പാലക്കാട്: പാലക്കാട് ഉപതിരഞ്ഞെടുപ്പില്‍ രാഹുല്‍ മാങ്കൂട്ടത്തിലിനെ സ്ഥാനാര്‍ഥിയാക്കിയതിനെതിരേ വീണ്ടും വിമര്‍ശനവുമായി ബി.ജെ.പി.നേതാവ് പത്മജാ വേണുഗോപാല്‍. പാലക്കാടൊന്നും ആരുമില്ലേ സ്ഥാനാര്‍ഥിയായി നിര്‍ത്താനെന്നും പത്തനംതിട്ടയില്‍നിന്ന് കൊണ്ടുവരേണ്ടതുണ്ടോ എന്നും പത്മജ ചോദിച്ചു.
കെ. മുരളീധരന്‍ ഒരിക്കലും സ്വന്തം താല്‍പര്യപ്രകാരം പാലക്കാട്ട് തിരഞ്ഞെടുപ്പ് പ്രചാരണത്തിന് വരില്ലെന്നും പത്മജ പറഞ്ഞു. മുരളീധരന്‍ അമ്മക്കുട്ടിയായിരുന്നു. അമ്മ എന്നു പറഞ്ഞാല്‍ അദ്ദേഹത്തിന് അത്ര ജീവനായിരുന്നു. ആ അമ്മയെ പറഞ്ഞ ആരോടും മുരളീധരന്‍ മനസ്സില്‍ ക്ഷമിക്കില്ല. അത് തനിക്ക് അറിയാം. പാര്‍ട്ടി പറഞ്ഞാല്‍ അദ്ദേഹത്തിന് പലതും ചെയ്യേണ്ടിവരും. എന്റെ ജീവിതത്തില്‍ മുരളീധരന്‍ കരഞ്ഞുകണ്ടത് അമ്മ മരിച്ച സമയത്താണ്. അച്ഛന്‍ മരിച്ച സമയത്ത് സ്‌ട്രോങ്ങായി നിന്നയാളാണ്. അത്രയ്ക്ക് അമ്മയോട് അടുപ്പമുള്ളയാണ്. രാഹുല്‍ ജയിക്കാന്‍ അദ്ദേഹം ഒരിക്കലും മനസ്സില്‍ ആഗ്രഹിക്കില്ല, പത്മജ കൂട്ടിച്ചേര്‍ത്തു

അമ്മയെ പറഞ്ഞ ആരോടും മുരളീധരന്‍ ക്ഷമിക്കില്ല; രാഹുല്‍ ജയിക്കാന്‍ അദ്ദേഹം ആഗ്രഹിക്കില്ലെന്നും പത്മജ

തിരുവനന്തപുരം:കെ മുരളീധരനെ പരോക്ഷമായി ബിജെപിയിലേക്ക് ക്ഷണിച്ച് പാർട്ടി സംസ്ഥാന അധ്യക്ഷൻ കെ സുരേന്ദ്രൻ. ആട്ടുംതുപ്പും സഹിച്ച് കെ മുരളീധരൻ എന്തിന് കോൺഗ്രസിൽ തുടരുന്നുവെന്നും സുരേന്ദ്രൻ ചോദിച്ചു. മുരളീധരനോട് സഹതാപമേയുള്ളൂ. സ്വന്തം അമ്മയെ അപമാനിച്ച ആൾക്കായി കെ മുരളീധരൻ വോട്ട് ചോദിക്കുന്നുവെന്നും അദ്ദേഹം ആരോപിച്ചു.
അതിനിടെ കെ മുരളീധരൻ കോൺഗ്രസ് വിട്ട് പോകില്ലെന്ന് രമേശ് ചെന്നിത്തല അറിയിച്ചു. കെ മുരളീധരൻ ഒരിക്കലും ബിജെപിയിൽ പോകില്ലെന്നും ചെന്നിത്തല പ്രതികരിച്ചു. ബിജെപിയിലേക്ക് ക്ഷണിച്ച ആൾക്കാണ് തെറ്റ് പറ്റിയതെന്നും അദ്ദേഹം കൂട്ടിച്ചേർത്തു.പാലക്കാട്ടെ ബിജെപി സ്ഥാനാർത്ഥിക്ക് വോട്ടിൽ അല്ല നോട്ടിലാണ് താൽപര്യമെന്ന് പരിഹസിച്ച് കോൺഗ്രസ് നേതാവ് കെ മുരളീധരൻ നേരത്തെ രംഗത്തെത്തിയിരുന്നു. പാലക്കാട്ടേത് രാഷ്ട്രീയ മത്സരമാണ്. അവിടെ ബിജെപി മൂന്നാം സ്ഥാനത്തേക്ക് പോകാൻ സാധ്യതയുണ്ടെന്ന് ബിജെപിക്കാർ തന്നെ പറയുന്നു.ഇടത് സ്ഥാനാർത്ഥി ഡോ പി സരിന്റെ റോഡ് ഷോയിലെ ജനപങ്കാളിത്തം വോട്ടായി മാറില്ലെന്നും കെ മുരളീധരൻ പറഞ്ഞു.&nbsp;

'ആട്ടുംതുപ്പും സഹിച്ച് എന്തിന് കോൺഗ്രസിൽ തുടരുന്നു'; കെ മുരളീധരനെ ബിജെപിയിലേക്ക് ക്ഷണിച്ച് കെ സുരേന്ദ്രൻ

തിരുവനന്തപുരം: പാലക്കാട് നിയമസഭാ മണ്ഡലത്തിലെ ഉപതിരഞ്ഞെടുപ്പില്‍ സ്ഥാനാര്‍ഥിയാകുമോ എന്ന ചോദ്യത്തിന് ഹ ഹ ഹ എന്ന് മറുപടി നല്‍കി കോണ്‍ഗ്രസ് നേതാവ് കെ. മുരളീധരന്‍. മുഖ്യമന്ത്രിയെ കളിയാക്കിയതാണോ എന്ന ചോദ്യത്തിന് അല്ല, ഉത്തരം ആവശ്യമില്ലാത്ത സ്ഥലത്ത് പ്രയോഗിക്കുന്നതാണ് എന്നായിരുന്നു അദ്ദേഹത്തിന്റെ മറുപടി. നടക്കാനിരിക്കുന്ന ഉപതിരഞ്ഞെടുപ്പുകളില്‍ പാലക്കാട് ഉറപ്പായും ജയിക്കുമെന്നും ചേലക്കര ജയിക്കുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേര്‍ത്തു.

പാലക്കാട് സ്ഥാനാര്‍ഥിത്വം സംബന്ധിച്ച ചോദ്യത്തിന് ഹ ഹ ഹ എന്ന് മറുപടിയുമായി കെ. മുരളീധരന്‍

കൊച്ചി: കാഫിർ വിവാദത്തിൽ പ്രതികരിച്ച് കോൺഗ്രസ് നേതാവ് കെ മുരളീധരൻ. കാഫിർ സ്ക്രീൻ ഷോട്ടിന് പിന്നിൽ ഇടതുപക്ഷമാണെന്നും തെളിയിക്കേണ്ടത് യൂത്ത് കോൺഗ്രസ്‌ അല്ല പൊലിസാണെന്നും അദ്ദേഹം പറഞ്ഞു.&nbsp;
പൊലീസ് ഗ്രൂപ്പ്‌ അഡ്മിനെ ചോദ്യം ചെയ്യണം. നിയമ നടപടിയുമായി കോൺഗ്രസ്‌ മുന്നോട്ട് പോകും. വടകരയിലെ ജനങ്ങളെ ഭിന്നിപ്പിക്കനാണ് കാഫിർ വ്യാജ സ്ക്രീൻഷോട്ടിലൂടെ ശ്രമിച്ചത്. തെറ്റായ നടപടി സ്വീകരിച്ചവർക്കെതിരെ നടപടി ഉണ്ടായേ മതിയാവൂ എന്നും കെ മുരളീധരൻ പറഞ്ഞു.

കാഫിർ സ്ക്രീൻ ഷോട്ടിന് പിന്നിൽ ഇടതുപക്ഷം; തെളിയിക്കേണ്ടത് പൊലീസെന്ന് കെ മുരളീധരൻ

പാലക്കാട്: പാലക്കാട് ഉപ തെരഞ്ഞെടുപ്പിലെ സ്ഥാനാർഥിയെ സംബന്ധിച്ച് കോൺഗ്രസിൽ ആശയക്കുഴപ്പമില്ലെന്ന് കെ. മുരളീധരൻ. മുതിർന്ന നേതാക്കളുടെയും പ്രവർത്തകരുടെയും അഭിപ്രായം മാനിച്ചായിരിക്കും സ്ഥാനാർഥി നിർണയം നടക്കുകയെന്നും അദ്ദേഹം വ്യക്തമാക്കി.
തെരഞ്ഞെടുപ്പ് തീയതി പ്രഖ്യാപിച്ച ശേഷം സ്ഥാനാർഥി നിർണയ ചർച്ച നടത്തേണ്ടതുള്ളൂ.വി.കെ. ശ്രീകണ്ഠൻ എം.പി, 13 വർഷം എം.എൽ.എയായ ഷാഫി പറമ്പിൽ, ഡി.സി.സി അധ്യക്ഷൻ അടക്കമുള്ളവരുമായി ആലോചിക്കുമെന്നും മുരളീധരൻ പറഞ്ഞു.പാലക്കാട് ജില്ലയിൽ ബി.ജെ.പിക്ക് ജയിക്കാനാവില്ലെന്നും കെ. മുരളീധരൻ കൂട്ടിച്ചേർത്തു.

പാലക്കാട് ജില്ലയിൽ ബി.ജെ.പിക്ക് ജയിക്കാനാവില്ലെന്ന് കെ. മുരളീധരൻ

നാദാപുരം: കോൺഗ്രസിനെ തോൽപ്പിക്കാൻ എൽ.ഡി.എഫ്, എൻ.ഡി.എ മുന്നണികൾ കൈകോർക്കുന്നതായി മുൻ കെ.പി.സി.സി പ്രസിഡൻറ് കെ മുരളീധരൻ പറഞ്ഞു. പാർലമെന്റ് തെരഞ്ഞെടുപ്പിൽ അതായിരുന്നു കണ്ടത്. പല മണ്ഡലങ്ങളിലും സി.പി.എമ്മിൻ്റെ വോട്ട് ഗണ്യമായി കുറഞ്ഞു. തൃശൂരിൽ വ്യാപകമായി വ്യാജ വോട്ട് ചേർക്കപ്പെട്ടു. ഇതിന് സർക്കാർ ഉദ്യോഗസ്ഥർ കൂട്ട് നിന്നു. കോൺഗ്രസില്ലാത്ത ഭാരതമെന്ന ബി.ജെ.പി യുടെ സ്വപ്നം അവസാനിച്ചതായും മുരളീധരൻ പറഞ്ഞു. നാദാപുരത്ത് കോൺഗ്രസിൻറെ നിയോജകമണ്ഡലത്തിലെ കാവിലും പാറ ,നാദാപുരം ബ്ലോക്കുകളുടെ സംയുക്ത എക്സിക്യൂട്ടീവ് ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. കെ.പി.സി.സി സെക്രട്ടറി സത്യൻ കടിയങ്ങാട് അധ്യക്ഷനായി. ഡി.സി.സി പ്രസിഡന്റ് അഡ്വ.കെ പ്രവീൺകുമാർ മുഖ്യപ്രഭാഷണം നടത്തി.
സാധാരണക്കാരന്റെ വികാരം മനസ്സിലാക്കാൻ കഴിയാത്തതാണ് കഴിഞ്ഞ തെരഞ്ഞെടുപ്പിലെ ഇടതു മുന്നണിയുടെ പരാജയത്തിന് കാരണമെന്ന് ഷാഫി പറമ്പിൽ എം.പി പറഞ്ഞു. വിജയത്തിൽ അഹംഭവിക്കാതെ കോൺഗ്രസ് ജനങ്ങളുടെ കൂടെ നിന്ന് പ്രവർത്തിക്കുമെന്നും ഷാഫി പറഞ്ഞു. എ .പി അനിൽ കുമാർ എം.എൽ.എ. സമാപനസമ്മേളനം ഉദ്ഘാടനം ചെയ്തു. കെ.പി.സി.സി ഭാരവാഹികളായ അഡ്വ.ഐ മൂസ്സ, വി. എം ചന്ദ്രൻ, സുനിൽ മടപ്പള്ളി, കെ.ടി ജെയിംസ്, ബ്ലോക്ക് കോൺഗ്രസ് പ്രസിഡന്റുമാരായ മോഹനൻ പാറക്കടവ്, ജമാൽ കോരംകോട്ട്, മറ്റു നേതാക്കളായ കെ. പി രാജൻ, ആവോലം രാധാകൃഷ്ണൻ, അഡ്വ.ഇ നാരായണൻ നായർ, കെ.പി കരുണൻ, മാക്കൂൽ കേളപ്പൻ, പ്രമോദ് കക്കട്ടിൽ, അഡ്വ.എ സജീവൻ എന്നിവർ പ്രസംഗിച്ചു.

കോൺഗ്രസിനെ തോല്പിക്കാൻ ഇടത്, എൻ.ഡി.എ മുന്നണികൾ കൈകോർക്കുന്നു; കെ മുരളീധരൻ

Nadapuram

തിരുവനന്തപുരം: വിഴിഞ്ഞം തുറമുഖം മുന്‍ മുഖ്യമന്ത്രി ഉമ്മന്‍ ചാണ്ടിയുടെ ഇച്ഛാശക്തിയുടെ ഫലമാണെന്നു കോണ്‍ഗ്രസ് നേതാവ് കെ.മുരളീധരന്‍. തിരുവനന്തപുരത്ത് ഉമ്മന്‍ ചാണ്ടി അനുസ്മരണത്തില്‍ സംസാരിക്കുകയായിരുന്നു അദ്ദേഹം. ആരൊക്കെ തമസ്‌കരിക്കാന്‍ ശ്രമിച്ചാലും അക്കാര്യം ജനങ്ങള്‍ക്ക് അറിയാമെന്നും മുരളീധരന്‍ പറഞ്ഞു. 2028ല്‍ തുറമുഖ കമ്മിഷനിങ് നടക്കുമ്പോള്‍ കോണ്‍ഗ്രസ് സര്‍ക്കാര്‍ ആകും കേരളം ഭരിക്കുക എന്നും തുറമുഖത്തിന് ഉമ്മന്‍ ചാണ്ടിയുടെ പേര് നല്‍കുമെന്നും മുരളീധരന്‍ പറഞ്ഞു.
‘‘നെടുമ്പാശേരി വിമാനത്താവളം എന്നു പറയുമ്പോള്‍ കെ.കരുണാകരന്റെ പേരു പറയുന്നതു പോലെ വിഴിഞ്ഞം എന്നു കേള്‍ക്കുമ്പോള്‍ ജനങ്ങള്‍ ഉമ്മന്‍ ചാണ്ടിയെ ഓര്‍ക്കും. ഏറെ ശ്രദ്ധയോടെയാണ് ഉമ്മന്‍ ചാണ്ടി വിഴിഞ്ഞത്തെ പ്രവര്‍ത്തനങ്ങള്‍ക്കു നേതൃത്വം നല്‍കിയത്. നിര്‍മാണം തുടങ്ങുന്ന അന്നു മാത്രമേ തറക്കല്ലിടാന്‍ വരികയുള്ളു എന്ന് ഉമ്മന്‍ ചാണ്ടിയാണ് നിര്‍ദേശം വച്ചത്. അങ്ങനെ തറക്കല്ലിട്ട ദിവസം മുതല്‍ തന്നെ നിര്‍മാണം ആരംഭിച്ചിരുന്നു. പിന്നീട് വന്ന സര്‍ക്കാരിന്റെ അലംഭാവം മൂലമാണു പദ്ധതി വൈകിയത്. അല്ലെങ്കില്‍ ഇപ്പോള്‍ തുറമുഖ പ്രവര്‍ത്തനം പൂര്‍ണ തോതിലാകുമായിരുന്നു’’ - മുരളീധരന്‍ പറഞ്ഞു.&nbsp;
തിരുവനന്തപുരത്ത് ജനകീയനായി താന്‍ അറിയപ്പെടുന്നതിനു കാരണം മുഖ്യമന്ത്രിയായിരുന്ന ഉമ്മന്‍ ചാണ്ടിയായിരുന്നുവെന്നും മുരളീധരന്‍ പറഞ്ഞു. എംഎല്‍എയായിരുന്ന വര്‍ഷങ്ങള്‍ യാതൊരു നിയന്ത്രണം കൂടാതെ ഫണ്ട് അനുവദിച്ചതുകൊണ്ടാണ് പല പ്രവര്‍ത്തനങ്ങളും നടത്താന്‍ കഴിഞ്ഞത്. എംഎല്‍എമാര്‍ക്ക് ആറു കോടി രൂപയുടെ ഫണ്ട് അനുവദിച്ചത് ഉമ്മന്‍ ചാണ്ടിയുടെ കാലത്തായിരുന്നുവെന്നും മുരളീധരന്‍ അനുസ്മരിച്ചു.

‘2028ല്‍ കേരളം യുഡിഎഫ് ഭരിക്കും; വിഴിഞ്ഞം തുറമുഖത്തിന് ഉമ്മന്‍ ചാണ്ടിയുടെ പേര് നല്‍കും’

തൃശൂർ: തൃശൂരിൽ തന്നെ കുരുതി കൊടുത്തെന്നും കൂടുതൽ പ്രതികരിക്കാൻ കഴിയില്ലെന്നും വ്യക്തമാക്കി കെ മുരളീധരൻ. തൃശൂർ ലോക്‌സഭാ മണ്ഡലത്തിലെ തോൽവിയെക്കുറിച്ച് പ്രതികരിക്കുകയായിരുന്നു അദ്ദേഹം. തോൽവിയിൽ തനിക്ക് പരാതിയില്ലെന്നും കെപിസിസി നിയോഗിച്ച അന്വേഷണ കമ്മീഷൻ റിപ്പോർട്ട് സമർപ്പിക്കട്ടെയെന്നും അദ്ദേഹം പറഞ്ഞു.
'സംസ്ഥാനത്ത് എല്ലാ മണ്ഡലങ്ങളിലും കോൺഗ്രസ് വിജയിച്ചപ്പോൾ എനിക്ക് തോൽവിക്ക് നിന്ന് കൊടുക്കേണ്ടി വന്നു. പാർട്ടി അച്ചടക്കം മാനിച്ച് വിഷയത്തിൽ കൂടുതൽ പറയാനില്ല. ഒരു കമ്മീഷണർ വിചാരിച്ചാൽ തൃശൂർ പൂരം അട്ടിമറിക്കാൻ കഴിയുമോ? പൂരം കലക്കിയതിന് പിന്നിൽ കേരള സർക്കാരാണ്. പൂരം അലങ്കോലമാക്കിയതിന് പിന്നിൽ ചില അന്തർധാരകൾ നടന്നിട്ടുണ്ട്. അത് തിരഞ്ഞെടുപ്പിൽ ബിജെപിക്ക് ഗുണം ചെയ്തു. മണ്ഡലത്തിലെ വോട്ടർ പട്ടികയിൽ പേര് ചേർക്കലിലടക്കം സിപിഐഎം അനുഭാവികളായ ഉദ്യോഗസ്ഥരുടെ നേതൃത്വത്തിൽ ക്രമക്കേടുകൾ നടന്നു'- മുരളീധരൻ പറഞ്ഞു.&nbsp;

തൃശൂരിൽ തന്നെ കുരുതികൊടുത്തെന്ന് കെ മുരളീധരൻ

കൊച്ചി: കെ.മുരളീധരനായി കൊച്ചിയിലും ഫ്ലക്സ് ബോർഡുകൾ. 'നയിക്കാൻ നായകൻ വരട്ടെ' എന്നാണ് പോസ്റ്ററിലെ വാചകങ്ങൾ. ഗസ്റ്റ് ഹൗസ് പരിസരത്താണ് പോസ്റ്റർ പ്രത്യക്ഷപ്പെട്ടത്.
കോൺഗ്രസ് പ്രവർത്തകരാണ് ഫ്ലക്സ് ബോർഡ് ഗസ്റ്റ് ഹൗസിന് മുന്നിൽ സ്ഥാപിച്ചത്. നേരത്തേ തിരുവനന്തപുരത്തടക്കം കെ.മുരളീധരനായി ഫ്ലക്സുകൾ ഉയർന്നിരുന്നു. ഇതിന് പിന്നാലെയാണ് കൊച്ചിയിലും മുരളീധരന്റെ പേരിൽ ഫ്ലക്സുകൾ പ്രത്യക്ഷപ്പെട്ടത്.
'പ്രിയപ്പെട്ട കെ.എം നിങ്ങൾ മതേതര കേരളത്തിന്റ ഹൃദയമാണ്' എന്ന് തുടങ്ങുന്ന ഫ്ലക്സിൽ, 'വർഗീയതയ്ക്ക് എതിരെയുള്ള പോരാട്ടത്തിൽ ഇന്നലെകളിൽ എങ്ങനെയായിരുന്നോ അത് പോലെ തന്നെ ഇന്നും എന്നാളും ഞങ്ങളോടൊപ്പം മുരളിയേട്ടൻ ഉണ്ടാകണമെന്നും ഞങ്ങൾക്ക് ആവേശവും അഭിമാനവുമാണ് നിങ്ങൾ' എന്നും കുറിച്ചിരിക്കുന്നു.
മുരളീധരൻ കോൺഗ്രസിനെ നയിക്കണമെന്ന ആവശ്യം പാർട്ടിയുടെ പല കോണുകളിൽനിന്നും ഉയർന്നിരുന്നു. എന്നാൽ കോൺഗ്രസ് വലിയ വിജയം നേടിയ വേളയിൽ കെപിസിസി പ്രസിഡന്റായി കെ.സുധാകരൻ തന്നെയാണ് തുടരേണ്ടതെന്ന നിലപാടാണ് മുരളീധരൻ സ്വീകരിച്ചത്.മുരളീധരനെ അനുനയിപ്പിക്കാൻ നേതൃത്വം ശ്രമിക്കുകയും ചെയ്തിരുന്നു. ഈ പശ്ചാത്തലത്തിലാണ് അദ്ദേഹത്തിന്റെ പേര് വീണ്ടും ഉയർന്നു വരുന്നത്.&nbsp;

'നയിക്കാൻ നായകൻ വരട്ടെ' കെ.മുരളീധരനായി കൊച്ചിയിലും ഫ്ലക്സ് ബോർഡുകൾ

കോഴിക്കോട് : തൃശൂരിൽ ബി.ജെ.പിയെ വിജയിപ്പിച്ചത് സി.പി.എമ്മാണെന്ന് കോൺഗ്രസ് നേതാവ് കെ. മുരളീധരൻ പറഞ്ഞു. സി.പി.എമ്മിന്റെ ഉദ്യോഗസ്ഥർ ബി.ജെ.പിക്ക് വോട്ട് ചേർത്തുകൊടുത്തുവെന്നും മുരളീധരൻ ആരോപിച്ചു. കരുവന്നൂർ കേസിൽ നിന്ന് തലയൂരാനുള്ള ശ്രമത്തിന്റെ ഭാഗമായാണ് ബി.ജെ.പിക്ക് വോട്ട് ചേർത്ത് കൊടുത്തത്. ഒരു ഭാഗത്ത് ബി.ജെ.പിയെ കുറ്റം പറയുകയും മറുഭാഗത്ത് ബി.ജെ.പിയെ സഹായിക്കുകയും ചെയ്യുന്ന പ്രവണതയാണ് മുഖ്യമന്ത്രിയുടേതെന്നും മുരളീധരൻ കുറ്റപ്പെടുത്തി.
മുഖ്യമന്ത്രി പിണറായി വിജയനെയും മുരളീധരൻ രൂക്ഷമായി വിമർശിച്ചു. പിണറായി വിജയൻ തെറ്റിൽ നിന്ന് തെറ്റിലേക്ക് പോകുകയാണ്. അദ്ദേഹത്തിന്റെ നേതൃത്വം ഉള്ളിടത്തോളം കാലം സി.പി.എം കേരളത്തിൽ രക്ഷപ്പെടില്ലെന്നും മുരളീധരൻ കോഴിക്കോട് പറഞ്ഞു.ടി.പി കേസിൽ ഒരു പ്രതിയേയും രക്ഷപ്പെടാൻ യു.ഡി.എഫ് അനുവദിക്കില്ല. ഈ നീക്കത്തെ രാഷ്ട്രീയമായും നിയമപരമായും നേരിടുമെന്നും അദ്ദേഹം പറഞ്ഞു.

മുഖ്യമന്ത്രി തെറ്റിൽ നിന്ന് തെറ്റിലേക്ക് പോകുകയാണ്; രൂക്ഷ വിമർശനവുമായി കെ മുരളീധരൻ

കോഴിക്കോട്: ഉപതിരഞ്ഞെടുപ്പ് പ്രചാരണങ്ങളിൽ ഉണ്ടാകില്ലെന്ന് വ്യക്തമാക്കി കെ. മുരളീധരൻ. ഇനി തദ്ദേശ തിരഞ്ഞെടുപ്പ് സമയത്ത് മാത്രം രാഷ്ട്രീയത്തിൽ സജീവമാകാനാണ് തീരുമാനമെന്നും അദ്ദേഹം പറഞ്ഞു.
പ്രിയങ്ക ഗാന്ധി മത്സരിക്കുന്നതുകൊണ്ട് വയനാട്ടിൽ മാത്രം പ്രചാരണത്തിന് പോകും. നെഹ്റു കുടുംബത്തിലെ ഒരംഗം മത്സരിക്കുമ്പോൾ കോൺഗ്രസുകാർക്ക് മാറിനിൽക്കാൻ കഴിയില്ല. വട്ടിയൂർക്കാവിൽ സംഘടനാപരമായ ചില പ്രശ്നങ്ങളുണ്ട്. അവിടെ മത്സരിക്കണോ എന്ന് തീരുമാനിക്കേണ്ടത് പാർട്ടിയാണ്. തൽക്കാലം തിരുവനന്തപുരത്ത് മാത്രം പാർട്ടിയെ നയിക്കാനാണ് തീരുമാനം എന്ന് അദ്ദേഹം കൂട്ടിച്ചേർത്തു.

ഉപതിരഞ്ഞെടുപ്പിനില്ല, ഇനി തദ്ദേശതിരഞ്ഞെടുപ്പ് സമയത്ത് മാത്രം രാഷ്ട്രീയത്തിൽ സജീവമാകുമെന്ന് മുരളീധരൻ

ഉപതിരഞ്ഞെടുപ്പിനില്ല, തദ്ദേശതിരഞ്ഞെടുപ്പ് സമയത്ത് മാത്രം രാഷ്ട്രീയത്തിൽ സജീവമാകുമെന്ന് മുരളീധരൻ

തിരുവനന്തപുരം: കെപിസിസി-യുഡിഎഫ് നേതൃയോ​ഗങ്ങളിൽനിന്നും കെ.മുരളീധരൻ വിട്ടുനിൽക്കും. തിരഞ്ഞെടുപ്പ് ഫലം വിലയിരുത്താനുള്ള നേതൃയോ​ഗങ്ങളാണ് വ്യാഴാഴ്ച ചേരുന്നത്.&nbsp;
കഴിഞ്ഞ കുറച്ചുദിവസമായി അദ്ദേഹം തലസ്ഥാനത്തുണ്ട്. തിരുവനന്തപുരം കേന്ദ്രീകരിച്ച് പ്രവർത്തനം മുന്നോട്ടുകൊണ്ടുപോകാനാണ് മുരളീധരൻ ഉദ്ദേശിക്കുന്നത് എന്നാണ് വിവരം. നേരത്തെ മത്സരിച്ചിരുന്ന വട്ടിയൂർക്കാവിൽ ശ്രദ്ധകേന്ദ്രീകരിച്ച്, വരുന്ന നിയമസഭാ തിരഞ്ഞെടുപ്പിലേക്കുള്ള മുന്നൊരുക്കത്തിന് വേണ്ടിയാണ് ഇതെന്നാണ് സൂചന.
തൃശ്ശൂരിലെ തോൽവിക്ക് പിന്നാലെ, പൊതുരം​ഗത്തുനിന്ന് വിട്ടുനിൽക്കുകയാണെന്ന് അദ്ദേഹം പ്രഖ്യാപിച്ചിരുന്നു. മുരളിയെ അനുനയിപ്പിക്കാൻ നേതാക്കൾ നടത്തിയ ശ്രമങ്ങളും ഫലം കണ്ടിരുന്നില്ല.&nbsp;

കെ.പി.സി.സി നേതൃയോ​ഗങ്ങളിൽ കെ. മുരളീധരൻ പങ്കെടുക്കില്ല

തിരുവനന്തപുരം: പാലക്കാട് ഉപതിരഞ്ഞെടുപ്പിൽ മത്സരിക്കില്ലെന്നും വയനാട്ടിൽ പ്രിയങ്കാ ഗാന്ധിക്കായി പ്രചരണത്തിന് ഇറങ്ങുമെന്നും കെ മുരളീധരൻ. നെഹ്റു കുടുംബം മത്സരിക്കുമ്പോൾ ഒരു കോൺഗ്രസുകാരനും മാറിനിൽക്കാനാകില്ലെന്നും അദ്ദേഹം വ്യക്തമാക്കി. ഒരു മാധ്യമത്തിന് നൽകിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്.
'പാലക്കാട് ഉപതിരഞ്ഞെടുപ്പിൽ മത്സരിക്കില്ല. അവിടെ മത്സരിക്കാൻ ധാരാളം ചെറുപ്പക്കാർ ഉണ്ട്. വട്ടിയൂർക്കാവാണ് എന്റെ കുടുംബം. വട്ടിയൂർക്കാവിന്റെ സന്തോഷത്തിലും ദുഃഖത്തിലും താൻ കൂടെയുണ്ടായിരുന്നു. അവിടെ സജീവമായി ഉണ്ടാകും. വയനാട്ടിൽ പ്രിയങ്കാ ഗാന്ധിക്കായി പ്രചരണത്തിന് ഇറങ്ങും. നെഹ്റു കുടുംബം മത്സരിക്കുമ്പോൾ ഒരു കോൺഗ്രസുകാരനും മാറിനിൽക്കാനാകില്ല', കെ മുരളീധരൻ വ്യക്തമാക്കി.&nbsp;

പാലക്കാട് ഉപതിരഞ്ഞെടുപ്പിൽ മത്സരിക്കാനില്ല ;വയനാട്ടിൽ പ്രിയങ്കാ ഗാന്ധിക്കായി പ്രചരണത്തിന് ഇറങ്ങുമെന്നും മുരളീധരൻ

കോഴിക്കോട്: കെ. മുരളീധരനുവേണ്ടി വീണ്ടും നഗരത്തില്‍ ഫ്ലെക്സ്ബോർഡുകൾ. 'ഒരു കൊടുങ്കാറ്റായി തിരിച്ചുവരും, പുലി പതുങ്ങുന്നത് ഒളിക്കാനല്ല കുതിക്കാനാണ്' എന്നാണ് ഫ്ലെക്സുകളിലുള്ളത്.
കോഴിക്കോട്ടെ കോണ്‍ഗ്രസ് പ്രവര്‍ത്തകര്‍ എന്ന പേരിലാണ് ഫ്ലെക്സ് സ്ഥാപിച്ചിരിക്കുന്നത്. കഴിഞ്ഞ ദിവസങ്ങളിലും കോഴിക്കോട്ടും പാലക്കാട്ടും തിരുവനന്തപുരത്തും കെ. മുരളീധരനുവേണ്ടി ഫ്ലെക്സുകൾ പ്രത്യക്ഷപ്പെട്ടിരുന്നു. നയിക്കാന്‍ നായകന്‍ വരട്ടെ എന്നായിരുന്നു അന്ന് ഫ്ളെക്സിലുണ്ടായിരുന്നത്.
തൃശ്ശൂരിലെ തോല്‍വിക്ക് പിന്നാലെ പൊതുപ്രവര്‍ത്തനത്തില്‍നിന്ന് താത്കാലികമായി വിട്ടുനില്‍ക്കുന്നുവെന്ന് മുരളീധരന്‍ പ്രഖ്യാപിച്ചിരുന്നു.

'ഒരു കൊടുങ്കാറ്റായി തിരിച്ചുവരും' ; കെ.മുരളീധരനുവേണ്ടി കോഴിക്കോട്  വീണ്ടും ഫ്ലെക്സുകൾ

ന്യൂഡൽഹി: കേരളത്തിൽ നിയമസഭാ തിരഞ്ഞെടുപ്പിനു 2 വർഷം മാത്രമുള്ളപ്പോള്‍ എല്ലായിടത്തും പോയി മത്സരിക്കേണ്ട കാര്യമില്ലെന്നു കോൺഗ്രസ് നേതാവ് കെ.മുരളീധരൻ. തൃശൂരിൽ ജയിക്കാൻ ബുദ്ധിമുട്ടുണ്ടെന്ന് ടി.എൻ.പ്രതാപനും പറഞ്ഞിരുന്നില്ല. പത്മജ വേണുഗോപാൽ ബിജെപിയിൽ ചേർന്നത് ഒരു ശതമാനം പോലും തോൽവിക്ക് കാരണമായിട്ടില്ല. രാഹുൽ ഗാന്ധി വയനാട് ഒഴിയുകയാണെങ്കിൽ പ്രിയങ്കാ ഗാന്ധി മത്സരിക്കണമെന്നാണ് തന്റെ അഭിപ്രായമെന്നും മുരളീധരൻ ഡൽഹിയിൽ പറഞ്ഞു.
എക്സ് എംപി പാസ് വാങ്ങാനും ഔദ്യോഗിക വസതി ഒഴിയാനുമായി ഡൽഹിയിലെത്തിയതായിരുന്നു അദ്ദേഹം. തൃശൂരില്‍ സുരേഷ് ഗോപി നടത്തിയ പ്രവ‍ർത്തനങ്ങള്‍ വിലയിരുത്തുന്നതില്‍ പാര്‍ട്ടി സംവിധാനത്തിനും തനിക്കും വീഴ്ച പറ്റിയെന്നു മുരളീധരൻ പറഞ്ഞു. തോല്‍വിയെ കുറിച്ച് ചോദിക്കാനാണ് രാഹുല്‍ ഫോണിൽ വിളിച്ച് സംസാരിച്ചത്. എന്നോട് അഭിപ്രായം ചോദിച്ചത് ബഹുമതിയായി കാണുന്നു. തൃശൂരില്‍ ക്രൈസ്തവ വോട്ടുകളില്‍ വിള്ളല്‍ വീണെങ്കിലും മറ്റ് മണ്ഡലങ്ങളില്‍ ചോർച്ച ഉണ്ടായിട്ടില്ല. അതിനാലാണ് കോട്ടയത്തും ഇടുക്കിയിലും യു‍ഡിഎഫ് വലിയ ഭൂരിപക്ഷത്തിൽ വിജയിച്ചത്.
ജയിക്കുമായിരുന്ന സിറ്റിങ് സീറ്റ് വിട്ട് മറ്റൊരു സീറ്റില്‍ മത്സരിക്കാന്‍ പോയത് എന്‍റെ തെറ്റാണ്. അടുത്ത ഒരു വര്‍ഷത്തേക്ക് പ്രവര്‍ത്തനത്തില്‍ സജീവമായുണ്ടാകില്ല. പ്രവര്‍ത്തന കേന്ദ്രം ഇനി കേരളമാണ്. എംപി അല്ലാത്തതിനാല്‍ ഇനി ഡല്‍ഹിക്ക് വരേണ്ടല്ലോ– മുരളീധരൻ പറഞ്ഞു.

'ജയിക്കുമായിരുന്ന സിറ്റിങ് സീറ്റ് വിട്ട് പോയത് എന്റെ തെറ്റ്'; ഡൽഹിയിലെത്തി എക്സ് എംപി പാസ് വാങ്ങി മുരളീധരൻ

കൊച്ചി: ലോക്‌സഭാ തെരഞ്ഞെടുപ്പ് തോല്‍വിക്ക് പിന്നാലെ കെ മുരളീധരനെ സ്വാഗതം ചെയ്ത് ബിജെപി. മുരളീധരന്‍ ഇനി ജയിക്കണമെങ്കില്‍ ബിജെപിയിലേക്ക് എത്തണമെന്നാണ് സംസ്ഥാന അധ്യക്ഷന്‍ കെ സുരേന്ദ്രന്റെ പ്രതികരണം. സിപിഐഎം ഉള്‍പ്പെടെയുള്ള പാര്‍ട്ടികളില്‍ നിന്ന് നേതാക്കള്‍ ബിജെപിയിലെത്തും. ചര്‍ച്ചകള്‍ പുരോഗമിക്കുകയാണെന്നും കെ സുരേന്ദ്രന്‍ പറഞ്ഞു.
തെരഞ്ഞെടുപ്പില്‍ മുരളീധരന്‍ മൂന്നാം സ്ഥാനത്തായിരിക്കുമെന്ന് താന്‍ നേരത്തെ പറഞ്ഞതാണ്. ഇനിയൊരു തെരഞ്ഞെടുപ്പില്‍ അദ്ദേഹം ജയിക്കണമെങ്കില്‍ ബിജെപിയൊടൊപ്പം വരേണ്ടിവരും. എല്ലാ പാര്‍ട്ടികളില്‍ നിന്നും ആളുകള്‍ ബിജെപിയിലേക്ക് വരും. സിപിഐഎമ്മില്‍ നിന്നുള്‍പ്പെടെ നേതാക്കള്‍ വരാന്‍ തയ്യാറായി നില്‍ക്കുന്നുണ്ട്. സിപിഐഎം നേതാക്കളുടെ ബൂത്തില്‍ വരെ ബിജെപിക്ക് ആണ് ലീഡുണ്ടായത്. മികച്ച പ്രകടനം കാഴ്ചവച്ച പതിനൊന്ന് മണ്ഡലങ്ങളിലും ജയിക്കാനാണ് ഇനി പദ്ധതി.
തൃശൂരിലെ ബിജെപി വിജയം സംഘടനാ മികവ് കൊണ്ടും സുരേഷ് ഗോപിയുടെ സ്വീകാര്യത കൊണ്ടുമാണ്. ക്രിസ്ത്യന്‍ സമൂഹം ബിജെപിയെ തോല്‍പിക്കാന്‍ ശ്രമിച്ചില്ല. തൃശൂരില്‍ ബിജെപി പുതുതായി 45000 വോട്ടുകള്‍ ചേര്‍ത്തു. ബിജെപി മുന്നണി വിപുലീകരിക്കുമെന്നും എന്‍ഡിഎയില്‍ പുതിയ കക്ഷികള്‍ വരുമെന്നും സുരേന്ദ്രന്‍ പറഞ്ഞു. ഇതിന്റെ ഭാഗമായി കേരള കോണ്‍ഗ്രസ് ഏത് വിഭാഗവുമായും ചര്‍ച്ചയ്ക്ക് തയ്യാറാണ്.
അതേസമയം രാമക്ഷേത്രം മുന്‍നിര്‍ത്തി ബിജെപി തന്ത്രങ്ങള്‍ പയറ്റിയ അയോധ്യയിലെ തോല്‍വിയിലും സുരേന്ദ്രന്‍ പ്രതികരിച്ചു. അയോധ്യയില്‍ തോറ്റത് ആഘോഷമാക്കണ്ടെന്നും മോദിക്ക് മുന്നണി ഭരണം ഒരു പ്രശ്‌നമല്ലെന്നും ബിജെപി സംസ്ഥാന അധ്യക്ഷന്‍ കൂട്ടിച്ചേർത്തു.

ബിജെപിയില്‍ വന്നാൽ ജയിക്കാം; കെ മുരളീധരനെ സ്വാഗതം ചെയ്ത് കെ സുരേന്ദ്രന്‍

കൊല്ലം: കോണ്‍ഗ്രസ് നേതാവ് കെ മുരളീധരന് അഭിവാദ്യങ്ങൾ അര്‍പ്പിച്ച് കൊല്ലത്ത് ഫ്ലക്സ് ബോർഡുകൾ. ചിന്നക്കടയിലാണ് ഫ്ലക്സ് ഉയർന്നത്. കൊല്ലത്തെ കോൺഗ്രസുകാർ എന്ന പേരിലാണ് ഫ്ലക്സ് പ്രത്യക്ഷപ്പെട്ടിരിക്കുന്നത്. 'പ്രിയപ്പെട്ട കെ എം നിങ്ങള്‍ ഞങ്ങളുടെ ഹൃദയമാണ് ധീരനായ പോരാളിക്ക് അഭിവാദ്യങ്ങള്‍ എന്നാണ്' എന്നാണ് ഫ്ലക്സില്‍ എഴുതിയിരിക്കുന്നത്. മുരളീധരനെ പിന്തുണച്ച് നേരത്തെ കോഴിക്കോട് നഗരത്തിലും ഫ്ലക്സ് ബോര്‍ഡുകള്‍ പ്രത്യക്ഷപ്പെട്ടിരുന്നു.
അതേസമയം, യുഡിഎഫ് സ്ഥാനാർത്ഥി കെ മുരളീധരൻ തോറ്റതിന് പിന്നാലെ തൃശൂർ കോൺഗ്രസ് നേതൃത്വത്തിൽ പോര് തുടരുകയാണ്. തൃശൂർ ഡിസിസിയിൽ ഇന്നും പോസ്റ്ററുകൾ പതിച്ചു. യുഡിഎഫ് ചെയർമാൻ എംപി വിൻസന്റിനും അനിൽ അക്കരയ്ക്കും എതിരെയാണ് പോസ്റ്ററുകൾ പതിച്ചിരിക്കുന്നത്. കെ മുരളീധരന്റെ തോൽവിക്ക് പിന്നാലെയാണ് ഗ്രൂപ്പ് തിരിഞ്ഞ് പോസ്റ്ററുകൾ പതിക്കുന്നത് തുടരുന്നത്. ഡിസിസി പ്രസിഡൻ്റ് ജോസ് വള്ളൂരിനും മുൻ എം പി ടി എൻ പ്രതാപനുമെതിരെ കഴിഞ്ഞ ദിവസങ്ങളിലും പോസ്റ്റർ ഉയർന്നിരുന്നു.&nbsp;
&nbsp;

നിങ്ങൾ ഞങ്ങളുടെ ഹൃദയമാണ്'; കെ മുരളീധരനെ പിന്തുണച്ച് ഫ്ലക്സ്, അനിൽ അക്കരക്കെതിരെ പോസ്റ്റർ

കോഴിക്കോട്: കെ മുരളീധരന് എന്ത് പദവി നൽകണമെന്ന കാര്യം പാർട്ടി ചർച്ച ചെയ്തു തീരുമാനിക്കുമെന്ന് കെ.സുധാകരൻ. ചർച്ചയിൽ ഒരാവശ്യവും മുരളീധരൻ മുന്നോട്ട് വെച്ചിട്ടില്ല. അദ്ദേഹം ഉന്നയിച്ച വിഷയങ്ങളിൽ വിശദ ചർച്ച ഉണ്ടാകും.‌ തൃശൂരിലെ തോൽവിയിൽ വീഴ്ച ഉണ്ടായിട്ടുണ്ട്. അക്കാര്യത്തിൽ പാർട്ടി തല അന്വേഷണം നടക്കുമെന്നും മുരളീധരനെ സന്ദർശിച്ച ശേഷം കെ.സുധാകരൻ പറഞ്ഞു.
വൈകുന്നേരം മുരളീധരന്റെ വീട്ടിലെത്തിയ സുധാകരൻ ഏകദേശം അരമണിക്കൂറിലേറെ കൂടിക്കാഴ്ച നടത്തി.കെ.മുരളീധരനെ വയനാട്ടിൽ മത്സരിപ്പിക്കുന്നതിൽ തടസമില്ലെന്ന് സുധാകരൻ നേരത്തെ പറഞ്ഞിരുന്നു.&nbsp;

എന്ത് പദവി നൽകണമെന്ന കാര്യം പാർട്ടി തീരുമാനിക്കും ;കെ മുരളീധരനുമായി ചർച്ച നടത്തി സുധാകരൻ

കണ്ണൂർ: കെ.മുരളീധരനെ വയനാട്ടിൽ മത്സരിപ്പിക്കുന്നതിൽ തടസമില്ലെന്ന് കെ.പി.സി.സി അധ്യക്ഷൻ കെ.സുധാകരൻ.ഏതു പദവി വഹിക്കാനും മുരളീധരൻ യോഗ്യനാണ്.വേണമെങ്കിൽ കെപിസിസി അധ്യക്ഷ സ്ഥാനവും അദ്ദേഹത്തിന് നൽകാമെന്നും സുധാകരൻ പറഞ്ഞു.
ഏത് സ്ഥാനം നൽകിയാലും മുരളീധരൻ അത് ഭം​ഗിയായി നിർവഹിക്കുമെന്നും അദ്ദേഹം കൂട്ടിച്ചേർത്തു.തൃശ്ശൂരിൽ അന്വേഷണ കമ്മീഷൻ റിപ്പോർട്ട് ലഭിച്ചശേഷം ആവശ്യമെങ്കിൽ നടപടിയുണ്ടാകും. ഇന്ന് മുരളീധരനുമായി കൂടിക്കാഴ്ച ഇല്ലെന്നും അദ്ദേഹം പറഞ്ഞു.

മുരളീധരനെ വയനാട്ടിൽ മത്സരിപ്പിക്കുന്നതിൽ തടസമില്ലെന്ന് കെ.സുധാകരൻ

കോഴിക്കോട്: ഷാഫി പറമ്പിൽ വിജയിച്ചാൽ വടകര ബാലികേറാമലയാകുമെന്ന ചിന്ത കൊണ്ടാണ് സിപിഎം വടകരയിൽ അരുതാത്ത പല കാര്യങ്ങളും ചെയ്തതെന്ന് കെ മുരളീധരൻ. മുല്ലപ്പള്ളി രാമചന്ദ്രനും താനും മത്സരിച്ചപ്പോൾ ഇല്ലാത്ത പ്രശ്നങ്ങളാണ് ഷാഫി മത്സരിച്ചപ്പോൾ സിപിഎം സൃഷ്ടിച്ചത്. ഇതിൽ ഷാഫിയുടെ മതവും ഒരു ഘടകമായെന്നും മുരളീധരൻ പറഞ്ഞു.
രാഹുൽ ഗാന്ധിക്കെതിരെ പി വി അൻവർ നടത്തിയ പരാമർശങ്ങൾക്ക് തെരഞ്ഞെടുപ്പിൽ ജനം തിരിച്ചടി നൽകുമെന്നും കെ മുരളീധരൻ പറഞ്ഞു. രാഹുൽ ഗാന്ധി രാഷ്ട്രീയ വിമര്‍ശനം നടത്തുമ്പോള്‍ വ്യക്തി അധിക്ഷേപമാണ് സിപിഎം നടക്കുന്നത്. ഇതിനെ മുഖ്യമന്ത്രിയും എം വി ഗോവിന്ദനും പിന്തുണച്ചതോടെ ഇത് സിപിഎം ആസൂത്രിതമായി നടത്തിയ ഒരു പ്രതികരണമാണെന്ന് വ്യക്തമായെന്നും മുരളീധരൻ പറഞ്ഞു.

ഷാഫി ജയിച്ചാൽ വടകര ബാലികേറാമലയാകുമെന്ന ഭയത്തിൽ സിപിഎം അരുതാത്ത പല കാര്യങ്ങളും ചെയ്തു; വിമര്‍ശനവുമായി കെ മുരളീധരൻ

തൃശൂർ: കെ മുരളീധരനോട് തന്നെ പറ്റി ഒന്നും ചോദിക്കരുതെന്ന് മാധ്യമങ്ങളോട് അപേക്ഷിക്കുകയാണെന്ന് ബിജെപി നേതാവും സഹോദരിയുമായ പദ്മജ വേണു​ഗോപാൽ. ബന്ധങ്ങളെ രാഷ്ട്രീയമായി കാണുന്ന ഒരു വികാരജീവിയാണ് മുരളീധരനെന്നും ഒരു മറുപടിയും അർഹിക്കുന്നില്ലെന്നും പദ്മജ പറഞ്ഞു. കോൺ​ഗ്രസിന്റെ കാര്യം നോക്കേണ്ടെന്ന മുരളീധരന്റെ പരാമർശത്തോടാണ് പദ്മജയുടെ പ്രതികരണം. ഫേസ്ബുക്കിലാണ് മുരളീധരനെതിരെയുള്ള പദ്മജയുടെ പരാമർശം ഉണ്ടായത്.&nbsp;
'ഇപ്പോഴും ഒന്നും പറയാമെന്നു എനിക്ക് ആഗ്രഹമില്ലായിരുന്നു. വെറുതെ ഇരിക്കുന്ന എന്നെ വെറുതെ തോണ്ടരുത്. 20 കൊല്ലമായി ഈ മാനസിക പീഡനം തുടങ്ങിയിട്ട്. ഇനി എനിക്കും സഹിക്കാൻ ബുദ്ധിമുട്ടുണ്ട്. അദ്ദേഹം പാർട്ടി പിളർത്തി ഡിഐസി ഉണ്ടാക്കി, എൻസിപിയിൽ പോയപ്പോൾ ഞാൻ വല്ലതും പറഞ്ഞോ? അന്ന് ഞാൻ കോൺഗ്രസ്സുകാരി ആയിരുന്നു. പിന്നെ ഞാൻ ആരെ വിമർശിക്കണം എന്നുള്ളത് ഞാൻ തീരുമാനിച്ചോളാം. എന്നെ ഉപദേശിക്കേണ്ട. എന്തായാലും ഞാൻ പറഞ്ഞത് ശരിയായിരുന്നു എന്ന് അങ്ങേരു തന്നെ സമ്മതിച്ചല്ലോ. ഇപ്പോൾ ഞാൻ പറഞ്ഞു കൊടുത്തിട്ടാണ് എന്ന് പറയില്ലല്ലോ. സന്തോഷം. പിന്നെ കെ. മുരളീധരനെ പറ്റി എന്നോടും ഒന്നും ചോദിക്കരുത്. എത് ഒരു അടഞ്ഞ അധ്യായമാണ്.' -പദ്മജ ഫേസ്ബുക്കിൽ കുറിച്ചു.&nbsp;
കോണ്‍ഗ്രസിന് കേരളത്തിൽ എല്ലായിടത്തും സംഘടന ദൗർബല്യം ഉണ്ടെന്ന് കെ മുരളീധരന്‍ നേരത്തെ പ്രതികരിച്ചിരുന്നു. പഞ്ചായത്ത് തെരഞ്ഞെടുപ്പിന് മുന്നോടിയായി പാര്‍ട്ടിയെ ശക്തിപ്പെടുത്തും. മുൻ അനുഭവം വച്ച് പ്രവർത്തനം ശക്തമാക്കും. പത്മജ കോൺഗ്രസിന്‍റെ കാര്യം നോക്കണ്ട. പ്രശ്നങ്ങൾ ഉണ്ടെങ്കിൽ പരിഹരിക്കുമെന്നും മുരളീധരൻ പറഞ്ഞു.&nbsp;&nbsp;

'അടഞ്ഞ അധ്യായം, കെ. മുരളീധരനെ പറ്റി എന്നോട് ഒന്നും ചോദിക്കരുത്'; പദ്മജ വേണു​ഗോപാൽ

Kerala

തൃശ്ശൂർ: ബി.ജെ.പി സംസ്ഥാന അധ്യക്ഷൻ കെ. സുരേന്ദ്രന് തോൽക്കാനുള്ള അവസരം വയനാട്ടിലെ ജനങ്ങൾ നൽകുമെന്ന് കോൺഗ്രസ് നേതാവും തൃശ്ശൂരിലെ യു.ഡി.എഫ് സ്ഥാനാർഥിയുമായ കെ. മുരളീധരൻ. രാഹുൽ ഗാന്ധിയെ പാർലമെന്‍റിലേക്ക് ജനങ്ങൾ തെരഞ്ഞെടുത്ത് അയക്കുമെന്നും കെ. മുരളീധരൻ വ്യക്തമാക്കി.
അടുത്ത നിയമസഭയിലും തോൽക്കാനുള്ള അവസരം സുരേന്ദ്രന് വയനാട്ടിലെ ജനങ്ങൾ നൽകും. ഒരു ലക്ഷം വോട്ട് പോലും തികക്കാതെ സുരേന്ദ്രൻ തോൽക്കും. സുരേന്ദ്രൻ തോൽക്കാൻ വേണ്ടിയാണ് ബി.ജെ.പി ദേശീയ നേതൃത്വം സ്ഥാനാർഥിയാക്കിയത്. അതിന്‍റെ എല്ലാ സങ്കടവും അദ്ദേഹത്തിന്‍റെ മുഖത്ത് കാണാം. മണിപ്പൂർ സംഭവത്തെ രണ്ട് ഗോത്രങ്ങൾ തമ്മിലുള്ള സംഘർഷമെന്നാണ് ബി.െജ.പി പറ‍യുന്നത്. കൊല്ലപ്പെടുന്നത് ക്രിസ്ത്യൻ സമൂഹവും തകർക്കപ്പെടുന്നത് അവരുടെ ദേവാലയവുമാണ്. ആ ആശങ്ക അവർ പ്രകടിപ്പിക്കുന്നുണ്ട്. യു.ഡി.എഫും കോൺഗ്രസും മുന്നോട്ടു വെക്കുന്നത് എല്ലാ മതങ്ങളുടെയും വിശ്വാസങ്ങൾ സംരക്ഷിക്കുന്ന ഒരു മതേതര സർക്കാർ എന്നതാണ്.
രാജ്യത്ത് മതേതരത്വവും ജനാധിപത്യവും നിലനിർത്താൻ ജീവൻമരണ പോരാട്ടമാണ് കോൺഗ്രസ് നടത്തുന്നത്. അതിൽ രാജ്യത്തെ മുഴുവൻ മതേതരവാദികളും പിന്തുണക്കണമെന്നും കെ. മുരളീധരൻ ആവശ്യപ്പെട്ടു.

‘തോൽക്കാനുള്ള അവസരം വയനാട്ടിലെ ജനങ്ങൾ നൽകും’; സുരേന്ദ്രൻ ഒരു ലക്ഷം വോട്ട് പോലും തികയ്ക്കില്ലെന്ന് കെ മുരളീധരൻ

തൃശൂർ: ആർ.എൽ.വി. രാമകൃഷ്ണനെതിരായ സത്യഭാമയുടെ അധിക്ഷേപ പരാമർശത്തിൽ സംഘ്പരിവാർ അജണ്ട കാണാൻ കഴിയുമെന്ന് കോൺഗ്രസ് നേതാവും തൃശൂരിലെ യു.ഡി.എഫ് സ്ഥാനാർഥിയുമായ കെ. മുരളീധരൻ. ഇങ്ങനെയുള്ള മനസ്ഥിതിയുള്ളവർ കേരളത്തിലുണ്ടെന്നറിഞ്ഞപ്പോൾ അത്ഭുതപ്പെട്ടുപോയി. സത്യഭാമയെ പോലുള്ള കലാകാരിയുടെ മനസ്സ് ഇത്ര വികൃതമാണെന്ന് ഇപ്പോഴാണ് അറിയുന്നതെന്നും മുരളീധരൻ പറഞ്ഞു.
ഇത്തരം വികൃതമായിട്ടുള്ള മാനസികാവസ്ഥ കേരളത്തിൽ ഒരിക്കലും വിലപ്പോവില്ലെന്ന് നമുക്ക് തെളിയിക്കാനാകണം. അതിന് എല്ലാവരും ഒറ്റക്കെട്ടായി ഇതുപോലെയുള്ള വംശീയ അധിക്ഷേപങ്ങളെ എതിർത്ത് തോൽപ്പിക്കണം. സംഘ്പരിവാറിന്‍റെ അജണ്ട ഇതിലൊക്കെയും കാണാൻ സാധിക്കുന്നുണ്ട്. കുടുംബക്ഷേത്രത്തിലെ നൃത്തത്തിന് ക്ഷണിച്ചതുകൊണ്ടൊന്നും ഈ പാപക്കറ കഴുകിക്കളയാനാവില്ല -ബി.ജെ.പി നേതാവ് സുരേഷ് ഗോപി ആർ.എൽ.വി. രാമകൃഷ്ണനെ കുടുംബക്ഷേത്രത്തിൽ നൃത്തത്തിന് ക്ഷണിച്ചതിനെ പരാമർശിച്ചുകൊണ്ട് മുരളീധരൻ പറഞ്ഞു.

ഇത്തരം വികൃതമായിട്ടുള്ള മാനസികാവസ്ഥ കേരളത്തിൽ വിലപ്പോവില്ല; സത്യഭാമയുടെ അധിക്ഷേപത്തിൽ സംഘ്പരിവാർ അജണ്ടയുണ്ടെന്ന് കെ. മുരളീധരൻ

കോഴിക്കോട്: കെ. കരുണാകരനെ, അദ്ദേഹത്തിന്റെ ആത്മാവി​ന്റെ മുകളിൽപോലും സംഘി പതാക പുതപ്പിക്കാൻ തങ്ങൾ സമ്മതിക്കില്ലെന്ന് കെ. മുരളീധരൻ. കെ. കരുണാകരനെ സംഘികൾക്ക് വിട്ടുകൊടുക്കാൻ ശരീരത്തിൽ ജീവനുള്ള കാലത്തോളം സമ്മതിക്കി​ല്ലെന്നും മാധ്യമപ്രവർത്തകരോട് സംസാരിക്കവേ, മുരളീധരൻ വ്യക്തമാക്കി.
‘പത്മജ ബി.ജെ.പിയിൽ പോയതുകൊണ്ട് കോൺഗ്രസിന് ഒരു നഷ്ടവുമില്ല. എന്നാൽ, കരുണാകരന്റെ പടം വെച്ച് ചില കളികൾ കളിക്കാൻ ബി.ജെ.പിക്ക് കഴിയുന്നു എന്നതാണ് ദുഃഖം. കെ. കരുണാകരൻ ഏതു പ്രസ്ഥാനത്തെയാണോ അദ്ദേഹത്തിന്റെ ജീവിതം മുഴുവൻ എതിർത്തത്, അവർക്ക് അദ്ദേഹത്തിന്റെ ചിത്രം വച്ചൊരു കളി കളിക്കാൻ അവസരമുണ്ടായി. പക്ഷേ, നിലമ്പൂരിലെ കോൺഗ്രസുകാർ ശക്തമായി പ്രതികരിച്ചു. എല്ലായിടത്തും അതേ നിലപാട് തന്നെയായിരിക്കും. കെ. കരുണാകരനെ സംഘികൾക്ക് വിട്ടുകൊടുക്കാൻ ഞങ്ങളുടെ ശരീരത്തിൽ ജീവനുള്ള കാലത്തോളം സമ്മതിക്കില്ല.
ചതി ആരുകാണിച്ചാലും അത് കേരളത്തിന്റെ മണ്ണിൽ ചെലവാകില്ല. കെ. കരുണാകരനെ ഞാൻ വിചാരിച്ചാലും തട്ടിയെടുക്കാൻ കഴിയില്ല. ഒരു കാരണവശാലും കെ. കരുണാകരനെ, അദ്ദേഹത്തിന്റെ ആത്മാവി​ന്റെ മുകളിൽപോലും സംഘി പതാക പുതപ്പിക്കാൻ ഞങ്ങൾ സമ്മതിക്കില്ല’ -മുരളീധരൻ പറഞ്ഞു.
ബി.ജെ.പിയെ എല്ലായിടത്തും മൂന്നാം സ്ഥാനത്തേക്ക് എത്തിക്കുകയാണ് കോൺഗ്രസിന്റെ ദൗത്യമെന്ന് മുരളി വ്യക്തമാക്കി. ഒരിടത്തും അവർക്ക് രണ്ടാം സ്ഥാനം കിട്ടാൻ പാടില്ലെന്ന് ഞങ്ങൾക്ക് നിർബന്ധമുണ്ട്. ബി.ജെ.പി എ ഗ്രേഡ് മണ്ഡലമെന്നു പറയുന്ന എല്ലായിടത്തും ഞങ്ങൾ ശക്തമായിത്തന്നെ രംഗത്തുണ്ടാകും. അവരെ മൂന്നാം സ്ഥാനത്തേക്കയക്കും. കേരളമണ്ണിൽ അവർക്ക് ഇനി നിലംതൊടാൻ കഴിയില്ല. തൃശൂരിൽ പാർട്ടി ഏൽപിച്ച ദൗത്യം സന്തോഷപൂർവം ഏറ്റെടുക്കുന്നു. ബി.ജെ.പിയെ മൂന്നാം സ്ഥാനത്തേക്ക് തള്ളിവിടുകയും തൃശൂർ സീറ്റ് നിലനിർത്തുകയുമാണ് ലക്ഷ്യം. ബി.ജെ.പിയെ എതിർക്കാനുള്ള ഒരവസരം പോലും ഇന്നുവരെ താൻ പാഴാക്കിയിട്ടി​ല്ലെന്നും മുരളി പറഞ്ഞു.

പത്മജ പോയതുകൊണ്ട് ഒരു നഷ്ടവുമില്ല; കരുണാകരനെ സംഘികൾക്ക് വിട്ടുകൊടുക്കാൻ ജീവനുള്ള കാലത്തോളം സമ്മതിക്കില്ലെന്ന് കെ. മുരളീധരൻ

കോഴിക്കോട്: കോൺഗ്രസ് നേതാവ് കെ. മുരളീധരന്‍റെ തൃശ്ശൂരിലെ സ്ഥാനാര്‍ഥിത്വം പത്മജ വേണുഗോപാലിന്‍റെ രാഷ്ട്രീയ വഞ്ചനക്കുള്ള മറുപടിയെന്ന് ആർ.എം.പി.ഐ നേതാവ് കെ.കെ. രമ എം.എൽ.എ. ബി.ജെ.പി ജയിക്കാതിരിക്കാന്‍ നല്ല മാറ്റമാണിതെന്നും കെ.കെ. രമ വ്യക്തമാക്കി. വടകരയില്‍ സ്ഥാനാര്‍ഥി മാറിയാല്‍ വലിയ മാറ്റമുണ്ടാകില്ല. അ‍‍ഞ്ച് വര്‍ഷം വടകരയെ സജീവമായി മുന്നോട്ടു നയിച്ച വ്യക്തിയാണ് കെ. മുരളീധരന്‍. കരുണാകരന്‍റെ തട്ടകത്തില്‍ നല്ല മത്സരമായിരിക്കുമെന്നും കെ.കെ. രമ ചൂണ്ടിക്കാട്ടി.
പത്മജ ചെയ്ത ഏറ്റവും വലിയ രാഷ്ട്രീയ വഞ്ചനയാണ് ബി.ജെ.പിയിലേക്കുള്ള ചുവടുമാറ്റം. കരുണാകരന്‍റെ മകള്‍ ബി.ജെ.പിയിലേക്ക് എന്നത് നമുക്കൊന്നും ഉള്‍ക്കൊള്ളാന്‍ പറ്റാത്തതാണ്. ബി.ജെ.പിയിലേക്ക് കോണ്‍ഗ്രസ് നേതാക്കള്‍ പോകുമ്പോള്‍ സന്തോഷിക്കുന്നവരാണ് സി.പി.എം നേതാക്കളെന്നും കെ.കെ. രമ കുറ്റപ്പെടുത്തി.

വടകരയില്‍ സ്ഥാനാര്‍ഥി മാറിയാല്‍ വലിയ മാറ്റമുണ്ടാകില്ല; പത്മജയുടെ രാഷ്ട്രീയ വഞ്ചനക്കുള്ള മറുപടി; കെ.കെ. രമ

Vadakara

കോഴിക്കോട്: പത്മജ വേണുഗോപാൽ ബി.ജെ.പിയിലേക്ക് പോയതിൽ സഹോദരൻ കെ. മുരളീധരൻ എം.പിയെ പരിഹസിച്ച് മുതിർന്ന സി.പി.എം നേതാവ് പി. ജയരാജൻ. ഫേസ് ബുക്കിലിട്ട കുറിപ്പിൽ ‘പെങ്ങൾ പോയി കണ്ട് സെറ്റായാൽ പിന്നാലെ ആങ്ങളയും പോകും...’.എന്നാണ് ജയരാജൻ കുറിച്ചത്.

‘പെങ്ങൾ പോയി കണ്ട് സെറ്റായാൽ പിന്നാലെ ആങ്ങളയും പോകും...’; മുരളീധരനെ പരിഹസിച്ച് പി. ജയരാജന്റെ പോസ്റ്റ്

ന്യൂഡല്‍ഹി: ബി.ജെ.പി. പ്രവേശത്തില്‍ സഹോദരനും കോണ്‍ഗ്രസ് നേതാവുമായ കെ. മുരളീധരന്‍ എം.പിയുടെ വിമര്‍ശനങ്ങള്‍ തള്ളി പത്മജ വേണുഗോപാല്‍. തന്നെ നാണംകെടുത്തിയിട്ടാണ് അവര്‍ തന്നുവെന്ന് പറയുന്ന സ്ഥാനങ്ങളെല്ലാം നല്‍കിയത്. വൈസ് പ്രസിഡന്റായിരുന്ന തന്നെ തരംതാഴ്ത്തി. അര്‍ഹമായ പരിഗണനയാണ് തന്നതെന്ന് പറയുമ്പോള്‍ ചിരിയാണ് വരുന്നത്. നേരിട്ട് ഏറ്റുമുട്ടിയ എല്‍ഡിഎഫിനുപോലും പിതാവ് കെ. കരുണാകരന്‍ കൈകൊടുത്തിട്ടുണ്ട്. താന്‍ കെ. മുരളീധരനെപ്പോലെ പല പാര്‍ട്ടിയില്‍ പോയി വന്ന ആളല്ലെന്നും അവര്‍ കൂട്ടിച്ചേര്‍ത്തു.
'കോണ്‍ഗ്രസില്‍ നില്‍ക്കേണ്ടെന്ന തീരുമാനം കഴിഞ്ഞ തിരഞ്ഞെടുപ്പോടെ എടുത്തിരുന്നു. ബിജെപിയുമായി അടുത്തിടെയാണ് സംസാരിച്ചത്. എത്രമാത്രം എന്നെ നടത്തി, നാണംകെടുത്തിയിട്ടാണ് ഇവര്‍ പറയുന്നതെല്ലാം തന്നത്. തിരഞ്ഞെടുപ്പ് കഴിഞ്ഞപ്പോള്‍, വൈസ് പ്രസിഡന്റായ തന്നെ എക്‌സിക്യൂട്ടീവിലേക്ക് തരംതാഴ്ത്തി. നേതൃത്വത്തിലുള്ള ഒരാളെക്കുറിച്ച് പരാതിപ്പെട്ടത് അവര്‍ക്ക് പിടിച്ചില്ല. തൃശ്ശൂരില്‍ ഒരു പോസ്റ്റര്‍വെച്ചാല്‍ പോലും പത്മജയുണ്ടാവില്ല. ഞാന്‍ രാഷ്ട്രീയത്തില്‍ ഇല്ലേയെന്ന് ആളുകള്‍ ചോദിച്ചുതുടങ്ങി', പത്മജ വേണുഗോപാല്‍ പറഞ്ഞു.
കെ.പി.സി.സി. പ്രസിഡന്റ് മാത്രമാണ് തന്നോട് അല്‍പം സഹതാപം കാണിച്ചത്. അദ്ദേഹം പലപ്പോഴും സഹായിക്കാന്‍ ശ്രമിച്ചിട്ടുണ്ട്, എന്നാല്‍ പലസമയത്തും നിസ്സഹായനായിപോയി. എല്ലാവരും ഒറ്റക്കെട്ടായി തനിക്കെതിരെ നിന്ന് അപമാനിച്ചു. അച്ഛന്റെ മന്ദിരം പണിയുമെന്ന ആഗ്രഹത്തില്‍ എല്ലാം സഹിച്ചുനിന്നു. അതും നടക്കില്ലെന്ന് ഇപ്പോള്‍ മനസിലായി. മരിക്കുന്നതിന് മുമ്പും അച്ഛന് സങ്കടം, മരിച്ചതിന് ശേഷവും അദ്ദേഹത്തെ അപമാനിക്കുന്ന രീതി. കോണ്‍ഗ്രസ് തനിക്ക് അര്‍ഹമായ എല്ലാ പരിഗണനയും തന്നുവെന്ന് പറയുമ്പോള്‍ ചിരിയാണ് വരുന്നതെന്നും പത്മജ പരിഹസിച്ചു.
20-ല്‍ 19 പേരും തോറ്റപ്പോഴാണ് ആദ്യമായി സീറ്റ് തന്നത്. പിന്നീട് രണ്ടുപ്രാവശ്യം സീറ്റ് തന്നപ്പോഴും ഇടതുതരംഗം. കഴിഞ്ഞ തിരഞ്ഞെടുപ്പില്‍ ഞാന്‍ ജയിച്ചേനെ. വല്ലാതെ പറഞ്ഞാല്‍ രണ്ടുതിരഞ്ഞെടുപ്പിലും തോല്‍പ്പിച്ചവരുടെ ലിസ്റ്റ് എടുത്തുതരാം. അതില്‍ ഒരാള്‍ക്ക് യാതൊരു കാരണവശാലും സ്ഥാനം കൊടുക്കല്ലേ എന്നു പറഞ്ഞു, കൊടുത്താല്‍ ഞാന്‍ അപമാനിക്കപ്പെടുമെന്ന് പറഞ്ഞപ്പോള്‍ അവര്‍ക്ക് തന്നെ സ്ഥാനംകൊടുത്തു. ഇനി അവര്‍ എന്തും പറയും. മറ്റുപാര്‍ട്ടിക്കാര്‍ വോട്ടുചെയ്തതുകൊണ്ടാണെന്ന് തോന്നുന്നു ഞാന്‍ മാന്യമായി തോറ്റത്', അവര്‍ അഭിപ്രായപ്പെട്ടു.
'എന്റെ അച്ഛന്‍ ഏറ്റവും കൂടുതല്‍ പോരാടിയത് എല്‍ഡിഎഫിനോടാണ്. അന്ന് ബിജെപിക്ക് ശക്തിയില്ലാത്ത സമയമായിരുന്നു. ഫൈറ്റ് ചെയ്ത എല്‍ഡിഎഫിന് അച്ഛന്‍ കൈകൊടുത്തില്ലേ അവസാനം. അതിന് ഇപ്പോള്‍ ആര്‍ക്കും പരാതിയില്ലേ. ഞാന്‍ മുരളിയേട്ടനെമാതിരി പല പാര്‍ട്ടിയില്‍ പോയി വന്ന ആളല്ല. ജനിച്ചപ്പോള്‍ തൊട്ട് ഇത്രേം വയസ്സുവരെ ഈ പാര്‍ട്ടിയില്‍നിന്ന ആളാണ്. അച്ഛന്‍ പോയിട്ടുപോലും ഞാന്‍ പോയിട്ടില്ല. ആ എന്നെ പറയാന്‍ മുരളിയേട്ടന് ഒരു അവകാശവുമില്ല. ഭര്‍ത്താവിന്റെ അച്ഛന്‍ ഇന്‍കം ടാക്‌സ് കമ്മിഷണറായിരുന്നു. ഇന്‍കം ടാക്‌സ് അടയ്ക്കുന്നതിന് സില്‍വര്‍ കാര്‍ഡുണ്ട് ഭര്‍ത്താവിന്. മറ്റുകാര്യങ്ങള്‍ അന്വേഷിച്ചാല്‍ മനസിലാവുമല്ലോ', ആരോപണങ്ങളെക്കുറിച്ചുള്ള ചോദ്യത്തോട് അവര്‍ പ്രതികരിച്ചു.
ചാലക്കുടിയില്‍ സ്ഥാനാര്‍ഥിയാവുന്നതുമായി ബന്ധപ്പെട്ട് ബി.ജെ.പി. നേതൃത്വവുമായി യാതൊരു ചര്‍ച്ചയും നടന്നിട്ടില്ലെന്ന് പത്മജ വ്യക്തമാക്കി. 'ചാലക്കുടിയെക്കുറിച്ച് അവര്‍ പറഞ്ഞിട്ടില്ല, താന്‍ ആലോചിച്ചിട്ടില്ല. താത്പര്യമില്ല. നേരത്തേ തയ്യാറെടുപ്പ് നടത്തണം, പെട്ടെന്നുപോയി മത്സരിക്കാനൊന്നും പറ്റില്ല. ഒരു ഡിമാന്‍ഡും വെച്ചിട്ടില്ല. എനിക്ക് മനസമാധാനത്തോടെ ജോലി എടുത്താല്‍ മതി', അവര്‍ പറഞ്ഞു.

അര്‍ഹമായ പരിഗണനയാണ് തന്നതെന്ന് പറയുമ്പോള്‍ ചിരിയാണ് വരുന്നത്; താന്‍ കെ. മുരളീധരനെപ്പോലെ പല പാര്‍ട്ടിയില്‍ പോയി വന്ന ആളല്ല; പത്മജ

കോഴിക്കോട്: പത്മജാ വേണുഗോപാലിന്റെ ബി.ജെ.പി. പ്രവേശന വാര്‍ത്തകളോട് രൂക്ഷമായി പ്രതികരിച്ച് മുതിര്‍ന്ന കോണ്‍ഗ്രസ് നേതാവും വടകര എം.പിയുമായ കെ. മുരളീധരന്‍. പത്മജയുടെ തീരുമാനം ദൗര്‍ഭാഗ്യകരമാണെന്ന് സഹോദരന്‍ കൂടിയായ മുരളീധരന്‍ പ്രതികരിച്ചു. പത്മജയ്ക്ക് കോണ്‍ഗ്രസ് മുന്തിയ പരിഗണനയാണ് നല്‍കിയത്. പാര്‍ട്ടി വിടാന്‍ അവര്‍ പറഞ്ഞ ഒരു കാരണത്തിനും അടിസ്ഥാനമില്ല. പത്മജയെ പാര്‍ട്ടിയിലെടുത്തതുകൊണ്ട് ബിജെപിക്ക് കാല്‍ കാശിന്റെ ഗുണമുണ്ടാകില്ല. ഈ ചതിക്ക് പകരം തിരഞ്ഞെടുപ്പില്‍ ചോദിക്കും. ഇനി ഒരുതരത്തിലുമുള്ള ബന്ധവും അവരുമായില്ല, എല്ലാബന്ധവും അവസാനിച്ചു. ഇ.ഡിയെക്കാണിച്ച് പേടിപ്പിക്കാന്‍ കഴിയില്ല. ഈ പരിപ്പ് വടകരയില്‍ വേവില്ല. വര്‍ഗീയ കക്ഷിയുടെ കൂടെ പോയതില്‍ പിതാവ് കെ. കരുണാകരന്റെ ആത്മാവ് പത്മജയോട് പൊറുക്കില്ല. കരുണാകരന്‍ അന്ത്യവിശ്രമംകൊള്ളുന്ന സ്ഥലത്ത് സംഘികളെ കയറി നിരങ്ങാന്‍ സമ്മതിക്കില്ലെന്നും അദ്ദേഹം കൂട്ടിച്ചേര്‍ത്തു.
52,000 വോട്ടിന് കെ. കരുണാകരന്‍ ജയിച്ച മുകുന്ദപുരത്ത് ഒന്നരലക്ഷം വോട്ടിന് പത്മജ നമ്പാടനോട് പരാജയപ്പെട്ടു. പന്തീരായിരം വോട്ടിന് തേറമ്പില്‍ രാമകൃഷ്ന്‍ വിജയിച്ച സീറ്റില്‍ ഏഴായിരം വോട്ടിന് പരാജയപ്പെട്ടു. കഴിഞ്ഞ നിയമസഭയില്‍ തൃശ്ശൂരില്‍ തൃകോണമത്സരത്തില്‍ 1,000 വോട്ടിന് പരാജയപ്പെട്ടു. ചില വ്യക്തികള്‍ കാലുവാരിയാല്‍ തോല്‍ക്കുന്നതാണോ ഒരു തിരഞ്ഞെടുപ്പ്. അങ്ങനെയെങ്കില്‍ എന്നെ ഒരുപാട് പേര് കാലുവാരിയിട്ടുണ്ട്. ഞാന്‍ പരാതിപ്പെടാന്‍ പോയിട്ടില്ല', കെ. മുരളീധരന്‍ പറഞ്ഞു.
പത്മജ പറഞ്ഞ ഒരുകാരണത്തിനും അടിസ്ഥാനമില്ല. ഇത്രയും വളര്‍ത്തിവലുതാക്കിയ പാര്‍ട്ടിയല്ലേ കോണ്‍ഗ്രസ്. കോണ്‍ഗ്രസുവിട്ടുപോയപ്പോള്‍ എല്‍ഡിഎഫും യുഡിഎഫും എടുക്കാത്ത കാലത്ത് ബിജെപിയുമായി താന്‍ കോംപ്രമൈസ് ചെയ്തിട്ടില്ല. കെ കരുണാകരന്‍ ഒരുകാലത്തും വര്‍ഗീയതയോട് സന്ധിചെയ്തിട്ടില്ല. അങ്ങനെയുള്ള കരുണാകരന്റെ കുടുംബത്തില്‍നിന്ന് ഒരാളെ ബിജെപിക്ക് കിട്ടിയെന്ന് പറയുന്നത് മതേതരവിശ്വാസികള്‍ക്ക് ദുഃഖം നല്‍കുന്ന കാര്യമാണെന്നും അദ്ദേഹം വ്യക്തമാക്കി.
അതുകൊണ്ടൊന്നും പോരാട്ടവീര്യം തളരില്ല. ശക്തമായി പോരാടും. പത്മജയെ എടുത്തതുകൊണ്ട് ബിജെപിക്ക് കാല്‍കാശിന്റെ ഗുണമുണ്ടാകില്ല. എല്ലായിടത്തും ബിജെപിയെ മൂന്നാംസ്ഥാനത്തേക്ക് പിന്തള്ളും. ഒന്നാംസ്ഥാനം പ്രതീക്ഷിക്കുന്ന നിയോജകമണ്ഡലങ്ങളില്‍പോലും മൂന്നാംസ്ഥാനത്തേക്ക് പോകേണ്ടിവരും. അതിന് യുഡിഎഫ് ഒറ്റക്കെട്ടായി പ്രവര്‍ത്തിക്കും. ഈ ചതിക്ക് ഇലക്ട്രോണിക് വോട്ടിങ് യന്ത്രത്തിലൂടെ തന്നെ ശക്തമായി പകരം ചോദിക്കുമെന്നും മുരളീധരന്‍ വ്യക്തമാക്കി.
ബിജെപിയിലേക്ക് പോകുമെന്ന സൂചനപോലും തനിക്ക് നല്‍കിയിട്ടില്ല. വിളിക്കാന്‍ ധാരളം ആളുണ്ട്, പക്ഷേ നമുക്ക് ഈ പാര്‍ട്ടിവിട്ട് അങ്ങനെ പോകാന്‍ കഴിയില്ലല്ലോയെന്ന് ഒരുഘട്ടത്തില്‍ തന്നോട് പറഞ്ഞിട്ടുണ്ട്. അച്ഛന്‍ കഷ്ടപ്പെട്ടുണ്ടാക്കിയ പ്രസ്ഥാനമല്ലേ, അതുകൊണ്ടു നമുക്ക് പോകാന്‍ കഴിയില്ലല്ലോയെന്ന് പറഞ്ഞ വ്യക്തി എങ്ങനെ ഈ കടുത്ത തീരുമാനത്തിലേക്ക് പോയി? പാര്‍ട്ടിയില്‍ എന്തുകിട്ടിയാലും ഇല്ലെങ്കിലും, കെ കരുണാകരനെ ചിതയിലേക്ക് എടുക്കുമ്പോള്‍ ശരീരത്തില്‍ പുതപ്പിച്ച കോണ്‍ഗ്രസിന്റെ ത്രിവര്‍ണ്ണ പതാക, ഞങ്ങള്‍ക്കൊക്കെ അവകാശപ്പെട്ടതാണ്. ഒരു പ്രസ്ഥാനത്തില്‍ നില്‍ക്കുമ്പോള്‍ ചിലത് കിട്ടിയില്ലെന്ന് പറയുമ്പോള്‍, കിട്ടിയ കാര്യങ്ങളെക്കുറിച്ച് ഓര്‍ക്കേണ്ടേയെന്നും അദ്ദേഹം ചോദിച്ചു.
ഒരു കാരണവശാലും ഇത് അംഗീകരിക്കാന്‍ കഴിയില്ല. ഇനി ഒരു തരത്തിലുള്ള ബന്ധവും അവരുമായിട്ടില്ല. വര്‍ക്ക് അറ്റ് ഹോം ഉള്ളവയാളുകള്‍ക്ക് ഇത്രയേറെ സ്ഥാനം കൊടുത്തതുപോരെ. ഞങ്ങളൊക്കെ ഒരുപാട് കഷ്ടപ്പെട്ടിട്ടുണ്ട്, അത്രയൊക്കെ അവര്‍ കഷ്ടപ്പെട്ടിട്ടുണ്ടോയെന്ന് ഞാന്‍ പറയുന്നില്ല. ഇതിനെ ചതിയെന്നല്ലാതെ എന്താണ് പറയുക, തിരഞ്ഞെടുപ്പ് അടുത്ത് നില്‍ക്കുന്ന സാഹചര്യത്തിലാണ് ഈ ചതിയെന്നും അദ്ദേഹം കൂട്ടിച്ചേര്‍ത്തു.
ഇ.ഡിയും കെ.ഡിയൊന്നും ഞങ്ങളുടെ അടുത്തൊന്നും വരില്ല. അത് കാണിച്ച് ഞങ്ങളെ പേടിപ്പിക്കുകയൊന്നും വേണ്ട. നേമത്തെ അക്കൗണ്ട് പൂട്ടിച്ചിട്ട് ഒരു ഇ.ഡിയും എന്റെടുത്ത് വന്നില്ലല്ലോ? ഇനി ഇ.ഡി. വന്നാല്‍ പേടിക്കാനും പോകുന്നില്ല. ഈ പരിപ്പ് വടകരയില്‍ വേവില്ല. നേമത്തെ പ്രതികാരം തീര്‍ക്കുമെന്ന വാശിയുടെ പലരൂപത്തില്‍ ഒന്നായിട്ടാണ് ഇതിനെ കാണുന്നതെന്നും അദ്ദേഹം പറഞ്ഞു. വടകരയില്‍ മത്സരിക്കുന്നതില്‍നിന്ന് പിന്മാറുന്നുവെന്ന ആരോപണം കെ. മുരളീധരന്‍ തള്ളി. അങ്ങനെ യാതൊരു കാര്യവുമില്ല. പാര്‍ട്ടി പറഞ്ഞാല്‍ ശക്തമായി പോരാടും. എന്റെ പാര്‍ട്ടിയുടെ നയങ്ങള്‍വെച്ചുകൊണ്ട്, എന്റെ നേതാവ് രാഹുല്‍ഗാന്ധി ഇന്ത്യയുടെ പ്രധാനമന്ത്രിയാവാന്‍ വേണ്ടി ശക്തമായി പോരാടും. വര്‍ഗീയ കക്ഷിയുടെ കൂടെ പോയതുകൊണ്ട് അച്ഛന്റെ ആത്മാവ് പൊറുക്കില്ല. എല്ലാ ബന്ധങ്ങളും അവസാനിച്ചു. കുടുംബത്തില്‍ സഹോദരി, ഇനിയിപ്പോള്‍ അങ്ങനെയുള്ള യാതൊരു സ്‌നേഹവുമില്ല. കരുണാകരന്‍ അന്ത്യവിശ്രമംകൊള്ളുന്ന സ്ഥലത്ത് സംഘികള്‍ നിരങ്ങാന്‍ ഞങ്ങള്‍ സമ്മതിക്കില്ല. ചാലക്കുടിയില്‍ മത്സരിച്ചാല്‍ നോട്ടയ്ക്കാണോ കൂടുതല്‍ വോട്ടുകിട്ടുക, ബിജെപിക്കാണോ കിട്ടുക എന്ന നമുക്ക് മനസിലാവുമെന്നും അദ്ദേഹം പറഞ്ഞു.

പത്മജയെ കൊണ്ട് ബിജെപിക്ക് കാല്‍ കാശിന്റെ ഗുണമുണ്ടാകില്ല; ചതിച്ചവരുമായി ഇനി ബന്ധമില്ല, ഈ പരിപ്പ് വടകരയില്‍ വേവില്ലെന്നും കെ മുരളീധരന്‍

കോഴിക്കോട്: കെപിസിസിയുടെ സമരാഗ്നി സമാപന വേദിയില്‍ ഡിസിസി പ്രസി‍ഡണ്ട് പാലോട് രവി ദേശീയഗാനം തെറ്റിച്ച് പാടിയതില്‍ പരിഹാസ പ്രതികരണവുമായി കെ.മുരളീധരന്‍ എംപി രംഗത്ത്.പഞ്ചാബിലും ഗുജറാത്തിലും ബംഗാളിലുമൊന്നും പാർട്ടിയില്ലല്ലോ അതിനാൽ ഒഴിവാക്കി പാടിയതാവുമെന്നായിരുന്നു അദ്ദേഹത്തിന്‍റെ പ്രതികരണം.പാലോട് രവിക്കെതിരെ കോണ്‍ഗ്രസ് അണികളുള്‍പ്പെടെ സമൂഹ മാധ്യമങ്ങളില്‍ പോസ്റ്റിട്ടിരുന്നു, വിവാദം ശ്രദ്ധയില്‍ പെടുത്തിയപ്പോഴായിരുന്നു മുരളിയുടെ പ്രതികരണം
&nbsp;
&nbsp;

'പഞ്ചാബിലും ഗുജറാത്തിലും ബംഗാളിലുമൊന്നും പാർട്ടിയില്ലല്ലോ അതിനാൽ ഒഴിവാക്കി പാടിയതാവും'; പരിഹസിച്ച് കെ മുരളീധരൻ

കോഴിക്കോട്: ലോക്സഭാ തിരഞ്ഞെടുപ്പിൽ കണ്ണൂർ മണ്ഡലത്തിലെ സ്ഥാനാർഥിയായി വീണ്ടും മത്സരിക്കാനില്ലെന്ന കെപിസിസി അധ്യക്ഷൻ കെ.സുധാകരന്റെ നിലപാടിനോടു പ്രതികരിച്ച് കെ.മുരളീധരൻ എംപി. സുധാകരൻ മാറിനിന്നാൽ പ്രതിസന്ധിയുണ്ടാകില്ലെന്നും യുഡിഎഫിൽ മത്സരിക്കാൻ ആളുണ്ടല്ലോ എന്നും മുരളീധരൻ പറഞ്ഞു.
‘‘ആരാണു മത്സരിക്കേണ്ടതെന്നു തീരുമാനിക്കേണ്ടതു സ്ക്രീനിങ് കമ്മിറ്റിയാണ്. ഒരാളുടെ പേരു വേണോ കൂടുതൽ പേരെ നിർദേശിക്കണോ എന്നെല്ലാം സ്കീനിങ് കമ്മിറ്റി തീരുമാനിച്ചു കേന്ദ്ര തിരഞ്ഞെടുപ്പ് കമ്മിറ്റിക്കു നൽകും. അവരാണ് അന്തിമ തീരുമാനമെടുക്കുക. കെ.സുധാകരൻ മാറിനിന്നാൽ പ്രതിസന്ധിയുണ്ടാകില്ല. യുഡിഎഫിൽ മത്സരിക്കാൻ ആളുണ്ടല്ലോ.
മാർച്ച് രണ്ടിനാണു കോൺഗ്രസ് പാർലമെന്ററി ബോർഡ‍ിന്റെ ആദ്യത്തെ യോഗം ചേരുന്നത്. അന്നു കേരളത്തിന്റെ പട്ടിക പരിഗണിച്ചേക്കും. മറ്റു സംസ്ഥാനങ്ങളിലെപ്പോലെ ഇവിടെ വലിയ തർക്കമില്ലല്ലോ. കെപിസിസി പ്രസിഡന്റുമാർ മത്സരിച്ചിട്ടുമുണ്ട്, മാറിനിന്നിട്ടുമുണ്ട്. സുധാകരൻ മാറിനിൽന്നാൽ ഈഴവ സമുദായത്തിന്റെ പ്രാതിനിധ്യമാണു കുറയുക. കഴിഞ്ഞ തവണ മുസ്‍ലിം സമുദായത്തിന്റെ പ്രതിനിധിയായി സ്ഥാനാർഥിയെ നിർത്തിയെങ്കിലും തോറ്റു. ഇക്കാര്യങ്ങളെല്ലാം പരിഗണിച്ചാണു പുതിയ സ്ഥാനാർഥിയെ കണ്ടെത്തേണ്ടത്.
കെ.സുധാകരൻ കണ്ണൂരിൽ കരുത്തനായ സ്ഥാനാർഥിയാണ്. സിപിഎമ്മിന്റെ എം.വി.ജയരാജനെ തോൽപ്പിക്കാൻ അൽപം ശക്തി കുറഞ്ഞ സ്ഥാനാർഥിയാണെങ്കിലും കുഴപ്പമില്ല. അതു കുറെക്കൂടി എളുപ്പമാണ്. പൊതുപ്രവർത്തകർ എല്ലാവരെയും അറിയുന്നവർ തന്നെയല്ലേ? അതിനാൽ ആരു വന്നാലും പരിചിതമുഖമാണ്’’– മുരളീധരൻ മാധ്യമങ്ങളോടു പറഞ്ഞു.&nbsp;&nbsp;

യുഡിഎഫിൽ മത്സരിക്കാൻ ആളുണ്ട്; കണ്ണൂരിൽ ജയരാജനെ തോൽപിക്കാൻ അൽപം ശക്തി കുറഞ്ഞ ആളായാലും മതിയെന്ന് കെ സുധാകരൻ

കോഴിക്കോട്: വാർത്താസമ്മേളനത്തിനു പ്രതിപക്ഷനേതാവ് വി.ഡി.സതീശൻ എത്താൻ വൈകിയതിലുള്ള നീരസത്തിൽ കെപിസിസി പ്രസിഡന്റ് കെ.സുധാകരൻ അസഭ്യ പ്രയോഗം നടത്തിയതിൽ പ്രതികരിച്ച് കെ.മുരളീധരൻ എംപി. സുധാകരന്റെ പ്രയോഗം തമിഴ് ഭാഷയിലെ പ്രയോഗമാണെന്നു മുരളീധരൻ പരിഹസിച്ചു. ആദ്യത്തെ വാചകം മാത്രമാണെങ്കിൽ ‘മൈ ഡിയർ’ എന്നു വിശേഷിപ്പിക്കാമെന്നും മുരളീധരൻ പറഞ്ഞു.
‘‘നിങ്ങൾ (മാധ്യമങ്ങൾ) പറയുന്നതു പോലെയാണെങ്കിൽ, കെ.സുധാകരന്റെ പ്രയോഗം തമിഴ് ഭാഷയിൽ പറയുന്നൊരു വാചകമാണ്. ആദ്യത്തെ വാചകം മാത്രമാണെങ്കിൽ ‘മൈ ഡിയർ’ എന്നും വിശേഷിപ്പിക്കാം. മുഴുവൻ വാചകമാണ് പറഞ്ഞതെങ്കിൽ അതു തമിഴിൽ പറയുന്നതാണ്. അല്ലെങ്കിൽ ഇംഗ്ലിഷിൽ പറയുന്ന പ്രയോഗമാണ്. അതിനെ ആ രീതിയിൽ‌ കണ്ടാൽ മതി. അതൊന്നും പാർട്ടിയുടെ വഴക്കിന്റെ ഭാഗമല്ല.’’– മുരളീധരൻ മാധ്യമങ്ങളോടു പറഞ്ഞു.
കഴിഞ്ഞ ദിവസം ആലപ്പുഴയിൽ ‘സമരാഗ്നി’ പ്രക്ഷോഭയാത്രയുടെ ഭാഗമായുള്ള വാർത്താസമ്മേളനത്തിനു സുധാകരനെത്തി 10 മിനിറ്റിലേറെ കഴിഞ്ഞും സതീശൻ എത്തിയില്ല. അടുത്തിരുന്ന ഡിസിസി പ്രസിഡന്റ് ബി.ബാബുപ്രസാദിനോട് ഇതുപറഞ്ഞ് അനിഷ്ടം പ്രകടിപ്പിക്കുമ്പോഴായിരുന്നു അസഭ്യപ്രയോഗം. മേശപ്പുറത്തുള്ള ചാനൽ മൈക്കുകൾ ഓൺ ആണെന്നു ബാബുപ്രസാദും വേദിയിലുണ്ടായിരുന്ന കെപിസിസി രാഷ്ട്രീയകാര്യ സമിതിയംഗം ഷാനിമോൾ ഉസ്മാനും ഓർമിപ്പിച്ചതോടെ സുധാകരൻ നിശ്ശബ്ദനായി.&nbsp;
സംഭവം ചാനലുകളിൽ വാർത്തയായതോടെ ‘സമരാഗ്നി’യുടെ ഭാഗമായ ജനകീയ ചർച്ചാസദസ്സിൽനിന്നു സുധാകരൻ നേരത്തേ പോയി. വാർത്തയറിഞ്ഞ സതീശൻ, താൻ രാജിവയ്ക്കാമെന്ന് ഒപ്പമുള്ളവരോടു പറഞ്ഞു. എഐസിസി ജനറൽ സെക്രട്ടറി കെ.സി.വേണുഗോപാൽ ഫോണിലൂടെ ഇടപെട്ടതിനുപിന്നാലെ ഇരുവരും മാധ്യമങ്ങളെ വെവ്വേറെ കണ്ട് എല്ലാം നിഷേധിച്ചു. ‘ജ്യേഷ്ഠാനുജന്മാരെപ്പോലെ’യെന്നു പരസ്പരം വിശേഷിപ്പിക്കുകയും ചെയ്തു.

ആദ്യ വാചകം മാത്രമാണെങ്കിൽ മൈ ഡിയർ എന്നാണ്; ‘കെ.സുധാകരന്റേത് തമിഴിലെ പ്രയോഗമെന്ന്' കെ മുരളീധരൻ

കോഴിക്കോട്: മുസ് ലിം ലീഗ് അഞ്ചോ ആറോ ലോക്സഭ സീറ്റുകൾ ചോദിക്കുന്നതിൽ തെറ്റില്ലെന്ന് കോൺഗ്രസ് നേതാവ് കെ. മുരളീധരൻ എം.പി. കോൺഗ്രസിന്‍റെ സമരാഗ്നി യാത്ര അവസാനിക്കും മുമ്പ് മൂന്നാം സീറ്റിൽ തീരുമാനമാകുമെന്നും അദ്ദേഹം വ്യക്തമാക്കി. സി.പി.എക്ക് നാല് സീറ്റ് കൊടുക്കുന്ന സ്ഥിതിക്ക് ലീഗിന് അഞ്ചോ ആറോ സീറ്റുകൾ ചോദിക്കുന്നതിൽ തെറ്റില്ല. കിട്ടിയ തിരുവനന്തപുരം സീറ്റിൽ ആളെ അന്വേഷിച്ച് നടക്കുകയാണ് സി.പി.ഐ എന്നും മുരളീധരൻ പറഞ്ഞു.
ലോക്സഭ തെരഞ്ഞെടുപ്പിൽ മൂന്നാം സീറ്റിന്‍റെ കാര്യത്തിൽ യു.ഡി.എഫിൽ ചർച്ച പുരോഗമിക്കുകയാണ്. മൂന്നാം സീറ്റ് സംബന്ധിച്ച് യു.ഡി.എഫിൽ പ​ല​വ​ട്ടം അ​നൗ​പ​ചാ​രി​ക ച​ർ​ച്ച​ക​ൾ ന​ട​ന്നെ​ങ്കി​ലും ലീ​ഗി​ന്‍റെ ആ​വ​ശ്യ​ത്തോ​ട്​ അ​നു​കൂ​ല​മാ​യോ പ്ര​തി​കൂ​ല​മാ​യോ കോ​ൺ​ഗ്ര​സ്​ ഇതുവരെ പ്ര​തി​ക​രി​ച്ചിട്ടില്ല. മുസ്‌ലിം ലീഗിന് മൂന്നാം സീറ്റ് ഉണ്ടാവില്ലെന്നും പകരം രാജ്യസഭ സീറ്റ് നൽകാനാണ് യു.ഡി.എഫിൽ ആലോചനയെന്നും റിപ്പോർട്ട് ഉണ്ടായിരുന്നു.

മുസ് ലിം ലീഗ് അഞ്ചോ ആറോ സീറ്റ് ചോദിക്കുന്നതിൽ തെറ്റില്ലെന്ന് കെ. മുരളീധരൻ

ഓർക്കാട്ടേരി: എടച്ചേരി പഞ്ചായത്തിലെ ആറാം വാർഡിൽപെടുന്ന തെക്കെ തയ്യുള്ളതിൽ മുക്ക് - നടുക്കണ്ടിത്താഴെ പഞ്ചായത്ത് കിണർ കോൺക്രീറ്റ് റോഡ് കെ.മുരളീധരൻ എം.പി ഉദ്ഘാടനം ചെയ്തു. എം പി ഫണ്ടിൽ നിന്നും അനുവദിച്ച പത്തര ലക്ഷത്തോളം രൂപ ചിലവഴിച്ചാണ് കോൺക്രീറ്റ് റോഡ് നിർമിച്ചത്. എടച്ചേരി ഗ്രാമപഞ്ചായത്ത് വൈസ് പ്രസിഡന്റ് എം രാജൻ അധ്യക്ഷത വഹിച്ചു.&nbsp;
വാർഡ് മെമ്പർ എം.കെ സുജാത, നിർമ്മാണ കമ്മറ്റി കൺവീനർ നടുക്കണ്ടി കുഞ്ഞിരാമൻ, മോഹനൻ പാറക്കടവ്, കെ.കെ കുഞ്ഞിരാമൻ, ആർ.ടി ഉസ്മാൻ , എം.കെ പ്രേംദാസ്, വത്സരാജ് മണലാട്ട്, സന്തോഷ് കക്കാട്ട് , വി. പി സുരേന്ദ്രൻ, അബ്ദുള്ള കാട്ടിൽ എന്നിവർ ആശംസകളർപ്പിച്ചു സംസാരിച്ചു. ഇരിങ്ങണ്ണൂർ ലേബർ കോൺട്രാക്ട് കോ. ഓപ് സൊസൈറ്റിയാണ് 15 ദിവസം കൊണ്ട് റോഡ് പണി പൂർത്തീകരിച്ചത്.

കോൺക്രീറ്റ് റോഡ് ഉദ്ഘാടനം ചെയ്തു

കോഴിക്കോട്: ലോക്സഭാ തിരഞ്ഞെടുപ്പിൽ മൂന്നാം സീറ്റ് വേണമെന്ന മുസ്‍ലിം ലീഗിന്റെ ആവശ്യത്തെച്ചൊല്ലി യുഡിഎഫിൽ കലഹമുണ്ടാകില്ലെന്നു കോൺഗ്രസ് നേതാവ് കെ.മുരളീധരൻ എംപി. ലീഗിന്റെ ആവശ്യം ന്യായമാണ്. ഇക്കാര്യം ഹൈക്കമാൻഡിനെ അറിയിച്ചു. ഇതിൽ തീരുമാനമുണ്ടായാൽ സീറ്റ് വിഭജനം പൂർത്തിയാകും. രാഹുൽ ഗാന്ധി വയനാട്ടിൽ മത്സരിക്കണമെന്നാണ് പാർട്ടിയുടെ ആവശ്യമെന്നും മുരളീധരൻ വ്യക്തമാക്കി.
നേരത്തെ, മൂന്നാം സീറ്റിനു ലീഗ് അര്‍ഹരെന്ന് ഇടയ്ക്കിടെ പറയേണ്ടതില്ലെന്നു പി.കെ.കുഞ്ഞാലിക്കുട്ടി പ്രതികരിച്ചിരുന്നു. അര്‍ഹതയുടെ കാര്യം ഒരിക്കല്‍ പറഞ്ഞതാണ്, ആവര്‍ത്തിക്കേണ്ടതില്ല. വിഷയത്തിൽ ഉഭയകക്ഷി ചര്‍ച്ചകള്‍ തുടരുമെന്നും കുഞ്ഞാലിക്കുട്ടി പറഞ്ഞു. ലോക്സഭാ തിരഞ്ഞെടുപ്പിൽ മൂന്നാം സീറ്റിനായി ലീഗ് കടുംപിടിത്തം തുടരുന്നത് ഇനി ഒഴിവുവരുന്ന രാജ്യസഭാ സീറ്റ് ഉറപ്പിക്കാനാണെന്നും സൂചനയുണ്ട്.
മൂന്നാം സീറ്റ് വിഷയത്തില്‍ കോണ്‍ഗ്രസിനെതിരെ കെഎംസിസിയും രംഗത്തെത്തിയിരുന്നു. മൂന്നാം സീറ്റ് ലീഗിന്റെ അവകാശമാണെന്നും ഔദാര്യമല്ലെന്നും കെഎംസിസി പ്രസിഡന്റും ലീഗ് സംസ്ഥാന പ്രവര്‍ത്തക സമിതി അംഗവുമായ പുത്തൂര്‍ റഹ്‌മാന്‍ പറഞ്ഞു. മൂന്ന് ലോക്സഭാ സീറ്റ് ലീഗിന് അര്‍ഹതപ്പെട്ടതാണെന്നു പ്രതിപക്ഷ നേതാവ് വി.ഡി.സതീശൻ പ്രതികരിച്ചു. ലീഗിന്റെ ആവശ്യം യുഡിഎഫ് ചർച്ച ചെയ്യുമെന്നും വിട്ടുവീഴ്ച ചെയ്യേണ്ട സാഹചര്യം വന്നാൽ കോൺഗ്രസ് തയാറാണെന്നും കെപിസിസി പ്രസിഡന്റ് കെ.സുധാകരൻ വ്യക്തമാക്കി.

യുഡിഎഫിൽ കലഹമില്ല; മൂന്നാം സീറ്റ് വേണമെന്ന ലീഗിന്റെ ആവശ്യം ന്യായമെന്നും കെ മുരളീധരൻ

വടകര: ദേശീയ പാത വികസനത്തിന്റെ ഭാഗമായി അടക്കാതെരു ആശാ ഹോസ്പിറ്റലിനു മുൻവശം വലിയ വളപ്പിൽ സരോജന്റെ വീട്ടിലേക്കുള്ള വഴിയും മറ്റു വ്യാപാര സ്ഥാപനങ്ങളിലേക്കുള്ള വഴിയും മുടക്കി സ്ഥാപിച്ച കമ്പി വേലി പൊളിച്ചു മാറ്റി. കെ മുരളീധരൻ എം പി സംഭവ സ്ഥലം സന്ദർശിക്കുകയും നാഷണൽ ഹൈവെ അതോറിറ്റി ഉദ്യോഗസ്ഥരെ വിളിച്ചു വരുത്തി കമ്പി വേലി പൊളിച്ചു മാറ്റാൻ നിർദ്ദേശിക്കുകയായിരുന്നു. തുടർന്ന് കമ്പിവേലി പൊളിച്ചു മാറ്റി. വടകര മണ്ഡലം കോൺഗ്രസ്‌ പ്രസിഡന്റ്‌ വി കെ പ്രേമനും റസിഡൻസ് അസോസിയേഷൻ ഭാരവാഹികളും വ്യാപാര പ്രതിനിധികളും ചർച്ചയിൽ പങ്കെടുത്തു.

എം പി യുടെ ഇടപെടൽ; വഴി മുടക്കിയ കമ്പിവേലി പൊളിച്ചു മാറ്റി

വടകര: ദേശീയപാത വികസനവുമായി ബന്ധപ്പെട്ട് ആശ ഹോസ്പിറ്റലിന് മുൻവശം വലിയ വളപ്പിൽ സരോജന്റെ വീട്ടിലേക്കും തൊട്ടടുത്തുള്ള വ്യാപാര സ്ഥാപനങ്ങളിലേക്കുള്ളമുള്ള വഴി തടസ്സപ്പെടുത്തുന്ന രീതിയിലുള്ള നിർമ്മാണ പ്രവർത്തനം നടക്കുന്ന സ്ഥലം കെ. മുരളീധരൻ എംപി സന്ദർശിച്ചു. അടിയന്തരമായി നാഷണൽ ഹൈവേ അതോറിറ്റി ഉദ്യോഗസ്ഥരെ വിളിച്ചുവരുത്തി പ്രശ്നം പരിഹരിക്കും എന്ന് എംപി ഉറപ്പുനൽകി. കോൺഗ്രസ് വടകര മണ്ഡലം കോൺഗ്രസ് പ്രസിഡന്റ് വി കെ പ്രേമൻ, കെ സുനിൽകുമാർ, ടിപി ശ്രീലേഷ്, മുനിസിപ്പൽ കൗൺസിലർ സത്യഭാമ, റോയൽ വാസു, ബിജു. വി.വി, ഒ കെ ജിജു, സുരേഷ് ബാബു പുതിയ പുരയിൽ എന്നിവർ ഒപ്പം ഉണ്ടായിരുന്നു.

വഴി തടസ്സപ്പെടുത്തുന്ന നിർമ്മാണ പ്രവർത്തനം; എം പി സന്ദർശിച്ചു

ന്യൂഡൽഹി: ഇന്ദിരാ ഗാന്ധി നാഷണൽ ഓപ്പൺ യൂണിവേഴ്സിറ്റിയുടെ വടകര റീജിണൽ സെന്ററിന്റെ നിർമാണ പ്രവൃത്തികൾ ഉടൻ ആരംഭിക്കുന്നതിന് കേന്ദ്രസർക്കാർ അടിയന്തര നടപടികൾ സ്വീകരിക്കണമെന്ന് കെ.മുരളീധരൻ എം പി ലോക്‌സഭയിൽ റൂൾ 377 പ്രകാരം ഉന്നയിച്ച സബ്മിഷനിൽ ആവശ്യപ്പെട്ടു. മലബാറിലെ ഗ്രാമപ്രദേശങ്ങളിലേക്ക്​ വിദ്യാഭ്യാസം വ്യാപിപ്പിക്കുക എന്ന ലക്ഷ്യത്തോടെ പ്രവേശനവും കൗൺസലിംഗും പഠനോപകരണങ്ങളും ഓൺലൈനായി നൽകുന്ന വെർച്വൽ മോഡിലാണ് വടകരയിലെ ഇഗ്നോ സെൻ്റർ പ്രവർത്തിക്കുന്നത്. കേരളത്തിലെ അഞ്ച്​ ജില്ലകളായ കാസർകോട്, കണ്ണൂർ, വയനാട് , കോഴിക്കോട് , മലപ്പുറം എന്നിവയ്ക്ക്​ പുറമേ കേന്ദ്രഭരണ പ്രദേശമായ മാഹിയും വടകര പ്രാദേശിക കേന്ദ്രത്തിൻ്റെ കീഴിലാണ്.&nbsp;
നിലവിൽ വടകര പുത്തൂരിലെ വാടക കെട്ടിടത്തിലാണ് ഇഗ്നോ സെൻ്റർ പ്രവർത്തിക്കുന്നത്. മണിയൂർ ഗ്രാമപഞ്ചായത്ത് ഇതിനോടകം രണ്ട്​ ഏക്കർ സ്ഥലം കെട്ടിടം പണിയാൻ അനുവദിക്കുകയും ഈ സ്ഥലം ഇഗ്നോയുടെ പേരിൽ രജിസ്റ്റർ ചെയ്യുകയും അനുവദിച്ച സ്ഥലത്ത് ചുറ്റുമതിൽ നിർമ്മാണം പൂർത്തിയാക്കുകയും ചെയ്തിട്ടുണ്ട്. അതിനാൽ വടകരയിലെ ഇഗ്നോയുടെ റീജിണൽ ഓഫീസ് കെട്ടിടം നിർമ്മിക്കുന്നതിനുള്ള വിഷയത്തിൽ കേന്ദ്രസർക്കാർ അടിയന്തിരമായി ഇടപെടണമെന്ന് കെ.മുരളീധരൻ ആവശ്യപ്പെട്ടു.

ഇന്ദിരാ ഗാന്ധി നാഷണൽ ഓപ്പൺ യൂണിവേഴ്സിറ്റി വടകര സെന്റർ: കെട്ടിട നിർമാണം ഉടൻ ആരംഭിക്കണമെന്ന്​ കെ.മുരളീധരൻ എംപി

കോഴിക്കോട്: ലോക്സഭാ തിരഞ്ഞെടുപ്പില്‍ കോണ്‍ഗ്രസ് നേതാവ് രാഹുല്‍ ഗാന്ധി വയനാട്ടില്‍ തന്നെ മത്സരിക്കുമെന്ന് കെ. മുരളീധരന്‍ എം.പി. സ്ഥാനാര്‍ഥി നിര്‍ണയം പൂര്‍ത്തിയായിട്ടില്ലെങ്കിലും നിലവിലെ സാഹചര്യത്തില്‍ രാഹുല്‍ സിറ്റിങ് സീറ്റില്‍ തന്നെ മത്സരിക്കാനാണ് കൂടുതല്‍ സാധ്യതയെന്നും കെ. സുധാകരന്‍ ഒഴികെ മറ്റെല്ലാ കോണ്‍ഗ്രസ് എം.പിമാരും സിറ്റിങ് സീറ്റില്‍ തന്നെ മത്സരിക്കുമെന്നും അദ്ദേഹം പറഞ്ഞു. ലോക്സഭാ തിരഞ്ഞെടുപ്പില്‍ മത്സരിക്കാനില്ല എന്നാണ് കെ.പി.സി.സി. അധ്യക്ഷന്‍ കെ. സുധാകരന്‍ കേന്ദ്രനേതൃത്വത്തെ അറിയിച്ചതെന്നും അതുകൊണ്ടുതന്നെ അദ്ദേഹമൊഴികെ കേരളത്തിലെ കോണ്‍ഗ്രസ് എം.പിമാര്‍ സിറ്റിങ് സീറ്റില്‍ തന്നെ മത്സരിക്കുമെന്നും ഇക്കാര്യത്തില്‍ അന്തിമതീരുമാനം ആയിട്ടില്ലെന്നും മുരളീധരന്‍ പറഞ്ഞു.
സ്ഥാനാര്‍ഥി നിര്‍ണയത്തിന് മുമ്പേ ചുമരെഴുതുന്നത് തിരഞ്ഞെടുപ്പിനോടനുബന്ധിച്ചുള്ള പ്രവര്‍ത്തകരുടെ ആവേശത്തിന്റെ ഭാഗമാണെന്നും അതിനെ തളര്‍ത്തേണ്ടതില്ലെന്നും അദ്ദേഹം പറഞ്ഞു. സ്ഥാനാര്‍ഥികളുടെ പേരില്ലെങ്കിലും വടകരയില്‍ 'യു.ഡി.എഫ്. ബുക്ക്ഡ്' എന്ന് പ്രവര്‍ത്തകര്‍ ചുമരെഴുതിക്കോട്ടെ എന്നും മുരളീധരന്‍ കൂട്ടിച്ചേര്‍ത്തു. കേന്ദ്രത്തില്‍ 'ഇന്ത്യ' മുന്നണിയാണെങ്കിലും കേരളത്തില്‍ സി.പി.എമ്മുമായി കോണ്‍ഗ്രസ് സഹകരിക്കില്ലെന്നും ഫലത്തില്‍ എന്‍.ഡി.എ. തന്നെയാണ് കേരളത്തില്‍ സി.പി.എം. എന്നും മുരളീധരന്‍ ആരോപിച്ചു. അതേസമയം, നിയമസഭയെ അപമാനിക്കുന്ന പ്രവൃത്തിയാണ് ഗവര്‍ണറുടെ ഭാഗത്തുനിന്നും ഉണ്ടായതെന്നും മുരളീധരന്‍ കുറ്റപ്പെടുത്തി.
'സര്‍ക്കാരിനോട് അഭിപ്രായവ്യത്യാസം ഉണ്ടെങ്കില്‍ മുഖം വീര്‍പ്പിച്ചിരുന്നിട്ട് കാര്യമില്ല. സഭയില്‍വെച്ച് മുഖ്യമന്ത്രിയോട് മുഖം കറുപ്പിച്ചത് തെറ്റാണ്. മുഖ്യമന്ത്രി ചെയ്തതും തെറ്റാണ്. പ്രസംഗം വായിക്കാനുള്ള ആരോഗ്യക്കുറവ് ഗവര്‍ണര്‍ക്കില്ല. 78 സെക്കന്‍ഡ് മാത്രം നയപ്രഖ്യാപനം നടത്തി ഗവര്‍ണര്‍ ചരിത്രത്തിന്റെ ഭാഗമായി. അത് കേട്ടിരുന്ന മുഖ്യമന്ത്രിയും ചരിത്രത്തിന്റെ ഭാഗമായി.' - മുരളീധരന്‍ പറഞ്ഞു.
രാഷ്ട്രീയവത്കരിച്ചതിനാലാണ് അയോധ്യയിലെ രാമക്ഷേത്രത്തിന്റെ പ്രാണപ്രതിഷ്ഠാ ചടങ്ങ് കോണ്‍ഗ്രസ് ബഹിഷ്‌കരിച്ചതെന്നും വിശ്വാസികള്‍ക്ക് ക്ഷേത്രത്തില്‍ പോകാനും പോകാതിരിക്കാനുമുള്ള അവകാശമുണ്ടെന്നും അദ്ദേഹം പറഞ്ഞു. 'മതേതര രാഷ്ട്രത്തിലെ പ്രധാനമന്ത്രി ക്ഷേത്രത്തിന്റെ യജമാനനാകരുത്. ശശി തരൂരും ഞാനും രാമഭക്തരാണ്.' - കെ. മുരളീധരന്‍ പറഞ്ഞു.

വടകരയില്‍ 'യു.ഡി.എഫ്. ബുക്ക്ഡ്' എന്ന് ചുമരെഴുതിക്കോട്ടെ; സുധാകരൻ ഒഴികെ എല്ലാവരും മത്സരിക്കുമെന്നും കെ. മുരളീധരൻ

തിരുവനന്തപുരം: മാണി സാറിനെ അപമാനിച്ചവരെക്കൊണ്ട് ആത്മകഥ പ്രകാശിപ്പിച്ചത് അദ്ദേഹത്തിന്റെ ആത്മാവ് പോലും പൊറുക്കാത്ത കാര്യമാണെന്ന്‌ കോൺ​ഗ്രസ് നേതാവ് കെ മുരളീധരൻ. അദ്ദേഹം യു.ഡി.എഫിന്റെ നേതാവായിരുന്നു, ചില തിക്താനുഭവങ്ങൾ ഉണ്ടായിട്ടുണ്ടാവും. പക്ഷേ അദ്ദേഹമുണ്ടായിരുന്നെങ്കിൽ യു.ഡി.എഫ് വിടില്ലായിരുന്നുവെന്നും മുരളീധരൻ അഭിപ്രായപ്പെട്ടു. കെ.എം മാണി മുന്നണി വിട്ടതായിരുന്നില്ലെന്നും അന്ന് അദ്ദേഹം എൽ.ഡി.എഫിലേക്ക് പോയില്ലെന്നും മാറി നിൽക്കുകയാണ് ചെയ്തതെന്നും മുരളീധരൻ പറഞ്ഞു. ശക്തമായി അദ്ദേഹം തിരിച്ചുവന്നു. ഇപ്പോൾ പിണറായി രാഷ്ട്രീയവത്കരിക്കാൻ നോക്കുകയാണ്. അത് നടക്കില്ലെന്നും മാണി സാറിനെ ഇഷ്ടപ്പെടുന്നവരാരും എൽ.ഡി.എഫിന് വോട്ട് ചെയ്യുകയില്ലെന്നും അദ്ദേഹം മാധ്യമങ്ങളോട് പറഞ്ഞു.
വ്യാഴാഴ്ച നിയമസഭാ മന്ദിരത്തിലെ ആർ. ശങ്കരനാരായണൻ തമ്പി ഹാളിൽ നടന്ന ചടങ്ങിൽ കെ.എം. മാണിയുടെ ആത്മകഥ മുഖ്യമന്ത്രി പിണറായി വിജയനാണ് സ്പീക്കർ എ.എൻ. ഷംസീറിന് നൽകി പ്രകാശനംചെയ്തത്.

അപമാനിച്ചവരെക്കൊണ്ട് ആത്മകഥ പ്രകാശിപ്പിച്ചത് മാണി സാറിന്റെ ആത്മാവ് പോലും പൊറുക്കില്ലെന്ന് കെ മുരളീധരൻ

കുറ്റ്യാടി: കായക്കൊടി ദേവർ കോവിൽ കനാൽ റോഡ്​ ഇനി നാടിന്​ സ്വന്തം. കായക്കൊടി പഞ്ചായത്തിലെ ആറാം വാർഡിലാണ്​ ദേവർകോവിൽ കനാൽ റോഡ്​. ഇവിടെ, കനാൽ റോഡ് യാഥാർത്ഥ്യമാകു​ന്നതോടെ പതിറ്റാണ്ടുകളായി നാട്ടുകാർ അനുഭവിച്ച ദുരിത യാത്രക്കാണ്​ അറുതിയാവുന്നത്​. ഇവിടുത്തെ യാത്രാദുരിതം ചൂണ്ടികാണിച്ച്​ നാട്ടുകാർ പല തവണ പരാതി നൽകിയിരുന്നു. വിഷയം കെ. മുരളീധരൻ എം.പിയുടെ ശ്രദ്ധയിൽപ്പെട്ടതോടെ 500 മീറ്ററുള്ള ഈ റോഡ്​ നിർമ്മാണത്തിന്​​ 24 ലക്ഷം രൂപ​ എം. പി ഫണ്ടിൽ നിന്നും അനുവദിക്കുകയായിരുന്നു​. പുതിയ റോഡ്​ കെ. മുരളീധരൻ എം.പി ഉദ്ഘാടനം ചെയ്​തു. കായക്കൊടി പഞ്ചായത്ത്​ പ്രസിഡൻറ്​ ഒ.പി. ഷിജിൽ അധ്യക്ഷത വഹിച്ചു. വാർഡ്​ മെമ്പർ കെ.കെ. അഷ്​റഫ്​ സ്വാഗതം പറഞ്ഞു. കൊര​ങ്ങോട്ട്​ ജമാൽ, കെ. പി. കുഞ്ഞമ്മദ്​, ഒ.പി. മനോജ്​, കെ.പി. ബിജു, വി.കെ. ശ്രീജിത്ത്​, സി.എച്ച്​. നാസർ, ഒ. രവീന്ദ്രൻ, ഹാരിസ്​, ബഷീർ എന്നിവർ ആശംസകളർപ്പിച്ച്​ സംസാരിച്ചു. കുഞ്ഞാലി ഹാജി നന്ദി പറഞ്ഞു.

ദുരിത യാത്രക്ക്​ അറുതി; കായക്കൊടി - ദേവർ കോവിൽ കനാൽ റോഡ്​ നാടിന്​ സമർപ്പിച്ചു

Kuttiadi

കോഴിക്കോട്: പ്രധാനമന്ത്രി നരേന്ദ്ര മോദിയെയും നടനും ബി.ജെ.പി. നേതാവുമായ സുരേഷ്‌ ഗോപിയെയും രൂക്ഷമായി വിമര്‍ശിച്ച് കെ. മുരളീധരന്‍ എം.പി. നിരവധി ക്രിസ്ത്യന്‍ ആരാധനാലയങ്ങള്‍ മണിപ്പുരില്‍ തകര്‍ക്കുമ്പോള്‍ ഒരു കിരീടം കൊടുത്താലൊന്നും ക്രൈസ്തവരുടെ മനസ് മാറുമെന്ന് കരുതരുതെന്ന് സുരേഷ്‌ ഗോപിയെ പരിഹസിച്ചുകൊണ്ട് അദ്ദേഹം പറഞ്ഞു. കിരീടം കൊടുക്കുന്നതില്‍ തെറ്റില്ല. എന്നാല്‍ എന്തിനാണ് പബ്ലിസിറ്റി നല്‍കുന്നത്. രാഷട്രീയമുതലെടുപ്പിനാണ് ബി.ജെ.പി. ശ്രമിക്കുന്നത്. അയോധ്യവിഷയം വോട്ടുകിട്ടാനുള്ള തന്ത്രമാണെന്നും ഇതൊന്നും കേരളത്തില്‍ വിലപ്പോവില്ലെന്നും മുരളീധരന്‍ പറഞ്ഞു. കോഴിക്കോട്ട് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. കേരളത്തിലേക്കുള്ള മോദിയുടെ വരവ് ബി.ജെ.പിക്ക് യാതൊരു ഗുണവും ഉണ്ടാക്കില്ല. മോദി കേരളത്തില്‍ സ്ഥിരതാമസമാക്കിയാലും കാര്യമില്ല. അദ്ദേഹം ജനങ്ങള്‍ക്ക് ടാറ്റ നല്‍കും ജനങ്ങള്‍ തിരിച്ചും ടാറ്റ നല്‍കും. എന്നാല്‍ ജനങ്ങള്‍ വോട്ട് നല്‍കുക യു.ഡി.എഫിന് ആയിരിക്കുമെന്ന് മുരളീധരന്‍ വ്യക്തമാക്കി.
കരുവന്നൂര്‍ കേസില്‍ പി. രാജീവിന് എതിരായ എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി.) സത്യവാങ്മൂലം ഗൗരവമുള്ളതാണ്. എന്നാല്‍ ഇ.ഡി. എവിടെവരെ പോകുമെന്ന കാര്യത്തില്‍ സംശയമുണ്ട്. അപകടംപിടിച്ച കളിയാണ് കരുവന്നൂരില്‍ സി.പി.എം. കളിക്കുന്നത്. മറ്റു സംസ്ഥാനങ്ങളില്‍ ബി.ജെ.പി. ഇതരനേതാക്കളെയും മന്ത്രിമാരേയും അകത്താക്കുന്ന ഇ.ഡി., കേരളത്തില്‍ ബി.ജെ.പിക്ക് വേണ്ടി അന്തര്‍ധാര ഉണ്ടാക്കാനാണ് ശ്രമിക്കുന്നത് എന്ന വിശ്വസം ഇപ്പോഴുമുണ്ടെന്നും അദ്ദേഹം കൂട്ടിച്ചേര്‍ത്തു.
ടി.എന്‍. പ്രതാപനുവേണ്ടി തൃശൂരില്‍ ചുവരെഴുതിയ നടപടിയെയും മുരളീധരന്‍ തള്ളിപ്പറഞ്ഞു. സ്ഥാനാര്‍ഥിയുടെ പേര് പ്രഖ്യാപിക്കാതെ ആരും ചുവരെഴുതാന്‍ പാടില്ല. പ്രതാപന്‍ ചിഹ്നം വരയ്ക്കാനാണ് പറഞ്ഞത്. പക്ഷെ മുന്നണിയില്‍ തീരുമാനമാകാതെ ചിഹ്നം വരയ്ക്കാന്‍ പാടില്ലെന്നും അദ്ദേഹം വ്യക്തമാക്കി.

കിരീടം കൊടുത്താലൊന്നും ക്രൈസ്തവരുടെ മനസ്സുമാറില്ല; സുരേഷ്‌ ഗോപിയെ പരിഹസിച്ച് കെ. മുരളീധരന്‍

തോടന്നൂർ: സഹകരണ സംഘങ്ങൾ നാടിൻ്റെ നട്ടെല്ലായി പ്രവർത്തിക്കണമെന്ന് കെ.മുരളീധരൻ എം.പി പറഞ്ഞു. തിരുവള്ളൂർ അഗ്രികൾച്ചറിസ്റ്റ് കോ- ഓപ്പറേറ്റീവ് സൊസൈറ്റിയുടെ നവീകരിച്ച കെട്ടിടത്തിൻ്റെ ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം. സഹകരണ മേഖലയുമായി ബന്ധപ്പെടുന്ന നിയമ നിർമ്മാണങ്ങൾ നടപ്പാക്കുമ്പോൾ പാവപ്പെട്ടവന്റെ ജീവിത പ്രയാസങ്ങൾ ഭരണകൂടങ്ങളുടെ മനസ്സിൽ പതിയണം. കർശനമായ നിരീക്ഷണങ്ങളോടൊപ്പം സുതാര്യമായ നടപടിക്രമങ്ങളിലൂടെ ഏതൊരു സാധാരണക്കാരനും സഹകരണ സംഘങ്ങളെ ആശ്രയിക്കാൻ കഴിയുന്ന സാഹചര്യം സൃഷ്ടിച്ചു മുന്നേറാൻ കൂട്ടായ പരിശ്രമം ആവശ്യമാണെന്നും അദ്ദേഹം കൂട്ടിച്ചേർത്തു. സൊസൈറ്റി പ്രസിഡൻ്റ് പ്രൊഫ ഇ ശശീന്ദ്രൻ അധ്യക്ഷത വഹിച്ചു. സ്ട്രോംഗ് റൂം ഉദ്ഘാടം തിരുവള്ളൂർ ഗ്രാമപഞ്ചായത്ത് പ്രസിഡൻ്റ് സബിത മണക്കുനി നിർവഹിച്ചു. പഞ്ചായത്ത് വൈസ് പ്രസിഡൻ്റ് എഫ്.എം.മുനീർ ഷെയർ സർട്ടിഫിക്കറ്റ് വിതരണം ചെയ്തു. വടകര അസി. റജിസ്ട്രാർ പി.ഷിജു സ്ഥിര നിക്ഷേപം സ്വീകരിച്ചു. വള്ളിൽ ശാന്ത, പി.സി ഷീബ, പി.പി.രാജൻ, കെ.കെ.സുരേഷ്, കെ.കെ.മോഹനൻ, പി.ശങ്കരൻ, ടി. അനിൽ കുമാർ, കെ.പി. ജീവാനന്ദ്, പി.കെ.കൃഷ്ണൻ, നിഖിൽ വി.പി എന്നിവർ സംസാരിച്ചു.

സഹകരണ സംഘങ്ങൾ നാടിൻ്റെ നട്ടെല്ലാവണം: കെ.മുരളീധരൻ എം.പി

അരൂർ: അരൂരിലെ ഷബ്നയുടെ മരണം ഒറ്റപ്പെട്ട സംഭവമല്ലെന്നും പ്രബുദ്ധ കേരളമെന്ന് പറയാന്‍ തക്കമുള്ള അഭിമാനം നഷ്ടപ്പെടുകയാണ് ഇത്തരം സംഭവങ്ങളിലൂടെ ഉണ്ടാകുന്നതെന്നും കെ മുരളീധരന്‍ എം.പി മാധ്യമങ്ങളോട് പറഞ്ഞു. മരണത്തെ കുറിച്ച് വസ്തു നിഷ്ഠമായി അന്വേഷിച്ച് എല്ലാ പ്രതികളേയും കണ്ടെത്തി ഇത്തരം സംഭവങ്ങള്‍ ഭാവിയില്‍ ആവര്‍ത്തിക്കാതരിക്കാന്‍ നടപടി സ്വീകരിക്കണമെന്ന് ഷബ്നയുടെ അരൂരിലെ വീട്ടിലെത്തിയ മുരളീധരന്‍ പറഞ്ഞു. ഡി സി സി മെമ്പർ കെ സജീവൻ, പാറോള്ളതിൽ അബ്ദുല്ല, ആയഞ്ചേരി നാരായണൻ എന്നിവരും ഒപ്പമുണ്ടായിരുന്നു.

ഷബ്നയുടെ മരണം കേരളത്തിന് അപമാനം; കെ മുരളീധരൻ

തിരുവനന്തപുരം: സ്വന്തം പാർട്ടി പ്രവർത്തകർക്ക് അടി കിട്ടുമ്പോൾ പിണറായിയുടെ ചായ കുടിക്കാൻ പോകുന്നവർ കോൺഗ്രസുകാരല്ലെന്നും അങ്ങനത്തെ ആളുകളെ പാർട്ടിക്ക് ആവശ്യമില്ലെന്നും കെ.മുരളീധരൻ എംപി. പിണറായിയുടെ ചായ കുടിക്കുന്നവൻ കോൺഗ്രസിൽ വേണ്ടെന്നും മുരളീധരൻ പറഞ്ഞു.&nbsp;&nbsp;
പാർട്ടി തീരുമാനം ബോധ്യപ്പെടാതെയല്ലെന്നും ജനശ്രദ്ധ പിടിച്ചുപറ്റാനുള്ള നല്ലവഴിയായി ഇതിനെ ചില ആളുകള്‍ കണ്ടിട്ടുണ്ടെന്നും മുരളീധരൻ കുറ്റപ്പെടുത്തി. അവരൊക്കെ പോയാലും പാർട്ടിക്ക് നഷ്ടമില്ല. ലക്ഷക്കണക്കിനു പ്രവർത്തകരുള്ള പാർട്ടിയിൽ‌ ഒരു പ്രാദേശിക നേതാവ് പിണറായിയുടെ ചായ കുടിച്ചതുകൊണ്ട് തകരുന്നതല്ല കോൺഗ്രസ് പാർട്ടി. ഇതുകൊണ്ടൊന്നും യാതൊരു ചലനവും ഉണ്ടാവില്ല’’–മുരളീധരൻ പറഞ്ഞു.
‘‘രണ്ടുമൂന്നുപേർ‌ മുഖ്യമന്ത്രി പിണറായി വിജയന്‍ നൽകിയ പ്രഭാതഭക്ഷണം കഴിച്ചതുകൊണ്ടു മുസ‍്‍ലിം ലീഗും കോൺഗ്രസും തകരാൻ പോകുന്നില്ല. മുഖ്യമന്ത്രിയുടെ മുഖസ്തുതി കേൾക്കാൻ ചിലർ പോവുന്നുണ്ട്, അതിൽ ഞങ്ങൾക്കു വിരോധമില്ല. പോകുന്നവരൊക്കെ പിണറായിക്കു വോട്ട് ചെയ്യുമെന്ന് കരുതരുത്, അതും കഴിച്ചുവന്നിട്ട് ഞങ്ങളോട് പറയും നിങ്ങൾ ഉഷാറാകണമെന്ന്’’–മുരളീധരൻ പറഞ്ഞു.&nbsp;

പ്രവർത്തകർക്ക് അടി കിട്ടുമ്പോൾ പിണറായിയുടെ ചായ കുടിക്കാൻ പോകുന്നവർ കോൺഗ്രസല്ല: അവരെ പാർട്ടിക്ക് വേണ്ടെന്ന് കെ. മുരളീധരൻ

കോഴിക്കോട്: നവകേരള സദസ്സിനെ രൂക്ഷമായി വിമര്‍ശിച്ച് കെ. മുരളീധരന്‍ എം.പി. നവകേരള സദസ്സ് ആളെ പറ്റിക്കാനുള്ള പരിപാടിയാണെന്ന് പ്രതിപക്ഷം പറഞ്ഞത് 101 ശതമാനവും ശരിയായെന്നും ഇതിനെ സിപിഎം പൂര്‍ണമായും രാഷ്ട്രീയ വേദിയാക്കി മാറ്റിയെന്നും മുരളീധരന്‍ ആരോപിച്ചു.
'ഇന്നലെ തന്നെ പറഞ്ഞത്, ഒരു സ്ഥലത്തുനിന്ന് പരാതി കിട്ടിയാല്‍ നാല്‍പ്പത്തഞ്ച് ദിവസത്തിനകം പരിഹരിക്കുമെന്നാണ്. നാല്‍പ്പത്തഞ്ചു ദിവസമാകുമ്പോഴേക്കും യാത്ര കഴിയും. പിന്നെ അതിന്റെ ക്രേസ് പോകും. ഇത് ആളെ പറ്റിക്കാനാണ് എന്ന് ഞങ്ങള്‍ പറഞ്ഞത് 101 ശതമാനം ശരിയായി വന്നിരിക്കുകയാണ്', മുരളീധരന്‍ പറഞ്ഞു.
ഉമ്മന്‍ ചാണ്ടിയുടെ സമയത്ത് ഓണ്‍ ദ സ്‌പോട്ടിലാണ് പരിഹാരം ഉണ്ടാക്കിയിരുന്നതെന്നും മുരളീധരന്‍ പറഞ്ഞു. ഇന്ന് അങ്ങനെയില്ല. ജനത്തിന് മുഖ്യമന്ത്രിയെയും മന്ത്രിമാരെയും കാണാന്‍ കഴിയുന്നില്ല. അവരെ നേരെ കൗണ്ടറിലേക്ക് അയക്കുന്നു. അവര് പരാതികൊടുക്കുന്നു. തിരിച്ചു പോരുന്നു. അതില്‍ കൂടുതലായി ഒന്നും നടക്കുന്നില്ല. മാത്രമല്ല, ഇതിനെ പൂര്‍ണമായും രാഷ്ട്രീയ വേദിയാക്കി മാറ്റി. ഇന്നലെ ഉദ്ഘാടന വേദിയില്‍ ഇ.പി. ജയരാജനും പി.കെ. ശ്രീമതിയും ഉണ്ടായിരുന്നു. സര്‍ക്കാര്‍ പരിപാടിയില്‍ ഇരുവര്‍ക്കുമെന്താ കാര്യം. അവര്‍ ജനപ്രതിനിധികളാണോ അല്ലല്ലോ. നവകേരള സദസ്സ് സര്‍ക്കാര്‍ പരിപാടി അല്ല, സി.പി.എം. പരിപാടിയാണ് എന്നും മുരളീധരന്‍ വിമര്‍ശിച്ചു.
ലൈഫിന്റെ കെട്ടിടം കൊടുക്കാനുള്ള കാശ് കയ്യിലുണ്ടോ എന്നും മുരളീധരന്‍ ആരാഞ്ഞു. എന്താണ് ഈ നവകേരള സദസ്സ് നടത്തി ജനങ്ങള്‍ ഒരു കാര്യത്തിന് സമീപിക്കുമ്പോള്‍ അതിന് എങ്ങനെ റെസ്‌പോണ്ട് ചെയ്യാന്‍ കഴിയും? വീട് ചോദിക്കുന്നു, വീടില്ല. ക്ഷേമപെന്‍ഷന്‍ ചോദിക്കുന്നു, പെന്‍ഷന്‍ ഇല്ല. സപ്ലൈകോയില്‍ ചെല്ലുമ്പോള്‍ സബ്‌സിഡി ഇല്ല. മാവേലി സ്‌റ്റോറില്‍ ചെല്ലുമ്പോള്‍ പഞ്ചാസാര ഇല്ല. പിന്നെ എന്ത് സദസ്സാണ് നടത്തുന്നത്? ചുരുക്കിപ്പറഞ്ഞാല്‍, സര്‍ക്കാര്‍ ചെലവില്‍ മുഖ്യപ്രതിപക്ഷത്തെ അവഹേളിക്കാനുള്ള ഒരുവേദിയായി നവകേരള സദസ്സ് മാറിയിട്ടുണ്ട്, മുരളീധരന്‍ വിമര്‍ശിച്ചു.
കോണ്‍ഗ്രസിന് ഒരിക്കലും മുസ്‌ലിം ലീഗിനെ സംശയമില്ലെന്നും മുരളീധരന്‍ കൂട്ടിച്ചേര്‍ത്തു. ഞങ്ങള്‍ക്ക് ഒരിക്കലും ലീഗിനെ ഒരു സംശയവുമില്ല. ഈ ബന്ധം തകര്‍ക്കാന്‍ പിണറായി എത്ര ശ്രമിച്ചാലും നടക്കില്ല. ലീഗുമായി 53 വര്‍ഷത്തെ ബന്ധമാണുള്ളത്. അവരും ഒരിക്കലും മാറി ചിന്തിക്കില്ല. കാരണം അരിയില്‍ ഷുക്കൂറിനെ പോലുള്ള യൂത്ത് ലീഗ് പ്രവര്‍ത്തകരെ തല്ലിക്കൊന്നവരാണ് മാര്‍ക്‌സിസ്റ്റ് പാര്‍ട്ടി. കെ.എം. ഷാജിയുടെ സ്വത്ത് പിടിച്ചെടുത്ത് ജയിലില്‍ ഇടാന്‍ നോക്കിയവരാണ്. മുനീറിനെതിരായ വിജിലന്‍സ് അന്വേഷണം ഇപ്പോഴും നടത്തിക്കൊണ്ടിരിക്കുന്നവരാണ്. അങ്ങനെയുള്ള ഒരു പാര്‍ട്ടിയിലേക്ക് സഖ്യകക്ഷിയായി ലീഗ് ഒരിക്കലും പോകില്ല. ഞങ്ങളെ തമ്മില്‍ അകറ്റാന്‍ എത്ര ശ്രമിച്ചാലും നടക്കില്ല. കേരളാ കോണ്‍ഗ്രസിനെ കിട്ടിയതു പോലെ എത്ര തലകുത്തിനിന്നാലും ലീഗിനെ കിട്ടില്ല എന്ന് ഞങ്ങള്‍ക്ക് വിശ്വാസമാണ്. ഇത് പാര്‍ലമെന്റ് തിരഞ്ഞെടുപ്പില്‍ കണ്‍ഫ്യൂഷന്‍ ഉണ്ടാക്കാനുള്ള നയത്തിന്റെ ഭാഗമാണ്. ആ നയം എത്ര ഇവര്‍ ആവര്‍ത്തിച്ചാലും നടക്കില്ല. മുനീര്‍ തന്നെ വ്യക്തമായി പറഞ്ഞിട്ടുണ്ട്, സിപിഎമ്മിന്റെ ആലയില്‍ കെട്ടാനുള്ള പശുവല്ല ലീഗ് എന്ന്. ഒരു ശതമാനം പോലും ഞങ്ങള്‍ക്ക് സംശയമില്ല, മുരളീധരന്‍ കൂട്ടിച്ചേര്‍ത്തു. സി.പി.എം. മുങ്ങുന്ന കപ്പലാണ്. രണ്ടരക്കൊല്ലം കഴിഞ്ഞാല്‍ പൂര്‍ണമായി, ഇങ്ങനെ ഒരു കപ്പലുണ്ടായിരുന്നു എന്ന് അറിയാത്ത തരത്തില്‍ മുങ്ങിത്താഴും. രണ്ടരക്കൊല്ലം കഴിഞ്ഞാല്‍ യു.ഡി.എഫ്. അധികാരത്തില്‍ വരും, മുരളീധരന്‍ പറഞ്ഞു.

സി.പി.എം. മുങ്ങുന്ന കപ്പല്‍; കോണ്‍ഗ്രസിന് ഒരിക്കലും മുസ്‌ലിം ലീഗിനെ സംശയമില്ലെന്നും കെ മുരളീധരന്‍

വടകര: സ്വകാര്യ ബസ് ജീവനക്കാരുമായുണ്ടായ തർക്കത്തിനിടെ വ്‌ളോഗര്‍ തൊപ്പി എന്ന പേരില്‍ അറിയപ്പെടുന്ന മുഹമ്മദ് നിഹാല്‍ തോക്ക് ചൂണ്ടിയതായും ആരോപണം. സംഭവത്തിൽ തൊപ്പിയെയും കൂടെ ഉണ്ടായിരുന്ന രണ്ടു പേരെയും പോലീസ് കസ്റ്റഡിയില്‍ എടുത്തിരുന്നു. സ്വകാര്യ ബസ് ജീവനക്കാരുമായുണ്ടായ വാക്കേറ്റത്തെ തുടര്‍ന്നാണ് സംഭവങ്ങളുടെ തുടക്കം. തര്‍ക്കത്തിനിടെ നിഹാല്‍ ഇവര്‍ക്ക് നേരേ ലൈസന്‍സ് ആവശ്യമില്ലാത്ത എയര്‍ പിസ്റ്റള്‍ ചൂണ്ടിയെന്നാണ് ആരോപണം. എന്നാല്‍ പരാതിയൊന്നും ലഭിക്കാത്തതിനെത്തുടര്‍ന്ന് പോലീസ് കേസ് എടുത്തില്ലെന്നാണ് വിവരം. ശരത് എസ് നായര്‍, മുഹമ്മദ് ഷമീര്‍ എന്നിവരാണ് കൂടെയുണ്ടായിരുന്ന മറ്റ് രണ്ടുപേര്‍.
ചൊവ്വാഴ്ച വൈകീട്ടായിരുന്നു സംഭവം. വടകര - കൈനാട്ടി ദേശീയപാതയില്‍ കോഴിക്കോട്ടേക്ക് പോകുകയായിരുന്നു മുഹമ്മദ് നിഹാല്‍. കാറിന് അരികിലേക്ക് അശ്രദ്ധമായി ബസ് എത്തിയെന്ന് ആരോപിച്ച് ബസിന് പിന്നാലെ തൊപ്പിയും കാര്‍ യാത്രക്കാരായ രണ്ട് പേരും വടകര ബസ് സ്റ്റാന്റില്‍ എത്തി. തുടര്‍ന്ന് ബസ് ജീവനക്കാരുമായി വാക്കേറ്റമുണ്ടാവുകയും തോക്ക് ചൂണ്ടുകയുമായിരുന്നു. കാറുമായി രക്ഷപെടാന്‍ ശ്രമിക്കുന്നതിനിടെ ബസ് തൊഴിലാളികള്‍ തൊപ്പിയെ തടഞ്ഞ് വെച്ച് പൊലീസില്‍ ഏല്‍പ്പിക്കുകയായിരുന്നു. വൈകുന്നേരം തൊപ്പിയെയും കൂട്ടരെയും പോലീസ് സ്റ്റേഷനിൽ എത്തിച്ചത് സംബന്ധിച്ച് നാട്ടുവാർത്ത വാർത്ത നൽകിയിയിരുന്നു.&nbsp;
(വീഡിയോ കാണാനായി താഴെയുള്ള ലിങ്കിൽ ക്ലിക്ക് ചെയ്യുക)
<a href="https://youtu.be/fykSsYo2-bI" target="_self">യൂട്യൂബർ 'തൊപ്പി' വടകര പോലീസ് സ്റ്റേഷനിൽ; നടപടി ബസ് ജീവനക്കാരുമായുള്ള തർക്കത്തെ തുടർന്ന്</a>

വടകരയിൽ വച്ച് ബസ് ജീവനക്കാർക്ക് നേരെ തൊപ്പി തോക്ക് ചൂണ്ടിയതായും ആരോപണം

നാദാപുരം: കല്ലാച്ചിയിൽ ടാക്സി ജീപ്പ് ഡ്രൈവർ ഉൾപ്പെടെ രണ്ട് പേർ എം ഡി എം എയുമായി പോലീസ് പിടിയിൽ. വിഷ്ണുമംഗലം കിഴക്കെ പറമ്പത്ത് കെ പി റഹീസ് (27) , കല്ലാച്ചിയിലെ ടാക്സി ജീപ്പ് ഡ്രൈവർ വിഷ്ണുമംഗലം സ്വദേശി ചമ്പോട്ടുമ്മൽ കെ. മുഹമ്മദ് സായിദ് (27) എന്നിവരെയാണ് നാദാപുരം പോലീസും ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും ചേർന്ന് പിടികൂടിയത്. മുഹമ്മദ് സയിദിൽ നിന്ന് O.11 ഗ്രാം എം ഡി എം എ യും ഇയാൾ സഞ്ചരിച്ച കെ എൽ 18 എ.സി 8424 നമ്പർ സ്കൂട്ടറും പോലീസ് കസ്റ്റഡിയിൽ എടുത്തു. തെരുവൻ പറമ്പ് ഗവ കോളജ് റോഡിൽ നിന്നാണ് റഹീസ് പിടിയിലായത്. പ്രതിയിൽ നിന്ന് O.05 ഗ്രാം എം ഡി എം എ പോലീസ് പിടികൂടി.

കല്ലാച്ചിയിൽ എം ഡി എം എയുമായി ടാക്സിഡ്രൈവർ ഉൾപ്പെടെ രണ്ട് പേർ അറസ്റ്റിൽ

മുഹമ്മദ് സായിദ്, റഹീസ് ,

കോഴിക്കോട്: ഫറോക്കിൽ പതിനഞ്ചുകാരിയെ സമപ്രായക്കാരായ രണ്ടുപേർ ചേർന്ന് പീഡിപ്പിച്ചെന്ന് പരാതി. പീഡന ദൃശ്യങ്ങൾ അവരുടെ ഒപ്പം ഉണ്ടായിരുന്ന പതിനൊന്നുകാരൻ പകർത്തിയെന്നും പരാതിയിൽ പറയുന്നു. കൗൺസിലിംഗിനിടെയാണ് പെൺകുട്ടി പീഡന വിവരം തുറന്നുപറഞ്ഞത്. ഒരാഴ്ച മുൻപാണ് സംഭവം നടന്നത്.&nbsp;
പെൺകുട്ടിയുടെ മൊഴിയിൽ നല്ലളം പൊലീസ് കേസെടുത്തിട്ടുണ്ട്. കുറ്റാരോപിതരായ കുട്ടികളോട് ചൊവ്വാഴ്ച ചൈൽഡ് വെൽഫെയർ കമ്മിറ്റിയ്ക്ക് (സിഡബ്ല്യുസി)​ മുന്നിൽ ഹാജരാകാൻ ആവശ്യപ്പെട്ട് രക്ഷിതാക്കൾക്ക് നോട്ടീസ് നൽകി.

കോഴിക്കോട് പതിനഞ്ചുകാരിയെ സമപ്രായക്കാർ  പീഡിപ്പിച്ചു; ദൃശ്യങ്ങൾ പകർത്തിയത് പതിനൊന്നുകാരൻ

Kozhikode

കരുമാല്ലൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കിയ കേസിലെ പ്രതി പിടിയില്‍. കിഴക്കേ വെളിയത്തുനാട് കടൂപ്പാടം വാഴയില്‍പറമ്പുവീട്ടില്‍ മുഹമ്മദ് യാസിനി (18) നെയാണ് ആലങ്ങാട് പോലീസ് ഇന്‍സ്‌പെക്ടര്‍ ടി.പി. ജെസ്റ്റിന്റെ നേതൃത്വത്തിലുള്ള സംഘം അറസ്റ്റ്‌ചെയ്തത്. പത്താംക്ലാസ് വിദ്യാര്‍ഥിനിയെയാണ് ഇയാള്‍ ഗര്‍ഭിണിയാക്കിയത്.
സ്‌കൂള്‍ അധികൃതരാണ് പോലീസില്‍ അറിയിച്ചത്. തുടര്‍ന്ന് ആലുവ ഈസ്റ്റ് പോലീസ് കേസെടുത്ത് അന്വേഷിക്കുന്നതിനിടെ പ്രതി മുങ്ങുകയായിരുന്നു. കേസ് കൈമാറിയതിനേത്തുടര്‍ന്നാണ് ആലങ്ങാട് പോലീസ് അന്വേഷണം നടത്തി വെള്ളിയാഴ്ച പ്രതിയെ അറസ്റ്റ്‌ചെയ്തത്.

പത്താംക്ലാസ് വിദ്യാര്‍ഥിനിയെ പീഡിപ്പിച്ച് ഗര്‍ഭിണിയാക്കിയ യുവാവ് അറസ്റ്റില്‍

നാദാപുരം: ലക്ഷങ്ങളുടെ വാടക കുടിശ്ശികയായതോടെ നാദാപുരം മേഖലയിൽ ബി.എസ്.എൻ.എൽ ഇൻ്റർനെറ്റ് കണക്ഷൻ കെ.എസ്.ഇ.ബി വിച്ഛേദിച്ചു. സർക്കാർ ഓഫിസുകളുടെ അടക്കം പ്രവർത്തനം അവതാളത്തിലായി.
ഇന്റർനെറ്റ് കേബിൾ കടന്ന് പോവുന്ന വൈദ്യുതി വകുപ്പിന്റെ പോസ്റ്റുകളുടെ വാടകയാണ് കുടിശ്ശികയായത്. 2023 - 24 വർഷത്തിൽ നാല് ലക്ഷത്തോളം രൂപയാണ് കെഎസ്ഇബിക്ക് ലഭിക്കാനുള്ളത്.

വാടക കുടിശ്ശിക; നാദാപുരം മേഖലയിൽ ബി.എസ്.എൻ.എൽ  ഇൻ്റർനെറ്റ് കണക്ഷൻ വിച്ഛേദിച്ച് കെ.എസ്.ഇ.ബി

പത്തനംതിട്ട: കൊവിഡ് ബാധിതയെ ആംബുലൻസിൽ വച്ച് പീഡിപ്പിച്ച കേസിൽ പ്രതിക്ക് ജീവപര്യന്തം തടവ് ശിക്ഷ വിധിച്ച് കോടതി. കായംകുളം സ്വദേശി നൗഫിലിനെയാണ് ജീവപര്യന്തം തടവിന് പത്തനംതിട്ട കോടതി ശിക്ഷിച്ചത്. 2020 സെപ്​റ്റംബർ അഞ്ചിനാണ് സംഭവം നടന്നത്. ജീവപര്യന്തം തടവ് ശിക്ഷയ്ക്ക് പുറമെ 1,08000 രൂപ പിഴയും കോടതി വിധിച്ചു. ആറു വകുപ്പുകളിലായാണ് കോടതി ശിക്ഷ പുറപ്പെടുവിച്ചിരിക്കുന്നതെന്നും ഏറെ സങ്കീർണമായ അന്വേഷണമാണ് കേൊവിഡ് കാലത്ത് നടന്നതെന്നും സമയ ബന്ധിതമായി കുറ്റപത്രം നൽകിയെന്നും പത്തനംതിട്ട അഡീഷണൽ എസ്‍പി ആർ ബിനു പറഞ്ഞു.
യുവതിയെ കൊവിഡ് സെന്ററിലേക്ക് കൊണ്ടുപോകുന്നതിനിടെ നൗഫൽ പീഡിപ്പിക്കുകയായിരുന്നു. ഡിഎൻഎ പരിശോധനയിൽ യുവതി പീഡനത്തിനിരയായെന്ന് തെളിഞ്ഞിരുന്നു. ബലാത്സംഗം, തട്ടിക്കൊണ്ടുപോകൽ എന്നീ കുറ്റങ്ങളും ചുമത്തിയിട്ടുണ്ട്.&nbsp;

കൊവിഡ് ബാധിതയെ ആംബുലൻസിൽ വച്ച് പീഡിപ്പിച്ച കേസ്; പ്രതിക്ക് ജീവപര്യന്തം തടവ്

ഒഞ്ചിയം : പടക്കനിർമാണത്തിന് നിയമവിരുദ്ധമായി സൂക്ഷിച്ച സ്ഫോടകവസ്തുക്കളും അനുബന്ധ വസ്തുക്കളും ചോമ്പാല പോലീസ് പിടിച്ചെടുത്തു. മടപ്പള്ളി കരുനിലം കുനിയിൽ ചന്ദ്രൻ എന്നയാളുടെ വീട്ടിൽ അനധികൃതമായി സ്ഫോടകവസ്തുക്കൾ സൂക്ഷിച്ചിട്ടുണ്ടെന്ന രഹസ്യവിവരത്തിന്റെ അടിസ്ഥാനത്തിൽ ചോമ്പാല പോലീസ് സബ് ഇൻസ്പെക്ടർ വികാസ് പി.യുടെ നേതൃത്വത്തിൽ സബ് ഇൻസ്പെക്ടർ അനിൽ കുമാർ പി., എഎസ്‍ഐ ചിത്രദാസ്, എസ്‍സി‍പിഒ ലിനീഷ്, സിപിഒ രമ്യ, സിപിഒ അജേഷ് എന്നിവരടങ്ങിയ സംഘമാണ് വീടുപരിശോധിച്ച് സ്ഫോടകവസ്തുക്കളും അനുബന്ധ സാമഗ്രികളും പിടിച്ചെടുത്തത്. വീട്ടുടമയുടെപേരിൽ കേസ് രജിസ്റ്റർചെയ്തു.

മടപ്പള്ളിയിൽ അനധികൃത സ്ഫോടകവസ്തുക്കൾ പോലീസ് പിടിച്ചെടുത്തു

നാദാപുരം: കഞ്ചാവുമായി പശ്ചിമ ബംഗാൾ സ്വദേശി പോലീസ് പിടിയിൽ. സൗത്ത് 24 ഫർഗാന സ്വദേശി അൽനൂർ സർദാർ (31) നെയാണ് നാദാപുരം എസ് ഐ എം.പി. വിഷ്ണുവും സബ് ഡിവിഷണൽ ഡി വൈ എസ് പി എ.പി. ചന്ദ്രൻ്റെ നേതൃത്വത്തിലുള്ള സ്ക്വാഡും പിടികൂടിയത്. പ്രതിയിൽ നിന്ന് 34 ഗ്രാം കഞ്ചാവ് പോലീസ് പിടികൂടി. കുമ്മങ്കോട് വരിക്കോളി റോഡിൽ ഒമ്പത് കണ്ടം ഗാർഡന് സമീപമാണ് പ്രതി പിടിയിലായത്. കഴിഞ്ഞ ദിവസം ബ്രൗൺ ഷുഗറുമായി ബംഗാൾ സ്വദേശി പോലീസ് പിടിയിലായിരുന്നു

നാദാപുരത്ത് കഞ്ചാവുമായി ബംഗാൾ സ്വദേശി അറസ്റ്റിൽ

നാദാപുരം: തൂണേരിയില്‍ കോളജ് വിദ്യാര്‍ഥിനി തീ കൊളുത്തി മരിച്ച നിലയില്‍. ടൗണിനടുത്ത് കൈതേരിപ്പൊയില്‍ കാര്‍ത്തികയാണ് (20) മരിച്ചത്. മാഹി മഹാത്മാഗാന്ധി ഗവ.കോളേജ് ബിഎസ്‌സി ഫിസിക്‌സ് രണ്ടാം വര്‍ഷ വിദ്യാര്‍ഥിനിയാണ്. തിങ്കളാഴ്ച വൈകിട്ടാണ് വീടിനു മുകളിലത്തെ മുറിയില്‍ തീകൊളുത്തിയ നിലയില്‍ വിദ്യാര്‍ഥിനിയെ കണ്ടത്.
ഉടന്‍ നാദാപുരം ഗവ. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. നാദാപുരം പോലീസ് കേസെടുത്ത് അന്വേഷണം ആരംഭിച്ചു. സ്വയം കൊളുത്തിയതാണെന്നാണ് പ്രാഥമിക നിഗമനം. മൃതദേഹം പോസ്റ്റ് മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. സുകുമാരന്റെയും ശോഭയുടെയും മകളാണ്. സഹോദരി: ദേവിക.

തൂണേരിയില്‍ ബിരുദ വിദ്യാര്‍ഥിനി തീ കൊളുത്തി മരിച്ച നിലയില്‍

Search Results for: 25.01.2025