കൊച്ചി: ഈ മാസം 23 മുതൽ പുതിയ മലയാള സിനിമകൾ റിലീസ് ചെയ്യില്ലെന്ന് തീയേറ്റർ ഉടമകളുടെ സംഘടന ഫി​യോക്ക്. സിനിമ നിർമാതക്കളുടെ നടപടികൾ തിയറ്ററുകളുടെ പ്രവർത്തനത്തെ ബാധിക്കുന്നു.
തീയേറ്ററുകളിൽ ഉടമകൾക്ക് ഇഷ്ടമുള്ള പ്രോജക്ടർ വയ്ക്കാൻ കഴിയുന്നില്ല. പ്രൊഡ്യൂസർസ് അസോസിയേഷന്റെ പുതിയ തീരുമാനം മൂലം തീയേറ്റർ ഉടമകൾ പ്രതിസന്ധിയിലായിരിക്കുകയാണ്. നവീകരിക്കുന്ന തീയേറ്ററുകൾ പോലും തുറക്കാൻ കഴിയാത്ത അവസ്ഥയിലാണ്.
കന്റന്റ് മസ്റ്റ്റിങ് സംവിധാനം നടപ്പാക്കിയതോടെ തീയേറ്റർ ഉടമകൾക്ക് മുന്നോട്ടു പോകാൻ കഴിയാത്ത അവസ്ഥയിലാണ്. സിനിമകൾ തീയേറ്റർ പ്രദർശനം പൂർത്തിയാകും മുൻപ് ഒ.ടി.ടി റിലീസ് നൽകുന്നു. പബ്ലിസിറ്റി കോൺട്രിബ്യൂഷൻ കൊടുക്കാൻ കഴിയില്ല. ഈ കാര്യങ്ങളിൽ ധാരണയാകാതെ പുതിയ മലയാള സിനിമകൾ പ്രദർശിപ്പിക്കില്ലെന്നും ഭാരവാഹികൾ കൊച്ചിയിൽ പറഞ്ഞു.

23 മുതൽ പുതിയ മലയാള സിനിമകൾ റിലീസ് ചെയ്യില്ലെന്ന് ഫി​യോക്ക്

Kerala

ഹൈദരാബാദ്: കൈക്കൂലി വാങ്ങിയ വനിതാ എക്‌സിക്യൂട്ടിവ് എന്‍ജിനീയര്‍ അറസ്റ്റില്‍. തെലങ്കാന ട്രൈബല്‍ വെല്‍ഫയര്‍ എന്‍ജിനിയറിങ് വകുപ്പിലെ ഉദ്യോഗസ്ഥയായ കെ. ജഗജ്യോതിയെയാണ് സംസ്ഥാന അഴിമതി വിരുദ്ധ ബ്യൂറോ(എ.സി.ബി.) അറസ്റ്റ് ചെയ്തത്. ഇവരില്‍നിന്ന് കൈക്കൂലിപ്പണമായ 84,000 രൂപയും പിടിച്ചെടുത്തു.
ഔദ്യോഗിക ആവശ്യം നടത്താനായി എക്‌സിക്യൂട്ടിവ് എന്‍ജിനിയറായ ജഗജ്യോതി കൈക്കൂലി ആവശ്യപ്പെട്ടതായി അഴിമതി വിരുദ്ധ ബ്യൂറോയ്ക്ക് പരാതി ലഭിച്ചിരുന്നു. തുടര്‍ന്ന് എ.സി.ബി. നിര്‍ദേശപ്രകാരം ഫിനോഫ്തലിന്‍ പുരട്ടിയ നോട്ടുകള്‍ കൈമാറുകയും കൈക്കൂലിയായി ഇത് സ്വീകരിച്ചതിന് പിന്നാലെ ഉദ്യോഗസ്ഥയെ അധികൃതര്‍ പിടികൂടുകയുമായിരുന്നു.
കൈക്കൂലിക്കേസില്‍ പിടിയിലായതിന് പിന്നാലെ എക്‌സിക്യൂട്ടീവ് എന്‍ജിനിയര്‍ ഓഫീസിലിരുന്ന് കരയുന്ന വീഡിയോയും സാമൂഹികമാധ്യമങ്ങളില്‍ പ്രചരിക്കുന്നുണ്ട്. പിടിച്ചെടുത്ത പണം മേശപ്പുറത്തിരിക്കുന്നതും ഈ ദൃശ്യങ്ങളില്‍ കാണാം.

കൈക്കൂലി വാങ്ങിയ വനിതാ എക്‌സിക്യൂട്ടിവ് എന്‍ജിനീയര്‍ അറസ്റ്റില്‍

National

വടകര: 27 വർഷത്തെ പ്രശസ്ത സേവനത്തിനു ശേഷം സർവീസിൽ നിന്നും വിരമിച്ച പോസ്റ്റുമാൻ കെ പി വിജയന് പഴങ്കാവ് അർച്ചന സ്പോർട്സ് ക്ലബ് സ്വീകരണം നൽകി. പരിപാടി കെ കെ രമ ഉദ്‌ഘാടനം ചെയ്തു. ക്ലബ്ബ് പ്രസിഡന്റ് വി കെ പ്രേമൻ അദ്ധ്യക്ഷത വഹിച്ചു. എം വേണുഗോപാലൻ, നടക്കൽ വിശ്വനാഥൻ, കെ വി രാജൻ , കോറോത്ത് ബാബു, വി കെ രാജൻ, പി സദാനന്ദൻ എന്നിവർ പ്രസംഗിച്ചു. പോസ്റ്റ്മാൻ കെ പി വിജയൻ മറുപടി പ്രസംഗം നടത്തി.

പോസ്റ്റുമാന് സ്വീകരണം നൽകി

Vadakara

ത​ല​ശ്ശേ​രി: സ്വ​ർ​ണ​പ്പ​ണ​യ ത​ട്ടി​പ്പ് ന​ട​ത്തി​യ സം​ഭ​വ​ത്തി​ൽ ഒ​രാ​ൾ അ​റ​സ്റ്റി​ൽ. ത​ല​ശ്ശേ​രി നി​ട്ടൂ​ർ ഗും​ട്ടി എ​ട​ച്ചോ​ളി​പ​റ​മ്പ ജ​ലാ​ലി​യ ഹൗ​സി​ൽ സാ​ഹി​റാ​ണ് (37 അ​റ​സ്റ്റി​ലാ​യ​ത്. സ്വ​ർ​ണം പ​ലി​ശ​യി​ല്ലാ​തെ മാ​ർ​ക്ക​റ്റ് വി​ല​യി​ൽ നി​ന്ന് 4000 രൂ​പ കു​റ​ച്ച് പ​ണ​യ​ത്തി​ന് എ​ടു​ക്കു​മെ​ന്നും തി​രി​കെ എ​ടു​ക്കു​ന്ന സ​മ​യം തൂ​ക്ക​ത്തി​ന് തു​ല്യ​മാ​യ പു​തി​യ സ്വ​ർ​ണാ​ഭ​ര​ണ​ങ്ങ​ൾ പ​ണി​ക്കൂ​ലി​യി​ല്ലാ​തെ ത​രു​മെ​ന്ന് പ​റ​ഞ്ഞ് വി​ശ്വ​സി​പ്പി​ച്ച് 2021 മാ​ർ​ച്ച് 15 മു​ത​ൽ ത​ല​ശ്ശേ​രി​യി​ൽ പ​ല​പ്പോ​ഴാ​യി 544 ഗ്രാം ​സ്വ​ർ​ണാ​ഭ​ര​ണ​ങ്ങ​ൾ പ​ണ​യം വെ​ച്ച് ത​ട്ടി​പ്പി​നി​ര​യാ​യി എ​ന്ന ഒ​രു വ്യ​ക്തി​യു​ടെ പ​രാ​തി​യി​ലാ​ണ് യു​വാ​വ് അ​റ​സ്റ്റി​ലാ​യ​ത്.
കാ​ലാ​വ​ധി​യാ​യ ശേ​ഷം സ്വ​ർ​ണ​ത്തി​ന് സ​മീ​പി​ച്ച​പ്പോ​ൾ തി​രി​കെ ന​ൽ​കാ​തെ പ്ര​തി​ക​ൾ വി​ശ്വാ​സ​വ​ഞ്ച​ന ചെ​യ്യു​ക​യാ​യി​രു​ന്നു. തു​ട​ർ​ന്നാ​ണ് ത​ല​ശ്ശേ​രി പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി​യ​ത്. ത​ല​ശ്ശേ​രി പൊ​ലീ​സ് സ്റ്റേ​ഷ​ൻ സ​ബ് ഇ​ൻ​സ്‌​പെ​ക്ട​ർ പ്ര​സാ​ദി​ന്റെ നേ​തൃ​ത്വ​ത്തി​ലാ​ണ് അ​റ​സ്റ്റ് ചെ​യ്ത​ത്.

സ്വർണപ്പണയ തട്ടിപ്പ്; തലശ്ശേരി സ്വദേശി അറസ്റ്റിൽ

Kannur

ബംഗളൂരു: വയനാട്ടിൽ കഴിഞ്ഞദിവസം കാട്ടാനയുടെ ആക്രമണത്തിൽ കൊല്ലപ്പെട്ട അജീഷിന്റെ കുടുംബത്തിന് 15 ലക്ഷം രൂപ നഷ്ടപരിഹാരം പ്രഖ്യാപിച്ച കോൺഗ്രസ് സർക്കാരിനെതിരെ കർണാടക ബി.ജെ.പി. സംസ്ഥാന ബി.ജെ.പി അധ്യക്ഷൻ ബി.വൈ. വിജയേന്ദ്രയാണ് കർണാടക സർക്കാറിനെ രൂക്ഷമായി വിമർശിച്ചത്. രാഹുൽ ഗാന്ധിയെ പ്രീതിപ്പെടുത്തുന്നത് ലജ്ജാകരമായ പ്രവൃത്തിയാണെന്നും അതിനു വേണ്ടിയാണ് കർണാടക സർക്കാർ ശ്രമിക്കുന്നതെന്നും അദ്ദേഹം പറഞ്ഞു. ആനയുടെ ചവിട്ടേറ്റ് കൊല്ലപ്പെട്ട വയനാട്ടിലെ ചാലിഗദ്ദയിലെ അജീഷിന്റെ കുടുംബത്തിന് തിങ്കളാഴ്ചയാണ് കർണാടക വനം മന്ത്രി ബി.ഈശ്വർ ഖന്ദ്ര നഷ്ടപരിഹാരം പ്രഖ്യാപിച്ചത്. കർണാടകയിൽ നിന്ന് റേഡിയോ കോളർ ഘടിപ്പിച്ചെത്തിയ മോഴയാന ബേലൂര്‍ മഖ്‌നയാണ് അജീഷിനെ ആക്രമിച്ചത്.
രാഹുൽ ഗാന്ധിയുടെ വയനാട് മണ്ഡലത്തിൽ നിന്ന് മരിച്ച ഒരാൾക്ക് സംസ്ഥാന ഫണ്ടായ 15 ലക്ഷം രൂപ നിയമവിരുദ്ധമായാണ് അനുവദിച്ചത്. കർണാടകയിൽ നിന്നുള്ള ആനയെ കുറ്റപ്പെടുത്തുന്നത് വഞ്ചനയാണ്. കോൺഗ്രസ് ഹൈകമാൻഡിൻ്റെ അത്യാഗ്രഹം തീർക്കാൻ കർണാടക നികുതിദായകരുടെ പണം അധാർമ്മികമായി കൊള്ളയടിച്ചതിന് മുഖ്യമന്ത്രി സിദ്ധരാമയ്യയും കൂട്ടരും ഉത്തരവാദികളാണെന്നും അദ്ദേഹം പറഞ്ഞു.

കൊല്ലപ്പെട്ട അജീഷിന്റെ കുടുംബത്തിന് നഷ്ടപരിഹാരം പ്രഖ്യാപിച്ച കർണാടകയെ കുറ്റപ്പെടുത്തി ബി.ജെ.പി

ബി.വൈ. വിജയേന്ദ്ര, കാട്ടാന ആക്രമണത്തിൽ കൊല്ലപ്പെട്ട അജീഷ്‌

കൊച്ചി: വാഹനങ്ങളിലെ പുകപരിശോധനാ സര്‍ട്ടിഫിക്കറ്റ് നൽകുന്നതിലെ തട്ടിപ്പ് തടയാൻ ആപ്പുമായി മോട്ടോർ വാഹന വകുപ്പ്. പുകപരിശോധനാകേന്ദ്രം രജിസ്റ്റര്‍ചെയ്തതിന്റെ 50 മീറ്റര്‍ ചുറ്റളവില്‍ മാത്രം പരിശോധന നടത്താൻ കഴിയും വിധം ജിയോ ടാഗ് ചെയ്ത സംവിധാനം വരും. 'പൊലൂഷന്‍ ടെസ്റ്റിങ് വിത്ത് ജിയോ ടാഗിങ്' എന്ന ആപ്പാണ് ഇതിനായി ഉപയോഗിക്കുക.
നമ്പര്‍പ്ലേറ്റിന്റെ ഫോട്ടോയും വാഹനത്തിന്റെ ഫോട്ടോയും ഈ ആപ്പ് ഉപയോഗിച്ച് പരിശോധനാ കേന്ദ്രത്തിൽ തന്നെ സ്കാൻ ചെയ്ത് അപ് ലോഡ് ചെയ്യണം. അതിനു ശേഷമേ പരിശോധനാ സംവിധാനം പ്രവർത്തിക്കയുള്ളൂ. ആപ്പ് മുഖേന ലഭിക്കുന്ന വാഹനത്തിൻ്റെ ലൊക്കേഷൻ മോട്ടോര്‍ വാഹനവകുപ്പിന് കണ്ടെത്താം.
പുക പരിശോധനയിൽ പലവിധ തട്ടിപ്പുകളാണ് കണ്ടെത്തിയത്. ഇവയിൽ മുഖ്യം വാഹന ഉടമകളുമായുള്ള അഡ്ജസ്റ്റ്മെൻ്റിൽ പരിശോധനാ കേന്ദ്രത്തിലേക്ക് വണ്ടിയുടെ പടം അയച്ചു നൽകി സർട്ടിഫിക്കറ്റ് ലഭ്യമാക്കുന്നതാണ്. ലാപ്ടോപ്പുമായി ചെന്ന് ഒന്നിച്ച് സർട്ടിഫിക്കറ്റ് നൽകുന്ന മൊബൈൽ തട്ടിപ്പ് സംവിധാനങ്ങളും സജീവം. കൂടുതൽ വാഹനങ്ങൾ ഉടമസ്ഥതയിൽ ഉള്ളവർക്കാണ് ഈ സൌകര്യം നൽകിയിരുന്നത്. വ്യാജമായി സര്‍ട്ടിഫിക്കറ്റ് നല്‍കുന്നതിനെതിരേ പുകപരിശോധനാ കേന്ദ്രങ്ങളുടെ അസോസിയേഷനുകളും രംഗത്തുവന്നു.
പുക പരിശോധന ആറുമാസത്തിൽ ആവർത്തിക്കേണ്ടുന്നത് പലപ്പോഴും ഉടമകൾക്ക് പൊല്ലാപ്പാണ്. വാഹനങ്ങൾ സർവ്വീസ് നടത്തുമ്പോൾ തന്നെ അതിൻ്റെ ഭാഗമായി പുകപരിശോധനയും നടത്തുന്ന സംവിധാനം നിർബന്ധമാക്കുന്ന സംവിധാനം വേണമെന്ന ആവശ്യം ഉയർന്നരുന്നു. ഇത് നടപ്പായില്ല. പകരം അഡ്ജസ്റ്റ്മെൻ്റ് സംവിധാനത്തിലേക്കാണ് ഇത് നയിച്ചത്. ഇതിനെ മറികടക്കാനാണ് വകുപ്പിൻ്റെ ആപ്പ്.
ഒരു പരിശോധനാ കേന്ദ്രത്തിലെ മൂന്ന് ഫോണിലാണ് ഈ ആപ്പ് ഇന്‍സ്റ്റാള്‍ ചെയ്യാനാവുക. കേന്ദ്രം നടത്തിപ്പുകാര്‍ അതത് ജില്ലയിലെ ആര്‍.ടി.ഒ. ഓഫീസിൽ ഫോണ്‍ ഹാജരാക്കി വേണം ആപ്പ് ഇന്‍സ്റ്റാള്‍ ചെയ്യിക്കാൻ. ഈ സമയത്ത് തന്നെ സ്ഥാപനത്തിൻ്റെ ലൊക്കേഷനും മാർക്ക് ചെയ്ത് നിശ്ചയിക്കപ്പെടും. ജിയോ മാപ്പിങ് സംവിധാനമുള്ള ആപ്പ് നാഷണല്‍ ഇന്‍ഫര്‍മാറ്റിക് സെന്ററാണ് നിര്‍മിച്ചത്.

വാഹനങ്ങളിലെ പുകപരിശോധന ഇനി ആപ്പിൽ; തട്ടിപ്പ് നടക്കില്ലെന്ന് മോട്ടോർ വാഹന വകുപ്പ്

കൊച്ചി: പിണറായി വിജയൻ ജയിലിൽ കിടക്കേണ്ട സമയം കഴിഞ്ഞുവെന്ന് കെ. സുധാകരൻ എം.പി. ലൈഫ് മിഷൻ കേസിൽ ശിവശങ്കർ അകത്ത് പോയെങ്കിൽ പിണറായി വിജയനും ജയിലിൽ കിടക്കേണ്ടതല്ലെയെന്നും അദ്ദേഹം ചോദിച്ചു. സമരാഗ്നി വേദിയിലായിരുന്നു വിമർശനം.&nbsp;&nbsp;
ഫെബ്രുവരി 9 ന് തുടങ്ങിയ സമരാഗ്നി പ്രക്ഷോഭ യാത്ര 10 ദിവസം പിന്നിട്ടാണ് എറണാകുളം ജില്ലയിൽ പ്രവേശിച്ചത്. ആലുവയിൽ നടന്ന പൊതുസമ്മേളനം രമേശ് ചെന്നിത്തല ഉദ്ഘാടനം ചെയ്തു. സമരം നയിക്കുന്ന പ്രതിപക്ഷ നേതാവ് വി.ഡി സതീശനും കെപിസിസി പ്രസിഡന്‍റ് കെ.സുധാകരനും മുഖ്യമന്ത്രി പിണറായി വിജയനെതിരെയും സംസ്ഥാന സർക്കാരിനെതിരെയും ആഞ്ഞടിച്ചു.

പിണറായി വിജയൻ ജയിലിൽ കിടക്കേണ്ട സമയം കഴിഞ്ഞു; കെ. സുധാകരൻ

ടി.പി. ചന്ദ്രശേഖരൻ വധക്കേസിലെ പ്രതികളുടെ ശിക്ഷ ശരി വയ്ക്കുകയും, രണ്ടു പ്രതികളെ വിചാരണക്കോടതി വെറുതേവിട്ടത് റദ്ദാക്കുകയും ചെയ്ത ഹൈക്കോടതി വിധിയിൽ പ്രതികരണവുമായി നടൻ ഹരീഷ് പേരടി. 'ചുകപ്പ്, അത് ആരുടെയും തറവാട്ട് സ്വത്തല്ലെന്ന് മരിച്ചിട്ടും ഒരിക്കൽ കൂടി ഉറക്കെ പറയുന്ന ടിപി'' എന്നാണ് ഹരീഷ് ഫേസ്ബുക്കിൽ കുറിച്ചത്. വെട്ടിയരിഞ്ഞിട്ടും മുറിവ് കൂടി ഉയിർത്തെഴുന്നേൽക്കുന്ന സഖാവ് എന്നും ടി.പി ചന്ദ്രശേഖരനെ ഹരീഷ് വിശേഷിപ്പിച്ചു.

''ചുകപ്പ്, അത് ആരുടെയും തറവാട്ട് സ്വത്തല്ലെന്ന് മരിച്ചിട്ടും ഒരിക്കൽ കൂടി ഉറക്കെ പറയുന്ന  ടി പി''; കുറിപ്പുമായി ഹരീഷ് പേരടി

മുംബൈ: നടന്‍ ഋതുരാജ് സിംഗ് (59) അന്തരിച്ചു. പാന്‍ക്രിയാസ് സംബന്ധമായ രോഗത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചിരിക്കുകയായിരുന്നു. ഹൃദയാഘാതത്തെ തുടര്‍ന്ന് തിങ്കളാഴ്ച രാത്രിയായിരുന്നു അന്ത്യം. ഋതുരാജ് സിംഗിന്റെ സുഹൃത്തായ അമിത് ബേലാണ് മരണം സ്ഥിരീകരിച്ചത്. നടന്‍മാരായ അനുപം ഖേര്‍, അര്‍ഷാദ് വര്‍സി, സോനു സൂദ്, സംവിധായകരായ വിവേക് അഗ്നിഹോത്രി, ഹന്‍സല്‍ മെഹ്ത തുടങ്ങിയവര്‍ നടന്റെ വിയോഗത്തില്‍ അനുശോചനം രേഖപ്പെടുത്തി.
ഋതു രാജിന്റെ വിയോഗത്തില്‍ തനിക്ക് അതിയായ ദുഃഖമുണ്ട്. ഒരേ ബില്‍ഡിംഗിലാണ് താമസിച്ചിരുന്നത്. ഒരു സുഹൃത്തിനെയും മികച്ച നടനെയും നഷ്ടപ്പെട്ടുവെന്ന് അര്‍ഷാദ് വാര്‍സി കുറിച്ചു. ഋതുരാജിന്റെ ഒരു ടെലിവിഷന്‍ സീരീയല്‍ കുറച്ചുകാലം സംവിധാനം ചെയ്യാന്‍ അവസരം ലഭിച്ചിട്ടുണ്ട്. അതിനു ശേഷം അടുത്ത സുഹൃത്തുക്കളായി മാറി. ഒരുമിച്ച് ചെലവഴിച്ച ഓര്‍മകള്‍ എന്നും കൂടെയുണ്ടാകുമെന്ന് ഹന്‍സല്‍ മേഹ്ത പറഞ്ഞു.
രാജസ്ഥാനിലെ കോട്ട സ്വദേശിയായ ഋതുരാജ് ടെലിവിഷന്‍ സീരിയല്‍ രംഗത്ത് പ്രശസ്തനാണ്. 1989-ലാണ് അഭിനയരംഗത്തെത്തുന്നത്. മൂന്ന് പതിറ്റാണ്ടുകളിലേറെയായി അന്‍പതോളം സീരിയലുകളില്‍ വേഷമിട്ടു. 1992-ല്‍ റിലീസ് ചെയ്ത മിസ് ബെറ്റീസ് ചില്‍ഡ്രനിലൂടെയാണ് സിനിമാരംഗത്തെത്തുന്നത്. ഹം തും ഓര്‍ ഖോസ്റ്റ്, ബദരീനാഥ് കി ദുല്‍ഹനിയ, തുനിവ് തുടങ്ങിയ ചിത്രങ്ങളിലും വേഷമിട്ടു. കഴിഞ്ഞ വര്‍ഷം പുറത്തിറങ്ങിയ യാരിയന്‍ 2 ആയിരുന്നു അവസാന ചിത്രം. ദ ടെസ്റ്റ് കേസ്, ഹേ പ്രഭു, ക്രിമിനല്‍, അഭയ്, ബന്ദിഷ് ബാന്‍ഡിറ്റ്സ്, നെവര്‍ കിസ് യുവര്‍ ബെസ്റ്റ് ഫ്രണ്ട്, മെയ്ഡ് ഇന്‍ ഹെവന്‍, ഇന്ത്യന്‍ പോലീസ് ഫോഴ്‌സ് തുടങ്ങിയ വെബ് സീരീസുകളില്‍ അഭിനയിച്ചിട്ടുണ്ട്.

നടന്‍ ഋതുരാജ് സിംഗ് അന്തരിച്ചു

ദോഹ: മെഡിക്കൽ പ്രൊഫഷൻ നിയമങ്ങൾക്ക് വിരുദ്ധമായ പ്രവൃത്തികളിൽ ഏർപ്പെട്ടതിനും വ്യാജരേഖ ചമച്ചതിനുമായി, സ്വകാര്യ മെഡിക്കൽ സെൻ്ററിൽ ജോലി ചെയ്യുന്ന രണ്ട് ഡോക്ടർമാരെയും പ്രൈമറി ഹെൽത്ത് കെയർ കോർപ്പറേഷനിലെ നഴ്‌സിനേയും സഹിതം ക്രിമിനൽ കോടതിയിലേക്ക് റഫർ ചെയ്തു.
ഔദ്യോഗിക അവധികൾ ലഭിക്കുന്നതിനായി സർക്കാർ ഏജൻസികളിൽ ജോലി ചെയ്യുന്ന നിരവധി വ്യക്തികൾക്കുൾപ്പടെ വ്യാജ മെഡിക്കൽ സർട്ടിഫിക്കറ്റുകൾ ചമച്ചു നൽകി എന്നതാണ് ഇവർക്കെതിരെ തെളിയിക്കപ്പെട്ട കുറ്റം. ഇതിന് പകരമായി പ്രതികൾ അനധികൃതമായി പണം സമ്പാദിച്ചതായി അന്വേഷണത്തിൽ തെളിഞ്ഞെന്ന് റിപ്പോർട്ടിൽ പറയുന്നു.&nbsp;&nbsp;
കുറ്റാരോപിതരായ ഡോക്ടർമാർ മെഡിക്കൽ പ്രൊഫഷൻ്റെ നൈതികതയും നിയമങ്ങളും ലംഘിച്ചതിന് പുറമെ, പ്രതികൾ നടത്തിയ വ്യാജരേഖ ചമയ്ക്കൽ ഉൾപ്പെടെയുള്ളവ ഗുരുതരമായ കുറ്റമാണ്,” പ്രോസിക്യൂഷൻ പറഞ്ഞു.
“പബ്ലിക് ഹെൽത്ത് മന്ത്രാലയവുമായി ഏകോപിപ്പിച്ച് മുമ്പ് അറസ്റ്റിലായ പ്രതികളുടെ അന്വേഷണം പ്രോസിക്യൂഷൻ പൂർത്തിയാക്കിയിരുന്നു. ജുഡീഷ്യൽ അധികാരമുള്ള മന്ത്രാലയത്തിലെ ജീവനക്കാർ ഈ കുറ്റകൃത്യങ്ങൾ പുറത്തുകൊണ്ടുവരുകയും അവയെക്കുറിച്ച് റിപ്പോർട്ടുകൾ സമർപ്പിക്കുകയും പബ്ലിക് പ്രോസിക്യൂഷന് റഫർ ചെയ്യുകയും ചെയ്തു,” അധികൃതർ പ്രസ്താവനയിൽ പറഞ്ഞു.

മെഡിക്കൽ ലീവ് സർട്ടിഫിക്കറ്റുകൾ വ്യാജമായി നിർമിച്ചു; ഖത്തറിൽ ഡോക്ടർമാർ ഉൾപ്പെടെ അറസ്റ്റിൽ

Gulf

വടകര: വർഷങ്ങളായ് നാലു ചുമരുകൾക്കുള്ളിൽ തളക്കപ്പെട്ടവരും അപകടത്തിൽപ്പെട്ട് കിടപ്പിലായവരും, പ്രായാധിക്യത്താൽ അവശരായവരുമായ കിടപ്പു രോഗികൾക്കായ് സാന്റ് ബേങ്ക്സിൽ കുടുംബ സംഗമം സംഘടിപ്പിച്ചു. വടകര നഗരസഭാ ചെയർ പെഴ്സൺ ബിന്ദു കെ.പി. ഉദ്ഘാടനം ചെയ്തു. ചോറോട് ഗ്രാമ പഞ്ചായത്ത് പ്രസിഡണ്ട് പി.പി. ചന്ദ്രശേഖരൻ അദ്ധ്യക്ഷത വഹിച്ചു.
പ്രശസ്ത നിനിമാ ഗാന സംവിധായകൻ പ്രേംകുമാർ വടകര മുഖ്യ അതിഥിയായിരുന്നു. മെഡിക്കൽ ഓഫിസർ ഡോ. ബിജുനേഷ് റിപ്പോർട്ട് അവതരിപ്പിച്ചു. ഗ്രാമ പഞ്ചായത്ത് വൈസ് പ്രസിഡണ്ട് രേവതി പെരുവാണ്ടിയിൽ, സ്ഥിരം സമിതി അംഗങ്ങളായ കെ. മധുസൂദനൻ, സി. നാരായണൻ, ശ്യാമള പൂവ്വേരി, ബ്ലോക്ക് പഞ്ചായത്ത് അംഗം ഗീത മോഹൻ, പഞ്ചായത്തംഗം ജംഷിദ, ടി.എം രാജൻ, രാജേഷ് ചോറോട്, കെ.എം. നാരായണൻ, എം.സി. കരീം, രാജേഷ് കെ.പി, കെ.കെ. രാമചന്ദ്രൻ, വടകര കോസ്റ്റൽ സ്റ്റേഷൻഎസ്.ഐ എൻ. അബ്ദുൽ സലാം എന്നിവർ പ്രസംഗിച്ചു. കലാപരിപാടികൾ, ജാനു തമാശകൾ, കോമഡി പരിപാടികൾ എന്നിവയും ഉണ്ടായി.

ചോറോട് പഞ്ചായത്ത് പാലിയേറ്റീവ് കുടുംബ സംഗമം നടത്തി

ഹൈദരാബാദ്: ചിരി നന്നാക്കാനുള്ള ശസ്ത്രക്രിയക്കിടെ പ്രതിശ്രുത വരൻ മരിച്ചതായി പരാതി. ലക്ഷ്മി നാരായണ വിൻജം എന്ന 28കാരനാണ് വിവാഹത്തിന് ദിവസങ്ങൾക്ക് മുമ്പ് മരണപ്പെട്ടത്. ഹൈദരാബാദ് ജൂബി​ലി ഹിൽസിലെ എഫ്.എം.എസ് ഇന്റർനാഷനൽ ദന്തൽ ക്ലിനിക്കിനെതിരെയാണ് പരാതി.
അനസ്തേഷ്യയിലെ പിഴവാണ് മരണകാരണമെന്ന് പിതാവ് രാമുലു വിൻജം ആരോപിച്ചു. ശസ്ത്രക്രിയക്കിടെ മകന് ബോധക്ഷയമുണ്ടായതിനെ തുടർന്ന് ജീവനക്കാർ വിളിച്ച് ക്ലിനിക്കിലേക്ക് വരാൻ പറഞ്ഞു. ഞങ്ങളെത്തി അടുത്തുള്ള ആശുപത്രിയിൽ എത്തിച്ചപ്പോഴേക്കും മരിച്ചിരുന്നു. ശാരീരിക പ്രയാസങ്ങളൊന്നുമില്ലാത്തതിനാൽ മകൻ ശസ്ത്രക്രിയയുടെ വിവരം വീട്ടുകാരോട് പറഞ്ഞിരുന്നില്ലെന്നും മരണത്തിന് ഉത്തരവാദികൾ ഡോക്ടർമാരാണെന്നും അദ്ദേഹം പറഞ്ഞു. കുടുംബത്തിന്റെ പരാതിയിൽ ക്ലിനിക്കിനെതിരെ കേസെടുത്തിട്ടുണ്ട്.

വിവാഹത്തിന് മുൻപ് ചിരി നന്നാക്കാനുള്ള ശസ്ത്രക്രിയ നടത്തിയ യുവാവ് മരിച്ചു

പാലക്കാട്: ഗ്രൈന്‍ഡറില്‍ തേങ്ങ ചിരകുന്നതിനിടെ ചുരിദാറിന്‍റെ ഷാള്‍ കുരുങ്ങി കഴുത്തു മുറുകി യുവതി മരിച്ചു. ഒറ്റപ്പാലം മീറ്റ്‌ന വിജയമന്ദിരത്തില്‍ രജിത (40) ആണ് മരിച്ചത്. ഭർത്താവ് വിജയരാഘവൻ മീറ്റ്നയിൽ നടത്തുന്ന ഹോട്ടലിൽ ഞായറാഴ്‌ച ഉച്ചയോടെയായിരുന്നു അപകടം. രജിതയുടെ കഴുത്തിലുണ്ടായിരുന്ന ഷാൾ, പ്രവർത്തിച്ചുകൊണ്ടിരുന്ന ഗ്രൈൻഡറിലെ ചിരവയിൽ കുരുങ്ങുകയായിരുന്നു. സംഭവസമയത്തു വിജയരാഘവൻ പുറത്തു പാത്രം കഴുകുകയായിരുന്നു. തിരികെ അകത്തു കയറിയപ്പോഴാണ് രജിതയെ കഴുത്തിൽ ഷാൾ മുറുകിയ നിലയിൽ കണ്ടെത്തിയത്.
കണ്ണിയംപുറത്തെ സ്വകാര്യ ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിക്കപ്പെട്ട രജിത ഇന്നലെ രാത്രിയാണു മരിച്ചത്. മക്കൾ: അഞ്ജു, മഞ്ജു.

ഗ്രൈന്‍ഡറില്‍ ഷാള്‍ കുരുങ്ങി വീട്ടമ്മ മരിച്ചു

വിലങ്ങാട്: മരിയ ഗിരി വാളുക്ക് പന്നി മലക്കുന്നേൻ വർക്കി (കുഞ്ഞേട്ടൻ 72) നിര്യാതനായി. ഭാര്യ; അന്നമ്മ അരീപറമ്പിൽ. മക്കൾ; മിന്നു മനോജ് (ലണ്ടൻ), ജോയൽ (ഫെഡറൽ ബാങ്ക് മനേജർ കോട്ടയം). മരുമക്കൾ; മനോജ് അരഞ്ഞാണിയിൽ തൊടുപുഴ (ലണ്ടൻ), റിയ കിഴക്കെ പറമ്പിൽ കോട്ടയം.&nbsp;

വിലങ്ങാട് പന്നി മലക്കുന്നേൻ വർക്കി നിര്യാതനായി

Obituary

ഓർക്കാട്ടേരി: എടച്ചേരി പഞ്ചായത്തിലെ ആറാം വാർഡിൽപെടുന്ന തെക്കെ തയ്യുള്ളതിൽ മുക്ക് - നടുക്കണ്ടിത്താഴെ പഞ്ചായത്ത് കിണർ കോൺക്രീറ്റ് റോഡ് കെ.മുരളീധരൻ എം.പി ഉദ്ഘാടനം ചെയ്തു. എം പി ഫണ്ടിൽ നിന്നും അനുവദിച്ച പത്തര ലക്ഷത്തോളം രൂപ ചിലവഴിച്ചാണ് കോൺക്രീറ്റ് റോഡ് നിർമിച്ചത്. എടച്ചേരി ഗ്രാമപഞ്ചായത്ത് വൈസ് പ്രസിഡന്റ് എം രാജൻ അധ്യക്ഷത വഹിച്ചു.&nbsp;
വാർഡ് മെമ്പർ എം.കെ സുജാത, നിർമ്മാണ കമ്മറ്റി കൺവീനർ നടുക്കണ്ടി കുഞ്ഞിരാമൻ, മോഹനൻ പാറക്കടവ്, കെ.കെ കുഞ്ഞിരാമൻ, ആർ.ടി ഉസ്മാൻ , എം.കെ പ്രേംദാസ്, വത്സരാജ് മണലാട്ട്, സന്തോഷ് കക്കാട്ട് , വി. പി സുരേന്ദ്രൻ, അബ്ദുള്ള കാട്ടിൽ എന്നിവർ ആശംസകളർപ്പിച്ചു സംസാരിച്ചു. ഇരിങ്ങണ്ണൂർ ലേബർ കോൺട്രാക്ട് കോ. ഓപ് സൊസൈറ്റിയാണ് 15 ദിവസം കൊണ്ട് റോഡ് പണി പൂർത്തീകരിച്ചത്.

കോൺക്രീറ്റ് റോഡ് ഉദ്ഘാടനം ചെയ്തു

മലപ്പുറം: ലോക്സഭ തെരഞ്ഞെടുപ്പിൽ മൂന്നാം സീറ്റിന്‍റെ കാര്യത്തിൽ ചർച്ച വഴിമുട്ടിയിട്ടില്ലെന്ന് മുസ്‌ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി. ചർച്ച നടക്കുകയാണ്. എപ്പോഴും അതിനെ കുറിച്ച് പറഞ്ഞുകൊണ്ടിരിക്കേണ്ടല്ലോ. പ്രതിപക്ഷ നേതാവും സാദിഖലി ശിഹാബ് തങ്ങളും ഫോൺ വഴി ചർച്ച നടത്തുന്നുണ്ട്. യു.ഡി.എഫ് യോഗത്തിന് ശേഷം അന്തിമ തീരുമാനം പ്രഖ്യാപിക്കുമെന്നും കുഞ്ഞാലിക്കുട്ടി പറഞ്ഞു.
പ്രധാന പാർട്ടികൾ ഒന്നും സ്ഥാനാർഥി പ്രഖ്യാപനം നടത്തിയിട്ടില്ല. ഇപ്പോൾ ചർച്ച നടക്കുന്നത് ലോക്സഭ സീറ്റിനെകുറിച്ചാണ്. രാജ്യസഭ സീറ്റിനെ കുറിച്ച് ചർച്ചയേ നടക്കുന്നില്ല. അത്തരം ചർച്ചകൾ ഭാവനാവിലാസം മാത്രമാണെന്നും കുഞ്ഞാലിക്കുട്ടി വ്യക്തമാക്കി.
മൂന്നാം സീറ്റ് സംബന്ധിച്ച് യു.ഡി.എഫിൽ പ​ല​വ​ട്ടം അ​നൗ​പ​ചാ​രി​ക ച​ർ​ച്ച​ക​ൾ ന​ട​ന്നെ​ങ്കി​ലും ലീ​ഗി​ന്‍റെ ആ​വ​ശ്യ​ത്തോ​ട്​ അ​നു​കൂ​ല​മാ​യോ പ്ര​തി​കൂ​ല​മാ​യോ കോ​ൺ​ഗ്ര​സ്​ ഇതുവരെ പ്ര​തി​ക​രി​ച്ചിട്ടില്ല. മുസ്‌ലിം ലീഗിന് മൂന്നാം സീറ്റ് ഉണ്ടാവില്ലെന്നും പകരം രാജ്യസഭാ സീറ്റ് നൽകാനാണ് യു.ഡി.എഫിൽ ആലോചനയെന്നും അഭ്യൂഹമുണ്ടായിരുന്നു. ഇത്തരം ചർച്ചകൾ ഭാവന മാത്രമാണെന്നാണ് കുഞ്ഞാലിക്കുട്ടി വ്യക്തമാക്കിയത്.

മൂന്നാം സീറ്റ്: ലീഗിന്റെ കാര്യത്തിൽ ചർച്ച തുടരുമെന്ന് കുഞ്ഞാലിക്കുട്ടി

നാദാപുരം: ചേലക്കാട് തട്ടുകടയിൽനിന്ന് അൽഫാമും പൊറോട്ടയും പാഴ്സൽ വാങ്ങി കഴിച്ച ഗൃഹനാഥയെയും മകനെയും ദേഹാസ്വാസ്ത്യത്തെ തുടർന്ന് ആശുപത്രിയിൽ പ്രവേശിപ്പിച്ചു . വയറുവേദന, ഛർദ്ദി എന്നീ ലക്ഷണങ്ങൾ കണ്ടതിനെ തുടർന്നാണ് ഇവർ ആശുപത്രിയിൽ ചികിത്സ തേടിയത്. ഭക്ഷ്യ വിഷബാധയാണെന്ന സംശയത്തെ തുടർന്ന് തട്ടുകട അടച്ചുപൂട്ടാൻ ആരോഗ്യവകുപ്പ് നിർദേശം നൽകി.&nbsp;
തട്ടുകടയിൽ ഭക്ഷണം ഉണ്ടാക്കുന്ന സ്ഥലം വൃത്തിഹീനമാണെന്ന് പരിശോധനയിൽ കണ്ടെത്തി. തൊഴിലാളികൾക്ക് ഹെൽത്ത് കാർഡ് ഇല്ല. ഗുണനിലവാര പരിശോധന നടത്താത്ത വെള്ളമാണ് ഉപയോഗിക്കുന്നത്. കാലപ്പഴക്കം ചെന്ന പാത്രങ്ങൾ ഉപയോഗിച്ചാണ് ഭക്ഷണം തയാറാക്കുന്നത്.
ഗുണ നിലവാരമില്ലാത്ത പ്ലാസ്റ്റിക് പാത്രങ്ങളിൽ ഭക്ഷണപദാർഥങ്ങൾ സൂക്ഷിക്കുന്നതായും പരിശോധനയിൽ കണ്ടെത്തി. ജെഎച്ച്ഐ ബാബു.കെ, പ്രസാദ്.സി എന്നിവരുടെ നേതൃത്വത്തിലുള്ള ഉദ്യോഗസ്ഥർ സ്ഥാപനം പരിശോധിച്ചു. താലൂക്ക് ആശുപത്രി ഹെൽത്ത് ഇൻസ്പെക്ടർ സുരേന്ദ്രൻ കല്ലേരിക്ക് നൽകിയ റിപ്പോർട്ടിനെ തുടർന്നാണ് നടപടി.&nbsp;

പാഴ്സൽ വാങ്ങിയ അൽഫാം കഴിച്ച് വയറുവേദനയും ഛർദ്ദിയും; ചേലക്കാട് തട്ടുകട അടച്ചുപൂട്ടാൻ നിർദേശം

Nadapuram

മലപ്പുറം: എടവണ്ണപ്പാറയിൽ ഹയർ സെക്കൻഡറി സ്കൂൾ വിദ്യാർഥിനി പുഴയിൽ മുങ്ങിമരിച്ച സംഭവത്തിൽ ദുരൂഹത ആരോപിച്ചു നാട്ടുകാർ. വെട്ടത്തൂർ സ്വദേശി വളച്ചിട്ടിയിൽ സിദ്ദിഖിന്റെ മകൾ സന ഫാത്തിമയെയാണ് (17) ചാലിയാർ പുഴയിൽ മരിച്ചനിലയിൽ കണ്ടെത്തിയത്. കഴിഞ്ഞ ദിവസം രാത്രി ഏഴ് മണിയോടെയാണു സംഭവം.
കുട്ടിയെ കാണാതായ രക്ഷിതാക്കളും നാട്ടുകാരും നടത്തിയ തിരച്ചിലിലാണ് പുഴയിൽ ദുരൂഹ സാഹചര്യത്തിൽ സനയെ കണ്ടത്. ഉടനെ വാഴക്കാട് സ്വകാര്യ ആശുപത്രിയിൽ പ്രവേശിപ്പിച്ചങ്കിലും മരണം സ്ഥിരീകരിക്കുകയായിരുന്നു. പഠിക്കാൻ മിടുക്കിയായ വിദ്യാർഥിനിയുടെ മരണത്തിൽ ദുരൂഹതയുണ്ടെന്നും അന്വേഷണം നടത്തണമെന്നുമാണ് നാട്ടുകാരുടെ ആവശ്യം.

വിദ്യാർഥിനി പുഴയിൽ മരിച്ച നിലയിൽ; ദുരൂഹതയെന്ന് നാട്ടുകാർ

വടകര: പുത്തൂർ എ കെ ജി വായനശാല ആർട്സ് ആൻഡ് സ്പോർട്സ് ക്ലബ്ബിന്റെ നേതൃത്വത്തിൽ സംഘടിപ്പിച്ച ഉത്തരമേഖലാ വോളിബോൾ ടൂർണമെന്റിൽ വടകര വീവൺ സ്പോർട്സ് ക്ലബ്ബ് ജേതാക്കളായി. രണ്ടിനെതിരെ മൂന്ന് സെറ്റുകൾക്ക് വോളി ലവേഴ്‌സിനെയാണ് പരാജയപ്പെടുത്തിയത്. സ്‌കോർ :25-20,20-25,25-19,23-25,15-13. സമാപന പരിപാടി കെ പി കുഞ്ഞമ്മദ് കുട്ടി എം എൽ എ ഉദ്ഘാടനം ചെയ്തു. ഗ്രാമാന്തരങ്ങളിൽ മത്സരങ്ങളും കളിയും നടക്കാത്തത് കളി കളങ്ങളുടെ എണ്ണം കുറയുന്നത് കൊണ്ടാണെന്നും എം എൽ എ പറഞ്ഞു. നിലവിലത്തെ കളി സ്ഥലങ്ങൾ സംരക്ഷിക്കാൻ സംസ്ഥാന സർക്കാർ വലിയ പ്രാധാന്യം നൽകി വരുന്നുണ്ട്.
എല്ലാ തദ്ദേശ്ശ സ്വയം ഭരണ സ്ഥാപനങ്ങളും വാർഡ് അടിസ്ഥാനത്തിലെങ്കിലും ഒരു കളി സ്ഥലം ഒരുക്കണമെന്നാണ് സംസ്ഥാന സ്പോർട്സ് കൗൺസിലിന്റെ താല്പര്യമെന്നും എം എൽ എ പറഞ്ഞു. പി സോമശേഖരൻ അധ്യക്ഷത വഹിച്ചു. സി പി എം ഒഞ്ചിയം ഏരിയാ സെക്രട്ടറി ടി പി ബിനീഷ് വിജയികൾക്കുള്ള സമ്മാനദാനം നിർവഹിച്ചു. തലശ്ശേരി ഫയർ ആൻഡ് റെസ്ക്യൂ ഓഫീസറും വോളിബോൾ താരവുമായ വാസത്ത് ചോയ്യച്ചൻ കണ്ടി ലഹരി മുക്ത പ്രതിജ്ഞ ചൊല്ലി കൊടുത്തു. പുറന്തോടത്ത് സുകുമാരൻ, സി വി വിജയൻ, രാഘവൻ മാണിക്കോത്ത്, പുറന്തോടത്ത് ഗംഗാധരൻ, ടി ശ്രീനിവാസൻ, കാഞ്ചന ബാലൻ, കെ വത്സൻ, എം രാജൻ, കെ സുരേഷ്, മേത്താടി രാജീവൻ എന്നിവർ സംസാരിച്ചു.

ഉത്തര മേഖലാ വോളി; വടകര വീവൺ ജേതാക്കൾ

വടകര: പുത്തൂർ ഗവ.ഹയർ സെക്കണ്ടറി സ്കൂളിനോട് ചേർന്നുള്ള നഗരസഭാ മിനി സ്റ്റേഡിയത്തിന് മരണ മണി. കായിക പ്രേമികളുടേയും നാട്ടുകാരുടെയും എതിർപ്പ് മറി കടന്ന് സ്റ്റേഡിയത്തിൽ സ്കൂളിന് കെട്ടിടം നിർമ്മിക്കാനുള്ള നടപടിയുമായി സ്കൂൾ അധികൃതർ മുന്നോട്ട് പോവുകയാണ്. ഒരു വാർഡിൽ ഒരു കളിസ്ഥലം എന്ന സർക്കാരിന്റെ തീരുമാനത്തിന് പുല്ലുവില കല്പിക്കുന്നതാണ് ഈ നടപടിയെന്ന് കായിക പ്രേമികളും നാട്ടുകാരും പറഞ്ഞു. അതെ സമയം കളിസ്ഥലങ്ങളിൽ കെട്ടിടം നിർമിക്കരുതെന്ന് പൊതു വിദ്യാഭ്യാസ ഡയറക്ടറുടെ ഉത്തരവും നിലനിൽക്കെയാണ് ജില്ലയിലെ തന്നെ എല്ലാ സൗകര്യവുമായുള്ള സ്റ്റേഡിയത്തിൽ കെട്ടിട നിർമാണവുമായി നഗരസഭയും സ്കൂൾ അധികൃതരും മുന്നോട്ട് പോകുന്നത്. കെട്ടിട നിർമാണത്തിന്റെ ശിലാസ്ഥാപനം 26 ന് നടത്താൻ വേണ്ടി സ്കൂളിൽ വെച്ച് സംഘാടക സമിതി രൂപീകരിക്കാനും യോഗം ചേരുന്നുണ്ട്. കെട്ടിടം പണിയാനുള്ള മറ്റു സ്ഥലങ്ങൾ ലഭ്യമായിരിക്കെ ദിനം പ്രതി നൂറ് കണക്കിന് കായിക താരങ്ങൾ കളിക്കുകയും, പ്രാക്ടീസ് ചെയ്യുകയും ചെയ്യുന്ന സ്റ്റേഡിയംതന്നെ കെട്ടിടം പണിയാൻ തെരഞ്ഞെടുത്തതാണ് പ്രതിഷേധം ഉയരാൻ ഇടയാക്കിയത്.
1998 ൽ സർക്കാർ വിദ്യാലയങ്ങളുടെ നടത്തിപ്പ് തദ്ദേശസ്ഥാപനങ്ങൾക്ക് കൈമാറിയത്. ഇതിനു ശേഷമാണ് കെ ശങ്കരക്കുറുപ്പ് ചെയർമാനായിരുന്ന സമയത്ത് വെള്ളം കെട്ടി നിൽക്കുന്ന സ്ഥലം മണ്ണിട്ട് നികത്തി സ്റ്റേഡിയമാക്കാൻ നടപടികൾ ആരംഭിച്ചത്. തുടർന്ന് പല ഘട്ടങ്ങളിലായി പ്രവൃത്തികൾക്കായി ലക്ഷങ്ങൾ ചെലവഴിച്ചാണ് സ്റ്റേഡിയം ഇന്നത്തെ നിലയിൽ രൂപപ്പെടുത്തിയത്. സ്കൂളിൻ്റെ തന്നെ ഉടമസ്ഥതയിലുള്ള 60 സെൻ്റിലധികം ഭൂമി തൊട്ടപ്പുറത്ത് ഒഴിഞ്ഞു കിടക്കുമ്പോഴാണ് മഹത്തായ ഈ കളിക്കളത്തെ ഇല്ലാതാക്കുന്നത്. സ്കൂൾ ഗ്രൗണ്ടുകൾ കെട്ടിടം പണിയാൻ ഉപയോഗിക്കരുതെന്ന വിദ്യാഭ്യാസമന്ത്രിയുടെ ഉത്തരവ് പോലും കാറ്റിൽ പറത്തിയാണ് ഈ നടപടി. 50 സെൻ്റ് സ്ഥലം ഇതിനായി സ്റ്റേഡിയത്തിന് നഷ്ടമാകും. ഡയറ്റിൻ്റെ ഉപയോഗശൂന്യമായ സ്ഥലം കിട്ടുന്നതിന് ഒരു ശ്രമം പോലും ആരും നടത്തിയില്ല. വോളിബോൾ ,ക്രിക്കറ്റ്, ഫുട്ബോൾ എന്നിവ കളിക്കാൻ കഴിയുന്ന നഗരസഭയുടെ കൈയിലുള്ള ഒരേ ഒരു ഗ്രൗണ്ട് കെട്ടിട നിർമാണം ആരംഭിക്കുന്നതോടെ മരണ മണി മുഴങ്ങിയിരിക്കുകയാണ്.

പുത്തൂർ സ്റ്റേഡിയത്തിന് മരണ മണി

തിരുവനന്തപുരം: പോക്സോ കേസിൽ തമിഴ്‌നാട് സ്വദേശിയായ വയോധികനെ പോലീസ് അറസ്റ്റ് ചെയ്തു. തെങ്കാശി കടയന്നല്ലൂർ പുളികയൻകുടി പുതുക്കുടി ശിവരാമു നഗറിൽ ധനപാൽ ദുരൈയെ (61) ആണ് വലിയതുറ പോലീസ് അറസ്റ്റുചെയ്തത്. പെൺകുട്ടിയെ എട്ടുവയസിലും 15-ാം വയസിലും ഇയാൾ പീഡിപ്പിച്ചിച്ചുവെന്നാണ് പരാതി.
മാനസികാസ്വാസ്ഥ്യമുണ്ടായ കുട്ടി മെഡിക്കൽ കോളേജിലെ സൈക്യാട്രിക് വിഭാഗത്തിൽ ചികിത്സയിൽ പ്രവേശിച്ചതോടെയാണ് പീഡന വിവരം പുറത്തുവരുന്നത്. ഡോക്ടർ വലിയതുറ പോലീസിന് നൽകിയ വിവരത്തെ തുടർന്നായിരുന്നു പ്രതി അറസ്റ്റിലായത്.
എസ്.എച്ച്.ഒ. അശോക കുമാർ, എസ്.ഐമാരായ ശ്യാമകുമാരി, ട്വിങ്കിൾ ശശി, സി.പി.ഒമാരായ ശ്രീജിത്, ശിബി എന്നിവർ ചേർന്നാണ് പ്രതിയെ അറസ്റ്റുചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

പീഡനത്തെ തുടർന്ന് പെൺകുട്ടിക്ക് മാനസികാസ്വാസ്ഥ്യം; പോക്സോ കേസിൽ വയോധികൻ അറസ്റ്റിൽ

അഴിയൂർ: അവകാശ സംരക്ഷണത്തിന്റെ ഏഴര പതിറ്റാണ്ട് പ്രമേയത്തിൽ വിവിധ സെഷനിൽ മൂന്ന് ദിവസങ്ങളായി നടന്ന അഴിയൂർ പഞ്ചായത്ത് മുസ്ലീം ലീഗ് സമ്മേളനത്തിന് പ്രോജ്വല സമാപ്തി. സി.പി അലി നഗറിൽ ( അഴിയൂർ ചുങ്കം) മുസ്ലീം ലീഗ് സംസ്ഥാന സെക്രട്ടറി പാറക്കൽ അബ്ദുള്ള ഉദ്ഘാടനം ചെയ്തു. പഞ്ചായത്ത് മുസ്ലീം ലീഗ് പ്രസിഡണ്ട് യു.എ.റഹീം അദ്ധ്യക്ഷത വഹിച്ചു.&nbsp;
പഞ്ചായത്ത് മുസ്ലീം ലീഗ് ജനറൽ സെക്രട്ടറി പി.പി.ഇസ്മായിൽ സ്വാഗതം പറഞ്ഞു. യൂത്ത് ലീഗ് ദേശീയ വൈസ് പ്രസിഡണ്ട് അൻവർ സാദത്ത് മുഖ്യ പ്രഭാഷണം നടത്തി. സംസ്ഥാന ദലിത് ലീഗ് പ്രസിഡണ്ട് എം.ബാബു, ജംഷീർ അലി ഹുദവി, ടി.സി എച്ച് അബൂബക്കർ ഹാജി, വടകര മുസ്ലീം ലീഗ് മണ്ഡലം പ്രസിഡണ്ട് എം.സി. വടകര, ജനറൽ സെക്രട്ടറി ജാഫർ പി.പി. മണ്ഡലം വൈസ് പ്രസിഡണ്ട് കാസിം നെല്ലോളി , ഏ.വി അലി എന്നിവർ സംസാരിച്ചു. ഇ.ടി.അയ്യൂബ്, കെ. അൻവർ ഹാജി, പാമ്പള്ളി മഹമൂദ്,അബ്ദു റഹീം, പി.പി, നവാസ് നെല്ലോളി, ഹാരിസ് മുക്കാളി, ഇസ്മായിൽ അജ്മാൻ , എൻ.സാജിദ്, ജലീൽ ടി.സി.എച്ച്, ഷാനീസ് മൂസ, ഫജർ ഫാറൂഖ് എന്നിവർ സംബന്ധിച്ചു.

അഴിയൂർ പഞ്ചായത്ത് മുസ്ലീം ലീഗ് സമ്മേളനത്തിന് പരിസമാപ്തി

വടകര: ചോറോട് ഗ്രാമപഞ്ചായത്ത് പതിനൊന്നാം വാർഡിലെ മഹാത്മഗാന്ധി ദേശീയ ഗ്രാമീണ തൊഴിലുറപ്പ് തൊഴിലാളികളുടെ സംഗമം സംഘടിപ്പിച്ചു. പഞ്ചായത്ത് അംഗം പ്രസാദ് വിലങ്ങിൽ ഉദ്ഘാടനം ചെയ്തു. മേറ്റ് ഗീത വേണുഗോപാൽ അധ്യക്ഷതവഹിച്ചു. അക്രഡിറ്റഡ് ഓവർസിയർ സൽമ, ശൈലജ ചന്ദ്രൻ, സി ഡി എസ് മെമ്പർ ലീബ പി.ടി.കെ, ജയശ്രി കെ.പി എന്നിവർ സംസാരിച്ചു.&nbsp;
മേറ്റ് മോളി എം.ടി.കെ സ്വാഗതവും ഗീത എം. ടി.കെ. നന്ദിയും പറഞ്ഞു. 100 ദിനം പൂർത്തിയായ അമ്പതോളം പേരെ പഞ്ചായത്ത് അംഗം പ്രസാദ് വിലങ്ങിൽ, തൊഴിലുറപ്പ് അസിസ്ററന്റ് എൻജിനീയർ അനഘ വി.പി., ഷീന. രദിന എന്നിവർ ആദരിച്ചു. മ്യൂസിക്കൽ ചെയർ, തൊപ്പി മാറ്റൽ, ലളിതഗാനാലാപനം, കവിതാലാപനം, നൃത്തങ്ങൾ, ഒപ്പന, കൈ കൊട്ടികളി, മാപ്പിളപാട്ട് എന്നീ കലാപരിപാടികളും അരങ്ങേറി.

തൊഴിലുറപ്പ് തൊഴിലാളി സംഗമം നടത്തി

ബംഗളൂരു: ഹെന്നൂർ-ബെഗലൂർ റൂട്ടിലുണ്ടായ വാഹനാപകടത്തിൽ രണ്ട് മലയാളി യുവാക്കൾ മരിച്ചു. കൊല്ലം സ്വദേശി എസ്. വിഷ്ണുകുമാർ (25), കൊട്ടാരക്കരയിലെ ജേക്കബ് ജോർജിന്‍റെ മകൻ ആൽബി ജി. ജേക്കബ് (21) എന്നിവരാണ് മരിച്ചത്.
ഇരുവരെയും കമ്മനഹള്ളിയിലെ സൂപ്പർ സ്പെഷ്യാലിറ്റി ആശുപത്രിയിലും ബംഗളൂരുവിലെ ആശുപത്രിയിലും പ്രവേശിപ്പിച്ചെങ്കിലും രക്ഷിക്കാനായില്ല. യുവാക്കൾ സഞ്ചരിച്ച ബൈക്ക് ഡിവൈഡറിൽ ഇടിച്ചുമറിയുകയായിരുന്നു. ബെം​ഗളൂരുവിലെ കെജിഐ കോളേജിലെ വിദ്യാർഥികളാണ് ഇരുവരും.

ബംഗളൂരുവിൽ വാഹനാപകടം; രണ്ട് മലയാളി യുവാക്കൾ മരിച്ചു

വടകര: ഇന്ത്യൻ അക്കാദമി ഓഫ് പീഡിയാട്രിക് ദേശീയ തലത്തിൽ നടത്തുന്ന അനീമിയ മുക്ത് ഭാരത് പദ്ധതിക്ക് വടകരയിൽ തുടക്കമായി. ആദ്യ ഘട്ടമായി വിദ്യാർത്ഥികൾക്കായി അനീമിയ നിർണയ സ്ക്രീനിങ് ക്യാമ്പുകളുടെ ഭാഗമായി വടകര റോട്ടറി ബധിര സ്കൂളിൽ ഇന്ത്യൻ അക്കാദമി ഓഫ് പീഡിയട്രിക്, വടകര റോട്ടറിയുടെ സഹകരണത്തോടെ സ്ക്രീനിങ് ക്യാമ്പ് നടത്തി.&nbsp;
വടകര റോട്ടറി പ്രസിഡന്റ്‌ ഡോ. പി. എം. സലീം ക്യാമ്പ് ഉത്ഘാടനം ചെയ്തു. ചടങ്ങിൽ കമ്മ്യൂണിറ്റി സർവീസ് ചെയർമാൻ പി. പി. രാജൻ ആദ്യക്ഷം വഹിച്ചു. റോട്ടറി സെക്രട്ടറി ഡോ. നൗഷീദ് അനി, പ്രധാന അദ്ധ്യാപിക എം. മിനി, പി. ടി. എ. പ്രസിഡന്റ്‌ വി. അഞ്ജുഷ എന്നിവർ പ്രസംഗിച്ചു.

അനീമിയ മുക്ത് ഭാരത് പദ്ധതി; സ്ക്രീനിങ് ക്യാമ്പ് നടത്തി

ആയഞ്ചേരി: ഗ്രാമ പഞ്ചായത്ത് 12-ാം വാർഡിലെ പരിഷ്കരണ പ്രവൃത്തി നടന്ന കടമേരി കെ.വി. പീടിക - പുളിക്കണ്ടി മദ്രസ്സ റോഡിൻ്റെ ഉദ്ഘാടനം പഞ്ചായത്ത് സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ നിർവ്വഹിച്ചു. പഞ്ചായത്ത് 2023-24 വാർഷിക പദ്ധതിയിൽ ഉൾപ്പെടുത്തി മൂന്ന് ലക്ഷത്തി തൊണ്ണൂറ്റി അയ്യായിരം വകയിരുത്തി കോൺക്രീറ്റ് പ്രവൃത്തി നടത്താനാണ് എസ്റ്റിമേറ്റ് തയ്യാറാക്കിയത്. വെള്ളം കെട്ടി നിൽക്കുന്ന റോഡ് ഉയർത്തിയതോടെ കാൽനട യാത്രക്കാർക്കും വാഹനങ്ങൾക്കും ഗതാഗതയോഗ്യമായി.
വാർഡ് വികസന സമിതി കൺവീനർ കെ. മോഹനൻ അധ്യക്ഷം വഹിച്ചു. പുത്തലത്ത് രാജീവൻ, കെ ആശ , എൻ കെ ബാലകൃഷ്ണൻ, സീന ഇ.കെ, സനില എൻ കെ എന്നിവർ സംസാരിച്ചു.

കടമേരി കെ.വി പീടിക - പുളിക്കണ്ടി മദ്രസ്സ റോഡ് നാടിന് സമർപ്പിച്ചു

കോഴിക്കോട്: രാജ്യത്തെ കേവല ന്യൂനപക്ഷത്തിന്റെ പിന്തുണ മാത്രമുള്ള ബിജെപി അധികാരത്തില്‍ തുടരുന്നതിന്റെ പൂര്‍ണ ഉത്തരവാദികള്‍ സാമ്പ്രദായിക പാര്‍ട്ടികളാണെന്നും അവരുടെ ഫാഷിസ്റ്റ് വിരുദ്ധത കാപട്യമാണെന്നും എസ്ഡിപിഐ തമിഴ്‌നാട് സംസ്ഥാന പ്രസിഡന്റ് നെല്ലൈ മുബാറക്. രാജ്യത്തിന്റെ വീണ്ടെടുപ്പിന് എസ്ഡിപിഐ സംസ്ഥാന പ്രസിഡന്റ് മൂവാറ്റുപുഴ അഷ്റഫ് മൗലവി നയിക്കുന്ന ജനമുന്നേറ്റ യാത്രയ്ക്ക് കോഴിക്കോട് ജില്ലയില്‍ നല്‍കിയ സ്വീകരണസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഹിന്ദി ബെല്‍റ്റുകളില്‍ ബിജെപിക്കെതിരേ ശക്തമായ മുന്നേറ്റം നടത്താനോ ഐക്യപ്പെടാനോ തയ്യാറാവാത്ത മതേതര പാര്‍ട്ടികള്‍ എന്നവകാശപ്പെടുന്നവര്‍ ദക്ഷിണേന്ത്യയിലെ സുരക്ഷിത താവളം തേടി മല്‍സരത്തിന് തയ്യാറെടുക്കുകയാണ്. ബിജെപിയാകട്ടെ അന്വേഷണ ഏജന്‍സികളെയും തിരഞ്ഞെടുപ്പ് കമ്മീഷനെ പോലും സഖ്യകക്ഷികളാക്കി ജനാധിപത്യത്തെ അട്ടിമറിക്കാനുള്ള നീക്കമാണ് നടത്തുന്നത്. ഫാഷിസ്റ്റ് വിരുദ്ധ രാഷ്ട്രീയ മുന്നേറ്റങ്ങളെ ദുര്‍ബലപ്പെടുത്തുന്ന നടപടികളാണ് മതേതര കക്ഷികള്‍ തുടരുന്നത്. അതേസമയം വടക്കേ ഇന്ത്യയിലുള്‍പ്പെടെ വരുന്ന ലോക്‌സഭാ തിരഞ്ഞെടുപ്പില്‍ 60 സീറ്റുകളില്‍ മല്‍സരിക്കാന്‍ എസ്ഡിപിഐ തീരുമാനിച്ചിരിക്കുകയാണ്. അതായത് ഇതര പാര്‍ട്ടികളെ പോലെ സുരക്ഷിത താവളം നോക്കിയല്ല ഫാഷിസ്റ്റ് കോട്ടകളില്‍ പോലും രാഷ്ട്രീയ മുന്നേറ്റത്തിന് പാര്‍ട്ടി ആര്‍ജ്ജവം കാണിക്കുന്നു എന്നതാണ് വ്യക്തമാക്കുന്നത്. പത്തു വര്‍ഷത്തെ തുടര്‍ഭരണത്തിലൂടെ രാജ്യത്തിന്റെ ഭരണഘടന ഉറപ്പാക്കുന്ന സകല നന്മകളെയും തകര്‍ത്തെറിഞ്ഞ, സാമ്പത്തികമായി രാജ്യത്തെ തകര്‍ത്ത, തൊഴിലില്ലായ്മയും ദാരിദ്ര്യവും കൊണ്ട് പൊറുതിമുട്ടുന്ന പൗരസമൂഹത്തെ സൃഷ്ടിച്ച ബിജെപി ദുര്‍ഭരണത്തെ തുറന്നുകാട്ടാന്‍ കെല്‍പ്പുള്ള എസ്ഡിപിഐയില്‍ പൗരസമൂഹം പ്രതീക്ഷയര്‍പ്പിക്കുന്നു എന്നതാണ് യാത്രയ്ക്ക് ലഭിക്കുന്ന ജനപിന്തുണ വ്യക്തമാക്കുന്നതെന്നും നെല്ലൈ മുബാറക് കൂട്ടിച്ചേര്‍ത്തു.&nbsp;&nbsp;
ജില്ലാ പ്രസിഡന്റ് മുസ്തഫ കൊമ്മേരി അധ്യക്ഷത വഹിച്ചു. ജാഥാ ക്യാപ്ടന്‍ മൂവാറ്റുപുഴ അഷ്റഫ് മൗലവി, സംസ്ഥാന വൈസ് പ്രസിഡന്റ് പി അബ്ദുല്‍ ഹമീദ്, സംസ്ഥാന സെക്രട്ടറിയേറ്റംഗം വി ടി ഇഖ്‌റാമുല്‍ ഹഖ്, സംസ്ഥാന പ്രവര്‍ത്തക സമിതിയംഗം മുസ്തഫ പാലേരി, ജില്ലാ ജനറല്‍ സെക്രട്ടറി എന്‍ കെ റഷീദ് ഉമരി, ജില്ലാ ട്രഷറര്‍ ടി കെ അസീസ്, വിമന്‍ ഇന്ത്യാ മൂവ്‌മെന്റ് ജില്ലാ പ്രസിഡന്റ് റംഷീന ജലീല്‍ സംസാരിച്ചു. ജാഥാ വൈസ് ക്യാപ്ടന്മാരായ തുളസീധരന്‍ പള്ളിക്കല്‍, റോയ് അറയ്ക്കല്‍, സംസ്ഥാന സെക്രട്ടറിമാരായ കെ കെ അബ്ദുല്‍ ജബ്ബാര്‍, പി ആര്‍ സിയാദ്, ജോണ്‍സണ്‍ കണ്ടച്ചിറ, കൃഷ്ണന്‍ എരഞ്ഞിക്കല്‍, പി ജമീല, സംസ്ഥാന പ്രവര്‍ത്തക സമിതിയംഗങ്ങള്‍, ജില്ലാ-മണ്ഡലം ഭാരവാഹികള്‍ സംബന്ധിച്ചു.&nbsp;
തിങ്കളാഴ്ച വൈകീട്ട് 3ന് അടിവാരത്തു നിന്നും നിരവധി വാഹനങ്ങളുടെ അകമ്പടിയോടെയാണ് ജാഥയെ സ്വീകരണ കേന്ദ്രമായ മുതലക്കുളം മൈതാനിയിലേക്ക് വരവേറ്റത്. ജാഥാ ക്യാപ്റ്റന്മാരെ തുറന്ന വാഹനത്തില്‍ ആനയിച്ച് വാഹന ജാഥയായി അടിവാരം, താമരശ്ശേരി, കൊടുവള്ളി, കുന്നമംഗലം, മലാപ്പറമ്പ്, എരഞ്ഞിക്കല്‍, നടക്കാവ്, ഗാന്ധി റോഡ്, ബീച്ചിലെത്തി അവിടെനിന്ന് ബഹുജനറാലിയായാണ് സ്വീകരണ സമ്മേളന വേദിയായ മുതലക്കുളം മൈതാനിയിലേക്ക് ആനയിച്ചത്.&nbsp;&nbsp;
ഭരണഘടന സംരക്ഷിക്കുക, ജാതി സെന്‍സസ് നടപ്പിലാക്കുക, പൗരാവകാശ വിരുദ്ധ നിയമങ്ങള്‍ പിന്‍വലിക്കുക, രാഷ്ട്രീയ തടവുകാരെ നിരുപാധികം വിട്ടയയ്ക്കുക, ഫെഡറലിസം കാത്തുസൂക്ഷിക്കുക, തൊഴിലില്ലായ്മ പരിഹരിക്കുക, കര്‍ഷക ദ്രോഹ നയങ്ങള്‍ തിരുത്തുക തുടങ്ങിയ ആവശ്യങ്ങളുന്നയിച്ചാണ് ജനമുന്നേറ്റ യാത്ര സംഘടിപ്പിച്ചിരിക്കുന്നത്. ചൊവ്വാഴ്ച യാത്ര മലപ്പുറം ജില്ലയില്‍ പ്രവേശിക്കും. വൈകീട്ട് മൂന്നിന് മഞ്ചേരിയില്‍ നിന്ന് വാഹനജാഥയായി ആരംഭിച്ച് കിഴക്കേതലയില്‍ സമാപിക്കും.

എസ് ഡി പി ഐ ജനമുന്നേറ്റ യാത്രയ്ക്ക് കോഴിക്കോട് ജില്ലയില്‍ സ്വീകരണം

Kozhikode

വടകര: ടിപി വധക്കേസ് പ്രതികളുടെ ശിക്ഷ ശരി വെച്ച ഹൈക്കോടതി വിധി സിപിഐ എമ്മിന് മുഖത്തേറ്റ പ്രഹരമാണെന്ന് ഡിസിസി ജനറൽ സെക്രട്ടറി നിജേഷ് അരവിന്ദ്. യൂത്ത് കോൺഗ്രസ് വടകര നിയോജകമണ്ഡലം കമ്മിറ്റിയുടെ നേതൃത്വത്തിൽനടന്ന ഷുഹൈബ്-ശരത് ലാൽ-കൃപേഷ് അനുസ്മരണ സദസ്സ് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. യൂത്ത് കോൺഗ്രസ് നിയോജകമണ്ഡലം പ്രസിഡന്റ് സി. നിജിൻ അധ്യക്ഷ്യം വഹിച്ചു.&nbsp;
യൂത്ത് കോൺഗ്രസ് കോഴിക്കോട് ജില്ലാ ജനറൽ സെക്രട്ടറി ജെറിൽ ബോസ്സ് മുഖ്യപ്രഭാഷണം നടത്തി. യുഡിഎഫ് വടകര നിയോജകമണ്ഡലം ചെയർമാൻ കോട്ടയിൽ രാധാകൃഷ്ണൻ, മുഹമ്മദ്‌ മിറാഷ്, മുഹമ്മദ്‌ റയീസ്, പറമ്പത്ത് പ്രഭാകരൻ, സതീശൻ കുരിയാടി, ഹരിദാസൻ.സി. കെ, പി. എസ്സ് രഞ്ജിത്ത് കുമാർ, പ്രബിൻ പാക്കയിൽ, അജിനാസ് താഴത്ത്, സജിത്ത് മാരാർ, ശ്രീജിഷ്.യു. എസ്, കാർത്തിക് ചോറോട്, അഭിനന്ദ് ജെ മാധവ്, ഫസലു പുതുപ്പണം, ബാബുരാജ് അഴിയൂർ, വി. കെ അനിൽ കുമാർ, ജിബിൻ രാജ് കൈനാട്ടി, സിജു, രഞ്ജിത്ത് പുറങ്കര, ലിജി പുതിയെടുത്ത്, ടി. സി രാമചന്ദ്രൻ എന്നിവർ സംസാരിച്ചു.

ടി. പി വധക്കേസ് പ്രതികളുടെ ശിക്ഷ ശരിവെച്ച വിധി സിപിഎമ്മിന്റെ മുഖത്തേറ്റ പ്രഹരം; നിജേഷ് അരവിന്ദ്

തിരുവനന്തപുരം: സംസ്ഥാനത്തെ 23 തദ്ദേശവാർഡിലെ ഉപതെരഞ്ഞെടുപ്പ്‌ വ്യാഴാഴ്‌ച നടക്കും. വോട്ടെണ്ണൽ വെള്ളിയാഴ്‌ചയാണ്‌. 23 വാർഡിലായി 32,512 വോട്ടർമാരുണ്ട്. 15,298 പുരുഷന്മാരും 17,214 സ്ത്രീകളും.

തെരഞ്ഞെടുപ്പു നടക്കുന്ന വാർഡുകൾ (ബ്രാക്കറ്റിൽ വാർഡ്‌ നമ്പർ)
തിരുവനന്തപുരം: കോർപറേഷനിലെ വെള്ളാർ (64), ഒറ്റശേഖരമംഗലം കുന്നനാട് (13), പൂവച്ചൽ കോവിൽവിള (ആറ്‌), പഴയകുന്നുമ്മേൽ അടയമൺ (എട്ട്‌), കൊല്ലം: ചടയമംഗലം കുരിയോട് (10), പത്തനംതിട്ട: നാരങ്ങാനം കടമ്മനിട്ട (ഒമ്പത്‌), ആലപ്പുഴ: വെളിയനാട് കിടങ്ങറ ബസാർ തെക്ക് (എട്ട്‌), ഇടുക്കി: മൂന്നാർ മൂലക്കട (11), നടയാർ (18), എറണാകുളം: എടവനക്കാട് നേതാജി (11), നെടുമ്പാശേരി കൽപ്പക നഗർ (14), തൃശൂർ: മുല്ലശേരി പതിയാർകുളങ്ങര (ഏഴ്‌), പാലക്കാട്: ചിറ്റൂർ തത്തമംഗലം നഗരസഭയിലെ മുതുകാട് (ആറ്‌), പൂക്കോട്ടുകാവ് പൂക്കോട്ടുകാവ് നോർത്ത് (എട്ട്‌), എരുത്തേമ്പതി പിടാരിമേട് (14), തിരുവേഗപ്പുറ നരിപ്പറമ്പ് (16), മലപ്പുറം: കോട്ടക്കൽ നഗരസഭയിലെ ചുണ്ട (രണ്ട്‌), ഈസ്റ്റ് വില്ലൂർ (14), മക്കരപ്പറമ്പ് കാച്ചിനിക്കാട് കിഴക്ക് (രണ്ട്‌), കണ്ണൂർ: മുഴപ്പിലങ്ങാട് മമ്മാക്കുന്ന് (അഞ്ച്‌), രാമന്തളി പാലക്കോട് സെൻട്രൽ (ഒമ്പത്‌), മട്ടന്നൂർ നഗരസഭയിലെ ടൗൺ (29), മാടായി മുട്ടം ഇട്ടപ്പുറം (20).

സംസ്ഥാനത്ത് 23 തദ്ദേശവാർഡിലെ ഉപതെരഞ്ഞെടുപ്പ്‌ 22ന്‌

അബൂദബി: ക്രിക്കറ്റ് കളിച്ചുകൊണ്ടിരിക്കെ കണ്ണൂർ സ്വദേശിയായ യുവാവ് അബൂദബിയിൽ കുഴഞ്ഞുവീണു മരിച്ചു. കണ്ണൂർ ഏച്ചൂർ സ്വദേശി ചാലക്കണ്ടി പറമ്പിൽ വിപിൻ (39) ആണ് മരിച്ചത്.
ജെമിനി ബിൽഡിങ് മെറ്റീരിയൽസിന്‍റെ അജ്മാൻ ശാഖയിൽ കൗണ്ടർ സെയിൽ എക്സിക്യൂട്ടീവ് ആയിരുന്നു. കമ്പനി ജീവനക്കാർ തമ്മിലുള്ള ക്രിക്കറ്റ് മത്സരത്തിനായി അബൂദബിയിൽ എത്തിയതാണ് വിപിൻ. കളിച്ചുകൊണ്ടിരിക്കെ കുഴഞ്ഞു വീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
ഏച്ചൂർ ബാലന്‍റെയും യശോദയുടെയും മകനാണ്. ഭാര്യ ആതിരയും മകൾ‍ വാമികയും യു.എ.ഇയിൽ എത്തിയിട്ട് ഒരു മാസമേ ആയിട്ടുള്ളൂ. സംസ്കാരം പിന്നീട് നാട്ടിൽ.

ക്രിക്കറ്റ് കളി​ക്കിടെ കണ്ണൂർ സ്വദേശി അബൂദബിയിൽ കുഴഞ്ഞുവീണ്​ മരിച്ചു

ഷൊര്‍ണൂര്‍: ഒരുവയസ്സായ പെണ്‍കുട്ടിയെ മരിച്ചനിലയില്‍ ആശുപത്രിയിലെത്തിച്ച സംഭവം കൊലപാതകമെന്ന് തെളിഞ്ഞു. കുഞ്ഞിനെ അമ്മതന്നെ ശ്വാസം മുട്ടിച്ച് കൊലപ്പെടുത്തിയതാണെന്ന് പോലീസ് പറയുന്നു. സംഭവത്തില്‍ കോട്ടയം കാഞ്ഞിരം കണിയംപത്തില്‍ ശില്പയെ (29) പോലീസ് അറസ്റ്റുചെയ്തു. ശില്പയുടെ മകള്‍ ശികന്യയാണ് മരിച്ചത്.
ശനിയാഴ്ച രാവിലെ ഒമ്പതോടെ ശില്പയും പാലക്കാട് പിരായിരി സ്വദേശിയായ യുവാവും ചേര്‍ന്നാണ് കുഞ്ഞുമായി ഷൊര്‍ണൂരിലെ ആശുപത്രിയിലെത്തിയത്. ആശുപത്രിയിലെത്തുമ്പോള്‍ കുഞ്ഞ് മരിച്ചിരുന്നെന്ന് ആശുപത്രി അധികൃതര്‍ സ്ഥിരീകരിക്കുകയുംചെയ്തു. തുടര്‍ന്ന്, ഷൊര്‍ണൂര്‍ പോലീസ് ശില്പയെ കസ്റ്റഡിയിലെടുത്തു. അന്നുതന്നെ യുവാവിന്റെ പരാതിയില്‍ അസ്വാഭാവികമരണത്തിന് കേസെടുക്കുകയുംചെയ്തു. തുടര്‍ന്നുനടത്തിയ അന്വേഷണത്തിലാണ് കുഞ്ഞിനെ അമ്മതന്നെ കൊലപ്പെടുത്തിയതായി കണ്ടെത്തിയത്. പോസ്റ്റ്മോര്‍ട്ടം റിപ്പോര്‍ട്ടില്‍ മരണത്തിന് കാരണമായ ക്ഷതമില്ലെന്ന് അന്ന് അറിഞ്ഞിരുന്നു. എന്നാല്‍, വിശദമായ അന്വേഷണത്തില്‍ കൊലപാതകമാണെന്ന് തെളിയുകയായിരുന്നെന്ന് പോലീസ് പറഞ്ഞു.
വെള്ളിയാഴ്ച രാത്രി ശില്പ മാവേലിക്കരയിലെ വാടകവീട്ടിലായിരുന്നു താമസിച്ചിരുന്നത്. ഇവിടെവെച്ചാണ് കുഞ്ഞിനെ ശ്വാസംമുട്ടിച്ച് കൊലപ്പെടുത്തിയതെന്നും പോലീസ് കണ്ടെത്തി. അതിനുശേഷം ഓട്ടോറിക്ഷയിലും കാറിലുമായി മുമ്പ് കൂടെ താമസിച്ചിരുന്ന യുവാവ് ജോലിചെയ്യുന്ന ഷൊര്‍ണൂരിലെ തിയേറ്ററിലെത്തി. ഇവിടെ കുഞ്ഞിനെ നിലത്തുവെച്ച് സംസ്‌കരിക്കാന്‍ സ്ഥലമാവശ്യപ്പെട്ടതായി യുവാവ് പറഞ്ഞിരുന്നു. ശനിയാഴ്ച പുലര്‍ച്ചെ രണ്ടുമണിയോടെ കുഞ്ഞിനെ കൊലപ്പെടുത്തിയെന്ന വാട്സാപ്പ് സന്ദേശവും യുവാവിന് അയച്ചിരുന്നു.
മാവേലിക്കര കുടുംബകോടതിക്ക് സമീപമുള്ള വീട്ടില്‍ തിങ്കളാഴ്ച ഉച്ചയോടെ ഷൊര്‍ണൂര്‍ പോലീസ് ശില്പയുമായെത്തി തെളിവെടുപ്പ് നടത്തി. മറ്റൊരാള്‍ വാടകയ്‌ക്കെടുത്ത വീട്ടില്‍ രണ്ടാഴ്ചയായി ശില്പ താമസിച്ചുവരികയായിരുന്നെന്ന് പോലീസ് പറഞ്ഞു. വാടകവീട്ടിലെ കിടപ്പുമുറിയില്‍വെച്ച് കുഞ്ഞിനെ ശ്വാസംമുട്ടിച്ചു കൊലപ്പെടുത്തുകയായിരുന്നു. വീട് വാടയ്‌ക്കെടുത്തയാളുടെ ഫോണ്‍ സ്വിച്ച്ഓഫാണെന്നും വീട്ടിലെത്തുമ്പോള്‍ കതക് തുറന്നുകിടക്കുകയായിരുന്നെന്നും പോലീസ് പറഞ്ഞു.
തിങ്കളാഴ്ച ഉച്ചയോടെ ഇന്‍സ്‌പെക്ടര്‍ ജെ.ആര്‍. രഞ്ജിത്ത്കുമാറിന്റെ നേതൃത്വത്തിലുള്ള സംഘം ശില്പയെ അറസ്റ്റുചെയ്തു. കൂടെത്താമസിച്ചിരുന്ന യുവാവിനോടുള്ള വൈരാഗ്യമാണ് കുഞ്ഞിനെ കൊലപ്പെടുത്താന്‍ കാരണമെന്നാണ് പോലീസ് പറയുന്നത്.

മരിച്ചനിലയില്‍ കുഞ്ഞിനെ ആശുപത്രിയിലെത്തിച്ച സംഭവം:  ശ്വാസംമുട്ടിച്ച് കൊന്നത് അമ്മ തന്നെയെന്ന് പോലീസ്

മോസ്കോ : റഷ്യൻ പ്രസിഡന്റ് വ്ലാഡിമിർ പുട്ടിൻ ഉടൻ ഇന്ത്യ സന്ദർശിക്കും. ക്രെംലിൻ പ്രസ് സെക്രട്ടറി ദിമിത്രി പെസ്കോവിനെ ഉദ്ധരിച്ച് രാജ്യാന്തര മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. സന്ദർശന തീയതിയുടെ കാര്യത്തിൽ തീരുമാനമായിട്ടില്ല. തീയതി സംബന്ധിച്ച തീരുമാനം ഉടൻ ഉണ്ടാകുമെന്ന് ദിമിത്രി പെസ്കോവ് പറഞ്ഞു.
കഴിഞ്ഞ മാസമാദ്യം, കസാനിൽ നടന്ന പതിനാറാമത് ഉച്ചകോടിക്കിടെ പ്രധാനമന്ത്രി നരേന്ദ്ര മോദി പുട്ടിനുമായി കൂടിക്കാഴ്ച നടത്തിയിരുന്നു. 23–ാമത് ഇന്ത്യ-റഷ്യ വാർഷിക ഉച്ചകോടിക്കായി അടുത്ത വർഷം ഇന്ത്യ സന്ദർശിക്കാൻ പുട്ടിനെ അന്ന് നരേന്ദ്ര മോദി ക്ഷണിച്ചിരുന്നു.

റഷ്യൻ പ്രസിഡന്റ് വ്ലാഡിമിർ പുട്ടിൻ ഉടൻ ഇന്ത്യ സന്ദർശിക്കും

കൊട്ടരക്കര: മുന്‍ എം.എല്‍.എയും ഓള്‍ ഇന്ത്യ ലോയേഴ്സ് യൂണിയന്‍ സംസ്ഥാന ട്രഷററുമായ ഐഷ പോറ്റി രാഷ്ട്രീയം വിടുന്നു. ആരോഗ്യപ്രശ്‌നങ്ങളെ തുടര്‍ന്നാണ് ഇങ്ങനെയൊരു തീരുമാനം എടുത്തതെന്ന് ഐഷ പോറ്റി പറയുന്നു. കുറച്ച് കാലങ്ങളായി പാര്‍ട്ടി പരിപാടികളില്‍നിന്ന് ഇവര്‍ വിട്ടുനില്‍ക്കുകയായിരുന്നു. ഒന്നും ചെയ്യാനാകാതെ പാര്‍ട്ടിയില്‍ നില്‍ക്കാനാകില്ല. ഓടി നടന്നു ചെയ്യാന്‍ കഴിയുന്നവര്‍ തുടരട്ടെ- ഐഷ പോറ്റി പറഞ്ഞു.
പാര്‍ട്ടി പ്രവര്‍ത്തനങ്ങളില്‍ സജീവമല്ലെന്നു കാട്ടി സി.പി.എം. കൊട്ടാരക്കര ഏരിയ കമ്മിറ്റിയില്‍നിന്ന് ഐഷ പോറ്റിയെ ഒഴിവാക്കിയിരുന്നു. ഏരിയ സമ്മേളനത്തില്‍നിന്നു വിട്ടുനിന്ന ഐഷ പോറ്റി ഏറെനാളായി നേതൃത്വവുമായി അകല്‍ച്ചയിലാണ്. സമ്മേളനത്തിന്റെ രണ്ടാംദിവസമെങ്കിലും ഐഷ പോറ്റി സമ്മേളനത്തിന് എത്തുമെന്നു കരുതിയിരുന്നെങ്കിലും പങ്കെടുത്തില്ല.

ഐഷ പോറ്റി സജീവ രാഷ്ട്രീയം അവസാനിപ്പിക്കുന്നു

ഡല്‍ഹി: തൊണ്ടിമുതൽ കേസില്‍ മുന്‍മന്ത്രി ആന്റണി രാജുവിന് തിരിച്ചടി. ആന്റണി രാജു നൽകിയ അപ്പീൽ സുപ്രീം കോടതി തള്ളി. വിചാരണ നേരിടണമെന്നും ഒരു വർഷത്തിനുള്ളിൽ വിചാരണ പൂർത്തിയാക്കണമെന്നും സുപ്രീം കോടതി നിർദേശിച്ചു. അടുത്ത മാസം 20ന് ആന്റണി രാജു ഹാജരാകണം. ജസ്റ്റിസ് സിടി രവികുമാർ അദ്ധ്യക്ഷനായ ബെഞ്ചാണ് വിധി പറഞ്ഞത്.
1990ലായിരുന്നു സംഭവമെങ്കിലും 2024വരെ കേസിൽ വിചാരണ പോലും നടന്നിരുന്നില്ല. ജൂനിയർ അഭിഭാഷകനായിരിക്കെ, ലഹരിമരുന്ന് കേസിലെ തൊണ്ടിമുതലായ അടിവസ്‌ത്രത്തിൽ ആന്റണി രാജു കൃത്രിമം നടത്തിയെന്നായിരുന്നു കേസ്. കേസിൽ പുനരന്വേഷണത്തിനുള്ള ഹൈക്കോടതി ഉത്തരവിനെ ചോദ്യം ചെയ്‌തായിരുന്നു ആന്റണി രാജുവിന്റെ ഹർജി. കേസിൽ രണ്ടാം പ്രതിയായ ആന്റണി രാജു കുറ്റം ചെയ്‌തിട്ടില്ലെന്നാണ് സർക്കാ‌ർ സുപ്രീം കോടതിയിൽ നൽകിയ സത്യവാംങ്‌മൂലത്തിൽ പറഞ്ഞിരുന്നത്.

തൊണ്ടിമുതൽ കേസ്; മുന്‍മന്ത്രി ആന്റണി രാജുവിന് തിരിച്ചടി; വിചാരണ നേരിടണമെന്ന് സുപ്രീം കോടതി

സ്വര്‍ണ വിലയില്‍ വീണ്ടും വര്‍ധന. ഗ്രാമിന് 50 രൂപ കൂടി 7,115 രൂപയയായി. പവന്റെ വിലയാകട്ടെ 400 രൂപ വര്‍ധിച്ചു. ഇതോടെ എട്ട് ഗ്രാം സ്വര്‍ണത്തിന്റെ വില 56,920 രൂപയായി.
അന്താരാഷ്ട്ര വിപണിയായ എംസിഎക്സില്‍ 10 ഗ്രാം 24 കാരറ്റ് സ്വര്‍ണത്തിന്റെ വില 76,493 നിലവാരത്തിലാണ്. 680 രൂപയാണ് കൂടിയത്. അന്താരാഷ്ട്ര വിപണിയല്‍ സ്പോട് ഗോള്‍ഡ് ട്രോയ് ഔണ്‍സിന് 2,635 ഡോളറിലെത്തി.

സ്വര്‍ണ വിലയില്‍ വീണ്ടും വര്‍ധന;പവന് 400 രൂപ കൂടി 56,920 രൂപയായി

കോഴിക്കോട്: അര്‍ജന്റീന ദേശീയ ഫുട്‌ബോള്‍ ടീം കേരളത്തില്‍ പന്തുതട്ടാനെത്തുമെന്ന് അറിയിച്ച് കായിക വകുപ്പ് മന്ത്രി വി. അബ്ദുറഹ്‌മാന്‍. ഇതിഹാസ താരം ലയണല്‍ മെസ്സി ഉള്‍പ്പെടെയുള്ള ടീമായിരിക്കും വരികയെന്നും അദ്ദേഹം അറിയിച്ചു. 2025-ലായിരിക്കും മത്സരം. കേരളം സന്ദര്‍ശിക്കുന്നതിന് അര്‍ജന്റീന ഫുട്‌ബോള്‍ അസോസിയേഷന്റെ അനുമതി ലഭിച്ചതായും മന്ത്രി പറഞ്ഞു.
വലിയ സാമ്പത്തിക ബാധ്യത വരുന്നതിനാല്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്‌സ് അസോസിയേഷനും സംസ്ഥാന വ്യാപാരി വ്യവസായി സമിതിയുമായി ചര്‍ച്ച നടത്തി ഇവര്‍ ഒന്നിച്ച് ഈ മത്സരം കേരളത്തില്‍ സംഘടിപ്പിക്കാന്‍ സന്നദ്ധത അറിയിച്ചിട്ടുണ്ട്. ഒന്നരമാസത്തിനകം അര്‍ജന്റീനാ ടീം അധികൃതര്‍ കേരളത്തിലെത്തും. തുടര്‍ന്ന് ഔദ്യോഗികമായി സര്‍ക്കാരും അര്‍ജന്റീന ദേശീയ ടീമും സംയുക്തമായി ഒരു പ്രഖ്യാപനം നടത്താനാണ് തീരുമാനിച്ചത്. അർജൻ്റീന ടീം ആണ് തീയതി ഔദ്യോ​ഗികമായി തീയതി പ്രഖ്യാപിക്കേണ്ടത്. കേരളത്തിൽ എവിടെയെന്ന് അവർ പരിശോധിക്കട്ടെ. 50,000 കാണികളെ ഉൾക്കൊള്ളാനാകുന്ന സ്ഥലത്ത് വേണം മത്സരം നടത്താൻ. രണ്ട് മത്സരങ്ങൾ ഉണ്ടാകുമെന്നും മന്ത്രി അറിയിച്ചു.മത്സരവേദിയും എതിര്‍ടീമിനെയും തീരുമാനിച്ചശേഷം തീയതി പിന്നീട് അറിയിക്കും

കേരളത്തിലെത്തുന്ന അര്‍ജന്റീനാ ടീമില്‍ മെസ്സിയും; സ്ഥിരീകരിച്ച് മന്ത്രി വി.അബ്ദുറഹ്‌മാന്‍

Search Results for: 20.02.2024