തിരുവനന്തപുരം: മുഖ്യമന്ത്രി പിണറായി വിജയന്‍ സൂര്യനെപ്പോലെയാണെന്നും അടുത്ത് എത്തിയാല്‍ കരിഞ്ഞുപോകുമെന്നും സിപിഎം സംസ്ഥാന സെക്രട്ടറി എംവി ഗോവിന്ദന്‍. സ്വര്‍ണക്കള്ളക്കടത്തുകേസുമായി ബന്ധപ്പെട്ട് അസംബ്ലി തെരഞ്ഞെടുപ്പിന് മുന്‍പ് ഏഴോളം അന്വേഷണ ഏജന്‍സികള്‍ അന്വേഷിച്ചിട്ടും മുഖ്യമന്ത്രിയിലേക്ക് എത്താന്‍ ഒരു വഴിയും ഉണ്ടായിരുന്നില്ല. പരിശുദ്ധമായ ഒരു രാഷ്ട്രീയത്തിന്റെ കറപുരളാത്ത കൈയുടെ ഉടമയാണ് കേരളത്തിന്റെ മുഖ്യമന്ത്രി. പിണറായിയെ കേസില്‍ കുടുക്കാന്‍ ബിജെപിയും യുഡിഎഫും ആഗ്രഹിക്കാഞ്ഞിട്ടല്ല, പക്ഷെ ആഗ്രഹിച്ചാലും എത്താനാവാത്ത അത്രയും ദൂരത്താണ്; സൂര്യനെ പോലെ. അദ്ദേഹത്തിനടുത്തേക്ക് അടുക്കാന്‍ പോലും കഴിയില്ല. അടുത്തുപോയാല്‍ കരിഞ്ഞുപോകുമെന്നും ഗോവിന്ദന്‍ പറഞ്ഞു. സ്വര്‍ണക്കള്ളക്കടത്തിന്റെ ഓഫീസ് ഇവിടെയാണെന്നാണ് മോദി പറഞ്ഞത്. അതിന് പിന്നാലെയാണിപ്പോള്‍ മാധ്യമങ്ങള്‍. ആരാണ് നടപടി എടുക്കേണ്ടത്. കേരളത്തിലും വിമാനത്താവളങ്ങള്‍ കേന്ദ്രീകരിച്ച് നടക്കുന്ന സ്വര്‍ണക്കള്ളക്കടത്ത് തടയേണ്ടത് കേന്ദ്രമല്ലേ.വിമാനത്താവളങ്ങള്‍ കേന്ദ്രത്തിന്റെ പരിധിയിലല്ലേ. ആ അധികാരം ഉണ്ടായിട്ടും കേന്ദ്ര ഏജന്‍സികള്‍ അന്വേഷിച്ചിട്ടും എന്തേ നടപടി എടുക്കാത്തത്.അന്വേഷണ ഏജന്‍സികളുടെ തലവന്‍ മോദിയല്ലേ. അത് മറച്ചുവെച്ച് ആളെ പറ്റിക്കാന്‍ പൈങ്കിളി സ്‌റ്റൈലില്‍ ഓരോന്ന് പറയുകയാണ്.
മണിപ്പുരില്‍ സ്ത്രീകളെ കൂട്ടബലാത്സംഗത്തിനിരയാക്കി നഗ്‌നരാക്കി തെരുവില്‍ വലിച്ചിഴച്ചപ്പോള്‍ ഒരക്ഷരം മിണ്ടാത്ത പ്രധാനമന്ത്രി മോദിയാണ് തൃശൂരില്‍ വന്ന് സ്ത്രീശാക്തീകരണത്തെ പറ്റി പ്രസംഗിക്കുന്നത്. പ്രധാനമന്ത്രിയായല്ല ; ബിജെപി നേതാവായാണ് മോദി തൃശൂരില്‍ വന്നത്. സ്ത്രീശാക്തീകരണത്തെ കുറിച്ച് പറയുമ്പോള്‍ 45 ലക്ഷം സ്ത്രീകള്‍ ആത്മാഭിമാനത്തോടെ പ്രവര്‍ത്തിക്കുന്ന കേരളത്തിലെ കുടുംബശ്രീയെ പറ്റി മോദി മിണ്ടിയില്ലെന്നും എം വി ഗോവിന്ദന്‍ പറഞ്ഞു.വനിതാ സംവരണ ബില്‍ പാസാക്കുമെന്നാണ് പറയുന്നത്. എന്നിട്ടെന്താ 2024ലെ തെരഞ്ഞെടുപ്പിന് മുമ്പ് ബില്‍ പാസാക്കാത്തത്?. സെന്‍സസ് തിയതിപോലും പ്രഖ്യാപിക്കാത്തത്?. ജാതിസെന്‍സസ് നടത്തണമോയെന്ന് തീരുമാനിക്കാത്തത്?. മതനിരപേക്ഷ സര്‍ക്കാര്‍ ഒരു മതകാര്യങ്ങളിലും ഇടപെടരുതെന്നാണ്. വ്യക്തികള്‍ക്ക് വിശ്വാസിയോ അവിശ്വാസിയോ ആകാം . എന്നാല്‍ ഇവിടെ ഭരണകൂടം തന്നെ നേരിട്ട് ഇടപെടും വിധമാണ് രാമക്ഷേത്രത്തിന്റെ ഉദ്ഘാടനം നടത്തുവാന്‍ ഒരുങ്ങുന്നത്. അത് തെരഞ്ഞെടുപ്പ് മുന്നില്‍ കണ്ടുള്ള അജണ്ടയാണ്. ബാബറി മസ്ജിദ് തകര്‍ത്ത സ്ഥലത്തു പണിയുന്ന ക്ഷേത്രത്തിന്റെ ഉദ്ഘാടനം ഉടനെ നടത്തുന്നത് ഒരു തെരഞ്ഞെടുപ്പ് അജണ്ടയാണ്. എന്നാല്‍ ആ ഉദ്ഘാടനത്തില്‍ പങ്കെടുക്കില്ല എന്ന നിലപാട് സിപിഎം വ്യക്തമാക്കിയിട്ടുണ്ട്. കോണ്‍ഗ്രസ് ഇപ്പോഴും ഒരുനിലപാടില്‍ എത്തിയിട്ടില്ല. എന്നാല്‍ ഹിമാചല്‍ പ്രദേശ് കോണ്‍ഗ്രസ് മുഖ്യമന്ത്രി ക്ഷണിച്ചില്ലെങ്കിലും പങ്കെടുക്കും എന്ന് പറയുന്നു. ഹിന്ദുത്വവത്കരണത്തെ പ്രതിരോധിക്കാന്‍ ഇപ്പോളും കോണ്‍ഗ്രസിന് കഴിയുന്നില്ല. മൃദുഹിന്ദുത്വ നയങ്ങള്‍ പാലിച്ച് ഹിന്ദുത്വ വര്‍ഗീയതയെ ചെറുക്കാന്‍ കഴിയില്ലെന്ന് അടുത്തിടെ നടന്ന നിയമസഭാ തെരഞ്ഞെടുപ്പുകള്‍ ചൂണ്ടികാണിച്ചിട്ടും ആ പാഠം ഉള്‍കൊള്ളാന്‍ കോണ്‍ഗ്രസിന് കഴിയുന്നില്ലെന്നും എംവി ഗോവിന്ദന്‍ പറഞ്ഞു.

സ്വര്‍ണക്കള്ളക്കടത്തുകേസുമായി ബന്ധപ്പെട്ട് അസംബ്ലി തെരഞ്ഞെടുപ്പിന് മുന്‍പ് ഏഴോളം അന്വേഷണ ഏജന്‍സികള്‍ അന്വേഷിച്ചിട്ടും മുഖ്യമന്ത്രിയിലേക്ക് എത്താന്‍ ഒരു വഴിയും ഉണ്ടായിരുന്നില്ല

Kerala

മുഖ്യമന്ത്രി പിണറായി വിജയന്‍ സൂര്യനെപ്പോലെ; അടുത്ത് എത്തിയാൽ കരിഞ്ഞു പോകുമെന്ന് എംവി ഗോവിന്ദന്‍

കോഴിക്കോട്: സമസ്ത നേതാവ് ഉമർ ഫൈസി മുക്കത്തിനെതിരെ കേസെടുത്തു. സാമൂഹിക പ്രവർത്തക വി.പി സുഹറ നൽകിയ പരാതിയിലാണു നടപടി. തട്ടമിടാത്ത സ്ത്രീകൾ അഴിഞ്ഞാട്ടക്കാരികളാണെന്ന ഉമര്‍ ഫൈസിയുടെ പരാമര്‍ശം ഏറെ വിവാദമായിരുന്നു. പരാമർശത്തിനെതിരെയാണ് സുഹറ പോലീസില്‍ പരാതി നല്‍കിയത്. കോഴിക്കോട് നടക്കാവ് പോലീസാണ് ഉമര്‍ ഫൈസിക്കെതിരെ കേസ് രജിസ്റ്റര്‍ ചെയ്തിരിക്കുന്നത്.

സാമൂഹിക പ്രവർത്തക വി.പി സുഹറ നൽകിയ പരാതിയിലാണു നടപടി

Kozhikode

സമസ്ത നേതാവ് ഉമർ ഫൈസി മുക്കത്തിനെതിരെ കേസ്

കോട്ടയം: ബി.ജെ.പിയിൽ ചേര്‍ന്ന ഫാ. ഷൈജു കുര്യൻ സഭാ വിശ്വാസിയായ വീട്ടമ്മയോട് ലൈംഗിക ചുവയോടെ സംസാരിച്ചതായി വനിത കമീഷനില്‍ പരാതി. ബി.ജെ.പിയിൽ ചേർന്നതിന് സഭ നടപടിയെടുത്തതിന് പിന്നാലെയാണ് ഫാ. മാത്യൂസ് വാഴക്കുന്നം പരാതി നൽകിയത്. നിയമനടപടിക്ക് പത്തനംതിട്ട എസ്.പിക്ക് നിർദേശം നൽകണമെന്നും പരാതിയിൽ ആവശ്യപ്പെട്ടു. സ്ത്രീയുടേതായി പ്രചരിക്കുന്ന ശബ്ദരേഖ സഭാ നേതൃത്വത്തിനും വൈദികൻ കൈമാറിയിട്ടുണ്ട്. ഈ ശബ്ദരേഖ ഉൾപ്പെടെ വിവിധ പരാതികൾ പരിഗണിച്ചാണ് ഷൈജു കുര്യനെതിരെ സഭ നടപടിയെടുത്തത്. ഫാ. ഷൈജു കുര്യനെ നിലവിലെ എല്ലാ ചുമതലകളിൽ നിന്നും സഭാ നേതൃത്വം നീക്കുകയും പരാതികൾ അന്വേഷിക്കാൻ കമീഷനെ നിയോ​ഗിക്കുകയും ചെയ്തിട്ടുണ്ട്. വ്യാഴാഴ്ച രാത്രി ചേർന്ന ഭദ്രാസന കൗൺസിലിന്റേതാണ് തീരുമാനം. ഓർത്തഡോക്സ്‌ സഭ അധ്യക്ഷൻ നിയോഗിക്കുന്ന കമീഷനാണ് പരാതികൾ അന്വേഷിക്കുക. രണ്ടു മാസത്തിനകം അന്വേഷണം പൂർത്തീകരിച്ച് റിപ്പോർട്ട് നൽകാനാണ് നിർദേശം.
ഷൈജു കുര്യനൊപ്പം സഭ വിശ്വാസികളായ 47 പേരും ബി.ജെ.പിയിൽ അംഗത്വം എടുത്തിരുന്നു. ബി.ജെ.പിയിൽ ചേർന്നതിനെതിരെ ഓർത്തഡോക്സ് സഭാ വിശ്വാസികൾ റാന്നി ഇട്ടിയപ്പാറയിലെ ഓർത്തഡോക്സ് സഭാ നിലക്കൽ ഭദ്രാസനത്തിന് മുന്നിൽ പ്രതിഷേധവുമായി എത്തിയിരുന്നു. വൈദികർ ഉൾപ്പെടെ പ്രതിഷേധത്തിൽ പങ്കാളികളായതോടെ ഭദ്രാസന കൗൺസിൽ യോഗം മാറ്റി. ഭദ്രാസന സെക്രട്ടറിയുടെ ചുമതലയിലിരുന്ന് ഫാ. ഷൈജു കുര്യൻ ബി.ജെ.പി അംഗത്വമെടുത്തത് അംഗീകരിക്കില്ലെന്നായിരുന്നു ഇവരുടെ നിലപാട്. ഷൈജു കുര്യൻ ക്രിമിനൽ കേസുകളിൽ അടക്കം ഉടൻ പ്രതിയാകുമെന്നും അതിനെ പ്രതിരോധിക്കാൻ കൂടിയാണ് ബി.ജെ.പി പ്രവേശനമെന്നും ഇവർ ആരോപിക്കുയകും ചെയ്തു. ഓർത്തഡോക്സ് സഭയെ അവഹേളിച്ച ഷൈജു കുര്യനെ ഭദ്രാസന ചുമതലയിൽനിന്ന് നീക്കണമെന്നാവശ്യപ്പെട്ട് വിശ്വാസികൾ സഭാ അധ്യക്ഷന് പരാതിയും നൽകി. ഇതിന് പിന്നാലെയാണ് ഫാദറിനെതിരെ നടപടി. അതേസമയം, തന്റെ അഭ്യർഥന പ്രകാരമാണ് സഭാനേതൃത്വം അവധി അനുവദിച്ചതെന്നും താൻ കൂടി ആവശ്യപെട്ടിട്ടാണ് അന്വേഷണമെന്നും ഷൈജു കുര്യൻ പ്രതികരിച്ചു.

നിയമനടപടിക്ക് പത്തനംതിട്ട എസ്.പിക്ക് നിർദേശം നൽകണമെന്നും പരാതിയിൽ ആവശ്യപ്പെട്ടു

വീട്ടമ്മയോട് ലൈംഗിക ചുവയോടെ സംസാരിച്ചു; ബി.ജെ.പിയിൽ ചേര്‍ന്ന ഫാ. ഷൈജു കുര്യനെതിരെ വനിതാ കമ്മീഷനിൽ പരാതി

കോഴിക്കോട്: ദേശീയപാത നിര്‍മാണ പ്രവൃത്തികള്‍ നടക്കുന്ന രാമനാട്ടുകര-വെങ്ങളം ബൈപ്പാസില്‍ റോഡ് ഇടിഞ്ഞ് ലോറി താഴ്ചയിലേക്ക് മറിഞ്ഞു. മലാപ്പറമ്പ് ജംങ്ഷനില്‍ വെള്ളിയാഴ്ച പുലര്‍ച്ചെ 3.45-നാണ് അപകടം. പ്രധാനറോഡില്‍ നിന്ന് 15 അടി താഴ്ചയിലുള്ള സര്‍വ്വീസ് റോഡിലേക്കാണ് വാഹനം മറിഞ്ഞത്.
കണ്ണൂരില്‍ നിന്ന് ആലപ്പുഴയിലേക്ക് പോകുകയായിരുന്ന ചരക്ക് ലോറിയാണ് അപകടത്തില്‍പ്പെട്ടത്. ആലപ്പുഴ സ്വദേശിയായ ഡ്രൈവര്‍ രാധാകൃഷ്ണന്‍ നിസാര പരിക്കുകളോടെ രക്ഷപ്പെട്ടു.റോഡിന്റെ 20 മീറ്ററിലധികം ഭാഗമാണ് ഇടിഞ്ഞത്. പ്രദേശത്ത് കഴിഞ്ഞ ദിവസം രാത്രി ശക്തമായ മഴയുണ്ടായിരുന്നു.

മലാപ്പറമ്പ് ജംങ്ഷനില്‍ വെള്ളിയാഴ്ച പുലര്‍ച്ചെ 3.45-നാണ് അപകടം

കോഴിക്കോട് ദേശീയപാതയിൽ മണ്ണിടിഞ്ഞ് ലോറി മറിഞ്ഞു

ഹരിപ്പാട് : ഓൺലൈനിലൂടെയുള്ള പണം തട്ടിപ്പിൽ വയോധികന് നഷ്ടമായത് വൻതുക. ഹരിപ്പാട് പിലാപ്പുഴ പള്ളിയുടെ വടക്കത്തിൽ മുഹമ്മദ് സാലി (70 ) യുടെ പണമാണ് നഷ്ടപ്പെട്ടത്. 43,000 രൂപയാണ് മുഹമ്മദ് സാലിക്ക് നഷ്ടപ്പെട്ടത്. മുഹമ്മദ് സാലിയുടെ ഫോണിലേക്ക് ബാങ്കിൽ നിന്നാണെന്ന് പറഞ്ഞുകൊണ്ട് ഒരു കോൾ വരികയും ബാങ്ക് അക്കൗണ്ടിന്റെ കെവൈസി ബ്ലോക്ക് ആണെന്നും ഇത്‌ ഒഴിവാക്കുന്നതിനായുള്ള ലിങ്ക് മൊബൈൽ അയച്ചിട്ടുണ്ടെന്നും അറിയിച്ചു.&nbsp;
ഇതനുസരിച്ച് മുഹമ്മദ് സാലി ലിങ്ക് ഓപ്പൺ ആക്കുകയും കെ വൈ സി പുതുക്കുന്നതിനായി അതിലേക്ക് വന്ന ഒടിപി നമ്പർ പറഞ്ഞു കൊടുക്കുകയും ചെയ്തു. ഉടൻതന്നെ ഇയാളുടെ എസ് ബി ഐ ബാങ്ക് അക്കൗണ്ടിൽ നിന്നും 42999 രൂപ പിന്‍വലിച്ചതായുള്ള സന്ദേശം ലഭിക്കുകയായിരുന്നു. ഇതോടെയാണ് സംഭവം തട്ടിപ്പാണെന്ന് വ്യക്തമായത്. പണം നഷ്ടപ്പെട്ടതിനെ തുടർന്ന് മുഹമ്മദ് സാലി ഹരിപ്പാട് പോലീസിൽ പരാതി നൽകി. സംഭവത്തിൽ പോലീസ് കേസെടുത്തു അന്വേഷണം ആരംഭിച്ചിട്ടുണ്ട്.

43,000 രൂപയാണ് മുഹമ്മദ് സാലിക്ക് നഷ്ടപ്പെട്ടത്

കെവൈസി ബ്ലോക്ക് ഒഴിവാക്കാനെന്ന പേരിൽ തട്ടിപ്പ്; വയോധികന് നഷ്ടമായത് വൻതുക

ഭോപ്പാൽ: സുഹൃത്തിന്റെ നായയെ രക്ഷിക്കാൻ അണക്കെട്ടിന്റെ റിസർവോയറിൽ ചാടിയ യുവാവിന് ദാരുണാന്ത്യം. ഭോപ്പാലിലാണ് അപകടം നടന്നത്. 23 കാരനായ സരൾ നിഗമാണ് മരിച്ചത്. അതേസമയം, വെള്ളത്തിൽ വീണ നായ നീന്തി രക്ഷപ്പെട്ടു. ഭോപ്പാല്‍ മൗലാന ആസാദ് നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ ബിടെക് ബിരുദം നേടിയ സരൾ നിഗം യു.പി.എസ്.സി പ്രവേശന പരീക്ഷയ്ക്ക് തയ്യാറെടുക്കുകയായിരുന്നു. ഭോപ്പാൽ നഗരത്തിന് 10 കിലോമീറ്റർ അകലെയാണ് കെർവ ഡാം. ഇവിടേക്ക് രാവിലെ 7.30 ഓടെ രണ്ട് പെണ്‍ സുഹൃത്തുക്കളോടൊപ്പം നടക്കാൻ പോയതായിരുന്നു സരൾ.&nbsp;
അവരിലൊരാളുടെ നായ കെർവ അണക്കെട്ടിലെ റിസർവോയറിൽ വീഴുകയായിരുന്നു. മൂവരും കൂടെ നായയെ രക്ഷിക്കാനായി വെള്ളത്തിലിറങ്ങി.എന്നാല്‍ സരള്‍ കാല്‍വഴുതി വെള്ളത്തിലേക്ക് വീഴുകയായിരുന്നു. നായ നീന്തി രക്ഷപ്പെട്ടെങ്കിലും സരൾ മുങ്ങിപ്പോകുകയായിരുന്നെന്ന് പോലീസ് പറയുന്നു. സരൾ മുങ്ങുന്നത് കണ്ട് കൂടെയുണ്ടായിരുന്നു പെൺകുട്ടികൾ സഹായത്തിനായി നിലവിളിച്ചു.ഇത് കേട്ട് ക്യാമ്പിലെ വാച്ച്മാൻ ഓടിയെത്തി തെരഞ്ഞെങ്കിലും കണ്ടെത്താനായില്ല.തുടര്‍ന്ന് റാത്തിബാദ് പോലീസിൽ അറിയിച്ചു. മുങ്ങൽ വിദഗ്ധരും എസ്ഡിഇആർഎഫും പോലീസും സ്ഥലത്തെത്തിയെങ്കിലും സരളിനെ കണ്ടെത്താനായില്ല. ഒരു മണിക്കൂർ തിരച്ചിലിനൊടുവിലാണ് മൃതദേഹം കണ്ടെത്തിയത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. അതേസമയം,സരളിന് നീന്താനറിയുമെന്ന് മാതാപിതാക്കൾ പറഞ്ഞതായും റിപ്പോർട്ടുകളുണ്ട്. മാതാപിതാക്കളുടെ ഏകമകനാണ് സരൾ.

23 കാരനായ സരൾ നിഗമാണ് മരിച്ചത്

National

നായയെ രക്ഷിക്കാൻ റിസർവോയറിൽ ചാടിയ യുവാവിന് ദാരുണാന്ത്യം

കൊച്ചി: തകഴിയുടെ ചെമ്മീന്‍ ജാപ്പനീസ് ഭാഷയിലേക്ക് വിവര്‍ത്തനം ചെയ്ത എഴുത്തുകാരി തക്കാക്കോ (79) അന്തരിച്ചു. 23-ാം വയസ്സിലാണ് തക്കാക്കോ കേരളത്തിലെത്തിയത്.1967-ല്‍ ഷിപ്പിങ് കോര്‍പ്പറേഷന്‍ ഓഫ് ഇന്ത്യയില്‍ ഉദ്യോഗസ്ഥനായിരുന്ന എറണാകുളം കൂനമ്മാവ് സ്വദേശി തോമസ് മുല്ലൂരിനെ വിവാഹം കഴിച്ചു.തക്കാക്കോയ്ക്ക് ചെമ്മീൻ നോവൽ പരിചയപ്പെടുത്തിയത് തോമസ് മുല്ലൂരാണ്. ചെമ്മീന്റെ ഇംഗ്ലീഷ് കോപ്പിയാണ് ആദ്യം നൽകിയത്. തുടർന്നാണ് മലയാളത്തിലുള്ള നോവൽ വായിക്കുന്നത്. പുസ്തകം വായിച്ചു തീർത്തപ്പോൾ തന്നെ തന്റെ നാടിനെയത് പരിചയപ്പെടുത്തണമെന്ന ആശ മനസ്സിൽ ഉദിച്ചു. അങ്ങനെ തകഴിയെ നേരിൽ കണ്ട് അനുമതി വാങ്ങി.&nbsp;

1976-ൽ പരിഭാഷയും പൂർത്തിയാക്കി.എബി എന്ന പേരിൽ തയ്യാറാക്കിയ പരിഭാഷ പക്ഷേ, പുസ്തക രൂപത്തിൽ ഇറക്കണമെന്ന ആഗ്രഹം പൂർത്തിയാക്കാനായില്ല. മലയാള പുസ്തകങ്ങളെ ഏറെ ഇഷ്ടപ്പെടുന്ന തക്കാക്കോ കൂനമ്മാവ് സെയ്‌ന്റ് ജോസഫ്‌സ് കോൺവെന്റിലെ സിസ്റ്റർ ഹിലാരിയുടെ ശിക്ഷണത്തിലാണ് മലയാള ഭാഷ സ്വായത്തമാക്കിയത്. ഭർത്താവ് തോമസിന്റെ ബന്ധുക്കളുടെ പ്രോത്സാഹനം കൂടിയായപ്പോൾ മലയാളം വേഗം പഠിച്ചെടുക്കാനായി. ജാപ്പനീസ് സര്‍വകലാശാലയുടെ സിറ്റി ഓഫീസില്‍ ജീവനക്കാരിയായിരിക്കെയാണ് അവര്‍ തോമസിനെ പരിചയപ്പെട്ടത്. പിന്നീടങ്ങോട്ട് ദ്വിഭാഷിയായും വിവര്‍ത്തകയായുമൊക്കെ അക്ഷരങ്ങളുമായി കൂടിക്കലര്‍ന്നതായിരുന്നു തക്കാക്കോയുടെ ജീവിതം.

23-ാം വയസ്സിലാണ് തക്കാക്കോ കേരളത്തിലെത്തിയത്

Obitury

'ചെമ്മീന്‍' വിവര്‍ത്തക തക്കാക്കോ അന്തരിച്ചു

തൃശൂർ: തിരുവില്ലാമലയിൽ സർക്കാർ സ്‌കൂള്‍ കെട്ടിടത്തിന്‍റെ മേൽക്കൂര തകർന്നു. ജി.എൽ.പി സ്‌കൂളിന്റെ സീലിങ് ആണ് അടർന്നുവീണത്. അപകടം നടന്ന സ്ഥലത്ത് കുട്ടികളില്ലാത്തതിനാൽ വൻ ദുരന്തം ഒഴിവായി.
ഇന്നു രാവിലെ പത്തരയ്ക്കാണു സംഭവം. ക്ലാസ് നടക്കുന്നതിനിടെയാണ് പ്രീപ്രൈമറി വിഭാഗം ക്ലാസ് മുറിയില്‍ അപകടമുണ്ടായത്. ഓട് ഉൾപ്പെടെ മേൽക്കൂരയിൽ നിന്ന് അടർന്നുവീഴുകയായിരുന്നു. കുട്ടികൾ ഇരിന്നതിന്റെ മറ്റൊരു ഭാഗത്താണ് അപകടമുണ്ടായത്. സംഭവത്തിൽ ആർക്കും പരിക്കില്ല.

ഇന്നു രാവിലെ പത്തരയ്ക്കാണു സംഭവം

സ്‌കൂള്‍ കെട്ടിടത്തിന്‍റെ മേൽക്കൂര തകർന്നു; ഒഴിവായത് വൻ ദുരന്തം

ചെന്നൈ: പൊങ്കല്‍ സമ്മാനമായി തമിഴ്‌നാട്ടില്‍ റേഷന്‍ കാര്‍ഡ് ഉടമകള്‍ക്ക് ആയിരം രൂപ വീതം നല്‍കുമെന്ന് മുഖ്യമന്ത്രി എംകെ സ്റ്റാലിന്‍. വീട്ടമ്മമാര്‍ക്കുള്ള വേതനവും പൊങ്കലിന് മുന്‍പ് നല്‍കുമെന്ന് സര്‍ക്കാര്‍ അറിയിച്ചു. നേരത്തെ പൊങ്കലിന് കിറ്റു മാത്രമായിരുന്നു സര്‍ക്കാര്‍ പ്രഖ്യാപിച്ചിരുന്നത്. ഇതിനെതിരെ പ്രതിപക്ഷം രംഗത്തുവന്നിരുന്നു.&nbsp;
ഒരു കിലോ അരി, ഒരു കിലോ പഞ്ചസാര ഉള്‍പ്പടെ മറ്റ് സാധനങ്ങളാണ് പൊങ്കല്‍ കിറ്റില്‍ ഉള്‍പ്പടുത്തിയിരിക്കുന്നത്. സംസ്ഥാനത്തെ 2.19 കോടി റേഷന്‍കാര്‍ഡ് ഉടമകള്‍ക്ക് ഇതിന്റെ പ്രയോജനം ലഭിക്കും. കിറ്റിന്റെ വിതരണ ഉദ്ഘാടനം മുഖ്യമന്ത്രി നിര്‍വഹിക്കും. സംസ്ഥാനത്തെ 33,000 റേഷന്‍ കടകളില്‍ പൊങ്കല്‍ സമ്മാനം വിതരണം ചെയ്യുമെന്ന് ഭക്ഷ്യവകുപ്പ് അറിയിച്ചു. ശ്രീലങ്കന്‍ അഭയാര്‍ഥി ക്യാമ്പുകളില്‍ കഴിയുന്ന കുടുംബങ്ങള്‍ക്കും സമ്മാനം നല്‍കും.

വീട്ടമ്മമാര്‍ക്കുള്ള വേതനവും പൊങ്കലിന് മുന്‍പ് നല്‍കുമെന്ന് സര്‍ക്കാര്‍ അറിയിച്ചു

പൊങ്കൽ സമ്മാനമായി കിറ്റിന് പുറമെ 1000 രൂപയും പ്രഖ്യാപിച്ച് തമിഴ്നാട് സർക്കാർ

തിരുവനന്തപുരം: സർക്കാരുമായുള്ള ഏറ്റുമുട്ടൽ തുടരുന്നതിനിടെ ജിഎസ് ടി നിയമഭേദഗതി ഓർഡിനൻസിന് ഗവർണർ അം​ഗീകാരം നൽകി. രാവിലെ മുംബൈയ്ക്ക് പോകും മുമ്പാണ് ഓർഡിനൻസിൽ ഗവർണർ ആരിഫ് മുഹമ്മദ് ഖാന്‍ ഒപ്പു വെച്ചത്. ഒരാഴ്ച മുമ്പാണ് ഓർഡിനൻസ് സർക്കാർ അനുമതി തേടി രാജ്ഭവന് കൈമാറിയത്. അതേസമയം, ലോകയുക്ത ബിൽ, സർവ്വകലാശാല നിയമ ഭേദഗതി ബിൽ, സഹകരണ നിയമ ഭേദഗതി ബിൽ തുടങ്ങി വിവാദമായ ബില്ലുകൾ ഒപ്പിടാതെ ഗവർണർ രാഷ്ട്രപതിക്ക് അയച്ചിരിക്കുകയാണ്.
ഈ ബില്ലുകളിൽ തീരുമാനം വൈകിപ്പിക്കുന്നതിനെതിരെ സർക്കാർ സുപ്രീംകോടതിയെ സമീപിച്ചിരിക്കുകയാണ്. ബില്ലുകളില്‍ തീരുമാനം വൈകിപ്പിക്കുന്ന ഗവര്‍ണര്‍ കേരളത്തിലെ ജനങ്ങളോടും, നിയമസഭയോടും കടുത്ത അനീതിയാണ് കാണിക്കുന്നതെന്ന് സംസ്ഥാന സര്‍ക്കാര്‍ സുപ്രീംകോടതിയില്‍ ഫയല്‍ ചെയ്ത പ്രത്യേക അനുമതി ഹര്‍ജിയില്‍ പറയുന്നു.&nbsp;

രാവിലെ മുംബൈയ്ക്ക് പോകും മുമ്പാണ് ഓർഡിനൻസിൽ ഗവർണർ ആരിഫ് മുഹമ്മദ് ഖാന്‍ ഒപ്പു വെച്ചത്

ജിഎസ് ടി നിയമഭേദഗതി ഓർഡിനൻസിന് ഗവർണർ അം​ഗീകാരം നൽകി

ഒരിക്കൽ വന്നുപോയിട്ടും പൂർണമായും ഭേദമായിട്ടും കോവിഡിന്റെ പരിണിതഫലങ്ങൾ തുടർന്നും അനുഭവിക്കുന്നവരാണ് മിക്ക കോവിഡ് രോഗികളും. ഭക്ഷണത്തിന്റെ രുചി അറിയാതിരിക്കുക മണം അറിയാനുള്ള കഴിവ് നഷ്ടമാവുക ഇങ്ങനെ പോകുന്നു കോവിഡാനന്തര പ്രശ്നങ്ങൾ. ശരീരത്തിൽ മാത്രമല്ല കോവിഡ് ആളുകളുടെ മനസികാരോഗ്യത്തിലും ദീർഘകാല പ്രത്യാഘാതങ്ങൾ ഉണ്ടാകുമെന്നത് സംബന്ധിച്ച് കൂടുതൽ പഠനങ്ങൾ നടത്തുകയാണ് ഗവേഷകർ. കോവിഡും മാനസികാരോഗ്യവും തമ്മിൽ കാര്യമായ ബന്ധമുണ്ടെന്നാണ് സമീപകാല പഠനം വ്യക്തമാക്കുന്നത്. ഇപ്പോഴിതാ കോവിഡ് ബാധിതർക്ക് സ്കീസോഫ്രീനിയ ഉണ്ടാകാനുള്ള സാധ്യത കൂടുതലാണെന്നാണ് ഏറ്റവും പുതിയ പഠനം. കോവിഡ് അണുബാധയുള്ള ആളുകൾക്ക് സ്കീസോഫ്രീനിയ രോഗനിർണയം നടത്താനുള്ള സാധ്യത രോഗബാധിതരല്ലാത്തവരെ അപേക്ഷിച്ച് നാലിരട്ടി കൂടുതലാണെന്ന് യുഎസിലെ വെസ്റ്റ് വിർജീനിയ യൂണിവേഴ്സിറ്റിയിലെ ഗവേഷകർ നാഷണൽ ലൈബ്രറി ഓഫ് മെഡിസിനിൽ പ്രസിദ്ധീകരിച്ച പഠനത്തിൽ പറയുന്നു. സൈക്കോസിസ് വിഭാ​ഗത്തിൽ പെടുന്ന ഒരു മാനസിക അസുഖമാണ് സ്കീസോഫ്രീനിയ. ഡില്യൂഷൻസ്, ഹാലൂസിനേഷൻ‌സ് തുടങ്ങിയ അവസ്ഥകളിലൂടെയെല്ലാം സ്കീസോഫ്രീനിയ രോഗി കടന്നുപോകാം. ഇല്ലാത്ത കാര്യങ്ങൾ ആവർത്തിച്ച് പറയുക, മറ്റുള്ളവർക്ക് വിശ്വസിക്കാൻ കഴിയാത്ത കാര്യങ്ങൾ പറയുക തുടങ്ങി യാഥാർഥ്യങ്ങളിൽ നിന്ന് പൂർണമായും വിട്ടുനിൽക്കുന്ന ഒരു അവസ്ഥയാണിത്.
ഡില്യൂഷൻസ്, ഹാലൂസിനേഷൻ‌സ് എന്നീ അവസ്ഥകൾ ഒരു മാസത്തോളം നീണ്ടുനിൽക്കുകയാണെങ്കിൽ സ്കീസോഫ്രീനിയ ഉറപ്പിക്കാം. പരസ്പര ബന്ധമില്ലാത്തെയും അടുക്കും ചിട്ടയുമില്ലാതെയും സംസാരിക്കുക, ചിന്തിക്കാതെ കാര്യങ്ങൾ പറയുക നിർവികാരത തുടങ്ങിയവ സ്കീസോഫ്രീനിയയുടെ ലക്ഷണങ്ങളാണ്. ഇടക്കെപ്പോഴെങ്കിലുമാണ് ഇങ്ങനെയുണ്ടാകുന്നതെങ്കിൽ സൈക്കോസിസിന്റെ ഏതെങ്കിലും അവസ്ഥയാണെന്ന് സംശയിക്കാം. എന്നാൽ, ദൈനംദിന ജീവിതത്തെയടക്കം ബാധിക്കുന്ന രീതിയിലേക്ക് മാറുകയാണെങ്കിൽ സ്കീസോഫ്രീനിയക്ക് അടിയന്തര ചികിത്സ തേടേണ്ടതുണ്ട്. കൃത്യമായ ചികിത്സ ലഭ്യമാക്കിയില്ലെങ്കിൽ സ്വയം ഉപദ്രവിക്കുകയും മറ്റുള്ളവരെ ഉപദ്രവിക്കുകയുമൊക്കെ ചെയ്യുന്ന അവസ്ഥയിലേക്ക് രോഗി എത്തിപ്പെട്ടേക്കാം. സങ്കീർണതകൾ ഏറെയുള്ള രോഗമാണിത്. ജനിതക കാരണങ്ങളാണ് സ്കീസോഫ്രീനിയയുടെ പ്രധാന കാരണം. ബ്രെയിനിലുണ്ടാകുന്ന ന്യൂറോ കെമിക്കൽ ഘടങ്ങളുടെ വ്യതിയാനം കൊണ്ടും ഇവ സംഭവിക്കാം. കോവിഡ്-19 ബാധിച്ചതിന് ശേഷം ചെറുപ്പക്കാരായ വ്യക്തികൾക്ക് SSPD (സ്കീസോഫ്രീനിയ സ്പെക്ട്രം, സൈക്കോട്ടിക് ഡിസോർഡേഴ്സ്) ഉണ്ടാകാനുള്ള സാധ്യത കൂടുതലാണെന്ന് പഠനത്തിൽ ചൂണ്ടിക്കാട്ടുന്നു. SARS-CoV-2-ന്റെ അറിയപ്പെടുന്ന ന്യൂറോട്രോപിസവും മുൻപ് നടത്തിയ പഠനങ്ങളുടെ താരതമ്യം ചെയ്താണ് ഈ നിഗമനത്തിലേക്ക് ഗവേഷകർ എത്തിച്ചേർന്നത്. യുവജനങ്ങൾക്കിടയിലാണ് കോവിഡിന്റെ ദീർഘകാല പ്രത്യാഘാതങ്ങൾ ഉണ്ടാകുന്നതെന്നും ഗവേഷകർ കണ്ടെത്തിയിട്ടുണ്ട്. സ്കീസോഫ്രീനിയയുടെ വർദ്ധിച്ച അപകടസാധ്യത കണക്കിലെടുത്ത് കോവിഡിന്റെ ദീർഘകാല മാനസികാരോഗ്യ പ്രത്യാഘാതങ്ങളെ കുറിച്ച് കൂടുതൽ പഠനം നടത്തേണ്ടതിന്റെ അടിയന്തിര ആവശ്യകതയും ഗവേഷകർ ഊന്നിപ്പറയുന്നു.

ശരീരത്തിൽ മാത്രമല്ല കോവിഡ് ആളുകളുടെ മനസികാരോഗ്യത്തിലും ദീർഘകാല പ്രത്യാഘാതങ്ങൾ ഉണ്ടാകുമെന്നത് സംബന്ധിച്ച് കൂടുതൽ പഠനങ്ങൾ നടത്തുകയാണ് ഗവേഷകർ

Health

കോവിഡ് ബാധിതർക്ക് സ്കീസോഫ്രീനിയ ഉണ്ടാകാനുള്ള സാധ്യത കൂടുതലെന്ന് റിപ്പോർട്ട്

ചെന്നൈ: ബഹിരാകാശത്ത് വൈദ്യുതി ഉൽപാദിപ്പിക്കുന്ന പരീക്ഷണം വിജയിപ്പിച്ച് ഐഎസ്ആർഒ. ഫ്യുവൽ സെൽ പവർ സിസ്റ്റം (എഫ്സിപിഎസ്) പരീക്ഷണമാണ് വിജയം കണ്ടത്. 350 കിലോമീറ്റർ ഉയരത്തിൽ 180 വാള്‍ട്ട് വൈദ്യുതിയാണ് ഫ്യുവൽ സെൽ ഉൽപാദിപ്പിച്ചത്. ഇസ്‌റോയുടെ വിക്രം സാരാഭായ് സ്‌പേസ് സെന്റർ (വിഎസ്‌എസ്‌സി) ആണ് ഫ്യുവൽ സെൽ നിർമിച്ചത്. പുതുവർഷ ദിനത്തിൽ ദൗത്യം പിഎസ്എൽവി സി 58 എക്സ്പോസാറ്റ് (എക്സ്റേ പോളാരിമീറ്റർ സാറ്റലൈറ്റ്) റോക്കറ്റ് വിക്ഷേപിച്ചിരുന്നു.&nbsp;
ഈ റോക്കറ്റിന്റെ അവസാന ഭാഗത്ത് പിഒഇഎം എന്ന മൊഡ്യൂളുണ്ടായിരുന്നു. ഈ മൊഡ്യൂളിലാണ് 10 ഉപഗ്രഹങ്ങൾ ഉണ്ടായിരുന്നത്. ഇതിൽ രണ്ടെണ്ണം വിഎസ്‌എസ്‌സി ആണ് നിർമിച്ചത്. അതിൽ ഒന്നാണ് എഫ്സിപിഎസ്. ഇതാണ് വിജയകരമായതായി ഐഎസ്ആർഒ അറിയിച്ചത്. ഹൈഡ്രജനും ഓക്‌സിജനും ഉപയോഗിച്ചാണ് വൈദ്യുതി ഉൽപാദിക്കുന്നതെന്നും ഇതിൽ നിന്ന് പുറംതള്ളുന്നത് ജലം മാത്രമാണെന്നും മറ്റു തരത്തിലുള്ള ഒരു വാതകവും പുറംതള്ളുന്നില്ലെന്നും ഐഎസ്ആർഒ വ്യക്തമാക്കി. ഭാവിയിൽ ബഹിരാകാശ പദ്ധതികളിൽ ബാക്കപ്പ് സിസ്റ്റമായും ഇത് ഉപയോഗിക്കാൻ കഴിയും.&nbsp;

ഫ്യുവൽ സെൽ പവർ സിസ്റ്റം (എഫ്സിപിഎസ്) പരീക്ഷണമാണ് വിജയം കണ്ടത്

Tech

ബഹിരാകാശത്ത് വൈദ്യുതി ഉൽപാദിപ്പിക്കുന്ന പരീക്ഷണം വിജയിച്ചതായി ഐഎസ്ആർഒ

ദുബായ്: യുഎഇയില്‍ തിയേറ്ററില്‍ സിനിമ കാണുന്നതിനിടെ സിനിമയുടെ ഫോട്ടോ എടുക്കുകയോ വീഡിയോ പകര്‍ത്തുകയോ ചെയ്താല്‍ കര്‍ശന ശിക്ഷയെന്ന് അധികൃതരുടെ മുന്നറിയിപ്പ്. നിയമ ലംഘകര്‍ക്ക് രണ്ടുമാസത്തെ തടവും ഒരുലക്ഷം പിഴയും അടക്കേണ്ടിവരുമെന്നാണ് മുന്നറിയിപ്പ്. സിനിമ തുടങ്ങും മുമ്പ് സ്‌ക്രീനില്‍ ഇത്തരം മുന്നറിയിപ്പുകള്‍ നല്‍കുന്നുണ്ടെങ്കിലും പലരും ഇത് ഗൗരവമായി എടുക്കിന്നില്ലെന്നും അധികൃതര്‍ പറയുന്നു. ഇങ്ങനെ നിയമം ലംഘിച്ച് വിഡിയോ പകര്‍ത്തുകയോ ഫോട്ടോ എടുക്കുകയോ ചെയ്യുന്നത് പകര്‍പ്പവകാശ നിയമപ്രകാരം യുഎഇയില്‍ ശിക്ഷാര്‍ഹമാണ്.
ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ 2021 ലാണ് യുഎഇ നിയമം പാസാക്കിയത്. 2022 ജനുവരി മുതല്‍ അത് നടപ്പാക്കിത്തുടങ്ങിയിട്ടുണ്ടെന്ന് പ്രമുഖ നിയമസേവന കമ്പനിയായ അപ്പര്‍ ലീഗല്‍ അഡ്വൈസറി മാനേജിങ് പാര്‍ട്ണര്‍ അലക്‌സാണ്ടര്‍ കുകൂവിനെ ഉദ്ധരിച്ചുള്ള റിപ്പോര്‍ട്ടുകള്‍ പറയുന്നു. സാഹിത്യപരവും കലാപരവുമായ സൃഷ്ടികളുടെ പകര്‍പ്പാവകാശം സംരക്ഷിക്കുന്നതിന് ബെര്‍നി കണ്‍വെന്‍ഷന്‍ ഉള്‍പ്പെടെ അന്താരാഷ്ട്രതലത്തിലുള്ള കരാറുകളുടെയും ഉടമ്പടികളുടെയും അടിസ്ഥാനത്തിലാണ് യുഎഇയിലെ പകര്‍പ്പാവകാശ നിയമം നടപ്പാക്കിയത്.&nbsp;

നിയമ ലംഘകര്‍ക്ക് രണ്ടുമാസത്തെ തടവും ഒരുലക്ഷം പിഴയും അടക്കേണ്ടിവരുമെന്നാണ് മുന്നറിയിപ്പ്

Gulf

സിനിമ കാണുന്നതിനിടെ ഫോട്ടോ എടുക്കുകയോ വീഡിയോ പകര്‍ത്തുകയോ ചെയ്താല്‍ യുഎഇയില്‍ കര്‍ശന ശിക്ഷ

കാസര്‍കോട്: പ്രവാസി മലയാളിയായ യുവാവിനെ വ്യാജ പോക്‌സോ കേസില്‍ കുടുക്കി സി.ഐയും പെണ്‍കുട്ടിയുടെ കുടുംബവും പണം തട്ടാന്‍ ശ്രമിച്ചെന്ന് പരാതി. കാഞ്ഞങ്ങാട് സ്വദേശിയായ യുവാവിന്റെ പരാതിയില്‍ ഹോസ്ദുര്‍ഗ് സി.ഐ കെ.പി ഷൈനിനെതിരെ ജില്ലാ പോലീസ് മേധാവി അന്വേഷണത്തിന് ഉത്തരവിട്ടു. കേസ് ഒത്തുതീര്‍പ്പാക്കണമെന്ന് സി.ഐ പറയുന്ന ഫോണ്‍ സംഭാഷണവും പുറത്തുവന്നു. മാസങ്ങള്‍ക്കുമുമ്പാണ് സംഭവങ്ങള്‍ക്കാസ്പദമായ കാര്യങ്ങള്‍ നടന്നത്. പ്രവാസി മലയാളിയായ യുവാവ് വിവാഹം കഴിക്കുന്നതിനായി കാസര്‍കോട് വിദ്യാനഗര്‍ സ്വദേശിനിയെ വീട്ടില്‍ച്ചെന്ന് പെണ്ണുകണ്ടു. തുടര്‍ന്ന് കല്യാണനിശ്ചയവും തീരുമാനിച്ചു. എന്നാല്‍ പെണ്‍കുട്ടിയ്ക്ക് പ്രായപൂര്‍ത്തിയായിട്ടില്ലെന്ന് ഔദ്യോഗിക രേഖകള്‍ പരിശോധിച്ചപ്പോള്‍ യുവാവിനും ബന്ധുക്കള്‍ക്കും ബോധ്യമായി. പെണ്‍കുട്ടി പഠിച്ചത് കര്‍ണാടയിലെ സ്‌കൂളിലാണെന്നും അവിടെനിന്നുമുള്ള ശരിയായ രേഖകള്‍ കാണിക്കാമെന്നും പെണ്‍കുട്ടിയുടെ വീട്ടുകാര്‍ യുവാവിനെ അറിയിച്ചു.
എന്നാല്‍ ഇതില്‍ തൃപ്തരാവാഞ്ഞ യുവാവിന്റെ കുടുംബം വിവാഹത്തില്‍ നിന്ന് പിന്മാറി. പിന്നീട് യുവാവ് മറ്റൊരു വിവാഹത്തിനും തയ്യാറായി. ഇതോടെ ആദ്യം വിവാഹം ഉറപ്പിച്ച പെണ്‍കുട്ടിയുടെ വീട്ടുകാര്‍ യുവാവിനെതിരെ രംഗത്തെത്തി. യുവതിയെ ഇയാള്‍ ഉപദ്രവിച്ചെന്നും പലയിടങ്ങളിലും കൊണ്ടുപോയി പീഡിപ്പിക്കാന്‍ ശ്രമിച്ചെന്നും കുടുംബം ആരോപണമുന്നയിച്ചു. പെണ്‍കുട്ടിയുടെ വീട് നില്‍ക്കുന്ന പരിധിയിലെ പോലീസ് സ്‌റ്റേഷനല്ലാത്ത ഹോസ്ദുര്‍ഗ് സ്‌റ്റേഷനില്‍ കേസ് നല്‍കുമെന്നായിരുന്നു ഭീഷണി. സ്റ്റേഷനില്‍ നിന്ന് വിളിപ്പിക്കുമെന്നും 15 ലക്ഷം രൂപ തന്നാല്‍ പരാതിയുമായി മുന്നോട്ടുപോകില്ലെന്നും പെണ്‍കുട്ടിയുടെ വീട്ടുകാരും സി.ഐയും യുവാവിനെ അറിയിച്ചു. എന്നാല്‍ ഇതിന് തയ്യാറാവാഞ്ഞ യുവാവ് എസ്.പിക്ക് പരാതി നല്‍കുകയായിരുന്നു. സി.ഐയെ കേസിന്റെ അന്വേഷണ ചുമതലയില്‍ നിന്ന് മാറ്റിയിട്ടുമുണ്ട്. ഇയാള്‍ക്കെതിരെ മുമ്പും സമാനആരോപണങ്ങള്‍ ഉണ്ടായിരുന്നതായാണ് വിവരം.

കാഞ്ഞങ്ങാട് സ്വദേശിയായ യുവാവിന്റെ പരാതിയില്‍ ഹോസ്ദുര്‍ഗ് സി.ഐ കെ.പി ഷൈനിനെതിരെ ജില്ലാ പോലീസ് മേധാവി അന്വേഷണത്തിന് ഉത്തരവിട്ടു

വ്യാജ പോക്‌സോ കേസില്‍ കുടുക്കി സി.ഐയും പെണ്‍കുട്ടിയുടെ കുടുംബവും പണം തട്ടാന്‍ ശ്രമിച്ചു; പരാതിയുമായി യുവാവ്

കൊച്ചി: തുടര്‍ച്ചയായ മൂന്നാം ദിനവും സ്വര്‍ണ വിലയില്‍ ഇടിവ്. പവന് 80 രൂപയാണ് ഇന്നു കുറഞ്ഞത്. ഒരു പവന്‍ സ്വര്‍ണത്തിന്റെ വില 46,400 രൂപ. ഗ്രാമിന് പത്തു രൂപ താഴ്ന്ന് 5800 ആയി. കഴിഞ്ഞ രണ്ടു ദിവസമായി പവന് 520 രൂപ കുറഞ്ഞിരുന്നു. ഇന്നത്തെ ഇടിവു കൂടിയാവുമ്പോള്‍ തുടര്‍ച്ചയായ ദിവസങ്ങളില്‍ കുറഞ്ഞത് 600 രൂപ.

പവന് 80 രൂപയാണ് ഇന്നു കുറഞ്ഞത്

സ്വര്‍ണ വിലയില്‍ വീണ്ടും ഇടിവ്

ലഖ്‌നൗ: അഞ്ഞൂറ് രൂപ നല്‍കാത്തതിനെ തുടര്‍ന്ന് 25കാരനായ മകന്‍ അച്ഛനെ അടിച്ചുകൊന്നു. ഉത്തര്‍പ്രദേശിലെ റായ്ബറേലിയിലാണ് സംഭവം. സംഭവവുമായി ബന്ധപ്പെട്ട് മകന്‍ സഞ്ജയ് യാദവിനെ പോലീസ് അറസ്റ്റ് ചെയ്തു. അച്ഛനും മകനും റായ്ബറേലിയിലെ ഇഷ്ടിക ചൂളയിലാണ് ജോലി ചെയ്തിരുന്നത്. ജനുവരി ഒന്നിനായിരുന്നു കൊലപാതകം നടന്നത്. കൊലപാതകം നടന്ന ദിവസം സഞ്ജയിന്റെ പിതാവ് ഇഷ്ടിക ചൂളയുടെ ഉടമയെ വിളിച്ചിരുന്നു. ഇതാണ് കേസില്‍ നിര്‍ണായകമായത്. മകന്‍ അഞ്ഞൂറ് രൂപ ആവശ്യപ്പെട്ടിട്ടുണ്ടെന്നും നല്‍കിയില്ലെങ്കില്‍ കൊന്നുകളയുമെന്നും ഭീഷണിപ്പെടുത്തിയതിനാല്‍ ഇഷ്ടികചൂള ഉടമയോട് 500 രൂപ ആവശ്യപ്പെട്ടിരുന്നതായി പോലീസ് അന്വേഷണത്തില്‍ കണ്ടെത്തി. തുടര്‍ന്ന് യുവാവിനെ പോലീസ് ചോദ്യം ചെയ്യുകയായിരുന്നു.
മദ്യപനായ സഞ്ജയ് പിതാവ് ത്രിലോകുമായി സ്ഥിരം വഴക്കാണെന്ന് നാട്ടുകാര്‍ പറഞ്ഞു. പിതാവ് മരിച്ച ദിവസം താന്‍ നാട്ടില്‍ ഉണ്ടായിരുന്നില്ലെന്നും പിതാവ് അപകടത്തില്‍ മരിച്ചതാണെന്നുമായിരുന്നു സഞ്ജയ് ആദ്യം പോലീസിനോട് പറഞ്ഞത്. പിന്നീട് പോലീസ് കോള്‍ റെക്കോര്‍ഡ് കേള്‍പ്പിച്ചപ്പോള്‍ സഞ്ജയ് കുറ്റം സമ്മതിക്കുകയായിരുന്നു. ഇഷ്ടിക ചൂള ഉടമയെ വിളിച്ചതിന് പിന്നാലെ പണം നല്‍കാനാവില്ലെന്ന് പിതാവ് അറിയിച്ചതോടെ സമീപത്തുണ്ടായിരുന്ന മരക്കഷണം കൊണ്ട് അടിക്കുകയായിരുന്നു. ശക്തമായി അടിയേറ്റ ത്രിലോക് സംഭവസ്ഥലത്തുവച്ചുതന്നെ മരിച്ചതായും തുടര്‍ന്ന് യുവാവ് പ്രദേശത്തുനിന്ന് കടന്നുകളയുകയായിരുന്നെന്ന് പോലീസ് പറഞ്ഞു.

ഉത്തര്‍പ്രദേശിലെ റായ്ബറേലിയിലാണ് സംഭവം

അഞ്ഞൂറ് രൂപ നൽകിയില്ല; മകൻ അച്ഛനെ അടിച്ചുകൊന്നു

തിരുവനന്തപുരം: സിപിഎം നേതാവ് ബൃന്ദാ കാരാട്ടിന്റെ വെല്ലുവിളിക്ക് മറുപടിയുമായി ഗവര്‍ണര്‍ ആരിഫ് മുഹമ്മദ് ഖാന്‍. ബൃന്ദയുടെ പരാമര്‍ശം അര്‍ഹിക്കുന്ന അവജ്ഞയോടെ തള്ളിക്കളയുന്നു. അവര്‍ എന്നെങ്കിലും തെരഞ്ഞെടുപ്പില്‍ മത്സരിച്ചിട്ടുണ്ടോ എന്നും ഗവര്‍ണര്‍ ചോദിച്ചു. ഇത്തരം കാര്യങ്ങള്‍ താന്‍ പ്രോത്സാഹിപ്പിക്കുന്നില്ല. താന്‍ ചെയ്യുന്നത് നിയമപരമായ ചുമതലയാണ് എന്നും ഗവര്‍ണര്‍ പറഞ്ഞു.
രാഷ്ട്രീയത്തിലിറങ്ങാന്‍ ആഗ്രഹമുണ്ടെങ്കില്‍ ബിജെപി ടിക്കറ്റില്‍ ഏതെങ്കിലും സീറ്റില്‍ മത്സരിക്കാനായിരുന്നു ബൃന്ദ കാരാട്ട് ഗവര്‍ണറോട് ആവശ്യപ്പെട്ടിരുന്നത്. മുഖ്യമന്ത്രി പിണറായി വിജയന്റെ ക്രിസ്മസ് പുതുവത്സര വിരുന്നിലേക്ക് തന്നെ ക്ഷണിച്ചിരുന്നുവെന്ന് ​ഗവർണർ പറഞ്ഞു. പോകാത്തത് എന്തെന്ന് മാധ്യമപ്രവർത്തകർ അന്വേഷിക്കണം. ഇത്തരം കാര്യങ്ങളിൽ മറുപടി പറയാൻ താത്പര്യമില്ല. തന്നോട് ചോദിക്കുന്നത് പോലെ മുഖ്യമന്ത്രിയോടും കാര്യങ്ങൾ ചോദിക്കണമെന്നും ഗവർണർ പറഞ്ഞു.&nbsp;

സിപിഎം നേതാവ് ബൃന്ദാ കാരാട്ടിന്റെ വെല്ലുവിളിക്ക് മറുപടിയുമായി ഗവര്‍ണര്‍ ആരിഫ് മുഹമ്മദ് ഖാന്‍

'അവർ എന്നെങ്കിലും തെരഞ്ഞെടുപ്പില്‍ മത്സരിച്ചിട്ടുണ്ടോ?'; ബൃന്ദാ കാരാട്ടിനെ പരിഹസിച്ച് ഗവർണർ

കോഴിക്കോട്: സാമ്പത്തിക തട്ടിപ്പുകേസില്‍ പരാതി നല്‍കാനെത്തിയ യുവതിയെ പോലീസുകാരന്‍ പീഡിപ്പിച്ചെന്ന് പരാതി. ഫറോക്ക് അസിസ്റ്റന്റ് പോലീസ് കമ്മിഷണര്‍ പരിധിയിലെ സ്റ്റേഷനില്‍ ജോലി ചെയ്യുന്ന പോലീസുകാരനെതിരെ കോഴിക്കോട് സ്വദേശിനിയായ നഴ്‌സാണ് പരാതി നല്‍കിയത്. പോലീസ് കംപ്ലെയിന്റ് അതോറിറ്റിയിലാണ് പരാതി ലഭിച്ചത്. പരിചയക്കാരനായിരുന്ന ഹബീബ് എന്നയാള്‍ നാലു വര്‍ഷം മുന്‍പ് മാവൂര്‍ റോഡ് കെഎസ്ആര്‍ടിസി സ്റ്റാന്‍ഡിനു സമീപം 40000 രൂപ ഒരു മണിക്കൂറിനകം തിരികെ നല്‍കാമെന്ന് പറഞ്ഞ് കടം വാങ്ങിയിരുന്നു. എന്നാല്‍ പണം ലഭിക്കാത്തത് സ്റ്റാന്‍ഡിലെ എയ്ഡ് പോസ്റ്റിലെത്തി പോലീസുകാരനെ അറിയിച്ചു.&nbsp;
പോലീസുകാരന്റെ നിര്‍ദേശപ്രകാരം കസബ പോലീസ് സ്റ്റേഷനിലേക്കു പോകുന്ന വഴി, സഹായിയായി എത്തിയ പോലീസുകാരന്‍ നമ്പര്‍ വാങ്ങി. തുടര്‍ന്നു പതിവായി ഫോണില്‍ വിളിക്കുകയും സ്റ്റാന്‍ഡിന് സമീപത്തെ ലോഡ്ജിലെത്തിച്ചു പീഡിപ്പിക്കുകയും ചെയ്തുവെന്ന് യുവതി പരാതിയില്‍ പറയുന്നു.പോലീസുകാരനെതിരെ കസബ സ്റ്റേഷനിലും സിറ്റി കമ്മിഷണര്‍ക്കും പരാതി നല്‍കി. തുടര്‍ന്ന് 2020 ജൂലൈയില്‍ വകുപ്പുതല അന്വേഷണത്തില്‍ കുറ്റം തെളിയുകയും കമ്മിഷണര്‍ നടപടിയെടുക്കുകയും ചെയ്തു. എന്നാല്‍ ഇതുവരെ പോലീസുകാരനെതിരെ കസബ സ്റ്റേഷനില്‍ കേസെടുത്തില്ലെന്നാണ് പരാതിയില്‍ പറയുന്നത്. യുവതിയുടെ പരാതി പോലീസ് കംപ്ലെയിന്റ് അതോറിറ്റി ചെയര്‍മാന്‍ സതീശ ചന്ദ്രബാബു ഏപ്രില്‍ 18ന് പരിഗണിക്കും.&nbsp;

കോഴിക്കോട് സ്വദേശിനിയായ നഴ്‌സാണ് പരാതി നല്‍കിയത്

സാമ്പത്തിക തട്ടിപ്പ് കേസ്; സ്റ്റേഷനിൽ എത്തിയ യുവതിയെ പോലീസുകാരൻ പീഡിപ്പിച്ചതായി പരാതി

പത്തനംതിട്ട: ശബരിമല സന്നിധാനത്തെ ഹോട്ടലുകളിലും കടകളിലും ഭക്തരോട് തോന്നിയ വില ഈടാക്കുന്നതായി ജില്ലാ കലക്ടറുടെ പരിശോധനയില്‍ കണ്ടെത്തി. സന്നിധാനത്തെ ഒരു ഹോട്ടലില്‍ നാലു മസാലദോശ വാങ്ങിയ തീര്‍ത്ഥാടകരോട് 360 രൂപയാണ് വാങ്ങിയത്. 228 രൂപ വാങ്ങേണ്ട സ്ഥാനത്താണ് ഇത്രയും പണം വാങ്ങിയത്. ഇതെന്താണ് ഇത്രയും തുക വന്നതെന്ന കലക്ടറുടെ ചോദ്യത്തിന്, മസാല ദോശയ്‌ക്കൊപ്പം ചമ്മന്തി നല്‍കി എന്നായിരുന്നു മറുപടി. ഹോട്ടലിന് നോട്ടീസ് നല്‍കാനും പിഴ ഈടാക്കാനും ജില്ലാ കലക്ടര്‍ നിര്‍ദേശം നല്‍കി.&nbsp;
മറ്റൊരു ഹോട്ടലില്‍ പരിശോധിച്ചപ്പോള്‍, 49 രൂപയുടെ നെയ്‌റോസ്റ്റിന് 75 രൂപ ഈടാക്കിയിരുന്നതായി കണ്ടെത്തി. പീസ് കറിക്ക് 48 രൂപയുടെ സ്ഥാനത്ത് 60 രൂപയും വാങ്ങി. 14 രൂപയുള്ള പാലപ്പത്തിന് 20 രൂപയും പൊറോട്ട 15 രൂപയുടെ സ്ഥാനത്ത് 20 രൂപയും ഈടാക്കിയിരുന്നതായി കണ്ടെത്തി. കടകളില്‍ ശുചിത്വം ഇല്ലാത്തതും, ഗുണമേന്മ ഇല്ലാത്ത ഭക്ഷണ വിതരണം ചെയ്യുന്നതും പരിശോധനയില്‍ കലക്ടറുടെ ശ്രദ്ധയില്‍പ്പെട്ടു. അമിത വിലയ്ക്ക് പിഴ ഈടാക്കാനും നോട്ടിസ് നല്‍കാനും ബന്ധപ്പെട്ട ഉദ്യോഗസ്ഥര്‍ക്ക് നിര്‍ദേശം നല്‍കി. ഇതനുസരിച്ചു മൂന്നു കടകള്‍ക്ക് നോട്ടിസ് നല്‍കിയിട്ടുണ്ട്.&nbsp;&nbsp;

മറ്റൊരു ഹോട്ടലില്‍ പരിശോധിച്ചപ്പോള്‍, 49 രൂപയുടെ നെയ്‌റോസ്റ്റിന് 75 രൂപ ഈടാക്കിയിരുന്നതായി കണ്ടെത്തി

നാല് മസാല ദോശയ്ക്ക് 360 രൂപ; സന്നിധാനത്തെ ഹോട്ടലിന് പിഴ

കുറ്റ്യാടി : കെ.എസ്.ആർ.ടി.സി. ബസ് ഇടിച്ച് ഗുഡ്സ് ഓട്ടോ മറിഞ്ഞു. ഒരാൾക്ക് പരിക്ക്. വയനാട്ടിൽ നിന്ന്‌ പാലായിലേക്ക് പുറപ്പെട്ട കെ.എസ്.ആർ.ടി.സി. ബസ് തൊട്ടിൽപ്പാലം മൂന്നാംകൈ ഭാഗത്ത് ഗുഡ്സ് ഓട്ടോയിലിടിക്കുകയായിരുന്നു. വ്യാഴാഴ്ച വൈകീട്ട് ഏഴുമണിയോടെയാണ്‌ സംഭവം. പരിക്കേറ്റ ഗുഡ്സ് ഓട്ടോഡ്രൈവർ മൂക്കൻതോട്ടത്തിൽ ജോബിയെ (45) സ്വകാര്യ ആശുപത്രിയിൽ പ്രവേശിപ്പിച്ചു.

വ്യാഴാഴ്ച വൈകീട്ട് ഏഴുമണിയോടെയാണ്‌ സംഭവം

Kuttiadi

കുറ്റ്യാടിയിൽ ഗുഡ്‌സ് ഓട്ടോ മറിഞ്ഞ് ഡ്രൈവർക്ക് പരിക്ക്

കോഴിക്കോട് : മയക്കുമരുന്ന് വിൽപ്പന നടത്തുന്ന രണ്ടുയുവാക്കൾ അരയിടത്തുപാലത്തിന് സമീപത്തെ ഹോട്ടൽമുറിയിൽവെച്ച് പിടിയിൽ. തിരുവണ്ണൂർ സ്വദേശികളായ കമ്പിട്ടവളപ്പ് ബൈത്തുൽ റോഷ്നയിൽ എം. റുഫീഷ് (31) കളരിക്കൽഹൗസിൽ കെ. ശ്രാവൺ (21) എന്നിവരെ നാർകോട്ടിക്ക് സെൽ അസിസ്റ്റന്റ് കമ്മിഷണർ ടി.പി. ജേക്കബിന്റെ നേതൃത്വത്തിലുള്ള ഡാൻസാഫും, നടക്കാവ് പോലീസ് സബ് ഇൻസ്പെക്ടർ എൻ. ലീലയുടെ നേതൃത്വത്തിലുള്ള സംഘവും ചേർന്ന് പിടികൂടി.
കോഴിക്കോട് സിറ്റി പോലീസ് ഡെപ്യൂട്ടി കമ്മിഷണർ അനൂജ് പലിവാളിന് കിട്ടിയ രഹസ്യവിവരത്തെത്തുടർന്ന് അരയിടത്തുപാലത്തിന് സമീപത്തെ ഹോട്ടൽമുറിയിൽ നടത്തിയ പരിശോധനയിലാണ് 27.15 ഗ്രാം എം.ഡി.എം.എ.യുമായി രണ്ടുപേരെയും പിടികൂടിയത്.ഡൻസാഫ് സബ് ഇൻസ്പെക്ടർ മനോജ് ഇടയേടത്ത്, എ.എസ്.ഐ. അബ്ദുറഹ്‌മാൻ, കെ. അനീഷ് മൂസേൻവീട്, അഖിലേഷ്. കെ, ജിനേഷ് ചൂലൂർ, സുനോജ് കാരയിൽ, അർജുൻ അജിത്ത്, നടക്കാവ് സ്റ്റേഷനിലെ എസ്.ഐ. ബാബു പുതുശ്ശേരി, എസ്.സി.പി.ഒ വി.കെ. ജിത്തു, പി. അജീഷ്, എ. സന്ദീപ് എന്നിവരാണ് അന്വേഷണസംഘത്തിൽ ഉണ്ടായിരുന്നത്.

അരയിടത്തുപാലത്തിന് സമീപത്തെ ഹോട്ടൽമുറിയിൽ നടത്തിയ പരിശോധനയിലാണ് 27.15 ഗ്രാം എം.ഡി.എം.എ.യുമായി രണ്ടുപേരെയും പിടികൂടിയത്

എംഡിഎംഎ യുമായി യുവാക്കൾ പിടിയിൽ

ദുബായ്: അർജന്റീനൻ ഇതിഹാസം ഡീഗോ മറഡോണയുടെ പേരിലുള്ള ദുബായ് ഗ്ലോബ് സോക്കറിന്റെ 2023ലെ മറഡോണ പുരസ്കാരം അൽ നസ്റിന്റെ പോർച്ചുഗൽ സൂപ്പർതാരം ക്രിസ്റ്റ്യാനോ റൊണാൾഡോക്ക്. 2023 ൽ ഏറ്റവും കൂടുതൽ ഗോളടിച്ചത് കണക്കിലെടുത്താണ് ക്രിസ്റ്റ്യാനോയെ പുരസ്കാരത്തിന് അർഹനാക്കിയത്. പി.എസ്.ജിയുടെ ഫ്രഞ്ച് സൂപ്പർ സ്ട്രൈക്കർ കിലിയൻ എംബാപ്പെയും ബയേൺ മ്യൂണിക്കിന്റെ ഇംഗ്ലീഷ് സൂപ്പർതാരം ഹാരി കെയ്നിനെയും പിന്തള്ളിയാണ് ക്രിസ്റ്റ്യാനോ പുരസ്കാരം സ്വന്തമാക്കിയത്. 59 മത്സരങ്ങളിൽ നിന്ന് 54 ഗോളുകളാണ് ക്രിസ്റ്റ്യാനോ കഴിഞ്ഞ വർഷം നേടിയത്. കിലിയൻ എംബാപ്പെ 53 മത്സരങ്ങളിൽ നിന്ന് 52ഗോളുകളും ഹാരി കെയ്ൻ 57 മത്സരങ്ങളിൽ നിന്ന് 52 ഗോളുകളും നേടി. ജനുവരി 19ന് ദുബായ് പാം ജുമൈറയിൽ ദി അറ്റ്ലാൻഡിസിൽ അവാർഡ് കൈമാറും.
ലോകത്തെ ഏറ്റവും മികച്ച കളിക്കാരനുള്ള ബാലൺ ഡി ഓർ പുരസ്കാരം അഞ്ച് തവണ നേടിയ 38കാരൻ 837 ഗോളുകളാണ് കരിയറിൽ അടിച്ചുകൂട്ടിയത്. 2023 ൽ അല്‍ നസറിനായി 50 മത്സരത്തില്‍ നിന്ന് 44 ഗോളുകളാണ് നേടിയത്. പോർചുഗലിനായി 10 ഗോളുകളും നേടി. അതേസമയം, സൗദി പ്രൊ ലീഗിലെ പ്ലയർ ഓഫ് മന്ത്(ഡിസംബർ) പുരസ്കാരവും റൊണാൾഡോ സ്വന്തമാക്കി.

ജനുവരി 19ന് ദുബായ് പാം ജുമൈറയിൽ ദി അറ്റ്ലാൻഡിസിൽ അവാർഡ് കൈമാറും

മറഡോണ പുരസ്‌കാരം ക്രിസ്റ്റ്യാനോ റൊണാൾഡോയ്ക്ക്

ക​ല്ല​മ്പ​ലം: ന്യൂ ​ഇ​യ​ർ ആ​ഘോ​ഷ​ത്തി​നി​ടെ യു​വാ​ക്ക​ളെ ആ​ക്ര​മി​ച്ച സം​ഭ​വ​ത്തി​ൽ ര​ണ്ടു​പേ​ർ പി​ടി​യി​ൽ. കു​ട​വൂ​ർ ഐ​ര​മ​ൺ​നി​ല സ്വ​ദേ​ശി​ക​ളാ​യ പ്ര​ദീ​പ്, അ​ൻ​സാ​ർ എ​ന്നി​വ​രാ​ണ് പി​ടി​യി​ലാ​യ​ത്. സം​ഭ​വ​ത്തി​നു​ശേ​ഷം പ്ര​തി​ക​ൾ ഒ​ളി​വി​ൽ പോ​യി. ഒ​ളി​വി​ൽ ക​ഴി​ഞ്ഞ​വ​രാ​ണ്​ ഇപ്പോൾ പി​ടി​യി​ലാ​യ​ത്.
മ​റ്റ്​ പ്ര​തി​ക​ൾ ഉ​ട​ൻ പി​ടി​യി​ലാ​കു​മെ​ന്ന്​ പോലീ​സ് പ​റ​ഞ്ഞു. കോ​ട്ട​റ​ക്കോ​ണം സു​ധി​ന മ​ൻ​സി​ലി​ൽ നൗ​ഫ​ൽ, സ​മീ​പ​വാ​സി​ക​ളാ​യ മു​ഹ​മ്മ​ദ്, പ്ര​സാ​ദ്‌, ഐ​ര​മ​ൺ​നി​ല പി​ണ​റ്റു​വി​ളാ​കം വീ​ട്ടി​ൽ വി​ഗ്നേ​ഷ്, മു​രു​ക്കും​മൂ​ട്ടി​ൽ വീ​ട്ടി​ൽ മ​നു എ​ന്നി​വ​ർ​ക്കാ​ണ് ആ​ക്ര​മ​ണ​ത്തി​ൽ പ​രി​ക്കേ​റ്റ​ത്. നാ​വാ​യി​ക്കു​ളം ഡീ​സ​ന്റ്മു​ക്ക് ഐ​ര​മ​ൺ​നി​ല ശി​വ​ക്ഷേ​ത്ര​ത്തി​നു സ​മീ​പ​മാ​ണ് സം​ഭ​വം.

കു​ട​വൂ​ർ ഐ​ര​മ​ൺ​നി​ല സ്വ​ദേ​ശി​ക​ളാ​യ പ്ര​ദീ​പ്, അ​ൻ​സാ​ർ എ​ന്നി​വ​രാ​ണ് പി​ടി​യി​ലാ​യ​ത്

ന്യൂ ​ഇ​യ​ർ ആ​ഘോ​ഷ​ത്തി​നി​ടെ യുവാക്കളെ ആക്രമിച്ച രണ്ടുപേർ അറസ്റ്റിൽ

കണ്ണൂർ: കണ്ണൂരിൽ സമരം സംഘടിപ്പിച്ച കെ.ജി.എൻ.എയുടെ ഭാരവാഹികൾ അടക്കം 100 പേർക്കെതിരെ പോലീസ് കേസെടുത്തു. എം.വിജിൻ എംഎൽഎയ്ക്കെതിരെ കേസെടുത്തിട്ടില്ല.കുറ്റം ചെയ്യണമെന്ന ഉദ്ദേശത്തോടെ സമരക്കാർ സംഘം ചേർന്നെന്നാണ് പോലീസ് എഫ് ഐ ആർ ഇട്ടിരിക്കുന്നത്. സിവിൽ സ്റ്റേഷനിൽ നഴ്സ്മാരുടെ സംഘടന നടത്തിയ സമരത്തിനിടെ എം.വിജിൻ എംഎൽഎയും പോലീസും തമ്മിൽ വാക്കേറ്റമുണ്ടായിരുന്നു. ഇതിനെ തുടർന്ന് ടൗൺ എസ് ഐ ക്കെതിരെ വിജിൻ സിറ്റി പോലീസ് കമ്മീഷണർക്ക് പരാതി നൽകി. സിവിൽ സ്റ്റേഷൻ വളപ്പിൽ സമരം ചെയ്തവർക്കെതിരെ കേസ് എടുക്കുമെന്ന് ടൗൺ എസ്.ഐ പറഞ്ഞതിനെ തുടര്‍ന്നായിരുന്നു വാക്കേറ്റം.&nbsp;
പിണറായി വിജയന്റെ പോലീസിന് നാണക്കേട് ഉണ്ടാക്കരുതെന്നും സുരേഷ് ഗോപി കളിക്കരുതെന്നും എം.എൽ.എ എസ്.ഐയോട് പറഞ്ഞു. പോലീസിന്‍റെ ഡ്യൂട്ടിയില്‍ വീഴ്ചയുണ്ടായെന്ന് എം.എൽ.എ കുറ്റപ്പെടുത്തി. കേസെടുക്കാന്‍ വേണ്ടി തന്നോട് പോലീസ് പേര് ചോദിച്ചെന്ന് ആരോപിച്ച എം. വിജിൻ എം.എൽ.എ, ഇയാളെപ്പോലുള്ളവരെ പോലീസിൽ എടുത്തത് ആരാണെന്നും ചോദിച്ചു.നഴ്സുമാർ കലക്ടറേറ്റിൽ കടന്ന് കയറിയത് ചോദ്യം ചെയ്തതോടെയാണ് തർക്കങ്ങൾ തുടങ്ങിയത്. ഇതിനിടെ ഒരു വനിത പോലീസ് ഉദ്യോ​ഗസ്ഥ പേര് ചോദിച്ചതും എം.എൽ.എയെ പ്രകോപിതനാക്കി.

കെ.ജി.എൻ.എയുടെ ഭാരവാഹികൾ അടക്കം 100 പേർക്കെതിരെ പോലീസ് കേസെടുത്തു

Kannur

സമരം നടത്തിയ നഴ്സ്മാരുടെ സംഘടനക്കെതിരെ കേസെടുത്ത് പോലീസ്

ഹൈദരാബാദ്: സഹോദരനെ സ്കൂളിലേക്കു യാത്രയാക്കാൻ പോയ ഒന്നര വയസ്സുകാരി ഹൈദരാബാദിൽ അച്ഛനു മുന്നിൽ സ്കൂൾ ബസ് കയറി മരിച്ചു. കടപ്ലാമറ്റം പഞ്ചായത്തിലെ വയലാ പാറയ്ക്കൽ മിഥുൻ ജെ.പാറയ്ക്കൽ – ലിൻഡ ദമ്പതികളുടെ മകൾ ജൂവൽ അന്ന മിഥുൻ (ഒന്നര) ആണ് ഇന്നലെ രാവിലെയുണ്ടായ അപകടത്തിൽ മരിച്ചത്. സംസ്കാരം ഇന്നു 11നു വയലാ സെന്റ് ജോർജ് പള്ളിയിൽ.&nbsp;
എൻജിനീയറായ മിഥുൻ കുടുംബത്തോടൊപ്പം ഹബ്സിഗുഡ സ്ട്രീറ്റ് 8 ഭാഗത്താണു താമസിക്കുന്നത്. ഇന്നലെ രാവിലെ മകൻ ജോർജിനെ ബസ് കയറ്റി വിടാൻ പോയപ്പോഴാണ് അപകടം. താമസസ്ഥലത്തിനു താഴെ കളിക്കാൻ വന്ന ജൂവൽ സഹോദരൻ ബസിൽ കയറുന്നതു കാണാനായി ഓടിയെത്തിയപ്പോൾ ഇതേ ബസിന്റെ അടിയിൽപെടുകയായിരുന്നെന്നാണ് പോലീസ് റിപ്പോർട്ട്.

മിഥുൻ ജെ.പാറയ്ക്കൽ – ലിൻഡ ദമ്പതികളുടെ മകൾ ജൂവൽ അന്ന മിഥുൻ (ഒന്നര) ആണ് മരിച്ചത്

സഹോദരന്റെ സ്കൂൾ ബസിനടിയിൽപ്പെട്ട് ഒന്നര വയസ്സുകാരിക്ക് ദാരുണാന്ത്യം

കരുനാഗപ്പള്ളി ∙ കാരൂർ‍കടവ് പാലത്തിന്റെ ഭാഗത്ത് പള്ളിക്കലാറിൽ ചാടിയ തൊടിയൂർ മുഴങ്ങോടി പുത്തൻതറയിൽ സജ ഫാത്തിമയുടെ (15) മൃതദേഹം ഇന്നലെ ഉച്ചയോടെ പള്ളിക്കലാറിൽ കാരൂർ‍കടവ് പാലത്തിനു വടക്കുഭാഗത്തു നിന്നു ലഭിച്ചു. ബുധൻ രാവിലെയാണ് സജ ഫാത്തിമയെ കാണാതായത്. രാവിലെ സമീപത്ത് ട്യൂഷനു പോകാൻ വീട്ടിൽ നിന്ന് ഒരുങ്ങി ഇറങ്ങിയതായിരുന്നു. റോഡിന്റെ വശത്ത് സജ ഫാത്തിമയുടെ സൈക്കിളും ചെരിപ്പും കണ്ട് സമീപത്തെ സിസിടിവി പരിശോധിച്ചപ്പോഴാണ് സംഭവം വ്യക്തമായത്.&nbsp;
തുടർന്ന്, കരുനാഗപ്പള്ളിയിൽനിന്ന് അഗ്നിരക്ഷാസേനയും കൊല്ലത്തുനിന്ന് സ്കൂബ ടീമും പ്രദേശത്തുള്ളവരുമൊക്കെ പള്ളിക്കലാറിന്റെ വിവിധ ഭാഗങ്ങളിൽ തിരച്ചിൽ നടത്തിയെങ്കിലും ആദ്യദിവസം കണ്ടെത്താൻ കഴിഞ്ഞില്ല. ഇന്നലെ രാവിലെ വീണ്ടും നടത്തിയ തിരിച്ചിലിലാണ് മൃതദേഹം കണ്ടെത്തിയത്. കരുനാഗപ്പള്ളി താലൂക്ക് ആശുപത്രിയിൽ ഇൻക്വസ്റ്റ് തയാറാക്കി, പാരിപ്പള്ളി മെ‍ഡിക്കൽ കോളജിൽ പോസ്റ്റുമോർട്ടം നടത്തിയ മൃതദേഹം കബറടക്കി. ടി.സജാദ്– ആർ.മിനിമോൾ (താലൂക്ക് ആശുപത്രി നഴ്സ്) ദമ്പതികളുടെ മകളാണ്. കരുനാഗപ്പള്ളി ഗേൾസ് ഹൈസ്കൂളിലെ പത്താം ക്ലാസ് വിദ്യാർഥി ആയിരുന്നു. സഹോദരങ്ങൾ: ഐഷ, ഇർഫാൻ. കത്തെഴുതി വച്ചിരുന്നുവെന്ന് പോലീസ് അറിയിച്ചു. വരാൻ പോകുന്ന എസ്എസ്എൽസി പരീക്ഷയുമായി ബന്ധപ്പെട്ട ആശങ്കയാണ് കുറിപ്പിലെന്ന് പറയുന്നു.

കത്തെഴുതി വച്ചിരുന്നുവെന്ന് പോലീസ് അറിയിച്ചു. വരാൻ പോകുന്ന എസ്എസ്എൽസി പരീക്ഷയുമായി ബന്ധപ്പെട്ട ആശങ്കയാണ് കുറിപ്പിലെന്ന് പറയുന്നു

കത്തെഴുതിവച്ച് പുഴയിൽ ചാടിയ വിദ്യാർത്ഥിയുടെ മൃതദേഹം കണ്ടെത്തി

തിരുവനന്തപുരം: സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത. രണ്ടു ജില്ലകളില്‍ കാലാവസ്ഥ വകുപ്പ് ശക്തമായ മഴ മുന്നറിയിപ്പ് നല്‍കിയിട്ടുണ്ട്. ഇടുക്കി, പാലക്കാട് ജില്ലകളിലാണ് യെല്ലോ അലര്‍ട്ട് പുറപ്പെടുവിച്ചിട്ടുള്ളത്. കോഴിക്കോട് ജില്ലയില്‍ ഒറ്റപ്പെട്ടയിടങ്ങളില്‍ ഇടിമിന്നലോടു കൂടിയ മഴയ്ക്കും മണിക്കൂറില്‍ 40 കിലോമീറ്റര്‍ വരെ വേഗതയില്‍ വീശിയേക്കാവുന്ന ശക്തമായ കാറ്റിനും സാധ്യതയുണ്ട്. കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം ജില്ലകളില്‍ ഒറ്റപ്പെട്ട മഴയ്ക്കും, വയനാട്, കണ്ണൂര്‍, കാസര്‍കോട് ജില്ലകളില്‍ ഒറ്റപ്പെട്ടയിടങ്ങളില്‍ നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.&nbsp;
തെക്ക് - കിഴക്കന്‍ അറബിക്കടലില്‍ സ്ഥിതി ചെയ്യുന്ന ന്യൂനമര്‍ദ്ദം ചക്രവാതച്ചുഴിയായി ദുര്‍ബലമായി. ചക്രവാതച്ചുഴിയില്‍ നിന്ന് തെക്കന്‍ കര്‍ണാടക വരെ ന്യൂനമര്‍ദ്ദ പാത്തി സ്ഥിതി ചെയ്യുന്നു. ഇതിനാല്‍ അടുത്ത 4 - 5 ദിവസം വരെ കേരളത്തില്‍ മഴയ്ക്ക് സാധ്യതയുണ്ട്. ജനുവരി 6 വരെ ഒറ്റപ്പെട്ട സ്ഥലങ്ങളില്‍ ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.

രണ്ടു ജില്ലകളില്‍ കാലാവസ്ഥ വകുപ്പ് ശക്തമായ മഴ മുന്നറിയിപ്പ് നല്‍കിയിട്ടുണ്ട്

സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത

കൊല്ലം: സംസ്ഥാന സ്‌കൂള്‍ കലോത്സവത്തില്‍ നിലവിലെ ചാമ്പ്യന്‍മാരായ കോഴിക്കോട് മുന്നില്‍. കലാമാമാങ്കത്തില്‍ 212 പോയിന്റുമായാണ് ജില്ലയുടെ കുതിപ്പ്. 210 പോയിന്റുകള്‍ വീതം കരസ്ഥമാക്കി തൊട്ടുപിന്നാലെ നിലയുറപ്പിച്ചിരിക്കുകയാണ് തൃശൂരും കണ്ണൂരും. മലപ്പുറം 203 പോയിന്റുമായി മൂന്നാമതും പാലക്കാട് 202 പോയിന്റുമായി നാലാം സ്ഥാനത്തുമുണ്ട്. ആതിഥേയരായ കൊല്ലം ആറാം സ്ഥാനത്തുമാണ് ഉള്ളത്. 945 പോയിന്റ് നേടിയാണ് കഴിഞ്ഞ വര്‍ഷം സ്വര്‍ണ്ണകപ്പ് കോഴിക്കോട് കൊണ്ടു പോയത്. കണ്ണൂരും പാലക്കാടും രണ്ടാം സ്ഥാനം പങ്കിട്ടു. 20-ാം തവണയാണ് കഴിഞ്ഞ വര്‍ഷം കോഴിക്കോട് കപ്പില്‍ മുത്തമിടുന്നത്. രണ്ടാം ദിനമായ ഇന്ന് 60 ഇനങ്ങളിലാണ് മത്സരം.

കലാമാമാങ്കത്തില്‍ 212 പോയിന്റുമായാണ് ജില്ലയുടെ കുതിപ്പ്

സംസ്ഥാന സ്‌കൂള്‍ കലോത്സവം; കോഴിക്കോട് മുന്നിൽ

വടകര : നടുവേദനക്ക് ചികിത്സ തേടി എത്തിയ യുവതിയെ പീഡിപ്പിച്ച അക്യൂപങ്ച്ചർ തെറാപ്പിസ്റ്റ് അറസ്റ്റിൽ. പുതുപ്പണം സ്വദേശി അനിൽ കുമാർ (50) ആണ് അറസ്റ്റിലായത്. വടകര ഗവൺമെന്റ് ആശുപത്രിക്ക് സമീപമുള്ള ഇലക്ട്രോ ഹോമിയോപതി സെന്റർ ഫോർ വെൽനസ് സെൻ്ററിൽ വെച്ചാണ് സംഭവമുണ്ടായത്. കഴിഞ്ഞ ദിവസമാണ് സംഭവം. വടകര പൊലീസാണ് പ്രതിയെ അറസ്റ്റ് ചെയ്തത്.

നടുവേദനക്ക് ചികിത്സ തേടി എത്തിയ യുവതിയെ പീഡിപ്പിച്ച പുതുപ്പണം സ്വദേശി അറസ്റ്റിൽ

Vadakara

കോഴിക്കോട്: സൗത്ത് ബീച്ചിന് സമീപം അടച്ചിട്ട കടയ്ക്കുള്ളിൽ യുവാവിനെ മരിച്ച നിലയിൽ കണ്ടെത്തി. പയ്യോളി സ്വദേശി ഹർഷാദ് ആണ് മരിച്ചത്. വിരലടയാള വിദഗ്ധരും പൊലീസും സ്ഥലത്തെത്തി പരിശോധന നടത്തുന്നു.&nbsp;
അമിതമായ ലഹരി മരുന്നു ഉപയോഗമാണ് മരണകാരണമെന്നാണ് സംശയം. ലഹരി മരുന്നു ഉപയോഗിക്കുന്നവരുടെ കേന്ദ്രം ആണിതെന്നും പൊലീസ് പറയുന്നു. സംഭവത്തിൽ പൊലീസ് അന്വേഷണം തുടങ്ങി.&nbsp;

കോഴിക്കോട് സൗത്ത് ബീച്ചിന് സമീപം പയ്യോളി സ്വദേശിയായ യുവാവിനെ മരിച്ച നിലയിൽ കണ്ടെത്തി

വടകര: തീവണ്ടി തട്ടി സ്ത്രീ മരിച്ചതിനുപിന്നാലെ വിവരമറിഞ്ഞ് സ്ഥലത്തെത്തിയ സമീപവാസിയായ റിട്ട. അധ്യാപകൻ കുഴഞ്ഞുവീണുമരിച്ചു. പുതുപ്പണം പാലോളിപ്പാലത്താണ് സംഭവം. പാലോളിപ്പാലത്തെ ആക്കൂന്റവിട ഷർമിള (48)യാണ് ബുധനാഴ്ച വൈകീട്ട് തീവണ്ടി തട്ടി മരിച്ചത്.
കുറച്ച് സമയം കഴിഞ്ഞാണ് നാട്ടുകാർ വിവരമറിയുന്നതും ഷർമിളയെ കണ്ടെത്തുന്നതും. ഈ സമയത്ത് ഇവിടെയെത്തിയ കറുകയിൽ കുറ്റിയിൽ രാജനാണ് (73) കുഴഞ്ഞു വീണുമരിച്ചത്. ഇദ്ദേഹത്തിന്റെ ഒരു മകളുടെ പേര് ഷർമ്യയെന്നാണ്. മകളാണോ അപകടത്തിൽപ്പെട്ടതെന്ന ആധിയോടെയാണ് ഇദ്ദേഹം എത്തിയത്. പിന്നാലെ കുഴഞ്ഞുവീഴുകയായിരുന്നു. ഉടൻ സഹകരണ ആശുപത്രിയിലെത്തിച്ചെങ്കിലും രക്ഷിക്കാനായില്ല.
കുടുംബശ്രീ യോഗത്തിനുശേഷം സമീപത്തെ ഒരു മരണവീട്ടിൽ പോയി തിരിച്ചുവരുന്നതിനിടെയാണ് ഷർമിളയെ തീവണ്ടി തട്ടിയത്. എന്നാൽ ആരും ഇത് കണ്ടില്ല. സംഭവത്തിന് സാക്ഷിയായ ലോക്കോ പൈലറ്റ് വിവരം വടകര റെയിൽവേ സ്റ്റേഷനിൽ അറിയിക്കുകയായിരുന്നു. തുടർന്ന് ആർ.പി.എഫ്. സ്ഥലത്തെത്തി നാട്ടുകാരുടെ സഹായത്തോടെ തിരച്ചിൽ നടത്തിയശേഷമാണ് ഷർമിളയെ തീവണ്ടിതട്ടിയനിലയിൽ കണ്ടത്. ഈ വിവരമറിഞ്ഞാണ് സമീപത്തുള്ള രാജൻ സ്ഥലത്തെത്തിയത്.
അംഗജനാണ് മരിച്ച ശർമിളയുടെ ഭർത്താവ്. മക്കൾ: കാവ്യ, കൃഷ്ണ. ഇരിങ്ങൽ സ്കൂൾ റിട്ട. അധ്യാപകനാണ് രാജൻ. സി.പി.എം. കറുക ബ്രാഞ്ചംഗമാണ്. ഭാര്യ: ജയ. മക്കൾ: ഷർമ്യ, റിഞ്ചു. മരുമക്കൾ: സോനു (ചോയ്‌സ് ഓട്ടോ പാർട്സ്), രാജേഷ് (യു.എൽ.സി.സി.എസ്.).

പാലോളിപ്പാലത്ത് തീവണ്ടി തട്ടി സ്ത്രീ മരിച്ചു;മകളെന്ന ആധിയിലെത്തിയ സമീപവാസി കുഴഞ്ഞുവീണ്‌ മരിച്ചു

പേരാമ്പ്ര : പേരാമ്പ്രയിൽ സ്വകാര്യ ബസ് ഇടിച്ച് വയോധികൻ മരിച്ചു. സ്റ്റാൻഡിലൂടെ നടന്നു പോകുന്ന ആളുടെ മുകളിലൂടെയാണ് ബസ് കയറിയിറങ്ങിയത്. ബസിൻ്റെ അശ്രദ്ധയാണ് അപകടത്തിന് കാരണമെന്ന് ആരോപിച്ച് സ്ഥലത്ത് യാത്രക്കാരും നാട്ടുകാരും പ്രതിഷേധിക്കുകയാണ്.
വയോധികൻ സംഭവസ്ഥലത്ത് തന്നെ മരിച്ചു. ഇദ്ദേഹത്തിൻ്റെ മൃതദേഹം ആശുപത്രിയിലേക്ക് മാറ്റി. മരിച്ചയാളെ തിരിച്ചറി‌‍ഞ്ഞിട്ടില്ല. അപകടസ്ഥലത്ത് പൊലീസും ഫയർ ഫോഴ്‌സുമെത്തി. ഫയർ ഫോഴ്‌സ് അംഗങ്ങൾ അപകടസ്ഥലം വൃത്തിയാക്കി.

പേരാമ്പ്രയിൽ സ്റ്റാൻ്റിലൂടെ നടന്നുപോവുമ്പോൾ  ബസ് കയറിയിറങ്ങി;വയോധികന് ദാരുണാന്ത്യം

Perambra

വടകര: പൂജക്കായി വീട്ടിലെത്തിയ പതിനൊന്നുകാരനെ ലൈംഗികമായി പീഡിപ്പിച്ച മധ്യ വയസ്‌കന്‍ അറസ്റ്റില്‍. മണിയൂര്‍ മന്തരത്തൂര്‍ പുന്നേരി മീത്തല്‍ രാമദാസനെയാണ് (49) വടകര പോലീസ് അറസ്റ്റ് ചെയ്തത്. തിരുവള്ളൂരിലെ 11 കാരനെയാണ് പീഡിപ്പിച്ചത്. കോഴിക്കോട് കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.

പതിനൊന്നുകാരനെ പീഡിപ്പിച്ച കേസിൽ മണിയൂർ സ്വദേശി അറസ്റ്റില്‍

കോഴിക്കോട്: ജില്ലയിലെ പേരാമ്പ്ര എസ്റ്റേറ്റ്, കൂരാച്ചുണ്ട് എന്നിവിടങ്ങളില്‍ കടുവാ സാന്നിദ്ധ്യം സംശയിക്കുന്നതിനെ തുടര്‍ന്ന് അധികൃതര്‍ ജനങ്ങള്‍ക്ക് ജാഗ്രതാ നിര്‍ദേശം നല്‍കി. കഴിഞ്ഞ ദിവസം റിസര്‍വോയറിനോട് ചേര്‍ന്ന പ്രദേശത്ത് വനം വകുപ്പ് ഉദ്യോഗസ്ഥര്‍ നടത്തിയ പരിശോധനയിലാണ് കടുവയുടേതിന് സമാനമായ കാല്‍പ്പാടുകള്‍ കണ്ടെത്തിയത്. തുടര്‍ന്ന് പെരുവണ്ണാമൂഴി ഫോറസ്റ്റ് ഉദ്യോഗസ്ഥരും ചക്കിട്ടപ്പാറ പഞ്ചായത്ത് അധികൃതരും ജാഗ്രതാ നിര്‍ദേശം നല്‍കുകയായിരുന്നു.
കടുവയെ നേരിട്ട് കാണാന്‍ കഴിഞ്ഞിട്ടില്ലെന്നും എങ്കിലും എല്ലാവരും മുന്‍കരുതല്‍ സ്വീകരിക്കണമെന്നും ഡെപ്യൂട്ടി ഫോറസ്റ്റ് റെയ്ഞ്ച് ഓഫീസര്‍ ഇ ബൈജുനാഥ് പറഞ്ഞു. പേരാമ്പ്ര എസ്റ്റേറ്റില്‍ തൊഴിലാളികള്‍ അതിരാവിലെ തന്നെ ജോലിക്കെത്തുന്നവരാണ്. പുലര്‍കാലങ്ങളില്‍ ജോലിയ്ക്ക് പോകുന്നവരും ജാഗ്രത പുലര്‍ത്തണമെന്ന് ചക്കിട്ടപ്പാറ പഞ്ചായത്ത് പ്രസിഡന്റ് കെ സുനില്‍ സൂചിപ്പിച്ചു.

പേരാമ്പ്ര എസ്റ്റേറ്റ്, കൂരാച്ചുണ്ട് ഭാഗങ്ങളില്‍ കടുവയുടെ സാന്നിദ്ധ്യം

ബംഗളൂരു: വയനാട് സ്വദേശിയായ ബിരുദ വിദ്യാർത്ഥിയെ താമസസ്ഥലത്ത് മരിച്ച നിലയിൽ കണ്ടെത്തി. മേപ്പാടി തറയിൽ ടിഎം നിഷാദിന്റെ മകൻ മുഹമ്മദ് ഷാമിൽ (23) ആണ് മരിച്ചത്. രാജകുണ്ഡെയിലെ അപ്പാർട്ട്‌മെന്റിലാണ് ഷാമിലിനെ തൂങ്ങി മരിച്ച നിലയിൽ കണ്ടെത്തിയത്. മത്തിക്കര എംഎസ് രാമയ്യ കോളേജിലെ മൂന്നാം വർഷ ബിബിഎ വിദ്യാർത്ഥിയായിരുന്നു.
ഒപ്പം താമസിച്ചിരുന്നവർ വെള്ളിയാഴ്‌ച നാട്ടിലേക്ക് മടങ്ങിയതിനാൽ ഷാമിൽ ഒറ്റയ്‌ക്കാണ് മുറിയിലുണ്ടായിരുന്നത്. ഞായറാഴ്‌ച ഇവർ തിരികെ എത്തിയപ്പോഴാണ് ജീർണിച്ച നിലയിൽ മൃതദേഹം കണ്ടത്. സംഭവത്തിൽ രാജകുണ്ഡെ പൊലീസ് ഇൻക്വസ്റ്റ് നടത്തി. മൃതദേഹം അംബേദ്‌ക്കർ മെഡിക്കൽ കോളേജിൽ പോസ്റ്റ്‌മോർട്ടം നടത്തി. ശേഷം ഓൾ ഇന്ത്യ കേരള മുസ്ലീം കൾച്ചറൽ സെന്ററിന്റെ (എഐകെഎംസിസി) സഹായത്തോടെ നാട്ടിലേക്ക് കൊണ്ടുപോയി.ഷാമിലിന്റെ ബന്ധുക്കൾ നൽകിയ പരാതിയിൽ പൊലീസ് കേസെടുത്തു. മാതാവ് - വഹീദ, സഹോദരങ്ങൾ - അഫ്രിൻ മുഹമ്മദ്, തൻവീർ അഹമ്മദ്.

മലയാളി വിദ്യാർത്ഥി ബംഗളൂരുവിൽ മരിച്ച നിലയിൽ; മൃതദേഹം ജീർണിച്ച അവസ്ഥയിൽ

നാദാപുരം: യുവതിയെ തൂങ്ങി മരിച്ചനിലയിൽ കണ്ടെത്തി. ഉണിയമ്പ്രോൽ മനോഹരൻ–സനില ദമ്പതികളുടെ മകൾ ആരതി (21) ആണ് മരിച്ചത്. തിങ്കളാഴ്ച രാവിലെ 9 മണിയോടെയാണ് സംഭവം. അമ്മ സനില പുറമേരി ടൗണിൽ പോയി മടങ്ങി എത്തിയപ്പോഴാണ് ആരതിയെ തൂങ്ങിയ നിലയിൽ കണ്ടത്.&nbsp;
ഉടൻ നാദാപുരം ഗവ.താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കണ്ണൂരിലെ സ്വകാര്യ ആശുപത്രിയിൽ നഴ്സായി ജോലി ചെയ്യുകയായിരുന്നു. അടുത്തിടെയാണ് ആരതിയുടെ വിവാഹം ഉറപ്പിച്ചത്. സംഭവത്തിൽ പൊലീസ് അന്വേഷണം തുടങ്ങി. ആതിരയാണ് സഹോദരി.

നാദാപുരത്ത് നഴ്സായ  യുവതിയെ തൂങ്ങി മരിച്ചനിലയിൽ കണ്ടെത്തി

Nadapuram

കൊയിലാണ്ടി: വിദ്യാർഥിയുടെ ആക്രമണത്തിൽ കൊയിലാണ്ടി പൊലീസ് സ്റ്റേഷനിലെ നാല് പൊലീസുകാർക്ക് പരിക്കേറ്റു. എസ്.ഐ ജിതേഷ്, ഗ്രേഡ് എസ്.ഐ അബ്ദുല്ല, സീനിയർ സിവിൽ പൊലീസ് ഓഫിസർമാരായ പ്രവീൺ കുമാർ, സിനു രാജ് എന്നിവർക്കാണ് പരിക്കേറ്റത്. ഇവരെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. സംഭവത്തിൽ ബിരുദ വിദ്യാർഥി അത്തോളി കൊങ്ങന്നൂർമലയിൽ നോബിൻ(23)നെ അറസ്റ്റ് ചെയ്തു.
ചിത്രാ ടാക്കീസിനു സമീപം തിങ്കളാഴ്ച വൈകീട്ടാണ് സംഭവം. രഹസ്യവിവരം കിട്ടിയതിനെ തുടർന്ന് പോക്സോ കേസിലെ പ്രതിയെ പിടിക്കാൻ പോകവെ സംശയാസ്പദ സാഹചര്യത്തിൽ നോബിൻ ചിത്രാടാക്കീസിന് സമീപം നിൽക്കുന്നത് കണ്ടത് ചോദ്യം ചെയ്യുന്നതിനിടയിൽ ആക്രമിക്കുകയായിരുന്നുവെന്ന് പൊലീസ് പറയുന്നു. കല്ല് കൊണ്ടാണ് ആക്രമിച്ചത്.&nbsp;

കൊയിലാണ്ടിയിൽ വിദ്യാർഥിയുടെ ആക്രമണത്തിൽ നാല് പൊലീസുകാർക്ക് പരിക്കേറ്റു

Search Results for: mdma