കൊച്ചി: തൃശ്ശൂര്‍ ലോക്‌സഭാ മണ്ഡലത്തിലെ തിരഞ്ഞെടുപ്പ് റദ്ദാക്കണമെന്ന് ആവശ്യപ്പെട്ടുള്ള ഹര്‍ജിയില്‍ കേന്ദ്രമന്ത്രി സുരേഷ് ഗോപിക്ക് നോട്ടീസ്. മൂന്നാഴ്ചയ്ക്കകം മറുപടി നല്‍കാല്‍ നിര്‍ദേശം.എ.ഐ.വൈ.എഫ് നേതാവ് എസ്.എസ്. ബിനോയിയാണ് ഹൈക്കോടതിയില്‍ ഹര്‍ജി നല്‍കിയത്.
ഹര്‍ജി ഫയലില്‍ സ്വീകരിച്ച കോടതി സുരേഷ് ഗോപിക്ക് നോട്ടീസ് അയക്കുകയായിരുന്നു. സുരേഷ് ഗോപി ജനപ്രാതിനിധ്യ നിയമത്തിലെ ചട്ടങ്ങള്‍ ലംഘിച്ചുവെന്ന് കാണിച്ചാണ് ഹര്‍ജി. ശ്രീരാമ ഭഗവാന്റെ പേരില്‍ സുരേഷ് ഗോപിക്കുവേണ്ടി ബി.ജെ.പി. ദേശീയ ഉപാധ്യക്ഷനായ എ.പി. അബ്ദുള്ളകുട്ടി വോട്ടുചോദിച്ചു. മതചിഹ്നങ്ങള്‍ ഉപയോഗിച്ച് വോട്ടര്‍മാരെ സ്വാധീനിക്കാന്‍ ശ്രമിച്ചു. സുഹൃത്തുവഴി സുരേഷ് ഗോപി പെന്‍ഷന്‍ വാഗ്ദാനം ചെയ്തുവെന്നും ഹര്‍ജിയില്‍ ആരോപിക്കുന്നു.
രാജ്യസഭാ എം.പിയെന്ന നിലയില്‍ ലഭിക്കുന്ന പെന്‍ഷന്‍ തുകയില്‍നിന്ന് ചിലര്‍ക്ക് പണം കൈമാറിയെന്നും ഹര്‍ജിയില്‍ പറയുന്നു. സാമൂഹികമാധ്യമ പോസ്റ്റുകളും ദൃശ്യങ്ങളും ഉള്‍പ്പെടെ രേഖകള്‍ ഹര്‍ജിയുടെ ഭാഗമായി സമര്‍പ്പിച്ചു.

തൃശ്ശൂരിലെ തിരഞ്ഞെടുപ്പ് റദ്ദാക്കണമെന്ന് ഹർജി; സുരേഷ് ​ഗോപിക്ക് ഹൈക്കോടതി നോട്ടീസ്

തിരുവനന്തപുരം: മജീഷ്യൻ മനു പൂജപ്പുരയെ ട്രെയിൻ യാത്രയ്‌ക്കിടെ കാണാതായെന്ന് പരാതി. മാതാപിതാക്കളോടൊപ്പം യാത്ര ചെയ്യവെയാണ് മനുവിനെ കാണാതായിരിക്കുന്നത്. തിരുവനന്തപുരത്ത് നിന്നും ആന്ധ്രാ പ്രദേശിലേക്ക് ഐലൻഡ് എക്‌സ്‌പ്രസിൽ യാത്ര ചെയ്യുകയായിരുന്നു മനുവും കുടുംബവും.
മാവേലിക്കര റെയിൽവെ സ്റ്റേഷൻ കഴിഞ്ഞ ശേഷമാണ് മനുവിനെ കാണാതായത്. കോട്ടയം റെയിൽവെ സ്റ്റേഷനിൽ എത്തിയപ്പോൾ അച്ഛനും അമ്മയും ഇവിടെ റെയിൽവെ സ്റ്റേഷനിലിറങ്ങി പരാതി നൽകി. മനുവിന്റെ ഫോണടക്കം ട്രെയിനിലുണ്ടായിരുന്നു. പരാതിയുടെ അടിസ്ഥാനത്തിൽ ആർപിഎഫും പൊലീസും മനുവിനായി അന്വേഷണം തുടങ്ങിയിട്ടുണ്ട്.

മജീഷ്യൻ മനു പൂജപ്പുരയെ ട്രെയിൻ യാത്രയ്‌ക്കിടെ കാണാതായി

Kerala

തിരുവനന്തപുരം: പാലക്കാട് മണ്ഡലത്തിലെ എൽ ഡി എഫ് സ്ഥാനാർത്ഥി ഡോ. പി സരിന്റെ ചിഹ്നം സ്റ്റെതസ്‌കോപ്പ്. ഓട്ടോറിക്ഷ, ടോർച്ച്, സ്റ്റെതസ്‌കോപ്പ് എന്നിങ്ങനെ മൂന്ന് ചിഹ്നം എന്നിവയായിരുന്നു നൽകിയിരുന്നത്.&nbsp;
മണ്ഡലത്തിൽ പത്ത് സ്ഥാനാർത്ഥികളാണുള്ളത്. ഇന്ന് ഒരാൾ പത്രിക പിൻവലിച്ചിരുന്നു. യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലിന് രണ്ട് അപരന്മാരാണുള്ളത്. ഡി എം കെ സ്ഥാനാർത്ഥി എൻ കെ സുധീറിന് ഓട്ടോറിക്ഷ ചിഹ്നമാണ് ലഭിച്ചത്. ചേലക്കരയിൽ ആറ് സ്ഥാനാർത്ഥികളാണുള്ളത്. എൽ ഡി എഫ്, യു ഡി എഫ്, എൻ ഡി എ. ഡി എം കെ, രണ്ട് സ്വതന്ത്രർ എന്നിവരാണുള്ളത്.

സരിന്റെ ചിഹ്നം സ്റ്റെതസ്‌കോപ്പ് ;പാലക്കാട് മൊത്തം പത്ത് സ്ഥാനാർത്ഥികൾ

ബെംഗളൂരു: വിരാട് കോലി റോയല്‍ ചലഞ്ചേഴ്‌സ് ബാംഗ്ലൂര്‍ ക്യാപ്റ്റനായി തിരിച്ചെത്തുമെന്ന് റിപ്പോര്‍ട്ട്. ഇതുമായി ബന്ധപ്പെട്ട് ടീം മാനേജ്‌മെന്റുമായി ചര്‍ച്ച നടത്തിയെന്നാണ് സൂചന. നിലവിലെ ക്യാപ്റ്റന്‍ ഫാഫ് ഡു പ്ലെസിക്ക് പകരമായി കോലിയെ എത്തിക്കാനാണ് നീക്കം.
2013 മുതല്‍ ടീമിനെ നയിച്ച കോലി 2021-ലാണ് ക്യാപ്റ്റന്‍ സ്ഥാനം ഒഴിഞ്ഞത്. തുടര്‍ന്നാണ് ചെന്നൈ സൂപ്പര്‍ കിങ്‌സില്‍നിന്ന് ലേലത്തിലൂടെ ടീമിലെത്തിച്ച ഫാഫ് ഡു പ്ലെസിയെ ക്യാപ്റ്റനാക്കിയത്. 40 വയസ്സ് പിന്നിട്ട ഡു പ്ലെസി കരിയര്‍ അവസാനിപ്പിച്ചേക്കുമെന്ന സൂചനയ്ക്കിടെയാണ് ക്യാപ്റ്റനെ മാറ്റാനുള്ള ചര്‍ച്ചകള്‍.
2008 മുതല്‍ മൂന്നുതവണ ആര്‍.സി.ബി. ഐ.പി.എല്‍. ഫൈനലില്‍ എത്തിയെങ്കിലും കപ്പടിക്കാന്‍ സാധിച്ചില്ല. 2016-ല്‍ കോലിയുടെ ക്യാപ്റ്റന്‍സിയില്‍ ഫൈനലില്‍ എത്തിയെങ്കിലും സണ്‍റൈസേഴ്‌സ് ഹൈദരാബാദിനോട് തോറ്റു. ഡു പ്ലെസിയുടെ ക്യാപ്റ്റന്‍സിയില്‍ രണ്ടുതവണ പ്ലേ-ഓഫിലെത്തി. ഒരുതവണ ആറാം സ്ഥാനാത്തായാണ് ലീഗ് അവസാനിപ്പിച്ചത്.ഗുജറാത്ത് ടൈറ്റന്‍സ് ക്യാപ്റ്റന്‍ ശുഭ്മാന്‍ ഗില്ലിനേയും ഡല്‍ഹി ക്യാപിറ്റല്‍സ് താരം റിഷഭ് പന്തിനേയും ടീമിലെത്തിക്കാനുള്ള ശ്രമങ്ങള്‍ ആര്‍.സി.ബി. നടത്തുന്നുണ്ടെന്ന് റിപ്പോര്‍ട്ടുണ്ട്. 2008 മുതല്‍ ആര്‍.സി.ബിക്കൊപ്പമാണ് കോലി..

ആര്‍സിബി ക്യാപ്റ്റനായി വിരാട് കോലി തിരിച്ചെത്തുമെന്ന് റിപ്പോര്‍ട്ട്‌

കണ്ണൂർ: മഞ്ഞപ്പിത്തം ബാധിച്ച് സഹോദരങ്ങളായ യുവാക്കൾ മരിച്ചു. തളിപ്പറമ്പ് മന്നയ്ക്ക് സമീപം ഹിദായത്ത് നഗർ റഷീദാസിൽ എം.സാഹിർ (40), അനുജൻ അൻവർ (36) എന്നിവരാണ് കോഴിക്കോട് സ്വകാര്യ ആശുപത്രിയിൽ ചികിത്സയിൽ കഴിയവെ മരിച്ചത്. സാഹിർ ഇന്നലെയും അൻവർ ഇന്നുമാണ് മരിച്ചത്. ഇരുവരുടെയും കുടുംബാംഗങ്ങൾ മഞ്ഞപ്പിത്തം ബാധിച്ച് ചികിത്സയിലാണ്. ഇവരുടെ നില മെച്ചപ്പെട്ട് വരികയാണെന്ന് ആരോഗ്യവകുപ്പ് അധികൃതർ പറഞ്ഞു.
കോഴിക്കോട് വ്യാപാരിയായ സാഹിർ ഹിദായത്ത് നഗറിലും അനുജൻ അൻവർ ഇരിക്കൂറിലുമാണ് താമസം. ഇരുവരും കുടുംബസമേതം ഒരുമിച്ചു യാത്ര പോയതായി പറയുന്നു. പിന്നീട് മഞ്ഞപ്പിത്ത ലക്ഷണം കണ്ടതിനു തുടർന്ന് കോഴിക്കോട് സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. ഇരുവരും മരിച്ച സാഹചര്യത്തിൽ സമീപത്തുള്ള വീടുകളിലെ വെള്ളം പരിശോധനയ്ക്കായി ആരോഗ്യ വകുപ്പ് അധികൃതർ ശേഖരിച്ചു വരികയാണ്. തളിപ്പറമ്പിലെ വ്യാപാരിയായിരുന്ന പരേതനായ പി.സി.പി. മുഹമ്മദ് ഹാജിയുടെ മക്കളാണ് ഇരുവരും.

തളിപ്പറമ്പിൽ മഞ്ഞപ്പിത്തം ബാധിച്ച് സഹോദരങ്ങളായ യുവാക്കൾ മരിച്ചു ;കുടുംബാംഗങ്ങൾ ചികിത്സയിൽ

Kannur

കാസർകോട്: നീലേശ്വരം ക്ഷേത്രത്തിൽ കളിയാട്ട മഹോത്സവത്തിനിടെ ഉണ്ടായ അപകടത്തിൽ വധശ്രമത്തിന് കേസെടുത്തു. സംഭവത്തിൽ എക്‌സ്‌പ്ലോസീവ് സബ്‌സ്റ്റൻസ് ആക്റ്റ്, ബിഎൻഎസ് എന്നിവയിലെ വിവിധ വകുപ്പുകളും ചേർത്ത് അന്വേഷണം തുടരുകയാണ്. കാഞ്ഞങ്ങാട് ഡിവൈഎസ്‌പിയുടെ നേതൃത്വത്തിൽ ഏഴംഗ സംഘമാണ് അന്വേഷണം നടത്തുന്നത്.
സംഭവത്തിൽ മനുഷ്യാവകാശ കമ്മീഷനും സ്വമേധയാ കേസെടുത്ത് അന്വേഷണത്തിന് ഉത്തരവിട്ടു. കാസർകോട് ജില്ലാ കളക്‌ടർക്കും പൊലീസ് മേധാവിക്കുമാണ് കമ്മീഷൻ ജുഡീഷ്യൽ അംഗം കെ ബൈജുനാഥ് നിർദേശം നൽകിയത്. 15 ദിവസത്തിനകം അന്വേഷണ റിപ്പോർട്ട് സമർപ്പിക്കണം.154പേർക്കാണ് നീലേശ്വരം അപകടത്തിൽ പൊള്ളലേറ്റത്. 98 പേർ ഇപ്പോഴും വിവിധ ആശുപത്രികളിൽ ചികിത്സയിലാണ്. ഇതിൽ പത്തുപേരുടെ നില ഗുരുതരമായി തുടരുകയാണ്. പരിക്കേറ്റ എല്ലാവരുടെയും ചികിത്സാ ചെലവ് സർക്കാർ ഏറ്റെടുക്കും

നീലേശ്വരം വെടിക്കെട്ടപകടം; വധശ്രമത്തിന് കേസെടുത്തു, പത്തുപേരുടെ നില അതീവ ഗുരുതരം

കുറ്റ്യാടി: ഗ്രാമപഞ്ചായത്തിനെയും കുന്നുമ്മൽ ഗ്രാമപഞ്ചായത്തിനെയും തമ്മിൽ ബന്ധിപ്പിക്കുന്നതും , നാദാപുരം - കുറ്റ്യാടി സംസ്ഥാനപാതയിൽ നിന്ന് ആരംഭിക്കുന്നതുമായ കടത്തനാടൻ കല്ല് ഞള്ളോറപ്പള്ളി റോഡ് ഉന്നത നിലവാരത്തിലേക്കുയരുന്നു. 2.2 കിലോമീറ്റർ ദൂരത്തിലുള്ള റോഡ് വികസനം യാഥാർത്ഥ്യമാകുന്നതോടെ പ്രദേശത്തെ നൂറുകണക്കിന് കുടുംബങ്ങൾക്ക് ആശ്വാസമാകും.5.5 മീറ്ററിൽ ബിഎംബിസി നിലവാരത്തിലാണ് റോഡ് വികസിപ്പിക്കുക. റോഡിൻറെ ആകെ വീതി 8 മീറ്ററാണ്.
2024-25 ബജറ്റിൽ ഉൾപ്പെടുത്തിയ ഈ റോഡ് പ്രവർത്തിക്ക് ചുരുങ്ങിയ കാലയളവിനുള്ളിൽ തന്നെ ഭരണാനുമതി, സാങ്കേതിക അനുമതി എന്നിവ ലഭിക്കുകയും, ടെണ്ടർ നടപടികൾ പൂർത്തീകരിച്ച് കരാറുകാരൻ പ്രവൃത്തി ഏറ്റെടുത്തിരിക്കുകയുമാണ്. പൊതുമരാമത്ത് വകുപ്പിന്റെ നേതൃത്വത്തിൽ സമയബന്ധിതമായാണ് പ്രവൃത്തിയുടെ വിവിധ ഘട്ടങ്ങൾ പൂർത്തീകരിച്ചത്. റോഡിൻറെ പ്രാധാന്യ കണക്കിലെടുത്ത് 2024-25 ബജറ്റിൽ ഉൾപ്പെടുത്തണമെന്ന് ധനമന്ത്രിയോട് കെ പി കുഞ്ഞമ്മദ് കുട്ടി എം എൽ എ അഭ്യർത്ഥിക്കുകയായിരുന്നു.
റോഡ് പ്രവൃത്തി ആരംഭിക്കുന്നതുമായി ബന്ധപ്പെട്ട് എം എൽ എ യുടെ നേതൃത്വത്തിൽ യോഗം ചേർന്നു. കുറ്റ്യാടി ഗ്രാമ പഞ്ചായത്ത് പ്രസിഡണ്ട് ഒ.ടി. നഫീസ അദ്ധ്യക്ഷത വഹിച്ചു .കുറ്റ്യാടി ഗ്രാമ പഞ്ചായത്ത് വൈസ് പ്രസിഡണ്ട് ടി.കെ. മോഹൻദാസ് സ്വാഗതം പറഞ്ഞു. എം.എൽ. എ. യോഗം ഉദ്ഘാടനം ചെയ്തു. കുന്നുമ്മൽ ബ്ലോക്ക് പഞ്ചായത്ത് പ്രസിഡണ്ട് കെ.പി. ചന്ദ്രി , പൊതുമരാമത്ത് വകുപ്പ് റോഡ്സ് വിഭാഗം അസിസ്റ്റൻറ് എക്സിക്യൂട്ടീവ് എൻജിനീയർ നിധിൻ ലക്ഷ്മണൻ,അസിസ്റ്റൻറ് എഞ്ചിനീയർ നളിൻ കുമാർ, ജനപ്രതിനിധികൾ, രാഷ്ട്രിയ പാർട്ടി പ്രതിനിധികൾ, പ്രദേശവാസികൾ, ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.&nbsp;

കടത്തനാടൻ കല്ല് -ഞള്ളോറപ്പള്ളി റോഡ് ഉന്നതനിലവാരത്തിലേക്ക്

Kuttiadi

കടമേരി: കേരള മീഡിയ അക്കാദമിയുടെ അംഗീകാരം ലഭിച്ച ആർ.എ.സി ഹയർ സെക്കന്ററി സ്കൂളിലെ 'മീഡിയ മേറ്റ്സ്' മീഡിയ ക്ലബ്ബിന്റെ പ്രവർത്തനം കെ.പി കുഞ്ഞമ്മദ് കുട്ടി എംഎൽഎ ഉദ്ഘാടനം ചെയ്തു. പ്രിൻസിപ്പൽ മുസ്തഫ കുറ്റിയിൽ അധ്യക്ഷനായി.&nbsp;
അബ്ദുള്ള പുതിയെടുത്ത്, ആർ. വിജയൻ എന്നിവർ മാധ്യമ ചർച്ചയിൽ പങ്കെടുത്തു. ക്ലബ്ബ് കോ-ഓർഡിനേറ്റർ എം.കെ മുഹമ്മദലി, ഹെഡ് മാസ്റ്റർ മുഹമ്മദ് കാങ്ങാട്ട്, വാർഡ് മെമ്പർ കാട്ടിൽ മൊയ്തു, ബഷീർ കൈതക്കണ്ടി, എൻ.കെ നിസാർ, അബ്ദുൾ ഗഫൂർ, ജമാൽ കുറ്റിയിൽ, കുഞ്ഞമ്മദ് കപ്പറമ്പത്ത്, ഹാരിസ് മുച്ചിലോട്ടുമ്മൽ, കെ അശ്വിനി എന്നിവർ സംസാരിച്ചു.

'മീഡിയ മേറ്റ്സ്' മീഡിയ ക്ലബ്ബ് ഉദ്ഘാടനം ചെയ്തു

Vadakara

ദീപാവലി ദീപങ്ങളുടെ മാത്രം ഉത്സവമല്ല. മധുരത്തിന്റേത് കൂടിയാണ്. രുചികരമായ ഗീ പാക്ക് ഉണ്ടാക്കിയാലോ..
ചേരുവകള്‍
ഒന്നരക്കിലോ പഞ്ചസാര
1 നുള്ള് ഏലയ്ക്കാപ്പൊടി
100 മില്ലിഗ്രാം പശുനെയ്യ്
4 കപ്പ് കടലപ്പൊടി
ആവശ്യത്തിന് നെയ്യ്

തയ്യാറാക്കുന്ന വിധം

കടലപ്പൊടി നന്നായി കട്ടയുടച്ചതിനു ശേഷം അരിച്ച് മാറ്റിവെക്കുക. അടിപരന്ന കട്ടിയുള്ള പാത്രത്തില്‍ പഞ്ചസാര അരലിറ്റര്‍ വെള്ളമൊഴിച്ച് തിളപ്പിക്കുക. മൂന്നു നൂല്‍ മൂപ്പായാല്‍ അതിലേക്ക് നേരത്തേ അരിച്ച് മാറ്റിവെച്ച കടലപ്പൊടി ചേര്‍ത്ത് കട്ടയാകാതെ തുടര്‍ച്ചയായി ഇളക്കിക്കൊണ്ടിരിക്കണം.

നെയ്യ് നേരത്തേ മറ്റൊരു അടുപ്പില്‍ ചൂടാക്കണം. മാവ് നന്നായി കുഴമ്പു പരുവത്തിലായാല്‍ ഉരുക്കിയ നെയ്യ് കുറേശ്ശെ ഒഴിച്ചുകൊണ്ടിരിക്കുക. ഇളക്കല്‍ നിര്‍ത്തരുത് നിര്‍ത്തിയാല്‍ അടിഭാഗം പറ്റും. ചെമ്പില്‍ നിന്നു വിട്ടുവരുന്ന പരുവത്തിലായാല്‍ പശുനെയ്യ് ചേര്‍ത്തിളക്കി ഏലയ്ക്കാപ്പൊടിയും ചേര്‍ക്കുക.അടുപ്പില്‍ നിന്നിറക്കി പരന്ന തട്ടിലേക്കോ അച്ചിലേക്കോ പകര്‍ന്ന് ചൂടാറിയാല്‍ മുറിച്ചെടുത്ത് ഉപയോഗിക്കാം.

ദീപാവലി ആഘോഷങ്ങൾക്കായി ഗീപ്പാക്ക് തയ്യാറാക്കാം

Health

വടകര: ഇന്ത്യൻ അക്കാദമി ഓഫ് പീഡിയട്രിക്സ് വടകര ബ്രാഞ്ച് പ്രസിഡന്റ്‌ ഡോ. എം. നൗഷീദ് അനി സംസ്ഥാനത്തെ ബെസ്റ്റ് പ്രസിഡന്റ്‌ പദവിക്ക് അർഹനായി. തൃശ്ശൂരിൽ വെച്ച് നടന്ന സംസ്ഥാന സമ്മേളനത്തിൽ വെച്ച് ഐ. എ. പി. സംസ്ഥാന പ്രസിഡന്റ്‌ ഷിമ്മി പൗലോസ്സിൽ നിന്നും ഡോ. നൗഷീദ് അനി അവാർഡ് ഏറ്റുവാങ്ങി. മികച്ച ബ്രാഞ്ചിനുള്ള സംസ്ഥാന തല അവാർഡ്, ലൈഫ് ഗാർഡ്സ്, ഗ്രീൻ ആർമി എന്നിവയ്ക്കുള്ള പ്രേത്യേക പുരസ്കാരവും ഐ. എ. പി. വടകര ബ്രാഞ്ചിന് ലഭിച്ചു. വടകര പാർക്കോ ആശുപത്രിയിലെ നീയോ നെറ്റോളജി വിഭാഗം തലവനാണ് ഡോ. എം. നൗഷീദ് അനി.

ഡോ എം നൗഷീദ് അനി ബെസ്റ്റ് പ്രസിഡന്റ്‌

ന്യൂയോർക്ക്: ചരിത്രത്തിൽ ആദ്യമായി ദീപാവലി ആഘോഷങ്ങൾ പ്രമാണിച്ച് ന്യൂയോര്‍ക്ക് നഗരത്തിലെ സ്‌കൂളുകള്‍ക്ക് അവധി പ്രഖ്യാപിച്ചു. ഈ വര്‍ഷത്തെ ദീപാവലി സവിശേഷമാണെന്നും ആഘോഷങ്ങള്‍ നടക്കുന്ന നവംബര്‍ ഒന്ന് വെള്ളിയാഴ്ച അവധിയായിരിക്കുമെന്നും മേയർ ഓഫിസിലെ ഡെപ്യൂട്ടി കമീഷണർ ദിലീപ് ചൗഹാൻ അറിയിച്ചു.
&nbsp;ന്യൂയോർക്ക് മേയർ എറിക് ആഡംസാണ് ദീപാവലിക്ക് അവധി പ്രഖ്യാപിച്ചത്. ദീപാവലി ദിനത്തില്‍ കുട്ടികള്‍ക്ക് ക്ഷേത്രത്തില്‍ പോകേണ്ടിവരും. നേരത്തെ അവർ സ്കൂളിൽ പോകണോ ക്ഷേത്രത്തിൽ പോകണോ എന്ന ആശങ്കയിലായിരുന്നു. എന്നാൽ അവധി പ്രഖ്യാപിച്ചതോടെ അവർക്ക് ആഘോഷിക്കാനുള്ള അവസരം ലഭിക്കുന്നുവെന്നും ദിലീപ് ചൗഹാന്‍ പറഞ്ഞു.
ജൂണിൽ തന്നെ ദീപാവലിക്ക് സ്കൂൾ അവധിയായിരിക്കുമെന്ന് പ്രഖ്യാപിച്ചിരുന്നു. ദീപാവലി വിളക്കുകളുടെ ഉത്സവമാണെന്നും ഹിന്ദുക്കളും ജൈനരും സിഖുകാരും ബുദ്ധമതക്കാരും എല്ലാവരും ആഘോഷിക്കുന്നതാണെന്നും ന്യൂയോര്‍ക്ക് സിറ്റിയിലെ വിദ്യാര്‍ഥികള്‍ക്ക് ആഘോഷത്തില്‍ പങ്കുചേരാന്‍ കഴിയുമെന്നും ചൗഹാന്‍ കൂട്ടിച്ചേര്‍ത്തു. വൈറ്റ് ഹൗസും എക്സിലൂടെ ദീപാവലി ആശംസ അറിയിച്ചിട്ടുണ്ട്.&nbsp;

ചരിത്രത്തിൽ ആദ്യമായി ന്യൂയോർക്കിലെ സ്കൂളുകൾക്ക് ദീപാവലി അവധി

തിരുവനന്തപുരം: മേയര്‍ ആര്യ രാജേന്ദ്രനെതിരേ കെ.എസ്.ആര്‍.ടി.സി. ഡ്രൈവര്‍ യദു നല്‍കിയ ഹര്‍ജി കോടതി തള്ളി. മേയറും കെ.എസ്.ആര്‍.ടി.സി. ഡ്രൈവറും തമ്മിലുണ്ടായ തര്‍ക്കത്തില്‍ കോടതി മേല്‍നോട്ടത്തില്‍ അന്വേഷണം വേണമെന്ന് ആവശ്യപ്പെട്ട് നല്‍കിയ ഹര്‍ജിയാണ് തള്ളിയത്. തിരുവനന്തപുരം സി.ജെ.എം. കോടതിയുടേതാണ് നടപടി.
കേസ് ശരിയായ ദിശയില്‍ മുന്നോട്ടു പോകണമെങ്കില്‍ കോടതിയുടെ മേല്‍നോട്ടം അനിവാര്യമാണെന്നായിരുന്നു യദുവിന്റെ ആവശ്യം. സംഭവത്തില്‍ ഇപ്പോള്‍ നടക്കുന്ന അന്വേഷണം കാര്യക്ഷമമാണെന്നാണ് ഹര്‍ജി പരിഗണിച്ചപ്പോള്‍ സര്‍ക്കാര്‍ അഭിഭാഷകന്‍ കോടതിയെ അറിയിച്ചത്. തുടര്‍ന്ന് ഈ വാദം അംഗീകരിച്ച് കോടതി ഹര്‍ജി തള്ളുകയായിരുന്നു.
ഹര്‍ജി തള്ളിയെങ്കിലും അന്വേഷണസംഘത്തിന് ചില നിര്‍ദേശങ്ങള്‍ കോടതി നല്‍കി. സത്യസന്ധമായ അന്വേഷണം നടക്കണം, സാക്ഷികളുടെ മൊഴികളും ശാസ്ത്രീയ തെളിവുകളും അന്വേഷണസംഘം ശേഖരിക്കണം, ബാഹ്യ ഇടപെടലുകളിലോ സ്വാധീനത്തിലോ വഴങ്ങരുത്, സമയബന്ധിതമായി അന്വേഷണം പൂര്‍ത്തിയാക്കണം എന്നിവയാണ് നിര്‍ദേശങ്ങള്‍.യദുവിന്റെ ഹര്‍ജിയിലെ ഒന്നും രണ്ടും പ്രതികളായ ആര്യാ രാജേന്ദ്രനും ഭര്‍ത്താവ് സച്ചിന്‍ദേവ് എംഎല്‍എയും സാക്ഷികളെ സ്വാധീനിക്കരുതെന്നും കോടതി നിര്‍ദ്ദേശിച്ചു.&nbsp;

ആര്യ രാജേന്ദ്രനെതിരേ കെ.എസ്.ആര്‍.ടി.സി ഡ്രൈവര്‍ നല്‍കിയ ഹര്‍ജി തള്ളി കോടതി

പത്തനംതിട്ട: എ.ഡി.എം നവീൻ ബാബുവിന്റെ മരണവുമായി ബന്ധപ്പെട്ട് അറസ്റ്റിലായ പി.പി. ദിവ്യ താടകയും വൃത്തികെട്ട സ്ത്രീയുമാണെന്ന് മുൻ എം.എൽ.എ പി.സി. ജോർജ്. സി.പി.എം കണ്ണൂർ നേതൃത്വം മുഴുവൻ അവർക്കൊപ്പമുണ്ട്. ദിവ്യ ചെയ്തത് എന്തോ ധീരകൃത്യമാണെന്ന് കരുതുന്ന വൃത്തികെട്ട മനസ്സിന്റെ ഉടമകളായി സി.പി.എം നേതൃത്വം മാറി.നവീൻ ബാബുവിന്റെ കുടുംബത്തെ സന്ദർശിച്ച ശേഷമായിരുന്നു അദ്ദേഹത്തിന്റെ പ്രതികരണം.
“ഇത്രയും നീചമായ പ്രവൃത്തി ചെയ്ത ആ സ്ത്രീ ചിരിച്ചു കളിച്ചാണ് കോടതിയിലേക്ക് കയറുന്നത്. താടകയും വൃത്തികെട്ട സ്ത്രീയുമാണവർ. സി.പി.എം കണ്ണൂർ നേതൃത്വം മുഴുവൻ അവർക്കൊപ്പമുണ്ട്. ഈ സ്ത്രീ ചെയ്തത് എന്തോ ധീരകൃത്യമാണെന്ന് കരുതുന്ന വൃത്തികെട്ട മനസ്സിന്റെ ഉടമകളായി സി.പി.എമ്മിന്റെ കണ്ണൂർ ജില്ലാ നേതൃത്വം മാറിയിരിക്കുന്നു എന്നത് ദുഃകരമാണ്. ഇതിൽ ശരിക്കും സി.ബി.ഐ അന്വേഷണമോ ജുഡീഷ്യൽ എൻക്വയറിയോ വേണം. പമ്പിന് അപേക്ഷ നൽകിയ ആൾ അഞ്ച് പൈസക്ക് ഗതിയില്ലാത്തവനാണ്. പിണറായി വിജയന്റെ പൊളിറ്റിക്കൽ സെക്രട്ടറി പി.ശശിയുടെ ബെനാമിയാണ് അയാൾ. അയാൾ ഒരാളുടെ ജീവിതം തകർത്തു. അത് ആഘോഷിക്കുകയാണ് കണ്ണൂർ സി.പി.എം. ഇനിയെങ്കിലും ജനം ബോധവാന്മാരാകണം” -പി.സി. ജോർജ് പറഞ്ഞു.

പി.പി. ദിവ്യ താടകയും വൃത്തികെട്ട സ്ത്രീയും ;രൂക്ഷ വിമർശനവുമായി പി.സി. ജോർജ്

കണ്ണൂർ: എഡിഎമ്മിന്റെ ആത്മഹത്യയുമായി ബന്ധപ്പെട്ട കേസിൽ റിമാൻഡിൽ കഴിയുന്ന പിപി ദിവ്യയ്‌ക്കെതിരെ പാർട്ടി നടപടി ഉടനുണ്ടാകില്ല. ഇന്ന് ചേർന്ന സിപിഎം ജില്ലാ സെക്രട്ടേറിയറ്റ് വിഷയം ചർച്ച ചെയ്‌തില്ല. നാളെ മുതൽ പാർട്ടി ഏരിയ സമ്മേളനങ്ങൾ തുടങ്ങുന്ന സാഹചര്യത്തിൽ അക്കാര്യങ്ങളാണ് ചർച്ചയായത്.
പൂർണ സെക്രട്ടേറിയറ്റ് യോഗമല്ല ഇന്ന് ചേർന്നത്. ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്ന് ദിവ്യയെ നീക്കിയത് തന്നെ അവർക്കെതിരെയുള്ള നടപടിയായി ഒരു വിഭാഗം വിലയിരുത്തുന്നുണ്ട്. സമ്മേളന കാലയളവിൽ അച്ചടക്ക നടപടി വേണ്ടെന്നാണ് പൊതുവികാരം.ദിവ്യയ്‌ക്ക് ഇനിയും പാർട്ടി തലത്തിൽ സംരക്ഷണമുണ്ടാകുമെന്നാണ് വ്യക്തമാകുന്നത്.

പാർട്ടി ഒപ്പം തന്നെയുണ്ട്;പിപി ദിവ്യയ്‌ക്കെതിരെ നടപടി ഉടനില്ല

പാർട്ടി ഒപ്പം തന്നെയുണ്ട്;പിപി ദിവ്യയ്‌ക്കെതിരെ സിപിഎം നടപടി ഉടനില്ല

കൊയിലാണ്ടി: എടിഎമ്മിൽ നിറയ്‌ക്കാൻ കൊണ്ടുപോയ പണം തട്ടാൻ ശ്രമിച്ച കേസിലെ പ്രതികളെ തെളിവെടുപ്പിനായി പൊലീസ് വിവിധ സ്ഥലങ്ങളിലെത്തിച്ചു. തിക്കോടി കാത്തലിക് സിറിയൻ ബാങ്ക്, ഫെഡറൽ ബാങ്ക്, മോഷണം ആസൂത്രണം ചെയ്ത തിക്കോടി ബീച്ച്, ബാഗും പർദയും ഉപേക്ഷിച്ച തുറശ്ശേരികടവ് പാലം, പ്രതി സുഹൈലിനെ കൈയും കാലും കെട്ടിയ കോഴിക്കോട് വെസ്റ്റ്ഹിൽ ബീച്ചിലെ റോഡ് സൈഡ്, മുളകുപൊടി, ചൂടി എന്നിവ വാങ്ങിയ മൂടാടിയിലേയും ചെങ്ങോട്ടുകാവിലേയും കടകൾ,
കൊയിലാണ്ടി ഫെഡറൽ ബാങ്ക്, അരിക്കുളം എന്നിവിടങ്ങളിലാണ്‌ തെളിവെടുപ്പ്‌ നടത്തിയത്‌. പ്രതികളിലൊരാൾ പണയംവച്ച സ്വർണം വീണ്ടെടുക്കാനുള്ള ശ്രമത്തിലാണ് പൊലീസ്. 18നായിരുന്നു സംഭവം. പയ്യോളി ബീച്ച് സുഹാന മൻസിൽ സുഹൈൽ (25), തിക്കോടി കോടിക്കൽ ഉമ്മർ വളപ്പിൽ താഹ (27), തിക്കോടി കോടിക്കൽ പുളിവളപ്പിൽ യാസർ (20) എന്നിവരാണ് പ്രതികൾ.&nbsp;&nbsp;
കൊയിലാണ്ടി സിഐ ശ്രീലാൽ ചന്ദ്രശേഖരന്റെ നേതൃത്വത്തിലായിരുന്നു തെളിവെടുപ്പ്. 62 ലക്ഷം രൂപ ബാങ്കുകളിൽനിന്ന്‌ സുഹൈൽ പിൻവലിച്ചതായാണ് പ്രാഥമികാന്വേഷണത്തിൽ മനസ്സിലായത്. എടിഎം കരാർ എടുത്ത മുഹമ്മദ് 72 ലക്ഷം രൂപ പോയതായാണ് പൊലീസിനെ അറിയിച്ചത്‌.

എ ടി എം പണം തട്ടിപ്പ് നാടകം: പ്രതികളുമായി തെളിവെടുപ്പ് ആരംഭിച്ചു

Koyilandy

തിരുവനന്തപുരം∙ നിയമസഭാ തിരഞ്ഞെടുപ്പിന് മുന്നോടിയായി പ്രത്യേക സംക്ഷിപ്ത വോട്ടർ പട്ടിക പുതുക്കൽ 2025ന്റെ ഭാഗമായി കരട് വോട്ടർ പട്ടിക പ്രസിദ്ധീകരിച്ചു. 2025 ജനുവരി ഒന്ന് യോഗ്യതാ തീയതിയായുള്ള കരട് പട്ടികയാണ് പ്രസിദ്ധീകരിച്ചത്. ഉപതിരഞ്ഞെടുപ്പ് പ്രഖ്യാപിച്ചിട്ടുള്ള 9 നിയമസഭാ മണ്ഡലങ്ങൾ പ്രത്യേക സംക്ഷിപ്ത വോട്ടർ പട്ടിക പുതുക്കലിൽനിന്ന് ഒഴിവാക്കിയതായി സംസ്ഥാന മുഖ്യ തിരഞ്ഞെടുപ്പ് ഓഫിസർ അറിയിച്ചു.
സംസ്ഥാന മുഖ്യ തിരഞ്ഞെടുപ്പ് ഓഫിസറുടെ വെബ്സൈറ്റിൽ (www.ceo.kerala.gov.in) കരട് വോട്ടർ പട്ടിക വിവരങ്ങൾ ലഭ്യമാണ്. കൂടാതെ സൂക്ഷ്മ പരിശോധനകൾക്കായി താലൂക്ക് ഓഫിസുകളിലും വില്ലേജ് ഓഫിസുകളിലും ബൂത്ത് ലെവൽ ഓഫിസറുടെ കൈവശവും കരട് വോട്ടർ പട്ടിക ലഭിക്കും. അംഗീകൃത രാഷ്ട്രീയ പാർട്ടികൾക്ക് താലൂക്ക് ഓഫിസുകളിൽ നിന്ന് വോട്ടർ പട്ടിക കൈപ്പറ്റി സൂക്ഷ്മ പരിശോധന നടത്താം. കരട് പട്ടികയിൻമേലുള്ള ആക്ഷേപങ്ങളും അവകാശവാദങ്ങളും നവംബർ 28 വരെ സമർപ്പിക്കാമെന്ന് മുഖ്യ തിരഞ്ഞെടുപ്പ് ഓഫീസർ പ്രണബ്‌ജ്യോതി നാഥ് അറിയിച്ചു.
വോട്ടർ പട്ടികയിൽ പുതുതായി പേര് ചേർക്കുന്നതിനും വോട്ടർ പട്ടികയിലെ തെറ്റുകൾ തിരുത്തുന്നതിനും മരിച്ചവരെയും സ്ഥലം മാറിപ്പോയവരെയും ഒഴിവാക്കുന്നതിനും അപേക്ഷകൾ ഇക്കാലയളവിൽ സമർപ്പിക്കാം. voters.eci.gov.in എന്ന വെബ്സൈറ്റ് വഴിയോ വോട്ടർ ഹെൽപ് ലൈൻ ആപ്പ് വഴിയോ അപേക്ഷകൾ സമർപ്പിക്കാം.&nbsp;
17 വയസ് പൂർത്തിയായവർക്ക് വോട്ടർ പട്ടികയിൽ പേര് ചേർക്കാൻ മുൻകൂറായി അപേക്ഷ സമർപ്പിക്കാം. അപേക്ഷ സമർപ്പിച്ച ശേഷം, ജനുവരി 1, ഏപ്രിൽ 1, ജൂലൈ 1, ഒക്ടോബർ 1 എന്നീ നാല് യോഗ്യതാ തീയതികളിൽ എന്നാണോ 18 വയസ് പൂർത്തിയാകുന്നത്, ആ യോഗ്യതാ തീയതിയിൽ അപേക്ഷ പരിശോധിക്കുകയും അർഹത അനുസരിച്ച് വോട്ടർ പട്ടികയിൽ ‍ ഇടം പിടിക്കുകയും ചെയ്യും. ഇതിനു ശേഷം തിരിച്ചറിയൽ കാർഡ് ലഭിക്കും. 2025 ജനുവരി 6ന് അന്തിമ വോട്ടർ പട്ടിക പ്രസിദ്ധീകരിക്കും. 2025 ജനുവരി 1 യോഗ്യതാ തീയതിയായുള്ള അന്തിമ വോട്ടർ പട്ടികയാണ് പ്രസിദ്ധീകരിക്കുന്നത്.

നിയമസഭാ തിരഞ്ഞെടുപ്പിന് മുന്നോടിയായുള്ള വോട്ടർ പട്ടിക പുതുക്കൽ; കരട് പ്രസിദ്ധീകരിച്ചു

കട്ടിയുള്ള പുരികം ആ​ഗ്രഹിക്കാത്തവരായി ആരും തന്നെ ഉണ്ടാകില്ല. എന്നാല്‍ ചിലർക്ക് പുരികം കൊഴിഞ്ഞ് പോകുന്നതാണ് പ്രശ്നം. മറ്റു ചിലര്‍ക്ക് തീരെ കട്ടിയില്ലാത്തതും ഘടനയില്ലാത്തതുമായ പുരികം ആയിരിക്കാം. പുരികം കൊഴിഞ്ഞ് പോകുന്നത് തടയാനും പുരികം കട്ടിയുള്ളതുമാകാനും പരീക്ഷിക്കാവുന്ന ചില പൊടിക്കൈകള്‍ എന്തൊക്കെയാണെന്ന് നോക്കാം...
ഓയില്‍ മസാജ് ചെയ്യുന്നത് പുരികം നന്നായി വളരാന്‍ സഹായിക്കും. ഇതിനായി അൽപം വെളിച്ചെണ്ണ വിരൽ തുമ്പിൽ എടുത്ത ശേഷം പുരികത്തിൽ തേച്ച് പിടിപ്പിച്ചതിന് ശേഷം നന്നായി മസാജ് ചെയ്യാം. രക്തയോട്ടം വർധിപ്പിക്കാനും പുരികം കൊഴിഞ്ഞ് പോകാതിരിക്കാനും നല്ലൊരു പ്രതിവിധിയാണ് വെളിച്ചെണ്ണ. അതിനാല്‍ ഇത് ദിവസവും പരീക്ഷിക്കാം.
പുരികം കട്ടിയുള്ളതാകാൻ സഹായിക്കുന്ന എണ്ണകളിലൊന്നാണ് ആവണക്കെണ്ണ. ഒരു കോട്ടൺ തുണി ആവണക്കെണ്ണയിൽ മുക്കിയതിന് ശേഷം രണ്ട് പുരികത്തിലും നന്നായി തേച്ചു പിടിപ്പിക്കുക. ഇതിന് ശേഷം രണ്ടോ മൂന്നോ മിനിറ്റ് കൈവിരൽ കൊണ്ട് നന്നായി മസാജ് ചെയ്ത് കൊടുക്കാം. 30 മിനിറ്റ് കഴിഞ്ഞ് ചെറുചൂട് വെള്ളത്തിലോ തണുത്ത വെള്ളത്തിലോ കഴുകാം.
പുരികം വളരാൻ ഏറ്റവും നല്ലതാണ് ഒലീവ് ഓയിൽ. ഇളം ചൂടുള്ള ഒലീവ് ഓയിൽ ഉപയോഗിച്ച് പുരികത്തിൽ നന്നായി മസാജ് ചെയ്യുക. ഇടവിട്ട ദിവസങ്ങളിൽ ഈ ഒലീവ് എണ്ണയിൽ ലേശം തേനും ചേർത്ത് പുരട്ടുന്നതും നല്ലതാണ്. രാത്രി കിടക്കുന്നതിന് മുമ്പ് പുരികത്തിൽ അൽപം ഒലീവ് ഓയിൽ പുരട്ടിയിട്ട് കിടക്കാം. രാവിലെ തണുത്ത വെള്ളത്തിൽ കഴുകി കളയാം. പുരികം പെട്ടെന്ന് വളരാൻ സവാള ജ്യൂസ് ഉപയോഗിക്കുന്നതും നല്ലതാണ്. ഇതിനായി ഒരു സവാള ജ്യൂസ് എടുക്കുക. എന്നിട്ട് ഇവ പുരികത്ത് തേച്ച് അഞ്ച് മിനിറ്റോളം മസാജ് ചെയ്യാം.

കട്ടിയുള്ള പുരികം ആണോ വേണ്ടത്..; ചില പൊടിക്കൈകള്‍ ഉണ്ട്

റി​യാ​ദ്: മ​ല​യാ​ളി റി​യാ​ദി​ൽ നി​ര്യാ​ത​നാ​യി. കോ​ഴി​ക്കോ​ട് കാ​ര​പ്പ​റ​മ്പ് ക​രു​വി​ശ്ശേ​രി ജ​ന​ത ബ​സ് സ്റ്റോ​പ്പ്‌ സ്വ​ദേ​ശി തി​രു​ത്തി​യി​ൽ മീ​ത്ത​ൽ ബൈ​ത്തു​ൽ അ​ദ്ഫ​യി​ൽ മു​ഹ​മ്മ​ദ​ലി (63) ആ​ണ്​ കി​ങ്‌ അ​ബ്​​ദു​ല്ല റോ​ഡി​ലെ ഡോ. ​ഫ​ഖീ​ഹ് ആ​ശു​പ​ത്രി​യി​ൽ മ​രി​ച്ച​ത്. റി​യാ​ദി​ൽ ആ​റു​ വ​ർ​ഷ​ത്തോ​ള​മാ​യി ഡ്രൈ​വ​റാ​യി ജോ​ലി ചെ​യ്യു​ക​യാ​യി​രു​ന്നു.പി​താ​വ്: പ​രേ​ത​നാ​യ കോ​യ, മാ​താ​വ്: ബി​ച്ച, ഭാ​ര്യ: സു​നീ​റ, മ​ക​ൻ: അ​ദ്‌​നാ​ൻ, ഹ​നാ​ൻ, അ​ഫ്നാ​ൻ.&nbsp;

കാ​ര​പ്പ​റ​മ്പ് സ്വ​ദേ​ശി റി​യാ​ദി​ൽ നി​ര്യാ​ത​നാ​യി

Gulf

മലപ്പുറം: ഊർക്കടവിൽ റിപ്പയറിങ് കടയിൽ വാതക സിലിണ്ടർ പൊട്ടിത്തെറിച്ച് യുവാവ് മരിച്ചു. ഊർക്കടവ് എളാടത്ത് റഷീദാണ് മരിച്ചത്. ഫ്രിഡ്ജ് നന്നാക്കുന്നതിനിടെ ആയിരുന്നു അപകടം.
രാവിലെ 11 മണിയോടെയായിരുന്നു അപകടം. പൊട്ടിത്തെറിക്കുപിന്നാലെ തീ ആളിപ്പടരുകയായിരുന്നു. നാലുവര്‍ഷമായി ഫ്രിഡ്ജ് റിപ്പയറിങ്ങുമായി ബന്ധപ്പെട്ട് പ്രവർത്തിച്ചു വരുന്ന കടയായിരുന്നു ഇത്. ഇവിടെ ഗ്യാസ് റീഫില്ല് ചെയ്യുന്നതിന്റെ ഭാഗമായുള്ള പ്രവൃത്തിയും നടക്കുന്നുണ്ടായിരുന്നു. റീഫില്ല് ചെയ്യുന്നതിനിടക്കാണ് പൊട്ടിത്തെറി ഉണ്ടാകുന്നത്.ഉടൻതന്നെ റഷീദിനെ തൊട്ടടുത്തുള്ള സ്വകാര്യ ആശുപത്രിയിൽ എത്തിച്ചു. അവിടെ നിന്ന് കോഴിക്കോട് മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല.&nbsp;

ഫ്രിഡ്ജ് നന്നാക്കുന്നതിനിടെ വാതക സിലിണ്ടർ പൊട്ടിത്തെറിച്ചു; യുവാവിന് ദാരുണാന്ത്യം

വളയം : ഓൺലൈൻ തട്ടിപ്പിൽ ഇതരസംസ്ഥാന തൊഴിലാളിക്ക് 9000 രൂപ നഷ്ടമായി. പാറക്കടവിൽ താമസിക്കുന്ന ബംഗാൾ സ്വദേശി അബ്ദുൾ ഖുദൂസ് (30) നാണ് പണം നഷ്ടപ്പെട്ടത്. ഇയാൾ വളയം പോലീസിൽ പരാതി നൽകി. ഫെയ്‌സ്‌ബുക്ക് വഴി വിളിച്ച ഹിന്ദി സംസാരിക്കുന്നയാൾ പത്തുലക്ഷംരൂപ ലഭിക്കുമെന്നും ആദ്യം 4500 രൂപ എസ്.ബി.ഐ. മാനേജർ എന്ന് പരിചയപ്പെടുത്തിയ ആൾക്ക് അയച്ചുകൊടുക്കണമെന്നും ആവശ്യപ്പെടുകയായിരുന്നു. തുടർന്ന് അബ്ദുൾ ഖുദൂസ് പണം അയച്ചുകൊടുക്കുകയായിരുന്നു.&nbsp;
പിന്നീട്, പണം അക്കൗണ്ടിൽ കയറിയില്ലെന്നുപറഞ്ഞ് ബാങ്ക് മാനേജർ വിളിക്കുകയായിരുന്നു. സ്റ്റേറ്റ് ബാങ്ക് ഓഫീസ് എന്നുതോന്നിപ്പിക്കുന്നവിധം എ.ഐ. സാങ്കേതികത ഉപയോഗിച്ച് പ്രത്യേകം പശ്ചാത്തലം നിർമിച്ചാണ് വീഡിയോ കോൾ ചെയ്തത്‌. മാത്രമല്ല, അക്കൗണ്ടിന്റെ ഡീറ്റെയിൽസ് കംപ്യൂട്ടറിൽ കാണിച്ചുകൊടുത്തതോടെ വീണ്ടും 4500 രൂപ അയച്ചുകൊടുക്കുകയായിരുന്നു. ശേഷം ഇവരെ വിളിച്ചപ്പോൾ ബന്ധപ്പെടാൻ സാധിക്കാതെ വന്നു. ഇതോടെ ഇയാൾ വളയം പോലീസിൽ പരാതി നൽകുകയായിരുന്നു.

ഓൺലൈൻ തട്ടിപ്പ്; വളയത്ത് ഇതരസംസ്ഥാന തൊഴിലാളിക്ക് പണം നഷ്ടമായി

Nadapuram

തിരുവനന്തപുരം: സർക്കാർ ഓഫിസുകളിലെ പ്രവർത്തനങ്ങൾക്ക് തടസ്സം സൃഷ്ടിക്കുന്ന നിലയിൽ കൾച്ചറൽ ഫോറങ്ങളും വകുപ്പ് അടിസ്ഥാനത്തിൽ കൂട്ടായ്മകളും രൂപീകരിക്കുന്നത് വിലക്കി. ഉദ്യോഗസ്ഥ ഭരണ പരിഷ്‍കാര വകുപ്പാണ് ഇതുസംബന്ധിച്ച് വിജ്ഞാപനം പുറത്തിറക്കിയത്.
ജീവനക്കാരുടെ നിലവിലുള്ള പെരുമാറ്റ ചട്ടങ്ങള്‍ക്കും സര്‍ക്കാര്‍ നിര്‍ദേശങ്ങള്‍ക്കും അനുസൃതമല്ലാതെ, ഓഫിസ് പ്രവര്‍ത്തനങ്ങള്‍ക്ക് തടസ്സം സൃഷ്ടിക്കുന്ന നിലയില്‍ കള്‍ച്ചറല്‍ ഫോറങ്ങളും വകുപ്പ് അടിസ്ഥാനത്തിലുള്ള കൂട്ടായ്മകളും ഉണ്ടാകുന്നത് സര്‍ക്കാരിന്റെ ശ്രദ്ധയില്‍പ്പെട്ടിട്ടുണ്ടെന്നാണ് ഉത്തരവിൽ പറയുന്നത്.അത് ഒഴിവാക്കണമെന്നാണ് നിർദേശം. അതോടൊപ്പം ഈ വിഷയത്തിൽ ബന്ധപ്പെട്ട അധികൃതർ പ്രത്യേക ശ്രദ്ധ പുലർത്തണമെന്നും ഉത്തരവിൽ പറയുന്നു. ഉദ്യോഗസ്ഥ ഭരണപരിഷ്‍കാര വകുപ്പിന് വേണ്ടി സ്പെഷ്യൽ സെക്രട്ടറി വീണ എൻ. മാധവൻ ആണ് ഉത്തരവ് പുറത്തിറക്കിയത്.

ഓഫീസ് സമയത്തെ കൂട്ടായ്മകൾക്ക് വിലക്ക്; ഉത്തരവുമായി സർക്കാർ

പാലക്കാട്: ഉപതിരഞ്ഞെടുപ്പിൽ തോറ്റാലും ജയിച്ചാലും പി സരിനെ കണ്ണിലെ കൃഷ്ണമണിപോലെ സിപിഎം കാക്കുമെന്ന് പാർട്ടി സംസ്ഥാനസെക്രട്ടറി എംവി ഗോവിന്ദൻ. സരിന് സിപിഎമ്മിൽ മികച്ച ഭാവിയുണ്ടെന്നും അദ്ദേഹം ഒരു സ്വകാര്യ ചാനലിനോട് പറഞ്ഞു.
'പാലക്കാട്ടെ തിരഞ്ഞെടുപ്പുഫലം എന്തായാലും പി സരിൻ ഇടതുപക്ഷത്തിന് മുതൽക്കൂട്ടായിരിക്കും. ഒരിക്കലും പിവി അൻവറിനെപ്പോലെയാകില്ല. ഒരു കമ്യൂണിസ്റ്റാവാൻ ഒരിക്കലും അൻവർ ശ്രമിച്ചിരുന്നില്ല. സരിന് മികച്ച രാഷ്ട്രീയ ഭാവിയുണ്ട്. പിപി ദിവ്യയുടെ അറസ്റ്റിൽ പൊലീസ് സ്വീകരിച്ചത് ശരിയായ നടപടിയാണ്. പ്രതിപക്ഷത്തിന്റെ ആരോപണം അസംബന്ധമാണ്. ദിവ്യയ്‌ക്കെതിരെയുള്ള നടപടി പാർട്ടി ആലോചിക്കും. അത് മാധ്യമങ്ങളാേട് പറയേണ്ടതില്ല. ദിവ്യയുടെ അറസ്റ്റ് സംബന്ധിച്ച വാർത്തകളിൽ ജനാധിപത്യ വിരുദ്ധമായ നിലപാടാണ് മാധ്യമങ്ങൾ സ്വീകരിച്ചത്'- അദ്ദേഹം പറഞ്ഞു.

സരിന് സിപിഎമ്മിലുള്ളത് മികച്ച ഭാവി, കണ്ണിലെ  കൃഷ്ണമണിപോലെ കാക്കുമെന്ന് എം.വി ഗോവിന്ദൻ

വടകര: നിരന്തരം മാലിന്യം തള്ളുന്നത് കാരണം ദുർഗന്ധം കൊണ്ട് വലഞ്ഞ് പ്രദേശ വാസികൾ. ഒഞ്ചിയം പാലം-മണപ്പുറം റോഡില്‍ കസ്തുരിക്കുനി അംഗനവാടിക്ക് സമീപം നിരന്തരം ഭക്ഷണാവശിഷ്ടങ്ങളും മറ്റും തള്ളുന്നതായാണ് പരാതി. ദുര്‍ഗന്ധം വമിക്കുന്ന മാലിന്യം അംഗനവാടിയിലെ കുരുന്നുകള്‍ക്കും മറ്റും ബുദ്ധിമുട്ടുണ്ടാക്കുന്നു. മിക്ക ദിവസങ്ങളിലും ഇവിടെ മാലിന്യ കൂമ്പാരം കാണാം. പ്രദേശവാസികളുടെ കണ്ണ് വെട്ടിച്ച് മാലിന്യം തള്ളി കടന്നുകളയുന്ന സ്ഥിതിയാണ്. കഴിഞ്ഞ ദിവസം പരിസരവാസികള്‍ മാലിന്യം പരിശോധിച്ചപ്പോള്‍ വിവിധ ബില്ലുകള്‍ കിട്ടി.&nbsp;
ഇതിലെ നമ്പറില്‍ വിളിച്ചപ്പോള്‍ സഭ്യമല്ലാത്ത രീതിയിൽ സംസാരമായി. പഞ്ചായത്ത് മെമ്പര്‍ ഹെല്‍ത്ത് ഇന്‍സ്‌പെക്റ്ററുടെ സാന്നിധ്യത്തില്‍ സംഭവസ്ഥലം പരിശോധിച്ചു. തുടര്‍ നടപടികള്‍ ഉടന്‍ കൈക്കൊള്ളുമെന്ന് ഇവര്‍ പ്രദേശവാസികള്‍ക്ക് ഉറപ്പ് നല്‍കി. റോഡരികിൽ തള്ളുന്ന വ്യക്തിയെ കണ്ടെത്തി അയാളെ കൊണ്ട് തന്നെ ഈ മാലിന്യങ്ങൾ നീക്കം ചെയ്യിപ്പിക്കണം എന്ന് നാട്ടുകാർ ആവശ്യപ്പെട്ടു.

വഴിയരികില്‍ നിരന്തരം മാലിന്യം തള്ളുന്നു; ദുർഗന്ധം കൊണ്ട് വലഞ്ഞ് നാട്ടുകാര്‍

തിരുവനന്തപുരം: മാധ്യമപ്രവർത്തകരോട് തുടർച്ചയായി അപമാനകരമായും ധിക്കാരപരമായും പെരുമാറുന്ന കേന്ദ്ര മന്ത്രി സുരേഷ് ഗോപിയുടെ നിലപാട് അപലപനീയമെന്ന് കേരള പത്രപ്രവർത്തക യൂനിയൻ. മാധ്യമങ്ങളുടെ ചോദ്യങ്ങളോട്പ്ര തികരിക്കാതിരിക്കാൻ ആർക്കും അവകാശം ഉണ്ടെന്ന് സമ്മതിക്കുമ്പോൾ തന്നെ അതിലും പുലർത്തേണ്ട മാന്യതക്ക് നിരക്കാത്ത വിധത്തിലാണ് സുരേഷ് ഗോപി ആവർത്തിച്ചു പെരുമാറിക്കൊണ്ടിരിക്കുന്നത്. കടുത്ത അവജ്ഞയും ധിക്കാരവുമാണ് അദ്ദേഹത്തിന്റെ ശരീര ഭാഷയിലും ശബ്ദത്തിലും പ്രകടമാവുന്നത്. ചോദ്യം ചോദിക്കുന്നവരോട് മൂവ് ഔട്ട് എന്ന് കയർക്കുന്നതിലൂടെ സ്വന്തം രാഷ്ട്രീയ പരിസരത്തുനിന്ന് ജനാധിപത്യ മൂല്യങ്ങളെ ആട്ടിപ്പായിക്കാനാണ് കേന്ദ്രമന്ത്രി ശ്രമിക്കുന്നത്.
തട്ടുപൊളിപ്പൻ സിനിമയിലെ നായക വേഷത്തിന്റെ കെട്ട് വിടാത്ത മട്ടിലുള്ള ഈ പെരുമാറ്റം കക്ഷിഭേദമില്ലാതെ കേരളത്തിലെ രാഷ്ട്രീയ നേതൃത്വം പൊതുവെ പിന്തുടരുന്ന മാന്യമായ മാധ്യമ സമീപനത്തിന് തീർത്തും വിരുദ്ധമാണ്. ജനാധിപത്യ വ്യവസ്ഥയിൽ മാധ്യമങ്ങളോടുള്ള സമീപനം എന്തായിരിക്കണമെന്ന് കുറഞ്ഞ പക്ഷം കേരളത്തിലെ സ്വന്തം പാർട്ടിയിലെ മുതിർന്ന നേതാക്കളിൽ നിന്നെങ്കിലും അദ്ദേഹം ചോദിച്ചു മനസ്സിലാക്കേണ്ടതാണ്.
സാംസ്കാരിക കേരളത്തിൻ്റെ ജനാധിപത്യ മൂല്യങ്ങൾക്ക് നിരക്കാത്ത സമീപനം തിരുത്താൻ സുരേഷ് ഗോപി തയാറാവുന്നില്ലെങ്കിൽ തിരുത്തിക്കാൻ പാർട്ടി നേതൃത്വം മുന്നിട്ടിറങ്ങണമെന്ന് യൂനിയൻ പ്രസിഡൻ്റ് കെ.പി. റജിയും ജനറൽ സെക്രട്ടറി സുരേഷ് എടപ്പാളും ആവശ്യപ്പെട്ടു.

മാധ്യമപ്രവർത്തകരെ അവഹേളിക്കുന്ന നിലപാട് സുരേഷ് ഗോപി തിരുത്തണം;കെ.യു.ഡബ്ല്യു.ജെ

വടകര: ജെ.ടി റോഡിലെ വെള്ളക്കെട്ട് പരിഹരിക്കാനായി റോഡ് ഉയർത്തി നവീകരിക്കുന്ന പ്രവൃത്തി അടുത്തയാഴ്ച തുടങ്ങുമെന്ന് കെ.കെ രമ എം എൽ എ അറിയിച്ചു. കഴിഞ്ഞ ദിവസം വടകര ഗസ്റ്റ് ഹൗസിൽ നടന്ന അവലോകന യോഗത്തിൽ പൊതുമരാമത്ത് വകുപ്പ് എഞ്ചിനീയർ ഇക്കാര്യത്തിൽ ഉറപ്പു നൽകിയതായി എം.എൽ.എ പറഞ്ഞു. 20 ലക്ഷമാണ് എസ്റ്റിമേറ്റ്. മഴക്കാലത്ത് വലിയ തോതിൽ വെള്ളം കയറുന്ന ഇവിടെ വാഹനയാത്രയ്ക്കും കാൽനടയാത്രക്കാർക്കും ഏറെ ബുദ്ധിമുട്ട് ഉണ്ടാവുന്നതാണ്. റോഡിൻ്റെ ഓരോ വശങ്ങളിലായാണ് കൾവെർട്ട് പ്രവൃത്തി നടക്കുക. അതിനാൽ ഗതാഗത നിയന്ത്രണം ഏർപ്പെടുത്തേണ്ടി വരുമെന്നും പൊതുമരാമത്ത് വകുപ്പ് അറിയിച്ചതായി എം.എൽ.എ പറഞ്ഞു.

ജെ.ടി റോഡിലെ വെള്ളക്കെട്ടിന് പരിഹാരം; റോഡുപണി ഒരാഴ്ചയ്ക്കകമെന്ന് എം എൽ എ

കണ്ണൂർ: കണ്ണൂർ ജില്ലയുടെ പുതിയ എഡിഎം ആയി കൊല്ലം സ്വദേശി പത്മചന്ദ്ര കുറുപ്പ് ചുമതലയേറ്റു. ഇന്ന് രാവിലെയാണ് പത്മചന്ദ്ര കുറുപ്പ് ചേമ്പറിലെത്തി ചുമതലയേറ്റത്. മുൻപ് നാഷണൽ ഹൈവേ അക്വിസിഷനിൽ ആയിരുന്നു പത്മചന്ദ്ര കുറുപ്പ്.
കാര്യങ്ങളെല്ലാം മനസിലാക്കി വരുന്നതേയുള്ളൂ എന്നും വലിയ പ്രതീക്ഷയോടെയാണ് വന്നതെന്നുമായിരുന്നു പത്മചന്ദ്ര കുറുപ്പിന്റെ ആദ്യ പ്രതികരണം. വിവാദങ്ങളൊന്നും ബാധിക്കില്ലെന്നും ശുഭാപ്തിവിശ്വാസത്തോടെയാണ് വന്നിരിക്കുന്നതെന്നും അദ്ദേഹം ആത്മവിശ്വാസം പ്രകടിപ്പിച്ചു. നവീൻ ബാബുവിനെപ്പറ്റി കേട്ടിട്ടേയുള്ളൂ എന്നും ഒരുമിച്ച് ജോലി ചെയ്തിട്ടില്ലെന്നും പറഞ്ഞ അദ്ദേഹം നവീൻ ബാബുവിന്റെ മരണത്തിൽ കാര്യങ്ങൾ എല്ലാം നിയമപരമായിത്തന്നെയാണ് നീങ്ങുന്നതെന്നും ഇനിയും അങ്ങനെത്തന്നെയാണ് പോകുകയെന്നും കൂട്ടിച്ചേർത്തു.

കണ്ണൂരില്‍ പുതിയ എഡിഎം ചുമതലയേറ്റു

കോട്ടയം: എം.എല്‍.എയായ തന്നെ പൊതുപരിപാടികളില്‍ നിന്ന് ഒഴിവാക്കുന്നുവെന്ന് കാണിച്ച് സ്പീക്കര്‍ക്ക് അവകാശലംഘന പരാതി നല്‍കി പുതുപ്പള്ളി എം.എല്‍.എ. ചാണ്ടി ഉമ്മന്‍.
കഴിഞ്ഞദിവസം പാമ്പാടി ഉപജില്ലാ കലോത്സവത്തിന് എം.എല്‍.എയെ സംഘാടകര്‍ ക്ഷണിച്ചില്ല. മണ്ഡലത്തിലെ മറ്റു പരിപാടികളിലും അവഗണന നേരിട്ടു. സര്‍ക്കാര്‍ പരിപാടികളില്‍ നിന്ന് ബോധപൂര്‍വ്വം തന്നെ ഒഴിവാക്കുന്നതായി ചാണ്ടി ഉമ്മന്‍ അവകാശലംഘന പരാതിയില്‍ ആരോപിച്ചു. മുഖ്യമന്ത്രിക്കും ചാണ്ടി ഉമ്മന്‍ ഇത് സംബന്ധിച്ച് പരാതി നല്‍കിയിട്ടുണ്ട്.

തന്നെ പൊതുപരിപാടികളില്‍ നിന്ന് ഒഴിവാക്കുന്നു;അവകാശലംഘന പരാതി നല്‍കി ചാണ്ടി ഉമ്മന്‍

കൊച്ചി: സംഗീത സംവിധായകന്‍ സുഷിന്‍ ശ്യാം വിവാഹിതനായി. ഉത്തരയാണ് വധു. അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത ചടങ്ങിന് ഫഹദ് ഫാസിലും ഭാര്യ നസ്രിയയും എത്തിയിരുന്നു. നടൻ ജയറാം, കാളിദാസ്, പാർവതി, ശ്യാം പുഷ്കരൻ, ഉണ്ണിമായ, ദീപക് ദേവ് എന്നിവരും വിവാഹത്തിൽ പങ്കെടുത്തു. ചിത്രങ്ങൾ പുറത്തുവന്നതോടെ നിരവധി ആരാധകരാണ് വധൂവരന്മാർക്ക് ആശംസനേർന്നെത്തിയത്. നേരത്തെ, ജയറാമിന്റെ മകൾ മാളവികയുടെ വിവാഹത്തിന് സുഷിൻ തന്റെ പങ്കാളിയെ പരിചയപ്പെടുത്തിയിരുന്നു.
അമൽ നീരദ് സംവിധാനം ചെയ്ത ബോ​ഗയ്ൻവില്ലയാണ് സുഷിൻ അവസാനം സം​ഗീതം ചെയ്ത ചിത്രം. ഈ ചിത്രത്തിന് ശേഷം ചെറിയ ഇടവേള എടുക്കുന്നതായി സുഷിൻ അറിയിച്ചിരുന്നു. 2024-ൽ സുഷിൻ ശ്യാം സം​ഗീതം പകർന്ന മഞ്ഞുമ്മൽ ബോയ്‌സ്, ആവേശം, ഉള്ളൊഴുക്ക് എന്നീ ചിത്രങ്ങൾ മികച്ച പ്രേക്ഷക അഭിപ്രായവും വിജയവും നേടിയിരുന്നു.

സംഗീത സംവിധായകന്‍ സുഷിന്‍ ശ്യാം വിവാഹിതനായി

തിരുവല്ലം: യുവാവിനെ വീട്ടുവളപ്പിലെ കിണറ്റില്‍ വീണ് മരിച്ചനിലയില്‍ കണ്ടെത്തി. തിരുവല്ലം പുഞ്ചക്കരി പേരകം കല്ലുപറമ്പത്ത് വീട്ടില്‍ പരേതനായ കൃഷ്ണന്റെയും രമണിയുടെയും മകന്‍ കെ. രാജേഷ്(43) ആണ് മരിച്ചത്. ചൊവ്വാഴ്ച അര്‍ധരാത്രി ഒന്നോടെയാണ് സംഭവം. രാജേഷിനെ കാണാതായതിനെ തുടര്‍ന്ന് വീട്ടുകാര്‍ നടത്തിയ തിരച്ചിലിലാണ് കിണറ്റില്‍ മൃതദേഹം കണ്ടെത്തിയത്.&nbsp;
തുടര്‍ന്ന് വിഴിഞ്ഞം അഗ്‌നിരക്ഷാസേനയുടെ സഹായത്തോടെ മൃതദേഹം പുറത്തെടുത്തു. പോസ്റ്റുമോര്‍ട്ടത്തിനുശേഷം മൃതദേഹം സംസ്‌കരിച്ചു. രാജേഷ് തിരുവല്ലം കെ.എസ്.ഇ.ബി ഓഫീസിലെ ലൈന്‍മാനായിരുന്നു. സംഭവത്തില്‍ തിരുവല്ലം പോലീസ് കേസെടുത്തിട്ടുണ്ട്. ഭാര്യ: സ്വപ്ന. മക്കള്‍: സ്നേഹ, സഞ്ചന.

യുവാവ് കിണറ്റില്‍ മരിച്ചനിലയില്‍

കരുനാഗപ്പള്ളി: അഞ്ചുവയസ്സുകാരനെയും രണ്ടുമാസംമാത്രം പ്രായമുള്ള കുഞ്ഞിനെയും ഉപേക്ഷിച്ച് സുഹൃത്തിനൊപ്പം പോയ യുവതി പോലീസിന്റെ പിടിയിലായി. തഴവ കടത്തൂര്‍ സ്വദേശിയായ 25-കാരിയാണ് കരുനാഗപ്പള്ളി പോലീസിന്റെ പിടിയിലായത്. പുനലൂര്‍ പിറവന്തൂര്‍ സ്വദേശിയായ സുഹൃത്തിനെയും പോലീസ് കസ്റ്റഡിയിലെടുത്തിട്ടുണ്ട്.
&nbsp;സംഭവത്തെക്കുറിച്ച് പോലീസ് പറയുന്നത്: കഴിഞ്ഞ 13-നാണ് യുവതി കുഞ്ഞുങ്ങളെ ഉപേക്ഷിച്ച് സുഹൃത്തിനൊപ്പം പോയത്. മകളെ കാണാനില്ലെന്നു കാണിച്ച് അമ്മ നല്‍കിയ പരാതിയുടെ അടിസ്ഥാനത്തില്‍ കരുനാഗപ്പള്ളി പോലീസ് കേസെടുത്തു. തുടര്‍ന്നു നടത്തിയ അന്വേഷണത്തിലാണ് യുവതിയെയും സുഹൃത്തിനെയും കണ്ടെത്തി അറസ്റ്റ് ചെയ്തത്.
കുഞ്ഞുങ്ങളെ സംരക്ഷിക്കാന്‍ ബാധ്യസ്ഥയായ യുവതി അവരെ ഉപേക്ഷിച്ചു പോയതിന് ബാലനീതി നിയമപ്രകാരമാണ് കേസെടുത്തത്. കരുനാഗപ്പള്ളി പോലീസ് ഇന്‍സ്‌പെക്ടര്‍ വി.ബിജുവിന്റെ നേതൃത്വത്തില്‍ എസ്.ഐ.മാരായ കുരുവിള, റഹിം, എസ്.സി.പി.ഒ. ഗ്രീഷ്മ എന്നിവരടങ്ങിയ സംഘമാണ് ഇവരെ പിടികൂടിയത്.

രണ്ടുമാസംപ്രായമുള്ള കുഞ്ഞിനെയും അഞ്ചുവയസ്സുള്ള മകനെയും ഉപേക്ഷിച്ച് സുഹൃത്തിനൊപ്പം പോയ യുവതി പിടിയിൽ

മുംബൈ: ബോളിവുഡ് താരം സൽമാൻ ഖാനുനേരെ വീണ്ടും വധഭീഷണി. 'രണ്ടു കോടി പണം തരൂ, അല്ലെങ്കിൽ കൊല്ലപ്പെടും' എന്നാണ് അജ്ഞാത കേന്ദ്രത്തിൽ നിന്നുള്ള ഭീഷണി സന്ദേശം. മുംബൈ ട്രാഫിക് പോലീസ് കേന്ദ്രത്തിലേക്കാണ് ഭീഷണി സന്ദേശം ലഭിച്ചിരിക്കുന്നത്. പോലീസ് അന്വേഷണം ആരംഭിച്ചു.
സൽമാൻ ഖാനും കൊല്ലപ്പെട്ട എന്‍സിപി നേതാവ് ബാബാ സിദ്ദിഖിയുടെ മകനുമെതിരേ നേരത്തെയും വധഭീഷണി ഉണ്ടായിരുന്നു. ഇതുമായി ബന്ധപ്പെട്ട് 20 -കാരനെ കഴിഞ്ഞ ദിവസം പോലീസ് അറസ്റ്റ് ചെയ്തു. ഗുർഫാൻ ഖാൻ എന്നറിയപ്പെടുന്ന മുഹമ്മദ് തയ്യബ് എന്ന യുവാവിനേയാണ് പോലീസ് പിടികൂടിയത്. നേരത്തെ സമാനമായ ഭീഷണി സന്ദേശത്തിൽ 24-കാരനായ പച്ചക്കറി വിൽപ്പനക്കാരനെ പോലീസ് ജംഷഡ്പൂരിൽ നിന്ന് അറസ്റ്റ് ചെയ്തിരുന്നു. 5 കോടി രൂപ ആവശ്യപ്പെട്ടായിരുന്നു അന്ന് ഭീഷണി സന്ദേശം ലഭിച്ചത്.
&nbsp;

'രണ്ടു കോടി പണം തരൂ, അല്ലെങ്കിൽ കൊല്ലപ്പെടും' ;സൽമാൻ ഖാനുനേരെ വീണ്ടും വധഭീഷണി

'രണ്ടു കോടി രൂപ തരൂ, അല്ലെങ്കിൽ കൊല്ലപ്പെടും' ;സൽമാൻ ഖാനുനേരെ വീണ്ടും വധഭീഷണി

ടെലിവിഷൻ താരങ്ങളായ ക്രിസ് വേണുഗോപാലും ദിവ്യ ശ്രീധറും വിവാഹിതരായി. ഗുരുവായൂർ വച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്. നിരവധി സീരിയലുകളിലും സിനിമകളിലും വേഷമിട്ട നടൻ ക്രിസ് വേണുഗോപാൽ ഒരു മോട്ടിവേഷണൽ സ്‌പീക്കർ കൂടിയാണ്. സീരിയലുകളിൽ നെഗറ്റീവും ക്യാരക്ടർ വേഷങ്ങളിലും തിളങ്ങി നിൽക്കുന്ന നടിയാണ് ദിവ്യ ശ്രീധ‌ർ.
'പത്തരമാറ്റ്' എന്ന സീരിയലിൽ ഇരുവരും ഒരുമിച്ച് അഭിനയിച്ചിട്ടുണ്ട്. ദിവ്യയുടെ രണ്ടാം വിവാഹമാണിത്. ആദ്യ വിവാഹത്തിൽ രണ്ട് മക്കളുണ്ട്. ക്രിസിന്റെ കസിൻ വഴി വന്ന ആലോചനയാണ്. തുടർന്ന് മക്കളുമായി ആലോചിച്ച ശേഷം വിവാഹവുമായി മുന്നോട്ടുപോകാൻ ദിവ്യ തീരുമാനിക്കുകയായിരുന്നു.ആദ്യ വിവാഹം പരാജയം ആയിരുന്നുവെന്നും ദിവ്യ ശ്രീധർ പറഞ്ഞു.

സീരിയൽ താരങ്ങളായ ദിവ്യ ശ്രീധറും ക്രിസ് വേണുഗോപാലും വിവാഹിതരായി

വടകര: മണിയൂർ പഞ്ചായത്തിലെ പാലയാട് നടയിൽ 41 വർഷമായി പ്രവർത്തിക്കുന്ന പാലയാട് ദേശീയ വായനശാലയ്ക്ക് കെ. പി കുഞ്ഞമ്മദ് കുട്ടി എം എൽ എ യുടെ വികസന ഫണ്ട് ഉപയോഗിച്ച് നിർമ്മിച്ച പുതിയ കെട്ടിടം ഉദ്ഘാടനത്തിനൊരുങ്ങി. പാലയാട് എൽ പി സ്കൂളിൽ ചേർന്ന സ്വാഗത സംഘം രൂപികരണ യോഗത്തിൽ നൂറിലധികം പേർ പങ്കെടുഞ്ഞു. ഇ നാരായണൻ ചെയർമാനും കെ.കെ. രാജേഷ് ജനറൽ കൺവീനറുമായി വിപുലമായ സ്വാഗത സംഘം രൂപികരിച്ചു. ഉദ്ഘാടനത്തിൻ്റെ ഭാഗമായി പാലയാട് നടയിൽ 'ഗ്രാമോത്സവം 2024' എന്ന പേരിൽ വിവിധ പരിപാടികൾ നടത്താൻ തിരുമാനിച്ചു.&nbsp;
അനുബന്ധ പരിപാടികളായി എ ഐ സാങ്കേതിക വിദ്യയെപ്പറ്റി വിദ്യാർത്ഥികൾക്കും രക്ഷിതാക്കൾക്കുമുള്ള പഠന ക്ലാസ്സ്, സ്ത്രീ സുരക്ഷാ സംവാദം, പ്രതിഭാസംഗമം, മുൻകാല പ്രവർതകരുടെ സംഗമം, നാടറിയുക നാട്ടാരെ അറിയുക - കഴിവുതെളിയിച്ച നാട്ടുകാരുടെ സംഗമം, സാഹിത്യസംഗമം, വനിതാസംഗമം, കലാ സംഗമം എന്നിവയാണ് നടത്തുന്നത്. നാട്ടുകാരുടെ കഥ, കവിത,ലേഖനങ്ങൾ, അനുഭവങ്ങൾ, വര, നാട്ടു ചരിത്രം എന്നിവ ഉൾപ്പെടുത്തി സ്മരണികയും പുറത്തിറക്കുന്നുണ്ട്. ഡിസംബർ 28, 29 തിയ്യതികളിൽ പാലയാട് നടയിൽ വിപുലമായ സ്റ്റേജ് പരിപാടികളം സംഘടിപ്പിക്കും. 28 ന് കലാസന്ധ്യയിൽ നൃത്തനൃത്തങ്ങൾ അരങ്ങേറും. ഡിസംബർ 29 ന് കെ പി കുഞ്ഞമ്മദ് കുട്ടി എം എൽ എ കെട്ടിട ഉദ്ഘാടനം നിർവ്വഹിക്കും. നവരസ മ്യൂസിക് ബാൻഡിൻ്റെ സംഗിത നിശയും ഉണ്ടായിരിക്കും.

പാലയാട് ദേശീയ വായനശാലയ്ക്ക് പുതിയ കെട്ടിടമൊരുങ്ങി; ഡിസംബർ 29 ന് വിവിധ പരിപാടികളോടെ ഉദ്ഘാടനം

പേരാമ്പ്ര: മേപ്പയ്യൂർ ഗ്രാമ പഞ്ചായത്ത് സ്കൂൾ കലോത്സവം കൊഴുക്കല്ലൂർ കെ.ജി.എം.എസ്.യു.പി സ്കൂളിൽ ആരംഭിച്ചു. പഞ്ചായത്ത് വൈസ് പ്രസിഡണ്ട് എൻ.പി. ശോഭ ഉദ്ഘാടനം ചെയ്തു. വാർഡ് മെമ്പർ മിനി അശോകൻ ആദ്ധ്യക്ഷത വഹിച്ചു. സ്റ്റാൻഡിങ് കമറ്റി ചെയർമാൻമാരായ വി. സുനിൽ, ഭാസ്ക്കരൻ കൊഴുക്കല്ലൂർ, പി.ടി.എ. പ്രസിഡണ്ട് എം.ടി. സുരേഷ് , ജനറൽ കൺവീനർ എം. റീജ, എം.പി.ടി.എ ചെയർ പേഴ്സൻ കെ.ജെസ്ല, മാനേജർ രാജേഷ് കാരയാട്ട്, പി.ഇ.സി. കൺവീനർ ജെയിൻ റോസ്, ബി.ആർ സി പ്രതിനിധി അമൃത, സ്റ്റാഫ് സെക്രട്ടരി കെ. റീജ എന്നിവർ സംസാരിച്ചു.

സ്കൂൾ കലോത്സവം തുടങ്ങി

Perambra

പത്തനംതിട്ട: കണ്ണൂര്‍ എ.ഡി.എമ്മായിരുന്ന നവീന്‍ ബാബുവിന്റെ മരണവുമായി ബന്ധപ്പെട്ട കേസില്‍ സി.പി.എം. നേതാവ് പി.പി. ദിവ്യയ്‌ക്കൊപ്പം പ്രശാന്തനേയും പ്രതി ചേര്‍ക്കണമെന്ന് ബന്ധുക്കള്‍. പെട്രോള്‍ പമ്പിന് എന്‍.ഒ.സി. നല്‍കാന്‍ നവീന്‍ ബാബുവിന് കൈക്കൂലി നല്‍കിയെന്ന ആരോപണം ഉന്നയിച്ച ആളാണ് പ്രശാന്തന്‍. എ.ഡി.എമ്മിനെതിരെ ഇയാള്‍ മുഖ്യമന്ത്രിക്ക് നല്‍കിയെന്ന അവകാശപ്പെടുന്ന പരാതിയും പുറത്തുവന്നിരുന്നു. എന്നാല്‍ ഇത്തരമൊരു പരാതി മുഖ്യമന്ത്രിയുടെ ഓഫീസിന് ലഭിച്ചിട്ടില്ലെന്നാണ് പിന്നീട് വ്യക്തമായത്.
പ്രശാന്തനെ പ്രതിയാക്കണമെന്നാണ് കുടുംബത്തിന്റെ ആവശ്യമെന്ന് നവീന്‍ ബാബുവിന്റെ ബന്ധു ഹരീഷ് കുമാര്‍ പറഞ്ഞു. പി.പി. ദിവ്യയും പ്രശാന്തനും ഗൂഢാലോചന നടത്തിയെന്നാണ് സംശയിക്കുന്നത്. കുടുംബം നല്‍കിയ പരാതിയില്‍ പ്രശാന്തന്റെ പേരും ഉണ്ടായിരുന്നു. എന്നാല്‍ നിലവില്‍ പോലീസ് സമര്‍പ്പിച്ച റിപ്പോര്‍ട്ടില്‍ പ്രശാന്തന്റെ പേരില്ല എന്നും അദ്ദേഹം പറഞ്ഞു.

പി.പി. ദിവ്യയ്‌ക്കൊപ്പം പ്രശാന്തനേയും പ്രതി ചേര്‍ക്കണമെന്ന് ബന്ധുക്കള്‍

പി.പി. ദിവ്യയ്‌ക്കൊപ്പം പ്രശാന്തനേയും പ്രതി ചേര്‍ക്കണമെന്ന് നവീന്‍ ബാബുവിന്റെ ബന്ധുക്കള്‍

കൊച്ചി: സ്വകാര്യ ബസും ടോറസ് ലോറിയും കൂട്ടിയിടിച്ചുണ്ടായ അപകടത്തിൽ ഗുരുതരമായി പരിക്കേറ്റ യാത്രക്കാരിക്ക് ദാരുണാന്ത്യം. കാക്കനാട് സീപോർട്ട് റോഡിലാണ് ഇന്ന് രാവിലെ അപകടം ഉണ്ടായത്. അപകടത്തിൽ സ്‌കൂൾ വിദ്യാർത്ഥികളടക്കം നിരവധി യാത്രക്കാർക്ക് പരിക്കേറ്റിട്ടുണ്ട്. ഇവരെ കാക്കനാട്ടെ സ്വകാര്യ ആശുപത്രികളിൽ പ്രവേശിപ്പിച്ചു. പുക്കാട്ടുപടിയിൽ നിന്ന് എറണാകുളത്തേക്ക് പോകുകയായിരുന്ന ബസാണ് അപകടത്തിൽപ്പെട്ടത്.
സീപോർട്ട് റോഡിലെ വള്ളത്തോൾ ജംഗ്‌ഷനിലെത്തി ഇടപ്പള്ളി ഭാഗത്തേക്ക് തിരിയുന്നതിനിടയിൽ എതിർ ഭാഗത്ത് നിന്ന് വന്ന ടോറസ് ലോറി ഇടിക്കുകയായിരുന്നു. ബസിലേക്ക് ഇടിച്ച ടോറസിന് പുറകിൽ മറ്റൊരു ടോറസ് ലോറിയും വന്ന് ഇടിച്ചു. ബസ് ഡ്രെെവറുടെ അശ്രദ്ധയാണ് അപകടത്തിന് കാരണമെന്നാണ് യാത്രക്കാർ പറയുന്നത്.&nbsp;

കൊച്ചിയില്‍ ലോറിയും സ്വകാര്യ ബസും കൂട്ടിയിടിച്ച് അപകടം;യാത്രക്കാരി മരിച്ചു

എത്ര വൃത്തിയാക്കിയാലും വീടിനകത്ത് പിന്നെയും ദുര്‍ഗന്ധം വരുന്ന പ്രയാസകരമായ അവസ്ഥ തന്നെയാണ്. ഡ്രൈനേജിന്‍റെ പ്രശ്നം മുതല്‍ പല കാരണങ്ങളുമാകാം ഈ ദുര്‍ഗന്ധത്തിന് പിന്നില്‍. ദിവസവും പാചകം ചെയ്യുമ്പോള്‍ പലവിധത്തിലുള്ള വിഭവങ്ങളുടെയും ഭക്ഷണസാധനങ്ങളുടെയും ഗന്ധം അടുക്കളയില്‍ തങ്ങി നില്‍ക്കാം. ഇതും സമയം കടക്കും തോറും ദുര്‍ഗന്ധമായി പരിണമിക്കാം. അടുക്കളയില്‍ ഇത്തരത്തില്‍ ദുര്‍ഗന്ധമനുഭവപ്പെടുന്നത് അസ്വസ്ഥതയുണ്ടാക്കുന്ന അവസ്ഥ തന്നെയാണ്.
&nbsp;അടുക്കളയിലെ ദുര്‍ഗന്ധം പരിഹരിക്കാൻ സഹായകമായിട്ടുള്ള നാല് പൊടിക്കൈകള്‍ ആണിനി പങ്കുവയ്ക്കുന്നത്.&nbsp;
<ul>
<li>അടുക്കളയില്‍ എവിടെയെങ്കില്‍ കര്‍പ്പൂരം കത്തിച്ചുവയ്ക്കാം. കര്‍പ്പൂരം ദുര്‍ഗന്ധമകറ്റാൻ വളരെ ഫലപ്രദമായൊരു ഉപാധിയാണ്. പരമ്പരാഗതമായിത്തന്നെ കര്‍പ്പൂരം ഇത്തരത്തില്‍ ഉപയോഗിച്ചുവരുന്നതാണ്. അടുക്കളയില്‍ മാത്രമല്ല, വീടിനകത്തെയാകെ സുഗന്ധപൂരിതമാക്കാൻ കര്‍പ്പൂരം സഹായിക്കുന്നു.</li>
<li>കുറച്ച് വെള്ളത്തില്‍ അല്‍പം ചെറുനാരങ്ങാനീരോ വിനാഗിരിയോ ചേര്‍ത്ത് അത് തിളപ്പിക്കുന്നതും നല്ലതാണ്. ഇത് അടുക്കളയിലാകെ അസിഡിക് ആയ ഗന്ധം പരത്തും. ഇതോടെ ദുര്‍ഗന്ധം ബാലൻസ്ഡ് ആയി പോകും.&nbsp;</li>
<li>അടുക്കളയില്‍ നമ്മള്‍ നിത്യവും ഉപയോഗിക്കുന്ന സ്പൈസുകളെ വച്ചും ഈ ദുര്‍ഗന്ധമകറ്റാവുന്നതാണ്. എങ്ങനെയെന്നാല്‍ ഒരു സോസ്പാനില്‍ അല്‍പം വെള്ളമെടുത്ത് ഇതിലേക്ക് അല്‍പം കറുവപ്പട്ടയും ഗ്രാമ്പൂവും ഇട്ട് നന്നായി തിളപ്പിക്കണം. വെള്ളം തിളച്ചുവരുമ്പോള്‍ തന്നെ നല്ലൊരു ഗന്ധം അടുക്കളയിലാകെ പരക്കും.&nbsp;</li>
<li>അടുക്കയലെ ദുര്‍ഗന്ധമകറ്റാൻ പതിവായി ശ്രദ്ധിക്കേണ്ടൊരു കാര്യമുണ്ട്. അടുക്കളയിലേക്ക് നല്ലതുപോലെ സൂര്യപ്രകാശമെത്താൻ ശ്രദ്ധിക്കണം. 'നാച്വറല്‍' ആയ വെളിച്ചവും ചൂടും എത്തിയില്ലെങ്കിലും അടുക്കളയില്‍ ദുര്‍ഗന്ധമനുഭവപ്പെടാം.</li>
</ul>

അടുക്കളയിലെ ദുര്‍ഗന്ധം അകറ്റാൻ ഈ മാർഗങ്ങൾ

പനമരം: പരക്കുനിയിൽ രണ്ടര വയസ്സുകാരൻ കനാലിൽ വീണു മരിച്ചു. മഞ്ചേരി ഷംനാജ് – ഷബാന ദമ്പതികളുടെ മകൻ മുഹമ്മദ് ഹയാൻ ആണ് മരിച്ചത്. വീടിനു സമീപത്ത് കളിക്കവേ അബദ്ധത്തിൽ കാനാലിൽ വീഴുകയായിരുന്നു.&nbsp;
ഒഴുക്കിൽപ്പെട്ട ഹയാനെ വീടിനു സമീപത്ത് നിന്നും അൻപത് മീറ്ററോളം ദൂരെ നിന്നാണ് കണ്ടെത്തിയത്. ഉടൻ തന്നെ വീട്ടുകാരും പ്രദേശവാസികളും ചേർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

കളിക്കുന്നതിനിടെ രണ്ടര വയസ്സുകാരൻ കനാലിൽ വീണു മരിച്ചു

എടക്കര : ഉപ്പട ആനക്കല്ല് ഭാഗത്ത് ഭൂമിക്കടയിൽനിന്നു സ്ഫോടന ശബ്ദം കേട്ടതായി നാട്ടുകാർ. ആനക്കല്ല് നഗറിലെ 2 വീടുകൾക്കും മുറ്റത്തും വിള്ളലുണ്ടായി. ആനക്കല്ല് നഗറിലുള്ളവരെ പോത്തുകല്ല് ഞെട്ടിക്കുളം എയുപി സ്കൂളിലേക്ക് മാറ്റി. തരിപ്പനുഭവപ്പെട്ടതോടെ വീട്ടുകാർ പലരും പുറത്തേക്കിറങ്ങിയോടി. ഇന്നലെ രാത്രി ഒൻപതരയോടെയാണ് സംഭവം.
പോത്തുകല്ല് വില്ലേജ് ഓഫിസർ കെ.പി.വിനോദ്, പഞ്ചായത്ത് സെക്രട്ടറി എ.ഷക്കീല, പഞ്ചായത്ത് അംഗങ്ങളായ നാസർ സ്രാമ്പിക്കൽ, സലൂബ് ജലീൽ, ഓമന നാലോടി, മുസ്തഫ പാക്കട എന്നിവരും പൊലീസും സ്ഥലത്തെത്തി. ഇവർ വീട്ടുകാരുമായി വിവരങ്ങൾ അന്വേഷിക്കുന്നതിനിടെ 10.45നും തരിപ്പ് അനുഭവപെട്ടതായി പറയുന്നു.&nbsp;

പോത്തുകല്ലിൽ ഭൂമിക്കടിയിൽ നിന്ന് സ്ഫോടന ശബ്ദം; നാട്ടുകാരെ പ്രദേശത്തു നിന്ന് ഒഴിപ്പിച്ചു

കണ്ണൂര്‍: എഡിഎം നവീൻ ബാബുവിന്‍റെ മരണത്തിൽ റിമാൻഡിലുള്ള കണ്ണൂർ മുൻ ജില്ലാ പഞ്ചായത്ത് പ്രസിഡന്‍റ് പി.പി ദിവ്യ ഇന്ന് കോടതിയിൽ ജാമ്യഹർജി സമർപ്പിക്കും. ഹർജിയിൽ നവീൻ ബാബുവിന്‍റെ ഭാര്യ മഞ്ജുഷ കക്ഷി ചേരും. പ്രത്യേക അന്വേഷണ സംഘം ഇന്ന് യോഗം ചേരും.
തലശ്ശേരി പ്രിൻസിപ്പൽ സെഷൻസ് കോടതി മുൻകൂർ ജാമ്യ ഹർജി തള്ളിയതിന് പിന്നാലെയാണ് ദിവ്യ കഴിഞ്ഞ ദിവസം അന്വേഷണ സംഘത്തിന് മുന്നിൽ കീഴടങ്ങിയത്. നവീൻ ബാബുവിന്‍റെ ആത്മഹത്യയിലേക്ക് നയിച്ചത് വ്യക്തിഹത്യയെന്ന പ്രോസിക്യൂഷന്‍റെയും കുടുംബത്തിന്‍റെയും വാദം അംഗീകരിച്ച കോടതി ദിവ്യക്ക് മുൻകൂർ ജാമ്യം നിഷേധിച്ചത്.14 ദിവസത്തേക്ക് റിമാൻഡ് ചെയ്യപ്പെട്ട ദിവ്യ പള്ളിക്കുന്നിലെ വനിതാ ജയിലിലാണ്.&nbsp;

പി.പി ദിവ്യയുടെ ജാമ്യഹർജി ഇന്ന് കോടതിയിൽ; നവീൻ ബാബുവിന്‍റെ ഭാര്യ മഞ്ജുഷ കക്ഷി ചേരും

കോലഞ്ചേരി (കൊച്ചി): മൂന്നുമാസം മുൻപ് സ്ത്രീശക്തി ലോട്ടറിയുടെ ഒന്നാം സമ്മാനജേതാവായിരുന്നയാൾ വാഹനാപകടത്തെ തുടർന്ന് ചികിത്സയിലിരിക്കെ മരിച്ചു. കടയിരുപ്പ് ഏഴിപ്രം മനയത്ത് വീട്ടിൽ എം.സി. യാക്കോബ് (കുഞ്ഞുഞ്ഞ്-75) ആണ് മരിച്ചത്.
കോലഞ്ചേരി പെരുമ്പാവൂർ റോഡിൽ ഇരുചക്രവാഹനങ്ങൾ തമ്മിൽ കൂട്ടിമുട്ടി അപകടത്തിൽപ്പെട്ട് ചികിത്സയിലായിരുന്നു ഇയാൾ.മൂശാരിപ്പടിയിലാണ് തിങ്കളാഴ്ച വൈകീട്ട് അപകടമുണ്ടായത്. വൈകീട്ട് ആറോടെ മൂശാരിപ്പടി ഭാഗത്തുനിന്നും വരുകയായിരുന്ന യാക്കോബ്, കടയിലേക്ക് തിരിയുന്നതിനിടെ എതിരേ വന്ന ബൈക്കുമായി കൂട്ടിയിടിച്ചായിരുന്നു അപകടം. അപകടത്തിൽ ഗുരുതരമായി പരിക്കേറ്റ യാക്കോബിനെ കോലഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ചൊവ്വാഴ്ച വൈകീട്ട് മരിച്ചു. പുതുപ്പനത്ത് യൂസ്ഡ് കാർ ഷോറൂമിലെ ജീവനക്കാരനായിരുന്നു. എഴുപത്തിയഞ്ച് ലക്ഷം രൂപയായ സമ്മാനത്തുക മൂന്നാഴ്ച മുൻപാണ് യാക്കോബ് കൈപ്പറ്റിയത്. ഭാര്യ: മേരി. മക്കൾ: ജിബു, ജിലു.

ലോട്ടറി സമ്മാനജേതാവ് വാഹനാപകടത്തിൽ മരിച്ചു

കൊച്ചി: തല്ലുമാല, ഉണ്ട സിനിമകളിലൂടെ ശ്രദ്ധേയനായ ഫിലിം എഡിറ്റർ നിഷാദ് യൂസഫ്(43) അന്തരിച്ചു. ബുധനാഴ്ച പുലർച്ചെ രണ്ടോടെ പനമ്പള്ളിയിലെ ഫ്ലാറ്റിൽ മരിച്ച നിലയിൽ കണ്ടെത്തുകയായിരുന്നു. തല്ലുമാല, ഉണ്ട, ഓപ്പറേഷൻ ജാവ, സൗദി വെള്ളക്ക എന്നവയാണ് പുറത്തിറങ്ങിയ പ്രധാന ചിത്രങ്ങള്‍. 2022-ൽ തല്ലുമാലയുടെ എഡിറ്റിങിന് മികച്ച എഡിറ്റർക്കുള്ള സംസ്ഥാന അവാർഡ് ലഭിച്ചിരുന്നു.
സൂര്യയെ നായകനാക്കി സംവിധായകൻ ശിവ ഒരുക്കിയ ബി​ഗ് ബജറ്റ് ചിത്രം കങ്കുവയുടെ എഡിറ്ററാണ്. നവംബർ 14-ന് ചിത്രം റീലിസ് ചെയ്യാനിരിക്കെയാണ് നിഷാദിന്റെ മരണം. ചിത്രീകരണം പുരോ​ഗമിച്ചുകൊണ്ടിരിക്കുന്ന തരുൺ മൂർത്തി-മോഹൻലാൽ ചിത്രം, മമ്മൂട്ടിയുടെ ബസൂക്ക എന്നിവയും വരാനിരിക്കുന്ന ചിത്രങ്ങളാണ്.&nbsp;

ഫിലിം എഡിറ്റർ നിഷാദ് യൂസഫ് മരിച്ച നിലയില്‍

വടകര : കാഫിർ വ്യാജ സ്ക്രീൻഷോട്ട് പ്രചരിപ്പിച്ചവർക്കെതിരെ കേസ് എടുക്കാത്തതിനെ ചോദ്യം ചെയ്ത് കോടതി. വ്യാജ സ്ക്രീൻഷോട്ട് പ്രചരിപ്പിച്ച് മതസ്പർദ്ധ ഉണ്ടാക്കിയ അമ്പാടിമുക്ക് സഖാക്കൾ ഫേസ്ബുക്ക് ഗ്രൂപ്പിന്റെ അഡ്മിൻ മനീഷ്, റെഡ് ബറ്റാലിയൻ വാട്സ്ആപ്പ്‌ ഗ്രൂപ്പിൽ പോസ്റ്റ് ചെയ്ത അമൽ റാം, റെഡ് എൻകൗണ്ടർ ഗ്രൂപ്പിൽ പോസ്റ്റ് ചെയ്ത റിബേഷ്, പോരാളി ഷാജി ഫേസ്ബുക്ക് പേജിന്റെ അഡ്മിൻ വഹാബ് എന്നിവരെ കേസിൽ പ്രതി ചേർക്കാത്തത് എന്തുകൊണ്ടാണെന്ന് വടകര ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി പ്രോസിക്യൂഷനോട് ആരാഞ്ഞു.
കാഫിർ സ്ക്രീൻഷോട്ട് സാമൂഹ്യമാധ്യമങ്ങളിൽ പോസ്റ്റ് ചെയ്തതും പ്രചരിപ്പിച്ചതും ഇവരെല്ലാം സമ്മതിച്ചിട്ടുണ്ടെന്ന് പോലീസ് റിപ്പോർട്ട് ചെയ്തിട്ടുണ്ട്. പോരാളി ഷാജി ഗ്രൂപ്പിൽ നിന്നും സ്ക്രീൻഷോട്ട് നീക്കം ചെയ്യാത്തതിന് ഫേസ്ബുക്ക് അധികൃതരെ പ്രതി ചേർത്തു. സ്ക്രീൻഷോട്ട് എവിടെ നിന്ന് കിട്ടിയെന്ന ചോദ്യത്തിന് റിബേഷ് മറുപടി പറഞ്ഞിട്ടില്ലെന്നും പോലീസ് റിപ്പോർട്ടിൽ പറയുന്നു. എന്നിട്ടും ഇവരെ ആരേയും കേസിൽ പ്രതി ചേർക്കാൻ പോലീസ് തയ്യാറായിട്ടില്ലെന്ന് വ്യാജ സ്ക്രീൻഷോട്ട് കേസിലെ ഇരയായ മുഹമ്മദ് കാസിമിന് വേണ്ടി ഹാജരായ അഭിഭാഷകന്‍ മുഹമ്മദ് ഷാ കോടതിയെ ധരിപ്പിച്ചു.
ഇരയായ കാസിമിനെ തെറ്റായി പ്രതി ചേർത്ത പോലീസ് മറ്റുള്ളവരെ പ്രതിയാക്കാത്തതിൽ ദുരൂഹതയുണ്ട്. തനിക്ക് ആരാണ് ഈ പോസ്റ്റ് അയച്ചുതന്നത് എന്ന് വെളിപ്പെടുത്താൻ തയ്യാറാകാത്ത റിബേഷിനെ അറസ്റ്റ് ചെയ്ത് ചോദ്യം ചെയ്യേണം. അങ്ങനെ ചെയ്യാത്ത പോലീസ് ശരിയായ അന്വേഷണം നടത്തുന്നുണ്ടെന്ന് പറയാൻ സാധിക്കില്ലെന്നും അഭിഭാഷകന്‍ വാദിച്ചു. കേസ് ഡയറി വെള്ളിയാഴ്ച പോലീസ് കോടതിയിൽ ഹാജരാക്കി. ഹൈക്കോടതി ഉത്തരവിന് ശേഷം പോലീസ് ആകെ ചെയ്തത് ഫേസ്ബുക്കിന്റെ രേഖകൾ ഹാജരാക്കുന്നതിനായി കോടതിയിൽ ഒരു അപേക്ഷ കൊടുക്കുകയും ഫോറൻസിക് പരിശോധന റിപ്പോർട്ട് ലഭിക്കുന്നതിനായി ഒരു കത്ത് കൊടുക്കുകയും മാത്രമായിരുന്നുവെന്നും അഭിഭാഷകൻ പറഞ്ഞു.
മൂന്ന് ആഴ്ചക്കകം ഫോറൻസിക് റിപ്പോർട്ട് ലഭ്യമാക്കണമെന്ന് നിർദേശിക്കുന്ന ഹൈക്കോടതിയുടെ മുൻ ഉത്തരവുകൾ ഉണ്ടായിട്ടും റിപ്പോർട്ട് വൈകിപ്പിക്കുന്ന തരത്തിലുള്ള നടപടിയാണ് പോലീസ് സ്വീകരിച്ചുവരുന്നത്. സാമുദായിക സൗഹാർദ്ദം തകർക്കുന്ന തരത്തിലുള്ള വ്യാജ സ്ക്രീൻഷോട്ടുകൾ നിർമ്മിച്ച ആൾ ഈ സമൂഹത്തിൽ ഉണ്ടെന്നും അയാളെ കണ്ടെത്തൽ പൊതുസമൂഹത്തിന്റെ ആവശ്യമാണെന്നും അല്ലെങ്കിൽ മതസ്പർദ്ധ വളർത്തുന്ന പ്രവർത്തനങ്ങൾ പ്രതി തുടരുമെന്നും അഭിഭാഷകന്‍ കോടതിയെ അറിയിച്ചു. ഈ സാഹചര്യത്തിലാണ് വ്യാജ സ്ക്രീൻഷോട്ട് പ്രചരിപ്പിച്ചവരെ പ്രതി ചേർക്കാത്തത് എന്ത് കൊണ്ടാണെന്ന് കോടതി പ്രോസിക്യൂഷനോട് ആരാഞ്ഞത്. തുടർ റിപ്പോർട്ടിനായി കേസ് ഡിസംബർ 20ലേക്ക് മാറ്റി.

കാഫിർ കേസ് :വ്യാജ സ്ക്രീൻഷോട്ട് പ്രചരിപ്പിച്ചവർക്കെതിരെ കേസ് എടുക്കാത്തത് ചോദ്യം ചെയ്ത് കോടതി

കോഴിക്കോട്: എട്ടു വയസ്സുകാരിയെ ലൈംഗികമായി ഉപദ്രവിച്ച പ്രതിക്ക് 5 വർഷം കഠിന തടവും നാൽപതിനായിരം രൂപ പിഴയും. അത്തോളി മൊടക്കല്ലൂർ, വെണ്മണിയിൽ വീട്ടിൽ ലിനീഷ് (43) ന് ആണ് കൊയിലാണ്ടി ഫാസ്റ്റ് ട്രാക്ക് സ്‌പെഷ്യൽ കോടതി ജഡ്ജ് നൗഷാദലി കെ. പോക്സോ നിയമ പ്രകാരം ശിക്ഷ വിധിച്ചത്.
2021 ൽ ആണ് സംഭവം. പെൺകുട്ടിയുടെ വീട്ടിൽ വച്ചു പ്രതി ലൈംഗികമായി ഉപദ്രവിക്കുകയായിരുന്നു. പിന്നീട് പെൺകുട്ടി ഒരു ബന്ധുവിനോട് വിവരം പറയുകയും അവർ കുട്ടിയുടെ അമ്മയെ വിവരം അറിയിക്കുകയും അവർ പോലീസിൽ പരാതിപ്പെടുകയുമായിരുന്നു.

അത്തോളിയിൽ എട്ടു വയസ്സുകാരിയെ ലൈംഗികമായി പീഡിപ്പിച്ച കേസിൽ 5 വർഷം കഠിന തടവ്

Kozhikode

വ​ട​ക​ര: യു​വ​തി​യു​ടെ ഫോ​ട്ടോ ഉ​പ​യോ​ഗി​ച്ച് ഇ​ൻ​സ്റ്റ​ഗ്രാ​മി​ൽ വ്യാ​ജ അ​ക്കൗ​ണ്ട് നി​ർ​മി​ച്ച് ശ​ല്യം​ചെ​യ്ത യു​വാ​വ് അ​റ​സ്റ്റി​ൽ. വ​ട​ക​ര കോ​ട്ട​ക്ക​ട​വ് കു​തി​ര​പ​ന്തി​യി​ൽ അ​ജി​നാ​സി​നെ​യാ​ണ് കോ​ഴി​ക്കോ​ട് റൂ​റ​ൽ സൈ​ബ​ർ പൊ​ലീ​സ് ഇ​ൻ​സ്പെ​ക്ട​ർ എ​ച്ച്. ഷാ​ജ​ഹാ​ൻ അ​റ​സ്റ്റ് ചെ​യ്ത​ത്. ഓ​ർ​ക്കാ​ട്ടേ​രി സ്വ​ദേ​ശി​നി​യാ​യ യു​വ​തി​യു​ടെ പ​രാ​തി​യി​ലാ​ണ് യു​വാ​വി​നെ​തി​രെ കേ​സെ​ടു​ത്ത​ത്.
ബ​ഹ്റൈ​നി​ലേ​ക്ക് ക​ട​ന്ന അ​ജി​നാ​സി​നെ​തി​രെ ലു​ക്കൗ​ട്ട് നോ​ട്ടീ​സ് പു​റ​പ്പെ​ടു​വി​ച്ചി​രു​ന്നു. നാ​ട്ടി​ലേ​ക്ക് തി​രി​ച്ചു​വ​രു​മ്പോ​ൾ വ്യാ​ഴാ​ഴ്ച പു​ല​ർ​ച്ചെ ക​രി​പ്പൂ​ർ വി​മാ​ന​ത്താ​വ​ള​ത്തി​ൽ ത​ട​ഞ്ഞു​വെ​ക്കു​ക​യാ​യി​രു​ന്നു. സൈ​ബ​ർ പൊ​ലീ​സ് ക​സ്റ്റ​ഡി​യി​ലെ​ടു​ത്ത പ്ര​തി​യു​ടെ അ​റ​സ്റ്റ് രേ​ഖ​പ്പെ​ടു​ത്തി. 2023 ന​വം​ബ​ർ മു​ത​ൽ സ​മൂ​ഹ മാ​ധ്യ​മം വ​ഴി പ്ര​തി യു​വ​തി​യെ അ​പ​മാ​നി​ക്കു​ക​യാ​യി​രു​ന്നു. എ​സ്.​ഐ ഷൈ​ജു, സീ​നി​യ സി​വി​ൽ പൊ​ലീ​സ് ഓ​ഫി​സ​ർ രൂ​പേ​ഷ്, സ​നൂ​പ്, വി​പി​ൻ എ​ന്നി​വ​രും അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്നു.

സമൂഹ മാധ്യമത്തിൽ വ്യാ​ജ അ​ക്കൗ​ണ്ട് നി​ർ​മി​ച്ച് ​യുവതിയെ അപമാനിക്കൽ; വടകര സ്വദേശി അറസ്റ്റിൽ

തിരുവനന്തപുരം: ആറാം ക്ലാസ് വിദ്യാർഥികുഴഞ്ഞുവീണ് മരിച്ചു.ജമാഅത്തെ ഇസ്​ലാമി തിരുവനന്തപുരം ജില്ല ജനറൽ സെക്രട്ടറിയും ‘മാധ്യമം’ ജീവനക്കാരനുമായ സക്കീർ നേമത്തിന്‍റെ മകൻ നേമം വെള്ളയാണി ജങ്ഷന് സമീപം കിണറ്റുവിളാകം വീട്ടിൽ സാമിർ (12) ആണ് മരിച്ചത്..
വ്യാഴാഴ്ച രാത്രിയോടെ വീട്ടിൽ കുഴഞ്ഞുവീഴുകയായിരുന്നു. ആശുപത്രിയിലെത്തിച്ചെങ്കിലും രക്ഷിക്കാനായില്ല. നേമം യു.പി സ്കൂളിലെ ആറാം ക്ലാസ് വിദ്യാർഥിയാണ്. മതാവ്: ബാസിമ. സഹോദരി: അംന.

ആറാം ക്ലാസ് വിദ്യാർഥികുഴഞ്ഞുവീണ് മരിച്ചു

നാദാപുരം : ഓട്ടോ ഡ്രൈവർ എം ഡി എം എ യുമായി പോലീസ് പിടിയിൽ. ചേലക്കാട് സ്വദേശി മണ്ടോടി താഴെ കുനി പി.പി. റംഷിദ് ( 27 ) നെയാണ് നാദാപുരം എസ് ഐ അനീഷ് വടക്കേടത്ത് അറസ്റ്റ് ചെയ്തത്. പ്രതിയിൽ നിന്ന് പോയൻ്റ് 84 ഗ്രാം എം ഡി എം എ പോലീസ് പിടികൂടി. ചൊവ്വാഴ്ച്ച രാത്രി 10 മണിയോടെ ചേലക്കാട് ടൗണിൽ വാഹന പരിശോധനക്കിടെ കക്കട്ട് ടൗൺ കേന്ദ്രീകരിച്ച് സർവീസ് നടത്തുന്ന കെ എൽ 18 എഡി 5413 നമ്പർ ഓട്ടോയിൽ നടത്തിയ പരിശോധനയിലാണ് റംഷിദ് പിടിയിലായത്. ഓട്ടോ പോലീസ് കസ്റ്റഡിയിലെടുത്തു. രാത്രി കാലങ്ങളിൽ നാദാപുരം , കല്ലാച്ചി ടൗണുകൾ കേന്ദ്രീകരിച്ച് എം ഡി എം എ വിൽപ്പന നടത്തുന്ന സംഘത്തിലെ പ്രധാന കണ്ണിയാണ് പ്രതിയെന്ന് പോലീസ് പറഞ്ഞു.

ഓട്ടോയിൽ കറങ്ങി എം ഡി എം എ വിൽപ്പന; ചേലക്കാട് സ്വദേശി ഡ്രൈവർ അറസ്റ്റിൽ

നാദാപുരം: കാറിന് സൈഡ് നൽകിയില്ലെന്നാരോപിച്ച് ഓടി കൊണ്ടിരുന്ന സ്വകാര്യ ബസ് തടഞ്ഞ് നിർത്തി ജീവനക്കാരെ മർദിച്ചു. തണ്ണീർ പന്തൽ - വടകര റൂട്ടിലോടുന്ന സ്വകാര്യ ബസ് ജീവനക്കാരായ അരൂർ സ്വദേശി ഡ്രൈവർ ഹരികൃഷ്ണൻ (24), വള്ളിയാട് സ്വദേശിയായ കണ്ടക്ടർ മിഥുൻ (37) എന്നിവർക്കാണ് മർദ്ദനമേറ്റത്. കണ്ണിന് സാരമായി പരിക്കേറ്റ മിഥുനെ വടകരയിലെ സ്വകാര്യ ആശുപത്രിയിൽ പ്രവേശിപ്പിച്ചു.
കടമേരിയിൽ നിന്ന് വടകര ഭാഗത്തേക്ക് പോവുകയായിരുന്ന സ്വകാര്യ ബസ് റോഡിൽ നിർത്തി ഭക്ഷണ സാധനം വാങ്ങുന്നതിനിടെ സൈഡ് കൊടുത്തില്ലെന്ന് ആരോപിച്ചാണ് അക്രമം. തണ്ണീർ പന്തലിന് സമീപം സി സി മുക്കിൽ ബസ്സ് തടഞ്ഞ് നിർത്തി കാറിലെത്തിയവർ അസംഭ്യം വിളിക്കുകയും പട്ടിക വടികൾ ഉൾപ്പെടെ ഉപയോഗിച്ച് മർദിക്കുകയുമായിരുന്നു എന്ന് ബസ് ജീവനക്കാർ പറഞ്ഞു. അക്രമത്തിൻ്റെ മൊബൈൽ ക്യാമറ ദൃശ്യങ്ങൾ പുറത്ത് വന്നിട്ടുണ്ട്. സംഭവത്തിൽ നാദാപുരം പോലീസ് കേസെടുത്ത് അന്വേഷണം ആരംഭിച്ചു.

കാറിന് സൈഡ് നൽകിയില്ല; തണ്ണീർ പന്തലിൽ ബസ്സ് തടഞ്ഞ് നിർത്തി ജീവനക്കാർക്ക് മർദ്ദനം

വടകര : പ്രൊമോഷൻ വീഡിയോ ചിത്രീകരണത്തിനിടെ ആൽവിനെ ഇടിച്ചുതെറിപ്പിച്ച ആഡംബരക്കാറിന് ഇൻഷുറൻസില്ലെന്ന് മോട്ടോർവാഹനവകുപ്പ് കണ്ടെത്തി. കോഴിക്കോട് ആർ.ടി.ഒ. പി.എ. നസീറിന്റെ നേതൃത്വത്തിലുള്ള സംഘമാണ് വാഹനങ്ങൾ പരിശോധിച്ചത്. തെലങ്കാന രജിസ്ട്രേഷനുള്ള വാഹനം അവിടെനിന്ന് കൊണ്ടുവന്നെങ്കിലും ഇൻഷുറൻസ് മറ്റൊരാളുടെ പേരിലായതിനാൽ നിയമസാധുതയില്ല.
ഇതിനാലാണ് ആൽവിനെ ഇടിച്ചത് മറ്റൊരുകാറാണെന്ന മൊഴിനൽകിയത്. ആൽവിൻ ചിത്രീകരണത്തിനുപയോഗിച്ച മൊബൈലിലെ ദൃശ്യമായിരുന്നു മുഖ്യതെളിവ്. അപകടദിവസം ഹാജരാക്കാതിരുന്ന ഫോൺ പ്രതിയുടെ ബന്ധു ബുധനാഴ്ച രാവിലെ ഹാജരാക്കി.കാറിടിച്ച് പന്ത്രണ്ടടിയിലേറെ ഉയരത്തിലേക്ക് തെറിച്ച് റോഡിലേക്കുവീണ ആൽവിന്റെ മരണത്തിനിടയാക്കിയത് വാരിയെല്ലിനും നട്ടെല്ലിനുമേറ്റ പരിക്കുകളെന്ന് പോസ്റ്റ്മോർട്ടം റിപ്പോർട്ട്. ഒപ്പം, തലച്ചോർ കലങ്ങിയനിലയിലായിരുന്നെന്നും റിപ്പോർട്ടിലുണ്ടെന്ന് വെള്ളയിൽ സി.ഐ. ബൈജു കെ. ജോസ് അറിയിച്ചു.

ആൽവിനെ ഇടിച്ചുതെറിപ്പിച്ച ആഡംബരക്കാറിന് ഇൻഷുറൻസില്ല

വടകര: പ്രമോഷന്‍ വീഡിയോ ചിത്രീകരിക്കുന്നതിനിടെ ഉണ്ടായ അപകടത്തില്‍ യുവാവ് മരിച്ച സംഭവത്തില്‍ വാഹനമോടിച്ച സാബിത്തിന്റെ അറസ്റ്റ് രേഖപ്പെടുത്തി. അശ്രദ്ധമായി വാഹനമോടിച്ചു, ഇന്‍ഷുറന്‍സ് ഇല്ലാത്ത വാഹനം ഓടിച്ചു, മനഃപൂര്‍വ്വമല്ലാത്ത നരഹത്യ എന്നീ വകുപ്പുകള്‍ പ്രകാരമാണ് ഇയാള്‍ക്കെതിരെ കേസെടുത്തത്.
അപകടത്തില്‍ മോട്ടോര്‍ വാഹന വകുപ്പും (എം.വി.ഡി) നടപടിയെടുക്കും. വാഹനങ്ങള്‍ ഓടിച്ച സാബിത്തിന്റേയും റയീസിന്റേയും ലൈസന്‍സ് അടുത്ത ദിവസം തന്നെ സസ്‌പെന്‍ഡ് ചെയ്യുമെന്ന് എം.വി.ഡി. അറിയിച്ചു.
ആല്‍വിന്റെ പോസ്റ്റുമോര്‍ട്ടം നടപടികള്‍ പൂര്‍ത്തിയായി. തലയ്ക്ക് പിന്നിലേറ്റ ക്ഷതമാണ് മരണകാരണമെന്നാണ് പ്രാഥമിക റിപ്പോര്‍ട്ട്. ചൊവ്വാഴ്ച രാവിലെ ഏഴു മണിയോടെയാണ് ആല്‍വിനും സംഘവും വെള്ളയില്‍ സ്റ്റേഷനു മുന്‍വശത്ത് ബീച്ച് റോഡില്‍ എത്തിയത്. ആല്‍വിനെ സ്റ്റേഷനു മുന്നില്‍ ഇറക്കിയ ശേഷം രണ്ടു കാറുകളും മുന്നോട്ടു പോയി തിരിച്ചു വരികയായിരുന്നു.

ആൽവിന്റെ മരണം;വാഹനമോടിച്ച സാബിത്ത് അറസ്റ്റില്‍; എം.വി.ഡിയും നടപടി എടുത്തേക്കും

ആൽവിന്റെ മരണം;വാഹനമോടിച്ച സാബിത്ത് അറസ്റ്റില്‍,എം.വി.ഡിയും നടപടി എടുത്തേക്കും

തണ്ണീര്‍പ്പന്തല്‍: കോഴിക്കോട് ബീച്ച് പരിസരത്ത് റീല്‍സ് ചിത്രീകരണത്തിനിടെയുണ്ടായ വാഹനാപകടത്തില്‍ പൊലിഞ്ഞത് ഒരു കുടുംബത്തിന്റെ പ്രതീക്ഷ. തണ്ണീര്‍പ്പന്തല്‍ സ്വദേശി തച്ചിലേരി താഴക്കുനി (വേളത്ത്) സുരേഷ് ബാബുവിന്റെ ഏക മകന്‍ ആല്‍വിനാണ് (20) ചൊവ്വാഴ്ച രാവിലെയുണ്ടായ വാഹനാപകടത്തില്‍ മരണപ്പെട്ടത്. ആല്‍വിന് തന്റെ ചെറിയപ്രായത്തില്‍ വൃക്കസംബന്ധമായ അസുഖത്തെത്തുടര്‍ന്ന് വൃക്ക മാറ്റിവെച്ചിരുന്നു.
ഇതിനെത്തുടര്‍ന്ന് മറ്റ് ഭാരിച്ച ജോലികള്‍ ചെയ്യുന്നതിന് പരിമിതിയുള്ളതിനാല്‍ വീഡിയോ എഡിറ്റിങ് സ്വന്തമായി പഠിക്കുകയും അത് ജീവിതമാര്‍ഗമാക്കുകയുമായിരുന്നു. വിസിറ്റിങ് വിസയില്‍ മൂന്നുമാസത്തോളം ഗള്‍ഫില്‍ ജോലിതേടിപ്പോയ ആല്‍വിന്‍, രണ്ടാഴ്ച മുന്‍പാണ് നാട്ടില്‍ തിരിച്ചെത്തിയത്.
ചൊവ്വാഴ്ച രാവിലെ ഏഴരയ്ക്ക് കോഴിക്കോട്-പുതിയാപ്പ കടൽത്തീരറോഡിൽ വെള്ളയിൽ പോലീസ് സ്റ്റേഷന്റെ മുന്നിലുള്ള സ്പീഡ് ബ്രേക്കറിലായിരുന്നു അപകടം.തൊണ്ടയാടുള്ള ട്രിപ്പിൾ നയൻ ഓട്ടോമോട്ടീവ് എന്ന കാർ ആക്സസറീസ്-പോളിഷിങ്-ഡീറ്റെയിലിങ് സ്ഥാപനത്തിനുവേണ്ടി വീഡിയോ ചിത്രീകരിക്കുകയായിരുന്നു ആൽവിൻ. രണ്ട് ആഡംബരകാറുകൾ വേഗത്തിൽ ഓടിവരുന്നത് റോഡിന്റെ നടുവിൽനിന്ന് മൊബൈലിൽ ചിത്രീകരിക്കാനാണ് ആൽവിനെ നിയോഗിച്ചത്. കാറുകളിലൊന്നിടിച്ച് ആൽവിൻ ആകാശത്തേക്കുയർന്നാണ് റോഡിലേക്കുവീണത്. മരണം സ്ഥിരീകരിച്ചതോടെ കാറുകൾ പോലീസ് കസ്റ്റഡിയിലെടുത്തു. കാറുകൾ ഓടിച്ച സ്ഥാപനമുടമ മഞ്ചേരി സ്വദേശി സാബിത്ത് കല്ലിങ്ങലിനെയും മുഹമ്മദ്‌ റൈസിനെയും കസ്റ്റഡിയിലെടുത്തു.&nbsp;

റീൽസ് ചിത്രീകരണത്തിനിടെ പൊലിഞ്ഞത് കുടുംബത്തിന്റെ പ്രതീക്ഷ ;ആൽവിൻ ദമ്പതികളുടെ ഏകമകൻ

Search Results for: 30.10.2024