കോഴിക്കോട്: എഐ ക്യാമറയ്ക്കു മുന്നിൽ വാഹനത്തിന്റെ നമ്പർ പ്ലേറ്റ് മറച്ചു പിടിച്ചു യാത്ര ചെയ്യുന്നവരെ പിടികൂടാൻ ആർടിഒ എൻഫോഴ്സ്മെന്റ് പരിശോധന തുടരുന്നു. ഹെൽമറ്റ് ധരിക്കാതെ അതിവേഗത്തിൽ അശ്രദ്ധമായി ഇരുചക്രവാഹനം ഓടിക്കുന്നവരാണ് എഐ ക്യാമറയെ വെട്ടിക്കാൻ നമ്പർ പ്ലേറ്റ് മറയ്ക്കുന്നത്. എഐ ക്യാമറയ്ക്കു സമീപം എത്തുമ്പോൾ ഒരു കൈ കൊണ്ടു നമ്പർ പ്ലേറ്റ് മറയ്ക്കും. അതിവേഗത്തിൽ വണ്ടി ഓടിക്കുന്നതോടൊപ്പമാണ് ഈ അഭ്യാസം കാണിക്കുന്നത്. ഇത് അപകടത്തിനും വഴി വയ്ക്കും. ഈ വാഹനം നിയന്ത്രണം വിട്ടു മറ്റു വാഹനത്തിൽ ഇടിക്കാനും കാൽനടയാത്രക്കാരനെ ഇടിച്ചു വീഴ്ത്താനും സാധ്യതയേറെ.&nbsp;
കഴിഞ്ഞ ദിവസം നടത്തിയ ക്യാമറ പരിശോധനയിൽ 4 പേർക്കെതിരെ നടപടി സ്വീകരിച്ചു. നമ്പർ പ്ലേറ്റ് കൈ കൊണ്ടു പൊത്തിപ്പിടിച്ചു വാഹനം ഓടിച്ച പി.മുഹമ്മദ് ഫാദിൽ, കെ.പി.മുർഷാദ്, എം.വി.ദിൽഷാദ്, ശ്രാവൺ എന്നിവരുടെ ലൈസൻസ് 3 മാസത്തേക്ക് സസ്പെൻഡ് ചെയ്തു. ഇരുചക്രവാഹനത്തിൽ 3 പേർ സഞ്ചരിച്ച സംഭവത്തിൽ ജസീം അഹമ്മദ് എന്നയാളുടെ പേരിൽ നടപടി സ്വീകരിച്ചു. ഇത്തരക്കാരെ കണ്ടെത്തി കർശന നടപടി തുടരുമെന്ന് എൻഫോഴ്സ്മെന്റ് ആർടിഒ ബി.ഷഫീഖ് പറ‍ഞ്ഞു. എംവിഐ.കെ.എം.ധനീഷിന്റെ നേതൃത്വത്തിലാണു പരിശോധന നടത്തിയത്.&nbsp;

ക്യാമറയിൽ പെടാതിരിക്കാൻ നമ്പർ‌ പ്ലേറ്റ് മറച്ചു പിടിച്ച് യാത്ര ചെയ്തവരുടെ ലൈസൻസ് സസ്പെൻഡ് ചെയ്തു

Kozhikode

വടകര: നാല്പത്തിയേഴ് വർഷമായി പാലയാട് നടയിൽ പ്രവർത്തിച്ചു വരുന്ന കേരള ഗ്രാമീണ ബേങ്ക് മണിയൂർ ശാഖ മറ്റൊരു സ്ഥലത്തേക്ക് മാറ്റുന്നതിനെതിരെ സമരസമിതിയുടെ നേതൃത്വത്തിൽ ധർണ്ണാ സമരം നടത്തി. ജനകീയ പ്രക്ഷോഭ പരിപാടി പത്തൊൻപതാം വാർഡ് മെമ്പർ പി ഷൈജു ഉദ്ഘാടനം ചെയ്തു. സത്യൻ, കുനിയിൽ ശ്രീധരൻ , ടി എൻ മനോജൻ, നാരായണൻ എന്നിവർ സംസാരിച്ചു. വാർഡ് മെമ്പർ ശോഭന അധ്യക്ഷത വഹിച്ചു.

ബാങ്ക് ശാഖ മാറ്റുന്നതിൽ പ്രതിഷേധം

Inshort

മാഹി: പെരിങ്ങാടി ശ്രീ കാഞ്ഞിരമുള്ള പറമ്പ് ഭഗവതി ക്ഷേത്രത്തിൽ നിന്നും അയ്യപ്പ സന്നിധിയിലേക്ക് യാത്ര പുറപ്പെട്ടു. അയ്യപ്പഭക്തരുടെ കെട്ടുനിറയും തുടർന്ന് അയ്യപ്പ സദ്യയും ഉണ്ടായി. നവംബർ 17 മുതലാണ് മണ്ഡലം മഹോത്സവം ആരംഭിച്ചത്. തുടർന്നുള്ള 41 ദിനരാത്രങ്ങൾ മണ്ഡല മഹോത്സവത്താൽ ക്ഷേത്രവും പരിസരവും ഭക്തി നിർഭരമായി മാറി. ഒപ്പം നടന്ന ശ്രീമദ് ഭാഗവത സപ്താഹയജ്ഞത്താലും ക്ഷേത്രാങ്കണം ഭക്തരാൽ നിറഞ്ഞു തിങ്ങിയിരുന്നു. മഹോത്സവത്തിന്റെ ഭാഗമായി ഭജന, ഭക്തിഗാനമേള, പ്രഭാഷണം, ശ്രീ ധർമ്മശാസ്താ അഷ്ടോത്തര ശതനാമാർച്ചന എന്നിവയും നടന്നു. ഡിസംബർ 26ന് നടക്കുന്ന മണ്ഡലവിളക്കോടെ ഈ വർഷത്തെ മണ്ഡല മഹോത്സവം സമാപിക്കും. ഡിസംബർ 30ന് നാഗപ്രതിഷ്ഠാ വാർഷികാഘോഷവും വളരെ സമുചിതമായി ആഘോഷിക്കുമെന്നു ഭാരവാഹികൾ പറഞ്ഞു.

കാഞ്ഞിരമുള്ള പറമ്പ് ഭഗവതി ക്ഷേത്രത്തിൽ നിന്നും ശബരിമല യാത്ര പുറപ്പെട്ടു

Mahe

വടകര: ചോറോട് ഹയർസെക്കണ്ടറി സ്കൂളിലെ 1987 എസ് എസ് എൽ സി ബാച്ച് വിദ്യാർത്ഥികൾ അദ്ധ്യാപകരെയും വിവിധ മേഖലയിൽ പ്രവർത്തിക്കുന്നവരെയും ആദരിക്കുകയും സ്കൂളിന് കസേരകൾ നൽകുകയും ചെയ്തു. സ്കൂൾ ഹെഡ് മാസ്റ്റർ ബാബു പുത്തൂർ അധ്യക്ഷത വഹിച്ചു. അദ്ധ്യാപകനായിരുന്ന നാരായണൻ നമ്പൂതിരിയെ രാഘവൻ കെ.ടി.കെയും ഡോക്യുമെന്ററി സംവിധായകൻ വി.പി.ചന്ദ്രൻ കുരിക്കിലാടിനെ അജിത മഠത്തിൽ, സഹസംവിധായകൻ സുരേഷ് ബാബുവിനെ രജനി എൻ, കവിതാ സമാഹാരം എഴുതിയ വിനോദ് കരുവലോടിയെ അനിൽകുമാറും ഉപഹാരങ്ങൾ നൽകി ആദരിച്ചു. സ്കൂളിനായി പൂർവ്വ വിദ്യാർത്ഥി ബാച്ച് എഴുപത്തിയഞ്ച് കസേരകൾ കൈമാറി. പി ടി എ പ്രസിഡണ്ട് മധു കൂട്ടങ്ങാരം എച്ച് എം ബാബു പുത്തൂർ എന്നിവർ ചേർന്ന് ഏറ്റുവാങ്ങി. വ്യക്തികളെ പ്രേമരാജൻ കെ.എം. പരിചയപ്പെടുത്തി. പ്രസാദ് വിലങ്ങിൽ, രജിസി എം എന്നിവർ ആശംസകൾ നേർന്നു. സ്കൂൾ അധ്യാപകൻ ശ്രീജിത് കെ. സ്വാഗതവും വിജീഷ് നന്ദിയും പറഞ്ഞു.

ആദരവും കസേര കൈമാറൽ ചടങ്ങും നടത്തി

Vadakara

ബെയ്ജിങ്: ചൈനയിൽ ഒരു യുവതിയുടെ കണ്ണിൽ നിന്ന് അറുപത് ജീവനുള്ള വിരകളെ ഡോക്ടർമാർ നീക്കം ചെയ്തു. തുടർച്ചയായി കണ്ണിന് ചൊറിച്ചിൽ അനുഭവപ്പെട്ടതിനേത്തുടർന്ന് കുൻമിങ്ങിലെ ആശുപത്രിയിലെത്തിയ യുവതിയുടെ കണ്ണിൽനിന്നാണ് വിരകളെ നീക്കം ചെയ്തത്. യുവതി ആരാണെന്ന വിവരം ആശുപത്രി അധികൃതർ പുറത്തുവിട്ടിട്ടില്ല.കണ്ണിന് അസ്വസ്ഥത കൂടിയപ്പോൾ ചൊറിയുന്നതിനിടെ കണ്ണിൽ നിന്ന് വിര താഴേക്ക് വീഴുകയായിരുന്നു. വൈകാതെ ആശുപത്രിയിലെത്തിച്ചപ്പോഴാണ് കൃഷ്ണമണിക്കും കൺപോളകൾക്കും ഇടയിൽ വിരകളുടെ സാന്നിധ്യം കണ്ടത്. ഇരുകണ്ണുകളിൽ നിന്നുമായി 60 വിരകളെയാണ് നീക്കം ചെയ്തതെന്ന് ഡോക്ടർമാർ പറഞ്ഞു. വലതുകണ്ണിൽ നിന്ന് നാൽപത് വിരകളേയും ഇടതുകണ്ണിൽ നിന്ന് പത്തുവിരകളേയുമാണ് നീക്കം ചെയ്തത്. താൻ കണ്ടതിൽവച്ച് അപൂർവമായ സംഭവമാണ് ഇതെന്ന് യുവതിയെ ചികിത്സിച്ച ‍ഡോക്ടർ ​ഗുവാൻ പറഞ്ഞു.
ഫിലാരിയോഡിയ വിഭാ​ഗത്തിലുള്ള വിരകളാണ് അണുബാധയ്ക്ക് കാരണമായി കരുതുന്നതെന്ന് ഡോക്ടർമാർ പിന്നീട് വ്യക്തമാക്കി. ഒരുതരം ഈച്ചകളിൽ നിന്നാവാം അണുബാധ പകർന്നതെന്നും വിദ​ഗ്ധർ കരുതുന്നു. എന്നാൽ വളർത്തുമൃ​ഗങ്ങളായ പട്ടികളിൽ നിന്നോ പൂച്ചകളിൽ നിന്നോ ആവാം തനിക്കിതു ബാധിച്ചതെന്നാണ് യുവതി കരുതുന്നത്. ഇത്തരം വിരകളെ വഹിച്ചു നടക്കുന്ന പട്ടിയേയോ പൂച്ചയേയോ സ്പർശിക്കുകയും അപ്പോൾ തന്നെ കണ്ണുകൾ തിരുമ്മുകയും ചെയ്തതാവാം വിരകൾ കണ്ണിൽ പ്രവേശിച്ചതിനു പിന്നിലെന്നും അവർ പറഞ്ഞു. ആശുപത്രിയിൽ നിന്ന് വിട്ടെങ്കിലും തുടർച്ചയായ പരിശോധനയ്ക്ക് തിരികെയെത്തണമെന്ന് ഡോക്ടർമാർ യുവതിയോട് ആവശ്യപ്പെട്ടിട്ടുണ്ട്. വളർത്തുമൃ​ഗങ്ങളെ സ്പർശിച്ചാലുടൻ കൈകകൾ വൃത്തിയായി കഴുകണമെന്നും നിർദേശിച്ചിട്ടുണ്ട്.

യുവതിയുടെ കണ്ണിൽ നിന്ന് ഡോക്ടർമാർ നീക്കം ചെയ്തത് ജീവനുള്ള അറുപത് വിരകളെ

നാദാപുരം : പോത്തുകളെ മേയ്ക്കുന്നതിനിടെ വിലങ്ങാട് വനത്തിനുള്ളിൽ കുടുങ്ങിയ വയനാട് സ്വദേശിയെ 14 മണിക്കൂറിനുശേഷം നാട്ടുകാർ രക്ഷപ്പെടുത്തി. വാളാട് പട്ടോളി പുളിപ്പറമ്പിൽ ശേഖരനെയാണ് നാട്ടുകാർ കണ്ടെത്തിയത്. ഞായറാഴ്ച വൈകുന്നേരം ആറുമണിയോടെ പന്നിയേരി തൊടുപുഴ എസ്റ്റേറ്റിലാണ് ഇയാളെ കാണാതായത്. കുരങ്ങുകൾ പോത്തുകളെ കൂട്ടംതെറ്റിച്ചതിനെത്തുടർന്ന് അവയെത്തേടി ഒപ്പമുണ്ടായിരുന്ന വിലങ്ങാട് പാലിൽ പ്രകാശനൊപ്പം വനത്തിൽ കയറിയ ശേഖരൻ വഴിതെറ്റി കുടുങ്ങുകയായിരുന്നു.
കൂടെയുണ്ടായിരുന്ന ആൾ തിരിച്ചെത്തിയെങ്കിലും ശേഖരൻ നായരെ കാണാതായി. തിരച്ചിലിനെത്തിയ പൊലീസും വനം അധികൃതരും ഇന്നലെ രാവിലെയാണ് ശേഖരൻ നായരെ കണ്ടെത്തിയത്. ടോർച്ച് കത്താതാവുകയും മഴയും മഞ്ഞും ശക്തമാവുകയും ചെയ്തതോടെ വഴി തെറ്റി രാത്രി മുഴുവൻ‌ വനത്തിലെ പാറകൾക്കിടയിൽ കഴിച്ചു കൂട്ടിയതായി ശേഖരൻ നായർ പറഞ്ഞു. കാണാതായ പോത്തുകളെയും പിന്നീട് കണ്ടെത്തി.

വിലങ്ങാട് വനത്തിൽ കുടുങ്ങിയ വയോധികനെ 14 മണിക്കൂറിനുശേഷം കണ്ടെത്തി

Nadapuram

തോടന്നൂർ: സഹകരണ സംഘങ്ങൾ നാടിൻ്റെ നട്ടെല്ലായി പ്രവർത്തിക്കണമെന്ന് കെ.മുരളീധരൻ എം.പി പറഞ്ഞു. തിരുവള്ളൂർ അഗ്രികൾച്ചറിസ്റ്റ് കോ- ഓപ്പറേറ്റീവ് സൊസൈറ്റിയുടെ നവീകരിച്ച കെട്ടിടത്തിൻ്റെ ഉദ്ഘാടനം നിർവ്വഹിച്ച് സംസാരിക്കുകയായിരുന്നു അദ്ദേഹം. സഹകരണ മേഖലയുമായി ബന്ധപ്പെടുന്ന നിയമ നിർമ്മാണങ്ങൾ നടപ്പാക്കുമ്പോൾ പാവപ്പെട്ടവന്റെ ജീവിത പ്രയാസങ്ങൾ ഭരണകൂടങ്ങളുടെ മനസ്സിൽ പതിയണം. കർശനമായ നിരീക്ഷണങ്ങളോടൊപ്പം സുതാര്യമായ നടപടിക്രമങ്ങളിലൂടെ ഏതൊരു സാധാരണക്കാരനും സഹകരണ സംഘങ്ങളെ ആശ്രയിക്കാൻ കഴിയുന്ന സാഹചര്യം സൃഷ്ടിച്ചു മുന്നേറാൻ കൂട്ടായ പരിശ്രമം ആവശ്യമാണെന്നും അദ്ദേഹം കൂട്ടിച്ചേർത്തു. സൊസൈറ്റി പ്രസിഡൻ്റ് പ്രൊഫ ഇ ശശീന്ദ്രൻ അധ്യക്ഷത വഹിച്ചു. സ്ട്രോംഗ് റൂം ഉദ്ഘാടം തിരുവള്ളൂർ ഗ്രാമപഞ്ചായത്ത് പ്രസിഡൻ്റ് സബിത മണക്കുനി നിർവഹിച്ചു. പഞ്ചായത്ത് വൈസ് പ്രസിഡൻ്റ് എഫ്.എം.മുനീർ ഷെയർ സർട്ടിഫിക്കറ്റ് വിതരണം ചെയ്തു. വടകര അസി. റജിസ്ട്രാർ പി.ഷിജു സ്ഥിര നിക്ഷേപം സ്വീകരിച്ചു. വള്ളിൽ ശാന്ത, പി.സി ഷീബ, പി.പി.രാജൻ, കെ.കെ.സുരേഷ്, കെ.കെ.മോഹനൻ, പി.ശങ്കരൻ, ടി. അനിൽ കുമാർ, കെ.പി. ജീവാനന്ദ്, പി.കെ.കൃഷ്ണൻ, നിഖിൽ വി.പി എന്നിവർ സംസാരിച്ചു.

സഹകരണ സംഘങ്ങൾ നാടിൻ്റെ നട്ടെല്ലാവണം: കെ.മുരളീധരൻ എം.പി

കൂത്താളി: കുന്നുമ്മൽ സുരേന്ദ്രൻ (66) അന്തരിച്ചു. ഭാര്യ സതി (നാദാപുരം നഴ്സിംഗ് ഹോം). മക്കൾ; അമൃത, അനഘ. മരുമക്കൾ; രാഹുൽ എറണാകുളം, രാഘേഷ് പാലക്കാട്. സഹോദരങ്ങൾ; സുധ കണ്ണിപ്പൊയിൽ, സുമതി കായണ്ണ, അശോകൻ കൂത്താളി.

കൂത്താളി കുന്നുമ്മൽ സുരേന്ദ്രൻ അന്തരിച്ചു

Obitury

കോഴിക്കോട് : മാലിന്യമുക്ത നവകേരളം പദ്ധതിയുടെ ഭാഗമായി ജില്ലയിൽ അജൈവമാലിന്യം വാതിൽപ്പടി ശേഖരണത്തിൽ വൻ കുതിച്ചുചാട്ടം. നവംബർ മാസത്തെ കണക്ക് പ്രകാരം ജില്ലയിൽ ഹരിത കർമ്മ സേന യൂസർ ഫീസ് അഞ്ച്‌ തദ്ദേശ സ്വയം ഭരണ സ്ഥാപനങൾ 100 % നേട്ടം കൈവരിച്ചു. കഴിഞ്ഞ ഒക്ടോബറിൽ ഇത് ഒരു സ്ഥാപനം മാത്രമായിരുന്നു. വില്ല്യാപ്പള്ളി, ആയഞ്ചേരി, ചോറോട്, കുന്നുമ്മൽ, കുടരഞ്ഞി, ഒഞ്ചിയം എന്നിവയാണ് മികച്ച പ്രവർത്തനം നടത്തിയത്. ജില്ലയിൽ കഴിഞ്ഞ ആറു മാസ കാലയളവിലെ ഏറ്റവും ഉയർന്ന ഫീ കലക്ഷൻ ആണ് കഴിഞ്ഞ മാസം ലഭിച്ചത്. അടുത്ത വർഷത്തോടെ ജില്ല മാലിന്യമുക്തമാകുന്നതിന്റെ ഭാഗമായി ഹരിത കർമ്മ സേന പ്രവർത്തനം ശാസ്ത്രീയമാക്കുന്നതിന് ഹരിത മിത്രം മൊബൈൽ ആപ്പ് ഉൾപ്പെടെയുള്ള വിവിധ പ്രവർത്തനങ്ങൾ ആസുത്രണം ചെയ്തിരുന്നു. ജില്ലാതലത്തിലും തദ്ദേശ സ്ഥാപന തലത്തിലും നടത്തിയ വിവിധ ഇടപെടലുകളും അവലോകനങ്ങളുടെയും ഫലമായാണ് ജില്ലയിൽ അഭിമാനകരമായ നേട്ടം നേടാൻ സാധിച്ചത്. ഹരിത കർമ്മ സേനയോടൊപ്പം ഒരുദിനം കാമ്പയിനും മാലിന്യ പരിപാലന കേന്ദ്രങ്ങളിലെ സോഷ്യൽ ഓഡിറ്റും തദ്ദേശ സ്വയം ഭരണ സ്ഥാപനങ്ങളിൽ നടന്നുവരുന്നുണ്ട്. കൂടാതെ ജില്ലാതല എൻഫോഴ്‌സ്‌മെന്റ് ടീമിന്റെ പ്രവർത്തനത്തിൽ കോഴിക്കോട് ജില്ല സംസ്ഥാനത്ത് ഒന്നാമതാണ്. ഹരിത കർമ്മ സേന യൂസർ ഫീ ശേഖരണത്തിൽ കോഴിക്കോട് കോർപ്പറേഷൻ 66.31% വും, ഗ്രാമപഞ്ചായത്തുകളിൽ ശരാശരി 56.24%വും മുനിസിപ്പാലിറ്റികളിൽ 60.41% വും കളക്ഷൻ കഴിഞ്ഞ മാസം നേടിയെടുത്തു.&nbsp;
2024 ജനുവരിയോട് കൂടി 100% കളക്ഷൻ നേടുക എന്ന ലക്ഷ്യവുമായിട്ടാണ് ജില്ല പ്രവർത്തിക്കുന്നത്. 50% ഹരിത കർമ്മ സേന യൂസർ ഫീ ലഭിക്കാത്ത 10 തദ്ദേശ സ്വയം ഭരണ സ്ഥാപനങ്ങൾ കോഴിക്കോട് ഉണ്ട്, കൂടാതെ പിന്നോക്കം നിൽക്കുന്ന തദ്ദേശസ്വയം ഭരണ സ്ഥാപനങ്ങളുടെ പ്രവർത്തനം മോണിറ്റർ ചെയ്യുന്നതിനും സഹായിക്കുന്നതിനുമായി തദ്ദേശ സ്വയംഭരണ വകുപ്പിലെ അസിസ്റ്റന്റ് ഡയറക്ടർമാർക്ക് ചുമതല നൽകി ഉത്തരവായി. കഴിഞ്ഞ മാർച്ചിൽ ജില്ലയിൽ ഹരിത കർമ്മ യൂസർ ഫീസ് കളക്ഷൻ 27.56% മാത്രമായിരുന്നു. കഴിഞ്ഞ ഓഗസ്റ്റിൽ 44 % വും സെപ്റ്റംബറിൽ 47% വുമായി ഉയർന്ന് പടിപടിയായാണ് നവംബറിൽ യൂസർ ഫീ 24558121(രണ്ട് കോടി നാൽപ്പത്തിയഞ്ച് ലക്ഷത്തിഅന്പത്തിയെട്ടായ്യിരത്തി നൂറ്റി ഇരുപതിയൊന്ന് രൂപ) ആയി ഉയർന്നത്. കോഴിക്കോട് ജില്ലയിൽ 10 ഗ്രാമ പഞ്ചായത്തുകളിൽ മാത്രമാണ് ഹരിത കർമ്മ സേന യൂസർ ഫീ 50% ത്തിൽ താഴെ ഉള്ളത്. എല്ലാ മുൻസിപ്പാലിറ്റികളിലും യൂസർ ഫീ കളക്ഷൻ 50% ത്തിന് മുകളിലാണ്. കഴിഞ്ഞ ഓഗസ്റ്റിൽ 46 തദ്ദേശ സ്ഥാപനങ്ങളിലും യൂസർ ഫീ കളക്ഷൻ 50% ത്തിൽ താഴെ ആയിരുന്ന സ്ഥാനത്താണ് ജില്ലയിൽ യൂസർ ഫീ കളക്ഷനിൽ 10 പഞ്ചായത്തായി ചുരുങ്ങിയത്. തദ്ദേശസ്വയം ഭരണ സ്ഥാപനങ്ങളിലെ ജനപ്രതിനിധികൾ, ഉദ്യോഗസ്ഥർ,ഹരിത കർമ്മ സേന പ്രവർത്തകർ, കുടുംബശ്രീ സന്നദ്ധ പ്രവർത്തകർ,മറ്റ് വിവിധ മേഖലകളിൽ പ്രവർത്തിക്കുന്ന ഫീൽഡ് ഉദ്യോഗസ്ഥർ എന്നിവരുടെ ഇടപെടലുകളും ജാഗ്രതയോടുള്ള പ്രവർത്തനവും കൊണ്ടാണ് ജില്ലക്ക് ചരിത്രനേട്ടം നേടാൻ സാധിച്ചത് എന്ന് തദ്ദേശസ്വയംഭരണ വകുപ്പ് ജില്ലാ ജോയിന്റ് ഡയറക്ടർ പി എസ് ഷിനോ അറിയിച്ചു. ഭാവിയിൽ എല്ലാ സ്ഥാപങ്ങളും കലക്ഷൻ 100% എത്തിച്ചു കോഴിക്കോട് ജില്ലയെ മാലിനിയ മുക്തമാക്കുന്നതിനു മുഴുവൻ പേരുടെയും സഹായസഹകരണം അദ്ദേഹം അഭ്യർത്ഥിച്ചു.

ഹരിത കർമ്മ സേന യൂസർ ഫീ കളക്ഷൻ; ജില്ലയിൽ കൂടുതൽ തദ്ദേശ സ്വയം ഭരണ സ്ഥാപനങ്ങളിൽ റെക്കോർഡ് കളക്ഷൻ

വടകര: അരൂർ പുളിയം വീട്ടിൽ ഷബ്ന ഭർതൃവീട്ടിൽ ആത്മഹത്യ ചെയ്ത സംഭവത്തിൽ ഭർതൃവീട്ടുകാരെ പ്രതിചേർത്ത് അന്വേഷണം ഊർജിതമാക്കണമെന്ന് കെ.കെ രമ എം.എൽ.എ. ആവശ്യപ്പെട്ടു. ഇക്കാര്യം റൂറൽ എസ്.പിയുമായി സംസാരിച്ചതായും എം.എൽ.എ പറഞ്ഞു. പുറത്തു വന്ന ദൃശ്യങ്ങളും മകളുടെയും ബന്ധുക്കളുടെയും മൊഴികളും ഭർതൃവീട്ടുകാരുടെ പങ്ക് തെളിയിക്കുന്നതാണ്. സി.സി.ടി.വി ദൃശ്യത്തിൽ ഷബ്നയെ മർദിക്കുന്ന അമ്മാവനെ മാത്രം പ്രതിയാക്കി കേസൊതുക്കാനുള്ള ശ്രമമാണെങ്കിൽ അനുവദിക്കാനാവില്ല. ഇത്രയേറെ തെളിവുകൾ വന്നിട്ടും വീട്ടുകാരെ ചോദ്യം ചെയ്യാൻ പോലും തയ്യാറാകാത്ത പൊലിസ് നടപടി അപലപനീയമാണ്. ഇക്കാര്യത്തിൽ സമഗ്രവും നീതിയുക്തവുമായ അന്വേഷണത്തിനായി എസ്.പിയോട് ആവശ്യപ്പെട്ടിട്ടുണ്ടെന്നും കെ.കെ രമ വ്യക്തമാക്കി.

ഷബ്നയുടെ മരണം; ഭർതൃവീട്ടുകാരെ പ്രതിചേർത്ത് അന്വേഷണം ഊർജിതമാക്കണം

വടകര: പേരാമ്പ്രയിൽ സമാപിച്ച കോഴിക്കോട് ജില്ലാ സ്കൂൾ കലോത്സവത്തിൽ യു പി, ഹൈസ്ക്കൂൾ, ഹയർസെക്കണ്ടറി ജനറൽ വിഭാഗത്തിൽ 297 പോയിന്റ് നേടി മേമുണ്ട ഹയർസെക്കണ്ടറി സ്കൂൾ ഓവറോൾ രണ്ടാം സ്ഥാനം നേടി. ജില്ലാ കലോത്സവത്തിൽ മികച്ച പ്രകടനം കാഴ്ചവച്ച് ജില്ലയിൽ രണ്ടാമതാകാൻ മേമുണ്ടക്ക് കഴിഞ്ഞു. ഹൈസ്ക്കൂൾ വിഭാഗത്തിൽ 145 പോയിന്റും, ഹയർസെക്കണ്ടറി വിഭാഗത്തിൽ 132 പോയിന്റും നേടി ജില്ലയിൽ രണ്ടാം സ്ഥാനത്തെത്താൻ മേമുണ്ട സ്കൂളിന് സാധിച്ചു. ഇതിൽ ചെറിയ പോയിന്റ് വ്യത്യാസത്തിനാണ് മേമുണ്ടക്ക് ഓവറോൾ ഒന്നാംസ്ഥാനം നഷ്ടപ്പെട്ടത്. ഹൈസ്ക്കൂൾ ഹയർസെക്കണ്ടറി വിഭാഗങ്ങളിലായി പത്ത് ഇനങ്ങളിൽ മേമുണ്ട സ്കൂൾ വിദ്യാർത്ഥികൾ ഒന്നാം സ്ഥാനം നേടി.&nbsp;
ഹൈസ്ക്കൂൾ വിഭാഗത്തിൽ ഭരതനാട്യം, മാപ്പിളപ്പാട്ട്, ഒപ്പന, ലളിതഗാനം, ഇംഗ്ലീഷ് പദ്യംചൊല്ലൽ, സംസ്കൃത ഗാനാലാപനം, അഷ്ടപതി, എന്നിവയും ഹയർസെക്കണ്ടറി വിഭാഗത്തിൽ വട്ടപ്പാട്ട്, പൂരക്കളി, മിമിക്രി എന്നിവയിലുമാണ് ഒന്നാം സ്ഥാനം ലഭിച്ചത്. ഹൈസ്ക്കൂൾ ഹയർസെക്കണ്ടറി വിഭാഗങ്ങളിലായി പതിമൂന്ന് ഇനങ്ങൾക്ക് രണ്ടാം സ്ഥാനം എ ഗ്രേഡും, എട്ട് ഇനങ്ങൾക്ക് മൂന്നാം സ്ഥാനം എ ഗ്രേഡും ലഭിച്ചു. ഒന്നാം സ്ഥാനം ലഭിച്ച പത്ത് ഇനങ്ങളിലായി മേമുണ്ടയിലെ 39 വിദ്യാർത്ഥികൾ കോഴിക്കോട് ജില്ലക്ക് വേണ്ടി കൊല്ലത്ത് വച്ച് നടക്കുന്ന സംസ്ഥാന സ്കൂൾ കലോത്സവത്തിൽ മാറ്റുരക്കും. മേമുണ്ടക്ക് വേണ്ടി മികച്ച വിജയം കരസ്ഥമാക്കിയ കലാപ്രതിഭകളെ പിടിഎ യും, മാനേജ്മെന്റും ചേർന്ന് അഭിനന്ദിച്ചു.

ജില്ലാ സ്കൂൾ കലോത്സവം; മേമുണ്ട ജില്ലയിൽ രണ്ടാമത്, കലാപ്രതിഭകൾക്ക് അനുമോദനം

വടകര: ലോക മനുഷ്യാവകാശ ദിനത്തിൽ മഹാത്മ പബ്ലിക് ലൈബ്രറി ചോമ്പാലയുടെ നേതൃത്വത്തിൽ മനുഷ്യാവകാശ പ്രതിജ്ഞയും ഊർന്നു പോവുന്ന മനുഷ്യാവകാശങ്ങൾ എന്ന വിഷയത്തിൽ സംവാദവും സംഘടിപ്പിച്ചു. ജയകുമാർ കെ പി മോഡറേറ്ററായി. നിജിൻലാൽ, അശോകൻ കെ, അഡ്വക്കറ്റ് ബിനിശ, രാജൻ പി പി, രവീന്ദ്രൻ, കെപി വിജയൻ, കെപി ഗോവിന്ദൻ തുടങ്ങിയവർ പങ്കെടുത്തു.

മനുഷ്യാവകാശ ദിനത്തിൽ പ്രതിജ്ഞയും സംവാദവും

വടകര: എക്സൈസ് ഇന്റലിജൻസ് ബ്യുറോ പ്രിവന്റീവ് ഓഫീസർ പ്രമോദ് പുളിക്കൂല്‍ നൽകിയ രഹസ്യ വിവരത്തിന്റെ അടിസ്ഥാനത്തിൽ വടകര എക്സൈസ് റെയിഞ്ച് പാർട്ടി ക്രിസ്മസ്- ന്യൂ ഇയർ സ്പെഷ്യൽ ഡ്രൈവിന്റെ ഭാഗമായി നടത്തിയ വാഹന പരിശോധനയ്ക്കിടെ ബസിൽ കടത്തുകയായിരുന്ന 30 ലിറ്റർ മാഹി വിദേശ മദ്യം പിടികൂടി. സംഭവത്തിൽ മലപ്പുറം ഏറനാട് പാണ്ടിക്കാട് സ്വദേശി ആമപാറക്കൽ വീട്ടിൽ ശരത് ലാലിനെ അറസ്റ്റ് ചെയ്തു.
പയ്യന്നൂരിൽ നിന്നും കോഴിക്കോട് പോകുകയായിരുന്നു കെ എൽ 13 എ എക്സ് 3400 കൃതിക ബസ്സിലാണ് മദ്യം കടത്തിയത്. വടകര എക്സൈസ് പ്രിവന്റീവ് ഓഫീസർ സുനിൽ കെയുടെ നേതൃത്വത്തിൽ പ്രിവന്റീവ് ഓഫീസർ സോമസുന്ദരൻ കെ എം, സിവിൽ എക്സൈസ് ഓഫീസർമാരായ അനിരുദ്ധ് പി കെ, വിനീത് എം പി, സിനീഷ് കെ, അരുൺ എം, ഡ്രൈവർ രാജൻ എന്നിവർ ചേർന്നാണ് പ്രതിയെ പിടികൂടിയത്.

ബസിൽ കടത്തുകയായിരുന്ന 30 ലിറ്റർ മാഹി വിദേശ മദ്യവുമായി യുവാവ് വടകരയിൽ പിടിയിൽ

വടകര: കുറ്റ്യാടി ഇറിഗേഷൻ കനാലുകളുടെ പുനരുദ്ധാരണ പ്രവൃത്തികൾക്കായി 16കോടി രൂപയുടെ അടിയന്തിര പ്രവൃത്തികൾക്ക് എസ്റ്റിമേറ്റ് ആയതായും ഇതിനു ഭരണാനുമതി നേടിയെടുക്കാൻ സർക്കാരിൽ സമ്മർദം ചെലുത്തുമെന്നും കെ.കെ രമ എം.എൽ.എ അറിയിച്ചു. കനാലുകളുടെ അവസ്ഥ നേരിൽ കണ്ടു മനസിലാക്കാൻ ഇറിഗേഷൻ ഉദ്യോഗസ്ഥരുടെയും ജനപ്രതിനിധികളുടെയും സംഘം എം.എൽ.എയുടെ നേതൃത്വത്തിൽ മണ്ഡലത്തിലൂടെ കടന്നുപോകുന്ന കനാലുകൾ സന്ദർശിച്ചതിനു ശേഷം മാധ്യമ പ്രവർത്തകരോട് സംസാരിക്കുകയായിരുന്നു അവർ. വലിയ ജലക്ഷാമം അനുഭവിക്കുന്ന സമയങ്ങളിൽ കൃഷിയിടങ്ങളിലും കിണറുകളിലും വെള്ളമെത്തിക്കാൻ കഴിയുംവിധം ഉൾനാടുകളിലൂടെ കടന്നുപോകുന്ന കനാലുകളിൽ പലതും ഇപ്പോൾ പൂർണ അർത്ഥത്തിൽ പ്രവർത്തന ക്ഷമമല്ല. കുറ്റ്യാടി ജലസേചന പദ്ധതിയുടെ ഭാഗമായ 17 കിലോമീറ്ററിൽ പരം നീളമുള്ള അഴിയൂർ ബ്രാഞ്ച് കനാലും അതിനോട് അനുബന്ധമായ എട്ടോളം ഡിസ്ട്രിബ്യുട്ടറി കനാലുകളുമാണ് സംഘം സന്ദർശിച്ചത്. ഇതിൽ കാർത്തികപ്പള്ളിയിലൂടെ കടന്നുപോകുന്ന ഡിസ്ട്രിബ്യുട്ടറി കനാൽ, ഒഞ്ചിയം പഞ്ചായത്തിലൂടെ കടന്നുപോകുന്ന അഴിയൂർ ബ്രാഞ്ച് കനാൽ എന്നിവയുടെ അക്വഡേറ്റുകൾ അപകടാവസ്ഥയിലാണ്. കാലപ്പഴക്കത്താലും ചോർച്ച കാരണവും സിമന്റുകട്ടകൾ അടർന്നുവീഴുന്ന സ്ഥിതിയാണ് നിലവിലുള്ളത്. ഇത് പരിഹരിക്കുന്നതിനാവശ്യമായ അടിയന്തിര നടപടികൾ സ്വീകരിക്കാൻ വകുപ്പുതല ഉദ്യോഗസ്ഥരോട് നിർദേശിച്ചതായും എം.എൽ.എ പറഞ്ഞു. ഏറാമലയിൽ ഡിസ്ട്രിബ്യൂട്ടറി കനാൽ ചോർച്ചകാരണം വെള്ളം തുറന്നുവിടാൻ പറ്റാത്ത അവസ്ഥയാണ്.&nbsp;
ഇതിന്റെ പുനർനിർമാണത്തിനായി 3 കോടി രൂപയുടെ പ്രത്യേക പദ്ധതി ഇറിഗേഷൻ വകുപ്പ് തയാറാക്കിയിട്ടുണ്ട്. ഇതിനുള്ള സർക്കാർ അംഗീകാരം നേടിയെടുക്കുന്നതിനുള്ള ഇടപെടലുകളും ഊർജിതമാക്കും. കുറിഞ്ഞാലിയോട് കാർത്തികപ്പള്ളി ഭാഗത്തു ഭൂമിയെചൊല്ലി തർക്കം നിലനിൽക്കുന്നതിനാൽ പരസ്പരം ബന്ധപ്പെടുത്താൻ കഴിയാതെ ജലവിതരണം മുടങ്ങി കിടക്കുന്ന കനാൽ പരസ്പരം ബന്ധിപ്പിക്കുന്നതിനുള്ള നടപടികൾ സ്വീകരിക്കുമെന്നും എം.എൽ.എ പറഞ്ഞു. അഴിയൂർ പഞ്ചായത്തിൽ വർഷങ്ങൾക്ക് മുൻപെ അക്വയർ ചെയ്ത രണ്ട് കിലോമീറ്റർ ദൂരം ഇപ്പോഴും കനാൽ നിർമാണം പൂർത്തിയായിട്ടില്ല. വൈകാതെ തന്നെ ഇവിടെ കനാൽ നിർമാണം ആരംഭിക്കേണ്ടതുണ്ട്. ഇതിനുള്ള നടപടികൾ ആരംഭിക്കാൻ ഉദ്യോഗസ്ഥർക്ക് നിർദേശം നൽകിയതായും എം.എൽ.എ പറഞ്ഞു. ഡിസംബർ അവസാനത്തോടെ മണ്ഡലത്തിലെ കനാൽ ശുചീകരണ പ്രവർത്തനങ്ങൾ ആരംഭിക്കും. മുഴുവൻ തദ്ദേശ സ്വയംഭരണ സ്ഥാപനങ്ങളുടെയും, ജനപ്രതിനിധികളുടെയും, സന്നദ്ധ സംഘടനകളുടെയും ജനകീയ പങ്കാളിത്തത്തോടെ ഇത്തരം ശുചീകരണ പ്രവൃത്തികൾ നടത്താൻ എല്ലാവരും തയാറാവണമെന്നും എം.എൽ.എ അഭ്യർത്ഥിച്ചു. കുറ്റ്യാടി ഇറിഗേഷൻ എക്‌സിക്യൂട്ടീവ് എഞ്ചിനീയർ യു.കെ ഗിരീഷ്‌കുമാർ, എക്‌സിക്യുട്ടീവ് എഞ്ചിനീയർ അരവിന്ദാക്ഷൻ എന്നിവരുടെ നേതൃത്വത്തിലുള്ള ഉദ്യോഗസ്ഥരും വിവിധ ജനപ്രതിനിധികളും എം.എൽ.എയ്ക്ക് ഒപ്പമുണ്ടായിരുന്നു.

വടകര മണ്ഡലത്തിലെ കുറ്റ്യാടി ഇറിഗേഷൻ കനാലുകളുടെ പുനരുദ്ധാരണം;16 കോടിയുടെ അടിയന്തിര പ്രവൃത്തികൾക്ക് എസ്റ്റിമേറ്റ് ആയതായി എം.എൽ.എ

ദോഹ: ഖത്തറിലെ മാപ്പിളപ്പാട്ട് വേദികളിലെ നിറസാന്നിധ്യമായിരുന്ന ഖാലിദ് വടകര (66) ദോഹയിൽ നിര്യാതനായി. വടകര സ്വദേശിയാണ് ഇദ്ദേഹം.
അസുഖബാധിതനായി ചികിത്സയിലിരിക്കെ ഹമദ് മെഡിക്കൽ കോർപറേഷൻ ആശുപത്രിയിലായിരുന്നു അന്ത്യം. സൂഖ് വാഖിഫിലെ കടയിൽ ജോലി ചെയ്ത് വരികയായിരുന്ന ഖാലിദ് കഴിഞ്ഞ 35 വർഷത്തിലേറെയായി ഖത്തറിലെ പ്രവാസി സംഗീതാസ്വാദകർക്കിടയിലെ സ്വീകാര്യനായ ഗായകനും സംഗീത സംവിധായകനുമായിരുന്നു.
പ്രവാസി മെഹ്ഫിൽ സദസ്സുകളിൽ തന്റെ മനോഹരമായ ശബ്ദവും ഹാർമോണിയം താളവുംകൊണ്ട് മേൽവിലാസം കുറിച്ച കലാകാരനായ ഖാലിദ്, ഇന്ത്യൻ കമ്മ്യൂണിറ്റി റിക്രിയേഷൻ സെൻറർ (ഐ.സി.ആർ.സി) വേദികളിലൂടെയാണ് ശ്രദ്ധേയനായത്. നിരവധി പ്രവാസി ഗാനരചയിതാക്കളുടെ വരികൾക്ക് സംഗീതവും നൽകി.ഉരുണിന്റവിട എടത്തിൽ ഉമ്മർകുട്ടിയുടെയും ഖദീജയുടെയും മകനാണ്. ഭാര്യ സീനത്ത്. മക്കൾ: ജസീല, ജസ്ന, ബായിസ്. മരുമകൻ: മുഹമ്മദ് ഷാഫി, പരേതനായ അനീസ്. ഖത്തർ കെ.എം.സി.സി അൽ ഇഹ്‌സാൻ മയ്യിത്ത് പരിപാലന കമ്മിറ്റി നേതൃത്വത്തിൽ നടപടികൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കും.

ഗായകൻ ഖാലിദ് വടകര ഖത്തറിൽ നിര്യാതനായി

Gulf

മ​നാ​മ: വ​ട​ക​ര സ്വ​ദേ​ശി അ​നൂ​പ് (42) ഹൃ​ദ​യാ​ഘാ​തം മൂ​ലം ബ​ഹ്റൈ​നി​ൽ നി​ര്യാ​ത​നാ​യി. നെ​ഞ്ചു​വേ​ദ​ന അ​നു​ഭ​വ​പ്പെ​ട്ട​തി​നെ​ത്തു​ട​ർ​ന്ന് സ്വ​ന്ത​മാ​യി കാ​റെ​ടു​ത്ത് അ​നൂ​പ് സ്വ​കാ​ര്യ ഹോ​സ്പി​റ്റ​ലി​ലേ​ക്ക് പോ​യി​രു​ന്നു. ടോ​ക്ക​ണെ​ടു​ത്ത് കാ​ത്തി​രി​ക്കു​ന്ന​തി​നി​ടെ​യാ​ണ് കു​ഴ​ഞ്ഞു​വീ​ഴു​ന്ന​ത്. പി​ന്നീ​ട് മ​ര​ണം സ്ഥി​രീ​ക​രി​ക്കു​ക‍യാ​യി​രു​ന്നു.
ഡ്രൈ​വ​റാ​യി ജോ​ലി ചെ​യ്യു​ക​യാ​യി​രു​ന്നു. പി​താ​വ്: നാ​ണു. മാ​താ​വ്: അം​ബി​ക. ഭാ​ര്യ: മ​നീ​ഷ. മ​ക്ക​ൾ: സൂ​ര്യ​ദേ​വ്, കാ​ർ​ത്തി​ക്. ബഹ്റൈൻ പ്രതിഭയുടെ നേതൃത്വത്തിൽ മൃതദേഹം നാട്ടിലെത്തിക്കും.

വ​ട​ക​ര സ്വ​ദേ​ശിയായ യുവാവ് ബ​ഹ്റൈ​നി​ൽ നി​ര്യാ​ത​നാ​യി

ദോഹ: കക്കട്ടിൽ കണ്ടോത്ത്കുനി തറവട്ടത്ത് അഷ്‌റഫ് (55) ഖത്തറിൽ നിര്യാതനായി. ഹമദ് മെഡിക്കൽ കോർപ്പറേഷൻ ആശുപത്രിയിൽ ചികിത്സയിലിരിക്കെയായിരുന്നു അന്ത്യം. ദോഹയിലെ റെസ്റ്റോറെന്റിൽ ജീവനക്കാരനായിരുന്നു.
പിതാവ്: കുഞ്ഞമ്മദ്. മാതാവ്: മറിയം. ഭാര്യ: ഷമീമ, മക്കൾ: ഡോ: തസ്ലിം, നഷാ നസ്റിൻ, നാജിയ അഷറഫ്. മരുമകൻ: അജ്മൽ. മയ്യത്ത് നമസ്കാരം വെള്ളിയാഴ്ച ജുമാ നമസ്കാരത്തിന് ശേഷം അബൂഹമൂർ പള്ളിയിൽ നടക്കുമെന്ന് ബന്ധുക്കൾ അറിയിച്ചു.നടപടി ക്രമങ്ങൾ പൂർത്തിയാക്കിയ ശേഷം മയ്യിത്ത് നാട്ടിലേക്ക്‌ കൊണ്ട് പോകുമെന്ന് കെ.എം.സി.സി ഖത്തർ അൽ ഇഹ്‌സാൻ മയ്യിത്ത് പരിപാലന കമ്മിറ്റി ഭാരവാഹികൾ അറിയിച്ചു

കക്കട്ടിൽ സ്വദേശി ഖത്തറിൽ നിര്യാതനായി

ഉ​മ്മു​ൽ ഖു​വൈ​ൻ: പേ​രാ​മ്പ്ര കൈ​ത​ക്ക​ൽ സ്വ​ദേ​ശി അ​ർ​ജു​ൻ ഉ​മ്മു​ൽ ഖു​വൈ​ൻ ബീ​ച്ചി​ൽ മ​ര​ണ​പ്പെ​ട്ടു. ഇ​ക്ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട് ഏ​ഴോ​ടെ​യാ​യി​രു​ന്നു സം​ഭ​വം. 32 വ​യ​സ്സാ​യി​രു​ന്നു. ഭാ​ര്യ​യും കൂ​ട്ടു​കാ​രു​മൊ​ന്നി​ച്ച് ബീ​ച്ചി​ൽ കു​ളി​ക്കാ​നി​റ​ങ്ങി​യ​പ്പോ​ൾ വെ​ള്ള​ത്തി​ൽ വീ​ഴു​ക​യാ​യി​രു​ന്നു.
ഭാ​ര്യ: ദ​ർ​ശ​ന. പേ​രാ​മ്പ്ര കൈ​ത​ക്ക​ൽ ക​ണി​യാ​ൻ​ക​ണ്ടി പ്രേ​മ​ൻ-​ഗീ​ത ദ​മ്പ​തി​ക​ളു​ടെ മ​ക​നാ​ണ്. ഏ​ക​സ​ഹോ​ദ​രി അ​ഞ്ജ​ന അ​യ​ർ​ല​ൻ​ഡി​ലാ​ണ്. ഉ​മ്മു​ൽ ഖു​വൈ​ൻ ഹോ​സ്പി​റ്റ​ൽ മോ​ർ​ച്ച​റി​യി​ലു​ള്ള മൃ​ത​ദേ​ഹം നാ​ട്ടി​ൽ കൊ​ണ്ടു​പോ​കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്ന​താ​യി ബ​ന്ധു​ക്ക​ൾ അ​റി​യി​ച്ചു.

ഉ​മ്മു​ൽ ഖു​വൈ​ൻ ബീ​ച്ചി​ൽ പേരാമ്പ്ര സ്വദേശിയായ യുവാവ് മുങ്ങിമരിച്ചു

യു.എ.ഇ : മലയാളി യുവതിയെ ദുബൈയിൽ താമസ സ്ഥലത്ത് തൂങ്ങി മരിച്ച നിലയിൽ കണ്ടെത്തി. വളയം സ്വദേശി ടി കെ ധന്യയാണ് മരിച്ചത്. അജ്മാനിലെ താമസ സ്ഥലത്താണ് ധന്യയെ മരിച്ച നിലയിൽ കണ്ടെത്തിയത്. ചൊവ്വാഴ്ചയായിരുന്നു സംഭവം.
ഭർത്താവ് വാണിമേൽ സ്വദേശി ഷാജിക്കും മകൾക്കും ഒപ്പമായിരുന്നു ദുബൈയിൽ താമസം. പിതാവ്: അശോകന്‍. മാതാവ്: രാധ. സഹോദരി: സൗമ്യ.

വളയം സ്വദേശിയായ യുവതിയെ അജ്മാനില്‍ തൂങ്ങി മരിച്ച നിലയിൽ കണ്ടെത്തി

സന: മലയാളി നഴ്‌സ് നിമിഷപ്രിയയുടെ വധശിക്ഷ നടപ്പാക്കാന്‍ യെമന്‍ പ്രസിഡന്റ് റഷാദ് അല്‍ അലീമിയുടെ അനുമതി. നിലവില്‍ യെമന്റെ തലസ്ഥാനമായ സനയിലെ ജയിലിലുള്ള നിമിഷപ്രിയയുടെ വധശിക്ഷ ഒരു മാസത്തിനകം നടപ്പാക്കിയേക്കും. കൊല്ലപ്പെട്ട യെമന്‍ പൗരന്‍ തലാല്‍ അബ്ദു മെഹ്ദിയുടെ കുടുംബമായും അദ്ദേഹമുള്‍പ്പെടുന്ന ഗോത്രത്തിന്റെ തലവന്‍മാരുമായും മാപ്പപേക്ഷയ്ക്കുള്ള ചര്‍ച്ചകള്‍ ഫലം കാണാതെ വന്നതോടെയാണ് ശിക്ഷ നടപ്പാക്കുന്നത്. ഒരു മാസത്തിനകം വധശിക്ഷ നടപ്പാക്കിയേക്കും. 2017 ജൂലൈയിലാണ് സംഭവം നടന്നത്. ഓഗസ്റ്റില്‍ നിമിഷ പ്രിയയെ പോലീസ് അറസ്റ്റും ചെയ്തു.
വധശിക്ഷ കാത്ത് കഴിയുന്ന നിമിഷ പ്രിയയെ കാണാന്‍ അമ്മ പ്രേമകുമാരി യെമനില്‍ പോയിരുന്നു. ഡല്‍ഹി ഹൈക്കോടതി അനുമതി നല്‍കിയതോടെയാണ് പ്രേമകുമാരി യെമനിലെത്തി മകളെ കണ്ടത്.വധശിക്ഷയ്‌ക്കെതിരാ നിമിഷ പ്രിയയുടെ അപ്പീല്‍ യെമന്‍ സുപ്രീം കോടതി തള്ളിയതിനെ തുടര്‍ന്ന് യമന്‍ പ്രസിഡന്റിന് ദയാഹര്‍ജി നല്‍കിയിരുന്നു. എന്നാല്‍ അതും തള്ളുകയായിരുന്നു. ദിയാധനം നല്‍കിയുള്ള ഒത്തുതീര്‍പ്പിന് നീക്കം നടത്തിയെങ്കിലും ഫലം കണ്ടില്ല.

നിമിഷപ്രിയയുടെ വധശിക്ഷ നടപ്പാക്കാന്‍ യെമന്‍ പ്രസിഡന്റ് അനുമതി നൽകി

മസ്‌കറ്റ്: ഹൃദയാഘാതത്തെ തുടർന്ന് മലയാളി യുവാവ് ഒമാനിലെ സലാലയിൽ മരിച്ചു. തലശേരി ചിരക്കര സ്വദേശി കാടൻ കണ്ടി മുഹമ്മദ് അജ്‌മൽ ആണ് മരിച്ചത്. 26 വയസായിരുന്നു. ഹസൻ ബിൻ താബിത് റസ്റ്ററന്റിലെ ജീവനക്കാരനായിരുന്നു അജ്‌മൽ.ചൊവ്വാഴ്‌ച ഉറങ്ങാൻ കിടന്ന അജ്‌മൽ ബുധനാഴ്‌ച ഉച്ചയായിട്ടും ജോലിക്കെത്താത്തതിനെ തുടർന്ന് നടത്തിയ അന്വേഷണത്തിലാണ് മരണവിവരം അറിയുന്നത്.
&nbsp;സുഹൃത്തുക്കൾ വന്ന് നോക്കിയപ്പോൾ ബെഡിൽ മരിച്ച നിലയിൽ കണ്ടെത്തുകയായിരുന്നു. ഉടൻതന്നെ ഇവർ റോയൽ ഒമാൻ പൊലീസിനെ വിവരമറിയിച്ചു. തുടർന്ന് പൊലീസെത്തി മൃതദേഹം ആശുപത്രിയിലേക്ക് മാറ്റി. മരണം സ്ഥിരീകരിച്ചതോടെ മറ്റ് നടപടികൾ സ്വീകരിച്ചു.പിതാവ് - പരേതനായ ഉമ്മർ പുത്തൻ പുരയ്‌ക്കൽ, മാതാവ് - ഷമീറ കാടൻ കണ്ടി. അവിവാഹിതനാണ്.

ഹൃദയാഘാതം ;തലശേരി സ്വദേശിയായ യുവാവ് ഒമാനിൽ മരിച്ചു

ദമാം: ആനമങ്ങാട് പാലോളിപ്പറമ്പ് സ്വദേശി സൗദി അറേബ്യയിലെ ദമാം വിമാനത്താവളത്തിലെ കെട്ടിടത്തില്‍നിന്ന് ചാടി മരിച്ചു. മാണിക്കത്തൊടി മുഹമ്മദ് ശിഹാബ് (39) ആണ് മരിച്ചത്. ഞായറാഴ്ചയായിരുന്നു സംഭവം.
ഉച്ചയോടെ നാട്ടിലേക്കുള്ള വിമാനത്തില്‍ അവധിക്ക് വരുന്നതിനായാണ് ശിഹാബ് വിമാനത്താവളത്തിലെത്തിയത്. എന്നാല്‍ എമിഗ്രേഷന്‍ വിഭാഗത്തിലെ പാസ്‌പോര്‍ട്ട് പരിശോധനയില്‍ സാങ്കേതിക പ്രശ്‌നത്തെത്തുടര്‍ന്ന് യാത്രചെയ്യാന്‍ സാധിക്കാത്ത സാഹചര്യമുണ്ടായി.ഇതിനു പിന്നാലെ വിമാനത്താവളത്തിലെ കെട്ടിടത്തില്‍നിന്ന് ചാടുകയായിരുന്നുവെന്നാണ് വിവരം 17 വര്‍ഷത്തോളമായി പ്രവാസിയായ ശിഹാബ് ഭാര്യയ്ക്കും മക്കള്‍ക്കുമൊപ്പം ദമാമിലായിരുന്നു താമസിച്ചിരുന്നത്. ബന്ധുവിന്റെ വിവാഹത്തില്‍ പങ്കെടുക്കാന്‍ കഴിഞ്ഞ മാസം 23-ന് നാട്ടില്‍ വന്നിരുന്നു. മൂന്നാഴ്ച മുന്‍പ് ശിഹാബ് മാത്രം മടങ്ങി.നിയമനടപടികള്‍ പൂര്‍ത്തിയാക്കിയശേഷം മൃതദേഹം നാട്ടിലെത്തിക്കും.

നാട്ടിലേക്കുള്ള യാത്ര മുടങ്ങി;യുവാവ് വിമാനത്താവളത്തിലെ കെട്ടിടത്തില്‍നിന്ന് ചാടിമരിച്ചു

ഖത്തർ: ദോഹയിൽ കഴിഞ്ഞ ദിവസമുണ്ടായ വാഹനാപകടത്തിൽ വടകര ചുഴലി സ്വദേശിയായ യുവാവ് മരിച്ചു.ചുഴലിയിലെ പുത്തൻ പുരയിൽ പ്രകാശൻ റീജ ദമ്പതികളുടെ മകൻ നവനീത്(21) ആണ് മരിച്ചത്.
ഞായറാഴ്ച വൈകീട്ട് മദീനാ ഖലീഫയിൽ നവനീത് ഓടിച്ചിരുന്ന കാർ സ്വദേശിയുടെ കാറുമായി കൂട്ടിയിടിച്ചാണ് അപകടമുണ്ടായത്. ദോഹയിൽ ഡ്രൈവറായി ജോലി ചെയ്യുകയായിരുന്നു. ഒരു വർഷം മുമ്പാണ് ഖത്തറിൽ എത്തിയത്. നടപടി ക്രമങ്ങൾ പൂർത്തിയാക്കി മൃതദേഹം നാട്ടിലേക്ക്‌ കൊണ്ട് പോകുമെന്ന് ഖത്തർ കെഎംസിസി അൽ ഇഹ്‌സാൻ മയ്യിത്ത് പരിപാലന കമ്മിറ്റി ഭാരവാഹികൾ അറിയിച്ചു.

ഖത്തറില്‍ വാഹനാപകടം; വളയം സ്വദേശിയായ യുവാവ്  മരിച്ചു

Search Results for: 12.06.2024