പുണെ: മുൻ ക്രിക്കറ്റ് താരവും ചലച്ചിത്രതാരവുമായ സലിൽ അങ്കോളയുടെ മാതാവ് മാലാ അശോക് അങ്കോള (77) ദുരൂഹ സാഹചര്യത്തിൽ മരിച്ചനിലയിൽ. പുണെയിലെ പ്രഭാത് റോഡിലെ ഫ്ലാറ്റിൽ വെള്ളിയാഴ്ച കഴുത്തറുത്ത നിലയിലാണ് മൃതദേഹം കണ്ടെത്തിയത്.
അന്തരിച്ച മുൻ ഐ.പി.എസ്. ഉദ്യോഗസ്ഥൻ അശോക് അങ്കോളയാണ് ഭർത്താവ്. കറിക്കത്തി കൊണ്ട് കഴുത്ത് മുറിച്ചനിലയിലാണ് മാലാ അശോക് അങ്കോളയുടെ മൃതദേഹം കണ്ടെത്തിയതെന്ന് പോലീസ് പറഞ്ഞു. മൃതദേഹത്തിനടുത്ത് നിന്ന് ഒരു സ്ക്രൂ ഡ്രൈവർ കണ്ടെത്തിയിട്ടുണ്ട്.ഫ്ലാറ്റിൽ തനിച്ച് താമസിച്ചുവരികയായിരുന്നു ഇവർ. സംഭവസ്ഥലത്ത് ബലംപ്രയോഗം നടന്നതിന്റെ ലക്ഷണങ്ങളൊന്നും കണ്ടെത്തിയിട്ടില്ല.&nbsp;

മുൻ ക്രിക്കറ്റ് താരം സലിൽ അങ്കോളയുടെ മാതാവ് ദുരൂഹ സാഹചര്യത്തിൽ മരിച്ചനിലയിൽ

തലശ്ശേരി: നിയമസഭാ സ്പീക്കറും സി.പി.എം. സംസ്ഥാന കമ്മിറ്റി അംഗവുമായ എ.എൻ. ഷംസീറിന്റെ മാതാവ് കോടിയേരി മാടപ്പീടിക ‘ആമിനാസി’ൽ എ.എൻ. സറീന (70) അന്തരിച്ചു. അസുഖത്തെ തുടർന്ന് തലശ്ശേരി സഹകരണ ആസ്പത്രിയിൽ ചികിത്സയിലിരിക്കെ ശനിയാഴ്ച രാത്രിയാണ് അന്ത്യം.
പിതാവ്: പരേതനായ കെ.പി. അബൂബക്കർ. മാതാവ്: പരേതയായ എ.എൻ. ആസിയുമ്മ. ഭർത്താവ്: പരേതനായ കോമത്ത് ഉസ്മാൻ. മറ്റു മക്കൾ: എ.എൻ. ഷാഹിർ (ബിസിനസ്), എ.എൻ. ആമിന. മരുമക്കൾ: ആയിഷ ഫൈജീൻ (പള്ളിത്താഴ), ഡോ. ഷഹല (കണ്ണൂർ), എ.കെ. നിഷാദ് (മസ്‌കറ്റ്). ‌
സഹോദരങ്ങൾ: എ.എൻ. ജമീല, എ.എൻ. റംല, എ.എൻ. റഹ്മ, എ.എൻ. സാബിറ, എ.എൻ. അബ്ദുൾ സലാം, എ.എൻ. വാഹിദ. കബറടക്കം ഞായറാഴ്ച ഒന്നിന് കോടിയേരി വയലളം ജുമാ മസ്ജിദ് കബറിസ്താനിൽ.

സ്പീക്കർ എ.എൻ. ഷംസീറിന്റെ മാതാവ് എ.എൻ. സറീന അന്തരിച്ചു

Kerala

അമ്മ ശാന്തകുമാരിയുടെ പിറന്നാൾ ആഘോഷമാക്കി മോഹൻലാൽ.ആന്റണി പെരുമ്പാവൂർ, മേജർ രവി തുടങ്ങിയ സുഹൃത്തുക്കളുടെയും അടുത്ത ബന്ധുക്കളുടെയും സാന്നിധ്യത്തിൽ കൊച്ചി എളമക്കരയിലെ വീട്ടിൽ വച്ചായിരുന്നു ആഘോഷം നടന്നത്. ലളിതമായ പിറന്നാൾ ആഘോഷത്തിന്റെ ചിത്രങ്ങളും വിഡിയോയും സമൂഹമാധ്യമങ്ങളിൽ ഇടംപിടിച്ചിട്ടുണ്ട്.
പ്രശസ്ത ഹിന്ദി റിയാലിറ്റി ഷോയായ സൂപ്പർസ്റ്റാർ സിങ്ങർ 3 ലെ വിജയിയായ കുഞ്ഞുഗായകൻ ആവിർഭവ് മോഹൻലാലിന്റെ അമ്മക്ക് വേണ്ടി ഗാനം ആലപിച്ചു. കഴിഞ്ഞ കുറച്ചു നാളുകളായി ആരോഗ്യപ്രശ്നങ്ങളാൽ ചികിത്സയിലാണ് മോഹൻലാലിന്റെ അമ്മ. ലോകത്തിന്റെ ഏതു കോണിലാണെങ്കിലും അമ്മയുടെ പിറന്നാൾ ദിനം മോഹൻലാൽ അമ്മക്കൊപ്പം എളമക്കരയിലെ വീട്ടിലുണ്ടാകും. ഭാര്യ സുചിത്ര‍യും മകനും നടനുമായ പ്രണവും മോഹൻലാലിനൊപ്പം ഉണ്ടായിരുന്നു.

അമ്മയുടെ പിറന്നാൾ ആഘോഷമാക്കി മോഹൻലാലും കുടുംബവും

കൊച്ചി : മറുനാട്ടുകാരൻ ട്രെയിനിൽനിന്ന് തള്ളിയിട്ട് കൊലപ്പെടുത്തിയ റെയിൽവേ ടിക്കറ്റ് എക്സാമിനർ വി. വിനോദിന്റെ അമ്മ നിര്യാതയായി. മഞ്ഞുമ്മൽ മൈത്രി നഗർ 6-ാം ലെയിൻ മാന്തുരുത്തി‍ൽ (ലളിതാ നിവാസ്) എസ്. ലളിത (67) യാണ് ശാരീരിക അവശതകൾക്കൊടുവിൽ ഞായറാഴ്ച മരണത്തിന് കീഴടങ്ങിയത്. മകന്റെ മരണം ഇവരെ പൂർണമായും തളർത്തിയിരുന്നു.
ഭക്ഷണം കഴിക്കാതായത് ശാരീരികവിഷമതകൾ കൂട്ടി. ഇടപ്പള്ളി ചുറ്റുപാടുകര തീയാട്ടിൽ റോഡിൽ ഗോകുലംവീട്ടിൽ മകൾ സന്ധ്യയ്ക്കൊപ്പമായിരുന്നു അവസാനനാളുകളിൽ താമസം. മകന്റെ മരണശേഷം മഞ്ഞുമ്മലിലെ വീട്ടിൽ ഇടയ്ക്കെത്തി മടങ്ങുമായിരുന്നു.ഏപ്രിൽ രണ്ടിനായിരുന്നു വിനോദിനെ മറുനാടൻ തൊഴിലാളിയായ രജനീകാന്ത് കൊലപ്പെടുത്തിയത്. എറണാകുളം-പട്ന ട്രെയിനിൽ വെച്ചായിരുന്നു സംഭവം.&nbsp;

മറുനാടൻ തൊഴിലാളി ട്രെയിനിൽനിന്ന് തള്ളിയിട്ട് കൊലപ്പെടുത്തിയ ടി.ടി.ഇ. വിനോദിന്റെ അമ്മ നിര്യാതയായി

റിയോ ഡി ജനൈറോ: ഫുട്ബോൾ ഇതിഹാസം പെലെയുടെ അമ്മ സെലസ്റ്റി അരാന്റസ് (101) അന്തരിച്ചു. പെലെ വിടവാങ്ങി 18 മാസങ്ങൾക്കുശേഷമാണ് അരാൻറസിന്റെ മരണം. പ്രായാധിക്യം കാരണമുള്ള ഓർമ്മപ്രശ്നങ്ങളാൽ പെലെയുടെ മരണം അരാന്റസ്‌ അറിഞ്ഞിരുന്നില്ല.
പെലെയുടെ പിതാവ് ജാവു റാമോസ് ഡി നാസിമെന്റോ 16-ാം വയസ്സിലാണ് അരാന്റയെ വിവാഹംചെയ്തത്. പതിനേഴാം വയസ്സിൽ അവർ പെലെക്ക് ജന്മം നൽകി. ചെറിയ പ്രായത്തിൽതന്നെ ജിവിതത്തിൽ പുലർത്തേണ്ട മൂല്യങ്ങളും സ്നേഹവും അമ്മയിൽനിന്നാണ് ലഭിച്ചതെന്ന് അരാൻറസിന്റെ നൂറാംജന്മദിനത്തിൽ പെലെ ഇൻസ്റ്റയിൽ കുറിച്ചിരുന്നു.

പെലെയുടെ മാതാവ് സെലസ്റ്റി അരാന്റസ് അന്തരിച്ചു

വാഷിങ്ടൺ: യു.എസ് മുൻ പ്രഥമ വനിത മിഷേൽ ഒബാമയുടെ മാതാവ് മരിയൻ റോബിൻസൺ അന്തരിച്ചു. 86 വയസായിരുന്നു. ബറാക് ഒബാമ പ്രസിഡന്റായ​ ആദ്യവർഷങ്ങളിൽ മരിയൻ വൈറ്റ്ഹൗസിലുണ്ടായിരുന്നു. ഒബാമയുടെയും മിഷേലിന്റെയും രണ്ട് പെൺകുട്ടികളുടെ സംരക്ഷണ ചുമതലയായിരുന്നു അവർക്ക്.&nbsp;
യു.എസിലെ വർണവിവേചനങ്ങൾ നേരിട്ടറിഞ്ഞ വ്യക്തിയായിരുന്നു മരിയൻ. നിറം കറുപ്പായതിന്റെ പേരിൽ മരിയന്റെ പിതാവിന് യൂനിയൻ അംഗത്വമോ വലിയ നിർമാണ കമ്പനികളിൽ ജോലി ചെയ്യാനോ അനുവാദമില്ലായിരുന്നു. അതേസമയം, യു.എസിലെ ആദ്യ കറുത്ത വർഗക്കാരനായ പ്രസിഡന്റായി ബറാക് ഒബാമ അധികാരമേറ്റപ്പോൾ മരിയനും വൈറ്റ്ഹൗസിലെത്തി. മിഷേൽ ഉൾപ്പെടെ രണ്ട് മക്കളാണ്. അധ്യാപികയായും സെക്രട്ടറിയായും അവർ ജോലി ചെയ്തിട്ടുണ്ട്.

മിഷേൽ ഒബാമയുടെ മാതാവ് മരിയൻ റോബിൻസൺ അന്തരിച്ചു

ഹൈദരാബാദ്: സ്വന്തം വീട്ടിൽ മറ്റാരും ഇല്ലാത്ത സമയത്ത് ആൺ സുഹൃത്തിനൊപ്പം കണ്ട മകളെ അമ്മ കഴുത്തു ‍ഞെരിച്ചു കൊന്നു. ഇബ്രാഹിംപട്ടണം സ്വദേശിയായ ജൻഗമ്മയാണ് 19കാരിയായ മകൾ ഭാർഗവിയെ ബുധനാഴ്ച കൊലപ്പെടുത്തിയത്. ഭാർഗവിക്ക് വിവാഹാലോചനകൾ നടത്തുന്നതിനിടെയാണ് സംഭവം. പൊലീസ് കേസെടുത്ത് വിശദമായ അന്വേഷണം ആരംഭിച്ചു.
ബുധനാഴ്ച ഉച്ചയ്ക്ക് ഭക്ഷണം കഴിക്കാനായി ജോലി സ്ഥലത്തുനിന്ന് വീട്ടിലെത്തിയ ജൻഗമ്മ മകളെ ആൺ സുഹൃത്തിനൊപ്പം കാണുകയായിരുന്നു. പിന്നാലെ ഇയാളെ വീടിനു പുറത്താക്കിയ ജൻഗമ്മ സാരി ഉപയോഗിച്ച് മകളുടെ കഴുത്തിൽ കുരുക്കിടുകയും കൊലപ്പെടുത്തുകയും ചെയ്തു. ഭാർഗവിയുടെ ഇളയ സഹോദരൻ സംഭവങ്ങളുടെ ദൃക്സാക്ഷിയാണെന്ന് പൊലീസ് പറഞ്ഞു. ഭാർഗവിക്കു നേരെ അമ്മ അക്രമം നടത്തുന്നത് ജനാലവഴി കണ്ട സഹോദരൻ പൊലീസിനെ വിവരം അറിയിക്കുകയായിരുന്നു.

വീട്ടിൽ മറ്റാരും ഇല്ലാത്ത സമയത്ത് ആൺ സുഹൃത്തിനൊപ്പം കണ്ട മകളെ അമ്മ കഴുത്തു ‍ഞെരിച്ചു കൊന്നു

National

ത​ല​ശ്ശേ​രി: ഭ​ര്‍ത്താ​വു​മാ​യു​ള്ള പ്ര​ശ്‌​ന​ങ്ങ​ളെ തു​ട​ര്‍ന്ന് ര​ണ്ട​ര​വ​യ​സു​ള്ള മ​ക​നു​മൊ​ത്ത് കി​ണ​റ്റി​ല്‍ ചാ​ടു​ക​യും കു​ട്ടി മ​രി​ക്കു​ക​യും ചെ​യ്ത സം​ഭ​വ​ത്തി​ല്‍ മാ​താ​വി​ന് ജീ​വ​പ​ര്യ​ന്തം ത​ട​വും 25,000 രൂ​പ പി​ഴ​യും. ബ​ക്ക​ളം പു​ന്ന​ക്കു​ള​ങ്ങ​ര കു​ന്നൂ​ല്‍ ഹൗ​സി​ല്‍ ഉ​ഷ​യെ​യാ​ണ് (44) ത​ല​ശ്ശേ​രി അ​ഡീ​ഷ​ന​ല്‍ ജി​ല്ല സെ​ഷ​ന്‍സ് കോ​ട​തി ജ​ഡ്ജി എ.​വി. മൃ​ദു​ല ശി​ക്ഷി​ച്ച​ത്. ആ​ത്മ​ഹ​ത്യ ശ്ര​മ​ത്തി​ന് പ്ര​തി​ക്ക് ഒ​രു വ​ര്‍ഷം ത​ട​വു​മു​ണ്ട്. ശി​ക്ഷ ഒ​രു​മി​ച്ച് ജീ​വ​പ​ര്യ​ന്ത​മാ​യി അ​നു​ഭ​വി​ച്ചാ​ല്‍ മ​തി.
കൊ​റ്റാ​ളി പ​ടി​യി​ല്‍ ഹൗ​സി​ല്‍ അ​നൂ​പി​ന്റെ ഭാ​ര്യ​യാ​ണ് ഉ​ഷ. ഇ​വ​രു​ടെ ബ​ന്ധ​ത്തി​ൽ ജ​നി​ച്ച അ​ക്ഷ​യ് (ര​ണ്ട​ര) ആ​ണ് കൊ​ല്ല​പ്പെ​ട്ട​ത്. 2015 ജൂ​ലൈ 12ന് ​പു​ല​ര്‍ച്ചെ മൂ​ന്നോ​ടെ​യാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. ഉ​ഷ ആ​ത്മ​ഹ​ത്യ ചെ​യ്യാ​നാ​യി മ​ക​നു​മൊ​ത്ത് ഭ​ര്‍തൃ​വീ​ട്ടി​ലെ കി​ണ​റ്റി​ല്‍ ചാ​ടു​ക​യാ​യി​രു​ന്നു. കു​ട്ടി​യെ മ​ര​ണ​ത്തി​ല്‍നി​ന്ന് ര​ക്ഷി​ക്കാ​നാ​യി​ല്ല. കൊ​ല​ക്കു​റ്റ​ത്തി​നും ആ​ത്മ​ഹ​ത്യ ശ്ര​മ​ത്തി​നു​മാ​ണ് ഉ​ഷ​ക്കെ​തി​രെ പൊ​ലി​സ് കേ​സെ​ടു​ത്ത​ത്. ക​ണ്ണൂ​ര്‍ ടൗ​ണ്‍ പൊ​ലീ​സ് ര​ജി​സ്റ്റ​ര്‍ ചെ​യ്ത കേ​സി​ല്‍ എ​സ്.​ഐ​യാ​യി​രു​ന്ന കു​ട്ടി​കൃ​ഷ്ണ​ന്‍ പ്രാ​ഥ​മി​ക അ​ന്വേ​ഷ​ണം ന​ട​ത്തു​ക​യും ഇ​ന്‍സ്‌​പെ​ക്ട​റാ​യി​രു​ന്ന എം.​പി. ആ​സാ​ദ് അ​ന്വേ​ഷ​ണം പൂ​ർ​ത്തി​യാ​ക്കി കോ​ട​തി​യി​ല്‍ കു​റ്റ​പ​ത്രം സ​മ​ര്‍പ്പി​ക്കു​ക​യും ചെ​യ്തു. പ്രോ​സി​ക്യൂ​ഷ​ന് വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ര്‍ ജ​യ​റാം​ദാ​സ് ഹാ​ജ​രാ​യി.

രണ്ടര വയസ്സുകാരനെ കിണറ്റിലിട്ട് കൊലപ്പെടുത്തിയ കേസ്; മാതാവിന് ജീവപര്യന്തം വിധിച്ച് ത​ല​ശ്ശേ​രി കോടതി

Kannur

ആലപ്പുഴ: കായംകുളത്ത് മകന്റെ മര്‍ദനമേറ്റ് അമ്മ മരിച്ചു. പുതുപ്പള്ളി സ്വദേശി ശാന്തമ്മയാണ് മരിച്ചത്. സംഭവത്തില്‍ മകന്‍ ബ്രഹ്‌മദേവനെ(43) പോലീസ് കസ്റ്റഡിയിലെടുത്തു. ശനിയാഴ്ച രാത്രി അമ്മയും മകനും തമ്മില്‍ വഴക്കിട്ടിരുന്നതായാണ് പോലീസ് പറയുന്നത്. തുടര്‍ന്ന് ബ്രഹ്‌മദേവന്‍ അമ്മയെ മര്‍ദിക്കുകയും പിടിച്ചുതള്ളുകയും ചെയ്തു. ഞായറാഴ്ച രാവിലെ ശാന്തമ്മ അനക്കമറ്റ് കിടക്കുന്നത് കണ്ട് വീട്ടുകാര്‍ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.
ശാന്തമ്മയുടെ വാരിയെല്ല് ഒടിഞ്ഞതായും തലയ്ക്ക് പരിക്കേറ്റതായും പ്രാഥമിക പോസ്റ്റ്‌മോര്‍ട്ടം റിപ്പോര്‍ട്ടിലുണ്ട്. ഇതാണ് മരണകാരണമെന്നും റിപ്പോര്‍ട്ടില്‍ സൂചിപ്പിച്ചിരുന്നു. തുടര്‍ന്നാണ് ബ്രഹ്‌മദേവനെ കസ്റ്റഡിയിലെടുത്തത്. ശനിയാഴ്ച രാത്രി മുടിയെഴുന്നള്ളത്ത് ചടങ്ങ് നടക്കുന്നതിനിടെ അമ്മ മദ്യപിച്ചെത്തിയതാണ് വഴക്കിന് കാരണമായതെന്നാണ് പോലീസ് പറയുന്നത്. ചടങ്ങിനിടെ മദ്യപിച്ചെത്തിയ ശാന്തമ്മയെ ബ്രഹ്‌മദേവന്‍ വീട്ടിലേക്ക് കൂട്ടിക്കൊണ്ടുവരികയായിരുന്നു. ഇതിനുശേഷമാണ് ഇരുവരും തമ്മില്‍ വീണ്ടും വഴക്കുണ്ടായത്. അമിത മദ്യപാനത്തെത്തുടര്‍ന്ന് കഴിഞ്ഞ നവംബര്‍ മുതല്‍ ഡിസംബര്‍ വരെ ശാന്തമ്മയെ ചേര്‍ത്തലയിലെ ലഹരിവിമുക്തി കേന്ദ്രത്തില്‍ പ്രവേശിപ്പിച്ചിരുന്നതായും പോലീസ് പറഞ്ഞു.

മകന്റെ മര്‍ദനമേറ്റ് അമ്മ മരിച്ചു

തിരുവനന്തപുരം: വെള്ളറട ആനപ്പാറയിൽ അമ്മയെ മകൻ കെട്ടിയിട്ട് കത്തിച്ചു കൊലപ്പെടുത്തി. നളിനി (62) ആണ് മരണപ്പെട്ടത്. സംഭവത്തിൽ മകൻ മോസസ് ബിപിനെ (36) വെള്ളറട പോലീസ് കസ്റ്റഡിയിലെടുത്തു. നളിനിയും മോസസും മാത്രമായിരുന്നു വീട്ടിൽ താമസിച്ചു വന്നിരുന്നത്. ഭർത്താവ് പൊന്നു മണി പത്ത് വർഷങ്ങൾക്കു മുമ്പ് മരണപ്പെട്ടിരുന്നു. ഇളയ മകനായ ജെയിൻ ജോക്കബ് അമ്മക്ക് ആഹാരവുമായി വീട്ടിലെത്തിയപ്പോഴാണ് കത്തിക്കരിഞ്ഞ നിലയിൽ മൃതദേഹം കണ്ടത്. കാലിൽ തുണി ഉപയോഗിച്ചുകെട്ടിയ നിലയിലായിരുന്നു.
രാവിലെ സംഭവം അറിഞ്ഞെത്തിയ നാട്ടുകാരെ മോസസ് കത്തി ചൂണ്ടി ഭീഷണിപ്പെടുത്തി. ബലപ്രയോഗത്തിലാണ് ഇയാളെ പോലീസ് കസ്റ്റഡിയിലെടുത്തത്. പ്രതി മദ്യലഹരിയിലായിരുന്നിരിക്കാമെന്നാണ് പോലിസ് നിഗമനം.

തിരുവനന്തപുരത്ത്‌ അമ്മയെ മകൻ കെട്ടിയിട്ട് തീകൊളുത്തി കൊലപ്പെടുത്തി

തിരുവനന്തപുരം: പോത്തന്‍കോട് 36 ദിവസം മാത്രം പ്രായമുള്ള ആണ്‍കുഞ്ഞിനെ കൊന്നത് അമ്മയെന്ന് പോലീസ്. ഇന്ന് പുലര്‍ച്ചെയാണ് പോത്തന്‍കോട് മഞ്ഞമല കുറവന്‍ വിളാകത്ത് വീട്ടില്‍ സുരിത - സജി ദമ്പതികളുടെ മകന്‍ ശ്രീദേവിനെ കിണറ്റില്‍ മരിച്ചനിലയില്‍ കണ്ടെത്തിയത്. സംശയം തോന്നി കസ്റ്റഡിയിലെടുത്ത് ചോദ്യം ചെയ്യുന്നതിനിടെ കുഞ്ഞിന്റെ അമ്മ സുരിത കുറ്റസമ്മതം നടത്തുകയായിരുന്നുവെന്നും പോലീസ് പറയുന്നു. രാത്രി രണ്ടുമണിയോടെ ശ്രീദേവിനെ കാണാതായതോടെ, സജി പോലീസിനെ വിവരം അറിയിക്കുകയായിരുന്നു. പോലീസുമായി ചേര്‍ന്ന് നടത്തിയ അന്വേഷണത്തില്‍ കുഞ്ഞിനെ കിണറ്റില്‍ മരിച്ചനിലയില്‍ കണ്ടെത്തുകയായിരുന്നു.&nbsp;
കിണറ്റിന്‍കരയില്‍ നിന്ന് കുഞ്ഞിന്റെ ടവല്‍ കിട്ടിയതോടെ, കിണറ്റില്‍ നോക്കുകയായിരുന്നു. ഫയര്‍ഫോഴ്സ് എത്തി കിണറ്റില്‍ ഇറങ്ങിയാണ് കുഞ്ഞിനെ പുറത്തെടുത്തത്. കുഞ്ഞിനെ പുറത്തെടുക്കുമ്പോഴേക്കും മരണം സംഭവിച്ചിരുന്നു. വീടിന്റെ പിറകിലെ കിണറ്റില്‍ നിന്നാണ് കുഞ്ഞിന്റെ മൃതദേഹം കണ്ടെത്തിയത്. സംഭവത്തില്‍ കുട്ടിയുടെ അമ്മയെ കസ്റ്റഡിയിലെടുത്ത് പോത്തന്‍കോട് പോലീസ് ചോദ്യം ചെയ്യുന്നതിനിടെയായിരുന്നു കുറ്റസമ്മതം. സാമ്പത്തിക പ്രയാസം കാരണം കുഞ്ഞിനെ വളര്‍ത്താന്‍ കഴിയില്ലെന്ന് കരുതിയാണ് സുരിത കൊലപ്പെടുത്തിയതെന്നാണ് പോലീസ് പറയുന്നത്. കുഞ്ഞിന്റെ നൂലുകെട്ട് നടത്താന്‍ പോലും പണമില്ലായിരുന്നു എന്ന് സുരിത മൊഴി നല്‍കിയതായും പോലീസ് പറയുന്നു. കുഞ്ഞിന് ആരോഗ്യപ്രശ്‌നങ്ങളും ഉണ്ടായിരുന്നതായും പോലീസ് കൂട്ടിച്ചേര്‍ത്തു.

കുഞ്ഞിന് ആരോഗ്യപ്രശ്‌നങ്ങളും ഉണ്ടായിരുന്നതായും പോലീസ് കൂട്ടിച്ചേര്‍ത്തു

കുഞ്ഞിനെ കൊന്നത് അമ്മ തന്നെ; കാരണം സാമ്പത്തിക ബുദ്ധിമുട്ടെന്ന് മൊഴി

കൊച്ചി: പറവൂരിൽ വെച്ച് മുഖ്യമന്ത്രിയെ കരിങ്കൊടി കാണിച്ച കേസ് ഹൈക്കോടതി റദ്ദാക്കി. കരിങ്കൊടി കാണിച്ചാൽ അപമാനിക്കലാകില്ലെന്നു പറഞ്ഞ കോടതി ഉദ്യോ​ഗസ്ഥരുടെ ജോലി തടസ്സപ്പെടുത്തിയെന്ന കേസും റദ്ദാക്കി.
നിസ്സാര കാര്യങ്ങൾക്ക് കേസെടുക്കുന്ന പ്രവണത വർധിച്ചുവരുന്നതായി കോടതി നിരീക്ഷിച്ചു. പ്രതിഷേധങ്ങൾക്കിടെ ചെറിയ രീതിയിലുള്ള ബലപ്രയോ​ഗം സ്വാഭാവികമാണ്. ചെറിയ വിഷയങ്ങളിലെ നിയമനടപടികൾ ഒഴിവാക്കണമെന്നും കോടതി വ്യക്തമാക്കി.2017-ലാണ് സംഭവം. പറവൂരിൽ മുഖ്യമന്ത്രിക്കെതിരേ കോൺഗ്രസ് പ്രവർത്തകർ കരിങ്കൊടി കാണിച്ചു നടത്തിയ പ്രതിഷേധത്തിലാണ് പോലീസ് കേസെടുത്തത്. ഉദ്യോ​ഗസ്ഥരുടെ ജോലി തടസ്സപ്പെടുത്തിയെന്ന കുറ്റവും ഇവർക്കെതിരേ ചുമത്തിയിരുന്നു. ഈ കേസ് റദ്ദാക്കണമെന്ന് ആവശ്യപ്പെട്ടാണ് പ്രവർത്തകർ ഹൈക്കോടതിയെ സമീപിച്ചത്

മുഖ്യമന്ത്രിയെ കരിങ്കൊടി കാണിച്ച കേസ് ഹൈക്കോടതി റദ്ദാക്കി

മലപ്പുറം: ഭരണഘടനാവിരുദ്ധ പരാമര്‍ശവുമായി ബന്ധപ്പെട്ട കേസില്‍ ഹൈക്കോടതി പുനരന്വേഷണത്തിന് ഉത്തരവിട്ട സാഹചര്യത്തില്‍ അന്വേഷണം നടക്കുമ്പോള്‍ സജി ചെറിയാന്‍ മന്ത്രിയായിരിക്കുന്നത് ശരിയല്ലെന്ന് മുസ്‌ലിം ലീഗ് ദേശീയ സെക്രട്ടറി പി.കെ കുഞ്ഞാലിക്കുട്ടി.
മുമ്പ് അന്വേഷണം നടക്കുമ്പോള്‍ മന്ത്രിയായിരിക്കുന്നത് ശരിയല്ലെന്ന് പറഞ്ഞാണ് അദ്ദേഹം കഴിഞ്ഞ തവണ രാജിവെച്ചത്. സമാന സാഹചര്യമാണ് ഇപ്പോഴുള്ളത്. സാങ്കേതികമായി, അന്വേഷണം നടക്കുന്ന ഘട്ടത്തില്‍ അദ്ദേഹം മന്ത്രിയായിരിക്കാന്‍ പാടില്ല. സംസ്ഥാനത്തെ പോലീസ് കേസ് അന്വേഷിക്കുമ്പോള്‍, ആ അന്വേഷണം ഫലപ്രദമായി നടക്കണമെങ്കില്‍ അദ്ദേഹം മന്ത്രിസ്ഥാനത്തു നിന്ന് മാറി നില്‍ക്കുക എന്നതാണ് കീഴ്‌വഴക്കം. അതുകൊണ്ടുതന്നെ അദ്ദേഹം രാജിവെയ്ക്കുന്നതാകും ഉത്തമമെന്നും കുഞ്ഞാലിക്കുട്ടി പറഞ്ഞു.

സജി ചെറിയാന്‍ മന്ത്രിയായി തുടരുന്നത് ശരിയല്ല; രാജിവെക്കുന്നതാണ് ഉചിതമെന്ന് കുഞ്ഞാലിക്കുട്ടി

തിരുവനന്തപുരം: ഹൈക്കോടതിയുടെ ഉത്തരവ് പരിശോധിച്ച് നിയമപരമായ നടപടികളുമായി മുന്നോട്ടുപോകുമെന്ന് മന്ത്രി സജി ചെറിയാൻ. ധാർമികപരമായ ഒരു പ്രശ്നവുമില്ല. പോലീസ് അന്വേഷിച്ചു. കീഴ്‌ക്കോടതി ആ റിപ്പോർട്ടിനെ സാധൂകരിക്കുന്ന തീരുമാനമെടുത്തു. അതിന് ശേഷമാണ് സിബിഐ അന്വേഷണം ആവശ്യപ്പെട്ട് ഒരാൾ ഹൈക്കോടതിയെ സമീപിച്ചത്.
അന്വേഷണത്തെ സംബന്ധിച്ചാണ് കോടതി പറഞ്ഞിട്ടുള്ളത്. കോടതി അന്വേഷിക്കാൻ പറഞ്ഞിട്ടുള്ള ഭാ​ഗമേതാണോ അതിന്റെ അടിസ്ഥാനത്തിൽ അന്വേഷിക്കട്ടേ. മുമ്പ് ധാർമികതയുടെ പേരിൽ രാജിവെച്ചു. ആ ധാർമികതയുടെ ഉത്തരവാദിത്വം കഴിഞ്ഞു. അതിന് ശേഷം കോടതി വിധിയുടെ അടിസ്ഥാനത്തിൽ മന്ത്രിയായി വീണ്ടും സത്യപ്രതിജ്ഞ ചെയ്തു. താനിപ്പോഴും തന്റെ ജോലി ചെയ്തുകൊണ്ടിരിക്കുകയാണ്.
തന്റെ പ്രസം​ഗത്തിലെ പരാമർശങ്ങളെ കുറിച്ചുള്ള കണ്ടെത്തലുകളിലേക്ക് ഹൈക്കോടതി കടന്നിട്ടില്ല. ഒരു കോടതി പറഞ്ഞു ശരി. അടുത്ത കോടതി പറഞ്ഞു തെറ്റ്. ഇതിന്റെ മുകളിൽ കോടതി ഉണ്ട്. നിയമപരമായ കാര്യങ്ങൾ പരിശോധിച്ചതിന് ശേഷം മാത്രമേ ഒരു അഭിപ്രായം പറയാൻ സാധിക്കുകയുള്ളൂവെന്നും മന്ത്രി പറഞ്ഞു.

നിയമപരമായ നടപടികളുമായി മുന്നോട്ടുപോകും;രാജി വെക്കില്ലെന്ന് സജി ചെറിയാൻ

പെര്‍ത്ത്: ഓസ്‌ട്രേലിയയില്‍ ക്രിക്കറ്റ് മത്സരത്തിനിടെ മുഖത്ത് പന്തിടിച്ചതിനെത്തുടര്‍ന്ന് അംപയര്‍ക്ക് ഗുരുതര പരിക്ക്. പെര്‍ത്തില്‍ നടന്ന ആഭ്യന്തര മത്സരത്തിനിടെയാണ് സംഭവം. ടോണി ഡെ നൊബ്രെഗ എന്ന് പേരുള്ള അംപയര്‍ക്കാണ് പരിക്കേറ്റത്. മുഖത്ത് ഗുരുതര പരിക്കേറ്റ ഇദ്ദേഹത്തെ ആശുപത്രിയില്‍ പ്രവേശിപ്പിച്ചു. ബാറ്ററുടെ സ്‌ട്രെയ്റ്റ് ഡ്രൈവ് നൊബ്രെഗയുടെ മുഖത്ത് വന്നിടിക്കുകയായിരുന്നു.
ഓസ്‌ട്രേലിയന്‍ ആഭ്യന്തര മത്സരത്തില്‍ നോര്‍ത്ത് പെര്‍ത്തും വെംബ്ലി ഡിസ്ട്രിക്ട്‌സും തമ്മിലുള്ള മത്സരം നിയന്ത്രിച്ചുകൊണ്ടിരിക്കേയാണ് സംഭവം. മുഖത്തെ എല്ലുകള്‍ക്ക് പൊട്ടലില്ലെങ്കിലും ശസ്ത്രക്രിയയ്ക്ക് വിധേയനാക്കേണ്ടി വന്നേക്കാം എന്നാണ് റിപ്പോര്‍ട്ടുകള്‍. മുഖത്തിന്റെ ഒരു ഭാഗത്തിനും കണ്‍പോളകള്‍ക്കും പരിക്കേറ്റിട്ടുണ്ട്.

ക്രിക്കറ്റ് മത്സരത്തിനിടെ സ്‌ട്രെയ്റ്റ് ഡ്രൈവില്‍ പന്ത് മുഖത്തിടിച്ചു; അംപയര്‍ക്ക് ഗുരുതര പരിക്ക്

കൊച്ചി: ഭരണഘടന വിരുദ്ധ പരാമർശത്തിൽ മന്ത്രി സജി ചെറിയാന് തിരിച്ചടി. സജി ചെറിയാനെതിരേ കുറ്റം നിലനിൽക്കില്ലെന്ന പോലീസ് റിപ്പോർട്ടും ഈ റിപ്പോർട്ട് അം​ഗീകരിച്ച മജിസ്ട്രേറ്റ് റിപ്പോർട്ടും ഹൈക്കോടതി തള്ളി. കേസിൽ പുനരന്വേഷണത്തിനും ഹൈക്കോടതി ഉത്തരവിട്ടു. സംസ്ഥാന പോലീസ് മേധാവി ക്രൈംബ്രാഞ്ചിലെ വിശ്വാസ്യതയുള്ള ഉദ്യോ​ഗസ്ഥനെക്കൊണ്ട് അന്വേഷിപ്പിക്കണമെന്നും കോടതി വ്യക്തമാക്കി. കേസിന്റെ അന്വേഷണവുമായി ബന്ധപ്പെട്ട് വലിയ പാളിച്ചകളാണ് സംഭവിച്ചിട്ടുള്ളത്. കൃത്യമായ മൊഴി രേഖപ്പെടുത്തുകയോ വേണ്ടുന്ന തെളിവുകൾ ശേഖരിക്കുകയോ ചെയ്തില്ല. വേദിയിൽ ഉണ്ടായിരുന്നവരുടെ മൊഴികൾ മാത്രമാണ് അന്വേഷണ ഉദ്യോ​ഗസ്ഥൻ രേഖപ്പെടുത്തിയിട്ടുള്ളതെന്നും കോടതി ചൂണ്ടികാട്ടി.
ഡിജിപിയുടെ നേതൃത്വത്തിലായിരിക്കണം അന്വേഷണമെന്നും കോടതി നിർദേശിച്ചിട്ടുണ്ട്. ജസ്‌റ്റിസ് ബെച്ചു കുര്യൻ തോമസിന്റെ ബെഞ്ചാണ് കേസ് പരിഗണിച്ചത്.കേസിൽ ക്ലീൻചിറ്റ് നൽകിയ പൊലീസ് റിപ്പോർട്ട് പരിഗണിച്ച് സജി ചെറിയാനെ മജിസ്‌ട്രേറ്റ് കോടതി കുറ്റവിമുക്തനാക്കിയിരുന്നു. ഇതിനെ ചോദ്യം ചെയ്തും സി.ബി.ഐ അന്വേഷണമാവശ്യപ്പെട്ടും അഡ്വ. എം. ബൈജു നോയലാണ് ഹൈക്കോടതിയെ സമീപിച്ചത്.&nbsp;
നാഷണൽ ഓണർ ആക്ടിന്റെ 2003ലെ ഭേദഗതി പ്രകാരം, പ്രസംഗത്തിലെ ചില വാചകങ്ങൾ ഭരണഘടനയോടുള്ള അനാദരമായി കരുതാമെന്ന് കോടതി നേരത്തെ തന്നെ ചൂണ്ടിക്കാട്ടിയിരുന്നു.''ഇന്ത്യയിൽ ഏറ്റവുമധികം ജനങ്ങളെ കൊള്ളയടിക്കാൻ പറ്റിയ ഭരണഘടനയാണ് എഴുതിവച്ചിരിക്കുന്നത്. ജനാധിപത്യം, മതേതരത്വം, കുന്തവും കുടച്ചക്രവുമൊക്കെ അതിന്റെ മൂലയിലുണ്ട്'' എന്നീ പ്രയോഗങ്ങളാണ് സജി ചെറിയാൻ നടത്തിയത്. മന്ത്രിയുടെ ശബ്ദപരിശോധന നടത്താതെയും ചില സാക്ഷിമൊഴികൾ തള്ളിയുമാണ് പൊലീസ് നിഗമനമെന്ന് ഹർജിക്കാരൻ ആരോപണം കോടതി ശരിവച്ചു. ഹർജി നിലനിൽക്കുന്നതല്ലെന്നും ആരോപണങ്ങൾ ശരിയല്ലെന്നായിരുന്നു സർക്കാർ വാദം.2022 ജൂലായ് മൂന്നിന് സി.പി.എം മല്ലപ്പള്ളി ഏരിയാ കമ്മിറ്റിയുടെ പരിപാടിയിൽ സജി ചെറിയാൻ നടത്തിയ പ്രസംഗമാണ് കേസായത്. തുടർന്ന് അദ്ദേഹം രാജിവച്ചെങ്കിലും വിചാരണക്കോടതി കുറ്റവിമുക്തനാക്കിയതോടെ മന്ത്രി സ്ഥാനത്ത് തിരിച്ചെത്തി.

ഭരണഘടന വിരുദ്ധ പരാമർശം; മന്ത്രി സജി ചെറിയാന് തിരിച്ചടി, പുനരന്വേഷണത്തിന് ഹൈക്കോടതി ഉത്തരവ്

Search Results for: man bites snake