കുവൈത്ത് : രണ്ടു ദിവസത്തെ സന്ദർശനത്തിന് കുവൈറ്റിലെത്തിയ ഇന്ത്യൻ പ്രധാനമന്ത്രി നരേന്ദ്രമോദിക്ക് വൻ സ്വീകരണം. ശനി രാവിലെ 9.30ഓടെ കുവൈറ്റ് വിമാനത്താവളത്തിൽ എത്തിയ നരേന്ദ്രമോദിയെ കുവൈറ്റ് പ്രഥമ ഉപപ്രധാനമന്ത്രിയും പ്രതിരോധ,​ ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽസബാഹ്,​ വിദേശകാര്യ മന്ത്രി അബ്ദുള്ള അൽ യഹിയ എന്നിവർ‌ ചേർന്ന് സ്വീകരിച്ചു. കുവൈറ്റ് അമീർ ഷെയ്ഖ് മിഷൽ അൽ അഹ്മദ് അൽ ജാബിർ അൽ സബാഹിന്റെ ക്ഷണം സ്വീകരിച്ചാണ് മോദി കുവൈറ്റിലെത്തിയത്.
നാളെ ബയാൻപാലസിൽ പ്രധാനമന്ത്രിക്ക് ഔദ്യോഗിക സ്വീകരണം നൽകും. കുവൈറ്റ് അമീർ ഷെ മിഷൽ അൽ അഹമ്മദ് അൽ ജാബിർ അൽസബാഹ്, കിരീടാവകാശി ഷെയ്ഖ് സബാഹ് ഖാലിദ് അൽ ഹമദ് അൽ മുബാറക് അൽസബാഹ്, പ്രധാനമന്ത്രി ഷെയ്ഖ് അഹ്മദ് അബ്ദുല്ല അൽ അഹമ്മദ് അൽസബാഹ് എന്നിവരുമായി നരേന്ദ്ര മോദി കൂടിക്കാഴ്ച നടത്തും. ഇന്ത്യ- കുവെറ്റ് സഹകരണ കരാറിൽ ഒപ്പുവെക്കുകയും ചെയ്യും. ഉച്ചകഴിഞ്ഞ് 3.30ന് മോദി തിരികെ ഇന്ത്യയിലേക്ക് മടങ്ങും.43 വർഷത്തിന് ശേഷമാണ് ഒരു ഇന്ത്യൻ പ്രധാനമന്ത്രി കുവൈറ്റ് സന്ദർശിക്കുന്നത്.

പ്രധാനമന്ത്രി നരേന്ദ്രമോദി കുവൈറ്റിൽ ;വൻ സ്വീകരണം

Gulf

കൊച്ചി: എറണാകുളം ഇടപ്പള്ളി ഒബ്റോൺ മാളിൽ സംഗീത നിശയ്ക്കിടെ ഉണ്ടായ തിക്കിലും തിരക്കിലും പെട്ട് പലർക്കും ദേഹാസ്വാസ്ഥ്യം. മാളിന്റെ റീലോഞ്ചുമായി ബന്ധപ്പെട്ട് ഗായകൻ സൂരജ് സന്തോഷ് നയിച്ച സംഗീത നിശയ്ക്കിടെയാണ് തിക്കും തിരക്കും ഉണ്ടായത്.
ശനിയാഴ്ചയാണ് സംഭവം നടന്നത്. പ്രതീക്ഷിച്ചതിലും കൂടുതൽ ആളുകൾ എത്തിയതാണ് തിക്കിനും തിരക്കിനും ഇടയാക്കിയത്. പരിപാടിക്കുള്ള പ്രവേശനം സൗജന്യമായിരുന്നു. പോലീസ് എത്തി പരിപാടി നേരത്തെ അവസാനിപ്പിച്ചു.അറ്റകുറ്റപ്പണികൾ കഴിഞ്ഞ ശേഷം അടുത്തിടെയാണ് മാളിന്റെ റീലോഞ്ച് നടന്നത്.&nbsp;

സൂരജ് സന്തോഷിന്റെ സംഗീതനിശക്കിടെ  മാളിൽ തിക്കും തിരക്കും, പലർക്കും ദേഹാസ്വാസ്ഥ്യം

Kerala

മുട്ടം: അരുവിക്കുത്ത് വെള്ളച്ചാട്ടത്തില്‍ എഞ്ചിനീയറിങ് വിദ്യാര്‍ഥികളായ രണ്ടുപേരെ മുങ്ങിമരിച്ച നിലയില്‍ കണ്ടെത്തി. മുട്ടം എം.ജി.എഞ്ചിനിയറിങ് കോളേജിലെ മൂന്നാംവര്‍ഷ കമ്പ്യൂട്ടര്‍ സയന്‍സ് വിദ്യാര്‍ഥി മുരിക്കാശേരി തേക്കിന്തണ്ട് കൊച്ചുകരോട്ട് പരേതനായ ഷാജിയുടെ മകന്‍ ഡോണല്‍ ഷാജി(22), ഒന്നാം വര്‍ഷ സൈബര്‍ സെക്യൂരിറ്റി വിദ്യാര്‍ഥിനി പത്തനാപുരം മഞ്ഞക്കാല തലവൂര്‍ പള്ളിക്കിഴക്കേതില്‍ റെജി സാമുവലിന്റെ മകള്‍ അക്‌സാ റെജി(18) എന്നിവരെയാണ് മരിച്ചനിലയില്‍ കണ്ടെത്തിയത്. മൃതദേഹങ്ങള്‍ തൊടുപുഴയിലെ ഇടുക്കി ജില്ലാ ആശുപത്രിയിലേയ്ക്ക് മാറ്റി.
അരുവിക്കുത്തിലേയ്ക്ക് രാസവസ്തുക്കളൊഴുക്കുന്നുവെന്ന പരാതി റിപ്പോര്‍ട്ട് ചെയ്യാന്‍ ഉച്ചയോടെ എത്തിയ പ്രാദേശിക ടി.വി ചാനല്‍ സംഘം ഒരു പാറയില്‍ ബാഗും ഫോണും വസ്ത്രങ്ങളും വെച്ചിരിക്കുന്നത് കണ്ടു. ആളെ കണ്ടതുമില്ല. മലിനജലം ഒഴുക്കുന്നത് കാണാഞ്ഞതിനെ തുടര്‍ന്ന് സംഘം മടങ്ങി. പിന്നീട് വൈകീട്ട് നാലുമണിയോടെ വീണ്ടും ചാനല്‍ സംഘമെത്തി. അപ്പോഴും ഫോണും മറ്റും അവിടെത്തന്നെ ഇരിക്കുന്നത് കണ്ടതോടെ സംശയം തോന്നി.പ്രദേശവാസിയായ സിനാജ് മലങ്കരയോട് വിവരം പറഞ്ഞു. ഇദ്ദേഹം വിവരം പോലീസില്‍ അറിയിച്ചു. പോലീസെത്തിയപ്പോഴും പാറയിലിരുന്ന ഫോണില്‍ കോളുകള്‍ വന്നുകൊണ്ടിരുന്നു.ഡോണലിന്റെയും അക്‌സയുടെയും സഹപാഠികളായിരുന്നു വിളിച്ചത്. അപ്പോഴാണ് എഞ്ചിനിയറിങ് കോളേജിലെ കുട്ടികളെയാണ് കാണാതായതെന്ന് മനസ്സിലായത്.
തൊടുപുഴയില്‍ നിന്നും അഗ്നിരക്ഷാസേനയേയും വിളിച്ചുവരുത്തി. തുടര്‍ന്നു നടത്തിയ തിരച്ചിലില്‍ രണ്ടാൾ ആഴമുള്ള കുത്തില്‍നിന്നും ഡോണലിന്റെ മൃതദേഹം കണ്ടെത്തി. വൈകീട്ട് 7.50-ഓടെ കുത്തിന്റെ താഴെ ഭാഗത്തുനിന്നും അക്‌സയുടെ മൃതദേഹവും കണ്ടെടുത്തു.മുട്ടം പോലീസ് നടപടി സ്വീകരിച്ചു. ഡോണലിന്റെ മാതാവ് ലിസ്സി. സഹോദരന്‍: സോണച്ചന്‍. ജോപ്പി റെജിയാണ് മരിച്ച അക്‌സയുടെ അമ്മ. സഹോദരങ്ങള്‍: അസ്‌ന റെജി, അദീന റെജി.

അരുവിക്കുത്ത് വെള്ളച്ചാട്ടത്തില്‍ എഞ്ചിനീയറിങ് വിദ്യാര്‍ഥികൾ  മുങ്ങിമരിച്ച നിലയില്‍

കോഴിക്കോട്: കോഴിക്കോട് സ്വദേശിയായ സൈനികനെ കാണാനില്ലെന്ന് പരാതി. പാവങ്ങാട് സ്വദേശി വിഷ്ണുവിനെയാണ് കാണാതായത്. പുണെയിലെ ആർമി സ്പോർട്സ് ഇൻസ്റ്റിറ്റ്യൂട്ടിൽ നിന്നും നാട്ടിലേക്ക് പുറപ്പെട്ടതിന് ശേഷം കാണാനില്ലെന്നാണ് പരാതി. സംഭവത്തെ തുടർന്ന് എലത്തൂർ പൊലീസ് അന്വേഷണം ആരംഭിച്ചു.
ഡിസംബര്‍ 17ാം തീയതി പുലര്‍ച്ചെ 2 മണിയോടുകൂടി വിഷ്ണു അമ്മയ്ക്ക് ഒരു വാട്‌സ്ആപ് സന്ദേശം അയച്ചിരുന്നു. താന്‍ നാട്ടിലേക്ക് വരുന്നുണ്ടെന്നും കണ്ണൂരില്‍ എത്തിയിട്ടുണ്ടെന്നുമായിരുന്നു സന്ദേശത്തില്‍ ഉണ്ടായിരുന്നത്. മൊബൈല്‍ ഫോണില്‍ ചാര്‍ജ് ഇല്ല എന്നും വിഷ്ണു പറഞ്ഞിരുന്നു. പിന്നീട് വിഷ്ണുവിനെ കുറിച്ച് വിവരങ്ങളൊന്നുമില്ല എന്നാണ് ബന്ധുക്കള്‍ പറയുന്നത്‌.

കോഴിക്കോട് സ്വദേശിയായ സൈനികനെ കാണാനില്ലെന്ന് പരാതി

Kozhikode

വടകര: ഡോ. ബി.ആർ അംബേദ്കർ നാഷണൽ ഫെലോഷിപ്പ് അവാർഡ് എ.കെ രഞ്ജിത്ത് ഏറ്റുവാങ്ങി. കലാ സാഹിത്യ വിദ്യാഭ്യാസ രംഗങ്ങളിലെ പ്രവർത്തനങ്ങൾക്കാണ് അവാർഡ്. ന്യൂഡൽഹി ജറോഡ വില്ലേജിലെ അംബേദ്കർ മണ്ഡപത്തിൽ നടന്ന ചടങ്ങിൽ കേന്ദ്ര ദളിത് സാഹിത്യ അക്കാദമിയുടെ ദേശീയ ചെയർമാൻ ഡോ. എസ്.പി സുമനാക്ഷറ്ണ് അവാർഡ് സമ്മാനിച്ചത്. എസ്കലേറ്റർ, സമവാക്യങ്ങൾ എന്നീ രണ്ട് കവിതാ സമാഹാരങ്ങൾ എ. കെ രഞ്ജിത്ത് പ്രസിദ്ധീകരിച്ചിട്ടുണ്ട്.&nbsp;
ദലമർമ്മരം, ശോശന്നപ്പൂക്കൾ, കലോത്സവ ഗാനങ്ങൾ തുടങ്ങിയ നിരവധി സംഗീത ആൽബങ്ങളിൽ ഗാനരചനയും നിർവ്വഹിച്ചിട്ടുണ്ട്. ആകാശവാണി കോഴിക്കോട് നിലയത്തിനായ് ലളിതഗാന രചന നിർവ്വഹിക്കുന്നു. റിലീസാകാനിരിക്കുന്ന ചൂട്ട് എന്ന സിനിമയ്ക്ക് വേണ്ടി ഗാനരചന നിർവ്വഹിച്ചതു൦ ഇദ്ദേഹമാണ്. കർണാടക സംഗീതം വായ്പ്പാട്ടിൽ എം.ജി ടി.ഇ ഹയർ ഗ്രേഡ് നേടിയിട്ടുളള രഞ്ജിത്തിന് സർഗ ശ്രേഷഠ പുരസ്കാരം, ചലച്ചിത്ര ഗാനരചനയ്ക്കുള്ള ദൃശ്യ പൗർണമി പുരസ്കാരം എന്നിവ ലഭിച്ചിട്ടുണ്ട്. നാദാപുരം പേരോട് എം.ഐ.എം ഹയർ സെക്കണ്ടറി സ്കൂൾ അധ്യാപകനായ രഞ്ജിത്ത് പുറമേരി മുതുവടത്തൂർ സ്വദേശിയാണ്.&nbsp;

അംബേദ്കർ അവാർഡ് എ.കെ രഞ്ജിത്ത് ഏറ്റുവാങ്ങി

Vadakara

വടകര: മാനവികതയെ മുറുകെ പിടിക്കുന്ന സാംസ്‌കാരിക യത്നങ്ങൾ കാലഘട്ടത്തിന്റ അനിവാര്യതയാണന്നു വടകര സാഹിത്യവേദി വാർഷിക പൊതുയോഗം അഭിപ്രായപെട്ടു. അതിനിണങ്ങുന്ന സാഹിത്യ സംവാദങ്ങൾക്ക് വരും നാളുകളിൽ വേദി ഒരുക്കും. യുവത്വത്തിന്റെ സർഗൽമകതയെ പരിപോഷിക്കാനുള്ള പരിശ്രമങ്ങൾക്കും സാഹിത്യവേദി രൂപം നൽകും.&nbsp;
സാഹിത്യ വേദി അംഗത്വ വിതരണം അഡ്വ. കെ. ടി. ഷാക്കിറയ്ക്കു നൽകി ഡോക്ടർ എ. കെ. രാജൻ നിർവഹിച്ചു. ചടങ്ങിൽ സാഹിത്യ വേദി പ്രസിഡന്റ്‌ ഡോക്ടർ എ. കെ. രാജൻ ആദ്യക്ഷം വഹിച്ചു. പി. പി. ദാമോദരൻ, പുറന്തോടത്ത് ഗംഗാധരൻ, വീരാൻ കുട്ടി, ടി. കെ. വിജയരാഘവൻ, തയ്യുള്ളതിൽ രാജൻ, പി. പി. രാജൻ, അഡ്വ. കെ. ടി. ഷാക്കിറ, എം. നമീമ മജീദ്, ഡോ. കെ. സി. വിജയ രാഘവൻ, രാജാഗോപാലൻ കാരപറ്റ, ടി. ജി. മയ്യന്നൂർ, സി. സി. രാജൻ, വിജയൻ മടപ്പള്ളി, റസാഖ് കല്ലെരി, ബാബു കണ്ണൊത്ത് എന്നിവർ പ്രസംഗിച്ചു.
ഭാരവാഹികൾ;
രക്ഷാധികാരികൾ; ഡോ. എ. കെ. രാജൻ, പി. പി. ദാമോദരൻ
പ്രസിഡന്റ്‌; വീരാൻ കുട്ടി
വൈസ് പ്രസിഡന്റ്‌; ടി. കെ. വിജയ രാഘവൻ
ജനറൽ സെക്രട്ടറി; പുറന്തോടത്ത് ഗംഗാധരൻ
സെക്രട്ടറി; പി. പി. രാജൻ
ഖജാൻജി; തയ്യുള്ളതിൽ രാജൻ

സാഹിത്യ വേദി വാർഷിക ജനറൽ ബോഡി ചേർന്നു

കാവിലുപാറ: ചരിത്രത്തെയും ഭരണഘടനാ ശില്പിയായ ഡോ ബി.ആർ അംബേദ്ക്കറേയും കോൺഗ്രസ്സിനേയും അപമാനിച്ച കേന്ദ്ര ആഭ്യന്തരമന്ത്രി അമിത് ഷായുടെ കോലം കത്തിച്ച് കോൺഗ്രസ് പ്രതിഷേധം. ബ്ലോക്ക് കോൺഗ്രസ്സ് വൈസ് പ്രസിഡൻ്റ് സുരേഷ് കൂരാറയുടെ അദ്ധ്യക്ഷതയിൽ ബ്ലോക്ക് പ്രസിഡണ്ട് ജമാൽ കോരങ്കോട്ട് ഉദ്ഘാടനം ചെയ്തു. കെ.സി ബാലകൃഷ്ണൻ, ഒ രവീന്ദ്രൻ, പപ്പൻ തൊട്ടിൽപ്പാലം, റോബിൻ ജോസഫ്, വി.പി സുരേഷ്, കെ.പി ബിജു, പി. ജി സത്യനാഥ്, സി. പി. ജിനചന്ദ്രൻ , കെ.പി ഹമീദ്, പപ്പൻ കരണ്ടോട്, ഷിജിൻ ലാൽ തുടങ്ങിയവർ സംസാരിച്ചു.

അമിത് ഷായുടെ കോലം കത്തിച്ച് കോൺഗ്രസ്

Kuttiadi

വടകര: കേരള വാട്ടർ അതോറിറ്റി സ്റ്റാഫ് റിക്രിയേഷൻ ക്ലബ്ബിൻ്റെ 35-ാം വാർഷികാഘോഷവും, കുടുംബ സംഗമവും വിപുലമായ പരിപാടികളോടെ 22 ന് ടൗൺഹാളിൽ നടക്കുമെന്ന് സ്വാഗത സംഘം ഭാരവാഹികൾ അറിയിച്ചു. രാവിലെ 10 ന് പരിപാടികൾ ആരംഭിക്കും. വടകര ഡിവിഷൻ തലത്തിൽ കഴിഞ്ഞ 35 വർഷമായി ജീവനക്കാരെയും കുടുംബാംഗങ്ങളെയും, പെൻഷൻകാരെയും ചേർത്തു നിർത്തുന്നതിന് ക്ലബ് ഒട്ടനവധി സംഭാവനകൾ നൽകിയിട്ടുണ്ട്.&nbsp;
നാടിനെ പിടിച്ചു കുലുക്കിയ എല്ലാ ദുരന്തമുഖങ്ങളിലും, ക്ലബ് സഹായവുമായി മുന്നിലുണ്ടായിരുന്നു. ക്ലബിൻ്റെ സ്ഥാപക ഭാരവാഹികളെ ആദരിക്കുന്ന ചടങ്ങ്, ,ജീവനക്കാരുടെയും കുടുംബാംഗങ്ങളുടെയും കലാപരിപാടികൾ, സുധൻ കൈവേലിയും സംഘവും അവതരിപ്പിക്കുന്ന 'കലയിലൂടെ ഒരു യാത്ര' എന്ന പരിപാടിയും അരങ്ങേറും.

വാട്ടർ അതോറിറ്റി റിക്രിയേഷൻ ക്ലബ്ബ് വാർഷികാഘോഷവും കുടുംബ സംഗമവും ഞായറാഴ്ച

ദോഹ: മടപ്പള്ളി ആലുംനി ഫോറം (മാഫ് ) ഖത്തർ നാലാമത് വാർഷിക ജനറൽബോഡി യോഗം ദോഹ , വകറയിലെ കാലിക്കറ്റ് ടെയ്സ്റ്റ് റെസ്റ്റോറന്റ് കോൺഫറൻസ് ഹാളിൽ വച്ച് ചേർന്നു. മാഫ് ഖത്തർ സെക്രെട്ടറി യോജിഷ് കെ.ടി.കെ സ്വാഗതം പറഞ്ഞ ചടങ്ങിൽ പ്രസിഡന്റ്‌ ഷംസുദ്ധീൻ കൈനാട്ടി അധ്യക്ഷത വഹിച്ചു. ‌ കേരള പ്രവാസി ക്ഷേമനിധി ഡയരക്ടർ ഇ.എം സുധീർ പരിപാടി ഉദ്ഘാടനം നിർവഹിച്ചു. മാഫ് ഖത്തർ അഡ്വൈസറി ബോർഡ് ചെയർമാൻ കെ കെ മുസ്തഫ ഹാജി മുഖ്യ പ്രഭാഷണം നടത്തി. മദനി വള്ളിക്കാട് സാമ്പത്തിക റിപ്പോർട്ട്‌ അവതരിപ്പിച്ചു.&nbsp;
അഡ്വൈസറി ബോർഡ് വൈസ് ചെയർമാൻ പത്മരാജ് കൈനാട്ടി , പ്രശാന്ത് ഒഞ്ചിയം , ഷമീർ മടപ്പള്ളി , ചന്ദ്രശേഖരൻ കുളങ്ങട്ട് ,റയീസ് മടപ്പള്ളി , അജയൻ മടപ്പള്ളി ,ബൈജു മായ, നൗഷാദ് വെള്ളികുളങ്ങര എന്നിവർ ആശംസകൾ നേർന്നു. അൽത്താഫ് വള്ളിക്കാട്, ഇസ്മായിൽ ടി കെ, ഷൈജു മാക്കൂൽ , പ്രജേഷ് രായരങ്ങോത്ത്, അൻസാരി വെള്ളികുളങ്ങര , നൗഫൽ വെള്ളികുളങ്ങര എന്നിവർ പരിപാടിക്ക് നേതൃത്വo നൽകി. ട്രഷറർ നൗഫൽ ചോറോട് നന്ദി പറഞ്ഞു.

മാഫ് ഖത്തർ വാർഷിക ജനറൽബോഡി യോഗം ചേർന്നു

കൊച്ചി: നഗരത്തിലെ അങ്കണവാടിയിൽ ഭക്ഷ്യവിഷബാധയെന്ന് സംശയം. വൈറ്റില പൊന്നുരുന്നി ഈസ്റ്റ് അങ്കണവാടിയിലാണ് ഭക്ഷ്യവിഷബാധയുണ്ടായത്. പന്ത്രണ്ട് കുട്ടികൾക്ക് വയറിളക്കവും ഛർദിയുമുണ്ടായി. ഇവരെ ആശുപത്രിയിൽ പ്രവേശിപ്പിച്ചു.&nbsp;
രോഗവ്യാപനമുണ്ടായത് കുടിവെള്ളത്തിൽ നിന്നാണെന്ന് നാട്ടുകാർ ആരോപിച്ചു. കുടിവെള്ള .പരിശോധനയിൽ വാട്ടർ ടാങ്കിൽ നിന്ന് ചത്ത പാറ്റകളെ കണ്ടെത്തി. ഈ ടാങ്കിലെ വെള്ളം ഉപയോഗിച്ചാണ് ഭക്ഷണം പാകം ചെയ്യുന്നത്. വാട്ടർടാങ്കിന് സമീപത്തായി ഒരു കനാലുണ്ട്. അതിലും മാലിന്യം നിറഞ്ഞിട്ടുണ്ടെന്നാണ് വിവരം. വിവരം അങ്കണവാടി അധികൃതർ അറിയിച്ചില്ലെന്ന് കോർപറേഷൻ ആരോഗ്യ വിഭാഗം പ്രതികരിച്ചു.

അങ്കണവാടിയിൽ ഭക്ഷ്യവിഷബാധ; പന്ത്രണ്ട് കുട്ടികൾക്ക് വയറിളക്കവും ഛർദിയും

ബെംഗളൂരു: കാറിന് മുകളിലേക്ക് കണ്ടെയ്‌നര്‍ ലോറി മറിഞ്ഞ് രണ്ടുകുട്ടികളടക്കം ആറുപേര്‍ക്ക് ദാരുണാന്ത്യം. ബെംഗളൂരു റൂറലിലെ നീലമംഗലയ്ക്ക് സമീപം ദേശീയപാത 48-ലാണ് അപകടമുണ്ടായത്. വിജയപുരയിലേക്ക് അവധിക്കാലം ആഘോഷിക്കാന്‍ പോയവര്‍ സഞ്ചരിച്ച വോള്‍വോ കാറാണ് അപകടത്തില്‍പ്പെട്ടത്.
ശനിയാഴ്ച രാവിലെ 11 മണിയോടെയാണ് അപകടമുണ്ടായത്. ബെംഗളൂരുവില്‍ നിന്ന് തുമകുരുവിലേക്ക് പോകുകയായിരുന്നു കണ്ടെയ്‌നര്‍ ലോറി. കാറും ലോറിയും ഒരേ ദിശയിലായിരുന്നു സഞ്ചരിച്ചിരുന്നത്. ഇതിനിടെ മറ്റൊരു ട്രക്കുമായി കണ്ടെയ്‌നര്‍ ലോറി കൂട്ടിയിടിച്ചു. രണ്ടു ട്രക്കുകളും മറിഞ്ഞു. എന്നാല്‍ കണ്ടെയ്‌നര്‍ ലോറി കാറിന് മുകളിലേക്കാണ് മറിഞ്ഞത്. കാറിലുണ്ടായിരുന്ന ആറുപേരും സംഭവ സ്ഥലത്ത് വെച്ചുതന്നെ മരിച്ചതായാണ് വിവരം.ക്രെയിനുംമറ്റും ഉപയോഗിച്ചാണ് കണ്ടെയ്‌നര്‍ ലോറി കാറിന് മുകളില്‍നിന്ന് മാറ്റിയത്. മൃതദേഹങ്ങള്‍ നീലമംഗല സര്‍ക്കാര്‍ ആശുപത്രി മോര്‍ച്ചറിയിലേക്ക് മാറ്റിയിട്ടുണ്ട്.

ബെംഗളൂരുവില്‍ കാറിന് മുകളിലേക്ക് കണ്ടെയ്‌നര്‍ ലോറി മറിഞ്ഞ് അപകടം; ആറുപേര്‍ക്ക് ദാരുണാന്ത്യം

National

ന്യൂഡൽഹി: പ്രൊവിഡന്റ് ഫണ്ട് തട്ടിപ്പ് ആരോപണത്തിൽ മുൻ ഇന്ത്യൻ ക്രിക്കറ്റ് താരം റോബിൻ ഉത്തപ്പയ്ക്കെതിരെ അറസ്റ്റ് വാറണ്ട്. പി.എഫ് റീജിയണൽ കമ്മീഷണർ ശദാക്ഷരി ​ഗോപാൽ റെഡ്ഡിയാണ് പുലകേശി ന​ഗർ പോലീസിനോട് വേണ്ട നടപടിയെടുക്കണമെന്നാവശ്യപ്പെട്ട് വാറണ്ട് പുറപ്പെടുവിച്ചിരിക്കുന്നത്.
സെഞ്ച്വറീസ് ലൈഫ്സ്റ്റൈൽ ബ്രാണ്ട്‌സ് പ്രൈവറ്റ് ലിമിറ്റഡ് എന്ന പേരിൽ ഒരു സ്ഥാപനം ഉത്തപ്പ നടത്തിയിരുന്നു. ഇവിടെ ജോലി ചെയ്യുന്നവരുടെ ശമ്പളത്തിൽ നിന്ന് നിശ്ചിത തുക പ്രൊവിഡന്റ് ഫണ്ടിലേക്ക് പിടിച്ചിരുന്നെങ്കിലും നിക്ഷേപിച്ചിരുന്നില്ല. 23 ലക്ഷത്തോളം രൂപയാണ് ഇത്തരത്തിൽ കമ്പനി വെട്ടിച്ചതെന്നാണ് ഇപ്പോൾ കണ്ടെത്തിയിരിക്കുന്നത്. ഈ മാസം നാലിന് അയച്ച കത്തിൽ വാറണ്ടിന്റെ അടിസ്ഥാനത്തിൽ നടപടിയെടുക്കണമെന്ന് പി.എഫ് റീജിയണൽ കമ്മീഷണർ പോലീസിനോട് അറിയിച്ചു.&nbsp;

പ്രൊവിഡന്റ് ഫണ്ട് തട്ടിപ്പ്: റോബിൻ ഉത്തപ്പയ്ക്കെതിരെ അറസ്റ്റ് വാറണ്ട്

പാലക്കാട്: വിവാഹച്ചടങ്ങിന് ഒരേപോലുള്ള വസ്‌ത്രം ധരിക്കാൻ പണം നൽകാത്തതിന്റെ പേരിൽ വീട്ടുമുറ്റത്ത് നിർത്തിയിട്ടിരുന്ന വാഹനങ്ങൾ അടിച്ചുതകർത്തതായി പരാതി.ഇന്ന് പുലർച്ചെ നാലോടെയാണ് സംഭവം. കോട്ടായി സ്വദേശി മൻസൂറിന്റെ വീട്ടിലെ വാഹനങ്ങളാണ് അക്രമിസംഘം അടിച്ചുതകർത്തത്.
വിവാഹത്തിന് അണിയാനുള്ള ഡ്രെസ് കോഡിന് പണം നൽകാത്തതിനെച്ചൊല്ലി മൻസൂറിന്റെ സഹോദരനും സുഹൃത്തുക്കളും തമ്മിലുണ്ടായ വാക്കുതർക്കമാണ് അക്രമത്തിൽ കലാശിച്ചത്. വാതിൽ തകർത്ത് അകത്തുകടക്കാനാണ് അക്രമിസംഘം ശ്രമിച്ചതെന്നും വീട്ടുകാർ ഇത് തടഞ്ഞതോടെ വാഹനങ്ങൾ അടിച്ച് തകർക്കുകയായിരുന്നുവെന്നുമാണ് മൻസൂർ ആരോപിക്കുന്നത്. കാർ, ബൈക്ക്, ടിപ്പർ ലോറി, ട്രാവലറുകൾ അടക്കം എട്ട് വാഹനങ്ങളാണ് നശിപ്പിച്ചത്.
'ഒരു കല്യാണത്തിന് സുഹൃത്തുക്കൾ എല്ലാവരും ചേർന്ന് ഡ്രെസ് കോഡ് തീരുമാനിച്ചിരുന്നു. എന്നാൽ ഇതിനായി പണം കൊടുക്കാൻ ഞാൻ ഉൾപ്പെടെ ചിലർ വൈകി. ഇതോടെ സുഹൃത്തുക്കളിൽ ഒരാൾ രാത്രി ഒരുമണിയോടെ വീട്ടിൽ കയറിവന്ന് പണം ചോദിച്ച് അനാവശ്യം പറഞ്ഞു. പിന്നീട് കുറച്ചുപേരുമായി വന്ന് എന്നെ തല്ലുകയും ചെയ്തു. തുടർന്ന് എല്ലാവരും ചേർന്ന് പ്രശ്നം ഒത്തുതീർപ്പിലാക്കി.എന്നാൽ വീണ്ടും അയാൾ പ്രശ്നം ഉണ്ടാക്കിയതോടെ പൊലീസിനെ സമീപിച്ചു. ഇന്നലെ വൈകിട്ട് പൊലീസിൽ പരാതി നൽകിയതിന് പിന്നാലെ അവർ ഭീഷണിപ്പെടുത്തി.ഇതിനെത്തുടർന്നാണ് ഇന്ന് പുലർച്ചെ വീട്ടിൽവന്ന് ആക്രമണം നടത്തിയതും വാഹനങ്ങൾ അടിച്ചുതകർത്തതും'- മൻസൂറിന്റെ സഹോദരൻ പറഞ്ഞു.

വിവാഹത്തിന് അണിയാൻ ഡ്രെസ് കോഡിന് പണം നൽകിയില്ല, വീട്ടുമുറ്റത്ത് നിര്‍ത്തിയിട്ട വാഹനങ്ങള്‍ അക്രമികൾ  അടിച്ചുതകര്‍ത്തു

കൊച്ചി: പിഡിപി ചെയർമാൻ അബ്‌ദുന്നാസർ മഅ്ദനിയുടെ ആരോഗ്യനില മാറ്റമില്ലാതെ തുടരുന്നു. തീവ്രവിഭാഗത്തിൽ ചികിത്സയിൽ തുടരുകയാണ് മഅ്ദനി. രക്തസമ്മർദം നിയന്ത്രണാതീതമായി തുടരുകയാണ്.
ബിപി നിയന്ത്രണ വിധേയമാകാത്തതിനാൽ കടുത്ത അസ്വസ്ഥതയെ തുടര്‍ന്ന് കഴിഞ്ഞ ദിവസമാണ് അദ്ദേഹത്തെ മെഡിക്കല്‍ ട്രസ്റ്റ് ഐസിയുവിൽ പ്രവേശിപ്പിച്ചത്.ആഴ്‌ചളായി ബിപി ക്രമാതീതമായി വർധിച്ച് നില്‍ക്കുകയായിരുന്നു എന്ന് പി.ഡി.പി.സംസ്ഥാന ജനറല്‍ സെക്രട്ടറി വി.എം.അലിയാര്‍ പുറത്തിറക്കിയ വാർത്താകുറിപ്പിൽ പറയുന്നു.വിദഗ്‌ധ മെഡിക്കല്‍ സംഘത്തിന്റെ മേല്‍ നോട്ടത്തില്‍ തീവ്രപരിചരണ വിഭാഗത്തില്‍ തുടരുകയാണ് അദ്ദേഹം.

രക്തസമ്മർദം കൂടി ;അ്ദനിയുടെ ആരോഗ്യനില ഗുരുതരം

രക്തസമ്മർദം കൂടി ;മഅ്ദനിയുടെ ആരോഗ്യനില ഗുരുതരം

ദിവസവും ജോലിക്ക് ശേഷം ആഹാരമെല്ലാം കഴിഞ്ഞ് ഒരിത്തിരി മദ്യം കഴിക്കുന്ന നിരവധി പേർ നമുക്കിടയിലുണ്ട്. ആരോഗ്യത്തിന് ഇത് വളരെ നല്ലതാണെന്നോ ആഹാരത്തിലെ മോശം അംശങ്ങളെ മദ്യം നശിപ്പിക്കും എന്നെല്ലാമാണ് പലരും കരുതിവച്ചിരിക്കുന്നത്. എന്നാൽ ഈ ചിന്ത ശരിയല്ല. മദ്യം ഏതളവിൽ എപ്പോൾ കഴിച്ചാലും അത് ശരീരത്തിന് ദോഷമാണ്.
ആഹാരത്തിന് മുൻപ് വെറും വയറ്റിൽ മദ്യം കഴിച്ചാലോ? അപ്പോഴും അപകടമാണ് വയറ്റിലൂടെ ചെറുകുടലിലെത്തുന്ന മദ്യം വളരെപെട്ടെന്ന് നമ്മെ ബാധിക്കും. ഇത് പെട്ടെന്ന് കിക്കാകുന്ന അവസ്ഥയുണ്ടാക്കും. ആരോഗ്യത്തിന് വളരെ മോശമാണിത്.ആഹാരം കഴിച്ചുകൊണ്ട് മദ്യപിക്കുന്ന സ്വഭാവവും ചിലർക്കുണ്ട്. ഇതും തെറ്റാണ്. കാരണം ഈ സമയം കൂടുതൽ ഉപ്പുള്ള ഭക്ഷണം കഴിക്കാൻ ശ്രമിക്കുമ്പോൾ കൂടുതൽ ദാഹം തോന്നുകയും വീണ്ടും മദ്യപിക്കാൻ ശ്രമിക്കുകയും ചെയ്യും. എപ്പോഴും കൂടുതൽ വെള്ളം കുടിക്കാനാണ് ഈ സമയം ശ്രമിക്കേണ്ടത്.മദ്യപാനത്തിന് മുൻപായി ധാരാളം ജലാംശമടങ്ങിയ ഭക്ഷണസാധനങ്ങളാണ് കഴിക്കേണ്ടത്. വെള്ളരിക്ക, റാഡിഷ്, തക്കാളി എന്നിവയൊക്കെ ഉദാഹരണം. പഴങ്ങളിൽ കൂടുതൽ നാരുകളടങ്ങിയത് കഴിക്കുന്നത് വയറിന് നല്ലതാണ്.

ആഹാരത്തിന് ശേഷം മദ്യപിക്കുന്നത് ആരോഗ്യത്തിന് നല്ലതോ? ഇക്കാര്യങ്ങൾ അറിയണം

Health

തിരുവല്ലം: സിപിഎം സംസ്ഥാന സെക്രട്ടറി എംവി ഗോവിന്ദന്റെ വാഹനം തിരുവല്ലം പാലത്തിൽ വച്ച് അപകടത്തിൽ പെട്ടു. നിയന്ത്രണം തെറ്റി എതിരെ വന്ന വാഹനം ഇടിക്കുകയായിരുന്നു. അപകടത്തിൽ ആർക്കും പരിക്കില്ല. കോവളത്ത് നടക്കുന്ന സിപിഎം തിരുവനന്തപുരം ജില്ലാ സമ്മേളനത്തിൽ പങ്കെടുക്കാൻ പോവുകയായിരുന്നു അദ്ദേഹം.&nbsp;
പെട്ടെന്ന് സഡൺ ബ്രേക്കിട്ട കാറിന് പിന്നിൽ ഓട്ടോ ഇടിച്ച് കാര്‍ മുന്നോട്ടു നീങ്ങി എംവി ഗോവിന്ദൻ സഞ്ചരിച്ച കാറിലേക്ക് ഇടിക്കുകയായിരുന്നു എന്ന് പൊലീസ് അറിയിച്ചു. കാറിന്റെ മുൻ ഭാഗത്തെ കേടുപാടുകളൊഴികെ മൂന്ന് വാഹനങ്ങളിലേയും യാത്രക്കാര്‍ക്ക് പരിക്കില്ല.

എംവി ഗോവിന്ദന്റെ വാഹനം അപകടത്തിൽ പെട്ടു.

എംവി ഗോവിന്ദന്റെ വാഹനം അപകടത്തിൽ പെട്ടു

തിരുവനന്തപുരം: ക്ലാസ് മുറിയിൽ വെച്ച് ഏഴാം ക്ലാസുകാരിയായ വിദ്യാർത്ഥിനിക്ക് പാമ്പ് കടിയേറ്റ സംഭവത്തിൽ അന്വേഷണത്തിന് നിർദേശം നൽകി വിദ്യാഭ്യാസ മന്ത്രി വി ശിവൻകുട്ടി. സംഭവത്തെക്കുറിച്ച് അന്വേഷിച്ച് റിപ്പോർട്ട് സമർപ്പിക്കാൻ പൊതുവിദ്യാഭ്യാസ ഡയറക്ടർക്കാണ് നിർദേശം നൽകിയത്.
സ്കൂളും പരിസരവും വൃത്തിയായി സൂക്ഷിക്കണമെന്ന് അധികൃതർ ആവർത്തിച്ച് നിർദേശം നൽകാറുണ്ട്. എന്നിട്ടും ഇത്തരമൊരു സംഭവം നടന്നത് ഗൗരവകരമാണ്. തിരുവനന്തപുരം നെയ്യാറ്റിന്‍കരയിലെ ചെങ്കല്‍ യു പി എസിലാണ് സംഭവം.പൊറ്റയിൽ വടക്കേ പറമ്പിൽ കോട്ടമുറിയിൽ ഷിബുവിന്റെയും ബീനയുടെയും മകൾ ഏഴാം ക്ലാസ് വിദ്യാർത്ഥിയായ നോഖയ്ക്കാണ് (12) ഇന്നലെ സ്‌കൂളിൽ നടന്ന ക്രിസ്മസ് ആഘോഷങ്ങൾക്കിടെ പാമ്പ് കടിയേറ്റത്. ചുരുട്ട പാമ്പാണ് കുട്ടിയെ കടിച്ചത്.
.1961ൽ ആരംഭിച്ചതാണ് ചെങ്കൽ സ്‌കൂൾ. അമ്പത് വിദ്യാർത്ഥികളാണ് ഈ സ്‌കൂളിൽ പഠിക്കുന്നത്. കാലാകാലങ്ങളായി ഇവിടെ മെയിന്റനൻസ് നടക്കുന്നുണ്ടെന്ന് പ്രധാനാധ്യാപിക ഇന്ദു പ്രതികരിച്ചു.എന്നാൽ കാടും പടപ്പും കയറിയ നിലയിലാണ് സ്‌കൂളിന്റെ വിവിധ ഭാഗങ്ങളെന്ന് രക്ഷകർത്താക്കൾ ആരോപിച്ചിരുന്നു.&nbsp;

വിദ്യാർത്ഥിക്ക് ക്ലാസ് മുറിയിൽ നിന്ന് പാമ്പ് കടിയേറ്റ സംഭവം; അന്വേഷണത്തിന് ഉത്തരവിട്ട് വിദ്യാഭ്യാസ മന്ത്രി

മെക്‌സിക്കോ സിറ്റി: വിഖ്യാത മെക്സികൻ ഗുസ്തി താരം റേ മിസ്റ്റീരിയോ സീനിയര്‍ അന്തരിച്ചു. 66 വയസ്സായിരുന്നു. മിസ്റ്റീരിയോയുടെ കുടുംബമാണ് മരണവാര്‍ത്ത സ്ഥിരീകരിച്ചു. മിഗ്വല്‍ എയ്ഞ്ചല്‍ ലോപസ് ഡയസ് എന്നാണ് യഥാര്‍ഥ നാമം. 2009-ല്‍ ഔദ്യോഗികമായി വിരമിച്ചെങ്കിലും കായികരംഗത്തോടുള്ള സ്‌നേഹം കാരണം 2023-ലും ഇടിക്കൂട്ടില്‍ മത്സരിച്ചിരുന്നു. മെക്‌സിക്കന്‍ റെസ്ലിങ് സംഘടനയായ ലൂച്ച ലിബ്ര എ.എ.എ. മരണത്തില്‍ അനുശോചനമറിയിച്ച് എക്‌സില്‍ കുറിപ്പ് പങ്കുവെച്ചു.
1976-ലാണ് റേ മിസ്റ്റീരിയോ ഗുസ്തി കരിയര്‍ ആരംഭിക്കുന്നത്. വളരെപ്പെട്ടെന്നുതന്നെ ഈ മേഖലയിലെ പ്രമുഖ വ്യക്തിത്വമായി. ഇടിക്കൂട്ടിന് പുറത്ത് മെന്ററായും കഴിവുതെളിയിച്ചു. ഇതേ മേഖലയിലെ ശ്രദ്ധേയ താരമായ റേ മിസ്റ്റീരിയോ ജൂനിയറിന്റെ അമ്മാവനാണ് റേ മിസ്റ്റീരിയോ സീനിയർ.
വേള്‍ഡ് റെസലിങ് അസോസിയേഷന്‍, ലൂച്ച ലിബ്രെ എ.എ.എ. വേള്‍ഡ്‌വൈഡ് ചാമ്പ്യന്‍ഷിപ്പുകള്‍ ഉള്‍പ്പെടെ നേടിയിട്ടുണ്ട്. 1990-ലെ റെസ്ലിങ് സ്റ്റാര്‍കേഡ് ലോക ചാമ്പ്യന്‍ഷിപ്പ് ഉള്‍പ്പെടെയുള്ള മത്സരങ്ങളില്‍ തന്റെ പ്രതിഭ തെളിയിക്കാന്‍ അദ്ദേഹത്തിന് കഴിഞ്ഞു. നിരവധി ആരാധകരെ സൃഷ്ടിച്ചെടുക്കാനും ഇക്കാലയളവില്‍ ഇദ്ദേഹത്തിന് കഴിഞ്ഞു.

വിഖ്യാത മെക്സികൻ ഗുസ്തി താരം റേ മിസ്റ്റീരിയോ സീനിയര്‍ അന്തരിച്ചു

ആ​യ​ഞ്ചേ​രി: ക​ട​മേ​രി-​കീ​രി​യ​ങ്ങാ​ടി ക​നാ​ൽ പാ​ല​ത്തി​ന് സ​മീ​പം കാ​ർ ക​നാ​ലി​ലേ​ക്ക് മ​റി​ഞ്ഞു യാ​ത്ര​ക്കാ​ർ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു.വെ​ള്ളി​യാ​ഴ്ച രാ​വി​ലെ ഏ​ഴി​നാ​ണ് സം​ഭ​വം. ജാ​തി​യേ​രി​യി​ൽ​നി​ന്നും വ​ള്ളി​യാ​ട് ഭാ​ഗ​ത്തേ​ക്ക് പോ​വു​ക​യാ​യി​രു​ന്ന കാ​റി​ൽ ബ​ന്ധു​ക്ക​ളാ​യ ഒ​രു സ്ത്രീ ​ഉ​ൾ​പ്പെ​ടെ നാ​ലു​പേ​രാ​ണ് ഉ​ണ്ടാ​യി​രു​ന്ന​ത്.
ക​നാ​ലി​ലേ​ക്ക് മ​റി​ഞ്ഞ കാ​ർ മ​ല​ക്കം​മ​റി​ഞ്ഞ് ക​മി​ഴ്ന്നു കി​ട​ക്കു​ന്ന രൂ​പ​ത്തി​ലാ​യി​രു​ന്നു. ശ​ബ്ദം​കേ​ട്ട് ഓ​ടി​യെ​ത്തി​യ നാ​ട്ടു​കാ​രും പ​രി​സ​ര​വാ​സി​ക​ളു​മാ​ണ് കാ​റി​ന്റെ വാ​തി​ൽ വെ​ട്ടി​പ്പൊ​ളി​ച്ച് അ​ക​ത്തു​ള്ള​വ​രെ പു​റ​ത്തെ​ടു​ത്ത​ത്. ആ​രു​ടെ​യും പ​രി​ക്ക് ഗുരുതരമല്ല.

കടമേരിയിൽ കാർ ക​നാ​ലി​ലേ​ക്ക് മ​റിഞ്ഞു; യാ​ത്ര​ക്കാ​ർ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു

പാലക്കാട്: ബൈക്കും ലോറിയും കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം. പാലക്കാട് - കോഴിക്കോട് ദേശീയപാതയിൽ പുതുപ്പരിയാരത്ത് ഇന്ന് പുലർച്ചെയാണ് അപകടം നടന്നത്.മക്കരപ്പറമ്പ് സ്വദേശികളായ കണ്ണൻ, റിൻഷാദ് എന്നിവരാണ് മരിച്ചത്. ലോറിയുമായി കൂട്ടിയിടിച്ച് ബൈക്കിൽ നിന്ന് തെറിച്ച് വീണ് പരിക്കേറ്റാണ് യുവാക്കൾ മരിച്ചത്. ബൈക്ക് പൂർണമായും കത്തി നശിച്ചു.
മരിച്ച രണ്ട് പേരും ബൈക്ക് യാത്രികരാണ്. അപകട വിവരമറിഞ്ഞ് സ്ഥലത്തെത്തിയ പൊലീസ് ഇരുവരെയും ആശുപത്രിയിലെത്തിച്ചെങ്കിലും മരണം സംഭവിച്ചിരുന്നു. യുവാക്കളോടിച്ച ബൈക്ക് അമിത വേഗത്തിൽ ലോറിയിൽ വന്ന് ഇടിക്കുകയായിരുന്നു എന്നാണ് ലോറി ഡ്രൈവർ പൊലീസിനോട് പറഞ്ഞത്. യുവാക്കൾ ഹെൽമെറ്റ് ധരിച്ചിരുന്നില്ലെന്നും പൊലീസ് പറയുന്നു. മൃതദേഹങ്ങൾ പാലക്കാട് ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

പാലക്കാട് - കോഴിക്കോട് ദേശീയപാതയിൽ ബൈക്കും ലോറിയും കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം

അഴിയൂര്‍: ക്ഷേത്രദര്‍ശനത്തിന് പോവുകയായിരുന്ന സ്ത്രീയുടെ സ്വര്‍ണമാല തട്ടിപറിച്ചു. ഇന്ന് പുലര്‍ച്ചെ അഞ്ചുമണിയോടെ അഴിയൂരിലായിരുന്നു സംഭവം. അഴിയൂര്‍ ഹൈസ്‌കൂളിന് സമീപത്തെ ടി.കെ.ചന്ദ്രിയുടെ നാലേ മുക്കാല്‍ പവന്‍ തൂക്കം വരുന്ന സ്വര്‍ണമാലയാണ് മോഷ്ടാവ് തട്ടിപ്പറിച്ചെടുത്തത്.&nbsp;
തട്ടിപ്പറിക്കുന്നതിനിടെ നിലത്ത് വീണ് ചന്ദ്രിയുടെ കാല്‍മുട്ടിനു പരിക്കേറ്റു. ഇവര്‍ മാഹി ആശുപത്രിയില്‍ ചികിത്സ തേടി. ചോമ്പാല പോലീസ് സ്ഥലത്തെത്തി അന്വേഷണം ആരംഭിച്ചു.

അഴിയൂരിൽ ക്ഷേത്രദര്‍ശനത്തിന് പോവുകയായിരുന്ന സ്ത്രീയുടെ സ്വര്‍ണമാല തട്ടിപറിച്ചു

കല്‍പറ്റ (വയനാട്): മീനങ്ങാടിയില്‍ നിര്‍മാണത്തിലിരുന്ന കിണര്‍ ഇടിഞ്ഞുവീണ് ഒരാള്‍ മരിച്ചു. ഒരാള്‍ക്ക് പരിക്കേറ്റു. പുല്‍പ്പള്ളി സ്വദേശി രാജനാണ് മരിച്ചത്. കാലിന് സാരമായി പരിക്കേറ്റ പുല്‍പ്പള്ളി സ്വദേശിയായ സദാനന്ദനെ കല്‍പറ്റയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
കനാല്‍റോഡ് ഇടക്കരവയലില്‍ കൃഷി ആവശ്യത്തിനായി കുഴിച്ച കിണറാണ് ഇടിഞ്ഞുവീണത്. കിണറിനുള്ളില്‍ റിങ് സ്ഥാപിക്കാനുള്ള തയ്യാറെടുപ്പിനിടെ മണ്ണ് തൊഴിലാളികളുടെ മുകളിലേക്ക് ഇടിഞ്ഞ് വീഴുകയായിരുന്നു.

നിര്‍മാണത്തിലിരുന്ന കിണര്‍ ഇടിഞ്ഞുവീണ് ഒരാള്‍ മരിച്ചു

കോഴിക്കോട്: സ്വകാര്യആശുപത്രിയില്‍ ചികിത്സയില്‍ കഴിയുന്ന മലയാളത്തിന്റെ സ്വന്തം എം.ടി. വാസുദേവന്‍ നായരുടെ ആരോഗ്യനിലയില്‍ നേരിയ പുരോഗതി. അദ്ദേഹം മരുന്നുകളോട് പ്രതികരിക്കുന്നുണ്ട്. രാവിലെ പുതിയ മെഡിക്കല്‍ ബുള്ളറ്റില്‍ പുറത്തിറങ്ങിയേക്കും.
ശ്വാസതടസ്സത്തെത്തുടര്‍ന്ന് ഞായറാഴ്ച രാത്രിയാണ് എം.ടി.യെ ആശുപത്രിയില്‍ പ്രവേശിപ്പിച്ചത്. വിദഗ്ധഡോക്ടര്‍മാരുടെ പ്രത്യേക സംഘം അദ്ദേഹത്തെ നിരീക്ഷിക്കുന്നുണ്ട്.ഭാര്യ കലാമണ്ഡലം സരസ്വതി, മകള്‍ അശ്വതി ശ്രീകാന്ത്, മരുമകന്‍ ശ്രീകാന്ത് എന്നിവരുള്‍പ്പെടെയുള്ള ബന്ധുക്കള്‍ ഒപ്പമുണ്ട്.&nbsp;

എം.ടിയുടെ  ആരോഗ്യനിലയില്‍ നേരിയ പുരോഗതി ;മരുന്നുകളോട് പ്രതികരിക്കുന്നു

ന്യൂഡല്‍ഹി: മുന്‍പ്രധാനമന്ത്രി മന്‍മോഹന്‍ സിങ്(92) അന്തരിച്ചു. ആരോഗ്യനില വഷളായതിനെ തുടര്‍ന്ന് മന്‍മോഹന്‍ സിങ്ങിനെ ഇന്ന് ഡല്‍ഹി എയിംസില്‍ പ്രവേശിപ്പിച്ചിരുന്നു. 2004 മെയ് 22നാണ് ഇന്ത്യയുടെ പതിനാലാമത് പ്രധാനമന്ത്രിയായി മന്‍മോഹന്‍ സിങ് അധികാരമേറ്റത്. രണ്ടാമത് അധികാരമേറ്റത് 2009 മെയ് 22നും.
അവിഭക്ത ഇന്ത്യയിലെ പഞ്ചാബ് പ്രവിശ്യയില്‍ പെട്ട ഒരു ഗ്രാമത്തില്‍ 1932 സെപ്റ്റംബര്‍ 26നാണ് ഡോ. മന്‍മോഹന്‍ സിംങ്ങിന്റെ ജനനം. 1948ല്‍ പഞ്ചാബ് സര്‍വകലാശാലയില്‍നിന്ന് മെട്രിക്കുലേഷന്‍ പരീക്ഷ പാസ്സായി. തുടര്‍ന്ന് 1957ല്‍ ബ്രിട്ടനിലെ കേംബ്രിജ് സര്‍വകലാശാലയില്‍ പഠിച്ച് സാമ്പത്തികശാസ്ത്രത്തില്‍ ഒന്നാം ക്ലാസ് ഓണേഴ്സ് ബിരുദം നേടി. ഓക്സ്ഫഡ് സര്‍വകലാശാലയിലെ നഫില്‍ഡ് കോളജില്‍ ചേര്‍ന്ന് 1962ല്‍ സാമ്പത്തിക ശാസ്ത്രത്തില്‍ ഡി.ഫില്‍ പൂര്‍ത്തിയാക്കി.
മികച്ച സാമ്പത്തിക വിദഗ്ദ്ധനായി അറിയപ്പെടുന്ന മന്‍മോഹന്‍ സിംഗ് നടപ്പിലാക്കിയ ഉദാരവത്കരണ സാമ്പത്തിക നയങ്ങള്‍ ശ്രദ്ധപിടിച്ചുപറ്റിയിരുന്നു. അദ്ധ്യാപകനായിട്ടാണ് അദ്ദേഹം ഔദ്യോഗിക ജീവിതം ആരംഭിച്ചത്. ഇന്ത്യന്‍ സാമ്പത്തിക രംഗത്തെ ഉടച്ചുവാര്‍ത്ത ധനമന്ത്രിയെന്നാണ് മന്‍മോഹന്‍ സിംഗിനെ വിശേഷിപ്പിക്കുന്നത്. റിസര്‍വ് ബാങ്ക് ഗവര്‍ണര്‍, നരസിംഹറാവു മന്ത്രിസഭയിലെ ധനമന്ത്രി തുടങ്ങിയ പദവികളും ഡോ. മന്‍മോഹന്‍ സിംഗ് വഹിച്ചിരുന്നു.
1932ല്‍ പടിഞ്ഞാറന്‍ പഞ്ചാബിലെ ഗാഹ് (ഇപ്പോള്‍ പാകിസ്ഥാനില്‍) എന്ന സ്ഥലത്താണ് മന്‍മോഹന്‍ സിംഗ് ജനിച്ചത്. വിഭജനത്തിന് ശേഷം മന്‍മോഹന്‍ സിംഗിന്റെ കുടുംബം ഇന്ത്യയിലേക്ക് വരികയായിരുന്നു. ലോകപ്രശസ്തമായ ഒക്‌സ്‌ഫോര്‍ഡ് സര്‍വകലാശാലയില്‍ നിന്ന് സാമ്പത്തികശാസ്ത്രത്തില്‍ ഡോക്ടറേറ്റ് നേടിയ വ്യക്തിയാണ് സിംഗ്. 1972 മുതല്‍ 1976 വരെ കേന്ദ്ര സര്‍ക്കാരിന്റെ മുഖ്യ ധനകാര്യ ഉപദേഷ്ടാവായിരുന്നു അദ്ദേഹം. 1982-85 കാലയളവില്‍ റിസര്‍വ് ബാങ്ക് ഗവര്‍ണറായി പ്രവര്‍ത്തിച്ചു.

മുൻ പ്രധാനമന്ത്രിക്ക് വിട ;ഡോ  മന്‍മോഹന്‍ സിംഗ് അന്തരിച്ചു

കോഴിക്കോട്: മലയാളത്തിന്റെ സ്വന്തം എംടി വാസുദേവൻ നായർക്ക് വിട. സ്മൃതിപഥം ശ്‌മശാനത്തിൽ സംസ്ഥാന സർക്കാരിന്റെ ഔദ്യോഗിക ബഹുമതികൾ നൽകിയ ശേഷമായിരുന്നു സംസ്‌കാരം. എംടിയുടെ സഹോദരന്റെ മകൻ ടി സതീശനാണ് ചടങ്ങുകൾ നിർവ്വഹിച്ചത്.&nbsp;
വ്യാഴാഴ്ച വൈകീട്ട് 4.15-ഓടെ എം.ടി. അവസാനമായി 'സിതാര'യുടെ പടിയിറങ്ങി. കൊട്ടാരം റോഡ്, നടക്കാവ്, ബാങ്ക് റോഡ്, കെ.എസ്.ആർ.ടി.സി. ബസ് സ്റ്റാൻഡ് വഴി മാവൂർ റോഡിലെ പൊതുശ്മശാനത്തിലേക്ക്. ഭൗതികശരീരം വഹിച്ച് വീട്ടിൽനിന്ന് ആംബുലൻസ് പുറപ്പെടുന്നതുവരേയും 'സിതാര'യിലേക്ക് ജനം ഒഴുകിയെത്തി. മലയാളത്തിന്റെ പ്രിയസാഹിത്യകാരനെ ഒരു നോക്ക് കാണാനും അന്ത്യാഞ്ജലി അർപ്പിക്കാനും വഴിനീളെ ആളുകൾ കാത്തുനിന്നു. പത്രാധിപർ, ചലച്ചിത്രകാരൻ, നാടകകൃത്ത്, സാഹിത്യസംഘാടകൻ എന്നിങ്ങനെ കൈവെച്ച മേഖലകളിലെല്ലാം സുവർണമുദ്ര പതിപ്പിച്ച ആ യു​ഗം ഇനി ഓർമ മാത്രമായി.

സാഹിത്യ കുലപതിക്ക് കണ്ണീർ പ്രണാമം; എം.ടിക്ക് സ്മൃതിപഥത്തിൽ അന്ത്യ നിദ്ര

കോഴിക്കോട്: അന്തരിച്ച മലയാളത്തിന്റെ മഹാ സാഹിത്യകാരൻ എംടി വാസുദേവൻ നായരുടെ സംസ്‌കാര ചടങ്ങുകൾ ഇന്ന് വൈകിട്ട് അഞ്ച് മണിക്ക് നടത്തും. മാവൂർ റോഡിലെ 'സ്‌മൃതിപഥം' എന്ന് പേരിട്ട് പുതുക്കിപ്പണിത പൊതുശ്‌മശാനത്തിലാണ് സംസ്‌കാരം. 'സ്‌മൃതിപഥം' പുതുക്കിപ്പണിതിട്ട് ദിവസങ്ങളേ ആയിട്ടുള്ളു. അവിടേക്കുള്ള ആദ്യ വിലാപയാത്ര എംടിയുടേതാണ്. എംടിയുടെ ആവശ്യപ്രകാരം പൊതുദർശനം ഒഴിവാക്കിയിരുന്നു.
വാതകം ഉപയോഗിച്ച് ദഹിപ്പിക്കുന്ന മൂന്ന് ചൂളകളും പരമ്പരാഗത രീതിയിൽ ദഹിപ്പിക്കാനുള്ള രണ്ട് ചൂളകളുമാണ് മാവൂർ റോഡ് ശ്‌മശാനത്തിൽ പുതുതായി നിർമിച്ചത്. കർമങ്ങൾ ചെയ്യാനും ദേഹശുദ്ധി വരുത്താനും പ്രത്യേകം സൗകര്യങ്ങളും ഒരുക്കിയിട്ടുണ്ട്. ഇതിന് സമീപം മനുഷ്യന്റെ ജനനം, ജീവിതം, മരണം എന്നിവ ചിത്രീകരിച്ച ചുമർചിത്രങ്ങളുമുണ്ട്. ഊരാളുങ്കൽ ലേബർ കോൺട്രാക്‌ട് സൊസൈറ്റിയുടെ നേതൃത്വത്തിലാണ് പ്രവൃത്തി നടന്നത്.

യുഗാന്ത്യം;എംടിയുടെ സംസ്‌കാര ചടങ്ങുകൾ വൈകീട്ട് അഞ്ച് മണിക്ക്

ന്യൂഡല്‍ഹി: എം.ടി വാസുദേവന്‍ നായരുടെ നിര്യാണത്തില്‍ അനുശോചനം രേഖപ്പെടുത്തി പ്രധാനമന്ത്രി നരേന്ദ്ര മോദി. മലയാള സിനിമ-സാഹിത്യമേഖലയിലെ ബഹുമാന്യ പ്രതിഭയായ എം.ടി വാസുദേവന്‍ നായരുടെ വിയോഗത്തില്‍ അതീവ ദുഃഖമുണ്ടെന്ന് അദ്ദേഹം സാമൂഹിക മാധ്യമമായ എക്‌സില്‍ കുറിച്ചു.
മനുഷ്യവികാരങ്ങളെ ആഴത്തില്‍ പര്യവേക്ഷണം ചെയ്തുകൊണ്ട് രചിക്കപ്പെട്ട അദ്ദേഹത്തിന്റെ കൃതികള്‍ തലമുറകളെ രൂപപ്പെടുത്തുന്നതില്‍ പങ്കുവഹിച്ചുവെന്നും ഇനിയും ഒരുപാടുപേരെ പ്രചോദിപ്പിക്കുമെന്നും പ്രധാനമന്ത്രി കുറിച്ചു. പാര്‍ശ്വവത്ക്കരിക്കപ്പെട്ടവര്‍ക്കും നിശ്ബദരാക്കപ്പെട്ടവര്‍ക്കും അദ്ദേഹം ശബ്ദം നല്‍കി. കുടുംബത്തിന്റെയും നാടിന്റെയും ദുഃഖത്തില്‍ പങ്കുചേരുന്നുവെന്നും അദ്ദേഹം കുറിച്ചു.

പാര്‍ശ്വവത്ക്കരിക്കപ്പെട്ടവര്‍ക്കും നിശ്ബദരാക്കപ്പെട്ടവര്‍ക്കും അദ്ദേഹം ശബ്ദം നല്‍കി ;അനുശോചിച്ച് പ്രധാനമന്ത്രി

തിരുവനന്തപുരം: എം ടി വാസുദേവൻ നായരുടെ വിയോഗത്തിൽ അനുശോചനം രേഖപ്പെടുത്തി പ്രതിപക്ഷ നേതാവ് വി ഡി സതീശൻ. ഒരു ജനതയാകെ മാതൃഭാഷ എങ്ങനെ എഴുതണം, എങ്ങനെ പറയണം എന്ന് ഒരു പേനയുടെ ബലം കൊണ്ട് നിർണയിക്കാൻ കഴിഞ്ഞ മനുഷ്യനാണ് എംടിയെന്ന് വി ഡി സതീശൻ അനുശോചനക്കുറിപ്പിൽ പറഞ്ഞു.&nbsp;
അനുശോചനക്കുറിപ്പിന്‍റെ പൂർണരൂപം
ഒരു ജനതയാകെ മാതൃഭാഷ എങ്ങനെ എഴുതണം, എങ്ങനെ പറയണം എന്ന് ഒരു പേനയുടെ ബലം കൊണ്ട് നിർണയിക്കാൻ കഴിഞ്ഞ മനുഷ്യൻ. ചവിട്ടി നിൽക്കുന്ന മണ്ണിനേയും ചുറ്റുമുള്ള മനുഷ്യരെയും പ്രകൃതിയെയും ആദരവോടെയും ആഹ്‌ളാദത്തോടെയും നോക്കി കാണാൻ അദ്ദേഹം മലയാളിയെ പഠിപ്പിച്ചു. മലയാളത്തിന്റെ പുണ്യവും നിറവിളക്കുമായി നിറഞ്ഞു നിന്ന എം.ടി രാജ്യത്തിന്റെ ഔന്നത്യമായിരുന്നു. മലയാള ഭാഷയുടെ ഇതിഹാസം. സ്വന്തം ജീവിതം കൊണ്ട് അദ്ദേഹം തീർത്തത് കേരളത്തിന്റെ തന്നെ സംസ്‌കാരിക ചരിത്രമാണ്. വാക്കുകൾ തീവ്രമായിരുന്നു. പറയാനുള്ളത് നേരെ പറഞ്ഞു. ആശയങ്ങൾ സ്പഷ്ടമായിരുന്നു. ഭയം അദ്ദേഹത്തിന്റെ ഒരു വാക്കിനെ പോലും പിറകോട്ട് വലിച്ചില്ല. അങ്ങനെയുള്ളവരാണ് കാലത്തെ അതിജീവിക്കുന്നത്.
ആ പേനയിൽ നിന്ന് 'ഇത്തിരിത്തേൻ തൊട്ടരച്ച പൊന്നു പോലാമക്ഷരങ്ങൾ' ഉതിർന്ന് ഭാഷ ധന്യമായി. നിങ്ങൾക്ക് എന്ത് പറയാനുണ്ടെന്ന് ലോകം നിശബ്ദമായി ചോദിച്ചു കൊണ്ടേയിരിക്കും. അത് തിരിച്ചറിയുന്നതാണ് എഴുത്തുകാരന്റെ ഉത്തരവാദിത്തം. എം.ടി ആ ഉത്തരവാദിത്തം അത്രമേൽ അവധാനതയോടും സൗന്ദര്യാത്മകമായും നിറവേറ്റി. കാലം ആവശ്യപ്പെട്ടത് കാലാതിവർത്തിയായി നിറവേറ്റിയ ഇതിഹാസമാകുന്നു എം.ടി.
'നിങ്ങൾ എന്തിന് എഴുത്തുകാരനായി എന്ന് ഒരാൾ ചോദിച്ചാൽ എനിക്ക് പറയാനറിയാം. ആദ്യം മുതൽക്കെ ഞാൻ മറ്റൊന്നുമായിരുന്നില്ല' - എന്ന് എം.ടി പറഞ്ഞത് ഒരു പരസ്യ പ്രസ്താവനയാണ്. അതിലെ ഓരോ വാക്കുകളും അർത്ഥവത്താണ്. അത് ജീവിതം കൊണ്ട് തെളിഞ്ഞതുമാണ്. മനുഷ്യനേയും മനുഷ്യനേയും ചേർത്ത് നിർത്തിയ സ്‌നേഹ സ്പർശമായിരുന്നു എം.ടി .

അറിയാത്ത അത്ഭുതങ്ങളെ ഗർഭത്തിൽ വഹിക്കുന്ന മഹാസമുദ്രങ്ങളേക്കാൾ കൺമുന്നിൽ കാണുന്ന നിളാ നദിയെ ഇഷ്ടപ്പെട്ട, മനുഷ്യാവസ്ഥയെ ലളിതമായും കഠിനമായും ആവിഷ്‌ക്കരിച്ച, ആത്മസംഘർഷങ്ങളും സങ്കടചുഴികളും നഷ്ട്ടപ്പെടലിന്റെ വേദനയും ആഹ്ളാദത്തിന്റെ കൊടുമുടികളും കടന്ന് മൗനത്തിന്റെ തീവ്രതയെ അളവു കോലില്ലാതെ അടയാളപ്പെടുത്തിയ എം.ടി എന്നെ സംബന്ധിച്ച് ഒരു മഹാമനുഷ്യനായിരുന്നു.

'വടക്കൻ വീരഗാഥ'യിലെ ചന്തുവിനെ കണ്ട ശേഷമാണ് വില്ലൻമാരെന്ന് സമൂഹം മുദ്രകുത്തിയവരെ കുറിച്ച് ഞാൻ മാറി ചിന്തിച്ച് തുടങ്ങിയത്. 'നിർമ്മാല്യ'ത്തിലെ വെളിച്ചപ്പാട് ഭയപ്പെടുത്തി. 'സദയ'ത്തിലെ സത്യനാഥൻ എന്നെ അസ്വസ്ഥനാക്കി. 'സുകൃത'ത്തിലെ രവിശങ്കർ നോവായി മനസിൽ നിന്നു. 'പരിണയ'ത്തിലെ ഉണ്ണിമായ അന്തർജനത്തിന്റെ നിസഹായാവസ്ഥ പിടിച്ചുലച്ചു.

സ്വന്തം ജീവിതം കൊണ്ട് അദ്ദേഹം തീർത്തത് കേരളത്തിന്റെ തന്നെ സംസ്‌കാരിക ചരിത്രമാണ് - പ്രതിപക്ഷ നേതാവ്

Search Results for: 13.12.2024