിസിടിവി ദൃശ്യം പോലീസിന് ലഭിച്ചിട്ടുണ്ട്. പണത്തിന്റെ ഉറവിടം സംബന്ധിച്ച് സംശയമുണ്ടെന്നാണ് പോലീസ് പറയുന്നത്. ഭാര്യാപിതാവ് നല്‍കിയ പണവും മറ്റൊരിടത്തുനിന്നു ലഭിച്ച പണവും ഒന്നിച്ചു സൂക്ഷിരുന്നതാണെന്നാണ് റഹീസിന്റെ മൊഴി. മെഡിക്കൽ കോളജ് പോലീസ് അന്വേഷണം തുടങ്ങി.

കോഴിക്കോട്ട് നിർത്തിയിട്ട കാറിൽനിന്ന് 40 ലക്ഷം കവർന്നു

Kozhikode

നാദാപുരം: ചെക്യാട് പ്രവാസിയുടെ വീട്ടിൽ മോഷണം. വീടിൻ്റെ മുൻവശത്തെ വാതിൽ കുത്തിപ്പൊളിച്ച് അകത്ത് കയറിയ മോഷ്ട്ടാവ് പതിനായിരത്തോളം രൂപ അപഹരിച്ചു. ചെക്യാട് വില്ലേജ് ഓഫീസ് പരിസരത്തെ പ്രവാസിയായ ചാത്തോത്ത് ഇസ്മയിലിൻ്റെ വീട്ടിലാണ് മോഷണം നടന്നത്. വീട്ടുകാർ കഴിഞ്ഞ ദിവസം വീട് പൂട്ടി കൂറുവന്തേരിയിലെ ബന്ധുവീട്ടിൽ പോയതായിരുന്നു. തിങ്കളാഴ്ച തിരിച്ചെത്തിയപ്പോഴാണ് മോഷണവിവരം അറിയുന്നത്. മുൻവശത്തെ വാതിൽ കുത്തിപൊളിച്ച നിലയിലാണ്. പിൻവശത്ത വാതിൽ തുറന്നിട്ടിട്ടുണ്ട്. തുടർന്ന് വീട്ടുകാർ അകത്ത് കയറി നോക്കിയപ്പോഴാണ് മോഷണവിവരമറിയുന്നത്. കിടപ്പ് മുറികളിലെ അലമാരകൾ തുറന്ന് വസ്ത്രങ്ങളും മറ്റ് സാധന സാമഗ്രികളും വാരി വലിച്ചിട്ട നിലയിലാണ്.
വീട്ടുകാർ വിവരമറിയിച്ചതനുസരിച്ച് വളയം പോലീസ് സ്ഥത്തെത്തി പരിശോധന നടത്തി. രണ്ട് ദിവസം മുമ്പ് മേഖലയിൽ ആളില്ലാത്ത വീടുകൾ കുത്തിതുറന്ന് പഴയ പാത്രങ്ങൾ കവർച്ച നാടത്തിയിരുന്നു. ഇതിന് പിന്നാലെയാണ് വീണ്ടും മോഷണം നടന്നത്.

ചെക്യാട് വീണ്ടും മോഷണം; അടച്ചിട്ട വീട് കുത്തി തുറന്ന് പണം കവർന്നു

Nadapuram

കൊയിലാണ്ടി: എടിഎമ്മിൽ നിറയ്‌ക്കാൻ കൊണ്ടുപോയ പണം തട്ടാൻ ശ്രമിച്ച കേസിലെ പ്രതികളെ തെളിവെടുപ്പിനായി പൊലീസ് വിവിധ സ്ഥലങ്ങളിലെത്തിച്ചു. തിക്കോടി കാത്തലിക് സിറിയൻ ബാങ്ക്, ഫെഡറൽ ബാങ്ക്, മോഷണം ആസൂത്രണം ചെയ്ത തിക്കോടി ബീച്ച്, ബാഗും പർദയും ഉപേക്ഷിച്ച തുറശ്ശേരികടവ് പാലം, പ്രതി സുഹൈലിനെ കൈയും കാലും കെട്ടിയ കോഴിക്കോട് വെസ്റ്റ്ഹിൽ ബീച്ചിലെ റോഡ് സൈഡ്, മുളകുപൊടി, ചൂടി എന്നിവ വാങ്ങിയ മൂടാടിയിലേയും ചെങ്ങോട്ടുകാവിലേയും കടകൾ,
കൊയിലാണ്ടി ഫെഡറൽ ബാങ്ക്, അരിക്കുളം എന്നിവിടങ്ങളിലാണ്‌ തെളിവെടുപ്പ്‌ നടത്തിയത്‌. പ്രതികളിലൊരാൾ പണയംവച്ച സ്വർണം വീണ്ടെടുക്കാനുള്ള ശ്രമത്തിലാണ് പൊലീസ്. 18നായിരുന്നു സംഭവം. പയ്യോളി ബീച്ച് സുഹാന മൻസിൽ സുഹൈൽ (25), തിക്കോടി കോടിക്കൽ ഉമ്മർ വളപ്പിൽ താഹ (27), തിക്കോടി കോടിക്കൽ പുളിവളപ്പിൽ യാസർ (20) എന്നിവരാണ് പ്രതികൾ.&nbsp;&nbsp;
കൊയിലാണ്ടി സിഐ ശ്രീലാൽ ചന്ദ്രശേഖരന്റെ നേതൃത്വത്തിലായിരുന്നു തെളിവെടുപ്പ്. 62 ലക്ഷം രൂപ ബാങ്കുകളിൽനിന്ന്‌ സുഹൈൽ പിൻവലിച്ചതായാണ് പ്രാഥമികാന്വേഷണത്തിൽ മനസ്സിലായത്. എടിഎം കരാർ എടുത്ത മുഹമ്മദ് 72 ലക്ഷം രൂപ പോയതായാണ് പൊലീസിനെ അറിയിച്ചത്‌.

എ ടി എം പണം തട്ടിപ്പ് നാടകം: പ്രതികളുമായി തെളിവെടുപ്പ് ആരംഭിച്ചു

Koyilandy

കൊയിലാണ്ടി: എടിഎമ്മിൽ നിറയ്ക്കാനായി കൊണ്ടുവന്ന പണം കൊയിലാണ്ടി കാട്ടിൽപീടികയിൽവച്ച് തട്ടിയെടുത്ത കേസിൽ പ്രതികൾ നടത്തിയത് വലിയ ഗൂഢാലോചനയെന്ന് പൊലീസ്. പിടിക്കപ്പെടില്ല എന്ന ആത്മവിശ്വാസത്തിലായിരുന്നു പ്രതികളെന്നും റൂറൽ എസ്പി പി.നിധിൻ രാജ് പറഞ്ഞു.എടിഎമ്മിൽ നിക്ഷേപിക്കാൻ പണവുമായി കാറിൽ പോയ തന്നെ ആക്രമിച്ച് 25 ലക്ഷം കവർന്നെന്നു കഴിഞ്ഞ ദിവസം പരാതിപ്പെട്ട സ്വകാര്യ ഏജൻസി ജീവനക്കാരൻ തിക്കോടി സുഹാന മൻസിലിൽ സുഹൈൽ, സുഹൃത്തുക്കളായ താഹ, യാസിർ എന്നിവരാണ് പിടിയിലുള്ളത്. ഇതിൽ സുഹൈലിന്റെ അറസ്റ്റ് രേഖപ്പെടുത്തി. സുഹൈലാണ് മോഷണത്തിന്റെ ആസൂത്രകനെന്നാണ് പൊലീസ് പറയുന്നത്.
മറ്റ് രണ്ടു പേരെ ചോദ്യം ചെയ്യുകയാണ്. 37 ലക്ഷം രൂപ താഹയിൽ നിന്ന് കണ്ടെത്തി. ബാക്കി പണത്തെക്കുറിച്ച് അന്വേഷിക്കുകയാണ്. എടിഎമ്മിൽ നിറയ്ക്കാനായി ശനിയാഴ്ച വിവിധ ബാങ്കുകളിൽ നിന്നായി 62 ലക്ഷം രൂപയാണ് പിൻവലിച്ചത്. നേരത്തേ കയ്യിൽ ഉണ്ടായിരുന്നതടക്കം 72 ലക്ഷം രൂപയാണ് നഷ്ടപ്പെട്ടത്. സംഭവത്തിൽ കൂടുതൽ പേരുണ്ടോ എന്ന് അന്വേഷിക്കുകയാണെന്ന് പൊലീസ് പറഞ്ഞു. പ്രതികൾ വലിയ സാമ്പത്തിക ഇടപാടുകൾ നടത്തിയെന്നാണ് വിവരം. ഇവരുടെ സാമ്പത്തിക ബാധ്യതകളെക്കുറിച്ച് അന്വേഷിച്ചു വരികയാണ്. മുൻപ് ഇവരുടെ പേരിൽ കേസുണ്ടായിരുന്നതായി അറിവില്ല. അന്വേഷണം നടക്കുകയാണ്. തെറ്റായ പരാതി നൽകൽ, പണം തട്ടൽ തുടങ്ങി നിരവധി കുറ്റങ്ങൾ ചുമത്തിയാണ് സുഹൈലിനെ അറസ്റ്റ് ചെയ്തിരിക്കുന്നത്.
സുഹൈലിനെ കാറിൽ കണ്ടെത്തിയവരുടെ മൊഴി വിശദമായി രേഖപ്പെടുത്തി. സിസിടിവി ക്യാമറകളും പരിശോധിച്ചു. ഇതോടെയാണ് തട്ടിപ്പാണെന്ന് വ്യക്തമായത്. ആദ്യം തന്നെ സുഹൈലിനെ സംശയം തോന്നിയതിനാൽ ഏറെ കരുതലോടെയാണ് പൊലീസ് നീങ്ങിയത്. പണം നഷ്ടപ്പെട്ടതുമായി ബന്ധപ്പെട്ട് എടിഎം ഏജൻസി പരാതി നൽകിയിട്ടുണ്ട്. ദീർഘകാലമായി നടത്തിയ ഗൂഢാലോചനയുടെയും തിരക്കഥയുടെയും ഭാഗമായാണ് തട്ടിപ്പ് നടത്തിയതെന്നും എസ്പി പറഞ്ഞു. ബോധം കെടുത്തിയ ശേഷം പണം തട്ടിയെടുത്തു എന്നായിരുന്നു സുഹൈലിന്റെ പരാതി. ശനിയാഴ്ച ഉച്ചതിരിഞ്ഞ് കാട്ടിൽപീടികയിലാണ് സംഭവം. നാട്ടുകാരാണ് സുഹൈലിനെ കാറിൽ കെട്ടിയിട്ട നിലയിൽ കണ്ടെത്തിയത്.
സംഭവത്തെക്കുറിച്ച് എഫ്.ഐ.ആറില്‍ രേഖപ്പെടുത്തിയത് ഇപ്രകാരമാണ്: 
പരാതിക്കാരനായ സുഹൈല്‍ ഇന്ത്യ വണ്‍ എ.ടി.എമ്മില്‍ പണംനിറയ്ക്കുന്ന ഏജന്‍സിയിലെ ജീവനക്കാരനാണ്. പയ്യോളി സ്വദേശി മുഹമ്മദാണ് ഇന്ത്യ വണ്‍ എ.ടി.എമ്മില്‍ പണംനിറയ്ക്കുന്നത് കരാറെടുത്തത്. എ.ടി.എമ്മില്‍ നിറയ്ക്കുന്നതിനായി ബാങ്കില്‍നിന്ന് പിന്‍വലിച്ച പണവുമായി കെ.എല്‍.56 ഡബ്‌ള്യു 3723 നമ്പര്‍ കാര്‍ ഓടിച്ച് ശനിയാഴ്ച ഉച്ചയ്ക്ക് കൊയിലാണ്ടിയില്‍നിന്ന് അരിക്കുളം കുരുടിമുക്ക് ഭാഗത്തേക്ക് പോകുകയായിരുന്നു.
ഉച്ചയ്ക്ക് 12 മണിക്ക് കാര്‍ അരിക്കുളം പഞ്ചായത്ത് ഓഫീസ് കഴിഞ്ഞുള്ള കയറ്റം കയറുന്നതിനിടയില്‍ പര്‍ദധരിച്ച് നടന്നുവരുകയായിരുന്ന രണ്ടുപേരില്‍ ഒരാള്‍ കാറിന്റെ ബോണറ്റിലേക്കു വീണു. സുഹൈല്‍ കാര്‍ നിര്‍ത്തിയപ്പോള്‍ പര്‍ദധരിച്ച മറ്റേയാള്‍ കാറിന്റെ അല്പം ഉയര്‍ത്തിയ ചില്ലിനുള്ളിലൂടെ അകത്തേക്ക് കൈയിട്ട് പരാതിക്കാരന്റെ വായും മൂക്കും പൊത്തിപ്പിടിച്ചു. ഇതിനിടയില്‍ മറ്റേയാള്‍ കാറിന്റെ പുറകില്‍ക്കയറി പരാതിക്കാരനെ കാറിന്റെ പിന്‍സീറ്റിലേക്ക് വലിച്ചിട്ടശേഷം കാലും കൈയും കെട്ടിയിട്ട് ശരീരമാസകലം മുളകുപൊടിവിതറി. തുടര്‍ന്ന് ബോധരഹിതനാക്കി കാര്‍ അവര്‍ ഓടിച്ചുപോകുകയായിരുന്നു. ഇതിനിടെ കാറിന്റെ മുന്‍സീറ്റില്‍ ബാഗില്‍വെച്ചിരുന്ന തുക കവര്‍ച്ചചെയ്തശേഷം സുഹൈലിനെ കാട്ടിലപ്പീടികയില്‍ ഉപേക്ഷിച്ചുവെന്നാണ് കേസ്.
കാട്ടിലപ്പീടിക മുജാഹിദ് പള്ളിക്കു സമീപം ശനിയാഴ്ച വൈകുന്നേരം 3.30-ഓടെയാണ് സുഹൈലിനെ കാറില്‍ കണ്ടത്. ഇയാളുടെ ശരീരത്തിലും കാറിനുള്ളിലും മുളകുപൊടി വിതറിയനിലയിലായിരുന്നു. കൈയും കാലും കയറുകൊണ്ട് ബന്ധിച്ചിരുന്നു. നാട്ടുകാര്‍ ചേര്‍ന്ന് കെട്ടഴിച്ചശേഷമാണ് പുറത്തേക്കെത്തിച്ചത്. സാധാരണ എ.ടി.എമ്മില്‍ പണം നിറയ്ക്കാന്‍പോകുമ്പോള്‍ തന്നോടൊപ്പം മറ്റൊരാള്‍കൂടി ഉണ്ടാകുമായിരുന്നെന്നും ശനിയാഴ്ച അദ്ദേഹം അവധിയായതിനാല്‍ ഒറ്റയ്ക്കാണ് പോയതെന്നുമാണ് സുഹൈല്‍ പോലീസിനോട് പറഞ്ഞത്.&nbsp;

കൊയിലാണ്ടിയിലെ തട്ടിപ്പ് കഥയ്ക്ക് പിന്നിൽ വൻ ഗൂഢാലോചന; കരുതലോടെ പൊലീസിന്റെ നീക്കം, അന്വേഷണം തുടരുന്നു

വടകര : മേപ്പയിൽ സ്വദേശിയുടെ രണ്ടുലക്ഷം രൂപ നഷ്ടപ്പെട്ടതായി പോലീസിൽ പരാതി. ഇല്ലത്ത് ഹൗസിൽ നാരായണനാണ് വടകര പോലീസിൽ പരാതി നൽകിയത്. മേപ്പയിൽനിന്നും ബസിൽ കയറി പണിക്കോട്ടി റോഡിൽ എത്തിയപ്പോഴാണ് പണം നഷ്ടപ്പെട്ടതായി ശ്രദ്ധയിൽപ്പെട്ടത്. തുടർന്ന് വടകര പോലീസിൽ പരാതി നൽകുകയായിരുന്നു. പരാതിയിൽ കേസെടുത്ത് അന്വേഷണം ആരംഭിച്ചതായി പോലീസ് അറിയിച്ചു.

മേപ്പയിൽ സ്വദേശിയുടെ രണ്ടുലക്ഷം രൂപ നഷ്ടപ്പെട്ടതായി പരാതി

Vadakara

തിരുവനന്തപുരം: സർക്കാർ ഓഫീസുകളിൽ യു.പി.ഐ. വഴി പണമടയ്ക്കാൻ അനുമതി നൽകി ധനവകുപ്പ്. ഇപ്പോൾ ഇ-രസീതുകൾ വഴിയാണ് സ്വീകരിക്കുന്നത്. ഇ-രസീതുകൾ പ്രകാരമുള്ള തുക ട്രഷറിയിലോ അക്ഷയകേന്ദ്രങ്ങളിലോ സ്വീകരിക്കും. ഇതിനുപകരം അതത് ഓഫീസുകളിൽത്തന്നെ ഗൂഗിൾപേ, ഫോൺപേ തുടങ്ങിയ യു.പി.ഐ സംവിധാനങ്ങളിലൂടെയും ക്യൂ.ആർ.കോഡ് സ്‌കാൻചെയ്തും പണം സ്വീകരിക്കാനാണ് അനുമതി.ഇതോടെ ട്രഷറിയിലും അക്ഷയകേന്ദ്രങ്ങളിലും പോകാതെ ജനങ്ങൾക്ക് പണമടയ്ക്കാനാവും.

ഡിജിറ്റൽ ഇടപാടുകൾ നടത്തുന്ന സർക്കാർസ്ഥാപനങ്ങളിൽ നിർബന്ധമായും പി.ഒ.എസ്. യന്ത്രങ്ങൾ ഉണ്ടായിരിക്കണമെന്ന വ്യവസ്ഥ ഒഴിവാക്കി. പി.ഒ.എസ്. യന്ത്രങ്ങൾവഴി തുകകൾ സ്വീകരിക്കാൻ ബാങ്കുകൾക്ക് പണം നൽകേണ്ടതിനാലാണിത്.

ഇനി മുതൽ സർക്കാർ ഓഫീസുകളിൽ യു.പി.ഐ.വഴിയും പണമടയ്ക്കാം

നാദാപുരം: വളയത്ത് വീട്ടിലും സൊസൈറ്റിയിലും മോഷണം. സ്വർണവും പണവും നഷ്ടമായി.വളയം അരൂണ്ടയിൽ പാൽ സൊസൈറ്റിയും പുഞ്ചയിൽ വീടും കുത്തി തുറന്നാണ് മോഷണം നടത്തിയത്. അരൂണ്ടയിലെ പുഞ്ചയിൽ വീട്ടിൽ സുനിൽ കുമാറിൻ്റെ വീട്ടിൽ നിന്ന് അര പവൻ സ്വർണവും , അയ്യായിരം രൂപയും, പാൽ സൊസൈറ്റിയിൽ നിന്ന് നാലായിരം രൂപയുമാണ് കവർന്നത്. പ്രവാസിയായ സുനിൽ കുമാറിൻ്റെ ഭാര്യ ബന്ധുവിൻ്റെ മരണത്തെ തുടർന്ന് വീട് പൂട്ടി പോയതായിരുന്നു. രാവിലെ വീട്ടിലെത്തിയപ്പോഴാണ് സംഭവം അറിയുന്നത്.&nbsp;
വീടിൻ്റെ പിൻഭാഗത്തെ ഗ്രിൽസിൻ്റെ പൂട്ടും, വാതിലും പൊളിച്ചാണ് മോഷ്ടാവ് അകത്ത് കടന്നത്. രണ്ട് കിടപ്പ് മുറികളിലെയും അലമാരയിൽ സൂക്ഷിച്ച വസ്ത്രങ്ങളും മറ്റും വാരി വലിച്ചിട്ട് അലങ്കോലമാക്കിയ നിലയിലായിരുന്നു. ചെറിയ കുട്ടികളുടെ അരപവൻ്റെ മൂന്ന് മോതിരങ്ങളും രണ്ട് അലമാരയിലായുള്ള അയ്യായിരം രൂപയുമാണ് മോഷണം പോയത്. വീട്ടുകാരുടെ പരാതിയിൽ വളയം പോലീസ് കേസെടുത്ത് അന്വേഷണം ആരംഭിച്ചു.

വളയത്ത് രണ്ടിടങ്ങളിൽ മോഷണം; സ്വർണവും പണവും നഷ്ടമായി

വടകര: അഴിയൂർ ചുങ്കത്ത് വീട്ടുകാർ ഉറങ്ങിക്കിടക്കവേ വീട് കുത്തി തുറന്ന് പണവും സ്വർണാഭരണവും കവർന്നു. കഴിഞ്ഞ ദിവസം അർധരാത്രി സബിനാസിൽ (കണ്ടോത്ത്) മുസ്തഫയുടെ വീട്ടിലാണ് മോഷണം നടന്നത്. 1.45 ലക്ഷം രൂപയും ഒരു ലക്ഷം വിലവരുന്ന സ്വർണാഭരണവും മോഷണം പോയി. വീടിന്റെ മുൻഭാഗത്തെ ഗ്രില്ല് തകർത്താണ് മോഷ്ടാവ് വീട്ടിനകത്ത് കയറിയത്. അലമാര കുത്തി തുറന്നാണ് കവർച്ച നടത്തിയത്. പുലർച്ചെ വീട്ടുകാർ ഉണർന്നപ്പോഴാണ് പണവും സ്വർണാഭരണം നഷ്ടപ്പെട്ടത് കണ്ടത്.
ഈ ഭാഗത്ത് മോഷണ ശല്യം കൂടിയിട്ടുണ്ട്. ഒരാഴ്ച മുൻപ് കുങ്കന്റെവിടെ അയ്യൂബിൽ വീട്ടിൽ കയറി മോഷ്ട്ടാവ് 10,000 രൂപ മോഷ്ടിച്ചിരുന്നു. വീടിന് സമീപത്തെ തെങ്ങ് വഴി കയറി മേശപ്പുറത്ത് വച്ച പണം അടങ്ങിയ ബേഗ് ജനലിലൂടെ എടുക്കകയായിരുന്നു. ഇതേ ദിവസം ദ്വാരകയിൽ പ്രസന്നയുടെ വീട്ടിൽ കള്ളൻ കയറിയെങ്കിലും ശബ്ദം കേട്ട് വീട്ടുകാർ ഉണർന്നത് കൊണ്ട് ഓടിപ്പോയി. കൈതാൽ ആസ്യയുടെ വീടിന്റെ വാതിൽ കുത്തിത്തുറന്ന് കള്ളൻ കയറി. അലമാര തുറന്ന് സാധനങ്ങൾ മുഴുവൻ വാരി വലിച്ചിട്ടു. ഒന്നും നഷ്ടപ്പെട്ടിട്ടില്ല.

അഴിയൂർ ചുങ്കം പ്രദേശത്ത് മോഷണം പതിവാകുന്നു

ദിസ്പുര്‍: അഞ്ഞൂറ് രൂപ നോട്ടുകള്‍ക്കിടയില്‍ കിടന്നുറങ്ങി അസമിലെ രാഷ്ട്രീയ നേതാവ്‌. അഞ്ഞൂറ് രൂപ നോട്ടുകള്‍ കൊണ്ടുള്ള കിടക്കയില്‍ കിടന്നുറങ്ങുന്ന ബെഞ്ചമിന്‍ ബസുമതാരി എന്ന യുണൈറ്റഡ് പീപ്പിള്‍സ് പാര്‍ട്ടി ലിബറല്‍ (യുപിപിഎല്‍) നേതാവിന്റെ ചിത്രം സാമൂഹികമാധ്യമങ്ങളില്‍ വൈറലാണ്. അസമില്‍ എന്‍ഡിഎയുടെ സഖ്യകക്ഷിയാണ് യുപിപിഎല്‍. നോട്ടുകളുടെ മുകളില്‍ കിടക്കുന്നതുകൂടാതെ തന്റെ ശരീരമാസകലം നോട്ടുകള്‍ വിതറിയാണ് നേതാവിന്റെ ഉറക്കം.
ഉദല്‍ഗുരി ജില്ലയിലെ ഭൈരാഗുരിയില്‍ വില്ലേജ് കൗണ്‍സില്‍ ഡിവലപ്‌മെന്റ് കമ്മിറ്റി ചെയര്‍മാനാണ് ബെഞ്ചമിന്‍ ബസുമതാരി എന്നാണ് റിപ്പോര്‍ട്ട്. ഈ ചിത്രം പ്രചരിച്ചതോടെ നേതാവിനെതിരെ വിവിധഭാഗങ്ങളില്‍നിന്ന് വിമര്‍ശനങ്ങള്‍ ഉയരുകയാണ്. ലോക്‌സഭാ തിരഞ്ഞെടുപ്പ് കാലമായതിനാല്‍ നേതാവിന്റെ ചിത്രം വന്‍തോതിലാണ് പ്രചരിക്കുന്നത്. പ്രശാന്ത് ഭൂഷണ്‍ ഉള്‍പ്പെടെ നിരവധി പേര്‍ ഈ ചിത്രമുള്‍പ്പെടെ സാമൂഹികമാധ്യമങ്ങളില്‍ വിമര്‍ശനങ്ങള്‍ പങ്കുവെച്ചു.
എന്‍ഡിഎയും യുപിപിഎലും അഴിമതിരഹിതഭരണം ഉറപ്പുവരുത്തുമെന്ന് വാഗ്ദാനം നല്‍കുന്നതിനിടെ ഇത്തരത്തിലൊരു ഫോട്ടോ പ്രചരിക്കുന്നത് ഇരുകക്ഷികള്‍ക്കും തിരിച്ചടിയായിരിക്കുകയാണ്. സംഭവത്തെ കുറിച്ച് പോലീസ് അന്വേഷണം ഉണ്ടാകുമെന്നാണ് ലഭ്യമായ വിവരം.

അഞ്ഞൂറ് രൂപാ നോട്ടുകളില്‍ കിടന്നുറങ്ങുന്ന എന്‍ഡിഎ സഖ്യകക്ഷി നേതാവിന്റെ ചിത്രം വിവാദത്തിൽ

National

തലശ്ശേരി: ചിറക്കര കെ.ടി.പി മുക്കിൽ വീട്ടമ്മയെ ബന്ദിയാക്കി സ്വർണവും പണവും കവർന്നു. കെ.ടി.പി മുക്കിലെ ഫിഫാസിൽ ഇന്ന് പുലർച്ചെ മൂന്നോടെയാണ് സംഭവം. വാതിൽ തകർത്ത് അകത്ത് കയറിയ രണ്ടംഗ സംഘം ആറര പവനും 10,000 രൂപയുമാണ് കൊള്ളയടിച്ചത്. ഇന്നലെ രാത്രി വൈകി 1.30നാണ് വീട്ടമ്മ അഫ്സത്തും മകളും കൊച്ചു മകളും ഉറങ്ങാൻ കിടന്നത്. പുലർച്ചെ മൂന്നരയോടെ കതകിൽ തട്ടുന്ന ശബ്ദം കേട്ട് അഫ്സത്ത് എഴുന്നേറ്റു. മുകളിൽ കിടക്കുന്ന മകൾ വിളിക്കുന്നതാവുമെന്ന് കരുതി കിടപ്പുമുറിയുടെ വാതിൽ തുറന്നു. തത്സമയം അകത്തേക്ക് ഇരച്ചുകയറിയ മോഷ്ടാക്കൾ വയോധികയായ വീട്ടമ്മയെ ബലമായി പിന്നോട്ട് തള്ളിക്കൊണ്ടുപോയി മുറിയിലെ കസേരയിൽ ഇരുത്തിയാണ് കവർച്ച നടത്തിയത്.
ഇവർ ധരിച്ച ആഭരണങ്ങൾ ബലമായി അഴിച്ചെടുക്കുകയായിരുന്നു. തൊട്ടടുത്ത മുറിയിലെ മേശയിൽ സൂക്ഷിച്ച 10,000 രൂപയും രണ്ടര പവൻ ആഭരണങ്ങളും എ.ടി.എം കാർഡും കൈക്കലാക്കി. കവർച്ചക്കിടയിൽ അഫ്സത്ത് ബഹളം വച്ചതോടെ മുകൾ നിലയിൽ നിന്നും മകൾ വാതിൽ തുറന്നു. ഈ ശബ്ദം കേട്ടതോടെയാണ് മോഷ്ടാക്കൾ വീട്ടിൽനിന്നും രക്ഷപ്പെട്ടത്. സമീപമുള്ള മറ്റ് രണ്ട് വീടുകളിലും മോഷ്ടാക്കൾ കയറിയിരുന്നു. ഇവിടെ നിന്നും കൈക്കലാക്കിയ കൊടുവാൾ ഉപയോഗിച്ചാണ് വീടിന്‍റെ ഗ്രില്ലും വാതിലും തകർത്തത്. തലശ്ശേരി പൊലീസ് സ്ഥലത്തെത്തി.

തലശ്ശേരിയിൽ വീടിന്റെ വാതിൽ തകർത്ത് വയോധികയെ ബന്ദിയാക്കി ആറര പവനും പണവും കവർന്നു

Kannur

മീ​ന​ങ്ങാ​ടി: കാ​ര്‍ യാ​ത്ര​ക്കാ​രെ ആ​ക്ര​മി​ച്ച് 20 ല​ക്ഷം ക​വ​ര്‍ന്ന സം​ഭ​വ​ത്തി​ല്‍ ഒ​ളി​വി​ല്‍ ക​ഴി​യു​ക​യാ​യി​രു​ന്ന ര​ണ്ടുപേ​രെ കൂ​ടി മീ​ന​ങ്ങാ​ടി പൊ​ലീ​സ് പി​ടി​കൂ​ടി. ക​ണ്ണൂ​ര്‍ പ​ള്ളിപ​റ​മ്പ് കാ​രോ​ത്ത് വീ​ട്ടി​ല്‍ റം​ഷീ​ദി​നെ (31) ക​ണ്ണൂ​ര്‍ പ​റ​ശ്ശി​നി​ക്ക​ട​വ് ഭാ​ഗ​ത്ത് നി​ന്നും ക​ണ്ണൂ​ര്‍ പി​ണ​റാ​യി സൗ​പ​ർണി​ക​യി​ല്‍ സു​രേ​ഷി​നെ (36) മാ​ന​ന്ത​വാ​ടി ബ​സ് സ്റ്റാ​ൻ​ഡ് പ​രി​സ​ര​ത്ത് നി​ന്നു​മാ​ണ് ക​സ്റ്റ​ഡി​യി​ലെ​ടു​ത്ത​ത്.
മീ​ന​ങ്ങാ​ടി ഇ​ന്‍സ്‌​പെ​ക്ട​ര്‍ എ​സ്.​എ​ച്ച്.​ഒ പി.​ജെ. കു​ര്യാ​ക്കോ​സി​ന്റെ നേ​തൃ​ത്വ​ത്തി​ലു​ള്ള സം​ഘ​മാ​ണ് ഇ​രു​വ​രെ​യും പി​ടി​കൂ​ടി​യ​ത്. ഇ​തോ​ടെ കേ​സി​ല്‍ പി​ടി​യി​ലാ​കു​ന്ന​വ​രു​ടെ എ​ണ്ണം പ​ന്ത്ര​ണ്ടാ​യി. ഒ​രാ​ളെ കൂ​ടി പി​ടി​കൂ​ടാ​നു​ണ്ട്. ഒ​മ്പ​ത് പേ​രെ സം​ഭ​വം ന​ട​ന്ന് ദി​വ​സ​ങ്ങ​ള്‍ക്കു​ള്ളി​ല്‍ ത​ന്നെ പി​ടി​കൂ​ടി​യി​രു​ന്നു. മാ​ര്‍ച്ച് 15ന് ​ഒ​രാ​ളെ പി​ടി​കൂ​ടി. 2023 ഡി​സം​ബ​ര്‍ ഏ​ഴി​ന് രാ​ത്രി​യാ​ണ് കേ​സി​നാ​സ്പ​ദ​മാ​യ സം​ഭ​വം. എ​ക​രൂ​ര്‍ സ്വ​ദേ​ശി മ​ക്ബൂ​ലും ഈ​ങ്ങാ​മ്പു​ഴ സ്വ​ദേ​ശി നാ​സ​റും സ​ഞ്ച​രി​ച്ച കാ​ര്‍ മീ​ന​ങ്ങാ​ടി​യി​ല്‍ വെ​ച്ച് മൂ​ന്നു കാ​റു​ക​ളി​ലാ​യെ​ത്തി​യ സം​ഘം ത​ട​ഞ്ഞു​നി​ര്‍ത്തി 20 ല​ക്ഷം രൂ​പ ക​വ​രു​ക​യാ​യി​രു​ന്നു. ക​ര്‍ണാ​ട​ക ചാ​മ​രാ​ജ് ന​ഗ​റി​ല്‍ നി​ന്ന് കോ​ഴി​ക്കോ​ട് ഭാ​ഗ​ത്തേ​ക്ക് പോ​വു​ക​യാ​യി​രു​ന്നു കാ​റി​ലു​ണ്ടാ​യി​രു​ന്ന​വ​ർ.

കാർ യാത്രികരുടെ 20 ല​ക്ഷം ക​വ​ര്‍ന്ന കേ​സ്; ക​ണ്ണൂ​ർ സ്വ​ദേ​ശി​ക​ൾ പി​ടി​യി​ൽ

മറയൂർ: എ.ടി.എമ്മിൽ പണം നിക്ഷേപിക്കാൻ സഹായിച്ചയാൾ എ.ടി.എം. കാർഡ് മാറ്റിനൽകിയശേഷം 74,000 രൂപ തട്ടിയെടുത്തു. മറയൂർ സ്റ്റേറ്റ് ബാങ്ക് ഓഫ് ഇന്ത്യ ബ്രാഞ്ചിന് മുൻവശത്തുള്ള എ.ടി.എമ്മിൽ വ്യാഴാഴ്ച രാവിലെ 10.30-നാണ് തട്ടിപ്പുനടന്നത്. കാന്തല്ലൂർ പെരടിപള്ളം സ്വദേശി ദുരൈരാജാണ് തട്ടിപ്പിനിരയായത്. നാട്ടിലെ ബന്ധുക്കൾക്ക് പണം അയക്കാൻ മറയൂർ എസ്.ബി.ഐ. ബ്രാഞ്ചിലെത്തിയ ദുരൈരാജിനോട് തിരക്കായതിനാൽ ബാങ്കിനോട് ചേർന്നുള്ള എ.ടി.എം. ഡിപ്പോസിറ്റ് മെഷീനിൽ നിക്ഷേപിക്കാൻ ബാങ്ക് അധികൃതർ പറഞ്ഞു. എ.ടി.എം. കൗണ്ടറിലെത്തിയ ദുരൈരാജിന് പണം മെഷീനിൽ നിക്ഷേപിക്കാൻ അറിയാഞ്ഞതിനാൽ സമീപത്തുണ്ടായിരുന്ന ഒരാളിനോട് സഹായം അഭ്യർഥിച്ചു.
ഇയാൾ ദുരൈരാജിന്റെ എ.ടി.എം. കാർഡ് വാങ്ങി പിൻനമ്പർ ചോദിച്ചറിഞ്ഞ് രണ്ടുതവണയായി പണം നിക്ഷേപിച്ചു. ബാലൻസ് നോക്കാൻ നിർദേശിച്ചപ്പോൾ ബാലൻസ്‌തുക നോക്കി പറഞ്ഞുകൊടുക്കുകയുംചെയ്തു. പിന്നീട് ദുരൈരാജ് അറിയാതെ ഇയാൾ കൈവശമുണ്ടായിരുന്ന എ.ടി.എം. കാർഡ് ദുരൈരാജിന് നൽകി പകരം ദുരൈരാജിന്റെ കാർഡുമായി കടന്നു. ഇത് അറിയാതെ ദുരൈരാജ് വീട്ടിലേക്ക് തിരിച്ചുപോവുകയുംചെയ്തു.
വെള്ളിയാഴ്ച രാവിലെ വീണ്ടും ദുരൈരാജ് ബാങ്കിലെത്തിയപ്പോഴാണ് കാർഡ് മാറിയത് ശ്രദ്ധിച്ചത്. അക്കൗണ്ട് പരിശോധിച്ചപ്പോൾ വ്യാഴാഴ്ചയും വെള്ളിയാഴ്ചയുമായി 74,000 രൂപ പിൻവലിച്ചതായി കണ്ടെത്തി. മധുരയ്ക്കടുത്ത് മാട്ടുതാവണി എന്ന സ്ഥലത്തെ എ.ടി.എം. കൗണ്ടറിൽ നിന്നാണ് പണം പിൻവലിച്ചത്. മറയൂർ പോലീസിൽ ദുരൈരാജ് പരാതി നൽകി. പോലീസ് സി.സി.ടി.വി. ദൃശ്യങ്ങൾ പരിശോധിച്ചുവരുന്നു.

എ.ടി.എമ്മിൽ പണം നിക്ഷേപിക്കാൻ സഹായിച്ചയാൾ കാർഡുമായി മുങ്ങി; 74,000 രൂപ തട്ടിയെടുത്തു

Kerala

ബാലുശ്ശേരി: യാത്രക്കിടെ പണം നഷ്‌ടപ്പെട്ടു എന്ന് കരുതി പകച്ചു നിന്ന യുവാവിന്റെ ഇരുണ്ട നിമിഷത്തിലേക്ക് വെളിച്ചമായി ഓട്ടോ ഡ്രൈവർമാർ. കഴിഞ്ഞ ദിവസമാണ് തലയാട് കല്ലാനോട് ഭാഗത്തേക്ക് സ്കൂട്ടറിൽ യാത്ര ചെയ്യുന്നതിനിടെ സ്വകാര്യ മൊബൈൽ കമ്പനിയുടെ കലക്ഷൻ ഏജന്റായ റാഫിയുടെ ബാഗ് നഷ്ടപ്പെട്ടത്. ഒരു ലക്ഷം രൂപയുണ്ടായിരുന്ന ബാ​ഗ് വീണുപോയതറിയാതെ റാഫി മുന്നോട്ടുപോയി. അനാഥമായി കിടന്ന ബാ​ഗ് കണ്ടെത്തിയത് തലയാട് അങ്ങാടിയിലെ ഓട്ടോ ഡ്രൈവർമാരായ സത്യനും അബ്ദുറഹ്‌മാനുമാണ്. ബാ​ഗിൽ പണമാണെന്ന് കണ്ടെത്തിയതോട ഇരുവരും ബാലുശേരി പോലീസ് സ്‌റ്റേഷനിൽ തുകയും ബാഗും ഏൽപിക്കുകയായിരുന്നു. ബാലുശേരി എസ്ഐ പി റഫീഖിന്റെ സാന്നിധ്യത്തിൽ ബാ​ഗ് റാഫിക്ക് കൈമാറി. നിറഞ്ഞ കണ്ണുകളോടെയാണ് റാഫി പണം ഏറ്റ് വാങ്ങിയത്. കമ്പനിയുടെ പണമാണെന്നും നഷ്ടപ്പെട്ടിരുന്നെങ്കിൽ താൻ പ്രതിസന്ധിയിലായേനെ എന്നും റാഫി പറഞ്ഞു.

അനാഥമായി കിടന്ന ബാ​ഗ് കണ്ടെത്തിയത് തലയാട് അങ്ങാടിയിലെ ഓട്ടോ ഡ്രൈവർമാരായ സത്യനും അബ്ദുറഹ്‌മാനുമാണ്

യാത്രക്കിടെ പണമടങ്ങിയ ബാഗ് നഷ്ടപ്പെട്ടു; തുണയായത് ഓട്ടോ ഡ്രൈവർമാർ

സൂററ്റ്: പട്ടിണി കിടന്ന് മരിച്ച ഭിക്ഷക്കാരനിൽ നിന്നും ഒരു ലക്ഷത്തിലധികം രൂപ കണ്ടെത്തി. കൈയിൽ പണമുണ്ടായിട്ടാണ് 50കാരൻ ദിവസങ്ങളോളം പട്ടിണി കിടന്ന് മരിച്ചതെന്ന് പൊലീസ് പറയുന്നു. ഭിക്ഷക്കാരൻ പട്ടിണി കിടക്കുന്ന വിവരം സമീപത്തുള്ള കടയുടമയാണ് വൽസാദ് പൊലീസിനെ വിളിച്ച് അറിയിച്ചത്. ഗാന്ധി ലൈബ്രറിക്ക് സമീപമാണ് ഇയാൾ കിടക്കുന്നതെന്ന് കടയുടമ പറഞ്ഞതനുസരിച്ച് പൊലീസുകാർ അവിടേയ്‌ക്കെത്തി. ആരോഗ്യനില വഷളായെന്ന് കണ്ടതോടെ ഭിക്ഷക്കാരനെ ഉദ്യോഗസ്ഥർ ആശുപത്രിയിലെത്തിച്ചു. തുടർന്ന് ആശുപത്രി ജീവനക്കാരാണ് ഇയാളുടെ വസ്ത്രത്തിൽ നിന്നും 1.14 ലക്ഷം രൂപ കണ്ടെടുത്തത്. 500, 200, 100,20,10ന്റെ നോട്ടുകൾ കെട്ടുകളാക്കിയാണ് വച്ചിരുന്നത്. ഷർട്ടിന്റെയും പാന്റിന്റെയും പോക്കറ്റുകളിൽ ചെറിയ പ്ലാസ്റ്റിക് ബാഗുകളിലാക്കി പൊതിഞ്ഞ നിലയിലായിരുന്നു.
ആശുപത്രിയിൽ വച്ച് ഭിക്ഷക്കാരൻ ചായ ചോദിച്ചിരുന്നു. ഇയാളുടെ രക്തത്തിൽ പഞ്ചസാരയുടെ അളവ് വളരെ കുറവായിരുന്നു. ഡ്രിപ്പിട്ട ശേഷം ചികിത്സ ആരംഭിച്ചു. എന്നാൽ, ഒരു മണിക്കൂറിനുള്ളിൽ ഇയാൾ മരിച്ചു. ദിവസങ്ങളോളം പട്ടിണി കിടന്നതാവാം മരണകാരണമെന്നാണ് പ്രാഥമിക നിഗമനം. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. മരിച്ചയാളുടെ പേര് ഉൾപ്പെടെയുള്ള മറ്റ് വിവരങ്ങൾ ഇതുവരെ പുറത്തുവിട്ടിട്ടില്ല.

പട്ടിണി കിടന്ന് മരിച്ച ഭിക്ഷക്കാരന്റെ പോക്കറ്റ് പരിശോധിച്ചപ്പോൾ കണ്ടെത്തിയത് ഒരു ലക്ഷത്തിലധികം രൂപ

തിരുവനന്തപുരം: സംസ്ഥാനത്ത് അതിതീവ്ര മഴയ്ക്ക് സാധ്യതയുള്ളതിനാൽ കേന്ദ്ര കാലാവസ്ഥ വകുപ്പ് വിവിധ ജില്ലകളിൽ റെഡ് അലർട്ട് പ്രഖ്യാപിച്ചു. വെള്ളിയാഴ്ച കോഴിക്കോട്, വയനാട്, കണ്ണൂർ, കാസർകോട് ജില്ലകളിലും ശനിയാഴ്ച മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലും ഞായറാഴ്ച കണ്ണൂർ, കാസർകോട് ജില്ലകളിലും റെഡ് അലർട്ട് പ്രഖ്യാപിച്ചു. 24 മണിക്കൂറിൽ 204.4 മില്ലിമീറ്ററിൽ കൂടുതൽ മഴ ലഭിച്ചേക്കും.

എറണാകുളം, ഇടുക്കി, തൃശൂർ, പാലക്കാട്, മലപ്പുറം ജില്ലകളിൽ വെള്ളിയാഴ്ച ഓറഞ്ച് അലർട്ടാണ്. ശനിയാഴ്ച എറണാകുളം, ഇടുക്കി, തൃശൂർ, പാലക്കാട് ജില്ലകളിലും ഞായറാഴ്ച പത്തനംതിട്ട, കോട്ടയം, ഇടുക്കി, കോഴിക്കോട്, വയനാട് ജില്ലകളിലും തിങ്കളാഴ്ച കണ്ണൂർ, കാസർകോട് ജില്ലകളിലും ഓറഞ്ച് അലർട്ടാണ്. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 മിമി മുതൽ 204.4 മിമി വരെ മഴ ലഭിച്ചേക്കും.

പത്തനംതിട്ട, ആലപ്പുഴ, കോട്ടയം ജില്ലകളിൽ വെള്ളിയാഴ്ച യെല്ലോ അലർട്ടാണ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളിൽ ശനിയാഴ്ചയും തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂർ, പാലക്കാട്, മലപ്പുറം ജില്ലകളിൽ ഞായറാഴ്ചയും ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിൽ തിങ്കളാഴ്ചയും യെല്ലോ അലർട്ടാണ്.

തിരുവനന്തപുരം (കാപ്പിൽ മുതൽ പൊഴിയൂർ വരെ), കൊല്ലം (ആലപ്പാട് മുതൽ ഇടവ വരെ) ജില്ലകളിലെ തീരങ്ങളിൽ 19/07/2025 രാവിലെ 02.30 മുതൽ രാത്രി 08.30 വരെ 2.9 മുതൽ 3.1 മീറ്റർ വരെ ഉയർന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.

അപകടകരമായ രീതിയിൽ ജലനിരപ്പ് തുടരുന്നതിനാൽ സംസ്ഥാന ജലസേചന വകുപ്പിന്റെ കാസറർകോട് ജില്ലയിലെ ഉപ്പള (ഉപ്പള സ്റ്റേഷൻ) മൊഗ്രാൽ (മധുർ സ്റ്റേഷൻ), ഷിറിയ (പുത്തിഗെ സ്റ്റേഷൻ) നദികളിൽ പ്രളയ സാധ്യത മുന്നറിയിപ്പും നൽകിയിട്ടുണ്ട്.

അതിതീവ്ര മഴയ്ക്ക് സാധ്യത ; കോഴിക്കോട് ഉൾപ്പെടെയുള്ള ജില്ലകളിൽ റെഡ് അലേർട്ട്

പ്രശസ്ത തമിഴ് സംവിധായകനും ഛായാഗ്രാഹകനുമായ വേലു പ്രഭാകരന്‍ (68) അന്തരിച്ചു. കഴിഞ്ഞ ഏതാനും ദിവസമായി ചെന്നൈയിലെ സ്വകാര്യ ആശുപത്രിയില്‍ തീവ്രപരിചരണവിഭാഗത്തില്‍ ചികിത്സയിലായിരുന്നു. ഏറെ നാളായി അദ്ദേഹത്തെ അസുഖങ്ങള്‍ അലട്ടിയിരുന്നു.
ചെന്നൈയിലെ വലസാരവാക്കത്ത് ശനിയാഴ്ച വൈകീട്ടുമുതല്‍ ഞായറാഴ്ച ഉച്ചവരെ മൃതദേഹം പൊതുദര്‍ശനത്തിന് വെക്കും. പോരൂര് ശ്മശാനത്തില്‍ സംസ്‌കാരം.നടിയും സംവിധായകയുമായ ജയദേവിയാണ് ആദ്യ ഭാര്യ. വിവാഹമോചനത്തിന് പിന്നാലെ 2017-ല്‍ നടി ഷേര്‍ളി ദാസിനെ വിവാഹംചെയ്തു.ഛായാഗ്രാഹകനായാണ് വേലു പ്രഭാകരന്‍ സിനിമാ ജീവിതം ആരംഭിച്ചത്. 1989-ല്‍ സ്വതന്ത്രസംവിധായകനായി. 2017 വരെ 11-ഓളം ചിത്രങ്ങള്‍ സംവിധാനം ചെയ്തു. കാതല്‍ കഥൈ ആണ് വേലു പ്രഭാകരന്റെ ശ്രദ്ധേയ സിനിമ. സെന്‍സര്‍ ബോര്‍ഡിന്റെ എതിര്‍പ്പിനെ തുടര്‍ന്ന് വളരെ വൈകിയാണ് ചിത്രം റിലീസ് ചെയ്തത്.&nbsp;

തമിഴ് സംവിധായകനും ഛായാഗ്രാഹകനുമായ വേലു പ്രഭാകരന്‍ അന്തരിച്ചു

തിരുവനന്തപുരം: തേവലക്കര ബോയ്‌സ് ഹൈസ്‌കൂളില്‍ വിദ്യാര്‍ഥി വൈദ്യുതാഘാതമേറ്റ് മരിച്ച സംഭവത്തില്‍ കര്‍ശന നടപടിയുമായി വിദ്യാഭ്യാസ വകുപ്പ്. സ്‌കൂളിന്റെ പ്രധാനാധ്യാപികയെ സസ്‌പെന്‍ഡ് ചെയ്യാന്‍ മാനേജ്‌മെന്റിന് നിര്‍ദേശം നല്‍കി. മാനേജ്‌മെന്റ് നടപടി എടുക്കാത്തപക്ഷം സര്‍ക്കാര്‍ സസ്‌പെന്‍ഡ് ചെയ്യുമെന്ന് വിദ്യാഭ്യാസമന്ത്രി വി. ശിവന്‍കുട്ടി വാര്‍ത്താസമ്മേളനത്തില്‍ അറിയിച്ചു.
സ്‌കൂളിന്റെ ചുമതലയുണ്ടായിരുന്ന എഇഒ ആന്റണി പീറ്ററിനോട് ഉടന്‍ വിശദീകരണം തേടുമെന്നും മന്ത്രി അറിയിച്ചു. നടപടി എടുക്കാതിരിക്കാനുള്ള കാരണം കാണിക്കാന്‍ ആവശ്യപ്പെട്ട് സ്‌കൂള്‍ മാനേജ്‌മെന്റിന് നോട്ടീസ് നല്‍കും. മൂന്നുദിവസത്തിനകം നോട്ടീസിന് മറുപടി നല്‍കണമെന്നും അദ്ദേഹം കൂട്ടിച്ചേര്‍ത്തു.

മിഥുന്റെ മരണം: പ്രധാനാധ്യാപികയെ സസ്‌പെന്‍ഡ് ചെയ്യും, മാനേജ്‌മെന്റിനോട് വിശദീകരണംതേടും

തിരുവനന്തപുരം: വിവിധ ജില്ലകളിലായി 674 പേർ നിപ സമ്പർക്കപ്പട്ടികയിലുള്ളതായി ആരോഗ്യമന്ത്രി വീണാ ജോർജ്. മലപ്പുറം ജില്ലയിൽ 131 പേരും പാലക്കാട് 426 പേരും കോഴിക്കോട് 115 പേരും എറണാകുളം, തൃശ്ശൂർ ജില്ലകളിൽ ഒരാൾ വീതവുമാണുള്ളത്. മലപ്പുറത്ത് 12 പേർ ഐസൊലേഷനിൽ ചികിത്സയിലുണ്ട്. മലപ്പുറം ജില്ലയിൽ ഇതുവരെ 88 സാംപിളുകൾ നെഗറ്റീവായെന്നും മന്ത്രി അറിയിച്ചു.
ഐസൊലേഷൻ കാലം പൂർത്തിയാക്കിയ മലപ്പുറം ജില്ലയിൽനിന്നുള്ള 81 പേരെയും പാലക്കാട്ടുനിന്നുള്ള രണ്ടുപേരെയും എറണാകുളത്തുനിന്നുള്ള ഒരാളെയും സമ്പർക്കപ്പട്ടികയിൽനിന്ന് ഒഴിവാക്കി. പാലക്കാട് 17 പേരാണ് ഐസൊലേഷനില്‍ ചികിത്സയിലുള്ളത്. സംസ്ഥാനത്ത് ആകെ 32 പേർ ഹൈയസ്റ്റ് റിസ്‌കിലും 111 പേർ ഹൈ റിസ്‌ക് വിഭാഗത്തിലും നിരീക്ഷണത്തിലുണ്ട്.
മന്ത്രി വീണാ ജോർജിന്റെ നേതൃത്വത്തിൽ ഉന്നതതലയോഗം ചേർന്നു. എൻഎച്ച്എം സ്റ്റേറ്റ് മിഷൻ ഡയറക്ടർ, ആരോഗ്യവകുപ്പ് ഡയറക്ടർ, മെഡിക്കൽ വിദ്യാഭ്യാസവകുപ്പ് ഡയറക്ടർ, അഡീഷണൽ ഡയറക്ടർമാർ, കളക്ടർമാർ, ജില്ലാ മെഡിക്കൽ ഓഫീസർമാർ, പോലീസ് ഉദ്യോഗസ്ഥർ, വകുപ്പ് ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.

നിപ; സമ്പർക്കപ്പട്ടികയിൽ 674 പേർ, 32 പേർ നിരീക്ഷണത്തിൽ

കൊല്ലം: തേവലക്കര ബോയ്സ് ഹൈസ്ക്കൂളിൽ എട്ടാം ക്ലാസ് വിദ്യാർത്ഥി ഷോക്കേറ്റ് മരിച്ച സംഭവത്തിൽ കെഎസ്‍യു പ്രതിഷേധം ശക്തമാക്കുന്നു.&nbsp;
നാളെ സംസ്ഥാന വ്യാപകമായി സ്കൂളുകളിൽ കെഎസ്‍യു പഠിപ്പുമുടക്കിന് ആഹ്വാനം ചെയ്തതായി സംസ്ഥാന പ്രസിഡന്‍റ് അലോഷ്യസ് സേവ്യർ അറിയിച്ചു. കൊല്ലം ജില്ലാ കമ്മിറ്റിയുടെ നേതൃത്വത്തിൽ സ്കൂളിലേക്ക് പ്രതിഷേധ മാർച്ചും നിയോജക മണ്ഡലം കമ്മിറ്റികളുടെ നേതൃത്വത്തിൻ പ്രതിഷേധ പരിപാടികളും സംഘടിപ്പിക്കും.

നാളെ സംസ്ഥാന വ്യാപകമായി പഠിപ്പ് മുടക്കിന് ആഹ്വാനം ചെയ്ത് കെഎസ്‍യു

Search Results for: medical college