ചോറോട് : വള്ളിക്കാട് -കാട്ടിൽ മുക്ക് റോഡ് വികസനം അട്ടിമറിച്ച ചോറോട് പഞ്ചായത്ത് ഭരണസമിതി നടപടിക്കെതിരായും പഞ്ചായത്തിലെ വികസന മുരടിപ്പിനെതിരായും ജനകീയ മുന്നണി ചോറോട് പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ സംഗമം സംഘടിപ്പിച്ചു. യുഡിഎഫ് വടകര നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ ഉദ്ഘാടനം ചെയ്തു.&nbsp;
ജനകീയ മുന്നണി ചോറോട് പഞ്ചായത്ത് കമ്മിറ്റി ചെയർമാൻ അഡ്വ : നജ്മൽ. പി. ടി. കെ അധ്യക്ഷത വഹിച്ചു. പി. പി ജാഫർ, സതീശൻ കുരിയാടി, പി ഇസ്മായിൽ, കെ കെ സദാശിവൻ, ഒ. കെ കുഞ്ഞബ്ദുള്ള, ശശി വള്ളിക്കാട്, സി. നിജിൻ, ഹാഷിം കാളംകുളത്ത്, എം. സി കരീം, രാജേഷ് ചോറോട്, മനീഷ് വള്ളിക്കാട്, വി. പി റിയാസ്, വിശ്വൻ , ഗീത മോഹൻ, കെ. ജി രാഗേഷ്, കെ. കെ റിനീഷ്, ജംഷിദ തുടങ്ങിയവർ സംസാരിച്ചു.

വികസനം അട്ടിമറിക്കുന്നുവെന്ന്; ജനകീയ മുന്നണി പ്രതിഷേധ സംഗമം നടത്തി

Vadakara

വടകര : കുട്ടോത്ത്-അട്ടക്കുണ്ടുകടവ് റോഡ് വികസനത്തിൽ കിഫ്ബി അംഗീകരിച്ച ഡി.പി.ആറിന് വിരുദ്ധമായി സ്ഥലമേറ്റെടുക്കാൻ ശ്രമിച്ചാൽ പദ്ധതിയുമായി സഹകരിക്കില്ലെന്ന് ഇരകളുടെ കർമസമിതി വാർത്താ ക്കുറിപ്പിൽ അറിയിച്ചു. കർമസമിതി ഇതുവരെ യാഥാർഥ്യബോധത്തോടെയാണ് പദ്ധതിയോട് പ്രതികരിച്ചത്. ഭൂമിയേറ്റെടുക്കുമ്പോൾ ബുദ്ധിമുട്ടുകളുണ്ടെങ്കിലും പദ്ധതിക്കാവശ്യമായ ഭൂമി വിട്ടുനൽകുന്നതിന് ഇരകൾ തയ്യാറായിട്ടുണ്ട്. പദ്ധതിയെ വ്യവഹാരത്തിലേക്ക് നയിച്ചതും ഇരകളല്ല.&nbsp;
ഡി.പി.ആറിനും കിഫ്ബിയുടെ അംഗീകാരത്തിനും വിരുദ്ധമായി സ്ഥലമേറ്റെടുത്ത് റോഡ് നിർമിക്കണമെന്ന ചിലരുടെ പിടിവാശിയും അതിന് പരസ്യമായും രഹസ്യമായും ചില കോണുകളിൽനിന്ന് നൽകിക്കൊണ്ടിരിക്കുന്ന പിന്തുണയും പദ്ധതിയില്ലാതാക്കാൻ മാത്രമേ ഉപകരിക്കൂ. നിലവിൽതന്നെ അഞ്ചുവർഷത്തോളം വൈകിയ പദ്ധതിയില്ലാതായാൽ അതിന്റെ പൂർണ ഉത്തരവാദിത്വം റോഡ് വികസനകർമസമിതിക്കായിരിക്കും. അതിർത്തിക്കല്ലുകൾ സ്ഥാപിച്ചുതുടങ്ങിയ ഘട്ടത്തിൽ അന്നത്തെ എം.എൽ.എ. പാറക്കൽ അബ്ദുള്ളയെ ഇരകളുടെ കർമസമിതി സമീപിച്ചിരുന്നു. കല്ല് സ്ഥാപിച്ചുകഴിഞ്ഞശേഷം അപാകം പരിഹരിക്കാമെന്ന ഉറപ്പാണ് എം.എൽ.എ. നൽകിയത്. ഇതിന്റെ അടിസ്ഥാനത്തിലാണ് ഇരകൾ അതിർത്തിക്കല്ലുകൾ സ്ഥാപിക്കുന്നത് എതിർക്കാതിരുന്നതെന്നും കമ്മിറ്റി കൺവീനർ എം. സുരേഷ് ബാബു വ്യക്തമാക്കി.

ഡി.പി.ആറിന് വിരുദ്ധമായി സ്ഥലം ഏറ്റെടുത്താൽ സഹകരിക്കില്ല; ഇരകളുടെ കർമസമിതി

നാദാപുരം : സംസ്ഥാന പാതയിൽ പെരിങ്ങത്തൂർപാലത്തിന് സമീപം അപകടഭീഷണിയായ കൂറ്റൻ തണൽ മരങ്ങൾ മുറിച്ചു മാറ്റണമെന്ന് ആവശ്യപ്പെട്ട് കോൺഗ്രസ് പ്രതിഷേധ സായാഹ്നം സംഘടിപ്പിച്ചു. കായപ്പനച്ചി വാർഡ് കോൺഗ്രസ് കമ്മിറ്റി സംഘടിപ്പിച്ച പ്രതിഷേധ സമരം ബ്ലോക്ക് കോൺഗ്രസ് പ്രസിഡന്റ് മോഹനൻ പാറക്കടവ് ഉദ്ഘാടനം ചെയ്തു. റോഡരികിലെ കൂറ്റൻ തണൽമരങ്ങളാണ് റോഡിനും സമീപത്തെ വീടുകൾക്കും ഭീഷണിയായത്. കാലവർഷത്തിൽ അപകടാവസ്ഥയിലായ മരങ്ങളിൽ ചിലത് കഴിഞ്ഞ ദിവസം പെയ്ത മഴയിൽ കൂടൂതൽ അപകടഭീഷണിയിലായി.&nbsp;
പാലത്തോട് ചേർന്ന രണ്ട് വലിയ മരങ്ങൾ സമീപത്തെ പുഴക്കര ഷൈജുവിന്റെ വീടിന്റെ മേൽക്കൂരയിലേക്ക് ചരിഞ്ഞ നിലയിലാണ്. വേരുകൾ പൊങ്ങി സംസ്ഥാന പാത ടാറിംഗ് തകർന്ന നിലയിലുമാണ്. റോഡിന് ഇരുവശവും ഉള്ള മരങ്ങളിൽ എട്ട് എണ്ണമാണ് അപകട നിലയിൽ ഉള്ളത്. നേരത്തേ പുഴയിലേക്ക് കടപുഴകി വീണ മരങ്ങൾ ഇതുവരെ മുറിച്ചു മാറ്റിയിട്ടില്ല. എം.ടി.രാഹുലൻ അധ്യക്ഷത വഹിച്ചു. മണ്ഡലം പ്രസിഡന്റ് എം.കെ. പ്രേമദാസ്, എം.സി.മോഹനൻ, വിനോദൻ പുറാത, അഖിലേഷ് വരയത്ത്, ഷൈജു പുഴക്കര, വരയത്ത് കുഞ്ഞിരാമൻ, പുതുക്കൂൽ ഇബ്രാഹിം, പി രസിൽ രാജ് , ബിജു പുറാത, എം ടി സജിത്ത് എന്നിവർ സംസാരിച്ചു.

റോഡിൽ അപകട ഭീഷണിയായ മരങ്ങൾ മുറിച്ച് മാറ്റാനായി കോൺഗ്രസ് സമരം

Nadapuram

വടകര: തിരുവള്ളൂർ - ആയഞ്ചേരി പി ഡബ്ലു ഡി റോഡ് പരിഷ്കരണ പ്രവൃത്തിക്കായി 2024-25 ബഡ്ജറ്റ് വിഹിതമായി ലഭിച്ച 3 കോടി രൂപയുടെ പ്രവൃത്തി നടത്തുന്നതിൻ്റെ മുന്നോടിയായി ഗൂണഭോക്താക്കളുടേയും നാട്ടുകാരുടേയും യോഗം ചേർന്നു. നിലവിലുള്ള റോഡ് 10 മീറ്റർ വീതിയാക്കി, 1680 മീറ്റർ നീളത്തിൽ അഞ്ചര മീറ്റർ വീതിയിൽ ബി എം &amp; ബി സി നിലവാരത്തിൽ ടാർ ചെയ്യുന്നതിനും ആവശ്യമായ സ്ഥലങ്ങളിൽ അഴുക്ക് ചാൽ, മൂന്ന് പാലങ്ങൾ, റോഡിൻ്റെ ഇരുവശങ്ങളിലും ഐരിഷ് ചെയ്യൽ എന്നിവയാണ് എസ്റ്റിമേറ്റിൽ ഉൾപ്പെടുത്തിയത്. തിരുവള്ളൂർ പഞ്ചായത്തിലെ അഞ്ച്മുറി മുതൽ ആയഞ്ചേരി പഞ്ചായത്തിലെ ചേറ്റുകെട്ടി വരെയാണ് പ്രവൃത്തി നടക്കുക.&nbsp;
പൈങ്ങോട്ടായി അൽ മദ്റസത്തുൽ ഇസ്ലാമിയ മദ്റസയിൽ ചേർന്ന യോഗം കെ.പി. കുഞ്ഞമ്മത് കുട്ടി എം എൽ എ ഉദ്ഘാടനം ചെയ്തു. ആയഞ്ചേരി പഞ്ചായത്ത് പ്രസിഡണ്ട് എൻ അബ്ദുൾ ഹമീദ് അധ്യക്ഷം വഹിച്ചു. ആയഞ്ചേരി പഞ്ചായത്ത് സ്റ്റാൻ്റിംഗ് കമ്മിറ്റി ചെയർമാൻ ടി.വി. കുഞ്ഞിരാമൻ , തിരുവള്ളൂർ പഞ്ചായത്ത് മെമ്പർമാരായ ഹംസ വായേരി, സഫീറ ടി.വി, അസി: എക്സിക്യൂട്ടീവ് എഞ്ചിനിയർ നിതിൽ ലക്ഷ്മണൻ, നൊച്ചാട്ട് കുഞ്ഞബ്ദുള്ള, കെ.വി ജയരാജൻ, കിളിയമ്മൽ കുഞ്ഞബ്ദുള്ള, അസി: എഞ്ചിനിയർ ഷക്കീർ പി പി, ഓവർസിയർ സൗമ്യ ടി, ടി കെ അലി, എ.കെ അബ്ദുൽ ലത്തീഫ് എന്നിവർ സംസാരിച്ചു. ഗുണഭോക്തൃ കമ്മിറ്റി ചെയർപേഴ്സണായി ആയഞ്ചേരി ഗ്രാമ പഞ്ചായത്ത് വൈസ് പ്രസിഡണ്ട് പി.കെ ആയിഷയെയും, കൺവീനരായി തിരുവള്ളൂർ പഞ്ചായത്ത് മെമ്പർ ഹംസ വായേരിയേയും തിരഞ്ഞെടുത്തു.

തിരുവള്ളൂർ - ആയഞ്ചേരി റോഡ് പരിഷ്കരണം; ഗുണഭോക്താക്കളുടെ യോഗം ചേർന്നു

ചോറോട് : ചോറോട് പഞ്ചായത്തിലെ 12-ാംവാർഡ് വള്ളിക്കാട്-കാട്ടിൽമുക്ക് റോഡ് പ്രവൃത്തി രാഷ്ട്രീയവിരോധംവെച്ച് തടസ്സപ്പെടുത്താൻ നേതൃത്വം നൽകിയ വടകര ബ്ലോക്ക് പഞ്ചായത്ത് പ്രസിഡന്റ് രാജിവെക്കണമെന്ന് ചോറോട് പഞ്ചായത്ത് ജനകീയമുന്നണി ആവശ്യപ്പെട്ടു. ബ്ലോക്ക്‌ പഞ്ചായത്ത് മെമ്പർ തന്റെ ഡിവിഷനിൽ ഉൾപ്പെടുന്ന 12-ാം വാർഡിൽ അനുവദിച്ച അഞ്ചുലക്ഷം രൂപയുടെ ബ്ലോക്ക്‌ പഞ്ചായത്ത് ഫണ്ട്‌ ഉപയോഗിച്ചുനടത്തുന്ന വള്ളിക്കാട്-കാട്ടിൽമുക്ക് റോഡിന്റെ പ്രവൃത്തിയാണ് ബ്ലോക്ക്‌ പഞ്ചായത്ത് പ്രസിഡന്റ്‌ നേരിട്ടുവന്ന് നിർത്തിവെപ്പിച്ചത്.&nbsp;
ഇത് കടുത്ത അധികാര ദുർവിനിയോഗമാണെന്നും നിയമപരമായും രാഷ്ട്രീയമായും നേരിടുമെന്നും യോഗം മുന്നറിയിപ്പ് നൽകി. ജനകീയമുന്നണി ചെയർമാൻ പി.ടി.കെ. നജ്മൽ അധ്യക്ഷത വഹിച്ചു. കോട്ടയിൽ രാധാകൃഷ്ണൻ, സതീശൻ കുരിയാടി, ഒ.എം. അസീസ്, പി. ഇസ്മായിൽ, ശശി വള്ളിക്കാട്, വി.സി. ഇക്ബാൽ, കെ.കെ.സദാശിവൻ, വിശ്വൻ തുടങ്ങിയവർ സംസാരിച്ചു.
കൂടുതൽദൂരം അറ്റകുറ്റപ്പണി നടത്തും -കെ.പി. ഗിരിജ
റോഡിൽ ഇരുവശങ്ങളും കോൺക്രീറ്റ് ചെയ്യുന്നതിനുപകരം കൂടുതൽദൂരം അറ്റകുറ്റപ്പണി നടത്തുന്നതിനാണ് പ്രവൃത്തി താത്‌കാലികമായി നിർത്തിവെച്ചതെന്ന് വടകര ബ്ലോക്ക് പഞ്ചായത്ത് പ്രസിഡന്റ് കെ.പി. ഗിരിജ പറഞ്ഞു. സ്ഥലത്തെ ബ്ലോക്ക് ഡിവിഷൻ മെമ്പറുടെകൂടി സമ്മതത്തോടുകൂടിയാണ് പ്രവൃത്തി നിർത്തിവച്ചതെന്നും ബോർഡ് മീറ്റിങ്‌ കൂടി റിവൈസ്ഡ് എസ്റ്റിമേറ്റ് തയ്യാറാക്കിയതിനുശേഷം പുനരാരംഭിക്കുമെന്നും ഇവർ അറിയിച്ചു.

ബ്ലോക്ക് പഞ്ചായത്ത് പ്രസിഡന്റ് റോഡ് പ്രവൃത്തി തടസ്സപ്പെടുത്തിയെന്ന് ജനകീയമുന്നണി

പ്രതീകാത്മക ചിത്രം

കൈനാട്ടി: ജൽജീവൻ മിഷൻ പദ്ധതിയിൽ പഞ്ചായത്തിലെ റോഡുകളിൽ കുടിവെള്ള പൈപ്പ് സ്ഥാപിക്കുന്നതിന്റെ ഭാഗമായി കുഴിയെടുത്തത് പൂർവ്വസ്ഥിതിയിലാക്കണമെന്നാവശ്യപ്പെട്ടു ജല അതോറിറ്റി ഓഫീസിന് മുന്നിൽ ചോറോട് പഞ്ചായത്ത് ജനപ്രതിനിധികൾ 3 രാവിലെ 10 ന് പ്രക്ഷോഭം നടത്തും. റോഡുകളിൽ കാൽ നടയാത്ര പോലും പ്രയാസകരമായതിനെ തുടർന്ന് വ്യാപകമായ പ്രതിഷേധങ്ങൾ ഉയർന്നിരുന്നു. നിരവധി തവണ ജല വകുപ്പ് അധികൃതർ, കരാർ ഏജൻസി, ജനപ്രതിനിധികൾ എന്നിവരുടെ യോഗങ്ങൾ വിളിച്ചു ചേർക്കുകയും പരിഹാര നിർദേശങ്ങൾ തീരുമാനിക്കുകയും ചെയ്തിരുന്നു.
പരിഹാരങ്ങൾ ഇല്ലാത്തതിനെ തുടർന്ന് കഴിഞ്ഞ മാസം പഞ്ചായത്ത് പ്രസിഡണ്ട് പിപിചന്ദ്രശേഖരന്റ നേതൃത്വത്തിൽ പഞ്ചായത്ത് അംഗങ്ങൾ ജല വകുപ്പിന്റെ വടകര ഓഫിസിലെത്തി കാര്യങ്ങൾ ചർച്ച ചെയ്തതിനെ തുടർന്ന് ഡിസം: 30 ന് മുമ്പ് എല്ലാ റോഡുകളും സഞ്ചാരയോഗ്യമാക്കുമെന്ന് ഉറപ്പ് നൽകിയിരുന്നു. ഡിസംബർ 30 കഴിഞ്ഞിട്ടും യാതൊരു പ്രവൃത്തിയും ആരംഭിച്ചിട്ടില്ല. കഴിഞ്ഞ ദിവസം ചേർന്ന പഞ്ചായത്ത് ഭരണസമിതി യോഗം ഐക്യകണ്ഠേന സമരം തീരുമാനിക്കുകയായിരുന്നു. പഞ്ചായത്ത് പ്രസിഡണ്ട് പി.പി.ചന്ദ്രശേഖരൻ അധ്യക്ഷത വഹിച്ചു. വൈസ് പ്രസിഡണ്ട് രേവതി പെരുവാണ്ടിയിൽ, സ്ഥിരം സമിതി അംഗങ്ങളായ കെ.മധുസൂദനൻ, ശ്യാമള പൂവ്വേരി, സി.നാരായണൻ, അംഗങ്ങളായ പ്രസാദ് വിലങ്ങിൽ, കെ.കെ. റിനീഷ്, വി.പി.അബൂബക്കർ, ടി.പി. മനീഷ് കുമാർ, പ്രിയങ്ക സി.പി. എന്നിവർ സംസാരിച്ചു.

റോഡുകൾ നന്നാക്കിയില്ല; ചോറോട്  പഞ്ചായത്ത് ജനപ്രതിനിധികൾ സമരത്തിലേക്ക്

നാദാപുരം: കല്ലാച്ചി - വിലങ്ങാട് റോഡിൽ വാണിമേൽ പാലത്തിനടുത്ത് കലുങ്ക് നിർമ്മാണ പ്രവൃത്തി നടക്കുന്നതിനാൽ ജനുവരി രണ്ട് മുതൽ പ്രവൃത്തി പൂർത്തിയാകുന്നത് വരെ ഈ റോഡിൽ പൂർണമായും ഗതാഗതം നിരോധിച്ചതായി പൊതുമരാമത്ത് നിരത്ത് ഉപ വിഭാഗം അസിസ്റ്റന്റ് എൻജിനീയർ അറിയിച്ചു. കല്ലാച്ചിയിൽ നിന്നും വിലങ്ങാട്ടേക്ക് പോകേണ്ട വാഹനങ്ങൾ കല്ലാച്ചി-വളയം റോഡിൽ പ്രവേശിച്ച് ചുഴലി-പുതുക്കയം വഴി വിലങ്ങാട്ടേക്കും തിരിച്ചും പോകേണ്ടതാണെന്ന് അറിയിപ്പിൽ പറഞ്ഞു.

കലുങ്ക് നിർമ്മാണം; കല്ലാച്ചി -വിലങ്ങാട് റോഡിൽ ജനുവരി രണ്ട് മുതൽ ഗതാഗതം നിരോധിച്ചു

വടകര: വില്യാപ്പള്ളി-ചേലക്കാട് റോഡ് പ്രവൃത്തി നടപ്പിലാക്കുന്നതുമായി ബന്ധപ്പെട്ട് കിഫ്ബിയിൽ നിന്നും അറിയിച്ച പ്രകാരം കെഎസ്ഇബി ,വാട്ടർ അതോറിറ്റി വിഭാഗങ്ങൾ സമർപ്പിച്ച എസ്റ്റിമേറ്റിൽ ആവശ്യമായ ഭേദഗതികൾ വരുത്തി പുന: സമർപ്പിക്കുന്നതിന് സമയക്രമം നിശ്ചയിച്ചു. ഇതിൻറെ അടിസ്ഥാനത്തിൽ, കെഎസ്ഇബി ,വാട്ടർ അതോറിറ്റി, പദ്ധതിയുടെ എസ് പി വി ആയ കെ ആർ എഫ് ബി ഉദ്യോഗസ്ഥർ സംയുക്ത സന്ദർശനം നടത്തി, ഈ മാസം തന്നെ വാട്ടർ അതോറിറ്റിയുടെ പൈപ്പ് ലൈൻ കെഎസ്ഇബിയുടെ പോസ്റ്റുകൾ തുടങ്ങിയവ മാറ്റുന്നതിനുള്ള എസ്റ്റിമേറ്റ് അന്തിമമായി തയ്യാറാക്കി കിഫ്ബിക്ക് സമർപ്പിക്കുമെന്ന് കെ പി കുഞ്ഞമ്മദ് കുട്ടി എം എൽ എ അറിയിച്ചു. വടകര റസ്റ്റ് ഹൗസിൽ വെച്ച് അടിയന്തര യോഗം വിളിച്ചു ചേർത്തു. നിലവിൽ 79.11 കോടി രൂപയുടെ സാമ്പത്തിക അനുമതിയാണ് കിഫ്ബി വടകര വില്യാപ്പള്ളി ചേലക്കാട് റോഡിന് നൽകിയിട്ടുള്ളത്. എന്നാൽ കെഎസ്ഇബി ,വാട്ടർ അതോറിറ്റി വിഭാഗങ്ങൾ സമർപ്പിച്ച യൂട്ടിലിറ്റി ഷിഫ്റ്റിംഗ് എസ്റ്റിമേറ്റ് ഭേദഗതി ചെയ്യേണ്ടതുമായി ബന്ധപ്പെട്ട മാർഗ്ഗനിർദേശങ്ങൾ കിഫ്ബി അറിയിച്ചതിന്റെ അടിസ്ഥാനത്തിലാണ് വടകര റസ്റ്റ് ഹൗസിൽ വച്ച് കെ ആർ എഫ് ബി എക്സിക്യൂട്ടീവ് എഞ്ചിനീയർ ബൈജു, കെഎസ്ഇബി എക്സിക്യൂട്ടീവ് എഞ്ചിനീയർ, വാട്ടർ അതോറിറ്റി അസിസ്റ്റൻറ് എക്സിക്യൂട്ടീവ് എൻജിനീയർ ദിബിൻ എന്നിവരുടെ സാന്നിധ്യത്തിൽ യോഗം ചേർന്നത്.
തകരാർ സംഭവിച്ചത് കാരണം നിലവിൽ ഗതാഗതത്തിന് റോഡിൻറെ പല ഭാഗത്തും പ്രയാസം നേരിടുന്നുണ്ട്. റോഡിൻറെ അടിയന്തര പുനരുദ്ധാരണ പ്രവർത്തികൾ നടപ്പിലാക്കണമെന്ന് അഭ്യർത്ഥിച്ചുകൊണ്ട് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസിന് നിവേദനം നൽകിയിട്ടുണ്ട്. കെആർഎഫ് ബി പ്രൊജക്ടഡ് ഡയറക്ടറെ തിരുവനന്തപുരത്ത് വച്ച് നേരിട്ട് കണ്ടു റോഡ് അടിയന്തരമായി പുനരുദ്ധരിക്കണമെന്ന് അഭ്യർത്ഥിക്കുകയും ചെയ്തിട്ടുണ്ട്. ഏതാനും ചില ഭൂവുടമകൾ റോഡ് വികസനത്തിന് സമ്മതപത്രം നൽകാൻ വിസമ്മതിക്കുന്നത് കാരണം പ്രവൃത്തിയുടെ ടെൻഡർ നടപടികളിലേക്ക് പോകാൻ സാധിക്കാത്ത അവസ്ഥയുണ്ട്. സമ്മതപത്രം ലഭ്യമാക്കുന്നതിനായി പൊതുപ്രവർത്തകരും, രാഷ്ട്രീയ പാർട്ടി പ്രതിനിധികളും, ജനപ്രതിനിധികളും ഒറ്റക്കെട്ടായി പ്രവർത്തിച്ച് സ്വപ്ന പദ്ധതി യാഥാർത്ഥ്യമാക്കുമെന്ന പ്രതീക്ഷയാണുള്ളത് എന്നും എം എൽ എ പറഞ്ഞു.
&nbsp;

വടകര-വില്യാപ്പള്ളി-ചേലക്കാട് റോഡ്; യൂട്ടിലിറ്റി ഷിഫ്റ്റിംഗ് എസ്റ്റിമേറ്റ് ഈ മാസം സമർപ്പിക്കും

അഴിയൂർ: പഞ്ചായത്തിലെ പതിനേഴാം വാർഡിൽ എം എൽ എ യുടെ പ്രാദേശിക വികസന ഫണ്ട് ഉപയോഗിച്ച് നിർമ്മിച്ച പാലക്കൂൽ കോൺക്രീറ്റ് റോഡും, മുൻഷി - എരിക്കിൽ കോൺക്രീറ്റ് റോഡും കെ.കെ.രമ എം എൽ എ ഉദ്ഘാടനം ചെയ്തു. പഞ്ചായത്ത് പ്രസിഡണ്ട് ആയിഷ ഉമ്മർ അധ്യക്ഷത വഹിച്ചു. ആശംസകളർപ്പിച്ചുകൊണ്ട് വിവിധ രാഷ്ട്രീയ പാർട്ടി നേതാക്കളായ യു.എ.ഹീം, ഇ.ടി. അയ്യുബ് , മുബാസ് കല്ലേരി, വി.പി.അനിൽകുമാർ , ടി.സി.എച്ച് അബൂബക്കർ ഹാജി, ഇസ്മായിൽ പി.പി., ജലീൽ ടി.സി.എച്ച് എന്നിവർ സംസാരിച്ചു.
വികസന സമിതി കൺവീനർ കെ.പി. ഫർസൽ സ്വാഗതവും വികസനസമിതി അംഗം അഹമ്മദ് കൽപ്പക നന്ദിയും പറഞ്ഞു. അബ്ദുള്ള ഹാജി തൻഹീം, സഫീർ പുല്ലമ്പി, മഹമ്മൂദ് ഫനാർ, ഷാനിസ് മൂസ, സനീദ്ഏ.വി, അഷ്റഫ് പി.പി, ജബ്ബാർ നെല്ലോളി, സുബൈർ പാലക്കൂൽ, നസീർ അജ്മാൻ,മനീഷ , ഷീജ അശോകൻ, സംഗീത്, സുകുമാരൻ, അശോകൻ പാലക്കൂൽ,ലസിമ, സൈനുദ്ദീൻ സി.എച്ച്, ഐസം, സഫ്‌വാൻ, റഹീസ് കെ പി, റഹീസ് എ പി എന്നിവർ നേതൃത്വം നൽകി.

രണ്ട് റോഡുകൾ നാടിന് സമർപ്പിച്ച് എം എൽ എ

വടകര: ജലജീവൻ മിഷൻ പദ്ധതിയുടെ ഭാഗമായ് കുടിവെള്ള പൈപ്പ് സ്ഥാപിക്കുന്നതിനായ് പഞ്ചായത്തിലെ റോഡുകളിൽ കുഴിയെടുത്തത് പൂർവ്വസ്ഥിതിയിലാക്കാത്തത്തിൽ പ്രതിഷേധം. റോഡുകൾ പൂർവ്വസ്ഥിതിയിലാക്കുമെന്നാണ് കരാർ എങ്കിലും കുഴിയെടുത്ത് മൺനികത്തി വർഷങ്ങളായിട്ടും യഥാവിധി ടാർ ചെയ്ത് ഗതാഗത യോഗ്യമാക്കിയിട്ടില്ല. ഫണ്ടിന്റെ ലഭ്യത കാരണം പറയുകയും മറ്റ് പ്രവർത്തികൾ നടത്തുകയുമാണ് കരാറുകാർ. മാസങ്ങൾക്ക് മുമ്പ് കോൺഗ്രീറ്റ് ചെയ്ത റോഡുകൾ അടക്കം പൊട്ടിച്ച് പൈപ്പ് ഇടുകയും പൂ ർവ്വസ്ഥിതിയിലാക്കാതെയുമാണുള്ളത്. സ്കൂൾ വാഹനങ്ങൾ അടക്കം അപകടങ്ങളിൽപ്പെടുന്നത് പതിവാക്കുകയാണ്. ഉയർന്ന സ്ഥലങ്ങളിലെ റോഡുകളിൽ പൈപ്പ് സ്ഥാപിച്ച ഭാഗങ്ങൾ മഴ ചെയ്തതോടെ പൂർണ്ണമായും ഒഴുകിപ്പോയി വലിയ ഗർത്തങ്ങളായിരിക്കുകയാണ്.&nbsp;
വീടുകൾക്ക് കണക്ഷൻ കൊടുക്കുന്നതിനായി റോഡിനു കുറുകെ വെട്ടിപ്പൊളിച്ച് വേണ്ടരീതിയിൽ നികത്താത്തത് കാരണം ചെറിയ വാഹനങ്ങൾക്ക് പോകാൻ കഴിയുന്നില്ല. ഓട്ടോറിക്ഷകളും നാലുചക്ര, ഇരുചക്ര വാഹനങ്ങളും അപകടത്തിൽപ്പെടുകയും നിരവധി പേർക്ക് പരിക്ക് പറ്റുകയും ചെയ്തു. കഴിഞ്ഞ ഭരണ സമിതി യോഗത്തിൽ അംഗങ്ങൾ ഒന്നടങ്കം ജലജീവൻ മിഷൻ കരാർ പ്രവൃത്തിക്കെതിരെ രൂക്ഷമായ വിമർശനം ഉന്നയിച്ചു. ചോറോട് ഗ്രാമപഞ്ചായത്ത് പ്രസിഡണ്ട് പി.പി.ചന്ദ്രശേഖരന്റെ നേതൃത്വത്തിൽ സ്ഥിരം സമിതി അധ്യക്ഷൻ സി നാരായണൻ, അംഗങ്ങളായ പ്രസാദ് വിലങ്ങിൽ, വി.പി.അബൂബക്കർ, മനീഷ് കുമാർ ടി.പി., ആബിദ വി.സി, ലിസി പി, സജിതകുമാരി എന്നിവർ ചേർന്ന് വടകര വാട്ടർ അതോറിറ്റി എക്സിക്യൂട്ടിവ് എൻജിനിയറുടെ ചേംബറിൽ എത്തി അടിയന്തിര പരിഹാരം ആവശ്യപ്പെട്ടു. റോഡുകൾ ഗതാഗത യോഗ്യമാക്കാത്ത പക്ഷം പണി തുടരാൻ അനുവദിക്കില്ല എന്ന് പ്രസിഡണ്ട് അറിയിച്ചു.

ജലജീവൻ മിഷൻ പ്രവൃത്തിക്കെതിരെ ചോറോട്‌ ഗ്രാമ പഞ്ചായത്ത് ഭരണ സമിതി

വടകര: ഒഞ്ചിയം അഞ്ചാം വാർഡിലെ കുറ്റിയിൽ മീത്തൽ - മനോളി താഴ റോഡ്,  പുത്തമ്പുരയിൽ - മാനോളി റോഡ് എന്നീ രണ്ടു റോഡുകൾ പഞ്ചായത്ത് പ്രസിഡൻ്റ് പി ശ്രീജിത്ത് ഉദ്ഘാടനം ചെയ്തു. വാർഡ് മെമ്പർ ഷിജിന കൊടക്കാട്ട് അധ്യക്ഷത വഹിച്ച ചടങ്ങിൽ ഊരാച്ചേരി അഷറഫ്, മനോളി വേണു, മുൻ മെമ്പർ ബേബി ഗിരിജ, മനോളി മുരളി ,കെ.എം രാഘവൻ, ബാലകൃഷ്ണൻ കൗമുദി, കെ.ശശി എന്നിവർ സംസാരിച്ചു. മേക്കുന്നത്ത്, ബാബുരാജ് സ്വാഗതവും കെ.എം പ്രകാശൻ നന്ദിയും പറഞ്ഞു. ഗുണഭോക്താക്കൾ മധുരം നല്കി ഉദ്ഘാടനം ആഘോഷമാക്കി.

ഒഞ്ചിയത്ത് രണ്ട് റോഡുകൾ ഉദ്ഘാടനം ചെയ്തു

മാഹി: റെയിൽവെ സ്റ്റേഷനിൽ നിന്ന് കക്കടവിലേക്കുള്ള റോഡിലെ കലുങ്ക് തകർന്ന് കിടക്കുന്നതിനാൽ ഇത് വഴി വാഹന ഗതാഗതം നിലച്ചു. നിരവധി ആളുകൾ മാഹി റെയിൽവെ സ്റ്റേഷനിലെത്താൻ ആശ്രയിക്കുന്ന വഴിയാണിത്. ചൊക്ളി, ന്യൂ മാഹി, പള്ളൂർ, പെരിങ്ങത്തൂർ ഭാഗങ്ങളിലുള്ളവർ ദേശീയ പാതയിലൂടെ കടന്ന് വന്ന് റെയിൽവേ സ്റ്റേഷൻ്റെ കിഴക്ക് ഭാഗത്ത് വാഹനങ്ങൾ പാർക്ക് ചെയ്താണ് ട്രെയിൻ യാത്ര നടത്താറ്.
വലിയ കലുങ്ക് പൊട്ടിത്തകർന്ന് ഇരുചക്രവാഹനങ്ങളൊഴികെ മറ്റ് വാഹനങ്ങൾക്കൊന്നും കടന്ന് പോകാനാവാത്ത അവസ്ഥയാണ്. കലുങ്ക് തകർന്ന് ദിവസങ്ങളേറെ കഴിഞ്ഞിട്ടും പ്രശ്ന പരിഹാരത്തിന് ബന്ധപ്പെട്ട അധികൃതർ തയ്യാറാവുന്നില്ലെന്നാണ് നാട്ടുകാരുടെ പരാതി.

കലുങ്ക് തകർന്നത് യാത്രക്കാർക്ക് ദുരിതം

വടകര :കാവിൽ-തീക്കുനി-കുറ്റ്യാടി റോഡിൽ ആയഞ്ചേരിക്കും തീക്കുനിക്കും ഇടയിൽ മുക്കടത്തും വയലിൽ കൽവെർട്ടിന്റെ പ്രവൃത്തി നടക്കുന്നതിനാൽ 11 ന് തിങ്കളാഴ്ച മുതൽ പ്രവൃത്തി പൂർത്തിയാകുന്നത് വരെ ഇത് വഴിയുള്ള വാഹന ഗതാഗതത്തിന് നിയന്ത്രണം ഏർപ്പെടുത്തിയതായി പൊതുമരാമത്ത് നിരത്ത് വിഭാഗം തോടന്നൂർ അസിസ്റ്റന്റ് എക്സിക്യൂട്ടീവ് എൻജിനീയർ അറിയിച്ചു.&nbsp;
എസ് മുക്ക് -വള്ള്യാട് -കോട്ടപ്പള്ളി-തിരുവള്ളൂർ റോഡിൽ തിരുവള്ളൂർ മുതൽ കോട്ടപ്പള്ളി വരെ ടാറിങ്ങ് പ്രവൃത്തി നടക്കുന്നതിനാൽ പ്രവൃത്തി പൂർത്തിയാകുന്നത് വരെ ഈ റോഡിലും, വടകര തിരുവള്ളൂർ -പേരാമ്പ്ര റോഡിൽ കീഴൽ മുക്കിൽ കലുങ്കിന്റെ പ്രവൃത്തി നടക്കുന്നതിനാൽ പ്രവൃത്തി പൂർത്തിയാകുന്നത് വരെ ഇത് വഴിയുമുള്ള വാഹന ഗതാഗതത്തിന് നിയന്ത്രണം ഏർപ്പെടുത്തിയതായും അറിയിപ്പിൽ പറഞ്ഞു.

ഗതാഗത നിയന്ത്രണം ഏർപ്പെടുത്തി

ആയഞ്ചേരി: ഗ്രാമ പഞ്ചായത്ത് 12-ാം വാർഡിലെ കടമേരി ക്ഷേത്രം - മൊയിലോത്ത് മീത്തൽ മുക്ക് റോഡ് പ്രവൃത്തി പൂർത്തിയാവുന്നു. പഞ്ചായത്ത് 2024-25 വാർഷിക പദ്ധതിയിൽ ഉൾപ്പെടുത്തി അഞ്ച് ലക്ഷത്തി തൊണ്ണൂറ്റി എട്ടായിരം രൂപയാണ് റോഡ് പ്രവൃത്തിക്ക് വകയിരുത്തിയത്. തുടക്കത്തിൽ 77 മീറ്റർ കോൺക്രീറ്റും തുടർന്ന് 74 മീറ്റർ റീ ടാറിഗുമാണ് എസ്റ്റിമേറ്റിൽ ഉൾപ്പെടുത്തിയത്. ആയഞ്ചേരി - തിരുവള്ളൂർ പഞ്ചായത്തുകളെ തമ്മിൽ ബന്ധിപ്പിക്കുന്ന ഒരു സുപ്രധാന റോഡായതിനാൽ ഇത് ജനങ്ങൾക്ക് വളരെയേറെ ഉപകാരപ്രദമാണ്. ഊരാളുങ്കൽ ലേബർ കോൺട്രേക്ടേഴ്സ് സൊസൈറ്റിയാണ് പ്രവൃത്തി ഏറ്റെടുത്ത് നടത്തുന്നത്. ആയഞ്ചേരി പഞ്ചായത്ത് സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ, ഓവർസിയർ വിഷ്ണു എന്നിവർ നിർമ്മാണ പ്രവൃത്തി വിലയിരുത്തി.

കടമേരി ക്ഷേത്രം- മൊയിലോത്ത് മീത്തൽ മുക്ക് റോഡ് പൂർത്തിയാവുന്നു

ആയഞ്ചേരി: വടകര വില്ല്യാപ്പള്ളി ചേലക്കാട് റോഡിൻറെ സാമ്പത്തിക അനുമതി 58.29 കോടി രൂപയിൽ നിന്നും 79.11 കോടി രൂപയായി വർധിപ്പിച്ചതായി കെ പി കുഞ്ഞമ്മദ് കുട്ടി എം എൽ എ. ഭൂമി വിട്ടു തരുന്നവർക്കുള്ള ജീവനോപാധികൾ നിലനിർത്തുന്നതിനും മതിലുകൾ പൊളിച്ചത് മാനദണ്ഡങ്ങൾക്ക് വിധേയമായി പുനർ നിർമ്മിക്കുന്നതിനുമുള്ള ഘടകങ്ങൾ ഉൾപ്പെടുത്തി പദ്ധതിയുടെ എസ് പി വി ആയ കെ ആർ എഫ് ബി തയ്യാറാക്കിയ വടകര വില്ല്യാപ്പള്ളി ചേലക്കാട് റോഡിൻറെ പുതുക്കിയ എസ്റ്റിമേറ്റിന് കിഫ്ബി സാമ്പത്തിക അനുമതി നൽകി.&nbsp;
കുറ്റ്യാടി വഴി വയനാട്ടിലേക്കും , നാദാപുരം ഭാഗത്തേക്കും എളുപ്പം എത്തിച്ചേരാൻ ആകുന്ന 15.96 കിലോമീറ്റർ നീളമുള്ള വടകര വില്ല്യാപ്പള്ളി ചേലക്കാട് റോഡിൻറെ ശോചനീയാവസ്ഥ കാരണം പദ്ധതിയുടെ പ്രാധാന്യം കണക്കിലെടുത്ത്, കിഫ്ബി ചീഫ് എക്സിക്യൂട്ടീവ് ഓഫീസർ കെ എം എബ്രഹാമുമായും വിവിധ ഉദ്യോഗസ്ഥരുമായും വിവിധ ഘട്ടങ്ങളിലായി നടത്തിയ യോഗങ്ങളുടെ അടിസ്ഥാനത്തിലാണ് പദ്ധതിക്ക് സാമ്പത്തിക അനുമതി ലഭിച്ചിട്ടുള്ളത് എന്നും എം എൽ എ പറഞ്ഞു. റോഡിൻറെ അനുമതി ലഭ്യമാക്കണമെന്ന് അഭ്യർത്ഥിച്ചുകൊണ്ട് മുഖ്യമന്ത്രിക്ക് കത്തും നൽകിയിരുന്നു. നാദാപുരം എംഎൽഎ ഇ കെ വിജയനും അനുമതി ലഭ്യമാക്കുന്നതിനുള്ള ശ്രമങ്ങളിൽ ഒപ്പം ചേർന്നു. നിരവധി യോഗങ്ങളാണ് ഈ പദ്ധതിയുമായി ബന്ധപ്പെട്ട് വടകരയിലും തിരുവനന്തപുരത്തും ചേർന്നത്.
സമർപ്പിച്ച എസ്റ്റിമേറ്റിൽ വരുത്തേണ്ട മാറ്റങ്ങൾ സംബന്ധിച്ച് കിഫ്ബി പ്രത്യേക നിർദ്ദേശം നൽകിയിട്ടുണ്ട്. സ്ഥലം വിട്ടു നൽകാൻ ബാക്കിയുള്ള ഭൂവുടമകൾ എത്രയും പെട്ടെന്ന് വിട്ടുനൽകിയാൽ സ്വപ്ന പദ്ധതിയുടെ ടെണ്ടർ നടപടികൾ ഈ വർഷം തന്നെ ആരംഭിക്കാൻ സാധിക്കും. ടൂറിസം രംഗത്തും മറ്റ് വ്യവസായ വാണിജ്യ രംഗത്തും ഈറോഡ് വികസനം വരുന്നതോടെ വലിയ മാറ്റമാണ് ഉണ്ടാവുക എം എൽ എ കൂട്ടിച്ചേർത്തു.

വടകര-വില്ല്യാപ്പള്ളി- ചേലക്കാട് റോഡ്; സാമ്പത്തിക അനുമതി 79.11 കോടിയായി വർധിപ്പിച്ചെന്ന് എം എൽ എ

റോഡുമായി ബന്ധപ്പെട്ട് വടകര റസ്റ്റ് ഹൗസിൽ വെച്ച് മുൻപ് നടന്ന യോഗം

വടകര: ജെ ടി റോഡ് വെള്ളക്കെട്ടിന് ശാശ്വത പരിഹാരമായി അനുവദിച്ചു കിട്ടിയ 20 ലക്ഷം രൂപയുടെ പ്രവർത്തി തുടങ്ങുന്നതിന്റെ ഭാഗമായി റോഡിന് കുറുകെ കൾവർട്ട് നിർമ്മിക്കുന്നതിന്റെ മുന്നോടിയായി ടൗണിലെ ഗതാഗത പ്രശ്നത്തിന് പരിഹാരം കാണാൻ നഗരസഭാ ചെയർപേഴ്സൺ യോഗം വിളിച്ചു ചേർത്തു. ഡിവൈഎസ്പി, പിഡബ്ല്യുഡി അസിസ്റ്റന്റ് എൻജിനീയർ, വാട്ടർ അതോറിറ്റി അസിസ്റ്റന്റ് എൻജിനീയർ, ബിഎസ്എൻഎൽ ഉദ്യോഗസ്ഥർ , വടകരയിലെ കച്ചവട പ്രതിനിധികളുടെ കൂട്ടായ്മയായ വ്യാപാര വ്യവസായ സമിതി, മർച്ചന്റ് അസോസിയേഷൻ, വിവിധ ഓട്ടോ തൊഴിലാളി സംഘടന പ്രതിനിധികൾ, ബസ് ഓണർ അസോസിയേഷൻ പ്രതിനിധികൾ എന്നിവരും പങ്കെടുത്തു.
നവംബർ 12 മുതൽ ഗതാഗ ക്രമീകരണം
1 ജെട്ടി റോഡ് പെട്രോൾ പമ്പ് കഴിഞ്ഞ റോഡ് അടയ്ക്കും. പെരുവട്ടംതാഴ ഭാഗത്തുനിന്ന് വരുന്ന ചെറിയ വാഹനങ്ങൾ രാകേഷ് ഹോട്ടലിനു സമീപത്തുള്ള റോഡ് വഴി മാർക്കറ്റ് റോഡിലേക്ക് ഇറങ്ങാം.
2 മാർക്കറ്റ് റോഡും ലിങ്ക് റോഡും വൺവേ ഒഴിവാക്കി ടൂവേ സംവിധാനം ആക്കി മാറ്റാനും ,തിരുവള്ളൂർ റോഡിൽ നിന്ന് ആശുപത്രി ഭാഗത്ത് പോകുന്ന ചീരാംവീട്ടിൽ റോഡിൽ വൺവേ സൗകര്യമാക്കാനും തീരുമാനിച്ചു.
3 മാർക്കറ്റ് റോഡിലുള്ള ലോഡിങ് ആൻഡ് അൺലോഡിങ്ങിന് സമയ ക്രമീകരണം ഏർപ്പെടുത്തി. രാവിലെ ആറുമണി മുതൽ എട്ടുമണിവരെയും, ഉച്ചയ്ക്ക് 12 മണിമുതൽ മൂന്നുമണിവരെയും ആക്കി മാറ്റാനും തീരുമാനിച്ചു.

വടകര ജെ ടി റോഡിൽ കൾവർട്ട് നിർമാണ പ്രവൃത്തി; ഗതാഗത ക്രമീകരണം

നാദാപുരം : നാദാപുരം-കല്ലാച്ചി സംസ്ഥാന പാതയിലെ കുഴികൾ അടക്കണമെന്നും ഗതാഗത പ്രശ്നം പരിഹരിക്കണമെന്നും ആവശ്യപ്പെട്ട് കോൺഗ്രസ് സമരം. നാദാപുരം ടൗണിലേയും കല്ലാച്ചിയിലേയും വാരിക്കുഴികളിൽ വീണ് ആളുകൾക്ക് പരുക്ക് പറ്റുന്ന അവസ്ഥയിലാണ് കോൺഗ്രസ് പ്രവർത്തകർ സമരവുമായി രംഗത്തെത്തിയത്. കല്ലാച്ചിയിൽ നിന്നും പ്രകടനമായി വന്ന പ്രവർത്തകർ കസ്തൂരിക്കുളത്തെ റോഡിലെ വലിയ ഗർത്തത്തിനടുത്തു നിലയുറപ്പിച്ചു മുദ്രാവാക്യം വിളിച്ചു. തുടർന്ന് കുഴിയിൽ വാഴ നട്ടു.
മണ്ഡലം പ്രസിഡണ്ട് വി വി റിനീഷ് അധ്യക്ഷനായി. ബ്ലോക്ക് കോൺഗ്രസ് പ്രസിഡന്റ് മോഹനൻ പാറക്കടവ് ഉദ്ഘാടനം ചെയ്തു. അഡ്വ: കെ.എം രഘുനാഥ്, അഡ്വ എ സജീവൻ, പി.കെ ദാമു, ടി.രവീന്ദ്രൻ തുടങ്ങിയവർ സംസാരിച്ചു. എരഞ്ഞിക്കൽ വാസു, എം.കെ.പ്രേംദാസ് ,കോടിക്കണ്ടി മെയ്തു, അഖിലമര്യാട്ട്, കെ പ്രേമൻ, എ.വി മുരളീധരൻ, ഉമേഷ് പെരുവങ്കര, ഒ പിഭാസ്കർ, പി വി ചാത്തു, റീന കിണേമ്പ്രമ്മൽ, ബീന അണിയാരീമ്മൽ, എം.കെ വിജേഷ് എന്നിവർ നേതൃത്വം നൽകി.

കല്ലാച്ചിയിൽ റോഡിലെ കുഴിയിൽ വാഴനട്ട് കോൺഗ്രസ് പ്രതിഷേധം

ആയഞ്ചേരി: വില്ല്യാപ്പള്ളി , തിരുവള്ളൂർ,ആയഞ്ചേരി എന്നീ ഗ്രാമപഞ്ചായത്തുകളിലൂടെ കടന്നുപോകുന്നതും വില്ല്യാപ്പള്ളിയെയും ആയഞ്ചേരിയും തമ്മിൽ ബന്ധിപ്പിക്കുന്നതുമായ വില്യാപ്പള്ളി ആയഞ്ചേരി റോഡ് നവീകരണം അന്തിമ ഘട്ടത്തിൽ. പൊതുമരാമത്ത് വകുപ്പിന്റെ നേതൃത്വത്തിൽ വലിയ മാറ്റമാണ് വില്ല്യാപ്പള്ളി ആയഞ്ചേരി റോഡിൽ ഉണ്ടായിരിക്കുന്നത് എന്ന് കെ പി കുഞ്ഞമ്മദ് കുട്ടി എം എൽ എ പറഞ്ഞു. വില്ല്യാപ്പള്ളി-ആയഞ്ചേരി റോഡ് മുഴുവനായി ഉന്നത നിലവാരത്തിൽ എത്തിക്കാൻ വേണ്ടി പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസിനോട് അഭ്യർത്ഥിച്ചിരുന്നു. വില്ല്യാപ്പള്ളിയിൽ നിന്നും ആരംഭിക്കുന്ന ആദ്യ റീച്ചിലെ 1.25 കോടി രൂപയുടെ ബിസി ഓവർ ലേ പ്രവർത്തിയുടെ ഭാഗമായുള്ള ഐറിഷ് ഡ്രൈനേജ് നിർമ്മാണം ഉൾപ്പെടെ ഭൂരിഭാഗം പ്രവൃത്തികളും പൂർത്തിയാകാൻ പോവുകയാണ്. താന്നി മുക്കു വരെയുള്ള 1.65 കി മി ഭാഗമാണ് ഈ പ്രവർത്തിയിൽ ഉൾപ്പെടുക. ബി സി ഓവർ ലേ പ്രവൃത്തി പൂർത്തിയായതോടെ പറമ്പിൽ പാലത്തിനു മുകളിലായി വളരെക്കാലമായി നിലനിന്നിരുന്ന നിരപ്പ് വ്യത്യാസം പരിഹരിക്കപ്പെട്ടു. വില്ല്യാപ്പള്ളി ആയഞ്ചേരി റോഡിൽ അരയാക്കൂൽ താഴെമുതൽ വള്ളിയാട് വരെ വയലുകൾ വരുന്ന റോഡിന്റെ ഭാഗങ്ങൾ അരികുകെട്ടി സുരക്ഷിതമാക്കുന്നതിന് 25 ലക്ഷം രൂപയുടെ അനുമതി ലഭിച്ച പ്രവൃത്തിയും പുരോഗമിക്കുകയാണ്. രണ്ടാം റീച്ചിലെ 2.27 കോടി രൂപയുടെ പ്രവൃത്തി പൂർത്തിയായിരി. ആയഞ്ചേരിയിൽ എത്തുന്ന അവസാന റീച്ചിലെ 2 കോടി രൂപയുടെ പ്രവൃത്തിയും പൂർത്തീകരണ ഘട്ടത്തിലാണ്. വിവിധ ഘട്ടങ്ങളിലായി ഭൂവുടമകൾ സൗജന്യമായി ഭൂമി വിട്ടു തന്നതിന്റെ അടിസ്ഥാനത്തിലാണ് 5.77 കോടി രൂപയുടെ റോഡ് വികസനം യാഥാർത്ഥ്യമായത്. പൊതുമരാമത്ത് വകുപ്പ് മന്ത്രിയുടെ നേതൃത്വത്തിൽ നടത്തിയ ഇടപെടലുകളാണ് പദ്ധതിക്ക് ഇത്രയും പണം ലഭിക്കാനിടയായത്.
അനുമതി ലഭിച്ച് വളരെ ചുരുങ്ങിയ കാലത്തിനുള്ളിൽ തന്നെ പൂർത്തീകരണത്തിലേക്ക് എത്തിക്കുന്നതിന് പരിശ്രമം നടത്തിയ പൊതുമരാമത്ത് വകുപ്പ് ഉദ്യോഗസ്ഥർ, കരാറുകാർ, ജനപ്രതിനിധികൾ , സഹകരിച്ച നാട്ടുകാർ എല്ലാവർക്കും നന്ദി രേഖപ്പെടുത്തുന്നുവെന്നും എം എൽ എ പറഞ്ഞു.

വില്ല്യാപ്പള്ളി-ആയഞ്ചേരി റോഡ് ഉന്നത നിലവാരത്തിൽ

കുറ്റ്യാടി: ഗ്രാമപഞ്ചായത്തിനെയും കുന്നുമ്മൽ ഗ്രാമപഞ്ചായത്തിനെയും തമ്മിൽ ബന്ധിപ്പിക്കുന്നതും , നാദാപുരം - കുറ്റ്യാടി സംസ്ഥാനപാതയിൽ നിന്ന് ആരംഭിക്കുന്നതുമായ കടത്തനാടൻ കല്ല് ഞള്ളോറപ്പള്ളി റോഡ് ഉന്നത നിലവാരത്തിലേക്കുയരുന്നു. 2.2 കിലോമീറ്റർ ദൂരത്തിലുള്ള റോഡ് വികസനം യാഥാർത്ഥ്യമാകുന്നതോടെ പ്രദേശത്തെ നൂറുകണക്കിന് കുടുംബങ്ങൾക്ക് ആശ്വാസമാകും.5.5 മീറ്ററിൽ ബിഎംബിസി നിലവാരത്തിലാണ് റോഡ് വികസിപ്പിക്കുക. റോഡിൻറെ ആകെ വീതി 8 മീറ്ററാണ്.
2024-25 ബജറ്റിൽ ഉൾപ്പെടുത്തിയ ഈ റോഡ് പ്രവർത്തിക്ക് ചുരുങ്ങിയ കാലയളവിനുള്ളിൽ തന്നെ ഭരണാനുമതി, സാങ്കേതിക അനുമതി എന്നിവ ലഭിക്കുകയും, ടെണ്ടർ നടപടികൾ പൂർത്തീകരിച്ച് കരാറുകാരൻ പ്രവൃത്തി ഏറ്റെടുത്തിരിക്കുകയുമാണ്. പൊതുമരാമത്ത് വകുപ്പിന്റെ നേതൃത്വത്തിൽ സമയബന്ധിതമായാണ് പ്രവൃത്തിയുടെ വിവിധ ഘട്ടങ്ങൾ പൂർത്തീകരിച്ചത്. റോഡിൻറെ പ്രാധാന്യ കണക്കിലെടുത്ത് 2024-25 ബജറ്റിൽ ഉൾപ്പെടുത്തണമെന്ന് ധനമന്ത്രിയോട് കെ പി കുഞ്ഞമ്മദ് കുട്ടി എം എൽ എ അഭ്യർത്ഥിക്കുകയായിരുന്നു.
റോഡ് പ്രവൃത്തി ആരംഭിക്കുന്നതുമായി ബന്ധപ്പെട്ട് എം എൽ എ യുടെ നേതൃത്വത്തിൽ യോഗം ചേർന്നു. കുറ്റ്യാടി ഗ്രാമ പഞ്ചായത്ത് പ്രസിഡണ്ട് ഒ.ടി. നഫീസ അദ്ധ്യക്ഷത വഹിച്ചു .കുറ്റ്യാടി ഗ്രാമ പഞ്ചായത്ത് വൈസ് പ്രസിഡണ്ട് ടി.കെ. മോഹൻദാസ് സ്വാഗതം പറഞ്ഞു. എം.എൽ. എ. യോഗം ഉദ്ഘാടനം ചെയ്തു. കുന്നുമ്മൽ ബ്ലോക്ക് പഞ്ചായത്ത് പ്രസിഡണ്ട് കെ.പി. ചന്ദ്രി , പൊതുമരാമത്ത് വകുപ്പ് റോഡ്സ് വിഭാഗം അസിസ്റ്റൻറ് എക്സിക്യൂട്ടീവ് എൻജിനീയർ നിധിൻ ലക്ഷ്മണൻ,അസിസ്റ്റൻറ് എഞ്ചിനീയർ നളിൻ കുമാർ, ജനപ്രതിനിധികൾ, രാഷ്ട്രിയ പാർട്ടി പ്രതിനിധികൾ, പ്രദേശവാസികൾ, ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.&nbsp;

കടത്തനാടൻ കല്ല് -ഞള്ളോറപ്പള്ളി റോഡ് ഉന്നതനിലവാരത്തിലേക്ക്

Kuttiadi

വടകര: ജെ.ടി റോഡിലെ വെള്ളക്കെട്ട് പരിഹരിക്കാനായി റോഡ് ഉയർത്തി നവീകരിക്കുന്ന പ്രവൃത്തി അടുത്തയാഴ്ച തുടങ്ങുമെന്ന് കെ.കെ രമ എം എൽ എ അറിയിച്ചു. കഴിഞ്ഞ ദിവസം വടകര ഗസ്റ്റ് ഹൗസിൽ നടന്ന അവലോകന യോഗത്തിൽ പൊതുമരാമത്ത് വകുപ്പ് എഞ്ചിനീയർ ഇക്കാര്യത്തിൽ ഉറപ്പു നൽകിയതായി എം.എൽ.എ പറഞ്ഞു. 20 ലക്ഷമാണ് എസ്റ്റിമേറ്റ്. മഴക്കാലത്ത് വലിയ തോതിൽ വെള്ളം കയറുന്ന ഇവിടെ വാഹനയാത്രയ്ക്കും കാൽനടയാത്രക്കാർക്കും ഏറെ ബുദ്ധിമുട്ട് ഉണ്ടാവുന്നതാണ്. റോഡിൻ്റെ ഓരോ വശങ്ങളിലായാണ് കൾവെർട്ട് പ്രവൃത്തി നടക്കുക. അതിനാൽ ഗതാഗത നിയന്ത്രണം ഏർപ്പെടുത്തേണ്ടി വരുമെന്നും പൊതുമരാമത്ത് വകുപ്പ് അറിയിച്ചതായി എം.എൽ.എ പറഞ്ഞു.

ജെ.ടി റോഡിലെ വെള്ളക്കെട്ടിന് പരിഹാരം; റോഡുപണി ഒരാഴ്ചയ്ക്കകമെന്ന് എം എൽ എ

വടകര : കുട്ടോത്ത്-അട്ടക്കുണ്ടുകടവ് റോഡ് വികസനവുമായി ബന്ധപ്പെട്ട് ഒക്ടോബർ 16-ന് ഹൈക്കോടതി പുറത്തിറക്കിയ ഉത്തരവിനെ മറയാക്കി റോഡ് വികസനകർമസമിതി വസ്തുതാവിരുദ്ധമായ പ്രചാരണമാണ് നടത്തുന്നതെന്ന് ഇരകളുടെ കർമസമിതി പത്രക്കുറിപ്പിൽ ആരോപിച്ചു. റോഡ് പദ്ധതി ഏതുവിധേനെയും തടസ്സപ്പെടുത്താനുള്ള നിക്ഷിപ്ത താത്പര്യക്കാരുടെ ശ്രമങ്ങളാണ് ഇതിനുപിന്നിൽ. റോഡിന്റെ വീതി 10 മീറ്ററിൽനിന്ന് 12 മീറ്ററാക്കിയെന്നും ഇതുപ്രകാരമുള്ള അതിർത്തിക്കല്ലുകൾ പുനഃസ്ഥാപിക്കുമെന്നുമാണ് ഇവർ പ്രചരിപ്പിക്കുന്നത്.
എന്നാൽ, 2013-ലെ ഭൂമിയേറ്റെടുക്കൽ നിയമപ്രകാരമുള്ള നടപടികൾ പൂർത്തിയാകുന്നതിന് അനുസൃതമായി നിർദിഷ്ട റോഡിന്റെ വീതിയിൽ എന്തെങ്കിലും മാറ്റമുണ്ടെങ്കിൽ അതനുസരിച്ച് മുന്നോട്ടുപോകാൻ സർക്കാരിന് സ്വാതന്ത്ര്യമുണ്ടെന്ന് കോടതി ചൂണ്ടിക്കാട്ടിയിട്ടുണ്ട്. ഇത് മറച്ചുവെച്ചുകൊണ്ടാണ് കോടതിയുടെ വിധിയെപോലും ഇവർ ഭാവനയ്ക്കനുസരിച്ച് വളച്ചൊടിക്കുന്നത്.
ജനങ്ങളെ തെറ്റിദ്ധരിപ്പിക്കാൻ വേണ്ടിയാണിത്. അഞ്ചുവർഷമായി വൈകിയ പദ്ധതി ഇനിയും വൈകിപ്പിക്കുന്നതിനോ ഇല്ലാതാക്കുന്നതിനോ മാത്രമേ ഇത് ഉപകരിക്കൂവെന്ന് ഇരകളുടെ കർമസമിതി ചൂണ്ടിക്കാട്ടി. ആവശ്യമായ ഭൂമി ഏറ്റെടുത്തുകൊണ്ട് പദ്ധതി നടപ്പാക്കുന്നതിന് ഇവിടെ ഇരകൾ ഒരുഘട്ടത്തിലും തടസ്സം നിന്നിട്ടില്ല. പദ്ധതിയെ വ്യവഹാരത്തിലേക്ക് നയിച്ചതും ഇരകളല്ല. കോടതി ഉത്തരവിനെപ്പോലും വക്രീകരിച്ച് പ്രചരിപ്പിക്കുന്ന ചില നിക്ഷിപ്ത താത്പര്യക്കാരുടെ ശ്രമം മണിയൂരിലെ പ്രബുദ്ധരായ ജനം തിരിച്ചറിയണമെന്ന് കർമസമിതി ആവശ്യപ്പെട്ടു.

കുട്ടോത്ത്-അട്ടക്കുണ്ടുകടവ് റോഡ്; കോടതി ഉത്തരവിനെ വികസനകർമസമിതി വളച്ചൊടിക്കുന്നുവെന്ന് ഇരകളുടെ കർമസമിതി

വടകര: നഗര പരിധിയിലെ വാർഡ് 12 ൽ വലകെട്ട് മുക്കിൽ കുടിവെള്ള പൈപ്പ് പൊട്ടി റോഡ് പാടെ തകർന്നു. ചൊവ്വാഴ്ച രാവിലെയോടെയാണ് റോഡിൽ പലയിടത്തും ഗർത്തങ്ങൾ കണ്ടത്. വാഹനങ്ങൾ അപകടത്തിൽ പെട്ടതോടെയാണ് റോഡിൽ വിള്ളലുണ്ടായ കാര്യം നാട്ടുകാരുടെ ശ്രദ്ധയിൽ പെട്ടത്. ട്രെയിനിങ്ങ് സ്കൂൾ പുതിയാപ്പ് റോഡിൽ വലകെട്ട് മുക്കിൽ വളവിലാണ് അപകടം പതിയിരിക്കുന്നത്. ഇരു ഭാഗത്തു നിന്നും വരുന്ന വാഹനങ്ങൾ റോഡ് തകർന്നതറിയാതെ അപകടത്തിൽ പെടുന്ന അവസ്ഥയാണ്.&nbsp;
അപകട സൂചന നൽകുന്നതിന് ചെറിയ കയർ കെട്ടിയും കമ്പുകൾ നിരത്തിയും നാട്ടുകാർ സംരക്ഷണ വലയം തീർത്തിട്ടുണ്ട്. റോഡിൽ മുഴുവനായും വിള്ളൽ സംഭവിച്ചതിനാൽ കുടിവെള്ള പൈപ്പുകൾ പൊട്ടിയ സ്ഥലം കണ്ടെത്തണമെങ്കിൽ റോഡ് മുഴുവൻ കുഴിയെടുക്കേണ്ട അവസ്ഥയിലാണ്. ഇന്നലെ വൈകിട്ടോടെ പൈപ്പ് പൊട്ടിയ ഭാഗം അറ്റകുറ്റ പണികൾ നടത്തിയെങ്കിലും റോഡിലൂടെ വലിയ വാഹനങ്ങൾ കടന്നു പോകുമ്പോൾ കുഴിയിൽ താഴുന്ന അവസ്ഥയിലാണ്.

പലയിടത്തും വിള്ളൽ; ട്രെയിനിങ്ങ് സ്കൂൾ-പുതിയാപ്പ് റോഡിൽ അപകട ഭീഷണി

കുറ്റ്യാടി: നിർമ്മാണം പൂർത്തിയാക്കിയ അടുക്കത്തെ ഒന്തത്ത് - തെയ്യമ്പാടി റോഡിൻ്റെ ഉദ്ഘാടനം വാർഡ് മെമ്പർ ടി.പി. ആലി നിർവഹിച്ചു. ചടങ്ങിൽ അയൽക്കൂട്ടം ചെയർമാൻ ഷമീന തെയ്യമ്പാടി അധ്യക്ഷത വഹിച്ചു. വി.കെ. കുഞ്ഞബ്ദുള്ള, ഡി.കെ മുഹമ്മദ്, കെ.കെ.മുഹമ്മദ്‌ ശരീഫ്, ഹമീദ് തടപ്പാട്ടിൽ, കോവുമ്മൽ അമ്മദ് ഹാജി, അഷ്റഫ്.ടി.പി, നവാസ് മാണിക്കോത്ത്, അമ്മദ് കാഞ്ഞായി, കെ.ഹമീദ്, പി.കെ.ഷാനവാസ് എന്നിവർ സംസാരിച്ചു.

റോഡ് ഉദ്ഘാടനം ചെയ്തു

Inshort

വടകര: ചീരാം വീട്ടിൽ പിടിക- ശ്രീനാരായണ സ്കൂൾ റോഡ് യാഥാർത്ഥ്യമാക്കുന്നതിന് വേണ്ടി ആക്ഷൻ കമ്മിറ്റി രൂപീകരിച്ചു. റോഡ് വീതി കൂട്ടി കോൺക്രീറ്റ് ചെയ്യുന്നതിന് വേണ്ടി വടകര മുൻസിപ്പാലിറ്റി 5 ലക്ഷം രൂപ അനുവദിച്ചിട്ടുണ്ട്. റോഡ് വീതി കൂട്ടുന്നതിന് വേണ്ടി സ്ഥലമുടമകളെ കാണാൻ ഭാരവാഹികളെ ചുമതലപ്പെടുത്തി. ആക്ഷൻ കമ്മിറ്റി ഭാരവാഹികളായി മോഹൻദാസ് കൈക്കണ്ടത്തിൽ (ചെയർമാൻ), ബിനോഷ് കുമാർ (കൺവീനർ) എന്നിവരെ തിരഞ്ഞെടുത്തു. യോഗത്തിൽ വാർഡ് കൗൺസിലർ അജിത ചീരാം വീട്ടിൽ അധ്യക്ഷം വഹിച്ചു. സോമൻ മുതുവന, അതുൽ ഡി, സുജിത്ത്, അശോകൻ എന്നിവർ സംസാരിച്ചു.

ആക്ഷൻ കമ്മിറ്റി രൂപീകരിച്ചു

വടകര: യൂത്ത് കോൺഗ്രസ് ചോറോട് മണ്ഡലം കമ്മിറ്റിയുടെ നേതൃത്വത്തിൽ കൈനാട്ടിയിൽ നിന്നും മീത്തലങ്ങാടി കക്കാട്ട് പള്ളി മേഖലകളിലേക്കുള്ള റോഡ് ഉപരോധിച്ചു. ദേശീയപാത വികസനവുമായി ബന്ധപ്പെട്ട് മണ്ണെടുത്തതിന്റെ ഫലമായാണ് റോഡ് തകർന്നത്. മാസങ്ങളായി ഈറോഡ് പൊട്ടിപ്പൊളിഞ്ഞ നിലയിലാണുള്ളത്. മീത്തലങ്ങാടി പ്രൈമറി ഹെൽത്ത് സെന്റർ, റേഷൻ കട, എന്നിവിടങ്ങളിലേക്ക് വന്ന പോകുന്ന ആളുകളും പ്രദേശവാസികളും ഏറെ ബുദ്ധിമുട്ടിയാണ് ഈ വഴിയിലൂടെ പോകുന്നത്.&nbsp;
ഇരുചക്രവാഹനത്തിൽ സഞ്ചരിക്കുന്നവർ ഈ റോഡിൽ വഴുതി വീഴുന്നത് സ്ഥിരം കാഴ്ചയാണ്. അടിയന്തരമായി റോഡ് റീടാറിങ്ങ് ചെയ്യുക എന്ന് ആവശ്യപ്പെട്ടുകൊണ്ടാണ് യൂത്ത് കോൺഗ്രസ് റോഡ് ഉപരോധിച്ചത്. ഉപരോധസമരം യൂത്ത് കോൺഗ്രസ് വടകര നിയോജക മണ്ഡലം പ്രസിഡണ്ട് സി നിജിൻ ഉദ്ഘാടനം ചെയ്തു. മണ്ഡലം പ്രസിഡണ്ട് കാർത്തിക് ചോറോട് അധ്യക്ഷത വഹിച്ചു.പി. ടി. കെ നജ്മൽ,മുഹമ്മദ്‌ മിറാഷ്, രജിത്ത് മാലോൽ, രാകേഷ് കെ. ജി,ബിജു മൊട്ടേമ്മൽ,റയീസ് കോടഞ്ചേരി, ഗായത്രി മോഹൻദാസ്, ദിൽരാജ് പനോളി, ജിബിൻരാജ് കൈനാട്ടി,സിജു പുഞ്ചിരിമിൽ, സുഭാഷ് ചെറുവത്ത്, ജുനൈദ്, സവാദ്, ഷഫീൻ, പ്രകാശൻ എൻ കെ ,എന്നിവർ നേതൃത്വം നൽ

ചോറോട് റോഡ് ഉപരോധിച്ച് യൂത്ത് കോൺഗ്രസ്

വടകര: തകർന്ന റോഡിൽ ജനങ്ങളുടെ തട്ടിക്കൂട്ട് വർക്ക്‌ നടത്തി ജനരോഷത്തിൽ നിന്നും ഒളിച്ചോടാൻ കാണിക്കുന്ന ശ്രമം വിലപ്പോവിലെന്നും അടിയന്തിരമായി റോഡ് നിർമ്മാണം നടത്താൻ ചോറോട് പഞ്ചായത്ത് തയ്യാറാകണമെന്നും യൂത്ത് കോൺഗ്രസ്‌ ചോറോട് മണ്ഡലം കമ്മിറ്റി ആവശ്യപ്പെട്ടു. ചോറോട് പഞ്ചായത്തിലെ ഇരുപതാം വാർഡിൽ തീരദേശ മേഖലയെ ടൗണുമായി ബന്ധിപ്പിക്കുന്ന റോഡിന്റെ പുനർ നിർമ്മാണം നല്ല രീതിയിൽ നടത്താതിൽ പ്രതിഷേധിച്ചു കൊണ്ട് യൂത്ത് കോൺഗ്രസ്‌ ചോറോട് മണ്ഡലം കമ്മിറ്റിയുടെ നേതൃത്വത്തിൽ ശക്തമായ പ്രക്ഷോഭം വരും ദിവസം സംഘടിപ്പിക്കുമെന്ന് മണ്ഡലം പ്രസിഡന്റ്‌ കാർത്തിക് ചോറോട് പറഞ്ഞു.&nbsp;
പഞ്ചായത്ത് പ്രസിഡന്റ് പ്രതിനിധീകരിക്കുന്ന വാർഡിലാണ് ദേശീയപാതയുടെ വികസനത്തിന്റെ ഭാഗമായി മണ്ണെടുത്തതിന്റെ ഫലമായി റോഡ് തകർന്ന് കിടക്കുന്നത്. നൂറുകണക്കിനാളുകൾ ഗതാഗതത്തിന് ഉപയോഗിക്കുന്ന ഈ റോഡ് പൂർവസ്ഥിതിയിൽ ആക്കാൻ പഞ്ചായത്ത് അടിയന്തരമായ നടപടികൾ സ്വീകരിക്കേണ്ടതായിട്ടുണ്ട് എന്ന് ആവശ്യപ്പട്ട് സൂചനാ പ്രതിഷേധം യൂത്ത് കോൺഗ്രസ്‌ കൈനാട്ടി മേഖല കമ്മിറ്റി സംഘടിപ്പിചിരുന്നു. തുടർന്ന് പഞ്ചായത്ത് ഇടപെടുകയും വാഗഡ് അധികൃതരുടെ സഹായത്തോടെ തട്ടിക്കൂട്ട് വർക്ക്‌ നടത്തുകയുമാണ് ഉണ്ടായത്.&nbsp;
കൈനാട്ടിയിൽ നിന്ന് റേഷൻ പീടികയിലേക്കും കക്കാട്ടു പള്ളി, മീത്തലങ്ങാടി ഹെൽത്ത് സെന്റർ എന്നിവിടങ്ങളിലേക്കും പോകേണ്ടേ റോഡിൽ കൂടി പോകാൻ വാഹനങ്ങൾ പ്രയാസപ്പെടുകയാണ്. ഇരുചക്ര വാഹനങ്ങൾ വീണ് അപകടം പറ്റുന്നത് സ്ഥിരം കാഴ്ചയാണ്. മാസങ്ങൾ കഴിഞ്ഞിട്ടും തകർന്ന റോഡ് പുനർനിർമ്മിക്കുന്നതിൽ വാർഡ് മെമ്പറും പഞ്ചായത്തും പരാജയം ആണെന്ന് യൂത്ത് കോൺഗ്രസ്‌ ചോറോട് മണ്ഡലം കമ്മിറ്റി ആരോപിച്ചു. അടിയന്തിര പരിഹാരം ഉണ്ടാകാത്ത പക്ഷം ബഹു ജനങ്ങളെ അണി നിരത്തി ശക്തമായ പ്രക്ഷോഭങ്ങൾക്ക് നേതൃത്വം നൽകുമെന്ന് യൂത്ത് കോൺഗ്രസ്‌ ചോറോട് മണ്ഡലം കമ്മിറ്റി അറിയിച്ചു.

ചോറോട് തകർന്ന റോഡ് പുനർനിർമ്മിക്കുക; യൂത്ത് കോൺഗ്രസ്‌ പ്രക്ഷോഭത്തിലേക്ക്

ആയഞ്ചേരി: ഗ്രാമ പഞ്ചായത്ത് 8-ാം വാർഡിലെ കരുവണ്ടി, വെള്ളറാട്ട് ഭാഗങ്ങളിലെ ജനങ്ങളുടെ വളരെയേറെ കാലത്തെ യാത്രാക്ലേശത്തിന് പരിഹാരമായി. കെ.പി കുഞ്ഞമ്മത്കുട്ടി എം എൽ എയുടെ പ്രത്യേക വികസന ഫണ്ടിൽഉൾപ്പെടുത്തി 10 ലക്ഷം രൂപ ചെലവഴിച്ചാണ് റോഡ്പണി പൂർത്തിയാക്കിയത്. കരുവാണ്ടിമുക്കിൽ വെച്ച് കെ.പി കുഞ്ഞമ്മത് കുട്ടി എം.എൽ എ റോഡ് ഉൽഘാടനം ചെയ്തു. പഞ്ചായത്ത് പ്രസിഡണ്ട് എൻ. അബ്ദുൾ ഹമീദ് അധ്യക്ഷം വഹിച്ചു. വൈസ് പ്രസിഡണ്ട് പി.കെ ആയിഷ, സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ, വാർഡ് മെമ്പർ ലിസ പുനയംകോട്ട്, കെ.സോമൻ, കിളിയമ്മൽ കുഞ്ഞബ്ദുള്ള, കണ്ണോത്ത് ദാമോദരൻ, ടി.വി ഭരതൻ, സി.വി. കുഞ്ഞിരാമൻ, കണ്ടോത്ത് കുഞ്ഞിരാമൻ, എൻ കെ സുരേന്ദ്രൻ, കെ മധു എന്നിവർ പ്രസംഗിച്ചു.

യാത്രാക്ലേശത്തിന് പരിഹാരം; റോഡ് ഉദ്ഘാടനം ചെയ്‌തു

ആയഞ്ചേരി: തിരുവള്ളൂർ ഗ്രാമപഞ്ചായത്ത് വാർഷിക പദ്ധതിയിൽ ഉൾപ്പെടുത്തി പണി പൂർത്തിയാക്കിയ കപ്പള്ളിമുക്ക് -കുറ്റിപ്പുറത്ത് കണ്ടി റോഡ് നാടിന് സമർപ്പിച്ചു. തിരുവള്ളൂർ ഗ്രാമപഞ്ചായത്ത് പ്രസിഡണ്ട് സബിത മണക്കുനി ഉദ്ഘാടനം ചെയ്തു. ഗ്രാമപഞ്ചായത്ത് അംഗം ബവിത്ത് മലോൽ അധ്യക്ഷത വഹിച്ചു. എം സി അഷ്റഫ്, ടി എച്ച് ശ്രീധരൻ, കെ കെ വിജയൻ, ഷിനൂബ് രാജ്, വള്ളിൽ ശ്രീജിത്ത്, വിനു കപ്പള്ളി എന്നിവർ സംസാരിച്ചു.

വടകര: വില്യാപ്പള്ളി-ആയഞ്ചേരി റോഡിൽ അരയാക്കൂൽ താഴെ മുതൽ വള്ള്യാട് വരെ വരുന്ന ഭാഗത്ത് റോഡിൻറെ വശം കെട്ടി സംരക്ഷിക്കുന്നതിന് 25 ലക്ഷം രൂപയുടെ ഭരണാനുമതി ലഭിച്ചതായി കെ പി കുഞ്ഞമ്മദ് കുട്ടി എം എൽ എ. വില്യാപ്പള്ളി- ആയഞ്ചേരി റോഡിൻറെ രണ്ടാംഘട്ട പ്രവൃത്തി നടക്കുന്ന ഭാഗത്ത് വയലുകൾ ഉള്ളതിനാൽ റോഡ് സംരക്ഷിക്കേണ്ടതിന്റെ ആവശ്യത്തിലേക്കാണ് ഈ പദ്ധതിക്ക് അനുമതി ലഭിച്ചിട്ടുള്ളത്. വയൽ റോഡുമായി ബന്ധപ്പെടുന്ന ഭാഗത്ത് സംരക്ഷണഭിത്തി നിർമ്മിക്കുന്നതിനാണ് പൊതുമരാമത്ത് വകുപ്പിൽ നിന്നും അനുമതി ലഭിച്ചിട്ടുള്ളത്.
നിലവിൽ 2.27 കോടി രൂപയുടെ രണ്ടാം റീച്ച് പ്രവൃത്തിയും, 2 കോടി രൂപയുടെ അവസാന റീച്ച് പ്രവർത്തിയും പൂർത്തിയാകുന്നതോടെ വില്യാപ്പള്ളി ആയഞ്ചേരി റോഡ് പൂർണമായും ബിഎംബിസി നിലവാരത്തിലേക്ക് ഉയരും. കൂടാതെ വില്യാപ്പള്ളിയിൽ നിന്നും ആരംഭിക്കുന്ന ഒന്നാം റീച്ചിൽ 1.25 കോടി രൂപയുടെ ബിസി ഓവർലേ പ്രവർത്തിക്കും അംഗീകാരം ലഭിച്ചിട്ടുണ്ട്. ഈ പ്രവർത്തിയുടെ ഭാഗമായി ഒന്നാം റീച്ചിലെ ആവശ്യമുള്ള സ്ഥലങ്ങളിൽ ഡ്രെയിനേജും റോഡിൻറെ വശങ്ങളിൽ കോൺക്രീറ്റ് ബേമും നിർമ്മിക്കും.
പൊതുമരാമത്ത് വകുപ്പിന്റെഅംഗീകാരം ലഭിച്ച 5.77 കോടി രൂപയുടെ പ്രവൃത്തികൾ പൂർത്തിയാകുന്നതോടെ റോഡ് ഉന്നത നിലവാരത്തിലേക്ക് ഉയരുമെന്നും അദ്ദേഹം അറിയിച്ചു.

വില്യാപ്പള്ളി-ആയഞ്ചേരി റോഡിന് 25 ലക്ഷം കൂടി അനുവദിച്ചു

ബാലുശ്ശേരി: കക്കയം ഡാം സൈറ്റ് റോഡിലേക്ക് പാറക്കൂട്ടം അടർന്ന് വീണു. ബി.വി.സി ഭാഗത്താണ് പാറക്കൂട്ടം റോഡിലേക്ക് വീണത്.
കനത്ത മഴക്കിടെ ഇന്നലെ രാത്രിയോടെയാണ് സംഭവം. ഇതോടെ താഴ്വാരത്ത് താമസിക്കുന്ന പത്തോളം കുടുംബങ്ങൾ ഭീഷണിയിലാണ്.പാറക്കല്ലുകൾ പൊട്ടിച്ച് നീക്കി ഡാം സൈറ്റ് റോഡിൽ ഗതാഗതം പുനഃസ്ഥാപിക്കാനുള്ള പ്രവൃത്തികൾ നടക്കുന്നു.

കക്കയം ഡാം റോഡിൽ പാറക്കൂട്ടം അടർന്ന് വീണു

Kozhikode

വടകര: ദേശീയപാതയിലെ കുണ്ടുകളും കുഴികളും അടച്ച് ഗതാഗത തടസത്തിന് പരിഹാരം കാണാൻ ദേശീയപാത അതോറിറ്റിയും,വാഗഡ് നിർമ്മാണ കമ്പനിയും. അഴിയൂർ മുതൽ വെങ്ങളം വരെയുള്ള റോഡിൽ റീ ടാറിംഗ് പ്രവൃത്തി ആരംഭിച്ചു. കഴിഞ്ഞ ദിവസം വിഷയം ഉന്നയിച്ചുകൊണ്ട് യൂത്ത് കോൺഗ്രസ് വടകര നിയോജകമണ്ഡലം കമ്മിറ്റിയുടെ നേതൃത്വത്തിൽ വടകരയിലെ ദേശീയപാത അതോറിറ്റിയുടെ ഓഫീസിൽ ഉപരോധ സമരം നടത്തിയിരുന്നു. ഇതിന് പിന്നാലെയാണ് റീടാറിങ് പ്രവർത്തിയുമായി വൈകുന്നേരം മുതൽ ദേശീയപാത അതോറിറ്റിയും വാഗഡ് നിർമ്മാണ കമ്പനിയും മുന്നോട്ടുവന്നതെന്ന് നിയോജക മണ്ഡലം പ്രസിഡണ്ട് സി. നിജിൻ പറഞ്ഞു.

യൂത്ത് കോൺഗ്രസ് സമരം; ദേശീയപാതയിൽ റീ ടാറിംഗ് പ്രവൃത്തി ആരംഭിച്ചു

വടകര: വില്യാപ്പള്ളി ചേലക്കാട് റോഡിലെ , അക്ലോത്ത് നട, മയ്യന്നൂർ, വില്യാപ്പള്ളി ടൗണിൽ ഉൾപ്പെടെ റോഡ് തകരാറിലായി ഗതാഗതത്തിന് നേരിടുന്ന പ്രയാസം കോഴിക്കോട് നടന്ന ജില്ലാ വികസന സമിതി യോഗത്തിൽ ഉന്നയിച്ചെന്ന് കെ പി കുഞ്ഞമ്മദ് കുട്ടി എം എൽ എ. 30 ലക്ഷം രൂപയുടെ പുനരുദ്ധാരണ പ്രവൃത്തിയുടെ ടെണ്ടർ നടപടികൾ പൂർത്തീകരിച്ചിട്ടുണ്ടെന്നും കരാർ നടപടികൾ പൂർത്തിയാക്കി ഉടൻതന്നെ പ്രവൃത്തി ആരംഭിക്കുമെന്നും കെ ആർ എഫ് ബി എക്സിക്യൂട്ടീവ് എഞ്ചിനീയർ യോഗത്തിൽ അറിയിച്ചു.
കുറ്റ്യാടി ടൗണിൽ നിന്നും 740 മീറ്റർ തൊട്ടിൽപ്പാലം ഭാഗത്തേക്കുള്ള ബിഎംബിസി റോഡ് പ്രവർത്തി മഴയുടെ തീവ്രത കഴിയുന്ന ഉടനെ ചെയ്യുമെന്ന് യോഗത്തിൽ പൊതുമരാമത്ത് വകുപ്പ് റോഡ് വിഭാഗം എക്സിക്യൂട്ടീവ് എഞ്ചിനീയർ അറിയിച്ചു. ജലജീവൻ മിഷന്റെ ഭാഗമായി നിരവധി റോഡുകളിൽ പൈപ്പ് ലൈൻ കുഴിച്ചിട്ട ഭാഗങ്ങൾ തകരാറിലായ വിഷയവും യോഗത്തിൽ ജില്ലാ കലക്ടറുടെ ശ്രദ്ധയിൽപ്പെടുത്തി.
ജലജീവന്‍ മിഷന്റെ ഭാഗമായി പൈപ്പ് ലൈൻ ഇട്ട റോഡുകൾ പുനരുദ്ധരിക്കാൻ തദ്ദേശ വകുപ്പ് ജോയിൻ ഡയറക്ടർ ഇടപെടണമെന്നും വാട്ടർ അതോറിറ്റിയുമായി സംയുക്ത യോഗം ചേർന്ന് നടപടികൾ സ്വീകരിക്കണമെന്നും ഡിഡിസി യോഗത്തിൽ തീരുമാനിച്ചു. എംഎൽഎ ആസ്തി വികസനഫിൽ നിന്നും 80 ലക്ഷം രൂപ അനുവദിച്ച 53 സ്ഥലങ്ങളിൽ മിനിമാസ്സ് ലൈറ്റ് സ്ഥാപിക്കാനുള്ള പ്രവർത്തിയുടെ ടെണ്ടർ നടപടികൾ പൂർത്തീകരിച്ച് ഉടനെ തന്നെ പ്രവൃത്തി ആരംഭിക്കുമെന്നും പൊതുമരാമത്ത് വകുപ്പ് ഇലക്ട്രിക്കൽ വിഭാഗം എക്സിക്യൂട്ടീവ് എഞ്ചിനീയർ യോഗത്തിൽ അറിയിച്ചു. വേളം ഗ്രാമപഞ്ചായത്തിലെ കൂളിക്കുന്ന്, ചോയി മഠം പട്ടികജാതി നഗറുകളുടെ വികസന പ്രവർത്തികൾ ഉടനെ ആരംഭിക്കണമെന്നും യോഗത്തിൽ നിർദ്ദേശം നൽകി. കുന്നുമ്മൽ വോളിബോൾ അക്കാദമിയുടെ പ്രവർത്തി ഓഗസ്റ്റ് മാസത്തിൽ ആരംഭിക്കാനും യോഗത്തിൽ തീരുമാനിച്ചു.

വടകര-വില്ല്യാപ്പള്ളി-ചേലക്കാട് റോഡിലെ തകരാറുകൾ ഡിഡിസി യോഗത്തിൽ ഉന്നയിച്ച് കെ പി കുഞ്ഞമ്മദ് കുട്ടി എം എൽ എ

അഴിയൂർ : റെയിൽവെ കമ്പിവേലി കെട്ടി തടസ്സപ്പെടുത്തിയ മുക്കാളി റെയിൽവേ ഗേറ്റ്- കല്ലാമല സ്കൂൾ റോഡ് പുന:സ്ഥാപിക്കണമെന്ന് അഴിയൂർ പഞ്ചായത്തിലെ ജനപ്രതിനിധികളുയും സാമൂഹ്യ രാഷ്ട്രീയ പാർട്ടി പ്രതിനിധികളുടെയും യോഗം ആവശ്യപ്പെട്ടു. പതിറ്റാണ്ടുകളായി വാഹനം പോയിക്കൊണ്ടിരുന്ന റോഡ് റെയിൽവെ കൊട്ടിയടച്ച സംഭവത്തിൽ വ്യാപക പ്രതിഷേധം ഉയർന്നു. കാൽ നട പോലും അനുവദിക്കാത്ത തരത്തിൽ സഞ്ചാര സ്വാതന്ത്ര്യം തടഞ്ഞതിനെതിരെ ആക്ഷൻ കമ്മിറ്റി രൂപീകരിച്ചു.
കൊയിലാണ്ടിയിലെ റെയിൽവെ എഞ്ചിനീയറിംഗ് വിഭാഗം തിങ്കളാഴ്ച ഉച്ചയോടെയാണ് ഇരുമ്പ് കമ്പിവേലി കെട്ടി ഗതാഗതം തടസ്സപ്പെടുത്തിയത്. ഗ്രാമപഞ്ചായത്തംഗം റീന രയരോത്ത് അദ്ധ്യക്ഷത വഹിച്ചു. ബ്ലോക്ക് പഞ്ചായത് പ്രസിഡണ്ട് കെ പി ഗിരിജ യോഗം ഉദ്ഘാടനം ചെയ്തു. കെ. സാവിത്രി, എംപി ബാബു, ഹാരിസ് മുക്കാളി, പി.കെ. പ്രകാശൻ, പ്രദീപ് ചോമ്പാല , കെ എ സുരേന്ദ്രൻ, പി.പി. ശ്രീധരൻ, പാമ്പള്ളി ബാലകൃഷ്ണൻ, ഷംസീർ മിന്നാട്ടിൽ, കെ. പി. ജയകുമാർ, കെ പി വിജയൻ, കെ പി രവീന്ദ്രൻ എന്നിവർ സംസാരിച്ചു. ഭാരവാഹികൾ: റീന രയരോത്ത് (ചെയർ ), കെ.കെ.ജയചന്ദ്രൻ (ജന.കൺ) , പി. ബാബുരാജ് (ട്രഷ).&nbsp;

'റെയിൽവെ കമ്പിവേലി കെട്ടി തടസ്സപ്പെടുത്തിയ റോഡ് പുനസ്ഥാപിക്കുക'

അഴിയൂർ : അടച്ച് പൂട്ടിയ മുക്കാളി- കല്ലാമല റോഡ് പുനസ്ഥാപിച്ച് ജനങ്ങൾക്ക് യാത്രാ സൗകര്യം ഉറപ്പ് വരുത്തണമെന്ന് എസ് ഡി പി ഐ അഴിയൂർ പഞ്ചായത്ത് കമ്മിറ്റി. പതിറ്റാണ്ടുകളായി മുക്കാളി ,കല്ലാമല മറ്റിതര പ്രദേശങ്ങളിലുള്ളവർ യാത്രയ്ക്ക് ഉപയോഗിച്ച് വരുന്ന റെയിൽവേയുടെ പരിസരത്തു കൂടിയുള്ള മുക്കാളി-കല്ലാമല റോഡ് ഒരു അറിയിപ്പു പോലും നൽകാതെ കാൽനടയാത്ര പോലും അനുവദിക്കാത്ത തരത്തിൽ റെയിൽവേ അടച്ചു പൂട്ടിയിരിക്കുകയാണ്. കൊയിലാണ്ടി റെയിൽവേ എൻജിനീയറിങ് വിഭാഗം കമ്പിവേലി സ്ഥാപിച്ചാണ് റോഡ് അടച്ചത്. മുക്കാളി ടൗണിൽ നിന്നും റെയിൽവേ ഗേറ്റ് കടന്ന് കല്ലാമല സ്കൂൾ ഭാഗത്തേക്ക് കാലങ്ങളായി ജനങ്ങൾ ഉപയോഗിച്ചുവന്ന ഗതാഗത മാർഗ്ഗമാണ് ഇല്ലാതായത്. മുക്കാളി റെയിൽവേ സ്റ്റേഷനെ അധികാരികൾ പൂർണ്ണമായും ഇല്ലാതാക്കാൻ ശ്രമിച്ചുകൊണ്ടിരിക്കുന്നതിനിടയിലാണ് ജനങ്ങൾക്ക് ഇരുട്ടടി എന്നോളം സഞ്ചാരസ്വാതന്ത്ര്യം കൂടി ഇല്ലായ്മ ചെയ്തിരിക്കുന്നത്.
ഇതിനെതിരെ മുഴുവൻ ജനങ്ങളും പ്രതിഷേധിക്കണമെന്നും ജനങ്ങളുടെ സഞ്ചാര മേഖല സുഖമമാക്കാൻ മുക്കാളി സ്റ്റേഷൻ മുക്കാളി-കല്ലാമല റോഡ് എന്നിവ പുനസ്ഥാപിക്കാൻ അധികാരികൾ തയ്യാറാകണമെന്നും എസ് ഡി പി ഐ അഴിയൂർ പഞ്ചായത്ത് കമ്മിറ്റി ആവശ്യപ്പെട്ടു.അഴിയൂർ പഞ്ചായത്ത് പ്രസിഡന്റ് സബാദ് വിപി അധ്യക്ഷത വഹിച്ച യോഗത്തിൽ ഷാകിർ ആർഎം, യാസർ പൂഴിത്തല, സാഹിർ പി, സൈനുദ്ദീൻ എകെ, സനൂജ് ബാബരി എന്നിവർ സംസാരിച്ചു.

മുക്കാളി-കല്ലാമല റോഡ് പുനസ്ഥാപിക്കുക; എസ് ഡി പി ഐ

പയ്യോളി: മുൻസിപ്പാലിറ്റി ഒമ്പതാം ഡിവിഷനിലെ റേഷൻ കട റോഡിന്റെ ശോചനീയ അവസ്ഥയിൽ പ്രതിഷേധിച്ച് ഡിവൈഎഫ്ഐ അയനിക്കാട് പോസ്റ്റ് ഓഫീസ് യൂണിറ്റ് ചളിക്കുണ്ടായ റോഡിലെ കുഴിയിൽ വാഴ നട്ട് പ്രതിഷേധ പ്രകടനം നടത്തി. മേഖലാ സെക്രട്ടറി പ്രതിഷേധ പരിപാടി ഉദ്ഘാടനം ചെയ്തു. യൂണിറ്റ് സെക്രട്ടറി ശ്രീജിത്ത് സ്വാഗതവും അനന്തു നിടിയത്ത് അധ്യക്ഷതയും വഹിച്ചു. മേഖല കമ്മിറ്റി മെമ്പർ റസീഫ് , അശ്വിൻ അശോക്, നൗഫൽ, വൈഷ്ണവ് തുടങ്ങിയവർ നേതൃത്വം നൽകി. മിഥുൻ നന്ദി രേഖപ്പെടുത്തി.

റോഡിൽ വാഴ നട്ട് പ്രതിഷേധം

നാദാപുരം : ദേശീയപാത നിർമാണപ്രവൃത്തികൾ നടക്കുന്നതിനാലും ഗതാഗത കുരുക്ക് പരിഹരിക്കുന്നതിനായും വലിയവാഹനങ്ങൾ കൈനാട്ടിയിൽ നിന്നും നാദാപുരം ടൗൺവഴി തിരിച്ചുവിട്ടതോടെ ടൗണുകളിൽ ഗതാഗതക്കുരുക്ക് രൂക്ഷമാകുന്നു. കനത്തമഴയും വലിയവാഹനങ്ങളുടെ വരവുംമൂലം നാദാപുരം, കല്ലാച്ചി, ചേലക്കാട്, കക്കട്ട് ഭാഗങ്ങളിലാണ് ഗതാഗതക്കുരുക്ക്. വളവും തിരിവും ഏറെയുളള റോഡാണ് നാദാപുരം മേഖലയിലുള്ളത്. വലിയവാഹനങ്ങൾക്ക് എളുപ്പം സഞ്ചരിക്കാൻപാകത്തിലുള്ളവയല്ല. അതിനാൽ രൂക്ഷമാകുന്ന ഗതാഗതക്കുരുക്ക് പരിഹരിക്കുന്നതിന്റെഭാഗമായി പ്രധാനടൗണുകളിലും കവലകളിലും രണ്ടുപോലീസുകാരെവീതം ട്രാഫിക് ജോലിക്കായി നിയോഗിച്ചിട്ടുണ്ട്.
ഹോം ഗാർഡിന്റെ സേവനവും പ്രധാനടൗണുകളിലുണ്ടാകും. കണ്ണൂരിൽനിന്ന് കോഴിക്കോട്ടേക്കും തിരിച്ചുമുള്ള ചരക്കുവാഹനങ്ങൾ, ടാങ്കർ ലോറികൾ, പയ്യോളി, കൊയിലാണ്ടിവഴി യാത്രനിർബന്ധമല്ലാത്ത ടൂറിസ്റ്റ് ബസുകൾ എന്നിങ്ങനെ വലിയവാഹനങ്ങൾക്കാണ് നിയന്ത്രണമേർപ്പെടുത്തിയത്. കണ്ണൂർ ഭാഗത്തുനിന്നും വരുന്ന വലിയവാഹനങ്ങൾ കൈനാട്ടിയിൽനിന്ന് ഇടത്തോട്ടുതിരിഞ്ഞ് ഓർക്കാട്ടേരി പുറമേരി നാദാപുരം കക്കട്ടിൽ കുറ്റ്യാടി പേരാമ്പ്ര ബൈപ്പാസ് അത്തോളിവഴി കോഴിക്കോട്ടേക്കുപോകണം. കോഴിക്കോട്ടുനിന്നും കണ്ണൂർ ഭാഗത്തേക്കുപോകണ്ട വലിയവാഹനങ്ങൾ പൂളാടിക്കുന്ന് അത്തോളി പേരാമ്പ്ര ബൈപ്പാസ് കുറ്റ്യാടി കക്കട്ട് നാദാപുരം തൂണേരി പെരിങ്ങത്തൂർവഴി പോകണം.

വലിയവാഹനങ്ങൾ വഴി തിരിച്ചുവിട്ടതോടെ നാദാപുരം, കുറ്റ്യാടി മേഖല ഗതാഗതക്കുരുക്കിൽ

കായക്കോടി: കായക്കോടി ടൗണിലെ മെയിൻ റോഡ് മുഴുവൻ കുണ്ടും കുഴിയും നിറഞ്ഞ് ചെളിവെള്ളമായി താറുമാറായിരിക്കുകയാണ്. റോഡ് നവീകരിച്ച് യാത്ര സുഗമമാക്കണമെന്ന് ആർ.ജെ.ഡി കായക്കൊടി പഞ്ചായത്ത് കമ്മറ്റി ആവശ്യപ്പെട്ടു. ടൗണിൽ എത്തുന്നവർക്ക് വഴി നടക്കാൻ പറ്റാത്ത അവസ്ഥയിലാണ് റോഡിൻ്റെ സ്ഥിതി. ടൗണിലെ റോഡിൽ രൂപം കൊണ്ട കുഴികൾ അടച്ച് കാൽനടയാത്രക്കാർക്കും വാഹനങ്ങൾക്കും സുഗമമായി യാത്ര ചെയ്യാനുള്ള സൗകര്യം അധികൃതരുടെ ഭാഗത്ത് നിന്ന് ഉണ്ടാകണമെന്ന് ആർ.ജെ.ഡി യോഗം ആവശ്യപ്പെട്ടു.&nbsp;
അല്ലാത്ത പക്ഷം ബഹുജനസമരത്തിന്ന്പാർട്ടി നേതൃത്വം നൽകുമെന്നും യോഗം മുന്നറിയിപ്പ് നൽകി. എം.കെ മൊയ്തു അധ്യക്ഷത വഹിച്ചു.ആർ. ജെ. ഡി നാദാപുരം നിയോജക മണ്ഡലം പ്രസിഡണ്ട് വത്സരാജ് മണലാട്ട് ഉദ്ഘാടനം ചെയ്തു. ടി.പി കുമാരൻ യു.വി കുമാരൻ, കെ സലാം, വി.പി ഗംഗാധരൻ എന്നിവർ പ്രസംഗിച്ചു. ആർ.ജെ.ഡി പഞ്ചായത്ത് കമ്മിറ്റി ഭാരവാഹികളായി എം.കെ മൊയ്തു (പ്രസിഡണ്ട്), യു.വി കുമാരൻ (സെക്രട്ടറി), കെ. സലാം (വൈ.പ്രസിഡണ്ട്), വി.പി ഗംഗാധരൻ (ജോ.സെക്രട്ടറി), ടി. പി കുമാരൻ (ട്രഷറർ) എന്നിവരെ തിരഞ്ഞെടുത്തു.

കായക്കോടി റോഡ് നവീകരണം; ആർ.ജെ ഡി പ്രക്ഷോഭത്തിലേക്ക്

അരൂർ: മഴശക്തമായതോടെ കക്കട്ട്- അരൂർ -തീക്കുനി റൂട്ടിൽ വാഹനഗതാഗതം രണ്ടാം ദിവസവും സ്തംഭിച്ചു. കഴിഞ്ഞ ദിവസം ഉച്ചയോടെയാണ് ഗതാഗതം നിലച്ചത്. അരൂർ ചന്തു വെച്ച കണ്ടി താഴയും, ചേരാപുരം എറുമ്പൻ കുനി മുതൽ തീക്കുനി വരെയുമാണ് വെള്ളം കയറിയത്. മഴ തുടരുന്നതിനാൽ എറുമ്പൻ കുനി ഭാഗത്ത് വെള്ളം ഒഴിഞ്ഞു പോവാത്ത സ്ഥിതിയാണ്. അരൂരിൽ നിന്ന് ഒരു വഴിയും പുറത്ത് പോകാൻ കഴിയുന്നില്ല. നേരിയ മഴപെയ്താൽ തന്നെ റോഡിൽ വെള്ളം കയറി ഗതാഗതം നിലക്കുക പതിവാണ്. ഇത്തവണ പല പ്രാവശ്യം ഗതാഗതം മുടത്തിയിട്ടുണ്ട്. ഗ്രാമപഞ്ചായത്തുകളോ പൊതുമരാമത്ത് വകുപ്പോ ശാശ്വത സംവിധാനുണ്ടാക്കുന്നില്ലെന്ന് നാട്ടുകാർ പരാതിപ്പെട്ടു.

റോഡിൽ പുഴകണക്കെ വെള്ളം; അരൂർ-തീക്കുനി റൂട്ടിൽ ഗതാഗതം നിലച്ചു

വടകര : വടകര, കൊയിലാണ്ടി താലൂക്കുകളിൽ ദേശീയപാതയിലെ പ്രവൃത്തി കാരണം റോഡുകളുടെ ശോച്യാവസ്ഥയ്ക്ക് പരിഹാരം കാണണമെന്നാവശ്യപ്പെട്ട് ബസ്സുടമകളും തൊഴിലാളിസംഘടനാ കോഡിനേഷൻ കമ്മിറ്റിയും നിവേദനം നൽകി. പ്രത്യക്ഷ സമരപരിപാടികളുടെ ഭാഗമായി എം.പി., എം.എൽ.എ., കളക്ടർ എന്നിവർക്കാണ് നിവേദനം നൽകിയത്. ചൊവ്വാഴ്ച രാവിലെ 11-ന് നന്തിയിലെ വഗാഡിന്റെ ഓഫീസിലേക്ക് സമരസമിതി മാർച്ച് നടത്തും. സംയുക്ത ഭാരവാഹികളായ എ.കെ. സുരേഷ് ബാബു, ഇ.സി. കുഞ്ഞമ്മദ്, പാറക്കൽ അബുഹാജി, പി. ബിജു, ഇ. നാരായണൻ നായർ, എ.പി. ഹരിദാസൻ, പി.കെ. മമ്മദ് കോയ തുടങ്ങിയവർ നിവേദകസംഘത്തിൽ ഉണ്ടായിരുന്നു.

റോഡുകളുടെ ശോച്യാവസ്ഥ; സമരസമിതി നിവേദനം നൽകി

മേപ്പയ്യൂർ: കൊല്ലം-മേപ്പയ്യൂർ റോഡ് അസിസ്റ്റൻറ് കളക്ടർ ആയുഷ് ഗോയൽ ഐ എ എസ് സന്ദർശിച്ചു. കല്ലങ്കി മുതൽ മേപ്പയ്യൂർ ടൗൺ വരെയുള്ള പ്രദേശത്തെ പ്രശ്നങ്ങൾ വിലയിരുത്തി. മേപ്പയ്യൂർ ഗ്രാമ പഞ്ചായത്ത് പ്രസിഡണ്ട് കെ.ടി.രാജൻ അദ്ദേഹത്തോടൊപ്പമുണ്ടായിരുന്നു. ജലജീവൻ മിഷൻ ഉദ്യോഗസ്ഥർ, വാട്ടർ അതോറിറ്റി ഉദ്യോഗസ്ഥർ, പഞ്ചായത്ത് സെക്രട്ടറി എന്നിവരുമായി അദ്ദേഹം ചർച്ച നടത്തി. വിവിധ കാരണങ്ങളാൽ കേടുപാടുകൾ സംഭവിച്ച റോഡിൽ ഗതാഗതം ദു:സ്സഹമായിരുന്നു.
വെള്ളക്കെട്ടുകൾ മൂലം യാത്ര തടസ്സപ്പെട്ടിരുന്നു. വെള്ളക്കെട്ടുകൾ അപകടകരമായ അവസ്ഥയിലാണെന്ന് ഉദ്യോഗസ്ഥ സംഘത്തിന് ബോധ്യപ്പെട്ടു. ദുരന്തനിവാരണ നിയമമനുരിച്ചുള്ള നടപടികൾ സ്വീകരിക്കുന്നതിനും വെള്ളക്കെട്ടുകൾ എത്രയും പെട്ടെന്ന് ഒഴിവാക്കുന്നതിനും അടിയന്തര നടപടി സ്വീകരിക്കുവാൻ പഞ്ചായത്ത് സെക്രട്ടറി കെ.പി.അനിൽ കുമാറിന് അസിസ്റ്റൻറ് കളക്ടർ നിർദ്ദേശം നൽകി.&nbsp;
റോഡ് വിഷയത്തിൽ മുഖ്യമന്ത്രി ഇടപെട്ടിരുന്നു. ടി.പി. രാമകൃഷ്ണൻ എംഎൽഎ, പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസിന് കത്തയച്ചതിനെ തുടർന്ന് റോഡിൽ അടിയന്തര നവീകരണ പ്രവൃത്തികൾ നടന്നു വരികയായിരുന്നു.

അസിസ്റ്റൻറ് കളക്ടർ റോഡ് സന്ദർശിച്ചു

Perambra

വടകര: ചോറോട് പഞ്ചായത്തിലെ ഇരുപതാം വാർഡിൽ തീരദേശ മേഖലയെ ടൗണുമായി ബന്ധിപ്പിക്കുന്ന റോഡിന്റെ പുനർ നിർമ്മാണം ഉടൻ ആരംഭിക്കണമെന്ന് യൂത്ത് കോൺഗ്രസ്‌ കൈനാട്ടി മേഖലാ കമ്മിറ്റി ആവശ്യപ്പെട്ടു. ചോറോട് പഞ്ചായത്ത് പ്രസിഡന്റ് പ്രതിനിധീകരിക്കുന്ന വാർഡിലാണ് ദേശീയപാതയുടെ വികസനത്തിന്റെ ഭാഗമായി മണ്ണെടുത്തതിന്റെ ഫലമായി റോഡ് തകർന്ന് കിടക്കുന്നത്. നൂറുകണക്കിനാളുകൾ ഗതാഗതത്തിന് ഉപയോഗിക്കുന്ന ഈ റോഡ് പൂർവസ്ഥിതിയിൽ ആക്കാൻ പഞ്ചായത്ത്&nbsp;
അടിയന്തരമായ നടപടികൾ സ്വീകരിക്കണം. കൈനാട്ടിയിൽ നിന്ന് റേഷൻ പീടികയിലേക്കും കക്കാട്ടു പള്ളി, മീത്തലങ്ങാടി ഹെൽത്ത് സെന്റർ എന്നിവിടങ്ങളിലേക്കൊക്കെ പോകേണ്ടേ റോഡ് ആണ് ഇത്. സ്കൂൾ ബസ്സുകൾ, ഓട്ടോറിക്ഷ, മറ്റു വാഹനങ്ങൾക്ക്‌ ഒന്നും പോകാൻ പറ്റാത്ത അവസ്ഥയാണ് നിലവിൽ. കാൽ നട യാത്രക്കാർക്ക് പോലും നടന്ന് പോകാൻ പറ്റാത്ത അവസ്ഥയാണ്. പലരും തെന്നി വീണ് അപകടം പറ്റുന്നത് സ്ഥിരം കാഴ്ചയാണ്. മാസങ്ങൾ കഴിഞ്ഞിട്ടും തകർന്ന റോഡ് പുനർനിർമ്മിക്കുന്നതിൽ വാർഡ് മെമ്പറും പഞ്ചായത്തും പരാജയം ആണെന്ന് യൂത്ത് കോൺഗ്രസ്‌ കൈനാട്ടി മേഖലാ കമ്മിറ്റി ആരോപിച്ചു. നാട്ടുകാരുടെ യാത്രാ പ്രശ്‌നത്തിന് ഉടൻ തന്നെ പരിഹാര മാർഗങ്ങൾ കാണണമെന്നും അല്ലാത്ത പക്ഷം ശക്തമായ സമരത്തിന് നേതൃത്വം കൊടുക്കുമെന്നും യൂത്ത് കോൺഗ്രസ്‌ മുന്നറിയിപ്പ് നൽകി.&nbsp;

'തകർന്ന റോഡ് ഉടൻ പുനർനിർമ്മിക്കുക'; പ്രതിഷേധവുമായി യൂത്ത് കോൺഗ്രസ്‌

പയ്യോളി : ആറുവരിപ്പാതയുടെ നിർമാണം പയ്യോളിഭാഗത്തുണ്ടാക്കിയ ദുരിതം പരിഹരിക്കണമെന്നാവശ്യപ്പെട്ട് നിർമാണക്കരാർ കമ്പനിയുടെ ഓഫീസ് നാട്ടുകാർ ഉപരോധിച്ചു. പ്രവൃത്തിനടത്തുന്ന വഗാഡ് ഇൻഫ്രാ പ്രൊജക്ട്സ് പ്രൈവറ്റ് ലിമിറ്റഡിന്റെ പ്ലാൻറ് സ്ഥിതിചെയ്യുന്ന നന്തിയിലെ ഓഫീസാണ് ഉപരോധിച്ചത്. നഗരസഭാ ചെയർമാൻ വി.കെ. അബ്ദുറഹിമാൻ, ദേശീയപാതാ വികസനസമിതി ചെയർമാൻ അഷറഫ് കോട്ടക്കൽ, കൺവീനർ കെ.ടി. സിന്ധു എന്നിവരുടെ നേതൃത്വത്തിലായിരുന്നു സമരം.
കമ്പനി ഡയറക്ടർ സാവനുമായിനടന്ന ചർച്ചയെത്തുടർന്ന് കോടതിക്കുമുന്നിലെ സർവീസ് റോഡ് ക്വാറി വേസ്റ്റ്‌ ഉപയോഗിച്ച് ഉയർത്തി അതിനുമുകളിൽ ബേബി മെറ്റലും സിമൻറുചേർത്ത മണൽ മിശ്രിതവും നിക്ഷേപിച്ചിട്ടുണ്ട്. കാലവർഷമായതോടെ ആംബുലൻസുപോലും കുടുങ്ങിക്കിടക്കുകയും ചെളിയിൽ താഴ്ന്നുപോകുന്ന സ്ഥിതിയുമുണ്ടായി. മൂരാടുമുതൽ നന്തിവരെ ഇതാണവസ്ഥ. രണ്ട് ഇരുചക്രവാഹന യാത്രക്കാർ ഇതിനകം ലോറികയറി മരിക്കുകയും നിരവധിപ്പേർക്ക് പരിക്കുപറ്റുകയുംചെയ്തു.
&nbsp;കുഴികളിൽ അടിക്കടി നിർമാണക്കമ്പനി ക്വാറി വേസ്റ്റ്‌ കൊണ്ടിടുമെങ്കിലും ഒരുമഴയിൽ എല്ലാം ഒലിച്ചുപോകും. കടുത്ത ജനരോഷമുയർന്ന സാഹചര്യത്തിലാണ് നഗരസഭയുടെ ഇടപെടലുണ്ടായത്. മൂരാടും കുറ്റിയിൽ പീടികയും പെരുമാൾപുരവും തിക്കോടിയുമെല്ലാമാണ് പ്രധാനമായും ദുരിതമനുഭവിക്കുന്ന പ്രദേശങ്ങൾ.

പയ്യോളിയിൽ റോഡിലെ വെള്ളക്കെട്ട്: നിർമാണക്കമ്പനി ഓഫീസ് ഉപരോധിച്ച് നാട്ടുകാർ

Koyilandy

വടകര: നിരവധി പേർ യാത്ര ചെയ്യുന്ന മാടാക്കര റോഡ് പുനർ നിർമ്മിക്കണമെന്ന് എസ്ഡിപിഐ മാടാക്കര ബ്രാഞ്ച് കമ്മിറ്റി ആവശ്യപ്പെട്ടു.കണ്ണൂക്കര, അറക്കൽ ഭാഗങ്ങളിൽ നിന്ന് ചോമ്പാല ഹാർബറിലേക്ക്പോകുന്ന മാടാക്കര ലക്ഷം വീടിനടുത്താണ് റോഡ് പൊട്ടി പൊളിഞ്ഞിരിക്കുന്നത്. ഇത് കാരണം രൂപപ്പെട്ടു വന്ന വെള്ളക്കെട്ട് കാൽനടക്കാർക്കും പ്രയാസമുണ്ടാക്കുന്നുണ്ട്. ഇത് പരിഹരിക്കാൻ അധികാരികൾ ഉടൻ ഇടപെടണമെന്ന് എസ് ഡി പി ഐ ആവശ്യപ്പെട്ടു. ഒഞ്ചിയം പഞ്ചായത്ത് പ്രസിഡണ്ട് റഹീസ് എം കെ അധ്യക്ഷത വഹിച്ച യോഗത്തിൽ മാടാക്കര ബ്രാഞ്ച് പ്രസിഡണ്ട് റിയാസ് കെ പി, സെക്രട്ടറി റഹീസ് പി കെ, റിയാസ് എം കെ, നൗഷാദ് എം കെ, മൻഷൂദ് പി കെ എന്നിവർ പങ്കെടുത്തു.

പൊട്ടിപ്പൊളിഞ്ഞ മാടാക്കര റോഡ് സഞ്ചാര യോഗ്യമാക്കുക; എസ് ഡി പി ഐ

നാദാപുരം: കല്ലാച്ചി- വാണിമേൽ റോഡിൽ നവീകരണ പ്രവൃത്തി പൂർത്തിയായ സാഹചര്യത്തിൽ അപകടസാധ്യത കണക്കിലെടുത്ത് സീബ്രലൈൻ , റിഫ്ലക്ടർ , കൈവരി എന്നിവ സ്ഥാപിക്കാൻ അടിയന്തര നടപടികൾ സ്വീകരിക്കണമെന്ന് കർമ സമിതി ഭാരവാഹികൾ വാർത്താ സമ്മേളനത്തിൽ ആവശ്യപ്പെട്ടു. ഈ ആവശ്യം ഉന്നയിച്ച് പ്രത്യക്ഷ സമരപരിപാടികൾ ആരംഭിക്കും. ഇതിന് മുന്നോടിയായി കുറ്റ്യാടി പൊതുമരാമത്ത് അസിസ്റ്റൻ്റ് എൻജിനീയർ നളിൻ കുമാറിന് നിവേദനം സമർപ്പിച്ചിട്ടുണ്ട്. കർമസമിതി ചെയർമാൻ കെ ബാലകൃഷ്ണൻ, കൺവീനർ സുബൈർ തയ്യുള്ളതിൽ , അഫോസ് പ്രസിഡൻറ് എ കെ മമ്മു , സെക്രട്ടറി എം കെ അഷറഫ്, ടി കെ മൊയ്തൂട്ടി, സി വി മൊയ്തീൻ ഹാജി എന്നിവർ വാർത്ത സമ്മേളനത്തിൽ പങ്കെടുത്തു.

'സീബ്രലൈനും റിഫ്ലക്ടറും കൈവരിയും സ്ഥാപിക്കണമെന്ന്'

മലപ്പുറം: കുന്നിടിച്ച മണ്ണ് കുത്തിയൊലിച്ചെത്തി റോഡ് മൂടിയതിനാൽ ആശുപത്രിയിലേക്ക് പോകാനാകാതെ രോഗി മരിച്ചു. എടയൂർ വടക്കുംപുറം തിണ്ടലത്താണു സംഭവം. വടക്കുംപുറം പഴയ ജുമാമസ്ജിദ് മഹല്ലിൽ താമസിക്കുന്ന വലാർത്തപ്പടി കരിമ്പനത്തൊടുവിൽ പരേതനായ വടക്കേപീടിയേക്കൽ മൊയ്തീൻകുട്ടിയുടെ മകൻ സെയ്താലി (ലാലി-50) ആണ് മരിച്ചത്.
തിണ്ടലത്തുള്ള കുന്നിലെ മണ്ണ് ദേശീയപാത 66-ന്റെ നിർമാണത്തിനായി ഉപയോഗിച്ചുവരുകയാണ്. ദിവസങ്ങളായി കുന്നിലെ മണ്ണ് ഇടിച്ചെടുത്ത് പണി നടക്കുന്ന വിവിധസ്ഥലങ്ങളിലേക്ക് കൊണ്ടുപോകുന്നുണ്ട്. ഇങ്ങനെ ഇടിച്ചിട്ട മണ്ണ് ഞായറാഴ്ച രാത്രി പെയ്ത ശക്തമായ മഴയിൽ പൂർണമായും വളാഞ്ചേരി- കരേക്കാട് റോഡിലേക്ക് ഒഴുകിയെത്തി റോഡ് മൂടി. റോഡിൽ ചെളിമണ്ണ് പൂർണമായും നിറഞ്ഞു.
ഇതിനിടെയാണ് തിങ്കളാഴ്ച പുലർച്ചെ രണ്ടരയോടെ സെയ്താലിയെ നെഞ്ചുവേദനയെത്തുടർന്ന് ആശുപത്രിയിൽ എത്തിക്കുന്നതിനായി നമ്പൂതിരിപ്പടിയിൽനിന്ന് കാറിൽ ഇതുവഴി കൊണ്ടുവന്നത്. റോഡിന്റെ അവസ്ഥയറിയാതെ മുന്നോട്ടുപോയ കാർ കെട്ടിനിന്ന ചെളിയിൽ താഴ്ന്നു. അർധരാത്രിയായതിനാൽ സഹായത്തിനായി ആളെ കിട്ടാത്തതും പ്രയാസമായി.
ഒടുവിൽ പ്രദേശത്തെ ഒരു ഓട്ടോ വിളിച്ചുവരുത്തി കാറിൽനിന്ന് രോഗിയെ മാറ്റി മറ്റൊരു വഴിയിലൂടെ വളാഞ്ചേരിയിലെ സ്വകാര്യ ആശുപത്രിയിൽ എത്തിച്ചെങ്കിലും അപ്പോഴേക്കും മരിച്ചു. അരമണിക്കൂറോളമാണ് പാഴായത്. വഴിയിൽവെച്ചുതന്നെ രോഗി മരിച്ചതായി ഡോക്ടർ പറഞ്ഞു.

ആശുപത്രിയിലേക്ക് പോകവേ കാര്‍ ചെളിയില്‍ പുതഞ്ഞ് വഴിയില്‍ക്കുടുങ്ങി; രോഗി മരിച്ചു

Kerala

കുഞ്ഞിപ്പള്ളി: ദേശീയപാത നിർമ്മാണത്തിന്റെ ഭാഗമായി കുഞ്ഞിപ്പള്ളി ടൗണിലേക്ക് പോവാനും വരാനുമുള്ള വഴി തടസ്സപ്പെട്ടു. സർവ്വീസ് റോഡ് നിർമ്മാണത്തിന്റെ ഭാഗമായി റോഡ് താഴ്ന്നതോടെ ടൗണിലേക്ക് പ്രവേശിക്കാൻ കഴിയാതെയായി. നേരത്തെ ഓവുചാൽ നിർമ്മാണത്തിന്റെ ഭാഗമായി ദിവസങ്ങളോളം വഴി അടഞ്ഞിരുന്നു. ഇപ്പോൾ ദേശീയപാതയിൽ നിന്നും കടക്കുന്ന ഭാഗത്ത് വലിയ താഴ്ച്ചയാണ്. കച്ചവട സ്ഥാപനങ്ങൾ, ചോമ്പാൽ പോലീസ് സ്റ്റേഷൻ, കൃഷി ഭവൻ, അഴിയൂർ കമ്മ്യൂണിറ്റി ഹെൽത്ത് സെന്റർ, ടൗണിൽ നിന്ന് കോറോത്ത് റോഡ്, ഓർക്കാട്ടേരി ഭാഗം, ഓട്ടോ സ്റ്റാൻഡ് എന്നിവിടങ്ങളിലേക്ക് പോവാനും വരാനും ഏറെ ബുദ്ധിമുട്ട് നേരിടുകയാണ്. ചോമ്പാൽ പോലീസ് സ്റ്റേഷന് മുന്നിലൂടെ ദേശീയപാതയിലേക്ക് കടക്കാനുള്ള റോഡ് മാത്രമാണ് നാട്ടുകാരുടെയും മറ്റും ഏക ആശ്രയം. ഈ കാര്യത്തിൽ ജനപ്രതിനികൾ ഇടപെടുന്നില്ലെന്ന് വ്യാപക പരാതി ഉയരുന്നുണ്ട്. കുഞ്ഞിപ്പള്ളി ടൗണിലേക്ക് പോവാനും വരാനുമുള്ള വഴി പുന:സ്ഥാപിക്കണമെന്നാണ് ജനങ്ങളുടെ ആവശ്യം.

കുഞ്ഞിപ്പള്ളി ടൗണിലേക്കുള്ള വഴി തടസ്സപ്പെട്ടു

വടകര : തിരുവള്ളൂർ - ആയഞ്ചേരി റോഡിൽ പൊക്ലാറത്ത് താഴ മുതൽ ആയഞ്ചേരി വരെ ടാറിങ്ങ് പ്രവൃത്തി നടക്കുന്നതിനാൽ തിങ്കൾ മുതൽ പ്രവൃത്തി പൂർത്തിയാകുന്നത് വരെ വാഹന ഗതാഗതം പൂർണ്ണമായും നിരോധിച്ചതായി പൊതുമരാമത്ത് വകുപ്പ് നിരത്ത് വിഭാഗം തോടന്നൂർ അസിസ്റ്റന്റ് എൻജിനീയർ അറിയിച്ചു.

ഗതാഗതം നിരോധിച്ചു

എടച്ചേരി: വാർഷിക പദ്ധതിയിൽപെടുത്തി പണി പൂർത്തീകരിച്ച ഗ്രാമപഞ്ചായത്തിലെ ഒന്നാം വാർഡ് ഗണപതി വാതുക്കൽ - എടവത്ത് കണ്ടി റോഡ് നാടിന് സമർപ്പിച്ചു. പഞ്ചായത്ത്‌ പ്രസിഡന്റ്‌ എൻ പത്മിനി ഉദ്ഘാടനം നിർവഹിച്ചു. വൈസ് പ്രസിഡന്റ്‌ എം രാജൻ അദ്ധ്യക്ഷത വഹിച്ചു. പരിപാടിയിൽ വാർഡ് മെമ്പർമാരായ രാധ കെ ടി കെ, സതി മാരാം വീട്ടിൽ, ശ്രീജ പാലപ്പറമ്പത് എന്നിവർ പങ്കെടുത്തു. വാർഡ് മെമ്പർ സി പി ശ്രീജിത്ത്‌ സ്വാഗതവും വാർഡ് കൺവീനർ പി സുമേഷ് നന്ദിയും പറഞ്ഞു.

ഗണപതി വാതുക്കൽ - എടവത്ത് കണ്ടി റോഡ് നാടിന് സമർപ്പിച്ചു

വടകര: ഏറാമല ഗ്രാമപഞ്ചായത്ത് പതിനാലാം വാർഡ് കോമത്ത് മുക്ക് - നമ്പിടി കണ്ടി റോഡ് നാടിന് സമർപ്പിച്ചു. ഏറെ കാലത്തെ സ്വപ്നമാണ് റോഡ് ഉൽഘാടനം കഴിഞ്ഞ തോട് കൂടി സഫലീകരിച്ചത്. വളരെ അധികം പ്രയാസപെട്ടാണ് ഈ റോഡിൽ കൂടി വിദ്യാർത്ഥികളും പ്രായമായവരും നടന്നു പോയികൊണ്ടിരുന്നത്. ഏറാമല ഗ്രാമ പഞ്ചായത്ത് പ്രസിഡണ്ട് ടി.പി.മിനിക റോഡ് ഉദ്ഘാടനം നിർവഹിച്ചു.&nbsp;
വാർഡ് മെമ്പറും പഞ്ചായത്ത് വൈസ് പ്രസിഡണ്ടുമായ ഷുഹൈബ് കുന്നത്ത് അധ്യക്ഷത വഹിച്ചു. എം.കെ വിനോദൻ, സുലൈമാൻ കെ.ഇ ,രാജൻ പുത്തൻപുരയിൽ, തരിപ്പയിൽ കുഞ്ഞബ്ദുള്ള, പവിത്രൻ കോമത്ത്, വിനോദൻ പുനത്തിൽ, നിധീഷ് നമ്പിടി കണ്ടി, രജീഷ് കോമത്ത് തുടങ്ങിയവർ സംസാരിച്ചു.

കോമത്ത് മുക്ക് - നമ്പിടി കണ്ടി റോഡ് ഉദ്ഘാടനം ചെയ്തു

മേപ്പയൂർ: ഗ്രാമപഞ്ചായത്ത് വാർഷിക പദ്ധതി 2023 -24 മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉൾപ്പെടുത്തിയ ഈശരോത്ത് മുക്ക് കുഞ്ഞോത്ത് താഴറോഡിൻ്റ ഉദ്ഘാടനം മേപ്പയൂർ ഗ്രാമപഞ്ചായത്ത് പ്രസിഡൻ്റ് കെ.ടി.രാജൻ നിർവഹിച്ചു. വാർഡ് മെമ്പർ വി പി ബിജു അധ്യക്ഷനായിരുന്നു. എം വി സാബു, മഹേഷ് കുഞ്ഞോത്ത് , കൂനിയത്ത് നാരായണൻ, വിജില എന്നിവർ സംസാരിച്ചു.

വടകര : ഏറാമല ഗ്രാമ പഞ്ചായത്ത് പതിനാലാം വാർഡിൽ ഏറെക്കാലമായി യാത്രയ്ക്ക് പ്രയാസം നേരിടുന്ന രയരോത്ത് മുക്ക് - കോമത്ത്മുക്ക് റോഡ് നവീകരിച്ചതിന്റെ ഉദ്ഘാടനം എം.എൽ.എ കെ.കെ രമ നിർവഹിച്ചു. എം.എൽ.എ യുടെ പ്രാദേശിക വികസന ഫണ്ട് ഉപയോഗിച്ചാണ് റോഡ് നിർമ്മിച്ചത്. ഏറാമല ഗ്രാമ പഞ്ചായത്ത് പ്രസിഡണ്ട് ടി.പി മിനിക അധ്യക്ഷത വഹിച്ചു. വൈസ് പ്രസിഡണ്ട് ഷുഹൈബ് കുന്നത്ത് സ്വാഗതം പറഞ്ഞു.
വികസന സമിതി കൺവീനർ എം.കെ വിനോദൻ, ഇസ്മായിൽ എടോരി, എ.കെ രാജീവൻ, മൂസ്സ കെ, ഒ.പി അഷറഫ്, പറമ്പത്ത് ബാബു, അൻവർ അകവളപ്പിൽ, സുധാകരൻ കെ, ലിസി കെ.കെ തുടങ്ങിയവർ സംസാരിച്ചു.

മേപ്പയ്യൂർ: ഗ്രാമ പഞ്ചായത്ത് 2023 - 2024 വാർഷിക പദ്ധതിയിൽ ഉൾപ്പെടുത്തി നിർമ്മിച്ച പതിനാലാം വാർഡിലെ നമ്പിയത്ത് -പുല്ലങ്കോട് റോഡിന്റെ ഒന്നാം ഘട്ടം ഗ്രാമ പഞ്ചായത്ത് പ്രസിഡന്റ് കെ.ടി രാജൻ ഉദ്ഘാടനം ചെയ്തു. ഗ്രാമ പഞ്ചായത്തംഗം പി.പ്രകാശൻ അധ്യക്ഷത വഹിച്ചു. കെ.എം രാജേന്ദ്രൻ, കുഞ്ഞികൃഷ്ണൻ നായർ നമ്പിയത്ത്, എ.പി.ഗോപാലകൃഷ്ണൻ, എൻ.എം. ധനേഷ്, രഘുനമ്പിയത്ത്, സുധ എ.എം എന്നിവർ സംസാരിച്ചു. വാർഡ് വികസന സമിതി കൺവീനർ പി.കെ ശശിധരൻ സ്വാഗതവും അയൽസഭാ കൺവീനർ പി.എം. നിധിനി നന്ദിയും പറഞ്ഞു.

റോഡ് ഉദ് ഘാടനം ചെയ്തു

കുറ്റ്യാടി: സഹോദരനുമായി കളിക്കുന്നതിനിടയിൽ വീട്ടിൽ നിന്ന് റോഡിലേക്ക് ഇറങ്ങിനടന്ന ബാലനെ യുവാവിന്റെയും പോലീസിന്റെയും സമയോചിതമായ ഇടപെടലിൽ സുരക്ഷിതമായി കുടുംബത്തിന് കൈമാറി. ഞായറാഴ്ച ഉച്ചയ്ക്ക് പന്ത്രണ്ട് മണിയോടെയാണ് കുറ്റ്യാടി ഫോറസ്റ്റ് ഓഫീസിന് സമീപത്തെ വീട്ടിലെ നാലുവയസ്സുകാരൻ കളിക്കുന്നതിനിടയിൽ സംസ്ഥാന പാതയിലേക്ക് ഇറങ്ങിനടന്നത്. അതുവഴി സൈക്കിളിൽ പോകുകയായിരുന്ന എളേച്ചുകണ്ടി ശ്രാവൺ ഉടനെ പോലീസ് സ്റ്റേഷനിൽ വിവരം അറിയിച്ചു. സ്ഥലത്തെത്തിയ സബ്‌ ഇൻസ്പെക്ടർ എൻ.സി. സനീഷ് കുമാർ കുട്ടിയെ കുറ്റ്യാടി ഗവ. താലൂക്ക് ആശുപത്രി വിശ്രമകേന്ദ്രത്തിൽ എത്തിച്ചു.
&nbsp;വനിത സിവിൽ പോലീസ് ഓഫീസർ അഖില കുട്ടിയുമായി സംസാരിച്ചെങ്കിലും വീട്ടുകാരുടെ വിവരമൊന്നും ലഭിച്ചില്ല. സബ് ഇൻസ്പെക്ടർ നടത്തിയ അന്വേഷണത്തിൽ വീട്ടുകാരെ കണ്ടെത്തുകയായിരുന്നു. പിതാവ് എത്തിയതിനുശേഷം പോലീസ് കുട്ടിയെ കൈമാറി. വീട്ടിൽനിന്ന്‌ ഏകദേശം നാനൂറ് മീറ്ററോളം റോഡിലൂടെ കുട്ടി നടന്നതായി പോലീസ് പറഞ്ഞു. കുട്ടിയെ കണ്ടെത്താൻ സഹായിച്ച സബ് ഇൻസ്പെക്ടർ സനീഷ് കുമാർ ഉൾപ്പെടെയുള്ള പോലീസ് സംഘത്തെയും ശ്രാവണിനെയും നാട്ടുകാരും ബന്ധുക്കളും അഭിനന്ദിച്ചു.

കളിക്കുന്നതിനിടെ റോഡിലിറങ്ങി നാലുവയസ്സുകാരൻ; വീട്ടിലെത്തിച്ച് കുറ്റ്യാടി പോലീസും യുവാവും

മേപ്പയ്യൂർ: ഗ്രാമ പഞ്ചായത്ത് 2023 - 2024 വാർഷിക പദ്ധതിയിൽ ഉൾപ്പെടുത്തി ഒന്നാം ഘട്ടം പൂർത്തീകരിച്ച വാർഡ് ഒന്നിലെ കീഴ്പയൂർ തട്ടാറമ്പത്ത് മുക്ക് - നാറാണത്ത് താഴ റോഡിന്റെ ഉദ്ഘാടനം ഗ്രാമ പഞ്ചായത്ത് പ്രസിഡന്റ് കെ.ടി രാജൻ നിർവ്വഹിച്ചു. ഗ്രാമ പഞ്ചായത്തംഗം സറീന ഒളോറ അധ്യക്ഷത വഹിച്ചു. എം.രവിധ, കീഴ്പോട്ട് മൊയ്തീൻ, എം. അസ്സയിനാർ ,കെ.കെ പ്രദീപൻ , കെ.ഷഹനാസ് , റഹീം കുഞ്ഞിക്കണ്ടി എന്നിവർ സംസാരിച്ചു. വാർഡ് വികസന സമിതി കൺവീനർ എ.കെ ബാലകൃഷ്ണൻ സ്വാഗതവും കെ.അജ്മൽ നന്ദിയും പറഞ്ഞു.

നാദാപുരം: വിലങ്ങാട്- വയനാട് പഴശ്ശി രാജ റോഡ് യാഥാർത്ഥ്യമാക്കണമെന്ന് ആവശ്യപ്പെട്ട് ബിജെപി പ്രതിനിധിസംഘം കേന്ദ്ര വനം പരിസ്ഥിതി മന്ത്രി ദുപേന്ദ്ര യാഥവിനെ കണ്ടു. വയനാട് കൽപ്പറ്റ ഗസ്റ്റ് ഹൗസിൽ വെച്ച് ബിജെപി പ്രതിനിധികളായ സി.പി വിപിൻ ചന്ദ്രൻ , എം സി അനിഷ് , അനീഷ് മാത്യു, എൻ.പി അരുൺ ലാൽ തൊട്ടിൽപ്പാലം എന്നിവരാണ് മന്ത്രിയുമായി ചർച്ച നടത്തിത്.&nbsp;
ചർച്ചയിൽ നിർദ്ദിഷ്ട ചുരമില്ലാത്ത റോഡിന്റെ പ്രപ്പോസലും, നിവേദനവും മന്ത്രിക്ക് നൽകി. ഈ റോഡിന്റെ സ്ഥിതിയും, ആവശ്യകതയും സംഘം മന്ത്രിയെ ധരിപ്പിച്ചു. ഈ റോഡുമായി ബന്ധപ്പെട്ട് സംസ്ഥാന സർക്കാരോ മറ്റ് ഏജൻസികളോ കേന്ദ്ര വനം വകുപ്പിന്റെ ശ്രദ്ധയിപ്പെടുത്തിട്ടില്ലന്നും, നിവേദനം പഠിച്ച് ഉടൻ നടപടികൾ എടുക്കുമെന്നും വിവിധ വകുപ്പ് ഉദ്യോഗസ്ഥരുമായും കേന്ദ്ര ഗതാഗത വകുപ്പ് മന്ത്രിയുമായും ചർച്ചനടത്തുമെന്നും അദ്ദേഹം ഉറപ്പ് നൽകിയതായി പ്രതിനിധിസംഘങ്ങൾ പറഞ്ഞു.

വിലങ്ങാട്- വയനാട് റോഡ്; കേന്ദ്ര വനം പരിസ്ഥിതി മന്ത്രിയെ കണ്ട് ബി ജെ പി

ഓർക്കാട്ടേരി: എടച്ചേരി പഞ്ചായത്തിലെ ആറാം വാർഡിൽപെടുന്ന തെക്കെ തയ്യുള്ളതിൽ മുക്ക് - നടുക്കണ്ടിത്താഴെ പഞ്ചായത്ത് കിണർ കോൺക്രീറ്റ് റോഡ് കെ.മുരളീധരൻ എം.പി ഉദ്ഘാടനം ചെയ്തു. എം പി ഫണ്ടിൽ നിന്നും അനുവദിച്ച പത്തര ലക്ഷത്തോളം രൂപ ചിലവഴിച്ചാണ് കോൺക്രീറ്റ് റോഡ് നിർമിച്ചത്. എടച്ചേരി ഗ്രാമപഞ്ചായത്ത് വൈസ് പ്രസിഡന്റ് എം രാജൻ അധ്യക്ഷത വഹിച്ചു.&nbsp;
വാർഡ് മെമ്പർ എം.കെ സുജാത, നിർമ്മാണ കമ്മറ്റി കൺവീനർ നടുക്കണ്ടി കുഞ്ഞിരാമൻ, മോഹനൻ പാറക്കടവ്, കെ.കെ കുഞ്ഞിരാമൻ, ആർ.ടി ഉസ്മാൻ , എം.കെ പ്രേംദാസ്, വത്സരാജ് മണലാട്ട്, സന്തോഷ് കക്കാട്ട് , വി. പി സുരേന്ദ്രൻ, അബ്ദുള്ള കാട്ടിൽ എന്നിവർ ആശംസകളർപ്പിച്ചു സംസാരിച്ചു. ഇരിങ്ങണ്ണൂർ ലേബർ കോൺട്രാക്ട് കോ. ഓപ് സൊസൈറ്റിയാണ് 15 ദിവസം കൊണ്ട് റോഡ് പണി പൂർത്തീകരിച്ചത്.

കോൺക്രീറ്റ് റോഡ് ഉദ്ഘാടനം ചെയ്തു

മേപ്പയൂർ: മേപ്പയൂർ ഗ്രാമപഞ്ചായത്ത് 2023 24 വാർഷിക പദ്ധതിയിൽ ഉൾപ്പെടുത്തി നിർമ്മിച്ച ആറാം വാർഡിലെ വള്ളിൽ മുക്ക് തച്ചരോത്ത് റോഡ് പഞ്ചായത്ത് പ്രസിഡന്റ് കെ ടി രാജൻ ഉദ്ഘാടനം ചെയ്തു. ഗ്രാമപഞ്ചായത്ത് മെമ്പർ കെ എം പ്രസീദ അധ്യക്ഷത വഹിച്ചു. മുൻ ഗ്രാമപഞ്ചായത്ത് അംഗം യൂസഫ് കോറോത്ത്, എം വിജയൻ, കെ രമ ഭായ് എന്നിവർ സംസാരിച്ചു. വാർഡ് വികസന സമിതി കൺവീനർ എൻ ലിജീഷ് സ്വാഗതം പറഞ്ഞു. അയൽ സഭ കൺവീനർ ടി കെ രജില നന്ദി രേഖപ്പെടുത്തി.

വടകര: ചോറോട് ഓട്ടുകമ്പനി -മമ്പരഞ്ഞോളി താഴ റോഡ് ടാർ പ്രവൃത്തി പൂർത്തീകരിച്ച ഭാഗം ഉദ്‌ഘാടനം കെ.കെ രമ എം. എൽ.എ നിർവഹിച്ചു. പി. സുരേഷ് അദ്ധ്യക്ഷത വഹിച്ചു. കെ പി ബാലൻ റിപ്പോർട്ട്‌ അവതരിപ്പിച്ചു. വാർഡ് അംഗങ്ങളായ എൻ പി ബാലകൃഷ്ണൻ, ജംഷിദ, കെ എം നാരായണൻ, കെ കെ രാമചന്ദ്രൻ, രാജേഷ് ചോറോട്, എം സി കരീം, ബാബു മണിയാറത്ത്, രാജേഷ് കെ പി, എൻ.കെ മോഹനൻ എന്നിവർ പ്രസംഗിച്ചു. അഡ്വ. എം.വി സജീവൻ സ്വാഗതവും നജീഷ് മണ്ടോടി നന്ദിയും പറഞ്ഞു.

മമ്പരഞ്ഞോളി താഴ റോഡ് ഉദ്‌ഘാടനം ചെയ്തു

വാണിമേൽ: വിലങ്ങാട് വയനാട് ചുരമില്ലാ റോഡ് വീണ്ടും ചർച്ചയായിരിക്കെ ഈ ആവശ്യവുമായി നാട്ടുകാർ രംഗത്തെത്തി. വിലങ്ങാട് പാരിസ് ഹാളിൽ നടന്ന പ്രദേശവാസികളുടെ കൂട്ടായ്മയിൽ വിവിധ രാഷ്ട്രീയ പാർട്ടികളിൽ പ്രവർത്തിക്കുന്നവരും സാമൂഹിക പ്രവർത്തകരുമായ നിരവധി പേർ പങ്കാളികളായി. ബിജു മാത്യു കൊടിമരത്ത് മൂട്ടിൽ, ഫാദർ ബെന്നി കാരക്കാട്ടിൽ, അൽഫോൻസ റോബിൻ, ഷാജു പ്ലാക്കൽ, തോമസ് മാത്യു, ടി പി പവിത്രൻ, കെ പി രാജീവൻ, ഔസേപ്പച്ചൻ മണിമല, ജോണി മൂലക്കുന്നേൽ, ജലീൽ ചാലക്കണ്ടി, രാജു അലക്സ്‌, അമ്പലക്കണ്ടി അബ്ദുറഹ്മാൻ, എം എ വാണിമേൽ, അനീഷ് എം പി എന്നിവർ സംസാരിച്ചു.

വിലങ്ങാട്- വയനാട് ചുരമില്ലാ റോഡിനായി നാട്ടുകാർ ഒന്നിക്കുന്നു

റെക്കോഡ് ഭേദിച്ച് സ്വര്‍ണ വിലയില്‍ കുതിപ്പ് തുടരുന്നു. വ്യാഴാഴ്ച പവന്റെ വില 120 രൂപ ഉയര്‍ന്ന് 60,880 രൂപയായി. ഗ്രാമിന്റെ വിലയാകട്ടെ 15 രൂപ കൂടി 7,610 രൂപയുമായി. ഇതോടെ ഒരു മാസത്തിനിടെ പവന്റെ വിലയിലുണ്ടായ വര്‍ധന 3,680 രൂപയാണ്. ഒരു വര്‍ഷത്തിനിടെയുള്ള വര്‍ധനവാകട്ടെ 14,640 രൂപയുമാണ്.
കുറഞ്ഞ ചെലവിലുള്ള എഐ സാധ്യതകളുമായി ഡീപ്‌സീക്ക് എത്തിയതിന് പിന്നാലെ യുഎസ് ഓഹരി വിപണിയില്‍ നേരിട്ട തിരിച്ചടിയാണ് സ്വര്‍ണം നേട്ടമാക്കിയത്. ഇത്തവണ നിരക്കില്‍ കുറവ് വരുത്തേണ്ടെന്ന യുഎസ് ഫെഡിന്റെ തീരുമാനവും സ്വര്‍ണ വിലയില്‍ പ്രതിഫലിച്ചു.

സ്വര്‍ണ വിലയില്‍ കുതിപ്പ് തുടരുന്നു ;120 രൂപ കൂടി പവന് 60,880 രൂപയായി

തിരുവനന്തപുരം: ബാലരാമപുരത്ത് കാണാതായ രണ്ടു വയസ്സുകാരിയെ മരിച്ച നിലയിൽ കണ്ടെത്തിയ സംഭവത്തിൽ ദുരൂഹതയേറുന്നു. ആൾമറയുള്ള കിണറ്റിൽ നിന്നാണ് രണ്ടു വയസ്സുകാരിയുടെ മൃതദേഹം കണ്ടെത്തിയത്. കുട്ടിയുടെ അച്ഛൻ, അമ്മ, അമ്മയുടെ സഹോദരൻ എന്നിവരെ പോലീസ് കസ്റ്റഡിയിലെടുത്തിട്ടുണ്ട്. കുഞ്ഞിന്റെ പോസ്റ്റ്മോർട്ടം റിപ്പോർട്ട് പുറത്തുവന്നാൽ മാത്രമേ മരണകാരണം വ്യക്തമാകുകയുള്ളൂ.
കുട്ടിയുടെ അമ്മയുടെ സഹോദരൻ കിടന്ന മുറിയിൽ തീപ്പിടിച്ചതായാണ് കുടുംബം പറയുന്നത്. തീ അണച്ചതിനു ശേഷം തിരികെയെത്തിയപ്പോൾ കുഞ്ഞിനെ കാണാനില്ലായിരുന്നു എന്നും ഇവർ പറയുന്നു. മുറിയിൽ മണ്ണെണ്ണയുടെ ​ഗന്ധമുണ്ടായിരുന്നു എന്ന് കോവളം എം.എൽ.എ. എം. വിൻസന്റും പറഞ്ഞു.
വ്യാഴാഴ്ച രാവിലെ എട്ടോടെയാണ് ശ്രീതു- ശ്രീജിത്ത് ദമ്പതികളുടെ മകൾ ദേവേന്ദു(2)വിനെ വീടിന് സമീപത്തെ കിണറ്റിൽ മരിച്ച നിലയിൽ കണ്ടെത്തിയത്.

രണ്ടു വയസ്സുകാരിയെ മരിച്ച നിലയിൽ കണ്ടെത്തിയ സംഭവത്തിൽ ദുരൂഹത ;മാതാപിതാക്കൾ കസ്റ്റഡിയിൽ

തിരുവനന്തപുരം: ബാലരാമപുരത്ത് നിന്ന് കാണാതായ രണ്ടുവയസുകാരിയെ കിണറ്റിൽ മരിച്ചനിലയിൽ. ശ്രീതു - ശ്രീജിത്ത് ദമ്പതികളുടെ മകളായ ദേവേന്ദുവാണ് മരിച്ചത്. കുട്ടിയെ കാണാനില്ലെന്ന് ഇന്ന് രാവിലെയാണ് മാതാപിതാക്കൾ പൊലീസിൽ പരാതിനൽകിയത്. തുടർന്ന് നടത്തിയ പരിശോധനയിലാണ് കിണറ്റിൽ നിന്ന് കുട്ടിയുടെ മൃതദേഹം കണ്ടെത്തിയത്. മരണത്തിൽ ദുരൂഹതയുണ്ടെന്നാണ് നിഗമനം. രാത്രി അച്ഛനും അമ്മയ്ക്കുമൊപ്പം ഉറങ്ങാൻ കിടന്ന കുട്ടിയെയാണ് രാവിലെ കാണാതാകുന്നത്.

ബാലരാമപുരത്ത് കാണാതായ രണ്ടുവയസുകാരി കിണറ്റിൽ മരിച്ചനിലയിൽ

തൃശ്ശൂര്‍: സംഗീത സംവിധായകന്‍ ഗോപി സുന്ദറിന്റെ അമ്മ കൂര്‍ക്കഞ്ചേരി അജന്ത അപ്പാര്‍ട്ട്‌മെന്റ്‌സില്‍ ലിവി സുരേഷ് ബാബു(65) അന്തരിച്ചു. ഭര്‍ത്താവ്: സുരേഷ് ബാബു. മക്കള്‍: ഗോപി സുന്ദര്‍ (സംഗീത സംവിധായകന്‍), ശ്രീ(മുംബൈ). മരുമക്കള്‍: പ്രിയ ഗോപി സുന്ദര്‍, ശ്രീകുമാര്‍ പിള്ള (എയര്‍ഇന്ത്യ, മുംബൈ). സംസ്‌കാരം വ്യാഴാഴ്ച മൂന്നിന് വടൂക്കര ശ്മശാനത്തില്‍.

സംഗീത സംവിധായകന്‍ ഗോപിസുന്ദറിന്റെ അമ്മ ലിവി സുരേഷ് ബാബു അന്തരിച്ചു

പാലക്കാട്: നെന്മാറ ഇരട്ടക്കൊലപാതകക്കേസിലെ പ്രതി ചെന്താമരയെ ഫെബ്രുവരി 12 വരെ റിമാന്‍ഡ് ചെയ്തു. കൃത്യം ചെയ്തത് ഒറ്റയ്ക്കാണെന്നും നൂറ് വര്‍ഷം ശിക്ഷിച്ചോളൂവെന്നും ഉടനെ ശിക്ഷ വിധിക്കണമെന്നും ചെന്താമര പറഞ്ഞു. തന്റെ ജീവിതമാര്‍ഗ്ഗത്തെ തകര്‍ത്തു, അതുകൊണ്ടാണ് കൊലപാതകം ചെയ്തത്. മകളുടേയും മരുമകന്റേയും മുന്നില്‍ തലകാണിക്കാന്‍ വയ്യ, അതിനാല്‍ എത്രയും വേഗം ശിക്ഷ വിധിക്കണമെന്നും ചെന്താമര ആവശ്യപ്പെട്ടു.
പോലീസ് പിടികൂടിയതിന്റെയല്ലാതെ ഏതെങ്കിലും തരത്തിലുള്ള പരിക്കുകള്‍ പറ്റിയിട്ടുണ്ടോയെന്നാണ് ചെന്താമരയോട് കോടതി ആദ്യം ചോദിച്ചത്. എന്നാല്‍ തനിക്ക് ചിലകാര്യങ്ങള്‍ കോടതിയോട് പറയാനുണ്ടെന്ന് പറഞ്ഞാണ് ചെന്താമര സംസാരിക്കാന്‍ ആരംഭിച്ചത്. തനിക്ക് യാതൊരു പരാതിയുമില്ല, ഉദ്ദേശിച്ച കാര്യം ചെയ്തുകഴിഞ്ഞു എന്നായിരുന്നു ചെന്താമരയുടെ ഭാഷ്യം. മകള്‍ എന്‍ജിനീയറാണെന്നും മരുമകന്‍ സ്‌പെഷ്യല്‍ ബ്രാഞ്ചിലാണെന്നും കോടതിയോട് പറഞ്ഞ പ്രതി അവരുടെ മുന്നില്‍ തല കാണിക്കാന്‍ വയ്യെന്നും കൂട്ടിച്ചേര്‍ത്തു.
വിശദമായ ചോദ്യം ചെയ്യലിനുശേഷമാണ് ഇയാളെ ആലത്തൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയത്. കനത്ത പോലീസ് സുരക്ഷയിലാണ് ചെന്താമരയെ പോലീസ് സ്‌റ്റേഷനില്‍നിന്ന് കോടതിയിലെത്തിച്ചത്.&nbsp;

ചെന്താമരയെ ഫെബ്രുവരി 12 വരെ റിമാന്‍ഡ് ചെയ്തു ;കൃത്യം ചെയ്തത് ഒറ്റയ്ക്കാണെന്നും നൂറ് വര്‍ഷം ശിക്ഷിച്ചോളൂവെന്നും പ്രതി

Search Results for: 25.01.2025