ചാവക്കാട്: ക്രിസ്‌മസ്, പുതുവർഷ ആഘോഷങ്ങളടുത്തപ്പോൾ മീൻ വിലയിൽ വൻ കുതിപ്പ്. ഒരാഴ്ച മുമ്പുണ്ടായിരുന്ന വിലയുടെ ഇരട്ടിയാണ് മിക്കവാറും മീനുകൾക്ക്. വിലയിൽ തൊട്ടാൽ പൊള്ളുന്നത് അയ്‌ക്കൂറ (അറയ്ക്ക) യ്ക്കാണ്. 10 ദിവസം മുമ്പ് കിലോയ്ക്ക് 600- 700 നിരക്കിൽ ആയിരുന്ന അയ്‌ക്കൂറയ്ക്ക് ഇപ്പോൾ 1200- 1400 രൂപയാണ് വില.&nbsp;
മറ്റൊരു പ്രധാന മീനായ ആവോലി കിട്ടാനില്ലാത്തതിനാൽ കർണാടക, ഗോവ എന്നിവിടങ്ങളിൽനിന്നാണ് എത്തുന്നത്. ഇതിനും കിലോയ്ക്ക് 700-നടുത്ത് വിലയുണ്ട്. ആഴ്ചകൾക്ക് മുമ്പ് 100 രൂപയ്ക്ക് രണ്ട് കിലോ കിട്ടിയിരുന്ന മത്തിക്ക് കിലോയ്ക്ക് 100-120 രൂപയാണ് വില. 100-120 രൂപ വിലയുണ്ടായിരുന്ന അയല 200-240 നിരക്കിലേക്ക്‌ ഉയർന്നു. കേര (തമ്മാൻ)യുടെ വില 220- 260 നിരക്കിലാണ്.പൂവാലൻ ചെമ്മീനിനും നാരൻ ചെമ്മീനിനും 300 രൂപയാണ് കിലോയ്ക്ക് വില. രണ്ടാഴ്ച മുമ്പ് ഇതിന്റെ പകുതി വിലയായിരുന്നു. മുള്ളൻ- 240, കൊത്തൾ (തളേൻ)- 280 എന്നിങ്ങനെയാണ് മറ്റ് മീനുകളുടെ വില. അയ്‌ക്കൂറ, കേര, മുള്ളൻ, കൊത്തൾ, അയല എന്നിവയെല്ലാം ഇതരസംസ്ഥാനങ്ങളിൽനിന്ന്‌ വരുന്നുണ്ട്.&nbsp;

ക്രിസ്‌മസിന് മീൻ കൂട്ടി ഉണ്ണാൻ വലിയവില കൊടുക്കണം;ആയിരം കടന്ന് അയ്ക്കൂറ

പച്ചക്കറിക്കും മീനിനും ഒരു മാസത്തിനുള്ളിൽ ഉണ്ടായത് വൻ വിലവർധനയാണ്.സാമ്പത്തിക ഭാരത്താൽ വലയുന്ന സാധാരണക്കാരന്റെ നട്ടെല്ലൊടിക്കുകയാണ് അവശ്യ സാധനങ്ങളുടെ വിലക്കയറ്റം.
ഒരു കിലോ തക്കാളിയുടെ ശരാശരി വില കഴിഞ്ഞ മാസം 18 രൂപയായിരുന്നു. ഇന്നലത്തെ കണ്ണൂർ നഗരത്തിൽ വില 40 രൂപ. സവാള വില 18ൽ നിന്നും 22 ആയി. വെണ്ടക്കയുടെ വില 40 രൂപയിൽ നിന്നും 50ലേക്ക് ഉയർന്നു. ചെറിയുള്ളി വില 60–80 ആയിരുന്നത് 100 ആയി. വെളുത്തുള്ളി നല്ലതു കിട്ടണമെങ്കിൽ 130 രൂപ കൊടുക്കണം. മുരിങ്ങയുടെ പഴയ വില 50, ഇപ്പോഴത്തെ വില 70. ഉരുളക്കിഴങ്ങ് വില 22ൽ നിന്നും 28ലേക്കെത്തി. 30 രൂപയ്ക്കു താഴെ ആയിരുന്ന മത്തന്റെ വില 40ലെത്തി. ചേനയുടെ വില 66ലെത്തി. ബിൽ തുക ‘റൗണ്ട് ചെയ്യാനായി’ വിൽപനക്കാർ എടുത്തിടുന്ന പച്ചമുളകിന്റെ വില കിലോയ്ക്ക് 90 ആണ്. സാമ്പാറിൽ നിന്നു പല ഇനങ്ങളും കാണാതെ പോകുന്നതിന്റെ കാരണവും ഈ വില വർധനയാണ്.&nbsp;
ട്രോളിങ് നിരോധന സമയമാണെങ്കിലും സംസ്ഥാനത്ത് അയൽ സംസ്ഥാനങ്ങളിൽ നിന്നു മീൻ എത്തുന്നുണ്ട്. എന്നാൽ വില കേട്ടാൽ ഞെട്ടും. ട്രോളിങ് നിരോധനത്തിനു മുൻപ് കിലോയ്ക്ക് 120–130 റേഞ്ചിലായിരുന്ന മത്തി കിട്ടണമെങ്കിൽ ഇപ്പോൾ 240 രൂപ കൊടുക്കണം. ഈ വിലയ്ക്കാണ് കുഞ്ഞൻ അയലയും വിൽക്കുന്നത്. വലുപ്പമുള്ള അയലയ്ക്ക് 300നു മുകളിലാണ് കഴിഞ്ഞ ദിവസങ്ങളിലെ വില. മുൻപ് 220–250 വിലയിൽ വിൽപന നടന്നിരുന്ന ചെമ്മീനിന്റെ വില 320നു മുകളിലാണിപ്പോൾ. വലിയ മീനുകളുടെ വിലയും നാൾക്കുനാൾ കൂടി വരുന്നു.

അടുക്കള ബഡ്ജറ്റ് താളം തെറ്റുന്നു; പച്ചക്കറിക്കും മീനിനും തീവില

Kerala

കൊല്ലം: സംസ്ഥാനത്ത് മത്സ്യവില കുതിച്ചുയരുന്നു. കൊല്ലം നീണ്ടകര ഹാർബറിൽ ഒരു കിലോ മത്തിക്ക് 280 മുതൽ 300 രൂപ വരെയെത്തി. മത്സ്യലഭ്യതയിലെ കുറവും ട്രോളിങ് നിരോധനവുമാണ് വിലക്കയറ്റത്തിന് കാരണമായി പറയുന്നത്. വരും ദിവസങ്ങളില്‍ ഇനിയും വില ഉയരുമെന്ന് മത്സ്യത്തൊഴിലാളികൾ പറയുന്നു. 52 ദിവസം നീണ്ടു നിൽക്കുന്ന ട്രോളിംഗ് നിരോധനം ജൂലൈ 31 ന് അവസാനിക്കും. ട്രോളിംഗ് നിരോധന കാലയളവിൽ ഇളവ് വേണമെന്നാണ് മത്സ്യബന്ധന മേഖലയുടെ ആവശ്യം. അവസാന 15 ദിവസം ഇളവ് നൽകണമെന്നാണ് ബോട്ടുകാരുടെ ആവശ്യം
രണ്ട് മാസത്തോളം നീളുന്ന ട്രോളിംഗ്നിരോധന കാലത്ത് പരമ്പരാഗത വള്ളങ്ങൾക്ക് മാത്രമാണ് മത്സ്യബന്ധനത്തിന് അനുമതി.&nbsp;

ട്രോളിംഗ് നിരോധനം നിലവിൽ വന്നതോടെ സംസ്ഥാനത്ത് മത്സ്യവില കുതിക്കുന്നു ;മത്തിക്ക് കിലോ 300 കടന്നു

ഒഞ്ചിയം : പടക്കനിർമാണത്തിന് നിയമവിരുദ്ധമായി സൂക്ഷിച്ച സ്ഫോടകവസ്തുക്കളും അനുബന്ധ വസ്തുക്കളും ചോമ്പാല പോലീസ് പിടിച്ചെടുത്തു. മടപ്പള്ളി കരുനിലം കുനിയിൽ ചന്ദ്രൻ എന്നയാളുടെ വീട്ടിൽ അനധികൃതമായി സ്ഫോടകവസ്തുക്കൾ സൂക്ഷിച്ചിട്ടുണ്ടെന്ന രഹസ്യവിവരത്തിന്റെ അടിസ്ഥാനത്തിൽ ചോമ്പാല പോലീസ് സബ് ഇൻസ്പെക്ടർ വികാസ് പി.യുടെ നേതൃത്വത്തിൽ സബ് ഇൻസ്പെക്ടർ അനിൽ കുമാർ പി., എഎസ്‍ഐ ചിത്രദാസ്, എസ്‍സി‍പിഒ ലിനീഷ്, സിപിഒ രമ്യ, സിപിഒ അജേഷ് എന്നിവരടങ്ങിയ സംഘമാണ് വീടുപരിശോധിച്ച് സ്ഫോടകവസ്തുക്കളും അനുബന്ധ സാമഗ്രികളും പിടിച്ചെടുത്തത്. വീട്ടുടമയുടെപേരിൽ കേസ് രജിസ്റ്റർചെയ്തു.

മടപ്പള്ളിയിൽ അനധികൃത സ്ഫോടകവസ്തുക്കൾ പോലീസ് പിടിച്ചെടുത്തു

Vadakara

നാദാപുരം: കഞ്ചാവുമായി പശ്ചിമ ബംഗാൾ സ്വദേശി പോലീസ് പിടിയിൽ. സൗത്ത് 24 ഫർഗാന സ്വദേശി അൽനൂർ സർദാർ (31) നെയാണ് നാദാപുരം എസ് ഐ എം.പി. വിഷ്ണുവും സബ് ഡിവിഷണൽ ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും പിടികൂടിയത്. പ്രതിയിൽ നിന്ന് 34 ഗ്രാം കഞ്ചാവ് പോലീസ് പിടികൂടി. കുമ്മങ്കോട് വരിക്കോളി റോഡിൽ ഒമ്പത് കണ്ടം ഗാർഡന് സമീപമാണ് പ്രതി പിടിയിലായത്. കഴിഞ്ഞ ദിവസം ബ്രൗൺ ഷുഗറുമായി ബംഗാൾ സ്വദേശി പോലീസ് പിടിയിലായിരുന്നു

നാദാപുരത്ത് കഞ്ചാവുമായി ബംഗാൾ സ്വദേശി അറസ്റ്റിൽ

Nadapuram

നാദാപുരം: തൂണേരിയില്‍ കോളജ് വിദ്യാര്‍ഥിനി തീ കൊളുത്തി മരിച്ച നിലയില്‍. ടൗണിനടുത്ത് കൈതേരിപ്പൊയില്‍ കാര്‍ത്തികയാണ് (20) മരിച്ചത്. മാഹി മഹാത്മാഗാന്ധി ഗവ.കോളേജ് ബിഎസ്‌സി ഫിസിക്‌സ് രണ്ടാം വര്‍ഷ വിദ്യാര്‍ഥിനിയാണ്. തിങ്കളാഴ്ച വൈകിട്ടാണ് വീടിനു മുകളിലത്തെ മുറിയില്‍ തീകൊളുത്തിയ നിലയില്‍ വിദ്യാര്‍ഥിനിയെ കണ്ടത്.
ഉടന്‍ നാദാപുരം ഗവ. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. നാദാപുരം പോലീസ് കേസെടുത്ത് അന്വേഷണം ആരംഭിച്ചു. സ്വയം കൊളുത്തിയതാണെന്നാണ് പ്രാഥമിക നിഗമനം. മൃതദേഹം പോസ്റ്റ് മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. സുകുമാരന്റെയും ശോഭയുടെയും മകളാണ്. സഹോദരി: ദേവിക.

തൂണേരിയില്‍ ബിരുദ വിദ്യാര്‍ഥിനി തീ കൊളുത്തി മരിച്ച നിലയില്‍

റാന്നി: ടോയ്​ലറ്റ്​ ഉപയോഗിക്കാന്‍ നല്‍കാത്ത പെട്രോൾ പമ്പുടമക്കെതിരെ 1.65 ലക്ഷം രൂപ പിഴയിട്ട് പത്തനംതിട്ട ഉപഭോക്തൃ തർക്കപരിഹാര കമീഷൻ. പരാതിക്കാരിക്ക്​ 1,50,000 രൂപ നഷ്‌ടപരിഹാരവും 15,000 രൂപ കോടതി ചെലവും ചേർത്ത് 1,65,000 രൂപ നൽകാനാണ് വിധി.
അടൂർ ഏഴകുളം ഊരകത്ത് ഇല്ലംവീട്ടിൽ അധ്യാപികയായ സി.എൽ. ജയകുമാരി നൽകിയ പരാതിയിലാണ്​ പയ്യോളി തെനംകാലിലെ പെട്രോൾ പമ്പുടമ ഫാത്തിമ ഹന്ന പിഴ അടക്കേണ്ടത്​. 2024 മേയ് എട്ടിന്​ ജയകുമാരി കാസർകോട്ടുനിന്ന്​ ഏഴംകുളത്തെ വീട്ടിലേക്ക് കാറിൽ വരവേ രാത്രി 11ന്​ പെട്രോൾ പമ്പിൽ കയറി ഇന്ധനം നിറച്ചശേഷം ടോയ്​ലറ്റ്​ ഉപയോഗിക്കാൻ പോയപ്പോൾ അത്​ അടച്ചിട്ടിരിക്കുകയായിരുന്നു.
താക്കോലുമായി മാനേജർ വീട്ടിൽ പോയെന്നായിരുന്നു ജീവനക്കാരുടെ മറുപടി. തുടർന്ന്​ പയ്യോളി പൊലീസ്​ ഇടപെട്ട്​​ ടോയ്‌ലറ്റ് തുറന്നുനൽകി. ഇതേതുടർന്ന്​ നൽകിയ പരാതിയിൽ​ പൊലീസ്​ കേസെടുത്തിരുന്നു. പെട്രോൾ പമ്പിൽ ടോയ്‌ലറ്റ് സൗകര്യം നൽകണമെന്ന്​ നിബന്ധനയുണ്ടെന്ന്​ കമീഷൻ ചൂണ്ടിക്കാട്ടി. കമീഷൻ പ്രസിഡന്‍റ്​ ബേബിച്ചൻ വെച്ചൂച്ചിറയും അംഗമായ നിഷാദ് തങ്കപ്പനും ചേർന്നാണ് വിധി പ്രസ്താവിച്ചത്.

ടോയ്​ലറ്റ്​ ഉപ‍യോഗിക്കാൻ നൽകിയില്ല; പയ്യോളിയിലെ പെട്രോൾ പമ്പുടമക്ക്​ 1.65 ലക്ഷം പിഴ

നാദാപുരം: വിൽപ്പനക്കായി സൂക്ഷിച്ച മയക്ക് മരുന്നുമായി ബംഗാൾ സ്വദേശി പോലീസ് പിടിയിലായി. വെസ്റ്റ് ബംഗാൾ 24 ഫർഗാന സ്വദേശി അമാനുള്ള ഖയാൽ (29 ) നെയാണ് നാദാപുരം എസ് ഐ എം.പി. വിഷ്ണു അറസ്റ്റ് ചെയ്തത്. പ്രതിയിൽ നിന്ന് O.17 ഗ്രാം നിരോധിത മയക്ക് മരുന്നായ ബ്രൗൺ ഷുഗർ പോലീസ് പിടികൂടി. കഴിഞ്ഞ ദിവസം രാത്രി നാദാപുരം - കല്ലാച്ചി സംസ്ഥാന പാതയിൽ രജിസ്ട്രർ ഓഫിസ് പരിസരത്ത് നിന്നാണ് പ്രതി പിടിയിലായത്.

നാദാപുരത്ത് ബ്രൗൺ ഷുഗറുമായി അറസ്റ്റിൽ

തളിപ്പറമ്പ്: സുഹൃത്തിന്റെ വീട്ടിലേക്ക് എന്ന് പറഞ്ഞ് വീട്ടിൽനിന്നും പോയ യുവതികളെയും സുഹൃത്തുക്കളെയും എം.ഡി.എം.എയുമായി ലോഡ്ജിൽനിന്ന് പിടികൂടി. മട്ടന്നൂർ മരുതായി സ്വദേശി മുഹമ്മദ് ഷംനാദ് (23), വളപട്ടണം സ്വദേശി മുഹമ്മദ്‌ ജെംഷീൽ (37), ഇരിക്കൂർ സ്വദേശിനീ റഫീന (24), കണ്ണൂർ സ്വദേശിനി ജസീന (22) എന്നിവരാണ് അറസ്റ്റിലായത്. ഇവരിൽനിന്ന് 490 മില്ലി ഗ്രാം എം.ഡി.എം.എ കണ്ടെടുത്തു. ലഹരി ഉപയോഗിക്കാനുള്ള ടെസ്‌റ്റ്ട്യൂബുകളും സിഗർ ലാമ്പുകളും ഇവരുടെ പക്കലുണ്ടായിരുന്നു.
യുവതികൾ പെരുന്നാൾ ദിവസമാണ് വീട്ടിൽനിന്ന് പോയ​തെന്ന് റെയ്ഡിന് നേതൃത്വം നൽകിയ എക്സൈസ് സംഘം പറഞ്ഞു. തുടർന്ന് വിവിധ സ്ഥലങ്ങളിൽ ലോഡ്ജിൽ മുറി എടുത്ത് മയക്കുമരുന്നു ഉപയോഗിച്ച് വരികയായിരുന്നു. എക്സൈസ് സർക്ക്ൾ ഇൻസ്‌പെക്ടർ ഷിജിൽകുമാറിന്റെ നേതൃത്വത്തിൽ പറശ്ശിനി, കോൾമൊട്ട ഭാഗങ്ങളിൽ നടത്തിയ റെയ്ഡിലാണ് സംഘം പിടിയിലായത്.

ലോഡ്ജിൽ റെയ്ഡ്; എം.ഡി.എം.എയുമായി യുവതികൾ ഉൾപ്പടെ പിടിയിൽ

Kannur

വടകര: നഷ്ടപെട്ട തന്റെ മൊബൈൽ ഫോണിൽ ഒരാൾ ഇൻസ്റ്റാഗ്രാം ഉപയോഗിക്കുന്നു എന്ന പരാതിയുമായി പോലീസിനെ സമീപിച്ച അധ്യാപകന് മൊബൈൽ ഫോൺ വീണ്ടെടുത്ത് നൽകി കോഴിക്കോട് റൂറൽ സൈബർ ക്രൈം പോലീസ്. കായണ്ണ ജി യു പി സ്കൂളിലെ സംസ്‌കൃതം അധ്യാപകൻ ദേവരാജനാണ് തന്റെ നഷ്ടപെട്ട മൊബൈൽ ഫോൺ തിരികെ ലഭിച്ചത്. പോലീസ് അന്വേഷണത്തിൽ ഈ ഫോൺ ഉപയോഗിച്ച് ഇൻസ്റ്റാഗ്രാം ഉപയോഗിച്ചിരുന്നത് കോഴിക്കോട് കാരപറമ്പ് സ്വദേശി ഷഹൻഷാ എന്നയാളാണെന്നും ഇയാൾ വെള്ളയിൽ പോലീസ് രജിസ്റ്റർ ചെയ്ത കേസിൽ കോഴിക്കോട് ജില്ലാ ജയിലിൽ റിമാൻഡിൽ കഴിയുകയാണെന്നും മനസ്സിലായി.&nbsp;
തുടർന്ന് നടത്തിയ അന്വേഷണത്തിൽ മൊബൈൽ ഫോൺ ഇയാളുടെ സുഹൃത്തിന്റെ കൈവശം ആണെന്ന് മനസ്സിലാക്കുകയും ഫോൺ കണ്ടെത്തുകയും ചെയ്യുകയായിരുന്നു. ഇൻ സ്‌പെക്ടർ സി. ആർ. രാജേഷ്‌കുമാർ, എസ് സി പി ഓ ഷഫീർ എന്നിവർ ചേർന്ന് സ്റ്റേഷനിൽ വെച്ച് ഫോൺ ഉടമസ്ഥന് തിരികെ നൽകി.

അജ്ഞാതൻ ഇൻസ്റ്റാഗ്രാം ഉപയോഗിച്ചു; നഷ്ടപെട്ട മൊബൈൽ ഫോൺ അധ്യാപകന് വീണ്ടെടുത്ത് നൽകി സൈബർ ക്രൈം പോലീസ്

പ്രതീകാത്മക ചിത്രം

പേരാമ്പ്ര: പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർഥി മരിച്ചു. ബൈക്ക് യാത്രികൻ മുളിയങ്ങൾ ചെക്യലത്ത് ഷാദിൽ ആണ് മരിച്ചത്.&nbsp;
ഉച്ചയ്ക്ക് രണ്ട് മണിയോടെ പേരാമ്പ്ര സെൻ്റ് ഫ്രാൻസിസ് പള്ളിക്ക് സമീപമാണ് അപകടമുണ്ടായത്. പേരാമ്പ്ര ഡിഗ്നിറ്റി കോളജിലെ രണ്ടാം വർഷ വിദ്യാർഥിയായ ഷാദിൽ പരീക്ഷ കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടമുണ്ടായത്. അമിത വേഗതയിലെത്തിയ സ്വകാര്യ ബസ് ബൈക്കിലിടിക്കുകയായിരുന്നു.
നാട്ടുകാർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അപകടത്തിനു പിന്നാലെ, പ്രദേശത്ത് മരണപ്പാച്ചിൽ നടത്തുവെന്നാരോപിച്ച് നാട്ടുകാർ സ്വകാര്യ ബസുകൾ തടഞ്ഞു.

പേരാമ്പ്രയിൽ സ്വകാര്യ ബസ് ബൈക്കിലിടിച്ച് വിദ്യാർഥി മരിച്ചു

Perambra

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ആയഞ്ചേരി വള്ള്യാട് സ്വദേശി പി സാബിര്‍ (26) ആണ് മരിച്ചത്.
സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. ഇരുവര്‍ക്കുമൊപ്പം മറ്റൊരു യുവാവ് കൂടി വിനോദയാത്ര സംഘത്തിലുണ്ടായിരുന്നെങ്കിലും ഇദ്ദേഹം കുത്തേല്‍ക്കാതെ രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്.
കടന്നൽ കൂടിന് കല്ലെറിഞ്ഞപ്പോൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.

ഊട്ടിയിലേക്ക് വിനോദയാത്രപോയ ആയഞ്ചേരി സ്വദേശിയായ യുവാവ് കടന്നൽ കുത്തേറ്റ് മരിച്ചു

Search Results for: chirsmas new year bumper